| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
1. сан̇г̇ахаваараван̣н̣анаа
1. Saṅgahavāravaṇṇanā
яанд̇и анияамад̇т̇о саб̣б̣анаамасад̣̇д̣̇о гаммасаад̇ханавасзна вуд̇д̇о. ад̇т̇ааваб̣од̇ханад̇т̇о сад̣̇д̣̇аббаяог̇о ад̇т̇абараад̇хийно гзвало ад̇т̇абад̣̇ад̇т̇аго , со бад̣̇ад̇т̇авибариязсагааринаа ид̇и-сад̣̇д̣̇зна барабхууд̇зна сад̣̇д̣̇абад̣̇ад̇т̇аго ж̇ааяад̇ийд̇и ааха ‘‘яанд̇и анияамад̇о убаяог̇анид̣̇д̣̇зсо’’д̇и. логод̇и гад̇д̇унид̣̇д̣̇зсод̇иаад̣̇ийсуби зсзва наяо.
Yanti aniyamattho sabbanāmasaddo kammasādhanavasena vutto. Atthāvabodhanattho saddappayogo atthaparādhīno kevalo atthapadatthako , so padatthavipariyesakārinā iti-saddena parabhūtena saddapadatthako jāyatīti āha ‘‘yanti aniyamato upayoganiddeso’’ti. Lokoti kattuniddesotiādīsupi eseva nayo.
звам̣ ‘‘яа’’нд̇иаад̣̇ийнам̣ г̇аат̇аабад̣̇аанам̣ гаммагад̇д̇угирияаагад̇д̇увисзсанаад̣̇ид̣̇ассанавасзна ад̇т̇ам̣ вад̇ваа ид̣̇аани аваяаваж̇од̇анавасзна бад̣̇ад̇т̇ам̣ д̣̇ассзд̇ум̣ ‘‘логияанд̇и зд̇т̇аа’’д̇иаад̣̇имааха. логасад̣̇д̣̇о ид̇ха саамад̇т̇ияад̇о сад̇д̇алогаважано д̣̇адтаб̣б̣о. д̇знааха ‘‘бууж̇анагирияааяог̇яабхууд̇ад̇аавасзнаа’’д̇и. саасананд̇арад̇хаанад̇о барам̣ бууж̇анаа ан̃н̃аб̣уд̣̇д̇хуббаад̣̇зна взд̣̇ид̇аб̣б̣аа, яат̇зд̇арахи вибассийаад̣̇исаммаасамб̣уд̣̇д̇хаанам̣. ‘‘д̣̇ийбан̇гаро’’д̇иаад̣̇инаа яад̣̇иби б̣уд̣̇д̇хавам̣сад̣̇зсанааяам̣ (б̣у. вам̣. 2.75) бхаг̇авад̇аава вуд̇д̇ам̣, сумзд̇хабан̣д̣ид̇ад̇д̇абхаавзна бана бавад̇д̇им̣ санд̇хааяа вуд̇д̇анд̇и ааха ‘‘яат̇ааха бхаг̇аваа сумзд̇хабхууд̇о’’д̇и.
Evaṃ ‘‘ya’’ntiādīnaṃ gāthāpadānaṃ kammakattukiriyākattuvisesanādidassanavasena atthaṃ vatvā idāni avayavajotanavasena padatthaṃ dassetuṃ ‘‘lokiyanti etthā’’tiādimāha. Lokasaddo idha sāmatthiyato sattalokavacano daṭṭhabbo. Tenāha ‘‘pūjanakiriyāyogyabhūtatāvasenā’’ti. Sāsanantaradhānato paraṃ pūjanā aññabuddhuppādena veditabbā, yathetarahi vipassīādisammāsambuddhānaṃ. ‘‘Dīpaṅkaro’’tiādinā yadipi buddhavaṃsadesanāyaṃ (bu. vaṃ. 2.75) bhagavatāva vuttaṃ, sumedhapaṇḍitattabhāvena pana pavattiṃ sandhāya vuttanti āha ‘‘yathāha bhagavā sumedhabhūto’’ti.
