| Library / Tipiṭaka / તિપિટક • Tipiṭaka / ધાતુકથાપાળિ • Dhātukathāpāḷi |
૪. ચતુત્થનયો
4. Catutthanayo
૪. સઙ્ગહિતેનસઙ્ગહિતપદનિદ્દેસો
4. Saṅgahitenasaṅgahitapadaniddeso
૧૯૧. સમુદયસચ્ચેન યે ધમ્મા… મગ્ગસચ્ચેન યે ધમ્મા ખન્ધસઙ્ગહેન સઙ્ગહિતા આયતનસઙ્ગહેન સઙ્ગહિતા ધાતુસઙ્ગહેન સઙ્ગહિતા, તેહિ ધમ્મેહિ યે ધમ્મા ખન્ધસઙ્ગહેન સઙ્ગહિતા આયતનસઙ્ગહેન સઙ્ગહિતા ધાતુસઙ્ગહેન સઙ્ગહિતા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સઙ્ગહિતા? તે ધમ્મા એકેન ખન્ધેન એકેનાયતનેન એકાય ધાતુયા સઙ્ગહિતા.
191. Samudayasaccena ye dhammā… maggasaccena ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
૧૯૨. ઇત્થિન્દ્રિયેન યે ધમ્મા… પુરિસિન્દ્રિયેન યે ધમ્મા… સુખિન્દ્રિયેન યે ધમ્મા… દુક્ખિન્દ્રિયેન યે ધમ્મા… સોમનસ્સિન્દ્રિયેન યે ધમ્મા… દોમનસ્સિન્દ્રિયેન યે ધમ્મા… ઉપેક્ખિન્દ્રિયેન યે ધમ્મા… સદ્ધિન્દ્રિયેન યે ધમ્મા… વીરિયિન્દ્રિયેન યે ધમ્મા… સતિન્દ્રિયેન યે ધમ્મા… સમાધિન્દ્રિયેન યે ધમ્મા… પઞ્ઞિન્દ્રિયેન યે ધમ્મા… અનઞ્ઞાતઞ્ઞસ્સામીતિન્દ્રિયેન યે ધમ્મા… અઞ્ઞિન્દ્રિયેન યે ધમ્મા… અઞ્ઞાતાવિન્દ્રિયેન યે ધમ્મા….
192. Itthindriyena ye dhammā… purisindriyena ye dhammā… sukhindriyena ye dhammā… dukkhindriyena ye dhammā… somanassindriyena ye dhammā… domanassindriyena ye dhammā… upekkhindriyena ye dhammā… saddhindriyena ye dhammā… vīriyindriyena ye dhammā… satindriyena ye dhammā… samādhindriyena ye dhammā… paññindriyena ye dhammā… anaññātaññassāmītindriyena ye dhammā… aññindriyena ye dhammā… aññātāvindriyena ye dhammā….
અવિજ્જાય યે ધમ્મા… અવિજ્જાપચ્ચયા સઙ્ખારેન યે ધમ્મા… સળાયતનપચ્ચયા ફસ્સેન યે ધમ્મા… વેદનાપચ્ચયા તણ્હાય યે ધમ્મા… તણ્હાપચ્ચયા ઉપાદાનેન યે ધમ્મા… કમ્મભવેન યે ધમ્મા… સોકેન યે ધમ્મા… પરિદેવેન યે ધમ્મા… દુક્ખેન યે ધમ્મા… દોમનસ્સેન યે ધમ્મા… ઉપાયાસેન યે ધમ્મા….
Avijjāya ye dhammā… avijjāpaccayā saṅkhārena ye dhammā… saḷāyatanapaccayā phassena ye dhammā… vedanāpaccayā taṇhāya ye dhammā… taṇhāpaccayā upādānena ye dhammā… kammabhavena ye dhammā… sokena ye dhammā… paridevena ye dhammā… dukkhena ye dhammā… domanassena ye dhammā… upāyāsena ye dhammā….
સતિપટ્ઠાનેન યે ધમ્મા… સમ્મપ્પધાનેન યે ધમ્મા… અપ્પમઞ્ઞાય યે ધમ્મા… પઞ્ચહિ ઇન્દ્રિયેહિ યે ધમ્મા… પઞ્ચહિ બલેહિ યે ધમ્મા… સત્તહિ બોજ્ઝઙ્ગેહિ યે ધમ્મા… અરિયેન અટ્ઠઙ્ગિકેન મગ્ગેન યે ધમ્મા… ફસ્સેન યે ધમ્મા… ચેતનાય યે ધમ્મા… અધિમોક્ખેન યે ધમ્મા… મનસિકારેન યે ધમ્મા ….
