| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. сан̇г̇ааравасуд̇д̇аван̣н̣анаа
10. Saṅgāravasuttavaṇṇanā
473. звам̣ мз суд̇анд̇и сан̇г̇ааравасуд̇д̇ам̣. д̇ад̇т̇а жан̃жалигаббзд̇и звам̣наамагз г̇аамз. абхиббасаннаад̇и авзжжаббасаад̣̇авасзна басаннаа. саа гира сод̇аабаннаа арияасаавигаа бхаарад̣̇вааж̇аг̇од̇д̇асса б̣раахман̣асса бхарияаа. со б̣раахман̣о буб̣б̣з гаалзна гаалам̣ б̣раахман̣з ниманд̇зд̇ваа д̇зсам̣ саггаарам̣ гарод̇и. имам̣ бана б̣раахман̣им̣ гхарам̣ аанзд̇ваа абхируубааяа махаагулааяа б̣раахман̣ияаа жид̇д̇ам̣ гобзд̇ум̣ асаггонд̇о б̣раахман̣аанам̣ саггаарам̣ гаад̇ум̣ наасагки. ат̇а нам̣ б̣раахман̣аа д̣̇идтад̣̇идтадтаанз – ‘‘наяид̣̇аани д̇вам̣ б̣раахман̣алад̣̇д̇хиго, згаахамби б̣раахман̣аанам̣ саггаарам̣ на гаросий’’д̇и ниббийл̣знд̇и. со гхарам̣ ааг̇анд̇ваа б̣раахман̣ияаа д̇амад̇т̇ам̣ аарожзд̇ваа – ‘‘сажз, бход̇и згад̣̇ивасам̣ мукам̣ рагкид̇ум̣ саггун̣зяяааси, б̣раахман̣аанам̣ згад̣̇ивасам̣ бхигкам̣ д̣̇ад̣̇зяяа’’нд̇и ааха. д̇уяхам̣ д̣̇зяяад̇хаммам̣ ружжанагадтаанз д̣̇зхи, гим̣ маяхам̣ зд̇т̇аад̇и. со б̣раахман̣з ниманд̇зд̇ваа аббод̣̇агам̣ бааяаасам̣ бажаабзд̇ваа гхаран̃жа суж̇жхаабзд̇ваа аасанаани бан̃н̃аабзд̇ваа б̣раахман̣з нисийд̣̇аабзси. б̣раахман̣ий махаасаадагам̣ ниваасзд̇ваа гадажчум̣ г̇ахзд̇ваа баривисанд̇ий д̣̇уссаган̣н̣агз багкалид̇ваа ‘‘б̣раахман̣з баривисаамий’’д̇и сан̃н̃амби агад̇ваа аасзванавасзна сахасаа сад̇т̇аарамзва ануссарид̇ваа уд̣̇аанам̣ уд̣̇аанзси.
473.Evaṃme sutanti saṅgāravasuttaṃ. Tattha cañcalikappeti evaṃnāmake gāme. Abhippasannāti aveccappasādavasena pasannā. Sā kira sotāpannā ariyasāvikā bhāradvājagottassa brāhmaṇassa bhariyā. So brāhmaṇo pubbe kālena kālaṃ brāhmaṇe nimantetvā tesaṃ sakkāraṃ karoti. Imaṃ pana brāhmaṇiṃ gharaṃ ānetvā abhirūpāya mahākulāya brāhmaṇiyā cittaṃ kopetuṃ asakkonto brāhmaṇānaṃ sakkāraṃ kātuṃ nāsakkhi. Atha naṃ brāhmaṇā diṭṭhadiṭṭhaṭṭhāne – ‘‘nayidāni tvaṃ brāhmaṇaladdhiko, ekāhampi brāhmaṇānaṃ sakkāraṃ na karosī’’ti nippīḷenti. So gharaṃ āgantvā brāhmaṇiyā tamatthaṃ ārocetvā – ‘‘sace, bhoti ekadivasaṃ mukhaṃ rakkhituṃ sakkuṇeyyāsi, brāhmaṇānaṃ ekadivasaṃ bhikkhaṃ dadeyya’’nti āha. Tuyhaṃ deyyadhammaṃ ruccanakaṭṭhāne dehi, kiṃ mayhaṃ etthāti. So brāhmaṇe nimantetvā appodakaṃ pāyāsaṃ pacāpetvā gharañca sujjhāpetvā āsanāni paññāpetvā brāhmaṇe nisīdāpesi. Brāhmaṇī mahāsāṭakaṃ nivāsetvā kaṭacchuṃ gahetvā parivisantī dussakaṇṇake pakkhalitvā ‘‘brāhmaṇe parivisāmī’’ti saññampi akatvā āsevanavasena sahasā satthārameva anussaritvā udānaṃ udānesi.
