Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
2. сан̇гхаад̣̇исзсанид̣̇д̣̇зсаван̣н̣анаа
2. Saṅghādisesaniddesavaṇṇanā
19. ид̣̇аани сан̇гхаад̣̇исзсам̣ багаасзд̇ум̣ ‘‘г̇аругаа наваа’’д̇иаад̣̇и аарад̣̇д̇хам̣. г̇аругаад̇и сан̇гхаад̣̇исзсаа ид̇ха ад̇хиббзд̇аа, ан̃н̃ад̇т̇а бана баарааж̇игааби сан̇г̇аяханд̇и. гасмаа ‘‘д̇зрасаа’’д̇и авад̇ваа ‘‘наваа’’д̇и вуд̇д̇анд̇и жз? вийд̇иггамагкан̣зязва аабаж̇ж̇ид̇аб̣б̣ад̇д̇аа батамаабад̇д̇игаа вуд̇д̇аа, яаавад̇ад̇ияагаа бана жад̇д̇ааро сан̇гхаад̣̇исзсаа сан̇гхааяад̇д̇ад̇д̇аа жирзна аабаж̇ж̇анд̇ийд̇и на вуд̇д̇аа. д̇ад̇т̇а можзд̇угаамад̇аад̇и можзд̇угаамад̇ааяаад̇и ад̇т̇о ‘‘алаж̇ж̇ид̇аа’’д̇иаад̣̇ийсу вияа. иминаа бана наязна можанассаад̣̇о мужжанассаад̣̇о муд̇д̇ассаад̣̇о мзт̇унассаад̣̇о пассассаад̣̇о ган̣д̣ууванассаад̣̇о д̣̇ассанассаад̣̇о нисаж̇ж̇анассаад̣̇о ваажассаад̣̇о г̇зхасид̇абзмам̣ ванабхан̇г̇ияанд̇и згаад̣̇аса ассаад̣̇аа вуд̇д̇аа, д̇зсу згам̣язва можанассаад̣̇ам̣ г̇ахзд̇ваа сзсаа бадигкид̇д̇аа хонд̇и.
19. Idāni saṅghādisesaṃ pakāsetuṃ ‘‘garukā navā’’tiādi āraddhaṃ. Garukāti saṅghādisesā idha adhippetā, aññattha pana pārājikāpi saṅgayhanti. Kasmā ‘‘terasā’’ti avatvā ‘‘navā’’ti vuttanti ce? Vītikkamakkhaṇeyeva āpajjitabbattā paṭhamāpattikā vuttā, yāvatatiyakā pana cattāro saṅghādisesā saṅghāyattattā cirena āpajjantīti na vuttā. Tattha mocetukāmatāti mocetukāmatāyāti attho ‘‘alajjitā’’tiādīsu viya. Iminā pana nayena mocanassādo muccanassādo muttassādo methunassādo phassassādo kaṇḍūvanassādo dassanassādo nisajjanassādo vācassādo gehasitapemaṃ vanabhaṅgiyanti ekādasa assādā vuttā, tesu ekaṃyeva mocanassādaṃ gahetvā sesā paṭikkhittā honti.
д̇зсам̣ ассаад̣̇аанам̣ васзна звам̣ винижчаяо взд̣̇ид̇аб̣б̣о – можзд̇ум̣ ассаад̣̇о можанассаад̣̇о. можанассаад̣̇ажзд̇анааяа нимид̇д̇з убаггамад̇и, мужжад̇и, сан̇гхаад̣̇исзсо. на мужжад̇и жз, т̇уллажжаяам̣. мужжанассаад̣̇з сажз ад̇д̇ано д̇хаммад̇ааяа мужжамаанам̣ ассаад̣̇зд̇и, на убаггамад̇и, анаабад̇д̇и. сажз мужжамаанам̣ ассаад̣̇знд̇о убаггамид̇ваа можзд̇и, сан̇гхаад̣̇исзсова. ад̇д̇ано д̇хаммад̇ааяа муд̇д̇з ассаад̣̇о муд̇д̇ассаад̣̇о. зд̇т̇ааби убаггамасса над̇т̇ид̇ааяа анаабад̇д̇и. звам̣ саб̣б̣ад̇т̇а. мзт̇унассаад̣̇зна ид̇т̇им̣ г̇ан̣ханд̇асса муд̇д̇зби анаабад̇д̇и, аяам̣ мзт̇унассаад̣̇о. пассассаад̣̇о д̣̇увид̇хо аж̇жхад̇д̇иго б̣аахиро жаад̇и. д̇ад̇т̇а аж̇жхад̇д̇игз д̇аава ад̇д̇ано нимид̇д̇ам̣ ‘‘т̇ад̣̇д̇хам̣ муд̣̇уганд̇и ж̇ааниссаамий’’д̇и ваа лолабхаавзна ваа гийл̣аабаяад̇о сажз мужжад̇и, анаабад̇д̇и. б̣аахирапассассаад̣̇з гааяасам̣саг̇г̇арааг̇зна маад̇уг̇аамам̣ пусад̇о аалин̇г̇ад̇о жа муд̇д̇з анаабад̇д̇и. ган̣д̣ууванассаад̣̇з д̣̇ад̣̇д̣̇угажчаад̣̇ийнам̣ васзна каж̇ж̇амаанам̣ нимид̇д̇ам̣ ган̣д̣ууванассаад̣̇зна ган̣д̣уувад̇о муд̇д̇зби анаабад̇д̇и. д̣̇ассанассаад̣̇з маад̇уг̇аамасса аногаасам̣ убаниж̇жхааяад̇о муд̇д̇зби анаабад̇д̇и. нисаж̇ж̇анассаад̣̇з маад̇уг̇аамзна сад̣̇д̇хим̣ рахо нисиннасса муд̇д̇зби анаабад̇д̇и. ваажааяа ассаад̣̇о ваажассаад̣̇о. д̇зна ассаад̣̇зна маад̇уг̇аамам̣ мзт̇унаббадисам̣яуд̇д̇аахи ваажаахи обхаасанд̇асса муд̇д̇зби анаабад̇д̇и. г̇зхасид̇абзмз маад̇аад̣̇ийнам̣ маад̇аад̣̇ибзмзна аалин̇г̇анаад̣̇им̣ гаронд̇асса муд̇д̇зби анаабад̇д̇и. ванабхан̇г̇з жа сант̇авагаран̣ад̇т̇ааяа ид̇т̇ияаа бзсид̇ам̣ бубпаад̣̇иванабхан̇г̇асан̃н̃ид̇ам̣ бан̣н̣аагаарам̣ ‘‘ид̇т̇аннаамааяа наама ид̣̇ам̣ мз бзсид̇а’’нд̇и ассаад̣̇зна аамасанд̇асса муд̇д̇зби анаабад̇д̇и. зд̇зсу бана можанассаад̣̇авасзнзва убаггаманд̇асса аабад̇д̇и, сзсаанам̣ васзна анаабад̇д̇ийд̇и взд̣̇ид̇аб̣б̣ам̣.
Tesaṃ assādānaṃ vasena evaṃ vinicchayo veditabbo – mocetuṃ assādo mocanassādo. Mocanassādacetanāya nimitte upakkamati, muccati, saṅghādiseso. Na muccati ce, thullaccayaṃ. Muccanassāde sace attano dhammatāya muccamānaṃ assādeti, na upakkamati, anāpatti. Sace muccamānaṃ assādento upakkamitvā moceti, saṅghādisesova. Attano dhammatāya mutte assādo muttassādo. Etthāpi upakkamassa natthitāya anāpatti. Evaṃ sabbattha. Methunassādena itthiṃ gaṇhantassa muttepi anāpatti, ayaṃ methunassādo. Phassassādo duvidho ajjhattiko bāhiro cāti. Tattha ajjhattike tāva attano nimittaṃ ‘‘thaddhaṃ mudukanti jānissāmī’’ti vā lolabhāvena vā kīḷāpayato sace muccati, anāpatti. Bāhiraphassassāde kāyasaṃsaggarāgena mātugāmaṃ phusato āliṅgato ca mutte anāpatti. Kaṇḍūvanassāde daddukacchādīnaṃ vasena khajjamānaṃ nimittaṃ kaṇḍūvanassādena kaṇḍūvato muttepi anāpatti. Dassanassāde mātugāmassa anokāsaṃ upanijjhāyato muttepi anāpatti. Nisajjanassāde mātugāmena saddhiṃ raho nisinnassa muttepi anāpatti. Vācāya assādo vācassādo. Tena assādena mātugāmaṃ methunappaṭisaṃyuttāhi vācāhi obhāsantassa muttepi anāpatti. Gehasitapeme mātādīnaṃ mātādipemena āliṅganādiṃ karontassa muttepi anāpatti. Vanabhaṅge ca santhavakaraṇatthāya itthiyā pesitaṃ pupphādivanabhaṅgasaññitaṃ paṇṇākāraṃ ‘‘itthannāmāya nāma idaṃ me pesita’’nti assādena āmasantassa muttepi anāpatti. Etesu pana mocanassādavaseneva upakkamantassa āpatti, sesānaṃ vasena anāpattīti veditabbaṃ.
