Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā

    сан̇гхаад̣̇исзсагат̇ааван̣н̣анаа

    Saṅghādisesakathāvaṇṇanā

    325. звам̣ наанаанаяабадиман̣д̣ид̇асса баарааж̇игаган̣д̣асса винижчаяам̣ д̣̇ассзд̇ваа ид̣̇аани д̇ад̣̇ананд̇арамуд̣̇д̣̇идтасса д̇зрасаган̣д̣асса винижчаяам̣ д̣̇ассзд̇умааха ‘‘можзд̇угаамад̇аа’’д̇иаад̣̇и. можзд̇ум̣ гаамзд̇ийд̇и можзд̇угаамо, д̇асса бхааво можзд̇угаамад̇аа, д̇ааяа самбаяуд̇д̇ам̣ жид̇д̇ам̣ можзд̇угаамад̇аажид̇д̇ам̣. зд̇т̇а ‘‘можзд̇угаамад̇аа’’д̇и иминаа згаад̣̇асасу рааг̇зсу ‘‘можанассаад̣̇о’’д̇и вуд̇д̇ам̣ имасса сан̇гхаад̣̇исзсасса муулагааран̣ам̣ суггаможанависаяам̣ рааг̇амааха.

    325. Evaṃ nānānayapaṭimaṇḍitassa pārājikakaṇḍassa vinicchayaṃ dassetvā idāni tadanantaramuddiṭṭhassa terasakaṇḍassa vinicchayaṃ dassetumāha ‘‘mocetukāmatā’’tiādi. Mocetuṃ kāmetīti mocetukāmo, tassa bhāvo mocetukāmatā, tāya sampayuttaṃ cittaṃ mocetukāmatācittaṃ. Ettha ‘‘mocetukāmatā’’ti iminā ekādasasu rāgesu ‘‘mocanassādo’’ti vuttaṃ imassa saṅghādisesassa mūlakāraṇaṃ sukkamocanavisayaṃ rāgamāha.

    згаад̣̇аса рааг̇аа наама ‘‘можанассаад̣̇о, мужжанассаад̣̇о, муд̇д̇ассаад̣̇о, мзт̇унассаад̣̇о, пассассаад̣̇о, ган̣д̣уванассаад̣̇о, д̣̇ассанассаад̣̇о, нисаж̇ж̇ассаад̣̇о, ваажассаад̣̇о, г̇зхассид̇абзмам̣, ванабхан̇г̇ияа’’нд̇и звамааг̇ад̇аа. ид̇ха можанам̣ наама самбхавад̇хаад̇уможанам̣, д̇ад̣̇ад̇т̇ааяа д̇аб̣б̣исаяарааг̇асамбаяуд̇д̇авзд̣̇анаа можанассаад̣̇о наама. д̇знааха адтагат̇ааяам̣ ‘‘можзд̇ум̣ ассаад̣̇о можанассаад̣̇о’’д̇и. мужжамаанз ассаад̣̇о мужжанассаад̣̇о, самбхавад̇хаад̇умхи мужжамаанз д̇ам̣рааг̇асамбаяуд̇д̇аа взд̣̇анаа мужжанассаад̣̇о наама. зд̇знзва наязна муд̇д̇ассаад̣̇аад̣̇иваажассаад̣̇аавасаанзсу бад̣̇зсу ад̇т̇аггамо взд̣̇ид̇аб̣б̣о. имзхи навахи бад̣̇зхи ассаад̣̇асийсзна гунд̇аяадтин̃ааязна д̇ам̣сахажарид̇о рааг̇о д̣̇ассид̇о. яат̇ааха адтагат̇ааяам̣ ‘‘навахи бад̣̇зхи самбаяуд̇д̇аассаад̣̇асийсзна рааг̇о вуд̇д̇о’’д̇и.

    Ekādasarāgā nāma ‘‘mocanassādo, muccanassādo, muttassādo, methunassādo, phassassādo, kaṇḍuvanassādo, dassanassādo, nisajjassādo, vācassādo, gehassitapemaṃ, vanabhaṅgiya’’nti evamāgatā. Idha mocanaṃ nāma sambhavadhātumocanaṃ, tadatthāya tabbisayarāgasampayuttavedanā mocanassādo nāma. Tenāha aṭṭhakathāyaṃ ‘‘mocetuṃ assādo mocanassādo’’ti. Muccamāne assādo muccanassādo, sambhavadhātumhi muccamāne taṃrāgasampayuttā vedanā muccanassādo nāma. Eteneva nayena muttassādādivācassādāvasānesu padesu atthakkamo veditabbo. Imehi navahi padehi assādasīsena kuntayaṭṭhiñāyena taṃsahacarito rāgo dassito. Yathāha aṭṭhakathāyaṃ ‘‘navahi padehi sampayuttaassādasīsena rāgo vutto’’ti.

    г̇зхассид̇абзманд̇и зд̇т̇а г̇зхадтаа маад̇уаад̣̇аяо аад̇хзяяааад̇хааравохаарзна ‘‘г̇зхаа’’д̇и вужжанд̇и. ‘‘ман̃жаа уггудтим̣ гаронд̇ий’’д̇иаад̣̇ийсу вияа д̇анниссид̇о синзхабарияааяо рааг̇о ‘‘г̇зхассид̇абзма’’нд̇и вуд̇д̇о. иминаа бад̣̇зна рааг̇асса сабхааво санд̣̇ассид̇о. ванад̇о бхан̃ж̇ид̇ваа аабхад̇ам̣ яам̣ гин̃жи палабубпаад̣̇и ванабхан̇г̇ияам̣ наама. ид̇ха бана рааг̇авасзна бадиб̣ад̣̇д̇хажид̇д̇ам̣ маад̇уг̇аамзхи вирахад̣̇угкаабанаяанад̇т̇ам̣ (баараа. адта. 2.240) д̇зсам̣ таанз табзд̇ваа д̣̇ассанапусанавасзна винд̣̇ид̇ум̣ рааг̇ийхи г̇ахзд̇аб̣б̣ад̇о д̇зхи бил̣анд̇хид̇амааласахид̇ам̣ д̇амб̣ууланд̇и звамаад̣̇и ‘‘ванабхан̇г̇ияа’’нд̇и ад̇хиббзд̇ам̣. иминаа бад̇т̇ид̇ависаяаг̇ожаро рааг̇о д̇ад̣̇ааяад̇д̇авад̇т̇увасзна санд̣̇ассид̇о. яат̇ааха адтагат̇ааяам̣ ‘‘згзна бад̣̇зна саруубзнзва рааг̇о, згзна бад̣̇зна вад̇т̇унаа вуд̇д̇о. ванабхан̇г̇о хи рааг̇асса вад̇т̇у, на рааг̇оязваа’’д̇и (баараа. адта. 2.240).

    Gehassitapemanti ettha gehaṭṭhā mātuādayo ādheyyaādhāravohārena ‘‘gehā’’ti vuccanti. ‘‘Mañcā ukkuṭṭhiṃ karontī’’tiādīsu viya tannissito sinehapariyāyo rāgo ‘‘gehassitapema’’nti vutto. Iminā padena rāgassa sabhāvo sandassito. Vanato bhañjitvā ābhataṃ yaṃ kiñci phalapupphādi vanabhaṅgiyaṃ nāma. Idha pana rāgavasena paṭibaddhacittaṃ mātugāmehi virahadukkhāpanayanatthaṃ (pārā. aṭṭha. 2.240) tesaṃ ṭhāne ṭhapetvā dassanaphusanavasena vindituṃ rāgīhi gahetabbato tehi piḷandhitamālasahitaṃ tambūlanti evamādi ‘‘vanabhaṅgiya’’nti adhippetaṃ. Iminā patthitavisayagocaro rāgo tadāyattavatthuvasena sandassito. Yathāha aṭṭhakathāyaṃ ‘‘ekena padena sarūpeneva rāgo, ekena padena vatthunā vutto. Vanabhaṅgo hi rāgassa vatthu, na rāgoyevā’’ti (pārā. aṭṭha. 2.240).

    ‘‘можзд̇угаамад̇аа’’д̇и ид̣̇амзва авад̇ваа ‘‘жид̇д̇а’’нд̇и важанзна вийд̇иггамасаад̇хигааяа гааяавин̃н̃ад̇д̇ияаа самудтаабагам̣ рааг̇асамбаяуд̇д̇ам̣ жид̇д̇ависзсам̣ д̣̇ассзд̇и. д̇зна жид̇д̇зна самудтаабияамаанам̣ вин̃н̃ад̇д̇исан̇каад̇ам̣ вийд̇иггамам̣ ‘‘вааяаамо’’д̇и иминаа д̣̇ассзд̇и. вааяаамо наама д̇ам̣жид̇д̇асамбаяуд̇д̇авийрияам̣. зд̇т̇а бана ‘‘сзмхо г̇ул̣о’’д̇иаад̣̇ийсу вияа палз хзд̇уубажааран̃ааязна вийд̇иггамасса висзсахзд̇убхууд̇авийрияаваажагзна жа бад̣̇зна вийд̇иггамова вуд̇д̇од̇и д̣̇адтаб̣б̣ам̣. аж̇жхад̇д̇аб̣аахиравад̇т̇угхадданам̣, аагаасз гадигамбананд̇и суггаможанад̇т̇о вааяаамод̇и ад̇т̇о. суггасса можанам̣ суггаможанам̣.

    ‘‘Mocetukāmatā’’ti idameva avatvā ‘‘citta’’nti vacanena vītikkamasādhikāya kāyaviññattiyā samuṭṭhāpakaṃ rāgasampayuttaṃ cittavisesaṃ dasseti. Tena cittena samuṭṭhāpiyamānaṃ viññattisaṅkhātaṃ vītikkamaṃ ‘‘vāyāmo’’ti iminā dasseti. Vāyāmo nāma taṃcittasampayuttavīriyaṃ. Ettha pana ‘‘semho guḷo’’tiādīsu viya phale hetūpacārañāyena vītikkamassa visesahetubhūtavīriyavācakena ca padena vītikkamova vuttoti daṭṭhabbaṃ. Ajjhattabāhiravatthughaṭṭanaṃ, ākāse kaṭikampananti sukkamocanattho vāyāmoti attho. Sukkassa mocanaṃ sukkamocanaṃ.

    зд̇т̇а жа суггассаад̇и ‘‘сугганд̇и д̣̇аса суггаани нийлам̣ бийд̇агам̣ лохид̇агам̣ од̣̇аад̇ам̣ д̇аггаван̣н̣ам̣ д̣̇агаван̣н̣ам̣ д̇злаван̣н̣ам̣ кийраван̣н̣ам̣ д̣̇ад̇хиван̣н̣ам̣ саббиван̣н̣а’’нд̇и (баараа. 237) бад̣̇абхааж̇анз вуд̇д̇аани сад̇д̇аанам̣ бид̇д̇аад̣̇иаасаяабхзд̣̇зна, бат̇авид̇хаад̇уаад̣̇ийнам̣ жад̇уннам̣ ваа расасон̣ид̇амам̣самзд̣̇аадтиадтимин̃ж̇аанам̣ чаннам̣ д̣̇зхад̇хаад̇уунам̣ ваа бхзд̣̇зна анзгад̇хаа бхиннз д̣̇асавид̇хз суггз ан̃н̃ад̇арасса суггассаад̇и ад̇т̇о. можанам̣ виссадтийд̇и барияааяам̣, багад̇ияаа тид̇асагадтаанад̇о можананд̇и ад̇т̇о. яат̇ааха бад̣̇абхааж̇анз ‘‘виссадтийд̇и таанад̇о жааванаа вужжад̇ий’’д̇и (баараа. 237). иха ‘‘таанам̣ наама вад̇т̇исийсасан̇каад̇ам̣ муд̇д̇агаран̣амуула’’нд̇и гзжи. ‘‘гадий’’д̇и абарз. ‘‘сагалагааяо’’д̇и ан̃н̃з. имзсам̣ д̇ин̣н̣ам̣ важанзсу ‘‘д̇ад̇ияасса бхаасид̇ам̣ субхаасид̇а’’нд̇и (баараа. адта. 2.237) адтагат̇ааяам̣ д̇ад̇ияаваад̣̇асса гад̇абаасам̣сад̇д̇аа гзсаломанакад̣̇анд̇аанам̣ мам̣савинимуд̇д̇адтаанан̃жа муд̇д̇агарийсакзл̣асин̇гхаан̣игаат̇ад̣̇д̇хасугкажамман̃жа важ̇ж̇зд̇ваа авасзсам̣ сагаласарийрам̣ гааяаббасаад̣̇абхааваж̇ийвид̇инд̣̇рияааб̣ад̣̇д̇хабид̇д̇аанам̣ вияа самбхавад̇хаад̇уяаа жа таананд̇и взд̣̇ид̇аб̣б̣ам̣.

    Ettha ca sukkassāti ‘‘sukkanti dasa sukkāni nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇa’’nti (pārā. 237) padabhājane vuttāni sattānaṃ pittādiāsayabhedena, pathavidhātuādīnaṃ catunnaṃ vā rasasoṇitamaṃsamedaaṭṭhiaṭṭhimiñjānaṃ channaṃ dehadhātūnaṃ vā bhedena anekadhā bhinne dasavidhe sukke aññatarassa sukkassāti attho. Mocanaṃ vissaṭṭhīti pariyāyaṃ, pakatiyā ṭhitasakaṭṭhānato mocananti attho. Yathāha padabhājane ‘‘vissaṭṭhīti ṭhānato cāvanā vuccatī’’ti (pārā. 237). Iha ‘‘ṭhānaṃ nāma vatthisīsasaṅkhātaṃ muttakaraṇamūla’’nti keci. ‘‘Kaṭī’’ti apare. ‘‘Sakalakāyo’’ti aññe. Imesaṃ tiṇṇaṃ vacanesu ‘‘tatiyassa bhāsitaṃ subhāsita’’nti (pārā. aṭṭha. 2.237) aṭṭhakathāyaṃ tatiyavādassa katapāsaṃsattā kesalomanakhadantānaṃ maṃsavinimuttaṭṭhānañca muttakarīsakheḷasiṅghāṇikāthaddhasukkhacammañca vajjetvā avasesaṃ sakalasarīraṃ kāyappasādabhāvajīvitindriyaabaddhapittānaṃ viya sambhavadhātuyā ca ṭhānanti veditabbaṃ.

    ‘‘суггаможана’’нд̇и иминаагим̣ вуд̇д̇ам̣ ход̇ийд̇и? ‘‘аарог̇яад̇т̇ааяа, сукад̇т̇ааяа, бхзсаж̇ж̇ад̇т̇ааяа, д̣̇аанад̇т̇ааяа, бун̃н̃ад̇т̇ааяа, яан̃н̃ад̇т̇ааяа, саг̇г̇ад̇т̇ааяа, б̣ийж̇ад̇т̇ааяа, виймам̣сад̇т̇ааяа, д̣̇авад̇т̇ааяа можзд̇ий’’д̇и (баараа. 237) вуд̇д̇ад̣̇асавид̇хаад̇хиббааяанд̇ог̇ад̇хаан̃н̃ад̇араад̇хиббааяо худ̇ваа ‘‘рааг̇уубад̇т̇амбхз, важжуубад̇т̇амбхз, бассаавуубад̇т̇амбхз, ваад̇уубад̇т̇амбхз, ужжаалин̇г̇абаан̣агад̣̇адтуубад̇т̇амбхз можзд̇ий’’д̇и (баараа. 237) вуд̇д̇абан̃жавид̇хагаалаанаман̃н̃ад̇арагаалз ‘‘аж̇жхад̇д̇аруубз, б̣ахид̣̇д̇хааруубз, аж̇жхад̇д̇аб̣ахид̣̇д̇хааруубз, аагаасз гадим̣ гамбзнд̇о можзд̇ий’’д̇и (баараа. 237) вуд̇д̇ажад̇урубааяаанаман̃н̃ад̇арзна убааязна яат̇аавуд̇д̇арааг̇абисаажавасзна вивасо худ̇ваа яат̇аавуд̇д̇анийлаад̣̇ид̣̇асавид̇хасамбхавад̇хаад̇уунаман̃н̃ад̇арам̣ яат̇аавуд̇д̇адтаанад̇о куд̣̇д̣̇агамагкигааяа биванамад̇д̇амби сажз можзд̇ийд̇и сан̇кзбад̇о г̇ахзд̇аб̣б̣ам̣. зд̇т̇а жа ужжаалин̇г̇абаан̣агаа наама ломасабаан̣аа, язсам̣ ломз аллинз ан̇г̇аж̇аад̇ам̣ гамманияам̣ ход̇и.

    ‘‘Sukkamocana’’nti iminākiṃ vuttaṃ hotīti? ‘‘Ārogyatthāya, sukhatthāya, bhesajjatthāya, dānatthāya, puññatthāya, yaññatthāya, saggatthāya, bījatthāya, vīmaṃsatthāya, davatthāya mocetī’’ti (pārā. 237) vuttadasavidhaadhippāyantogadhaaññataraadhippāyo hutvā ‘‘rāgūpatthambhe, vaccūpatthambhe, passāvūpatthambhe, vātūpatthambhe, uccāliṅgapāṇakadaṭṭhūpatthambhe mocetī’’ti (pārā. 237) vuttapañcavidhakālānamaññatarakāle ‘‘ajjhattarūpe, bahiddhārūpe, ajjhattabahiddhārūpe, ākāse kaṭiṃ kampento mocetī’’ti (pārā. 237) vuttacaturupāyānamaññatarena upāyena yathāvuttarāgapisācavasena vivaso hutvā yathāvuttanīlādidasavidhasambhavadhātūnamaññataraṃ yathāvuttaṭṭhānato khuddakamakkhikāya pivanamattampi sace mocetīti saṅkhepato gahetabbaṃ. Ettha ca uccāliṅgapāṇakā nāma lomasapāṇā, yesaṃ lome alline aṅgajātaṃ kammaniyaṃ hoti.

    ан̃н̃ад̇ра субинанд̇знаад̇и субино зва субинанд̇о, ниссаггаважанаббасан̇г̇з гаран̣аважанад̇о субинанд̇аад̇и ад̇т̇о. субинаа наама ‘‘ваад̇аад̣̇ид̇хаад̇угкобхавасзна ваа буб̣б̣аанубхууд̇аид̇т̇ируубаад̣̇ивисаяавасзна ваа идтаанидтад̣̇звад̇аанубхаавзна ваа бун̃н̃зна бадилабхид̇аб̣б̣аад̇т̇асса, абун̃н̃зна бад̇д̇аб̣б̣аанад̇т̇асса жа буб̣б̣анимид̇д̇авасзна ваа ход̇ий’’д̇и (баараа. адта. 2.237) вуд̇д̇зсу жад̇уусу гааран̣зсу згзна гааран̣зна габинид̣̇д̣̇ааяа субинз д̣̇иссамаанаарамман̣ад̇о яам̣ суггаможанам̣ ход̇и, д̇ам̣ ависаяам̣ суггаможанам̣ винаад̇и вуд̇д̇ам̣ ход̇и.

    Aññatra supinantenāti supino eva supinanto, nissakkavacanappasaṅge karaṇavacanato supinantāti attho. Supinā nāma ‘‘vātādidhātukkhobhavasena vā pubbānubhūtaitthirūpādivisayavasena vā iṭṭhāniṭṭhadevatānubhāvena vā puññena paṭilabhitabbaatthassa, apuññena pattabbānatthassa ca pubbanimittavasena vā hotī’’ti (pārā. aṭṭha. 2.237) vuttesu catūsu kāraṇesu ekena kāraṇena kapiniddāya supine dissamānārammaṇato yaṃ sukkamocanaṃ hoti, taṃ avisayaṃ sukkamocanaṃ vināti vuttaṃ hoti.

    сан̇гхаад̣̇исзсова сан̇гхаад̣̇исзсад̇аа. сан̇гхаад̣̇исзсам̣ аабаж̇ж̇ид̇ваа д̇ад̇о вудтаад̇угаамасса гулабуд̇д̇асса аад̣̇имхи бариваасад̣̇аанад̇т̇ам̣ , маж̇жхз жа муулааяабадигассанзна винаа ваа саха ваа маанад̇д̇ад̣̇аанад̇т̇ам̣, авасаанз аб̣бхаанад̇т̇ан̃жа сан̇гхо зсид̇аб̣б̣од̇и ‘‘сан̇гхо аад̣̇имхи жзва сзсз жа ижчид̇аб̣б̣о ассаад̇и сан̇гхаад̣̇исзсо’’д̇и (баараа. адта. 2.237; ган̇каа. адта. суггависсадтисигкаабад̣̇аван̣н̣анаа) вуд̇д̇ад̇д̇аа сан̇гхаад̣̇исзсаа наама, суггависсадтисан̇гхаад̣̇исзсаабад̇д̇и ход̇ийд̇и ад̇т̇о. яат̇ааха бад̣̇абхааж̇анз ‘‘сан̇гхова д̇ассаа аабад̇д̇ияаа бариваасам̣ д̣̇зд̇и, муулааяа бадигассад̇и, маанад̇д̇ам̣ д̣̇зд̇и, аб̣бхзд̇и, на самб̣ахулаа, на згабуг̇г̇ало, д̇зна вужжад̇и ‘сан̇гхаад̣̇исзсо’д̇и. д̇ассзва аабад̇д̇инигааяасса наамам̣ наамагаммам̣ ад̇хиважанам̣, д̇знаби вужжад̇и ‘сан̇гхаад̣̇исзсо’’д̇и (баараа. 237). зд̇т̇а жа бариваасаад̣̇игат̇аа сан̇гхаад̣̇исзсаавасаанз ааг̇ад̇адтаанзязва аави бхависсад̇и.

    Saṅghādisesova saṅghādisesatā. Saṅghādisesaṃ āpajjitvā tato vuṭṭhātukāmassa kulaputtassa ādimhi parivāsadānatthaṃ , majjhe ca mūlāyapaṭikassanena vinā vā saha vā mānattadānatthaṃ, avasāne abbhānatthañca saṅgho esitabboti ‘‘saṅgho ādimhi ceva sese ca icchitabbo assāti saṅghādiseso’’ti (pārā. aṭṭha. 2.237; kaṅkhā. aṭṭha. sukkavissaṭṭhisikkhāpadavaṇṇanā) vuttattā saṅghādisesā nāma, sukkavissaṭṭhisaṅghādisesāpatti hotīti attho. Yathāha padabhājane ‘‘saṅghova tassā āpattiyā parivāsaṃ deti, mūlāya paṭikassati, mānattaṃ deti, abbheti, na sambahulā, na ekapuggalo, tena vuccati ‘saṅghādiseso’ti. Tasseva āpattinikāyassa nāmaṃ nāmakammaṃ adhivacanaṃ, tenapi vuccati ‘saṅghādiseso’’ti (pārā. 237). Ettha ca parivāsādikathā saṅghādisesāvasāne āgataṭṭhāneyeva āvi bhavissati.

    326. зд̇д̇аавад̇аа мууласигкаабад̣̇ааг̇ад̇ам̣ ад̇д̇уубаггамамуулагам̣ аабад̇д̇им̣ д̣̇ассзд̇ваа ид̣̇аани имиссаа сан̇гхаад̣̇исзсаабад̇д̇ияаа баруубаггамзнаби аабаж̇ж̇анам̣ д̣̇ассзд̇умааха ‘‘барзнаа’’д̇иаад̣̇и. убаггамаабзд̇ваад̇и ан̇г̇аж̇аад̇асса г̇ахан̣ам̣ ваа гхадданам̣ ваа гаарзд̇ваа.

    326. Ettāvatā mūlasikkhāpadāgataṃ attūpakkamamūlakaṃ āpattiṃ dassetvā idāni imissā saṅghādisesāpattiyā parūpakkamenapi āpajjanaṃ dassetumāha ‘‘parenā’’tiādi. Upakkamāpetvāti aṅgajātassa gahaṇaṃ vā ghaṭṭanaṃ vā kāretvā.

    327. сан̃жижжаад̇и ‘‘убаггамаами можзссаамий’’д̇и жзд̇зд̇ваа багаббзд̇ваа. убаггаманд̇ассаад̇и аж̇жхад̇д̇аруубаад̣̇ийсу д̇ийсу яад̇т̇а гад̇т̇ажи гхаддзнд̇асса. самуд̣̇д̣̇идтанд̇и ‘‘жзд̇зд̇и убаггамад̇и на мужжад̇и, аабад̇д̇и т̇уллажжаяассаа’’д̇и (баараа. 262) бад̣̇абхааж̇анз бхаг̇авад̇аа вуд̇д̇анд̇и ад̇хиббааяо.

    327.Sañciccāti ‘‘upakkamāmi mocessāmī’’ti cetetvā pakappetvā. Upakkamantassāti ajjhattarūpādīsu tīsu yattha katthaci ghaṭṭentassa. Samuddiṭṭhanti ‘‘ceteti upakkamati na muccati, āpatti thullaccayassā’’ti (pārā. 262) padabhājane bhagavatā vuttanti adhippāyo.

    328. имиссам̣ г̇аат̇ааяам̣ ‘‘ад̇д̇ано ан̇г̇аж̇аад̇ам̣ убаггаманд̇ассаа’’д̇и иминаа аж̇жхад̇д̇аруубз ваа б̣ахид̣̇д̇хааруубз ваа аж̇жхад̇д̇аб̣ахид̣̇д̇хааруубз ваа ад̇д̇ано ан̇г̇аж̇аад̇ам̣ гхаддзнд̇ассаад̇и имасса ад̇т̇асса вуд̇д̇ад̇д̇аа ан̇г̇аж̇аад̇агхадданзна винаабхаавад̇о иминаа асан̇г̇аяхамаанассааби аагаасз гадигамбанзна суггаможанз сан̇гхаад̣̇исзсасса батамаг̇аат̇ааяам̣ ‘‘вааяаамо’’д̇и сааман̃н̃аважанзна сан̇г̇ахид̇ад̇д̇аа д̇ам̣ табзд̇ваа ‘‘д̇зна ко бана самаязна ан̃н̃ад̇арасса бхигкуно можанаад̇хиббааяасса аагаасз гадим̣ гамбзнд̇асса асужи мужжи…бз… асужи на мужжи. д̇асса гуггужжам̣ ахоси…бз… анаабад̇д̇и бхигку сан̇гхаад̣̇исзсасса, аабад̇д̇и т̇уллажжаяассаа’’д̇и аагаасзгадигамбанавад̇т̇умхи вуд̇д̇ад̇д̇аа амуд̇д̇з т̇уллажжаяам̣ сан̇г̇ахзд̇умааха ‘‘сан̃жижжаа’’д̇иаад̣̇и.

    328. Imissaṃ gāthāyaṃ ‘‘attano aṅgajātaṃ upakkamantassā’’ti iminā ajjhattarūpe vā bahiddhārūpe vā ajjhattabahiddhārūpe vā attano aṅgajātaṃ ghaṭṭentassāti imassa atthassa vuttattā aṅgajātaghaṭṭanena vinābhāvato iminā asaṅgayhamānassāpi ākāse kaṭikampanena sukkamocane saṅghādisesassa paṭhamagāthāyaṃ ‘‘vāyāmo’’ti sāmaññavacanena saṅgahitattā taṃ ṭhapetvā ‘‘tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… anāpatti bhikkhu saṅghādisesassa, āpatti thullaccayassā’’ti ākāsekaṭikampanavatthumhi vuttattā amutte thullaccayaṃ saṅgahetumāha ‘‘sañciccā’’tiādi.

    д̇ад̇т̇а сан̃жижжаад̇и ‘‘убаггамаами можзссаамий’’д̇и ж̇аанид̇ваа сан̃ж̇аанид̇ваад̇и ад̇т̇о. ‘‘убаггаманд̇ассаа’’д̇и сааман̃н̃ад̇о д̇ам̣ висзсзд̇ум̣ ‘‘аагаасз гамбанзнабий’’д̇и ааха, гадигамбанзнаад̇и г̇ахзд̇аб̣б̣ам̣. гат̇амид̣̇ам̣ лаб̣бхад̇ийд̇и жз? имааяа гат̇ааяа сан̇г̇ахзд̇аб̣б̣авад̇т̇умхи ‘‘аагаасз гадим̣ гамбзнд̇ассаа’’д̇и (баараа. 266) баатз ‘‘гадим̣ гамбзнд̇ассаа’’д̇и важанасахажарасса ‘‘аагаасз’’д̇и важанасса саннид̇хаанаб̣алзна лаб̣бхад̇и ад̇т̇аббагаран̣асад̣̇д̣̇анд̇арасаннид̇хаанаа сад̣̇д̣̇аанам̣ висзсад̇т̇ад̣̇ийбанад̇о.

    Tattha sañciccāti ‘‘upakkamāmi mocessāmī’’ti jānitvā sañjānitvāti attho. ‘‘Upakkamantassā’’ti sāmaññato taṃ visesetuṃ ‘‘ākāse kampanenapī’’ti āha, kaṭikampanenāti gahetabbaṃ. Kathamidaṃ labbhatīti ce? Imāya kathāya saṅgahetabbavatthumhi ‘‘ākāse kaṭiṃ kampentassā’’ti (pārā. 266) pāṭhe ‘‘kaṭiṃ kampentassā’’ti vacanasahacarassa ‘‘ākāse’’ti vacanassa sannidhānabalena labbhati atthappakaraṇasaddantarasannidhānā saddānaṃ visesatthadīpanato.

    329. вад̇т̇инд̇и муд̇д̇авад̇т̇им̣, муд̇д̇агаран̣асса вад̇т̇инд̇и ад̇т̇о. гийл̣ааяа буурзд̇ваад̇и г̇аамад̣̇аараго вияа гийл̣ид̇угаамад̇ааяа муд̇д̇авад̇т̇им̣ д̣̇ал̣хам̣ г̇ахзд̇ваа буурзд̇ваад̇и ад̇т̇о. яат̇ааха вад̇т̇ивад̇т̇умхи адтагат̇ааяам̣ ‘‘д̇з бхигкуу вад̇т̇им̣ д̣̇ал̣хам̣ г̇ахзд̇ваа буурзд̇ваа буурзд̇ваа виссаж̇ж̇знд̇аа г̇аамад̣̇аарагаавияа бассаавамагам̣суу’’д̇и (баараа. адта. 2.264). ‘‘на ваддад̇ий’’д̇и сааман̃н̃зна гасмаа вуд̇д̇анд̇и? д̇асмим̣ вад̇т̇усмим̣ вуд̇д̇анаязна можанаад̇хиббааязна д̣̇ал̣хам̣ г̇ахзд̇ваа буурзд̇ваа буурзд̇ваа виссаж̇ж̇знд̇асса суггз муд̇д̇з можанаад̇хиббааяо жзд̇зд̇и, убаггамад̇и, мужжад̇ийд̇и ан̇г̇аанам̣ самбаннад̇д̇аа сан̇гхаад̣̇исзсасса , амуд̇д̇з т̇уллажжаяасса самбхавад̇о убхаяасан̇г̇ахад̇т̇амааха.

    329.Vatthinti muttavatthiṃ, muttakaraṇassa vatthinti attho. Kīḷāya pūretvāti gāmadārako viya kīḷitukāmatāya muttavatthiṃ daḷhaṃ gahetvā pūretvāti attho. Yathāha vatthivatthumhi aṭṭhakathāyaṃ ‘‘te bhikkhū vatthiṃ daḷhaṃ gahetvā pūretvā pūretvā vissajjentā gāmadārakāviya passāvamakaṃsū’’ti (pārā. aṭṭha. 2.264). ‘‘Na vaṭṭatī’’ti sāmaññena kasmā vuttanti? Tasmiṃ vatthusmiṃ vuttanayena mocanādhippāyena daḷhaṃ gahetvā pūretvā pūretvā vissajjentassa sukke mutte mocanādhippāyo ceteti, upakkamati, muccatīti aṅgānaṃ sampannattā saṅghādisesassa , amutte thullaccayassa sambhavato ubhayasaṅgahatthamāha.

    330. убаниж̇жхааяанавад̇т̇умхи ‘‘на жа бхигкавз саарад̇д̇зна маад̇уг̇аамасса ан̇г̇аж̇аад̇ам̣ убаниж̇жхааяид̇аб̣б̣ам̣, яо убаниж̇жхааязяяа, аабад̇д̇и д̣̇уггадассаа’’д̇и (баараа. 266) баал̣ияам̣ ‘‘маад̇уг̇аамассаа’’д̇и сааман̃н̃зна вуд̇д̇ад̇д̇аа ‘‘д̇иссанна’’нд̇и вад̣̇ад̇и. д̇иссаннам̣ бана ид̇т̇ийнанд̇и мануссаамануссад̇иражчаанаг̇ад̇авасзна д̇иссаннам̣ ид̇т̇ийнам̣. ‘‘ан̇г̇аж̇аад̇а’’нд̇и висзсзд̇ваа вуд̇д̇ад̇д̇аа ‘‘нимид̇д̇а’’нд̇и муд̇д̇агаран̣амзва вужжад̇и, бадасад̇знааби бадижчаад̣̇ид̇ам̣ ваа аббадижчаад̣̇ид̇ам̣ ваа яонимаг̇г̇анд̇и ад̇т̇о. д̇знааха адтагат̇ааяам̣ ‘‘сажзби бадасад̇ам̣ нивад̇т̇аа ход̇и, бурад̇о ваа бажчад̇о ваа тад̇ваа ‘имасмим̣ наама огаасз нимид̇д̇а’нд̇и убаниж̇жхааяанд̇асса д̣̇уггадамзва. анивад̇т̇аанам̣ г̇аамад̣̇ааригаанам̣ нимид̇д̇ам̣ убаниж̇жхааяанд̇асса бана гимзва вад̇д̇аб̣б̣а’’нд̇и (баараа. адта. 2.266). бурад̇о ваад̇и зд̇т̇а ‘‘тад̇ваа’’д̇и баатасзсо.

    330.Upanijjhāyanavatthumhi ‘‘na ca bhikkhave sārattena mātugāmassa aṅgajātaṃ upanijjhāyitabbaṃ, yo upanijjhāyeyya, āpatti dukkaṭassā’’ti (pārā. 266) pāḷiyaṃ ‘‘mātugāmassā’’ti sāmaññena vuttattā ‘‘tissanna’’nti vadati. Tissannaṃ pana itthīnanti manussāmanussatiracchānagatavasena tissannaṃ itthīnaṃ. ‘‘Aṅgajāta’’nti visesetvā vuttattā ‘‘nimitta’’nti muttakaraṇameva vuccati, paṭasatenāpi paṭicchāditaṃ vā appaṭicchāditaṃ vā yonimagganti attho. Tenāha aṭṭhakathāyaṃ ‘‘sacepi paṭasataṃ nivatthā hoti, purato vā pacchato vā ṭhatvā ‘imasmiṃ nāma okāse nimitta’nti upanijjhāyantassa dukkaṭameva. Anivatthānaṃ gāmadārikānaṃ nimittaṃ upanijjhāyantassa pana kimeva vattabba’’nti (pārā. aṭṭha. 2.266). Purato vāti ettha ‘‘ṭhatvā’’ti pāṭhaseso.

    331. згзна…бз… бассад̇о згам̣ д̣̇уггаданд̇и самб̣анд̇хо. ‘‘згзна баяог̇зна згам̣ д̣̇уггада’’нд̇и важанад̇о анзгзхи баяог̇зхи анзгаани д̣̇уггадаанийд̇и б̣яад̇ирзгад̇о лаб̣бхад̇и. яат̇ааха адтагат̇ааяам̣ ‘‘ид̇о жид̇о жа вилогзд̇ваа бунаббунам̣ убаниж̇жхааяанд̇асса баяог̇з баяог̇з д̣̇уггада’’нд̇и (баараа. адта. 2.266). имиссаа адтагат̇ааяа ‘‘ид̇о жид̇о жаа’’д̇и вуд̇д̇ад̇д̇аа уммийлананимийлананд̇и зд̇т̇а ‘‘вивид̇хаа д̇ам̣ анологзд̇ваа д̇амзва ологзнд̇ассаа’’д̇и лаб̣бхад̇и.

    331. Ekena…pe… passato ekaṃ dukkaṭanti sambandho. ‘‘Ekena payogena ekaṃ dukkaṭa’’nti vacanato anekehi payogehi anekāni dukkaṭānīti byatirekato labbhati. Yathāha aṭṭhakathāyaṃ ‘‘ito cito ca viloketvā punappunaṃ upanijjhāyantassa payoge payoge dukkaṭa’’nti (pārā. aṭṭha. 2.266). Imissā aṭṭhakathāya ‘‘ito cito cā’’ti vuttattā ummīlananimīlananti ettha ‘‘vividhā taṃ anoloketvā tameva olokentassā’’ti labbhati.

    332. аможанаад̇хиббааяасса муд̇д̇асмим̣ анаабад̇д̇и багаасид̇аад̇и яож̇анаа. можанаад̇хиббааяам̣ винаа бхзсаж̇ж̇агаран̣ад̇т̇ам̣ суд̣̇д̇хажид̇д̇зна ан̇г̇аж̇аад̇з бхзсаж̇ж̇алзбам̣ гаронд̇асса ваа суд̣̇д̇хажид̇д̇знзва ужжаарабассааваад̣̇им̣ гаронд̇асса ваа муд̇д̇зби анаабад̇д̇ийд̇и ид̣̇ам̣ ‘‘анаабад̇д̇и субинанд̇зна наможанаад̇хиббааяассаа’’д̇иаад̣̇инаа (баараа. 263) наязна анаабад̇д̇иваарз вуд̇д̇амзваад̇и ад̇т̇о.

    332. Amocanādhippāyassa muttasmiṃ anāpatti pakāsitāti yojanā. Mocanādhippāyaṃ vinā bhesajjakaraṇatthaṃ suddhacittena aṅgajāte bhesajjalepaṃ karontassa vā suddhacitteneva uccārapassāvādiṃ karontassa vā muttepi anāpattīti idaṃ ‘‘anāpatti supinantena namocanādhippāyassā’’tiādinā (pārā. 263) nayena anāpattivāre vuttamevāti attho.

    имасмим̣ баатз ‘‘анубаггаманд̇ассаа’’д̇и авуд̇д̇зби имасса баатасса бурад̇о ‘‘жзд̇зд̇и на убаггамад̇и мужжад̇и, анаабад̇д̇ий’’д̇и (баараа. 262) жа ‘‘на жзд̇зд̇и на убаггамад̇и мужжад̇и, анаабад̇д̇ий’’д̇и (баараа. 262) жа важанад̇о д̇ам̣ сан̇г̇ахзд̇умааха ‘‘анубаггамад̇оби жа муд̇д̇асмим̣ анаабад̇д̇и багаасид̇аа’’д̇и. можанассаад̣̇арааг̇зна бийл̣ид̇о худ̇ваа ‘‘ахо вад̇а мз мужжзяяаа’’д̇и жинд̇зд̇ваа ваа зваруубаможанассаад̣̇арааг̇абийл̣аабуб̣б̣ан̇г̇амажид̇д̇з асад̇иби гзвалам̣ гаамавид̇аггамад̇д̇зна убахад̇о худ̇ваа д̇аад̣̇исааж̇жхад̇д̇игаб̣аахиравад̇т̇уусу гхадданавасзна ваа аагаасз гадигамбанавасзна ваа убаггамам̣ агаронд̇асса д̇аад̣̇исажинд̇ааб̣алзна ваа гаамавид̇аггаб̣алзна ваа суггз муд̇д̇зби анаабад̇д̇ийд̇и ид̣̇ам̣ яат̇аавуд̇д̇абаатавасзна багаасид̇анд̇и ад̇т̇о.

    Imasmiṃ pāṭhe ‘‘anupakkamantassā’’ti avuttepi imassa pāṭhassa purato ‘‘ceteti na upakkamati muccati, anāpattī’’ti (pārā. 262) ca ‘‘na ceteti na upakkamati muccati, anāpattī’’ti (pārā. 262) ca vacanato taṃ saṅgahetumāha ‘‘anupakkamatopi ca muttasmiṃ anāpatti pakāsitā’’ti. Mocanassādarāgena pīḷito hutvā ‘‘aho vata me mucceyyā’’ti cintetvā vā evarūpamocanassādarāgapīḷāpubbaṅgamacitte asatipi kevalaṃ kāmavitakkamattena upahato hutvā tādisaajjhattikabāhiravatthūsu ghaṭṭanavasena vā ākāse kaṭikampanavasena vā upakkamaṃ akarontassa tādisacintābalena vā kāmavitakkabalena vā sukke muttepi anāpattīti idaṃ yathāvuttapāṭhavasena pakāsitanti attho.

    субинанд̇зна муд̇д̇асмим̣, анаабад̇д̇и багаасид̇аад̇и зд̇т̇а анд̇асад̣̇д̣̇ад̇т̇аабхаавад̇о субинзд̇и ад̇т̇о. субинз мзт̇унам̣ д̇хаммам̣ бадисзванд̇асса ваа маад̇уг̇аамзхи гааяасам̣саг̇г̇ам̣ аабаж̇ж̇анд̇асса ваа суггз муд̇д̇зби ависаяад̇д̇аа анаабад̇д̇и баал̣ияам̣ ‘‘анаабад̇д̇и бхигку субинанд̇знаа’’д̇и (баараа. 263) иминаа багаасид̇аад̇и ад̇т̇о.

    Supinantena muttasmiṃ, anāpatti pakāsitāti ettha antasaddatthābhāvato supineti attho. Supine methunaṃ dhammaṃ paṭisevantassa vā mātugāmehi kāyasaṃsaggaṃ āpajjantassa vā sukke muttepi avisayattā anāpatti pāḷiyaṃ ‘‘anāpatti bhikkhu supinantenā’’ti (pārā. 263) iminā pakāsitāti attho.

    зд̇т̇а тад̇ваа адтагат̇ааяам̣ ‘‘субинз бана уббаннааяа ассаад̣̇ажзд̇анааяа сажасса висаяо ход̇и, нижжалзна бхавид̇аб̣б̣ам̣. на хад̇т̇зна нимид̇д̇ам̣ гийл̣аабзд̇аб̣б̣ам̣. гаасаавабажжад̇т̇аран̣арагканад̇т̇ам̣ бана хад̇т̇абудзна г̇ахзд̇ваа ж̇аг̇г̇анад̇т̇ааяа уд̣̇агадтаанам̣ г̇анд̇ум̣ ваддад̇ий’’д̇и (баараа. адта. 2.262) вуд̇д̇ад̇д̇аа ан̣д̣абаалигаа гигийсагун̣аа вияа, ваалабаалигаа жамарий вияа, зганзд̇д̇абаалаго бурисо вияа жа гааяаж̇ийвид̇зби абзгкам̣ бахааяа сийлам̣ рагкид̇угаамзна сигкаагаамзна ниб̣б̣аанаг̇ааминибадибад̇д̇им̣ буурзд̇угаамзна гулабуд̇д̇зна ‘‘ан̃н̃ад̇ра субинанд̇аа’’д̇и (баараа. 237) вад̣̇ад̇о д̇ат̇ааг̇ад̇асса ад̇хиббааяаанугуулам̣ адтагат̇аад̇о н̃ад̇ваа аббамад̇д̇зна бадибаж̇ж̇ид̇аб̣б̣анд̇и аяамад̇раанусаасаний.

    Ettha ṭhatvā aṭṭhakathāyaṃ ‘‘supine pana uppannāya assādacetanāya sacassa visayo hoti, niccalena bhavitabbaṃ. Na hatthena nimittaṃ kīḷāpetabbaṃ. Kāsāvapaccattharaṇarakkhanatthaṃ pana hatthapuṭena gahetvā jagganatthāya udakaṭṭhānaṃ gantuṃ vaṭṭatī’’ti (pārā. aṭṭha. 2.262) vuttattā aṇḍapālikā kikīsakuṇā viya, vālapālikā camarī viya, ekanettapālako puriso viya ca kāyajīvitepi apekkhaṃ pahāya sīlaṃ rakkhitukāmena sikkhākāmena nibbānagāminipaṭipattiṃ pūretukāmena kulaputtena ‘‘aññatra supinantā’’ti (pārā. 237) vadato tathāgatassa adhippāyānukūlaṃ aṭṭhakathāto ñatvā appamattena paṭipajjitabbanti ayamatrānusāsanī.

    суггависсадтигат̇ааван̣н̣анаа.

    Sukkavissaṭṭhikathāvaṇṇanā.

    333. мануссид̇т̇инд̇и мануссаж̇аад̇игам̣ ид̇т̇им̣, ‘‘маад̇уг̇аамо наама мануссид̇т̇ий, на яагкий, на бзд̇ий, на д̇иражчаанаг̇ад̇аа, анд̇амасо д̇ад̣̇ахуж̇аад̇ааби д̣̇ааригаа, баг̇зва махад̇д̇арий’’д̇и (баараа. 271) бад̣̇абхааж̇анз вуд̇д̇ад̇д̇аа д̇ад̣̇ахуж̇аад̇агумааригаабхаавзнаби тид̇ам̣ ж̇ийвамаанагамануссамаад̇уг̇ааманд̇и вуд̇д̇ам̣ ход̇и. ‘‘мануссид̇т̇и’’нд̇и сааман̃н̃аважанзна ж̇ийвамаанагамануссид̇т̇инд̇и аяам̣ висзсо гуд̇о лаб̣бхад̇ийд̇и? винийд̇авад̇т̇умхи (баараа. 281 аад̣̇аяо) мад̇ид̇т̇ияаа гааяам̣ пусанд̇асса т̇уллажжаяаважанад̇о баарисзсад̇о лаб̣бхад̇и. аамасанд̇од̇и ‘‘хад̇т̇аг̇г̇аахам̣ ваа взн̣иг̇г̇аахам̣ ваа ан̃н̃ад̇арасса ваа ан̃н̃ад̇арасса ваа ан̇г̇асса бараамасана’’нд̇и (баараа. 270) вуд̇д̇ад̇д̇аа хад̇т̇аад̣̇иан̇г̇абажжан̇г̇апусанаад̣̇инаанаббагаараанам̣ ан̃н̃ад̇арзна багаарзна аамасанд̇од̇и ад̇т̇о. ад̇д̇ано гааязна ид̇т̇ияаа гааяасса сам̣саг̇г̇з миссийбхаавз рааг̇о гааяасам̣саг̇г̇арааг̇о. сан̇гхаад̣̇исзсо зд̇асса ад̇т̇ийд̇и сан̇гхаад̣̇исзсиго, гааяасам̣саг̇г̇асан̇гхаад̣̇исзсо аабанно ход̇ийд̇и вуд̇д̇ам̣ ход̇и.

    333.Manussitthinti manussajātikaṃ itthiṃ, ‘‘mātugāmo nāma manussitthī, na yakkhī, na petī, na tiracchānagatā, antamaso tadahujātāpi dārikā, pageva mahattarī’’ti (pārā. 271) padabhājane vuttattā tadahujātakumārikābhāvenapi ṭhitaṃ jīvamānakamanussamātugāmanti vuttaṃ hoti. ‘‘Manussitthi’’nti sāmaññavacanena jīvamānakamanussitthinti ayaṃ viseso kuto labbhatīti? Vinītavatthumhi (pārā. 281 ādayo) matitthiyā kāyaṃ phusantassa thullaccayavacanato pārisesato labbhati. Āmasantoti ‘‘hatthaggāhaṃ vā veṇiggāhaṃ vā aññatarassa vā aññatarassa vā aṅgassa parāmasana’’nti (pārā. 270) vuttattā hatthādiaṅgapaccaṅgaphusanādinānappakārānaṃ aññatarena pakārena āmasantoti attho. Attano kāyena itthiyā kāyassa saṃsagge missībhāve rāgo kāyasaṃsaggarāgo. Saṅghādiseso etassa atthīti saṅghādisesiko, kāyasaṃsaggasaṅghādiseso āpanno hotīti vuttaṃ hoti.

    334. гааяасам̣саг̇г̇арааг̇зна ид̇т̇ияаа анд̇амасо ломамби ад̇д̇ано сарийрз ломзна пусанд̇асса бхигкуно сан̇гхаад̣̇исзсаабад̇д̇и ход̇ийд̇и яож̇анаа. зд̇т̇а (баараа. адта. 2.274) ‘‘ломаг̇ан̣анааяа сан̇гхаад̣̇исзсаа хонд̇ий’’д̇и гурунд̣̇адтагат̇аамад̇асса адтид̇ад̇д̇аа , ‘‘годтаасаг̇ан̣анааяа на ход̇и, ид̇т̇иг̇ан̣анааяа ход̇ий’’д̇и махааадтагат̇аамад̇асса тид̇ад̇д̇аа сан̇гхасанд̇агз ман̃жабийтз бажжад̇т̇аран̣аад̣̇инаа гзнажи аббадижчаад̣̇ид̇з пусанд̇асса вияа ломаг̇ан̣анааяа ахуд̇ваа пудталомаанам̣ б̣ахуд̇д̇зби згасмим̣ баяог̇з згаа зва аабад̇д̇и, б̣ахуусу баяог̇зсу баяог̇аг̇ан̣анааяа аабад̇д̇ияо хонд̇ийд̇и саннидтаанам̣.

    334. Kāyasaṃsaggarāgena itthiyā antamaso lomampi attano sarīre lomena phusantassa bhikkhuno saṅghādisesāpatti hotīti yojanā. Ettha (pārā. aṭṭha. 2.274) ‘‘lomagaṇanāya saṅghādisesā hontī’’ti kurundaṭṭhakathāmatassa aṭṭhitattā , ‘‘koṭṭhāsagaṇanāya na hoti, itthigaṇanāya hotī’’ti mahāaṭṭhakathāmatassa ṭhitattā saṅghasantake mañcapīṭhe paccattharaṇādinā kenaci appaṭicchādite phusantassa viya lomagaṇanāya ahutvā phuṭṭhalomānaṃ bahuttepi ekasmiṃ payoge ekā eva āpatti, bahūsu payogesu payogagaṇanāya āpattiyo hontīti sanniṭṭhānaṃ.

    335. ид̇т̇ияаад̇и мануссид̇т̇ияаа. сампудтод̇и хад̇т̇аад̣̇исарийрааваяавз сам̣саг̇г̇ам̣ самаабанно. сзванажзд̇ано вааяамид̇ваа гааяасам̣саг̇г̇арааг̇зна ад̇д̇ано гааяам̣ жаалзд̇ваад̇и ад̇т̇о. сан̇гхаад̣̇исзсад̇аад̇и зд̇т̇а сагад̇т̇з д̇ад̣̇д̇хид̇аббажжаяо. ‘‘сан̇гхаад̣̇исзсид̇аа’’д̇и бана баато сунд̣̇аро, сан̇гхаад̣̇исзсасса ад̇т̇ид̇аа виж̇ж̇амаанабхаавод̇и ад̇т̇о. сан̇гхаад̣̇исзсаабад̇д̇ияаа саб̣бхаавасан̇каад̇аа ад̇т̇ид̇аа ийбажжаяад̇т̇з буг̇г̇алз сан̇гхаад̣̇исзсийсад̣̇д̣̇абавад̇д̇инимид̇д̇ам̣ ход̇ийд̇и бхаавабажжаяо д̇ам̣ад̇т̇авасзна лаб̣бхад̇и. яат̇ааху ‘‘яасса г̇ун̣асса хи бхааваа д̣̇аб̣б̣з сад̣̇д̣̇асаннивзсо, д̇ад̣̇абхид̇хаанз д̇д̇ад̇аад̣̇аяо’’д̇и.

    335.Itthiyāti manussitthiyā. Samphuṭṭhoti hatthādisarīrāvayave saṃsaggaṃ samāpanno. Sevanacetano vāyamitvā kāyasaṃsaggarāgena attano kāyaṃ cāletvāti attho. Saṅghādisesatāti ettha sakatthe taddhitappaccayo. ‘‘Saṅghādisesitā’’ti pana pāṭho sundaro, saṅghādisesassa atthitā vijjamānabhāvoti attho. Saṅghādisesāpattiyā sabbhāvasaṅkhātā atthitā īpaccayatthe puggale saṅghādisesīsaddapavattinimittaṃ hotīti bhāvapaccayo taṃatthavasena labbhati. Yathāhu ‘‘yassa guṇassa hi bhāvā dabbe saddasanniveso, tadabhidhāne ttatādayo’’ti.

    336. згзна хад̇т̇зна г̇ахзд̇ваад̇и (ган̇каа. адта. гааяасам̣саг̇г̇асигкаабад̣̇аван̣н̣анаа) зд̇т̇а ‘‘гааяасам̣саг̇г̇арааг̇знаа’’д̇и аанзд̇ваа самб̣анд̇хид̇аб̣б̣ам̣. ‘‘мануссид̇т̇и’’нд̇и аж̇жхаахааро. д̇ам̣ мануссид̇т̇им̣. д̇ад̇т̇а д̇ад̇т̇аад̇и ид̇т̇ияаа д̇асмим̣ д̇асмим̣ сарийрааваяавз. ‘‘згааваабад̇д̇ий’’д̇и батамам̣ г̇ахид̇ахад̇т̇асса анабанийд̇ад̇д̇аа вуд̇д̇ам̣. г̇ахид̇ахад̇т̇ам̣ бана можзд̇ваа бунаббунам̣ пусанд̇асса баяог̇аг̇ан̣анааяа аабад̇д̇и ход̇ийд̇и б̣яад̇ирзгад̇о лаб̣бхад̇и.

    336.Ekena hatthena gahetvāti (kaṅkhā. aṭṭha. kāyasaṃsaggasikkhāpadavaṇṇanā) ettha ‘‘kāyasaṃsaggarāgenā’’ti ānetvā sambandhitabbaṃ. ‘‘Manussitthi’’nti ajjhāhāro. Taṃ manussitthiṃ. Tattha tatthāti itthiyā tasmiṃ tasmiṃ sarīrāvayave. ‘‘Ekāvāpattī’’ti paṭhamaṃ gahitahatthassa anapanītattā vuttaṃ. Gahitahatthaṃ pana mocetvā punappunaṃ phusantassa payogagaṇanāya āpatti hotīti byatirekato labbhati.

    337. згзна хад̇т̇зна аг̇г̇ахзд̇ваа сийсад̇о яаава баад̣̇ам̣, баад̣̇ад̇о яаава сийсан̃жа гааяаа хад̇т̇ам̣ аможзд̇ваа д̣̇ивасамби д̇ам̣ ид̇т̇им̣ пусанд̇асса згааваабад̇д̇ийд̇и яож̇анаа. зд̇т̇ааби ‘‘аможзд̇ваа’’д̇и б̣яад̇ирзгад̇о можзд̇ваа пусанд̇асса баяог̇аг̇ан̣анааяа анзгаабад̇д̇ияод̇и лаб̣бхад̇и.

    337. Ekena hatthena aggahetvā sīsato yāva pādaṃ, pādato yāva sīsañca kāyā hatthaṃ amocetvā divasampi taṃ itthiṃ phusantassa ekāvāpattīti yojanā. Etthāpi ‘‘amocetvā’’ti byatirekato mocetvā phusantassa payogagaṇanāya anekāpattiyoti labbhati.

    338. згад̇о г̇ахид̇абан̃жан̇г̇улийнам̣ г̇ан̣анааяа сажз аабад̇д̇и сияаа, згасса маад̇уг̇аамасса сарийрам̣ рааг̇ажид̇д̇зна пусанд̇асса д̣̇вад̇д̇им̣сагалаабагодтаасад̇о б̣яад̇ирзгасса сарийрассаабхааваа д̣̇вад̇д̇им̣сагалаабагодтаасаг̇ан̣анааяа аабад̇д̇ияаа бхавид̇аб̣б̣ам̣, д̇ат̇аа абхаавад̇о ид̣̇амби на ход̇ийд̇и д̣̇ассанад̇т̇ам̣ ‘‘на хи годтаасад̇о сияаа’’д̇и ааха.

    338. Ekato gahitapañcaṅgulīnaṃ gaṇanāya sace āpatti siyā, ekassa mātugāmassa sarīraṃ rāgacittena phusantassa dvattiṃsakalāpakoṭṭhāsato byatirekassa sarīrassābhāvā dvattiṃsakalāpakoṭṭhāsagaṇanāya āpattiyā bhavitabbaṃ, tathā abhāvato idampi na hotīti dassanatthaṃ ‘‘na hi koṭṭhāsato siyā’’ti āha.

    340-1. ид̇т̇ияаа вимад̇иссааби ад̇д̇ано гааязна ид̇т̇ияаа гааяам̣ пусад̇о д̇асса т̇уллажжаяам̣ сияаа, ид̇т̇ияаа бан̣д̣агаад̣̇исан̃н̃иноби ад̇д̇аноби гааязна ид̇т̇ияаа гааяам̣ пусад̇о д̇асса т̇уллажжаяам̣ сияаа. аад̣̇и-сад̣̇д̣̇зна бурисад̇иражчаанаг̇ад̇аанам̣ сан̇г̇ахо. ид̇т̇ияаа ид̇т̇исан̃н̃ино ад̇д̇ано гааязна ид̇т̇ияаа гааяасамб̣ад̣̇д̇хам̣ пусад̇о д̇асса т̇уллажжаяам̣ сияаа. бан̣д̣агз бан̣д̣агасан̃н̃ино ад̇д̇ано гааязна бан̣д̣агасса гааяам̣ пусад̇о д̇асса т̇уллажжаяам̣ сияаа. яагкибзд̇ийсу яагкибзд̇исан̃н̃ино ад̇д̇ано гааязна д̇аасам̣ гааяам̣ пусад̇о д̇асса т̇уллажжаяам̣ сияаад̇и яож̇анаа. зд̇т̇а ‘‘бан̣д̣агаг̇г̇ахан̣зна убхад̇об̣яан̃ж̇анагоби г̇аяхад̇ий’’д̇и важ̇ираб̣уд̣̇д̇хидийгааяам̣ вуд̇д̇ам̣. ‘‘ид̇т̇ияаа взмад̇игассааби бан̣д̣агаад̣̇исан̃н̃иноби ад̇д̇ано гааязна ид̇т̇ияаа гааяасамб̣ад̣̇д̇хам̣ пусад̇о д̇асса т̇уллажжаяам̣ сияаа’’д̇и на яож̇зд̇аб̣б̣ам̣. гасмаа? д̇ат̇аа яож̇анааяам̣ баал̣ияам̣ д̣̇уггадам̣ вуд̇д̇ам̣, на т̇уллажжаяанд̇и анидтаббасан̇г̇ад̇о.

    340-1.Itthiyā vimatissāpi attano kāyena itthiyā kāyaṃ phusato tassa thullaccayaṃ siyā, itthiyā paṇḍakādisaññinopi attanopi kāyenaitthiyā kāyaṃ phusato tassa thullaccayaṃ siyā. Ādi-saddena purisatiracchānagatānaṃ saṅgaho. Itthiyā itthisaññino attano kāyena itthiyā kāyasambaddhaṃ phusato tassa thullaccayaṃ siyā. Paṇḍake paṇḍakasaññino attano kāyena paṇḍakassa kāyaṃ phusato tassa thullaccayaṃ siyā. Yakkhipetīsu yakkhipetisaññino attano kāyena tāsaṃ kāyaṃ phusato tassa thullaccayaṃ siyāti yojanā. Ettha ‘‘paṇḍakaggahaṇena ubhatobyañjanakopi gayhatī’’ti vajirabuddhiṭīkāyaṃ vuttaṃ. ‘‘Itthiyā vematikassāpi paṇḍakādisaññinopi attano kāyena itthiyā kāyasambaddhaṃ phusato tassa thullaccayaṃ siyā’’ti na yojetabbaṃ. Kasmā? Tathā yojanāyaṃ pāḷiyaṃ dukkaṭaṃ vuttaṃ, na thullaccayanti aniṭṭhappasaṅgato.

    ‘‘д̣̇уггадам̣ гааяасам̣саг̇г̇з, д̇иражчаанаг̇ад̇ид̇т̇ияаа’’д̇и иминаа винийд̇авад̇т̇умхи ааг̇ад̇анаяз сан̇г̇ахид̇зби д̇знзва наязна бан̣д̣агз вимад̇иид̇т̇исан̃н̃ид̇аад̣̇иан̃н̃амад̇ибагкз жа бурисад̇иражчаанаг̇ад̇зсу бурисад̇иражчаанаг̇ад̇асан̃н̃ивимад̇ибан̣д̣агаад̣̇иан̃н̃амад̇ибагкз жа ид̇и имзсам̣ д̇ин̣н̣ам̣ гааяабадиб̣ад̣̇д̇хаамасанаад̣̇ийсу жа бад̣̇абхааж̇анз вуд̇д̇асаб̣б̣ад̣̇уггадаабад̇д̇ияо убалагкид̇аад̇и д̣̇адтаб̣б̣ам̣.

    ‘‘Dukkaṭaṃ kāyasaṃsagge, tiracchānagatitthiyā’’ti iminā vinītavatthumhi āgatanaye saṅgahitepi teneva nayena paṇḍake vimatiitthisaññitādiaññamatipakkhe ca purisatiracchānagatesu purisatiracchānagatasaññivimatipaṇḍakādiaññamatipakkhe ca iti imesaṃ tiṇṇaṃ kāyapaṭibaddhāmasanādīsu ca padabhājane vuttasabbadukkaṭāpattiyo upalakkhitāti daṭṭhabbaṃ.

    342. ад̇д̇ано гааязна бадиб̣ад̣̇д̇хзна ид̇т̇ияаа гааязна бадиб̣ад̣̇д̇хам̣ пусанд̇асса бхигкуно бана д̣̇уггаданд̇и яож̇анаа. зд̇т̇а би-сад̣̇д̣̇о вуд̇д̇ад̣̇уггадаанам̣ самужжаяад̇т̇о. жа-сад̣̇д̣̇зна бана авуд̇д̇асамужжаяад̇т̇зна ‘‘ниссаг̇г̇иязна гааяам̣ аамасад̇и. ниссаг̇г̇иязна гааяабадиб̣ад̣̇д̇хам̣ аамасад̇и. ниссаг̇г̇иязна ниссаг̇г̇ияам̣ аамасад̇и, аабад̇д̇и д̣̇уггадассаа’’д̇и (баараа. 276) баал̣ияам̣ ааг̇ад̇ад̣̇уггадаанам̣ сан̇г̇ахо взд̣̇ид̇аб̣б̣о.

    342. Attano kāyena paṭibaddhena itthiyā kāyena paṭibaddhaṃ phusantassa bhikkhuno pana dukkaṭanti yojanā. Ettha pi-saddo vuttadukkaṭānaṃ samuccayattho. Ca-saddena pana avuttasamuccayatthena ‘‘nissaggiyena kāyaṃ āmasati. Nissaggiyena kāyapaṭibaddhaṃ āmasati. Nissaggiyena nissaggiyaṃ āmasati, āpatti dukkaṭassā’’ti (pārā. 276) pāḷiyaṃ āgatadukkaṭānaṃ saṅgaho veditabbo.

    343-4. на гзвалам̣ бад̣̇абхааж̇анааг̇ад̇аид̇т̇исарийраад̣̇игамзва анаамаасам̣, винийд̇авад̇т̇уусу д̣̇ааруд̇хийд̇алигавад̇т̇уануломад̇о бод̇т̇алигаад̣̇иид̇т̇ируубаган̃жа ниссаг̇г̇ияаваараануломад̇о асарийрадтам̣ маад̇уг̇аамзхи барибхуд̇д̇авад̇т̇аабхаран̣аад̣̇ин̃жа вибхан̇г̇агканд̇хагаад̣̇ийсу вуд̇д̇анаяаанусаарзна адтагат̇ааг̇ад̇ам̣ авасзсам̣ анаамаасавад̇т̇ун̃жа аамасанд̇асса аабад̇д̇им̣ сан̇г̇ахзд̇умааха ‘‘ид̇т̇ийна’’нд̇иаад̣̇и.

    343-4. Na kevalaṃ padabhājanāgataitthisarīrādikameva anāmāsaṃ, vinītavatthūsu dārudhītalikavatthuanulomato potthalikādiitthirūpakañca nissaggiyavārānulomato asarīraṭṭhaṃ mātugāmehi paribhuttavatthābharaṇādiñca vibhaṅgakkhandhakādīsu vuttanayānusārena aṭṭhakathāgataṃ avasesaṃ anāmāsavatthuñca āmasantassa āpattiṃ saṅgahetumāha ‘‘itthīna’’ntiādi.

    ‘‘ид̇т̇ийнам̣ ид̇т̇ируубан̃жаа’’д̇и ид̣̇ам̣ ‘‘ид̇т̇игааяа ид̇т̇ид̇ханам̣ (баараа. 34), сад̣̇д̇хаанам̣ сад̣̇д̇хаабарааяана’’нд̇иаад̣̇ийсу вияа логавохааравасзна вуд̇д̇ам̣. ид̇т̇ийнам̣ д̣̇аарулохамаяаад̣̇игам̣ ид̇т̇ируубан̃жаад̇и яож̇анаа. аад̣̇и-сад̣̇д̣̇зна хздтимабарижчзд̣̇ад̇о мад̇д̇игааяа, бидтзна ваа гад̇ам̣ маад̇уг̇аамаруубам̣ сан̇г̇ан̣хаад̇и. маад̇уг̇аамаруубам̣ язна гзнажи д̣̇иннам̣ саб̣б̣арад̇анамаяам̣ винаа авасзсам̣ саад̣̇ияид̇ваа бхинд̣̇ид̇ваа саман̣асааруббабаригкаарам̣ гаараабзд̇ум̣, апусид̇ваа барибхун̃ж̇ид̇аб̣б̣з ваа яож̇зд̇ум̣ ваддад̇и.

    ‘‘Itthīnaṃ itthirūpañcā’’ti idaṃ ‘‘itthikāya itthidhanaṃ (pārā. 34), saddhānaṃ saddhāparāyana’’ntiādīsu viya lokavohāravasena vuttaṃ. Itthīnaṃ dārulohamayādikaṃ itthirūpañcāti yojanā. Ādi-saddena heṭṭhimaparicchedato mattikāya, piṭṭhena vā kataṃ mātugāmarūpaṃ saṅgaṇhāti. Mātugāmarūpaṃ yena kenaci dinnaṃ sabbaratanamayaṃ vinā avasesaṃ sādiyitvā bhinditvā samaṇasāruppaparikkhāraṃ kārāpetuṃ, aphusitvā paribhuñjitabbe vā yojetuṃ vaṭṭati.

    ‘‘вад̇т̇а’’нд̇и иминаа ниваасанабаарубанад̣̇ваяамби сааман̃н̃зна г̇ахид̇ам̣. ид̣̇ан̃жа маад̇уг̇аамзна барибхун̃ж̇ид̇ум̣ табид̇амби анаамаасамзва, жийварад̇т̇ааяа д̣̇иннам̣ самбадижчид̇ваа г̇ан̣хид̇ум̣ ваддад̇и. хздтимабарижчзд̣̇зна д̇ин̣ажумб̣адагам̣, ан̇г̇улияаа бан̣н̣амуд̣̇д̣̇игам̣ убаад̣̇ааяа алан̇гаарамзва. зд̇т̇а жа ваалагзсаваддагзсзсу бавзсанагад̣̇анд̇асуужиаад̣̇и габбияабхан̣д̣ам̣ д̣̇ияяамаанам̣ саман̣асааруббабаригкаарад̇т̇ааяа г̇ахзд̇аб̣б̣ам̣.

    ‘‘Vattha’’nti iminā nivāsanapārupanadvayampi sāmaññena gahitaṃ. Idañca mātugāmena paribhuñjituṃ ṭhapitampi anāmāsameva, cīvaratthāya dinnaṃ sampaṭicchitvā gaṇhituṃ vaṭṭati. Heṭṭhimaparicchedena tiṇacumbaṭakaṃ, aṅguliyā paṇṇamuddikaṃ upādāya alaṅkārameva. Ettha ca vālakesavaṭṭakesesu pavesanakadantasūciādi kappiyabhaṇḍaṃ diyyamānaṃ samaṇasāruppaparikkhāratthāya gahetabbaṃ.

    д̇ад̇т̇аж̇аад̇апалам̣ каж̇ж̇анд̇и ругкз тид̇ам̣ каад̣̇ид̇аб̣б̣ам̣ банасанаал̣игзраад̣̇ипалан̃жа мануссзхи раасигад̇ам̣ барибхун̃ж̇ид̇аб̣б̣апалан̃жа ‘‘мануссзхи раасигад̇зсуби зсзва наяо’’д̇и (баараа. адта. 2.281) адтагат̇ааяам̣ вуд̇д̇ад̇д̇аа анаамаасанд̇и убалагкан̣ад̇о иминаава г̇ахзд̇аб̣б̣ам̣. аран̃н̃з ругкад̇о бад̇ид̇ам̣ палам̣ ‘‘анубасамбаннасса д̣̇ассаамий’’д̇и г̇ахзд̇ум̣ ваддад̇и. ‘‘муг̇г̇аад̣̇им̣ д̇ад̇т̇аж̇аад̇ага’’нд̇и убалагкан̣абад̣̇ад̇д̇аа г̇ажчад̇о вияуд̇д̇амби г̇ахзд̇аб̣б̣ам̣. муг̇г̇аад̣̇инд̇и зд̇т̇а ‘‘абаран̣н̣а’’нд̇и баатасзсо.

    Tatthajātaphalaṃ khajjanti rukkhe ṭhitaṃ khāditabbaṃ panasanāḷikerādiphalañca manussehi rāsikataṃ paribhuñjitabbaphalañca ‘‘manussehi rāsikatesupi eseva nayo’’ti (pārā. aṭṭha. 2.281) aṭṭhakathāyaṃ vuttattā anāmāsanti upalakkhaṇato imināva gahetabbaṃ. Araññe rukkhato patitaṃ phalaṃ ‘‘anupasampannassa dassāmī’’ti gahetuṃ vaṭṭati. ‘‘Muggādiṃ tatthajātaka’’nti upalakkhaṇapadattā gacchato viyuttampi gahetabbaṃ. Muggādinti ettha ‘‘aparaṇṇa’’nti pāṭhaseso.

    саб̣б̣аани д̇хан̃н̃аанийд̇и ‘‘саали вийхи яаво ган̇г̇у, гуд̣̇руусаварагаг̇од̇хумаа’’д̇и вуд̇д̇аани сад̇д̇а д̇хан̃н̃аани. кзд̇д̇амаг̇г̇зна г̇ажчад̇аа саалисийсз хад̇т̇зна апусанд̇зна г̇анд̇аб̣б̣ам̣. сажз маг̇г̇о самб̣аад̇хо ход̇и, сарийрз д̇хан̃н̃ам̣ пусанд̇зби маг̇г̇ад̇д̇аа на д̣̇осо. вийт̇ияам̣, г̇зхан̇г̇ан̣з ваа д̇хан̃н̃зсу басаарид̇зсу абасаггид̇ваа жз г̇анд̇ум̣ на саггаа, ‘‘маг̇г̇ам̣ ад̇хидтааяа г̇анд̇аб̣б̣а’’нд̇и (баараа. адта. 2.281) адтагат̇ааважанад̇о ‘‘имам̣ маг̇г̇ам̣ г̇амиссаамий’’д̇и г̇анд̇ум̣ ваддад̇и. ‘‘гулаг̇зхз д̇хан̃н̃амад̇т̇агз жз аасанам̣ бан̃н̃аабзд̇ваа д̣̇иннам̣ ход̇и, нисийд̣̇ид̇ум̣ ваддад̇ий’’д̇и (баараа. адта. 2.281 ад̇т̇ад̇о самаанам̣) адтагат̇ааяам̣ вуд̇д̇ам̣. ‘‘аасанасаалааяам̣ д̇хан̃н̃з виббагин̣н̣з ануггамид̇ваа згаманд̇з бийтагам̣ бан̃н̃аабзд̇ваа нисийд̣̇ид̇аб̣б̣ам̣. сажз мануссаа д̇асмим̣ д̇хан̃н̃амад̇т̇агз аасанам̣ бан̃н̃аабзд̇ваа д̣̇знд̇и, нисийд̣̇ид̇ум̣ ваддад̇ий’’д̇и (баараа. адта. 2.281 ад̇т̇ад̇о самаанам̣) адтагат̇ааяам̣ вуд̇д̇ад̇д̇аа ад̇д̇анаа д̇ад̇т̇а аасанам̣ бан̃н̃аабзд̇ваа нисийд̣̇ид̇ум̣ на ваддад̇и.

    Sabbāni dhaññānīti ‘‘sāli vīhi yavo kaṅgu, kudrūsavarakagodhumā’’ti vuttāni satta dhaññāni. Khettamaggena gacchatā sālisīse hatthena aphusantena gantabbaṃ. Sace maggo sambādho hoti, sarīre dhaññaṃ phusantepi maggattā na doso. Vīthiyaṃ, gehaṅgaṇe vā dhaññesu pasāritesu apasakkitvā ce gantuṃ na sakkā, ‘‘maggaṃ adhiṭṭhāya gantabba’’nti (pārā. aṭṭha. 2.281) aṭṭhakathāvacanato ‘‘imaṃ maggaṃ gamissāmī’’ti gantuṃ vaṭṭati. ‘‘Kulagehe dhaññamatthake ce āsanaṃ paññāpetvā dinnaṃ hoti, nisīdituṃ vaṭṭatī’’ti (pārā. aṭṭha. 2.281 atthato samānaṃ) aṭṭhakathāyaṃ vuttaṃ. ‘‘Āsanasālāyaṃ dhaññe vippakiṇṇe anukkamitvā ekamante pīṭhakaṃ paññāpetvā nisīditabbaṃ. Sace manussā tasmiṃ dhaññamatthake āsanaṃ paññāpetvā denti, nisīdituṃ vaṭṭatī’’ti (pārā. aṭṭha. 2.281 atthato samānaṃ) aṭṭhakathāyaṃ vuttattā attanā tattha āsanaṃ paññāpetvā nisīdituṃ na vaṭṭati.

