Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    7. сан̇гхабхзд̣̇асуд̇д̇ам̣

    7. Saṅghabhedasuttaṃ

    37. ‘‘‘сан̇гхабхзд̣̇о сан̇гхабхзд̣̇о’д̇и, бханд̇з, вужжад̇и. гид̇д̇аавад̇аа ну ко, бханд̇з, сан̇гхо бхинно ход̇ий’’д̇и? ‘‘ид̇хубаали, бхигкуу ад̇хаммам̣ д̇хаммод̇и д̣̇ийбзнд̇и, д̇хаммам̣ ад̇хаммод̇и д̣̇ийбзнд̇и, авинаяам̣ винаяод̇и д̣̇ийбзнд̇и, винаяам̣ авинаяод̇и д̣̇ийбзнд̇и, абхаасид̇ам̣ алабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзнд̇и, бхаасид̇ам̣ лабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзнд̇и, анаажин̣н̣ам̣ д̇ат̇ааг̇ад̇зна аажин̣н̣ам̣ д̇ат̇ааг̇ад̇знаад̇и д̣̇ийбзнд̇и, аажин̣н̣ам̣ д̇ат̇ааг̇ад̇зна анаажин̣н̣ам̣ д̇ат̇ааг̇ад̇знаад̇и д̣̇ийбзнд̇и, абан̃н̃ад̇д̇ам̣ д̇ат̇ааг̇ад̇зна бан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и , бан̃н̃ад̇д̇ам̣ д̇ат̇ааг̇ад̇зна абан̃н̃ад̇д̇ам̣ д̇ат̇ааг̇ад̇знаад̇и д̣̇ийбзнд̇и. д̇з имзхи д̣̇асахи вад̇т̇уухи авагассанд̇и абагассанд̇и аавзни 1 гаммаани гаронд̇и аавзни баад̇имогкам̣ уд̣̇д̣̇исанд̇и. зд̇д̇аавад̇аа ко, убаали, сан̇гхо бхинно ход̇ий’’д̇и. сад̇д̇амам̣.

    37. ‘‘‘Saṅghabhedo saṅghabhedo’ti, bhante, vuccati. Kittāvatā nu kho, bhante, saṅgho bhinno hotī’’ti? ‘‘Idhupāli, bhikkhū adhammaṃ dhammoti dīpenti, dhammaṃ adhammoti dīpenti, avinayaṃ vinayoti dīpenti, vinayaṃ avinayoti dīpenti, abhāsitaṃ alapitaṃ tathāgatena bhāsitaṃ lapitaṃ tathāgatenāti dīpenti, bhāsitaṃ lapitaṃ tathāgatena abhāsitaṃ alapitaṃ tathāgatenāti dīpenti, anāciṇṇaṃ tathāgatena āciṇṇaṃ tathāgatenāti dīpenti, āciṇṇaṃ tathāgatena anāciṇṇaṃ tathāgatenāti dīpenti, apaññattaṃ tathāgatena paññattaṃ tathāgatenāti dīpenti , paññattaṃ tathāgatena apaññattaṃ tathāgatenāti dīpenti. Te imehi dasahi vatthūhi avakassanti apakassanti āveni 2 kammāni karonti āveni pātimokkhaṃ uddisanti. Ettāvatā kho, upāli, saṅgho bhinno hotī’’ti. Sattamaṃ.




    Next: 8. сан̇гхасаамаг̇г̇ийсуд̇д̇ам̣ • 8. Saṅghasāmaggīsuttaṃ




    Footnotes:
    1. аавзним̣ (жуул̣ава. 352) аавзн̣и, аавзн̣игам̣ (д̇ад̇т̇зва ад̇холиби)
    2. āveniṃ (cūḷava. 352) āveṇi, āveṇikaṃ (tattheva adholipi)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. сан̇гхабхзд̣̇асуд̇д̇аван̣н̣анаа • 7. Saṅghabhedasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact