| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
10. сан̇гхабхзд̣̇асигкаабад̣̇ам̣
10. Saṅghabhedasikkhāpadaṃ
409. 1 д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко д̣̇звад̣̇ад̇д̇о язна гогаалиго гадамод̣̇агад̇иссаго 2 кан̣д̣ад̣̇звияаа буд̇д̇о самуд̣̇д̣̇ад̣̇ад̇д̇о д̇знубасан̇гами; убасан̇гамид̇ваа гогаалигам̣ гадамод̣̇агад̇иссагам̣ кан̣д̣ад̣̇звияаа буд̇д̇ам̣ самуд̣̇д̣̇ад̣̇ад̇д̇ам̣ зд̇ад̣̇авожа – ‘‘зт̇а маяам̣, аавусо, саман̣асса г̇од̇амасса сан̇гхабхзд̣̇ам̣ гариссаама жаггабхзд̣̇а’’нд̇и. звам̣ вуд̇д̇з гогаалиго д̣̇звад̣̇ад̇д̇ам̣ зд̇ад̣̇авожа – ‘‘саман̣о ко, аавусо, г̇од̇амо махид̣̇д̇хиго махаанубхааво. гат̇ам̣ маяам̣ саман̣асса г̇од̇амасса сан̇гхабхзд̣̇ам̣ гариссаама жаггабхзд̣̇а’’нд̇и? ‘‘зт̇а маяам̣, аавусо, саман̣ам̣ г̇од̇амам̣ убасан̇гамид̇ваа бан̃жа вад̇т̇ууни яаажиссаама – ‘бхаг̇аваа, бханд̇з, анзгабарияааязна аббижчасса санд̇удтасса саллзкасса д̇худ̇асса баасаад̣̇игасса абажаяасса вийрияаарамбхасса 3 ван̣н̣аваад̣̇ий. имаани, бханд̇з, бан̃жа вад̇т̇ууни анзгабарияааязна аббижчад̇ааяа санд̇удтияаа саллзкааяа д̇худ̇ад̇ааяа баасаад̣̇игад̇ааяа абажаяааяа вийрияаарамбхааяа сам̣вад̇д̇анд̇и. саад̇ху, бханд̇з, бхигкуу яааваж̇ийвам̣ ааран̃н̃игаа ассу; яо г̇ааманд̇ам̣ осарзяяа, важ̇ж̇ам̣ нам̣ пусзяяа. яааваж̇ийвам̣ бин̣д̣абаад̇игаа ассу; яо ниманд̇анам̣ саад̣̇иязяяа, важ̇ж̇ам̣ нам̣ пусзяяа. яааваж̇ийвам̣ бам̣сугуулигаа ассу; яо г̇ахабад̇ижийварам̣ саад̣̇иязяяа, важ̇ж̇ам̣ нам̣ пусзяяа. яааваж̇ийвам̣ ругкамуулигаа ассу; яо чаннам̣ убаг̇ажчзяяа, важ̇ж̇ам̣ нам̣ пусзяяа. яааваж̇ийвам̣ мажчамам̣сам̣ на каад̣̇зяяум̣; яо мажчамам̣сам̣ каад̣̇зяяа, важ̇ж̇ам̣ нам̣ пусзяяаа’д̇и. имаани саман̣о г̇од̇амо наануж̇ааниссад̇и. д̇з маяам̣ имзхи бан̃жахи вад̇т̇уухи ж̇анам̣ сан̃н̃аабзссаамаад̇и. саггаа ко, аавусо, имзхи бан̃жахи вад̇т̇уухи саман̣асса г̇од̇амасса сан̇гхабхзд̣̇о гаад̇ум̣ жаггабхзд̣̇о. луукабасаннаа хи, аавусо, мануссаа’’д̇и.