барин̃н̃ааггамзнаад̇и н̃аад̇абарин̃н̃аад̣̇ибадибаадияаа. лагкан̣ааваб̣од̇хаббадибад̇д̇ияаад̇и вибассанааяа. д̇зна вуд̇д̇ам̣ ‘‘сун̃н̃ад̇амукаад̣̇ийхий’’д̇и. д̇ат̇аа жа вуд̇д̇анд̇и вин̃н̃уухи взд̣̇анийяад̇ааяа зва саасанаварасса вуд̇д̇ам̣ бхаг̇авад̇аа –
Pariññākkamenāti ñātapariññādipaṭipāṭiyā. Lakkhaṇāvabodhappaṭipattiyāti vipassanāya. Tena vuttaṃ ‘‘suññatamukhādīhī’’ti. Tathā ca vuttanti viññūhi vedanīyatāya eva sāsanavarassa vuttaṃ bhagavatā –
‘‘зд̇у вин̃н̃уу бурисо асато амааяаавий уж̇уж̇аад̇иго, ахаманусаасаами, ахам̣ д̇хаммам̣ д̣̇зсзми, яат̇аанусидтам̣ д̇ат̇аа бадибаж̇ж̇амаано на жирассзва сааман̃н̃зва уссад̇и, саамам̣ д̣̇агкид̇ий’’д̇иаад̣̇и (ма. ни. 2.281).
‘‘Etu viññū puriso asaṭho amāyāvī ujujātiko, ahamanusāsāmi, ahaṃ dhammaṃ desemi, yathānusiṭṭhaṃ tathā paṭipajjamāno na cirasseva sāmaññeva ussati, sāmaṃ dakkhitī’’tiādi (ma. ni. 2.281).
яам̣-сад̣̇д̣̇о саасанависаяо, логабааласад̣̇д̣̇о сад̇т̇увисаяоби логам̣ бад̇и г̇ун̣ийбхууд̇од̇и ‘‘д̇ассаа’’д̇и бадинид̣̇д̣̇зсасса гат̇ам̣ сад̇т̇увисаяад̇аад̇и жод̣̇анам̣ манасигад̇ваа ааха ‘‘салогабаалод̇и жзд̇т̇аа’’д̇иаад̣̇и, г̇ун̣ийбхууд̇оби логабааласад̣̇д̣̇о бад̇хаанабхууд̇о вияа бадинид̣̇д̣̇зсам̣ арахад̇и. ан̃н̃о хи сад̣̇д̣̇аггамо, ан̃н̃о ад̇т̇аггамод̇и.
Yaṃ-saddo sāsanavisayo, lokapālasaddo satthuvisayopi lokaṃ pati guṇībhūtoti ‘‘tassā’’ti paṭiniddesassa kathaṃ satthuvisayatāti codanaṃ manasikatvā āha ‘‘salokapāloti cetthā’’tiādi, guṇībhūtopi lokapālasaddo padhānabhūto viya paṭiniddesaṃ arahati. Añño hi saddakkamo, añño atthakkamoti.
д̇хаммаг̇ааравзна бхаг̇аваа д̇хаммам̣ бууж̇знд̇о взнзяяаб̣анд̇хавз ажинд̇зд̇ваа самаабад̇д̇исамаабаж̇ж̇анад̇хаммабажжавзгкан̣аахи сад̇д̇асад̇д̇аахам̣ вийд̇инаамзсийд̇и ааха ‘‘бхаг̇авад̇о…бз… д̣̇ийбзд̇аб̣б̣аа’’д̇и. д̇ад̇т̇а аад̣̇исад̣̇д̣̇зна саавагзхи д̇хаммассаванасса, д̇зсам̣ бажжуг̇г̇аманаад̣̇ийнан̃жа сан̇г̇ахо взд̣̇ид̇аб̣б̣о.
Dhammagāravena bhagavā dhammaṃ pūjento veneyyabandhave acintetvā samāpattisamāpajjanadhammapaccavekkhaṇāhi sattasattāhaṃ vītināmesīti āha ‘‘bhagavato…pe… dīpetabbā’’ti. Tattha ādisaddena sāvakehi dhammassavanassa, tesaṃ paccuggamanādīnañca saṅgaho veditabbo.
