| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਸਙ੍ਘਸਾਮਗ੍ਗੀਕਥਾવਣ੍ਣਨਾ
Saṅghasāmaggīkathāvaṇṇanā
੪੭੫. ‘‘ਅਥ ਖੋ ਤੇ ਉਕ੍ਖਿਤ੍ਤਾਨੁવਤ੍ਤਕਾ ਭਿਕ੍ਖੂ ਤਂ ਉਕ੍ਖਿਤ੍ਤਕਂ ਭਿਕ੍ਖੁਂ ਓਸਾਰੇਤ੍વਾ ਯੇਨ ਉਕ੍ਖੇਪਕਾ ਭਿਕ੍ਖੂ…ਪੇ॰… ਤਸ੍ਸ વਤ੍ਥੁਸ੍ਸ વੂਪਸਮਾਯ ਸਙ੍ਘਸਾਮਗ੍ਗਿਂ ਕਰੋਮਾ’’ਤਿ વਚਨਂ ਦੁવਿਞ੍ਞੇਯ੍ਯવਿਨਿਚ੍ਛਯਂ વਿਨਯਲਕ੍ਖਣਕੁਸਲਸ੍ਸ। વਿਜ੍ਜਮਾਨੇ ਹਿ ਕਾਰਕਸਙ੍ਘੇ ਇਤਰੋ ਸਙ੍ਘੋ ਓਸਾਰਿਤੁਂ ਨ ਲਭਤਿ। ਓਸਾਰੇਨ੍ਤੋ ਚੇ, ਤੇ ਭਿਕ੍ਖੂ ਕਾਰਕਸਙ੍ਘੇਨ ਸਮਾਨਲਦ੍ਧਿਕਭਾવਂ ਪਤ੍ਤਤ੍ਤਾ ਤੇਨ ਸਮਾਨਸਂવਾਸਕਾ ਹੋਨ੍ਤਿ, ਤਤੋ ਉਕ੍ਖੇਪਕਾਨਂ ਛਨ੍ਦਂ ਅਗ੍ਗਹੇਤ੍વਾ ਓਸਾਰੇਨ੍ਤਾਨਂ ਕਮ੍ਮਂ ਕੁਪ੍ਪਤਿ, ਤਸ੍ਮਾ ‘‘ਤੇਨ ਹਿ, ਭਿਕ੍ਖવੇ, ਤਂ ਭਿਕ੍ਖੁਂ ਓਸਾਰੇਥਾ’’ਤਿ (ਮਹਾવ॰ ੪੭੪) ਭਗવਤੋ વਚਨੇਨ ਉਕ੍ਖਿਤ੍ਤਾਨੁવਤ੍ਤਕਾ ਓਸਾਰੇਸੁਂ, ਉਦਾਹੁ ਨਿਸ੍ਸੀਮਂ ਗਨ੍ਤ੍વਾ, ਉਦਾਹੁ ਇਤਰੇਸਂ ਛਨ੍ਦਂ ਗਹੇਤ੍વਾ ਓਸਾਰੇਸੁਂ, ਨਨੁ ਏਤੇਸਮਞ੍ਞਤਰੇਨੇਤ੍ਥ ਭવਿਤਬ੍ਬਂ, ਨ ਚ ਪਨੇਤਂ ਸਬ੍ਬਗਣ੍ਠਿਪਦੇਸੁ વਿਚਾਰਿਤਂ। ਅਯਂ ਪਨੇਤ੍ਥ ਤਕ੍ਕੋ –
475. ‘‘Atha kho te ukkhittānuvattakā bhikkhū taṃ ukkhittakaṃ bhikkhuṃ osāretvā yena ukkhepakā bhikkhū…pe… tassa vatthussa vūpasamāya saṅghasāmaggiṃ karomā’’ti vacanaṃ duviññeyyavinicchayaṃ vinayalakkhaṇakusalassa. Vijjamāne hi kārakasaṅghe itaro saṅgho osārituṃ na labhati. Osārento ce, te bhikkhū kārakasaṅghena samānaladdhikabhāvaṃ pattattā tena samānasaṃvāsakā honti, tato ukkhepakānaṃ chandaṃ aggahetvā osārentānaṃ kammaṃ kuppati, tasmā ‘‘tena hi, bhikkhave, taṃ bhikkhuṃ osārethā’’ti (mahāva. 474) bhagavato vacanena ukkhittānuvattakā osāresuṃ, udāhu nissīmaṃ gantvā, udāhu itaresaṃ chandaṃ gahetvā osāresuṃ, nanu etesamaññatarenettha bhavitabbaṃ, na ca panetaṃ sabbagaṇṭhipadesu vicāritaṃ. Ayaṃ panettha takko –
‘‘ਯਸ੍ਮਿਂ વਤ੍ਥੁਸ੍ਮਿਂ ਸਙ੍ਘੇਨ, ਕਤਕਮ੍ਮਸ੍ਸ ਭਿਕ੍ਖੁਨੋ।
‘‘Yasmiṃ vatthusmiṃ saṅghena, katakammassa bhikkhuno;
ਸਤਿ ਤਸ੍ਮਿਂ ਨ ਅਞ੍ਞਸ੍ਸ, ਪਟਿਪ੍ਪਸ੍ਸਮ੍ਭਨਂ ਖਮਂ॥
Sati tasmiṃ na aññassa, paṭippassambhanaṃ khamaṃ.
