| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၁. သင္ဂာရဝသုတ္တဝဏ္ဏနာ
11. Saṅgāravasuttavaṇṇanā
၂၀၇. ဧကာဒသမေ ပစ္စေတီတိ ဣစ္ဆတိ ပတ္ထေတိ။ သာဓု, ဘန္တေတိ အာယာစမာနော အာဟ။ ထေရသ္သ ကိရေသ ဂိဟိသဟာယော, တသ္မာ ထေရော ‘‘အယံ ဝရာကော မံ သဟာယံ လဘိတ္ဝာပိ မိစ္ဆာဒိဋ္ဌိံ ဂဟေတ္ဝာ မာ အပာယပူရကော အဟောသီ’’တိ အာယာစတိ။ အပိစေသ မဟာပရိဝာရော, တသ္မိံ ပသန္နေ ပဉ္စကုလသတာနိ အနုဝတ္တိသ္သန္တီတိ မညမာနောပိ အာယာစတိ။ အတ္ထဝသန္တိ အတ္ထာနိသံသံ အတ္ထကာရဏံ။ ပာပန္တိ ပာဏာတိပာတာဒိအကုသလံ။ ပဝာဟေမီတိ ဂလပ္ပမာဏံ ဥဒကံ ဩတရိတ္ဝာ ပဝာဟေမိ ပလာပေမိ။ ဓမ္မောတိ ဂာထာ ဝုတ္တတ္ထာဝ။ ဧကာဒသမံ။
207. Ekādasame paccetīti icchati pattheti. Sādhu, bhanteti āyācamāno āha. Therassa kiresa gihisahāyo, tasmā thero ‘‘ayaṃ varāko maṃ sahāyaṃ labhitvāpi micchādiṭṭhiṃ gahetvā mā apāyapūrako ahosī’’ti āyācati. Apicesa mahāparivāro, tasmiṃ pasanne pañcakulasatāni anuvattissantīti maññamānopi āyācati. Atthavasanti atthānisaṃsaṃ atthakāraṇaṃ. Pāpanti pāṇātipātādiakusalaṃ. Pavāhemīti galappamāṇaṃ udakaṃ otaritvā pavāhemi palāpemi. Dhammoti gāthā vuttatthāva. Ekādasamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၁. သင္ဂာရဝသုတ္တံ • 11. Saṅgāravasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၁. သင္ဂာရဝသုတ္တဝဏ္ဏနာ • 11. Saṅgāravasuttavaṇṇanā