Satipaṭṭhānena ye dhammā… sammappadhānena ye dhammā… appamaññāya ye dhammā… pañcahi indriyehi ye dhammā… pañcahi balehi ye dhammā… sattahi bojjhaṅgehi ye dhammā… ariyena aṭṭhaṅgikena maggena ye dhammā… phassena ye dhammā… cetanāya ye dhammā… adhimokkhena ye dhammā… manasikārena ye dhammā ….
હેતૂહિ ધમ્મેહિ યે ધમ્મા… હેતૂહિ ચેવ સહેતુકેહિ ચ ધમ્મેહિ યે ધમ્મા… હેતૂહિ ચેવ હેતુસમ્પયુત્તેહિ ચ ધમ્મેહિ યે ધમ્મા… આસવેહિ… સંયોજનેહિ… ગન્થેહિ… ઓઘેહિ… યોગેહિ… નીવરણેહિ… પરામાસેહિ… ઉપાદાનેહિ… કિલેસેહિ ધમ્મેહિ યે ધમ્મા… કિલેસેહિ ચેવ સંકિલેસિકેહિ ચ ધમ્મેહિ યે ધમ્મા… કિલેસેહિ ચેવ સંકિલિટ્ઠેહિ ચ ધમ્મેહિ યે ધમ્મા… કિલેસેહિ ચેવ કિલેસસમ્પયુત્તેહિ ચ ધમ્મેહિ યે ધમ્મા ખન્ધસઙ્ગહેન સઙ્ગહિતા આયતનસઙ્ગહેન સઙ્ગહિતા ધાતુસઙ્ગહેન સઙ્ગહિતા, તેહિ ધમ્મેહિ યે ધમ્મા ખન્ધસઙ્ગહેન સઙ્ગહિતા આયતનસઙ્ગહેન સઙ્ગહિતા ધાતુસઙ્ગહેન સઙ્ગહિતા, તે ધમ્મા કતિહિ ખન્ધેહિ કતિહાયતનેહિ કતિહિ ધાતૂહિ સઙ્ગહિતા? તે ધમ્મા એકેન ખન્ધેન એકેનાયતનેન એકાય ધાતુયા સઙ્ગહિતા.
Hetūhi dhammehi ye dhammā… hetūhi ceva sahetukehi ca dhammehi ye dhammā… hetūhi ceva hetusampayuttehi ca dhammehi ye dhammā… āsavehi… saṃyojanehi… ganthehi… oghehi… yogehi… nīvaraṇehi… parāmāsehi… upādānehi… kilesehi dhammehi ye dhammā… kilesehi ceva saṃkilesikehi ca dhammehi ye dhammā… kilesehi ceva saṃkiliṭṭhehi ca dhammehi ye dhammā… kilesehi ceva kilesasampayuttehi ca dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, tehi dhammehi ye dhammā khandhasaṅgahena saṅgahitā āyatanasaṅgahena saṅgahitā dhātusaṅgahena saṅgahitā, te dhammā katihi khandhehi katihāyatanehi katihi dhātūhi saṅgahitā? Te dhammā ekena khandhena ekenāyatanena ekāya dhātuyā saṅgahitā.
દ્વે સચ્ચા પન્નરસિન્દ્રિયા, એકાદસ પટિચ્ચપદા;
Dve saccā pannarasindriyā, ekādasa paṭiccapadā;
ઉદ્ધં પુન એકાદસ, ગોચ્છકપદમેત્થ તિંસવિધાતિ 1.
Uddhaṃ puna ekādasa, gocchakapadamettha tiṃsavidhāti 2.
સઙ્ગહિતેનસઙ્ગહિતપદનિદ્દેસો ચતુત્થો.
Saṅgahitenasaṅgahitapadaniddeso catuttho.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૪. ચતુત્થનયો સઙ્ગહિતેનસઙ્ગહિતપદવણ્ણના • 4. Catutthanayo saṅgahitenasaṅgahitapadavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૪. ચતુત્થનયો સઙ્ગહિતેનસઙ્ગહિતપદવણ્ણના • 4. Catutthanayo saṅgahitenasaṅgahitapadavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૪. ચતુત્થનયો સઙ્ગહિતેનસઙ્ગહિતપદવણ્ણના • 4. Catutthanayo saṅgahitenasaṅgahitapadavaṇṇanā