суггассаад̇и ‘‘нийлам̣ бийд̇агам̣ лохид̇агам̣ од̣̇аад̇ам̣ д̇аггаван̣н̣ам̣ д̣̇агаван̣н̣ам̣ д̇злаван̣н̣ам̣ кийраван̣н̣ам̣ д̣̇ад̇хиван̣н̣ам̣ саббиван̣н̣а’’нд̇и (баараа. 237) звам̣ ааг̇ад̇зсу д̣̇асасу ван̣н̣зсу яасса гассажи суггассаад̇и ад̇хиббааяо . убаггаммаад̇и ‘‘аж̇жхад̇д̇аруубз можзд̇и, б̣ахид̣̇д̇хааруубз можзд̇и, аж̇жхад̇д̇аб̣ахид̣̇д̇хааруубз можзд̇и, аагаасз гадим̣ гамбзнд̇о можзд̇ий’’д̇и (баараа. 237) звам̣ вуд̇д̇зсу жад̇уусу убааязсу ан̃н̃ад̇арзна убааязна ‘‘рааг̇уубад̇т̇амбхз можзд̇и, важжуубад̇т̇амбхз можзд̇и, бассаавуубад̇т̇амбхз можзд̇и, ваад̇уубад̇т̇амбхз можзд̇и, ужжаалин̇г̇абаан̣агад̣̇адтуубад̇т̇амбхз можзд̇ий’’д̇и звам̣ вуд̇д̇зсу бан̃жасу гаалзсу гисмин̃жи гаалз ан̇г̇аж̇аад̇з гамманияам̣ бад̇д̇з ‘‘аарог̇яад̇т̇ааяа можзд̇и, сукад̇т̇ааяа можзд̇и, бхзсаж̇ж̇ад̇т̇ааяа, д̣̇аанад̇т̇ааяа, бун̃н̃ад̇т̇ааяа, яан̃н̃ад̇т̇ааяа, саг̇г̇ад̇т̇ааяа, б̣ийж̇ад̇т̇ааяа, виймам̣сад̇т̇ааяа, д̣̇авад̇т̇ааяа можзд̇ий’’д̇и (баараа. 237) звам̣ вуд̇д̇зсу д̣̇асасу ад̇хиббааязсу язна гзнажи ад̇хиббааязна хад̇т̇аад̣̇ийсу язна гзнажи убаггамид̇ваад̇и ад̇т̇о. виможаяанд̇и анд̇амасо яам̣ згаа куд̣̇д̣̇агамагкигаа бивзяяа, д̇ад̇д̇агамби можзнд̇од̇и ад̇т̇о. ан̃н̃ад̇ра субинанд̇знаад̇и яаа субинанд̇з суггависсадти ход̇и, д̇ам̣ табзд̇ваад̇и ад̇т̇о. саман̣од̇и яо гожи убасамбанно. г̇аруганд̇и сан̇гхаад̣̇исзсам̣. пусзд̇и аабаж̇ж̇зяяаад̇и ад̇т̇о.
Sukkassāti ‘‘nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇa’’nti (pārā. 237) evaṃ āgatesu dasasu vaṇṇesu yassa kassaci sukkassāti adhippāyo . Upakkammāti ‘‘ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento mocetī’’ti (pārā. 237) evaṃ vuttesu catūsu upāyesu aññatarena upāyena ‘‘rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti, uccāliṅgapāṇakadaṭṭhūpatthambhe mocetī’’ti evaṃ vuttesu pañcasu kālesu kismiñci kāle aṅgajāte kammaniyaṃ patte ‘‘ārogyatthāya moceti, sukhatthāya moceti, bhesajjatthāya, dānatthāya, puññatthāya, yaññatthāya, saggatthāya, bījatthāya, vīmaṃsatthāya, davatthāya mocetī’’ti (pārā. 237) evaṃ vuttesu dasasu adhippāyesu yena kenaci adhippāyena hatthādīsu yena kenaci upakkamitvāti attho. Vimocayanti antamaso yaṃ ekā khuddakamakkhikā piveyya, tattakampi mocentoti attho. Aññatra supinantenāti yā supinante sukkavissaṭṭhi hoti, taṃ ṭhapetvāti attho. Samaṇoti yo koci upasampanno. Garukanti saṅghādisesaṃ. Phuseti āpajjeyyāti attho.
суггависсадтисигкаабад̣̇ам̣ батамам̣.
Sukkavissaṭṭhisikkhāpadaṃ paṭhamaṃ.
20. ид̣̇аани гааяасам̣саг̇г̇ам̣ д̣̇ийбзд̇ум̣ ‘‘ид̇т̇исан̃н̃ий’’д̇иаад̣̇и аарад̣̇д̇хам̣. д̇ад̇т̇а ид̇т̇исан̃н̃ийд̇и д̇ад̣̇ахуж̇аад̇ааяаби мануссид̇т̇ияаа ид̇т̇исан̃н̃ийязва худ̇ваад̇и ад̇т̇о. сажз д̇ад̇т̇а взмад̇иго ваа бан̣д̣агабурисад̇иражчаанаг̇ад̇асан̃н̃ий ваа ход̇и, т̇уллажжаяам̣, д̇ат̇аа ид̇т̇ияаа гааязна гааяаббадиб̣ад̣̇д̇хаамасанз жа гааяаббадиб̣ад̣̇д̇хзна гааяаамасанз жа яагкийбзд̇ийбан̣д̣агаанам̣ гааязна гааяаамасанз жа. бурисад̇иражчаанаг̇ад̇ид̇т̇ийнам̣ бана гааязна гааяаамасанзби д̣̇уггадам̣, д̇ат̇аа яагкийаад̣̇ийнам̣ гааязна гааяаббадиб̣ад̣̇д̇хаад̣̇ийсу жа. мад̇ид̇т̇ияаа бана т̇уллажжаяам̣. гааяасам̣саг̇г̇арааг̇аваад̇и иминаа маад̇убзмаад̣̇им̣ могкаад̇хиббааяан̃жа бадигкибад̇и. сампусанд̇од̇и гааяасам̣саг̇г̇арааг̇зна убаггамма анд̇амасо ломзнаби мануссид̇т̇им̣ сампусанд̇од̇и ад̇т̇асамб̣анд̇хо. иминаа яо ид̇т̇ияаа аалин̇г̇ад̇оби гааязна на вааяамад̇и, гзвалам̣ пассам̣язва анубхавад̇и, д̇асса анаабад̇д̇ийд̇и д̣̇ийбид̇ам̣ ход̇и.
20. Idāni kāyasaṃsaggaṃ dīpetuṃ ‘‘itthisaññī’’tiādi āraddhaṃ. Tattha itthisaññīti tadahujātāyapi manussitthiyā itthisaññīyeva hutvāti attho. Sace tattha vematiko vā paṇḍakapurisatiracchānagatasaññī vā hoti, thullaccayaṃ, tathā itthiyā kāyena kāyappaṭibaddhāmasane ca kāyappaṭibaddhena kāyāmasane ca yakkhīpetīpaṇḍakānaṃ kāyena kāyāmasane ca. Purisatiracchānagatitthīnaṃ pana kāyena kāyāmasanepi dukkaṭaṃ, tathā yakkhīādīnaṃ kāyena kāyappaṭibaddhādīsu ca. Matitthiyā pana thullaccayaṃ. Kāyasaṃsaggarāgavāti iminā mātupemādiṃ mokkhādhippāyañca paṭikkhipati. Samphusantoti kāyasaṃsaggarāgena upakkamma antamaso lomenapi manussitthiṃ samphusantoti atthasambandho. Iminā yo itthiyā āliṅgatopi kāyena na vāyamati, kevalaṃ phassaṃyeva anubhavati, tassa anāpattīti dīpitaṃ hoti.
гааяасам̣саг̇г̇асигкаабад̣̇ам̣ д̣̇уд̇ияам̣.
Kāyasaṃsaggasikkhāpadaṃ dutiyaṃ.
21. ид̣̇аани д̣̇удтуллаваажам̣ багаасзд̇ум̣ ‘‘д̇ат̇аа сун̣анд̇и’’нд̇иаад̣̇и аарад̣̇д̇хам̣. д̇ад̇т̇а д̇ат̇аад̇и ид̇т̇исан̃н̃ий. мануссид̇т̇им̣ сун̣анд̇инд̇и самб̣анд̇хо. сун̣анд̇инд̇и иминаа бадиб̣алааяаби ид̇т̇ияаа авин̃н̃ад̇д̇ибат̇з тид̇ааяа д̣̇ууд̇зна ваа бан̣н̣зна ваа аарожзнд̇асса д̣̇удтуллаваажаабад̇д̇ина ход̇ийд̇и д̣̇ийбид̇ам̣ ход̇и. вин̃н̃ун̃жаад̇и иминаа яаа махаллигааби б̣аалааби зл̣амууг̇ааби асад̣̇д̇хаммаббадисам̣яуд̇д̇ам̣ гат̇ам̣ на ж̇аанаад̇и, саа ид̇ха наад̇хиббзд̇аад̇и д̣̇ассзд̇и. важжамаг̇г̇абассаавамаг̇г̇аанам̣ васзна маг̇г̇ам̣ ваа мзт̇унам̣ ваа аараб̣бхаад̇и самб̣анд̇хо. д̣̇удтуллаваажааяа рааг̇о д̣̇удтуллаваажаарааг̇о, д̇зна д̣̇удтуллаваажаарааг̇зна. д̇ам̣ ассаад̣̇знд̇о обхаасзд̇ваа д̣̇уруд̇д̇аважанам̣ вад̇ваа г̇аругам̣ пусзд̇и ад̇т̇о.
21. Idāni duṭṭhullavācaṃ pakāsetuṃ ‘‘tathā suṇanti’’ntiādi āraddhaṃ. Tattha tathāti itthisaññī. Manussitthiṃ suṇantinti sambandho. Suṇantinti iminā paṭibalāyapi itthiyā aviññattipathe ṭhitāya dūtena vā paṇṇena vā ārocentassa duṭṭhullavācāpattina hotīti dīpitaṃ hoti. Viññuñcāti iminā yā mahallikāpi bālāpi eḷamūgāpi asaddhammappaṭisaṃyuttaṃ kathaṃ na jānāti, sā idha nādhippetāti dasseti. Vaccamaggapassāvamaggānaṃ vasena maggaṃ vā methunaṃ vā ārabbhāti sambandho. Duṭṭhullavācāya rāgo duṭṭhullavācārāgo, tena duṭṭhullavācārāgena. Taṃ assādento obhāsetvā duruttavacanaṃ vatvā garukaṃ phuseti attho.