ижжассаад̇и ид̇и асса, звам̣ бхаг̇авад̇о авибарийд̇аананд̇арааяиганияяаанигад̇хаммад̣̇зсанааяа саб̣б̣ан̃н̃уд̇аанааваран̣абхаавад̣̇ийбанзнаад̇и ад̇т̇о. д̇знаад̇и жад̇увзсаараж̇ж̇аяог̇зна. д̇ад̣̇авинаабхаавинаа д̣̇асаб̣ала…бз… багаасид̇аа ход̇и. аавзн̣игаб̣уд̣̇д̇хад̇хаммаад̣̇ийд̇и зд̇т̇а аад̣̇исад̣̇д̣̇зна д̇ийсу гаалзсу аббадихад̇ан̃аан̣аани, жад̇усажжан̃аан̣аани, жад̇убадисамбхид̣̇аан̃аан̣аани, бан̃жаг̇ад̇ибарижчзд̣̇аган̃аан̣аани, ча абхин̃н̃аан̃аан̣аани, сад̇д̇а арияад̇ханаани, сад̇д̇а б̣ож̇жхан̇г̇аа, адта виж̇ж̇аа, адтасу барисаасу агамбанан̃аан̣аани, адта вимогкаа, нава самаад̇хижарияаа, нава анубуб̣б̣авихаараа, д̣̇аса наат̇агаран̣аа д̇хаммаа, д̣̇аса арияаваасаа, д̣̇ваад̣̇аса д̇хаммажаггаагаараа, д̇зраса д̇худ̇ад̇хаммаа, жуд̣̇д̣̇аса б̣уд̣̇д̇хан̃аан̣аани, баннараса жаран̣ад̇хаммаа, сол̣аса н̃аан̣ажарияаа, сол̣аса аанаабаанассад̇ий, згуунавийсад̇и бажжавзгкан̣ан̃аан̣аани, жад̇увийсад̇и бажжаяавибхааванан̃аан̣аани, жад̇ужад̇д̇аарийса н̃аан̣авад̇т̇ууни, сад̇д̇асад̇д̇ад̇и н̃аан̣авад̇т̇ууни, жад̇увийсад̇игодисад̇асахассасамаабад̇д̇исан̃жааримахааваж̇иран̃аан̣ам̣, ананд̇анаяасаманд̇абадтаанабавижаяад̣̇зсанаагаараббавад̇д̇ан̃аан̣аани жаад̇и звамаад̣̇ийнам̣ бхаг̇авад̇о г̇ун̣ависзсаанам̣ сан̇г̇ахо д̣̇адтаб̣б̣о.
Iccassāti iti assa, evaṃ bhagavato aviparītaanantarāyikaniyyānikadhammadesanāya sabbaññutānāvaraṇabhāvadīpanenāti attho. Tenāti catuvesārajjayogena. Tadavinābhāvinā dasabala…pe… pakāsitā hoti. Āveṇikabuddhadhammādīti ettha ādisaddena tīsu kālesu appaṭihatañāṇāni, catusaccañāṇāni, catupaṭisambhidāñāṇāni, pañcagatiparicchedakañāṇāni, cha abhiññāñāṇāni, satta ariyadhanāni, satta bojjhaṅgā, aṭṭha vijjā, aṭṭhasu parisāsu akampanañāṇāni, aṭṭha vimokkhā, nava samādhicariyā, nava anupubbavihārā, dasa nāthakaraṇā dhammā, dasa ariyavāsā, dvādasa dhammacakkākārā, terasa dhutadhammā, cuddasa buddhañāṇāni, pannarasa caraṇadhammā, soḷasa ñāṇacariyā, soḷasa ānāpānassatī, ekūnavīsati paccavekkhaṇañāṇāni, catuvīsati paccayavibhāvanañāṇāni, catucattārīsa ñāṇavatthūni, sattasattati ñāṇavatthūni, catuvīsatikoṭisatasahassasamāpattisañcārimahāvajirañāṇaṃ, anantanayasamantapaṭṭhānapavicayadesanākārappavattañāṇāni cāti evamādīnaṃ bhagavato guṇavisesānaṃ saṅgaho daṭṭhabbo.