б̣раахман̣аа уд̣̇аанам̣ суд̇ваа ‘‘убхад̇обагкиго зса саман̣асса г̇од̇амасса сахааяо, наасса д̣̇зяяад̇хаммам̣ г̇ан̣хиссаамаа’’д̇и губид̇аа бхож̇анаани чад̣д̣зд̇ваа нигкамим̣су. б̣раахман̣о – ‘‘нану батамам̣язва д̇ам̣ аважам̣ ‘аж̇ж̇згад̣̇ивасам̣ мукам̣ рагкзяяаасий’д̇и, зд̇д̇агам̣ д̇з кийран̃жа д̇ан̣д̣улаад̣̇ийни жа наасид̇ааний’’д̇и ад̇ивияа гобавасам̣ убаг̇ад̇о – ‘‘звамзва банааяам̣ васалий яасмим̣ ваа д̇асмим̣ ваа д̇асса мун̣д̣агасса саман̣асса ван̣н̣ам̣ бхаасад̇и, ид̣̇аани д̇яаахам̣ васали д̇асса сад̇т̇уно ваад̣̇ам̣ ааробзссаамий’’д̇и ааха. ат̇а нам̣ б̣раахман̣ий ‘‘г̇ажча д̇вам̣, б̣раахман̣а, г̇анд̇ваа виж̇ааниссасий’’д̇и вад̇ваа ‘‘на кваахам̣ д̇ам̣, б̣раахман̣а, бассаами сад̣̇звагз логз…бз… ваад̣̇ам̣ ааробзяяаа’’д̇иаад̣̇имааха. со сад̇т̇аарам̣ убасан̇гамид̇ваа –
Brāhmaṇā udānaṃ sutvā ‘‘ubhatopakkhiko esa samaṇassa gotamassa sahāyo, nāssa deyyadhammaṃ gaṇhissāmā’’ti kupitā bhojanāni chaḍḍetvā nikkhamiṃsu. Brāhmaṇo – ‘‘nanu paṭhamaṃyeva taṃ avacaṃ ‘ajjekadivasaṃ mukhaṃ rakkheyyāsī’ti, ettakaṃ te khīrañca taṇḍulādīni ca nāsitānī’’ti ativiya kopavasaṃ upagato – ‘‘evameva panāyaṃ vasalī yasmiṃ vā tasmiṃ vā tassa muṇḍakassa samaṇassa vaṇṇaṃ bhāsati, idāni tyāhaṃ vasali tassa satthuno vādaṃ āropessāmī’’ti āha. Atha naṃ brāhmaṇī ‘‘gaccha tvaṃ, brāhmaṇa, gantvā vijānissasī’’ti vatvā ‘‘na khvāhaṃ taṃ, brāhmaṇa, passāmi sadevake loke…pe… vādaṃ āropeyyā’’tiādimāha. So satthāraṃ upasaṅkamitvā –
‘‘гим̣су чзд̇ваа сукам̣ сзд̇и, гим̣су чзд̇ваа на сожад̇и;
‘‘Kiṃsu chetvā sukhaṃ seti, kiṃsu chetvā na socati;
гиссассу згад̇хаммасса, вад̇хам̣ рожзси г̇од̇амаа’’д̇и. (сам̣. ни. 1.187) –
Kissassu ekadhammassa, vadhaṃ rocesi gotamā’’ti. (saṃ. ni. 1.187) –
бан̃хам̣ бужчи. сад̇т̇аа ааха –
Pañhaṃ pucchi. Satthā āha –
‘‘год̇хам̣ чзд̇ваа сукам̣ сзд̇и, год̇хам̣ чзд̇ваа на сожад̇и;
‘‘Kodhaṃ chetvā sukhaṃ seti, kodhaṃ chetvā na socati;
год̇хасса висамууласса, мад̇хураг̇г̇асса б̣раахман̣а;
Kodhassa visamūlassa, madhuraggassa brāhmaṇa;
вад̇хам̣ арияаа басам̣санд̇и, д̇ан̃хи чзд̇ваа на сожад̇ий’’д̇и. (сам̣. ни. 1.187) –
Vadhaṃ ariyā pasaṃsanti, tañhi chetvā na socatī’’ti. (saṃ. ni. 1.187) –