гат̇ам̣ д̣̇вз маг̇г̇з аараб̣бха басам̣сад̇и г̇арахад̇и? д̇ад̇т̇а басам̣сааяаби д̇аава ‘‘ид̇т̇илагкан̣зна субхалагкан̣зна саманнааг̇ад̇аасий’’д̇и вад̣̇ад̇и, на д̇аавасийсам̣ зд̇и. ‘‘д̇ава важжамаг̇г̇о жа бассаавамаг̇г̇о жа субхо сусан̣таано д̣̇ассанийяо, ийд̣̇исзна наама ид̇т̇илагкан̣зна субхалагкан̣зна саманнааг̇ад̇аасий’’д̇и вад̣̇ад̇и, сийсам̣ зд̇и, сан̇гхаад̣̇исзсо ход̇ийд̇и ад̇т̇о. г̇арахан̣з бана ‘‘сикаран̣ийси, самбхиннааси, убхад̇об̣яан̃ж̇анаасий’’д̇и имаани д̇ийн̣и суд̣̇д̇хааниязва сийсам̣ знд̇и важжамаг̇г̇абассаавамаг̇г̇аанам̣ нияад̇аважанад̇д̇аа ажжол̣ааригад̇д̇аа жа. ан̃н̃аани бана ‘‘анимид̇д̇ааси, нимид̇д̇амад̇д̇аасий’’д̇иаад̣̇ийни маг̇г̇аанам̣ анияад̇аважанад̇д̇аа мзт̇унзна гхадзд̇ваа вуд̇д̇аани зва сийсам̣ знд̇и. мзт̇унаббадисам̣яуд̇д̇з ‘‘д̣̇зхи мз, арахаси мз д̣̇аад̇у’’нд̇иаад̣̇ийхи бана сийсам̣ на зд̇и, ‘‘мзт̇унад̇хаммам̣ д̣̇зхий’’д̇иаад̣̇инаа мзт̇унад̇хаммз гхадид̇зязва сан̇гхаад̣̇исзсо. ид̇т̇ияаа важжамаг̇г̇абассаавамаг̇г̇з табзд̇ваа ад̇хагкагам̣ уб̣бхаж̇аан̣уман̣д̣алам̣ аад̣̇исса ван̣н̣аад̣̇ибхан̣анз т̇уллажжаяам̣, д̇ат̇аа яагкийбзд̇ийбан̣д̣агзсу важжамаг̇г̇абассаавамаг̇г̇з мзт̇унзби. имзсам̣ бана яагкийаад̣̇ийнам̣ ад̇хагкагаад̣̇игз вуд̇д̇аббагаарз бад̣̇зсз д̣̇ум̣ггадам̣, д̇ат̇аа ид̇т̇ияаад̣̇ийнам̣ уб̣бхагкагз ад̇хож̇аан̣уман̣д̣алз гааяаббадиб̣ад̣̇д̇хз жаад̇и.
Kathaṃ dve magge ārabbha pasaṃsati garahati? Tattha pasaṃsāyapi tāva ‘‘itthilakkhaṇena subhalakkhaṇena samannāgatāsī’’ti vadati, na tāvasīsaṃ eti. ‘‘Tava vaccamaggo ca passāvamaggo ca subho susaṇṭhāno dassanīyo, īdisena nāma itthilakkhaṇena subhalakkhaṇena samannāgatāsī’’ti vadati, sīsaṃ eti, saṅghādiseso hotīti attho. Garahaṇe pana ‘‘sikharaṇīsi, sambhinnāsi, ubhatobyañjanāsī’’ti imāni tīṇi suddhāniyeva sīsaṃ enti vaccamaggapassāvamaggānaṃ niyatavacanattā accoḷārikattā ca. Aññāni pana ‘‘animittāsi, nimittamattāsī’’tiādīni maggānaṃ aniyatavacanattā methunena ghaṭetvā vuttāni eva sīsaṃ enti. Methunappaṭisaṃyutte ‘‘dehi me, arahasi me dātu’’ntiādīhi pana sīsaṃ na eti, ‘‘methunadhammaṃ dehī’’tiādinā methunadhamme ghaṭiteyeva saṅghādiseso. Itthiyā vaccamaggapassāvamagge ṭhapetvā adhakkhakaṃ ubbhajāṇumaṇḍalaṃ ādissa vaṇṇādibhaṇane thullaccayaṃ, tathā yakkhīpetīpaṇḍakesu vaccamaggapassāvamagge methunepi. Imesaṃ pana yakkhīādīnaṃ adhakkhakādike vuttappakāre padese duṃkkaṭaṃ, tathā itthiyādīnaṃ ubbhakkhake adhojāṇumaṇḍale kāyappaṭibaddhe cāti.
д̣̇удтуллаваажаасигкаабад̣̇ам̣ д̇ад̇ияам̣.
Duṭṭhullavācāsikkhāpadaṃ tatiyaṃ.
22. ид̣̇аани ад̇д̇агаамабаарижарияам̣ д̣̇ассзд̇ум̣ ‘‘вад̇ваа’’д̇иаад̣̇и вуд̇д̇ам̣. д̇ад̇т̇а вад̇ваад̇и д̣̇удтуллобхаасанз вуд̇д̇аббагаарам̣ ид̇т̇им̣ ид̇т̇исан̃н̃ийязва худ̇ваа вад̇ваад̇и ад̇т̇о. ад̇д̇агаамубадтаанаван̣н̣анд̇и зд̇т̇а мзт̇унад̇хаммасан̇каад̇зна гаамзна убадтаанам̣ гаамубадтаанам̣, ад̇д̇ано ад̇т̇ааяа гаамубадтаанам̣ ад̇д̇агаамубадтаанам̣, ад̇д̇анаа ваа гаамид̇ам̣ ижчид̇анд̇и ад̇д̇агаамам̣, саяам̣ мзт̇унарааг̇авасзна бад̇т̇ид̇анд̇и ад̇т̇о, ад̇д̇агааман̃жа д̇ам̣ убадтаанан̃жаад̇и ад̇д̇агаамубадтаанам̣, д̇асса ван̣н̣о ад̇д̇агаамубадтаанаван̣н̣о, д̇ам̣ ад̇д̇агаамубадтаанаван̣н̣ам̣. ‘‘зд̇ад̣̇аг̇г̇ам̣, бхаг̇ини, баарижарияаанам̣ яаа маад̣̇исам̣ сийлаванд̇ам̣ галяаан̣ад̇хаммам̣ б̣рахмажаарим̣ зд̇зна д̇хаммзна барижарзяяаа’’д̇и звам̣ вад̇ваад̇и самб̣анд̇хо. мзт̇унарааг̇инод̇и иминаа г̇илаанабажжаяаад̣̇ийхи убадтаанасса ван̣н̣ам̣ бхан̣ад̇о анаабад̇д̇ийд̇и д̣̇ийбид̇ам̣ ход̇и. ваажаа мзт̇унаяуд̇д̇знаад̇и зд̇т̇а мзт̇унаяуд̇д̇знзва ваажааяа мзт̇унаяаажанз г̇аругам̣ ход̇и, на ан̃н̃ат̇аад̇и ад̇хиббааяо.
22. Idāni attakāmapāricariyaṃ dassetuṃ ‘‘vatvā’’tiādi vuttaṃ. Tattha vatvāti duṭṭhullobhāsane vuttappakāraṃ itthiṃ itthisaññīyeva hutvā vatvāti attho. Attakāmupaṭṭhānavaṇṇanti ettha methunadhammasaṅkhātena kāmena upaṭṭhānaṃ kāmupaṭṭhānaṃ, attano atthāya kāmupaṭṭhānaṃ attakāmupaṭṭhānaṃ, attanā vā kāmitaṃ icchitanti attakāmaṃ, sayaṃ methunarāgavasena patthitanti attho, attakāmañca taṃ upaṭṭhānañcāti attakāmupaṭṭhānaṃ, tassa vaṇṇo attakāmupaṭṭhānavaṇṇo, taṃ attakāmupaṭṭhānavaṇṇaṃ. ‘‘Etadaggaṃ, bhagini, pāricariyānaṃ yā mādisaṃ sīlavantaṃ kalyāṇadhammaṃ brahmacāriṃ etena dhammena paricareyyā’’ti evaṃ vatvāti sambandho. Methunarāginoti iminā gilānapaccayādīhi upaṭṭhānassa vaṇṇaṃ bhaṇato anāpattīti dīpitaṃ hoti. Vācā methunayuttenāti ettha methunayutteneva vācāya methunayācane garukaṃ hoti, na aññathāti adhippāyo.
ад̇д̇агаамабаарижарияасигкаабад̣̇ам̣ жад̇уд̇т̇ам̣.
Attakāmapāricariyasikkhāpadaṃ catutthaṃ.