409.4 Tena samayena buddho bhagavā rājagahe viharati veḷuvane kalandakanivāpe. Atha kho devadatto yena kokāliko kaṭamodakatissako 5 khaṇḍadeviyā putto samuddadatto tenupasaṅkami; upasaṅkamitvā kokālikaṃ kaṭamodakatissakaṃ khaṇḍadeviyā puttaṃ samuddadattaṃ etadavoca – ‘‘etha mayaṃ, āvuso, samaṇassa gotamassa saṅghabhedaṃ karissāma cakkabheda’’nti. Evaṃ vutte kokāliko devadattaṃ etadavoca – ‘‘samaṇo kho, āvuso, gotamo mahiddhiko mahānubhāvo. Kathaṃ mayaṃ samaṇassa gotamassa saṅghabhedaṃ karissāma cakkabheda’’nti? ‘‘Etha mayaṃ, āvuso, samaṇaṃ gotamaṃ upasaṅkamitvā pañca vatthūni yācissāma – ‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa 6 vaṇṇavādī. Imāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṃvattanti. Sādhu, bhante, bhikkhū yāvajīvaṃ āraññikā assu; yo gāmantaṃ osareyya, vajjaṃ naṃ phuseyya. Yāvajīvaṃ piṇḍapātikā assu; yo nimantanaṃ sādiyeyya, vajjaṃ naṃ phuseyya. Yāvajīvaṃ paṃsukūlikā assu; yo gahapaticīvaraṃ sādiyeyya, vajjaṃ naṃ phuseyya. Yāvajīvaṃ rukkhamūlikā assu; yo channaṃ upagaccheyya, vajjaṃ naṃ phuseyya. Yāvajīvaṃ macchamaṃsaṃ na khādeyyuṃ; yo macchamaṃsaṃ khādeyya, vajjaṃ naṃ phuseyyā’ti. Imāni samaṇo gotamo nānujānissati. Te mayaṃ imehi pañcahi vatthūhi janaṃ saññāpessāmāti. Sakkā kho, āvuso, imehi pañcahi vatthūhi samaṇassa gotamassa saṅghabhedo kātuṃ cakkabhedo. Lūkhapasannā hi, āvuso, manussā’’ti.
ат̇а ко д̣̇звад̣̇ад̇д̇о сабарисо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко д̣̇звад̣̇ад̇д̇о бхаг̇аванд̇ам̣ зд̇ад̣̇авожа – ‘‘бхаг̇аваа, бханд̇з, анзгабарияааязна аббижчасса…бз… вийрияаарамбхасса ван̣н̣аваад̣̇ий. имаани, бханд̇з, бан̃жа вад̇т̇ууни анзгабарияааязна аббижчад̇ааяа…бз… вийрияаарамбхааяа сам̣вад̇д̇анд̇и. саад̇ху, бханд̇з, бхигкуу яааваж̇ийвам̣ ааран̃н̃игаа ассу; яо г̇ааманд̇ам̣ осарзяяа важ̇ж̇ам̣ нам̣ пусзяяа…бз… яааваж̇ийвам̣ мажчамам̣сам̣ на каад̣̇зяяум̣, яо мажчамам̣сам̣ каад̣̇зяяа важ̇ж̇ам̣ нам̣ пусзяяаа’’д̇и. ‘‘алам̣, д̣̇звад̣̇ад̇д̇а, яо ижчад̇и ааран̃н̃иго ход̇у, яо ижчад̇и г̇ааманд̇з вихарад̇у; яо ижчад̇и бин̣д̣абаад̇иго ход̇у, яо ижчад̇и ниманд̇анам̣ саад̣̇ияад̇у; яо ижчад̇и бам̣сугуулиго ход̇у, яо ижчад̇и г̇ахабад̇ижийварам̣ саад̣̇ияад̇у. адтамаасз ко маяаа, д̣̇звад̣̇ад̇д̇а, ругкамууласзнаасанам̣ анун̃н̃аад̇ам̣, д̇игодибарисуд̣̇д̇хам̣ мажчамам̣сам̣ – ад̣̇идтам̣ асуд̇ам̣ абарисан̇гид̇а’’нд̇и. ат̇а ко д̣̇звад̣̇ад̇д̇о – ‘‘на бхаг̇аваа имаани бан̃жа вад̇т̇ууни ануж̇аанаад̇ий’’д̇и хадто уд̣̇аг̇г̇о сабарисо удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
Atha kho devadatto sapariso yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho devadatto bhagavantaṃ etadavoca – ‘‘bhagavā, bhante, anekapariyāyena appicchassa…pe… vīriyārambhassa vaṇṇavādī. Imāni, bhante, pañca vatthūni anekapariyāyena appicchatāya…pe… vīriyārambhāya saṃvattanti. Sādhu, bhante, bhikkhū yāvajīvaṃ āraññikā assu; yo gāmantaṃ osareyya vajjaṃ naṃ phuseyya…pe… yāvajīvaṃ macchamaṃsaṃ na khādeyyuṃ, yo macchamaṃsaṃ khādeyya vajjaṃ naṃ phuseyyā’’ti. ‘‘Alaṃ, devadatta, yo icchati āraññiko hotu, yo icchati gāmante viharatu; yo icchati piṇḍapātiko hotu, yo icchati nimantanaṃ sādiyatu; yo icchati paṃsukūliko hotu, yo icchati gahapaticīvaraṃ sādiyatu. Aṭṭhamāse kho mayā, devadatta, rukkhamūlasenāsanaṃ anuññātaṃ, tikoṭiparisuddhaṃ macchamaṃsaṃ – adiṭṭhaṃ asutaṃ aparisaṅkita’’nti. Atha kho devadatto – ‘‘na bhagavā imāni pañca vatthūni anujānātī’’ti haṭṭho udaggo sapariso uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
410. ат̇а ко д̣̇звад̣̇ад̇д̇о сабарисо рааж̇аг̇ахам̣ бависид̇ваа бан̃жахи вад̇т̇уухи ж̇анам̣ сан̃н̃аабзси – ‘‘маяам̣, аавусо, саман̣ам̣ г̇од̇амам̣ убасан̇гамид̇ваа бан̃жа вад̇т̇ууни яаажимхаа – ‘бхаг̇аваа, бханд̇з, анзгабарияааязна аббижчасса санд̇удтасса саллзкасса д̇худ̇асса баасаад̣̇игасса абажаяасса вийрияаарамбхасса ван̣н̣аваад̣̇ий. имаани, бханд̇з, бан̃жа вад̇т̇ууни анзгабарияааязна аббижчад̇ааяа санд̇удтияаа саллзкааяа д̇худ̇ад̇ааяа баасаад̣̇игад̇ааяа абажаяааяа вийрияаарамбхааяа сам̣вад̇д̇анд̇и. саад̇ху, бханд̇з, бхигкуу яааваж̇ийвам̣ ааран̃н̃игаа ассу; яо г̇ааманд̇ам̣ осарзяяа, важ̇ж̇ам̣ нам̣ пусзяяа. яааваж̇ийвам̣ бин̣д̣абаад̇игаа ассу; яо ниманд̇анам̣ саад̣̇иязяяа, важ̇ж̇ам̣ нам̣ пусзяяа. яааваж̇ийвам̣ бам̣сугуулигаа ассу; яо г̇ахабад̇ижийварам̣ саад̣̇иязяяа, важ̇ж̇ам̣ нам̣ пусзяяа. яааваж̇ийвам̣ ругкамуулигаа ассу; яо чаннам̣ убаг̇ажчзяяа, важ̇ж̇ам̣ нам̣ пусзяяа. яааваж̇ийвам̣ мажчамам̣сам̣ на каад̣̇зяяум̣; яо мажчамам̣сам̣ каад̣̇зяяа, важ̇ж̇ам̣ нам̣ пусзяяаа’д̇и. имаани саман̣о г̇од̇амо наануж̇аанаад̇и . д̇з маяам̣ имзхи бан̃жахи вад̇т̇уухи самаад̣̇ааяа вад̇д̇аамаа’’д̇и. д̇ад̇т̇а яз д̇з мануссаа ассад̣̇д̇хаа аббасаннаа д̣̇уб̣б̣уд̣̇д̇хино д̇з звамаахам̣су – ‘‘имз ко саман̣аа сагяабуд̇д̇ияаа д̇худ̇аа саллзкавуд̇д̇ино, саман̣о бана г̇од̇амо б̣аахуллиго б̣аахуллааяа жзд̇зд̇ий’’д̇и. яз бана д̇з мануссаа сад̣̇д̇хаа басаннаа бан̣д̣ид̇аа б̣яад̇д̇аа б̣уд̣̇д̇химанд̇о д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама д̣̇звад̣̇ад̇д̇о бхаг̇авад̇о сан̇гхабхзд̣̇ааяа бараггамиссад̇и жаггабхзд̣̇ааяаа’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама д̣̇звад̣̇ад̇д̇о сан̇гхабхзд̣̇ааяа бараггамиссад̇и жаггабхзд̣̇ааяаа’’д̇и! ат̇а ко д̇з бхигкуу д̣̇звад̣̇ад̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, д̣̇звад̣̇ад̇д̇а, сан̇гхабхзд̣̇ааяа бараггамаси жаггабхзд̣̇ааяаа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇вам̣, могхабуриса, сан̇гхабхзд̣̇ааяа бараггамиссаси жаггабхзд̣̇ааяа! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
