| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
8. сан̇гхабхзд̣̇асуд̇д̇аван̣н̣анаа
8. Saṅghabhedasuttavaṇṇanā
18. адтамз згад̇хаммод̇и гад̇арояам̣ суд̇д̇анигкзбо? адтуббад̇д̇иго. д̇ад̇рааяам̣ сан̇кзбагат̇аа – д̣̇звад̣̇ад̇д̇о хи аж̇аад̇асад̇д̇ум̣ д̣̇уг̇г̇ахан̣ам̣ г̇аахаабзд̇ваа д̇асса бид̇арам̣ рааж̇аанам̣ б̣имб̣исаарам̣ д̇зна маараабзд̇вааби абхимаарз баяож̇зд̇вааби силаабавиж̇жханзна лохид̇уббаад̣̇агаммам̣ гад̇вааби на д̇аавад̇аа баагадо ж̇аад̇о, наал̣ааг̇ирим̣ виссаж̇ж̇зд̇ваа бана баагадо ж̇аад̇о. ат̇а махааж̇ано ‘‘зваруубамби наама баабам̣ г̇ахзд̇ваа рааж̇аа вижарад̇ий’’д̇и голаахалам̣ агааси, махаагхосо ахоси. д̇ам̣ суд̇ваа рааж̇аа ад̇д̇анаа д̣̇ийяамаанаани бан̃жа т̇аалибаагасад̇аани бажчинд̣̇аабзси, убадтаанамбисса нааг̇амааси. нааг̇арааби гулам̣ убаг̇ад̇асса гадажчубхад̇д̇амбисса наад̣̇ам̣су. со барихийналаабхасаггааро гохан̃н̃зна ж̇ийвид̇угаамо сад̇т̇аарам̣ убасан̇гамид̇ваа бан̃жа вад̇т̇ууни яаажид̇ваа ‘‘алам̣, д̣̇звад̣̇ад̇д̇а, яо ижчад̇и, со ааран̃н̃иго ход̇уу’’д̇иаад̣̇инаа (баараа. 409; жуул̣ава. 343) бхаг̇авад̇аа бадигкид̇д̇о д̇зхи бан̃жахи вад̇т̇уухи б̣аалам̣ луукаббасаннам̣ ж̇анам̣ сан̃н̃аабзнд̇о бан̃жасад̇з важ̇ж̇ибуд̇д̇агз салаагам̣ г̇аахаабзд̇ваа сан̇гхам̣ бхинд̣̇ид̇ваава д̇з аад̣̇ааяа г̇аяаасийсам̣ аг̇амааси. ат̇а д̣̇вз аг̇г̇асаавагаа сад̇т̇у аан̣ааяа д̇ад̇т̇а г̇анд̇ваа д̇хаммам̣ д̣̇зсзд̇ваа д̇з арияапалз бад̇идтаабзд̇ваа аанаяим̣су. яз банасса сан̇гхабхзд̣̇ааяа бараггаманд̇асса лад̣̇д̇хим̣ рожзд̇ваа д̇ат̇зва баг̇г̇аяха тид̇аа сан̇гхз бхиж̇ж̇анд̇з бхиннз жа саманун̃н̃аа ахзсум̣, д̇зсам̣ д̇ам̣ д̣̇ийгхарад̇д̇ам̣ ахид̇ааяа д̣̇угкааяа ахоси .