23. ид̣̇аани сан̃жарид̇д̇ам̣ д̣̇ассзд̇ум̣ ‘‘бадиг̇г̇ахзд̇ваа’’д̇иаад̣̇и аарад̣̇д̇хам̣. д̇ад̇т̇а бадиг̇г̇ахзд̇ваад̇и ид̇т̇ияаа ваа бурисзна ваа убхиннам̣ маад̇аад̣̇ийхи ваа ‘‘бханд̇з, ид̇т̇аннаамам̣ ид̇т̇им̣ ваа бурисам̣ ваа звам̣ бхан̣аахий’’д̇и вуд̇д̇о д̇зсам̣ важанам̣ ‘‘саад̇хуу’’д̇и ваа ‘‘ход̇уу’’д̇и ваа ‘‘бхан̣аамий’’д̇и ваа язна гзнажи аагаарзна важийбхзд̣̇ам̣ гад̇ваа, сийсагамбанаад̣̇ийхи ваа самбадижчид̇ваад̇и ад̇т̇о. санд̣̇зсанд̇и зд̇т̇а бана ид̇т̇ий д̣̇асавид̇хаа маад̇урагкид̇аа бид̇урагкид̇аа маад̇аабид̇урагкид̇аа бхаад̇урагкид̇аа бхаг̇инирагкид̇аа н̃аад̇ирагкид̇аа г̇од̇д̇арагкид̇аа д̇хаммарагкид̇аа саарагкаа сабарид̣̇ан̣д̣аад̇и. д̣̇аса бхарияааяо д̇ханаггийд̇аа чанд̣̇аваасиний бхог̇аваасиний бадаваасиний од̣̇абад̇д̇агиний обхадажумб̣адагаа д̣̇аасий жа бхарияаа жа гаммагаарий жа бхарияаа жа д̇хаж̇аахадаа мухуд̇д̇игаа жаад̇и.
23. Idāni sañcarittaṃ dassetuṃ ‘‘paṭiggahetvā’’tiādi āraddhaṃ. Tattha paṭiggahetvāti itthiyā vā purisena vā ubhinnaṃ mātādīhi vā ‘‘bhante, itthannāmaṃ itthiṃ vā purisaṃ vā evaṃ bhaṇāhī’’ti vutto tesaṃ vacanaṃ ‘‘sādhū’’ti vā ‘‘hotū’’ti vā ‘‘bhaṇāmī’’ti vā yena kenaci ākārena vacībhedaṃ katvā, sīsakampanādīhi vā sampaṭicchitvāti attho. Sandesanti ettha pana itthī dasavidhā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sārakkhā saparidaṇḍāti. Dasa bhariyāyo dhanakkītā chandavāsinī bhogavāsinī paṭavāsinī odapattakinī obhaṭacumbaṭakā dāsī ca bhariyā ca kammakārī ca bhariyā ca dhajāhaṭā muhuttikā cāti.
д̇аасу маад̇урагкид̇аа бхигкум̣ бахин̣ад̇и ‘‘г̇ажча, бханд̇з, ид̇т̇аннаамам̣ б̣руухи ‘хоми ид̇т̇аннаамасса бхарияаа д̇ханаггийд̇аа…бз… мухуд̇д̇игаа жаа’’д̇и, аяам̣ ид̇т̇ияаа санд̣̇зсо наама. сажз маад̇урагкид̇ааяа маад̇аабид̇аабхаад̇аабхаг̇иниаад̣̇аяо бхигкум̣ бахин̣анд̇и ‘‘г̇ажча, бханд̇з, ид̇т̇аннаамам̣ б̣руухи ‘ход̇у ид̇т̇аннаамасса бхарияаа д̇ханаггийд̇аа…бз… мухуд̇д̇игаа жаа’’д̇и, аяамби ид̇т̇ияаа санд̣̇зсоязва наама. звам̣ бид̇урагкид̇аад̣̇ийсуби наяо нзд̇аб̣б̣о. бурисо бхигкум̣ бахин̣ад̇и ‘‘г̇ажча, бханд̇з, ид̇т̇аннаамам̣ маад̇урагкид̇ам̣ б̣руухи…бз… сабарид̣̇ан̣д̣ам̣ б̣руухи ‘ход̇у гира ид̇т̇аннаамасса бхарияаа д̇ханаггийд̇аа…бз… мухуд̇д̇игаа жаа’’д̇и, аяам̣ бурисасса санд̣̇зсо наама. сажз бурисасса маад̇аабид̇аабхаад̇аабхаг̇иниаад̣̇аяо бхигкум̣ бахин̣анд̇и ‘‘г̇ажча, бханд̇з, ид̇т̇аннаамам̣ маад̇урагкид̇ам̣ б̣руухи…бз… сабарид̣̇ан̣д̣ам̣ б̣руухи ‘ход̇у ид̇т̇аннаамасса бхарияаа д̇ханаггийд̇аа…бз… мухуд̇д̇игаа жаа’’д̇и, аяамби бурисасса санд̣̇зсоязва наама, аан̣аабананд̇и ад̇т̇о.
Tāsu māturakkhitā bhikkhuṃ pahiṇati ‘‘gaccha, bhante, itthannāmaṃ brūhi ‘homi itthannāmassa bhariyā dhanakkītā…pe… muhuttikā cā’’ti, ayaṃ itthiyā sandeso nāma. Sace māturakkhitāya mātāpitābhātābhaginiādayo bhikkhuṃ pahiṇanti ‘‘gaccha, bhante, itthannāmaṃ brūhi ‘hotu itthannāmassa bhariyā dhanakkītā…pe… muhuttikā cā’’ti, ayampi itthiyā sandesoyeva nāma. Evaṃ piturakkhitādīsupi nayo netabbo. Puriso bhikkhuṃ pahiṇati ‘‘gaccha, bhante, itthannāmaṃ māturakkhitaṃ brūhi…pe… saparidaṇḍaṃ brūhi ‘hotu kira itthannāmassa bhariyā dhanakkītā…pe… muhuttikā cā’’ti, ayaṃ purisassa sandeso nāma. Sace purisassa mātāpitābhātābhaginiādayo bhikkhuṃ pahiṇanti ‘‘gaccha, bhante, itthannāmaṃ māturakkhitaṃ brūhi…pe… saparidaṇḍaṃ brūhi ‘hotu itthannāmassa bhariyā dhanakkītā…pe… muhuttikā cā’’ti, ayampi purisassa sandesoyeva nāma, āṇāpananti attho.
виймам̣сид̇ваад̇и зд̇т̇а вуд̇д̇аббагаарзна саасанам̣ г̇ахзд̇ваа д̇ассаа ид̇т̇ияаа ваа бурисасса ваа д̇зсам̣ авассаарожанагаанам̣ маад̇аабид̇аабхаад̇аабхаг̇иниаад̣̇ийнам̣ ваа аарожзд̇ваад̇и ад̇т̇о. харанд̇и яад̇т̇а бахид̇о, д̇ад̇т̇а г̇анд̇ваа д̇ассаа ид̇т̇ияаа ваа бурисасса ваа аарожзд̇и, саа ид̇т̇ий ваа бурисо ваа ‘‘саад̇хуу’’д̇и самбадижчад̇у ваа, маа ваа, лаж̇ж̇ааяа ваа д̇ун̣хий ход̇у, буна ааг̇анд̇ваа д̇ассаа ид̇т̇ияаа ваа бурисасса ваа харанд̇о г̇аругам̣ пусзд̇и самб̣анд̇хо. зд̇д̇аавад̇аа ‘‘бадиг̇г̇ан̣хад̇и виймам̣сад̇и бажжаахарад̇ий’’д̇и вуд̇д̇ам̣ ан̇г̇ад̇д̇аяам̣ самбаад̣̇ид̇ам̣ ход̇и. имааяа д̇иван̇г̇асамбад̇д̇ияаа сан̇гхаад̣̇исзсо, ид̇о язхи гзхижи д̣̇вийхи ан̇г̇зхи т̇уллажжаяам̣, згзна д̣̇уггадам̣. яагкийбзд̇ийбан̣д̣агзсу ан̇г̇ад̇д̇аязнаби т̇уллажжаяамзва, згзна ваа д̣̇вийхи ваа д̣̇уггаданд̇и.
Vīmaṃsitvāti ettha vuttappakārena sāsanaṃ gahetvā tassā itthiyā vā purisassa vā tesaṃ avassārocanakānaṃ mātāpitābhātābhaginiādīnaṃ vā ārocetvāti attho. Haranti yattha pahito, tattha gantvā tassā itthiyā vā purisassa vā āroceti, sā itthī vā puriso vā ‘‘sādhū’’ti sampaṭicchatu vā, mā vā, lajjāya vā tuṇhī hotu, puna āgantvā tassā itthiyā vā purisassa vā haranto garukaṃ phuseti sambandho. Ettāvatā ‘‘paṭiggaṇhati vīmaṃsati paccāharatī’’ti vuttaṃ aṅgattayaṃ sampāditaṃ hoti. Imāya tivaṅgasampattiyā saṅghādiseso, ito yehi kehici dvīhi aṅgehi thullaccayaṃ, ekena dukkaṭaṃ. Yakkhīpetīpaṇḍakesu aṅgattayenapi thullaccayameva, ekena vā dvīhi vā dukkaṭanti.
сан̃жарид̇д̇асигкаабад̣̇ам̣ бан̃жамам̣.
Sañcarittasikkhāpadaṃ pañcamaṃ.
24. ид̣̇аани гудигаарасигкаабад̣̇ам̣ аави гаад̇ум̣ ‘‘сам̣яаажид̇абаригкаара’’нд̇иаад̣̇и аарад̣̇д̇хам̣. д̇ад̇рааяам̣ сан̇кзбад̇т̇о – ‘‘ваасим̣ д̣̇зт̇а, парасум̣ д̣̇зт̇аа’’д̇иаад̣̇инаа саяам̣ бавад̇д̇ид̇аяаажанааяа г̇ахид̇абаригкаарам̣ сам̣яаажид̇абаригкаарам̣ бад̣̇абхааж̇анз вуд̇д̇анаязна сан̇гхам̣ д̇игкад̇д̇ум̣ яаажид̇ваа лад̣̇д̇хабхигкуухи ваа сан̇гхзнзва ваа д̇ад̇т̇а г̇анд̇ваа саарамбхаанаарамбхасабариггаманаабариггаманабхаавам̣ н̃ад̇ваа ад̣̇зсид̇авад̇т̇угам̣ ‘‘гуди наама уллид̇д̇аа ваа ход̇и авалид̇д̇аа ваа уллид̇д̇аавалид̇д̇аа ваа’’д̇и (баараа. 349) звам̣ вуд̇д̇алагкан̣ам̣ гудим̣. ‘‘д̇ад̇рид̣̇ам̣ бамаан̣ам̣, д̣̇ийгхасо д̣̇ваад̣̇аса вид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ сад̇д̇анд̇араа’’д̇и (баараа. 348) звам̣ вуд̇д̇абамаан̣аад̇игганд̇ам̣, ‘‘маяхам̣ ваасааг̇аарам̣ зсаа’’д̇и звам̣ ад̇д̇аа уд̣̇д̣̇зсо зд̇иссаад̇и ад̇д̇уд̣̇д̣̇зсаа, д̇ам̣ ад̇д̇уд̣̇д̣̇зсам̣ гад̇ваа г̇арум̣ сан̇гхаад̣̇исзсам̣ пусзд̇и самб̣анд̇хо. аяам̣ банзд̇т̇а винижчаяо – ад̣̇зсид̇авад̇т̇угам̣ бамаан̣аад̇игганд̇ам̣ гунт̇агибиллигаад̣̇ийнам̣ аасаяз гад̇ад̇д̇аа саарамбхам̣ д̣̇вийхи б̣алийб̣ад̣̇д̣̇зхи яуд̇д̇зна сагадзна г̇анд̇ум̣ асаггун̣зяяад̇ааяа абариггаманам̣ уллид̇д̇аад̣̇ибхзд̣̇ам̣ гудим̣ ад̇д̇ано васанад̇т̇ааяа гаронд̇о ваа гаараабзнд̇о ваа ‘‘ид̣̇аани нидтаанам̣ г̇амиссад̇ий’’д̇и батамабин̣д̣ад̣̇аанз т̇уллажжаяам̣, д̣̇уд̇ияабин̣д̣ад̣̇аанзна лзбз гхадид̇з д̣̇вз жа сан̇гхаад̣̇исзсз д̣̇вз жа д̣̇уггадаани, сажз д̣̇зсид̇авад̇т̇угааязва ваа бамаан̣аад̇игганд̇ааязва ваа ход̇и, згам̣ сан̇гхаад̣̇исзсам̣ д̣̇вз жа д̣̇уггадаани аабаж̇ж̇ад̇ийд̇и.
24. Idāni kuṭikārasikkhāpadaṃ āvi kātuṃ ‘‘saṃyācitaparikkhāra’’ntiādi āraddhaṃ. Tatrāyaṃ saṅkhepattho – ‘‘vāsiṃ detha, pharasuṃ dethā’’tiādinā sayaṃ pavattitayācanāya gahitaparikkhāraṃ saṃyācitaparikkhāraṃ padabhājane vuttanayena saṅghaṃ tikkhattuṃ yācitvā laddhabhikkhūhi vā saṅgheneva vā tattha gantvā sārambhānārambhasaparikkamanāparikkamanabhāvaṃ ñatvā adesitavatthukaṃ ‘‘kuṭi nāma ullittā vā hoti avalittā vā ullittāvalittā vā’’ti (pārā. 349) evaṃ vuttalakkhaṇaṃ kuṭiṃ. ‘‘Tatridaṃ pamāṇaṃ, dīghaso dvādasa vidatthiyo sugatavidatthiyā, tiriyaṃ sattantarā’’ti (pārā. 348) evaṃ vuttapamāṇātikkantaṃ, ‘‘mayhaṃ vāsāgāraṃ esā’’ti evaṃ attā uddeso etissāti attuddesā, taṃ attuddesaṃ katvā garuṃ saṅghādisesaṃ phuseti sambandho. Ayaṃ panettha vinicchayo – adesitavatthukaṃ pamāṇātikkantaṃ kunthakipillikādīnaṃ āsaye katattā sārambhaṃ dvīhi balībaddehi yuttena sakaṭena gantuṃ asakkuṇeyyatāya aparikkamanaṃ ullittādibhedaṃ kuṭiṃ attano vasanatthāya karonto vā kārāpento vā ‘‘idāni niṭṭhānaṃ gamissatī’’ti paṭhamapiṇḍadāne thullaccayaṃ, dutiyapiṇḍadānena lepe ghaṭite dve ca saṅghādisese dve ca dukkaṭāni, sace desitavatthukāyeva vā pamāṇātikkantāyeva vā hoti, ekaṃ saṅghādisesaṃ dve ca dukkaṭāni āpajjatīti.
гудигаарасигкаабад̣̇ам̣ чадтам̣.
Kuṭikārasikkhāpadaṃ chaṭṭhaṃ.
25. ид̣̇аани вихаарагаарасигкаабад̣̇ам̣ д̣̇ассзд̇ум̣ ‘‘махаллага’’нд̇иаад̣̇и аарад̣̇д̇хам̣. д̇ад̇т̇а махаллаганд̇и сассаамигабхаавзна сам̣яаажид̇агудид̇о маханд̇абхааво зд̇асса ад̇т̇и, яасмаа ваа вад̇т̇ум̣ д̣̇зсаабзд̇ваа бамаан̣аад̇иггамзнааби гаад̇ум̣ ваддад̇и, д̇асмаа бамаан̣амаханд̇ад̇ааяаби махаллаго, д̇ам̣ махаллагам̣ вихаарам̣ ваа гад̇ваад̇и ад̇т̇о. зд̇т̇а бана ад̣̇зсид̇авад̇т̇угабхаавзна зго сан̇гхаад̣̇исзсо, сзсам̣ ананд̇арасад̣̇исамзва. ид̇ха жа д̇ад̇т̇а жа ваасааг̇аарам̣ табзд̇ваа убосат̇ааг̇аарам̣ ваа ж̇анд̇аагхарам̣ ваа аг̇г̇исаалам̣ ваа бхависсад̇ийд̇и звамаад̣̇инаа наязна гаронд̇асса анаабад̇д̇и.
25. Idāni vihārakārasikkhāpadaṃ dassetuṃ ‘‘mahallaka’’ntiādi āraddhaṃ. Tattha mahallakanti sassāmikabhāvena saṃyācitakuṭito mahantabhāvo etassa atthi, yasmā vā vatthuṃ desāpetvā pamāṇātikkamenāpi kātuṃ vaṭṭati, tasmā pamāṇamahantatāyapi mahallako, taṃ mahallakaṃ vihāraṃ vā katvāti attho. Ettha pana adesitavatthukabhāvena eko saṅghādiseso, sesaṃ anantarasadisameva. Idha ca tattha ca vāsāgāraṃ ṭhapetvā uposathāgāraṃ vā jantāgharaṃ vā aggisālaṃ vā bhavissatīti evamādinā nayena karontassa anāpatti.
вихаарагаарасигкаабад̣̇ам̣ сад̇д̇амам̣.
Vihārakārasikkhāpadaṃ sattamaṃ.
26. ид̣̇аани амуулагасигкаабад̣̇ам̣ багаасзд̇ум̣ ‘‘амуулагзнаа’’д̇иаад̣̇и аарад̣̇д̇хам̣. д̇ад̇т̇а амуулагзнаад̇и яам̣ жод̣̇агзна жуд̣̇ид̇агамхи буг̇г̇алз ад̣̇идтам̣ асуд̇ам̣ абарисан̇гид̇ам̣, ид̣̇ам̣ зд̇зсам̣ д̣̇ассанасаванабарисан̇гаасан̇каад̇аанам̣ муулаанам̣ абхаавад̇о амуулагам̣, д̇зна амуулагзна вад̇т̇унаад̇и самб̣анд̇хо. д̇ад̇т̇а ад̣̇идтам̣ наама ад̇д̇ано басаад̣̇ажагкунаа ваа д̣̇иб̣б̣ажагкунаа ваа ад̣̇идтам̣. асуд̇ам̣ наама д̇ат̇зва гзнажи вужжамаанам̣ на суд̇ам̣. абарисан̇гид̇ам̣ наама жид̇д̇зна абарисан̇гид̇ам̣, д̇ам̣ бана д̣̇идтасуд̇амуд̇авасзна д̇ивид̇хам̣. д̇ад̇т̇а бхигкун̃жа маад̇уг̇ааман̃жа д̇ат̇ааруубз таанз д̣̇исваа ‘‘ад̣̇д̇хаа имзхи гад̇а’’нд̇и ваа ‘‘гариссанд̇ий’’д̇и ваа барисан̇гад̇и, ид̣̇ам̣ д̣̇идтабарисан̇гид̇ам̣ наама. анд̇хагаарз бадижчанногаасз ваа бхигкусса жа маад̇уг̇аамасса жа важанам̣ суд̇ваа д̣̇уд̇ияасса ад̇т̇ибхаавам̣ аж̇аананд̇о буб̣б̣з вуд̇д̇анаязна барисан̇гад̇и, ид̣̇ам̣ суд̇абарисан̇гид̇ам̣ наама. д̇худ̇д̇зхи ид̇т̇ийхи сад̣̇д̇хим̣ бажжанд̇авихаарзсу бубпаг̇анд̇хасураад̣̇ийхи анубхавид̇ваа г̇ад̇адтаанам̣ д̣̇исваа ‘‘гзна ну ко ид̣̇ам̣ гад̇а’’нд̇и виймам̣санд̇о д̇ад̇ра гзнажи бхигкунаа г̇анд̇хаад̣̇ийхи бууж̇аа гад̇аа ход̇и, бхзсаж̇ж̇ад̇т̇ааяа аридтам̣ ваа бийд̇ам̣, со д̇асса г̇анд̇хам̣ гхааяид̇ваа ‘‘аяам̣ со бхависсад̇ий’’д̇и барисан̇гад̇и, ид̣̇ам̣ муд̇абарисан̇гид̇ам̣ наама. звам̣ д̇ивид̇хааяа барисан̇гааяа абхаавзна абарисан̇гид̇анд̇и ад̇т̇о.