абаро наяо – г̇ун̣ависидтад̇ам̣ д̣̇ийбзд̇и, саа жа г̇ун̣ависидтад̇аа махаагарун̣аамахаабан̃н̃аахи взд̣̇ид̇аб̣б̣аа д̇аахи сад̇т̇усамбад̇д̇исид̣̇д̇хид̇о. д̇ад̇т̇а махаагарун̣ааяа бавад̇д̇ибхзд̣̇о ‘‘б̣ахугзхи аагаарзхи бассанд̇аанам̣ б̣уд̣̇д̇хаанам̣ бхаг̇аванд̇аанам̣ сад̇д̇зсу махаагарун̣аа оггамад̇ий’’д̇иаад̣̇инаа бадисамбхид̣̇аамаг̇г̇з (бади. ма. 1.117) вуд̇д̇анаязна взд̣̇ид̇аб̣б̣о. махаабан̃н̃ааяа бана бавад̇д̇ибхзд̣̇о вуд̇д̇о зва. д̇ад̇т̇а гарун̣ааяа бхаг̇авад̇о жаран̣асамбад̇д̇и, бан̃н̃ааяа виж̇ж̇аасамбад̇д̇и. гарун̣ааяа сад̇д̇аад̇хибад̇ид̇аа, бан̃н̃ааяа д̇хаммаад̇хибад̇ид̇аа. гарун̣ааяа логанаат̇ад̇аа, бан̃н̃ааяа ад̇д̇анаат̇ад̇аа. гарун̣ааяа буб̣б̣агаарид̇аа, бан̃н̃ааяа гад̇ан̃н̃уд̇аа. гарун̣ааяа абаранд̇абад̇аа, бан̃н̃ааяа анад̇д̇анд̇абад̇аа. гарун̣ааяа б̣уд̣̇д̇хагарад̇хаммасид̣̇д̇хи, бан̃н̃ааяа б̣уд̣̇д̇хабхаавасид̣̇д̇хи. гарун̣ааяа барзсам̣ д̇ааран̣ам̣, бан̃н̃ааяа саяам̣ д̇ааран̣ам̣. гарун̣ааяа саб̣б̣асад̇д̇зсу ануг̇г̇ахажид̇д̇ад̇аа, бан̃н̃ааяа саб̣б̣ад̇хаммзсу вирад̇д̇ажид̇д̇ад̇аа багаасид̇аа ход̇ийд̇и анавасзсад̇о барахид̇абадибад̇д̇ияаа, ад̇д̇ахид̇асамбад̇д̇ияаа жа баарибуурий взд̣̇ид̇аб̣б̣аа. д̇ийсуби авад̇т̇аасууд̇и хзд̇упаласад̇д̇уубагаараавад̇т̇аасу.
Aparo nayo – guṇavisiṭṭhataṃ dīpeti, sā ca guṇavisiṭṭhatā mahākaruṇāmahāpaññāhi veditabbā tāhi satthusampattisiddhito. Tattha mahākaruṇāya pavattibhedo ‘‘bahukehi ākārehi passantānaṃ buddhānaṃ bhagavantānaṃ sattesu mahākaruṇā okkamatī’’tiādinā paṭisambhidāmagge (paṭi. ma. 1.117) vuttanayena veditabbo. Mahāpaññāya pana pavattibhedo vutto eva. Tattha karuṇāya bhagavato caraṇasampatti, paññāya vijjāsampatti. Karuṇāya sattādhipatitā, paññāya dhammādhipatitā. Karuṇāya lokanāthatā, paññāya attanāthatā. Karuṇāya pubbakāritā, paññāya kataññutā. Karuṇāya aparantapatā, paññāya anattantapatā. Karuṇāya buddhakaradhammasiddhi, paññāya buddhabhāvasiddhi. Karuṇāya paresaṃ tāraṇaṃ, paññāya sayaṃ tāraṇaṃ. Karuṇāya sabbasattesu anuggahacittatā, paññāya sabbadhammesu virattacittatā pakāsitā hotīti anavasesato parahitapaṭipattiyā, attahitasampattiyā ca pāripūrī veditabbā. Tīsupi avatthāsūti hetuphalasattūpakārāvatthāsu.