18. Aṭṭhame ekadhammoti kataroyaṃ suttanikkhepo? Aṭṭhuppattiko. Tatrāyaṃ saṅkhepakathā – devadatto hi ajātasattuṃ duggahaṇaṃ gāhāpetvā tassa pitaraṃ rājānaṃ bimbisāraṃ tena mārāpetvāpi abhimāre payojetvāpi silāpavijjhanena lohituppādakammaṃ katvāpi na tāvatā pākaṭo jāto, nāḷāgiriṃ vissajjetvā pana pākaṭo jāto. Atha mahājano ‘‘evarūpampi nāma pāpaṃ gahetvā rājā vicaratī’’ti kolāhalaṃ akāsi, mahāghoso ahosi. Taṃ sutvā rājā attanā dīyamānāni pañca thālipākasatāni pacchindāpesi, upaṭṭhānampissa nāgamāsi. Nāgarāpi kulaṃ upagatassa kaṭacchubhattampissa nādaṃsu. So parihīnalābhasakkāro kohaññena jīvitukāmo satthāraṃ upasaṅkamitvā pañca vatthūni yācitvā ‘‘alaṃ, devadatta, yo icchati, so āraññiko hotū’’tiādinā (pārā. 409; cūḷava. 343) bhagavatā paṭikkhitto tehi pañcahi vatthūhi bālaṃ lūkhappasannaṃ janaṃ saññāpento pañcasate vajjiputtake salākaṃ gāhāpetvā saṅghaṃ bhinditvāva te ādāya gayāsīsaṃ agamāsi. Atha dve aggasāvakā satthu āṇāya tattha gantvā dhammaṃ desetvā te ariyaphale patiṭṭhāpetvā ānayiṃsu. Ye panassa saṅghabhedāya parakkamantassa laddhiṃ rocetvā tatheva paggayha ṭhitā saṅghe bhijjante bhinne ca samanuññā ahesuṃ, tesaṃ taṃ dīgharattaṃ ahitāya dukkhāya ahosi .
д̣̇звад̣̇ад̇д̇оби на жирассзва рог̇аабхибхууд̇о б̣аал̣хаг̇илаано маран̣агаалз ‘‘сад̇т̇аарам̣ ванд̣̇иссаамий’’д̇и ман̃жагасивигааяа нийяамаано ж̇зд̇аванабогкаран̣ид̇ийрз табид̇о бат̇авияаа виварз д̣̇иннз бад̇ид̇ваа авийжимхи ниб̣б̣ад̇д̇и, яож̇анасад̇иго жасса ад̇д̇абхааво ахоси габбадтияо д̇аалагканд̇хабаримаан̣зхи аяасуулзхи винивид̣̇д̇хо. д̣̇звад̣̇ад̇д̇абагкигаани жа бан̃жамад̇д̇аани гуласад̇аани д̇асса лад̣̇д̇хияам̣ тид̇аани саха б̣анд̇хавзхи нираяз ниб̣б̣ад̇д̇аани. згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, д̣̇звад̣̇ад̇д̇зна сан̇гхам̣ бхинд̣̇анд̇зна бхаарияам̣ гаммам̣ гад̇а’’нд̇и. ат̇а сад̇т̇аа д̇хаммасабхам̣ убаг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з сан̇гхабхзд̣̇з аад̣̇ийнавам̣ д̣̇ассзнд̇о имам̣ суд̇д̇ам̣ абхааси. гзжи бана бхан̣анд̇и ‘‘д̣̇звад̣̇ад̇д̇асса д̇аббагкигаанан̃жа д̇ат̇аа нираяз ниб̣б̣ад̇д̇абхаавам̣ д̣̇исваа сан̇гхабхзд̣̇з аад̣̇ийнавам̣ д̣̇ассзнд̇о бхаг̇аваа ад̇д̇ано аж̇жхаасаязнзва имам̣ суд̇д̇ам̣ д̣̇зсзсий’’д̇и.