410. Atha kho devadatto sapariso rājagahaṃ pavisitvā pañcahi vatthūhi janaṃ saññāpesi – ‘‘mayaṃ, āvuso, samaṇaṃ gotamaṃ upasaṅkamitvā pañca vatthūni yācimhā – ‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī. Imāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṃvattanti. Sādhu, bhante, bhikkhū yāvajīvaṃ āraññikā assu; yo gāmantaṃ osareyya, vajjaṃ naṃ phuseyya. Yāvajīvaṃ piṇḍapātikā assu; yo nimantanaṃ sādiyeyya, vajjaṃ naṃ phuseyya. Yāvajīvaṃ paṃsukūlikā assu; yo gahapaticīvaraṃ sādiyeyya, vajjaṃ naṃ phuseyya. Yāvajīvaṃ rukkhamūlikā assu; yo channaṃ upagaccheyya, vajjaṃ naṃ phuseyya. Yāvajīvaṃ macchamaṃsaṃ na khādeyyuṃ; yo macchamaṃsaṃ khādeyya, vajjaṃ naṃ phuseyyā’ti. Imāni samaṇo gotamo nānujānāti . Te mayaṃ imehi pañcahi vatthūhi samādāya vattāmā’’ti. Tattha ye te manussā assaddhā appasannā dubbuddhino te evamāhaṃsu – ‘‘ime kho samaṇā sakyaputtiyā dhutā sallekhavuttino, samaṇo pana gotamo bāhulliko bāhullāya cetetī’’ti. Ye pana te manussā saddhā pasannā paṇḍitā byattā buddhimanto te ujjhāyanti khiyyanti vipācenti – ‘‘kathañhi nāma devadatto bhagavato saṅghabhedāya parakkamissati cakkabhedāyā’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma devadatto saṅghabhedāya parakkamissati cakkabhedāyā’’ti! Atha kho te bhikkhū devadattaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, devadatta, saṅghabhedāya parakkamasi cakkabhedāyā’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma tvaṃ, moghapurisa, saṅghabhedāya parakkamissasi cakkabhedāya! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
411. ‘‘яо бана бхигку самаг̇г̇асса сан̇гхасса бхзд̣̇ааяа бараггамзяяа, бхзд̣̇анасам̣вад̇д̇анигам̣ ваа ад̇хигаран̣ам̣ самаад̣̇ааяа баг̇г̇аяха д̇идтзяяа, со бхигку бхигкуухи звамасса важанийяо – ‘мааяасмаа самаг̇г̇асса сан̇гхасса бхзд̣̇ааяа бараггами, бхзд̣̇анасам̣вад̇д̇анигам̣ ваа ад̇хигаран̣ам̣ самаад̣̇ааяа баг̇г̇аяха адтааси. самзд̇ааяасмаа сан̇гхзна. самаг̇г̇о хи сан̇гхо саммод̣̇амаано авивад̣̇амаано згуд̣̇д̣̇зсо паасу вихарад̇ий’д̇и. зван̃жа со бхигку бхигкуухи вужжамаано д̇ат̇зва баг̇г̇ан̣хзяяа , со бхигку бхигкуухи яаавад̇ад̇ияам̣ саманубхаасид̇аб̣б̣о д̇асса бадиниссаг̇г̇ааяа. яаавад̇ад̇ияан̃жз саманубхаасияамаано д̇ам̣ бадиниссаж̇ж̇зяяа, ижжзд̇ам̣ гусалам̣; но жз бадиниссаж̇ж̇зяяа, сан̇гхаад̣̇исзсо’’д̇и.