абхисамаяо бадивзд̇хасаасанасса, манасигаран̣ам̣ бадибад̇д̇исаасанасса, саванаад̣̇ийхи барижаяагаран̣ам̣ барияад̇д̇исаасанассаад̇и д̇ин̣н̣амби васзна яож̇зд̇аб̣б̣о. д̇знааха ‘‘яат̇аараха’’нд̇и. ‘‘саггажжам̣ д̇хаммад̣̇зсанзнаа’’д̇и иминаа ид̇ха ‘‘саасана’’нд̇и вуд̇д̇асса д̇ивид̇хассааби сад̣̇д̇хаммасса ависзсзна д̣̇зсанаабууж̇ам̣ вад̇ваа т̇оманаабууж̇анасса васзна д̇ам̣ вибхаж̇ид̇ваа д̣̇ассзнд̇о ‘‘арияам̣, во бхигкавз’’д̇иаад̣̇имааха. д̇ад̇т̇а ‘‘т̇оманзнаа’’д̇и бад̣̇знааби ‘‘саггажжа’’нд̇и бад̣̇ам̣ яож̇зд̇аб̣б̣ам̣. бууж̇анаад̣̇ваяассааби ваа васзна ид̇хааби бад̣̇аяож̇анаа взд̣̇ид̇аб̣б̣аа. арияабхааваад̣̇аяод̇и арияасздтааг̇г̇абхааваад̣̇аяо. нияяаанаад̣̇аяод̇и нияяаанахзд̇уд̣̇ассанаад̣̇аяо. сваагкаад̇ад̇аад̣̇аяод̇и сваагкаад̇асанд̣̇идтигад̇аад̣̇аяо.
Abhisamayo paṭivedhasāsanassa, manasikaraṇaṃ paṭipattisāsanassa, savanādīhi paricayakaraṇaṃ pariyattisāsanassāti tiṇṇampi vasena yojetabbo. Tenāha ‘‘yathāraha’’nti. ‘‘Sakkaccaṃ dhammadesanenā’’ti iminā idha ‘‘sāsana’’nti vuttassa tividhassāpi saddhammassa avisesena desanāpūjaṃ vatvā thomanāpūjanassa vasena taṃ vibhajitvā dassento ‘‘ariyaṃ, vo bhikkhave’’tiādimāha. Tattha ‘‘thomanenā’’ti padenāpi ‘‘sakkacca’’nti padaṃ yojetabbaṃ. Pūjanādvayassāpi vā vasena idhāpi padayojanā veditabbā. Ariyabhāvādayoti ariyaseṭṭhaaggabhāvādayo. Niyyānādayoti niyyānahetudassanādayo. Svākkhātatādayoti svākkhātasandiṭṭhikatādayo.
ид̣̇аани арияасан̇гхаг̇ун̣аанамби имааяа г̇аат̇ааяа багаасид̇абхаавам̣ д̣̇ассзд̇ум̣ ‘‘яасмаа банаа’’д̇иаад̣̇и вуд̇д̇ам̣. б̣ааляаад̣̇исамад̇иггаманад̇од̇и б̣аалааб̣яад̇д̇абхааваад̣̇исамад̇иггаманад̇о.
Idāni ariyasaṅghaguṇānampi imāya gāthāya pakāsitabhāvaṃ dassetuṃ ‘‘yasmā panā’’tiādi vuttaṃ. Bālyādisamatikkamanatoti bālaabyattabhāvādisamatikkamanato.
н̃аан̣ависзсо суд̇ажинд̇аабхааванаамаяан̃аан̣аани. сод̇аб̣б̣аманасигаад̇аб̣б̣абадивиж̇жхид̇аб̣б̣аавад̇т̇аа авад̇т̇аабхзд̣̇о. убхаяанд̇и б̣яан̃ж̇анабад̣̇ам̣, ад̇т̇абад̣̇ан̃жа. убхаяат̇аад̇и гаран̣агаммасаад̇ханавасзна бажжзгам̣ яож̇зд̇аб̣б̣ам̣. бадибаж̇ж̇ид̇аб̣б̣ад̇д̇аад̇и н̃аад̇аб̣б̣ад̇д̇аа.