‘‘વਿਰਮਨ੍ਤੇ ਤਤੋ ਦੋਸੋ, ਅਪਿ ਸਙ੍ਘੋ ਅਕਾਰਕੋ।
‘‘Viramante tato doso, api saṅgho akārako;
ਓਸਾਰੇਤੁਂ ਅਲਂ ਯਸ੍ਮਾ, ਕਾਰਕੋ ਅਨੁਲੋਮਿਕੋ’’ਤਿ॥
Osāretuṃ alaṃ yasmā, kārako anulomiko’’ti.
੪੭੭. ‘‘ਅਟ੍ਠ ਦੂਤਙ੍ਗਾਨਿ ਨਾਮ ਸੋਤਾ ਚ ਹੋਤਿ, ਸਾવੇਤਾ ਚ ਉਗ੍ਗਹੇਤਾ ਚ ਧਾਰੇਤਾ ਚ વਿਞ੍ਞਾਤਾ ਚ વਿਞ੍ਞਾਪੇਤਾ ਚ ਕੁਸਲੋ ਚ ਸਹਿਤਾਸਹਿਤਦਸ੍ਸਨੋ ਚ ਅਕਲਹਕਾਰਕੋ ਚਾਤਿ ਏਤਾਨੀ’’ਤਿ વੁਤ੍ਤਂ।
477. ‘‘Aṭṭha dūtaṅgāni nāma sotā ca hoti, sāvetā ca uggahetā ca dhāretā ca viññātā ca viññāpetā ca kusalo ca sahitāsahitadassano ca akalahakārako cāti etānī’’ti vuttaṃ.
ਕੋਸਮ੍ਬਕਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Kosambakakkhandhakavaṇṇanā niṭṭhitā.
ਮਹਾવਗ੍ਗਸ੍ਸ ਲੀਨਤ੍ਥਪਕਾਸਨਾ ਨਿਟ੍ਠਿਤਾ।
Mahāvaggassa līnatthapakāsanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੨੭੮. ਸਙ੍ਘਸਾਮਗ੍ਗੀਕਥਾ • 278. Saṅghasāmaggīkathā
੨੭੯. ਉਪਾਲਿਸਙ੍ਘਸਾਮਗ੍ਗੀਪੁਚ੍ਛਾ • 279. Upālisaṅghasāmaggīpucchā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਟ੍ਠਾਰਸવਤ੍ਥੁਕਥਾ • Aṭṭhārasavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਉਪਾਲਿਸਙ੍ਘਸਾਮਗ੍ਗੀਪੁਚ੍ਛਾવਣ੍ਣਨਾ • Upālisaṅghasāmaggīpucchāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਟ੍ਠਾਰਸવਤ੍ਥੁਕਥਾવਣ੍ਣਨਾ • Aṭṭhārasavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੭੬. ਅਟ੍ਠਾਰਸવਤ੍ਥੁਕਥਾ • 276. Aṭṭhārasavatthukathā
