| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. сан̇г̇ааравасуд̇д̇ам̣
5. Saṅgāravasuttaṃ
236. саавад̇т̇инид̣̇аанам̣ . ат̇а ко сан̇г̇аараво б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко сан̇г̇аараво б̣раахман̣о бхаг̇аванд̇ам̣ зд̇ад̣̇авожа –
236. Sāvatthinidānaṃ . Atha kho saṅgāravo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho saṅgāravo brāhmaṇo bhagavantaṃ etadavoca –
‘‘го ну ко, бхо г̇од̇ама, хзд̇у, го бажжаяо язнзгад̣̇аа д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа? го бана, бхо г̇од̇ама, хзд̇у, го бажжаяо язнзгад̣̇аа д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа’’д̇и?
‘‘Ko nu kho, bho gotama, hetu, ko paccayo yenekadā dīgharattaṃ sajjhāyakatāpi mantā nappaṭibhanti, pageva asajjhāyakatā? Ko pana, bho gotama, hetu, ko paccayo yenekadā dīgharattaṃ asajjhāyakatāpi mantā paṭibhanti, pageva sajjhāyakatā’’ti?
‘‘яасмим̣ ко, б̣раахман̣а, самаяз гаамарааг̇абарияудтид̇зна жзд̇асаа вихарад̇и гаамарааг̇абарзд̇зна, уббаннасса жа гаамарааг̇асса ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, убхаяад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и; д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Yasmiṃ kho, brāhmaṇa, samaye kāmarāgapariyuṭṭhitena cetasā viharati kāmarāgaparetena, uppannassa ca kāmarāgassa nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi tasmiṃ samaye yathābhūtaṃ na jānāti na passati, ubhayatthampi tasmiṃ samaye yathābhūtaṃ na jānāti na passati; dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘сзяяат̇ааби, б̣раахман̣а, уд̣̇абад̇д̇о сам̣садто лаакааяа ваа халид̣̇д̣̇ияаа ваа нийлияаа ваа ман̃ж̇идтааяа ваа. д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ на ж̇аанзяяа на бассзяяа. звамзва ко, б̣раахман̣а, яасмим̣ самаяз гаамарааг̇абарияудтид̇зна жзд̇асаа вихарад̇и гаамарааг̇абарзд̇зна, уббаннасса жа гаамарааг̇асса ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби…бз… убхаяад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и; д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Seyyathāpi, brāhmaṇa, udapatto saṃsaṭṭho lākhāya vā haliddiyā vā nīliyā vā mañjiṭṭhāya vā. Tattha cakkhumā puriso sakaṃ mukhanimittaṃ paccavekkhamāno yathābhūtaṃ na jāneyya na passeyya. Evameva kho, brāhmaṇa, yasmiṃ samaye kāmarāgapariyuṭṭhitena cetasā viharati kāmarāgaparetena, uppannassa ca kāmarāgassa nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi…pe… ubhayatthampi tasmiṃ samaye yathābhūtaṃ na jānāti na passati; dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘буна жабарам̣, б̣раахман̣а, яасмим̣ самаяз б̣яаабаад̣̇абарияудтид̇зна жзд̇асаа вихарад̇и б̣яаабаад̣̇абарзд̇зна, уббаннасса жа б̣яаабаад̣̇асса ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби…бз… убхаяад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и; д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Puna caparaṃ, brāhmaṇa, yasmiṃ samaye byāpādapariyuṭṭhitena cetasā viharati byāpādaparetena, uppannassa ca byāpādassa nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi…pe… ubhayatthampi tasmiṃ samaye yathābhūtaṃ na jānāti na passati; dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘сзяяат̇ааби, б̣раахман̣а, уд̣̇абад̇д̇о аг̇г̇инаа санд̇ад̇д̇о баггут̇ид̇о 1 усмуд̣̇агаж̇аад̇о 2. д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ на ж̇аанзяяа на бассзяяа. звамзва ко, б̣раахман̣а, яасмим̣ самаяз б̣яаабаад̣̇абарияудтид̇зна жзд̇асаа вихарад̇и б̣яаабаад̣̇абарзд̇зна, уббаннасса жа б̣яаабаад̣̇асса ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби д̇асмим̣ самаяз…бз… убхаяад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и; д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Seyyathāpi, brāhmaṇa, udapatto agginā santatto pakkuthito 3 usmudakajāto 4. Tattha cakkhumā puriso sakaṃ mukhanimittaṃ paccavekkhamāno yathābhūtaṃ na jāneyya na passeyya. Evameva kho, brāhmaṇa, yasmiṃ samaye byāpādapariyuṭṭhitena cetasā viharati byāpādaparetena, uppannassa ca byāpādassa nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi tasmiṃ samaye…pe… ubhayatthampi tasmiṃ samaye yathābhūtaṃ na jānāti na passati; dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘буна жабарам̣, б̣раахман̣а, яасмим̣ самаяз т̇инамид̣̇д̇хабарияудтид̇зна жзд̇асаа вихарад̇и т̇инамид̣̇д̇хабарзд̇зна, уббаннасса жа т̇инамид̣̇д̇хасса ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби…бз… убхаяад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и; д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Puna caparaṃ, brāhmaṇa, yasmiṃ samaye thinamiddhapariyuṭṭhitena cetasā viharati thinamiddhaparetena, uppannassa ca thinamiddhassa nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi…pe… ubhayatthampi tasmiṃ samaye yathābhūtaṃ na jānāti na passati; dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘сзяяат̇ааби, б̣раахман̣а, уд̣̇абад̇д̇о сзваалабан̣агабарияонад̣̇д̇хо. д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ на ж̇аанзяяа на бассзяяа. звамзва ко, б̣раахман̣а, яасмим̣ самаяз т̇инамид̣̇д̇хабарияудтид̇зна жзд̇асаа вихарад̇и т̇инамид̣̇д̇хабарзд̇зна, уббаннасса жа т̇инамид̣̇д̇хасса ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби…бз… убхаяад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и; д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Seyyathāpi, brāhmaṇa, udapatto sevālapaṇakapariyonaddho. Tattha cakkhumā puriso sakaṃ mukhanimittaṃ paccavekkhamāno yathābhūtaṃ na jāneyya na passeyya. Evameva kho, brāhmaṇa, yasmiṃ samaye thinamiddhapariyuṭṭhitena cetasā viharati thinamiddhaparetena, uppannassa ca thinamiddhassa nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi…pe… ubhayatthampi tasmiṃ samaye yathābhūtaṃ na jānāti na passati; dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘буна жабарам̣, б̣раахман̣а, яасмим̣ самаяз уд̣̇д̇хажжагуггужжабарияудтид̇зна жзд̇асаа вихарад̇и уд̣̇д̇хажжагуггужжабарзд̇зна, уббаннасса жа уд̣̇д̇хажжагуггужжасса ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби…бз… убхаяад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и; д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Puna caparaṃ, brāhmaṇa, yasmiṃ samaye uddhaccakukkuccapariyuṭṭhitena cetasā viharati uddhaccakukkuccaparetena, uppannassa ca uddhaccakukkuccassa nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi…pe… ubhayatthampi tasmiṃ samaye yathābhūtaṃ na jānāti na passati; dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘сзяяат̇ааби, б̣раахман̣а, уд̣̇абад̇д̇о ваад̇зрид̇о жалид̇о бханд̇о уумиж̇аад̇о. д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ на ж̇аанзяяа на бассзяяа. звамзва ко, б̣раахман̣а, яасмим̣ самаяз уд̣̇д̇хажжагуггужжабарияудтид̇зна жзд̇асаа вихарад̇и уд̣̇д̇хажжагуггужжабарзд̇зна, уббаннасса жа уд̣̇д̇хажжагуггужжасса ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби…бз… убхаяад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и; д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Seyyathāpi, brāhmaṇa, udapatto vāterito calito bhanto ūmijāto. Tattha cakkhumā puriso sakaṃ mukhanimittaṃ paccavekkhamāno yathābhūtaṃ na jāneyya na passeyya. Evameva kho, brāhmaṇa, yasmiṃ samaye uddhaccakukkuccapariyuṭṭhitena cetasā viharati uddhaccakukkuccaparetena, uppannassa ca uddhaccakukkuccassa nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi…pe… ubhayatthampi tasmiṃ samaye yathābhūtaṃ na jānāti na passati; dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘буна жабарам̣, б̣раахман̣а, яасмим̣ самаяз вижигижчаабарияудтид̇зна жзд̇асаа вихарад̇и вижигижчаабарзд̇зна, уббаннааяа жа вижигижчааяа ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби…бз… убхаяад̇т̇амби… д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Puna caparaṃ, brāhmaṇa, yasmiṃ samaye vicikicchāpariyuṭṭhitena cetasā viharati vicikicchāparetena, uppannāya ca vicikicchāya nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi…pe… ubhayatthampi… dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘сзяяат̇ааби, б̣раахман̣а, уд̣̇абад̇д̇о аавило лул̣ид̇о галалийбхууд̇о анд̇хагаарз нигкид̇д̇о. д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ на ж̇аанзяяа на бассзяяа. звамзва ко, б̣раахман̣а, яасмим̣ самаяз вижигижчаабарияудтид̇зна жзд̇асаа вихарад̇и вижигижчаабарзд̇зна, уббаннааяа жа вижигижчааяа ниссаран̣ам̣ яат̇аабхууд̇ам̣ наббаж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, барад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и, убхаяад̇т̇амби д̇асмим̣ самаяз яат̇аабхууд̇ам̣ на ж̇аанаад̇и на бассад̇и; д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа. аяам̣ ко, б̣раахман̣а, хзд̇у аяам̣ бажжаяо язнзгад̣̇аа д̣̇ийгхарад̇д̇ам̣ саж̇жхааяагад̇ааби манд̇аа наббадибханд̇и, баг̇зва асаж̇жхааяагад̇аа.
‘‘Seyyathāpi, brāhmaṇa, udapatto āvilo luḷito kalalībhūto andhakāre nikkhitto. Tattha cakkhumā puriso sakaṃ mukhanimittaṃ paccavekkhamāno yathābhūtaṃ na jāneyya na passeyya. Evameva kho, brāhmaṇa, yasmiṃ samaye vicikicchāpariyuṭṭhitena cetasā viharati vicikicchāparetena, uppannāya ca vicikicchāya nissaraṇaṃ yathābhūtaṃ nappajānāti, attatthampi tasmiṃ samaye yathābhūtaṃ na jānāti na passati, paratthampi tasmiṃ samaye yathābhūtaṃ na jānāti na passati, ubhayatthampi tasmiṃ samaye yathābhūtaṃ na jānāti na passati; dīgharattaṃ sajjhāyakatāpi mantā nappaṭibhanti, pageva asajjhāyakatā. Ayaṃ kho, brāhmaṇa, hetu ayaṃ paccayo yenekadā dīgharattaṃ sajjhāyakatāpi mantā nappaṭibhanti, pageva asajjhāyakatā.
‘‘яасмин̃жа ко, б̣раахман̣а, самаяз на гаамарааг̇абарияудтид̇зна жзд̇асаа вихарад̇и на гаамарааг̇абарзд̇зна, уббаннасса жа гаамарааг̇асса ниссаран̣ам̣ яат̇аабхууд̇ам̣ баж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, барад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, убхаяад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и; д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа.
‘‘Yasmiñca kho, brāhmaṇa, samaye na kāmarāgapariyuṭṭhitena cetasā viharati na kāmarāgaparetena, uppannassa ca kāmarāgassa nissaraṇaṃ yathābhūtaṃ pajānāti, attatthampi tasmiṃ samaye yathābhūtaṃ jānāti passati, paratthampi tasmiṃ samaye yathābhūtaṃ jānāti passati, ubhayatthampi tasmiṃ samaye yathābhūtaṃ jānāti passati; dīgharattaṃ asajjhāyakatāpi mantā paṭibhanti, pageva sajjhāyakatā.
‘‘сзяяат̇ааби , б̣раахман̣а, уд̣̇абад̇д̇о асам̣садто лаакааяа ваа халид̣̇д̣̇ияаа ваа нийлияаа ваа ман̃ж̇идтааяа ваа. д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ ж̇аанзяяа бассзяяа. звамзва ко, б̣раахман̣а, яасмим̣ самаяз на гаамарааг̇абарияудтид̇зна жзд̇асаа вихарад̇и на гаамарааг̇абарзд̇зна, уббаннасса жа гаамарааг̇асса ниссаран̣ам̣ яат̇аабхууд̇ам̣ баж̇аанаад̇и…бз….
‘‘Seyyathāpi , brāhmaṇa, udapatto asaṃsaṭṭho lākhāya vā haliddiyā vā nīliyā vā mañjiṭṭhāya vā. Tattha cakkhumā puriso sakaṃ mukhanimittaṃ paccavekkhamāno yathābhūtaṃ jāneyya passeyya. Evameva kho, brāhmaṇa, yasmiṃ samaye na kāmarāgapariyuṭṭhitena cetasā viharati na kāmarāgaparetena, uppannassa ca kāmarāgassa nissaraṇaṃ yathābhūtaṃ pajānāti…pe….