Ñāṇaviseso sutacintābhāvanāmayañāṇāni. Sotabbamanasikātabbapaṭivijjhitabbāvatthā avatthābhedo. Ubhayanti byañjanapadaṃ, atthapadañca. Ubhayathāti karaṇakammasādhanavasena paccekaṃ yojetabbaṃ. Paṭipajjitabbattāti ñātabbattā.
‘‘аяан̃жа г̇аат̇аа’’д̇иаад̣̇и гзсан̃жи ваад̣̇о. д̇ат̇аа хи абарз ‘‘т̇зрзнзвааяам̣ г̇аат̇аа бхаасид̇аа’’д̇и вад̣̇анд̇и. ад̇д̇уубанааяигааби хи гад̣̇аажи д̇хаммад̣̇зсанаа ход̇и зва яат̇аа ‘‘д̣̇асаб̣аласаманнааг̇ад̇о , бхигкавз, д̇ат̇ааг̇ад̇о жад̇увзсаараж̇ж̇ависаарад̣̇о’’д̇иаад̣̇и (сам̣. ни. 2.21-22). зван̃жа гад̇ваа ‘‘гад̇амз сол̣аса хаараа’’д̇иаад̣̇иважанам̣ самад̇т̇ид̇ам̣ ход̇и.
‘‘Ayañca gāthā’’tiādi kesañci vādo. Tathā hi apare ‘‘therenevāyaṃ gāthā bhāsitā’’ti vadanti. Attūpanāyikāpi hi kadāci dhammadesanā hoti eva yathā ‘‘dasabalasamannāgato , bhikkhave, tathāgato catuvesārajjavisārado’’tiādi (saṃ. ni. 2.21-22). Evañca katvā ‘‘katame soḷasa hārā’’tiādivacanaṃ samatthitaṃ hoti.
яат̇аавуд̇д̇аад̇т̇амукзнзваад̇и муулабад̣̇асан̇каад̇аад̇т̇уд̣̇д̇хаарзнзва. барад̇о ааг̇амиссад̇ийд̇и нид̣̇д̣̇зсаваарасса барияосаанз ааг̇амиссад̇и ‘‘д̇ийн̣и жа наяаа ануунаа’’д̇иаад̣̇инаа (нзд̇д̇и. 4 д̣̇ваад̣̇асабад̣̇а).
Yathāvuttaatthamukhenevāti mūlapadasaṅkhātaatthuddhāreneva. Parato āgamissatīti niddesavārassa pariyosāne āgamissati ‘‘tīṇi ca nayā anūnā’’tiādinā (netti. 4 dvādasapada).
вужжад̇ийд̇и гад̇д̇ари гамманид̣̇д̣̇зсод̇и ааха ‘‘вад̣̇ад̇ий’’д̇и. ат̇а ваа вужжад̇ийд̇и гаммагад̇д̇унид̣̇д̣̇зсояам̣. аяан̃хзд̇т̇а ад̇т̇о – хаараа, наяаа жаад̇и убхаяам̣ бариг̇г̇ахид̇ам̣ сам̣ван̣н̣агзна саб̣б̣ат̇аа г̇ахид̇ан̃жз, вужжад̇и суд̇д̇ам̣, саяамзва суд̇д̇ам̣ сам̣ван̣н̣зд̇ийд̇и , зд̇зна хааранаязсу васийбхаавзна суд̇д̇асам̣ван̣н̣анааяа сугарад̇ам̣ д̣̇ассзд̇и.
Vuccatīti kattari kammaniddesoti āha ‘‘vadatī’’ti. Atha vā vuccatīti kammakattuniddesoyaṃ. Ayañhettha attho – hārā, nayā cāti ubhayaṃ pariggahitaṃ saṃvaṇṇakena sabbathā gahitañce, vuccati suttaṃ, sayameva suttaṃ saṃvaṇṇetīti , etena hāranayesu vasībhāvena suttasaṃvaṇṇanāya sukarataṃ dasseti.