26. Idāni amūlakasikkhāpadaṃ pakāsetuṃ ‘‘amūlakenā’’tiādi āraddhaṃ. Tattha amūlakenāti yaṃ codakena cuditakamhi puggale adiṭṭhaṃ asutaṃ aparisaṅkitaṃ, idaṃ etesaṃ dassanasavanaparisaṅkāsaṅkhātānaṃ mūlānaṃ abhāvato amūlakaṃ, tena amūlakena vatthunāti sambandho. Tattha adiṭṭhaṃ nāma attano pasādacakkhunā vā dibbacakkhunā vā adiṭṭhaṃ. Asutaṃ nāma tatheva kenaci vuccamānaṃ na sutaṃ. Aparisaṅkitaṃ nāma cittena aparisaṅkitaṃ, taṃ pana diṭṭhasutamutavasena tividhaṃ. Tattha bhikkhuñca mātugāmañca tathārūpe ṭhāne disvā ‘‘addhā imehi kata’’nti vā ‘‘karissantī’’ti vā parisaṅkati, idaṃ diṭṭhaparisaṅkitaṃ nāma. Andhakāre paṭicchannokāse vā bhikkhussa ca mātugāmassa ca vacanaṃ sutvā dutiyassa atthibhāvaṃ ajānanto pubbe vuttanayena parisaṅkati, idaṃ sutaparisaṅkitaṃ nāma. Dhuttehi itthīhi saddhiṃ paccantavihāresu pupphagandhasurādīhi anubhavitvā gataṭṭhānaṃ disvā ‘‘kena nu kho idaṃ kata’’nti vīmaṃsanto tatra kenaci bhikkhunā gandhādīhi pūjā katā hoti, bhesajjatthāya ariṭṭhaṃ vā pītaṃ, so tassa gandhaṃ ghāyitvā ‘‘ayaṃ so bhavissatī’’ti parisaṅkati, idaṃ mutaparisaṅkitaṃ nāma. Evaṃ tividhāya parisaṅkāya abhāvena aparisaṅkitanti attho.
жод̣̇знд̇од̇и ‘‘баарааж̇игам̣ д̇хаммам̣ аабанноси, ассаман̣оси, асагяабуд̇д̇ияосий’’д̇иаад̣̇ийхи важанзхи саяам̣ жод̣̇знд̇од̇и ад̇т̇о. звам̣ жод̣̇знд̇асса ваажааяа ваажааяа сан̇гхаад̣̇исзсо. жод̣̇аабзнд̇о ваад̇и ад̇д̇анаа д̇асса самийбз тад̇ваа ан̃н̃ам̣ бхигкум̣ аан̣аабзд̇ваа жод̣̇аабзнд̇о д̇асса аан̣ад̇д̇асса ваажааяа ваажааяа г̇арум̣ пусзд̇и ад̇т̇о. ат̇а соби жааванаад̇хиббааязна ‘‘маяааби д̣̇идтам̣ ад̇т̇ий’’д̇иаад̣̇инаа наязна жод̣̇зд̇и, д̣̇виннамби ваажааяа аабад̇д̇и. вад̇т̇унаа анд̇имзна жаад̇и бхигкуно ануруубзсу згуунавийсад̇ияаа баарааж̇игзсу ан̃н̃ад̇арзнаад̇и ад̇т̇о. жаавзд̇унд̇и б̣рахмажарияаа жаавзд̇ум̣, яо суд̣̇д̇хам̣ ваа асуд̣̇д̇хам̣ ваа гад̇уубасамбад̣̇ам̣ буг̇г̇алам̣ суд̣̇д̇хад̣̇идтиго самаано жааванаад̇хиббааязна жод̣̇зд̇и ваа жод̣̇аабзд̇и ваа, д̇асса сан̇гхаад̣̇исзсод̇и ад̇хиббааяо. сун̣амаананд̇и иминаа бараммукаа д̣̇ууд̇зна ваа бан̣н̣зна ваа жод̣̇зд̇и. жод̣̇знд̇асса на рухад̇ийд̇и д̣̇ийбид̇ам̣ ход̇и. бараммукаа бана сад̇д̇ахи аабад̇д̇игканд̇хзхи вад̣̇анд̇асса д̣̇уггадам̣.
Codentoti ‘‘pārājikaṃ dhammaṃ āpannosi, assamaṇosi, asakyaputtiyosī’’tiādīhi vacanehi sayaṃ codentoti attho. Evaṃ codentassa vācāya vācāya saṅghādiseso. Codāpento vāti attanā tassa samīpe ṭhatvā aññaṃ bhikkhuṃ āṇāpetvā codāpento tassa āṇattassa vācāya vācāya garuṃ phuseti attho. Atha sopi cāvanādhippāyena ‘‘mayāpi diṭṭhaṃ atthī’’tiādinā nayena codeti, dvinnampi vācāya āpatti. Vatthunā antimena cāti bhikkhuno anurūpesu ekūnavīsatiyā pārājikesu aññatarenāti attho. Cāvetunti brahmacariyā cāvetuṃ, yo suddhaṃ vā asuddhaṃ vā katūpasampadaṃ puggalaṃ suddhadiṭṭhiko samāno cāvanādhippāyena codeti vā codāpeti vā, tassa saṅghādisesoti adhippāyo. Suṇamānanti iminā parammukhā dūtena vā paṇṇena vā codeti. Codentassa na ruhatīti dīpitaṃ hoti. Parammukhā pana sattahi āpattikkhandhehi vadantassa dukkaṭaṃ.
амуулагасигкаабад̣̇ам̣ адтамам̣.
Amūlakasikkhāpadaṃ aṭṭhamaṃ.
27. ид̣̇аани ан̃н̃абхааг̇ияасигкаабад̣̇ам̣ д̣̇ассзд̇ум̣ ‘‘ан̃н̃асса гирияа’’нд̇иаад̣̇имааха. д̇ад̇т̇а ан̃н̃асса гирияанд̇и ан̃н̃асса кад̇д̇ияаад̣̇иж̇аад̇игасса баарааж̇игасса вийд̇иггамасан̇каад̇ам̣ гирияам̣ д̣̇исваад̇и самб̣анд̇хо. д̇зна лзсзнаад̇и ‘‘д̣̇аса лзсаа ж̇аад̇илзсо наамалзсо г̇од̇д̇алзсо лин̇г̇алзсо аабад̇д̇илзсо бад̇д̇алзсо жийваралзсо убаж̇жхааяалзсо аажарияалзсо сзнаасаналзсо’’д̇и (баараа. 394) звам̣ вуд̇д̇зсу д̣̇асасу лзсзсу яо д̇асмим̣ буг̇г̇алз д̣̇иссад̇и, д̇зна лзсзна д̇ад̣̇ан̃н̃ам̣ буг̇г̇алам̣ б̣рахмажарияаа жаавзд̇ум̣ анд̇имавад̇т̇унаа жод̣̇знд̇о г̇аругам̣ пусзд̇и ад̇т̇о. д̇ад̇т̇а ан̃н̃амби вад̇т̇ум̣ лиссад̇и силиссад̇и вохаарамад̇д̇знзва ийсагам̣ аллийяад̇ийд̇и лзсо, ж̇аад̇иязва лзсо ж̇аад̇илзсо. зса наяо сзсабад̣̇зсуби. лзсзна жод̣̇знд̇о гат̇ам̣ жод̣̇зд̇и? ан̃н̃о кад̇д̇ияаж̇аад̇иго иминаа жод̣̇агзна баарааж̇игам̣ д̇хаммам̣ аж̇жхаабаж̇ж̇анд̇о д̣̇идто ход̇и, со ан̃н̃ам̣ ад̇д̇ано взрим̣ кад̇д̇ияаж̇аад̇игам̣ бхигкум̣ бассид̇ваа д̇ам̣ кад̇д̇ияаж̇аад̇илзсам̣ г̇ахзд̇ваа звам̣ жод̣̇зд̇и ‘‘кад̇д̇ияо маяаа д̣̇идто баарааж̇игам̣ д̇хаммам̣ аж̇жхаабаж̇ж̇анд̇о, д̇вамби кад̇д̇ияо баарааж̇игам̣ д̇хаммам̣ аабанносий’’д̇и ваа ‘‘со д̇вам̣ кад̇д̇ияо, наан̃н̃о, баарааж̇игам̣ д̇хаммам̣ аж̇жхаабанносий’’д̇и ваа жод̣̇зд̇и. звам̣ наамалзсаад̣̇аяоби взд̣̇ид̇аб̣б̣аа.