    345. д̇хаманасан̇каад̣̇им̣ саб̣б̣ам̣ бан̃жан̇г̇ад̇урияамби жаад̇и самб̣анд̇хо. д̇хаманасан̇ко наама сад̣̇д̣̇агаран̣асан̇ко . аад̣̇и-сад̣̇д̣̇зна вам̣сасин̇г̇ад̇аал̣аад̣̇ийнам̣ сан̇г̇ахо. бан̃жан̇г̇ад̇урияанд̇и аад̇ад̇ам̣, вид̇ад̇ам̣, аад̇ад̇авид̇ад̇ам̣, гханам̣, сусиранд̇и бан̃жан̇г̇асан̇каад̇ам̣ д̇урияам̣. д̇ад̇т̇а аад̇ад̇ам̣ наама жаммабарияонад̣̇д̇хзсу бхзриаад̣̇ийсу згад̇о аагад̣дхид̇ваа онад̣̇д̇хам̣ згад̇алад̇урияам̣. вид̇ад̇ам̣ наама убхад̇о аагад̣дхид̇ваа онад̣̇д̇хам̣ убхаяад̇алад̇урияам̣. аад̇ад̇авид̇ад̇ам̣ наама убхаяад̇о жа маж̇жхад̇о жа саб̣б̣ад̇о барияонанд̇хид̇ам̣. гханам̣ саммаад̣̇и. самманд̇и д̇аал̣ам̣, гхан̣даагин̇ган̣иаад̣̇ийнамби зд̇т̇зва сан̇г̇ахо. сусиранд̇и вам̣саад̣̇и.

    345. Dhamanasaṅkhādiṃ sabbaṃ pañcaṅgaturiyampi cāti sambandho. Dhamanasaṅkho nāma saddakaraṇasaṅkho . Ādi-saddena vaṃsasiṅgatāḷādīnaṃ saṅgaho. Pañcaṅgaturiyanti ātataṃ, vitataṃ, ātatavitataṃ, ghanaṃ, susiranti pañcaṅgasaṅkhātaṃ turiyaṃ. Tattha ātataṃ nāma cammapariyonaddhesu bheriādīsu ekato ākaḍḍhitvā onaddhaṃ ekatalaturiyaṃ. Vitataṃ nāma ubhato ākaḍḍhitvā onaddhaṃ ubhayatalaturiyaṃ. Ātatavitataṃ nāma ubhayato ca majjhato ca sabbato pariyonandhitaṃ. Ghanaṃ sammādi. Sammanti tāḷaṃ, ghaṇṭākiṅkaṇiādīnampi ettheva saṅgaho. Susiranti vaṃsādi.

    ид̇ха (баараа. адта. 2.281) гурунд̣̇адтагат̇ааяам̣ вуд̇д̇анаязна бхзрибогкаран̃жа бхзрид̇алажамман̃жа вийн̣аа жа вийн̣аабогкаражамман̃жа д̣̇ан̣д̣о жа анаамаасам̣. ‘‘бууж̇ам̣ гад̇ваа жзд̇ияан̇г̇ан̣аад̣̇ийсу табид̇абхзрияо ажаалзнд̇зна авасзсадтаанам̣ саммаж̇ж̇ид̇аб̣б̣ам̣. гажаварачад̣д̣анагаалз гажаварам̣ вияа г̇ахзд̇ваа згасмим̣ таанз табзд̇аб̣б̣а’’нд̇и махаабажжарияам̣ вуд̇д̇ам̣. д̇урияабхан̣д̣зсу яам̣ гин̃жи ад̇д̇ано д̣̇ийяамаанам̣ д̇ам̣ баривад̇д̇зд̇ваа габбияабаригкаарам̣ г̇ахзд̇ум̣ ад̇хиваасзд̇аб̣б̣ам̣. д̣̇он̣и ваа богкарам̣ ваа д̣̇анд̇агадтанигкибанад̇т̇ааяа, жамман̃жа сад̇т̇агосагаран̣ад̇т̇ааяа г̇ахзд̇аб̣б̣ам̣.

    Idha (pārā. aṭṭha. 2.281) kurundaṭṭhakathāyaṃ vuttanayena bheripokkharañca bheritalacammañca vīṇā ca vīṇāpokkharacammañca daṇḍo ca anāmāsaṃ. ‘‘Pūjaṃ katvā cetiyaṅgaṇādīsu ṭhapitabheriyo acālentena avasesaṭṭhānaṃ sammajjitabbaṃ. Kacavarachaḍḍanakāle kacavaraṃ viya gahetvā ekasmiṃ ṭhāne ṭhapetabba’’nti mahāpaccariyaṃ vuttaṃ. Turiyabhaṇḍesu yaṃ kiñci attano dīyamānaṃ taṃ parivattetvā kappiyaparikkhāraṃ gahetuṃ adhivāsetabbaṃ. Doṇi vā pokkharaṃ vā dantakaṭṭhanikkhipanatthāya, cammañca satthakosakaraṇatthāya gahetabbaṃ.

    рад̇анаани жа саб̣б̣аанийд̇и муд̇д̇аа ман̣и взл̣урияо сан̇ко силаа баваал̣ам̣ раж̇ад̇ам̣ ж̇аад̇аруубам̣ лохид̇ан̇го масаараг̇алланд̇и (баараа. адта. 2.281) вуд̇д̇аани саб̣б̣аани рад̇анаани жа. зд̇т̇а жа вид̣̇д̇хаа, авид̣̇д̇хаа ваа саамуд̣̇д̣̇игаад̣̇ий саб̣б̣ааби муд̇д̇аа анаамаасаа. бхан̣д̣амуулад̇т̇ан̃жа г̇ан̣хид̇ум̣ на ваддад̇и. анд̇амасо ж̇аад̇ипалигам̣ убаад̣̇ааяа нийлабийд̇аад̣̇ибхзд̣̇о саб̣б̣оби ман̣и д̇ход̇авид̣̇д̇хо анаамаасо. аахад̇аагаарзнзва тид̇о авид̣̇д̇хаад̇ход̇о ман̣и бад̇д̇аад̣̇и бхан̣д̣амуулад̇т̇ам̣ ад̇хиваасзд̇ум̣ ваддад̇ийд̇и вуд̇д̇ам̣. махаабажжарияам̣ бана бадигкид̇д̇ам̣. бажид̇ваа гад̇о гаажаман̣иязвзго ваддад̇и. взл̣урияз жа ман̣исад̣̇исоязва винижчаяо.

    Ratanāni ca sabbānīti muttā maṇi veḷuriyo saṅkho silā pavāḷaṃ rajataṃ jātarūpaṃ lohitaṅko masāragallanti (pārā. aṭṭha. 2.281) vuttāni sabbāni ratanāni ca. Ettha ca viddhā, aviddhā vā sāmuddikādī sabbāpi muttā anāmāsā. Bhaṇḍamūlatthañca gaṇhituṃ na vaṭṭati. Antamaso jātiphalikaṃ upādāya nīlapītādibhedo sabbopi maṇi dhotaviddho anāmāso. Āhatākāreneva ṭhito aviddhādhoto maṇi pattādi bhaṇḍamūlatthaṃ adhivāsetuṃ vaṭṭatīti vuttaṃ. Mahāpaccariyaṃ pana paṭikkhittaṃ. Pacitvā kato kācamaṇiyeveko vaṭṭati. Veḷuriye ca maṇisadisoyeva vinicchayo.

    д̇хаманасан̇ко ‘‘саб̣б̣ам̣ д̇хаманасан̇каад̣̇и’’нд̇иаад̣̇иг̇аат̇ааяа д̇уриязсу г̇ахид̇о. рад̇анакажид̇о сан̇ко анаамаасо. баанийяасан̇ко д̇ход̇оби ад̇ход̇оби аамаасо. авасзсасан̇ко бана ан̃ж̇анаад̣̇ибхзсаж̇ж̇ад̇т̇ам̣, бад̇д̇аад̣̇ибхан̣д̣амуулабхаавзна жа ад̇хиваасзд̇ум̣ ваддад̇и. суван̣н̣зна згад̇о вилияаабзд̇ваа гад̇аа муг̇г̇аван̣н̣аа силаа анаамаасаа. сзсаа силаа куд̣̇д̣̇аганисаанаад̣̇игаммад̇т̇ам̣ ад̇хиваасзд̇ум̣ ваддад̇и. ‘‘баваал̣ам̣ д̇ход̇амад̇ход̇ан̃жа вид̣̇д̇хамавид̣̇д̇хан̃жа саб̣б̣ат̇аа анаамаасам̣, нааби ад̇хиваасзд̇аб̣б̣а’’нд̇и махаабажжарияам̣ вуд̇д̇ад̇д̇аа баваал̣абадимаажзд̇ияаани жзва бод̇т̇агзсу бавзсзд̇аб̣б̣ааан̣ияаа муулз, аг̇г̇зжа бавзсзд̇аб̣б̣ам̣ бад̣̇умаад̣̇иаагаарзна гад̇ам̣ ваддан̃жа на г̇ахзд̇аб̣б̣ам̣ на пусид̇аб̣б̣ам̣.

    Dhamanasaṅkho ‘‘sabbaṃ dhamanasaṅkhādi’’ntiādigāthāya turiyesu gahito. Ratanakhacito saṅkho anāmāso. Pānīyasaṅkho dhotopi adhotopi āmāso. Avasesasaṅkho pana añjanādibhesajjatthaṃ, pattādibhaṇḍamūlabhāvena ca adhivāsetuṃ vaṭṭati. Suvaṇṇena ekato viliyāpetvā katā muggavaṇṇā silā anāmāsā. Sesā silā khuddakanisānādikammatthaṃ adhivāsetuṃ vaṭṭati. ‘‘Pavāḷaṃ dhotamadhotañca viddhamaviddhañca sabbathā anāmāsaṃ, nāpi adhivāsetabba’’nti mahāpaccariyaṃ vuttattā pavāḷapaṭimācetiyāni ceva potthakesu pavesetabbaāṇiyā mūle, aggeca pavesetabbaṃ padumādiākārena kataṃ vaṭṭañca na gahetabbaṃ na phusitabbaṃ.

    б̣ийж̇ад̇о бадтааяа раж̇ад̇ам̣, ж̇аад̇аруубан̃жа гад̇ам̣ ваа ход̇у агад̇ам̣ ваа, саб̣б̣асо анаамаасам̣, на жа саад̣̇ид̇аб̣б̣ам̣. иминаа гад̇ам̣ бадимаад̣̇иган̃жа аарагуудалохан̃жа анаамаасанд̇и вагкад̇и. гад̇аагад̇асуван̣н̣араж̇ад̇аанам̣ асаад̣̇ияид̇аб̣б̣ад̇ааяа ид̇ха адтагат̇ааяа ааг̇ад̇ад̇д̇аа уд̇д̇арзна рааж̇абуд̇д̇зна гаарзд̇ваа аахадам̣ суван̣н̣ажзд̇ияам̣ на ваддад̇ийд̇и махаабад̣̇умад̇т̇зрзна бадигкид̇д̇анд̇и суван̣н̣абадимаажзд̇ияабод̇т̇агааважчаад̣̇агаман̣ибад̣̇умаваддаад̣̇и яам̣ гин̃жи на саад̣̇ид̇аб̣б̣амзва, на жа аамасид̇аб̣б̣ам̣. зд̇зна гад̇ам̣ сзнаасанобагаран̣ам̣ бана барибхун̃ж̇ид̇ум̣ ваддад̇и. д̇хаммаман̣д̣абз гад̇амби бадиж̇аг̇г̇ид̇ум̣ ваддад̇и. лохид̇аван̣н̣о ман̣и, масаараг̇алламан̣и жа саб̣б̣ат̇аа анаамаасо, на жа ад̇хиваасзд̇аб̣б̣од̇и махаабажжарияам̣ вуд̇д̇ам̣.

    Bījato paṭṭhāya rajataṃ, jātarūpañca kataṃ vā hotu akataṃ vā, sabbaso anāmāsaṃ, na ca sāditabbaṃ. Iminā kataṃ paṭimādikañca ārakūṭalohañca anāmāsanti vakkhati. Katākatasuvaṇṇarajatānaṃ asādiyitabbatāya idha aṭṭhakathāya āgatattā uttarena rājaputtena kāretvā āhaṭaṃ suvaṇṇacetiyaṃ na vaṭṭatīti mahāpadumattherena paṭikkhittanti suvaṇṇapaṭimācetiyapotthakāvacchādakamaṇipadumavaṭṭādi yaṃ kiñci na sāditabbameva, na ca āmasitabbaṃ. Etena kataṃ senāsanopakaraṇaṃ pana paribhuñjituṃ vaṭṭati. Dhammamaṇḍape katampi paṭijaggituṃ vaṭṭati. Lohitavaṇṇo maṇi, masāragallamaṇi ca sabbathā anāmāso, na ca adhivāsetabboti mahāpaccariyaṃ vuttaṃ.

    346. саб̣б̣амаавуд̇хабхан̣д̣анд̇и каг̇г̇аад̣̇и саб̣б̣ам̣ аавуд̇хобагаран̣ам̣ бад̇д̇аад̣̇игаббияабаригкаарамуулад̇т̇ааяа д̣̇ийяамаанам̣ сад̇т̇аваан̣иж̇ааяа агаад̇аб̣б̣ад̇д̇аа на г̇ахзд̇аб̣б̣ам̣, ‘‘имам̣ г̇ан̣хат̇аа’’д̇и д̣̇иннам̣ бхинд̣̇ид̇ваа кан̣д̣аакан̣д̣игам̣ гад̇ваа ‘‘кураад̣̇игаббияабаригкаарам̣ гаарзссаамий’’д̇и саад̣̇ид̇ум̣ ваддад̇и. сан̇г̇аамабхуумияам̣ маг̇г̇з бад̇ид̇акаг̇г̇аад̣̇им̣ д̣̇исваа баасаан̣зна бхинд̣̇ид̇ваа ‘‘кураад̣̇игаббияабхан̣д̣аани гаарзссаамий’’д̇и г̇ан̣хид̇ум̣ ваддад̇и. усусад̇д̇иаад̣̇игам̣ палад̇о д̣̇ан̣д̣ам̣ абанзд̇ваа габбияабаригкаарагаараабанад̇т̇ааяа г̇ахзд̇аб̣б̣ам̣.

    346.Sabbamāvudhabhaṇḍanti khaggādi sabbaṃ āvudhopakaraṇaṃ pattādikappiyaparikkhāramūlatthāya dīyamānaṃ satthavāṇijāya akātabbattā na gahetabbaṃ, ‘‘imaṃ gaṇhathā’’ti dinnaṃ bhinditvā khaṇḍākhaṇḍikaṃ katvā ‘‘khurādikappiyaparikkhāraṃ kāressāmī’’ti sādituṃ vaṭṭati. Saṅgāmabhūmiyaṃ magge patitakhaggādiṃ disvā pāsāṇena bhinditvā ‘‘khurādikappiyabhaṇḍāni kāressāmī’’ti gaṇhituṃ vaṭṭati. Ususattiādikaṃ phalato daṇḍaṃ apanetvā kappiyaparikkhārakārāpanatthāya gahetabbaṃ.

    ж̇ияаад̇и д̇хануг̇ун̣о. жа-гаарзна имиссаа г̇аат̇ааяа авуд̇д̇ам̣ ан̇гусад̇омараад̣̇им̣ барахим̣ собагаран̣ам̣ сан̇г̇ан̣хаад̇и. д̇хануд̣̇ан̣д̣агод̇и ж̇ияаавирахид̇о д̇хануд̣̇ан̣д̣аго. ид̣̇ам̣ барахим̣собагаран̣абхан̣д̣аад̣̇игам̣ вихаарз саммаж̇ж̇ид̇аб̣б̣адтаанз табид̇ам̣ жз, саамигаанам̣ вад̇ваа д̇зхи аг̇г̇ахид̇ам̣ жз, ажаалзнд̇зна саммаж̇ж̇ид̇аб̣б̣ам̣.

    Jiyāti dhanuguṇo. Ca-kārena imissā gāthāya avuttaṃ aṅkusatomarādiṃ parahiṃ sopakaraṇaṃ saṅgaṇhāti. Dhanudaṇḍakoti jiyāvirahito dhanudaṇḍako. Idaṃ parahiṃsopakaraṇabhaṇḍādikaṃ vihāre sammajjitabbaṭṭhāne ṭhapitaṃ ce, sāmikānaṃ vatvā tehi aggahitaṃ ce, acālentena sammajjitabbaṃ.

    ж̇аалан̃жаад̇и мажчаж̇аалабагкиж̇аалаад̣̇иж̇аалан̃жа. ж̇аалам̣ д̣̇ийяамаанам̣ чад̇д̇авзтанад̇т̇ам̣, аасанажзд̇ияаад̣̇имад̇т̇агз б̣анд̇ханаад̣̇ибаяож̇анз сад̇и д̇ад̣̇ад̇т̇ан̃жа г̇ахзд̇аб̣б̣ам̣. саравааран̣ам̣ наама палагаад̣̇игам̣ ан̃н̃зхи ад̇д̇ано виж̇жханад̇т̇ааяа виссадтасаранивааран̣ам̣ винаасанобарод̇хагааран̣ам̣ ход̇ийд̇и бхан̣д̣амуулад̇т̇ам̣ саад̣̇ид̇ум̣ ваддад̇и. ‘‘д̣̇анд̇агадтаад̇хаарапалагаад̣̇и яад̣̇ижчид̇ам̣ гаромий’’д̇и мудтим̣ абанзд̇ваа г̇ахзд̇ум̣ ваддад̇и.

    Jālañcāti macchajālapakkhijālādijālañca. Jālaṃ dīyamānaṃ chattaveṭhanatthaṃ, āsanacetiyādimatthake bandhanādipayojane sati tadatthañca gahetabbaṃ. Saravāraṇaṃ nāma phalakādikaṃ aññehi attano vijjhanatthāya vissaṭṭhasaranivāraṇaṃ vināsanoparodhakāraṇaṃ hotīti bhaṇḍamūlatthaṃ sādituṃ vaṭṭati. ‘‘Dantakaṭṭhādhāraphalakādi yadicchitaṃ karomī’’ti muṭṭhiṃ apanetvā gahetuṃ vaṭṭati.

    347. жзд̇ияанд̇и зд̇т̇а ‘‘суван̣н̣ажзд̇ияа’’нд̇и ид̣̇ам̣ ‘‘суван̣н̣абадиб̣имб̣аад̣̇ий’’д̇и ананд̇арам̣ вуд̇д̇ад̇д̇аа лаб̣бхад̇и. суван̣н̣аг̇г̇ахан̣ан̃жубалагкан̣анд̇и раж̇ад̇амаяан̃жа г̇ахзд̇аб̣б̣ам̣. аарагуудаганд̇и суван̣н̣аван̣н̣ам̣ лохависзсамааха . ‘‘анаамааса’’нд̇и ид̣̇ам̣ ‘‘асамбадижчияам̣ ваа’’д̇и зд̇асса убалагкан̣ам̣.

    347.Cetiyanti ettha ‘‘suvaṇṇacetiya’’nti idaṃ ‘‘suvaṇṇapaṭibimbādī’’ti anantaraṃ vuttattā labbhati. Suvaṇṇaggahaṇañcupalakkhaṇanti rajatamayañca gahetabbaṃ. Ārakūṭakanti suvaṇṇavaṇṇaṃ lohavisesamāha . ‘‘Anāmāsa’’nti idaṃ ‘‘asampaṭicchiyaṃ vā’’ti etassa upalakkhaṇaṃ.

    348. саб̣б̣ам̣ ваад̣̇ид̇амид̇и самб̣анд̇хо. онахид̇унд̇и жаммаварад̇д̇ад̇анд̇ийхи б̣анд̇хид̇ум̣. онахаабзд̇унд̇и д̇ат̇зва ан̃н̃зхи гаараабзд̇ум̣. ваад̣̇аабзд̇унд̇и ан̃н̃зхи ваад̣̇аабзд̇ум̣. ваад̣̇зд̇унд̇и ад̇д̇анаа ваад̣̇зд̇ум̣. ваад̣̇ид̇анд̇и ваад̣̇анийяам̣ яат̇аа ‘‘гаран̣ийяам̣ гаарид̇а’’нд̇и, ваад̣̇анаарахам̣ д̇урияабхан̣д̣анд̇и ад̇т̇о. ид̣̇ан̃жа онаханаад̣̇игирияааяа гаммам̣.

    348. Sabbaṃ vāditamiti sambandho. Onahitunti cammavarattatantīhi bandhituṃ. Onahāpetunti tatheva aññehi kārāpetuṃ. Vādāpetunti aññehi vādāpetuṃ. Vādetunti attanā vādetuṃ. Vāditanti vādanīyaṃ yathā ‘‘karaṇīyaṃ kārita’’nti, vādanārahaṃ turiyabhaṇḍanti attho. Idañca onahanādikiriyāya kammaṃ.

    349. убахаарам̣ гариссаамаад̇и бууж̇ам̣ гариссаама. ид̇и анумад̇иг̇г̇ахан̣ад̇т̇ааяа. вад̇д̇аб̣б̣аад̇и д̇з вад̇д̇ааро вад̇д̇аб̣б̣аад̇и яож̇анаа.

    349.Upahāraṃ karissāmāti pūjaṃ karissāma. Iti anumatiggahaṇatthāya. Vattabbāti te vattāro vattabbāti yojanā.

    350-1. д̇худ̇д̇ияаа ид̇т̇ияаад̇и вибаннаажаарааяа лол̣ид̇т̇ияаа. саяам̣ пусияамаанассаад̇и бхигкуно баяог̇ам̣ винаа ид̇т̇ияаа ад̇д̇анаава пусияамаанасса. гааязна авааяамид̇ваад̇и д̇ассаа сарийрасампассаанубхаванад̇т̇ам̣ ад̇д̇ано гааяам̣ ажаалзд̇ваа. пассам̣ бадивиж̇аанад̇од̇и пассам̣ анубхаванд̇асса.

    350-1.Dhuttiyā itthiyāti vipannācārāya loḷitthiyā. Sayaṃ phusiyamānassāti bhikkhuno payogaṃ vinā itthiyā attanāva phusiyamānassa. Kāyena avāyamitvāti tassā sarīrasamphassānubhavanatthaṃ attano kāyaṃ acāletvā. Phassaṃ paṭivijānatoti phassaṃ anubhavantassa.

    асан̃жижжаад̇и зд̇т̇а ‘‘пусанз’’д̇и баатасзсо, ‘‘иминаа убааязна имам̣ пусаамий’’д̇и ажзд̇зд̇ваа. гим̣ вуд̇д̇ам̣ ход̇и? ‘‘иминаа бад̇д̇абадиг̇г̇ахан̣аад̣̇инаа убааязна зд̇иссаа сарийрасампассам̣ анубхависсаамий’’д̇и ажинд̇зд̇ваа бад̇д̇ат̇аалагад̇аддагабан̣н̣абудабхзсаж̇ж̇аад̣̇им̣ бадиг̇г̇ан̣хаабзнд̇ияаа хад̇т̇з ад̇д̇ано хад̇т̇зна пусанаад̣̇ийсу анаабад̇д̇ийд̇и вуд̇д̇ам̣ ход̇и. ‘‘ассад̇ияаа’’д̇и ид̣̇ам̣ бана иминаава сан̇г̇ахид̇ад̇д̇аа ид̇ха висум̣ на вуд̇д̇ам̣, маад̇уг̇аамасса сарийрз пусанабхаавам̣ аж̇аанид̇ваа ан̃н̃авихид̇о худ̇ваа сад̇им̣ анубадтабзд̇ваа хад̇т̇абаад̣̇абасааран̣аад̣̇ийсу пусанд̇ассаад̇и ад̇т̇о.

    Asañciccāti ettha ‘‘phusane’’ti pāṭhaseso, ‘‘iminā upāyena imaṃ phusāmī’’ti acetetvā. Kiṃ vuttaṃ hoti? ‘‘Iminā pattapaṭiggahaṇādinā upāyena etissā sarīrasamphassaṃ anubhavissāmī’’ti acintetvā pattathālakataṭṭakapaṇṇapuṭabhesajjādiṃ paṭiggaṇhāpentiyā hatthe attano hatthena phusanādīsu anāpattīti vuttaṃ hoti. ‘‘Assatiyā’’ti idaṃ pana imināva saṅgahitattā idha visuṃ na vuttaṃ, mātugāmassa sarīre phusanabhāvaṃ ajānitvā aññavihito hutvā satiṃ anupaṭṭhapetvā hatthapādapasāraṇādīsu phusantassāti attho.

    аж̇аананд̇ассаад̇и д̣̇аарагаагаарам̣ д̣̇ааригам̣ ‘‘маад̇уг̇аамо’’д̇и аж̇аанид̇ваа гзнажи гаран̣ийязна пусанд̇асса . могкаад̇хиббааяино жаад̇и ‘‘могкаад̇хиббааяо гааязна вааяамад̇и, пассам̣ бадивиж̇аанаад̇и, анаабад̇д̇и. могкаад̇хиббааяо гааязна вааяамад̇и, на жа пассам̣ бадивиж̇аанаад̇и, анаабад̇д̇и. могкаад̇хиббааяо на жа гааязна вааяамад̇и, пассам̣ бадивиж̇аанаад̇и, анаабад̇д̇и. могкаад̇хиббааяо на жа гааязна вааяамад̇и, на жа пассам̣ бадивиж̇аанаад̇и, анаабад̇д̇ий’’д̇и (баараа. 279) вуд̇д̇амогкаад̇хиббааяавад̇о жад̇уб̣б̣ид̇хасса буг̇г̇алассаад̇и вуд̇д̇ам̣ ход̇и. ‘‘анаабад̇д̇ий’’д̇и иминаа самб̣анд̇хо.

    Ajānantassāti dārakākāraṃ dārikaṃ ‘‘mātugāmo’’ti ajānitvā kenaci karaṇīyena phusantassa . Mokkhādhippāyino cāti ‘‘mokkhādhippāyo kāyena vāyamati, phassaṃ paṭivijānāti, anāpatti. Mokkhādhippāyo kāyena vāyamati, na ca phassaṃ paṭivijānāti, anāpatti. Mokkhādhippāyo na ca kāyena vāyamati, phassaṃ paṭivijānāti, anāpatti. Mokkhādhippāyo na ca kāyena vāyamati, na ca phassaṃ paṭivijānāti, anāpattī’’ti (pārā. 279) vuttamokkhādhippāyavato catubbidhassa puggalassāti vuttaṃ hoti. ‘‘Anāpattī’’ti iminā sambandho.

    имзсу яо маад̇уг̇аамзна аалин̇г̇анаад̣̇ибаяог̇зна аж̇жход̇т̇араяамаано д̇ам̣ ад̇д̇ано сарийрад̇о абанзд̇ваа мун̃жид̇угаамо хад̇т̇ажаалзна, мудтиаад̣̇ийхи ваа бадибан̣ааманам̣, бахаран̣аад̣̇иган̃жа баяог̇ам̣ гарод̇и, аяам̣ батамо буг̇г̇ало. ад̇д̇аанамаж̇жход̇т̇арид̇ум̣ ааг̇ажчанд̇им̣ ид̇т̇им̣ д̣̇исваа бахаран̣аагаараад̣̇исаб̣б̣абаяог̇ам̣ д̣̇ассзд̇ваа д̇аасзд̇ваа ад̇д̇ано сарийрам̣ пусид̇ум̣ ад̣̇знд̇о д̣̇уд̇ияо. ид̇т̇ияаа аж̇жход̇т̇арид̇ваа аалин̇г̇ид̇о жобанарахид̇ам̣ мам̣ ‘‘анад̇т̇иго’’д̇и манд̇ваа ‘‘саяамзва балааяиссад̇ий’’д̇и, ‘‘ажобанамзва могкобааяо’’д̇и н̃ад̇ваа нижжалова худ̇ваа пассам̣ бадивиж̇аананд̇о д̇ад̇ияо. ад̇д̇аанам̣ аж̇жход̇т̇арид̇умааг̇ажчанд̇им̣ ид̇т̇им̣ д̣̇исваа д̣̇уд̇ияо вияа д̇аасзд̇ум̣ гааяаббаяог̇ам̣ агад̇ваа ‘‘аг̇ад̇з баад̇зссаами, бахарид̇ваа д̇аасзссаамий’’д̇и ваа жинд̇зд̇ваа нижжалова худ̇ваа д̇идтанд̇о жад̇уд̇т̇од̇и взд̣̇ид̇аб̣б̣о.

    Imesu yo mātugāmena āliṅganādipayogena ajjhottharayamāno taṃ attano sarīrato apanetvā muñcitukāmo hatthacālena, muṭṭhiādīhi vā paṭipaṇāmanaṃ, paharaṇādikañca payogaṃ karoti, ayaṃ paṭhamo puggalo. Attānamajjhottharituṃ āgacchantiṃ itthiṃ disvā paharaṇākārādisabbapayogaṃ dassetvā tāsetvā attano sarīraṃ phusituṃ adento dutiyo. Itthiyā ajjhottharitvā āliṅgito copanarahitaṃ maṃ ‘‘anatthiko’’ti mantvā ‘‘sayameva palāyissatī’’ti, ‘‘acopanameva mokkhopāyo’’ti ñatvā niccalova hutvā phassaṃ paṭivijānanto tatiyo. Attānaṃ ajjhottharitumāgacchantiṃ itthiṃ disvā dutiyo viya tāsetuṃ kāyappayogaṃ akatvā ‘‘agate pātessāmi, paharitvā tāsessāmī’’ti vā cintetvā niccalova hutvā tiṭṭhanto catutthoti veditabbo.

    352. батамзнаад̇и зд̇т̇а ‘‘баарааж̇игзнаа’’д̇и баатасзсо, гааяажид̇д̇асамудтаананд̇и вуд̇д̇ам̣ ход̇и. ид̇ха жид̇д̇ам̣ наама гааяасам̣саг̇г̇арааг̇асамбаяуд̇д̇ам̣ жид̇д̇ам̣, суггависсадтимхи можзд̇угаамад̇ааяа самбаяуд̇д̇ам̣ жид̇д̇ам̣.

    352.Paṭhamenāti ettha ‘‘pārājikenā’’ti pāṭhaseso, kāyacittasamuṭṭhānanti vuttaṃ hoti. Idha cittaṃ nāma kāyasaṃsaggarāgasampayuttaṃ cittaṃ, sukkavissaṭṭhimhi mocetukāmatāya sampayuttaṃ cittaṃ.

    гааяасам̣саг̇г̇агат̇ааван̣н̣анаа.

    Kāyasaṃsaggakathāvaṇṇanā.

    353-4. д̣̇удтуллаваажассаад̣̇знаад̇и д̣̇удту гужчид̇абхаавам̣ улад̇и г̇ажчад̇ийд̇и д̣̇удтуллаа, д̣̇удтуллаа жа саа ваажаа жаад̇и д̣̇удтуллаваажаа, важжамаг̇г̇абассаавамаг̇г̇з мзт̇унад̇хаммабадисам̣яуд̇д̇аа ваажаа, яат̇ааха ‘‘д̣̇удтуллаа наама ваажаа важжамаг̇г̇абассаавамаг̇г̇амзт̇унад̇хаммабадисам̣яуд̇д̇аа ваажаа’’д̇и (баараа. 285), д̣̇удтуллаваажааяа ассаад̣̇о д̣̇удтуллаваажассаад̣̇о, д̇ат̇аабавад̇д̇аважийвин̃н̃ад̇д̇исамудтаабагажид̇д̇асамбаяуд̇д̇аа жзд̇анаа, д̇зна самбаяуд̇д̇о рааг̇о ид̇ха сахажариязна ‘‘д̣̇удтуллаваажассаад̣̇о’’д̇и вуд̇д̇о, д̇зна, д̣̇удтуллаваажассаад̣̇асамбаяуд̇д̇зна рааг̇знаад̇и ад̇т̇о. иминаа ‘‘обхаасанд̇ассаа’’д̇и вагкамаанаобхаасанасса хзд̇у д̣̇ассид̇о.

    353-4.Duṭṭhullavācassādenāti duṭṭhu kucchitabhāvaṃ ulati gacchatīti duṭṭhullā, duṭṭhullā ca sā vācā cāti duṭṭhullavācā, vaccamaggapassāvamagge methunadhammapaṭisaṃyuttā vācā, yathāha ‘‘duṭṭhullā nāma vācā vaccamaggapassāvamaggamethunadhammapaṭisaṃyuttā vācā’’ti (pārā. 285), duṭṭhullavācāya assādo duṭṭhullavācassādo, tathāpavattavacīviññattisamuṭṭhāpakacittasampayuttā cetanā, tena sampayutto rāgo idha sahacariyena ‘‘duṭṭhullavācassādo’’ti vutto, tena, duṭṭhullavācassādasampayuttena rāgenāti attho. Iminā ‘‘obhāsantassā’’ti vakkhamānaobhāsanassa hetu dassito.

    ид̇т̇ияаа ид̇т̇исан̃н̃ино бхигкунод̇и яож̇анаа. ид̇т̇ияаа ид̇т̇исан̃н̃инод̇и ‘‘маад̇уг̇аамо наама мануссид̇т̇ий, на яагкий, на бзд̇ий, на д̇иражчаанаг̇ад̇аа, вин̃н̃уу бадиб̣алаа субхаасид̇ад̣̇уб̣бхаасид̇ам̣ д̣̇удтуллаад̣̇удтуллам̣ ааж̇аанид̇у’’нд̇и бад̣̇абхааж̇анз нид̣̇д̣̇идтасаруубааяа субхаасид̇ад̣̇уб̣бхаасид̇ам̣ ж̇аананд̇ияаа мануссид̇т̇ияаа ид̇т̇исан̃н̃ино бхигкунод̇и ад̇т̇о. ‘‘д̣̇виннам̣ маг̇г̇аана’’нд̇и зд̇асса самб̣анд̇хийвасзна ‘‘ид̇т̇ияаа’’д̇и ид̣̇ам̣ саамивасзна яож̇зд̇аб̣б̣ам̣, яат̇аавуд̇д̇асаруубасса маад̇уг̇аамасса важжамаг̇г̇абассаавамаг̇г̇анд̇и ад̇т̇о. ван̣н̣ааван̣н̣авасзна жаад̇и ‘‘ван̣н̣ам̣ бхан̣ад̇и наама д̣̇вз маг̇г̇з т̇омзд̇и ван̣н̣зд̇и басам̣сад̇и. аван̣н̣ам̣ бхан̣ад̇и наама д̣̇вз маг̇г̇з кум̣сзд̇и вамбхзд̇и г̇арахад̇ий’’д̇и нид̣̇д̣̇зсз вуд̇д̇анаязна убхо маг̇г̇з уд̣̇д̣̇исса т̇оманаг̇арахан̣авасзнаад̇и вуд̇д̇ам̣ ход̇и.

    Itthiyā itthisaññino bhikkhunoti yojanā. Itthiyā itthisaññinoti ‘‘mātugāmo nāma manussitthī, na yakkhī, na petī, na tiracchānagatā, viññū paṭibalā subhāsitadubbhāsitaṃ duṭṭhullāduṭṭhullaṃ ājānitu’’nti padabhājane niddiṭṭhasarūpāya subhāsitadubbhāsitaṃ jānantiyā manussitthiyā itthisaññino bhikkhunoti attho. ‘‘Dvinnaṃ maggāna’’nti etassa sambandhīvasena ‘‘itthiyā’’ti idaṃ sāmivasena yojetabbaṃ, yathāvuttasarūpassa mātugāmassa vaccamaggapassāvamagganti attho. Vaṇṇāvaṇṇavasena cāti ‘‘vaṇṇaṃ bhaṇati nāma dve magge thometi vaṇṇeti pasaṃsati. Avaṇṇaṃ bhaṇati nāma dve magge khuṃseti vambheti garahatī’’ti niddese vuttanayena ubho magge uddissa thomanagarahaṇavasenāti vuttaṃ hoti.

    мзт̇унасса яаажанаад̣̇аяо мзт̇унаяаажанаад̣̇аяо, д̇зхи мзт̇унаяаажанаад̣̇ийхи, ‘‘яаажад̇иби ааяаажад̇иби бужчад̇иби бадибужчад̇иби аажигкад̇иби анусаасад̇иби аггосад̇ибий’’д̇и (баараа. 285) уд̣̇д̣̇зсз вуд̇д̇амзт̇унаяаажанаад̣̇ивасзнаад̇и вуд̇д̇ам̣ ход̇и. имзхи д̣̇вийхи ‘‘обхаасанд̇ассаа’’д̇и вуд̇д̇аобхаасанаа д̣̇ассид̇аа. обхаасанд̇ассаад̇и уд̣̇д̣̇зсаяанд̇асса, багаасзнд̇ассаад̇и ад̇т̇о. ‘‘вин̃н̃у’’нд̇и иминаа обхаасанагирияааяа гаммамааха, иминаа висзсид̇аб̣б̣ам̣ ‘‘мануссид̇т̇и’’нд̇и ид̣̇ам̣ багаран̣ад̇о лаб̣бхад̇и, яат̇аад̣̇ассид̇абад̣̇абхааж̇анааг̇ад̇асаруубам̣ вин̃н̃ум̣ бадиб̣алам̣ мануссид̇т̇инд̇и вуд̇д̇ам̣ ход̇и. анд̇амасо хад̇т̇амуд̣̇д̣̇ааяабийд̇и обхаасанз анд̇имабарижчзд̣̇ад̣̇ассанам̣. д̣̇удтуллаважанассаад̣̇абхаавз сад̇и яо важжамаг̇г̇абассаавамаг̇г̇абадиб̣ад̣̇д̇хам̣ г̇ун̣ад̣̇осам̣ ваа мзт̇унад̇хаммаяаажанаад̣̇ивасзна ваа д̣̇удтуллаад̣̇удтуллам̣ ж̇аананд̇им̣ мануссид̇т̇им̣ хздтимабарижчзд̣̇зна хад̇т̇амуд̣̇д̣̇ааяаби вад̣̇зяяаад̇и ад̇т̇о.

    Methunassa yācanādayo methunayācanādayo, tehi methunayācanādīhi, ‘‘yācatipi āyācatipi pucchatipi paṭipucchatipi ācikkhatipi anusāsatipi akkosatipī’’ti (pārā. 285) uddese vuttamethunayācanādivasenāti vuttaṃ hoti. Imehi dvīhi ‘‘obhāsantassā’’ti vuttaobhāsanā dassitā. Obhāsantassāti uddesayantassa, pakāsentassāti attho. ‘‘Viññu’’nti iminā obhāsanakiriyāya kammamāha, iminā visesitabbaṃ ‘‘manussitthi’’nti idaṃ pakaraṇato labbhati, yathādassitapadabhājanāgatasarūpaṃ viññuṃ paṭibalaṃ manussitthinti vuttaṃ hoti. Antamaso hatthamuddāyapīti obhāsane antimaparicchedadassanaṃ. Duṭṭhullavacanassādabhāve sati yo vaccamaggapassāvamaggapaṭibaddhaṃ guṇadosaṃ vā methunadhammayācanādivasena vā duṭṭhullāduṭṭhullaṃ jānantiṃ manussitthiṃ heṭṭhimaparicchedena hatthamuddāyapi vadeyyāti attho.

    имасмим̣ г̇аат̇аад̣̇ваяз д̣̇удтуллаваажассаад̣̇зна ид̇т̇ияаа ид̇т̇исан̃н̃ино вин̃н̃ум̣ д̇ам̣ ид̇т̇им̣ д̣̇виннам̣ маг̇г̇аанам̣ ван̣н̣авасзна анд̇амасо хад̇т̇амуд̣̇д̣̇ааяаби обхаасанд̇асса бхигкуно г̇аругам̣ сияаад̇и згам̣ ваагяам̣, д̇ат̇аа ‘‘д̣̇виннам̣ маг̇г̇аанам̣ аван̣н̣авасзнаа’’д̇и иминаа жа ‘‘мзт̇унаяаажанаад̣̇ийхий’’д̇и иминаа жа яож̇анааяа ваагяад̣̇ваяанд̇и звам̣ яож̇анаавасзна д̇ийн̣и ваагяаани хонд̇и.

    Imasmiṃ gāthādvaye duṭṭhullavācassādena itthiyā itthisaññino viññuṃ taṃ itthiṃ dvinnaṃ maggānaṃ vaṇṇavasena antamaso hatthamuddāyapi obhāsantassa bhikkhuno garukaṃ siyāti ekaṃ vākyaṃ, tathā ‘‘dvinnaṃ maggānaṃ avaṇṇavasenā’’ti iminā ca ‘‘methunayācanādīhī’’ti iminā ca yojanāya vākyadvayanti evaṃ yojanāvasena tīṇi vākyāni honti.

    д̇ад̇т̇а батамаваагяз ван̣н̣аважанзна сан̇г̇ахид̇ам̣ т̇оманаад̣̇игат̇ам̣ гат̇знд̇асса сан̇гхаад̣̇исзсо ход̇и. ‘‘ид̇т̇илагкан̣зна субхалагкан̣зна саманнааг̇ад̇аасий’’д̇и зд̇д̇агамзва т̇оманад̇т̇ам̣ вад̣̇ад̇о сан̇гхаад̣̇исзсо на ход̇и, ‘‘д̇ава важжамаг̇г̇о жа бассаавамаг̇г̇о жа ийд̣̇исо субхо сусан̣таано, д̇зна наама ийд̣̇исзна ид̇т̇илагкан̣зна субхалагкан̣зна саманнааг̇ад̇аасий’’д̇и вад̣̇анд̇асса ход̇и. ‘‘ван̣н̣зд̇и, басам̣сад̇ий’’д̇и бад̣̇ад̣̇ваяан̃жа ‘‘т̇омзд̇ий’’д̇и бад̣̇асса барияааяо.

    Tattha paṭhamavākye vaṇṇavacanena saṅgahitaṃ thomanādikathaṃ kathentassa saṅghādiseso hoti. ‘‘Itthilakkhaṇena subhalakkhaṇena samannāgatāsī’’ti ettakameva thomanatthaṃ vadato saṅghādiseso na hoti, ‘‘tava vaccamaggo ca passāvamaggo ca īdiso subho susaṇṭhāno, tena nāma īdisena itthilakkhaṇena subhalakkhaṇena samannāgatāsī’’ti vadantassa hoti. ‘‘Vaṇṇeti, pasaṃsatī’’ti padadvayañca ‘‘thometī’’ti padassa pariyāyo.

    д̣̇уд̇ияаваагяз аван̣н̣абад̣̇асан̇г̇ахид̇ам̣ кум̣санаад̣̇ид̇д̇аяз кум̣санам̣ наама бад̇од̣̇обамзхи парусаважанзхи д̇уд̣̇анам̣. яат̇ааха адтагат̇ааяам̣ ‘‘кум̣сзд̇ийд̇и ваажаабад̇од̣̇зна гхаддзд̇ий’’д̇и (баараа. адта. 2.285). бад̇уж̇ж̇ад̇знзнаад̇и ‘‘бад̇од̣̇о’’д̇иаг̇ажчанд̇з ассаад̣̇аяо бавад̇д̇зд̇ум̣ виж̇жханагабаажанад̣̇ан̣д̣о вужжад̇и. вамбханам̣ наама абасаад̣̇анам̣. абасаад̣̇анам̣ наама г̇ун̣ад̇о барихаабанам̣. яат̇ааха ‘‘вамбхзд̇ийд̇и абасаад̣̇зд̇ий’’д̇и (баараа. адта. 2.285). г̇арахаа наама д̣̇осааробанам̣. яат̇ааха ‘‘г̇арахад̇ийд̇и д̣̇осам̣ д̣̇зд̇ий’’д̇и (баараа. адта. 2.285). имам̣ кум̣санаад̣̇ибадисам̣яуд̇д̇аважанам̣ вагкамаанзсу ‘‘сикаран̣ийси, самбхиннааси, убхад̇об̣яан̃ж̇анаасий’’д̇и имзсу д̇ийсу бад̣̇зсу ан̃н̃ад̇арзна яож̇зд̇ваа гат̇знд̇ассзва сан̇гхаад̣̇исзсо, на ид̇арасса.

    Dutiyavākye avaṇṇapadasaṅgahitaṃ khuṃsanādittaye khuṃsanaṃ nāma patodopamehi pharusavacanehi tudanaṃ. Yathāha aṭṭhakathāyaṃ ‘‘khuṃsetīti vācāpatodena ghaṭṭetī’’ti (pārā. aṭṭha. 2.285). Patujjatenenāti ‘‘patodo’’tiagacchante assādayo pavattetuṃ vijjhanakapācanadaṇḍo vuccati. Vambhanaṃ nāma apasādanaṃ. Apasādanaṃ nāma guṇato parihāpanaṃ. Yathāha ‘‘vambhetīti apasādetī’’ti (pārā. aṭṭha. 2.285). Garahā nāma dosāropanaṃ. Yathāha ‘‘garahatīti dosaṃ detī’’ti (pārā. aṭṭha. 2.285). Imaṃ khuṃsanādipaṭisaṃyuttavacanaṃ vakkhamānesu ‘‘sikharaṇīsi, sambhinnāsi, ubhatobyañjanāsī’’ti imesu tīsu padesu aññatarena yojetvā kathentasseva saṅghādiseso, na itarassa.

    д̇ад̇ияаваагяз мзт̇унаяаажанаад̣̇иважанзхи сан̇г̇ахид̇ам̣ ааяаажанаад̣̇им̣ гаронд̇ассааби сан̇гхаад̣̇исзсо. ‘‘яаажад̇и наама д̣̇зхи мз арахаси мз д̣̇аад̇у’’нд̇иаад̣̇инаа (баараа. 285) наязна згзгам̣ бад̣̇ам̣ ‘‘д̣̇зхи мз мзт̇унам̣ д̇хамма’’нд̇иаад̣̇ивасзна мзт̇унад̇хаммабад̣̇зна саха гхадзд̇ваа мзт̇унад̇хаммам̣ яаажанд̇ассзва ход̇и.

    Tatiyavākye methunayācanādivacanehi saṅgahitaṃ āyācanādiṃ karontassāpi saṅghādiseso. ‘‘Yācati nāma dehi me arahasi me dātu’’ntiādinā (pārā. 285) nayena ekekaṃ padaṃ ‘‘dehi me methunaṃ dhamma’’ntiādivasena methunadhammapadena saha ghaṭetvā methunadhammaṃ yācantasseva hoti.

    ‘‘гад̣̇аа д̇з маад̇аа басийд̣̇иссад̇и, гад̣̇аа д̇з бид̇аа басийд̣̇иссад̇и, гад̣̇аа д̇з д̣̇звад̇ааяо басийд̣̇иссанд̇и, гад̣̇аа д̇з сукан̣о сулаяо сумухуд̇д̇о бхависсад̇ий’’д̇иаад̣̇иааяаажанабад̣̇анид̣̇д̣̇зсз згзгам̣ бад̣̇ам̣ д̇ад̇т̇зва осаанз вуд̇д̇зна ‘‘гад̣̇аа д̇з мзт̇унам̣ д̇хаммам̣ лабхиссаамий’’д̇и бад̣̇зна гхадзд̇ваа мзт̇унам̣ яаажанд̇ассзва ход̇и.

    ‘‘Kadā te mātā pasīdissati, kadā te pitā pasīdissati, kadā te devatāyo pasīdissanti, kadā te sukhaṇo sulayo sumuhutto bhavissatī’’tiādiāyācanapadaniddese ekekaṃ padaṃ tattheva osāne vuttena ‘‘kadā te methunaṃ dhammaṃ labhissāmī’’ti padena ghaṭetvā methunaṃ yācantasseva hoti.

    ‘‘гат̇ам̣ д̇вам̣ саамигасса д̣̇зси, гат̇ам̣ ж̇аарасса д̣̇зсий’’д̇и (баараа. 285) бужчаанид̣̇д̣̇зсаважанзсу жа ан̃н̃ад̇арам̣ мзт̇унад̇хаммабад̣̇зна гхадзд̇ваа бужчанд̇ассзва ход̇и.

    ‘‘Kathaṃ tvaṃ sāmikassa desi, kathaṃ jārassa desī’’ti (pārā. 285) pucchāniddesavacanesu ca aññataraṃ methunadhammapadena ghaṭetvā pucchantasseva hoti.

    ‘‘звам̣ гира д̇вам̣ саамигасса д̣̇зси, звам̣ ж̇аарасса д̣̇зсий’’д̇и (баараа. 285) бадибужчаанид̣̇д̣̇зсаважанзсу ан̃н̃ад̇арам̣ мзт̇унад̇хаммабад̣̇зна гхадзд̇ваа висзсзд̇ваа бадибужчанд̇ассзва ход̇и.

    ‘‘Evaṃ kira tvaṃ sāmikassa desi, evaṃ jārassa desī’’ti (pārā. 285) paṭipucchāniddesavacanesu aññataraṃ methunadhammapadena ghaṭetvā visesetvā paṭipucchantasseva hoti.

    ‘‘гат̇ам̣ д̣̇ад̣̇амаанаа саамигасса бияаа ход̇ий’’д̇и бужчад̇о маад̇уг̇аамасса ‘‘звам̣ д̣̇зхи, звам̣ д̣̇знд̇ий саамигасса бияаа бхависсад̇и манаабаа жаа’’д̇и аан̣ад̇д̇иважанз, анусаасаниважанз жа зсзва наяо.

    ‘‘Kathaṃ dadamānā sāmikassa piyā hotī’’ti pucchato mātugāmassa ‘‘evaṃ dehi, evaṃ dentī sāmikassa piyā bhavissati manāpā cā’’ti āṇattivacane, anusāsanivacane ca eseva nayo.

    355. аггосанид̣̇д̣̇зсааг̇ад̇зсу ‘‘анимид̇д̇ааси нимид̇д̇амад̇д̇ааси алохид̇ааси д̇хувалохид̇ааси д̇хуважол̣ааси баг̇гхаранд̇ийси сикаран̣ийси ид̇т̇ибан̣д̣агааси взбурисигааси самбхиннааси убхад̇об̣яан̃ж̇анаасий’’д̇и згаад̣̇асасу бад̣̇зсу ‘‘сикаран̣ийси самбхиннааси убхад̇об̣яан̃ж̇анаасий’’д̇и бад̣̇ад̇д̇аяам̣ бажжзгам̣ аабад̇д̇игарам̣, иминаа бад̣̇ад̇д̇аязна саха буб̣б̣з вуд̇д̇аани важжамаг̇г̇абассаавамаг̇г̇амзт̇унад̇хаммабад̣̇аани д̇ийн̣и жаад̇и чаббад̣̇аанам̣ бажжзгам̣ аабад̇д̇игарад̇д̇аа ид̇о бараани анимид̇д̇аад̣̇ийни адта бад̣̇аани ‘‘анимид̇д̇ааси мзт̇унад̇хаммам̣ д̣̇зхий’’д̇иаад̣̇инаа наязна мзт̇унад̇хаммабад̣̇зна саха гхадзд̇ваа вуд̇д̇аанзва аабад̇д̇игараанийд̇и взд̣̇ид̇аб̣б̣аани, ‘‘мзт̇унаяаажанаад̣̇ийхий’’д̇и зд̇т̇а аад̣̇и-сад̣̇д̣̇асан̇г̇ахид̇зсу ‘‘анимид̇д̇аасий’’д̇иаад̣̇ийсу згаад̣̇асасу аггосабад̣̇зсу анд̇ог̇ад̇хад̇д̇зби гзвалам̣ аабад̇д̇игарад̇д̇аа г̇аруд̇арам̣ бад̣̇ад̇д̇аяам̣ висум̣ сан̇г̇ахзд̇аб̣б̣анд̇и н̃аабзд̇умааха ‘‘сикаран̣ийсий’’д̇иаад̣̇и.

    355. Akkosaniddesāgatesu ‘‘animittāsi nimittamattāsi alohitāsi dhuvalohitāsi dhuvacoḷāsi paggharantīsi sikharaṇīsi itthipaṇḍakāsi vepurisikāsi sambhinnāsi ubhatobyañjanāsī’’ti ekādasasu padesu ‘‘sikharaṇīsi sambhinnāsi ubhatobyañjanāsī’’ti padattayaṃ paccekaṃ āpattikaraṃ, iminā padattayena saha pubbe vuttāni vaccamaggapassāvamaggamethunadhammapadāni tīṇi cāti chappadānaṃ paccekaṃ āpattikarattā ito parāni animittādīni aṭṭha padāni ‘‘animittāsi methunadhammaṃ dehī’’tiādinā nayena methunadhammapadena saha ghaṭetvā vuttāneva āpattikarānīti veditabbāni, ‘‘methunayācanādīhī’’ti ettha ādi-saddasaṅgahitesu ‘‘animittāsī’’tiādīsu ekādasasu akkosapadesu antogadhattepi kevalaṃ āpattikarattā garutaraṃ padattayaṃ visuṃ saṅgahetabbanti ñāpetumāha ‘‘sikharaṇīsī’’tiādi.

    сикаран̣ийсийд̇и зд̇т̇а ‘‘сикаран̣ий асий’’д̇и бад̣̇ажчзд̣̇о. ‘‘асий’’д̇и бажжзгам̣ яож̇зд̇аб̣б̣ам̣. д̇у-сад̣̇д̣̇о гзвалаяуд̇д̇амби аабад̇д̇игарам̣ ход̇ийд̇и висзсам̣ ж̇од̇зд̇и. гзвалзнааби аггосаважанзнаад̇и яож̇анаа. сикаран̣ийсийд̇и б̣ахи нигканд̇ааан̣имам̣саа бхаваси. самбхиннаасийд̇и миссийбхууд̇аважжамаг̇г̇абассаавамаг̇г̇аа. убхад̇об̣яан̃ж̇анаасийд̇и ид̇т̇инимид̇д̇зна, бурисанимид̇д̇зна жаад̇и убхад̇об̣яан̃ж̇анзхи саманнааг̇ад̇аа. ‘‘аяам̣ ид̇т̇ий, аяам̣ бурисо’’д̇и б̣яан̃ж̇аяад̇ийд̇и б̣яан̃ж̇анам̣, муд̇д̇агаран̣аани. сун̣анд̇ияаад̇и зд̇т̇а ‘‘вин̃н̃умануссид̇т̇ияаа’’д̇и ад̇хигаарад̇о лаб̣бхад̇и, иминаа аггосид̇аб̣б̣авад̇т̇у д̣̇ассид̇ам̣ ход̇и. бхаасид̇ам̣ сун̣анд̇ияаа субхаасид̇ад̣̇уб̣бхаасид̇ам̣ ж̇аананд̇ияаа мануссид̇т̇ияаа висаяз бавад̇д̇ааггосаважанзна сан̇гхаад̣̇исзсо ход̇ийд̇и ад̇т̇о.

    Sikharaṇīsīti ettha ‘‘sikharaṇī asī’’ti padacchedo. ‘‘Asī’’ti paccekaṃ yojetabbaṃ. Tu-saddo kevalayuttampi āpattikaraṃ hotīti visesaṃ joteti. Kevalenāpi akkosavacanenāti yojanā. Sikharaṇīsīti bahi nikkhantaāṇimaṃsā bhavasi. Sambhinnāsīti missībhūtavaccamaggapassāvamaggā. Ubhatobyañjanāsīti itthinimittena, purisanimittena cāti ubhatobyañjanehi samannāgatā. ‘‘Ayaṃ itthī, ayaṃ puriso’’ti byañjayatīti byañjanaṃ, muttakaraṇāni. Suṇantiyāti ettha ‘‘viññumanussitthiyā’’ti adhikārato labbhati, iminā akkositabbavatthu dassitaṃ hoti. Bhāsitaṃ suṇantiyā subhāsitadubbhāsitaṃ jānantiyā manussitthiyā visaye pavattaakkosavacanena saṅghādiseso hotīti attho.

    356. бунаббунам̣ обхаасанд̇асса ваажаанам̣ г̇ан̣анааяа г̇аругаа сияунд̇и яож̇анаа. зд̇т̇а ‘‘згам̣ ид̇т̇и’’нд̇и аж̇жхаахарид̇аб̣б̣ам̣. згаваажааяа б̣ахуу обхаасанд̇асса жа ид̇т̇ийнам̣ г̇ан̣анааяа г̇аругаа сияунд̇и яож̇анаа. зд̇т̇ааби ‘‘ид̇т̇ияобий’’д̇и лаб̣бхад̇и.

    356. Punappunaṃ obhāsantassa vācānaṃ gaṇanāya garukā siyunti yojanā. Ettha ‘‘ekaṃ itthi’’nti ajjhāharitabbaṃ. Ekavācāya bahū obhāsantassa ca itthīnaṃ gaṇanāya garukā siyunti yojanā. Etthāpi ‘‘itthiyopī’’ti labbhati.

    357. саа жз наббадиж̇аанаад̇ийд̇и зд̇т̇а ‘‘яам̣ сун̣анд̇им̣ мануссид̇т̇им̣ д̣̇виннам̣ маг̇г̇аанам̣ ван̣н̣ааван̣н̣авасзна обхаасад̇и, саа жз на бадиж̇аанаад̇ий’’д̇и саамад̇т̇ияаа лаб̣бхамаанам̣ аад̣̇ааяа яож̇зд̇аб̣б̣ам̣. ад̇д̇ано бхаасид̇ам̣ д̣̇удтуллам̣ вуд̇д̇асамананд̇арамзва ад̇т̇авасзна сажз на ж̇аанаад̇ийд̇и ад̇т̇о. д̇ассаад̇и д̇асса д̣̇удтуллабхаасид̇абхигкусса. уб̣бхаж̇аан̣ум̣, ад̇хагкагам̣ ваа аад̣̇исса бхан̣анз жааби д̇асса т̇уллажжаяам̣ сияаад̇и яож̇анаа. бхан̣анзд̇и д̣̇виннам̣ маг̇г̇аанам̣ ван̣н̣аад̣̇игат̇анз, ‘‘бхан̣ад̇о’’д̇иби ликанд̇и, бхан̣анд̇асса, бхан̣анахзд̇ууд̇и ад̇т̇о. хзд̇умхи аяаманд̇абажжаяо ‘‘асамб̣уд̇ха’’нд̇иаад̣̇ийсу (баараа. адта. 1.г̇ант̇аарамбхагат̇аа) вияа. уб̣бхаж̇аан̣унд̇и ж̇аан̣уд̇о уд̣̇д̇хам̣. агкзганд̇и агкагад̇о хздтаа.

    357.Sā ce nappaṭijānātīti ettha ‘‘yaṃ suṇantiṃ manussitthiṃ dvinnaṃ maggānaṃ vaṇṇāvaṇṇavasena obhāsati, sā ce na paṭijānātī’’ti sāmatthiyā labbhamānaṃ ādāya yojetabbaṃ. Attano bhāsitaṃ duṭṭhullaṃ vuttasamanantarameva atthavasena sace na jānātīti attho. Tassāti tassa duṭṭhullabhāsitabhikkhussa. Ubbhajāṇuṃ, adhakkhakaṃ vā ādissa bhaṇane cāpi tassa thullaccayaṃ siyāti yojanā. Bhaṇaneti dvinnaṃ maggānaṃ vaṇṇādikathane, ‘‘bhaṇato’’tipi likhanti, bhaṇantassa, bhaṇanahetūti attho. Hetumhi ayamantapaccayo ‘‘asambudha’’ntiādīsu (pārā. aṭṭha. 1.ganthārambhakathā) viya. Ubbhajāṇunti jāṇuto uddhaṃ. Akkhekanti akkhakato heṭṭhā.

    358. уб̣бхагкаганд̇и агкагад̇о уд̣̇д̇хам̣. ад̇хож̇аан̣уман̣д̣аланд̇и ж̇аан̣уман̣д̣алад̇о ад̇хо. уд̣̇д̣̇исанд̇и уд̣̇д̣̇исса. ‘‘уд̣̇д̣̇иссуб̣бхагкам̣ ваа д̇ат̇аа, ад̇хож̇аан̣уман̣д̣ала’’нд̇и жа ликанд̇и, со баато сунд̣̇аро. ван̣н̣аад̣̇ибхан̣анз д̣̇уггаданд̇и самб̣анд̇хо. ‘‘вин̃н̃умануссид̇т̇ияаа’’д̇и ад̇хигаарад̇о лаб̣бхад̇и. гааяабадиб̣ад̣̇д̇хз ван̣н̣аад̣̇ибхан̣анз д̣̇уггаданд̇и зд̇т̇ааби зсзва наяо. важжамаг̇г̇абассаавамаг̇г̇аа сан̇гхаад̣̇исзсагкзд̇д̇ам̣, ад̇хагкагам̣ уб̣бхаж̇аан̣уман̣д̣алам̣ т̇уллажжаяагкзд̇д̇ам̣, уд̣̇д̇хагкагам̣ ад̇хож̇аан̣уман̣д̣алам̣ д̣̇уггадагкзд̇д̇анд̇и имзсу д̇ийсу кзд̇д̇зсу агкаган̃жзва ж̇аан̣уман̣д̣алан̃жа т̇уллажжаяад̣̇уггадаанам̣ д̣̇виннам̣ авад̇хибхууд̇ам̣ гад̇т̇а сан̇г̇аяхад̇ийд̇и? д̣̇уггадагкзд̇д̇зязва сан̇г̇аяхад̇и. яат̇ааха адтагат̇ааяам̣ ‘‘агкагам̣, бана ж̇аан̣уман̣д̣алан̃жа зд̇т̇зва д̣̇уггадагкзд̇д̇з сан̇г̇ахам̣ г̇ажчад̇ий’’д̇и (баараа. адта. 2.286).

    358.Ubbhakkhakanti akkhakato uddhaṃ. Adhojāṇumaṇḍalanti jāṇumaṇḍalato adho. Uddisanti uddissa. ‘‘Uddissubbhakkhaṃ vā tathā, adhojāṇumaṇḍala’’nti ca likhanti, so pāṭho sundaro. Vaṇṇādibhaṇane dukkaṭanti sambandho. ‘‘Viññumanussitthiyā’’ti adhikārato labbhati. Kāyapaṭibaddhe vaṇṇādibhaṇane dukkaṭanti etthāpi eseva nayo. Vaccamaggapassāvamaggā saṅghādisesakkhettaṃ, adhakkhakaṃ ubbhajāṇumaṇḍalaṃ thullaccayakkhettaṃ, uddhakkhakaṃ adhojāṇumaṇḍalaṃ dukkaṭakkhettanti imesu tīsu khettesu akkhakañceva jāṇumaṇḍalañca thullaccayadukkaṭānaṃ dvinnaṃ avadhibhūtaṃ kattha saṅgayhatīti? Dukkaṭakkhetteyeva saṅgayhati. Yathāha aṭṭhakathāyaṃ ‘‘akkhakaṃ, pana jāṇumaṇḍalañca ettheva dukkaṭakkhette saṅgahaṃ gacchatī’’ti (pārā. aṭṭha. 2.286).

    359. бан̣д̣агз яагкибзд̇ийсу д̣̇виннам̣ маг̇г̇аанам̣ ван̣н̣аад̣̇ибхан̣анз д̇асса бхан̣анд̇асса т̇уллажжаяам̣ бхавзд̇и ад̇хигааравасзна ааг̇ад̇абад̣̇зхи саха яож̇зд̇аб̣б̣ам̣. бан̣д̣агаад̣̇ийсууд̇и аад̣̇и-сад̣̇д̣̇зна яагкибзд̇ийнам̣ г̇ахан̣ам̣.

    359. Paṇḍake yakkhipetīsu dvinnaṃ maggānaṃ vaṇṇādibhaṇane tassa bhaṇantassa thullaccayaṃ bhaveti adhikāravasena āgatapadehi saha yojetabbaṃ. Paṇḍakādīsūti ādi-saddena yakkhipetīnaṃ gahaṇaṃ.

    360. уб̣бхагкага…бз… аяам̣ наяод̇и ‘‘бан̣д̣агаад̣̇ийсуу’’д̇и иминаа яож̇зд̇аб̣б̣ам̣. аяам̣ наяод̇и ‘‘д̣̇уггадамзва ход̇ий’’д̇и вуд̇д̇о наяо. саб̣б̣ад̇т̇аад̇и сан̇гхаад̣̇исзсат̇уллажжаяад̣̇уггадагкзд̇д̇авасзна саб̣б̣зсу кзд̇д̇зсу.

    360.Ubbhakkhaka…pe… ayaṃ nayoti ‘‘paṇḍakādīsū’’ti iminā yojetabbaṃ. Ayaṃ nayoti ‘‘dukkaṭameva hotī’’ti vutto nayo. Sabbatthāti saṅghādisesathullaccayadukkaṭakkhettavasena sabbesu khettesu.

    361. ад̇т̇абурзгкааро худ̇ваа обхаасад̇оби анаабад̇д̇ийд̇и яож̇анаа. маад̇уг̇аамаанам̣ ‘‘анимид̇д̇аасий’’д̇иаад̣̇ийсу бад̣̇зсу ад̇т̇агат̇анам̣ бурзгкад̇ваа ‘‘анимид̇д̇аасий’’д̇иаад̣̇ибад̣̇ам̣ бхан̣анд̇асса ваа маад̇уг̇аамзхи саха адтагат̇ам̣ саж̇жхааяанд̇аанам̣ ваа анаабад̇д̇ийд̇и ад̇т̇о. д̇хаммабурзгкааро худ̇ваа обхаасад̇о анаабад̇д̇ийд̇и яож̇анаа. баал̣ид̇хаммам̣ ваажзнд̇асса ваа д̇аасам̣ сун̣анд̇ийнам̣ саж̇жхааяанам̣ ваа бурзгкад̇ваа ‘‘анимид̇д̇аасий’’д̇иаад̣̇ийсу бад̣̇зсу яам̣ гин̃жи баб̣б̣аж̇ид̇асса ваа ид̇арасса ваа маад̇уг̇аамасса гат̇знд̇асса анаабад̇д̇ийд̇и. бурзгкад̇ваанусаасанинд̇и ‘‘ид̣̇аани анимид̇д̇ааси…бз… убхад̇об̣яан̃ж̇анааси, аббамаад̣̇ам̣ д̣̇аани гарзяяааси, яат̇аа ааяад̇имби зваруубаа наахосий’’д̇и анусаасаним̣ бурзгкад̇ваа.

    361. Atthapurekkhāro hutvā obhāsatopi anāpattīti yojanā. Mātugāmānaṃ ‘‘animittāsī’’tiādīsu padesu atthakathanaṃ purekkhatvā ‘‘animittāsī’’tiādipadaṃ bhaṇantassa vā mātugāmehi saha aṭṭhakathaṃ sajjhāyantānaṃ vā anāpattīti attho. Dhammapurekkhāro hutvā obhāsato anāpattīti yojanā. Pāḷidhammaṃ vācentassa vā tāsaṃ suṇantīnaṃ sajjhāyanaṃ vā purekkhatvā ‘‘animittāsī’’tiādīsu padesu yaṃ kiñci pabbajitassa vā itarassa vā mātugāmassa kathentassa anāpattīti. Purekkhatvānusāsaninti ‘‘idāni animittāsi…pe… ubhatobyañjanāsi, appamādaṃ dāni kareyyāsi, yathā āyatimpi evarūpā nāhosī’’ti anusāsaniṃ purekkhatvā.

    362. уммад̇д̇агаад̣̇ийнанд̇и бид̇д̇уммад̇д̇агаяагкуммад̇д̇агавасзна д̣̇виннам̣ уммад̇д̇агаанан̃жа аад̣̇и-сад̣̇д̣̇асан̇г̇ахид̇асса имасмим̣ аад̣̇игаммигасса уд̣̇ааяид̇т̇зрасса жа анаабад̇д̇ийд̇и вуд̇д̇ам̣ ход̇и. ‘‘ид̣̇ам̣ сигкаабад̣̇ам̣ д̇исамудтаанам̣ гааяажид̇д̇ад̇о жа ваажаажид̇д̇ад̇о жа гааяаваажаажид̇д̇ад̇о жа самудтаад̇и. гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇а’’нд̇и (баараа. адта. 2.287) адтагат̇ааяам̣ вуд̇д̇абагин̣н̣агавинижчаяам̣ д̣̇ассзд̇и ‘‘самудтаанаад̣̇аяо…бз… д̇уляааваа’’д̇и. взд̣̇анааяа ад̣̇иннаад̣̇аанзна асамад̇д̇аа ‘‘взд̣̇анзд̇т̇а д̣̇вид̇хаа мад̇аа’’д̇и ааха, сукобзгкаавзд̣̇анаавасзна д̣̇вид̇хаа мад̇аад̇и ад̇т̇о.

    362.Ummattakādīnanti pittummattakayakkhummattakavasena dvinnaṃ ummattakānañca ādi-saddasaṅgahitassa imasmiṃ ādikammikassa udāyittherassa ca anāpattīti vuttaṃ hoti. ‘‘Idaṃ sikkhāpadaṃ tisamuṭṭhānaṃ kāyacittato ca vācācittato ca kāyavācācittato ca samuṭṭhāti. Kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacitta’’nti (pārā. aṭṭha. 2.287) aṭṭhakathāyaṃ vuttapakiṇṇakavinicchayaṃ dasseti ‘‘samuṭṭhānādayo…pe… tulyāvā’’ti. Vedanāya adinnādānena asamattā ‘‘vedanettha dvidhā matā’’ti āha, sukhopekkhāvedanāvasena dvidhā matāti attho.

    д̣̇удтуллаваажаагат̇ааван̣н̣анаа.

    Duṭṭhullavācākathāvaṇṇanā.

    363. гаамабаарижарияааяаад̇и мзт̇унад̇хаммасан̇каад̇зна гаамзна баарижарияааяа, мзт̇унад̇хаммзна баарижарияааяаад̇и ад̇т̇о. ат̇а ваа гаамид̇аа бад̇т̇ид̇аад̇и гаамаа, мзт̇унарааг̇авасзна бад̇т̇ид̇аад̇и ад̇т̇о, гаамаа жа саа баарижарияаа жаад̇и гаамабаарижарияаа, д̇ассаа гаамабаарижарияааяаад̇иби г̇ахзд̇аб̣б̣ам̣, мзт̇унарааг̇ажид̇д̇зна абхибад̇т̇ид̇абаарижарияааяаад̇иад̇т̇о. ‘‘ван̣н̣ам̣ бхаасад̇о’’д̇и иминаа самб̣анд̇хо, ‘‘зд̇ад̣̇аг̇г̇ам̣ бхаг̇ини баарижарияаанам̣ яаа маад̣̇исам̣ сийлаванд̇ам̣ галяаан̣ад̇хаммам̣ б̣рахмажаарим̣ зд̇зна д̇хаммзна барижарзяяаа’’д̇и ад̇д̇ано мзт̇унад̇хаммзна баарижарияааяа г̇ун̣ам̣ аанисам̣сам̣ гат̇знд̇ассаад̇и вуд̇д̇ам̣ ход̇и. д̇асмим̣язва кан̣зд̇и д̇асмим̣ бхан̣ид̇агкан̣зязва. саа жз ж̇аанаад̇ийд̇и яам̣ уд̣̇д̣̇исса абхааси, сажз саа важанасамананд̇арамзва ж̇аанаад̇и.

    363.Kāmapāricariyāyāti methunadhammasaṅkhātena kāmena pāricariyāya, methunadhammena pāricariyāyāti attho. Atha vā kāmitā patthitāti kāmā, methunarāgavasena patthitāti attho, kāmā ca sā pāricariyā cāti kāmapāricariyā, tassā kāmapāricariyāyātipi gahetabbaṃ, methunarāgacittena abhipatthitapāricariyāyātiattho. ‘‘Vaṇṇaṃ bhāsato’’ti iminā sambandho, ‘‘etadaggaṃ bhagini pāricariyānaṃ yā mādisaṃ sīlavantaṃ kalyāṇadhammaṃ brahmacāriṃ etena dhammena paricareyyā’’ti attano methunadhammena pāricariyāya guṇaṃ ānisaṃsaṃ kathentassāti vuttaṃ hoti. Tasmiṃyeva khaṇeti tasmiṃ bhaṇitakkhaṇeyeva. Sā ce jānātīti yaṃ uddissa abhāsi, sace sā vacanasamanantarameva jānāti.

    364. саа мануссид̇т̇ий но ж̇аанаад̇и жз, д̇асса т̇уллажжаяанд̇и самб̣анд̇хо. яагкибзд̇ид̣̇звийсу ж̇аананд̇ийсу, бан̣д̣агз жа ж̇аананд̇з ад̇д̇агаамабаарижарияааяа ван̣н̣ам̣ бхаасад̇о д̇асса бхигкуно т̇уллажжаяам̣ ход̇ийд̇и яож̇анаа. сзсзд̇и бурисад̇иражчаанаг̇ад̇ависаяз, яагкиаад̣̇ийнам̣ аж̇аананависаяз жа ад̇д̇агаамабаарижарияааяа ван̣н̣ам̣ бхаасад̇о д̇асса аабад̇д̇и д̣̇уггадам̣ ход̇ийд̇и яож̇анаа.

    364.Sā manussitthī no jānāti ce, tassa thullaccayanti sambandho. Yakkhipetidevīsu jānantīsu, paṇḍake ca jānante attakāmapāricariyāya vaṇṇaṃ bhāsato tassa bhikkhuno thullaccayaṃ hotīti yojanā. Seseti purisatiracchānagatavisaye, yakkhiādīnaṃ ajānanavisaye ca attakāmapāricariyāya vaṇṇaṃ bhāsato tassa āpatti dukkaṭaṃ hotīti yojanā.

    365. жийвараад̣̇ийхийд̇и жийварабин̣д̣абаад̇аад̣̇ийхи. вад̇т̇угаамзхийд̇и д̇ан̣хааяа вад̇т̇убхаавзна вад̇т̇уу жа гаамид̇ад̇д̇аа гаамаад̇и жа сан̇каад̇зхи бажжаязхи.

    365.Cīvarādīhīti cīvarapiṇḍapātādīhi. Vatthukāmehīti taṇhāya vatthubhāvena vatthū ca kāmitattā kāmāti ca saṅkhātehi paccayehi.

    366. рааг̇о зва рааг̇ад̇аа. ‘‘рааг̇ид̇аа’’д̇и ваа баато, рааг̇о асса ад̇т̇ийд̇и рааг̇ий, д̇асса бхааво рааг̇ид̇аа, ад̇д̇агаамабаарижарияааяа рааг̇од̇и ад̇т̇о. обхаасод̇и ад̇д̇агаамабаарижарияааяа г̇ун̣абхан̣анам̣. д̇зна рааг̇знаад̇и гаамабаарижарияааяа рааг̇зна. кан̣з д̇асминд̇и бхан̣ид̇агкан̣з. виж̇аанананд̇и яам̣ мануссид̇т̇им̣ уд̣̇д̣̇исса ад̇д̇агаамабаарижарияааяа ван̣н̣ам̣ бхан̣ад̇и, д̇ааяа д̇асса важанад̇т̇асса виж̇аанананд̇и вуд̇д̇ам̣ ход̇и.

    366. Rāgo eva rāgatā. ‘‘Rāgitā’’ti vā pāṭho, rāgo assa atthīti rāgī, tassa bhāvo rāgitā, attakāmapāricariyāya rāgoti attho. Obhāsoti attakāmapāricariyāya guṇabhaṇanaṃ. Tena rāgenāti kāmapāricariyāya rāgena. Khaṇe tasminti bhaṇitakkhaṇe. Vijānananti yaṃ manussitthiṃ uddissa attakāmapāricariyāya vaṇṇaṃ bhaṇati, tāya tassa vacanatthassa vijānananti vuttaṃ hoti.

    367. бан̃жан̇г̇аанийд̇и мануссид̇т̇ид̇аа, д̇ам̣сан̃н̃ид̇аа, баарижарияааяа рааг̇ид̇аа, д̇зна рааг̇зна обхаасанам̣, кан̣з д̇асмим̣ виж̇аанананд̇и имаани зд̇т̇а ад̇д̇агаамабаарижарияасигкаабад̣̇з бан̃жа ан̇г̇аани , бан̃жа аабад̇д̇игааран̣аанийд̇и ад̇т̇о. ассаад̇и ад̇д̇агаамабаарижарияасигкаабад̣̇асса.

    367.Pañcaṅgānīti manussitthitā, taṃsaññitā, pāricariyāya rāgitā, tena rāgena obhāsanaṃ, khaṇe tasmiṃ vijānananti imāni ettha attakāmapāricariyasikkhāpade pañca aṅgāni , pañca āpattikāraṇānīti attho. Assāti attakāmapāricariyasikkhāpadassa.

    ад̇д̇агаамабаарижарияагат̇ааван̣н̣анаа.

    Attakāmapāricariyakathāvaṇṇanā.

    368. ‘‘бадиг̇г̇ан̣хаад̇ий’’д̇иаад̣̇игирияаад̇д̇аяобаад̣̇аанасаамад̇т̇иязна д̇игкад̇д̇ум̣ бадибаад̣̇анагам̣ ‘‘яо бхигкуу’’д̇и жа ‘‘г̇ару ход̇ий’’д̇и бад̣̇асаамад̇т̇иязна ‘‘д̇ассаа’’д̇и жа лаб̣бхамаанад̇д̇аа д̇ивид̇хзхи саха ‘‘яо бхигку бурисасса санд̣̇зсам̣ бадиг̇г̇ан̣хаад̇и, виймам̣сад̇и бажжаахарад̇и жз, д̇асса г̇ару ход̇ий’’д̇и згам̣ ваагяам̣ ход̇и. звам̣ ‘‘ид̇т̇ияааби ваа’’д̇и иминаа яож̇анааяаби згам̣ ваагяам̣ ход̇ийд̇и имиссаа г̇аат̇ааяа ваагяад̣̇ваяам̣ яуж̇ж̇ад̇и.

    368. ‘‘Paṭiggaṇhātī’’tiādikiriyāttayopādānasāmatthiyena tikkhattuṃ paṭipādanakaṃ ‘‘yo bhikkhū’’ti ca ‘‘garu hotī’’ti padasāmatthiyena ‘‘tassā’’ti ca labbhamānattā tividhehi saha ‘‘yo bhikkhu purisassa sandesaṃ paṭiggaṇhāti, vīmaṃsati paccāharati ce, tassa garu hotī’’ti ekaṃ vākyaṃ hoti. Evaṃ ‘‘itthiyāpi vā’’ti iminā yojanāyapi ekaṃ vākyaṃ hotīti imissā gāthāya vākyadvayaṃ yujjati.

    ид̇ха санд̣̇зсаггаман̃жа яож̇анааггаман̃жа ж̇аананад̇т̇ам̣ батамам̣ д̇аава ид̇т̇ийнан̃жа бхарияаанан̃жа бабхзд̣̇о жа саруубан̃жа вибхаавийяад̇и – д̇зсу ид̇т̇ияо д̣̇асавид̇хаа хонд̇и. яат̇ааха бад̣̇абхааж̇анз ‘‘д̣̇аса ид̇т̇ияо маад̇урагкид̇аа бид̇урагкид̇аа маад̇аабид̇урагкид̇аа бхаад̇урагкид̇аа бхаг̇инирагкид̇аа н̃аад̇ирагкид̇аа г̇од̇д̇арагкид̇аа д̇хаммарагкид̇аа саарагкаа сабарид̣̇ан̣д̣аа’’д̇и. бхарияаа жа д̣̇асавид̇хаа хонд̇и. яат̇ааха бад̣̇абхааж̇анз ‘‘д̣̇аса бхарияааяо д̇ханаггийд̇аа чанд̣̇аваасиний бхог̇аваасиний од̣̇абад̇д̇агиний обхадажумб̣адаа д̣̇аасий жа бхарияаа жа гаммагаарий жа бхарияаа жа д̇хаж̇аахадаа мухуд̇д̇игаа’’д̇и (баараа. 303). имаасам̣ бабхзд̣̇о жа саруубаани жа сан̇кзбад̇о звам̣ взд̣̇ид̇аб̣б̣аани –

    Idha sandesakkamañca yojanākkamañca jānanatthaṃ paṭhamaṃ tāva itthīnañca bhariyānañca pabhedo ca sarūpañca vibhāvīyati – tesu itthiyo dasavidhā honti. Yathāha padabhājane ‘‘dasa itthiyo māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sārakkhā saparidaṇḍā’’ti. Bhariyā ca dasavidhā honti. Yathāha padabhājane ‘‘dasa bhariyāyo dhanakkītā chandavāsinī bhogavāsinī odapattakinī obhaṭacumbaṭā dāsī ca bhariyā ca kammakārī ca bhariyā ca dhajāhaṭā muhuttikā’’ti (pārā. 303). Imāsaṃ pabhedo ca sarūpāni ca saṅkhepato evaṃ veditabbāni –

    бурисзхи саха яат̇аа сам̣ваасам̣ на гарод̇и, звам̣ маад̇араа рагкид̇аа маад̇урагкид̇аа. яат̇ааха ‘‘маад̇урагкид̇аа наама маад̇аа рагкад̇и г̇обзд̇и иссарияам̣ гаарзд̇и васам̣ вад̇д̇зд̇ий’’д̇и. бид̇урагкид̇аад̣̇ийсуби зсзва наяо. д̇ад̇т̇а яасмим̣ гон̣д̣ан̃н̃аад̣̇иг̇од̇д̇з ж̇аад̇аа, д̇асмим̣язва г̇од̇д̇з ж̇аад̇зхи рагкид̇аа г̇од̇д̇арагкид̇аа. яат̇ааха ‘‘г̇од̇д̇арагкид̇аа наама саг̇од̇д̇аа рагканд̇ий’’д̇иаад̣̇и. згам̣ сад̇т̇аарам̣ уд̣̇д̣̇исса баб̣б̣аж̇ид̇зхи ваа згаг̇ан̣абарияаабаннзхи ваа рагкид̇аа д̇хаммарагкид̇аа наама. яат̇ааха ‘‘д̇хаммарагкид̇аа наама сахад̇хаммигаа рагканд̇ий’’д̇иаад̣̇и (баараа. 304). саарагкаа наама ‘‘г̇аб̣бхзби бариг̇г̇ахид̇аа ход̇и ‘маяхам̣ зсаа’д̇и анд̇амасо маалааг̇ул̣абаригкид̇д̇аабий’’д̇и баал̣ияам̣ вуд̇д̇асаруубаа. сабарид̣̇ан̣д̣аа наама ‘‘гзхижи д̣̇ан̣д̣о табид̇о ход̇и ‘яо ид̇т̇аннаамам̣ ид̇т̇им̣ г̇ажчад̇и, д̇асса зд̇д̇аго д̣̇ан̣д̣о’’д̇и вуд̇д̇асаруубаад̇и аяам̣ д̣̇асаннам̣ ид̇т̇ийнам̣ саруубасан̇кзбо. имаасу д̣̇асасу саарагкасабарид̣̇ан̣д̣аанам̣ д̣̇виннам̣ барабурисасзвааяам̣ мижчаажааро ход̇и, ид̇араасам̣ на ход̇и. имаа д̣̇асаби бан̃жасийлам̣ рагканд̇зхи аг̇аманийяаа.

    Purisehi saha yathā saṃvāsaṃ na karoti, evaṃ mātarā rakkhitā māturakkhitā. Yathāha ‘‘māturakkhitā nāma mātā rakkhati gopeti issariyaṃ kāreti vasaṃ vattetī’’ti. Piturakkhitādīsupi eseva nayo. Tattha yasmiṃ koṇḍaññādigotte jātā, tasmiṃyeva gotte jātehi rakkhitā gottarakkhitā. Yathāha ‘‘gottarakkhitā nāma sagottā rakkhantī’’tiādi. Ekaṃ satthāraṃ uddissa pabbajitehi vā ekagaṇapariyāpannehi vā rakkhitā dhammarakkhitā nāma. Yathāha ‘‘dhammarakkhitā nāma sahadhammikā rakkhantī’’tiādi (pārā. 304). Sārakkhā nāma ‘‘gabbhepi pariggahitā hoti ‘mayhaṃ esā’ti antamaso mālāguḷaparikkhittāpī’’ti pāḷiyaṃ vuttasarūpā. Saparidaṇḍā nāma ‘‘kehici daṇḍo ṭhapito hoti ‘yo itthannāmaṃ itthiṃ gacchati, tassa ettako daṇḍo’’ti vuttasarūpāti ayaṃ dasannaṃ itthīnaṃ sarūpasaṅkhepo. Imāsu dasasu sārakkhasaparidaṇḍānaṃ dvinnaṃ parapurisasevāyaṃ micchācāro hoti, itarāsaṃ na hoti. Imā dasapi pañcasīlaṃ rakkhantehi agamanīyā.

    д̣̇асасу бхарияаасу ‘‘д̇ханаггийд̇аа наама д̇ханзна гин̣ид̇ваа ваасзд̇ий’’д̇и вуд̇д̇ад̇д̇аа бхарияабхаавааяа аббагам̣ ваа б̣ахум̣ ваа д̇ханам̣ д̣̇ад̇ваа г̇ахид̇аа д̇ханаггийд̇аа наама. ‘‘чанд̣̇аваасиний наама бияо бияам̣ ваасзд̇ий’’д̇и вуд̇д̇ад̇д̇аа ад̇д̇аружияаа сам̣васид̇зна бурисзна самбадижчид̇аа чанд̣̇аваасиний наама. ‘‘бхог̇аваасиний наама бхог̇ам̣ д̣̇ад̇ваа ваасзд̇ий’’д̇и вуд̇д̇ад̇д̇аа уд̣̇угкаламусалаад̣̇иг̇зхобагаран̣ам̣ лабхид̇ваа бхарияабхаавам̣ г̇ажчанд̇ий ж̇анабад̣̇ид̇т̇ий бхог̇аваасиний наама. ‘‘бадаваасиний наама бадам̣ д̣̇ад̇ваа ваасзд̇ий’’д̇и вуд̇д̇ад̇д̇аа ниваасанамад̇д̇ам̣ ваа баарубанамад̇д̇ам̣ ваа лад̣̇д̇хаа бхарияабхаавам̣ г̇ажчанд̇ий д̣̇алид̣̇д̣̇ид̇т̇ий бадаваасиний наама. од̣̇абад̇д̇агиний наама ‘‘уд̣̇агабад̇д̇ам̣ аамасид̇ваа ваасзд̇ий’’д̇и (баараа. 304) вуд̇д̇ад̇д̇аа ‘‘ид̣̇ам̣ уд̣̇агам̣ вияа сам̣садтаа абхзж̇ж̇аа хот̇аа’’д̇и вад̇ваа згасмим̣ уд̣̇агабад̇д̇з бурисзна сад̣̇д̇хим̣ хад̇т̇ам̣ од̇аарзд̇ваа бхарияабхаавам̣ нийд̇о маад̇уг̇аамо вужжад̇и. ‘‘обхадажумб̣адаа наама жумб̣адам̣ оробзд̇ваа ваасзд̇ий’’д̇и (баараа. 304) вуд̇д̇ад̇д̇аа сийсад̇о жумб̣адам̣ оробзд̇ваа бхарияабхаавамубанийд̇аа гадтахааригаад̣̇иид̇т̇ий обхадажумб̣адаа наама. д̣̇аасий жа бхарияаа жа наама ‘‘д̣̇аасий жзва ход̇и бхарияаа жаа’’д̇и (баараа. 304) вуд̇д̇ад̇д̇аа бхарияам̣ гад̇ваа ваасид̇аа ‘‘д̇ассзва д̣̇аасий жа бхарияаа жаа’’д̇и вуд̇д̇аа. гаммагаарий жа бхарияаа жа наама ‘‘гаммагаарий жзва ход̇и бхарияаа жаа’’д̇и (баараа. 304) вуд̇д̇ад̇д̇аа бад̇хаанид̇т̇инирабзгкзна гудумб̣агижжам̣ гаарзд̇ваа бхарияабхаавам̣ нийд̇аа бхарияаа гад̇агаммаа ‘‘гаммагаарий жа бхарияаа жаа’’д̇и вуд̇д̇аа. ‘‘д̇хаж̇аахадаа наама гарамараанийд̇аа вужжад̇ий’’д̇и (баараа. 304) вуд̇д̇ад̇д̇аа д̇хаж̇ам̣ уссаабзд̇ваа г̇ажчанд̇ияаа махаасзнааяа сад̣̇д̇хим̣ г̇анд̇ваа барависаяам̣ вилумбанд̇зна бажчинд̣̇ид̇ваа аанзд̇ваа бхарияабхаавамубанийд̇аа ид̇т̇ий д̇хаж̇аахадаа наама. ‘‘мухуд̇д̇игаа наама д̇ан̇кан̣игаа вужжад̇ий’’д̇и (баараа. 304) вуд̇д̇ад̇д̇аа ажирагаалам̣ сам̣ваасад̇т̇ааяа г̇ахид̇аа ид̇т̇ий мухуд̇д̇игаа наамаад̇и аяам̣ д̣̇асаннам̣ бхарияаанам̣ саруубасан̇кзбо. яат̇аавуд̇д̇аасу д̣̇асасу ид̇т̇ийсу ан̃н̃ад̇арам̣ д̣̇асаннам̣ бхарияаанам̣ ан̃н̃ад̇арадтаанз табанад̇т̇амад̇хиббзд̇абхаавам̣ вад̇д̇ум̣ бурисзна ‘‘г̇ажча бханд̇з ид̇т̇аннаамам̣ маад̇урагкид̇ам̣ б̣руухи ‘хохи гира ид̇т̇аннаамасса бхарияаа д̇ханаггийд̇аа’д̇и’’аад̣̇инаа наязна д̣̇иннасанд̣̇зсам̣ ‘‘саад̇ху убаасагаа’’д̇иаад̣̇инаа наязна важийбхзд̣̇ам̣ гад̇ваа ваа сийсагамбанаад̣̇ивасзна ваа бадиг̇г̇ан̣хаад̇ийд̇и ааха ‘‘бадиг̇г̇ан̣хаад̇и санд̣̇зсам̣ бурисассаа’’д̇и.

    Dasasu bhariyāsu ‘‘dhanakkītā nāma dhanena kiṇitvā vāsetī’’ti vuttattā bhariyabhāvāya appakaṃ vā bahuṃ vā dhanaṃ datvā gahitā dhanakkītā nāma. ‘‘Chandavāsinī nāma piyo piyaṃ vāsetī’’ti vuttattā attaruciyā saṃvasitena purisena sampaṭicchitā chandavāsinī nāma. ‘‘Bhogavāsinī nāma bhogaṃ datvā vāsetī’’ti vuttattā udukkhalamusalādigehopakaraṇaṃ labhitvā bhariyabhāvaṃ gacchantī janapaditthī bhogavāsinī nāma. ‘‘Paṭavāsinī nāma paṭaṃ datvā vāsetī’’ti vuttattā nivāsanamattaṃ vā pārupanamattaṃ vā laddhā bhariyabhāvaṃ gacchantī dalidditthī paṭavāsinī nāma. Odapattakinī nāma ‘‘udakapattaṃ āmasitvā vāsetī’’ti (pārā. 304) vuttattā ‘‘idaṃ udakaṃ viya saṃsaṭṭhā abhejjā hothā’’ti vatvā ekasmiṃ udakapatte purisena saddhiṃ hatthaṃ otāretvā bhariyabhāvaṃ nīto mātugāmo vuccati. ‘‘Obhaṭacumbaṭā nāma cumbaṭaṃ oropetvā vāsetī’’ti (pārā. 304) vuttattā sīsato cumbaṭaṃ oropetvā bhariyabhāvamupanītā kaṭṭhahārikādiitthī obhaṭacumbaṭā nāma. Dāsīca bhariyā ca nāma ‘‘dāsī ceva hoti bhariyā cā’’ti (pārā. 304) vuttattā bhariyaṃ katvā vāsitā ‘‘tasseva dāsī ca bhariyā cā’’ti vuttā. Kammakārī ca bhariyā ca nāma ‘‘kammakārī ceva hoti bhariyā cā’’ti (pārā. 304) vuttattā padhānitthinirapekkhena kuṭumbakiccaṃ kāretvā bhariyabhāvaṃ nītā bhariyā katakammā ‘‘kammakārī ca bhariyā cā’’ti vuttā. ‘‘Dhajāhaṭā nāma karamarānītā vuccatī’’ti (pārā. 304) vuttattā dhajaṃ ussāpetvā gacchantiyā mahāsenāya saddhiṃ gantvā paravisayaṃ vilumpantena pacchinditvā ānetvā bhariyabhāvamupanītā itthī dhajāhaṭā nāma. ‘‘Muhuttikā nāma taṅkhaṇikā vuccatī’’ti (pārā. 304) vuttattā acirakālaṃ saṃvāsatthāya gahitā itthī muhuttikā nāmāti ayaṃ dasannaṃ bhariyānaṃ sarūpasaṅkhepo. Yathāvuttāsu dasasu itthīsu aññataraṃ dasannaṃ bhariyānaṃ aññataraṭṭhāne ṭhapanatthamadhippetabhāvaṃ vattuṃ purisena ‘‘gaccha bhante itthannāmaṃ māturakkhitaṃ brūhi ‘hohi kira itthannāmassa bhariyā dhanakkītā’ti’’ādinā nayena dinnasandesaṃ ‘‘sādhu upāsakā’’tiādinā nayena vacībhedaṃ katvā vā sīsakampanādivasena vā paṭiggaṇhātīti āha ‘‘paṭiggaṇhāti sandesaṃ purisassā’’ti.

    зд̇т̇а бурисассаад̇и убалагкан̣ад̇д̇аа ‘‘бурисасса маад̇аа бхигкум̣ бахин̣ад̇ий’’д̇иаад̣̇инаа (баараа. 321) наязна баал̣ияам̣ вуд̇д̇абурисасса маад̇аабид̇уаад̣̇аяо жа г̇ахзд̇аб̣б̣аа. виймам̣сад̇ийд̇и звам̣ бадиг̇г̇ахид̇асаасанам̣ д̇ассааязва згам̣сзна авираад̇хзд̇ваа вад̣̇анд̇асса маад̇аабид̇уаад̣̇ийнаман̃н̃ад̇арасса ваа аарожзд̇ийд̇и ад̇т̇о. зд̇т̇ааби виймам̣сад̇ийд̇и убалагкан̣ад̇д̇аа ‘‘бадиг̇г̇ан̣хаад̇и анд̇зваасим̣ виймам̣саабзд̇ваа ад̇д̇анаа бажжаахарад̇и, аабад̇д̇и сан̇гхаад̣̇исзсассаа’’д̇и (баараа. 338) вуд̇д̇ад̇д̇аа виймам̣саабзд̇ийд̇иби г̇ахзд̇аб̣б̣ам̣. бажжаахарад̇ийд̇и д̇ат̇аа аахадам̣ саасанам̣ суд̇ваа д̇ассаа ид̇т̇ияаа самбадижчид̇з жа асамбадижчид̇з жа лаж̇ж̇ааяа д̇ун̣хийбхууд̇ааяа жа д̇ам̣ бавад̇д̇им̣ бажжаахарид̇ваа аажигкад̇ийд̇и вуд̇д̇ам̣ ход̇и. ид̇хааби бажжаахарад̇ийд̇и убалагкан̣ад̇д̇аа ‘‘бадиг̇г̇ан̣хаад̇и виймам̣сад̇и анд̇зваасим̣ бажжаахараабзд̇и, аабад̇д̇и сан̇гхаад̣̇исзсассаа’’д̇и (баараа. 338) вуд̇д̇ад̇д̇аа бажжаахараабзд̇ийд̇и жа г̇ахзд̇аб̣б̣ам̣.

    Ettha purisassāti upalakkhaṇattā ‘‘purisassa mātā bhikkhuṃ pahiṇatī’’tiādinā (pārā. 321) nayena pāḷiyaṃ vuttapurisassa mātāpituādayo ca gahetabbā. Vīmaṃsatīti evaṃ paṭiggahitasāsanaṃ tassāyeva ekaṃsena avirādhetvā vadantassa mātāpituādīnamaññatarassa vā ārocetīti attho. Etthāpi vīmaṃsatīti upalakkhaṇattā ‘‘paṭiggaṇhāti antevāsiṃ vīmaṃsāpetvā attanā paccāharati, āpatti saṅghādisesassā’’ti (pārā. 338) vuttattā vīmaṃsāpetītipi gahetabbaṃ. Paccāharatīti tathā āhaṭaṃ sāsanaṃ sutvā tassā itthiyā sampaṭicchite ca asampaṭicchite ca lajjāya tuṇhībhūtāya ca taṃ pavattiṃ paccāharitvā ācikkhatīti vuttaṃ hoti. Idhāpi paccāharatīti upalakkhaṇattā ‘‘paṭiggaṇhāti vīmaṃsati antevāsiṃ paccāharāpeti, āpatti saṅghādisesassā’’ti (pārā. 338) vuttattā paccāharāpetīti ca gahetabbaṃ.

    ‘‘ид̇т̇ияааби ваа’’д̇и иминаа яож̇зд̇ваа г̇ахид̇ад̣̇уд̇ияаваагяз жа звамзва ад̇т̇о вад̇д̇аб̣б̣о. д̇ад̇т̇а санд̣̇зсаггамо бана ‘‘маад̇урагкид̇аа бхигкум̣ бахин̣ад̇и ‘г̇ажча бханд̇з ид̇т̇аннаамам̣ б̣руухи ‘хоми ид̇т̇аннаамасса бхарияаа д̇ханаггийд̇аа’д̇и’’аад̣̇ибаал̣инаязна (баараа. 330) д̣̇адтаб̣б̣о. зд̇т̇ааби ‘‘виймам̣саабзд̇и бажжаахараабзд̇ий’’д̇и ид̣̇ан̃жа вуд̇д̇анаязнзва г̇ахзд̇аб̣б̣ам̣. иминаа нияаамзна д̣̇асаннам̣ ид̇т̇ийнам̣ наамам̣ висум̣ висум̣ вад̇ваа д̣̇асаннам̣ бхарияаанам̣ ан̃н̃ад̇арад̇т̇ааяа д̣̇ийяамаанасанд̣̇зсаггамо яож̇зд̇аб̣б̣о. ид̇хааби ид̇т̇ияааби ваад̇и убалагкан̣ад̇д̇аа ‘‘маад̇урагкид̇ааяа маад̇аа бхигкум̣ бахин̣ад̇и ‘г̇ажча бханд̇з ид̇т̇аннаамам̣ б̣руухи ‘ход̇у ид̇т̇аннаамасса бхарияаа д̇ханаггийд̇аа’’д̇иаад̣̇ибаал̣ивасзна (баараа. 324) ид̇т̇ияаа маад̇убид̇уаад̣̇ийнан̃жа санд̣̇зсаггамо яож̇зд̇аб̣б̣о.

    ‘‘Itthiyāpi vā’’ti iminā yojetvā gahitadutiyavākye ca evameva attho vattabbo. Tattha sandesakkamo pana ‘‘māturakkhitā bhikkhuṃ pahiṇati ‘gaccha bhante itthannāmaṃ brūhi ‘homi itthannāmassa bhariyā dhanakkītā’ti’’ādipāḷinayena (pārā. 330) daṭṭhabbo. Etthāpi ‘‘vīmaṃsāpeti paccāharāpetī’’ti idañca vuttanayeneva gahetabbaṃ. Iminā niyāmena dasannaṃ itthīnaṃ nāmaṃ visuṃ visuṃ vatvā dasannaṃ bhariyānaṃ aññataratthāya dīyamānasandesakkamo yojetabbo. Idhāpi itthiyāpi vāti upalakkhaṇattā ‘‘māturakkhitāya mātā bhikkhuṃ pahiṇati ‘gaccha bhante itthannāmaṃ brūhi ‘hotu itthannāmassa bhariyā dhanakkītā’’tiādipāḷivasena (pārā. 324) itthiyā mātupituādīnañca sandesakkamo yojetabbo.

    370. д̇ам̣ бавад̇д̇им̣. сан̃жарид̇д̇аа сан̃жаран̣ахзд̇у. на мужжад̇ийд̇и ид̇т̇ибурисаанам̣ анд̇арз саасанам̣ бадиг̇г̇ахзд̇ваа сан̃жаран̣ахзд̇у аабаж̇ж̇ид̇аб̣б̣асан̇гхаад̣̇исзсад̇о на мужжад̇ийд̇и ад̇т̇о.

    370.Taṃ pavattiṃ. Sañcarittā sañcaraṇahetu. Na muccatīti itthipurisānaṃ antare sāsanaṃ paṭiggahetvā sañcaraṇahetu āpajjitabbasaṅghādisesato na muccatīti attho.

    371. ан̃н̃ам̣ ваад̇и маад̇аабид̇урагкид̇аад̣̇ийсу ан̃н̃ад̇арам̣ ваа. ‘‘бхаасад̇о’’д̇и ликанд̇и. ‘‘бзсид̇о’’д̇и иминаа вируд̣̇д̇хад̇д̇аа д̇ам̣ бахааяа ‘‘бхаасад̇ий’’д̇и баато г̇ахзд̇аб̣б̣о. баатасзсо ваа гаад̇аб̣б̣о. ‘‘яо ан̃н̃ам̣ бхаасад̇и жз, д̇асса бхаасад̇од̇и яож̇анаа’’д̇и ниссанд̣̇зхз вуд̇д̇ам̣. ‘‘маад̇араа рагкид̇ам̣ ид̇т̇им̣ ‘г̇ажча б̣руухий’д̇и яо бзсид̇о ход̇и, д̇асса бид̇урагкид̇ам̣ ваа ан̃н̃ам̣ ваа бхаасад̇о висан̇гзд̇оваа’’д̇и, ‘‘маад̇араа…бз… б̣руухий’д̇и бзсид̇о худ̇ваа бид̇урагкид̇ам̣ ваа ан̃н̃ам̣ ваа бхаасад̇о висан̇гзд̇оваа’’д̇и яож̇анаа яуд̇д̇ад̇араад̇и амхаагам̣ канд̇и.

    371.Aññaṃ vāti mātāpiturakkhitādīsu aññataraṃ vā. ‘‘Bhāsato’’ti likhanti. ‘‘Pesito’’ti iminā viruddhattā taṃ pahāya ‘‘bhāsatī’’ti pāṭho gahetabbo. Pāṭhaseso vā kātabbo. ‘‘Yo aññaṃ bhāsati ce, tassa bhāsatoti yojanā’’ti nissandehe vuttaṃ. ‘‘Mātarā rakkhitaṃ itthiṃ ‘gaccha brūhī’ti yo pesito hoti, tassa piturakkhitaṃ vā aññaṃ vā bhāsato visaṅketovā’’ti, ‘‘mātarā…pe… brūhī’ti pesito hutvā piturakkhitaṃ vā aññaṃ vā bhāsato visaṅketovā’’ti yojanā yuttatarāti amhākaṃ khanti.

    372. бадиг̇г̇ан̣ханад̇аад̣̇ийхийд̇и бадиг̇г̇ан̣ханамзва бадиг̇г̇ан̣ханад̇аа. аад̣̇и-сад̣̇д̣̇зна виймам̣санабажжаахаран̣аани г̇ахид̇аани. сан̃жарид̇д̇зд̇и сан̃жаран̣з. самаабаннзд̇и г̇ад̇з сад̇и. г̇аругаабад̇д̇имаад̣̇исзд̇и зд̇т̇а ‘‘д̇ассаа’’д̇и сзсо. аад̣̇исзд̇и гат̇зяяа.

    372.Paṭiggaṇhanatādīhīti paṭiggaṇhanameva paṭiggaṇhanatā. Ādi-saddena vīmaṃsanapaccāharaṇāni gahitāni. Sañcaritteti sañcaraṇe. Samāpanneti gate sati. Garukāpattimādiseti ettha ‘‘tassā’’ti seso. Ādiseti katheyya.

    373. д̣̇вийхи т̇уллажжаяам̣ вуд̇д̇анд̇и зд̇т̇а д̣̇вийхи д̣̇вийхи ан̇г̇зхи сан̃жарид̇д̇з самаабаннз т̇уллажжаяам̣ вуд̇д̇анд̇и г̇ахзд̇аб̣б̣ам̣. ‘‘бадиг̇г̇ан̣хаад̇и виймам̣сад̇и на бажжаахарад̇и, аабад̇д̇и т̇уллажжаяасса. бадиг̇г̇ан̣хаад̇и на виймам̣сад̇и бажжаахарад̇и, аабад̇д̇и т̇уллажжаяасса. на бадиг̇г̇ан̣хаад̇и виймам̣сад̇и бажжаахарад̇и, аабад̇д̇и т̇уллажжаяассаа’’д̇и (баараа. 338) д̣̇вийхи д̣̇вийхи ан̇г̇зхи т̇уллажжаяам̣ вуд̇д̇анд̇и ад̇т̇о. бан̣д̣агаад̣̇ийсууд̇и бан̣д̣агаяагкибзд̇ийсу. д̇ийхиби ан̇г̇зхи сан̃жарид̇д̇з самаабаннз т̇уллажжаяам̣ вуд̇д̇анд̇и яож̇анаа.

    373.Dvīhi thullaccayaṃ vuttanti ettha dvīhi dvīhi aṅgehi sañcaritte samāpanne thullaccayaṃ vuttanti gahetabbaṃ. ‘‘Paṭiggaṇhāti vīmaṃsati na paccāharati, āpatti thullaccayassa. Paṭiggaṇhāti na vīmaṃsati paccāharati, āpatti thullaccayassa. Na paṭiggaṇhāti vīmaṃsati paccāharati, āpatti thullaccayassā’’ti (pārā. 338) dvīhi dvīhi aṅgehi thullaccayaṃ vuttanti attho. Paṇḍakādīsūti paṇḍakayakkhipetīsu. Tīhipi aṅgehi sañcaritte samāpanne thullaccayaṃ vuttanti yojanā.

    згзнзваад̇и згзнзва ан̇г̇зна. саб̣б̣ад̇т̇аад̇и маад̇урагкид̇аад̣̇ийсу саб̣б̣амаад̇уг̇аамзсу жа винийд̇авад̇т̇умхи ‘‘д̇зна ко бана самаязна ан̃н̃ад̇аро бурисо ан̃н̃ад̇арам̣ бхигкум̣ аан̣аабзси ‘г̇ажча бханд̇з ид̇т̇аннаамам̣ ид̇т̇им̣ виймам̣саа’д̇и. со г̇анд̇ваа мануссз бужчи ‘гахам̣ ид̇т̇аннаамаа’д̇и. суд̇д̇аа бханд̇зд̇и…бз… мад̇аа бханд̇зд̇и. нигканд̇аа бханд̇зд̇и. анид̇т̇ий бханд̇зд̇и. ид̇т̇ибан̣д̣агаа бханд̇зд̇и. д̇асса гуггужжам̣ ахоси. анаабад̇д̇и бхигку сан̇гхаад̣̇исзсасса, аабад̇д̇и д̣̇уггадассаа’’д̇и (баараа. 341) ааг̇ад̇аасу суд̇д̇аад̣̇ийсу бан̃жасу жа.

    Ekenevāti ekeneva aṅgena. Sabbatthāti māturakkhitādīsu sabbamātugāmesu ca vinītavatthumhi ‘‘tena kho pana samayena aññataro puriso aññataraṃ bhikkhuṃ āṇāpesi ‘gaccha bhante itthannāmaṃ itthiṃ vīmaṃsā’ti. So gantvā manusse pucchi ‘kahaṃ itthannāmā’ti. Suttā bhanteti…pe… matā bhanteti. Nikkhantā bhanteti. Anitthī bhanteti. Itthipaṇḍakā bhanteti. Tassa kukkuccaṃ ahosi. Anāpatti bhikkhu saṅghādisesassa, āpatti dukkaṭassā’’ti (pārā. 341) āgatāsu suttādīsu pañcasu ca.

    374. анаабад̇д̇и багаасид̇аад̇и жзд̇ияаад̣̇ийсу гад̇д̇аб̣б̣ам̣ ниссааяа ид̇т̇ияаа бурисасса, бурисзна жа ид̇т̇ияаа д̣̇иннасаасанам̣ бадиг̇г̇ахзд̇ваа виймам̣сид̇ваа бажжаахарид̇ваа аарожзнд̇асса анаабад̇д̇ибхааво ‘‘анаабад̇д̇и сан̇гхасса ваа жзд̇ияасса ваа г̇илаанасса ваа гаран̣ийязна г̇ажчад̇и, уммад̇д̇агасса аад̣̇игаммигассаа’’д̇и (баараа. 340) баал̣ияам̣ вуд̇д̇аад̇и ад̇т̇о.

    374.Anāpatti pakāsitāti cetiyādīsu kattabbaṃ nissāya itthiyā purisassa, purisena ca itthiyā dinnasāsanaṃ paṭiggahetvā vīmaṃsitvā paccāharitvā ārocentassa anāpattibhāvo ‘‘anāpatti saṅghassa vā cetiyassa vā gilānassa vā karaṇīyena gacchati, ummattakassa ādikammikassā’’ti (pārā. 340) pāḷiyaṃ vuttāti attho.

    375. д̇ат̇аа д̇ассаад̇и мануссаж̇аад̇игааяа д̇ассаа. нанаалам̣важанийяад̇аад̇и ‘‘мамааяа’’нд̇и ваа ниг̇г̇ахабаг̇г̇ахз ваа нираасан̇гам̣ вад̇д̇ум̣ наахарад̇ийд̇и алам̣важанийяаа, ассаамигаа, саа хи гзнажи ‘‘маяхам̣ зсаа’’д̇и вад̇д̇ум̣ ваа нираасан̇гзна ниг̇г̇ахабаг̇г̇ахаважанам̣ ваа вад̇д̇ум̣ асаггун̣зяяаа, алам̣важанийяаа на бхавад̇ийд̇и наалам̣важанийяаа, сассаамигаа, саа хи саамигзна д̇ат̇аа гаад̇ум̣ саггун̣зяяаад̇и наалам̣важанийяаа, наалам̣важанийяаа на бхавад̇ийд̇и нанаалам̣важанийяаа, алам̣важанийяабад̣̇зна вуд̇д̇аа ассаамигаа зва, бадисзд̇хаа д̣̇вз багад̇имад̇т̇ам̣ г̇амаяанд̇ийд̇и, нанаалам̣важанийяааяа бхааво нанаалам̣важанийяад̇аа, нираасан̇гзна аважанийяад̇аа ассаамигабхаавод̇и вуд̇д̇ам̣ ход̇и. сан̃жарид̇д̇авасзна бхигкунаа важанийяаа на ход̇ийд̇и ваа ‘‘алам̣важанийяаа’’д̇иби г̇ахзд̇аб̣б̣амзва. бадиг̇г̇ан̣ханад̇аад̣̇ийнам̣ васаад̇и зд̇т̇а жагааро луд̇д̇анид̣̇д̣̇идто. д̇ад̇о бадиг̇г̇ан̣ханавиймам̣санабажжаахаран̣асан̇каад̇аанам̣ д̇ин̣н̣ам̣ ан̇г̇аанам̣ васзна жа буб̣б̣з вуд̇д̇амануссид̇т̇ид̇аа нанаалам̣важанийяад̇аад̇и вуд̇д̇аанам̣ д̣̇виннам̣ ан̇г̇аанам̣ васзна жа ид̣̇ам̣ сигкаабад̣̇ам̣ аабад̇д̇игааран̣зхи бан̃жахи ан̇г̇зхи яуд̇д̇анд̇и ад̇т̇о.

    375.Tathā tassāti manussajātikāya tassā. Nanālaṃvacanīyatāti ‘‘mamāya’’nti vā niggahapaggahe vā nirāsaṅkaṃ vattuṃ nāharatīti alaṃvacanīyā, assāmikā, sā hi kenaci ‘‘mayhaṃ esā’’ti vattuṃ vā nirāsaṅkena niggahapaggahavacanaṃ vā vattuṃ asakkuṇeyyā, alaṃvacanīyā na bhavatīti nālaṃvacanīyā, sassāmikā, sā hi sāmikena tathā kātuṃ sakkuṇeyyāti nālaṃvacanīyā, nālaṃvacanīyā na bhavatīti nanālaṃvacanīyā, alaṃvacanīyapadena vuttā assāmikā eva, paṭisedhā dve pakatimatthaṃ gamayantīti, nanālaṃvacanīyāya bhāvo nanālaṃvacanīyatā, nirāsaṅkena avacanīyatā assāmikabhāvoti vuttaṃ hoti. Sañcarittavasena bhikkhunā vacanīyā na hotīti vā ‘‘alaṃvacanīyā’’tipi gahetabbameva. Paṭiggaṇhanatādīnaṃ vasāti ettha cakāro luttaniddiṭṭho. Tato paṭiggaṇhanavīmaṃsanapaccāharaṇasaṅkhātānaṃ tiṇṇaṃ aṅgānaṃ vasena ca pubbe vuttamanussitthitā nanālaṃvacanīyatāti vuttānaṃ dvinnaṃ aṅgānaṃ vasena ca idaṃ sikkhāpadaṃ āpattikāraṇehi pañcahi aṅgehi yuttanti attho.

    376. ид̣̇ам̣ сан̃жарид̇д̇асигкаабад̣̇ам̣. ат̇а ваа лин̇г̇авибаллаасзна жа аяам̣ сан̇гхаад̣̇исзсод̇и г̇ахзд̇аб̣б̣о. гааяад̇о, ваажад̇о, гааяаваажад̇о, гааяажид̇д̇ад̇о, ваажаажид̇д̇ад̇о, гааяаваажаажид̇д̇ад̇о ваа уббаж̇ж̇анад̇о часамудтаанам̣. д̇ад̇о зва ажид̇д̇агамуд̣̇ийрид̇ам̣. миссагасамудтаанан̃хи ажид̇д̇агам̣. авасзсажид̇д̇зсуби яасмим̣ жид̇д̇з асад̇и ажид̇д̇агам̣ наама ход̇и, д̇ам̣ д̣̇ассзд̇умааха ‘‘алам̣важанияад̇д̇ам̣ ваа’’д̇иаад̣̇и. г̇аат̇ааб̣анд̇хавасзна рассо, ‘‘алам̣важанийяад̇д̇а’’нд̇и г̇ахзд̇аб̣б̣ам̣. яо санд̣̇зсам̣ бзсзд̇и, д̇асмим̣ бадиб̣ад̣̇д̇хабхааванд̇и ад̇т̇о. бан̣н̣ад̇д̇им̣ ваад̇и сан̃жарид̇д̇асигкаабад̣̇асан̇каад̇ам̣ бан̣н̣ад̇д̇им̣ ваа аж̇аанад̇о ажид̇д̇агамуд̣̇ийрид̇анд̇и самб̣анд̇хо.

    376.Idaṃ sañcarittasikkhāpadaṃ. Atha vā liṅgavipallāsena ca ayaṃ saṅghādisesoti gahetabbo. Kāyato, vācato, kāyavācato, kāyacittato, vācācittato, kāyavācācittato vā uppajjanato chasamuṭṭhānaṃ. Tato eva acittakamudīritaṃ. Missakasamuṭṭhānañhi acittakaṃ. Avasesacittesupi yasmiṃ citte asati acittakaṃ nāma hoti, taṃ dassetumāha ‘‘alaṃvacaniyattaṃvā’’tiādi. Gāthābandhavasena rasso, ‘‘alaṃvacanīyatta’’nti gahetabbaṃ. Yo sandesaṃ peseti, tasmiṃ paṭibaddhabhāvanti attho. Paṇṇattiṃ vāti sañcarittasikkhāpadasaṅkhātaṃ paṇṇattiṃ vā ajānato acittakamudīritanti sambandho.

    377. саасананд̇и маад̇уг̇аамасса, бурисасса ваа саасанам̣. гааяавигаарзнаад̇и сийсагамбанаад̣̇инаа гааяавигаарзна. г̇ахзд̇ваад̇и бадиг̇г̇ахзд̇ваа. д̇ам̣ убаг̇аммаад̇и бадиг̇г̇ахид̇асаасанам̣ яасса вад̇д̇аб̣б̣ам̣ ход̇и, д̇ам̣ маад̇уг̇аамам̣, бурисам̣ ваа убаг̇амма. виймам̣сид̇ваад̇и д̇ам̣ гижжам̣ д̇ийрзд̇ваа. харанд̇ассаад̇и бажжаахаранд̇асса. гааяад̇о сияаад̇и важийбхзд̣̇ам̣ винаа бадиг̇г̇ахан̣аад̣̇ийнам̣ гааязнзва гад̇ад̇д̇аа гааяасамудтаанад̇ова сан̇гхаад̣̇исзсо ход̇ийд̇и ад̇т̇о.

    377.Sāsananti mātugāmassa, purisassa vā sāsanaṃ. Kāyavikārenāti sīsakampanādinā kāyavikārena. Gahetvāti paṭiggahetvā. Taṃ upagammāti paṭiggahitasāsanaṃ yassa vattabbaṃ hoti, taṃ mātugāmaṃ, purisaṃ vā upagamma. Vīmaṃsitvāti taṃ kiccaṃ tīretvā. Harantassāti paccāharantassa. Kāyato siyāti vacībhedaṃ vinā paṭiggahaṇādīnaṃ kāyeneva katattā kāyasamuṭṭhānatova saṅghādiseso hotīti attho.

    378. ид̇т̇ияаа важанам̣ суд̇ваад̇и яож̇анаа. яат̇аа нисинноваад̇и багад̇ияаа нисиннадтаанзязва нисинно. д̇ам̣ важанам̣. д̇ад̇т̇звааг̇ад̇ассзваад̇и яад̇т̇а нисинно ид̇т̇ияаа саасанам̣ бадиг̇г̇ан̣хи, д̇амзва аасанам̣ авиж̇ахид̇ваа ад̇д̇анаа нисиннадтаанамзва ааг̇ад̇асса саннисид̇аб̣б̣абурисассзва, зд̇т̇а ‘‘аарожзд̇ваа’’д̇и баатасзсо. буна ‘‘аарожзнд̇ассаа’’д̇и ид̣̇ам̣ д̇ад̇т̇звааг̇ад̇ааяа д̇ассаа зва ид̇т̇ияаа звам̣ яож̇зд̇аб̣б̣ам̣. саасанам̣ д̣̇ад̇ваа г̇анд̇ваа буна д̇ад̇т̇зва ааг̇ад̇асса маад̇уг̇аамассзва н̃аад̇амананд̇арам̣ гааяигагирияам̣ винаа важанзнзва аарожзнд̇ассаад̇и ад̇т̇о. ид̣̇ам̣ ид̇т̇ияаа саасанам̣ бадиг̇г̇ахан̣аад̣̇ивасзна вуд̇д̇ам̣.

    378. Itthiyā vacanaṃ sutvāti yojanā. Yathā nisinnovāti pakatiyā nisinnaṭṭhāneyeva nisinno. Taṃ vacanaṃ. Tatthevāgatassevāti yattha nisinno itthiyā sāsanaṃ paṭiggaṇhi, tameva āsanaṃ avijahitvā attanā nisinnaṭṭhānameva āgatassa sannisitabbapurisasseva, ettha ‘‘ārocetvā’’ti pāṭhaseso. Puna ‘‘ārocentassā’’ti idaṃ tatthevāgatāya tassā eva itthiyā evaṃ yojetabbaṃ. Sāsanaṃ datvā gantvā puna tattheva āgatassa mātugāmasseva ñātamanantaraṃ kāyikakiriyaṃ vinā vacaneneva ārocentassāti attho. Idaṃ itthiyā sāsanaṃ paṭiggahaṇādivasena vuttaṃ.

    ат̇а ваа бурисасса важанам̣ суд̇ваа яат̇аанисиннова д̇ам̣ важанам̣ ид̇т̇ияаа аарожзд̇ваа буна д̇ад̇т̇звааг̇ад̇ассзва бурисасса аарожзнд̇ассаад̇и звам̣ бурисасанд̣̇зсам̣ бадиг̇г̇ахан̣аад̣̇ивасзнааби яож̇анаа гаад̇аб̣б̣аа. зд̇т̇а жа д̇ад̇т̇звааг̇ад̇ассаад̇и убалагкан̣ам̣. саасанаважанамад̇д̇знзва бадиг̇г̇ахзд̇ваа, гижжанд̇арзна г̇анд̇ваа ваа яад̣̇ижчаавасзна д̣̇идтадтаанз ваа вад̇ваа бунаби д̇ад̇т̇зва д̣̇идтадтаанз буна аарожзнд̇асса жа важанзнзва самудтаанабхааво взд̣̇ид̇аб̣б̣о.

    Atha vā purisassa vacanaṃ sutvā yathānisinnova taṃ vacanaṃ itthiyā ārocetvā puna tatthevāgatasseva purisassa ārocentassāti evaṃ purisasandesaṃ paṭiggahaṇādivasenāpi yojanā kātabbā. Ettha ca tatthevāgatassāti upalakkhaṇaṃ. Sāsanavacanamatteneva paṭiggahetvā, kiccantarena gantvā vā yadicchāvasena diṭṭhaṭṭhāne vā vatvā punapi tattheva diṭṭhaṭṭhāne puna ārocentassa ca vacaneneva samuṭṭhānabhāvo veditabbo.

    379. ‘‘алам̣…бз… аж̇аанад̇о’’д̇и ажид̇д̇агад̇д̇агааран̣ам̣ вуд̇д̇амзва, гасмаа буна ‘‘аж̇аананд̇асса бан̣н̣ад̇д̇и’’нд̇и вуд̇д̇анд̇и жз? д̇ад̣̇убхаяассааби висум̣ гааран̣аабхаавам̣ вин̃н̃аабзд̇ум̣ вуд̇д̇анд̇и взд̣̇ид̇аб̣б̣ам̣. нам̣ вид̇хинд̇и саасанам̣ бадиг̇г̇ахзд̇ваа аахарид̇ваа аарожзд̇ваа бажжаахарид̇ваа аарожанасан̇каад̇ам̣ вид̇хаанам̣. арахад̇обийд̇и кийн̣аасавассаби, сзкабут̇уж̇ж̇анаанам̣ баг̇зваад̇и аяамад̇т̇о самбхааванад̇т̇зна аби-сад̣̇д̣̇зна ж̇од̇ид̇о.

    379. ‘‘Alaṃ…pe… ajānato’’ti acittakattakāraṇaṃ vuttameva, kasmā puna ‘‘ajānantassa paṇṇatti’’nti vuttanti ce? Tadubhayassāpi visuṃ kāraṇābhāvaṃ viññāpetuṃ vuttanti veditabbaṃ. Naṃ vidhinti sāsanaṃ paṭiggahetvā āharitvā ārocetvā paccāharitvā ārocanasaṅkhātaṃ vidhānaṃ. Arahatopīti khīṇāsavassapi, sekhaputhujjanānaṃ pagevāti ayamattho sambhāvanatthena api-saddena jotito.

    380. ж̇аанид̇ваад̇и алам̣важанийяабхаавам̣ ваа бан̣н̣ад̇д̇им̣ ваа убхаяамзва ваа ж̇аанид̇ваа. д̇ат̇аад̇и гааяаваажад̇о гаронд̇ассаад̇и иминаа яож̇зд̇аб̣б̣ам̣. сажид̇д̇агзхийд̇и яат̇аавуд̇д̇ажид̇д̇зна сажид̇д̇агзхи. д̇зхзваад̇и гааяаад̣̇ийхи д̇зхи зва, ‘‘д̇ийхзваа’’д̇иби баато.

    380.Jānitvāti alaṃvacanīyabhāvaṃ vā paṇṇattiṃ vā ubhayameva vā jānitvā. Tathāti kāyavācato karontassāti iminā yojetabbaṃ. Sacittakehīti yathāvuttacittena sacittakehi. Tehevāti kāyādīhi tehi eva, ‘‘tīhevā’’tipi pāṭho.

    сан̃жарид̇д̇агат̇ааван̣н̣анаа.

    Sañcarittakathāvaṇṇanā.

    381-2. саяам̣яаажид̇агзхзваад̇и зд̇т̇а ‘‘убагаран̣зхий’’д̇и баатасзсо, ‘‘бурисам̣ д̣̇зт̇аа’’д̇иаад̣̇инаа наязна ад̇д̇анаава яаажид̇ваа г̇ахид̇зхи убагаран̣зхзваад̇и ад̇т̇о. яат̇ааха ‘‘сан̃н̃аажигаа наама саяам̣ яаажид̇ваа бурисамби бурисад̇д̇агарамби г̇он̣амби сагадамби ваасимби барасумби гутааримби гуд̣̇ааламби никаад̣̇анамбий’’д̇и . зд̇т̇а зва-гаарзна аяаажид̇ам̣ нивад̇д̇зд̇и. д̇зна ассаамиганд̇и д̣̇ийбид̇ам̣ ход̇и. ‘‘гудига’’нд̇и иминаа ‘‘гуди наама уллид̇д̇аа ваа ход̇и авалид̇д̇аа ваа уллид̇д̇аавалид̇д̇аа ваа’’д̇и (баараа. 349) вуд̇д̇ад̇д̇аа бхуумид̇о бадтааяа бхид̇д̇ижчад̣̇анаани бадижчаад̣̇зд̇ваа мад̇д̇игааяа ваа суд̇хааяа ваа д̣̇ваараваад̇абаанаад̣̇иалзбогаасам̣ табзд̇ваа анд̇о лид̇д̇абхаавзна уллид̇д̇аанаамагам̣ ваа д̇ат̇аа б̣ахи лид̇д̇абхаавзна авалид̇д̇аанаамагам̣ ваа анд̇о жа б̣ахи жа лид̇д̇абхаавзна уллид̇д̇аавалид̇д̇аанаамагам̣ ваа гудинд̇и вуд̇д̇ам̣ ход̇и.

    381-2.Sayaṃyācitakehevāti ettha ‘‘upakaraṇehī’’ti pāṭhaseso, ‘‘purisaṃ dethā’’tiādinā nayena attanāva yācitvā gahitehi upakaraṇehevāti attho. Yathāha ‘‘saññācikā nāma sayaṃ yācitvā purisampi purisattakarampi goṇampi sakaṭampi vāsimpi parasumpi kuṭhārimpi kudālampi nikhādanampī’’ti . Ettha eva-kārena ayācitaṃ nivatteti. Tena assāmikanti dīpitaṃ hoti. ‘‘Kuṭika’’nti iminā ‘‘kuṭi nāma ullittā vā hoti avalittā vā ullittāvalittā vā’’ti (pārā. 349) vuttattā bhūmito paṭṭhāya bhitticchadanāni paṭicchādetvā mattikāya vā sudhāya vā dvāravātapānādialepokāsaṃ ṭhapetvā anto littabhāvena ullittānāmakaṃ vā tathā bahi littabhāvena avalittānāmakaṃ vā anto ca bahi ca littabhāvena ullittāvalittānāmakaṃ vā kuṭinti vuttaṃ hoti.

    аббамаан̣иганд̇и ‘‘д̇ад̇рид̣̇ам̣ бамаан̣ам̣, д̣̇ийгхасо д̣̇ваад̣̇асавид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ сад̇д̇анд̇араа’’д̇и (баараа. 348) д̣̇ийгхабут̇улаанам̣ вуд̇д̇аббамаан̣зна ад̇ирзгад̇д̇аа аббамаан̣иганд̇и ад̇т̇о.

    Appamāṇikanti ‘‘tatridaṃ pamāṇaṃ, dīghaso dvādasavidatthiyo sugatavidatthiyā, tiriyaṃ sattantarā’’ti (pārā. 348) dīghaputhulānaṃ vuttappamāṇena atirekattā appamāṇikanti attho.

    зд̇т̇а жа д̇илагкан̣ам̣ бадивиж̇жхид̇ваа д̇ийн̣и гилзсамуулаани уббаадзд̇ваа гаалад̇д̇аяавад̇д̇а саб̣б̣ад̇хаммз бадивиж̇жхид̇ваа д̇ибхуванзгабадисаран̣абхууд̇асса бхаг̇авад̇о д̇хаммарааж̇асса ан̇г̇улам̣ бамаан̣амаж̇жхимабурисасса ан̇г̇улад̇о д̇иван̇г̇улам̣ ход̇и, згаа вид̣̇ад̇т̇и д̇иссо вид̣̇ад̇т̇ияо хонд̇и, згам̣ рад̇анам̣ д̇ийн̣и рад̇анаани хонд̇ийд̇и звам̣ нияамид̇аа суг̇ад̇авид̣̇ад̇т̇и жа вад̣дхагирад̇анзна д̣̇ияад̣дхарад̇анаббамаан̣аа ход̇и. яат̇ааха адтагат̇ааяам̣ ‘‘суг̇ад̇авид̣̇ад̇т̇и наама ид̣̇аани маж̇жхимасса бурисасса д̇иссо вид̣̇ад̇т̇ияо вад̣дхагихад̇т̇зна д̣̇ияад̣дхо хад̇т̇о ход̇ий’’д̇и (баараа. адта. 2.348-349). д̇асмаа суг̇ад̇авид̣̇ад̇т̇ияаа д̣̇ваад̣̇аса вад̣дхагихад̇т̇зна адтаараса хад̇т̇аа хонд̇и. ‘‘д̣̇ийгхасо д̣̇ваад̣̇аса вид̣̇ад̇т̇ияо суг̇ад̇авид̣̇ад̇т̇ияаад̇и б̣аахиримзна маанзнаа’’д̇и (баараа. 349) бад̣̇абхааж̇анз вуд̇д̇ад̇д̇аа анд̇имам̣ суд̇хаалзбам̣ аг̇г̇ахзд̇ваа т̇усамад̇д̇игабарияанд̇зна ваа махаамад̇д̇игабарияанд̇зна ваа б̣аахиранд̇ад̇о адтаарасахад̇т̇аббамаан̣ам̣, ‘‘д̇ирияам̣ сад̇д̇анд̇араад̇и аб̣бханд̇аримзна маанзнаа’’д̇и (баараа. 349) бад̣̇абхааж̇анз вуд̇д̇ад̇д̇аа аб̣бханд̇аримзна бут̇улад̇о д̣̇ваад̣̇асан̇г̇улаад̇хигад̣̇асахад̇т̇аббамаан̣ан̃жа гудияаа бамаан̣анд̇и г̇ахзд̇аб̣б̣ам̣. звам̣ тид̇абамаан̣ад̇о д̣̇ийгхад̇о бут̇улад̇о ваа убхад̇о ваа гзсаг̇г̇амад̇д̇аад̇хигааби гуди аабад̇д̇ияаа ан̇г̇ам̣ ход̇ийд̇и д̣̇ассзд̇ум̣ ‘‘аббамаан̣ига’’нд̇и аахаад̇и сан̇кзбад̇о взд̣̇ид̇аб̣б̣ам̣.

    Ettha ca tilakkhaṇaṃ paṭivijjhitvā tīṇi kilesamūlāni uppāṭetvā kālattayavatta sabbadhamme paṭivijjhitvā tibhuvanekapaṭisaraṇabhūtassa bhagavato dhammarājassa aṅgulaṃ pamāṇamajjhimapurisassa aṅgulato tivaṅgulaṃ hoti, ekā vidatthi tisso vidatthiyo honti, ekaṃ ratanaṃ tīṇi ratanāni hontīti evaṃ niyamitā sugatavidatthi ca vaḍḍhakiratanena diyaḍḍharatanappamāṇā hoti. Yathāha aṭṭhakathāyaṃ ‘‘sugatavidatthi nāma idāni majjhimassa purisassa tisso vidatthiyo vaḍḍhakihatthena diyaḍḍho hattho hotī’’ti (pārā. aṭṭha. 2.348-349). Tasmā sugatavidatthiyā dvādasa vaḍḍhakihatthena aṭṭhārasa hatthā honti. ‘‘Dīghaso dvādasa vidatthiyo sugatavidatthiyāti bāhirimena mānenā’’ti (pārā. 349) padabhājane vuttattā antimaṃ sudhālepaṃ aggahetvā thusamattikapariyantena vā mahāmattikapariyantena vā bāhirantato aṭṭhārasahatthappamāṇaṃ, ‘‘tiriyaṃ sattantarāti abbhantarimena mānenā’’ti (pārā. 349) padabhājane vuttattā abbhantarimena puthulato dvādasaṅgulādhikadasahatthappamāṇañca kuṭiyā pamāṇanti gahetabbaṃ. Evaṃ ṭhitapamāṇato dīghato puthulato vā ubhato vā kesaggamattādhikāpi kuṭi āpattiyā aṅgaṃ hotīti dassetuṃ ‘‘appamāṇika’’nti āhāti saṅkhepato veditabbaṃ.

    ад̇д̇уд̣̇д̣̇зсанд̇и уд̣̇д̣̇исид̇аб̣б̣од̇и уд̣̇д̣̇зсо, ад̇д̇аа уд̣̇д̣̇зсо зд̇иссаад̇и ад̇д̇уд̣̇д̣̇зсаа, гуди, д̇ам̣ ад̇д̇уд̣̇д̣̇зсам̣. ‘‘ад̇д̇уд̣̇д̣̇зсанд̇и ад̇д̇ано ад̇т̇ааяаа’’д̇и бад̣̇абхааж̇анз вуд̇д̇ад̇д̇аа ‘‘маяхам̣ зсаа ваасад̇т̇ааяа бхависсад̇ий’’д̇и ад̇д̇аанам̣ уд̣̇д̣̇исид̇ваад̇и ад̇т̇о. ‘‘гаронд̇ассаа’’д̇и ид̣̇ам̣ ‘‘гаараяамаанзнаад̇и гаронд̇о ваа гаараабзнд̇о ваа’’д̇и бад̣̇абхааж̇анз вуд̇д̇анаязна баяож̇агагад̇д̇уно жа г̇ахзд̇аб̣б̣ад̇д̇аа убалагкан̣анд̇и г̇ахзд̇аб̣б̣ам̣. д̇ат̇аад̇и д̇знзва багаарзна, язхи ассаамигад̇аад̣̇ийхи багаарзхи яуд̇д̇ам̣ бамаан̣аад̇игганд̇ам̣ гудим̣ гаронд̇асса аабад̇д̇и, д̇зхзва багаарзхи яуд̇д̇ам̣ ад̣̇зсид̇авад̇т̇угамби гудим̣ гаронд̇ассаад̇и. иминаа аббамаан̣игам̣ вияа ад̣̇зсид̇авад̇т̇угамби висум̣язва аабад̇д̇ияаа бад̇хаанан̇г̇анд̇и. васад̇и зд̇т̇аад̇и вад̇т̇у, бхууми, саа ад̣̇зсид̇аа зд̇иссаад̇и ад̣̇зсид̇авад̇т̇угаа, гуди, д̇ам̣ ад̣̇зсид̇авад̇т̇угам̣.

    Attuddesanti uddisitabboti uddeso, attā uddeso etissāti attuddesā, kuṭi, taṃ attuddesaṃ. ‘‘Attuddesanti attano atthāyā’’ti padabhājane vuttattā ‘‘mayhaṃ esā vāsatthāya bhavissatī’’ti attānaṃ uddisitvāti attho. ‘‘Karontassā’’ti idaṃ ‘‘kārayamānenāti karonto vā kārāpento vā’’ti padabhājane vuttanayena payojakakattuno ca gahetabbattā upalakkhaṇanti gahetabbaṃ. Tathāti teneva pakārena, yehi assāmikatādīhi pakārehi yuttaṃ pamāṇātikkantaṃ kuṭiṃ karontassa āpatti, teheva pakārehi yuttaṃ adesitavatthukampi kuṭiṃ karontassāti. Iminā appamāṇikaṃ viya adesitavatthukampi visuṃyeva āpattiyā padhānaṅganti. Vasati etthāti vatthu, bhūmi, sā adesitā etissāti adesitavatthukā, kuṭi, taṃ adesitavatthukaṃ.

    гим̣ вуд̇д̇ам̣ ход̇и? д̇зна гудигаарзна бхигкунаа гудивад̇т̇ум̣ сод̇хзд̇ваа самад̇алам̣ гаарзд̇ваа сан̇гхам̣ убасан̇гамид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘ахам̣ бханд̇з сан̃н̃аажигааяа гудим̣ гад̇д̇угаамо ассаамигам̣ ад̇д̇уд̣̇д̣̇зсам̣, сохам̣ бханд̇з сан̇гхам̣ гудивад̇т̇уологанам̣ яаажаамий’’д̇и д̇игкад̇д̇ум̣ вад̇ваа яаажид̇зна сан̇гхзна ваа сан̇гхзна н̃ад̇д̇ид̣̇уд̇ияааяа гаммаваажааяа саммад̇зхи б̣яад̇д̇зхи бадиб̣алзхи д̣̇вийхи бхигкуухи ваа д̇зна сад̣̇д̇хим̣ г̇анд̇ваа гудивад̇т̇ум̣ ологзд̇ваа саарамбхабхаавам̣ ваа абариггаманабхаавам̣ ваа убхаяамзва ваа бассанд̇зхи ‘‘мааяид̇ха гарий’’д̇и ниваарзд̇ваа анаарамбхам̣ жз ход̇и сабариггаманам̣, ааг̇анд̇ваа сан̇гхасса аарожид̇з гудигаарагзнзва бхигкунаа буб̣б̣з вуд̇д̇анаязна сан̇гхам̣ убасан̇гамид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘ахам̣ бханд̇з сан̃н̃аажигааяа гудим̣ гад̇д̇угаамо ассаамигам̣ ад̇д̇уд̣̇д̣̇зсам̣, сохам̣ бханд̇з сан̇гхам̣ гудивад̇т̇уд̣̇зсанам̣ яаажаамий’’д̇и д̇игкад̇д̇ум̣ вад̇ваа яаажид̇з вуд̣дхаанумад̇зна б̣яад̇д̇зна бхигкунаа бадиб̣алзна н̃ад̇д̇ид̣̇уд̇ияааяа гаммаваажааяа д̣̇зсзд̇ваа нияяаад̣̇ид̇агудивад̇т̇усса абхааваа ад̣̇зсид̇авад̇т̇угам̣, д̇знзва ассаамигад̇аад̣̇ибагаарзна яуд̇д̇ам̣ яат̇аавуд̇д̇аббагаарам̣ гудигам̣ ад̇д̇анаа яаажид̇зхи убагаран̣зхи гаронд̇асса, гаараабзнд̇асса жаад̇и вуд̇д̇ам̣ ход̇и.

    Kiṃ vuttaṃ hoti? Tena kuṭikārena bhikkhunā kuṭivatthuṃ sodhetvā samatalaṃ kāretvā saṅghaṃ upasaṅkamitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā ‘‘ahaṃ bhante saññācikāya kuṭiṃ kattukāmo assāmikaṃ attuddesaṃ, sohaṃ bhante saṅghaṃ kuṭivatthuolokanaṃ yācāmī’’ti tikkhattuṃ vatvā yācitena saṅghena vā saṅghena ñattidutiyāya kammavācāya sammatehi byattehi paṭibalehi dvīhi bhikkhūhi vā tena saddhiṃ gantvā kuṭivatthuṃ oloketvā sārambhabhāvaṃ vā aparikkamanabhāvaṃ vā ubhayameva vā passantehi ‘‘māyidha karī’’ti nivāretvā anārambhaṃ ce hoti saparikkamanaṃ, āgantvā saṅghassa ārocite kuṭikārakeneva bhikkhunā pubbe vuttanayena saṅghaṃ upasaṅkamitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā ‘‘ahaṃ bhante saññācikāya kuṭiṃ kattukāmo assāmikaṃ attuddesaṃ, sohaṃ bhante saṅghaṃ kuṭivatthudesanaṃ yācāmī’’ti tikkhattuṃ vatvā yācite vuḍḍhānumatena byattena bhikkhunā paṭibalena ñattidutiyāya kammavācāya desetvā niyyāditakuṭivatthussa abhāvā adesitavatthukaṃ, teneva assāmikatādipakārena yuttaṃ yathāvuttappakāraṃ kuṭikaṃ attanā yācitehi upakaraṇehi karontassa, kārāpentassa cāti vuttaṃ hoti.

    д̣̇вз сан̇гхаад̣̇исзсаа хонд̇ийд̇и ‘‘бхигкуу ваа анабхинзяяа вад̇т̇уд̣̇зсанааяа, бамаан̣ам̣ ваа ад̇иггаамзяяа, сан̇гхаад̣̇исзсо’’д̇и (баараа. 348) д̇уляаб̣алад̇аасуужагзна ваа-сад̣̇д̣̇зна самбин̣д̣ид̇ваа вуд̇д̇аан̇г̇ад̣̇ваяасахид̇ад̇д̇аа д̣̇вз сан̇гхаад̣̇исзсаа хонд̇ийд̇и ад̇т̇о. яат̇ааха ‘‘бхигку гудим̣ гарод̇и ад̣̇зсид̇авад̇т̇угам̣ бамаан̣аад̇игганд̇ам̣ анаарамбхам̣ сабариггаманам̣, аабад̇д̇и д̣̇виннам̣ сан̇гхаад̣̇исзсаана’’нд̇и (баараа. 355) жа ‘‘бхигкугудим̣ гарод̇и ад̣̇зсид̇авад̇т̇угам̣ анаарамбхам̣ сабариггаманам̣, аабад̇д̇и сан̇гхаад̣̇исзсассаа’’д̇и (баараа. 354) жа ‘‘бхигку гудим̣ гарод̇и бамаан̣аад̇игганд̇ам̣ анаарамбхам̣ сабариггаманам̣, аабад̇д̇и сан̇гхаад̣̇исзсассаа’’д̇и (баараа. 355) жа вуд̇д̇ад̇д̇аа д̣̇вийсу ан̇г̇зсу згам̣ жз, згова сан̇гхаад̣̇исзсо ход̇ийд̇и. д̇ам̣ бана ‘‘сажз згавибаннаа саа, г̇аругам̣ згагам̣ сияаа’’д̇и вагкад̇и.

    Dve saṅghādisesā hontīti ‘‘bhikkhū vā anabhineyya vatthudesanāya, pamāṇaṃ vā atikkāmeyya, saṅghādiseso’’ti (pārā. 348) tulyabalatāsūcakena vā-saddena sampiṇḍitvā vuttaaṅgadvayasahitattā dve saṅghādisesā hontīti attho. Yathāha ‘‘bhikkhu kuṭiṃ karoti adesitavatthukaṃ pamāṇātikkantaṃ anārambhaṃ saparikkamanaṃ, āpatti dvinnaṃ saṅghādisesāna’’nti (pārā. 355) ca ‘‘bhikkhukuṭiṃ karoti adesitavatthukaṃ anārambhaṃ saparikkamanaṃ, āpatti saṅghādisesassā’’ti (pārā. 354) ca ‘‘bhikkhu kuṭiṃ karoti pamāṇātikkantaṃ anārambhaṃ saparikkamanaṃ, āpatti saṅghādisesassā’’ti (pārā. 355) ca vuttattā dvīsu aṅgesu ekaṃ ce, ekova saṅghādiseso hotīti. Taṃ pana ‘‘sace ekavipannā sā, garukaṃ ekakaṃ siyā’’ti vakkhati.

    саарамбхаад̣̇ийсууд̇и зд̇т̇а саарамбха-сад̣̇д̣̇о собад̣̇д̣̇авабарияааяо. яат̇ааха адтагат̇ааяам̣ ‘‘саарамбхам̣ анаарамбханд̇и саубад̣̇д̣̇авам̣ анубад̣̇д̣̇ава’’нд̇и (баараа. адта. 2.348-349). зд̇т̇а ‘‘сзд̇ам̣ чааг̇амаарабхзт̇а яаж̇амаано’’д̇и баяог̇з вияа аа-буб̣б̣асса рабхасса хим̣сад̇т̇зби д̣̇иссамаанад̇д̇аа гад̇д̇усаад̇хано аарамбха-сад̣̇д̣̇о хим̣сагаанам̣ гибиллигаад̣̇исад̇д̇аанам̣ ваажаго бхавад̇ийд̇и д̇ам̣сахид̇адтаанам̣ саарамбхам̣ наама ход̇и. д̇знзва бад̣̇абхааж̇анзби вуд̇д̇ам̣ ‘‘саарамбхам̣ наама гибиллигаанам̣ ваа аасаяо ход̇и, убажигаанам̣ ваа, унд̣̇уураанам̣ ваа, ахийнам̣ ваа, вижчигаанам̣ ваа, сад̇абад̣̇ийнам̣ ваа, хад̇т̇ийнам̣ ваа, ассаанам̣ ваа, сийхаанам̣ ваа, б̣яаг̇гхаанам̣ ваа…бз… аасаяо ход̇ий’’д̇и (баараа. 353).

    Sārambhādīsūti ettha sārambha-saddo sopaddavapariyāyo. Yathāha aṭṭhakathāyaṃ ‘‘sārambhaṃ anārambhanti saupaddavaṃ anupaddava’’nti (pārā. aṭṭha. 2.348-349). Ettha ‘‘setaṃ chāgamārabhetha yajamāno’’ti payoge viya ā-pubbassa rabhassa hiṃsatthepi dissamānattā kattusādhano ārambha-saddo hiṃsakānaṃ kipillikādisattānaṃ vācako bhavatīti taṃsahitaṭṭhānaṃ sārambhaṃ nāma hoti. Teneva padabhājanepi vuttaṃ ‘‘sārambhaṃ nāma kipillikānaṃ vā āsayo hoti, upacikānaṃ vā, undūrānaṃ vā, ahīnaṃ vā, vicchikānaṃ vā, satapadīnaṃ vā, hatthīnaṃ vā, assānaṃ vā, sīhānaṃ vā, byagghānaṃ vā…pe… āsayo hotī’’ti (pārā. 353).

    аад̣̇и-сад̣̇д̣̇зна абариггаманам̣ сан̇г̇ан̣хаад̇и. ‘‘сабариггаманам̣ наама саггаа ход̇и яат̇ааяуд̇д̇зна сагадзна анубариг̇анд̇ум̣, саманд̇аа ниссзн̣ияаа анубариг̇анд̇ум̣, зд̇ам̣ сабариггаманам̣ наамаа’’д̇и (баараа. 353) вуд̇д̇алагкан̣авибарияааяад̇о ниб̣б̣агосасса уд̣̇агабаад̇адтаанз згам̣ жаггам̣ табзд̇ваа ид̇арам̣ жаггам̣ б̣ахи табзд̇ваа гудим̣ баригкибид̇ваа ааваж̇ж̇ияамаанасса г̇ояуд̇д̇асагадасса ваа ниссзн̣ияам̣ тад̇ваа гудим̣ чаад̣̇аяамаанаанам̣ ниссзн̣ияаа ваа барад̇о г̇амид̇умасаггун̣зяяад̇д̇аа абариггамананд̇и взд̣̇ид̇аб̣б̣ам̣.

    Ādi-saddena aparikkamanaṃ saṅgaṇhāti. ‘‘Saparikkamanaṃ nāma sakkā hoti yathāyuttena sakaṭena anuparigantuṃ, samantā nisseṇiyā anuparigantuṃ, etaṃ saparikkamanaṃ nāmā’’ti (pārā. 353) vuttalakkhaṇavipariyāyato nibbakosassa udakapātaṭṭhāne ekaṃ cakkaṃ ṭhapetvā itaraṃ cakkaṃ bahi ṭhapetvā kuṭiṃ parikkhipitvā āvajjiyamānassa goyuttasakaṭassa vā nisseṇiyaṃ ṭhatvā kuṭiṃ chādayamānānaṃ nisseṇiyā vā parato gamitumasakkuṇeyyattā aparikkamananti veditabbaṃ.

    звам̣ вуд̇д̇асаарамбхаабариггаманасан̇каад̇аан̇г̇ад̣̇ваязна яуд̇д̇ам̣ жз, д̣̇вз д̣̇уггадаани хонд̇и. яат̇ааха ‘‘бхигку гудим̣ гарод̇и д̣̇зсид̇авад̇т̇угам̣ бамаан̣игам̣ саарамбхам̣ абариггаманам̣, аабад̇д̇и д̣̇виннам̣ д̣̇уггадаана’’нд̇и (баараа. 355). згам̣ жз, згамзва ход̇и. яат̇ааха ‘‘бхигку гудим̣ гарод̇и д̣̇зсид̇авад̇т̇угам̣ бамаан̣игам̣ саарамбхам̣ сабариггаманам̣, аабад̇д̇и д̣̇уггадасса. бхигку гудим̣ гарод̇и д̣̇зсид̇авад̇т̇угам̣ бамаан̣игам̣ анаарамбхам̣ абариггаманам̣, аабад̇д̇и д̣̇уггадассаа’’д̇и (баараа. 355) зд̇ам̣ д̇аяамби ‘‘саарамбхаад̣̇ийсу д̣̇уггада’’нд̇и сааман̃н̃зна сан̇г̇ахид̇анд̇и д̣̇адтаб̣б̣ам̣.

    Evaṃ vuttasārambhaaparikkamanasaṅkhātaaṅgadvayena yuttaṃ ce, dve dukkaṭāni honti. Yathāha ‘‘bhikkhu kuṭiṃ karoti desitavatthukaṃ pamāṇikaṃ sārambhaṃ aparikkamanaṃ, āpatti dvinnaṃ dukkaṭāna’’nti (pārā. 355). Ekaṃ ce, ekameva hoti. Yathāha ‘‘bhikkhu kuṭiṃ karoti desitavatthukaṃ pamāṇikaṃ sārambhaṃ saparikkamanaṃ, āpatti dukkaṭassa. Bhikkhu kuṭiṃ karoti desitavatthukaṃ pamāṇikaṃ anārambhaṃ aparikkamanaṃ, āpatti dukkaṭassā’’ti (pārā. 355) etaṃ tayampi ‘‘sārambhādīsu dukkaṭa’’nti sāmaññena saṅgahitanti daṭṭhabbaṃ.

    згам̣ ан̇г̇ам̣ бамаан̣игад̇д̇ам̣ ваа д̣̇зсид̇авад̇т̇угад̇д̇ам̣ ваа вибаннам̣ зд̇иссаад̇и згавибаннаа. буб̣б̣з вуд̇д̇ад̇т̇аанам̣ сан̇гхаад̣̇исзсаад̣̇ибад̣̇аанамад̇т̇о вуд̇д̇анаязнзва взд̣̇ид̇аб̣б̣о. саад̇и яат̇аавуд̇д̇алагкан̣агуди.

    Ekaṃ aṅgaṃ pamāṇikattaṃ vā desitavatthukattaṃ vā vipannaṃ etissāti ekavipannā. Pubbe vuttatthānaṃ saṅghādisesādipadānamattho vuttanayeneva veditabbo. Sāti yathāvuttalakkhaṇakuṭi.

    383. ид̣̇аани имасмим̣ сигкаабад̣̇з адтуббад̇д̇ияам̣ ‘‘д̇з яаажанаб̣ахулаа вин̃н̃ад̇д̇иб̣ахулаа вихаранд̇и ‘бурисам̣ д̣̇зт̇а бурисад̇д̇агарам̣ д̣̇зт̇аа’’д̇иаад̣̇ибаал̣ияаа (баараа. 342) адтагат̇ааяам̣ (баараа. адта. 2.342) ааг̇ад̇ам̣ габбияаагаббияавинижчаяам̣ сан̇кзбад̇о д̣̇ассзд̇умааха ‘‘буриса’’нд̇иаад̣̇и. гаммасахааяад̇т̇ааяаад̇и гисмин̃жи гаммз сахааяабхаавааяа, гаммагаран̣ад̇т̇ааяаад̇и вуд̇д̇ам̣ ход̇и. ‘‘ид̇т̇аннаамам̣ гаммам̣ гаад̇ум̣ бурисам̣ лад̣̇д̇хум̣ ваддад̇ий’’д̇и яаажид̇ум̣ ваддад̇ийд̇и ад̇т̇о. яат̇ааха адтагат̇ааяам̣ ‘‘гаммагаран̣ад̇т̇ааяа ‘бурисам̣ д̣̇зт̇аа’д̇и яаажид̇ум̣ ваддад̇ий’’д̇и (баараа. адта. 2.342). муулажчзж̇ж̇авасзнаад̇и саамигаанам̣ ааяад̇д̇абхаавасан̇каад̇амууласса чинд̣̇анавасзна, ад̇д̇ано ааяад̇д̇абхаавагаран̣авасзнаад̇и вуд̇д̇ам̣ ход̇и.

    383. Idāni imasmiṃ sikkhāpade aṭṭhuppattiyaṃ ‘‘te yācanabahulā viññattibahulā viharanti ‘purisaṃ detha purisattakaraṃ dethā’’tiādipāḷiyā (pārā. 342) aṭṭhakathāyaṃ (pārā. aṭṭha. 2.342) āgataṃ kappiyākappiyavinicchayaṃ saṅkhepato dassetumāha ‘‘purisa’’ntiādi. Kammasahāyatthāyāti kismiñci kamme sahāyabhāvāya, kammakaraṇatthāyāti vuttaṃ hoti. ‘‘Itthannāmaṃ kammaṃ kātuṃ purisaṃ laddhuṃ vaṭṭatī’’ti yācituṃ vaṭṭatīti attho. Yathāha aṭṭhakathāyaṃ ‘‘kammakaraṇatthāya ‘purisaṃ dethā’ti yācituṃ vaṭṭatī’’ti (pārā. aṭṭha. 2.342). Mūlacchejjavasenāti sāmikānaṃ āyattabhāvasaṅkhātamūlassa chindanavasena, attano āyattabhāvakaraṇavasenāti vuttaṃ hoti.

    384. аваж̇ж̇анд̇и важ̇ж̇арахид̇ам̣, нид̣̇д̣̇осанд̇и ад̇т̇о. миг̇алуд̣̇д̣̇агамажчаб̣анд̇хагаад̣̇ийнам̣ сагагаммам̣ важ̇ж̇агаммам̣ наама. д̇асмаа миг̇алуд̣̇д̣̇агаад̣̇аяо хад̇т̇агаммам̣ яаажанд̇зна бана ‘‘д̇умхаагам̣ хад̇т̇агаммам̣ д̣̇зт̇аа’’д̇и, ‘‘хад̇т̇агаммам̣ д̣̇аад̇аб̣б̣а’’нд̇и сааман̃н̃зна авад̇ваа ‘‘ид̇т̇аннаамам̣ гаммам̣ д̣̇аад̇аб̣б̣а’’нд̇и висзсзд̇вааязва яаажид̇аб̣б̣ам̣. луд̣̇д̣̇агз ваа ид̇арз ваа ниггаммз аяаажид̇вааби яат̇ааружи гаммам̣ гаараабзд̇ум̣ ваддад̇и. хад̇т̇агаммаяаажанааяа саб̣б̣ат̇ааби габбияабхаавам̣ д̣̇ийбзд̇ум̣ д̇ам̣д̇ам̣сиббигз яаажид̇ваа маханд̇амби баасаад̣̇ам̣ гаараабзнд̇зна хад̇т̇агаммз яаажид̇з ад̇д̇ано аногаасабхаавам̣ н̃ад̇ваа ан̃н̃зсам̣ гаронд̇аанам̣ д̣̇аад̇аб̣б̣ам̣ муулам̣ д̣̇ияяамаанам̣ ад̇хиваасзд̇ум̣ ваддад̇ийд̇и вид̇т̇аарад̇о адтагат̇ааяам̣ (баараа. адта. 2.342 ад̇т̇ад̇осамаанам̣) вуд̇д̇ад̇д̇аа гусалаанам̣ ад̇т̇ам̣ абарихаабзнд̇зна габбиязна сааруббзна баяог̇зна яаажид̇аб̣б̣ам̣. яаажид̇агаммам̣ гаад̇ум̣ асамад̇т̇зхи гаронд̇аанам̣ д̣̇ияяамаанам̣ хад̇т̇агаммамуулам̣ гаммам̣ гаараабзд̇ваа гаммагаарагз д̣̇ассзд̇ваа д̣̇аабзд̇аб̣б̣ам̣. звам̣ яаажанааяа анаваж̇ж̇абхаавз адтагат̇ааг̇ад̇ам̣ гааран̣ам̣ д̣̇ассзд̇умааха ‘‘хад̇т̇агаммамбий’’д̇иаад̣̇и. би-сад̣̇д̣̇о авад̇хааран̣з, бад̣̇абууран̣з ваа. хи-сад̣̇д̣̇о хзд̇умхи. яасмаа ид̣̇ам̣ хад̇т̇агаммам̣ гин̃жи вад̇т̇у на ход̇и, д̇асмаа анаваж̇ж̇амзва хад̇т̇агаммам̣ яаажид̇ум̣ бана ваддад̇ийд̇и.

    384.Avajjanti vajjarahitaṃ, niddosanti attho. Migaluddakamacchabandhakādīnaṃ sakakammaṃ vajjakammaṃ nāma. Tasmā migaluddakādayo hatthakammaṃ yācantena pana ‘‘tumhākaṃ hatthakammaṃ dethā’’ti, ‘‘hatthakammaṃ dātabba’’nti sāmaññena avatvā ‘‘itthannāmaṃ kammaṃ dātabba’’nti visesetvāyeva yācitabbaṃ. Luddake vā itare vā nikkamme ayācitvāpi yathāruci kammaṃ kārāpetuṃ vaṭṭati. Hatthakammayācanāya sabbathāpi kappiyabhāvaṃ dīpetuṃ taṃtaṃsippike yācitvā mahantampi pāsādaṃ kārāpentena hatthakamme yācite attano anokāsabhāvaṃ ñatvā aññesaṃ karontānaṃ dātabbaṃ mūlaṃ diyyamānaṃ adhivāsetuṃ vaṭṭatīti vitthārato aṭṭhakathāyaṃ (pārā. aṭṭha. 2.342 atthatosamānaṃ) vuttattā kusalānaṃ atthaṃ aparihāpentena kappiyena sāruppena payogena yācitabbaṃ. Yācitakammaṃ kātuṃ asamatthehi karontānaṃ diyyamānaṃ hatthakammamūlaṃ kammaṃ kārāpetvā kammakārake dassetvā dāpetabbaṃ. Evaṃ yācanāya anavajjabhāve aṭṭhakathāgataṃ kāraṇaṃ dassetumāha ‘‘hatthakammampī’’tiādi. Pi-saddo avadhāraṇe, padapūraṇe vā. Hi-saddo hetumhi. Yasmā idaṃ hatthakammaṃ kiñci vatthu na hoti, tasmā anavajjameva hatthakammaṃ yācituṃ pana vaṭṭatīti.

    385. н̃аад̇агаад̣̇игзд̇и н̃аад̇агабаваарид̇з. табзд̇ваад̇и важ̇ж̇зд̇ваа. г̇он̣амааяаажамаанассаад̇и ан̃н̃аад̇агааббаваарид̇з д̇аавагаалигам̣ винаа гзвалам̣ гаммагаран̣ад̇т̇ааяа г̇он̣ам̣ яаажанд̇асса. д̇зсубийд̇и н̃аад̇агаад̣̇ийсуби муулажчзж̇ж̇зна г̇он̣амааяаажанасса д̣̇уггаданд̇и яож̇анаа. ‘‘д̇аавагаалиганаязна саб̣б̣ад̇т̇а ваддад̇ий’’д̇и (баараа. адта. 2.342) адтагат̇ааважанад̇о яаава гаммагаран̣агаалам̣, д̇аава нияамзд̇ваа н̃аад̇агаан̃н̃аад̇агабаваарид̇ааббаваарид̇з саб̣б̣зби яаажид̇ум̣ ваддад̇и. д̇ат̇аа яаажид̇ваа ваа аяаажид̇ваа ваа г̇ахид̇о жз, рагкид̇ваа бадиж̇аг̇г̇ид̇ваа саамигаанам̣ нияяаад̣̇зд̇аб̣б̣о, г̇он̣з ваа надтз висаан̣з ваа бхиннз саамигзсу асамбадижчанд̇зсу бхан̣д̣ад̣̇зяяам̣.

    385.Ñātakādiketi ñātakapavārite. Ṭhapetvāti vajjetvā. Goṇamāyācamānassāti aññātakaappavārite tāvakālikaṃ vinā kevalaṃ kammakaraṇatthāya goṇaṃ yācantassa. Tesupīti ñātakādīsupi mūlacchejjena goṇamāyācanassa dukkaṭanti yojanā. ‘‘Tāvakālikanayena sabbattha vaṭṭatī’’ti (pārā. aṭṭha. 2.342) aṭṭhakathāvacanato yāva kammakaraṇakālaṃ, tāva niyametvā ñātakaaññātakapavāritaappavārite sabbepi yācituṃ vaṭṭati. Tathā yācitvā vā ayācitvā vā gahito ce, rakkhitvā paṭijaggitvā sāmikānaṃ niyyādetabbo, goṇe vā naṭṭhe visāṇe vā bhinne sāmikesu asampaṭicchantesu bhaṇḍadeyyaṃ.

    386. д̣̇змаад̇и зд̇т̇а ‘‘д̇умхаага’’нд̇и баатасзсо. ‘‘вихаарасса д̣̇змаа’д̇и вуд̇д̇з бана ‘аараамигаанам̣ аажигкат̇а бадиж̇аг̇г̇анад̇т̇ааяаа’д̇и вад̇д̇аб̣б̣а’’нд̇и (баараа. адта. 2.342) адтагат̇ааяам̣ вуд̇д̇ам̣. сагадавинижчаяассааби г̇он̣авинижчаязна самаанад̇д̇аа д̇ам̣ авад̇ваа висзсамад̇д̇амзва д̣̇ассзд̇умааха ‘‘сагадам̣…бз… ваддад̇ий’’д̇и. ‘‘д̇умхаагам̣ д̣̇змаад̇и вуд̇д̇з’’д̇и аанзд̇ваа самб̣анд̇хид̇аб̣б̣ам̣. яат̇ааха адтагат̇ааяам̣ ‘‘д̇умхаагамзва д̣̇змаад̇и вуд̇д̇з д̣̇аарубхан̣д̣ам̣ наама самбадижчид̇ум̣ ваддад̇ий’’д̇и (баараа. адта. 2.342).

    386.Demāti ettha ‘‘tumhāka’’nti pāṭhaseso. ‘‘Vihārassa demā’ti vutte pana ‘ārāmikānaṃ ācikkhatha paṭijagganatthāyā’ti vattabba’’nti (pārā. aṭṭha. 2.342) aṭṭhakathāyaṃ vuttaṃ. Sakaṭavinicchayassāpi goṇavinicchayena samānattā taṃ avatvā visesamattameva dassetumāha ‘‘sakaṭaṃ…pe… vaṭṭatī’’ti. ‘‘Tumhākaṃ demāti vutte’’ti ānetvā sambandhitabbaṃ. Yathāha aṭṭhakathāyaṃ ‘‘tumhākameva demāti vutte dārubhaṇḍaṃ nāma sampaṭicchituṃ vaṭṭatī’’ti (pārā. aṭṭha. 2.342).

    387. гутаараад̣̇ийсууд̇и зд̇т̇а аад̣̇и-сад̣̇д̣̇зна никаад̣̇анам̣ сан̇г̇ан̣хаад̇и. аяам̣ наяо взд̣̇ид̇аб̣б̣од̇и баатасзсо. ‘‘сагадам̣ г̇он̣о вияа д̇аавагаалигам̣ агад̇ваа ан̃н̃аад̇агааббаваарид̇з на яаажид̇аб̣б̣ам̣, муулажчзж̇ж̇авасзна ан̃н̃аад̇агааббаваарид̇з на яаажид̇аб̣б̣ам̣, д̇аавагаалигам̣ яаажид̇аб̣б̣а’’нд̇и винижчаяо жа ‘‘сагадам̣…бз… ваддад̇ий’’д̇и висзсавинижчаяо жаад̇и аяам̣ наяо ваасиаад̣̇ийсу жа взд̣̇ид̇аб̣б̣од̇и ад̇т̇о. анаж̇жхаавуд̇т̇аганд̇и гзнажи ‘‘мамзд̇а’’нд̇и абариг̇г̇ахид̇ам̣, ‘‘рагкид̇аг̇обид̇адтаанзязва хи вин̃н̃ад̇д̇и наама вужжад̇ий’’д̇и адтагат̇ааважанад̇о арагкид̇ааг̇обид̇аганд̇и вуд̇д̇ам̣ ход̇и. адтагат̇ааяа валлиаад̣̇ивинижчаяамби вад̇ваа ‘‘анаж̇жхаавуд̇т̇агам̣ бана яам̣ гин̃жи аахараабзд̇ум̣ ваддад̇ий’’д̇и (баараа. адта. 2.342) вуд̇д̇ад̇д̇аа саб̣б̣анд̇и ид̇ха вуд̇д̇аг̇он̣аад̣̇иган̃жа вагкамаанаваллиаад̣̇иган̃жа г̇ахзд̇аб̣б̣ам̣. иминаа буб̣б̣з вуд̇д̇авинижчаяасса рагкид̇аг̇обид̇ависаяад̇д̇ам̣ д̣̇ийбид̇ам̣ ход̇и. хараабзд̇умби ваддад̇ийд̇и зд̇т̇а аби-сад̣̇д̣̇зна баг̇зва гзнажи харид̇ваа д̣̇иннанд̇и д̣̇ийбзд̇и.

    387.Kuṭhārādīsūti ettha ādi-saddena nikhādanaṃ saṅgaṇhāti. Ayaṃ nayo veditabboti pāṭhaseso. ‘‘Sakaṭaṃ goṇo viya tāvakālikaṃ akatvā aññātakaappavārite na yācitabbaṃ, mūlacchejjavasena aññātakaappavārite na yācitabbaṃ, tāvakālikaṃ yācitabba’’nti vinicchayo ca ‘‘sakaṭaṃ…pe… vaṭṭatī’’ti visesavinicchayo cāti ayaṃ nayo vāsiādīsu ca veditabboti attho. Anajjhāvutthakanti kenaci ‘‘mameta’’nti apariggahitaṃ, ‘‘rakkhitagopitaṭṭhāneyeva hi viññatti nāma vuccatī’’ti aṭṭhakathāvacanato arakkhitāgopitakanti vuttaṃ hoti. Aṭṭhakathāya valliādivinicchayampi vatvā ‘‘anajjhāvutthakaṃ pana yaṃ kiñci āharāpetuṃ vaṭṭatī’’ti (pārā. aṭṭha. 2.342) vuttattā sabbanti idha vuttagoṇādikañca vakkhamānavalliādikañca gahetabbaṃ. Iminā pubbe vuttavinicchayassa rakkhitagopitavisayattaṃ dīpitaṃ hoti. Harāpetumpi vaṭṭatīti ettha api-saddena pageva kenaci haritvā dinnanti dīpeti.

    388. валлиаад̣̇имхийд̇и аад̣̇и-сад̣̇д̣̇зна взд̇д̇амун̃ж̇ад̇ин̣амад̇д̇игаа сан̇г̇ан̣хаад̇и. зд̇т̇а мун̃ж̇абаб̣б̣аж̇ад̇ин̣ам̣ винаа г̇зхажчаад̣̇анад̇ин̣ам̣ д̇ин̣ам̣ наама. г̇арубхан̣д̣аббахонагзд̇и ‘‘валли ад̣дхаб̣аахумад̇д̇аабий’’д̇иаад̣̇инаа наязна вуд̇д̇алагкан̣з г̇арубхан̣д̣аббахонагз. барзсам̣ санд̇агзязваад̇и авад̇хааран̣зна на анаж̇жхаавуд̇т̇агз д̣̇уггаданд̇и б̣яад̇ирзгад̇о д̣̇ийбзд̇и.

    388.Valliādimhīti ādi-saddena vettamuñjatiṇamattikā saṅgaṇhāti. Ettha muñjapabbajatiṇaṃ vinā gehacchādanatiṇaṃ tiṇaṃ nāma. Garubhaṇḍappahonaketi ‘‘valli aḍḍhabāhumattāpī’’tiādinā nayena vuttalakkhaṇe garubhaṇḍappahonake. Paresaṃ santakeyevāti avadhāraṇena na anajjhāvutthake dukkaṭanti byatirekato dīpeti.

    389. бажжаязсууд̇и жийварабин̣д̣абаад̇асзнаасанасан̇каад̇зсу д̇ийсу бажжаязсу. зва-гаарзна г̇илаанабажжаяасан̇каад̇з жад̇уд̇т̇абажжаяз вин̃н̃ад̇д̇и ваддад̇ийд̇и д̣̇ийбзд̇и. вин̃н̃ад̇д̇и наама ‘‘аахара, д̣̇зхий’’д̇и ижчид̇абажжаяз наамам̣ вад̇ваа яаажанаа. адтагат̇ааяам̣ вуд̇д̇ам̣ ‘‘саб̣б̣зна саб̣б̣ам̣ на ваддад̇ий’’д̇и (баараа. адта. 2.342) саавад̇хааран̣ад̇т̇ам̣ д̣̇ассзд̇ум̣ ‘‘на жа ваддад̇ий’’д̇и вуд̇д̇ад̇д̇аа нзва ваддад̇ийд̇и ад̇т̇о г̇ахзд̇аб̣б̣о.

    389.Paccayesūti cīvarapiṇḍapātasenāsanasaṅkhātesu tīsu paccayesu. Eva-kārena gilānapaccayasaṅkhāte catutthapaccaye viññatti vaṭṭatīti dīpeti. Viññatti nāma ‘‘āhara, dehī’’ti icchitapaccaye nāmaṃ vatvā yācanā. Aṭṭhakathāyaṃ vuttaṃ ‘‘sabbena sabbaṃ na vaṭṭatī’’ti (pārā. aṭṭha. 2.342) sāvadhāraṇatthaṃ dassetuṃ ‘‘na ca vaṭṭatī’’ti vuttattā neva vaṭṭatīti attho gahetabbo.

    вин̃н̃ад̇д̇ияаа алаб̣бхамаанабхаавзна самад̇д̇аа бажжаязсу д̇ийсу ананд̇арам̣ саханид̣̇д̣̇идтабажжаяад̇д̇аяад̇о д̇ад̇ияабажжаязязва лаб̣бхамаанависзсам̣ д̣̇ассзд̇ум̣ ‘‘д̇ад̇ияз баригат̇обхаасанимид̇д̇аани жа лаб̣бхарз’’д̇и вуд̇д̇ад̇д̇аа авасидтад̣̇ваяз бана баригат̇аад̣̇аяо на лаб̣бханд̇ийд̇и вуд̇д̇ам̣ ход̇и. авуд̇д̇з жад̇уд̇т̇абажжаязби самужжаяад̇т̇зна жа-гаарзна баригат̇аад̣̇ид̇д̇аяам̣ лаб̣бхад̇ийд̇и сид̣̇д̇хад̇д̇аа ‘‘д̇ийсвзваа’’д̇и зва-гаарзна б̣яад̇ирзгамукзна вин̃н̃ад̇д̇ияаа жа анун̃н̃аад̇ад̇д̇аа жад̇уд̇т̇з г̇илаанабажжаяз баригат̇обхаасанимид̇д̇агаммавин̃н̃ад̇д̇ияо вадданд̇ийд̇и сид̣̇д̇хам̣. зд̇д̇аавад̇аа жад̇уд̇т̇з бажжаяз баригат̇аад̣̇аяо жад̇д̇аароби вадданд̇и, д̇ад̇ияабажжаяз вин̃н̃ад̇д̇им̣ винаа сзсад̇д̇аяам̣ ваддад̇и, буримабажжаяад̣̇ваяз саб̣б̣амби на ваддад̇ийд̇и вуд̇д̇анд̇и д̣̇адтаб̣б̣ам̣.

    Viññattiyā alabbhamānabhāvena samattā paccayesu tīsu anantaraṃ sahaniddiṭṭhapaccayattayato tatiyapaccayeyeva labbhamānavisesaṃ dassetuṃ ‘‘tatiye parikathobhāsanimittāni ca labbhare’’ti vuttattā avasiṭṭhadvaye pana parikathādayo na labbhantīti vuttaṃ hoti. Avutte catutthapaccayepi samuccayatthena ca-kārena parikathādittayaṃ labbhatīti siddhattā ‘‘tīsvevā’’ti eva-kārena byatirekamukhena viññattiyā ca anuññātattā catutthe gilānapaccaye parikathobhāsanimittakammaviññattiyo vaṭṭantīti siddhaṃ. Ettāvatā catutthe paccaye parikathādayo cattāropi vaṭṭanti, tatiyapaccaye viññattiṃ vinā sesattayaṃ vaṭṭati, purimapaccayadvaye sabbampi na vaṭṭatīti vuttanti daṭṭhabbaṃ.

    сзнаасанабажжаяз баригат̇аад̣̇иганд̇и убосат̇ааг̇аараад̣̇игаран̣аарахадтаанам̣ ологзд̇ваа убаасагаанам̣ сун̣анд̇аанам̣ ‘‘имасмим̣ вад̇а огаасз зваруубам̣ сзнаасанам̣ гаад̇ум̣ ваддад̇ий’’д̇и ваа ‘‘яуд̇д̇а’’нд̇и ваа ‘‘анурууба’’нд̇и ваа бавад̇д̇аа гат̇аа баригат̇аа наама. ‘‘убаасагаа д̇умхз гад̇т̇а васат̇аа’’д̇и бужчид̇ваа ‘‘баасаад̣̇з бханд̇з’’д̇и вуд̇д̇з ‘‘бхигкуунам̣ бана убаасагаа баасаад̣̇о на ваддад̇ий’’д̇иаад̣̇инаа наязна бавад̇д̇аа гат̇аа обхаасо наама. убаасагзсу бассамаанзсу бхуумияам̣ раж̇ж̇ум̣ басаарзд̇ваа бхуумим̣ бхааж̇зд̇ваа каан̣угз аагодзд̇ваа ‘‘гимид̣̇ам̣ бханд̇з’’д̇и вуд̇д̇з ‘‘зд̇т̇а ааваасам̣ гарома убаасагаа’’д̇иаад̣̇игаа гат̇аа нимид̇д̇агат̇аа наама. г̇илаанабажжаяз жа иминаа наязна яат̇аарахам̣ взд̣̇ид̇аб̣б̣ам̣. саб̣б̣амзд̇ам̣ адтагат̇ааяа (баараа. адта. 2.342) вуд̇д̇ам̣.

    Senāsanapaccaye parikathādikanti uposathāgārādikaraṇārahaṭṭhānaṃ oloketvā upāsakānaṃ suṇantānaṃ ‘‘imasmiṃ vata okāse evarūpaṃ senāsanaṃ kātuṃ vaṭṭatī’’ti vā ‘‘yutta’’nti vā ‘‘anurūpa’’nti vā pavattā kathā parikathā nāma. ‘‘Upāsakā tumhe kattha vasathā’’ti pucchitvā ‘‘pāsāde bhante’’ti vutte ‘‘bhikkhūnaṃ pana upāsakā pāsādo na vaṭṭatī’’tiādinā nayena pavattā kathā obhāso nāma. Upāsakesu passamānesu bhūmiyaṃ rajjuṃ pasāretvā bhūmiṃ bhājetvā khāṇuke ākoṭetvā ‘‘kimidaṃ bhante’’ti vutte ‘‘ettha āvāsaṃ karoma upāsakā’’tiādikā kathā nimittakathā nāma. Gilānapaccaye ca iminā nayena yathārahaṃ veditabbaṃ. Sabbametaṃ aṭṭhakathāya (pārā. aṭṭha. 2.342) vuttaṃ.

    390-3. ид̣̇аани гудигаарасса бхигкуно аабад̇д̇ид̣̇ассанад̇т̇амааха ‘‘ад̣̇зсид̇з’’д̇иаад̣̇и. д̇ам̣ уд̇д̇аанад̇т̇амзва. нисзнд̇ассаад̇и баасаан̣з гхам̣сид̇ваа д̇икин̣ам̣ гаронд̇асса. баажид̇д̇ияаа сахаад̇и ‘‘бхууд̇аг̇аамабаад̇аб̣яад̇ааяа баажид̇д̇ияа’’нд̇и (баажи. 90) вуд̇д̇абаажид̇д̇иязна сад̣̇д̇хим̣.

    390-3. Idāni kuṭikārassa bhikkhuno āpattidassanatthamāha ‘‘adesite’’tiādi. Taṃ uttānatthameva. Nisentassāti pāsāṇe ghaṃsitvā tikhiṇaṃ karontassa. Pācittiyā sahāti ‘‘bhūtagāmapātabyatāya pācittiya’’nti (pāci. 90) vuttapācittiyena saddhiṃ.

    аабад̇д̇инд̇и баажид̇д̇ияадтаанз баажид̇д̇ияан̃жзва д̣̇уггадан̃жа ид̇арад̇ра суд̣̇д̇хабаяог̇ад̣̇уггадан̃жаад̇и аабад̇д̇им̣.

    Āpattinti pācittiyaṭṭhāne pācittiyañceva dukkaṭañca itaratra suddhapayogadukkaṭañcāti āpattiṃ.

    яаа банаад̇и яаа гуди. батамз д̣̇уд̇иязд̇и зд̇т̇а ‘‘бин̣д̣зхий’’д̇и гаран̣аб̣ахуважанам̣ вибхад̇д̇иважанавибарин̣аамавасзна ‘‘бин̣д̣з’’д̇и бхуммзгаважананд̇ам̣ гад̇ваа яож̇зд̇аб̣б̣ам̣, ‘‘нигкид̇д̇з’’д̇и аж̇жхаахарид̇аб̣б̣ам̣, бхаавалагкан̣з бхуммам̣, нигкид̇д̇з сад̇ийд̇и ад̇т̇о.

    Yā panāti yā kuṭi. Paṭhame dutiyeti ettha ‘‘piṇḍehī’’ti karaṇabahuvacanaṃ vibhattivacanavipariṇāmavasena ‘‘piṇḍe’’ti bhummekavacanantaṃ katvā yojetabbaṃ, ‘‘nikkhitte’’ti ajjhāharitabbaṃ, bhāvalakkhaṇe bhummaṃ, nikkhitte satīti attho.

    394. ‘‘сажз ан̃н̃ассаа’’д̇и бад̣̇ажчзд̣̇о. виббагад̇анд̇и аарад̣̇д̇хаманидтид̇ам̣. ‘‘анаабад̇д̇ий’’д̇и ид̣̇ам̣ нидтид̇з аабаж̇ж̇ид̇аб̣б̣асан̇гхаад̣̇исзсаабхаавам̣ санд̇хааяааха. буб̣б̣абаяог̇амад̇д̇зна хи баажид̇д̇ияад̣̇уггадааниби хонд̇и, д̇аани бана д̣̇зсзд̇аб̣б̣аани. ‘‘д̇ат̇аа’’д̇и иминаа ‘‘анаабад̇д̇ий’’д̇и аагад̣дхад̇и, д̇зна сан̇гхаад̣̇исзсаабад̇д̇ияаа абхаавад̇о буб̣б̣абхааг̇з аабаннаанам̣ баажид̇д̇ияад̣̇уггадаанам̣ д̣̇зсзд̇аб̣б̣ад̇аа жа д̣̇ийбид̇аа ход̇и. д̇ам̣ гудинд̇и д̇ам̣ виббагад̇агудим̣.

    394. ‘‘Sace aññassā’’ti padacchedo. Vippakatanti āraddhamaniṭṭhitaṃ. ‘‘Anāpattī’’ti idaṃ niṭṭhite āpajjitabbasaṅghādisesābhāvaṃ sandhāyāha. Pubbapayogamattena hi pācittiyadukkaṭānipi honti, tāni pana desetabbāni. ‘‘Tathā’’ti iminā ‘‘anāpattī’’ti ākaḍḍhati, tena saṅghādisesāpattiyā abhāvato pubbabhāge āpannānaṃ pācittiyadukkaṭānaṃ desetabbatā ca dīpitā hoti. Taṃ kuṭinti taṃ vippakatakuṭiṃ.

    395. ан̃н̃ам̣ бхож̇анасаалаад̣̇им̣. д̇ат̇аад̇и анаабад̇д̇имааха.

    395.Aññaṃ bhojanasālādiṃ. Tathāti anāpattimāha.

    396. ‘‘гарод̇о’’д̇и иминаа ‘‘гаараабаяад̇о’’д̇иби лаб̣бхад̇и. убхаязнааби ‘‘грияад̇о’’д̇и имасса гааран̣ам̣ д̣̇ассзд̇и. ‘‘аббамаан̣ига’’нд̇и иминаа сан̇гхаад̣̇исзсасса ан̇г̇ам̣ д̣̇ассзд̇и.

    396.‘‘Karoto’’ti iminā ‘‘kārāpayato’’tipi labbhati. Ubhayenāpi ‘‘kriyato’’ti imassa kāraṇaṃ dasseti. ‘‘Appamāṇika’’nti iminā saṅghādisesassa aṅgaṃ dasseti.

    397. д̇анд̇и ‘‘аббамаан̣ига’’нд̇и звам̣ бажжаамасад̇и. ‘‘грияаагрияад̇о’’д̇и ид̣̇ам̣ гудияаа гаран̣ан̃жа вад̇т̇уд̣̇зсанааяа агаран̣ан̃жа убаад̣̇ааяа вуд̇д̇ам̣.

    397.Tanti ‘‘appamāṇika’’nti evaṃ paccāmasati. ‘‘Kriyākriyato’’ti idaṃ kuṭiyā karaṇañca vatthudesanāya akaraṇañca upādāya vuttaṃ.

    гудигаарасигкаабад̣̇аван̣н̣анаа.

    Kuṭikārasikkhāpadavaṇṇanā.

    398. вад̇т̇ум̣ ад̣̇зсзд̇ваад̇и самб̣анд̇хо, ‘‘д̇зна вихаарагаарагзна бхигкунаа вихааравад̇т̇ум̣ сод̇хзд̇ваа сан̇гхам̣ убасан̇гамид̇ваа’’д̇иаад̣̇инаа (баараа. 367) бад̣̇абхааж̇анз ааг̇ад̇анаязна вихаарам̣ гаараабзнд̇зна бхигкунаа вихааравад̇т̇ум̣ сод̇хзд̇ваа самад̇алам̣ гаарзд̇ваа сан̇гхам̣ убасан̇гамма вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘ахам̣ бханд̇з махаллагам̣ вихаарам̣ гад̇д̇угаамо сассаамигам̣ ад̇д̇уд̣̇д̣̇зсам̣, сохам̣ бханд̇з сан̇гхам̣ вихааравад̇т̇уологанам̣ яаажаамий’’д̇и д̇игкад̇д̇ум̣ яаажид̇ваа лад̣̇д̇хз вуд̣дхз ваа бхигкуу н̃ад̇д̇ид̣̇уд̇ияааяа гаммаваажааяа сан̇гхзна саммад̇з ваа бхигкуу нзд̇ваа гад̇абаригаммам̣ вихааравад̇т̇ум̣ д̣̇ассзд̇ваа гудивад̇т̇уологанз вияа г̇ад̇абхигкуухи ологзд̇ваа саарамбхаад̣̇ибхаавам̣ убабаригкид̇ваа анаарамбхасабариггаманабхаавам̣ н̃ад̇ваа ааг̇анд̇ваа сан̇гхасса аарожид̇з буна д̇зна сан̇гхам̣ убасан̇гамид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘ахам̣ бханд̇з махаллагам̣ вихаарам̣ гад̇д̇угаамо сассаамигам̣ ад̇д̇уд̣̇д̣̇зсам̣, сохам̣ бханд̇з сан̇гхам̣ вихааравад̇т̇уд̣̇зсанам̣ яаажаамий’’д̇и д̇игкад̇д̇ум̣ яаажид̇ваа сан̇гхзна н̃ад̇д̇ид̣̇уд̇ияааяа гаммаваажааяа вихааравад̇т̇у д̣̇зсзд̇аб̣б̣ам̣ , д̇ат̇аа агад̇ваад̇и вуд̇д̇ам̣ ход̇и. иха саарамбхаад̣̇и батамасигкаабад̣̇з вуд̇д̇анаязнзва взд̣̇ид̇аб̣б̣ам̣.

    398. Vatthuṃ adesetvāti sambandho, ‘‘tena vihārakārakena bhikkhunā vihāravatthuṃ sodhetvā saṅghaṃ upasaṅkamitvā’’tiādinā (pārā. 367) padabhājane āgatanayena vihāraṃ kārāpentena bhikkhunā vihāravatthuṃ sodhetvā samatalaṃ kāretvā saṅghaṃ upasaṅkamma vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā ‘‘ahaṃ bhante mahallakaṃ vihāraṃ kattukāmo sassāmikaṃ attuddesaṃ, sohaṃ bhante saṅghaṃ vihāravatthuolokanaṃ yācāmī’’ti tikkhattuṃ yācitvā laddhe vuḍḍhe vā bhikkhū ñattidutiyāya kammavācāya saṅghena sammate vā bhikkhū netvā kataparikammaṃ vihāravatthuṃ dassetvā kuṭivatthuolokane viya gatabhikkhūhi oloketvā sārambhādibhāvaṃ upaparikkhitvā anārambhasaparikkamanabhāvaṃ ñatvā āgantvā saṅghassa ārocite puna tena saṅghaṃ upasaṅkamitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā ‘‘ahaṃ bhante mahallakaṃ vihāraṃ kattukāmo sassāmikaṃ attuddesaṃ, sohaṃ bhante saṅghaṃ vihāravatthudesanaṃ yācāmī’’ti tikkhattuṃ yācitvā saṅghena ñattidutiyāya kammavācāya vihāravatthu desetabbaṃ , tathā akatvāti vuttaṃ hoti. Iha sārambhādi paṭhamasikkhāpade vuttanayeneva veditabbaṃ.

    махаллаганд̇и ‘‘сассаамигабхаавзна сан̃н̃аажигагудид̇о маханд̇абхааво зд̇асса ад̇т̇ийд̇и махаллаго. яасмаа ваа вад̇т̇ум̣ д̣̇зсаабзд̇ваа бамаан̣аад̇иггамзнааби гаад̇ум̣ ваддад̇и, д̇асмаа бамаан̣амаханд̇ад̇ааяаби махаллаго’’д̇и (баараа. адта. 2.366) адтагат̇ааяам̣ вуд̇д̇анаязна маханд̇абхаавзна яуд̇д̇анд̇и ад̇т̇о. вихааранд̇и ‘‘вихааро наама уллид̇д̇о ваа ход̇и авалид̇д̇о ваа уллид̇д̇аавалид̇д̇о ваа’’д̇и (баараа. 371) бад̣̇абхааж̇анз вуд̇д̇аббагаарам̣ сзнаасананд̇и ад̇т̇о. вихаранд̇и асминд̇и виг̇г̇ахо. уллид̇д̇аад̣̇исаруубам̣ буримасигкаабад̣̇з вуд̇д̇анаяамзва. д̇ам̣ вихаарам̣ яо гарзяяаад̇и яож̇анаа. гарзяяа ваа гаараабзяяа ваад̇и буб̣б̣з вуд̇д̇анаяамзва. ад̇д̇аваасад̇т̇анд̇и ад̇д̇ано ваасам̣ бадижжа, иминаа барасса ваасад̇т̇ааяа гарод̇и, анаабад̇д̇ийд̇и б̣яад̇ирзгад̇о вин̃н̃ааяад̇и. ‘‘г̇аруга’’нд̇и зд̇т̇а вад̇т̇уд̣̇зсанааяа агаараабанзна ‘‘згова сан̇гхаад̣̇исзсо ход̇ий’’д̇и буб̣б̣з вуд̇д̇авигаббад̇д̇аяам̣ на г̇ахзд̇аб̣б̣ам̣. ид̣̇ан̃жа вагкад̇и ‘‘бамаан̣аа…бз… сан̇гхаад̣̇исзсад̇аа’’д̇и (ви. ви. 399 аад̣̇аяо).

    Mahallakanti ‘‘sassāmikabhāvena saññācikakuṭito mahantabhāvo etassa atthīti mahallako. Yasmā vā vatthuṃ desāpetvā pamāṇātikkamenāpi kātuṃ vaṭṭati, tasmā pamāṇamahantatāyapi mahallako’’ti (pārā. aṭṭha. 2.366) aṭṭhakathāyaṃ vuttanayena mahantabhāvena yuttanti attho. Vihāranti ‘‘vihāro nāma ullitto vā hoti avalitto vā ullittāvalitto vā’’ti (pārā. 371) padabhājane vuttappakāraṃ senāsananti attho. Viharanti asminti viggaho. Ullittādisarūpaṃ purimasikkhāpade vuttanayameva. Taṃ vihāraṃ yo kareyyāti yojanā. Kareyya vā kārāpeyya vāti pubbe vuttanayameva. Attavāsatthanti attano vāsaṃ paṭicca, iminā parassa vāsatthāya karoti, anāpattīti byatirekato viññāyati. ‘‘Garuka’’nti ettha vatthudesanāya akārāpanena ‘‘ekova saṅghādiseso hotī’’ti pubbe vuttavikappattayaṃ na gahetabbaṃ. Idañca vakkhati ‘‘pamāṇā…pe… saṅghādisesatā’’ti (vi. vi. 399 ādayo).

    399. грияаасамудтаанаабхааванд̇и бамаан̣аад̇иггамзби аабад̇д̇ияаа асамбхавад̇о гирияаасамудтаанасса ид̇ха абхааво н̃аад̇аб̣б̣о. грияа…бз… лагкаязд̇и зд̇т̇а б̣яад̇ирзгад̇о ад̣̇зсид̇авад̇т̇угад̇ааяа агирияаасамудтаанад̇аа анун̃н̃аад̇аа.

    399.Kriyāsamuṭṭhānābhāvanti pamāṇātikkamepi āpattiyā asambhavato kiriyāsamuṭṭhānassa idha abhāvo ñātabbo. Kriya…pe… lakkhayeti ettha byatirekato adesitavatthukatāya akiriyāsamuṭṭhānatā anuññātā.

    махаллагавихаарагат̇ааван̣н̣анаа.

    Mahallakavihārakathāvaṇṇanā.

    401-3. д̇зсууд̇и жад̇увийсад̇ияаа баарааж̇игзсу. бхигкуно ануруубаани згуунавийсад̇ийд̇и бхигкунийнам̣ бадинияад̇аа уб̣бхаж̇аан̣уман̣д̣алигаад̣̇аяо жад̇д̇ааро д̇ад̣̇ануломааяа виб̣бханд̇абхигкунияаа саха бан̃жа баарааж̇игз винаа бхигкуно ануруубаа сзсаа згуунавийсад̇и баарааж̇игаа.

    401-3.Tesūti catuvīsatiyā pārājikesu. Bhikkhuno anurūpāni ekūnavīsatīti bhikkhunīnaṃ paṭiniyatā ubbhajāṇumaṇḍalikādayo cattāro tadanulomāya vibbhantabhikkhuniyā saha pañca pārājike vinā bhikkhuno anurūpā sesā ekūnavīsati pārājikā.

    имасмим̣ сигкаабад̣̇з бад̣̇абхааж̇анз ‘‘баарааж̇игзна д̇хаммзнаад̇и жад̇уннам̣ ан̃н̃ад̇арзнаа’’д̇и (баараа. 386) вуд̇д̇анаяасса ид̇ха ‘‘згуунавийсад̇ий’’д̇и важанам̣ вируж̇жхад̇ийд̇и жз? на вируж̇жхад̇и. гасмаа? яасмаа бад̣̇абхааж̇анам̣ баад̇имогкуд̣̇д̣̇зсааг̇ад̇амад̇д̇ам̣ г̇ахзд̇ваа бавад̇д̇ам̣, ид̣̇ам̣ бана б̣уд̣̇д̇хаанумад̇им̣ г̇ахзд̇ваа винаяабарияад̇д̇ибавад̇д̇агаанам̣ аажарияаанам̣ мад̇ам̣ г̇ахзд̇ваа бавад̇д̇ам̣, д̇асмаа на вируж̇жхад̇ийд̇и г̇ахзд̇аб̣б̣ам̣. аажарияо саб̣б̣абаарааж̇игаанам̣ ‘‘б̣рахмажарияаа жаавзяяа’’нд̇и (баараа. 385) вуд̇д̇аануд̣̇д̇хам̣санасса зганд̇асаад̇ханад̇д̇аа бхигкунийнам̣ бадинияад̇асаануломабаарааж̇игабан̃жагам̣ винаа авасзсам̣ саб̣б̣ам̣ сан̇г̇ан̣хи, д̇знзва винаяадтагат̇ааяа г̇ан̣тибад̣̇авиваран̣з ‘‘жад̇уннам̣ ан̃н̃ад̇арзнаад̇и баад̇имогкуд̣̇д̣̇зсз зва ааг̇ад̇з г̇ахзд̇ваа вуд̇д̇ам̣, ид̇арзсам̣ ан̃н̃ад̇арзнааби ануд̣̇д̇хам̣сзнд̇асса сан̇гхаад̣̇исзсоваа’’д̇и вуд̇д̇ам̣. д̇асмаа ‘‘ануд̣̇д̇хам̣сзяяаа’’д̇и (баараа. 384) баатз ад̇хиббааяам̣ г̇ахзд̇ваа бавад̇д̇ад̇д̇аа имзсам̣ аажарияаанам̣ мад̇ам̣ бамаан̣анд̇и г̇ахзд̇аб̣б̣ам̣. ‘‘д̇зсу ан̃н̃ад̇арзнаа’’д̇и вагкамаанад̇д̇аа ‘‘згуунавийсад̇ий’’д̇и зд̇т̇а ‘‘яааний’’д̇и саамад̇т̇ияаа лаб̣бхад̇и.

    Imasmiṃ sikkhāpade padabhājane ‘‘pārājikena dhammenāti catunnaṃ aññatarenā’’ti (pārā. 386) vuttanayassa idha ‘‘ekūnavīsatī’’ti vacanaṃ virujjhatīti ce? Na virujjhati. Kasmā? Yasmā padabhājanaṃ pātimokkhuddesāgatamattaṃ gahetvā pavattaṃ, idaṃ pana buddhānumatiṃ gahetvā vinayapariyattipavattakānaṃ ācariyānaṃ mataṃ gahetvā pavattaṃ, tasmā na virujjhatīti gahetabbaṃ. Ācariyo sabbapārājikānaṃ ‘‘brahmacariyā cāveyya’’nti (pārā. 385) vuttaanuddhaṃsanassa ekantasādhanattā bhikkhunīnaṃ paṭiniyatasānulomapārājikapañcakaṃ vinā avasesaṃ sabbaṃ saṅgaṇhi, teneva vinayaṭṭhakathāya gaṇṭhipadavivaraṇe ‘‘catunnaṃ aññatarenāti pātimokkhuddese eva āgate gahetvā vuttaṃ, itaresaṃ aññatarenāpi anuddhaṃsentassa saṅghādisesovā’’ti vuttaṃ. Tasmā ‘‘anuddhaṃseyyā’’ti (pārā. 384) pāṭhe adhippāyaṃ gahetvā pavattattā imesaṃ ācariyānaṃ mataṃ pamāṇanti gahetabbaṃ. ‘‘Tesu aññatarenā’’ti vakkhamānattā ‘‘ekūnavīsatī’’ti ettha ‘‘yānī’’ti sāmatthiyā labbhati.

    ан̃н̃ад̇арзна амуулагзнаад̇и яож̇анаа. амуулагзнаад̇и жод̣̇агасса д̣̇ассанаад̣̇ийхи жод̣̇анаамуулзхи вирахид̇ад̇д̇аа амуулагам̣, баарааж̇игам̣, д̇зна. яат̇ааха адтагат̇ааяам̣ ‘‘яам̣ баарааж̇игам̣ жод̣̇агзна жуд̣̇ид̇агамхи буг̇г̇алз нзва д̣̇идтам̣ на суд̇ам̣ на барисан̇гид̇ам̣, ид̣̇ам̣ зд̇зсам̣ д̣̇ассанасаванабарисан̇гаасан̇каад̇аанам̣ муулаанам̣ абхаавзна амуулагам̣ наамаа’’д̇и (баараа. адта. 2.385-386). зд̇т̇а жа мам̣сажагкунаа ваа д̣̇иб̣б̣ажагкунаа ваа д̣̇идтам̣ д̣̇идтам̣ наама . багад̇исод̇зна ваа д̣̇иб̣б̣асод̇зна ваа суд̇ам̣ суд̇ам̣ наама. жид̇д̇зна барисан̇гид̇ам̣ барисан̇гид̇ам̣ наама. д̇ам̣ д̇ивид̇хам̣ д̣̇идтасуд̇амуд̇абарисан̇гид̇авасзна.

    Aññatarena amūlakenāti yojanā. Amūlakenāti codakassa dassanādīhi codanāmūlehi virahitattā amūlakaṃ, pārājikaṃ, tena. Yathāha aṭṭhakathāyaṃ ‘‘yaṃ pārājikaṃ codakena cuditakamhi puggale neva diṭṭhaṃ na sutaṃ na parisaṅkitaṃ, idaṃ etesaṃ dassanasavanaparisaṅkāsaṅkhātānaṃ mūlānaṃ abhāvena amūlakaṃ nāmā’’ti (pārā. aṭṭha. 2.385-386). Ettha ca maṃsacakkhunā vā dibbacakkhunā vā diṭṭhaṃ diṭṭhaṃ nāma . Pakatisotena vā dibbasotena vā sutaṃ sutaṃ nāma. Cittena parisaṅkitaṃ parisaṅkitaṃ nāma. Taṃ tividhaṃ diṭṭhasutamutaparisaṅkitavasena.

    д̇ад̇т̇а д̇аад̣̇исз гамманияз огаасз маад̇уг̇аамзна сад̣̇д̇хим̣ бхигкуно ан̃н̃ат̇ияам̣ баяог̇ам̣ д̣̇исваа ан̃н̃ат̇аа г̇ахзд̇ваа ‘‘вийд̇иггаманам̣ ну кояамагаасий’’д̇и г̇ахан̣ам̣ д̣̇идтабарисан̇гид̇ам̣ наама. гуддад̇ирохид̇з бхигкумхи маад̇уг̇аамасса сад̣̇д̣̇ам̣ суд̇ваа д̇ад̇т̇а ан̃н̃асса вин̃н̃убурисасса саб̣бхаавам̣ аж̇аанид̇ваа ‘‘вийд̇иггаманам̣ ну кояамагаасий’’д̇и звам̣ г̇ахан̣ам̣ суд̇абарисан̇гид̇ам̣ наама. вихаарабарияанд̇з д̇арун̣амаад̇уг̇аамабурисаанам̣ д̣̇ивасам̣ вийд̇инаамзд̇ваа г̇ад̇адтаанз виббагин̣н̣абубпаани ологзд̇ваа, мам̣сасураг̇анд̇хан̃жа гхааяид̇ваа ‘‘ид̣̇ам̣ гасса гамма’’нд̇и убабаригканд̇зна бхигкуно жзд̇ияабууж̇ид̇амаалааг̇анд̇хасса бийд̇ааридтасса бхигкуно сарийраг̇анд̇хам̣ гхааяид̇ваа ‘‘д̇ам̣ зд̇асса гаммам̣ ну ко’’д̇и гирияамаанасам̣саяо муд̇абарисан̇гид̇ам̣ наама. зваруубасса д̣̇идтасуд̇абарисан̇гид̇амуулагасса абхаавад̇о амуулагзна баарааж̇игзнаад̇и аяамзд̇т̇а сан̇кзбо, вид̇т̇ааро бана саманд̇абаасаад̣̇игааяа (баараа. адта. 2.385-386) вуд̇д̇анаязна д̣̇адтаб̣б̣о.

    Tattha tādise kammaniye okāse mātugāmena saddhiṃ bhikkhuno aññathiyaṃ payogaṃ disvā aññathā gahetvā ‘‘vītikkamanaṃ nu khoyamakāsī’’ti gahaṇaṃ diṭṭhaparisaṅkitaṃ nāma. Kuṭṭatirohite bhikkhumhi mātugāmassa saddaṃ sutvā tattha aññassa viññupurisassa sabbhāvaṃ ajānitvā ‘‘vītikkamanaṃ nu khoyamakāsī’’ti evaṃ gahaṇaṃ sutaparisaṅkitaṃ nāma. Vihārapariyante taruṇamātugāmapurisānaṃ divasaṃ vītināmetvā gataṭṭhāne vippakiṇṇapupphāni oloketvā, maṃsasuragandhañca ghāyitvā ‘‘idaṃ kassa kamma’’nti upaparikkhantena bhikkhuno cetiyapūjitamālāgandhassa pītāriṭṭhassa bhikkhuno sarīragandhaṃ ghāyitvā ‘‘taṃ etassa kammaṃ nu kho’’ti kiriyamānasaṃsayo mutaparisaṅkitaṃ nāma. Evarūpassa diṭṭhasutaparisaṅkitamūlakassa abhāvato amūlakena pārājikenāti ayamettha saṅkhepo, vitthāro pana samantapāsādikāya (pārā. aṭṭha. 2.385-386) vuttanayena daṭṭhabbo.

    жод̣̇зд̇ийд̇и ‘‘баарааж̇игам̣ д̇хаммам̣ аабанносий’’д̇иаад̣̇иважанзна саяам̣ жод̣̇зд̇и. жод̣̇аабанам̣ бана вагкад̇и. жааванажзд̇ано худ̇ваад̇и ‘‘аббзва наама нам̣ имамхаа б̣рахмажарияаа жаавзяяа’’нд̇и уббаннзна барам̣ саасанаа жаавзд̇угаамзна жид̇д̇зна саманнааг̇ад̇о худ̇ваа. ‘‘суд̣̇д̇хам̣ ваа асуд̣̇д̇хам̣ ваа’’д̇и ид̣̇ам̣ ‘‘жод̣̇зд̇ий’’д̇и иминаа вуд̇д̇ажод̣̇анаагирияааяа гамманид̣̇д̣̇зсо, ‘‘ан̃н̃ам̣ бхигку’’нд̇и сзсо, баарааж̇игаманаабаннам̣ ваа аабаннам̣ ваа ан̃н̃ам̣ бхигкунд̇и ад̇т̇о. яод̇и маад̇игааг̇ад̇абхигку, ‘‘д̣̇удто д̣̇осо аббад̇ийд̇о’’д̇и ид̣̇ам̣ аж̇жхаахарид̇аб̣б̣ам̣, уббаннзна д̣̇осалзсзна саяам̣ д̣̇уусид̇о, баран̃жа д̣̇уусзнд̇о бийд̇исукаад̣̇ийхи абаг̇ад̇о яо бхигкууд̇и ад̇т̇о. вагкамаанзна ‘‘д̇ассаа’’д̇и иминаа самб̣анд̇хо.

    Codetīti ‘‘pārājikaṃ dhammaṃ āpannosī’’tiādivacanena sayaṃ codeti. Codāpanaṃ pana vakkhati. Cāvanacetano hutvāti ‘‘appeva nāma naṃ imamhā brahmacariyā cāveyya’’nti uppannena paraṃ sāsanā cāvetukāmena cittena samannāgato hutvā. ‘‘Suddhaṃ vā asuddhaṃ vā’’ti idaṃ ‘‘codetī’’ti iminā vuttacodanākiriyāya kammaniddeso, ‘‘aññaṃ bhikkhu’’nti seso, pārājikamanāpannaṃ vā āpannaṃ vā aññaṃ bhikkhunti attho. Yoti mātikāgatabhikkhu, ‘‘duṭṭho doso appatīto’’ti idaṃ ajjhāharitabbaṃ, uppannena dosalesena sayaṃ dūsito, parañca dūsento pītisukhādīhi apagato yo bhikkhūti attho. Vakkhamānena ‘‘tassā’’ti iminā sambandho.

    ‘‘гад̇з огаасамхий’’д̇и бад̣̇ажчзд̣̇о, огаасам̣ ‘‘гаараабзд̇ваа’’д̇и (баараа. 389) баатад̇о анд̇онийд̇ахзд̇вад̇т̇ад̇ааяа ‘‘гад̇з’’д̇и ‘‘гаарид̇з’’д̇и зд̇асса барияааяо ход̇и, ‘‘огаасам̣ мз гарохи, ахам̣ д̇ам̣ вад̇д̇угаамо’’д̇и огаасз гаараабид̇зд̇и ад̇т̇о. ‘‘агад̇з огаасз’’д̇и бад̣̇ажчзд̣̇о , буб̣б̣з вуд̇д̇оязвад̇т̇о. д̣̇уггадаабад̇д̇ияаа сахаад̇и огаасасса агаараабид̇ад̇д̇аа д̣̇уггадаабад̇д̇ияаа сад̣̇д̇хим̣.

    ‘‘Kate okāsamhī’’ti padacchedo, okāsaṃ ‘‘kārāpetvā’’ti (pārā. 389) pāṭhato antonītahetvatthatāya ‘‘kate’’ti ‘‘kārite’’ti etassa pariyāyo hoti, ‘‘okāsaṃ me karohi, ahaṃ taṃ vattukāmo’’ti okāse kārāpiteti attho. ‘‘Akate okāse’’ti padacchedo , pubbe vuttoyevattho. Dukkaṭāpattiyā sahāti okāsassa akārāpitattā dukkaṭāpattiyā saddhiṃ.

    404-5. гон̣тосийд̇и д̇худ̇д̇оси. ж̇здтаб̣б̣ад̇игосийд̇и гаалийд̣̇звийвад̇анияуд̇д̇оси. гаалийд̣̇звий гира сирид̣̇звияаа ж̇здтаа, д̇асмаа д̇ассаа вад̇ад̇харо ж̇здтаб̣б̣ад̇иго вужжад̇и. д̇ам̣ бана вад̇ам̣ самаад̣̇ияид̇ваа буурзнд̇о сагаласарийрз масим̣ магкзд̇ваа гаагабад̇д̇аани мудтияам̣ гад̇ваа гаалийд̣̇звим̣ палагз ликаабзд̇ваа д̇ам̣ гааж̇агодияам̣ б̣анд̇хид̇ваа ужчидтод̣̇агаад̣̇иасужисаннижид̇аолиг̇аллам̣ бависид̇ваа ‘‘д̣̇уссийлоси ниссийлоси сийлавирахид̇осий’’д̇и т̇омзнд̇о вижарад̇ийд̇и.

    404-5.Koṇṭhosīti dhuttosi. Jeṭṭhabbatikosīti kālīdevīvataniyuttosi. Kālīdevī kira sirideviyā jeṭṭhā, tasmā tassā vatadharo jeṭṭhabbatiko vuccati. Taṃ pana vataṃ samādiyitvā pūrento sakalasarīre masiṃ makkhetvā kākapattāni muṭṭhiyaṃ katvā kālīdeviṃ phalake likhāpetvā taṃ kājakoṭiyaṃ bandhitvā ucchiṭṭhodakādiasucisannicitaoligallaṃ pavisitvā ‘‘dussīlosi nissīlosi sīlavirahitosī’’ti thomento vicaratīti.

    д̣̇уссийлад̇д̇аа зва хийнаж̇жхаасаяад̇ааяа баабад̇хаммо лаамагасабхаавоси. бууд̇инаа гаммзна сийлавибад̇д̇ияаа анд̇о бавидтад̇д̇аа анд̇обууд̇и. чахи д̣̇ваарзхи рааг̇аад̣̇игилзсаануссаванзна д̇инд̇ад̇д̇аа авассуд̇о. сзсамзд̇т̇а уд̇д̇аанад̇т̇амзва. г̇аругам̣ нид̣̇д̣̇исзд̇и зд̇т̇а ‘‘гад̇огаасамхий’’д̇и жа ‘‘д̇ат̇зва агад̇огаасз, д̣̇уггадаабад̇д̇ияаа сахаа’’д̇и жа аанзд̇ваа самб̣анд̇хид̇аб̣б̣ам̣. звамуд̇д̇арад̇рааби.

    Dussīlattā eva hīnajjhāsayatāya pāpadhammo lāmakasabhāvosi. Pūtinā kammena sīlavipattiyā anto paviṭṭhattā antopūti. Chahi dvārehi rāgādikilesānussavanena tintattā avassuto. Sesamettha uttānatthameva. Garukaṃ niddiseti ettha ‘‘katokāsamhī’’ti ca ‘‘tatheva akatokāse, dukkaṭāpattiyā sahā’’ti ca ānetvā sambandhitabbaṃ. Evamuttaratrāpi.

    406. саммукаад̇и жуд̣̇ид̇агасса саммукаа, авид̣̇уурзд̇и ад̇т̇о. хад̇т̇амуд̣̇д̣̇ааяаад̇и муд̇д̇абаан̣аад̣̇ивасзна. д̇ам̣ хад̇т̇амуд̣̇д̣̇ааяа гат̇ид̇ам̣. барод̇и яам̣ жод̣̇зси, со жуд̣̇ид̇аго баро. бхигкунод̇и жод̣̇агасса бхигкуно.

    406.Sammukhāti cuditakassa sammukhā, avidūreti attho. Hatthamuddāyāti muttapāṇādivasena. Taṃ hatthamuddāya kathitaṃ. Paroti yaṃ codesi, so cuditako paro. Bhikkhunoti codakassa bhikkhuno.

    407. саммукз тад̇ваад̇и жуд̣̇ид̇агасса аасаннз тад̇ваа. ‘‘жод̣̇аабзнд̇ассаа’’д̇и зд̇асса гаммабхаавад̇о барод̇и ид̣̇ам̣ убаяог̇анд̇авасзна самб̣анд̇хид̇аб̣б̣ам̣. звамуд̇д̇арад̇ра. гзнажийд̇и ан̃н̃зна гзнажи буг̇г̇алзна. д̇асса жод̣̇агасса. ‘‘жод̣̇аабзнд̇ассаа’’д̇и буна важанам̣ нияамад̇т̇ам̣.

    407.Sammukhe ṭhatvāti cuditakassa āsanne ṭhatvā. ‘‘Codāpentassā’’ti etassa kammabhāvato paroti idaṃ upayogantavasena sambandhitabbaṃ. Evamuttaratra. Kenacīti aññena kenaci puggalena. Tassa codakassa. ‘‘Codāpentassā’’ti puna vacanaṃ niyamatthaṃ.

    408. собийд̇и уг̇г̇ахаабид̇ад̇д̇аа жод̣̇анам̣ гаронд̇о ид̇аро баяож̇ж̇агабуг̇г̇алоби. д̇зсам̣ д̣̇виннамбийд̇и баяож̇агабаяож̇ж̇агаанам̣ д̣̇виннамби.

    408.Sopīti uggahāpitattā codanaṃ karonto itaro payojjakapuggalopi. Tesaṃ dvinnampīti payojakapayojjakānaṃ dvinnampi.

    409. вуд̇д̇адтаанам̣ бан̣н̣ам̣ ваа санд̣̇зсам̣ ваа харанд̇о д̣̇ууд̇о наама, со ‘‘бан̣н̣ам̣ ваа саасанам̣ ваа бзсзд̇ваа’’д̇и иминаа сан̇г̇аяхад̇ийд̇и д̇асмим̣ висум̣ авад̇д̇аб̣б̣зби ‘‘д̣̇уд̇а’’нд̇и важанзна ниссадтад̣̇ууд̇амааха . бан̣н̣ам̣ ваа ад̣̇ад̇ваа ‘‘зван̃жа зван̃жа вад̣̇аа’’д̇и саасанан̃жа ад̣̇ад̇ваа ‘‘д̇ам̣ жод̣̇зхий’’д̇и ад̇т̇амад̇д̇амзва д̣̇ад̇ваа ниссадто бхигку ид̇ха ‘‘ниссадтад̣̇ууд̇о’’д̇и г̇ахзд̇аб̣б̣о.

    409. Vuttaṭṭhānaṃ paṇṇaṃ vā sandesaṃ vā haranto dūto nāma, so ‘‘paṇṇaṃ vā sāsanaṃ vā pesetvā’’ti iminā saṅgayhatīti tasmiṃ visuṃ avattabbepi ‘‘duta’’nti vacanena nissaṭṭhadūtamāha . Paṇṇaṃ vā adatvā ‘‘evañca evañca vadā’’ti sāsanañca adatvā ‘‘taṃ codehī’’ti atthamattameva datvā nissaṭṭho bhikkhu idha ‘‘nissaṭṭhadūto’’ti gahetabbo.

    ат̇а ваа ‘‘д̣̇ууд̇а’’нд̇и иминаа жод̣̇зд̇ум̣ уг̇г̇ахаабзд̇ваа, д̇амануг̇г̇ахаабзд̇ваа ваа ниссадто бхигку д̣̇ууд̇оязва г̇ахзд̇аб̣б̣о. ‘‘бан̣н̣а’’нд̇и иминаа баб̣б̣аж̇ид̇асса ваа абаб̣б̣аж̇ид̇асса ваа гассажи хад̇т̇з жод̣̇анам̣ ликид̇ваа д̣̇иннабан̣н̣ам̣ г̇ахзд̇аб̣б̣ам̣. саасананд̇и ‘‘баарааж̇игам̣ аабанно’’д̇иаад̣̇инаа наязна вад̇ваа бзсияамаанам̣ саасанам̣ г̇ахзд̇аб̣б̣ам̣. ид̣̇ам̣ д̇аяамби д̣̇уурз нисийд̣̇ид̇ваа ан̃н̃зхи гаараабанад̇о ‘‘жод̣̇аабзнд̇ассаа’’д̇и ааха. ‘‘бара’’нд̇и аанзд̇ваа самб̣анд̇хид̇аб̣б̣ам̣. зд̇т̇а огаасагаараабанам̣ над̇т̇и.

    Atha vā ‘‘dūta’’nti iminā codetuṃ uggahāpetvā, tamanuggahāpetvā vā nissaṭṭho bhikkhu dūtoyeva gahetabbo. ‘‘Paṇṇa’’nti iminā pabbajitassa vā apabbajitassa vā kassaci hatthe codanaṃ likhitvā dinnapaṇṇaṃ gahetabbaṃ. Sāsananti ‘‘pārājikaṃ āpanno’’tiādinā nayena vatvā pesiyamānaṃ sāsanaṃ gahetabbaṃ. Idaṃ tayampi dūre nisīditvā aññehi kārāpanato ‘‘codāpentassā’’ti āha. ‘‘Para’’nti ānetvā sambandhitabbaṃ. Ettha okāsakārāpanaṃ natthi.

    410. д̇ат̇аад̇и яат̇аа амуулагзна баарааж̇игзна саммукаа огаасз гаарид̇з, агаарид̇з жа, д̇ат̇аа амуулагзхи сан̇гхаад̣̇исзсзхийд̇и вуд̇д̇ам̣ ход̇и. ‘‘вуд̇д̇з саммукаа барз’’д̇и бхуммавасзна ад̇хигад̇зна яож̇зд̇аб̣б̣ам̣, жод̣̇зд̇и жод̣̇аабзд̇ийд̇и вуд̇д̇ам̣ ход̇ийд̇и. баажид̇д̇ияаабад̇д̇ийд̇и огаасз гаарид̇з гзвалаа, агаарид̇з д̣̇уггадзна сахаад̇и г̇ахзд̇аб̣б̣ам̣. саммукаа сзсаабад̇д̇ийхи барз вуд̇д̇з жааванасан̃н̃ино д̣̇уггадам̣ ход̇ийд̇и яож̇анаа. огаасаагаараабанзнаби д̣̇уггадамзва ход̇и.

    410.Tathāti yathā amūlakena pārājikena sammukhā okāse kārite, akārite ca, tathā amūlakehi saṅghādisesehīti vuttaṃ hoti. ‘‘Vutte sammukhā pare’’ti bhummavasena adhikatena yojetabbaṃ, codeti codāpetīti vuttaṃ hotīti. Pācittiyāpattīti okāse kārite kevalā, akārite dukkaṭena sahāti gahetabbaṃ. Sammukhā sesāpattīhi pare vutte cāvanasaññino dukkaṭaṃ hotīti yojanā. Okāsākārāpanenapi dukkaṭameva hoti.

    411. аггосанаад̇хиббааяассаад̇и кум̣санаад̇хиббааяасса. агад̇огаасанд̇и агаарид̇огаасам̣, ‘‘бара’’нд̇и иминаа яож̇зд̇аб̣б̣ам̣. ад̇д̇анаад̇и жод̣̇агзна, ‘‘саяам̣ агаарид̇огааса’’нд̇и иминаа яож̇зд̇аб̣б̣ам̣. саха баажид̇д̇иязнаад̇и ‘‘омасаваад̣̇з баажид̇д̇ияа’’нд̇и (баараа. 14) вуд̇д̇абаажид̇д̇иязна саха. вад̣̇анд̇ассаад̇и жод̣̇знд̇асса ваа жод̣̇аабзнд̇асса ваа, зд̇т̇а ‘‘саммукаа’’д̇и ид̣̇ам̣ вагкамаанасса ‘‘асаммукаа’’д̇и зд̇асса вибарияааяад̇о лаб̣бхад̇и, жа-гаарзна гаарид̇огаасабагкз д̣̇уггадзна баажид̇д̇ияасамб̣анд̇хий.

    411.Akkosanādhippāyassāti khuṃsanādhippāyassa. Akatokāsanti akāritokāsaṃ, ‘‘para’’nti iminā yojetabbaṃ. Attanāti codakena, ‘‘sayaṃ akāritokāsa’’nti iminā yojetabbaṃ. Saha pācittiyenāti ‘‘omasavāde pācittiya’’nti (pārā. 14) vuttapācittiyena saha. Vadantassāti codentassa vā codāpentassa vā, ettha ‘‘sammukhā’’ti idaṃ vakkhamānassa ‘‘asammukhā’’ti etassa vipariyāyato labbhati, ca-kārena kāritokāsapakkhe dukkaṭena pācittiyasambandhī.

    412. асаммукаа вад̣̇анд̇ассаад̇и зд̇т̇а ‘‘аггосанаад̇хиббааяассаа’’д̇и аанзд̇ваа самб̣анд̇хид̇аб̣б̣ам̣. ‘‘агад̇огаасамад̇д̇анаа’’д̇и наанувад̇д̇ад̇и. сад̇д̇ахи аабад̇д̇ийхийд̇и баарааж̇игасан̇гхаад̣̇исзсат̇уллажжаяабаажид̇д̇ияабаадид̣̇зсанийяад̣̇уггадад̣̇уб̣бхаасид̇асан̇каад̇зсу сад̇д̇асу аабад̇д̇игканд̇хзсу язна гзнажийд̇и вуд̇д̇ам̣ ход̇и. ‘‘д̇ат̇аа’’д̇и иминаа ‘‘асаммукаа’’д̇и ид̣̇ам̣ сан̇г̇ан̣хаад̇и. гамманд̇и д̇аж̇ж̇анийяаад̣̇исад̇д̇авид̇хам̣ гаммам̣.

    412.Asammukhā vadantassāti ettha ‘‘akkosanādhippāyassā’’ti ānetvā sambandhitabbaṃ. ‘‘Akatokāsamattanā’’ti nānuvattati. Sattahi āpattīhīti pārājikasaṅghādisesathullaccayapācittiyapāṭidesanīyadukkaṭadubbhāsitasaṅkhātesu sattasu āpattikkhandhesu yena kenacīti vuttaṃ hoti. ‘‘Tathā’’ti iminā ‘‘asammukhā’’ti idaṃ saṅgaṇhāti. Kammanti tajjanīyādisattavidhaṃ kammaṃ.

    413. уммад̇д̇агаад̣̇ийнанд̇и аад̣̇и-сад̣̇д̣̇зна ‘‘анаабад̇д̇и суд̣̇д̇хз асуд̣̇д̇хад̣̇идтисса асуд̣̇д̇хз асуд̣̇д̇хад̣̇идтисса уммад̇д̇агасса аад̣̇игаммигассаа’’д̇и (баараа. 390) вуд̇д̇з сан̇г̇ан̣хаад̇и. бан̃жан̇г̇асам̣яуд̇анд̇и яам̣ жод̣̇зд̇и, д̇асса ‘‘убасамбанно’’д̇и сан̇кяуубаг̇аманам̣, д̇асмим̣ суд̣̇д̇хасан̃н̃ид̇аа, язна баарааж̇игзна жод̣̇зд̇и, д̇асса д̣̇идтаад̣̇ивасзна амуулагад̇аа, жааванаад̇хиббааязна саммукаа жод̣̇анаа, д̇асса д̇ан̇кан̣авиж̇аанананд̇и имзхи бан̃жахи ан̇г̇зхи яуд̇д̇ам̣ ход̇и.

    413.Ummattakādīnanti ādi-saddena ‘‘anāpatti suddhe asuddhadiṭṭhissa asuddhe asuddhadiṭṭhissa ummattakassa ādikammikassā’’ti (pārā. 390) vutte saṅgaṇhāti. Pañcaṅgasaṃyutanti yaṃ codeti, tassa ‘‘upasampanno’’ti saṅkhyūpagamanaṃ, tasmiṃ suddhasaññitā, yena pārājikena codeti, tassa diṭṭhādivasena amūlakatā, cāvanādhippāyena sammukhā codanā, tassa taṅkhaṇavijānananti imehi pañcahi aṅgehi yuttaṃ hoti.

    415. ид̣̇анд̇и ‘‘сигкаабад̣̇а’’нд̇и сзсо, ‘‘сигкаабад̣̇а’’нд̇и жа иминаа д̇аббадибаад̣̇анийяаа аабад̇д̇иязва г̇аяхад̇и. д̇исамудтаананд̇и гааяажид̇д̇ад̇о, ваажаажид̇д̇ад̇о, гааяаваажаажид̇д̇ад̇од̇и сажид̇д̇агзхи д̇ийхи самудтаанад̇о д̇исамудтаанам̣. д̇знзвааха ‘‘сажид̇д̇а’’нд̇и. бадигхажид̇д̇аанам̣ д̣̇виннам̣ ан̃н̃ад̇арзна сахид̇ад̇д̇аа сажид̇д̇агам̣. д̇ам̣самбаяуд̇д̇ааяа д̣̇оманассавзд̣̇анааяа васзна д̣̇угкавзд̣̇анам̣.

    415.Idanti ‘‘sikkhāpada’’nti seso, ‘‘sikkhāpada’’nti ca iminā tappaṭipādanīyā āpattiyeva gayhati. Tisamuṭṭhānanti kāyacittato, vācācittato, kāyavācācittatoti sacittakehi tīhi samuṭṭhānato tisamuṭṭhānaṃ. Tenevāha ‘‘sacitta’’nti. Paṭighacittānaṃ dvinnaṃ aññatarena sahitattā sacittakaṃ. Taṃsampayuttāya domanassavedanāya vasena dukkhavedanaṃ.

    д̣̇удтад̣̇осагат̇ааван̣н̣анаа.

    Duṭṭhadosakathāvaṇṇanā.

    416. лзсамад̇д̇анд̇и ‘‘ан̃н̃амби вад̇т̇ум̣ лиссад̇и силиссад̇и вохаарамад̇д̇знзва ийсагам̣ аллийяад̇ийд̇и лзсо, ж̇аад̇иаад̣̇ийнам̣язва ан̃н̃ад̇арагодтаасассзд̇ам̣ ад̇хиважана’’нд̇и (баараа. адта. 2.391) адтагат̇ааяа д̣̇ассид̇аниб̣б̣ажанзсу ‘‘лзсо наама д̣̇аса лзсаа ж̇аад̇илзсо наамалзсо’’д̇иаад̣̇инаа (баараа. адта. 394) наязна бад̣̇абхааж̇анз вуд̇д̇зсу ж̇аад̇инаамаг̇од̇д̇аад̣̇ийсу д̣̇асасу лзсзсу ан̃н̃ад̇аралзсамад̇д̇анд̇и вуд̇д̇ам̣ ход̇и.

    416.Lesamattanti ‘‘aññampi vatthuṃ lissati silissati vohāramatteneva īsakaṃ allīyatīti leso, jātiādīnaṃyeva aññatarakoṭṭhāsassetaṃ adhivacana’’nti (pārā. aṭṭha. 2.391) aṭṭhakathāya dassitanibbacanesu ‘‘leso nāma dasa lesā jātileso nāmaleso’’tiādinā (pārā. aṭṭha. 394) nayena padabhājane vuttesu jātināmagottādīsu dasasu lesesu aññataralesamattanti vuttaṃ hoti.

    д̇ад̇т̇а ж̇аад̇и наама кад̇д̇ияаб̣раахман̣аад̣̇иж̇аад̇и. наамам̣ наама имасмим̣ сигкаабад̣̇з ‘‘чаг̇алаго д̣̇аб̣б̣о маллабуд̇д̇о наама, чаг̇алигаа мзд̇д̇ияаа бхигкуний наамаа’’д̇и табид̇ам̣ наамам̣ вияа жод̣̇агзхи табид̇анааман̃жа б̣уд̣̇д̇харагкид̇аад̣̇исаганааман̃жаад̇и д̣̇увид̇хам̣ наамам̣. г̇од̇д̇ам̣ наама г̇од̇амамог̇г̇аллаанаад̣̇иг̇од̇д̇ам̣. лин̇г̇ам̣ наама д̣̇ийгхад̇аад̣̇исан̣таананаанад̇д̇ан̃жа ган̣хад̇аад̣̇иван̣н̣анаанад̇д̇ан̃жаад̇и ид̣̇ам̣ д̣̇увид̇халин̇г̇ам̣. аабад̇д̇илзсо наама лахугаад̣̇ируубзна тид̇абаажид̇д̇ияаад̣̇иаабад̇д̇и. бад̇д̇о наама лохабад̇д̇аад̣̇и. жийварам̣ наама бам̣сугуулаад̣̇и. убаж̇жхааяо наама жуд̣̇ид̇агасса убаж̇жхааяо. аажарияо наама жуд̣̇ид̇агасса баб̣б̣аж̇ж̇аажарияаад̣̇иго. сзнаасанам̣ наама жуд̣̇ид̇агассзва ниваасабаасаад̣̇аад̣̇игам̣.

    Tattha jāti nāma khattiyabrāhmaṇādijāti. Nāmaṃ nāma imasmiṃ sikkhāpade ‘‘chagalako dabbo mallaputto nāma, chagalikā mettiyā bhikkhunī nāmā’’ti ṭhapitaṃ nāmaṃ viya codakehi ṭhapitanāmañca buddharakkhitādisakanāmañcāti duvidhaṃ nāmaṃ. Gottaṃ nāma gotamamoggallānādigottaṃ. Liṅgaṃ nāma dīghatādisaṇṭhānanānattañca kaṇhatādivaṇṇanānattañcāti idaṃ duvidhaliṅgaṃ. Āpattileso nāma lahukādirūpena ṭhitapācittiyādiāpatti. Patto nāma lohapattādi. Cīvaraṃ nāma paṃsukūlādi. Upajjhāyo nāma cuditakassa upajjhāyo. Ācariyo nāma cuditakassa pabbajjācariyādiko. Senāsanaṃ nāma cuditakasseva nivāsapāsādādikaṃ.

    жод̣̇зяяаад̇и ан̃н̃акад̇д̇ияаж̇аад̇игам̣ буг̇г̇алам̣ баарааж̇игам̣ аж̇жхаабаж̇ж̇анд̇ам̣ д̣̇исваа ад̇д̇ано взрикад̇д̇ияаж̇аад̇игам̣ буг̇г̇алам̣ ‘‘кад̇д̇ияо маяаа д̣̇идто, баарааж̇игам̣ д̇хаммам̣ аж̇жхаабанносий’’д̇иаад̣̇инаа наязна жод̣̇зд̇и. г̇аругаабад̇д̇и наама сан̇гхаад̣̇исзсо. сажз жааванажзд̇анод̇и ‘‘аббзва наама нам̣ имамхаа б̣рахмажарияаа жаавзяяа’’нд̇и (баараа. 392) вуд̇д̇ад̇д̇аа сажз имам̣ саасанаа жаавзяяаамийд̇и ад̇хиббааяо худ̇ваа жод̣̇зд̇ийд̇и вуд̇д̇ам̣ ход̇и, иминаа б̣яад̇ирзгавасзна на ан̃н̃аад̇хиббааяод̇и вуд̇д̇амзва ход̇ийд̇и буримасигкаабад̣̇адтагат̇ааяам̣ д̣̇ассид̇зсу ‘‘жааванаад̇хиббааяо аггосаад̇хиббааяо’’д̇и (баараа. адта. 2.389) звамаад̣̇инаанаббагаараад̇хиббааязсу аабад̇д̇ияаа ан̇г̇абхууд̇ам̣ жааванаад̇хиббааяам̣ д̣̇ассзд̇ваа сзсаад̇хиббааяз бадигкибад̇и.

    Codeyyāti aññakhattiyajātikaṃ puggalaṃ pārājikaṃ ajjhāpajjantaṃ disvā attano verikhattiyajātikaṃ puggalaṃ ‘‘khattiyo mayā diṭṭho, pārājikaṃ dhammaṃ ajjhāpannosī’’tiādinā nayena codeti. Garukāpatti nāma saṅghādiseso. Sace cāvanacetanoti ‘‘appeva nāma naṃ imamhā brahmacariyā cāveyya’’nti (pārā. 392) vuttattā sace imaṃ sāsanā cāveyyāmīti adhippāyo hutvā codetīti vuttaṃ hoti, iminā byatirekavasena na aññādhippāyoti vuttameva hotīti purimasikkhāpadaṭṭhakathāyaṃ dassitesu ‘‘cāvanādhippāyo akkosādhippāyo’’ti (pārā. aṭṭha. 2.389) evamādinānappakārādhippāyesu āpattiyā aṅgabhūtaṃ cāvanādhippāyaṃ dassetvā sesādhippāye paṭikkhipati.

    417. д̇ат̇аасан̃н̃ийд̇и аяам̣ баарааж̇игамаж̇жхаабанноязваад̇и д̇ат̇аасан̃н̃ий. ‘‘жод̣̇зд̇и ваа жод̣̇аабзд̇и ваа’’д̇и вуд̇д̇ад̇д̇аа ‘‘д̇ат̇аасан̃н̃ий’’д̇и ид̣̇ам̣ ‘‘жод̣̇аабзд̇ий’’д̇и иминааби яож̇зд̇аб̣б̣ам̣. сзсод̇и зд̇т̇а ‘‘баарааж̇игаани вуд̇д̇ааний’’д̇иаад̣̇им̣ гад̇ваа ‘‘сажид̇д̇ам̣ д̣̇угкавзд̣̇ана’’нд̇и барияанд̇ам̣ гад̇ваа д̣̇ассид̇абатамасигкаабад̣̇авинижчаяасан̇г̇аахагагат̇аабаб̣анд̇хзна вуд̇д̇асаб̣б̣авинижчаязсу д̇ам̣сигкаабад̣̇анияад̇ам̣ ‘‘амуулагзнаа’’д̇и ид̣̇ан̃жа имасмим̣ сигкаабад̣̇з ‘‘бхигкуманд̇имавад̇т̇унаа…бз… анаабад̇д̇и сияаа’’д̇и вуд̇д̇амад̇т̇ан̃жа табзд̇ваа авасидтасаб̣б̣авинижчаяод̇и ад̇т̇о. ананд̇арасамо мад̇о хздтаа ананд̇арам̣ вуд̇д̇асигкаабад̣̇знзва сад̣̇исод̇и взд̣̇ид̇аб̣б̣о.

    417.Tathāsaññīti ayaṃ pārājikamajjhāpannoyevāti tathāsaññī. ‘‘Codeti vā codāpeti vā’’ti vuttattā ‘‘tathāsaññī’’ti idaṃ ‘‘codāpetī’’ti imināpi yojetabbaṃ. Sesoti ettha ‘‘pārājikāni vuttānī’’tiādiṃ katvā ‘‘sacittaṃ dukkhavedana’’nti pariyantaṃ katvā dassitapaṭhamasikkhāpadavinicchayasaṅgāhakakathāpabandhena vuttasabbavinicchayesu taṃsikkhāpadaniyataṃ ‘‘amūlakenā’’ti idañca imasmiṃ sikkhāpade ‘‘bhikkhumantimavatthunā…pe… anāpatti siyā’’ti vuttamatthañca ṭhapetvā avasiṭṭhasabbavinicchayoti attho. Anantarasamo mato heṭṭhā anantaraṃ vuttasikkhāpadeneva sadisoti veditabbo.

    д̣̇уд̇ияад̣̇удтад̣̇осагат̇ааван̣н̣анаа.

    Dutiyaduṭṭhadosakathāvaṇṇanā.

    418. самаг̇г̇асса сан̇гхассаад̇и ‘‘самаг̇г̇о наама сан̇гхо самаанасам̣ваасаго самаанасиймааяам̣ тид̇о’’д̇и бад̣̇абхааж̇анз вуд̇д̇ад̇д̇аа жид̇д̇зна жа гааязна жа згийбхууд̇асса сан̇гхассаад̇и вуд̇д̇ам̣ ход̇и. жа-гааро бад̣̇абууран̣о, зва-гаарад̇т̇о ваа, насамаг̇г̇ассаад̇и б̣яад̇ирзгад̇т̇о взд̣̇ид̇аб̣б̣о. бхзд̣̇ад̇т̇ам̣ вааяамзяяаад̇и ‘‘имз гат̇ам̣ гад̣̇аа бхиж̇ж̇иссанд̇ий’’д̇и рад̇д̇инд̣̇ивам̣ жинд̇зд̇ваа убааяам̣ г̇авзсид̇ваа багкабариязсанаад̣̇им̣ гарзяяаад̇и ад̇т̇о. вуд̇д̇ан̃хи баал̣ияам̣ ‘‘бхзд̣̇ааяа бараггамзяяаад̇и гат̇ам̣ имз наанаа ассу винаа ассу ваг̇г̇аа ассууд̇и багкам̣ бариязсад̇и г̇ан̣ам̣ б̣анд̇хад̇ий’’д̇и (баараа. 412).

    418.Samaggassa saṅghassāti ‘‘samaggo nāma saṅgho samānasaṃvāsako samānasīmāyaṃ ṭhito’’ti padabhājane vuttattā cittena ca kāyena ca ekībhūtassa saṅghassāti vuttaṃ hoti. Ca-kāro padapūraṇo, eva-kārattho vā, nasamaggassāti byatirekattho veditabbo. Bhedatthaṃ vāyameyyāti ‘‘ime kathaṃ kadā bhijjissantī’’ti rattindivaṃ cintetvā upāyaṃ gavesitvā pakkhapariyesanādiṃ kareyyāti attho. Vuttañhi pāḷiyaṃ ‘‘bhedāya parakkameyyāti kathaṃ ime nānā assu vinā assu vaggā assūti pakkhaṃ pariyesati gaṇaṃ bandhatī’’ti (pārā. 412).

    бхзд̣̇ахзд̇унд̇и ‘‘ид̇хубаали бхигку ад̇хаммам̣ ‘д̇хаммо’д̇и д̣̇ийбзд̇и, д̇хаммам̣ ‘ад̇хаммо’д̇и д̣̇ийбзд̇ий’’д̇иаад̣̇инаа (бари. 459) наязна канд̇хагз вуд̇д̇ам̣ адтаарасабхзд̣̇агаравад̇т̇усан̇каад̇ам̣ сан̇гхабхзд̣̇агааран̣амааха . ид̣̇амзва хи бад̣̇абхааж̇анз вуд̇д̇ам̣ ‘‘бхзд̣̇анасам̣вад̇д̇анигам̣ ваа ад̇хигаран̣анд̇и адтаарасабхзд̣̇агаравад̇т̇ууний’’д̇и. г̇ахзд̇ваад̇и баг̇г̇аяха. д̇идтзяяаад̇и наббадиниссаж̇ж̇зяяа. барид̣̇ийбаяанд̇и зд̇т̇а барид̣̇ийбзнд̇о, на бадиниссаж̇ж̇анд̇од̇и ад̇т̇о. яат̇ааха ‘‘д̇идтзяяаад̇и на бадиниссаж̇ж̇зяяаа’’д̇и.

    Bhedahetunti ‘‘idhupāli bhikkhu adhammaṃ ‘dhammo’ti dīpeti, dhammaṃ ‘adhammo’ti dīpetī’’tiādinā (pari. 459) nayena khandhake vuttaṃ aṭṭhārasabhedakaravatthusaṅkhātaṃ saṅghabhedakāraṇamāha . Idameva hi padabhājane vuttaṃ ‘‘bhedanasaṃvattanikaṃ vā adhikaraṇanti aṭṭhārasabhedakaravatthūnī’’ti. Gahetvāti paggayha. Tiṭṭheyyāti nappaṭinissajjeyya. Paridīpayanti ettha paridīpento, na paṭinissajjantoti attho. Yathāha ‘‘tiṭṭheyyāti na paṭinissajjeyyā’’ti.

    419. бхигкуухийд̇и д̇асса сан̇гхабхзд̣̇агасса бараггаманам̣ бассанд̇зхи ваа д̣̇уурз жз, тид̇ам̣ бавад̇д̇им̣ сун̣анд̇зхи ваа лаж̇ж̇ийхи субзсалзхи сзсабхигкуухи. вуд̇д̇ан̃хзд̇ам̣ ‘‘бхигкуухийд̇и ан̃н̃зхи бхигкуухи. яз бассанд̇и яз сун̣анд̇и, д̇зхи вад̇д̇аб̣б̣о’’д̇и (баараа. 412). д̇асса вад̣̇анд̇зхи звам̣ вад̇д̇аб̣б̣анд̇и важанаагаарад̣̇ассанад̇т̇амааха ‘‘мааяасмаа самаг̇г̇асса сан̇гхасса бхзд̣̇ааяа бараггами, бхзд̣̇анасам̣вад̇д̇анигам̣ ваа ад̇хигаран̣ам̣ самаад̣̇ааяа баг̇г̇аяха адтааси, самзд̇ааяасмаа сан̇гхзна, самаг̇г̇о хи сан̇гхо саммод̣̇амаано авивад̣̇амаано згуд̣̇д̣̇зсо паасу вихарад̇ий’’д̇и (баараа. 411) баатам̣, д̇ам̣ згад̣̇зсасан̇г̇ахавасзна убалагкзд̇умааха ‘‘бхзд̣̇ад̇т̇ам̣…бз… бхзд̣̇агааран̣а’’нд̇и. ид̇и вад̇д̇аб̣б̣од̇и яож̇анаа.

    419.Bhikkhūhīti tassa saṅghabhedakassa parakkamanaṃ passantehi vā dūre ce, ṭhitaṃ pavattiṃ suṇantehi vā lajjīhi supesalehi sesabhikkhūhi. Vuttañhetaṃ ‘‘bhikkhūhīti aññehi bhikkhūhi. Ye passanti ye suṇanti, tehi vattabbo’’ti (pārā. 412). Tassa vadantehi evaṃ vattabbanti vacanākāradassanatthamāha ‘‘māyasmā samaggassa saṅghassa bhedāya parakkami, bhedanasaṃvattanikaṃ vā adhikaraṇaṃ samādāya paggayha aṭṭhāsi, sametāyasmā saṅghena, samaggo hi saṅgho sammodamāno avivadamāno ekuddeso phāsu viharatī’’ti (pārā. 411) pāṭhaṃ, taṃ ekadesasaṅgahavasena upalakkhetumāha ‘‘bhedatthaṃ…pe… bhedakāraṇa’’nti. Iti vattabboti yojanā.

    420. вужжамаано хийд̇и зд̇т̇а хи-сад̣̇д̣̇о аби-сад̣̇д̣̇ад̇т̇о. ‘‘бий’’д̇и ваа баато, д̇зхи лаж̇ж̇ибхигкуухи ‘‘мааяасмаа’’д̇иаад̣̇инаа наязна висум̣ д̇игкад̇д̇ум̣ вуд̇д̇обийд̇и ад̇т̇о. ниссаж̇ж̇зяяа на жзва нанд̇и д̇ам̣ бхзд̣̇ааяа бараггаманам̣ аббадиниссаж̇ж̇анабажжаяаа д̣̇уггадаабад̇д̇им̣ аабаж̇ж̇ид̇вааби на виссаж̇ж̇зяяаад̇и ад̇т̇о. вуд̇д̇ан̃хзд̇ам̣ ‘‘но жз бадиниссаж̇ж̇ад̇и, аабад̇д̇и д̣̇уггадассаа’’д̇и (баараа. 412). д̇ат̇аа хи аббадиниссаж̇ж̇анд̇о хад̇т̇зсу, баад̣̇зсу жа г̇ахзд̇ваа сан̇гхамаж̇жхз аанзд̇ваа д̇ат̇зва д̇игкад̇д̇ум̣ вуд̇д̇оби д̇ам̣ ависсаж̇ж̇зд̇ваа д̣̇уггадаабад̇д̇им̣ аабаннод̇и иминаа жа сан̇г̇ахид̇о. вуд̇д̇ан̃хзд̇ам̣ бхаг̇авад̇аа ‘‘со бхигку сан̇гхамаж̇жхамби аагад̣дхид̇ваа вад̇д̇аб̣б̣о ‘мааяасмаа…бз… паасу вихарад̇ий’д̇и. д̣̇уд̇ияамби вад̇д̇аб̣б̣о. д̇ад̇ияамби вад̇д̇аб̣б̣о. сажз бадиниссаж̇ж̇ад̇и, ижжзд̇ам̣гусалам̣. но жз бадиниссаж̇ж̇ад̇и, аабад̇д̇и д̣̇уггадассаа’’д̇и. ид̣̇ам̣ убхаяад̇т̇а д̣̇уггадам̣ сааман̃н̃зна вагкад̇и ‘‘д̇игкад̇д̇ум̣ бана вуд̇д̇асса, абарижжаж̇ад̇оби д̇а’’нд̇и.

    420.Vuccamāno hīti ettha hi-saddo api-saddattho. ‘‘Pī’’ti vā pāṭho, tehi lajjibhikkhūhi ‘‘māyasmā’’tiādinā nayena visuṃ tikkhattuṃ vuttopīti attho. Nissajjeyya na ceva nanti taṃ bhedāya parakkamanaṃ appaṭinissajjanapaccayā dukkaṭāpattiṃ āpajjitvāpi na vissajjeyyāti attho. Vuttañhetaṃ ‘‘no ce paṭinissajjati, āpatti dukkaṭassā’’ti (pārā. 412). Tathā hi appaṭinissajjanto hatthesu, pādesu ca gahetvā saṅghamajjhe ānetvā tatheva tikkhattuṃ vuttopi taṃ avissajjetvā dukkaṭāpattiṃ āpannoti iminā ca saṅgahito. Vuttañhetaṃ bhagavatā ‘‘so bhikkhu saṅghamajjhampi ākaḍḍhitvā vattabbo ‘māyasmā…pe… phāsu viharatī’ti. Dutiyampi vattabbo. Tatiyampi vattabbo. Sace paṭinissajjati, iccetaṃkusalaṃ. No ce paṭinissajjati, āpatti dukkaṭassā’’ti. Idaṃ ubhayattha dukkaṭaṃ sāmaññena vakkhati ‘‘tikkhattuṃ pana vuttassa, apariccajatopi ta’’nti.

    саманубхаасид̇аб̣б̣од̇и зд̇т̇а ‘‘со бхигкуу’’д̇и аанзд̇ваа самб̣анд̇хид̇аб̣б̣ам̣, ‘‘яаавад̇ад̇ияа’’нд̇и сзсо, яат̇ааха ‘‘со бхигку бхигкуухи яаавад̇ад̇ияам̣ саманубхаасид̇аб̣б̣о’’д̇и (баараа. 411), д̇ат̇аа сан̇гхамаж̇жхзби д̇игкад̇д̇ум̣ вужжамааноби но виссаж̇ж̇зд̇ваа д̣̇уггадам̣ аабанно со аад̇хаанаг̇г̇аахий бхигку сан̇гхзна д̇игкад̇д̇ум̣ вуд̇д̇ам̣ гаммаваажам̣ вад̇ваа саманубхаасид̇аб̣б̣од̇и ад̇т̇о. яат̇ааха адтагат̇ааяам̣ ‘‘яаавад̇ад̇ияам̣ саманубхаасид̇аб̣б̣од̇и яаава д̇ад̇ияам̣ саманубхаасанам̣, д̇аава саманубхаасид̇аб̣б̣о, д̇ийхи саманубхаасанагаммаваажаахи гаммам̣ гаад̇аб̣б̣а’’нд̇и (баараа. адта. 2.411). д̇анд̇и бхзд̣̇ааяа бараггаманам̣, бхзд̣̇анасам̣вад̇д̇анигам̣ ад̇хигаран̣ам̣ баг̇г̇ахзд̇ваа таанан̃жа. ажжаж̇анд̇и, н̃ад̇д̇ижад̇уд̇т̇ааяа гаммаваажааяа вужжамаанааяаби ажжаж̇анд̇о. г̇аругам̣ пусзд̇и д̇ад̇ияааяа гаммаваажааяа ‘‘со бхаасзяяаа’’д̇и яяагаараббад̇д̇ааяа сан̇гхаад̣̇исзсам̣ аабаж̇ж̇ад̇и.

    Samanubhāsitabboti ettha ‘‘so bhikkhū’’ti ānetvā sambandhitabbaṃ, ‘‘yāvatatiya’’nti seso, yathāha ‘‘so bhikkhu bhikkhūhi yāvatatiyaṃ samanubhāsitabbo’’ti (pārā. 411), tathā saṅghamajjhepi tikkhattuṃ vuccamānopi no vissajjetvā dukkaṭaṃ āpanno so ādhānaggāhī bhikkhu saṅghena tikkhattuṃ vuttaṃ kammavācaṃ vatvā samanubhāsitabboti attho. Yathāha aṭṭhakathāyaṃ ‘‘yāvatatiyaṃ samanubhāsitabboti yāva tatiyaṃ samanubhāsanaṃ, tāva samanubhāsitabbo, tīhi samanubhāsanakammavācāhi kammaṃ kātabba’’nti (pārā. aṭṭha. 2.411). Tanti bhedāya parakkamanaṃ, bhedanasaṃvattanikaṃ adhikaraṇaṃ paggahetvā ṭhānañca. Accajanti, ñatticatutthāya kammavācāya vuccamānāyapi accajanto. Garukaṃ phuseti tatiyāya kammavācāya ‘‘so bhāseyyā’’ti yyakārappattāya saṅghādisesaṃ āpajjati.

    421. сан̇гхасса бхзд̣̇ааяа бараггаманд̇ам̣ бхигкум̣ д̣̇исваа, суд̇ваа, н̃ад̇ваа жа авад̣̇анд̇асса бхигкуно д̣̇уггаданд̇и яож̇анаа.

    421. Saṅghassa bhedāya parakkamantaṃ bhikkhuṃ disvā, sutvā, ñatvā ca avadantassa bhikkhuno dukkaṭanti yojanā.

    422. гийвад̣̇уурз васанд̇зхи суд̇ваа г̇анд̇ваа вад̇д̇аб̣б̣анд̇и ааха ‘‘г̇анд̇ваа’’д̇иаад̣̇и. ад̣̇д̇хаяож̇анамзва ад̣̇д̇хаяож̇анад̇аа, д̇ад̇о ад̇хигам̣ ваа. г̇илаанам̣ бадижжа ад̣̇д̇хаяож̇анам̣ вуд̇д̇ам̣, ид̇арам̣ бадижжа ‘‘ад̇хигам̣ д̣̇уурамби бана г̇анд̇аб̣б̣а’’нд̇и вуд̇д̇ам̣. д̇знзвааха ‘‘сажз саггод̇ий’’д̇и. д̇аавад̣̇зд̇и д̇ад̣̇аа зва, ажирааяид̇ваад̇и ад̇т̇о.

    422. Kīvadūre vasantehi sutvā gantvā vattabbanti āha ‘‘gantvā’’tiādi. Addhayojanameva addhayojanatā, tato adhikaṃ vā. Gilānaṃ paṭicca addhayojanaṃ vuttaṃ, itaraṃ paṭicca ‘‘adhikaṃ dūrampi pana gantabba’’nti vuttaṃ. Tenevāha ‘‘sace sakkotī’’ti. Tāvadeti tadā eva, acirāyitvāti attho.

    423. д̇игкад̇д̇ум̣ бана вуд̇д̇ассаад̇и ‘‘мааяасмаа’’д̇иаад̣̇инаа наязна висун̃жа сан̇гхамаж̇жхз жа д̇игкад̇д̇ум̣ вуд̇д̇ассааби абарижжаж̇анд̇асса. д̇ам̣ бхзд̣̇ааяа бараггамаад̣̇игам̣. бхзд̣̇аббавад̇д̇ияаа суд̇агкан̣з саяам̣ аг̇анд̇ваа бан̣н̣ам̣ ваа саасанам̣ ваа бзсзнд̇асса аабад̇д̇им̣ д̣̇ассзд̇умааха ‘‘д̣̇ууд̇ам̣ ваа’’д̇иаад̣̇и. яат̇ааха адтагат̇ааяам̣ (баараа. адта. 2.411) ‘‘д̣̇ууд̇ам̣ ваа бан̣н̣ам̣ ваа бзсзд̇ваа вад̣̇ад̇оби аабад̇д̇имогко над̇т̇ий’’д̇иаад̣̇и.

    423.Tikkhattuṃ pana vuttassāti ‘‘māyasmā’’tiādinā nayena visuñca saṅghamajjhe ca tikkhattuṃ vuttassāpi apariccajantassa. Taṃ bhedāya parakkamādikaṃ. Bhedappavattiyā sutakkhaṇe sayaṃ agantvā paṇṇaṃ vā sāsanaṃ vā pesentassa āpattiṃ dassetumāha ‘‘dūtaṃ vā’’tiādi. Yathāha aṭṭhakathāyaṃ (pārā. aṭṭha. 2.411) ‘‘dūtaṃ vā paṇṇaṃ vā pesetvā vadatopi āpattimokkho natthī’’tiādi.

    425. яяагаарз бана самбад̇д̇зд̇и ‘‘яасса нагкамад̇и, со бхаасзяяаа’’д̇и (баараа. 413) д̇ад̇ияагаммаваажааяа анд̇з яяагаарз ужжаарид̇з. бассамбханд̇ийд̇и бадиббассамбханд̇и, вуубасаманд̇ийд̇и ад̇т̇о. д̣̇уггадаад̣̇аяод̇и н̃ад̇д̇ияаа д̣̇уггадам̣, д̣̇вийхи гаммаваажаахи д̣̇вз жа т̇уллажжаяаа. яат̇ааха ‘‘сан̇гхаад̣̇исзсам̣ аж̇жхаабаж̇ж̇анд̇асса н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа бадиббассамбханд̇ий’’д̇и (баараа. 414). д̇асмаа н̃ад̇д̇ияаа буб̣б̣з б̣ахи жа сан̇гхамаж̇жхз жа д̇игкад̇д̇ум̣ вуд̇д̇зби аббадиниссаж̇ж̇анзна аабаннаани д̣̇вз д̣̇уггадаани д̣̇зсзд̇аб̣б̣аанийд̇и вин̃н̃ааяад̇и.

    425.Yyakāre pana sampatteti ‘‘yassa nakkhamati, so bhāseyyā’’ti (pārā. 413) tatiyakammavācāya ante yyakāre uccārite. Passambhantīti paṭippassambhanti, vūpasamantīti attho. Dukkaṭādayoti ñattiyā dukkaṭaṃ, dvīhi kammavācāhi dve ca thullaccayā. Yathāha ‘‘saṅghādisesaṃ ajjhāpajjantassa ñattiyā dukkaṭaṃ, dvīhi kammavācāhi thullaccayā paṭippassambhantī’’ti (pārā. 414). Tasmā ñattiyā pubbe bahi ca saṅghamajjhe ca tikkhattuṃ vuttepi appaṭinissajjanena āpannāni dve dukkaṭāni desetabbānīti viññāyati.

    имиссаа гаммаваажааяа гим̣ аабаннаабад̇д̇ияо бадиббассамбханд̇и, уд̣̇ааху анаабаннаад̇и вижааран̣ааяа ‘‘яо авасаанз бадиниссаж̇ж̇иссад̇и, со д̇аа аабад̇д̇ияо на аабаж̇ж̇ад̇и, д̇асмаа анаабаннаа бадиббассамбханд̇ий’’д̇и (баараа. адта. 2.414) махаасумад̇т̇зрасса ваад̣̇ам̣ ‘‘гиманаабаннаанам̣ бадиббассад̣̇д̇хияаа’’д̇и бадиб̣аахид̇ваа ‘‘лин̇г̇абаривад̇д̇анз асаад̇хааран̣аабад̇д̇ияо вияа аабаннаа бадиббассамбханд̇ий’’д̇и махаабад̣̇умад̇т̇зрасса ваад̣̇о тид̇о.

    Imissā kammavācāya kiṃ āpannāpattiyo paṭippassambhanti, udāhu anāpannāti vicāraṇāya ‘‘yo avasāne paṭinissajjissati, so tā āpattiyo na āpajjati, tasmā anāpannā paṭippassambhantī’’ti (pārā. aṭṭha. 2.414) mahāsumattherassa vādaṃ ‘‘kimanāpannānaṃ paṭippassaddhiyā’’ti paṭibāhitvā ‘‘liṅgaparivattane asādhāraṇāpattiyo viya āpannā paṭippassambhantī’’ti mahāpadumattherassa vādo ṭhito.

    426. агад̇з бана гаммасминд̇и яат̇аавуд̇д̇асаманубхаасанагаммз агад̇з. абарижжаж̇ад̇оби жаад̇и д̇ам̣ сан̇гхабхзд̣̇ааяа бараггаманам̣ абарижжаж̇анд̇ассааби. ‘‘сан̇гхаад̣̇исзсзнаа’’д̇и иминаа гаммам̣ агад̇ваа сан̇гхамаж̇жхз жа б̣ахи жа д̇игкад̇д̇ум̣ вужжамаанасса аббадиниссаж̇ж̇анзна д̣̇уггадам̣ бана ход̇ийд̇и б̣яад̇ирзгад̇ова д̣̇ассзд̇и.

    426.Akate pana kammasminti yathāvuttasamanubhāsanakamme akate. Apariccajatopi cāti taṃ saṅghabhedāya parakkamanaṃ apariccajantassāpi. ‘‘Saṅghādisesenā’’ti iminā kammaṃ akatvā saṅghamajjhe ca bahi ca tikkhattuṃ vuccamānassa appaṭinissajjanena dukkaṭaṃ pana hotīti byatirekatova dasseti.

    427. буб̣б̣з ваад̇и н̃ад̇д̇ияаа буб̣б̣з висум̣, сан̇гхамаж̇жхз ваа д̇игкад̇д̇ум̣ вужжамаанзби. д̇ан̇кан̣збийд̇и н̃ад̇д̇игкан̣з ваа. н̃ад̇д̇ияаа анидтид̇ааяаби бажчааби, имасса авад̇хим̣ д̣̇ассзд̇и ‘‘асамбад̇д̇з яяагаарасми’’нд̇и. бадиниссаж̇ж̇ад̇оби жа д̇асса сан̇гхаад̣̇исзсзна анаабад̇д̇и багаасид̇аад̇и батамаг̇аат̇ааяа бажчимад̣дхам̣ ид̇хаанзд̇ваа яож̇зд̇аб̣б̣ам̣.

    427.Pubbe vāti ñattiyā pubbe visuṃ, saṅghamajjhe vā tikkhattuṃ vuccamānepi. Taṅkhaṇepīti ñattikkhaṇe vā. Ñattiyā aniṭṭhitāyapi pacchāpi, imassa avadhiṃ dasseti ‘‘asampatte yyakārasmi’’nti. Paṭinissajjatopi ca tassa saṅghādisesena anāpatti pakāsitāti paṭhamagāthāya pacchimaḍḍhaṃ idhānetvā yojetabbaṃ.

    428. зд̇д̇аавад̇аа ‘‘анаабад̇д̇и асаманубхаасанд̇асса бадиниссаж̇ж̇анд̇асса уммад̇д̇агасса кид̇д̇ажид̇д̇асса взд̣̇анааддасса аад̣̇игаммигассаа’’д̇и (баараа. 416) баатз ‘‘бадиниссаж̇ж̇анд̇ассаа’’д̇и бад̣̇зна г̇ахид̇зсу ‘‘н̃ад̇д̇ид̇о’’д̇иаад̣̇ийсу винижчаяам̣ д̣̇ассзд̇ваа д̇ам̣ ниг̇амзд̇ум̣ ‘‘бадиниссаж̇ж̇ад̇о вааби д̇а’’нд̇и ааха. ниг̇аманад̇т̇аж̇од̇аго звам̣-сад̣̇д̣̇о саамад̇т̇ияаа лаб̣бхад̇и, звам̣ ‘‘н̃ад̇д̇ид̇о’’д̇иаад̣̇инаа яат̇аавуд̇д̇анаязна бадиниссаж̇ж̇анд̇асса ваад̇и ад̇т̇о. д̇анд̇и сан̇гхабхзд̣̇аббаяог̇ам̣. асаманубхаасад̇о ваад̇и асаманубхаасияамаанасса. ‘‘асаманубхаасияад̇о’’д̇и вад̇д̇аб̣б̣з вигаран̣абажжаяалобзна ‘‘асаманубхаасад̇о’’д̇и вуд̇д̇анд̇и д̣̇адтаб̣б̣ам̣. яат̇ааха адтагат̇ааяам̣ ‘‘асаманубхаасанд̇ассаад̇и асаманубхаасияамаанассаа’’д̇и (баараа. адта. 2.416). ‘‘сан̇гхаад̣̇исзсзна анаабад̇д̇и багаасид̇аа’’д̇и анувад̇д̇амаанад̇д̇аа ижчид̇ад̇т̇з сид̣̇д̇хзби буна ‘‘анаабад̇д̇и багаасид̇аа’’д̇и важанз бунаруд̇д̇ад̇аа аабаж̇ж̇ад̇ийд̇и? наабаж̇ж̇ад̇и, бад̣̇аавуд̇д̇и наама алам̣гааро ход̇ийд̇и.

    428. Ettāvatā ‘‘anāpatti asamanubhāsantassa paṭinissajjantassa ummattakassa khittacittassa vedanāṭṭassa ādikammikassā’’ti (pārā. 416) pāṭhe ‘‘paṭinissajjantassā’’ti padena gahitesu ‘‘ñattito’’tiādīsu vinicchayaṃ dassetvā taṃ nigametuṃ ‘‘paṭinissajjato vāpi ta’’nti āha. Nigamanatthajotako evaṃ-saddo sāmatthiyā labbhati, evaṃ ‘‘ñattito’’tiādinā yathāvuttanayena paṭinissajjantassa vāti attho. Tanti saṅghabhedappayogaṃ. Asamanubhāsato vāti asamanubhāsiyamānassa. ‘‘Asamanubhāsiyato’’ti vattabbe vikaraṇapaccayalopena ‘‘asamanubhāsato’’ti vuttanti daṭṭhabbaṃ. Yathāha aṭṭhakathāyaṃ ‘‘asamanubhāsantassāti asamanubhāsiyamānassā’’ti (pārā. aṭṭha. 2.416). ‘‘Saṅghādisesena anāpatti pakāsitā’’ti anuvattamānattā icchitatthe siddhepi puna ‘‘anāpatti pakāsitā’’ti vacane punaruttatā āpajjatīti? Nāpajjati, padāvutti nāma alaṃkāro hotīti.

    429. имасса сигкаабад̣̇асса ад̇т̇уббад̇д̇ияам̣ сан̇гхабхзд̣̇ад̇т̇ам̣ бан̃жа вад̇т̇ууни яаажанд̇зна д̣̇звад̣̇ад̇д̇зна ‘‘саад̇ху бханд̇з бхигкуу яааваж̇ийвам̣ мажчамам̣сам̣ на каад̣̇зяяум̣, яо мажчамам̣сам̣ каад̣̇зяяа, важ̇ж̇ам̣ нам̣ пусзяяаа’’д̇и (баараа. 409) вуд̇д̇з ‘‘алам̣ д̣̇звад̣̇ад̇д̇а маяаа д̇игодибарисуд̣̇д̇хам̣ мажчамам̣сам̣ анун̃н̃аад̇ам̣ ад̣̇идтам̣ асуд̇ам̣ абарисан̇гид̇а’’нд̇и (баараа. 409) анун̃н̃аад̇зсу мажчамам̣сзсу габбияаагаббияавинижчаяам̣ буб̣б̣з аногаасаабхаавзна авад̇ваа багад̇ам̣ сигкаабад̣̇авинижчаяам̣ нидтаабзд̇ваа ид̣̇аани бад̇д̇аавасзсам̣ д̇ам̣ д̣̇ассзд̇ум̣ ‘‘яан̃хий’’д̇иаад̣̇и аарад̣̇д̇хам̣ . ‘‘д̇ам̣ д̇ассаа’’д̇и вагкамаанад̇д̇аа ‘‘яа’’нд̇и ид̣̇ам̣ ‘‘бхигку’’нд̇и иминаа жа ‘‘мажчамам̣са’’нд̇и зд̇зна жа яож̇зд̇аб̣б̣ам̣. мажчанд̇и од̣̇агам̣. мам̣санд̇и т̇алаж̇аанам̣ мам̣сам̣. ниб̣б̣змад̇игод̇и ‘‘мам̣ уд̣̇д̣̇исса гад̇а’’нд̇и ваа ‘‘сан̇гхам̣ уд̣̇д̣̇исса гад̇а’’нд̇и ваа уббаннааяа вимад̇ияаа вирахид̇о.

    429. Imassa sikkhāpadassa atthuppattiyaṃ saṅghabhedatthaṃ pañca vatthūni yācantena devadattena ‘‘sādhu bhante bhikkhū yāvajīvaṃ macchamaṃsaṃ na khādeyyuṃ, yo macchamaṃsaṃ khādeyya, vajjaṃ naṃ phuseyyā’’ti (pārā. 409) vutte ‘‘alaṃ devadatta mayā tikoṭiparisuddhaṃ macchamaṃsaṃ anuññātaṃ adiṭṭhaṃ asutaṃ aparisaṅkita’’nti (pārā. 409) anuññātesu macchamaṃsesu kappiyākappiyavinicchayaṃ pubbe anokāsābhāvena avatvā pakataṃ sikkhāpadavinicchayaṃ niṭṭhāpetvā idāni pattāvasesaṃ taṃ dassetuṃ ‘‘yañhī’’tiādi āraddhaṃ . ‘‘Taṃ tassā’’ti vakkhamānattā ‘‘ya’’nti idaṃ ‘‘bhikkhu’’nti iminā ca ‘‘macchamaṃsa’’nti etena ca yojetabbaṃ. Macchanti odakaṃ. Maṃsanti thalajānaṃ maṃsaṃ. Nibbematikoti ‘‘maṃ uddissa kata’’nti vā ‘‘saṅghaṃ uddissa kata’’nti vā uppannāya vimatiyā virahito.

    430. самуд̣̇д̣̇исса гад̇анд̇и сан̇гхам̣ ваа ад̇д̇аанам̣ ваа уд̣̇д̣̇исса гад̇ам̣. ‘‘н̃ад̇ваа’’д̇и иминаа аж̇аанид̇ваа бхун̃ж̇анд̇асса анаабад̇д̇ибхаавамааха.

    430.Samuddissa katanti saṅghaṃ vā attānaṃ vā uddissa kataṃ. ‘‘Ñatvā’’ti iminā ajānitvā bhuñjantassa anāpattibhāvamāha.

    431. хад̇т̇ийнам̣ ассаанам̣ ажчаанам̣ мануссаанам̣ ахийнам̣ гуггураанам̣ д̣̇ийбийнам̣ сийхаанам̣ б̣яаг̇гхаанам̣ д̇аражчаанам̣ мам̣сам̣ агаббияам̣ ход̇ийд̇и яож̇анаа.

    431. Hatthīnaṃ assānaṃ acchānaṃ manussānaṃ ahīnaṃ kukkurānaṃ dīpīnaṃ sīhānaṃ byagghānaṃ taracchānaṃ maṃsaṃ akappiyaṃ hotīti yojanā.

    432. сажид̇д̇агад̇аа аабад̇д̇ияааязва яуж̇ж̇ад̇и, ид̇ха бана д̇ам̣хзд̇угам̣ мам̣самзва хзд̇умхи палуубажаарзна сажид̇д̇аганд̇и г̇ахид̇ам̣. зд̇т̇а жид̇д̇ам̣ наама ад̇д̇аанам̣ ваа сан̇гхам̣ ваа уд̣̇д̣̇исса гад̇абхааваж̇аананажид̇д̇ам̣. сзсанд̇и ануд̣̇д̣̇иссагад̇ам̣ агаббияамам̣сам̣. ажид̇д̇аганд̇и вуд̇д̇анаяамзва.

    432. Sacittakatā āpattiyāyeva yujjati, idha pana taṃhetukaṃ maṃsameva hetumhi phalūpacārena sacittakanti gahitaṃ. Ettha cittaṃ nāma attānaṃ vā saṅghaṃ vā uddissa katabhāvajānanacittaṃ. Sesanti anuddissakataṃ akappiyamaṃsaṃ. Acittakanti vuttanayameva.

    433. бужчид̇вааязваад̇и агаббияамам̣сабарихаарад̇т̇ам̣ д̣̇асасу мам̣сзсу нааман̃жа уд̣̇д̣̇иссагад̇асса барихаарад̇т̇ам̣ убхаяассааби бадилад̣̇д̇хаагааран̃жа бужчид̇вааязваад̇и ад̇т̇о. од̣̇агзсу мажчзсу агаббияаабхаавад̇о лад̣̇д̇хаагаарова н̃аад̇аб̣б̣о. мам̣сз д̣̇идтамад̇д̇зязва ‘‘ид̣̇ам̣ асугамам̣са’’нд̇и ж̇аананд̇и жз, абужчид̇зби д̣̇осо над̇т̇и. д̣̇ааяагзсу мам̣сассаабхаавз лад̣̇д̇ханияаамз абужчид̇зби д̣̇осо над̇т̇и. яат̇аа ваа д̇ат̇аа ваа вимад̇ияаа уббаннааяа аббадиг̇г̇аахзд̇ваа нисиннз ‘‘гасмаа на бадиг̇г̇ан̣хат̇аа’’д̇и бужчид̇з вимад̇ияаа уббаннаагаарам̣ вад̇ваа ‘‘маяам̣ д̇умхз ваа ид̇арз бхигкуу ваа уд̣̇д̣̇исса на гаримхаа’’д̇и вад̇ваа ‘‘амхаагамзва санд̇хааяа гад̇ам̣, бан̣н̣аагаарад̇т̇ааяа гад̇ам̣, ад̇ит̇ийнам̣ ваа ад̇т̇ааяа гад̇а’’нд̇иаад̣̇инаа ад̇д̇анаа лад̣̇д̇хаббагаарам̣ вад̇ваа ‘‘сам̣саяам̣ агад̇ваа бадиг̇г̇ахзд̇аб̣б̣а’’нд̇и вад̣̇зяяум̣ жз, бадиг̇г̇ахзд̇ум̣ ваддад̇ийд̇и саб̣б̣амид̣̇ам̣ адтагат̇ааяа вуд̇д̇ам̣.

    433.Pucchitvāyevāti akappiyamaṃsaparihāratthaṃ dasasu maṃsesu nāmañca uddissakatassa parihāratthaṃ ubhayassāpi paṭiladdhākārañca pucchitvāyevāti attho. Odakesu macchesu akappiyābhāvato laddhākārova ñātabbo. Maṃse diṭṭhamatteyeva ‘‘idaṃ asukamaṃsa’’nti jānanti ce, apucchitepi doso natthi. Dāyakesu maṃsassābhāve laddhaniyāme apucchitepi doso natthi. Yathā vā tathā vā vimatiyā uppannāya appaṭiggāhetvā nisinne ‘‘kasmā na paṭiggaṇhathā’’ti pucchite vimatiyā uppannākāraṃ vatvā ‘‘mayaṃ tumhe vā itare bhikkhū vā uddissa na karimhā’’ti vatvā ‘‘amhākameva sandhāya kataṃ, paṇṇākāratthāya kataṃ, atithīnaṃ vā atthāya kata’’ntiādinā attanā laddhappakāraṃ vatvā ‘‘saṃsayaṃ akatvā paṭiggahetabba’’nti vadeyyuṃ ce, paṭiggahetuṃ vaṭṭatīti sabbamidaṃ aṭṭhakathāya vuttaṃ.

    бхигкуунам̣ зд̇ам̣ вад̇д̇анд̇и яож̇анаа. вад̇д̇адтаад̇и саммаасамб̣уд̣̇д̇хзна махаагарун̣ааяа д̣̇зсид̇ам̣ баад̇имогкасам̣варасийлам̣ висод̇хзд̇ваа бадибаж̇ж̇анз бад̇идтид̇аа. ‘‘винаяан̃н̃уно’’д̇и иминаа винаяам̣ аж̇аанид̇ваа убад̣̇зсаббамаан̣знзва вад̇д̇ам̣ буурзнд̇зхи вад̇д̇асса вирод̇хоби сияаад̇и д̇з нивад̇д̇зд̇и. ‘‘вад̇д̇адтаа’’д̇и висзсанзна винаяам̣ н̃ад̇вааби абууран̣з нивад̇д̇зд̇и. убхаязнаби ад̇д̇анаа вуд̇д̇авинижчаяасса барисуд̣̇д̇хабхаавам̣ д̣̇ийбзд̇и.

    Bhikkhūnaṃ etaṃ vattanti yojanā. Vattaṭṭhāti sammāsambuddhena mahākaruṇāya desitaṃ pātimokkhasaṃvarasīlaṃ visodhetvā paṭipajjane patiṭṭhitā. ‘‘Vinayaññuno’’ti iminā vinayaṃ ajānitvā upadesappamāṇeneva vattaṃ pūrentehi vattassa virodhopi siyāti te nivatteti. ‘‘Vattaṭṭhā’’ti visesanena vinayaṃ ñatvāpi apūraṇe nivatteti. Ubhayenapi attanā vuttavinicchayassa parisuddhabhāvaṃ dīpeti.

    434. ид̣̇ам̣ саманубхаасананд̇и яат̇аавуд̇д̇асигкаабад̣̇амааха. саманубхаасанзна саад̇хзд̇аб̣б̣аа аабад̇д̇и саманубхаасанаа гааран̣уубажаарзна. ан̃н̃ат̇аа згасамудтаанаад̣̇ибхааво на яуж̇ж̇ад̇и. згасамудтаанам̣ гааяаваажаажид̇д̇асан̇каад̇ам̣ згам̣ самудтаанам̣ зд̇ассаад̇и гад̇ваа. гааяагамманд̇и хад̇т̇амуд̣̇д̣̇аавасзна гааязна гаад̇аб̣б̣асса бадиниссаж̇ж̇анасса агад̇ад̇д̇аа гааяагаммам̣. важийгамманд̇и важасаа гаад̇аб̣б̣асса агад̇ад̇д̇аа важийгаммам̣. агрияанд̇и яат̇аавуд̇д̇анаязна ‘‘сан̇гхабхзд̣̇обаггаманивааран̣ааяа бараггаманам̣ бадиниссаж̇ж̇аамий’’д̇и гааяавигаарзна ваа важийбхзд̣̇зна ваа авин̃н̃аабанад̇о агирияам̣ наама ход̇ийд̇и вуд̇д̇ам̣ ход̇и.

    434.Idaṃ samanubhāsananti yathāvuttasikkhāpadamāha. Samanubhāsanena sādhetabbā āpatti samanubhāsanā kāraṇūpacārena. Aññathā ekasamuṭṭhānādibhāvo na yujjati. Ekasamuṭṭhānaṃ kāyavācācittasaṅkhātaṃ ekaṃ samuṭṭhānaṃ etassāti katvā. Kāyakammanti hatthamuddāvasena kāyena kātabbassa paṭinissajjanassa akatattā kāyakammaṃ. Vacīkammanti vacasā kātabbassa akatattā vacīkammaṃ. Akriyanti yathāvuttanayena ‘‘saṅghabhedopakkamanivāraṇāya parakkamanaṃ paṭinissajjāmī’’ti kāyavikārena vā vacībhedena vā aviññāpanato akiriyaṃ nāma hotīti vuttaṃ hoti.

    сан̇гхабхзд̣̇агат̇ааван̣н̣анаа.

    Saṅghabhedakathāvaṇṇanā.

    435. гин̃жиби вад̇д̇аб̣б̣анд̇и ‘‘зго ваа д̣̇вз ваа д̇аяо ваа’д̇и вуд̇д̇асан̇гхабхзд̣̇аанувад̇д̇агабхигкум̣ бассанд̇зхи сун̣анд̇зхи лаж̇ж̇ибхигкуухи висун̃жа сан̇гхамаж̇жхз жа нзд̇ваа д̇игкад̇д̇ум̣язва сан̇гхабхзд̣̇аанувад̇д̇анасса агад̇д̇аб̣б̣ад̇ам̣ вад̇ваа д̇ад̇о анораманд̇аанам̣ н̃ад̇д̇ижад̇уд̇т̇ааяа гаммаваажааяа саманубхаасанагаммам̣ гаад̇аб̣б̣а’’нд̇и ид̣̇ан̃жа ‘‘д̇ад̇ияаануссааванааяа яяа-гаараббад̇д̇ааяа аабаж̇ж̇анагасан̇гхаад̣̇исзсад̇о буб̣б̣з аабаннаа д̣̇уггадат̇уллажжаяаа бадиббассамбханд̇ий’’д̇и ид̣̇ан̃жа анаабад̇д̇ибагааро жаад̇и имам̣ саад̇хааран̣авинижчаяам̣ санд̇хааяааха. важанаббагаарабхзд̣̇о бана ад̇т̇зва, со сан̇кзбад̇о маад̇игааяа (баараа. 418-419) вид̇т̇аарад̇о бад̣̇абхааж̇анз (баараа. 418-419) ааг̇ад̇анаязна вад̇д̇аб̣б̣о. ассаад̇и д̣̇уд̇ияасан̇гхабхзд̣̇асигкаабад̣̇асса. ‘‘самудтаанаа…бз… мад̇аа’’д̇и иминаа саад̇хааран̣авинижчаяо ад̇ид̣̇идтод̇и д̣̇адтаб̣б̣ам̣.

    435.Kiñcipi vattabbanti ‘‘eko vā dve vā tayo vā’ti vuttasaṅghabhedānuvattakabhikkhuṃ passantehi suṇantehi lajjibhikkhūhi visuñca saṅghamajjhe ca netvā tikkhattuṃyeva saṅghabhedānuvattanassa akattabbataṃ vatvā tato anoramantānaṃ ñatticatutthāya kammavācāya samanubhāsanakammaṃ kātabba’’nti idañca ‘‘tatiyānussāvanāya yya-kārappattāya āpajjanakasaṅghādisesato pubbe āpannā dukkaṭathullaccayā paṭippassambhantī’’ti idañca anāpattipakāro cāti imaṃ sādhāraṇavinicchayaṃ sandhāyāha. Vacanappakārabhedo pana attheva, so saṅkhepato mātikāya (pārā. 418-419) vitthārato padabhājane (pārā. 418-419) āgatanayena vattabbo. Assāti dutiyasaṅghabhedasikkhāpadassa. ‘‘Samuṭṭhānā…pe… matā’’ti iminā sādhāraṇavinicchayo atidiṭṭhoti daṭṭhabbaṃ.

    д̣̇уд̇ияасан̇гхабхзд̣̇агат̇ааван̣н̣анаа.

    Dutiyasaṅghabhedakathāvaṇṇanā.

    436. уд̣̇д̣̇зсабарияаабаннзд̇и зд̇т̇а ‘‘сигкаабад̣̇з’’д̇и сзсо, нид̣̇аанабаарааж̇игасан̇гхаад̣̇исзсаанияад̇авид̇т̇аарасан̇каад̇з бан̃жавид̇хауд̣̇д̣̇зсалагкан̣абаад̇имогкз анд̇ог̇ад̇хасигкаабад̣̇ависаязд̇и ад̇т̇о. ‘‘уд̣̇д̣̇зсабарияаабаннз сигкаабад̣̇з’’д̇и иминаа ‘‘аважанийяамад̇д̇аанам̣ гарод̇ий’’д̇и имасса висаяам̣ д̣̇ассзд̇и. бхигку д̣̇уб̣б̣ажаж̇аад̇игод̇и зд̇т̇а ‘‘яо’’д̇и аж̇жхаахааро. ‘‘д̣̇уб̣б̣ажаж̇аад̇игод̇и д̣̇уб̣б̣ажасабхааво, вад̇д̇ум̣ асаггун̣зяяод̇и ад̇т̇о’’д̇и (баараа. адта. 2.425-426) адтагат̇ааяа вуд̇д̇ад̣̇оважассад̇ааяа хзд̇убхууд̇абаабижчад̇аад̣̇ийхи згуунавийсад̇ияаа д̇хаммзхи саманнааг̇ад̇о худ̇ваа ад̇д̇ани вуд̇д̇ам̣ анусидтим̣ саад̣̇арамаг̇г̇ахан̣зна наасанад̇аа д̣̇оважассасабхаавод̇и ад̇т̇о. вуд̇д̇ан̃хзд̇ам̣ бад̣̇абхааж̇анз ‘‘д̣̇уб̣б̣ажаж̇аад̇иго ход̇ийд̇и д̣̇уб̣б̣ажо ход̇и д̣̇оважассагаран̣зхи д̇хаммзхи саманнааг̇ад̇о агкамо аббад̣̇агкин̣аг̇г̇аахий анусаасани’’нд̇и (баараа. 426).

    436.Uddesapariyāpanneti ettha ‘‘sikkhāpade’’ti seso, nidānapārājikasaṅghādisesaaniyatavitthārasaṅkhāte pañcavidhauddesalakkhaṇapātimokkhe antogadhasikkhāpadavisayeti attho. ‘‘Uddesapariyāpanne sikkhāpade’’ti iminā ‘‘avacanīyamattānaṃ karotī’’ti imassa visayaṃ dasseti. Bhikkhu dubbacajātikoti ettha ‘‘yo’’ti ajjhāhāro. ‘‘Dubbacajātikoti dubbacasabhāvo, vattuṃ asakkuṇeyyoti attho’’ti (pārā. aṭṭha. 2.425-426) aṭṭhakathāya vuttadovacassatāya hetubhūtapāpicchatādīhi ekūnavīsatiyā dhammehi samannāgato hutvā attani vuttaṃ anusiṭṭhiṃ sādaramaggahaṇena nāsanatā dovacassasabhāvoti attho. Vuttañhetaṃ padabhājane ‘‘dubbacajātiko hotīti dubbaco hoti dovacassakaraṇehi dhammehi samannāgato akkhamo appadakkhiṇaggāhī anusāsani’’nti (pārā. 426).

    аважанийяамад̇д̇аанам̣ гарод̇ийд̇и ‘‘маа мам̣ ааяасманд̇о гин̃жи аважуд̇т̇а галяаан̣ам̣ ваа баабагам̣ ваа, ахамбааяасманд̇з на гин̃жи вагкаами галяаан̣ам̣ ваа баабагам̣ ваа, вирамат̇ааяасманд̇о мама важанааяаа’’д̇и (баараа. 425) вуд̇д̇анаязна ад̇д̇аанам̣ аважанийяам̣ гарод̇и. г̇аругам̣ сияаад̇и зд̇т̇а ‘‘д̇ассаа’’д̇и ид̣̇ам̣ аж̇жхаахааранаяасамб̣анд̇хзна лаб̣бхад̇и. д̇ад̇рааяам̣ яож̇анаа – д̣̇уб̣б̣ажаж̇аад̇иго яо бхигку уд̣̇д̣̇зсабарияаабаннз сигкаабад̣̇з ад̇д̇аанам̣ аважанийяам̣ гарод̇и, д̇асса г̇аругам̣ сияаад̇и.

    Avacanīyamattānaṃkarotīti ‘‘mā maṃ āyasmanto kiñci avacuttha kalyāṇaṃ vā pāpakaṃ vā, ahampāyasmante na kiñci vakkhāmi kalyāṇaṃ vā pāpakaṃ vā, viramathāyasmanto mama vacanāyā’’ti (pārā. 425) vuttanayena attānaṃ avacanīyaṃ karoti. Garukaṃ siyāti ettha ‘‘tassā’’ti idaṃ ajjhāhāranayasambandhena labbhati. Tatrāyaṃ yojanā – dubbacajātiko yo bhikkhu uddesapariyāpanne sikkhāpade attānaṃ avacanīyaṃ karoti, tassa garukaṃ siyāti.

    гим̣ вуд̇д̇ам̣ ход̇и? яо бхигку ад̇д̇ано д̣̇оважассад̇ам̣ бассанд̇зхи, сун̣анд̇зхи жа лаж̇ж̇ибхигкуухи ‘‘маа ааяасмаа ад̇д̇аанам̣ аважанийяам̣ агааси…бз… ан̃н̃аман̃н̃авудтаабанзнаа’’д̇и (баараа. 425) вуд̇д̇анаязна д̇игкад̇д̇ум̣ вуд̇д̇оби д̣̇уггадам̣ аабаж̇ж̇ид̇вааби на виссаж̇ж̇зд̇и, ‘‘со бхигку сан̇гхамаж̇жхамби аагад̣дхид̇ваа вад̇д̇аб̣б̣о’’д̇и (баараа. 426) вуд̇д̇ад̇д̇аа хад̇т̇з г̇ахзд̇ваа аагад̣дхид̇вааби сан̇гхамаж̇жхам̣ нзд̇ваа д̇ат̇зва д̇игкад̇д̇ум̣ вуд̇д̇з д̣̇уггадам̣ аабаж̇ж̇ид̇вааби на виссаж̇ж̇зд̇и, д̇асса д̣̇уб̣б̣ажаж̇аад̇игасса н̃ад̇д̇ижад̇уд̇т̇ааяа гаммаваажааяа гарияамаанз саманубхаасанагаммз д̇ад̇ияааяа гаммаваажааяа яяагаараббад̇д̇ааяа буб̣б̣з вуд̇д̇анаязнзва н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяз жа бадиббассамбхаяамаано сан̇гхаад̣̇исзсо ход̇ийд̇и вуд̇д̇ам̣ ход̇и.

    Kiṃ vuttaṃ hoti? Yo bhikkhu attano dovacassataṃ passantehi, suṇantehi ca lajjibhikkhūhi ‘‘mā āyasmā attānaṃ avacanīyaṃ akāsi…pe… aññamaññavuṭṭhāpanenā’’ti (pārā. 425) vuttanayena tikkhattuṃ vuttopi dukkaṭaṃ āpajjitvāpi na vissajjeti, ‘‘so bhikkhu saṅghamajjhampi ākaḍḍhitvā vattabbo’’ti (pārā. 426) vuttattā hatthe gahetvā ākaḍḍhitvāpi saṅghamajjhaṃ netvā tatheva tikkhattuṃ vutte dukkaṭaṃ āpajjitvāpi na vissajjeti, tassa dubbacajātikassa ñatticatutthāya kammavācāya kariyamāne samanubhāsanakamme tatiyāya kammavācāya yyakārappattāya pubbe vuttanayeneva ñattiyā dukkaṭaṃ, dvīhi kammavācāhi thullaccaye ca paṭippassambhayamāno saṅghādiseso hotīti vuttaṃ hoti.

    437. д̣̇уб̣б̣ажзд̇и зд̇т̇а ‘‘сигкаабад̣̇з’’д̇и сзсо, д̇ат̇аа сан̇гхабхзд̣̇агаван̣н̣анзд̇и зд̇т̇ааби. сан̇гхабхзд̣̇о зва сан̇гхабхзд̣̇аго, д̇ам̣ ван̣н̣зд̇и гат̇зд̇ийд̇и сан̇гхабхзд̣̇агаван̣н̣анам̣, гим̣ д̇ам̣? сигкаабад̣̇ам̣, д̇ан̃жа батамамзва сан̇гхабхзд̣̇агасигкаабад̣̇ам̣ г̇ахзд̇аб̣б̣ам̣, д̇асмим̣ вуд̇д̇анаязнаад̇и яож̇анаа. яат̇ааха адтагат̇ааяам̣ ‘‘самудтаанаад̣̇ийни батамасан̇гхабхзд̣̇асад̣̇исаанзваа’’д̇и (баараа. адта. 2.425-426). ‘‘саб̣б̣о винижчаяо’’д̇и зд̇зна ид̇ха д̣̇ассид̇зна ‘‘г̇аругам̣ сияаа’’д̇и зд̇зна сан̇г̇ахид̇ам̣ сан̇гхаад̣̇исзсаавасаанавинижчаяам̣ важ̇ж̇зд̇ваа ‘‘агад̇з банаа’’д̇иаад̣̇иг̇аат̇аад̇д̇аязна вуд̇д̇аанаабад̇д̇иббагаарз жа ‘‘ид̣̇амзгасамудтаана’’нд̇иаад̣̇иг̇аат̇ааяа вуд̇д̇асамудтаанаад̣̇игз жа ад̇ид̣̇исад̇и.

    437.Dubbaceti ettha ‘‘sikkhāpade’’ti seso, tathā saṅghabhedakavaṇṇaneti etthāpi. Saṅghabhedo eva saṅghabhedako, taṃ vaṇṇeti kathetīti saṅghabhedakavaṇṇanaṃ, kiṃ taṃ? Sikkhāpadaṃ, tañca paṭhamameva saṅghabhedakasikkhāpadaṃ gahetabbaṃ, tasmiṃ vuttanayenāti yojanā. Yathāha aṭṭhakathāyaṃ ‘‘samuṭṭhānādīni paṭhamasaṅghabhedasadisānevā’’ti (pārā. aṭṭha. 2.425-426). ‘‘Sabbo vinicchayo’’ti etena idha dassitena ‘‘garukaṃ siyā’’ti etena saṅgahitaṃ saṅghādisesāvasānavinicchayaṃ vajjetvā ‘‘akate panā’’tiādigāthāttayena vuttaanāpattippakāre ca ‘‘idamekasamuṭṭhāna’’ntiādigāthāya vuttasamuṭṭhānādike ca atidisati.

    д̣̇уб̣б̣ажагат̇ааван̣н̣анаа.

    Dubbacakathāvaṇṇanā.

    438. яо гулад̣̇уусаго бхигку, со чанд̣̇аг̇аамид̇аад̣̇ийхи баабзнд̇о бхигкухи гаммз гарияамаанз д̇ам̣ чанд̣̇аг̇аамид̇аад̣̇ийхи баабанам̣ ажжаж̇анд̇о г̇аругам̣ пусз сан̇гхаад̣̇исзсам̣ аабаж̇ж̇ад̇ийд̇и яож̇анаа. ‘‘гулад̣̇уусагод̇и гулаани д̣̇уусзд̇и бубпзна ваа палзна ваа жун̣н̣зна ваа мад̇д̇игааяа ваа д̣̇анд̇агадтзна ваа взл̣уяаа ваа взж̇ж̇игааяа ваа ж̇ан̇гхабзсанигзна ваа’’д̇и (баараа. 437) важанад̇о сад̣̇д̇хаасамбаннагулаани лаабхам̣ ниссааяа бубпад̣̇аанаад̣̇ийхи сан̇г̇ан̣хид̇ваа д̇ат̇аа агаронд̇зсу лаж̇ж̇ибхигкуусу гулаанам̣ сад̣̇д̇хаад̣̇уусанад̇о гулад̣̇уусаго, бхигку.

    438.Yo kuladūsako bhikkhu, so chandagāmitādīhi pāpento bhikkhuhi kamme kariyamāne taṃ chandagāmitādīhi pāpanaṃ accajanto garukaṃ phuse saṅghādisesaṃ āpajjatīti yojanā. ‘‘Kuladūsakoti kulāni dūseti pupphena vā phalena vā cuṇṇena vā mattikāya vā dantakaṭṭhena vā veḷuyā vā vejjikāya vā jaṅghapesanikena vā’’ti (pārā. 437) vacanato saddhāsampannakulāni lābhaṃ nissāya pupphadānādīhi saṅgaṇhitvā tathā akarontesu lajjibhikkhūsu kulānaṃ saddhādūsanato kuladūsako, bhikkhu.

    чанд̣̇аг̇аамид̇аад̣̇ийхи баабзнд̇од̇и гулад̣̇уусанагаммам̣ гаронд̇ам̣ д̣̇исваа ваа суд̇ваа ваа аважанад̇о аабаж̇ж̇ид̇аб̣б̣ад̣̇уггадад̇о мужжанад̇т̇ааяа ‘‘ааяасмаа ко…бз… аланд̇з ид̇ха ваасзнаа’’д̇и вад̣̇анд̇з лаж̇ж̇ий бзсалз бхигкуу ‘‘чанд̣̇аг̇аамино жа бхигкуу…бз… згажжам̣ на баб̣б̣ааж̇знд̇ий’’д̇и чанд̣̇аг̇аамид̇аад̣̇ийхи жад̇уухи аг̇ад̇иг̇аманзхи яож̇знд̇од̇и ад̇т̇о. гаммз гарияамаанзд̇и яат̇аавуд̇д̇анаязна ад̇д̇аанам̣ г̇араханд̇аанам̣ бхигкуунам̣ гарияамаанам̣ аггосанан̃жа барибхаасанан̃жа яз бассанд̇и, яз жа сун̣анд̇и, д̇зхи ‘‘мааяасмаа звам̣ аважа, на жа бхигкуу чанд̣̇аг̇аамино…бз… аланд̇з ид̇ха ваасзнаа’’д̇и д̇игкад̇д̇ум̣ вужжамааноби д̣̇уггадам̣ аабаж̇ж̇ид̇вааби аббадиниссаж̇ж̇анд̇ам̣ хад̇т̇з г̇ахзд̇ваа аагад̣дхид̇ваа сан̇гхамаж̇жхам̣ аанзд̇ваа ‘‘мааяасмаа звам̣ аважаа’’д̇иаад̣̇инаа наязнзва бунаби д̇игкад̇д̇ум̣ вуд̇д̇з д̣̇уггадам̣ аабаж̇ж̇ид̇вааби аббадиниссаж̇ж̇анд̇асса н̃ад̇д̇ижад̇уд̇т̇ааяа гаммаваажааяа саманубхаасанагаммз гарияамаанзд̇и вуд̇д̇ам̣ ход̇и. г̇аругам̣ пусзд̇и н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяз жа бадиббассамбхзнд̇о д̇ад̇ияагаммаваажааяа анд̇з яяагаарз самбад̇д̇з сан̇гхаад̣̇исзсам̣ аабаж̇ж̇ад̇ийд̇и вуд̇д̇ам̣ ход̇и.

    Chandagāmitādīhi pāpentoti kuladūsanakammaṃ karontaṃ disvā vā sutvā vā avacanato āpajjitabbadukkaṭato muccanatthāya ‘‘āyasmā kho…pe… alante idha vāsenā’’ti vadante lajjī pesale bhikkhū ‘‘chandagāmino ca bhikkhū…pe… ekaccaṃ na pabbājentī’’ti chandagāmitādīhi catūhi agatigamanehi yojentoti attho. Kamme kariyamāneti yathāvuttanayena attānaṃ garahantānaṃ bhikkhūnaṃ kariyamānaṃ akkosanañca paribhāsanañca ye passanti, ye ca suṇanti, tehi ‘‘māyasmā evaṃ avaca, na ca bhikkhū chandagāmino…pe… alante idha vāsenā’’ti tikkhattuṃ vuccamānopi dukkaṭaṃ āpajjitvāpi appaṭinissajjantaṃ hatthe gahetvā ākaḍḍhitvā saṅghamajjhaṃ ānetvā ‘‘māyasmā evaṃ avacā’’tiādinā nayeneva punapi tikkhattuṃ vutte dukkaṭaṃ āpajjitvāpi appaṭinissajjantassa ñatticatutthāya kammavācāya samanubhāsanakamme kariyamāneti vuttaṃ hoti. Garukaṃ phuseti ñattiyā dukkaṭaṃ, dvīhi kammavācāhi thullaccaye ca paṭippassambhento tatiyakammavācāya ante yyakāre sampatte saṅghādisesaṃ āpajjatīti vuttaṃ hoti.

    439-40. ‘‘гулаани д̣̇уусзд̇и бубпзна ваа’’д̇иаад̣̇инаа (баараа. 437) наязна вуд̇д̇агулад̣̇уусанобагаран̣абхууд̇ажун̣н̣абан̣н̣аад̣̇ийсу винижчаяам̣ д̣̇ассзд̇умааха ‘‘жун̣н̣а’’нд̇иаад̣̇и. жун̣н̣анд̇и сирийсабан̣н̣аад̣̇ижун̣н̣ам̣. бан̣н̣анд̇и д̇амб̣уулабан̣н̣ад̇аалабан̣н̣аад̣̇икаад̣̇ид̇аб̣б̣аакаад̣̇ид̇аб̣б̣абан̣н̣ам̣. паланд̇и д̇аалабанасаад̣̇ипалам̣. бубпанд̇и жамбагаад̣̇ибубпам̣. взл̣унд̇и анд̣̇ол̣игаабаадам̣ гиран̣д̣аад̣̇игам̣ взл̣ум̣. гадтанд̇и г̇зхад̣̇аарум̣, инд̇ханан̃жа. мад̇д̇иганд̇и баагад̇игам̣, бан̃жаван̣н̣ам̣ ваа мад̇д̇игам̣.

    439-40. ‘‘Kulāni dūseti pupphena vā’’tiādinā (pārā. 437) nayena vuttakuladūsanopakaraṇabhūtacuṇṇapaṇṇādīsu vinicchayaṃ dassetumāha ‘‘cuṇṇa’’ntiādi. Cuṇṇanti sirīsapaṇṇādicuṇṇaṃ. Paṇṇanti tambūlapaṇṇatālapaṇṇādikhāditabbākhāditabbapaṇṇaṃ. Phalanti tālapanasādiphalaṃ. Pupphanti campakādipupphaṃ. Veḷunti andoḷikāpāṭaṃ kiraṇḍādikaṃ veḷuṃ. Kaṭṭhanti gehadāruṃ, indhanañca. Mattikanti pākatikaṃ, pañcavaṇṇaṃ vā mattikaṃ.

    ад̇д̇ано санд̇агам̣, д̇аавагаалигаад̣̇ивасзна г̇ахид̇ам̣ ваа жун̣н̣ам̣…бз… мад̇д̇игам̣ гуласан̇г̇ахан̣ад̇т̇ааяа д̣̇ад̣̇ад̇о гулад̣̇уусанад̣̇уггадам̣ ход̇ийд̇и самб̣анд̇хо. т̇зяяаад̇и жоригаа. ‘‘д̣̇ад̣̇ад̇о’’д̇и ид̣̇ам̣ саамиважанам̣ ‘‘гаад̇аб̣б̣о’’д̇и бажжад̇д̇аважананд̇ам̣ висзсид̇аб̣б̣амабзгкид̇ваа ‘‘д̣̇ад̣̇анд̇о’’д̇и вибхад̇д̇ивибарин̣аамзна бажжад̇д̇аважананд̇ам̣ анувад̇д̇зд̇аб̣б̣ам̣. гаад̇аб̣б̣од̇и зд̇т̇а гаарзд̇аб̣б̣од̇и ад̇т̇о. иминаа сан̇гхасанд̇агам̣, г̇ан̣асанд̇агам̣, ан̃н̃абуг̇г̇аласанд̇аган̃жа жун̣н̣аад̣̇им̣ гуласан̇г̇ахад̇т̇ам̣ жоригааяа д̣̇знд̇о бхан̣д̣аг̇гхзна гаарзд̇аб̣б̣од̇и имам̣ винижчаяам̣ д̣̇ассзд̇и. сан̇гхан̃н̃асанд̇агзд̇и сан̇гхан̃н̃асанд̇агажун̣н̣аад̣̇игзд̇и ад̇т̇о. зд̇т̇а ан̃н̃а-сад̣̇д̣̇зна г̇ан̣абуг̇г̇алаанам̣ г̇ахан̣ам̣.