багааранд̇арзнаад̇и буб̣б̣з ‘‘саасана’’нд̇и вуд̇д̇амад̇т̇ам̣ ‘‘д̣̇зсанаа, д̣̇зсид̇а’’нд̇и д̇ад̇о ан̃н̃зна багаарзна. нияамзд̇ваад̇и д̇асса зганд̇ад̇о вин̃н̃зяяад̇ам̣ авад̇хаарзд̇ваа. вин̃н̃зяяад̇аа висидтзсу д̣̇зсанаад̣̇зсид̇зсу вин̃н̃зяяабад̣̇з лаб̣бхамаанаа виж̇аананагирияаа.
Pakārantarenāti pubbe ‘‘sāsana’’nti vuttamatthaṃ ‘‘desanā, desita’’nti tato aññena pakārena. Niyametvāti tassa ekantato viññeyyataṃ avadhāretvā. Viññeyyatā visiṭṭhesu desanādesitesu viññeyyapade labbhamānā vijānanakiriyā.
д̣̇зсанаад̣̇зсид̇аани жа яаавад̣̇зва виж̇аананад̇т̇аанийд̇и виж̇аананам̣ бад̇хаананд̇и д̇амзва нид̣̇д̇хаарзнд̇о ‘‘д̇ад̇раад̇и д̇асмим̣ виж̇аананз’’д̇и ааха.
Desanādesitāni ca yāvadeva vijānanatthānīti vijānanaṃ padhānanti tameva niddhārento ‘‘tatrāti tasmiṃ vijānane’’ti āha.
зд̇т̇аахаад̇и наван̇г̇асаасананававид̇хасуд̇д̇анд̇аад̇и зд̇асмим̣ ад̇т̇аважанз ааха жод̣̇аго. д̇ассааяам̣ ад̇хиббааяо – навахи ан̇г̇зхи вавад̇т̇ид̇зхи ан̃н̃аман̃н̃асан̇гарарахид̇зхи бхавид̇аб̣б̣ам̣, д̇ат̇аа жа сад̇и асуд̇д̇асабхааваанзва г̇зяяан̇г̇аад̣̇ийнийд̇и нававид̇хасуд̇д̇анд̇аважанам̣ вируж̇жхзяяа. ат̇а суд̇д̇асабхааваани г̇зяяан̇г̇аад̣̇ийни, звам̣ сад̇и ‘‘суд̇д̇а’’нд̇и висум̣ суд̇д̇ан̇г̇ам̣ на сияаа, звам̣ санд̇з адтан̇г̇асаасанам̣ аабаж̇ж̇ад̇ийд̇и. д̇знааха ‘‘гат̇ам̣ банаа’’д̇иаад̣̇и. г̇зяяан̇г̇аад̣̇ийсу гад̇ибаяаанамби суд̇д̇абхаавз яат̇аавуд̇д̇ад̣̇осаанад̇ивад̇д̇и, баг̇зва саб̣б̣зсанд̇и д̣̇ассзд̇и ‘‘яан̃жаа’’д̇иаад̣̇инаа. сан̇г̇ахзсууд̇и адтагат̇аасу. бораан̣адтагат̇аанан̃хи сан̇кзбабхууд̇аа ид̣̇аани адтагат̇аа ‘‘сан̇г̇ахаа’’д̇и вуд̇д̇аа. суд̇д̇ам̣ наама саг̇аат̇агам̣ ваа сияаа, ниг̇г̇аат̇агам̣ ваад̇и ан̇г̇ад̣̇ваязнзва д̇ад̣̇убхаяан̇г̇ам̣ гад̇анд̇и висум̣ суд̇д̇ан̇г̇асса асамбхаво д̇ад̣̇убхаяавинимуд̇д̇асса суд̇д̇асса абхаавад̇о. д̇зна вуд̇д̇ам̣ ‘‘суд̇д̇ан̇г̇амзва на сияаа’’д̇и. ат̇ааби гат̇ан̃жи. сияаад̇и вагкамаанам̣ сааман̃н̃авид̇хим̣ санд̇хааяааха. звамби аяам̣ д̣̇осод̇и д̣̇ассзнд̇о ‘‘ман̇г̇аласуд̇д̇аад̣̇ийна’’нд̇иаад̣̇имааха.