27. Idāni aññabhāgiyasikkhāpadaṃ dassetuṃ ‘‘aññassa kiriya’’ntiādimāha. Tattha aññassa kiriyanti aññassa khattiyādijātikassa pārājikassa vītikkamasaṅkhātaṃ kiriyaṃ disvāti sambandho. Tena lesenāti ‘‘dasa lesā jātileso nāmaleso gottaleso liṅgaleso āpattileso pattaleso cīvaraleso upajjhāyaleso ācariyaleso senāsanaleso’’ti (pārā. 394) evaṃ vuttesu dasasu lesesu yo tasmiṃ puggale dissati, tena lesena tadaññaṃ puggalaṃ brahmacariyā cāvetuṃ antimavatthunā codento garukaṃ phuseti attho. Tattha aññampi vatthuṃ lissati silissati vohāramatteneva īsakaṃ allīyatīti leso, jātiyeva leso jātileso. Esa nayo sesapadesupi. Lesena codento kathaṃ codeti? Añño khattiyajātiko iminā codakena pārājikaṃ dhammaṃ ajjhāpajjanto diṭṭho hoti, so aññaṃ attano veriṃ khattiyajātikaṃ bhikkhuṃ passitvā taṃ khattiyajātilesaṃ gahetvā evaṃ codeti ‘‘khattiyo mayā diṭṭho pārājikaṃ dhammaṃ ajjhāpajjanto, tvampi khattiyo pārājikaṃ dhammaṃ āpannosī’’ti vā ‘‘so tvaṃ khattiyo, nāñño, pārājikaṃ dhammaṃ ajjhāpannosī’’ti vā codeti. Evaṃ nāmalesādayopi veditabbā.
ан̃н̃абхааг̇ияасигкаабад̣̇ам̣ навамам̣.
Aññabhāgiyasikkhāpadaṃ navamaṃ.
28. зд̇д̇аавад̇аа ‘‘г̇аругаа наваа’’д̇и уд̣̇д̣̇идтз вид̇т̇аарад̇о д̣̇ассзд̇ваа ид̣̇аани д̇зсу аабаннзсу бадибаж̇ж̇анаагаарам̣ д̣̇ассзд̇ум̣ ‘‘чаад̣̇зд̇и ж̇аанамаабанна’’нд̇иаад̣̇и вуд̇д̇ам̣. д̇ассааяам̣ бин̣д̣ад̇т̇о – яо бхигку ‘‘аяам̣ ид̇т̇аннаамаа аабад̇д̇ий’’д̇и аабад̇д̇ивасзна ваа ‘‘ид̣̇ам̣ бхигкуунам̣ на ваддад̇ий’’д̇и звам̣ вад̇т̇увасзна ваа ж̇аанамаабаннам̣ аабад̇д̇им̣ яаава чаад̣̇зд̇и, д̇аава д̇зна бхигкунаа агаамаа бариваасо васид̇аб̣б̣од̇и. жарзяяаад̇и маанад̇д̇ам̣ самаад̣̇ааяа васзяяа. гид̇д̇агам̣ д̣̇ивасанд̇и жз? ча рад̇д̇ияо. маанад̇д̇аваасо бана сан̇гхзязва, на г̇ан̣з, на буг̇г̇алз, д̇зна вуд̇д̇ам̣ ‘‘сан̇гхз’’д̇и. баривуд̇т̇од̇и ‘‘д̇аяо ко убаали баариваасигасса бхигкуно рад̇д̇ижчзд̣̇аа сахаваасо виббаваасо анаарожанаа’’д̇и (жуул̣ава. 83) звам̣ вуд̇д̇ам̣ рад̇д̇ижчзд̣̇ам̣ агад̇ваа баривуд̇т̇од̇и ад̇т̇о. д̇ад̇т̇а сахаваасод̇и багад̇ад̇д̇зна бхигкунаа сад̣̇д̇хим̣ згажчаннз уд̣̇агабаад̇адтаанаб̣бханд̇арз ваасо. виббаваасо наама ан̃н̃ам̣ багад̇ад̇д̇ам̣ бхигкум̣ винаа ваасо. анаарожанаад̇и ааг̇анд̇угаад̣̇ийнам̣ анаарожанаа. зд̇зсу д̇ийсу згзнааби рад̇д̇ижчзд̣̇о ход̇и зва. зд̇т̇а бана убажаарасиймаг̇ад̇аанам̣ аарожзд̇аб̣б̣ам̣, на б̣ахи тид̇аанам̣, б̣ахи тид̇аанамби сажз сад̣̇д̣̇ам̣ сун̣аад̇и, бассад̇и, д̣̇уурам̣ ваа г̇анд̇ваа аарожзд̇аб̣б̣амзва, анаарожзнд̇асса рад̇д̇ижчзд̣̇о жзва вад̇д̇абхзд̣̇з д̣̇уггадан̃жа ход̇и. аж̇аананд̇ассзва убажаарасиймам̣ бависид̇ваа г̇ажчанд̇и жз, рад̇д̇ижчзд̣̇ова ход̇и, на вад̇д̇абхзд̣̇о.
28. Ettāvatā ‘‘garukā navā’’ti uddiṭṭhe vitthārato dassetvā idāni tesu āpannesu paṭipajjanākāraṃ dassetuṃ ‘‘chādeti jānamāpanna’’ntiādi vuttaṃ. Tassāyaṃ piṇḍattho – yo bhikkhu ‘‘ayaṃ itthannāmā āpattī’’ti āpattivasena vā ‘‘idaṃ bhikkhūnaṃ na vaṭṭatī’’ti evaṃ vatthuvasena vā jānamāpannaṃ āpattiṃ yāva chādeti, tāva tena bhikkhunā akāmā parivāso vasitabboti. Careyyāti mānattaṃ samādāya vaseyya. Kittakaṃ divasanti ce? Cha rattiyo. Mānattavāso pana saṅgheyeva, na gaṇe, na puggale, tena vuttaṃ ‘‘saṅghe’’ti. Parivutthoti ‘‘tayo kho upāli pārivāsikassa bhikkhuno ratticchedā sahavāso vippavāso anārocanā’’ti (cūḷava. 83) evaṃ vuttaṃ ratticchedaṃ akatvā parivutthoti attho. Tattha sahavāsoti pakatattena bhikkhunā saddhiṃ ekacchanne udakapātaṭṭhānabbhantare vāso. Vippavāso nāma aññaṃ pakatattaṃ bhikkhuṃ vinā vāso. Anārocanāti āgantukādīnaṃ anārocanā. Etesu tīsu ekenāpi ratticchedo hoti eva. Ettha pana upacārasīmagatānaṃ ārocetabbaṃ, na bahi ṭhitānaṃ, bahi ṭhitānampi sace saddaṃ suṇāti, passati, dūraṃ vā gantvā ārocetabbameva, anārocentassa ratticchedo ceva vattabhede dukkaṭañca hoti. Ajānantasseva upacārasīmaṃ pavisitvā gacchanti ce, ratticchedova hoti, na vattabhedo.
жин̣н̣амаанад̇д̇анд̇и ‘‘жад̇д̇ааро ко, убаали, маанад̇д̇ажааригасса бхигкуно рад̇д̇ижчзд̣̇аа сахаваасо виббаваасо анаарожанаа уунз г̇ан̣з жаран̣а’’нд̇и (жуул̣ава. 92) звам̣ вуд̇д̇ам̣ рад̇д̇ижчзд̣̇ам̣ агад̇ваа жин̣н̣амаанад̇д̇ам̣ баринидтид̇амаанад̇д̇анд̇и ад̇т̇о. зд̇т̇а бана сахаваасаад̣̇аяо бариваасз вуд̇д̇аббагаараа зва. ‘‘уунз г̇ан̣з жаран̣а’’нд̇и зд̇т̇а г̇ан̣о жад̇д̇ааро ваа ад̇ирзгаа ваа бхигкуу, д̇асмаа сажзби д̇ийхи бхигкуухи сад̣̇д̇хим̣ васад̇и, рад̇д̇ижчзд̣̇о ход̇иязва, ‘‘сажз бана д̇зна д̇зсам̣ ад̇т̇ибхаавам̣ д̣̇исваа аарожид̇з баггаманд̇и, уунз г̇ан̣з жаран̣ад̣̇осо на ход̇ий’’д̇и (жуул̣ава. адта. 97) адтагат̇аасу вуд̇д̇ам̣ гира. аб̣бхзяяаад̇и д̇ам̣ бхигкум̣ вийсад̇иг̇ан̣о сан̇гхо аб̣бхзяяа самбадижчзяяа, аб̣бхаанагаммавасзна осаарзяяаад̇и ад̇т̇о. сажз згзнаби ууно вийсад̇иг̇ан̣о бхигкусан̇гхо д̇ам̣ бхигкум̣ аб̣бхзяяа, со жа бхигку на аб̣бхид̇о, д̇з жа бхигкуу г̇аараяхаа, д̣̇уггадам̣ аабаж̇ж̇анд̇ийд̇и ад̇т̇о.
Ciṇṇamānattanti ‘‘cattāro kho, upāli, mānattacārikassa bhikkhuno ratticchedā sahavāso vippavāso anārocanā ūne gaṇe caraṇa’’nti (cūḷava. 92) evaṃ vuttaṃ ratticchedaṃ akatvā ciṇṇamānattaṃ pariniṭṭhitamānattanti attho. Ettha pana sahavāsādayo parivāse vuttappakārā eva. ‘‘Ūne gaṇe caraṇa’’nti ettha gaṇo cattāro vā atirekā vā bhikkhū, tasmā sacepi tīhi bhikkhūhi saddhiṃ vasati, ratticchedo hotiyeva, ‘‘sace pana tena tesaṃ atthibhāvaṃ disvā ārocite pakkamanti, ūne gaṇe caraṇadoso na hotī’’ti (cūḷava. aṭṭha. 97) aṭṭhakathāsu vuttaṃ kira. Abbheyyāti taṃ bhikkhuṃ vīsatigaṇo saṅgho abbheyya sampaṭiccheyya, abbhānakammavasena osāreyyāti attho. Sace ekenapi ūno vīsatigaṇo bhikkhusaṅgho taṃ bhikkhuṃ abbheyya, so ca bhikkhu na abbhito, te ca bhikkhū gārayhā, dukkaṭaṃ āpajjantīti attho.