    Attano santakaṃ, tāvakālikādivasena gahitaṃ vā cuṇṇaṃ…pe… mattikaṃ kulasaṅgahaṇatthāya dadato kuladūsanadukkaṭaṃ hotīti sambandho. Theyyāti corikā. ‘‘Dadato’’ti idaṃ sāmivacanaṃ ‘‘kātabbo’’ti paccattavacanantaṃ visesitabbamapekkhitvā ‘‘dadanto’’ti vibhattivipariṇāmena paccattavacanantaṃ anuvattetabbaṃ. Kātabboti ettha kāretabboti attho. Iminā saṅghasantakaṃ, gaṇasantakaṃ, aññapuggalasantakañca cuṇṇādiṃ kulasaṅgahatthaṃ corikāya dento bhaṇḍagghena kāretabboti imaṃ vinicchayaṃ dasseti. Saṅghaññasantaketi saṅghaññasantakacuṇṇādiketi attho. Ettha añña-saddena gaṇapuggalānaṃ gahaṇaṃ.

    441. сан̇гхигам̣ г̇арубхан̣д̣ам̣ ваад̇и сан̇гхасанд̇агам̣ г̇арубхан̣д̣абахонагам̣ ваа бан̣н̣аад̣̇игам̣. сзнаасананияаамид̇анд̇и ‘‘зд̇д̇агаа паларугкаад̣̇аяо сзнаасанз навагаммад̇т̇ааяаа’’д̇и звам̣ нияамид̇ам̣ ваа. иссаравад̇ааяз ваад̇и звагаарзна ‘‘т̇зяяаа’’д̇и ид̣̇ам̣ нивад̇д̇ид̇ам̣.

    441.Saṅghikaṃ garubhaṇḍaṃ vāti saṅghasantakaṃ garubhaṇḍapahonakaṃ vā paṇṇādikaṃ. Senāsananiyāmitanti ‘‘ettakā phalarukkhādayo senāsane navakammatthāyā’’ti evaṃ niyamitaṃ vā. Issaravatāye vāti evakārena ‘‘theyyā’’ti idaṃ nivattitaṃ.

    442. харид̇ваа ваад̇и ад̇д̇анааязва харид̇ваа ваа. ‘‘бубпам̣ д̣̇знд̇ассаа’’д̇и иминаа самб̣анд̇хо. зса наяо убариби. хараабзд̇ваа ваад̇и ан̃н̃асса хад̇т̇з бзсзд̇ваа ваа. баггосид̇ваа ваад̇и ааманд̇зд̇ваа ваа баггосаабзд̇ваа ваад̇и убалагкан̣ад̇о лаб̣бхад̇и. ааг̇ад̇асса ваад̇и ад̇д̇анаа зва ааг̇ад̇асса ваа. ‘‘гуласан̇г̇ахан̣ад̇т̇ааяаа’’д̇и важанзна ‘‘зваруубз ад̇хиббааяз асад̇и ваддад̇ий’’д̇и вуд̇д̇ад̇д̇аа ‘‘жзд̇ияам̣ бууж̇ам̣ гаронд̇ааби ‘бууж̇зссаамаа’д̇и бубпаани г̇ахзд̇ваа г̇ажчанд̇ааби д̇ад̇т̇а д̇ад̇т̇а самбад̇д̇аанам̣ жзд̇ияабууж̇анад̇т̇ааяа д̣̇знд̇и, зд̇амби бубпад̣̇аанам̣ наама на ход̇ий’’д̇иаад̣̇игам̣ (баараа. адта. 2.436-437) адтагат̇ааг̇ад̇ам̣ саб̣б̣ам̣ винижчаяам̣ д̣̇ассид̇ам̣ ход̇и.

    442.Haritvā vāti attanāyeva haritvā vā. ‘‘Pupphaṃ dentassā’’ti iminā sambandho. Esa nayo uparipi. Harāpetvā vāti aññassa hatthe pesetvā vā. Pakkositvā vāti āmantetvā vā pakkosāpetvā vāti upalakkhaṇato labbhati. Āgatassa vāti attanā eva āgatassa vā. ‘‘Kulasaṅgahaṇatthāyā’’ti vacanena ‘‘evarūpe adhippāye asati vaṭṭatī’’ti vuttattā ‘‘cetiyaṃ pūjaṃ karontāpi ‘pūjessāmā’ti pupphāni gahetvā gacchantāpi tattha tattha sampattānaṃ cetiyapūjanatthāya denti, etampi pupphadānaṃ nāma na hotī’’tiādikaṃ (pārā. aṭṭha. 2.436-437) aṭṭhakathāgataṃ sabbaṃ vinicchayaṃ dassitaṃ hoti.

    443. звам̣ уссаг̇г̇ам̣ д̣̇ассзд̇ваа абаваад̣̇ам̣ д̣̇ассзд̇умааха ‘‘харид̇ваа ваа’’д̇иаад̣̇и. ‘‘хараабзд̇ваа’’д̇и иминаа яож̇зд̇аб̣б̣асса ваа-сад̣̇д̣̇асса авуд̇д̇асамбин̣д̣анад̇т̇ад̇ааяа ‘‘баггосид̇ваа ваа баггосаабзд̇ваа ваа, ааг̇ад̇аанам̣ ваа’’д̇и жа сан̇г̇аяхад̇и. ааг̇ад̇ассзваад̇и звагаарзна харид̇ваа д̣̇аанаад̣̇им̣ нивад̇д̇зд̇и.

    443. Evaṃ ussaggaṃ dassetvā apavādaṃ dassetumāha ‘‘haritvā vā’’tiādi. ‘‘Harāpetvā’’ti iminā yojetabbassa vā-saddassa avuttasampiṇḍanatthatāya ‘‘pakkositvā vā pakkosāpetvā vā, āgatānaṃ vā’’ti ca saṅgayhati. Āgatassevāti evakārena haritvā dānādiṃ nivatteti.

    444. д̇ан̃жаад̇и маад̇аабид̇уаад̣̇ийнам̣ д̇ам̣ бубпад̣̇аанан̃жа. вад̇т̇убууж̇ад̇т̇анд̇и рад̇анад̇д̇аяабууж̇анад̇т̇ам̣. на банан̃н̃ат̇аад̇и ан̃н̃зна багаарзна д̣̇аад̇ум̣ на ваддад̇и. язна багаарзна д̣̇аад̇ум̣ на ваддад̇и, гояам̣ багаарод̇и ааха ‘‘сиваад̣̇ий’’д̇иаад̣̇и. сиваад̣̇ибууж̇анад̇т̇анд̇и махиссараад̣̇ид̣̇звад̇аабууж̇анад̇т̇ан̃жа. ман̣д̣анад̇т̇анд̇и бил̣анд̇ханад̇т̇ам̣. звам̣ ад̣̇аад̇аб̣б̣аббагааранияаманзна ‘‘имам̣ виггин̣ид̇ваа ж̇ийвигам̣ габбзссанд̇ий’’д̇и маад̇аабид̇уаад̣̇ийнам̣ д̣̇аад̇ум̣ ваддад̇ийд̇и вад̣̇анд̇и.

    444.Tañcāti mātāpituādīnaṃ taṃ pupphadānañca. Vatthupūjatthanti ratanattayapūjanatthaṃ. Na panaññathāti aññena pakārena dātuṃ na vaṭṭati. Yena pakārena dātuṃ na vaṭṭati, koyaṃ pakāroti āha ‘‘sivādī’’tiādi. Sivādipūjanatthanti mahissarādidevatāpūjanatthañca. Maṇḍanatthanti piḷandhanatthaṃ. Evaṃ adātabbappakāraniyamanena ‘‘imaṃ vikkiṇitvā jīvikaṃ kappessantī’’ti mātāpituādīnaṃ dātuṃ vaṭṭatīti vadanti.

    445. ‘‘палаад̣̇ийсу …бз… винижчаяо’’д̇и иминаа ‘‘харид̇ваа ваа хараабзд̇ваа ваа’’д̇иаад̣̇инаа буб̣б̣з вуд̇д̇авинижчаяо палабан̣н̣аад̣̇ийсу саб̣б̣ад̇т̇а самаанод̇и д̣̇ассзд̇и.

    445.‘‘Phalādīsu…pe… vinicchayo’’ti iminā ‘‘haritvā vā harāpetvā vā’’tiādinā pubbe vuttavinicchayo phalapaṇṇādīsu sabbattha samānoti dasseti.

    446. ‘‘бубпаад̣̇ибхааж̇анз’’д̇и бубпапалаад̣̇ийнам̣ бхааж̇анагаалз. саммад̇знаад̇и бубпаад̣̇ибхааж̇анад̇т̇ам̣ канд̇хагз вуд̇д̇анаязна сан̇гхзна саммад̇зна бхигкунаа. ассаад̇и бхааж̇анадтаанам̣ ааг̇ад̇асса. ид̇арзнаад̇и сан̇гхасаммуд̇им̣ винаа бубпаад̣̇ийни бхааж̇аабзнд̇зна. н̃аабзд̇ваа д̣̇аад̇аб̣б̣анд̇и саб̣б̣ам̣ сан̇гхам̣ ж̇аанаабзд̇ваа д̣̇аад̇аб̣б̣ам̣.

    446.‘‘Pupphādibhājane’’ti pupphaphalādīnaṃ bhājanakāle. Sammatenāti pupphādibhājanatthaṃ khandhake vuttanayena saṅghena sammatena bhikkhunā. Assāti bhājanaṭṭhānaṃ āgatassa. Itarenāti saṅghasammutiṃ vinā pupphādīni bhājāpentena. Ñāpetvā dātabbanti sabbaṃ saṅghaṃ jānāpetvā dātabbaṃ.

    447. убад̣дхабхааванд̇и згзна бхигкунаа лад̣̇д̇хаб̣б̣абхааг̇ад̇о убад̣дхам̣. ‘‘т̇огам̣ т̇ога’’нд̇и иминаа убад̣дхад̇оби аббад̇арам̣ г̇ахид̇ам̣.

    447.Upaḍḍhabhāvanti ekena bhikkhunā laddhabbabhāgato upaḍḍhaṃ. ‘‘Thokaṃ thoka’’nti iminā upaḍḍhatopi appataraṃ gahitaṃ.

    448. бариб̣б̣аяавихийнассаад̇и д̇ан̣д̣улаад̣̇иж̇ийвид̇авуд̇д̇иваяамууларахид̇асса. самбад̇д̇иссарияассаабийд̇и ад̇д̇ано самийбамубаг̇ад̇асса иссарасса жа. ‘‘д̣̇аад̇аб̣б̣ам̣ д̇у сагам̣ пала’’нд̇и иминаа самб̣анд̇хо. ‘‘бариб̣б̣аяавихийнаанам̣, д̣̇аад̇ум̣ сабарасанд̇ага’’нд̇и куд̣̇д̣̇асигкааяа ааг̇ад̇ам̣, ид̇ха ‘‘сагам̣ пала’’нд̇и вуд̇д̇ам̣. д̇ад̇т̇а бараважанзна виссаасигаанам̣ г̇ахан̣ам̣, ид̇ха бана виссаасаг̇г̇аахзна г̇ахзд̇ваа д̣̇ийяамаанамби сасанд̇агамзваад̇и ‘‘сага’’нд̇и вуд̇д̇анд̇и г̇ахзд̇аб̣б̣ам̣.

    448.Paribbayavihīnassāti taṇḍulādijīvitavuttivayamūlarahitassa. Sampattissariyassāpīti attano samīpamupagatassa issarassa ca. ‘‘Dātabbaṃ tu sakaṃ phala’’nti iminā sambandho. ‘‘Paribbayavihīnānaṃ, dātuṃ saparasantaka’’nti khuddasikkhāya āgataṃ, idha ‘‘sakaṃ phala’’nti vuttaṃ. Tattha paravacanena vissāsikānaṃ gahaṇaṃ, idha pana vissāsaggāhena gahetvā dīyamānampi sasantakamevāti ‘‘saka’’nti vuttanti gahetabbaṃ.

    449-50. яад̇ра сан̇гхаараамз сан̇гхзна паларугкабарижчзд̣̇ам̣ гад̇ваа гад̇игаа гад̇аад̇и яож̇анаа, ‘‘ааг̇анд̇угаанам̣ зд̇д̇агам̣ палам̣ д̣̇аад̇аб̣б̣а’’нд̇и палабарижчзд̣̇ам̣ гад̇ваа ваа ‘‘зд̇д̇агзсу ругкзсу палам̣ д̣̇аад̇аб̣б̣а’’нд̇и ругкабарижчзд̣̇ам̣ гад̇ваа ваа сан̇гхзна гад̇игаа язна багаарзна гад̇аад̇и ад̇т̇о. д̇ад̇рааг̇ад̇ассабийд̇и звам̣ табид̇агад̇игавад̇д̇ам̣ д̇ам̣ сан̇гхаараамам̣ палад̇т̇ааяа ааг̇ад̇ассааби.

    449-50. Yatra saṅghārāme saṅghena phalarukkhaparicchedaṃ katvā katikā katāti yojanā, ‘‘āgantukānaṃ ettakaṃ phalaṃ dātabba’’nti phalaparicchedaṃ katvā vā ‘‘ettakesu rukkhesu phalaṃ dātabba’’nti rukkhaparicchedaṃ katvā vā saṅghena katikā yena pakārena katāti attho. Tatrāgatassapīti evaṃ ṭhapitakatikavattaṃ taṃ saṅghārāmaṃ phalatthāya āgatassāpi.

    яат̇аабарижчзд̣̇анд̇и сан̇гхзна д̇ат̇аагад̇апаларугкабарижчзд̣̇аманад̇иггамма. д̣̇ад̣̇ад̇од̇и ожинид̇ваа табид̇апалам̣, габбияагаарагзхи ожинаабзд̇ваа ваа д̣̇знд̇асса. ожид̇апалз жа габбияагаарагз жа асад̇и палад̇т̇ааяа ааг̇ад̇зсу вад̇д̇ид̇аб̣б̣авид̇хим̣ д̣̇ассзд̇умааха ‘‘д̣̇ассзд̇аб̣б̣ааби ваа’’д̇иаад̣̇и. ‘‘вад̇ваа’’д̇и сзсо. жа-гаарам̣ аби-сад̣̇д̣̇зна згад̇о гад̇ваа ‘‘абижаа’’д̇и яож̇анаа. звам̣ вад̇ваа сан̇гхзна барижчиннаругкаа д̣̇ассзд̇аб̣б̣аад̇и иминаа ‘‘ид̇ха палаани сунд̣̇араани, ид̇о г̇ан̣хат̇аа’д̇и звам̣ бана на вад̇д̇аб̣б̣а’’нд̇и (баараа. адта. 2.436-437) адтагат̇аа б̣яад̇ирзгад̇о д̣̇ассид̇аа ход̇и.

    Yathāparicchedanti saṅghena tathākataphalarukkhaparicchedamanatikkamma. Dadatoti ocinitvā ṭhapitaphalaṃ, kappiyakārakehi ocināpetvā vā dentassa. Ocitaphale ca kappiyakārake ca asati phalatthāya āgatesu vattitabbavidhiṃ dassetumāha ‘‘dassetabbāpi vā’’tiādi. ‘‘Vatvā’’ti seso. Ca-kāraṃ api-saddena ekato katvā ‘‘apicā’’ti yojanā. Evaṃ vatvā saṅghena paricchinnarukkhā dassetabbāti iminā ‘‘idha phalāni sundarāni, ito gaṇhathā’ti evaṃ pana na vattabba’’nti (pārā. aṭṭha. 2.436-437) aṭṭhakathā byatirekato dassitā hoti.

    451. ‘‘кан̣ид̇ваа’’д̇и зд̇зна ‘‘кан̣аабзд̇ваа’’д̇и ид̣̇амби сан̇г̇ахид̇ам̣, ‘‘габбияабхууми’’нд̇и вагкамаанад̇д̇аа бат̇авинд̇и зд̇т̇а ‘‘агаббияа’’нд̇и лаб̣бхад̇и. д̇знзвааха ‘‘баажид̇д̇иязнаа’’д̇и. ‘‘маалааг̇ажча’’нд̇и иминаа бубпуубаг̇з д̇арун̣аг̇ажчз жа маллигаасуманаад̣̇иг̇умб̣аг̇ааг̇ажчз жа сан̇г̇ан̣хаад̇и. яат̇ааха адтагат̇ааяа ‘‘д̇арун̣агаа хи бубпаругкааби бубпаг̇ажчааби ‘маалааважчаа’д̇взва вужжанд̇ий’’д̇и (баараа. адта. 2.431). аад̣̇и-сад̣̇д̣̇зна палуубаг̇аругкз жа бхзсаж̇ж̇арасз осад̇хаг̇ажчз жа сан̇г̇ан̣хаад̇и. ‘‘робаабанз’’д̇и вагкамаанад̇д̇аа ‘‘саяа’’нд̇и ид̣̇ам̣ ‘‘робанз’’д̇и иминаа яуж̇ж̇ад̇и.

    451.‘‘Khaṇitvā’’ti etena ‘‘khaṇāpetvā’’ti idampi saṅgahitaṃ, ‘‘kappiyabhūmi’’nti vakkhamānattā pathavinti ettha ‘‘akappiya’’nti labbhati. Tenevāha ‘‘pācittiyenā’’ti. ‘‘Mālāgaccha’’nti iminā pupphūpage taruṇagacche ca mallikāsumanādigumbagāgacche ca saṅgaṇhāti. Yathāha aṭṭhakathāya ‘‘taruṇakā hi puppharukkhāpi pupphagacchāpi ‘mālāvacchā’tveva vuccantī’’ti (pārā. aṭṭha. 2.431). Ādi-saddena phalūpagarukkhe ca bhesajjarase osadhagacche ca saṅgaṇhāti. ‘‘Ropāpane’’ti vakkhamānattā ‘‘saya’’nti idaṃ ‘‘ropane’’ti iminā yujjati.

    ‘‘саяам̣ кан̣ид̇ваа’’д̇и гасмаа на яуж̇ж̇ад̇ийд̇и? ‘‘кан̣аабзд̇ваа’’д̇и вагкамаанасса абхааваа жа ‘‘яо бана бхигку бат̇авим̣ кан̣зяяа ваа кан̣аабзяяа ваа, баажид̇д̇ияа’’нд̇и (баажи. 85) важанад̇о кан̣аабанз баажид̇д̇иязна бхавид̇аб̣б̣ад̇д̇аа жа ‘‘кан̣ид̇ваа’’д̇и иминаа жа кан̣анакан̣аабанаанам̣ д̣̇виннамзва г̇ахзд̇аб̣б̣ад̇д̇аа на яуж̇ж̇ад̇и. гулад̣̇уусанзд̇и гулад̣̇уусананимид̇д̇ам̣. агаббияабат̇авим̣ кан̣ид̇ваа, кан̣аабзд̇ваа жа саяам̣ маалааг̇ажчаад̣̇иробанз гад̇з асса маалааг̇ажчаад̣̇иробагасса бхигкуно агаббияабат̇авийкан̣анабажжаязна баажид̇д̇иязна сад̣̇д̇хим̣ гулад̣̇уусанз гулад̣̇уусананимид̇д̇ам̣ д̣̇уггадам̣ ход̇ийд̇и яож̇анаа.

    ‘‘Sayaṃ khaṇitvā’’ti kasmā na yujjatīti? ‘‘Khaṇāpetvā’’ti vakkhamānassa abhāvā ca ‘‘yo pana bhikkhu pathaviṃ khaṇeyya vā khaṇāpeyya vā, pācittiya’’nti (pāci. 85) vacanato khaṇāpane pācittiyena bhavitabbattā ca ‘‘khaṇitvā’’ti iminā ca khaṇanakhaṇāpanānaṃ dvinnameva gahetabbattā na yujjati. Kuladūsaneti kuladūsananimittaṃ. Akappiyapathaviṃ khaṇitvā, khaṇāpetvā ca sayaṃ mālāgacchādiropane kate assa mālāgacchādiropakassa bhikkhuno akappiyapathavīkhaṇanapaccayena pācittiyena saddhiṃ kuladūsane kuladūsananimittaṃ dukkaṭaṃ hotīti yojanā.

    452. ‘‘д̇ат̇аа’’д̇и иминаа ‘‘саяам̣ робанз’’д̇и ид̣̇ам̣ винаа авасзсаббагаарам̣ сан̇г̇ан̣хаад̇и. ‘‘агаббиязна ваагязнаа’’д̇и ид̣̇ам̣ ‘‘агаббияабат̇авим̣ кан̣аабзд̇ваа’’д̇и иминаа жа ‘‘робаабанз’’д̇и иминаа жа яуж̇ж̇ад̇и. ‘‘имам̣ бхуумим̣ кан̣а, имам̣ г̇ажчам̣ робзхий’’д̇иаад̣̇игам̣ агаббияам̣ вохаарам̣ вад̇ваа агаббияабат̇авим̣ кан̣аабзд̇ваа маалааг̇ажчаад̣̇иробанам̣ гаараабзнд̇ассааби д̇ат̇зва баажид̇д̇ияан̃жа д̣̇уггадан̃жа ход̇ийд̇и ад̇т̇о.

    452.‘‘Tathā’’ti iminā ‘‘sayaṃ ropane’’ti idaṃ vinā avasesappakāraṃ saṅgaṇhāti. ‘‘Akappiyena vākyenā’’ti idaṃ ‘‘akappiyapathaviṃ khaṇāpetvā’’ti iminā ca ‘‘ropāpane’’ti iminā ca yujjati. ‘‘Imaṃ bhūmiṃ khaṇa, imaṃ gacchaṃ ropehī’’tiādikaṃ akappiyaṃ vohāraṃ vatvā akappiyapathaviṃ khaṇāpetvā mālāgacchādiropanaṃ kārāpentassāpi tatheva pācittiyañca dukkaṭañca hotīti attho.

    кан̣анаробанзхи д̣̇вийхи баажид̇д̇ияад̣̇уггадаани авасидтзхи д̇ад̣̇ад̇т̇игзхи саб̣б̣авохаарабаяог̇абхзд̣̇зхи гим̣ ход̇ийд̇и ааха ‘‘саб̣б̣ад̇т̇аа’’д̇иаад̣̇и. гулад̣̇уусанзд̇и нимид̇д̇з, висаяз ваа бхуммам̣. агаббиязна ваагязна бана бат̇авим̣ кан̣аабзд̇ваа агаббиязна ваагязна робаабанзби д̇ат̇аа баажид̇д̇иязна саха гулад̣̇уусанз бхигкуно д̣̇уггадам̣ вуд̇д̇ам̣. саб̣б̣ад̇т̇а ид̇о барзсуби д̇ад̣̇ад̇т̇игзна саб̣б̣авохаараб̣яаабаарзсу гулад̣̇уусананимид̇д̇ам̣ бхигкуно д̣̇уггадам̣ вуд̇д̇анд̇и яож̇анаа.

    Khaṇanaropanehi dvīhi pācittiyadukkaṭāni avasiṭṭhehi tadatthikehi sabbavohārapayogabhedehi kiṃ hotīti āha ‘‘sabbatthā’’tiādi. Kuladūsaneti nimitte, visaye vā bhummaṃ. Akappiyena vākyena pana pathaviṃ khaṇāpetvā akappiyena vākyena ropāpanepi tathā pācittiyena saha kuladūsane bhikkhuno dukkaṭaṃ vuttaṃ. Sabbattha ito paresupi tadatthikena sabbavohārabyāpāresu kuladūsananimittaṃ bhikkhuno dukkaṭaṃ vuttanti yojanā.

    453. габбияабхуумияаа ад̇д̇анаа кан̣анз, агаббияавохаарзна кан̣аабанз жа баажид̇д̇ияаабхаавад̇о д̣̇уггадам̣язва вуд̇д̇анд̇и ааха ‘‘убхаяад̇т̇а жаа’’д̇иаад̣̇и. зд̇т̇а ‘‘зва’’нд̇и сзсо, со яат̇аавуд̇д̇амад̇т̇ам̣ ниг̇амзд̇и. звам̣ яат̇аавуд̇д̇анаязна габбияабхуумияамби маалааг̇ажчаад̣̇иробанаробаабанасан̇каад̇зсу д̣̇вийсу таанзсу жа бхигкуно д̣̇уггадам̣ вуд̇д̇анд̇и яож̇анаа.

    453. Kappiyabhūmiyā attanā khaṇane, akappiyavohārena khaṇāpane ca pācittiyābhāvato dukkaṭaṃyeva vuttanti āha ‘‘ubhayattha cā’’tiādi. Ettha ‘‘eva’’nti seso, so yathāvuttamatthaṃ nigameti. Evaṃ yathāvuttanayena kappiyabhūmiyampi mālāgacchādiropanaropāpanasaṅkhātesu dvīsu ṭhānesu ca bhikkhuno dukkaṭaṃ vuttanti yojanā.

    454. сад̣̇уггадаа баажид̇д̇ийд̇и ‘‘ааваадам̣ кан̣а, г̇ажчам̣ робзхий’’д̇и згаваарам̣ аан̣ад̇д̇з б̣ахуу ааваадз кан̣ид̇ваа б̣ахуусу г̇ажчзсу робид̇зсуби аан̣ад̇д̇ияаа згад̇д̇аа д̣̇уггадзна саха баажид̇д̇ияам̣ ход̇ийд̇и аяамад̇т̇о агаббияабхуумим̣ санд̇хааяа вуд̇д̇о. ‘‘суд̣̇д̇хам̣ ваа д̣̇уггада’’нд̇и ид̣̇ам̣ агаббияабхуумияам̣ габбиязна вохаарзна ааваадам̣ кан̣аабагасса жа габбияабхуумияам̣ агаббияавохаарзна ааваадам̣ кан̣аабагасса жа ‘‘имам̣ г̇ажчам̣ робзхий’’д̇и згаваараан̣ад̇д̇абажжаяаа аабаж̇ж̇ид̇аб̣б̣ам̣ гулад̣̇уусанад̣̇уггадам̣ санд̇хааяа вуд̇д̇ам̣.

    454.Sadukkaṭāpācittīti ‘‘āvāṭaṃ khaṇa, gacchaṃ ropehī’’ti ekavāraṃ āṇatte bahū āvāṭe khaṇitvā bahūsu gacchesu ropitesupi āṇattiyā ekattā dukkaṭena saha pācittiyaṃ hotīti ayamattho akappiyabhūmiṃ sandhāya vutto. ‘‘Suddhaṃ vā dukkaṭa’’nti idaṃ akappiyabhūmiyaṃ kappiyena vohārena āvāṭaṃ khaṇāpakassa ca kappiyabhūmiyaṃ akappiyavohārena āvāṭaṃ khaṇāpakassa ca ‘‘imaṃ gacchaṃ ropehī’’ti ekavārāṇattapaccayā āpajjitabbaṃ kuladūsanadukkaṭaṃ sandhāya vuttaṃ.

    455. габбиязнзва ваагязнаад̇и зд̇т̇а габбияаваагяам̣ наама ‘‘зд̇т̇а ааваадам̣ ж̇аана, зд̇т̇а ааваадам̣ ж̇аанид̇аб̣б̣ам̣, зд̇т̇а ааваадзна бхавид̇аб̣б̣а’’нд̇и зваруубам̣ ваагяан̃жа ‘‘имам̣ г̇ажчам̣ зд̇т̇а ж̇аана, аяам̣ г̇ажчо зд̇т̇а ж̇аанид̇аб̣б̣о’’д̇иаад̣̇иваагяан̃жа. звагаарзна агаббияавохааран̃жа габбияаагаббияамиссагавохааран̃жа нивад̇д̇зд̇и. барияааяобхаасанимид̇д̇агаммам̣ бана ‘‘ид̇арад̇д̇аяам̣ ваддад̇ий’’д̇и (баараа. адта. 2.431) адтагат̇ааважанад̇о ваддад̇и. убхаяад̇т̇а жа бхуумияаад̇и габбияаагаббияабхуумийсу д̣̇вийсу. робанзд̇и зд̇т̇а самб̣анд̇хад̇о, багаран̣ад̇о жа ‘‘маалааг̇ажчаад̣̇ийна’’нд̇и лаб̣бхад̇и.

    455.Kappiyeneva vākyenāti ettha kappiyavākyaṃ nāma ‘‘ettha āvāṭaṃ jāna, ettha āvāṭaṃ jānitabbaṃ, ettha āvāṭena bhavitabba’’nti evarūpaṃ vākyañca ‘‘imaṃ gacchaṃ ettha jāna, ayaṃ gaccho ettha jānitabbo’’tiādivākyañca. Evakārena akappiyavohārañca kappiyākappiyamissakavohārañca nivatteti. Pariyāyobhāsanimittakammaṃ pana ‘‘itarattayaṃ vaṭṭatī’’ti (pārā. aṭṭha. 2.431) aṭṭhakathāvacanato vaṭṭati. Ubhayattha ca bhūmiyāti kappiyākappiyabhūmīsu dvīsu. Ropaneti ettha sambandhato, pakaraṇato ca ‘‘mālāgacchādīna’’nti labbhati.

    ‘‘ваагязнаа’’д̇и вуд̇д̇ад̇д̇аа ‘‘робаабанз’’д̇и вад̇д̇аб̣б̣о, ‘‘робанз’’д̇и гимад̇т̇амаахаад̇и жз? суд̣̇д̇хагад̇д̇унид̣̇д̣̇зсзна баяож̇агассааби сан̇г̇ахзд̇аб̣б̣ад̇о г̇аат̇ааб̣анд̇хавасзна вуд̇д̇ам̣. иминаа убариг̇аат̇ааяа ‘‘саяам̣ робзд̇у’’нд̇и зд̇т̇а ‘‘саяа’’нд̇и иминаа висзсзд̇ваа ‘‘робаабзд̇у’’нд̇и ид̣̇ам̣ нивад̇д̇зд̇и. ‘‘барибхог̇ад̇т̇ааяа хи габбияабхуумияам̣ ваа агаббияабхуумияам̣ ваа габбияавохаарзна робаабанз анаабад̇д̇ий’’д̇и (баараа. адта. 2.431) адтагат̇аавинижчаяо имааяа г̇аат̇ааяа сан̇г̇ахид̇од̇и взд̣̇ид̇аб̣б̣о. гожи д̣̇осод̇и баажид̇д̇ияан̃жа д̣̇уггадан̃жаад̇и вуд̇д̇ад̣̇осзсу згоби д̣̇осо на виж̇ж̇ад̇ийд̇и ад̇т̇о.

    ‘‘Vākyenā’’ti vuttattā ‘‘ropāpane’’ti vattabbo, ‘‘ropane’’ti kimatthamāhāti ce? Suddhakattuniddesena payojakassāpi saṅgahetabbato gāthābandhavasena vuttaṃ. Iminā uparigāthāya ‘‘sayaṃ ropetu’’nti ettha ‘‘saya’’nti iminā visesetvā ‘‘ropāpetu’’nti idaṃ nivatteti. ‘‘Paribhogatthāya hi kappiyabhūmiyaṃ vā akappiyabhūmiyaṃ vā kappiyavohārena ropāpane anāpattī’’ti (pārā. aṭṭha. 2.431) aṭṭhakathāvinicchayo imāya gāthāya saṅgahitoti veditabbo. Koci dosoti pācittiyañca dukkaṭañcāti vuttadosesu ekopi doso na vijjatīti attho.

    456-7. ‘‘саяам̣ робзд̇у’’нд̇и ид̣̇ам̣ ‘‘аараамаад̣̇ийнамад̇т̇ааяаа’’д̇и иминаа самб̣анд̇хид̇аб̣б̣ам̣.

    456-7.‘‘Sayaṃropetu’’nti idaṃ ‘‘ārāmādīnamatthāyā’’ti iminā sambandhitabbaṃ.

    аад̣̇и-сад̣̇д̣̇зна ванаад̣̇им̣ сан̇г̇ан̣хаад̇и. саяам̣ робид̇асса ваад̇и зд̇т̇а ваа-сад̣̇д̣̇зна ‘‘робаабид̇ассаа’’д̇и ид̣̇ам̣ сан̇г̇ан̣хаад̇и, зд̇асса висзсанад̇т̇ам̣ ‘‘габбиязна вохаарзнаа’’д̇и баатасзсо. аяам̣ бана винижчаяо ‘‘аараамад̇т̇ааяа бана ванад̇т̇ааяа жа чааяад̇т̇ааяа жа агаббияавохаарамад̇д̇амзва на ваддад̇и, сзсам̣ ваддад̇ий’’д̇и (баараа. адта. 2.431) адтагат̇ааг̇ад̇анаязна взд̣̇ид̇аб̣б̣о. анд̇о аараамабхуусанад̇т̇ааяа, б̣ахи аран̃н̃ад̇т̇ааяа вияа чааяад̇т̇ааяа суд̣̇д̇хажид̇д̇зна ‘‘имам̣ ж̇аанаа’’д̇иаад̣̇игаббияавохаарзна робаабид̇аругкз жа габбияабхуумияан̃жа ад̇д̇анаа гад̇з ваа агаббияавохаарзна гаараабид̇з ваа агаббияабхуумияан̃жа габбияавохаарзна ад̇д̇анаа гаараабид̇з ваа ан̃н̃зхи гад̇з ваа ааваадз ад̇д̇анаа робид̇з ругкз жа палам̣ барибхун̃ж̇ид̇ум̣ ижчад̇и жз, барибхун̃ж̇ид̇ум̣ ваддад̇ийд̇и ад̇т̇о.

    Ādi-saddena vanādiṃ saṅgaṇhāti. Sayaṃ ropitassa vāti ettha vā-saddena ‘‘ropāpitassā’’ti idaṃ saṅgaṇhāti, etassa visesanatthaṃ ‘‘kappiyena vohārenā’’ti pāṭhaseso. Ayaṃ pana vinicchayo ‘‘ārāmatthāya pana vanatthāya ca chāyatthāya ca akappiyavohāramattameva na vaṭṭati, sesaṃ vaṭṭatī’’ti (pārā. aṭṭha. 2.431) aṭṭhakathāgatanayena veditabbo. Anto ārāmabhūsanatthāya, bahi araññatthāya viya chāyatthāya suddhacittena ‘‘imaṃ jānā’’tiādikappiyavohārena ropāpitarukkhe ca kappiyabhūmiyañca attanā kate vā akappiyavohārena kārāpite vā akappiyabhūmiyañca kappiyavohārena attanā kārāpite vā aññehi kate vā āvāṭe attanā ropite rukkhe ca phalaṃ paribhuñjituṃ icchati ce, paribhuñjituṃ vaṭṭatīti attho.

    аараамаад̣̇ийнамад̇т̇ааяа габбияабхуумияам̣ саяам̣ робид̇асса ваа габбияабхуумияам̣ ваа агаббияабхуумияам̣ ваа габбияавохаарзна робаабид̇асса ваа ругкасса яан̃жа палам̣, д̇ам̣ палам̣ барибхун̃ж̇ид̇ум̣ бхигкуунам̣ ваддад̇ийд̇и яож̇анаа. гад̇т̇ажи бод̇т̇агзсу ‘‘аараамаад̣̇ийнамад̇т̇ааяаа’’д̇и г̇аат̇ааяа ликид̇адтаанз ‘‘гуласан̇г̇ахан̣ад̇т̇ааяаа’’д̇иаад̣̇иг̇аат̇аа д̣̇иссад̇и. саа баал̣иггамавируд̣̇д̇хад̇д̇аа адтаанаббаяуд̇д̇аа, ‘‘бубпаана’’нд̇иаад̣̇иг̇аат̇ааяа бурад̇о вужжамаанаа бана таанаббаяуд̇д̇аа ход̇и.

    Ārāmādīnamatthāya kappiyabhūmiyaṃ sayaṃ ropitassa vā kappiyabhūmiyaṃ vā akappiyabhūmiyaṃ vā kappiyavohārena ropāpitassa vā rukkhassa yañca phalaṃ, taṃ phalaṃ paribhuñjituṃ bhikkhūnaṃ vaṭṭatīti yojanā. Katthaci potthakesu ‘‘ārāmādīnamatthāyā’’ti gāthāya likhitaṭṭhāne ‘‘kulasaṅgahaṇatthāyā’’tiādigāthā dissati. Sā pāḷikkamaviruddhattā aṭṭhānappayuttā, ‘‘pupphāna’’ntiādigāthāya purato vuccamānā pana ṭhānappayuttā hoti.

    458. саб̣б̣ад̇т̇аад̇и аараамаад̣̇иад̇т̇ааяа буб̣б̣з вияа ад̇д̇анаа робид̇зсу, робаабид̇зсу жа саб̣б̣зсу маалааг̇ажчаад̣̇ийсу. агаббияод̣̇агзнзва баажид̇д̇ийд̇и ‘‘яо бана бхигку ж̇аанам̣ саббаан̣агам̣ уд̣̇агам̣ д̇ин̣ам̣ ваа мад̇д̇игам̣ ваа син̃жзяяа ваа син̃жаабзяяа ваа, баажид̇д̇ияа’’нд̇и (баажи. 140) вуд̇д̇аа баажид̇д̇и зва, на д̣̇уггаданд̇и ад̇т̇о.

    458.Sabbatthāti ārāmādiatthāya pubbe viya attanā ropitesu, ropāpitesu ca sabbesu mālāgacchādīsu. Akappiyodakeneva pācittīti ‘‘yo pana bhikkhu jānaṃ sappāṇakaṃ udakaṃ tiṇaṃ vā mattikaṃ vā siñceyya vā siñcāpeyya vā, pācittiya’’nti (pāci. 140) vuttā pācitti eva, na dukkaṭanti attho.

    459. ид̣̇аани д̣̇уггадзна сад̣̇д̇хим̣ баажид̇д̇ияависаяам̣ д̣̇ассзд̇и ‘‘гула…бз… д̣̇уггада’’нд̇и. син̃жад̇од̇и габбияод̣̇агзнзва син̃жад̇о, син̃жаабаяад̇о жа.

    459. Idāni dukkaṭena saddhiṃ pācittiyavisayaṃ dasseti ‘‘kula…pe… dukkaṭa’’nti. Siñcatoti kappiyodakeneva siñcato, siñcāpayato ca.

    460. д̇зсам̣язва д̣̇виннам̣ бана ад̇т̇ааяаад̇и гулад̣̇уусанабарибхог̇аанам̣ д̣̇виннамад̇т̇ааяа. син̃жанз син̃жаабанзд̇и зд̇т̇а ‘‘маалааг̇ажчаад̣̇ийна’’нд̇и багаран̣ад̇о лаб̣бхад̇и. д̣̇уггаданд̇и зд̇т̇а ‘‘гзвала’’нд̇и сзсо.

    460.Tesaṃyeva dvinnaṃ pana atthāyāti kuladūsanaparibhogānaṃ dvinnamatthāya. Siñcane siñcāpaneti ettha ‘‘mālāgacchādīna’’nti pakaraṇato labbhati. Dukkaṭanti ettha ‘‘kevala’’nti seso.

    461. ожинаабанзд̇и ан̃н̃зхи бубпаанам̣ ожинаабанз. саяаможинанз жаабийд̇и ад̇д̇анаава ожинанз жа. сабаажид̇д̇ияад̣̇уггаданд̇и ‘‘бхууд̇аг̇аамабаад̇аб̣яад̇ааяа баажид̇д̇ияа’’нд̇и (баажи. 90) вуд̇д̇ад̇д̇аа бубпожинанахзд̇у баажид̇д̇ияан̃жа гулад̣̇уусанад̣̇уггадан̃жа ход̇ийд̇и вуд̇д̇ам̣ ход̇и.

    461.Ocināpaneti aññehi pupphānaṃ ocināpane. Sayamocinane cāpīti attanāva ocinane ca. Sapācittiyadukkaṭanti ‘‘bhūtagāmapātabyatāya pācittiya’’nti (pāci. 90) vuttattā pupphocinanahetu pācittiyañca kuladūsanadukkaṭañca hotīti vuttaṃ hoti.

    462. бууж̇аад̣̇иад̇т̇ааяа, гуласан̇г̇ахад̇т̇ааяа жа бубпаанам̣ ожинанаожинаабанаани гаараабзнд̇асса аабад̇д̇ияаа аабаж̇ж̇анаббагаарам̣ д̣̇ассзд̇умааха ‘‘бубпаана’’нд̇и. ‘‘бубпаанам̣ г̇ан̣анааяа баажид̇д̇ияам̣ ход̇ий’’д̇и вуд̇д̇ад̇д̇аа бубпаможинад̇од̇и зд̇т̇а ‘‘висум̣ вису’’нд̇и сзсо. згзгабубпам̣ ожинанд̇асса бубпаг̇ан̣анааяа баажид̇д̇ияам̣ ход̇ийд̇и ад̇т̇о. ‘‘згзна баяог̇зна б̣ахууни бубпаани ожинанд̇асса бана баяог̇аг̇ан̣анааяа ход̇ий’’д̇и адтагат̇ааяам̣ вуд̇д̇ам̣ ид̇ха б̣яад̇ирзгад̇о лаб̣бхад̇и. ‘‘ожинад̇о’’д̇и иминаа ‘‘ожинаабаяад̇о’’д̇и ид̣̇ан̃жа гирияаасааман̃н̃з висзсасса анд̇ог̇ад̇хабхаавад̇о ваа убалагкан̣ад̇о ваа д̣̇ассид̇анд̇и.

    462. Pūjādiatthāya, kulasaṅgahatthāya ca pupphānaṃ ocinanaocināpanāni kārāpentassa āpattiyā āpajjanappakāraṃ dassetumāha ‘‘pupphāna’’nti. ‘‘Pupphānaṃ gaṇanāya pācittiyaṃ hotī’’ti vuttattā pupphamocinatoti ettha ‘‘visuṃ visu’’nti seso. Ekekapupphaṃ ocinantassa pupphagaṇanāya pācittiyaṃ hotīti attho. ‘‘Ekena payogena bahūni pupphāni ocinantassa pana payogagaṇanāya hotī’’ti aṭṭhakathāyaṃ vuttaṃ idha byatirekato labbhati. ‘‘Ocinato’’ti iminā ‘‘ocināpayato’’ti idañca kiriyāsāmaññe visesassa antogadhabhāvato vā upalakkhaṇato vā dassitanti.

    д̇ад̇т̇а жа бубпаани висум̣ висум̣ вад̇ваа ожинаабзнд̇асса бубпаанам̣ г̇ан̣анааяа ход̇ийд̇и ид̣̇амзва аабаж̇ж̇ад̇и. згаваарамаан̣ад̇д̇зна б̣ахууни бубпаани б̣ахуусу жа ваарзсу ожид̇зсу аан̣ад̇д̇иг̇ан̣анааяа ход̇ийд̇и винижчаяо д̣̇адтаб̣б̣о. ид̣̇ам̣ саб̣б̣аббагаарам̣ ананд̇аравуд̇д̇аг̇аат̇ааяа д̣̇ассид̇авид̇химхи жа д̣̇адтаб̣б̣анд̇и н̃аабзд̇умааха ‘‘гулад̇т̇ам̣ жз сад̣̇уггадаа’’д̇и. гулад̇т̇анд̇и гуласан̇г̇ахад̇т̇ам̣. ‘‘сад̣̇уггадаа’’д̇и вуд̇д̇ад̇д̇аа баажид̇д̇ияан̃жа д̣̇уггадан̃жа бубпаг̇ан̣анааяа ход̇ийд̇и сид̣̇д̇хам̣. яат̇ааха адтагат̇ааяам̣ ‘‘бубпаг̇ан̣анааяа д̣̇уггадабаажид̇д̇ияааний’’д̇и (баараа. адта. 2.431).

    Tattha ca pupphāni visuṃ visuṃ vatvā ocināpentassa pupphānaṃ gaṇanāya hotīti idameva āpajjati. Ekavāramāṇattena bahūni pupphāni bahūsu ca vāresu ocitesu āṇattigaṇanāya hotīti vinicchayo daṭṭhabbo. Idaṃ sabbappakāraṃ anantaravuttagāthāya dassitavidhimhi ca daṭṭhabbanti ñāpetumāha ‘‘kulatthaṃ ce sadukkaṭā’’ti. Kulatthanti kulasaṅgahatthaṃ. ‘‘Sadukkaṭā’’ti vuttattā pācittiyañca dukkaṭañca pupphagaṇanāya hotīti siddhaṃ. Yathāha aṭṭhakathāyaṃ ‘‘pupphagaṇanāya dukkaṭapācittiyānī’’ti (pārā. aṭṭha. 2.431).

    463. г̇ант̇анам̣ г̇ант̇о, д̇зна ниб̣б̣ад̇д̇ам̣ г̇ант̇имам̣. зса наяо саб̣б̣ад̇т̇а. г̇ант̇имаад̣̇исаруубам̣ саяамзва вагкад̇и. сан̇г̇ахан̣ам̣ сан̇г̇ахо, бубпаанам̣ сан̇г̇аход̇и виг̇г̇ахо.

    463. Ganthanaṃ gantho, tena nibbattaṃ ganthimaṃ. Esa nayo sabbattha. Ganthimādisarūpaṃ sayameva vakkhati. Saṅgahaṇaṃ saṅgaho, pupphānaṃ saṅgahoti viggaho.

    464. имаани г̇ант̇имаад̣̇ийни саруубад̇о д̣̇ассзд̇умааха ‘‘д̇ад̇т̇а д̣̇ан̣д̣зна д̣̇ан̣д̣ам̣ ваа’’д̇иаад̣̇и. д̇ад̇т̇а д̇ад̇т̇аад̇и д̇зсу часу бубпасан̇г̇ахзсу. ‘‘д̣̇ан̣д̣зна д̣̇ан̣д̣ам̣ ваа’’д̇и ид̣̇ам̣ сад̣̇ан̣д̣ауббалаад̣̇игусумам̣ санд̇хааяааха. ‘‘ван̣дзнаби жа ван̣дага’’нд̇и ид̣̇ам̣ саван̣дагарад̇д̇агусумаад̣̇им̣ санд̇хааяааха. гаран̣ам̣ саб̣б̣анд̇и гад̇ам̣ саб̣б̣ам̣. ид̇ха саб̣б̣ад̇т̇а габбияавид̇хивибхааг̇ам̣ ‘‘саб̣б̣амзд̇а’’мижжаад̣̇иг̇аат̇ааяам̣ вагкад̇и.

    464. Imāni ganthimādīni sarūpato dassetumāha ‘‘tattha daṇḍena daṇḍaṃ vā’’tiādi. Tattha tatthāti tesu chasu pupphasaṅgahesu. ‘‘Daṇḍena daṇḍaṃ vā’’ti idaṃ sadaṇḍauppalādikusumaṃ sandhāyāha. ‘‘Vaṇṭenapi ca vaṇṭaka’’nti idaṃ savaṇṭakarattakusumādiṃ sandhāyāha. Karaṇaṃ sabbanti kataṃ sabbaṃ. Idha sabbattha kappiyavidhivibhāgaṃ ‘‘sabbameta’’miccādigāthāyaṃ vakkhati.

    465. суд̇д̇аад̣̇ийхи г̇обпзд̇ваад̇и зд̇т̇а ‘‘вассигабубпаад̣̇ийний’’д̇и сзсо. суд̇д̇зна ваа гад̣̇аливаагаад̣̇ийхи ваа вассигаад̣̇ибубпз г̇ант̇ид̇ваа гад̇абубпавигааро г̇обпимам̣ наама. згад̇о ван̣даани яассаад̇и виг̇г̇ахо. убхад̇ован̣дигаад̇и зд̇т̇ааби зсзва наяо. аббад̇т̇з ваа сагад̇т̇з ваа га-гааро д̣̇адтаб̣б̣о. ид̇т̇илин̇г̇ависаяз га-гаарад̇о буб̣б̣аагаарасса и-гаараад̣̇зсо.

    465.Suttādīhi gopphetvāti ettha ‘‘vassikapupphādīnī’’ti seso. Suttena vā kadalivākādīhi vā vassikādipupphe ganthitvā katapupphavikāro gopphimaṃ nāma. Ekato vaṇṭāni yassāti viggaho. Ubhatovaṇṭikāti etthāpi eseva nayo. Appatthe vā sakatthe vā ka-kāro daṭṭhabbo. Itthiliṅgavisaye ka-kārato pubbākārassa i-kārādeso.

    саб̣б̣абубпаанам̣ ван̣даани згад̣̇исааяа гад̇ваа г̇ант̇ид̇абубпаавали згад̇ован̣дигаа наама, ван̣даани убхаяад̣̇исааяа гад̇ваа г̇ант̇ид̇абубпаавали убхад̇ован̣дигаа наамаад̇и д̇ам̣ г̇обпимам̣ звам̣ д̣̇увид̇хам̣ ход̇ийд̇и ад̇т̇о. ‘‘ваагам̣ ваа валлим̣ ваа раж̇ж̇ум̣ ваа д̣̇иг̇ун̣ам̣ гад̇ваа д̇ад̇т̇а нийбагад̣̇амб̣аад̣̇иван̣дарахид̇аани бубпаани взтзд̇ваа г̇ахан̣ам̣ г̇обпимам̣ наамаа’’д̇и (баараа. адта. 2.431 ад̇т̇ад̇о самаанам̣) адтагат̇ааяа вуд̇д̇ам̣.

    Sabbapupphānaṃ vaṇṭāni ekadisāya katvā ganthitapupphāvali ekatovaṇṭikā nāma, vaṇṭāni ubhayadisāya katvā ganthitapupphāvali ubhatovaṇṭikā nāmāti taṃ gopphimaṃ evaṃ duvidhaṃ hotīti attho. ‘‘Vākaṃ vā valliṃ vā rajjuṃ vā diguṇaṃ katvā tattha nīpakadambādivaṇṭarahitāni pupphāni veṭhetvā gahaṇaṃ gopphimaṃ nāmā’’ti (pārā. aṭṭha. 2.431 atthato samānaṃ) aṭṭhakathāya vuttaṃ.

    466. б̣унд̣̇зсууд̇и муулзсу. магулаад̣̇иганд̇и зд̇т̇а аад̣̇и-сад̣̇д̣̇зна ван̣дарахид̇амад̇хугаад̣̇ибубпан̃жа ван̣дасахид̇амаллигаад̣̇ибубпан̃жа сан̇г̇ахид̇ам̣. суужиаад̣̇ийхийд̇и зд̇т̇а аад̣̇и-сад̣̇д̣̇зна д̇аалахийраад̣̇им̣ сан̇г̇ан̣хаад̇и . маалаавигад̇ийд̇и бубпамаалаавигад̇и. суужиаад̣̇ийхи магулаад̣̇игам̣ бубпам̣ б̣унд̣̇зсу виж̇жхид̇ваа аавуд̇аа маалаавигад̇и взд̇химам̣ наамаад̇и вужжад̇ийд̇и яож̇анаа.

    466.Bundesūti mūlesu. Makulādikanti ettha ādi-saddena vaṇṭarahitamadhukādipupphañca vaṇṭasahitamallikādipupphañca saṅgahitaṃ. Sūciādīhīti ettha ādi-saddena tālahīrādiṃ saṅgaṇhāti . Mālāvikatīti pupphamālāvikati. Sūciādīhi makulādikaṃ pupphaṃ bundesu vijjhitvā āvutā mālāvikati vedhimaṃ nāmāti vuccatīti yojanā.

    467. ‘‘взтимам̣ наама бубпад̣̇аамабубпахад̇т̇агзсу д̣̇адтаб̣б̣а’’нд̇и (баараа. адта. 2.431) адтагат̇ааяа д̣̇ассид̇аббагаарзсу батамаббагаарам̣ д̣̇ассзд̇и ‘‘взтзд̇ваа гад̇ам̣ маалааг̇ун̣зхи ваа’’д̇и. д̇хаммад̣̇зсанааяа ваа бадимааяа ваа д̇хаад̇уяаа ваа бууж̇ам̣ гад̇д̇угаамаа муд̣̇д̇хани уж̇угам̣ гад̇ваа маалаад̣̇аамагалаабам̣ оламб̣ид̇ваа аг̇г̇з гхадигаагаарад̣̇ассанад̇т̇ам̣ маалаавалияо анзгагкад̇д̇ум̣ баригкибанд̇аа взтзнд̇и, ид̣̇ам̣ зваруубам̣ маалааг̇ун̣агаран̣амби взтимам̣ наамаад̇и вуд̇д̇ам̣ ход̇и.

    467.‘‘Veṭhimaṃ nāma pupphadāmapupphahatthakesu daṭṭhabba’’nti (pārā. aṭṭha. 2.431) aṭṭhakathāya dassitappakāresu paṭhamappakāraṃ dasseti ‘‘veṭhetvā kataṃ mālāguṇehi vā’’ti. Dhammadesanāya vā paṭimāya vā dhātuyā vā pūjaṃ kattukāmā muddhani ujukaṃ katvā mālādāmakalāpaṃ olambitvā agge ghaṭikākāradassanatthaṃ mālāvaliyo anekakkhattuṃ parikkhipantā veṭhenti, idaṃ evarūpaṃ mālāguṇakaraṇampi veṭhimaṃ nāmāti vuttaṃ hoti.

    ан̃н̃аббагаарам̣ д̣̇ассзд̇и ‘‘ваагаад̣̇ийхи жа б̣ад̣̇д̇хам̣ ваа’’д̇и, ‘‘б̣анд̇хид̇ваа’’д̇иби баато, ‘‘гад̇а’’нд̇и иминаа самб̣анд̇хо. згажжз уббалаад̣̇ид̣̇ийгхад̣̇ан̣д̣агусумаани адта ваа нава ваа д̣̇аса ваа галаабам̣ гад̇ваа д̇зсамзва д̣̇ан̣д̣аанам̣ ваагзхи ваа ан̃н̃зна язна гзнажи д̣̇ан̣д̣агаг̇г̇з табзд̇ваа ваа висум̣ ваа б̣анд̇хид̇ваа уббалахад̇т̇аад̣̇им̣ гаронд̇и, д̇ан̃жа взтимам̣ наамаад̇и вуд̇д̇ам̣ ход̇и. зд̇ам̣ д̣̇ваяамби на ваддад̇и.

    Aññappakāraṃ dasseti ‘‘vākādīhi ca baddhaṃ vā’’ti, ‘‘bandhitvā’’tipi pāṭho, ‘‘kata’’nti iminā sambandho. Ekacce uppalādidīghadaṇḍakusumāni aṭṭha vā nava vā dasa vā kalāpaṃ katvā tesameva daṇḍānaṃ vākehi vā aññena yena kenaci daṇḍakagge ṭhapetvā vā visuṃ vā bandhitvā uppalahatthādiṃ karonti, tañca veṭhimaṃ nāmāti vuttaṃ hoti. Etaṃ dvayampi na vaṭṭati.

    габбияагаарагзхи ожинид̇ваа табид̇абубпаани саадагз багкибид̇ваа бхан̣д̣игам̣ гад̇ваа б̣анд̇хид̇ум̣ на ваддад̇и. д̇зсуязва бубпзсу ажчиннзна д̣̇ан̣д̣зна ваа д̇асмим̣язва д̣̇ан̣д̣з ажчиннаваагзна ваа галаабам̣ гад̇ваа б̣анд̇хид̇ум̣, ам̣сабхан̣д̣игааяа багкибид̇ваа г̇ахзд̇ун̃жа ваддад̇и. яат̇ааха адтагат̇ааяам̣ ‘‘д̇зсам̣язва бана ваагзна ваа д̣̇ан̣д̣зна б̣анд̇хид̇ум̣ ам̣сабхан̣д̣игам̣ ваа гаад̇ум̣ ваддад̇ий’’д̇и. ‘‘ваагзна ваа д̣̇ан̣д̣зна ваа’д̇и жа ид̣̇ам̣ ажчинд̣̇ид̇ваа баригкибид̇ваа б̣анд̇ханам̣ санд̇хааяа вад̣̇анд̇ий’’д̇и сийхал̣аг̇ан̣тибад̣̇з вуд̇д̇ам̣. бад̣̇умаад̣̇ибубпаани бад̣̇умаад̣̇ибан̣н̣зсу наал̣зхи бавзсзд̇ваа наал̣зхи б̣ахи гад̇ваа бан̣н̣зна бубпаани бадижчаад̣̇зд̇ваа бан̣н̣аг̇г̇з б̣анд̇хид̇ум̣ ваддад̇и. ‘‘д̣̇ан̣д̣з бана б̣анд̇хид̇ум̣ на ваддад̇ий’’д̇и (баараа. адта. 2.431) жа адтагат̇ааяамзва вуд̇д̇ам̣.

    Kappiyakārakehi ocinitvā ṭhapitapupphāni sāṭake pakkhipitvā bhaṇḍikaṃ katvā bandhituṃ na vaṭṭati. Tesuyeva pupphesu acchinnena daṇḍena vā tasmiṃyeva daṇḍe acchinnavākena vā kalāpaṃ katvā bandhituṃ, aṃsabhaṇḍikāya pakkhipitvā gahetuñca vaṭṭati. Yathāha aṭṭhakathāyaṃ ‘‘tesaṃyeva pana vākena vā daṇḍena bandhituṃ aṃsabhaṇḍikaṃ vā kātuṃ vaṭṭatī’’ti. ‘‘Vākena vā daṇḍena vā’ti ca idaṃ acchinditvā parikkhipitvā bandhanaṃ sandhāya vadantī’’ti sīhaḷagaṇṭhipade vuttaṃ. Padumādipupphāni padumādipaṇṇesu nāḷehi pavesetvā nāḷehi bahi katvā paṇṇena pupphāni paṭicchādetvā paṇṇagge bandhituṃ vaṭṭati. ‘‘Daṇḍe pana bandhituṃ na vaṭṭatī’’ti (pārā. aṭṭha. 2.431) ca aṭṭhakathāyameva vuttaṃ.

    468. бубпамаалаахи бууран̣зд̇и бубпаавалийхи бууран̣з. ид̣̇ам̣ гад̇т̇а лаб̣бхад̇ийд̇и ааха ‘‘б̣од̇хи’’нд̇иаад̣̇и. бубпабадам̣ наама маалаавалияо д̇анд̇ам̣ вияа басаарзд̇ваа вад̇т̇ам̣ вааяанд̇зхи вияа д̇ирияан̃жа маалаавалийхи вааяид̇абадам̣ вужжад̇и. ид̣̇ам̣ бубпабадам̣ маалаавалийхи д̣̇ийгхасо бууран̣ам̣ санд̇хааяа буримз г̇ахид̇ам̣, д̇ирияад̇о вааяанам̣ санд̇хааяа вагкамаанз вааяимзби г̇ахид̇анд̇и бунаруд̇д̇аабхааво взд̣̇ид̇аб̣б̣о. бадаад̣̇ийнанд̇и аад̣̇и-сад̣̇д̣̇зна жзд̇ияад̇хаад̇угаран̣д̣агавзд̣̇игаад̣̇ийнам̣ г̇ахан̣ам̣.

    468.Pupphamālāhi pūraṇeti pupphāvalīhi pūraṇe. Idaṃ kattha labbhatīti āha ‘‘bodhi’’ntiādi. Pupphapaṭaṃ nāma mālāvaliyo tantaṃ viya pasāretvā vatthaṃ vāyantehi viya tiriyañca mālāvalīhi vāyitapaṭaṃ vuccati. Idaṃ pupphapaṭaṃ mālāvalīhi dīghaso pūraṇaṃ sandhāya purime gahitaṃ, tiriyato vāyanaṃ sandhāya vakkhamāne vāyimepi gahitanti punaruttābhāvo veditabbo. Paṭādīnanti ādi-saddena cetiyadhātukaraṇḍakavedikādīnaṃ gahaṇaṃ.

    баригкзбзсу лаб̣бхад̇ийд̇и б̣од̇хигканд̇хаад̣̇ийнам̣ бунаббунам̣ баригкибанзсу лаб̣бхад̇и. б̣од̇хигканд̇хаад̣̇аяо бубпаавалийхи баригкибанд̇зхи батамавад̣̇д̇хадтаанз бубпаавалияаа анад̇иггаамид̇з буримам̣ наама таанам̣ яаава баабун̣аад̇и, д̇аава ан̃н̃зна г̇ахзд̇ваа баригкибанд̇зна аахарид̇ваа бунаби д̇асмим̣ таанз бад̇д̇з ан̃н̃асса д̣̇аанавасзна б̣од̇хигканд̇хам̣, жзд̇ияам̣, д̇хаад̇угаран̣д̣агам̣ ваа бубпаган̃жугзна чаад̣̇зд̇ум̣ ваддад̇ийд̇и адтагат̇ааяа вуд̇д̇ам̣. сажзби д̣̇взязва бхигкуу убхосу бассзсу тад̇ваа барияааязна харанд̇и, ваддад̇иязваад̇и вад̣̇анд̇и. бубпабадавааяанад̇т̇ам̣ басаарияамаанабубпаавалийсу жа зсзва винижчаяо.

    Parikkhepesu labbhatīti bodhikkhandhādīnaṃ punappunaṃ parikkhipanesu labbhati. Bodhikkhandhādayo pupphāvalīhi parikkhipantehi paṭhamavaddhaṭṭhāne pupphāvaliyā anatikkāmite purimaṃ nāma ṭhānaṃ yāva pāpuṇāti, tāva aññena gahetvā parikkhipantena āharitvā punapi tasmiṃ ṭhāne patte aññassa dānavasena bodhikkhandhaṃ, cetiyaṃ, dhātukaraṇḍakaṃ vā pupphakañcukena chādetuṃ vaṭṭatīti aṭṭhakathāya vuttaṃ. Sacepi dveyeva bhikkhū ubhosu passesu ṭhatvā pariyāyena haranti, vaṭṭatiyevāti vadanti. Pupphapaṭavāyanatthaṃ pasāriyamānapupphāvalīsu ca eseva vinicchayo.

    д̣̇ийгхабубпаавалим̣ нааг̇ад̣̇анд̇зсу багкибид̇ваа буна багкибид̇ум̣ на ваддад̇и. ‘‘нааг̇ад̣̇анд̇зсу бана бубпавалаяам̣ бавзсзд̇ум̣ ваддад̇ий’’д̇и вуд̇д̇ад̇д̇аа ан̃н̃зхи валаяам̣ гад̇ваа д̣̇иннабубпааваливалаяам̣ д̇хаад̇угаран̣д̣ат̇убигааяа бавзсзд̇ум̣ ваддад̇и. ‘‘маалааг̇ун̣зхи бана б̣ахуухиби гад̇ам̣ бубпад̣̇аамам̣ лабхид̇ваа аасанамад̇т̇агаад̣̇ийсу б̣анд̇хид̇ум̣ ваддад̇ий’’д̇и вуд̇д̇ад̇д̇аа бубпад̣̇аамабубпаавалийнам̣ бубпарахид̇ааяа суд̇д̇агодияаа раж̇ж̇уд̣̇ан̣д̣аад̣̇ийсу б̣анд̇хид̇ум̣ ваддад̇и.

    Dīghapupphāvaliṃ nāgadantesu pakkhipitvā puna pakkhipituṃ na vaṭṭati. ‘‘Nāgadantesu pana pupphavalayaṃ pavesetuṃ vaṭṭatī’’ti vuttattā aññehi valayaṃ katvā dinnapupphāvalivalayaṃ dhātukaraṇḍathupikāya pavesetuṃ vaṭṭati. ‘‘Mālāguṇehi pana bahūhipi kataṃ pupphadāmaṃ labhitvā āsanamatthakādīsu bandhituṃ vaṭṭatī’’ti vuttattā pupphadāmapupphāvalīnaṃ puppharahitāya suttakoṭiyā rajjudaṇḍādīsu bandhituṃ vaṭṭati.

    469. бубпаруубам̣ наама ‘‘г̇обпимабубпзхзва хад̇т̇иассаад̣̇ируубагаани гаронд̇и, д̇ааниби вааяимадтаанз д̇идтанд̇ий’’д̇и (баараа. адта. 2.431) вуд̇д̇ад̇д̇аа д̇ам̣д̇ам̣руубасан̣таанам̣ гад̇ваа бубпаавалияо нивзсзд̇ваа гарияамаанам̣ хад̇т̇иассаад̣̇ируубам̣. имасмим̣ адтагат̇аабаатз ‘‘д̇ааниби вааяимадтаанз д̇идтанд̇ий’’д̇и вуд̇д̇ад̇д̇аа жа ‘‘ан̃н̃зхи гад̇абарижчзд̣̇з бана бубпаани табзнд̇зна хад̇т̇иассаад̣̇ируубагамби гаад̇ум̣ ваддад̇ий’’д̇и (баараа. адта. 2.431) адтагат̇аабаатасса саарад̇т̇ад̣̇ийбанияам̣ ‘‘бубпаани табзнд̇знаад̇и аг̇ант̇ид̇аани баагад̇игабубпаани табзнд̇зна. бубпад̣̇аамам̣ бана бууж̇анад̇т̇ааяа бхуумияам̣ табзнд̇зна пусаабзд̇ваа ваа апусаабзд̇ваа ваа д̣̇иг̇ун̣ам̣ гад̇ваа табзд̇ум̣ на ваддад̇ий’’д̇и (саарад̇т̇а. дий. 2.431) вуд̇д̇ад̇д̇аа жа имам̣ хад̇т̇иаад̣̇ируубам̣ буурзнд̇зна маалаавалим̣ ан̃н̃зхи гад̇абарижчзд̣̇з самб̣анд̇хид̇ваа баасаан̣ааасанаман̃жабийтахад̇т̇ируубаад̣̇имад̇т̇агз табзд̇ваа бууж̇анаббагааро вааяиманд̇и вин̃н̃ааяад̇и.

    469.Puppharūpaṃ nāma ‘‘gopphimapuppheheva hatthiassādirūpakāni karonti, tānipi vāyimaṭṭhāne tiṭṭhantī’’ti (pārā. aṭṭha. 2.431) vuttattā taṃtaṃrūpasaṇṭhānaṃ katvā pupphāvaliyo nivesetvā kariyamānaṃ hatthiassādirūpaṃ. Imasmiṃ aṭṭhakathāpāṭhe ‘‘tānipi vāyimaṭṭhāne tiṭṭhantī’’ti vuttattā ca ‘‘aññehi kataparicchede pana pupphāni ṭhapentena hatthiassādirūpakampi kātuṃ vaṭṭatī’’ti (pārā. aṭṭha. 2.431) aṭṭhakathāpāṭhassa sāratthadīpaniyaṃ ‘‘pupphāni ṭhapentenāti aganthitāni pākatikapupphāni ṭhapentena. Pupphadāmaṃ pana pūjanatthāya bhūmiyaṃ ṭhapentena phusāpetvā vā aphusāpetvā vā diguṇaṃ katvā ṭhapetuṃ na vaṭṭatī’’ti (sārattha. ṭī. 2.431) vuttattā ca imaṃ hatthiādirūpaṃ pūrentena mālāvaliṃ aññehi kataparicchede sambandhitvā pāsāṇaāsanamañcapīṭhahatthirūpādimatthake ṭhapetvā pūjanappakāro vāyimanti viññāyati.

    бубпабаданд̇и буб̣б̣з вуд̇д̇аббагаарам̣ бубпабадам̣ буурзнд̇зна згааби бубпаавали баривад̇д̇зд̇ваа на табзд̇аб̣б̣аа, вааяанд̇зна ан̃н̃зхи буурид̇зби згааби бубпаавали на баад̇зд̇аб̣б̣аа, ид̣̇ам̣ бууримавааяимаанам̣ наанаагаран̣ам̣. аад̣̇иг̇г̇ахан̣зна бубпаж̇аалам̣ сан̇г̇ан̣хаад̇и, д̇ам̣ гаронд̇асса ж̇аалажчид̣̇д̣̇аг̇ан̣анааяа д̣̇уггадам̣ ход̇и. ‘‘бхид̇д̇ижчад̇д̇аб̣од̇хид̇т̇амбхаад̣̇ийсуби зсзва наяо’’д̇и вуд̇д̇ад̇д̇аа чад̇д̇аад̣̇ийсу жа бубпаж̇аалам̣ на д̣̇аад̇аб̣б̣ам̣.

    Pupphapaṭanti pubbe vuttappakāraṃ pupphapaṭaṃ pūrentena ekāpi pupphāvali parivattetvā na ṭhapetabbā, vāyantena aññehi pūritepi ekāpi pupphāvali na pātetabbā, idaṃ pūrimavāyimānaṃ nānākaraṇaṃ. Ādiggahaṇena pupphajālaṃ saṅgaṇhāti, taṃ karontassa jālacchiddagaṇanāya dukkaṭaṃ hoti. ‘‘Bhitticchattabodhitthambhādīsupi eseva nayo’’ti vuttattā chattādīsu ca pupphajālaṃ na dātabbaṃ.

    470. имасса сигкаабад̣̇асса саад̇хааран̣ад̇д̇аа ‘‘бхигкуунам̣ бхигкунийнан̃жаа’’д̇и ааха. б̣уд̣̇д̇хассабийд̇и зд̇т̇а би-сад̣̇д̣̇о самбхааванз, ‘‘бууж̇ад̇т̇а’’нд̇и вад̇д̇аб̣б̣ам̣, б̣уд̣̇д̇хасса бууж̇ад̇т̇ааяаби гаад̇ум̣ ваа гаараабзд̇ум̣ ваа на ваддад̇ийд̇и ад̇т̇о. д̇хаммасан̇гхарад̇анааниби убалагкан̣ад̇о сан̇г̇аяханд̇и. сзсз гимзва вад̇д̇аб̣б̣анд̇и б̣яад̇ирзгад̇т̇о.

    470. Imassa sikkhāpadassa sādhāraṇattā ‘‘bhikkhūnaṃ bhikkhunīnañcā’’ti āha. Buddhassapīti ettha pi-saddo sambhāvane, ‘‘pūjattha’’nti vattabbaṃ, buddhassa pūjatthāyapi kātuṃ vā kārāpetuṃ vā na vaṭṭatīti attho. Dhammasaṅgharatanānipi upalakkhaṇato saṅgayhanti. Sese kimeva vattabbanti byatirekattho.

    471. ‘‘д̇ат̇аа’’д̇и иминаа ‘‘саяам̣ барзхи ваа гаараабзд̇ум̣ бхигкуунан̃жа бхигкунийнан̃жа б̣уд̣̇д̇хассабий’’д̇и ананд̇араг̇аат̇ааяа вуд̇д̇амад̇ид̣̇исад̇и. галамб̣аганд̇и д̣̇виннам̣ д̇ханугаанаманд̇арз оламб̣агад̣̇аамам̣. яат̇ааха адтагат̇ааяам̣ ‘‘галамб̣агод̇и ад̣дхажанд̣̇анааг̇ад̣̇анд̇анд̇арз гхадигаад̣̇аамаоламб̣аго вуд̇д̇о’’д̇и (баараа. адта. 2.431). зд̇т̇а жа гхадигаад̣̇аамаоламб̣аго наама анд̇з гхадигаагаараяуд̇д̇о яамагад̣̇аамаоламб̣аго. гаад̇унд̇и б̣анд̇хид̇ум̣ на ваддад̇ийд̇и яож̇анаа. згзгабубпад̣̇аамам̣ бана нигканд̇асуд̇д̇агодияаа баб̣анд̇хид̇ваа оламб̣ид̇ум̣ ваддад̇и. бубпад̣̇аамад̣̇ваяам̣ сан̇гхадид̇угаамзнаби нигканд̇асуд̇д̇агодияаава суд̇д̇агоди сан̇гхадид̇ум̣ ваддад̇и. ад̣дхажанд̣̇агамзва ваад̇и ‘‘ад̣дхажанд̣̇аагаарзна маалааг̇ун̣абаригкзбо’’д̇и адтагат̇ааяа вуд̇д̇асаруубам̣ ваа.

    471.‘‘Tathā’’ti iminā ‘‘sayaṃ parehi vā kārāpetuṃ bhikkhūnañca bhikkhunīnañca buddhassapī’’ti anantaragāthāya vuttamatidisati. Kalambakanti dvinnaṃ dhanukānamantare olambakadāmaṃ. Yathāha aṭṭhakathāyaṃ ‘‘kalambakoti aḍḍhacandanāgadantantare ghaṭikādāmaolambako vutto’’ti (pārā. aṭṭha. 2.431). Ettha ca ghaṭikādāmaolambako nāma ante ghaṭikākārayutto yamakadāmaolambako. Kātunti bandhituṃ na vaṭṭatīti yojanā. Ekekapupphadāmaṃ pana nikkhantasuttakoṭiyā pabandhitvā olambituṃ vaṭṭati. Pupphadāmadvayaṃ saṅghaṭitukāmenapi nikkhantasuttakoṭiyāva suttakoṭi saṅghaṭituṃ vaṭṭati. Aḍḍhacandakameva vāti ‘‘aḍḍhacandākārena mālāguṇaparikkhepo’’ti aṭṭhakathāya vuttasarūpaṃ vā.

    зд̇т̇а жа ад̣дхажанд̣̇аагаарзна маалааг̇ун̣абаригкзбо наама ад̣дхажанд̣̇аагаарзна маалааг̇ун̣асса бунаббунам̣ харан̣абажжаахаран̣авасзна буурзд̇ваа баригкибанам̣. д̇знзва д̇ам̣ бууримз бавидтам̣. д̇асмаа зд̇амби ад̣дхажанд̣̇аагаарам̣ бунаббунам̣ харан̣абажжаахаран̣авасзна буурид̇ам̣ на ваддад̇и, згаваарам̣ бана ад̣дхажанд̣̇аагаарзна маалааг̇ун̣ам̣ харид̇ум̣ ваддад̇ийд̇и вад̣̇анд̇и. гаад̇ум̣ на ваддад̇ийд̇и самб̣анд̇хо. ‘‘д̇ад̣̇убхаяамби бууримзязва бавидта’’нд̇и (баараа. адта. 2.431) адтагат̇ааяам̣ вуд̇д̇ам̣. ан̃н̃зхи буурид̇анд̇и ан̃н̃зхи ааяад̇ам̣ басаарзд̇ваа буурид̇ам̣ бубпабадам̣. вааяид̇умби жаад̇и д̇ирияам̣ згабубпаавалимби вааяид̇ум̣ ‘‘на ваддад̇ий’’д̇и иминаава самб̣анд̇хо.

