| Library / Tipiṭaka / တိပိဋက • Tipiṭaka / ပရိဝာရပာဠိ • Parivārapāḷi |
၄. သင္ဂဟိတဝာရော
4. Saṅgahitavāro
၁၈၃. မေထုနံ ဓမ္မံ ပဋိသေဝန္တသ္သ အာပတ္တိယော သတ္တန္နံ အာပတ္တိက္ခန္ဓာနံ ကတိဟိ အာပတ္တိက္ခန္ဓေဟိ သင္ဂဟိတာ? မေထုနံ ဓမ္မံ ပဋိသေဝန္တသ္သ အာပတ္တိယော သတ္တန္နံ အာပတ္တိက္ခန္ဓာနံ တီဟိ အာပတ္တိက္ခန္ဓေဟိ သင္ဂဟိတာ – သိယာ ပာရာဇိကာပတ္တိက္ခန္ဓေန, သိယာ ထုလ္လစ္စယာပတ္တိက္ခန္ဓေန, သိယာ ဒုက္ကဋာပတ္တိက္ခန္ဓေန။ပေ.။။
183. Methunaṃ dhammaṃ paṭisevantassa āpattiyo sattannaṃ āpattikkhandhānaṃ katihi āpattikkhandhehi saṅgahitā? Methunaṃ dhammaṃ paṭisevantassa āpattiyo sattannaṃ āpattikkhandhānaṃ tīhi āpattikkhandhehi saṅgahitā – siyā pārājikāpattikkhandhena, siyā thullaccayāpattikkhandhena, siyā dukkaṭāpattikkhandhena…pe….
အနာဒရိယံ ပဋိစ္စ ဥဒကေ ဥစ္စာရံ ဝာ ပသ္သာဝံ ဝာ ခေဠံ ဝာ ကရောန္တသ္သ အာပတ္တိ သတ္တန္နံ အာပတ္တိက္ခန္ဓာနံ ကတိဟိ အာပတ္တိက္ခန္ဓေဟိ သင္ဂဟိတာ? အနာဒရိယံ ပဋိစ္စ ဥဒကေ ဥစ္စာရံ ဝာ ပသ္သာဝံ ဝာ ခေဠံ ဝာ ကရောန္တသ္သ အာပတ္တိ သတ္တန္နံ အာပတ္တိက္ခန္ဓာနံ ဧကေန အာပတ္တိက္ခန္ဓေန သင္ဂဟိတာ – ဒုက္ကဋာပတ္တိက္ခန္ဓေန။
Anādariyaṃ paṭicca udake uccāraṃ vā passāvaṃ vā kheḷaṃ vā karontassa āpatti sattannaṃ āpattikkhandhānaṃ katihi āpattikkhandhehi saṅgahitā? Anādariyaṃ paṭicca udake uccāraṃ vā passāvaṃ vā kheḷaṃ vā karontassa āpatti sattannaṃ āpattikkhandhānaṃ ekena āpattikkhandhena saṅgahitā – dukkaṭāpattikkhandhena.
သင္ဂဟိတဝာရော နိဋ္ဌိတော စတုတ္ထော။
Saṅgahitavāro niṭṭhito catuttho.