411.‘‘Yo pana bhikkhu samaggassa saṅghassa bhedāya parakkameyya, bhedanasaṃvattanikaṃ vā adhikaraṇaṃ samādāya paggayha tiṭṭheyya, so bhikkhu bhikkhūhi evamassa vacanīyo – ‘māyasmā samaggassa saṅghassa bhedāya parakkami, bhedanasaṃvattanikaṃ vā adhikaraṇaṃ samādāya paggayha aṭṭhāsi. Sametāyasmā saṅghena. Samaggo hi saṅgho sammodamāno avivadamāno ekuddeso phāsu viharatī’ti. Evañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṃ samanubhāsitabbo tassa paṭinissaggāya. Yāvatatiyañce samanubhāsiyamāno taṃ paṭinissajjeyya, iccetaṃ kusalaṃ; no ce paṭinissajjeyya, saṅghādiseso’’ti.
412. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
412.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
самаг̇г̇о наама сан̇гхо самаанасам̣ваасаго самаанасиймааяам̣ тид̇о.
Samaggo nāma saṅgho samānasaṃvāsako samānasīmāyaṃ ṭhito.
бхзд̣̇ааяа бараггамзяяаад̇и – ‘‘гат̇ам̣ имз наанаа ассу, винаа ассу, ваг̇г̇аа ассуу’’д̇и багкам̣ бариязсад̇и, г̇ан̣ам̣ б̣анд̇хад̇и.
Bhedāya parakkameyyāti – ‘‘kathaṃ ime nānā assu, vinā assu, vaggā assū’’ti pakkhaṃ pariyesati, gaṇaṃ bandhati.
бхзд̣̇анасам̣вад̇д̇анигам̣ ваа ад̇хигаран̣анд̇и адтаарасабхзд̣̇агаравад̇т̇ууни.
Bhedanasaṃvattanikaṃ vā adhikaraṇanti aṭṭhārasabhedakaravatthūni.
самаад̣̇ааяаад̇и аад̣̇ааяа.
Samādāyāti ādāya.
баг̇г̇аяхаад̇и д̣̇ийбзяяа.
Paggayhāti dīpeyya.
д̇идтзяяаад̇и на бадиниссаж̇ж̇зяяа.
Tiṭṭheyyāti na paṭinissajjeyya.
со бхигкууд̇и яо со сан̇гхабхзд̣̇аго бхигку.
So bhikkhūti yo so saṅghabhedako bhikkhu.
бхигкуухийд̇и ан̃н̃зхи бхигкуухи.
Bhikkhūhīti aññehi bhikkhūhi.
яз бассанд̇и, яз сун̣анд̇и, д̇зхи вад̇д̇аб̣б̣о – ‘‘мааяасмаа самаг̇г̇асса сан̇гхасса бхзд̣̇ааяа бараггами, бхзд̣̇анасам̣вад̇д̇анигам̣ ваа ад̇хигаран̣ам̣ самаад̣̇ааяа баг̇г̇аяха адтааси. самзд̇ааяасмаа сан̇гхзна. самаг̇г̇о хи сан̇гхо саммод̣̇амаано авивад̣̇амаано згуд̣̇д̣̇зсо паасу вихарад̇ий’’д̇и. д̣̇уд̇ияамби вад̇д̇аб̣б̣о. д̇ад̇ияамби вад̇д̇аб̣б̣о. сажз бадиниссаж̇ж̇ад̇и, ижжзд̇ам̣ гусалам̣; но жз бадиниссаж̇ж̇ад̇и, аабад̇д̇и д̣̇уггадасса. суд̇ваа на вад̣̇анд̇и , аабад̇д̇и д̣̇уггадасса. со бхигку сан̇гхамаж̇жхамби аагад̣дхид̇ваа вад̇д̇аб̣б̣о – ‘‘мааяасмаа самаг̇г̇асса сан̇гхасса бхзд̣̇ааяа бараггами, бхзд̣̇анасам̣вад̇д̇анигам̣ ваа ад̇хигаран̣ам̣ самаад̣̇ааяа баг̇г̇аяха адтааси. самзд̇ааяасмаа сан̇гхзна. самаг̇г̇о хи сан̇гхо саммод̣̇амаано авивад̣̇амаано згуд̣̇д̣̇зсо паасу вихарад̇ий’’д̇и. д̣̇уд̇ияамби вад̇д̇аб̣б̣о. д̇ад̇ияамби вад̇д̇аб̣б̣о. сажз бадиниссаж̇ж̇ад̇и, ижжзд̇ам̣ гусалам̣; но жз бадиниссаж̇ж̇ад̇и, аабад̇д̇и д̣̇уггадасса. со бхигку саманубхаасид̇аб̣б̣о – ‘‘зван̃жа бана, бхигкавз, саманубхаасид̇аб̣б̣о. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Ye passanti, ye suṇanti, tehi vattabbo – ‘‘māyasmā samaggassa saṅghassa bhedāya parakkami, bhedanasaṃvattanikaṃ vā adhikaraṇaṃ samādāya paggayha aṭṭhāsi. Sametāyasmā saṅghena. Samaggo hi saṅgho sammodamāno avivadamāno ekuddeso phāsu viharatī’’ti. Dutiyampi vattabbo. Tatiyampi vattabbo. Sace paṭinissajjati, iccetaṃ kusalaṃ; no ce paṭinissajjati, āpatti dukkaṭassa. Sutvā na vadanti , āpatti dukkaṭassa. So bhikkhu saṅghamajjhampi ākaḍḍhitvā vattabbo – ‘‘māyasmā samaggassa saṅghassa bhedāya parakkami, bhedanasaṃvattanikaṃ vā adhikaraṇaṃ samādāya paggayha aṭṭhāsi. Sametāyasmā saṅghena. Samaggo hi saṅgho sammodamāno avivadamāno ekuddeso phāsu viharatī’’ti. Dutiyampi vattabbo. Tatiyampi vattabbo. Sace paṭinissajjati, iccetaṃ kusalaṃ; no ce paṭinissajjati, āpatti dukkaṭassa. So bhikkhu samanubhāsitabbo – ‘‘evañca pana, bhikkhave, samanubhāsitabbo. Byattena bhikkhunā paṭibalena saṅgho ñāpetabbo –
413. ‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку самаг̇г̇асса сан̇гхасса бхзд̣̇ааяа бараггамад̇и. со д̇ам̣ вад̇т̇ум̣ на бадиниссаж̇ж̇ад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкум̣ саманубхаасзяяа д̇асса вад̇т̇усса бадиниссаг̇г̇ааяа. зсаа н̃ад̇д̇и.
413. ‘‘Suṇātu me, bhante, saṅgho. Ayaṃ itthannāmo bhikkhu samaggassa saṅghassa bhedāya parakkamati. So taṃ vatthuṃ na paṭinissajjati. Yadi saṅghassa pattakallaṃ, saṅgho itthannāmaṃ bhikkhuṃ samanubhāseyya tassa vatthussa paṭinissaggāya. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку самаг̇г̇асса сан̇гхасса бхзд̣̇ааяа бараггамад̇и. со д̇ам̣ вад̇т̇ум̣ на бадиниссаж̇ж̇ад̇и. сан̇гхо ид̇т̇аннаамам̣ бхигкум̣ саманубхаасад̇и д̇асса вад̇т̇усса бадиниссаг̇г̇ааяа. яассааяасмад̇о камад̇и ид̇т̇аннаамасса бхигкуно саманубхаасанаа д̇асса вад̇т̇усса бадиниссаг̇г̇ааяа, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo bhikkhu samaggassa saṅghassa bhedāya parakkamati. So taṃ vatthuṃ na paṭinissajjati. Saṅgho itthannāmaṃ bhikkhuṃ samanubhāsati tassa vatthussa paṭinissaggāya. Yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. аяам̣ ид̇т̇аннаамо бхигку самаг̇г̇асса сан̇гхасса бхзд̣̇ааяа бараггамад̇и. со д̇ам̣ вад̇т̇ум̣ на бадиниссаж̇ж̇ад̇и. сан̇гхо ид̇т̇аннаамам̣ бхигкум̣ саманубхаасад̇и д̇асса вад̇т̇усса бадиниссаг̇г̇ааяа. яассааяасмад̇о камад̇и ид̇т̇аннаамасса бхигкуно саманубхаасанаа д̇асса вад̇т̇усса бадиниссаг̇г̇ааяа, со д̇ун̣хасса; яасса нагкамад̇и, со бхаасзяяа.