бан̃хам̣ гат̇зси. со баб̣б̣аж̇ид̇ваа арахад̇д̇ам̣ бад̇д̇о. д̇ассзва ганидтабхаад̇аа аггосагабхаарад̣̇вааж̇о наама ‘‘бхаад̇аа мз баб̣б̣аж̇ид̇о’’д̇и суд̇ваа бхаг̇аванд̇ам̣ убасан̇гамид̇ваа аггосид̇ваа бхаг̇авад̇аа винийд̇о баб̣б̣аж̇ид̇ваа арахад̇д̇ам̣ бад̇д̇о. абаро д̇асса ганидто сунд̣̇аригабхаарад̣̇вааж̇о наама. соби бхаг̇аванд̇ам̣ убасан̇гамид̇ваа бан̃хам̣ бужчид̇ваа виссаж̇ж̇анам̣ суд̇ваа баб̣б̣аж̇ид̇ваа арахад̇д̇ам̣ бад̇д̇о. абаро д̇асса ганидто бин̇г̇алабхаарад̣̇вааж̇о наама. со бан̃хам̣ бужчид̇ваа бан̃хаб̣яаагаран̣абарияосаанз баб̣б̣аж̇ид̇ваа арахад̇д̇ам̣ бад̇д̇о. сан̇г̇аараво маан̣авод̇и аяам̣ д̇зсам̣ саб̣б̣аганидто д̇асмим̣ д̣̇ивасз б̣раахман̣зхи сад̣̇д̇хим̣ згабхад̇д̇аг̇г̇з нисинно. авабхууд̇ааваад̇и авад̣дхибхууд̇аа аваман̇г̇алабхууд̇ааязва. барабхууд̇ааваад̇и винаасам̣ бад̇д̇ааязва. виж̇ж̇амаанаананд̇и виж̇ж̇амаанзсу. сийлабан̃н̃аан̣анд̇и сийлан̃жа н̃аан̣ан̃жа на ж̇аанааси.
Pañhaṃ kathesi. So pabbajitvā arahattaṃ patto. Tasseva kaniṭṭhabhātā akkosakabhāradvājo nāma ‘‘bhātā me pabbajito’’ti sutvā bhagavantaṃ upasaṅkamitvā akkositvā bhagavatā vinīto pabbajitvā arahattaṃ patto. Aparo tassa kaniṭṭho sundarikabhāradvājo nāma. Sopi bhagavantaṃ upasaṅkamitvā pañhaṃ pucchitvā vissajjanaṃ sutvā pabbajitvā arahattaṃ patto. Aparo tassa kaniṭṭho piṅgalabhāradvājo nāma. So pañhaṃ pucchitvā pañhabyākaraṇapariyosāne pabbajitvā arahattaṃ patto. Saṅgāravomāṇavoti ayaṃ tesaṃ sabbakaniṭṭho tasmiṃ divase brāhmaṇehi saddhiṃ ekabhattagge nisinno. Avabhūtāvāti avaḍḍhibhūtā avamaṅgalabhūtāyeva. Parabhūtāvāti vināsaṃ pattāyeva. Vijjamānānanti vijjamānesu. Sīlapaññāṇanti sīlañca ñāṇañca na jānāsi.
474. д̣̇идтад̇хаммаабхин̃н̃аавосаанабаарамиббад̇д̇аад̇и д̣̇идтад̇хаммз абхин̃н̃аад̇з имасмин̃н̃зва ад̇д̇абхаавз абхиж̇аанид̇ваа восид̇авосаанаа худ̇ваа баарамийсан̇каад̇ам̣ саб̣б̣ад̇хаммаанам̣ баарабхууд̇ам̣ ниб̣б̣аанам̣ бад̇д̇аа маяанд̇и вад̇ваа аад̣̇иб̣рахмажарияам̣ бадиж̇аананд̇ийд̇и ад̇т̇о. аад̣̇иб̣рахмажарияанд̇и б̣рахмажарияасса аад̣̇ибхууд̇аа уббаад̣̇агаа ж̇анагаад̇и звам̣ бадиж̇аананд̇ийд̇и вуд̇д̇ам̣ ход̇и. д̇аггийд̇и д̇аггаг̇аахий. виймам̣сийд̇и виймам̣саго, бан̃н̃аажаарам̣ жараабзд̇ваа звам̣ваад̣̇ий. д̇зсаахамасмийд̇и д̇зсам̣ саммаасамб̣уд̣̇д̇хаанам̣ ахамасми ан̃н̃ад̇аро.