Devadattopi na cirasseva rogābhibhūto bāḷhagilāno maraṇakāle ‘‘satthāraṃ vandissāmī’’ti mañcakasivikāya nīyamāno jetavanapokkharaṇitīre ṭhapito pathaviyā vivare dinne patitvā avīcimhi nibbatti, yojanasatiko cassa attabhāvo ahosi kappaṭṭhiyo tālakkhandhaparimāṇehi ayasūlehi vinividdho. Devadattapakkhikāni ca pañcamattāni kulasatāni tassa laddhiyaṃ ṭhitāni saha bandhavehi niraye nibbattāni. Ekadivasaṃ bhikkhū dhammasabhāyaṃ kathaṃ samuṭṭhāpesuṃ ‘‘āvuso, devadattena saṅghaṃ bhindantena bhāriyaṃ kammaṃ kata’’nti. Atha satthā dhammasabhaṃ upagantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte saṅghabhede ādīnavaṃ dassento imaṃ suttaṃ abhāsi. Keci pana bhaṇanti ‘‘devadattassa tappakkhikānañca tathā niraye nibbattabhāvaṃ disvā saṅghabhede ādīnavaṃ dassento bhagavā attano ajjhāsayeneva imaṃ suttaṃ desesī’’ti.
д̇ад̇т̇а згад̇хаммод̇и зго агусало махаасааваж̇ж̇ад̇хаммо. логзд̇и сад̇д̇алогз. уббаж̇ж̇амаано уббаж̇ж̇ад̇ийд̇и зд̇т̇а бхзд̣̇асам̣вад̇д̇анигзсу бхан̣д̣анаад̣̇ийсу сан̇гхз уббаннзсуби ‘‘д̇хаммо ад̇хаммо’’д̇иаад̣̇ийсу адтаарасабхзд̣̇агаравад̇т̇уусу яасса гассажи д̣̇ийбанавасзна вохаранд̇зсуби д̇ад̇т̇а ружиж̇ананад̇т̇ам̣ ануссаавзнд̇зсуби ануссаавзд̇ваа салаагааяа г̇аахид̇ааяаби сан̇гхабхзд̣̇о уббаж̇ж̇амаано наама ход̇и, салаагааяа бана г̇аахид̇ааяа жад̇д̇ааро ваа ад̇ирзгаа ваа яад̣̇аа аавзн̣игам̣ уд̣̇д̣̇зсам̣ ваа сан̇гхагаммам̣ ваа гаронд̇и, д̇ад̣̇аа сан̇гхабхзд̣̇о уббаж̇ж̇ад̇и наама. гад̇з бана д̇асмим̣ сан̇гхабхзд̣̇о уббанно наама? гаммам̣, уд̣̇д̣̇зсо, вохааро, ануссааванаа, салаагаг̇г̇ааход̇и имзсу хи бан̃жасу сан̇гхасса бхзд̣̇агааран̣зсу гаммам̣ ваа уд̣̇д̣̇зсо ваа бамаан̣ам̣, вохаараануссааванасалаагаг̇г̇аахаа бана буб̣б̣абхааг̇аад̇и.
Tattha ekadhammoti eko akusalo mahāsāvajjadhammo. Loketi sattaloke. Uppajjamāno uppajjatīti ettha bhedasaṃvattanikesu bhaṇḍanādīsu saṅghe uppannesupi ‘‘dhammo adhammo’’tiādīsu aṭṭhārasabhedakaravatthūsu yassa kassaci dīpanavasena voharantesupi tattha rucijananatthaṃ anussāventesupi anussāvetvā salākāya gāhitāyapi saṅghabhedo uppajjamāno nāma hoti, salākāya pana gāhitāya cattāro vā atirekā vā yadā āveṇikaṃ uddesaṃ vā saṅghakammaṃ vā karonti, tadā saṅghabhedo uppajjati nāma. Kate pana tasmiṃ saṅghabhedo uppanno nāma? Kammaṃ, uddeso, vohāro, anussāvanā, salākaggāhoti imesu hi pañcasu saṅghassa bhedakāraṇesu kammaṃ vā uddeso vā pamāṇaṃ, vohārānussāvanasalākaggāhā pana pubbabhāgāti.
