| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. ஸத்தமவக்³கோ³
7. Sattamavaggo
1. ஸங்க³ஹிதகதா²வண்ணனா
1. Saṅgahitakathāvaṇṇanā
471-472. இதா³னி ஸங்க³ஹிதகதா² நாம ஹோதி. தத்த² யஸ்மா தா³மாதீ³ஹி ப³லிப³த்³தா³த³யோ விய கேசி த⁴ம்மா கேஹிசி த⁴ம்மேஹி ஸங்க³ஹிதா நாம நத்தி², தஸ்மா ‘‘நத்தி² கேசி த⁴ம்மா கேஹிசி த⁴ம்மேஹி ஸங்க³ஹிதா, ஏவங் ஸந்தே ஏகவிதே⁴ன ரூபஸங்க³ஹோதிஆதி³ நிரத்த²க’’ந்தி யேஸங் லத்³தி⁴, ஸெய்யதா²பி ராஜகி³ரிகானஞ்சேவ ஸித்³த⁴த்தி²கானஞ்ச; தே ஸந்தா⁴ய அஞ்ஞேனத்தே²ன ஸங்க³ஹபா⁴வங் த³ஸ்ஸேதுங் புச்சா² ஸகவாதி³ஸ்ஸ, அத்தனோ லத்³தி⁴வஸேன படிஞ்ஞா இதரஸ்ஸ. இதா³னி யேனத்தே²ன ஸங்க³ஹோ லப்³ப⁴தி, தங் த³ஸ்ஸேதுங் நனு அத்தி² கேசி த⁴ம்மாதிஆதி³ ஆரத்³த⁴ங். தங் ஸப்³ப³ங் ஹெட்டா² வுத்தனயத்தா உத்தானத்த²மேவ. யா பனேஸா பரவாதி³னா லத்³தி⁴பதிட்டா²பனத்த²ங் யதா² தா³மேன வாதிஆதி³கா உபமா ஆஹடா, ஸகவாதி³னா தங் அனபி⁴னந்தி³த்வா அப்படிக்கோஸித்வா ‘‘ஹஞ்சி தா³மேன வா’’தி தஸ்ஸ லத்³தி⁴ பி⁴ன்னாதி வேதி³தப்³பா³. அயஞ்ஹெத்த² அத்தோ² – யதி³ தே தா³மாதீ³ஹி ப³லிப³த்³தா³த³யோ ஸங்க³ஹிதா நாம, அத்தி² கேசி த⁴ம்மா கேஹிசி த⁴ம்மேஹி ஸங்க³ஹிதாதி.
471-472. Idāni saṅgahitakathā nāma hoti. Tattha yasmā dāmādīhi balibaddādayo viya keci dhammā kehici dhammehi saṅgahitā nāma natthi, tasmā ‘‘natthi keci dhammā kehici dhammehi saṅgahitā, evaṃ sante ekavidhena rūpasaṅgahotiādi niratthaka’’nti yesaṃ laddhi, seyyathāpi rājagirikānañceva siddhatthikānañca; te sandhāya aññenatthena saṅgahabhāvaṃ dassetuṃ pucchā sakavādissa, attano laddhivasena paṭiññā itarassa. Idāni yenatthena saṅgaho labbhati, taṃ dassetuṃ nanu atthi keci dhammātiādi āraddhaṃ. Taṃ sabbaṃ heṭṭhā vuttanayattā uttānatthameva. Yā panesā paravādinā laddhipatiṭṭhāpanatthaṃ yathā dāmena vātiādikā upamā āhaṭā, sakavādinā taṃ anabhinanditvā appaṭikkositvā ‘‘hañci dāmena vā’’ti tassa laddhi bhinnāti veditabbā. Ayañhettha attho – yadi te dāmādīhi balibaddādayo saṅgahitā nāma, atthi keci dhammā kehici dhammehi saṅgahitāti.
ஸங்க³ஹிதகதா²வண்ணனா.
Saṅgahitakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (63) 1. ஸங்க³ஹிதகதா² • (63) 1. Saṅgahitakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. ஸங்க³ஹிதகதா²வண்ணனா • 1. Saṅgahitakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 1. ஸங்க³ஹிதகதா²வண்ணனா • 1. Saṅgahitakathāvaṇṇanā