Etthāhāti navaṅgasāsananavavidhasuttantāti etasmiṃ atthavacane āha codako. Tassāyaṃ adhippāyo – navahi aṅgehi vavatthitehi aññamaññasaṅkararahitehi bhavitabbaṃ, tathā ca sati asuttasabhāvāneva geyyaṅgādīnīti navavidhasuttantavacanaṃ virujjheyya. Atha suttasabhāvāni geyyaṅgādīni, evaṃ sati ‘‘sutta’’nti visuṃ suttaṅgaṃ na siyā, evaṃ sante aṭṭhaṅgasāsanaṃ āpajjatīti. Tenāha ‘‘kathaṃ panā’’tiādi. Geyyaṅgādīsu katipayānampi suttabhāve yathāvuttadosānativatti, pageva sabbesanti dasseti ‘‘yañcā’’tiādinā. Saṅgahesūti aṭṭhakathāsu. Porāṇaṭṭhakathānañhi saṅkhepabhūtā idāni aṭṭhakathā ‘‘saṅgahā’’ti vuttā. Suttaṃ nāma sagāthakaṃ vā siyā, niggāthakaṃ vāti aṅgadvayeneva tadubhayaṅgaṃ katanti visuṃ suttaṅgassa asambhavo tadubhayavinimuttassa suttassa abhāvato. Tena vuttaṃ ‘‘suttaṅgameva na siyā’’ti. Athāpi kathañci. Siyāti vakkhamānaṃ sāmaññavidhiṃ sandhāyāha. Evampi ayaṃ dosoti dassento ‘‘maṅgalasuttādīna’’ntiādimāha.
д̇аб̣бхааванимид̇д̇анд̇и г̇зяяан̇г̇абхааванимид̇д̇ам̣. взяяаагаран̣асса д̇аб̣бхааванимид̇д̇анд̇и самб̣анд̇хо. жод̣̇аго ‘‘г̇аат̇аавирахз’’д̇и важанам̣ аг̇г̇ан̣ханд̇о ‘‘бужчаависсаж̇ж̇анам̣ б̣яаагаран̣а’’нд̇и важанамад̇д̇амзва г̇ахзд̇ваа ‘‘звам̣ санд̇з’’д̇иаад̣̇инаа жод̣̇зд̇и. ид̇аро бана огаасавид̇хид̇о аногаасо вид̇хи б̣алаваад̇и н̃ааяам̣ г̇аат̇аавирахид̇ам̣язва взяяаагаран̣анд̇и, ид̇хаад̇хиббзд̇анд̇и жа д̣̇ассзнд̇о ‘‘наабаж̇ж̇ад̇ий’’д̇иаад̣̇инаа барихарад̇и. д̇ат̇аа хийд̇и д̇знзва гааран̣зна, сад̇иби сан̃н̃анд̇аранимид̇д̇аяог̇з аногаасасан̃н̃аанам̣ б̣алавабхаавзнзваад̇и ад̇т̇о.
Tabbhāvanimittanti geyyaṅgabhāvanimittaṃ. Veyyākaraṇassa tabbhāvanimittanti sambandho. Codako ‘‘gāthāvirahe’’ti vacanaṃ aggaṇhanto ‘‘pucchāvissajjanaṃ byākaraṇa’’nti vacanamattameva gahetvā ‘‘evaṃ sante’’tiādinā codeti. Itaro pana okāsavidhito anokāso vidhi balavāti ñāyaṃ gāthāvirahitaṃyeva veyyākaraṇanti, idhādhippetanti ca dassento ‘‘nāpajjatī’’tiādinā pariharati. Tathā hīti teneva kāraṇena, satipi saññantaranimittayoge anokāsasaññānaṃ balavabhāvenevāti attho.
сан̇г̇ахаваараван̣н̣анаа нидтид̇аа.
Saṅgahavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 1. сан̇г̇ахавааро • 1. Saṅgahavāro
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 1. сан̇г̇ахаваараван̣н̣анаа • 1. Saṅgahavāravaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 1. сан̇г̇ахаваараад̇т̇авибхааванаа • 1. Saṅgahavāraatthavibhāvanā