29. ид̣̇аани яат̇аа чаад̣̇ид̇аа аабад̇д̇и чаннаа ход̇и, д̇ам̣ багаарам̣ д̣̇ассзд̇ум̣ ‘‘аабад̇д̇ий’’д̇иаад̣̇и вуд̇д̇ам̣. д̇ад̇т̇ааяам̣ бад̣̇аяож̇анаа – аабад̇д̇ид̇аа жа анугкид̇д̇ад̇аа жа ананд̇арааяад̇аа жа бахуд̇д̇ад̇аа жа аабад̇д̇инугкид̇д̇аананд̇арааяабахуд̇д̇ад̇ааяо, зд̇аасу жад̇уусу д̇ат̇аасан̃н̃ид̇аа жа чаад̣̇зд̇угаамо худ̇ваа чаад̣̇анаа жаад̇и звам̣ д̣̇асахан̇г̇зхи арун̣уг̇г̇амамхи чаннаа ход̇ийд̇и. зд̇т̇а бана аабад̇д̇иаад̣̇ийсу жад̇уусу аабад̇д̇исан̃н̃ид̇аа жа анугкид̇д̇асан̃н̃ид̇аа жа ананд̇арааяасан̃н̃ид̇аа жа бахуд̇д̇асан̃н̃ид̇аа жаад̇и звам̣ сан̃н̃аавасзна яож̇зд̇ваа адтан̇г̇аани г̇ахзд̇аб̣б̣аани, чаад̣̇зд̇угаамод̇и ид̣̇амзгам̣, чаад̣̇анаад̇и ид̣̇амзганд̇и звам̣ д̣̇аса.
29. Idāni yathā chāditā āpatti channā hoti, taṃ pakāraṃ dassetuṃ ‘‘āpattī’’tiādi vuttaṃ. Tatthāyaṃ padayojanā – āpattitā ca anukkhittatā ca anantarāyatā ca pahuttatā ca āpattinukkhittaanantarāyapahuttatāyo, etāsu catūsu tathāsaññitā ca chādetukāmo hutvā chādanā cāti evaṃ dasahaṅgehi aruṇuggamamhi channā hotīti. Ettha pana āpattiādīsu catūsu āpattisaññitā ca anukkhittasaññitā ca anantarāyasaññitā ca pahuttasaññitā cāti evaṃ saññāvasena yojetvā aṭṭhaṅgāni gahetabbāni, chādetukāmoti idamekaṃ, chādanāti idamekanti evaṃ dasa.
зд̇зсу бана аад̣̇ид̇о бадтааяа аяам̣ винижчаяо – ‘‘аабад̇д̇и жа ход̇и аабад̇д̇исан̃н̃ий жаа’’д̇и зд̇т̇а яам̣ аабанно, саа д̇зрасаннам̣ ан̃н̃ад̇араа ход̇и, соби жа д̇ад̇т̇а г̇аругаабад̇д̇исан̃н̃ийязва худ̇ваа ж̇аананд̇о чаад̣̇зд̇и, чаннаа ход̇и. сажз д̇ад̇т̇а анаабад̇д̇исан̃н̃ий ваа ан̃н̃аабад̇д̇исан̃н̃ий ваа взмад̇иго ваа ход̇и, ажчаннаава ход̇и. д̇ивид̇хам̣ бана угкзбанийяагаммам̣, д̇зна агад̇о анугкид̇д̇о. со жз багад̇ад̇д̇асан̃н̃ий худ̇ваа чаад̣̇зд̇и, чаннаа ход̇и. сажз абагад̇ад̇д̇асан̃н̃ий чаад̣̇зд̇и, ажчаннаа ход̇и. абагад̇ад̇д̇зна бана багад̇ад̇д̇асан̃н̃инааби абагад̇ад̇д̇асан̃н̃инааби чаад̣̇ид̇ам̣ ажчаад̣̇ид̇амзва ход̇ийд̇и. ананд̇арааяигод̇и яасса д̣̇асасу рааж̇ажорааг̇г̇иуд̣̇агамануссаамануссаваал̣асарийсабаж̇ийвид̇аб̣рахмажарияанд̇арааязсуби згоби над̇т̇и, со жз ананд̇арааяигасан̃н̃ий худ̇ваа чаад̣̇зд̇и, чаннаа ход̇и. сажз со анд̇хагаарабхийруго ананд̇арааяз зва ваал̣аад̣̇ианд̇арааяасан̃н̃ий худ̇ваа чаад̣̇зд̇и, ажчаннаава ход̇и. бахууд̇и яо саггод̇и сабхааг̇абхигкуно самийбам̣ г̇анд̇ун̃жзва аарожид̇ун̃жа , со жз бахусан̃н̃ий худ̇ваа чаад̣̇зд̇и, чаннаа ход̇и. яо бана абаху худ̇ваа бахусан̃н̃ий, баху ваа абахусан̃н̃ий худ̇ваа чаад̣̇зд̇и, ажчаннаава ход̇ийд̇и.
Etesu pana ādito paṭṭhāya ayaṃ vinicchayo – ‘‘āpatti ca hoti āpattisaññī cā’’ti ettha yaṃ āpanno, sā terasannaṃ aññatarā hoti, sopi ca tattha garukāpattisaññīyeva hutvā jānanto chādeti, channā hoti. Sace tattha anāpattisaññī vā aññāpattisaññī vā vematiko vā hoti, acchannāva hoti. Tividhaṃ pana ukkhepanīyakammaṃ, tena akato anukkhitto. So ce pakatattasaññī hutvā chādeti, channā hoti. Sace apakatattasaññī chādeti, acchannā hoti. Apakatattena pana pakatattasaññināpi apakatattasaññināpi chāditaṃ acchāditameva hotīti. Anantarāyikoti yassa dasasu rājacoraaggiudakamanussāmanussavāḷasarīsapajīvitabrahmacariyantarāyesupi ekopi natthi, so ce anantarāyikasaññī hutvā chādeti, channā hoti. Sace so andhakārabhīruko anantarāye eva vāḷādiantarāyasaññī hutvā chādeti, acchannāva hoti. Pahūti yo sakkoti sabhāgabhikkhuno samīpaṃ gantuñceva ārocituñca , so ce pahusaññī hutvā chādeti, channā hoti. Yo pana apahu hutvā pahusaññī, pahu vā apahusaññī hutvā chādeti, acchannāva hotīti.
арун̣уг̇г̇амамхийд̇и зд̇т̇а бурзбхад̇д̇ам̣ ваа аабад̇д̇им̣ аабанно ход̇и бажчаабхад̇д̇ам̣ ваа, яаава арун̣ам̣ на уг̇г̇ажчад̇и, д̇аава аарожзд̇аб̣б̣аа. сажз бана арун̣аб̣бханд̇арз сад̇агкад̇д̇умби чаад̣̇зд̇угаамад̇аа уббаж̇ж̇ад̇и, ажчаннаава ход̇и. аарожзнд̇о бана сабхааг̇асан̇гхаад̣̇исзсам̣ аабаннасса аарожзд̇ум̣ на ваддад̇и. сажз аарожзд̇и, аабад̇д̇и бана аавигад̇аа ход̇и, аарожанабажжаяаа бана ан̃н̃ам̣ д̣̇уггадам̣ аабад̇д̇им̣ аабаж̇ж̇ад̇и. иминаа ан̃н̃амби вад̇т̇усабхааг̇аабад̇д̇им̣ аарожзд̇ум̣ на ваддад̇ийд̇и д̣̇ийбид̇о ход̇и. аарожзнд̇зна бана ‘‘ахам̣ д̇ава санд̇игз згам̣ аабад̇д̇им̣ аави гаромий’’д̇и ваа ‘‘аажигкаамий’’д̇и ваа ‘‘аарожзмий’’д̇и ваа ‘‘згам̣ аабад̇д̇им̣ аабаннабхаавам̣ ж̇аанаахий’’д̇и ваа ‘‘згам̣ г̇аругаабад̇д̇им̣ аави гаромий’’д̇и ваа аад̣̇инаа наязна вад̇д̇аб̣б̣ам̣, зд̇д̇аавад̇аа ажчаннаава ход̇и. сажз ‘‘лахугаабад̇д̇им̣ аарожзмий’’д̇и вад̣̇ад̇и, чаннаава ход̇ийд̇и. сан̇гхаад̣̇исзсавинижчаяо.
Aruṇuggamamhīti ettha purebhattaṃ vā āpattiṃ āpanno hoti pacchābhattaṃ vā, yāva aruṇaṃ na uggacchati, tāva ārocetabbā. Sace pana aruṇabbhantare satakkhattumpi chādetukāmatā uppajjati, acchannāva hoti. Ārocento pana sabhāgasaṅghādisesaṃ āpannassa ārocetuṃ na vaṭṭati. Sace āroceti, āpatti pana āvikatā hoti, ārocanapaccayā pana aññaṃ dukkaṭaṃ āpattiṃ āpajjati. Iminā aññampi vatthusabhāgāpattiṃ ārocetuṃ na vaṭṭatīti dīpito hoti. Ārocentena pana ‘‘ahaṃ tava santike ekaṃ āpattiṃ āvi karomī’’ti vā ‘‘ācikkhāmī’’ti vā ‘‘ārocemī’’ti vā ‘‘ekaṃ āpattiṃ āpannabhāvaṃ jānāhī’’ti vā ‘‘ekaṃ garukāpattiṃ āvi karomī’’ti vā ādinā nayena vattabbaṃ, ettāvatā acchannāva hoti. Sace ‘‘lahukāpattiṃ ārocemī’’ti vadati, channāva hotīti. Saṅghādisesavinicchayo.
сан̇гхаад̣̇исзсанид̣̇д̣̇зсаван̣н̣анаа нидтид̇аа.
Saṅghādisesaniddesavaṇṇanā niṭṭhitā.