| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. ஸங்க³ஹஸுத்தவண்ணனா
2. Saṅgahasuttavaṇṇanā
32. து³தியே ஸங்க³ஹவத்தூ²னீதி ஸங்க³ண்ஹனகாரணானி. தா³னஞ்சாதிஆதீ³ஸு ஏகச்சோ ஹி தா³னேனேவ ஸங்க³ண்ஹிதப்³போ³ ஹோதி, தஸ்ஸ தா³னமேவ தா³தப்³ப³ங். பெய்யவஜ்ஜந்தி பியவசனங். ஏகச்சோ ஹி ‘‘அயங் தா³தப்³ப³ங் நாம தே³தி, ஏகேகேன பன வசனேன ஸப்³ப³ங் மக்கெ²த்வா நாஸேதி, கிங் தஸ்ஸ தா³ன’’ந்தி வத்தா ஹோதி. ஏகச்சோ ‘‘அயங் கிஞ்சாபி தா³னங் ந தே³தி, கதெ²ந்தோ பன தேலேன விய மக்கே²தி. ஏஸ தே³து வா மா வா, வசனமேவஸ்ஸ ஸஹஸ்ஸங் அக்³க⁴தீ’’தி வத்தா ஹோதி. ஏவரூபோ புக்³க³லோ தா³னங் ந பச்சாஸீஸதி, பியவசனமேவ பச்சாஸீஸதி. தஸ்ஸ பியவசனமேவ வத்தப்³ப³ங். அத்த²சரியாதி அத்த²வட்³ட⁴னகதா². ஏகச்சோ ஹி நேவ தா³னங், ந பியவசனங் பச்சாஸீஸதி, அத்தனோ ஹிதகத²ங் வட்³டி⁴கத²மேவ பச்சாஸீஸதி. ஏவரூபஸ்ஸ புக்³க³லஸ்ஸ ‘‘இத³ங் தே காதப்³ப³ங், இத³ங் ந காதப்³ப³ங், ஏவரூபோ புக்³க³லோ ஸேவிதப்³போ³, ஏவரூபோ ந ஸேவிதப்³போ³’’தி ஏவங் அத்த²சரியகதா²வ கதே²தப்³பா³. ஸமானத்ததாதி ஸமானஸுக²து³க்க²பா⁴வோ. ஏகச்சோ ஹி தா³னாதீ³ஸு ஏகம்பி ந பச்சாஸீஸதி , ஏகாஸனே நிஸஜ்ஜங், ஏகபல்லங்கே ஸயனங், ஏகதோ போ⁴ஜனந்தி ஏவங் ஸமானஸுக²து³க்க²தங் பச்சாஸீஸதி. ஸோ ஸசே க³ஹட்ட²ஸ்ஸ ஜாதியா பப்³ப³ஜிதஸ்ஸ ஸீலேன ஸதி³ஸோ ஹோதி, தஸ்ஸாயங் ஸமானத்ததா காதப்³பா³. தத்த² தத்த² யதா²ரஹந்தி தேஸு தேஸு த⁴ம்மேஸு யதா²னுச்ச²விகங் ஸமானத்ததாதி அத்தோ². ரத²ஸ்ஸாணீவ யாயதோதி யதா² ரத²ஸ்ஸ க³ச்ச²தோ ஆணி ஸங்க³ஹோ நாம ஹோதி, ஸா ரத²ங் ஸங்க³ண்ஹாதி, ஏவமிமே ஸங்க³ஹா லோகங் ஸங்க³ண்ஹந்தி. ந மாதா புத்தகாரணாதி யதி³ மாதா ஏதே ஸங்க³ஹே புத்தஸ்ஸ ந கரெய்ய, புத்தகாரணா மானங் வா பூஜங் வா ந லபெ⁴ய்ய. ஸங்க³ஹா ஏதேதி உபயோக³வசனே பச்சத்தங். ஸங்க³ஹே ஏதேதி வா பாடோ². ஸமவெக்க²ந்தீதி ஸம்மா பெக்க²ந்தி. பாஸங்ஸா ச ப⁴வந்தீதி பஸங்ஸனீயா ச ப⁴வந்தி.
32. Dutiye saṅgahavatthūnīti saṅgaṇhanakāraṇāni. Dānañcātiādīsu ekacco hi dāneneva saṅgaṇhitabbo hoti, tassa dānameva dātabbaṃ. Peyyavajjanti piyavacanaṃ. Ekacco hi ‘‘ayaṃ dātabbaṃ nāma deti, ekekena pana vacanena sabbaṃ makkhetvā nāseti, kiṃ tassa dāna’’nti vattā hoti. Ekacco ‘‘ayaṃ kiñcāpi dānaṃ na deti, kathento pana telena viya makkheti. Esa detu vā mā vā, vacanamevassa sahassaṃ agghatī’’ti vattā hoti. Evarūpo puggalo dānaṃ na paccāsīsati, piyavacanameva paccāsīsati. Tassa piyavacanameva vattabbaṃ. Atthacariyāti atthavaḍḍhanakathā. Ekacco hi neva dānaṃ, na piyavacanaṃ paccāsīsati, attano hitakathaṃ vaḍḍhikathameva paccāsīsati. Evarūpassa puggalassa ‘‘idaṃ te kātabbaṃ, idaṃ na kātabbaṃ, evarūpo puggalo sevitabbo, evarūpo na sevitabbo’’ti evaṃ atthacariyakathāva kathetabbā. Samānattatāti samānasukhadukkhabhāvo. Ekacco hi dānādīsu ekampi na paccāsīsati , ekāsane nisajjaṃ, ekapallaṅke sayanaṃ, ekato bhojananti evaṃ samānasukhadukkhataṃ paccāsīsati. So sace gahaṭṭhassa jātiyā pabbajitassa sīlena sadiso hoti, tassāyaṃ samānattatā kātabbā. Tattha tattha yathārahanti tesu tesu dhammesu yathānucchavikaṃ samānattatāti attho. Rathassāṇīva yāyatoti yathā rathassa gacchato āṇi saṅgaho nāma hoti, sā rathaṃ saṅgaṇhāti, evamime saṅgahā lokaṃ saṅgaṇhanti. Na mātā puttakāraṇāti yadi mātā ete saṅgahe puttassa na kareyya, puttakāraṇā mānaṃ vā pūjaṃ vā na labheyya. Saṅgahāeteti upayogavacane paccattaṃ. Saṅgahe eteti vā pāṭho. Samavekkhantīti sammā pekkhanti. Pāsaṃsā ca bhavantīti pasaṃsanīyā ca bhavanti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. ஸங்க³ஹஸுத்தங் • 2. Saṅgahasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2. ஸங்க³ஹஸுத்தவண்ணனா • 2. Saṅgahasuttavaṇṇanā