б̣ахуж̇анаахид̇ааяаад̇иаад̣̇ийсу 0.махааж̇анасса жхаанамаг̇г̇аад̣̇исамбад̇д̇инивааран̣зна ахид̇ааяа, саг̇г̇асамбад̇д̇инивааран̣зна асукааяа, абааяуубабад̇д̇ихзд̇убхаавзна анад̇т̇ааяа. агусалад̇хаммавасзна ваа ахид̇ааяа, хид̇амад̇д̇ассаби абхааваа суг̇ад̇ияамби ниб̣б̣ад̇д̇анагагааяигажзд̇асигад̣̇угкааяа уббаж̇ж̇ад̇ийд̇и самб̣анд̇хо . д̣̇звамануссаананд̇и ид̣̇ам̣ ‘‘б̣ахуно ж̇анассаа’’д̇и вуд̇д̇зсу уггадтабуг̇г̇аланид̣̇д̣̇зсо. абаро наяо – б̣ахуж̇анаахид̇ааяаад̇и б̣ахуж̇анасса махад̇о сад̇д̇агааяасса ахид̇ад̇т̇ааяа, д̣̇идтад̇хаммигасамбарааяигаанад̇т̇ааяаад̇и ад̇т̇о. асукааяаад̇и д̣̇идтад̇хаммигасамбарааяигаасукад̇т̇ааяа, д̣̇увид̇хад̣̇угкад̇т̇ааяаад̇и ад̇т̇о. анад̇т̇ааяаад̇и барамад̇т̇абадигкзбааяа. ниб̣б̣аанан̃хи барамад̇т̇о, д̇ад̇о уд̇д̇арим̣ ад̇т̇о над̇т̇и. ахид̇ааяаад̇и маг̇г̇абадигкзбааяа. ниб̣б̣аанасамбаабагамаг̇г̇ад̇о хи уд̇д̇арим̣ хид̇ам̣ наама над̇т̇и. д̣̇угкааяаад̇и арияасукавираад̇ханзна ваддад̣̇угкад̇ааяа. яз хи арияасукад̇о вирад̣̇д̇хаа д̇ам̣ ад̇хиг̇анд̇ум̣ абхаб̣б̣аа, д̇з ваддад̣̇угкз бариб̣бхаманд̇и, арияасукад̇о жа уд̇д̇арим̣ сукам̣ наама над̇т̇и. вуд̇д̇ан̃хзд̇ам̣ ‘‘аяам̣ самаад̇хи бажжуббаннасуко жзва ааяад̇ин̃жа сукавибааго’’д̇и (д̣̇ий. ни. 3.355; а. ни. 5.27).
Bahujanāhitāyātiādīsu 0.mahājanassa jhānamaggādisampattinivāraṇena ahitāya, saggasampattinivāraṇena asukhāya, apāyūpapattihetubhāvena anatthāya. Akusaladhammavasena vā ahitāya, hitamattassapi abhāvā sugatiyampi nibbattanakakāyikacetasikadukkhāya uppajjatīti sambandho . Devamanussānanti idaṃ ‘‘bahuno janassā’’ti vuttesu ukkaṭṭhapuggalaniddeso. Aparo nayo – bahujanāhitāyāti bahujanassa mahato sattakāyassa ahitatthāya, diṭṭhadhammikasamparāyikaanatthāyāti attho. Asukhāyāti diṭṭhadhammikasamparāyikaasukhatthāya, duvidhadukkhatthāyāti attho. Anatthāyāti paramatthapaṭikkhepāya. Nibbānañhi paramattho, tato uttariṃ attho natthi. Ahitāyāti maggapaṭikkhepāya. Nibbānasampāpakamaggato hi uttariṃ hitaṃ nāma natthi. Dukkhāyāti ariyasukhavirādhanena vaṭṭadukkhatāya. Ye hi ariyasukhato viraddhā taṃ adhigantuṃ abhabbā, te vaṭṭadukkhe paribbhamanti, ariyasukhato ca uttariṃ sukhaṃ nāma natthi. Vuttañhetaṃ ‘‘ayaṃ samādhi paccuppannasukho ceva āyatiñca sukhavipāko’’ti (dī. ni. 3.355; a. ni. 5.27).
