| Library / Tipiṭaka / திபிடக • Tipiṭaka / தா⁴துகதா²பாளி • Dhātukathāpāḷi |
4. சதுத்த²னயோ
4. Catutthanayo
4. ஸங்க³ஹிதேனஸங்க³ஹிதபத³னித்³தே³ஸோ
4. Saṅgahitenasaṅgahitapadaniddeso
191. ஸமுத³யஸச்சேன யே த⁴ம்மா… மக்³க³ஸச்சேன யே த⁴ம்மா க²ந்த⁴ஸங்க³ஹேன ஸங்க³ஹிதா ஆயதனஸங்க³ஹேன ஸங்க³ஹிதா தா⁴துஸங்க³ஹேன ஸங்க³ஹிதா, தேஹி த⁴ம்மேஹி யே த⁴ம்மா க²ந்த⁴ஸங்க³ஹேன ஸங்க³ஹிதா ஆயதனஸங்க³ஹேன ஸங்க³ஹிதா தா⁴துஸங்க³ஹேன ஸங்க³ஹிதா, தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸங்க³ஹிதா? தே த⁴ம்மா ஏகேன க²ந்தே⁴ன ஏகேனாயதனேன ஏகாய தா⁴துயா ஸங்க³ஹிதா.
191. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
192. இத்தி²ந்த்³ரியேன யே த⁴ம்மா… புரிஸிந்த்³ரியேன யே த⁴ம்மா… ஸுகி²ந்த்³ரியேன யே த⁴ம்மா… து³க்கி²ந்த்³ரியேன யே த⁴ம்மா… ஸோமனஸ்ஸிந்த்³ரியேன யே த⁴ம்மா… தோ³மனஸ்ஸிந்த்³ரியேன யே த⁴ம்மா… உபெக்கி²ந்த்³ரியேன யே த⁴ம்மா… ஸத்³தி⁴ந்த்³ரியேன யே த⁴ம்மா… வீரியிந்த்³ரியேன யே த⁴ம்மா… ஸதிந்த்³ரியேன யே த⁴ம்மா… ஸமாதி⁴ந்த்³ரியேன யே த⁴ம்மா… பஞ்ஞிந்த்³ரியேன யே த⁴ம்மா… அனஞ்ஞாதஞ்ஞஸ்ஸாமீதிந்த்³ரியேன யே த⁴ம்மா… அஞ்ஞிந்த்³ரியேன யே த⁴ம்மா… அஞ்ஞாதாவிந்த்³ரியேன யே த⁴ம்மா….
192. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā….
அவிஜ்ஜாய யே த⁴ம்மா… அவிஜ்ஜாபச்சயா ஸங்கா²ரேன யே த⁴ம்மா… ஸளாயதனபச்சயா ப²ஸ்ஸேன யே த⁴ம்மா… வேத³னாபச்சயா தண்ஹாய யே த⁴ம்மா… தண்ஹாபச்சயா உபாதா³னேன யே த⁴ம்மா… கம்மப⁴வேன யே த⁴ம்மா… ஸோகேன யே த⁴ம்மா… பரிதே³வேன யே த⁴ம்மா… து³க்கே²ன யே த⁴ம்மா… தோ³மனஸ்ஸேன யே த⁴ம்மா… உபாயாஸேன யே த⁴ம்மா….
Avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā… sokena ye dhammā… paridevena ye dhammā… dukkhena ye dhammā… domanassena ye dhammā… upāyāsena ye dhammā….
ஸதிபட்டா²னேன யே த⁴ம்மா… ஸம்மப்பதா⁴னேன யே த⁴ம்மா… அப்பமஞ்ஞாய யே த⁴ம்மா… பஞ்சஹி இந்த்³ரியேஹி யே த⁴ம்மா… பஞ்சஹி ப³லேஹி யே த⁴ம்மா… ஸத்தஹி பொ³ஜ்ஜ²ங்கே³ஹி யே த⁴ம்மா… அரியேன அட்ட²ங்கி³கேன மக்³கே³ன யே த⁴ம்மா… ப²ஸ்ஸேன யே த⁴ம்மா… சேதனாய யே த⁴ம்மா… அதி⁴மொக்கே²ன யே த⁴ம்மா… மனஸிகாரேன யே த⁴ம்மா ….
Satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā ….
ஹேதூஹி த⁴ம்மேஹி யே த⁴ம்மா… ஹேதூஹி சேவ ஸஹேதுகேஹி ச த⁴ம்மேஹி யே த⁴ம்மா… ஹேதூஹி சேவ ஹேதுஸம்பயுத்தேஹி ச த⁴ம்மேஹி யே த⁴ம்மா… ஆஸவேஹி… ஸங்யோஜனேஹி… க³ந்தே²ஹி… ஓகே⁴ஹி… யோகே³ஹி… நீவரணேஹி… பராமாஸேஹி… உபாதா³னேஹி… கிலேஸேஹி த⁴ம்மேஹி யே த⁴ம்மா… கிலேஸேஹி சேவ ஸங்கிலேஸிகேஹி ச த⁴ம்மேஹி யே த⁴ம்மா… கிலேஸேஹி சேவ ஸங்கிலிட்டே²ஹி ச த⁴ம்மேஹி யே த⁴ம்மா… கிலேஸேஹி சேவ கிலேஸஸம்பயுத்தேஹி ச த⁴ம்மேஹி யே த⁴ம்மா க²ந்த⁴ஸங்க³ஹேன ஸங்க³ஹிதா ஆயதனஸங்க³ஹேன ஸங்க³ஹிதா தா⁴துஸங்க³ஹேன ஸங்க³ஹிதா, தேஹி த⁴ம்மேஹி யே த⁴ம்மா க²ந்த⁴ஸங்க³ஹேன ஸங்க³ஹிதா ஆயதனஸங்க³ஹேன ஸங்க³ஹிதா தா⁴துஸங்க³ஹேன ஸங்க³ஹிதா, தே த⁴ம்மா கதிஹி க²ந்தே⁴ஹி கதிஹாயதனேஹி கதிஹி தா⁴தூஹி ஸங்க³ஹிதா? தே த⁴ம்மா ஏகேன க²ந்தே⁴ன ஏகேனாயதனேன ஏகாய தா⁴துயா ஸங்க³ஹிதா.
Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi… saṃyojanehi… ganthehi… oghehi… yogehi… nīvaraṇehi… parāmāsehi… upādānehi… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
த்³வே ஸச்சா பன்னரஸிந்த்³ரியா, ஏகாத³ஸ படிச்சபதா³;
Dve saccā pannarasindriyā, ekādasa paṭiccapadā;
உத்³த⁴ங் புன ஏகாத³ஸ, கொ³ச்ச²கபத³மெத்த² திங்ஸவிதா⁴தி 1.
Uddhaṃ puna ekādasa, gocchakapadamettha tiṃsavidhāti 2.
ஸங்க³ஹிதேனஸங்க³ஹிதபத³னித்³தே³ஸோ சதுத்தோ².
Saṅgahitenasaṅgahitapadaniddeso catuttho.
Footnotes:
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 4. சதுத்த²னயோ ஸங்க³ஹிதேனஸங்க³ஹிதபத³வண்ணனா • 4. Catutthanayo saṅgahitenasaṅgahitapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. சதுத்த²னயோ ஸங்க³ஹிதேனஸங்க³ஹிதபத³வண்ணனா • 4. Catutthanayo saṅgahitenasaṅgahitapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 4. சதுத்த²னயோ ஸங்க³ஹிதேனஸங்க³ஹிதபத³வண்ணனா • 4. Catutthanayo saṅgahitenasaṅgahitapadavaṇṇanā