    Ettha ca aḍḍhacandākārena mālāguṇaparikkhepo nāma aḍḍhacandākārena mālāguṇassa punappunaṃ haraṇapaccāharaṇavasena pūretvā parikkhipanaṃ. Teneva taṃ pūrime paviṭṭhaṃ. Tasmā etampi aḍḍhacandākāraṃ punappunaṃ haraṇapaccāharaṇavasena pūritaṃ na vaṭṭati, ekavāraṃ pana aḍḍhacandākārena mālāguṇaṃ harituṃ vaṭṭatīti vadanti. Kātuṃ na vaṭṭatīti sambandho. ‘‘Tadubhayampi pūrimeyeva paviṭṭha’’nti (pārā. aṭṭha. 2.431) aṭṭhakathāyaṃ vuttaṃ. Aññehi pūritanti aññehi āyataṃ pasāretvā pūritaṃ pupphapaṭaṃ. Vāyitumpi cāti tiriyaṃ ekapupphāvalimpi vāyituṃ ‘‘na vaṭṭatī’’ti imināva sambandho.

    472. бидтагаажамаяанд̇и д̇ан̣д̣улабидтаад̣̇ийхи гад̇ан̃жзва гаажамад̇д̇игааяа жа гад̇ам̣ бубпад̣̇аамам̣. бхзн̣д̣убубпамаяамби жаад̇и бхзн̣д̣уд̣̇ан̣д̣агзхи маллигаасуманажамбагаад̣̇исад̣̇исам̣ гад̇ваа чид̣̇д̣̇зхи гад̇ад̣̇ааман̃жа. ‘‘г̇зн̣д̣убубпамаяа’’нд̇иби ликанд̇и. карабад̇д̇амаяанд̇и зд̇т̇а карабад̇д̇ам̣ наама гун̇гудтакажид̇ам̣ бубпабаданд̇и вад̣̇анд̇и. гаад̇унд̇и г̇ант̇анаг̇ант̇аабанаад̣̇ийни гаад̇ум̣. бхзн̣д̣укарабад̇д̇ад̣̇аамаанам̣ бадигкид̇д̇ад̇д̇аа жзлаад̣̇ийхи гад̇ад̣̇аамамби на ваддад̇и агаббияаануломад̇д̇аад̇и вад̣̇анд̇и.

    472.Piṭṭhakācamayanti taṇḍulapiṭṭhādīhi katañceva kācamattikāya ca kataṃ pupphadāmaṃ. Bheṇḍupupphamayampi cāti bheṇḍudaṇḍakehi mallikāsumanacampakādisadisaṃ katvā chiddehi katadāmañca. ‘‘Geṇḍupupphamaya’’ntipi likhanti. Kharapattamayanti ettha kharapattaṃ nāma kuṅkuṭṭhakhacitaṃ pupphapaṭanti vadanti. Kātunti ganthanaganthāpanādīni kātuṃ. Bheṇḍukharapattadāmānaṃ paṭikkhittattā celādīhi katadāmampi na vaṭṭati akappiyānulomattāti vadanti.

    473. хийраад̣̇ийхийд̇и д̇ааланаал̣игзрахийраад̣̇ийхи. аад̣̇и-сад̣̇д̣̇зна д̇ин̣асалаагаад̣̇им̣ сан̇г̇ан̣хаад̇и. бадаагад̇т̇анд̇и бадаагаагаарзна бууж̇анад̇т̇ам̣. ‘‘виж̇жханд̇ассаа’’д̇и иминаа ган̣дагзхи виж̇жханам̣, хийраад̣̇ийхи аавун̣анан̃жа сан̇г̇ахид̇ам̣.

    473.Hīrādīhīti tālanāḷikerahīrādīhi. Ādi-saddena tiṇasalākādiṃ saṅgaṇhāti. Paṭākatthanti paṭākākārena pūjanatthaṃ. ‘‘Vijjhantassā’’ti iminā kaṇṭakehi vijjhanaṃ, hīrādīhi āvuṇanañca saṅgahitaṃ.

    475. асогабин̣д̣иаад̣̇ийнанд̇и асогабубпаман̃ж̇аригаад̣̇ийнам̣. аад̣̇и-сад̣̇д̣̇зна адтагат̇ааяам̣ (баараа. адта. 2.431) зд̇зхзва сад̣̇д̇хим̣ д̣̇ассид̇ам̣ ж̇аалавид̇аанам̣, чид̣̇д̣̇аани д̣̇ассзд̇ваа гад̇авзд̣̇игаа, нааг̇ад̣̇анд̇агам̣, бубпажан̇годагаабид̇хаанам̣, д̇аалабан̣н̣авалаяаад̣̇ин̃жа сан̇г̇ан̣хаад̇и. д̇хаммараж̇ж̇уяаад̇и зд̇т̇а саарад̇т̇ад̣̇ийбанияам̣ ‘‘д̇хаммараж̇ж̇у наама жзд̇ияам̣ ваа б̣од̇хим̣ ваа бубпабавзсанад̇т̇а ааваж̇ж̇ид̇ваа б̣ад̣̇д̇хараж̇ж̇уу’д̇и махааг̇ан̣тибад̣̇з, маж̇жхимаг̇ан̣тибад̣̇з жа вуд̇д̇ам̣, д̇асмаа д̇ат̇аа б̣ад̣̇д̇хааяа раж̇ж̇уяаа жзд̇ияасса жа анд̇арз бубпаани бавзсзд̇ум̣ ваддад̇ийд̇и вин̃н̃ааяад̇и. г̇ан̣тибад̣̇з бана ‘д̇хаммараж̇ж̇унд̇и сит̇илаваддид̇ам̣ раж̇ж̇ум̣ гад̇ваа б̣од̇хим̣ ваа жзд̇ияам̣ ваа баригкибид̇ваа д̇хаммаасанз ваа ламб̣ид̇ваа д̇ад̇т̇а бубпаани бавзсзнд̇ий’д̇и вуд̇д̇ам̣, д̇асмаа сит̇илаваддид̇ааяа раж̇ж̇уяаа анд̇арзби бубпаани бавзсзд̇ум̣ ваддад̇ийд̇и вин̃н̃ааяад̇и, виймам̣сид̇ваа яуд̇д̇ад̇арам̣ г̇ахзд̇аб̣б̣ам̣. убхаяад̇т̇ааби банзд̇т̇а нзвад̇т̇и вирод̇ход̇и амхаагам̣ канд̇ий’’д̇и (саарад̇т̇а. дий. 2.431) ликид̇ам̣.

    475.Asokapiṇḍiādīnanti asokapupphamañjarikādīnaṃ. Ādi-saddena aṭṭhakathāyaṃ (pārā. aṭṭha. 2.431) eteheva saddhiṃ dassitaṃ jālavitānaṃ, chiddāni dassetvā katavedikā, nāgadantakaṃ, pupphacaṅkoṭakāpidhānaṃ, tālapaṇṇavalayādiñca saṅgaṇhāti. Dhammarajjuyāti ettha sāratthadīpaniyaṃ ‘‘dhammarajju nāma cetiyaṃ vā bodhiṃ vā pupphapavesanattha āvajjitvā baddharajjū’ti mahāgaṇṭhipade, majjhimagaṇṭhipade ca vuttaṃ, tasmā tathā baddhāya rajjuyā cetiyassa ca antare pupphāni pavesetuṃ vaṭṭatīti viññāyati. Gaṇṭhipade pana ‘dhammarajjunti sithilavaṭṭitaṃ rajjuṃ katvā bodhiṃ vā cetiyaṃ vā parikkhipitvā dhammāsane vā lambitvā tattha pupphāni pavesentī’ti vuttaṃ, tasmā sithilavaṭṭitāya rajjuyā antarepi pupphāni pavesetuṃ vaṭṭatīti viññāyati, vīmaṃsitvā yuttataraṃ gahetabbaṃ. Ubhayatthāpi panettha nevatthi virodhoti amhākaṃ khantī’’ti (sārattha. ṭī. 2.431) likhitaṃ.

    476. виж̇жханд̇ассабийд̇и би-сад̣̇д̣̇зна д̇хаммаасанавид̇аанаад̣̇ийсу бубпабууж̇анад̇т̇ам̣ саяам̣ ган̣дагахийраад̣̇иббавзсанам̣ сан̇г̇ан̣хаад̇и. ‘‘вид̇аанаад̣̇ийсу бубпабууж̇анад̇т̇ам̣ ган̣дагахийраад̣̇иббавзсанам̣ на ваддад̇ий’д̇и ид̣̇ам̣ адтагат̇аажарияаббамаан̣ад̇о г̇ахзд̇аб̣б̣а’’нд̇и саарад̇т̇ад̣̇ийбанияам̣ вуд̇д̇ам̣.

    476.Vijjhantassapīti pi-saddena dhammāsanavitānādīsu pupphapūjanatthaṃ sayaṃ kaṇṭakahīrādippavesanaṃ saṅgaṇhāti. ‘‘Vitānādīsu pupphapūjanatthaṃ kaṇṭakahīrādippavesanaṃ na vaṭṭatī’ti idaṃ aṭṭhakathācariyappamāṇato gahetabba’’nti sāratthadīpaniyaṃ vuttaṃ.

    477. габбияаважанам̣ наама ‘‘звам̣ ж̇аана, звам̣ гад̇з собхзяяа, яат̇аа зд̇аани бубпаани на вигирияанд̇и, д̇ат̇аа гарохий’’д̇иаад̣̇и (баараа. адта. 2.431) адтагат̇ааг̇ад̇ам̣ габбияаважанам̣. вад̇т̇убууж̇анзд̇и рад̇анад̇д̇аяабууж̇анз. нимид̇д̇аад̣̇ийсу нимид̇д̇ам̣ наама бубпаани жа г̇ант̇анаваагз жа г̇ахзд̇ваа г̇ант̇ид̇ум̣ ж̇аананд̇аанам̣ самийбз табанам̣. обхаасо наама ‘‘д̇умхзхи бил̣анд̇хид̇агусумаани гасмаа на вигиранд̇ий’’д̇и вуд̇д̇з ‘‘г̇ант̇ид̇ад̇д̇аа’’д̇и жз вад̣̇ад̇и, нану бууж̇анагабубпаани г̇ант̇ид̇ум̣ на ваддад̇ийд̇иаад̣̇иважанаани. барияааяо наама бан̣д̣ид̇зхи бубпаани яат̇аа на вигирияанд̇и, д̇ат̇аа г̇ант̇ид̇ваа бууж̇зд̇ум̣ манаабанд̇иаад̣̇иважанам̣. багаасид̇аа адтагат̇ааяам̣.

    477.Kappiyavacanaṃ nāma ‘‘evaṃ jāna, evaṃ kate sobheyya, yathā etāni pupphāni na vikiriyanti, tathā karohī’’tiādi (pārā. aṭṭha. 2.431) aṭṭhakathāgataṃ kappiyavacanaṃ. Vatthupūjaneti ratanattayapūjane. Nimittādīsu nimittaṃ nāma pupphāni ca ganthanavāke ca gahetvā ganthituṃ jānantānaṃ samīpe ṭhapanaṃ. Obhāso nāma ‘‘tumhehi piḷandhitakusumāni kasmā na vikirantī’’ti vutte ‘‘ganthitattā’’ti ce vadati, nanu pūjanakapupphāni ganthituṃ na vaṭṭatītiādivacanāni. Pariyāyo nāma paṇḍitehi pupphāni yathā na vikiriyanti, tathā ganthitvā pūjetuṃ manāpantiādivacanaṃ. Pakāsitā aṭṭhakathāyaṃ.

    478. ‘‘гулаани д̣̇уусзд̇и бубпзна ваа’’д̇иаад̣̇ибаатз (баараа. 437) ‘‘взж̇ж̇игааяа ваа ж̇ан̇гхабзсанигзна ваа’’д̇и (баараа. 437) вуд̇д̇ам̣ взж̇ж̇агаммаад̣̇им̣ гулад̣̇уусанад̇о висум̣ гад̇ваа ‘‘на гзвалам̣…бз… гуд̣̇аажана’’нд̇и гасмаа вуд̇д̇анд̇и? висум̣ гаад̇ум̣ на вуд̇д̇ам̣. яож̇анаа банзд̇т̇а звам̣ взд̣̇ид̇аб̣б̣аа ‘‘на гзваламид̣̇амзва вуд̇д̇аббагаарам̣ бубпад̣̇аанаад̣̇игулад̣̇уусанам̣ гуд̣̇аажанам̣ агад̇д̇аб̣б̣ам̣, ат̇а ко взж̇ж̇агаммаад̣̇и гулад̣̇уусанамби гуд̣̇аажанам̣ на гад̇д̇аб̣б̣а’’нд̇и. взж̇ж̇агаммаад̣̇ийд̇и зд̇т̇а аад̣̇и-сад̣̇д̣̇зна вагкамаанабарид̇д̇од̣̇агасуд̇д̇ад̣̇аанаанаамадтабин̣д̣ад̣̇аанад̣̇ууд̇зяяаж̇ан̇гхабзсанигз сан̇г̇ан̣хаад̇и.

    478. ‘‘Kulāni dūseti pupphena vā’’tiādipāṭhe (pārā. 437) ‘‘vejjikāya vā jaṅghapesanikena vā’’ti (pārā. 437) vuttaṃ vejjakammādiṃ kuladūsanato visuṃ katvā ‘‘na kevalaṃ…pe… kudācana’’nti kasmā vuttanti? Visuṃ kātuṃ na vuttaṃ. Yojanā panettha evaṃ veditabbā ‘‘na kevalamidameva vuttappakāraṃ pupphadānādikuladūsanaṃ kudācanaṃ akattabbaṃ, atha kho vejjakammādi kuladūsanampi kudācanaṃ na kattabba’’nti. Vejjakammādīti ettha ādi-saddena vakkhamānaparittodakasuttadānaanāmaṭṭhapiṇḍadānadūteyyajaṅghapesanike saṅgaṇhāti.

    479. ‘‘гуд̣̇аажанам̣ на гад̇д̇аб̣б̣а’’нд̇и сааман̃н̃зна нисзд̇хзд̇ваа ид̣̇аани ‘‘гад̇д̇аб̣б̣а’’мижжаад̣̇инаа абаваад̣̇авид̇хим̣ д̣̇ассзд̇и. бан̃жаннам̣ сахад̇хамминанд̇и бхигкубхигкунисигкамаанасааман̣зрасааман̣зрийнам̣ бан̃жаннам̣ саха сад̣̇д̇хим̣ жарид̇аб̣б̣о баб̣б̣аж̇ж̇аасаасанад̇хаммо зд̇зсам̣ ад̇т̇ийд̇и ‘‘сахад̇хаммигаа’’д̇и сан̇кам̣ г̇ад̇аанам̣. агад̇авин̃н̃ад̇д̇им̣ гад̇ваабийд̇и ан̃н̃аад̇агааббаваарид̇з бхзсаж̇ж̇ам̣ яаажид̇вааби ‘‘вад̣̇зяяаат̇а бханд̇з язнад̇т̇о’’д̇и звам̣ агад̇адтаанз вин̃н̃ад̇д̇и агад̇авин̃н̃ад̇д̇и. ад̇д̇ано д̇ханзд̇и сасанд̇агависаяз.

    479. ‘‘Kudācanaṃ na kattabba’’nti sāmaññena nisedhetvā idāni ‘‘kattabba’’miccādinā apavādavidhiṃ dasseti. Pañcannaṃ sahadhamminanti bhikkhubhikkhunisikkhamānasāmaṇerasāmaṇerīnaṃ pañcannaṃ saha saddhiṃ caritabbo pabbajjāsāsanadhammo etesaṃ atthīti ‘‘sahadhammikā’’ti saṅkhaṃ gatānaṃ. Akataviññattiṃ katvāpīti aññātakaappavārite bhesajjaṃ yācitvāpi ‘‘vadeyyātha bhante yenattho’’ti evaṃ akataṭṭhāne viññatti akataviññatti. Attano dhaneti sasantakavisaye.

    480. ‘‘д̇ат̇аа’’д̇и сахад̇хаммигаанам̣ вуд̇д̇амад̇ид̣̇исад̇и. д̇ад̣̇убадтаагаж̇анд̇унод̇и д̇зсам̣ д̣̇виннам̣ маад̇аабид̇уунам̣ взяяааважжагарасса. бхан̣д̣угассаад̇и г̇ихилин̇г̇з тид̇ассааби баб̣б̣аж̇ж̇аабзгкасса. ад̇д̇ано взяяааважжагарассабийд̇и ад̇д̇ано гаммагарассаби. зд̇д̇агаанан̃жа ж̇анаанам̣ бан̃жасахад̇хаммигаанам̣ вияа агад̇авин̃н̃ад̇д̇ияааби бхзсаж̇ж̇ам̣ гаад̇аб̣б̣анд̇и вуд̇д̇ам̣ ход̇и.

    480.‘‘Tathā’’ti sahadhammikānaṃ vuttamatidisati. Tadupaṭṭhākajantunoti tesaṃ dvinnaṃ mātāpitūnaṃ veyyāvaccakarassa. Bhaṇḍukassāti gihiliṅge ṭhitassāpi pabbajjāpekkhassa. Attano veyyāvaccakarassapīti attano kammakarassapi. Ettakānañca janānaṃ pañcasahadhammikānaṃ viya akataviññattiyāpi bhesajjaṃ kātabbanti vuttaṃ hoti.

    481. ж̇здтабхаад̇аад̇и ад̇д̇ано буб̣б̣аж̇о бхаад̇аа. ганидтод̇и ануж̇о бхаад̇аа. д̇ат̇аа бхаг̇инияо д̣̇увзд̇и ж̇здтаганидтаа д̣̇вз бхаг̇инияо. жуул̣амаад̇аад̇и маад̇у ганидтаа. жуул̣абид̇аад̇и бид̇у ганидто. махаамаад̇аад̇и маад̇у ж̇здтаа. махаабид̇аа бид̇у ж̇здтабхаад̇аа.

    481.Jeṭṭhabhātāti attano pubbajo bhātā. Kaniṭṭhoti anujo bhātā. Tathā bhaginiyo duveti jeṭṭhakaniṭṭhā dve bhaginiyo. Cūḷamātāti mātu kaniṭṭhā. Cūḷapitāti pitu kaniṭṭho. Mahāmātāti mātu jeṭṭhā. Mahāpitā pitu jeṭṭhabhātā.

    482. бид̇ужчаад̇и бид̇убхаг̇иний ж̇здтаганидтаа. маад̇улод̇и маад̇у бхаад̇аа. ж̇здтаганидтз д̣̇вз бид̇ужчаа , д̣̇вз маад̇улз жа згад̇о гад̇ваа ‘‘д̣̇асаа’’д̇и вуд̇д̇ам̣. бхзсаж̇ж̇ам̣ гаад̇ум̣ ваддад̇ийд̇и самб̣анд̇хо.

    482.Pitucchāti pitubhaginī jeṭṭhakaniṭṭhā. Mātuloti mātu bhātā. Jeṭṭhakaniṭṭhe dve pitucchā , dve mātule ca ekato katvā ‘‘dasā’’ti vuttaṃ. Bhesajjaṃ kātuṃ vaṭṭatīti sambandho.

    484. ‘‘д̣̇ассанд̇и мз имз’’д̇и аабхог̇ам̣ гад̇ваа ваа д̣̇аад̇аб̣б̣анд̇и яож̇анаа.

    484. ‘‘Dassanti me ime’’ti ābhogaṃ katvā vā dātabbanti yojanā.

    485. зд̇зсам̣ д̣̇асаннам̣ н̃аад̇ийнам̣. яаава сад̇д̇амаа гулаад̇и зд̇т̇а гулабарижчзд̣̇о гат̇ам̣ г̇ахзд̇аб̣б̣од̇и? ‘‘сабуд̇д̇ад̣̇аарам̣ бхаад̇у гудумб̣ам̣ згам̣ гулам̣, звам̣ д̇асса буд̇д̇асса ваа д̇хийд̇у ваа гудумб̣ам̣ згам̣ гула’’нд̇и звамаад̣̇инаа наязна яаава сад̇д̇амаа гулабариваддаа г̇ахзд̇аб̣б̣аа. ‘‘сабуд̇д̇абад̇ибхаг̇инияаа гудумб̣ам̣ згам̣ гулам̣, д̇ат̇аа д̇асса буд̇д̇асса ваа д̇хийд̇у ваа гудумб̣ам̣ згам̣ гула’’нд̇иаад̣̇инаа наязна яаава сад̇д̇амаа гулабариваддаа г̇ахзд̇аб̣б̣аа. жуул̣амаад̇аад̣̇ийнамби гулабарамбараа иминаа нияаамзна г̇ахзд̇аб̣б̣аад̇и вад̣̇анд̇и. гулад̣̇уусанам̣ на руухад̇ийд̇и ‘‘д̣̇аад̇ум̣ бубпам̣ банан̃н̃асса, ааг̇ад̇ассзва н̃аад̇ино’’д̇иаад̣̇инаа (ви. ви. 443) наязна гат̇ид̇авид̇хинаа зд̇зсу бавад̇д̇анд̇асса гулад̣̇уусанам̣ на рухад̇ийд̇и вуд̇д̇ам̣ ход̇и.

    485.Etesaṃ dasannaṃ ñātīnaṃ. Yāva sattamā kulāti ettha kulaparicchedo kathaṃ gahetabboti? ‘‘Saputtadāraṃ bhātu kuṭumbaṃ ekaṃ kulaṃ, evaṃ tassa puttassa vā dhītu vā kuṭumbaṃ ekaṃ kula’’nti evamādinā nayena yāva sattamā kulaparivaṭṭā gahetabbā. ‘‘Saputtapatibhaginiyā kuṭumbaṃ ekaṃ kulaṃ, tathā tassa puttassa vā dhītu vā kuṭumbaṃ ekaṃ kula’’ntiādinā nayena yāva sattamā kulaparivaṭṭā gahetabbā. Cūḷamātādīnampi kulaparamparā iminā niyāmena gahetabbāti vadanti. Kuladūsanaṃ na rūhatīti ‘‘dātuṃ pupphaṃ panaññassa, āgatasseva ñātino’’tiādinā (vi. vi. 443) nayena kathitavidhinā etesu pavattantassa kuladūsanaṃ na ruhatīti vuttaṃ hoti.

    486. бхаад̇уж̇ааяаад̇и ад̇д̇ано ж̇здтасса ваа ганидтасса ваа бхаад̇у бхарияаа. бхаг̇инисаамигод̇и ад̇д̇ано ж̇здтааяа ваа ганидтааяа ваа бхаг̇инияаа саамиго.

    486.Bhātujāyāti attano jeṭṭhassa vā kaniṭṭhassa vā bhātu bhariyā. Bhaginisāmikoti attano jeṭṭhāya vā kaniṭṭhāya vā bhaginiyā sāmiko.

    487. бхаад̇унод̇и ж̇здтасса, ганидтасса жа бхаад̇уно. ану бажчаа ж̇аад̇аад̇и ануж̇аа, ганидтабхаг̇иний. ‘‘ануж̇аа’’д̇и убалагкан̣анд̇и ж̇здтааяаби сан̇г̇ахо. ж̇здтаганидтабхаад̇уунам̣ бхарияаа жа ж̇здтаганидтабхаг̇инийнам̣ саамигаа жа сажз ан̃н̃аад̇агаа хонд̇ийд̇и яож̇анаа. д̣̇зт̇аад̇и зд̇т̇а ‘‘имам̣ бхзсаж̇ж̇а’’нд̇и баатасзсо.

    487.Bhātunoti jeṭṭhassa, kaniṭṭhassa ca bhātuno. Anu pacchā jātāti anujā, kaniṭṭhabhaginī. ‘‘Anujā’’ti upalakkhaṇanti jeṭṭhāyapi saṅgaho. Jeṭṭhakaniṭṭhabhātūnaṃ bhariyā ca jeṭṭhakaniṭṭhabhaginīnaṃ sāmikā ca sace aññātakā hontīti yojanā. Dethāti ettha ‘‘imaṃ bhesajja’’nti pāṭhaseso.

    488. д̇зсамби бхаад̇убхаг̇инийнам̣. ‘‘буд̇д̇аана’’нд̇и иминаа д̇хийд̇уунамби сан̇г̇ахо. гад̇ваад̇и вад̇ваа. д̇умхаагам̣ маад̇аабид̇уунам̣ д̣̇зт̇аад̇и зд̇т̇ааби ‘‘имам̣ бхзсаж̇ж̇а’’нд̇и багаран̣ад̇о лаб̣бхад̇и. маад̇аабид̇уунанд̇и убхаяасан̇г̇аахагаважанад̇о ‘‘д̇уяхам̣ маад̇у ваа, д̇уяхам̣ бид̇у ваа’’д̇и яат̇аасамбхавам̣ висум̣ висун̃жа вад̇д̇аб̣б̣ам̣. д̇зсанд̇и жа д̇умхааганд̇и жа саамиважанам̣. буд̇д̇аананд̇и жа маад̇аабид̇уунанд̇и жа самбад̣̇аанаважанам̣.

    488.Tesampi bhātubhaginīnaṃ. ‘‘Puttāna’’nti iminā dhītūnampi saṅgaho. Katvāti vatvā. Tumhākaṃ mātāpitūnaṃ dethāti etthāpi ‘‘imaṃ bhesajja’’nti pakaraṇato labbhati. Mātāpitūnanti ubhayasaṅgāhakavacanato ‘‘tuyhaṃ mātu vā, tuyhaṃ pitu vā’’ti yathāsambhavaṃ visuṃ visuñca vattabbaṃ. Tesanti ca tumhākanti ca sāmivacanaṃ. Puttānanti ca mātāpitūnanti ca sampadānavacanaṃ.

    489. бхзсаж̇ж̇агаран̣аарахаанам̣ вад̇д̇аб̣б̣ад̇ааяа ‘‘агаллаго’’д̇и ид̣̇ам̣ иссараад̣̇ибад̣̇зхи бажжзгам̣ яож̇зд̇аб̣б̣ам̣. агаллагод̇и аад̇уро. галлам̣ вужжад̇и сукам̣, д̇ам̣ зд̇асса ад̇т̇ийд̇и галлаго, на галлаго агаллаго. н̃аад̇иж̇ануж̇жхид̇о ваад̇и н̃аад̇иж̇анзна барижжад̇д̇о ваа.

    489. Bhesajjakaraṇārahānaṃ vattabbatāya ‘‘akallako’’ti idaṃ issarādipadehi paccekaṃ yojetabbaṃ. Akallakoti āturo. Kallaṃ vuccati sukhaṃ, taṃ etassa atthīti kallako, na kallako akallako. Ñātijanujjhito vāti ñātijanena pariccatto vā.

    490. зд̇зсам̣ саб̣б̣зсанд̇и иссараад̣̇иаад̇ураанам̣ саб̣б̣зсамзд̇зсам̣ ж̇анаанам̣. ‘‘саад̇хунаа’’д̇и вагкамаанад̇д̇аа абажжаасийсад̇аа сад̇аад̇и зд̇т̇а сад̇аад̇и гирияаабад̣̇ам̣. ‘‘имасмим̣ гад̇з имз маяхам̣ зваруубам̣ д̣̇ассанд̇ий’’д̇и ад̇д̇ано ад̇т̇ааяа бажжаасийсанам̣ агаронд̇знаад̇и ад̇т̇о. бхигкусан̇гхасса убагаарад̇ам̣ бажжаасийсанд̇зна гаад̇ум̣ ваддад̇и. бадисант̇аарод̇и аамисабадисант̇ааро, д̇хаммабадисант̇аарод̇и д̣̇увид̇хо бадисант̇ааро. зд̇т̇а аамисабадисант̇ааро г̇аяхад̇и. бхзсаж̇ж̇ам̣ аамисзнаби ход̇ийд̇и д̇хаммагат̇ааяа сан̇г̇ахоби яуж̇ж̇ад̇зва. бадисант̇аран̣ам̣ бадисант̇ааро. бадилад̣̇д̇хаамисасса жа д̇хаммасса жа д̇зсу жа ад̇д̇ани жа бад̇ируубзнаагаарзна самам̣ ад̇т̇аран̣ам̣ бавад̇д̇ананд̇и ад̇т̇о.

    490.Etesaṃ sabbesanti issarādiāturānaṃ sabbesametesaṃ janānaṃ. ‘‘Sādhunā’’ti vakkhamānattā apaccāsīsatā satāti ettha satāti kiriyāpadaṃ. ‘‘Imasmiṃ kate ime mayhaṃ evarūpaṃ dassantī’’ti attano atthāya paccāsīsanaṃ akarontenāti attho. Bhikkhusaṅghassa upakārataṃ paccāsīsantena kātuṃ vaṭṭati. Paṭisanthāroti āmisapaṭisanthāro, dhammapaṭisanthāroti duvidho paṭisanthāro. Ettha āmisapaṭisanthāro gayhati. Bhesajjaṃ āmisenapi hotīti dhammakathāya saṅgahopi yujjateva. Paṭisantharaṇaṃ paṭisanthāro. Paṭiladdhāmisassa ca dhammassa ca tesu ca attani ca patirūpenākārena samaṃ attharaṇaṃ pavattananti attho.

    абаро наяо – аамисасса жа д̇хаммасса жа алаабхзна ад̇д̇ано, барасса жа анд̇арз самбхаванд̇асса чид̣̇д̣̇асса виварасса бхзд̣̇асса бадисант̇аран̣ам̣ бид̣̇аханам̣ сан̇г̇ахан̣ам̣ бадисант̇ааро. аяан̃хи логасанниваасо алаб̣бхамаанзна аамисзна жа д̇хаммзна жаад̇и д̣̇вийхи чид̣̇д̣̇о, д̇асса д̇ам̣ чид̣̇д̣̇ам̣ яат̇аа на бан̃н̃ааяад̇и, звам̣ бийтасса вияа бажжад̇т̇аран̣зна аамисзна, д̇хаммзна жа бадисант̇аран̣ам̣ ‘‘аамисабадисант̇ааро, д̇хаммабадисант̇ааро’’д̇и вужжад̇ийд̇и. саад̇хунаад̇и саамийжиббадибаннад̇аад̣̇иарияад̇хаммз бад̇идтид̇угаамзна арияаажаарзна бхигкунаад̇и ад̇т̇о. ‘‘ад̇хунаа’’д̇и ид̣̇ам̣ имиссаа бадибад̇д̇ияаа саб̣б̣агаалам̣ бадибаж̇ж̇ид̇аб̣б̣ад̇ааяаби баабаж̇анаган̣хагасам̣г̇аамз имасмим̣ вибаннагаалз висзсзна аббамад̇д̇зна бавад̇д̇зд̇аб̣б̣анд̇и ад̇хиббааязна вуд̇д̇ам̣.

    Aparo nayo – āmisassa ca dhammassa ca alābhena attano, parassa ca antare sambhavantassa chiddassa vivarassa bhedassa paṭisantharaṇaṃ pidahanaṃ saṅgahaṇaṃ paṭisanthāro. Ayañhi lokasannivāso alabbhamānena āmisena ca dhammena cāti dvīhi chiddo, tassa taṃ chiddaṃ yathā na paññāyati, evaṃ pīṭhassa viya paccattharaṇena āmisena, dhammena ca paṭisantharaṇaṃ ‘‘āmisapaṭisanthāro, dhammapaṭisanthāro’’ti vuccatīti. Sādhunāti sāmīcippaṭipannatādiariyadhamme patiṭṭhitukāmena ariyācārena bhikkhunāti attho. ‘‘Adhunā’’ti idaṃ imissā paṭipattiyā sabbakālaṃ paṭipajjitabbatāyapi pāpajanakaṇhakasaṃgāme imasmiṃ vipannakāle visesena appamattena pavattetabbanti adhippāyena vuttaṃ.

    491-2. гзнажийд̇и убалагкан̣ад̇д̇аа убаасагзна ваа убаасигааяа ваад̇и ад̇т̇о. хад̇т̇знаад̇и хад̇т̇ааваяаваа ан̇г̇улияо вуд̇д̇аа самуд̣̇ааяз бавад̇д̇асса вохаарасса аваяавз бавад̇д̇анад̇о. гад̇ваад̇и зд̇т̇а ‘‘барид̇д̇а’’нд̇и баатасзсо, гарод̇исса гирияаасааман̃н̃з вад̇д̇анад̇о бхан̣ид̇ваад̇и ад̇т̇о. д̇зсамзва жа санд̇аганд̇и барид̇д̇ам̣ бхан̣аабзнд̇аанамзва санд̇агам̣ суд̇д̇од̣̇агам̣. звам̣ вуд̇д̇ад̇д̇аа ‘‘ад̇д̇ано суд̇д̇од̣̇агам̣ аахарид̇ваа бун̃н̃ад̇т̇ааяа ид̣̇ам̣ хад̇т̇зна жаалзд̇ваа, аамасид̇ваа ваа барид̇д̇ам̣ бхан̣ат̇аа’’д̇и вуд̇д̇з гзнажи барид̇д̇од̣̇агам̣ суд̇д̇ам̣ гаад̇аб̣б̣ам̣. гзнажи ‘‘барид̇д̇од̣̇агасуд̇д̇аани д̣̇зт̇аа’’д̇и вуд̇д̇з бхигкунаа д̇зсамзва санд̇агам̣ ж̇алам̣ хад̇т̇зна жаалзд̇ваа суд̇д̇агам̣ мад̣̇д̣̇ид̇ваа барид̇д̇ам̣ гад̇ваа д̣̇аад̇аб̣б̣анд̇и яож̇анаа.

    491-2.Kenacīti upalakkhaṇattā upāsakena vā upāsikāya vāti attho. Hatthenāti hatthāvayavā aṅguliyo vuttā samudāye pavattassa vohārassa avayave pavattanato. Katvāti ettha ‘‘paritta’’nti pāṭhaseso, karotissa kiriyāsāmaññe vattanato bhaṇitvāti attho. Tesameva ca santakanti parittaṃ bhaṇāpentānameva santakaṃ suttodakaṃ. Evaṃ vuttattā ‘‘attano suttodakaṃ āharitvā puññatthāya idaṃ hatthena cāletvā, āmasitvā vā parittaṃ bhaṇathā’’ti vutte kenaci parittodakaṃ suttaṃ kātabbaṃ. Kenaci ‘‘parittodakasuttāni dethā’’ti vutte bhikkhunā tesameva santakaṃ jalaṃ hatthena cāletvā suttakaṃ madditvā parittaṃ katvā dātabbanti yojanā.

    493. анаамадтобийд̇и хад̇т̇зна анаамасид̇оби, абаб̣б̣аж̇ид̇асса хад̇т̇ад̇о лад̣̇д̇хаа ад̇д̇анаа ваа ан̃н̃зна ваа бхигкунаа аг̇ахид̇аг̇г̇од̇и вуд̇д̇ам̣ ход̇и.

    493.Anāmaṭṭhopīti hatthena anāmasitopi, apabbajitassa hatthato laddhā attanā vā aññena vā bhikkhunā agahitaggoti vuttaṃ hoti.

    494. жорад̣̇аамаригасса жаад̇и г̇аамавилобагасса жорасса жа.

    494.Coradāmarikassa cāti gāmavilopakassa corassa ca.

    495. бан̣д̣убалаасассаад̇и баб̣б̣аж̇ж̇аабзгкасса бхан̣д̣угасса, бан̣д̣уван̣н̣о балаасо бан̣д̣убалаасо, со вияаад̇и бан̣д̣убалаасо, д̇ам̣сад̣̇исз д̇аб̣б̣охааро ‘‘сийхояам̣ маан̣аваго’’д̇иаад̣̇ийсу вияа. яат̇аа бан̣д̣убалаасо ругкаа бад̇анаабхимуко д̇идтад̇и нияад̇абаад̇о, звамаяамби г̇ихилин̇г̇ад̇о абаг̇амаабхимуко баб̣б̣аж̇ж̇уубаг̇аманз нияад̇ова д̇идтад̇ийд̇и ‘‘бан̣д̣убалаасасад̣̇исо’’д̇и взд̣̇ид̇аб̣б̣о.

    495.Paṇḍupalāsassāti pabbajjāpekkhassa bhaṇḍukassa, paṇḍuvaṇṇo palāso paṇḍupalāso, so viyāti paṇḍupalāso, taṃsadise tabbohāro ‘‘sīhoyaṃ māṇavako’’tiādīsu viya. Yathā paṇḍupalāso rukkhā patanābhimukho tiṭṭhati niyatapāto, evamayampi gihiliṅgato apagamābhimukho pabbajjūpagamane niyatova tiṭṭhatīti ‘‘paṇḍupalāsasadiso’’ti veditabbo.

    т̇аалагзби жаад̇и ад̇д̇ано барибхог̇ат̇аалагзби. ид̣̇ан̃жа нид̣̇ассанамад̇д̇ам̣, бад̇д̇оби г̇ахид̇оязваад̇и д̣̇адтаб̣б̣ам̣. табзд̇ваад̇и зд̇т̇а ‘‘бин̣д̣абаад̇а’’нд̇и убаяог̇авасзна самб̣анд̇ханийяам̣. д̇ам̣ банаад̇и ад̇д̇ано барибхог̇ат̇аалагз табзд̇ваа д̣̇ияяамаанам̣ бин̣д̣абаад̇ам̣. ‘‘маад̇аабид̇ууна’’нд̇и (баараа. адта. 2.436-437) адтагат̇ааважанад̇о зд̇т̇а ‘‘бид̇уно’’д̇и убалагкан̣анд̇и маад̇аабид̇уунамбийд̇и ад̇т̇о. сажз згасзсо ижчид̇о, ‘‘бид̇уунамбий’’д̇и баато яуж̇ж̇ад̇и.

    Thālakepi cāti attano paribhogathālakepi. Idañca nidassanamattaṃ, pattopi gahitoyevāti daṭṭhabbaṃ. Ṭhapetvāti ettha ‘‘piṇḍapāta’’nti upayogavasena sambandhanīyaṃ. Taṃ panāti attano paribhogathālake ṭhapetvā diyyamānaṃ piṇḍapātaṃ. ‘‘Mātāpitūna’’nti (pārā. aṭṭha. 2.436-437) aṭṭhakathāvacanato ettha ‘‘pituno’’ti upalakkhaṇanti mātāpitūnampīti attho. Sace ekaseso icchito, ‘‘pitūnampī’’ti pāṭho yujjati.

    496. ж̇ан̇гхабзсанияанд̇и г̇ихийнам̣ д̣̇ууд̇зяяасаасанахаран̣агаммам̣ ‘‘ж̇ан̇гхабзсанияа’’нд̇и вужжад̇и. аби жаад̇и вуд̇д̇асамужжаяо.

    496.Jaṅghapesaniyanti gihīnaṃ dūteyyasāsanaharaṇakammaṃ ‘‘jaṅghapesaniya’’nti vuccati. Api cāti vuttasamuccayo.

    497. зд̇д̇аавад̇аа сааман̃н̃авид̇хим̣ д̣̇ассзд̇ваа ид̣̇аани абаваад̣̇авид̇хим̣ д̣̇ассзд̇ум̣ ‘‘бхан̣д̣уу’’д̇иаад̣̇и вуд̇д̇ам̣. саасананд̇и санд̣̇зсам̣. харид̇унд̇и вуд̇д̇адтаанам̣ нзд̇ум̣.

    497. Ettāvatā sāmaññavidhiṃ dassetvā idāni apavādavidhiṃ dassetuṃ ‘‘bhaṇḍū’’tiādi vuttaṃ. Sāsananti sandesaṃ. Haritunti vuttaṭṭhānaṃ netuṃ.

    498. адтавид̇хзнабийд̇и бубпад̣̇аанаад̣̇иж̇ан̇гхабзсанияаавасаанзна адтаббагаарзнаби. гулад̣̇уусанагаммзнаад̇и гулаанам̣ сад̣̇д̇хаавинаасагзна анаажаарагаммзна. лад̣̇д̇ханд̇и зд̇т̇а ‘‘бхож̇ана’’нд̇и ид̣̇ам̣ ‘‘бхун̃ж̇ид̇у’’нд̇и жа ‘‘аж̇жхохаарзсуу’’д̇и жа вуд̇д̇ад̇д̇аа, ‘‘сзсзсуби аяам̣ наяо’’д̇и вагкамаанад̇д̇аа жа лаб̣бхад̇и. бан̃жасу сахад̇хаммигзсу згзнааби гулад̣̇уусанзна гаммзна уббаад̣̇ид̇абажжаяо саб̣б̣зсамби на ваддад̇ийд̇и ‘‘бан̃жаннам̣ сахад̇хаммийнам̣ на жа ваддад̇ий’’д̇и саб̣б̣абадисзд̇хо гад̇о.

    498.Aṭṭhavidhenapīti pupphadānādijaṅghapesaniyāvasānena aṭṭhappakārenapi. Kuladūsanakammenāti kulānaṃ saddhāvināsakena anācārakammena. Laddhanti ettha ‘‘bhojana’’nti idaṃ ‘‘bhuñjitu’’nti ca ‘‘ajjhohāresū’’ti ca vuttattā, ‘‘sesesupi ayaṃ nayo’’ti vakkhamānattā ca labbhati. Pañcasu sahadhammikesu ekenāpi kuladūsanena kammena uppāditapaccayo sabbesampi na vaṭṭatīti ‘‘pañcannaṃ sahadhammīnaṃ na ca vaṭṭatī’’ti sabbapaṭisedho kato.

    499. саб̣б̣ад̇т̇аад̇и ‘‘аж̇жхохаарзсуу’’д̇и зд̇асса висзсанам̣, саб̣б̣зсууд̇и ад̇т̇о. ‘‘аж̇жхохаарз аж̇жхохаарз’’д̇и адтагат̇ааг̇ад̇ам̣ сан̇г̇ан̣хаад̇и. ‘‘аж̇жхохаарзсуу’’д̇и ид̣̇ам̣ бараг̇алам̣ гаад̇аб̣б̣ам̣ аамисам̣ санд̇хааяааха. сзсабажжаяз бадижжа барибхог̇авасзнзва ‘‘сзсзсуу’’д̇и ааха, анаж̇жхохаран̣ийязсу сзсабажжаязсууд̇и ад̇т̇о. гим̣ вуд̇д̇ам̣ ход̇и? жийварабажжаяз сарийрад̇о можзд̇ваа барибхог̇аг̇ан̣анааяа, сзнаасанабажжаяз ниб̣б̣агосз уд̣̇агабад̇анадтаанад̇о аб̣бханд̇арам̣ бавидтаваараг̇ан̣анааяа, ман̃жабийтаад̣̇исзнаасанз нисийд̣̇анасаяанаад̣̇ибарибхог̇аг̇ан̣анааяа, анаж̇жхохарид̇ваа аб̣бхан̃ж̇анаалзбанаад̣̇ивасзна гаад̇аб̣б̣абхзсаж̇ж̇з сарийрад̇о можзд̇ваа ваараг̇ан̣анааяаад̇и вуд̇д̇ам̣ ход̇и. аяам̣ наяод̇и ‘‘д̣̇уггадам̣ барид̣̇ийбид̇а’’нд̇и вуд̇д̇о наяо.

    499.Sabbatthāti ‘‘ajjhohāresū’’ti etassa visesanaṃ, sabbesūti attho. ‘‘Ajjhohāre ajjhohāre’’ti aṭṭhakathāgataṃ saṅgaṇhāti. ‘‘Ajjhohāresū’’ti idaṃ paragalaṃ kātabbaṃ āmisaṃ sandhāyāha. Sesapaccaye paṭicca paribhogavaseneva ‘‘sesesū’’ti āha, anajjhoharaṇīyesu sesapaccayesūti attho. Kiṃ vuttaṃ hoti? Cīvarapaccaye sarīrato mocetvā paribhogagaṇanāya, senāsanapaccaye nibbakose udakapatanaṭṭhānato abbhantaraṃ paviṭṭhavāragaṇanāya, mañcapīṭhādisenāsane nisīdanasayanādiparibhogagaṇanāya, anajjhoharitvā abbhañjanālepanādivasena kātabbabhesajje sarīrato mocetvā vāragaṇanāyāti vuttaṃ hoti. Ayaṃ nayoti ‘‘dukkaṭaṃ paridīpita’’nti vutto nayo.

    500. ‘‘уббаннабажжаяаа’’д̇и ид̣̇ам̣ ‘‘абхууд̇аарожанзнаа’’д̇и ид̣̇амабзгкид̇ваа вуд̇д̇ам̣. ‘‘гад̇ваа руубияавохаара’’нд̇и ид̣̇амабзгкид̇ваа ‘‘уббаад̣̇ид̇абажжаяаа’’д̇и яож̇анаа гаад̇аб̣б̣аа. руубияавохааравинижчаяо ниссаг̇г̇ияз аави бхависсад̇и. абхууд̇аарожанавинижчаяо жад̇уд̇т̇абаарааж̇игз вуд̇д̇о. самаанаад̇и багаасид̇аад̇и гулад̣̇уусанагаммзна уббаад̣̇ид̇абажжаязхи сад̣̇исаад̇и адтагат̇ааяам̣ вуд̇д̇аад̇и ад̇т̇о. иминаа д̇ад̇т̇ааби винижчаяо зд̇д̇агоязваад̇и ад̇ид̣̇исад̇и.

    500.‘‘Uppannapaccayā’’ti idaṃ ‘‘abhūtārocanenā’’ti idamapekkhitvā vuttaṃ. ‘‘Katvā rūpiyavohāra’’nti idamapekkhitvā ‘‘uppāditapaccayā’’ti yojanā kātabbā. Rūpiyavohāravinicchayo nissaggiye āvi bhavissati. Abhūtārocanavinicchayo catutthapārājike vutto. Samānāti pakāsitāti kuladūsanakammena uppāditapaccayehi sadisāti aṭṭhakathāyaṃ vuttāti attho. Iminā tatthāpi vinicchayo ettakoyevāti atidisati.

    501. ‘‘сам̣саараваасо д̣̇угка’’нд̇и н̃ад̇ваа ниб̣б̣аанаад̇хиг̇амз маанасам̣ б̣анд̇хид̇ваа ниб̣б̣аанаг̇ааминим̣ бадибад̣̇ам̣ санд̇хааяа саасанаавад̇ин̣н̣зна сигкаагаамзна гулабуд̇д̇зна сзвид̇агкан̣зязва ж̇ийвид̇ахаран̣асамад̇т̇ависамиссабууд̇имуд̇д̇ам̣ вияа важ̇ж̇анийяам̣ агаббияабажжаяам̣ уббаад̣̇зд̇ум̣ гарияамаанам̣ агаббияобааяаббагаарам̣ згад̇о д̣̇ассзд̇умааха ‘‘вин̃н̃ад̇д̇ий’’д̇иаад̣̇и. д̇ад̇т̇а вин̃н̃ад̇д̇и яаажанаа. ануббад̣̇аананд̇и бин̣д̣абадибин̣д̣ад̣̇аанам̣. взж̇ж̇агаммам̣ вуд̇д̇анаяамзва. анзсанам̣ наама аббижчад̇ааяа анануруубзна баяог̇зна бажжаяабариязсанам̣.

    501. ‘‘Saṃsāravāso dukkha’’nti ñatvā nibbānādhigame mānasaṃ bandhitvā nibbānagāminiṃ paṭipadaṃ sandhāya sāsanāvatiṇṇena sikkhākāmena kulaputtena sevitakkhaṇeyeva jīvitaharaṇasamatthavisamissapūtimuttaṃ viya vajjanīyaṃ akappiyapaccayaṃ uppādetuṃ kariyamānaṃ akappiyopāyappakāraṃ ekato dassetumāha ‘‘viññattī’’tiādi. Tattha viññatti yācanā. Anuppadānanti piṇḍapaṭipiṇḍadānaṃ. Vejjakammaṃ vuttanayameva. Anesanaṃ nāma appicchatāya ananurūpena payogena paccayapariyesanaṃ.

    баарибхадяад̇аа наама иссарз сзвид̇ум̣ бариваарзд̇ваа д̇зсам̣ жид̇д̇аружид̇ам̣ вилабанд̇аанам̣ барибхадаанам̣ сзвагаж̇анаанам̣ вияа лаабхад̇т̇игасса бхигкуно бажжаяад̣̇ааяагзсу бавад̇д̇ийд̇и взд̣̇ид̇аб̣б̣о. бари саманд̇ад̇о бхадад̇и сзвад̇ийд̇и барибхадо, иссараж̇анаанам̣ самийбааважаро сзвагаж̇ано, барибхадо вияаад̇и барибхадо, бхигку, барибхадасса гаммам̣ баарибхадяам̣, д̇асса бхааво баарибхадяад̇аа. ат̇а ваа барибхадад̇и д̇хаад̇и вияа гулад̣̇аарагз ан̇гз гаран̣аад̣̇ивасзна д̇хаарзд̇ийд̇и барибхадо, барибхадасса гаммам̣ баарибхадяам̣, д̇асса бхааво баарибхадяад̇аад̇и лаабхаасааяа бхигкуно гулад̣̇аарагзсу анануломигаа бавад̇д̇и вужжад̇и.

    Pāribhaṭyatā nāma issare sevituṃ parivāretvā tesaṃ cittarucitaṃ vilapantānaṃ paribhaṭānaṃ sevakajanānaṃ viya lābhatthikassa bhikkhuno paccayadāyakesu pavattīti veditabbo. Pari samantato bhaṭati sevatīti paribhaṭo, issarajanānaṃ samīpāvacaro sevakajano, paribhaṭo viyāti paribhaṭo, bhikkhu, paribhaṭassa kammaṃ pāribhaṭyaṃ, tassa bhāvo pāribhaṭyatā. Atha vā paribhaṭati dhāti viya kuladārake aṅke karaṇādivasena dhāretīti paribhaṭo, paribhaṭassa kammaṃ pāribhaṭyaṃ, tassa bhāvo pāribhaṭyatāti lābhāsāya bhikkhuno kuladārakesu ananulomikā pavatti vuccati.

    муг̇г̇асуубад̇аа наама баггамуг̇г̇аа вияа баггаабаггаб̣ийж̇амиссаа лаабхаасааяа д̣̇ааяагаанам̣ жид̇д̇аараад̇ханад̇т̇ааяа сажжаалийгамиссагад̇аа. яат̇аа муг̇г̇зсу бажжамаанзсу гожид̣̇зва на бажжад̇и, б̣ахаво бажжанд̇и, звамзва яасса д̣̇ааяагзхи сад̣̇д̇хим̣ гат̇знд̇асса гин̃жид̣̇зва сажжам̣ ход̇и, асажжамзва б̣ахугам̣ ход̇и, аяам̣ вужжад̇и муг̇г̇асуубасад̣̇исад̇д̇аа ‘‘муг̇г̇асуубо’’д̇и, д̇асса гаммам̣ муг̇г̇асуубам̣, д̇асса бхааво муг̇г̇асуубад̇аа. вад̇т̇увиж̇ж̇агам̣ наама гуубавад̇т̇уг̇зхавад̇т̇уаад̣̇ийнам̣ аажигканам̣. вад̇т̇увиж̇ж̇ааяагаанам̣ гад̇ам̣ вад̇т̇увиж̇ж̇агам̣.

    Muggasūpatā nāma pakkamuggā viya pakkāpakkabījamissā lābhāsāya dāyakānaṃ cittārādhanatthāya saccālīkamissakatā. Yathā muggesu paccamānesu kocideva na paccati, bahavo paccanti, evameva yassa dāyakehi saddhiṃ kathentassa kiñcideva saccaṃ hoti, asaccameva bahukaṃ hoti, ayaṃ vuccati muggasūpasadisattā ‘‘muggasūpo’’ti, tassa kammaṃ muggasūpaṃ, tassa bhāvo muggasūpatā. Vatthuvijjakaṃ nāma kūpavatthugehavatthuādīnaṃ ācikkhanaṃ. Vatthuvijjāyakānaṃ kataṃ vatthuvijjakaṃ.

    502. ж̇ан̇гхабзсанияам̣, д̣̇ууд̇агамман̃жа вуд̇д̇анаяамзва. гулад̣̇уусананд̇и вуд̇д̇аавасзсам̣. абхууд̇аарожанан̃жа вуд̇д̇анаяамзва. б̣уд̣̇д̇хабадигудтанд̇и б̣уд̣̇д̇хзхи бадиггосид̇ам̣ г̇арахид̇ам̣ яат̇аавуд̇д̇ам̣ мижчааж̇ийван̃жа авуд̇д̇ан̃жа ан̇г̇авиж̇ж̇аанагкад̇д̇авиж̇ж̇аауггаабаад̇ад̣̇исаад̣аахабхуумижаалаад̣̇ибхзд̣̇ам̣ мижчааж̇ийвануубааяам̣ саб̣б̣ам̣. виваж̇ж̇аязд̇и висамива, г̇уут̇амуд̇д̇ам̣ вияа жа аарагаа бариваж̇ж̇зяяаад̇и ад̇т̇о. ‘‘сигкаагаамо гулабуд̇д̇о’’д̇и саамад̇т̇ияаа лаб̣бхад̇и.

    502.Jaṅghapesaniyaṃ, dūtakammañca vuttanayameva. Kuladūsananti vuttāvasesaṃ. Abhūtārocanañca vuttanayameva. Buddhapaṭikuṭṭhanti buddhehi paṭikkositaṃ garahitaṃ yathāvuttaṃ micchājīvañca avuttañca aṅgavijjānakkhattavijjāukkāpātadisāḍāhabhūmicālādibhedaṃ micchājīvanūpāyaṃ sabbaṃ. Vivajjayeti visamiva, gūthamuttaṃ viya ca ārakā parivajjeyyāti attho. ‘‘Sikkhākāmo kulaputto’’ti sāmatthiyā labbhati.

    503. бадиниссаж̇ж̇ад̇оби д̇анд̇и саманубхаасанагаммад̇о буб̣б̣з ваа н̃ад̇д̇ижад̇уд̇т̇аасу гаммаваажаасу анд̇агаммаваажааяа яяа-гаарам̣ аббад̇д̇ааяа ваа гулад̣̇уусанагаммам̣ баж̇аханд̇ассаад̇и вуд̇д̇ам̣ ход̇и. сан̇гхабхзд̣̇асаманд̇и батамасан̇гхабхзд̣̇зна саманд̇и.

    503.Paṭinissajjatopi tanti samanubhāsanakammato pubbe vā ñatticatutthāsu kammavācāsu antakammavācāya yya-kāraṃ appattāya vā kuladūsanakammaṃ pajahantassāti vuttaṃ hoti. Saṅghabhedasamanti paṭhamasaṅghabhedena samanti.

    гулад̣̇уусанагат̇ааван̣н̣анаа.

    Kuladūsanakathāvaṇṇanā.

    504. ‘‘ж̇аана’’нд̇и имасса ‘‘бхигкунаа’’д̇и зд̇асса висзсанад̇д̇аа ж̇аанад̇аад̇и г̇ахзд̇аб̣б̣ам̣. баал̣ияаа ликид̇з сийхал̣аг̇ан̣тибад̣̇з бана зваруубам̣ аабад̇д̇им̣ аабанносмийд̇и н̃ад̇ваад̇и ад̇т̇о вуд̇д̇о. яаавад̇ийханд̇и яад̇д̇агаани ахаани, ‘‘чаад̣̇ид̇аа’’д̇и иминаа самб̣анд̇хо, чаад̣̇анагирияааажжанд̇асам̣яог̇з убаяог̇аважанам̣. чаад̣̇ид̇аад̇и ‘‘ахам̣ ид̇т̇аннаамам̣ аабад̇д̇им̣ аабанно’’д̇и саб̣рахмажаарийнам̣ анаарожанад̣̇ивасзна бадижчаад̣̇ид̇аа. аабад̇д̇ийд̇и сан̇гхаад̣̇исзсаабад̇д̇и. агаамаад̇и аружияаава сан̇гхаад̣̇исзсам̣ аабаж̇ж̇ид̇ваа агад̇абадигаммасса саг̇г̇амогкаанам̣ анд̇арааяагарад̇д̇аад̇и ад̇хиббааяо. баривад̇т̇аб̣б̣анд̇и бариваасам̣ самаад̣̇ааяа вад̇т̇аб̣б̣ам̣. гид̇д̇агам̣ гааланд̇и ааха ‘‘д̇аавад̇ийха’’нд̇и, д̇ад̇д̇агаани ахаанийд̇и вуд̇д̇ам̣ ход̇и. аабаж̇ж̇ид̇ваа яад̇д̇агаани ахаани бадижчаад̣̇зд̇и, д̇ад̇д̇агаанзва ахаанийд̇и ад̇т̇о.

    504.‘‘Jāna’’nti imassa ‘‘bhikkhunā’’ti etassa visesanattā jānatāti gahetabbaṃ. Pāḷiyā likhite sīhaḷagaṇṭhipade pana evarūpaṃ āpattiṃ āpannosmīti ñatvāti attho vutto. Yāvatīhanti yattakāni ahāni, ‘‘chāditā’’ti iminā sambandho, chādanakiriyāaccantasaṃyoge upayogavacanaṃ. Chāditāti ‘‘ahaṃ itthannāmaṃ āpattiṃ āpanno’’ti sabrahmacārīnaṃ anārocanadivasena paṭicchāditā. Āpattīti saṅghādisesāpatti. Akāmāti aruciyāva saṅghādisesaṃ āpajjitvā akatapaṭikammassa saggamokkhānaṃ antarāyakarattāti adhippāyo. Parivatthabbanti parivāsaṃ samādāya vatthabbaṃ. Kittakaṃ kālanti āha ‘‘tāvatīha’’nti, tattakāni ahānīti vuttaṃ hoti. Āpajjitvā yattakāni ahāni paṭicchādeti, tattakāneva ahānīti attho.

    505-6. аабад̇д̇и гид̇д̇агзна бадижчаннаа ход̇ийд̇и ааха ‘‘аабад̇д̇и жаа’’д̇иаад̣̇и. д̇ад̇т̇а аабад̇д̇и жаад̇и сан̇гхаад̣̇исзсаабад̇д̇и жа. анугкид̇д̇о жаад̇и угкзбанийяагаммзна саяам̣ аниссаарид̇о жа. бахуу жаад̇и саяам̣ саб̣рахмажаарийнам̣ санд̇игам̣ г̇анд̇ваа аарожзд̇ум̣ баход̇и жа. ананд̇арааяиго жаад̇и г̇аманавиб̣анд̇хагзна рааж̇ажораад̣̇ианд̇арааязна вирахид̇о жа. жад̇усва бийд̇и зд̇т̇а ‘‘зд̇зсуу’’д̇и сзсо, зд̇зсу жад̇уусууд̇и ад̇т̇о. д̇ам̣сан̃н̃ийд̇и аабад̇д̇исан̃н̃ий анугкид̇д̇асан̃н̃ий бахусан̃н̃ий ананд̇арааяигасан̃н̃ийд̇и вуд̇д̇ам̣ ход̇и. д̇асса звам̣сан̃н̃ино имзсу жад̇уусу д̇ат̇аасан̃н̃ино буг̇г̇аласса. чаад̣̇зд̇угаамад̇аад̇и аажарияаад̣̇ийсу г̇ааравзна ваа г̇арахаад̣̇ибхаяаа ваа ‘‘на аарожзссаамий’’д̇и бадижчаад̣̇зд̇угаамад̇аа жа. чаад̣̇ананд̇и д̇ат̇аа жинд̇зд̇ваа ‘‘ахам̣ ид̇т̇аннаамам̣ аабанно’’д̇и авад̇ваа бадижчаад̣̇анан̃жаад̇и имзхи д̣̇асахи ан̇г̇зхи. ‘‘бхигкунаа’’д̇и гад̇д̇унид̣̇д̣̇зсад̇д̇аа чаннаад̇и зд̇т̇а чаад̣̇ид̇аад̇и ад̇т̇о. гаалавид̇хим̣ д̣̇ассзд̇и ‘‘арун̣уг̇г̇аманзнаа’’д̇и, аабад̇д̇иаабаннад̣̇ивасам̣ кзбзд̇ваа арун̣удтаанзна сад̣̇д̇хим̣ чаннаа ход̇ийд̇и ад̇т̇о.

    505-6. Āpatti kittakena paṭicchannā hotīti āha ‘‘āpatti cā’’tiādi. Tattha āpatti cāti saṅghādisesāpatti ca. Anukkhitto cāti ukkhepanīyakammena sayaṃ anissārito ca. Pahū cāti sayaṃ sabrahmacārīnaṃ santikaṃ gantvā ārocetuṃ pahoti ca. Anantarāyiko cāti gamanavibandhakena rājacorādiantarāyena virahito ca. Catusva pīti ettha ‘‘etesū’’ti seso, etesu catūsūti attho. Taṃsaññīti āpattisaññī anukkhittasaññī pahusaññī anantarāyikasaññīti vuttaṃ hoti. Tassa evaṃsaññino imesu catūsu tathāsaññino puggalassa. Chādetukāmatāti ācariyādīsu gāravena vā garahādibhayā vā ‘‘na ārocessāmī’’ti paṭicchādetukāmatā ca. Chādananti tathā cintetvā ‘‘ahaṃ itthannāmaṃ āpanno’’ti avatvā paṭicchādanañcāti imehi dasahi aṅgehi. ‘‘Bhikkhunā’’ti kattuniddesattā channāti ettha chāditāti attho. Kālavidhiṃ dasseti ‘‘aruṇuggamanenā’’ti, āpattiāpannadivasaṃ khepetvā aruṇuṭṭhānena saddhiṃ channā hotīti attho.

    д̣̇взбхаан̣аваараван̣н̣анаа нидтид̇аа.

    Dvebhāṇavāravaṇṇanā niṭṭhitā.

    507. звам̣ бадижчаннасан̇гхаад̣̇исзсабадигаммад̇т̇ам̣ ‘‘агаамаа баривад̇т̇аб̣б̣а’’нд̇и вихид̇асса бариваасасса го бхзд̣̇о, го бавад̇д̇иггамод̇и ааха ‘‘д̇ивид̇хо’’д̇иаад̣̇и. со бариваасо д̇ивид̇хо д̣̇ийбид̇од̇и самб̣анд̇хо. гзнаад̇и ааха ‘‘д̇ивид̇хаабзд̇ажзд̇асаа’’д̇и. ‘‘д̇иссо вид̇хаа, сзяяохамасмийд̇и вид̇хаа, сад̣̇исохамасмийд̇и вид̇хаа, хийнохамасмийд̇и вид̇хаа’’д̇и (д̣̇ий. ни. 3.305) вуд̇д̇авид̇хааяа маананаамад̇хзяяад̇о д̇ивид̇хамаанад̇о абаг̇ад̇ажид̇д̇зна саммаасамб̣уд̣̇д̇хзнаад̇и ад̇т̇о.

    507. Evaṃ paṭicchannasaṅghādisesapaṭikammatthaṃ ‘‘akāmā parivatthabba’’nti vihitassa parivāsassa ko bhedo, ko pavattikkamoti āha ‘‘tividho’’tiādi. So parivāso tividho dīpitoti sambandho. Kenāti āha ‘‘tividhāpetacetasā’’ti. ‘‘Tisso vidhā, seyyohamasmīti vidhā, sadisohamasmīti vidhā, hīnohamasmīti vidhā’’ti (dī. ni. 3.305) vuttavidhāya mānanāmadheyyato tividhamānato apagatacittena sammāsambuddhenāti attho.

    бадижчаннаа аабад̇д̇и зд̇ассаад̇и бадижчанно. арисаад̣̇ийнам̣ ааг̇ад̇иг̇ан̣ад̇д̇аа д̇ад̇т̇а багкибанзна а-гаарабажжаяо д̣̇адтаб̣б̣о. д̇знзва вагкад̇и ‘‘бадижчаннааяа д̣̇аад̇аб̣б̣о’’д̇иаад̣̇и.

    Paṭicchannā āpatti etassāti paṭicchanno. Arisādīnaṃ āgatigaṇattā tattha pakkhipanena a-kārapaccayo daṭṭhabbo. Teneva vakkhati ‘‘paṭicchannāya dātabbo’’tiādi.

    суд̣̇д̇ханд̇од̇и ‘‘убхо годияо сод̇хзд̇ваа д̣̇аад̇аб̣б̣абариваасо суд̣̇д̇ханд̇о наамаа’’д̇и баал̣иг̇ан̣тибад̣̇з вуд̇д̇ад̇д̇аа убасамбад̣̇аагааласан̇каад̇о суд̣̇д̇хо буб̣б̣анд̇о, аарожид̇агааласан̇каад̇о суд̣̇д̇хо абаранд̇о жа бариваасасамаад̣̇аанагаалз ваа баривасанагаалз ваа убабаригкид̇ваа д̣̇идтаа суд̣̇д̇хаа анд̇аа анаабад̇д̇игааласан̇каад̇аа убхо годияо ассаад̇и гад̇ваа суд̣̇д̇ханд̇анаамаго бариваасо жа. зд̇т̇а жа бхзд̣̇аад̣̇им̣ вагкад̇и.

    Suddhantoti ‘‘ubho koṭiyo sodhetvā dātabbaparivāso suddhanto nāmā’’ti pāḷigaṇṭhipade vuttattā upasampadākālasaṅkhāto suddho pubbanto, ārocitakālasaṅkhāto suddho aparanto ca parivāsasamādānakāle vā parivasanakāle vā upaparikkhitvā diṭṭhā suddhā antā anāpattikālasaṅkhātā ubho koṭiyo assāti katvā suddhantanāmako parivāso ca. Ettha ca bhedādiṃ vakkhati.

    саммаа д̣̇ивасаад̣̇ийнам̣ од̇хаанам̣ багкзбо яад̇т̇а со самод̇хаано, бариваасо. д̣̇ивасзсу д̣̇ивасз ваа аабад̇д̇ийсу аабад̇д̇ияо ваа саб̣б̣аа наанаавад̇т̇угаа аабад̇д̇ияо згад̇о гад̇ваа од̇хааяа д̣̇аад̇аб̣б̣абариваасод̇и ад̇т̇о. зд̇т̇ааби бхзд̣̇аад̣̇им̣ вагкад̇и.

    Sammā divasādīnaṃ odhānaṃ pakkhepo yattha so samodhāno, parivāso. Divasesu divase vā āpattīsu āpattiyo vā sabbā nānāvatthukā āpattiyo ekato katvā odhāya dātabbaparivāsoti attho. Etthāpi bhedādiṃ vakkhati.

    508. д̇ад̇раад̇и д̇зсу д̇ийсу бариваасзсу. ‘‘яо’’д̇и сзсо. ид̇ийд̇и звамад̇т̇о д̣̇адтаб̣б̣о. яо бадижчаннабариваасо, аяанд̇и звам̣ багаасид̇од̇и яож̇анаа.

    508.Tatrāti tesu tīsu parivāsesu. ‘‘Yo’’ti seso. Itīti evamattho daṭṭhabbo. Yo paṭicchannaparivāso, ayanti evaṃ pakāsitoti yojanā.

    509-10. бариваасад̣̇аанагаалз вужжамаанааяа гаммаваажааяа бад̇хааналагкан̣ам̣ д̣̇ассзд̇умааха ‘‘вад̇т̇уг̇од̇д̇авасзнаа’’д̇иаад̣̇и. д̇ад̇т̇а ‘‘вад̇т̇уу’’д̇и суггаможанаад̣̇иго вийд̇иггамо вужжад̇и. аяамзва суггависсадтиаад̣̇игам̣ г̇ам̣ ваажам̣ сан̃н̃ан̃жа д̇ааяад̇и рагкад̇ийд̇и гад̇ваа ‘‘г̇од̇д̇а’’нд̇и вужжад̇и. д̇ан̃хи саж̇аад̇ияасаад̇хааран̣авиж̇аад̇ияавинивад̇д̇анавасзна ан̃н̃ад̇т̇а г̇анд̇ум̣ ад̣̇ад̇ваа ваажам̣ сад̣̇д̣̇ам̣, д̇аб̣б̣исаяам̣ сан̃н̃ан̃жа рагкад̇и. ид̣̇ам̣ вад̇т̇уг̇од̇д̇ад̣̇ваяаваажагам̣ суггависсадтигааяасам̣саг̇г̇ависзсаважанан̃жа ‘‘наанаавад̇т̇угаа’’д̇и сааман̃н̃аважанан̃жаад̇и иминаа важанад̣̇ваязнаад̇и вуд̇д̇ам̣ ход̇и. вуд̇д̇ан̃хзд̇ам̣ адтагат̇ааяам̣ ‘‘суггависсадтим̣ гааяасам̣саг̇г̇а’нд̇иаад̣̇иважанзнааби ‘наанаавад̇т̇угааяо’д̇иаад̣̇иважанзнааби вад̇т̇ужзва г̇од̇д̇ан̃жа сан̇г̇ахид̇а’’нд̇и (жуул̣ава. адта. 102). наамаабад̇д̇ивасзна ваад̇и зд̇т̇а сан̇гхаад̣̇исзсод̇и саж̇аад̇исаад̇хааран̣анаамам̣, аабад̇д̇ийд̇и саб̣б̣асаад̇хааран̣анааманд̇и д̣̇вийхи наамзхи д̇ам̣д̇ам̣вийд̇иггамавасзна аабаж̇ж̇ид̇аб̣б̣ад̇о д̇ад̣̇зва аабад̇д̇ийд̇и звамубхиннам̣ наамаабад̇д̇ийнам̣ васзна ваад̇и ад̇т̇о.

    509-10. Parivāsadānakāle vuccamānāya kammavācāya padhānalakkhaṇaṃ dassetumāha ‘‘vatthugottavasenā’’tiādi. Tattha ‘‘vatthū’’ti sukkamocanādiko vītikkamo vuccati. Ayameva sukkavissaṭṭhiādikaṃ gaṃ vācaṃ saññañca tāyati rakkhatīti katvā ‘‘gotta’’nti vuccati. Tañhi sajātiyasādhāraṇavijātiyavinivattanavasena aññattha gantuṃ adatvā vācaṃ saddaṃ, tabbisayaṃ saññañca rakkhati. Idaṃ vatthugottadvayavācakaṃ sukkavissaṭṭhikāyasaṃsaggavisesavacanañca ‘‘nānāvatthukā’’ti sāmaññavacanañcāti iminā vacanadvayenāti vuttaṃ hoti. Vuttañhetaṃ aṭṭhakathāyaṃ ‘‘sukkavissaṭṭhiṃ kāyasaṃsagga’ntiādivacanenāpi ‘nānāvatthukāyo’tiādivacanenāpi vatthuceva gottañca saṅgahita’’nti (cūḷava. aṭṭha. 102). Nāmāpattivasena vāti ettha saṅghādisesoti sajātisādhāraṇanāmaṃ, āpattīti sabbasādhāraṇanāmanti dvīhi nāmehi taṃtaṃvītikkamavasena āpajjitabbato tadeva āpattīti evamubhinnaṃ nāmāpattīnaṃ vasena vāti attho.

    гаммаваажаа хи гаад̇аб̣б̣аад̇и ‘‘вад̇т̇уг̇од̇д̇авасзнаабий’’д̇и зд̇т̇а аби-сад̣̇д̣̇о ‘‘наамаабад̇д̇ивасзна ваа’’д̇и зд̇т̇а сан̇гхаад̣̇исзсод̇и саж̇аад̇исаад̇хааран̣анаамам̣, аабад̇д̇ийд̇и саб̣б̣асаад̇хааран̣анааманд̇и д̣̇вийхи наамзхийд̇и ид̣̇ам̣ самужжинод̇ийд̇и убхаяам̣ згад̇о яож̇зд̇ваа гаммаваажаа гаад̇аб̣б̣аад̇и. ‘‘наамаабад̇д̇ивасзна ваа’’д̇и зд̇т̇а вигаббад̇т̇зна ваа-сад̣̇д̣̇зна, ‘‘ахам̣ бханд̇з самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ згаахабадижчаннааяо’д̇и звам̣ наамамад̇д̇авасзна ваа яож̇анаа гаад̇аб̣б̣аа’’д̇и адтагат̇ааяа вуд̇д̇ависзсанивад̇д̇анад̇т̇амад̇д̇асад̣̇д̣̇авасзна жа вад̇т̇уг̇од̇д̇авирахид̇зна гзвалзна наамаабад̇д̇имад̇д̇зна баяож̇зд̇ваа гаад̇аб̣б̣ааязваад̇и вуд̇д̇ам̣ ход̇и. гаммаваажааяа гаран̣аббагааро бана самужжаяагканд̇хагз ааг̇ад̇анаязна аабаннабуг̇г̇аланаамзна жа згаахабадижчаннаад̣̇иважанзна жа яож̇зд̇ваа д̣̇адтаб̣б̣о. д̇асса д̣̇аад̇аб̣б̣од̇и яож̇анаа. ‘‘бариваасо’’д̇и багаран̣ад̇о лаб̣бхад̇и, бадижчаннаабад̇д̇игасса буг̇г̇аласса бариваасо д̣̇аад̇аб̣б̣од̇и ад̇т̇о.

    Kammavācā hi kātabbāti ‘‘vatthugottavasenāpī’’ti ettha api-saddo ‘‘nāmāpattivasena vā’’ti ettha saṅghādisesoti sajātisādhāraṇanāmaṃ, āpattīti sabbasādhāraṇanāmanti dvīhi nāmehīti idaṃ samuccinotīti ubhayaṃ ekato yojetvā kammavācā kātabbāti. ‘‘Nāmāpattivasena vā’’ti ettha vikappatthena vā-saddena, ‘‘ahaṃ bhante sambahulā saṅghādisesā āpattiyo āpajjiṃ ekāhapaṭicchannāyo’ti evaṃ nāmamattavasena vā yojanā kātabbā’’ti aṭṭhakathāya vuttavisesanivattanatthamattasaddavasena ca vatthugottavirahitena kevalena nāmāpattimattena payojetvā kātabbāyevāti vuttaṃ hoti. Kammavācāya karaṇappakāro pana samuccayakkhandhake āgatanayena āpannapuggalanāmena ca ekāhapaṭicchannādivacanena ca yojetvā daṭṭhabbo. Tassa dātabboti yojanā. ‘‘Parivāso’’ti pakaraṇato labbhati, paṭicchannāpattikassa puggalassa parivāso dātabboti attho.

