| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
8. сан̇гхабхзд̣̇асуд̇д̇ам̣
8. Saṅghabhedasuttaṃ
48. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа аананд̣̇о д̇ад̣̇ахубосат̇з буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи.
48. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā ānando tadahuposathe pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi.
ад̣̇д̣̇асаа ко д̣̇звад̣̇ад̇д̇о ааяасманд̇ам̣ аананд̣̇ам̣ рааж̇аг̇ахз бин̣д̣ааяа жаранд̇ам̣. д̣̇исваана язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘аж̇ж̇ад̇аг̇г̇з д̣̇аанаахам̣, аавусо аананд̣̇а, ан̃н̃ад̇рзва бхаг̇авад̇аа ан̃н̃ад̇ра бхигкусан̇гхаа убосат̇ам̣ гариссаами сан̇гхагаммаани жаа’’д̇и.
Addasā kho devadatto āyasmantaṃ ānandaṃ rājagahe piṇḍāya carantaṃ. Disvāna yenāyasmā ānando tenupasaṅkami; upasaṅkamitvā āyasmantaṃ ānandaṃ etadavoca – ‘‘ajjatagge dānāhaṃ, āvuso ānanda, aññatreva bhagavatā aññatra bhikkhusaṅghā uposathaṃ karissāmi saṅghakammāni cā’’ti.
ат̇а ко ааяасмаа аананд̣̇о рааж̇аг̇ахз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа –
Atha kho āyasmā ānando rājagahe piṇḍāya caritvā pacchābhattaṃ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘ид̇хаахам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи. ад̣̇д̣̇асаа ко мам̣, бханд̇з, д̣̇звад̣̇ад̇д̇о рааж̇аг̇ахз бин̣д̣ааяа жаранд̇ам̣. д̣̇исваана язнаахам̣ д̇знубасан̇гами; убасан̇гамид̇ваа мам̣ зд̇ад̣̇авожа – ‘аж̇ж̇ад̇аг̇г̇з д̣̇аанаахам̣, аавусо аананд̣̇а, ан̃н̃ад̇рзва бхаг̇авад̇аа ан̃н̃ад̇ра бхигкусан̇гхаа убосат̇ам̣ гариссаами сан̇гхагаммаани жаа’д̇и. аж̇ж̇а, бханд̇з, д̣̇звад̣̇ад̇д̇о сан̇гхам̣ бхинд̣̇иссад̇и, убосат̇ан̃жа гариссад̇и сан̇гхагаммаани жаа’’д̇и.
‘‘Idhāhaṃ, bhante, pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi. Addasā kho maṃ, bhante, devadatto rājagahe piṇḍāya carantaṃ. Disvāna yenāhaṃ tenupasaṅkami; upasaṅkamitvā maṃ etadavoca – ‘ajjatagge dānāhaṃ, āvuso ānanda, aññatreva bhagavatā aññatra bhikkhusaṅghā uposathaṃ karissāmi saṅghakammāni cā’ti. Ajja, bhante, devadatto saṅghaṃ bhindissati, uposathañca karissati saṅghakammāni cā’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘сугарам̣ саад̇хунаа саад̇ху, саад̇ху баабзна д̣̇уггарам̣ 1;
‘‘Sukaraṃ sādhunā sādhu, sādhu pāpena dukkaraṃ 2;
баабам̣ баабзна сугарам̣, баабамариязхи д̣̇уггара’’нд̇и. адтамам̣;
Pāpaṃ pāpena sukaraṃ, pāpamariyehi dukkara’’nti. aṭṭhamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 8. сан̇гхабхзд̣̇асуд̇д̇аван̣н̣анаа • 8. Saṅghabhedasuttavaṇṇanā