ид̣̇аани ‘‘сан̇гхабхзд̣̇о’’д̇и саруубад̇о д̣̇ассзд̇ваа д̇асса ахид̇аад̣̇ийнам̣ зганд̇ахзд̇убхаавам̣ багаасзд̇ум̣ ‘‘сан̇гхз ко бана, бхигкавз, бхиннз’’д̇иаад̣̇имааха. д̇ад̇т̇а бхиннзд̇и нимид̇д̇ад̇т̇з бхуммам̣ яат̇аа ‘‘ад̇ханаанам̣ д̇ханз анануббад̣̇ийяамаанз’’д̇и (д̣̇ий. ни. 3.91), бхзд̣̇ахзд̇ууд̇и ад̇т̇о. ан̃н̃аман̃н̃ам̣ бхан̣д̣анаанийд̇и жад̇уннам̣ барисаанам̣ д̇аббагкигаанан̃жа ‘‘зсо д̇хаммо, нзсо д̇хаммо’’д̇и ан̃н̃аман̃н̃ам̣ вивад̣̇анаани. бхан̣д̣анан̃хи галахасса буб̣б̣абхааг̇о. барибхаасаад̇и ‘‘ид̣̇ан̃жид̣̇ан̃жа во анад̇т̇ам̣ гариссаамаа’’д̇и бхаяуббаад̣̇анавасзна д̇аж̇ж̇анаа. баригкзбаад̇и ж̇аад̇иаад̣̇ивасзна барид̇о кзбаа, д̣̇асахи аггосавад̇т̇уухи кум̣санавамбханаа. барижжаж̇анаад̇и угкзбанияагаммагаран̣аад̣̇ивасзна ниссааран̣аа. д̇ад̇т̇аад̇и д̇асмим̣ сан̇гхабхзд̣̇з, д̇аннимид̇д̇з ваа бхан̣д̣анаад̣̇игз. аббасаннаад̇и рад̇анад̇д̇аяаг̇ун̣аанам̣ анабхин̃н̃аа. на басийд̣̇анд̇ийд̇и ‘‘д̇хаммажаарино самажаарино’’д̇иаад̣̇инаа явааяам̣ бхигкуусу басаад̣̇анаагааро, д̇ат̇аа на басийд̣̇анд̇и, д̇зсам̣ ваа сод̇аб̣б̣ам̣ сад̣̇д̇хаад̇аб̣б̣ам̣ на ман̃н̃анд̇и. д̇ат̇аа жа д̇хаммз сад̇т̇ари жа аббасаннаава хонд̇и. згажжаанам̣ ан̃н̃ат̇ад̇д̇анд̇и бут̇уж̇ж̇анаанам̣ авирул̣хасад̣̇д̇хаанам̣ басаад̣̇ан̃н̃ат̇ад̇д̇ам̣.
Idāni ‘‘saṅghabhedo’’ti sarūpato dassetvā tassa ahitādīnaṃ ekantahetubhāvaṃ pakāsetuṃ ‘‘saṅghe kho pana, bhikkhave, bhinne’’tiādimāha. Tattha bhinneti nimittatthe bhummaṃ yathā ‘‘adhanānaṃ dhane ananuppadīyamāne’’ti (dī. ni. 3.91), bhedahetūti attho. Aññamaññaṃ bhaṇḍanānīti catunnaṃ parisānaṃ tappakkhikānañca ‘‘eso dhammo, neso dhammo’’ti aññamaññaṃ vivadanāni. Bhaṇḍanañhi kalahassa pubbabhāgo. Paribhāsāti ‘‘idañcidañca vo anatthaṃ karissāmā’’ti bhayuppādanavasena tajjanā. Parikkhepāti jātiādivasena parito khepā, dasahi akkosavatthūhi khuṃsanavambhanā. Pariccajanāti ukkhepaniyakammakaraṇādivasena nissāraṇā. Tatthāti tasmiṃ saṅghabhede, tannimitte vā bhaṇḍanādike. Appasannāti ratanattayaguṇānaṃ anabhiññā. Na pasīdantīti ‘‘dhammacārino samacārino’’tiādinā yvāyaṃ bhikkhūsu pasādanākāro, tathā na pasīdanti, tesaṃ vā sotabbaṃ saddhātabbaṃ na maññanti. Tathā ca dhamme satthari ca appasannāva honti. Ekaccānaṃ aññathattanti puthujjanānaṃ aviruḷhasaddhānaṃ pasādaññathattaṃ.