‘‘буна жабарам̣, б̣раахман̣а, яасмим̣ самаяз на б̣яаабаад̣̇абарияудтид̇зна жзд̇асаа вихарад̇и на б̣яаабаад̣̇абарзд̇зна, уббаннасса жа б̣яаабаад̣̇асса ниссаран̣ам̣ яат̇аабхууд̇ам̣ баж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, барад̇т̇амби…бз… убхаяад̇т̇амби… д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа.
‘‘Puna caparaṃ, brāhmaṇa, yasmiṃ samaye na byāpādapariyuṭṭhitena cetasā viharati na byāpādaparetena, uppannassa ca byāpādassa nissaraṇaṃ yathābhūtaṃ pajānāti, attatthampi tasmiṃ samaye yathābhūtaṃ jānāti passati, paratthampi…pe… ubhayatthampi… dīgharattaṃ asajjhāyakatāpi mantā paṭibhanti, pageva sajjhāyakatā.
‘‘сзяяат̇ааби, б̣раахман̣а, уд̣̇абад̇д̇о на аг̇г̇инаа санд̇ад̇д̇о на баггут̇ид̇о на усмуд̣̇агаж̇аад̇о, д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ ж̇аанзяяа бассзяяа . звамзва ко, б̣раахман̣а, яасмим̣ самаяз на б̣яаабаад̣̇абарияудтид̇зна жзд̇асаа вихарад̇и на б̣яаабаад̣̇абарзд̇зна, уббаннасса жа б̣яаабаад̣̇асса ниссаран̣ам̣ яат̇аабхууд̇ам̣ баж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, барад̇т̇амби…бз… убхаяад̇т̇амби… д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа.
‘‘Seyyathāpi, brāhmaṇa, udapatto na agginā santatto na pakkuthito na usmudakajāto, tattha cakkhumā puriso sakaṃ mukhanimittaṃ paccavekkhamāno yathābhūtaṃ jāneyya passeyya . Evameva kho, brāhmaṇa, yasmiṃ samaye na byāpādapariyuṭṭhitena cetasā viharati na byāpādaparetena, uppannassa ca byāpādassa nissaraṇaṃ yathābhūtaṃ pajānāti, attatthampi tasmiṃ samaye yathābhūtaṃ jānāti passati, paratthampi…pe… ubhayatthampi… dīgharattaṃ asajjhāyakatāpi mantā paṭibhanti, pageva sajjhāyakatā.
‘‘буна жабарам̣, б̣раахман̣а, яасмим̣ самаяз на т̇инамид̣̇д̇хабарияудтид̇зна жзд̇асаа вихарад̇и на т̇инамид̣̇д̇хабарзд̇зна, уббаннасса жа т̇инамид̣̇д̇хасса ниссаран̣ам̣ яат̇аабхууд̇ам̣ баж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, барад̇т̇амби…бз… убхаяад̇т̇амби … д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа.
‘‘Puna caparaṃ, brāhmaṇa, yasmiṃ samaye na thinamiddhapariyuṭṭhitena cetasā viharati na thinamiddhaparetena, uppannassa ca thinamiddhassa nissaraṇaṃ yathābhūtaṃ pajānāti, attatthampi tasmiṃ samaye yathābhūtaṃ jānāti passati, paratthampi…pe… ubhayatthampi … dīgharattaṃ asajjhāyakatāpi mantā paṭibhanti, pageva sajjhāyakatā.
‘‘сзяяат̇ааби, б̣раахман̣а, уд̣̇абад̇д̇о на сзваалабан̣агабарияонад̣̇д̇хо. д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ ж̇аанзяяа бассзяяа. звамзва ко, б̣раахман̣а, яасмим̣ самаяз на т̇инамид̣̇д̇хабарияудтид̇зна жзд̇асаа вихарад̇и на т̇инамид̣̇д̇хабарзд̇зна, уббаннасса жа т̇инамид̣̇д̇хасса ниссаран̣ам̣ яат̇аабхууд̇ам̣ баж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, барад̇т̇амби…бз… убхаяад̇т̇амби… д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа.
‘‘Seyyathāpi, brāhmaṇa, udapatto na sevālapaṇakapariyonaddho. Tattha cakkhumā puriso sakaṃ mukhanimittaṃ paccavekkhamāno yathābhūtaṃ jāneyya passeyya. Evameva kho, brāhmaṇa, yasmiṃ samaye na thinamiddhapariyuṭṭhitena cetasā viharati na thinamiddhaparetena, uppannassa ca thinamiddhassa nissaraṇaṃ yathābhūtaṃ pajānāti, attatthampi tasmiṃ samaye yathābhūtaṃ jānāti passati, paratthampi…pe… ubhayatthampi… dīgharattaṃ asajjhāyakatāpi mantā paṭibhanti, pageva sajjhāyakatā.
‘‘буна жабарам̣, б̣раахман̣а, яасмим̣ самаяз на уд̣̇д̇хажжагуггужжабарияудтид̇зна жзд̇асаа вихарад̇и на уд̣̇д̇хажжагуггужжабарзд̇зна, уббаннасса жа уд̣̇д̇хажжагуггужжасса ниссаран̣ам̣ яат̇аабхууд̇ам̣ баж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, барад̇т̇амби…бз… убхаяад̇т̇амби… д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа.
‘‘Puna caparaṃ, brāhmaṇa, yasmiṃ samaye na uddhaccakukkuccapariyuṭṭhitena cetasā viharati na uddhaccakukkuccaparetena, uppannassa ca uddhaccakukkuccassa nissaraṇaṃ yathābhūtaṃ pajānāti, attatthampi tasmiṃ samaye yathābhūtaṃ jānāti passati, paratthampi…pe… ubhayatthampi… dīgharattaṃ asajjhāyakatāpi mantā paṭibhanti, pageva sajjhāyakatā.
‘‘сзяяат̇ааби, б̣раахман̣а, уд̣̇абад̇д̇о на ваад̇зрид̇о на жалид̇о на бханд̇о на уумиж̇аад̇о. д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ ж̇аанзяяа бассзяяа. звамзва ко, б̣раахман̣а, яасмим̣ самаяз на уд̣̇д̇хажжагуггужжабарияудтид̇зна жзд̇асаа вихарад̇и на уд̣̇д̇хажжагуггужжабарзд̇зна, уббаннасса жа уд̣̇д̇хажжагуггужжасса ниссаран̣ам̣ яат̇аабхууд̇ам̣ баж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, барад̇т̇амби…бз… убхаяад̇т̇амби… д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа.
‘‘Seyyathāpi, brāhmaṇa, udapatto na vāterito na calito na bhanto na ūmijāto. Tattha cakkhumā puriso sakaṃ mukhanimittaṃ paccavekkhamāno yathābhūtaṃ jāneyya passeyya. Evameva kho, brāhmaṇa, yasmiṃ samaye na uddhaccakukkuccapariyuṭṭhitena cetasā viharati na uddhaccakukkuccaparetena, uppannassa ca uddhaccakukkuccassa nissaraṇaṃ yathābhūtaṃ pajānāti, attatthampi tasmiṃ samaye yathābhūtaṃ jānāti passati, paratthampi…pe… ubhayatthampi… dīgharattaṃ asajjhāyakatāpi mantā paṭibhanti, pageva sajjhāyakatā.
‘‘буна жабарам̣, б̣раахман̣а, яасмим̣ самаяз на вижигижчаабарияудтид̇зна жзд̇асаа вихарад̇и на вижигижчаабарзд̇зна, уббаннааяа жа вижигижчааяа ниссаран̣ам̣ яат̇аабхууд̇ам̣ баж̇аанаад̇и 5, ад̇д̇ад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, барад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и; убхаяад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и; д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа.
‘‘Puna caparaṃ, brāhmaṇa, yasmiṃ samaye na vicikicchāpariyuṭṭhitena cetasā viharati na vicikicchāparetena, uppannāya ca vicikicchāya nissaraṇaṃ yathābhūtaṃ pajānāti 6, attatthampi tasmiṃ samaye yathābhūtaṃ jānāti passati, paratthampi tasmiṃ samaye yathābhūtaṃ jānāti passati; ubhayatthampi tasmiṃ samaye yathābhūtaṃ jānāti passati; dīgharattaṃ asajjhāyakatāpi mantā paṭibhanti, pageva sajjhāyakatā.
‘‘сзяяат̇ааби , б̣раахман̣а, уд̣̇абад̇д̇о ажчо виббасанно анаавило аалогз нигкид̇д̇о. д̇ад̇т̇а жагкумаа бурисо сагам̣ муканимид̇д̇ам̣ бажжавзгкамаано яат̇аабхууд̇ам̣ ж̇аанзяяа бассзяяа. звамзва ко, б̣раахман̣а, яасмим̣ самаяз на вижигижчаабарияудтид̇зна жзд̇асаа вихарад̇и на вижигижчаабарзд̇зна, уббаннааяа жа вижигижчааяа ниссаран̣ам̣ яат̇аабхууд̇ам̣ баж̇аанаад̇и, ад̇д̇ад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, барад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и, убхаяад̇т̇амби д̇асмим̣ самаяз яат̇аабхууд̇ам̣ ж̇аанаад̇и бассад̇и; д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа. аяам̣ ко, б̣раахман̣а, хзд̇у аяам̣ бажжаяо язнзгад̣̇аа д̣̇ийгхарад̇д̇ам̣ асаж̇жхааяагад̇ааби манд̇аа бадибханд̇и, баг̇зва саж̇жхааяагад̇аа.