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Ayaṃ itthannāmo bhikkhu samaggassa saṅghassa bhedāya parakkamati. So taṃ vatthuṃ na paṭinissajjati. Saṅgho itthannāmaṃ bhikkhuṃ samanubhāsati tassa vatthussa paṭinissaggāya. Yassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa; yassa nakkhamati, so bhāseyya.
‘‘саманубхадто сан̇гхзна ид̇т̇аннаамо бхигку д̇асса вад̇т̇усса бадиниссаг̇г̇ааяа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Samanubhaṭṭho saṅghena itthannāmo bhikkhu tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
414. н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа, гаммаваажаабарияосаанз аабад̇д̇и сан̇гхаад̣̇исзсасса. сан̇гхаад̣̇исзсам̣ аж̇жхаабаж̇ж̇анд̇асса н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа бадиббассамбханд̇и.
414. Ñattiyā dukkaṭaṃ, dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṃ ajjhāpajjantassa ñattiyā dukkaṭaṃ, dvīhi kammavācāhi thullaccayā paṭippassambhanti.
сан̇гхаад̣̇исзсод̇и…бз… д̇знаби вужжад̇и сан̇гхаад̣̇исзсод̇и.
Saṅghādisesoti…pe… tenapi vuccati saṅghādisesoti.
415. д̇хаммагаммз д̇хаммагаммасан̃н̃ий на бадиниссаж̇ж̇ад̇и, аабад̇д̇и сан̇гхаад̣̇исзсасса.
415. Dhammakamme dhammakammasaññī na paṭinissajjati, āpatti saṅghādisesassa.
д̇хаммагаммз взмад̇иго на бадиниссаж̇ж̇ад̇и, аабад̇д̇и сан̇гхаад̣̇исзсасса.
Dhammakamme vematiko na paṭinissajjati, āpatti saṅghādisesassa.
д̇хаммагаммз ад̇хаммагаммасан̃н̃ий на бадиниссаж̇ж̇ад̇и, аабад̇д̇и сан̇гхаад̣̇исзсасса.
Dhammakamme adhammakammasaññī na paṭinissajjati, āpatti saṅghādisesassa.
ад̇хаммагаммз д̇хаммагаммасан̃н̃ий, аабад̇д̇и д̣̇уггадасса.
Adhammakamme dhammakammasaññī, āpatti dukkaṭassa.
ад̇хаммагаммз взмад̇иго, аабад̇д̇и д̣̇уггадасса.
Adhammakamme vematiko, āpatti dukkaṭassa.
ад̇хаммагаммз ад̇хаммагаммасан̃н̃ий, аабад̇д̇и д̣̇уггадасса.
Adhammakamme adhammakammasaññī, āpatti dukkaṭassa.
416. анаабад̇д̇и асаманубхаасанд̇асса, бадиниссаж̇ж̇анд̇асса, уммад̇д̇агасса, кид̇д̇ажид̇д̇асса, взд̣̇анааддасса, аад̣̇игаммигассаад̇и.
416. Anāpatti asamanubhāsantassa, paṭinissajjantassa, ummattakassa, khittacittassa, vedanāṭṭassa, ādikammikassāti.
сан̇гхабхзд̣̇асигкаабад̣̇ам̣ нидтид̇ам̣ д̣̇асамам̣.
Saṅghabhedasikkhāpadaṃ niṭṭhitaṃ dasamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. батамасан̇гхабхзд̣̇асигкаабад̣̇аван̣н̣анаа • 10. Paṭhamasaṅghabhedasikkhāpadavaṇṇanā
