| Library / Tipiṭaka / तिपिटक • Tipiṭaka / परिवार-अट्ठकथा • Parivāra-aṭṭhakathā |
सङ्घभेदकवग्गद्वयवण्णना
Saṅghabhedakavaggadvayavaṇṇanā
४५९. सङ्घभेदवग्गद्वये – विनिधाय दिट्ठिं कम्मेनाति तेसु अधम्मादीसु अधम्मादयो एतेति एवंदिट्ठिकोव हुत्वा तं दिट्ठिं विनिधाय ते धम्मादिवसेन दीपेत्वा विसुं कम्मं करोति। इति यं विनिधाय दिट्ठिं कम्मं करोति, तेन एवं कतेन विनिधाय दिट्ठिं कम्मेन सद्धिं पञ्चङ्गानि होन्ति, ‘‘इमेहि खो उपालि पञ्चहङ्गेही’’ति अयमेकस्मिं पञ्चके अत्थयोजना । एतेन नयेन सब्बपञ्चकानि वेदितब्बानि। एत्थापि च वोहारादि अङ्गत्तयं पुब्बभागवसेनेव वुत्तं। कम्मुद्देसवसेन पन अतेकिच्छता वेदितब्बा। सेसं सब्बत्थ उत्तानमेव। न हेत्थ किञ्चि अत्थि यं पुब्बे अवुत्तनयं।
459. Saṅghabhedavaggadvaye – vinidhāya diṭṭhiṃ kammenāti tesu adhammādīsu adhammādayo eteti evaṃdiṭṭhikova hutvā taṃ diṭṭhiṃ vinidhāya te dhammādivasena dīpetvā visuṃ kammaṃ karoti. Iti yaṃ vinidhāya diṭṭhiṃ kammaṃ karoti, tena evaṃ katena vinidhāya diṭṭhiṃ kammena saddhiṃ pañcaṅgāni honti, ‘‘imehi kho upāli pañcahaṅgehī’’ti ayamekasmiṃ pañcake atthayojanā . Etena nayena sabbapañcakāni veditabbāni. Etthāpi ca vohārādi aṅgattayaṃ pubbabhāgavaseneva vuttaṃ. Kammuddesavasena pana atekicchatā veditabbā. Sesaṃ sabbattha uttānameva. Na hettha kiñci atthi yaṃ pubbe avuttanayaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi / ११. सङ्घभेदकवग्गो • 11. Saṅghabhedakavaggo
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / सङ्घभेदवग्गद्वयवण्णना • Saṅghabhedavaggadvayavaṇṇanā