г̇аат̇ааяам̣ аабааяигод̇иаад̣̇ийсу абааяз ниб̣б̣ад̇д̇анаарахад̇ааяа аабааяиго. д̇ад̇т̇аби авийжисан̇каад̇з махаанираяз уббаж̇ж̇ад̇ийд̇и нзраяиго. згам̣ анд̇арагаббам̣ барибун̣н̣амзва гад̇ваа д̇ад̇т̇а д̇идтад̇ийд̇и габбадто. сан̇гхабхзд̣̇асан̇каад̇з ваг̇г̇з рад̇од̇и ваг̇г̇арад̇о. ад̇хаммияад̇ааяа ад̇хаммо. бхзд̣̇агаравад̇т̇уухи сан̇гхабхзд̣̇асан̇каад̇з зва жа ад̇хаммз тид̇од̇и ад̇хаммадто. яог̇агкзмаа бад̇хам̣сад̇ийд̇и яог̇агкзмад̇о хид̇ад̇о бад̇хам̣сад̇и барихааяад̇и, жад̇уухи ваа яог̇зхи анубад̣̇д̣̇уд̇ад̇д̇аа яог̇агкзмам̣ наама арахад̇д̇ам̣ ниб̣б̣аанан̃жа, д̇ад̇о банасса д̇хам̣санз вад̇д̇аб̣б̣амзва над̇т̇и. д̣̇идтисийласааман̃н̃ад̇о сам̣хад̇адтзна сан̇гхам̣, д̇ад̇о зва згагаммаад̣̇ивид̇хаанаяог̇зна самаг̇г̇ам̣ сахид̇ам̣. бхзд̇ваанаад̇и буб̣б̣з вуд̇д̇алагкан̣зна сан̇гхабхзд̣̇зна бхинд̣̇ид̇ваа. габбанд̇и ааяугаббам̣. со банзд̇т̇а анд̇арагаббова. нираяамхийд̇и авийжимахаанираяамхи.
Gāthāyaṃ āpāyikotiādīsu apāye nibbattanārahatāya āpāyiko. Tatthapi avīcisaṅkhāte mahāniraye uppajjatīti nerayiko. Ekaṃ antarakappaṃ paripuṇṇameva katvā tattha tiṭṭhatīti kappaṭṭho. Saṅghabhedasaṅkhāte vagge ratoti vaggarato. Adhammiyatāya adhammo. Bhedakaravatthūhi saṅghabhedasaṅkhāte eva ca adhamme ṭhitoti adhammaṭṭho. Yogakkhemā padhaṃsatīti yogakkhemato hitato padhaṃsati parihāyati, catūhi vā yogehi anupaddutattā yogakkhemaṃ nāma arahattaṃ nibbānañca, tato panassa dhaṃsane vattabbameva natthi. Diṭṭhisīlasāmaññato saṃhataṭṭhena saṅghaṃ, tato eva ekakammādividhānayogena samaggaṃ sahitaṃ. Bhetvānāti pubbe vuttalakkhaṇena saṅghabhedena bhinditvā. Kappanti āyukappaṃ. So panettha antarakappova. Nirayamhīti avīcimahānirayamhi.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 8. сан̇гхабхзд̣̇асуд̇д̇ам̣ • 8. Saṅghabhedasuttaṃ