‘‘Seyyathāpi , brāhmaṇa, udapatto accho vippasanno anāvilo āloke nikkhitto. Tattha cakkhumā puriso sakaṃ mukhanimittaṃ paccavekkhamāno yathābhūtaṃ jāneyya passeyya. Evameva kho, brāhmaṇa, yasmiṃ samaye na vicikicchāpariyuṭṭhitena cetasā viharati na vicikicchāparetena, uppannāya ca vicikicchāya nissaraṇaṃ yathābhūtaṃ pajānāti, attatthampi tasmiṃ samaye yathābhūtaṃ jānāti passati, paratthampi tasmiṃ samaye yathābhūtaṃ jānāti passati, ubhayatthampi tasmiṃ samaye yathābhūtaṃ jānāti passati; dīgharattaṃ asajjhāyakatāpi mantā paṭibhanti, pageva sajjhāyakatā. Ayaṃ kho, brāhmaṇa, hetu ayaṃ paccayo yenekadā dīgharattaṃ asajjhāyakatāpi mantā paṭibhanti, pageva sajjhāyakatā.
‘‘сад̇д̇имз , б̣раахман̣а, б̣ож̇жхан̇г̇аа анааваран̣аа анийваран̣аа жзд̇асо анубаггилзсаа бхаавид̇аа б̣ахулийгад̇аа виж̇ж̇аавимуд̇д̇ипаласажчигирияааяа сам̣вад̇д̇анд̇и. гад̇амз сад̇д̇а? сад̇исамб̣ож̇жхан̇г̇о ко, б̣раахман̣а, анааваран̣о анийваран̣о жзд̇асо анубаггилзсо бхаавид̇о б̣ахулийгад̇о виж̇ж̇аавимуд̇д̇ипаласажчигирияааяа сам̣вад̇д̇ад̇и…бз… убзгкаасамб̣ож̇жхан̇г̇о ко, б̣раахман̣а, анааваран̣о анийваран̣о жзд̇асо анубаггилзсо бхаавид̇о б̣ахулийгад̇о виж̇ж̇аавимуд̇д̇ипаласажчигирияааяа сам̣вад̇д̇ад̇и. имз ко, б̣раахман̣а, сад̇д̇а б̣ож̇жхан̇г̇аа анааваран̣аа анийваран̣аа жзд̇асо анубаггилзсаа бхаавид̇аа б̣ахулийгад̇аа виж̇ж̇аавимуд̇д̇ипаласажчигирияааяа сам̣вад̇д̇анд̇ий’’д̇и. звам̣ вуд̇д̇з сан̇г̇аараво б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. бан̃жамам̣.
‘‘Sattime , brāhmaṇa, bojjhaṅgā anāvaraṇā anīvaraṇā cetaso anupakkilesā bhāvitā bahulīkatā vijjāvimuttiphalasacchikiriyāya saṃvattanti. Katame satta? Satisambojjhaṅgo kho, brāhmaṇa, anāvaraṇo anīvaraṇo cetaso anupakkileso bhāvito bahulīkato vijjāvimuttiphalasacchikiriyāya saṃvattati…pe… upekkhāsambojjhaṅgo kho, brāhmaṇa, anāvaraṇo anīvaraṇo cetaso anupakkileso bhāvito bahulīkato vijjāvimuttiphalasacchikiriyāya saṃvattati. Ime kho, brāhmaṇa, satta bojjhaṅgā anāvaraṇā anīvaraṇā cetaso anupakkilesā bhāvitā bahulīkatā vijjāvimuttiphalasacchikiriyāya saṃvattantī’’ti. Evaṃ vutte saṅgāravo brāhmaṇo bhagavantaṃ etadavoca – ‘‘abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. сан̇г̇ааравасуд̇д̇аван̣н̣анаа • 5. Saṅgāravasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. сан̇г̇ааравасуд̇д̇аван̣н̣анаа • 5. Saṅgāravasuttavaṇṇanā