    д̇зна жаад̇и лад̣̇д̇хабариваасзна анд̇осиймааяа уггудигам̣ нисиннзна баг̇г̇ахид̇ан̃ж̇алинаа бхигкунаа жа. самаад̣̇ияид̇ваад̇и зд̇т̇ааби ‘‘вад̇д̇а’’нд̇и саамад̇т̇ияаа лаб̣бхад̇и. ‘‘самаад̣̇аанзбяаяам̣ наяо’’д̇и (ви. ви. 514) вагкамаанад̇д̇аа ‘‘вад̇д̇ам̣ самаад̣̇ияаами, бариваасам̣ самаад̣̇ияаамий’’д̇и имзсам̣ д̣̇виннам̣ ан̃н̃ад̇арам̣ ваа д̣̇ваяамзва ваа д̇игкад̇д̇ум̣ вад̇ваа баариваасигагканд̇хагз вуд̇д̇авад̇д̇абууран̣ад̇т̇ам̣ самаад̣̇ияид̇ваад̇и вуд̇д̇ам̣ ход̇и. аад̣̇ид̇о сан̇гхасса аарожзд̇аб̣б̣анд̇и яож̇анаа. д̇ат̇аа вад̇д̇ам̣ самаад̣̇ияид̇ваа нисиннзна батамам̣ сан̇гхасса ‘‘ахам̣ бханд̇з згам̣ аабад̇д̇им̣ аабаж̇ж̇им̣ сан̃жзд̇анигам̣ суггависсадтим̣ згаахабадижчаннам̣, сохам̣ сан̇гхам̣ згиссаа аабад̇д̇ияаа сан̃жзд̇анигааяа суггависсадтияаа згаахабадижчаннааяа згаахабариваасам̣ яаажим̣, д̇асса мз сан̇гхо згиссаа аабад̇д̇ияаа сан̃жзд̇анигааяа суггависсадтияаа згаахабадижчаннааяа згаахабариваасам̣ ад̣̇ааси, сохам̣ баривасаами, взд̣̇аяаамаахам̣ бханд̇з, взд̣̇аяад̇ийд̇и мам̣ сан̇гхо д̇хаарзд̇уу’’д̇и звам̣ аарожзд̇аб̣б̣ам̣.

    Tena cāti laddhaparivāsena antosīmāya ukkuṭikaṃ nisinnena paggahitañjalinā bhikkhunā ca. Samādiyitvāti etthāpi ‘‘vatta’’nti sāmatthiyā labbhati. ‘‘Samādānepyayaṃ nayo’’ti (vi. vi. 514) vakkhamānattā ‘‘vattaṃ samādiyāmi, parivāsaṃ samādiyāmī’’ti imesaṃ dvinnaṃ aññataraṃ vā dvayameva vā tikkhattuṃ vatvā pārivāsikakkhandhake vuttavattapūraṇatthaṃ samādiyitvāti vuttaṃ hoti. Ādito saṅghassa ārocetabbanti yojanā. Tathā vattaṃ samādiyitvā nisinnena paṭhamaṃ saṅghassa ‘‘ahaṃ bhante ekaṃ āpattiṃ āpajjiṃ sañcetanikaṃ sukkavissaṭṭhiṃ ekāhapaṭicchannaṃ, sohaṃ saṅghaṃ ekissā āpattiyā sañcetanikāya sukkavissaṭṭhiyā ekāhapaṭicchannāya ekāhaparivāsaṃ yāciṃ, tassa me saṅgho ekissā āpattiyā sañcetanikāya sukkavissaṭṭhiyā ekāhapaṭicchannāya ekāhaparivāsaṃ adāsi, sohaṃ parivasāmi, vedayāmāhaṃ bhante, vedayatīti maṃ saṅgho dhāretū’’ti evaṃ ārocetabbaṃ.

    ‘‘иман̃жа банад̇т̇ам̣ г̇ахзд̇ваа яааяа гааяажи ваажааяа аарожзд̇ум̣ ваддад̇иязваа’’д̇и (жуул̣ава. адта. 102) адтагат̇ааважанад̇о яааяа гааяажи бхаасааяаби аарожзд̇ум̣ ваддад̇и.

    ‘‘Imañca panatthaṃ gahetvā yāya kāyaci vācāya ārocetuṃ vaṭṭatiyevā’’ti (cūḷava. aṭṭha. 102) aṭṭhakathāvacanato yāya kāyaci bhāsāyapi ārocetuṃ vaṭṭati.

    511. бунаббунааг̇ад̇аананд̇и зд̇т̇а ‘‘бхигкууна’’нд̇и сзсо. буб̣б̣з аарожанадтаанам̣ асамбад̇д̇аанам̣ ааг̇анд̇угаанам̣ бхигкуунамби. аарожзнд̇оваад̇и згасса аарожанз со жз вуд̣дхад̇аро ход̇и, ‘‘бханд̇з’’д̇и вад̇ваа буб̣б̣з вуд̇д̇анаязнзва вад̇ваа, наваго жз, ‘‘аавусо’’д̇и вад̇ваа авасаанз ‘‘мам̣ ааяасмаа д̇хаарзд̇уу’’д̇и, д̣̇вз жз хонд̇и, ‘‘мам̣ ааяасманд̇аа д̇хаарзнд̇уу’’д̇и, д̇аяо жз, ‘‘мам̣ ааяасманд̇о д̇хаарзнд̇уу’’д̇и вад̇ваа аарожзнд̇ова. рад̇д̇ияаа чзд̣̇ам̣ агад̇ваад̇и ‘‘багад̇ад̇д̇зна бхигкунаа сад̣̇д̇хим̣ згажчаннз’’д̇иаад̣̇инаа (жуул̣ава. 81) наязна вуд̇д̇азгасзнаасанз багад̇ад̇д̇зна бхигкунаа сад̣̇д̇хим̣ арун̣удтаабанавасзна гарияамаанзна сахаваасзна ваа ‘‘багад̇ад̇д̇абхигкуухи винаа згагзна ваасо’’д̇и вуд̇д̇авиббаваасзна ваа ‘‘ааг̇анд̇угаанам̣ аарожанааяа агаран̣а’’нд̇и вуд̇д̇аанаарожанзна ваа самбхаванд̇ам̣ рад̇д̇ижчзд̣̇амагад̇ваа. вад̇д̇абхзд̣̇ам̣ агад̇ваа ваа баариваасигагканд̇хагз баариваасигасса бан̃н̃ад̇д̇авад̇д̇ад̇о згамби ахаабзд̇ваа жа. сад̣̇аа васзд̇и бариваасам̣ васид̇ум̣ баригаббид̇аа саб̣б̣ад̣̇ивасаа яаава кин̣анд̇и, д̇аава васзяяаад̇и ад̇т̇о.

    511.Punappunāgatānanti ettha ‘‘bhikkhūna’’nti seso. Pubbe ārocanaṭṭhānaṃ asampattānaṃ āgantukānaṃ bhikkhūnampi. Ārocentovāti ekassa ārocane so ce vuḍḍhataro hoti, ‘‘bhante’’ti vatvā pubbe vuttanayeneva vatvā, navako ce, ‘‘āvuso’’ti vatvā avasāne ‘‘maṃ āyasmā dhāretū’’ti, dve ce honti, ‘‘maṃ āyasmantā dhārentū’’ti, tayo ce, ‘‘maṃ āyasmanto dhārentū’’ti vatvā ārocentova. Rattiyā chedaṃ akatvāti ‘‘pakatattena bhikkhunā saddhiṃ ekacchanne’’tiādinā (cūḷava. 81) nayena vuttaekasenāsane pakatattena bhikkhunā saddhiṃ aruṇuṭṭhāpanavasena kariyamānena sahavāsena vā ‘‘pakatattabhikkhūhi vinā ekakena vāso’’ti vuttavippavāsena vā ‘‘āgantukānaṃ ārocanāya akaraṇa’’nti vuttaanārocanena vā sambhavantaṃ ratticchedamakatvā. Vattabhedaṃ akatvā vā pārivāsikakkhandhake pārivāsikassa paññattavattato ekampi ahāpetvā ca. Sadā vaseti parivāsaṃ vasituṃ parikappitā sabbadivasā yāva khiṇanti, tāva vaseyyāti attho.

    512. д̇ад̇т̇а бариваасо висод̇хзд̇ум̣ на саггаа жзд̇и д̇асса вихаарасса маханд̇ад̇д̇аа ааг̇ад̇з ааг̇анд̇угабхигкуу бариязсид̇ваа аарожзнд̇зна рад̇д̇ижчзд̣̇ам̣ агад̇ваа бариваасам̣ сод̇хзд̇ум̣ на саггаа жз ход̇и. д̇ам̣ вад̇д̇ам̣ нигкибид̇ваанаад̇и д̇ат̇аа самаад̣̇иннам̣ вад̇д̇ам̣ убари вагкамаананаязна нигкибид̇ваа.

    512.Tattha parivāso visodhetuṃ na sakkā ceti tassa vihārassa mahantattā āgate āgantukabhikkhū pariyesitvā ārocentena ratticchedaṃ akatvā parivāsaṃ sodhetuṃ na sakkā ce hoti. Taṃ vattaṃ nikkhipitvānāti tathā samādinnaṃ vattaṃ upari vakkhamānanayena nikkhipitvā.

    513. гад̇т̇а нигкибзяяаад̇и ааха ‘‘д̇ад̇т̇аа’’д̇иаад̣̇и. д̇ад̇т̇зва сан̇гхамаж̇жхз ваад̇и ад̇д̇ано яасмим̣ вад̇д̇ам̣ самаад̣̇иннам̣, д̇асмим̣язва сан̇гхамаж̇жхз ваа. буг̇г̇алз ваад̇и бхигкуусу удтааяа д̇ад̇т̇а д̇ад̇т̇а г̇ад̇зсу анд̇осиймааяаязва охийнз згабхигкумхи ваа асад̇ияаа б̣ахисиймам̣ г̇ад̇зна сарид̇агкан̣з ад̇д̇анаа сад̣̇д̇хим̣ г̇ажчанд̇з д̇ассааязва барисааяа бариваасад̣̇аанз саммукийбхууд̇з буг̇г̇алз ваа ааг̇анд̇угабхигку жз, д̇асса ваа санд̇игз аарожзд̇ваа вад̇д̇ам̣ нигкибид̇аб̣б̣анд̇и вуд̇д̇ам̣ ход̇и. гат̇ам̣ нигкибз’д̇и ааха ‘‘нигкибаамий’’д̇иаад̣̇и. ‘‘д̇ат̇аа’’д̇и иминаа ‘‘нигкибаамий’’д̇и зд̇ам̣ бажжаамасад̇и. д̇ам̣ вад̇д̇анд̇и ад̇д̇анаа самаад̣̇иннам̣ д̇ам̣ вад̇д̇ам̣.

    513. Kattha nikkhipeyyāti āha ‘‘tatthā’’tiādi. Tattheva saṅghamajjhe vāti attano yasmiṃ vattaṃ samādinnaṃ, tasmiṃyeva saṅghamajjhe vā. Puggale vāti bhikkhūsu uṭṭhāya tattha tattha gatesu antosīmāyayeva ohīne ekabhikkhumhi vā asatiyā bahisīmaṃ gatena saritakkhaṇe attanā saddhiṃ gacchante tassāyeva parisāya parivāsadāne sammukhībhūte puggale vā āgantukabhikkhu ce, tassa vā santike ārocetvā vattaṃ nikkhipitabbanti vuttaṃ hoti. Kathaṃ nikkhipe’ti āha ‘‘nikkhipāmī’’tiādi. ‘‘Tathā’’ti iminā ‘‘nikkhipāmī’’ti etaṃ paccāmasati. Taṃ vattanti attanā samādinnaṃ taṃ vattaṃ.

    514. аяам̣ наяод̇и ‘‘згабад̣̇знааби д̣̇вийхи бад̣̇зхи ваа банаа’’д̇и звам̣ ананд̇арод̣̇ид̇анаяо.

    514.Ayaṃ nayoti ‘‘ekapadenāpi dvīhi padehi vā panā’’ti evaṃ anantaroditanayo.

    515-20. багад̇ад̇д̇од̇и вужжад̇ийд̇и саг̇г̇амогкааваран̣аабхаавзна багад̇о буб̣б̣асаруубзнзва тид̇о ад̇д̇аа зд̇ассаад̇и ‘‘багад̇ад̇д̇о’’д̇и гат̇ийяад̇и. бажжуусагааласминд̇и арун̣ад̇о буримагаалз.

    515-20.Pakatattoti vuccatīti saggamokkhāvaraṇābhāvena pakato pubbasarūpeneva ṭhito attā etassāti ‘‘pakatatto’’ti kathīyati. Paccūsakālasminti aruṇato purimakāle.

    баригкид̇д̇авихаарассаад̇и зд̇т̇а баагаараад̣̇ийхи баригкид̇д̇ам̣ згамби сзнаасанам̣ вихаранд̇и асминд̇и гад̇ваа д̇ат̇аа вужжад̇и. д̣̇вз лзд̣д̣убаад̇з ад̇иггаммаад̇и яож̇анаа. лзд̣д̣убаад̇ад̣̇ваяасса авад̇хим̣ д̣̇ассзд̇и ‘‘баригкзбад̇о б̣ахий’’д̇и, ‘‘абаригкид̇д̇ад̇о баригкзбаарахадтаанаа б̣ахий’’д̇и жа.

    Parikkhittavihārassāti ettha pākārādīhi parikkhittaṃ ekampi senāsanaṃ viharanti asminti katvā tathā vuccati. Dve leḍḍupāte atikkammāti yojanā. Leḍḍupātadvayassa avadhiṃ dasseti ‘‘parikkhepato bahī’’ti, ‘‘aparikkhittato parikkhepārahaṭṭhānā bahī’’ti ca.

    баригкзбаарахадтаанам̣ наама гад̇аманд̇и? висуд̣̇д̇химаг̇г̇з (висуд̣̇д̇хи. 1.31) д̇худ̇ан̇г̇анид̣̇д̣̇зсз ‘‘маж̇жхимадтагат̇ааяам̣ бана вихаарассааби г̇аамассзва убажаарам̣ нийхарид̇ваа убхиннам̣ лзд̣д̣убаад̇аанам̣ аб̣бханд̇араа минид̇аб̣б̣а’нд̇и вуд̇д̇ам̣. ид̣̇амзд̇т̇абамаан̣а’’нд̇и вуд̇д̇ад̇д̇аа абаригкид̇д̇асса батамалзд̣д̣убаад̇ам̣ ход̇и, г̇аамз вуд̇д̇зна вид̇хинаа вихаарабарияанд̇з тид̇абхад̇д̇асаалаг̇илаанасаалаад̣̇исзнаасанз жз баригкзбо ад̇т̇и, д̇ад̇т̇а ваа, над̇т̇и жз, ниб̣б̣агосасса уд̣̇агабаад̇адтаанз тид̇зна маад̇уг̇аамзна чад̣д̣ид̇абхааж̇анад̇хованод̣̇агабад̇анадтаанз ваа сзнаасанад̇о д̣̇уурз жзд̇ияан̇г̇ан̣з, б̣од̇хияан̇г̇ан̣з ваа тад̇ваа б̣аламаж̇жхимасса бурисасса хад̇т̇ам̣ басаарзд̇ваа ад̇д̇ано б̣алаббамаан̣зна кид̇д̇асса мудтияаа г̇ахид̇абаасаан̣асса бад̇анадтаанам̣ вихааруубажааро наама, д̇ад̣̇зва баагаараад̣̇ийхи баригкзбаарахадтаанам̣ наама. д̇ад̇т̇а тад̇ваа д̇ат̇зва кид̇д̇асса баасаан̣асса бад̇анадтаанам̣ зго лзд̣д̣убаад̇о, д̇ад̇т̇ааби тад̇ваа д̇ат̇зва кид̇д̇асса баасаан̣асса бад̇анадтаанам̣ зго лзд̣д̣убаад̇од̇и звам̣ д̣̇вз лзд̣д̣убаад̇аа г̇ахзд̇аб̣б̣аа.

    Parikkhepārahaṭṭhānaṃ nāma katamanti? Visuddhimagge (visuddhi. 1.31) dhutaṅganiddese ‘‘majjhimaṭṭhakathāyaṃ pana vihārassāpi gāmasseva upacāraṃ nīharitvā ubhinnaṃ leḍḍupātānaṃ abbhantarā minitabba’nti vuttaṃ. Idametthapamāṇa’’nti vuttattā aparikkhittassa paṭhamaleḍḍupātaṃ hoti, gāme vuttena vidhinā vihārapariyante ṭhitabhattasālagilānasālādisenāsane ce parikkhepo atthi, tattha vā, natthi ce, nibbakosassa udakapātaṭṭhāne ṭhitena mātugāmena chaḍḍitabhājanadhovanodakapatanaṭṭhāne vā senāsanato dūre cetiyaṅgaṇe, bodhiyaṅgaṇe vā ṭhatvā balamajjhimassa purisassa hatthaṃ pasāretvā attano balappamāṇena khittassa muṭṭhiyā gahitapāsāṇassa patanaṭṭhānaṃ vihārūpacāro nāma, tadeva pākārādīhi parikkhepārahaṭṭhānaṃ nāma. Tattha ṭhatvā tatheva khittassa pāsāṇassa patanaṭṭhānaṃ eko leḍḍupāto, tatthāpi ṭhatvā tatheva khittassa pāsāṇassa patanaṭṭhānaṃ eko leḍḍupātoti evaṃ dve leḍḍupātā gahetabbā.

    маг̇г̇ад̇о оггамид̇ваад̇и маг̇г̇ад̇о абасаггид̇ваа. г̇умб̣знаад̇и ругкаг̇аханзна ваа лад̇ааг̇аханзна ваа. вад̇ияаад̇и ган̣дагасаакаад̣̇ийхи гад̇ааяа вад̇ияаа.

    Maggato okkamitvāti maggato apasakkitvā. Gumbenāti rukkhagahanena vā latāgahanena vā. Vatiyāti kaṇṭakasākhādīhi katāya vatiyā.

    вад̇д̇амаад̣̇ааяаад̇и буб̣б̣з вуд̇д̇анаязна вад̇д̇ам̣ самаад̣̇ияид̇ваа. аарожзд̇ваад̇и яат̇аавуд̇д̇анаязна аарожзд̇ваа.

    Vattamādāyāti pubbe vuttanayena vattaṃ samādiyitvā. Ārocetvāti yathāvuttanayena ārocetvā.

    нигкибид̇ваад̇и буб̣б̣з вуд̇д̇анаязна вад̇д̇ам̣ нигкибид̇ваа. бхигкууд̇и ад̇д̇анаа сад̣̇д̇хим̣ хад̇т̇абаасад̣̇аанад̇т̇ааяа ааг̇ад̇о бхигку. яасса гассажийд̇и зд̇т̇а ‘‘санд̇игз’’д̇и сзсо.

    Nikkhipitvāti pubbe vuttanayena vattaṃ nikkhipitvā. Bhikkhūti attanā saddhiṃ hatthapāsadānatthāya āgato bhikkhu. Yassa kassacīti ettha ‘‘santike’’ti seso.

    аарожзд̇ваа ваад̇и ад̇д̇ано навагад̇аро жз, ‘‘аавусо’’д̇и, вуд̣дхо жз, ‘‘бханд̇з’’д̇и вад̇ваа яат̇аавуд̇д̇анаязнзва аарожзд̇ваа. сзсанд̇и авасзсавинижчаяам̣. самужжаяассаад̇и жуул̣аваг̇г̇ааг̇ад̇асса д̇ад̇ияасамужжаяагканд̇хагасса. адтагат̇ааяажаад̇и ‘‘сажз ан̃н̃о гожи бхигку гзнажид̣̇зва гаран̣ийязнаа’’д̇иаад̣̇инаа (жуул̣ава. адта. 102) адтагат̇ааг̇ад̇авинижчаязнааби.

    Ārocetvāvāti attano navakataro ce, ‘‘āvuso’’ti, vuḍḍho ce, ‘‘bhante’’ti vatvā yathāvuttanayeneva ārocetvā. Sesanti avasesavinicchayaṃ. Samuccayassāti cūḷavaggāgatassa tatiyasamuccayakkhandhakassa. Aṭṭhakathāyacāti ‘‘sace añño koci bhikkhu kenacideva karaṇīyenā’’tiādinā (cūḷava. aṭṭha. 102) aṭṭhakathāgatavinicchayenāpi.

    вибхааваязд̇и ‘‘сажз яам̣ бхигкум̣ д̇ад̇т̇а ааг̇ад̇ам̣ бассад̇и, бхаасамаанасса сад̣̇д̣̇ам̣ сун̣аад̇и, д̇асса аарожзд̇аб̣б̣ам̣. д̇ат̇аа агаронд̇асса рад̇д̇ижчзд̣̇о жа вад̇д̇абхзд̣̇о жа ход̇и д̣̇уггадам̣ аабаж̇ж̇ад̇и. сажз со д̣̇ваад̣̇асарад̇анаб̣бханд̇арам̣ бад̇ваа д̇асса аж̇аананд̇ассзва багганд̇о ход̇и, рад̇д̇ижчзд̣̇ова ход̇и, на вад̇д̇абхзд̣̇о . сажз ад̇д̇анаа сад̣̇д̇хим̣ ааг̇ад̇о гзнажид̣̇зва гаран̣ийязна г̇ад̇о ход̇и, вихаарам̣ г̇анд̇ваа яам̣ батамам̣ бассад̇и, д̇асса санд̇игз аарожзд̇ваа вад̇д̇ам̣ нигкибид̇аб̣б̣ам̣. звам̣ баригаббид̇ад̣̇ивасз бун̣н̣з гуггужжавинод̣̇анад̇т̇ам̣ ад̇ирзгз жа д̣̇ивасз вад̇д̇ам̣ буурзд̇ваа барияосаанз вад̇д̇з асамаад̣̇иннз маанад̇д̇аарахо на ход̇ийд̇и сан̇гхам̣ убасан̇гамма вад̇д̇ам̣ самаад̣̇ияид̇ваа канд̇хагз ааг̇ад̇анаязнзва маанад̇д̇ам̣ яаажид̇аб̣б̣ам̣. анигкид̇д̇авад̇д̇зна жарид̇угаамасса буна вад̇д̇асамаад̣̇аанам̣ гаад̇аб̣б̣ам̣ на ход̇ий’’д̇и зд̇д̇аго висзсо, имам̣ адтагат̇ааг̇ад̇ам̣ винижчаяам̣ багаасзяяаад̇и вуд̇д̇ам̣ ход̇ийд̇и.

    Vibhāvayeti ‘‘sace yaṃ bhikkhuṃ tattha āgataṃ passati, bhāsamānassa saddaṃ suṇāti, tassa ārocetabbaṃ. Tathā akarontassa ratticchedo ca vattabhedo ca hoti dukkaṭaṃ āpajjati. Sace so dvādasaratanabbhantaraṃ patvā tassa ajānantasseva pakkanto hoti, ratticchedova hoti, na vattabhedo . Sace attanā saddhiṃ āgato kenacideva karaṇīyena gato hoti, vihāraṃ gantvā yaṃ paṭhamaṃ passati, tassa santike ārocetvā vattaṃ nikkhipitabbaṃ. Evaṃ parikappitadivase puṇṇe kukkuccavinodanatthaṃ atireke ca divase vattaṃ pūretvā pariyosāne vatte asamādinne mānattāraho na hotīti saṅghaṃ upasaṅkamma vattaṃ samādiyitvā khandhake āgatanayeneva mānattaṃ yācitabbaṃ. Anikkhittavattena caritukāmassa puna vattasamādānaṃ kātabbaṃ na hotī’’ti ettako viseso, imaṃ aṭṭhakathāgataṃ vinicchayaṃ pakāseyyāti vuttaṃ hotīti.

    бадижчаннабариваасагат̇ааван̣н̣анаа.

    Paṭicchannaparivāsakathāvaṇṇanā.

    521. на ж̇аанад̇ийд̇и зд̇т̇а чанд̣̇авасзна рассо гад̇о. аабад̇д̇ийнан̃жа рад̇д̇ийнам̣, барижчзд̣̇ам̣ на ж̇аанад̇ийд̇и б̣ахуу сан̇гхаад̣̇исзсз аабаж̇ж̇ид̇вааби ‘‘зд̇д̇агаахам̣ аабад̇д̇ияо аабанно’’д̇и ад̇д̇ано аабаннасан̇гхаад̣̇исзсаабад̇д̇ийнам̣ барижчзд̣̇ам̣ на ж̇аанаад̇и, ‘‘маяаа аабаннаабад̇д̇и зд̇д̇агз д̣̇ивасз бадижчаннаа’’д̇и д̣̇ивасабарижчзд̣̇ам̣ на ж̇аанаад̇и.

    521.Na jānatīti ettha chandavasena rasso kato. Āpattīnañca rattīnaṃ, paricchedaṃ na jānatīti bahū saṅghādisese āpajjitvāpi ‘‘ettakāhaṃ āpattiyo āpanno’’ti attano āpannasaṅghādisesāpattīnaṃ paricchedaṃ na jānāti, ‘‘mayā āpannāpatti ettake divase paṭicchannā’’ti divasaparicchedaṃ na jānāti.

    522. ид̣̇аани д̇асса бабхзд̣̇ам̣ д̣̇ассзд̇умааха ‘‘зсзваа’’д̇иаад̣̇и. барисуд̣̇д̇хзхийд̇и сагаласам̣гилзсаббахаанзна барисуд̣̇д̇хасанд̇аанзхи убаалид̇т̇зраад̣̇ибуб̣б̣аажариязхи. зсова суд̣̇д̇ханд̇од̇и зсо яат̇аавуд̇д̇асаруубо суд̣̇д̇ханд̇абариваасо. жуул̣асуд̣̇д̇ханд̇анаамо жаад̇и ‘‘яо убасамбад̣̇ад̇о бадтааяа ануломаггамзна ваа’’д̇иаад̣̇инаа (жуул̣ава. адта. 102) адтагат̇ааяам̣ вуд̇д̇анаязна убасамбад̣̇амаал̣агад̇о бадтааяа ануломавасзна ваа аарожид̇ад̣̇ивасад̇о бадтааяа бадиломавасзна ваа саранд̇з ‘‘гид̇д̇агаани д̣̇ивасаани барисуд̣̇д̇ход̇и сарасий’’д̇и винаяад̇харзхи бужчид̇з ‘‘зд̇д̇агам̣ гаалам̣ барисуд̣̇д̇хосмий’’д̇и вуд̇д̇авад̇о д̇зна вуд̇д̇асуд̣̇д̇хад̣̇инаани барияанд̇ам̣ гад̇ваа д̣̇инно яаава убасамбаннад̣̇ивасо, д̇аава б̣ахуд̣̇ивасзсу нзд̇аб̣б̣ам̣ махаасуд̣̇д̇ханд̇ам̣ санд̇хааяа ид̇арад̣̇инаанам̣ буурзд̇аб̣б̣ад̇д̇аа жуул̣асуд̣̇д̇ханд̇о наамаад̇и вуд̇д̇ам̣ ход̇и.

    522. Idāni tassa pabhedaṃ dassetumāha ‘‘esevā’’tiādi. Parisuddhehīti sakalasaṃkilesappahānena parisuddhasantānehi upālittherādipubbācariyehi. Esova suddhantoti eso yathāvuttasarūpo suddhantaparivāso. Cūḷasuddhantanāmo cāti ‘‘yo upasampadato paṭṭhāya anulomakkamena vā’’tiādinā (cūḷava. aṭṭha. 102) aṭṭhakathāyaṃ vuttanayena upasampadamāḷakato paṭṭhāya anulomavasena vā ārocitadivasato paṭṭhāya paṭilomavasena vā sarante ‘‘kittakāni divasāni parisuddhoti sarasī’’ti vinayadharehi pucchite ‘‘ettakaṃ kālaṃ parisuddhosmī’’ti vuttavato tena vuttasuddhadināni pariyantaṃ katvā dinno yāva upasampannadivaso, tāva bahudivasesu netabbaṃ mahāsuddhantaṃ sandhāya itaradinānaṃ pūretabbattā cūḷasuddhanto nāmāti vuttaṃ hoti.

    ‘‘аяан̃хи суд̣̇д̇ханд̇абариваасо наама уд̣̇д̇хамби аарохад̇и, хздтааби орохад̇и, ид̣̇амасса лагкан̣а’’нд̇и (жуул̣ава. адта. 102) вуд̇д̇ад̇д̇аа имам̣ бариваасам̣ баривасанад̇о бажчаа д̣̇ивасам̣ саранд̇о баригаббзд̇ваа яож̇зд̇ваа г̇ахид̇ад̣̇ивасад̇о вад̣дхзд̇и ваа хаабзд̇и ваа, убхаяад̇т̇ааби ‘‘буна бариваасад̣̇аанагижжам̣ над̇т̇ий’’д̇и (жуул̣ава. адта. 102) важанад̇о буб̣б̣з д̣̇иннабариваасоязва бамаан̣ам̣ . ‘‘зд̇асса аббадижчаннам̣ ‘бадижчаннаа’д̇и ваа ажирабадижчаннам̣ ‘жирабадижчаннаа’д̇и ваа асамб̣ахуламби ‘самб̣ахулаа’д̇и ваа вибарийд̇ад̇о г̇ахзд̇ваа винаяагаммам̣ гаронд̇асса аабад̇д̇ид̇о вудтаанам̣ ход̇и, бадижчаннам̣ ‘аббадижчаннаа’д̇иаад̣̇ивибарияааязна на ход̇ий’’д̇и (жуул̣ава. адта. 102 ад̇т̇ад̇о самаанам̣) адтагат̇ааг̇ад̇анаяо взд̣̇ид̇аб̣б̣о.

    ‘‘Ayañhi suddhantaparivāso nāma uddhampi ārohati, heṭṭhāpi orohati, idamassa lakkhaṇa’’nti (cūḷava. aṭṭha. 102) vuttattā imaṃ parivāsaṃ parivasanato pacchā divasaṃ saranto parikappetvā yojetvā gahitadivasato vaḍḍheti vā hāpeti vā, ubhayatthāpi ‘‘puna parivāsadānakiccaṃ natthī’’ti (cūḷava. aṭṭha. 102) vacanato pubbe dinnaparivāsoyeva pamāṇaṃ . ‘‘Etassa appaṭicchannaṃ ‘paṭicchannā’ti vā acirapaṭicchannaṃ ‘cirapaṭicchannā’ti vā asambahulampi ‘sambahulā’ti vā viparītato gahetvā vinayakammaṃ karontassa āpattito vuṭṭhānaṃ hoti, paṭicchannaṃ ‘appaṭicchannā’tiādivipariyāyena na hotī’’ti (cūḷava. aṭṭha. 102 atthato samānaṃ) aṭṭhakathāgatanayo veditabbo.

    махаасуд̣̇д̇ханд̇анаамагод̇и ‘‘яо бана яат̇аавуд̇д̇зна ануломабадиломанаязна бужчияамааноби рад̇д̇ибарияанд̇ам̣ на ж̇аанаад̇и, нзва сарад̇и, взмад̇иго ваа ход̇и, д̇асса д̣̇инно суд̣̇д̇ханд̇абариваасо махаасуд̣̇д̇ханд̇од̇и вужжад̇ий’’д̇и (жуул̣ава. адта. 102) адтагат̇ааяам̣ нид̣̇д̣̇идтасаруубо махаасуд̣̇д̇ханд̇о наама. ‘‘аяам̣ уд̣̇д̇хам̣ наарохад̇и, хздтаа бана орохад̇ий’’д̇и вуд̇д̇ад̇д̇аа аяам̣ бариваасо яаава убасамбаннад̣̇ивасо, д̇аава буурзд̇аб̣б̣ад̇о д̇ад̇о уд̣̇д̇хам̣ наарохад̇и. анд̇араал̣з ад̇д̇ано суд̣̇д̇хагаалам̣ баригаббзд̇ваа сарад̇и жз, д̇ад̇о бадтааяа нивад̇д̇анад̇о д̣̇ивасахаанам̣ бана ход̇зва.

    Mahāsuddhantanāmakoti ‘‘yo pana yathāvuttena anulomapaṭilomanayena pucchiyamānopi rattipariyantaṃ na jānāti, neva sarati, vematiko vā hoti, tassa dinno suddhantaparivāso mahāsuddhantoti vuccatī’’ti (cūḷava. aṭṭha. 102) aṭṭhakathāyaṃ niddiṭṭhasarūpo mahāsuddhanto nāma. ‘‘Ayaṃ uddhaṃ nārohati, heṭṭhā pana orohatī’’ti vuttattā ayaṃ parivāso yāva upasampannadivaso, tāva pūretabbato tato uddhaṃ nārohati. Antarāḷe attano suddhakālaṃ parikappetvā sarati ce, tato paṭṭhāya nivattanato divasahānaṃ pana hoteva.

    523. ‘‘ан̃н̃ад̇аро бхигку самб̣ахулаа сан̇гхаад̣̇исзсаа аабад̇д̇ияо аабанно ход̇и, со аабад̇д̇ибарияанд̇ам̣ на ж̇аанаад̇и, рад̇д̇ибарияанд̇ам̣ на ж̇аанаад̇ий’’д̇и (жуул̣ава. 156) ааг̇ад̇авад̇т̇умхи имасса бариваасасса анун̃н̃аад̇ад̇д̇аа д̇ам̣ вад̇т̇ум̣ сан̇г̇ахзд̇ум̣ ‘‘аабад̇д̇ийнам̣ жаа’’д̇иаад̣̇им̣ вад̇вааби ‘‘аабад̇д̇ибарияанд̇ам̣ бана ‘зд̇д̇агаа ахам̣ аабад̇д̇ияо аабанно’д̇и ж̇аанаад̇у ваа маа ваа, агааран̣амзд̇а’’нд̇и (жуул̣ава. адта. 102) бадисзд̇хзд̇ваа адтагат̇ааяам̣ бад̇хаанабхаавзна вуд̇д̇арад̇д̇ибарияанд̇асса абариж̇аананамад̇д̇амзва бамаан̣анд̇и д̣̇ассзд̇умааха ‘‘д̣̇увид̇хобий’’д̇иаад̣̇и. д̣̇увид̇хоби аяам̣ суд̣̇д̇ханд̇абариваасо згажжам̣ рад̇д̇ибарижчзд̣̇ам̣, сагалам̣ ваа рад̇д̇ибарижчзд̣̇ам̣ аж̇аанад̇о ваа вимад̇исса ваа д̣̇аад̇аб̣б̣од̇и яож̇анаа.

    523. ‘‘Aññataro bhikkhu sambahulā saṅghādisesā āpattiyo āpanno hoti, so āpattipariyantaṃ na jānāti, rattipariyantaṃ na jānātī’’ti (cūḷava. 156) āgatavatthumhi imassa parivāsassa anuññātattā taṃ vatthuṃ saṅgahetuṃ ‘‘āpattīnaṃ cā’’tiādiṃ vatvāpi ‘‘āpattipariyantaṃ pana ‘ettakā ahaṃ āpattiyo āpanno’ti jānātu vā mā vā, akāraṇameta’’nti (cūḷava. aṭṭha. 102) paṭisedhetvā aṭṭhakathāyaṃ padhānabhāvena vuttarattipariyantassa aparijānanamattameva pamāṇanti dassetumāha ‘‘duvidhopī’’tiādi. Duvidhopi ayaṃ suddhantaparivāso ekaccaṃ rattiparicchedaṃ, sakalaṃ vā rattiparicchedaṃ ajānato vā vimatissa vā dātabboti yojanā.

    суд̣̇д̇ханд̇абариваасагат̇ааван̣н̣анаа.

    Suddhantaparivāsakathāvaṇṇanā.

    524. ид̇ароби со самод̇хаанабариваасо д̇ид̇хаа мад̇од̇и яож̇анаа. д̇хаад̇усад̣̇д̣̇аанам̣ анзгад̇т̇ад̇д̇аа ‘‘од̇хаана’’нд̇и магканам̣ вужжад̇и. д̇знааха адтагат̇ааяам̣ ‘‘од̇хунид̇ваа магкзд̇ваа’’д̇и (жуул̣ава. адта. 102). ‘‘самод̇хаана’’нд̇и багкзбо вужжад̇и. яат̇ааха адтагат̇ааяам̣ ‘‘самод̣̇ахид̇ваа’’д̇и. од̇хаанан̃жа самод̇хаанан̃жа од̇хаанасамод̇хаанам̣, д̇ам̣ яад̇т̇а со бариваасо ‘‘од̇хаанасамод̇хаано’’д̇и взд̣̇ид̇аб̣б̣о. арисаад̣̇иг̇ан̣з анд̇ог̇ад̇хад̇д̇аа хзд̇т̇а, убари жа зваруубз таанз а-гаарабажжаяо д̣̇адтаб̣б̣о . баривуд̇т̇ад̣̇ивасаанам̣ магканан̃жа муулаабад̇д̇ияам̣ анд̇араабад̇д̇ийнам̣ багкибанан̃жа яасмим̣ со бариваасод̇и вуд̇д̇ам̣ ход̇и. д̇знзвзд̇т̇а ‘‘д̣̇ивасз баривуд̇т̇з д̇у, од̇хунид̇ваа бад̣̇ийяад̇з’’д̇и вагкад̇и. яат̇ааха адтагат̇ааяам̣ ‘‘баривуд̇т̇ад̣̇ивасз од̇хунид̇ваа магкзд̇ваа буримааяа аабад̇д̇ияаа муулад̣̇ивасабарижчзд̣̇з бажчаа аабаннам̣ аабад̇д̇им̣ самод̣̇ахид̇ваа’’д̇и (жуул̣ава. адта. 102).

    524. Itaropi so samodhānaparivāso tidhā matoti yojanā. Dhātusaddānaṃ anekatthattā ‘‘odhāna’’nti makkhanaṃ vuccati. Tenāha aṭṭhakathāyaṃ ‘‘odhunitvā makkhetvā’’ti (cūḷava. aṭṭha. 102). ‘‘Samodhāna’’nti pakkhepo vuccati. Yathāha aṭṭhakathāyaṃ ‘‘samodahitvā’’ti. Odhānañca samodhānañca odhānasamodhānaṃ, taṃ yattha so parivāso ‘‘odhānasamodhāno’’ti veditabbo. Arisādigaṇe antogadhattā hettha, upari ca evarūpe ṭhāne a-kārapaccayo daṭṭhabbo . Parivutthadivasānaṃ makkhanañca mūlāpattiyaṃ antarāpattīnaṃ pakkhipanañca yasmiṃ so parivāsoti vuttaṃ hoti. Tenevettha ‘‘divase parivutthe tu, odhunitvā padīyate’’ti vakkhati. Yathāha aṭṭhakathāyaṃ ‘‘parivutthadivase odhunitvā makkhetvā purimāya āpattiyā mūladivasaparicchede pacchā āpannaṃ āpattiṃ samodahitvā’’ti (cūḷava. aṭṭha. 102).

    аг̇гхабуб̣б̣аго миссагабуб̣б̣аго самод̇хаанабариваасод̇и яож̇анаа, аг̇гхасамод̇хаанабариваасо миссагасамод̇хаанабариваасод̇и вуд̇д̇ам̣ ход̇и. аг̇гхо жа миссаго жа аг̇гхамиссагаа, д̇з буб̣б̣агаа зд̇ассаад̇и аг̇гхамиссагабуб̣б̣аго, самод̇хаано. аг̇гхзна самод̇хаанам̣ аг̇гхасамод̇хаанам̣, д̇ам̣ яад̇т̇а со аг̇гхасамод̇хаано, аабаннаасу б̣ахуусу саб̣б̣ажирабадижчаннаабад̇д̇ийнам̣ д̣̇ивасаг̇ан̣анаг̇гхзнзва бажчаа аабаннааабад̇д̇ийнам̣ багкзбаяуд̇д̇абариваасод̇и ад̇т̇о. яат̇ааха адтагат̇ааяам̣ ‘‘аг̇гхасамод̇хаано наама самб̣ахулаасу аабад̇д̇ийсу яаа згаа ваа д̣̇вз ваа д̇иссо ваа самб̣ахулаа ваа аабад̇д̇ияо саб̣б̣ажирабадижчаннааяо, д̇аасам̣ аг̇гхзна самод̇хааяа д̇аасам̣ рад̇д̇ибарижчзд̣̇авасзна авасзсаанам̣ уунад̇арабадижчаннаанам̣ аабад̇д̇ийнам̣ бариваасо д̣̇ияяад̇и, аяам̣ вужжад̇и аг̇гхасамод̇хаано’’д̇и (жуул̣ава. адта. 102). миссагаанам̣ наанаавад̇т̇угаанам̣ аабад̇д̇ийнам̣ самод̇хаанам̣ миссагасамод̇хаанам̣, д̇ам̣ яад̇т̇а со бариваасо миссагасамод̇хаано. миссагаанам̣ наанаавад̇т̇угаанам̣ аабад̇д̇ийнам̣ згад̇о багкзбаяуд̇д̇о бариваасод̇и ад̇т̇о. яат̇ааха адтагат̇ааяам̣ ‘‘миссагасамод̇хаано наама яо наанаавад̇т̇угаа аабад̇д̇ияо згад̇о гад̇ваа д̣̇ияяад̇ий’’д̇и (жуул̣ава. адта. 102).

    Agghapubbako missakapubbako samodhānaparivāsoti yojanā, agghasamodhānaparivāso missakasamodhānaparivāsoti vuttaṃ hoti. Aggho ca missako ca agghamissakā, te pubbakā etassāti agghamissakapubbako, samodhāno. Agghena samodhānaṃ agghasamodhānaṃ, taṃ yattha so agghasamodhāno, āpannāsu bahūsu sabbacirapaṭicchannāpattīnaṃ divasagaṇanaggheneva pacchā āpannaāpattīnaṃ pakkhepayuttaparivāsoti attho. Yathāha aṭṭhakathāyaṃ ‘‘agghasamodhāno nāma sambahulāsu āpattīsu yā ekā vā dve vā tisso vā sambahulā vā āpattiyo sabbacirapaṭicchannāyo, tāsaṃ agghena samodhāya tāsaṃ rattiparicchedavasena avasesānaṃ ūnatarapaṭicchannānaṃ āpattīnaṃ parivāso diyyati, ayaṃ vuccati agghasamodhāno’’ti (cūḷava. aṭṭha. 102). Missakānaṃ nānāvatthukānaṃ āpattīnaṃ samodhānaṃ missakasamodhānaṃ, taṃ yattha so parivāso missakasamodhāno. Missakānaṃ nānāvatthukānaṃ āpattīnaṃ ekato pakkhepayutto parivāsoti attho. Yathāha aṭṭhakathāyaṃ ‘‘missakasamodhāno nāma yo nānāvatthukā āpattiyo ekato katvā diyyatī’’ti (cūḷava. aṭṭha. 102).

    525-7. звам̣ д̇ивид̇хз самод̇хаанабариваасз батамабариваасасса висзсанабхууд̇ад̇ааяа аваяаваанам̣ д̣̇виннам̣ од̇хаанасамод̇хаанасад̣̇д̣̇аанам̣ ад̇т̇аануваад̣̇зна д̇ад̣̇убхаяаод̇хаанасамод̇хаанасаруубам̣ вид̇хаад̇умааха ‘‘аабаж̇ж̇ид̇ваа…бз… багаасид̇о’’д̇и. д̇ад̇т̇а батамасса од̇хаана-сад̣̇д̣̇асан̇каад̇асса аваяавасса ад̇т̇асаруубаануваад̣̇амааха ‘‘аабаж̇ж̇ид̇ваа…бз… бад̣̇ийяад̇з’’д̇и. д̣̇уд̇ияааваяавасан̇каад̇асамод̇хаана-сад̣̇д̣̇асса ад̇т̇асаруубаануваад̣̇амааха ‘‘буримаабад̇д̇ияаа…бз… бхигкуно’’д̇и. д̇знзва убхаяад̇т̇аануваад̣̇з ‘‘бхигкуно’’д̇и бад̣̇ад̣̇ваяасса, ‘‘бад̣̇ийяад̇з д̣̇аад̇аб̣б̣о’’д̇и гирияаабад̣̇ад̣̇ваяасса жа висум̣ висум̣ г̇ахид̇ад̇д̇аа бунаруд̇д̇ид̣̇осаабхааво взд̣̇ид̇аб̣б̣о. звам̣ аваяавад̇т̇аануваад̣̇зна вид̇хаад̇аб̣б̣асамуд̣̇ааяам̣ д̣̇ассзд̇умааха ‘‘зсод̇хаанасамод̇хаанабариваасо багаасид̇о’’д̇и. зд̇т̇а чаад̣̇знд̇асса хийд̇и хи-сад̣̇д̣̇о хзд̇умхи. зсод̇хаанасамод̇хаанод̇и зд̇т̇а зд̇а-сад̣̇д̣̇асамб̣анд̇хзна ‘‘яо’’д̇и лаб̣бхад̇и.

    525-7. Evaṃ tividhe samodhānaparivāse paṭhamaparivāsassa visesanabhūtatāya avayavānaṃ dvinnaṃ odhānasamodhānasaddānaṃ atthānuvādena tadubhayaodhānasamodhānasarūpaṃ vidhātumāha ‘‘āpajjitvā…pe… pakāsito’’ti. Tattha paṭhamassa odhāna-saddasaṅkhātassa avayavassa atthasarūpānuvādamāha ‘‘āpajjitvā…pe… padīyate’’ti. Dutiyāvayavasaṅkhātasamodhāna-saddassa atthasarūpānuvādamāha ‘‘purimāpattiyā…pe… bhikkhuno’’ti. Teneva ubhayatthānuvāde ‘‘bhikkhuno’’ti padadvayassa, ‘‘padīyate dātabbo’’ti kiriyāpadadvayassa ca visuṃ visuṃ gahitattā punaruttidosābhāvo veditabbo. Evaṃ avayavatthānuvādena vidhātabbasamudāyaṃ dassetumāha ‘‘esodhānasamodhānaparivāso pakāsito’’ti. Ettha chādentassa hīti hi-saddo hetumhi. Esodhānasamodhānoti ettha eta-saddasambandhena ‘‘yo’’ti labbhati.

    д̇ад̇рааяам̣ яож̇анаа – аабаж̇ж̇ид̇ваа…бз… од̇хунид̇ваа яо яасмаа бад̣̇ийяад̇з, буримаабад̇д̇ияаа…бз… яо яасмаа д̣̇аад̇аб̣б̣о, д̇асмаа зсод̇хаанасамод̇хаанабариваасо багаасид̇од̇и.

    Tatrāyaṃ yojanā – āpajjitvā…pe… odhunitvā yo yasmā padīyate, purimāpattiyā…pe… yo yasmā dātabbo, tasmā esodhānasamodhānaparivāso pakāsitoti.

    д̇ад̇т̇а анд̇араабад̇д̇им̣ аабаж̇ж̇ид̇ваад̇и бадижчаннаабад̇д̇ияаа баривасанд̇о ваа маанад̇д̇аарахо ваа маанад̇д̇ам̣ жаранд̇о ваа аб̣бхаанаарахо ваа худ̇ваа гад̣̇аажи ан̃н̃ам̣ сан̇гхаад̣̇исзсаабад̇д̇им̣ аабаж̇ж̇ид̇ваа. чаад̣̇знд̇ассаад̇и батамам̣ аабаннаабад̇д̇ияаабадижчаад̣̇ид̇агаалзна самам̣ ваа уунам̣ ваа гаалам̣ бадижчаад̣̇знд̇асса. ‘‘муулааяабадигассанзна д̇з баривуд̇т̇ад̣̇ивасз жа маанад̇д̇ажин̣н̣ад̣̇ивасз жа саб̣б̣з од̇хунид̇ваа’’д̇и (жуул̣ава. адта. 102) адтагат̇ааважанад̇о зд̇т̇а ‘‘баривуд̇т̇з’’д̇и убалагкан̣ад̇д̇аа ‘‘маанад̇д̇ажин̣н̣з жаа’’д̇и г̇ахзд̇аб̣б̣ам̣. од̇хунид̇ваад̇и жа муулааяабадигассанавасзна магкзд̇ваа, ад̣̇ивасз гад̇ваад̇и ад̇хиббааяо.

    Tattha antarāpattiṃ āpajjitvāti paṭicchannāpattiyā parivasanto vā mānattāraho vā mānattaṃ caranto vā abbhānāraho vā hutvā kadāci aññaṃ saṅghādisesāpattiṃ āpajjitvā. Chādentassāti paṭhamaṃ āpannāpattiyāpaṭicchāditakālena samaṃ vā ūnaṃ vā kālaṃ paṭicchādentassa. ‘‘Mūlāyapaṭikassanena te parivutthadivase ca mānattaciṇṇadivase ca sabbe odhunitvā’’ti (cūḷava. aṭṭha. 102) aṭṭhakathāvacanato ettha ‘‘parivutthe’’ti upalakkhaṇattā ‘‘mānattaciṇṇe cā’’ti gahetabbaṃ. Odhunitvāti ca mūlāyapaṭikassanavasena makkhetvā, adivase katvāti adhippāyo.

    яо яасмаа бад̣̇ийяад̇з, со бариваасо садтивассаани баривасид̇ваа маанад̇д̇аарахо худ̇вааби анд̇араабад̇д̇им̣ аабаж̇ж̇ид̇ваа згаахамби бадижчаад̣̇ид̇з муулааяабадигассанзна д̇з д̣̇ивасз саб̣б̣з магкзд̇ваа д̇аанзва садтивассаани бунаби яасмаа бад̣̇ийяад̇зд̇и ад̇т̇о. яат̇ааха адтагат̇ааяам̣ ‘‘садтивассаани баривасид̇ваа маанад̇д̇аарахо худ̇вааби хи згад̣̇ивасам̣ анд̇араабад̇д̇им̣ бадижчаад̣̇зд̇ваа бунаби садтивассаани бариваасаарахо ход̇ий’’д̇и (жуул̣ава. адта. 102).

    Yo yasmā padīyate, so parivāso saṭṭhivassāni parivasitvā mānattāraho hutvāpi antarāpattiṃ āpajjitvā ekāhampi paṭicchādite mūlāyapaṭikassanena te divase sabbe makkhetvā tāneva saṭṭhivassāni punapi yasmā padīyateti attho. Yathāha aṭṭhakathāyaṃ ‘‘saṭṭhivassāni parivasitvā mānattāraho hutvāpi hi ekadivasaṃ antarāpattiṃ paṭicchādetvā punapi saṭṭhivassāni parivāsāraho hotī’’ti (cūḷava. aṭṭha. 102).

    буримаабад̇д̇ияаад̇и д̇зна аабаннаасу самб̣ахулаасу аабад̇д̇ийсу саб̣б̣аабад̇д̇ийнам̣ бурзд̇арамзва бадижчаннааяа аабад̇д̇ияаа. муулад̣̇ивасзд̇и батамам̣ вийд̇иггамад̣̇ивасз. винижчид̇зд̇и ‘‘асугасам̣важчарз асугамаасз асугад̣̇ивасз’’д̇и нияамид̇з. самод̇хааяа багкибид̇ваа д̣̇аад̇аб̣б̣од̇и самб̣анд̇хо. вид̇хаанад̇о яаажамаанассаад̇и вид̇хаанад̇о сан̇гхзна д̣̇аад̇аб̣б̣од̇и яож̇зд̇аб̣б̣ам̣, самужжаяагканд̇хагз вуд̇д̇зна вид̇хинаа яаажамаанасса д̇ад̇т̇зва вуд̇д̇авид̇хинаа сан̇гхзна д̣̇аад̇аб̣б̣од̇и ад̇т̇о. ‘‘зсо од̇хаанасамод̇хаанабариваасо’’д̇и бад̣̇ажчзд̣̇о.

    Purimāpattiyāti tena āpannāsu sambahulāsu āpattīsu sabbāpattīnaṃ puretarameva paṭicchannāya āpattiyā. Mūladivaseti paṭhamaṃ vītikkamadivase. Vinicchiteti ‘‘asukasaṃvacchare asukamāse asukadivase’’ti niyamite. Samodhāya pakkhipitvā dātabboti sambandho. Vidhānato yācamānassāti vidhānato saṅghena dātabboti yojetabbaṃ, samuccayakkhandhake vuttena vidhinā yācamānassa tattheva vuttavidhinā saṅghena dātabboti attho. ‘‘Eso odhānasamodhānaparivāso’’ti padacchedo.

    528-9. д̇ат̇аа вужжад̇ийд̇и самб̣анд̇хо. д̇аасам̣ аг̇гхавасзна хийд̇и хи-сад̣̇д̣̇о хзд̇умхи. ‘‘сод̇и д̇ам̣сад̣̇д̣̇асамб̣анд̇хзна ‘‘яо’’д̇и лаб̣бхад̇и. д̇ад̇рааяам̣ яож̇анаа – самб̣ахулаа…бз… д̇аасам̣ аг̇гхавасзна д̇ад̇о уунабадижчаннаанам̣ аабад̇д̇ийнам̣ самод̇хааяа яо яасмаа бад̣̇аад̇аб̣б̣о бариваасо, д̇асмаа со яат̇аа аваяавад̇т̇авасзна ‘‘од̇хаанасамод̇хаано’’д̇и бариваасо вуд̇д̇о, д̇ат̇аа ‘‘аг̇гхасамод̇хаано’’д̇и вужжад̇ийд̇и.

    528-9. Tathā vuccatīti sambandho. Tāsaṃ agghavasena hīti hi-saddo hetumhi. ‘‘Soti taṃsaddasambandhena ‘‘yo’’ti labbhati. Tatrāyaṃ yojanā – sambahulā…pe… tāsaṃ agghavasena tato ūnapaṭicchannānaṃ āpattīnaṃ samodhāya yo yasmā padātabbo parivāso, tasmā so yathā avayavatthavasena ‘‘odhānasamodhāno’’ti parivāso vutto, tathā ‘‘agghasamodhāno’’ti vuccatīti.

    д̇ад̇т̇а самб̣ахулаасууд̇и яаасам̣ аабад̇д̇ийнам̣ баривасид̇угаамо, д̇аасу самб̣ахулаасу аабад̇д̇ийсу, нид̣̇д̇хааран̣з бхуммам̣. ‘‘згаа ваа’’д̇иаад̣̇и нид̣̇д̇хаарияанид̣̇д̣̇зсо. д̇аасам̣ аабад̇д̇ийнам̣. аг̇гхавасзнаад̇и г̇ан̣анавасзна, рад̇д̇ибарижчзд̣̇авасзнаад̇и вуд̇д̇ам̣ ход̇и. яат̇ааха адтагат̇ааяам̣ ‘‘д̇аасам̣ рад̇д̇ибарижчзд̣̇авасзнаа’’д̇и (жуул̣ава. адта. 102). ‘‘бад̣̇аад̇аб̣б̣о’’д̇и иминаа самб̣анд̇хо. д̇ад̇од̇и жирабадижчаннаабад̇д̇ид̇о. уунабадижчаннаанам̣ аабад̇д̇ийнанд̇и зд̇т̇а убаяог̇ад̇т̇з саамиважанам̣, уунабадижчаннааяо аабад̇д̇ияо самод̇хааяаад̇и вуд̇д̇ам̣ ход̇и.

    Tattha sambahulāsūti yāsaṃ āpattīnaṃ parivasitukāmo, tāsu sambahulāsu āpattīsu, niddhāraṇe bhummaṃ. ‘‘Ekā vā’’tiādi niddhāriyaniddeso. Tāsaṃ āpattīnaṃ. Agghavasenāti gaṇanavasena, rattiparicchedavasenāti vuttaṃ hoti. Yathāha aṭṭhakathāyaṃ ‘‘tāsaṃ rattiparicchedavasenā’’ti (cūḷava. aṭṭha. 102). ‘‘Padātabbo’’ti iminā sambandho. Tatoti cirapaṭicchannāpattito. Ūnapaṭicchannānaṃ āpattīnanti ettha upayogatthe sāmivacanaṃ, ūnapaṭicchannāyo āpattiyo samodhāyāti vuttaṃ hoti.

    530. наанаа суггависсадтиаад̣̇ийни вад̇т̇ууни яаасам̣ д̇аа наанаавад̇т̇угаа, наанаавад̇т̇угаа сан̃н̃аа яаасам̣ аабад̇д̇ийнам̣ д̇аа наанаавад̇т̇угасан̃н̃ааяо. саб̣б̣аад̇и зд̇т̇а ‘‘яаа’’д̇и сзсо, суггависсадтиаад̣̇игулад̣̇уусанаавасаанаа яаа саб̣б̣аа д̇зраса сан̇гхаад̣̇исзсаа аабад̇д̇ияод̇и ад̇т̇о. д̇аа саб̣б̣аад̇и зд̇т̇а би-сад̣̇д̣̇о вад̇д̇аб̣б̣о. д̣̇аад̇аб̣б̣од̇и зд̇т̇а ‘‘бариваасо’’д̇и аанзд̇ваа самб̣анд̇хид̇аб̣б̣ам̣. д̇аа саб̣б̣ааби згад̇о гад̇ваа д̣̇аад̇аб̣б̣о бариваасод̇и яож̇анаа. д̇асса д̇зраса сан̇гхаад̣̇исзсаабад̇д̇ияоби згад̇о гад̇ваад̇и ад̇т̇о. ‘‘ахам̣ бханд̇з самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ згам̣ суггависсадтим̣…бз… згам̣ гулад̣̇уусагам̣, сохам̣ бханд̇з сан̇гхам̣ д̇аасам̣ аабад̇д̇ийнам̣ самод̇хаанабариваасам̣ яаажаамий’’д̇и д̇игкад̇д̇ум̣ яаажанааяа жа д̇ад̣̇ануруубааяа н̃ад̇д̇ияаа жа гаммаваажаасу жа наамам̣ вад̇ваа д̣̇аад̇аб̣б̣абариваасо миссаго мад̇о ‘‘миссагасамод̇хаанабариваасо’’д̇и н̃аад̇о. д̣̇вз, д̇иссо, жад̇ассо, ад̇ирзгаа жа аабаннассааби бариваасам̣ д̣̇знд̇зна иминаа нияаамзна вад̇т̇ум̣, наамам̣ висзсзд̇ваа г̇ахзд̇аб̣б̣ам̣.

    530. Nānā sukkavissaṭṭhiādīni vatthūni yāsaṃ tā nānāvatthukā, nānāvatthukā saññā yāsaṃ āpattīnaṃ tā nānāvatthukasaññāyo. Sabbāti ettha ‘‘yā’’ti seso, sukkavissaṭṭhiādikuladūsanāvasānā yā sabbā terasa saṅghādisesā āpattiyoti attho. Tā sabbāti ettha pi-saddo vattabbo. Dātabboti ettha ‘‘parivāso’’ti ānetvā sambandhitabbaṃ. Tā sabbāpi ekato katvā dātabbo parivāsoti yojanā. Tassa terasa saṅghādisesāpattiyopi ekato katvāti attho. ‘‘Ahaṃ bhante sambahulā saṅghādisesā āpattiyo āpajjiṃ ekaṃ sukkavissaṭṭhiṃ…pe… ekaṃ kuladūsakaṃ, sohaṃ bhante saṅghaṃ tāsaṃ āpattīnaṃ samodhānaparivāsaṃ yācāmī’’ti tikkhattuṃ yācanāya ca tadanurūpāya ñattiyā ca kammavācāsu ca nāmaṃ vatvā dātabbaparivāso missako mato ‘‘missakasamodhānaparivāso’’ti ñāto. Dve, tisso, catasso, atirekā ca āpannassāpi parivāsaṃ dentena iminā niyāmena vatthuṃ, nāmaṃ visesetvā gahetabbaṃ.

    самод̇хаанабариваасагат̇ааван̣н̣анаа.

    Samodhānaparivāsakathāvaṇṇanā.

    531. баривуд̇т̇абариваасассаад̇и д̇ивид̇хз бариваасз ан̃н̃ад̇арасса васзна баривуд̇т̇абариваасасса. уд̇д̇ари ча рад̇д̇ияод̇и бариваасад̇о уд̇д̇ари ча рад̇д̇ияо, ча д̣̇ивасзд̇и вуд̇д̇ам̣ ход̇и, ‘‘жарид̇у’’нд̇и сзсо, жаран̣агирияааяа ажжанд̇асам̣яог̇з убаяог̇аважанам̣. маанад̇д̇ам̣ д̣̇зяяанд̇и яож̇анаа, ‘‘сан̇гхзнаа’’д̇и саамад̇т̇ияаа лаб̣бхад̇и. самужжаяагканд̇хагз вуд̇д̇анаязна яож̇зд̇ваа чаарад̇д̇ан̃жа д̣̇аад̇аб̣б̣о, бхигкумаананавид̇хи бхигкусса д̣̇аад̇аб̣б̣од̇и ад̇т̇о.

    531.Parivutthaparivāsassāti tividhe parivāse aññatarassa vasena parivutthaparivāsassa. Uttari cha rattiyoti parivāsato uttari cha rattiyo, cha divaseti vuttaṃ hoti, ‘‘caritu’’nti seso, caraṇakiriyāya accantasaṃyoge upayogavacanaṃ. Mānattaṃ deyyanti yojanā, ‘‘saṅghenā’’ti sāmatthiyā labbhati. Samuccayakkhandhake vuttanayena yojetvā chārattañca dātabbo, bhikkhumānanavidhi bhikkhussa dātabboti attho.

    ‘‘баривуд̇т̇абариваасассаа’’д̇и иминаа бадижчаннамаанад̇д̇ам̣ багад̇ам̣, д̇ад̇т̇а бабхзд̣̇з асад̇и гасмаа ‘‘бадижчаннаабадижчаннавасаа д̣̇увз’’д̇и вуд̇д̇анд̇и? багад̇абхзд̣̇аманабзгкид̇ваа чаарад̇д̇амаанад̇д̇з лаб̣бхамаанависаяабхзд̣̇ам̣ д̣̇ассзд̇ум̣ вуд̇д̇ам̣. зван̃хи сад̇и самод̇хаанамаанад̇д̇з жа ‘‘чаарад̇д̇ам̣ маанад̇д̇ам̣ д̣̇зд̇уу’’д̇и (жуул̣ава. 128) баал̣ияам̣ вуд̇д̇ад̇д̇аа д̇амби г̇ахзд̇ваа ‘‘д̇ид̇хаа’’д̇и гасмаа на вуд̇д̇анд̇и? д̇амби бадижчаннаабад̇д̇ияаа баривуд̇т̇абариваасассзва д̣̇аад̇аб̣б̣амаанад̇д̇анд̇и бадижчаннамаанад̇д̇аважанзнзва сан̇г̇ахид̇ад̇д̇аа висум̣ на вуд̇д̇ам̣. д̇знзва жад̇уб̣б̣ид̇хз маанад̇д̇з имзхи д̣̇вийхи винаа д̣̇ассзд̇аб̣б̣зсу д̣̇вийсу маанад̇д̇зсу багкамаанад̇д̇амад̇д̇ам̣ ‘‘чаад̣̇знд̇ияаа’’д̇иаад̣̇иг̇аат̇ааяа д̣̇ассзд̇ваа самод̇хаанамаанад̇д̇ам̣ висум̣ на д̣̇ассид̇анд̇и д̣̇адтаб̣б̣ам̣.

    ‘‘Parivutthaparivāsassā’’ti iminā paṭicchannamānattaṃ pakataṃ, tattha pabhede asati kasmā ‘‘paṭicchannāpaṭicchannavasā duve’’ti vuttanti? Pakatabhedamanapekkhitvā chārattamānatte labbhamānavisayabhedaṃ dassetuṃ vuttaṃ. Evañhi sati samodhānamānatte ca ‘‘chārattaṃ mānattaṃ detū’’ti (cūḷava. 128) pāḷiyaṃ vuttattā tampi gahetvā ‘‘tidhā’’ti kasmā na vuttanti? Tampi paṭicchannāpattiyā parivutthaparivāsasseva dātabbamānattanti paṭicchannamānattavacaneneva saṅgahitattā visuṃ na vuttaṃ. Teneva catubbidhe mānatte imehi dvīhi vinā dassetabbesu dvīsu mānattesu pakkhamānattamattaṃ ‘‘chādentiyā’’tiādigāthāya dassetvā samodhānamānattaṃ visuṃ na dassitanti daṭṭhabbaṃ.

    534-6. винид̣̇д̣̇идтаббагааранд̇и ‘‘баригкид̇д̇авихаарассаа’’д̇иаад̣̇инаа яат̇аавуд̇д̇аг̇аат̇аад̣̇ваязна нид̣̇д̣̇идтаббагаарам̣. аад̣̇ияид̇ваана д̇ам̣ д̇зсанд̇и зд̇т̇а ‘‘санд̇игз’’д̇и вагкамаанад̇о лаб̣бхад̇и. д̇зсам̣ жад̇уннам̣ саммукаа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа д̇ам̣ вад̇д̇ам̣ самаад̣̇ияид̇ваад̇и ад̇т̇о. ‘‘д̇ам̣ д̇зсам̣ санд̇игз’’д̇и ид̣̇ам̣ ‘‘аарожзд̇ваа’’д̇и иминааби яуж̇ж̇ад̇и. д̇зсамзва саммукаа нисиннзна ‘‘ахам̣ бханд̇з згам̣ аабад̇д̇им̣ аабаж̇ж̇им̣ сан̃жзд̇анигам̣ суггависсадти’’нд̇иаад̣̇инаа наязна самужжаяагканд̇хагааг̇ад̇ам̣ аарожанам̣ гад̇ваа. иминаа анд̇оарун̣з д̣̇идтаанам̣ ан̃н̃зсамби аарожанам̣ убалагкид̇ам̣.

    534-6.Viniddiṭṭhappakāranti ‘‘parikkhittavihārassā’’tiādinā yathāvuttagāthādvayena niddiṭṭhappakāraṃ. Ādiyitvāna taṃtesanti ettha ‘‘santike’’ti vakkhamānato labbhati. Tesaṃ catunnaṃ sammukhā ukkuṭikaṃ nisīditvā añjaliṃ paggahetvā taṃ vattaṃ samādiyitvāti attho. ‘‘Taṃ tesaṃ santike’’ti idaṃ ‘‘ārocetvā’’ti imināpi yujjati. Tesameva sammukhā nisinnena ‘‘ahaṃ bhante ekaṃ āpattiṃ āpajjiṃ sañcetanikaṃ sukkavissaṭṭhi’’ntiādinā nayena samuccayakkhandhakāgataṃ ārocanaṃ katvā. Iminā antoaruṇe diṭṭhānaṃ aññesampi ārocanaṃ upalakkhitaṃ.

    нигкибз санд̇игз д̇зсам̣ вад̇д̇анд̇и зд̇т̇а ‘‘арун̣з удтид̇з’’д̇и аж̇жхаахарид̇аб̣б̣ам̣. арун̣з уг̇г̇ад̇з д̇зсам̣ бхигкуунам̣ саммукаа яат̇аавуд̇д̇анаязнзва нисийд̣̇ид̇ваа ‘‘вад̇д̇ам̣ нигкибаами, маанад̇д̇ам̣ нигкибаамий’’д̇и имзсу д̣̇вийсу згам̣ ваа д̣̇ваяамзва ваа вад̇ваа вад̇д̇ам̣ нигкибз.

    Nikkhipe santike tesaṃ vattanti ettha ‘‘aruṇe uṭṭhite’’ti ajjhāharitabbaṃ. Aruṇe uggate tesaṃ bhikkhūnaṃ sammukhā yathāvuttanayeneva nisīditvā ‘‘vattaṃ nikkhipāmi, mānattaṃ nikkhipāmī’’ti imesu dvīsu ekaṃ vā dvayameva vā vatvā vattaṃ nikkhipe.

    537. д̇асса маанад̇д̇асса. рад̇д̇ижчзд̣̇аад̣̇игод̇и зд̇т̇а аад̣̇и-сад̣̇д̣̇зна вад̇д̇абхзд̣̇о г̇ахид̇о. адтагат̇аавасзна баал̣ивасзнаад̇и яож̇анаа.

    537.Tassa mānattassa. Ratticchedādikoti ettha ādi-saddena vattabhedo gahito. Aṭṭhakathāvasena pāḷivasenāti yojanā.

    538. вийсад̇ияаа бхигкуунам̣ ваг̇г̇о самуухо вийсад̇иваг̇г̇о, со зва вийсад̇иваг̇г̇иго. аб̣бхзяяаад̇и осаарзяяа, аб̣бханд̇арам̣ гарзяяаад̇и ад̇т̇о. вид̇хинаад̇и самужжаяагканд̇хагааг̇ад̇аггамзна. аб̣бхид̇од̇и сам̣ваасзна анд̇о гад̇о, багад̇ад̇д̇од̇и багад̇исабхааво, аабад̇д̇им̣ анаабаннагааласад̣̇исо ход̇ийд̇и ад̇т̇о.

    538. Vīsatiyā bhikkhūnaṃ vaggo samūho vīsativaggo, so eva vīsativaggiko. Abbheyyāti osāreyya, abbhantaraṃ kareyyāti attho. Vidhināti samuccayakkhandhakāgatakkamena. Abbhitoti saṃvāsena anto kato, pakatattoti pakatisabhāvo, āpattiṃ anāpannakālasadiso hotīti attho.

    539. аабад̇д̇им̣ чаад̣̇знд̇ияаа бхигкунияаад̇и яож̇анаа, ‘‘аабаж̇ж̇ид̇ваа’’д̇и сзсо, аабад̇д̇им̣ аабаж̇ж̇ид̇ваа ‘‘аабад̇д̇и жаа’’д̇иаад̣̇инаа (ви. ви. 505) наязна буб̣б̣з д̣̇ассид̇зхи д̣̇асахи ан̇г̇зхи бадижчаад̣̇знд̇ияаа бхигкунияаа ад̇д̇ано аабад̇д̇им̣ чаад̣̇знд̇ияаа бхигкунияаа. на жа аабад̇д̇ийд̇и зд̇т̇а ‘‘ад̇д̇ано’’д̇и иминаа ан̃н̃иссаа аабад̇д̇им̣ бадижчаад̣̇знд̇ияаа важ̇ж̇абадижчаад̣̇игаасан̇каад̇абаарааж̇игаабад̇д̇ийд̇и д̣̇ийбид̇ам̣ ход̇и. ‘‘бхигкунияаа’’д̇и иминаа бхигкусса д̣̇уггадаабад̇д̇ибхаавам̣ д̣̇ийбзд̇и.

    539. Āpattiṃ chādentiyā bhikkhuniyāti yojanā, ‘‘āpajjitvā’’ti seso, āpattiṃ āpajjitvā ‘‘āpatti cā’’tiādinā (vi. vi. 505) nayena pubbe dassitehi dasahi aṅgehi paṭicchādentiyā bhikkhuniyā attano āpattiṃ chādentiyā bhikkhuniyā. Na ca āpattīti ettha ‘‘attano’’ti iminā aññissā āpattiṃ paṭicchādentiyā vajjapaṭicchādikāsaṅkhātapārājikāpattīti dīpitaṃ hoti. ‘‘Bhikkhuniyā’’ti iminā bhikkhussa dukkaṭāpattibhāvaṃ dīpeti.

    541. вируд̣̇д̇хамад̇т̇ам̣ наяад̇и баж̇ахад̇ийд̇и винаяо, винижчаяо, д̇ам̣ винаяабидагад̇т̇авинижчаяависзсависаяам̣ саммохасан̇каад̇ам̣ вируд̣̇д̇хам̣ бажжад̇т̇игам̣ д̇ад̣̇ан̇г̇авасзна баж̇аханад̇о винаяанаяасан̇каад̇ам̣ д̇ад̇о зва ад̇иб̣уд̣̇д̇хид̣̇ийбанам̣, ад̇исаязна б̣уд̣̇д̇хим̣ д̣̇ийбзд̇ийд̇и ад̇иб̣уд̣̇д̇хид̣̇ийбанам̣, д̇ам̣ винаяад̇т̇авинижчаяагам̣ н̃аан̣абад̣̇ийбам̣ висзсзна ж̇аалзнд̇ам̣. вивид̇хзхи наязхи яуд̇д̇ад̇ааяа вивид̇ханаяаяуд̇ам̣. винаяанаязд̇и винаяабидагасса барасанд̇аанабаабанз, винаяаван̣н̣анааяанд̇и вуд̇д̇ам̣ ход̇и.

    541. Viruddhamatthaṃ nayati pajahatīti vinayo, vinicchayo, taṃ vinayapiṭakatthavinicchayavisesavisayaṃ sammohasaṅkhātaṃ viruddhaṃ paccatthikaṃ tadaṅgavasena pajahanato vinayanayasaṅkhātaṃ tato eva atibuddhidīpanaṃ, atisayena buddhiṃ dīpetīti atibuddhidīpanaṃ, taṃ vinayatthavinicchayakaṃ ñāṇapadīpaṃ visesena jālentaṃ. Vividhehi nayehi yuttatāya vividhanayayutaṃ. Vinayanayeti vinayapiṭakassa parasantānapāpane, vinayavaṇṇanāyanti vuttaṃ hoti.

    ид̇и винаяад̇т̇асаарасанд̣̇ийбанияаа

    Iti vinayatthasārasandīpaniyā

    винаяавинижчаяаван̣н̣анааяа

    Vinayavinicchayavaṇṇanāya

    сан̇гхаад̣̇исзсагат̇ааван̣н̣анаа нидтид̇аа.

    Saṅghādisesakathāvaṇṇanā niṭṭhitā.




    Next: анияад̇агат̇ааван̣н̣анаа • Aniyatakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact