| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. сан̇г̇ааравасуд̇д̇ам̣
3. Saṅgāravasuttaṃ
169. 1 ат̇а ко сан̇г̇аараво б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко сан̇г̇аараво б̣раахман̣о бхаг̇аванд̇ам̣ зд̇ад̣̇авожа –
169.2 Atha kho saṅgāravo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho saṅgāravo brāhmaṇo bhagavantaṃ etadavoca –
‘‘гим̣ ну ко, бхо г̇од̇ама, оримам̣ д̇ийрам̣, гим̣ бааримам̣ д̇ийра’’нд̇и? ‘‘баан̣аад̇ибаад̇о ко, б̣раахман̣а, оримам̣ д̇ийрам̣, баан̣аад̇ибаад̇аа взраман̣ий бааримам̣ д̇ийрам̣. ад̣̇иннаад̣̇аанам̣ ко, б̣раахман̣а, оримам̣ д̇ийрам̣, ад̣̇иннаад̣̇аанаа взраман̣ий бааримам̣ д̇ийрам̣. гаамзсумижчаажааро оримам̣ д̇ийрам̣, гаамзсумижчаажаараа взраман̣ий бааримам̣ д̇ийрам̣. мусааваад̣̇о оримам̣ д̇ийрам̣, мусааваад̣̇аа взраман̣ий бааримам̣ д̇ийрам̣. бисун̣аа ваажаа оримам̣ д̇ийрам̣, бисун̣ааяа ваажааяа взраман̣ий бааримам̣ д̇ийрам̣. парусаа ваажаа оримам̣ д̇ийрам̣, парусааяа ваажааяа взраман̣ий бааримам̣ д̇ийрам̣. сампаббалаабо оримам̣ д̇ийрам̣, сампаббалаабаа взраман̣ий бааримам̣ д̇ийрам̣. абхиж̇жхаа оримам̣ д̇ийрам̣, анабхиж̇жхаа бааримам̣ д̇ийрам̣. б̣яаабаад̣̇о оримам̣ д̇ийрам̣, аб̣яаабаад̣̇о бааримам̣ д̇ийрам̣. мижчаад̣̇идти оримам̣ д̇ийрам̣, саммаад̣̇идти бааримам̣ д̇ийрам̣. ид̣̇ам̣ ко, б̣раахман̣а, оримам̣ д̇ийрам̣, ид̣̇ам̣ бааримам̣ д̇ийранд̇и.
‘‘Kiṃ nu kho, bho gotama, orimaṃ tīraṃ, kiṃ pārimaṃ tīra’’nti? ‘‘Pāṇātipāto kho, brāhmaṇa, orimaṃ tīraṃ, pāṇātipātā veramaṇī pārimaṃ tīraṃ. Adinnādānaṃ kho, brāhmaṇa, orimaṃ tīraṃ, adinnādānā veramaṇī pārimaṃ tīraṃ. Kāmesumicchācāro orimaṃ tīraṃ, kāmesumicchācārā veramaṇī pārimaṃ tīraṃ. Musāvādo orimaṃ tīraṃ, musāvādā veramaṇī pārimaṃ tīraṃ. Pisuṇā vācā orimaṃ tīraṃ, pisuṇāya vācāya veramaṇī pārimaṃ tīraṃ. Pharusā vācā orimaṃ tīraṃ, pharusāya vācāya veramaṇī pārimaṃ tīraṃ. Samphappalāpo orimaṃ tīraṃ, samphappalāpā veramaṇī pārimaṃ tīraṃ. Abhijjhā orimaṃ tīraṃ, anabhijjhā pārimaṃ tīraṃ. Byāpādo orimaṃ tīraṃ, abyāpādo pārimaṃ tīraṃ. Micchādiṭṭhi orimaṃ tīraṃ, sammādiṭṭhi pārimaṃ tīraṃ. Idaṃ kho, brāhmaṇa, orimaṃ tīraṃ, idaṃ pārimaṃ tīranti.
‘‘аббагаа д̇з мануссзсу, яз ж̇анаа баараг̇аамино;
‘‘Appakā te manussesu, ye janā pāragāmino;
ат̇ааяам̣ ид̇араа баж̇аа, д̇ийрамзваануд̇хаавад̇и.
Athāyaṃ itarā pajā, tīramevānudhāvati.
‘‘яз жа ко саммад̣̇агкаад̇з, д̇хаммз д̇хаммаанувад̇д̇ино;
‘‘Ye ca kho sammadakkhāte, dhamme dhammānuvattino;
д̇з ж̇анаа баарамзссанд̇и, мажжуд̇хзяяам̣ суд̣̇уд̇д̇арам̣.
Te janā pāramessanti, maccudheyyaṃ suduttaraṃ.
‘‘ган̣хам̣ д̇хаммам̣ виббахааяа, суггам̣ бхаавзт̇а бан̣д̣ид̇о;
‘‘Kaṇhaṃ dhammaṃ vippahāya, sukkaṃ bhāvetha paṇḍito;
огаа аногамааг̇амма, вивзгз яад̇т̇а д̣̇уурамам̣.
Okā anokamāgamma, viveke yattha dūramaṃ.
‘‘д̇ад̇раабхирад̇имижчзяяа, хид̇ваа гаамз агин̃жано;
‘‘Tatrābhiratimiccheyya, hitvā kāme akiñcano;
барияод̣̇абзяяа ад̇д̇аанам̣, жид̇д̇аглзсзхи бан̣д̣ид̇о.
Pariyodapeyya attānaṃ, cittaklesehi paṇḍito.
‘‘язсам̣ самб̣од̇хияан̇г̇зсу, саммаа жид̇д̇ам̣ субхаавид̇ам̣;
‘‘Yesaṃ sambodhiyaṅgesu, sammā cittaṃ subhāvitaṃ;
аад̣̇аанабадиниссаг̇г̇з, анубаад̣̇ааяа яз рад̇аа;
Ādānapaṭinissagge, anupādāya ye ratā;
кийн̣аасаваа ж̇уд̇иманд̇о, д̇з логз бариниб̣б̣уд̇аа’’д̇и. д̇ад̇ияам̣;
Khīṇāsavā jutimanto, te loke parinibbutā’’ti. tatiyaṃ;
Footnotes:
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-44. б̣раахман̣абажжорохан̣ийсуд̇д̇аад̣̇иван̣н̣анаа • 1-44. Brāhmaṇapaccorohaṇīsuttādivaṇṇanā
