| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
230. сан̇гхз бхиннз жийваруббаад̣̇агат̇аа
230. Saṅghe bhinne cīvaruppādakathā
376. сан̇гхо бхиж̇ж̇ад̇ийд̇и зд̇т̇а д̣̇вигодтаасавасзна бхиж̇ж̇анамзваад̇хиббзд̇ам̣, на ан̃н̃анд̇и ааха ‘‘д̣̇вз годтаасаа’’д̇и. згасмим̣ багкз жийвараани д̣̇знд̇ийд̇и яож̇анаа. д̣̇вибагкам̣ санд̇хааяа ‘‘сагаласса сан̇гхассаа’’д̇и вуд̇д̇ам̣. зд̇анд̇и жийварам̣. д̇ассзва жийваранд̇и д̇асса годтаасасса жийварамзва. яад̇т̇аад̇и яасмим̣ д̣̇зсз. д̣̇агкин̣од̣̇агам̣ бамаан̣анд̇и д̣̇агкин̣од̣̇агамзва бамаан̣ам̣, на д̣̇зяяад̇хаммо. д̇асмаа д̣̇агкин̣од̣̇агам̣ бадиг̇г̇ан̣ханд̇аа, д̣̇зяяад̇хаммасса саамино хонд̇ийд̇и ад̇хиббааяо. убхохиби багкзхийд̇и яож̇анаа. барасамуд̣̇д̣̇зд̇и ж̇амб̣уд̣̇ийбз. со хи сийхал̣ад̣̇ийбад̇о самуд̣̇д̣̇асса баарад̇д̇аа барасамуд̣̇д̣̇од̇и вужжад̇и. ид̇аро багкод̇и д̣̇агкин̣од̣̇агасса жа жийварасса жа лад̣̇д̇хабагкад̇о ид̇аро алад̣̇д̇хо багко.
376.Saṅgho bhijjatīti ettha dvikoṭṭhāsavasena bhijjanamevādhippetaṃ, na aññanti āha ‘‘dve koṭṭhāsā’’ti. Ekasmiṃ pakkhe cīvarāni dentīti yojanā. Dvipakkhaṃ sandhāya ‘‘sakalassa saṅghassā’’ti vuttaṃ. Etanti cīvaraṃ. Tasseva cīvaranti tassa koṭṭhāsassa cīvarameva. Yatthāti yasmiṃ dese. Dakkhiṇodakaṃ pamāṇanti dakkhiṇodakameva pamāṇaṃ, na deyyadhammo. Tasmā dakkhiṇodakaṃ paṭiggaṇhantā, deyyadhammassa sāmino hontīti adhippāyo. Ubhohipi pakkhehīti yojanā. Parasamuddeti jambudīpe. So hi sīhaḷadīpato samuddassa pārattā parasamuddoti vuccati. Itaro pakkhoti dakkhiṇodakassa ca cīvarassa ca laddhapakkhato itaro aladdho pakkho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 230. сан̇гхз бхиннз жийваруббаад̣̇агат̇аа • 230. Saṅghe bhinne cīvaruppādakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сан̇гхзбхиннзжийваруббаад̣̇агат̇аа • Saṅghebhinnecīvaruppādakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхз бхиннз жийваруббаад̣̇агат̇ааван̣н̣анаа • Saṅghe bhinne cīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сан̇гхзбхиннзжийваруббаад̣̇агат̇ааван̣н̣анаа • Saṅghebhinnecīvaruppādakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мад̇асанд̇агагат̇аад̣̇иван̣н̣анаа • Matasantakakathādivaṇṇanā