474.Diṭṭhadhammābhiññāvosānapāramippattāti diṭṭhadhamme abhiññāte imasmiññeva attabhāve abhijānitvā vositavosānā hutvā pāramīsaṅkhātaṃ sabbadhammānaṃ pārabhūtaṃ nibbānaṃ pattā mayanti vatvā ādibrahmacariyaṃ paṭijānantīti attho. Ādibrahmacariyanti brahmacariyassa ādibhūtā uppādakā janakāti evaṃ paṭijānantīti vuttaṃ hoti. Takkīti takkagāhī. Vīmaṃsīti vīmaṃsako, paññācāraṃ carāpetvā evaṃvādī. Tesāhamasmīti tesaṃ sammāsambuddhānaṃ ahamasmi aññataro.
485. адтид̇авад̇анд̇и адтид̇ад̇абам̣, асса бад̇хаанабад̣̇зна сад̣̇д̇хим̣ самб̣анд̇хо, д̇ат̇аа саббурисабад̣̇асса. ид̣̇ан̃хи вуд̇д̇ам̣ ход̇и – бход̇о г̇од̇амасса адтид̇абад̇хаанавад̇ам̣ ахоси, саббурисабад̇хаанавад̇ам̣ ахосийд̇и. ад̇т̇и д̣̇зваад̇и будто самаанод̇и ид̣̇ам̣ маан̣аво ‘‘саммаасамб̣уд̣̇д̇хо аж̇аананд̇ова багаасзсий’’д̇и сан̃н̃ааяа ааха. звам̣ санд̇зд̇и д̇умхаагам̣ аж̇аананабхаавз санд̇з. д̇ужчам̣ мусаа ход̇ийд̇и д̇умхаагам̣ гат̇аа апалаа нибпалаа ход̇и. звам̣ маан̣аво бхаг̇аванд̇ам̣ мусааваад̣̇зна ниг̇г̇ан̣хаад̇и наама. вин̃н̃унаа бурисзнаад̇и бан̣д̣ид̇зна мануссзна. д̇вам̣ бана авин̃н̃уд̇ааяа маяаа б̣яаагад̇амби на ж̇аанаасийд̇и д̣̇ийбзд̇и. ужжзна саммад̇анд̇и ужжзна сад̣̇д̣̇зна саммад̇ам̣ баагадам̣ логасмим̣. ад̇хид̣̇зваад̇и сусуд̣̇аарагааби хи д̣̇зваа наама хонд̇и, д̣̇звияо наама хонд̇и д̣̇зваа бана ад̇хид̣̇зваа наама, логз д̣̇зво д̣̇звийд̇и лад̣̇д̇ханаамзхи мануссзхи ад̇хигаад̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
485.Aṭṭhitavatanti aṭṭhitatapaṃ, assa padhānapadena saddhiṃ sambandho, tathā sappurisapadassa. Idañhi vuttaṃ hoti – bhoto gotamassa aṭṭhitapadhānavataṃ ahosi, sappurisapadhānavataṃ ahosīti. Atthidevātipuṭṭho samānoti idaṃ māṇavo ‘‘sammāsambuddho ajānantova pakāsesī’’ti saññāya āha. Evaṃ santeti tumhākaṃ ajānanabhāve sante. Tucchaṃ musā hotīti tumhākaṃ kathā aphalā nipphalā hoti. Evaṃ māṇavo bhagavantaṃ musāvādena niggaṇhāti nāma. Viññunā purisenāti paṇḍitena manussena. Tvaṃ pana aviññutāya mayā byākatampi na jānāsīti dīpeti. Uccena sammatanti uccena saddena sammataṃ pākaṭaṃ lokasmiṃ. Adhidevāti susudārakāpi hi devā nāma honti, deviyo nāma honti devā pana adhidevā nāma, loke devo devīti laddhanāmehi manussehi adhikāti attho. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
сан̇г̇ааравасуд̇д̇аван̣н̣анаа нидтид̇аа.
Saṅgāravasuttavaṇṇanā niṭṭhitā.
бан̃жамаваг̇г̇аван̣н̣анаа нидтид̇аа.
Pañcamavaggavaṇṇanā niṭṭhitā.
маж̇жхимабан̣н̣ааса-адтагат̇аа нидтид̇аа.
Majjhimapaṇṇāsa-aṭṭhakathā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. сан̇г̇ааравасуд̇д̇ам̣ • 10. Saṅgāravasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. сан̇г̇ааравасуд̇д̇аван̣н̣анаа • 10. Saṅgāravasuttavaṇṇanā
