| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. सङ्घुपट्ठाकत्थेरअपदानं
10. Saṅghupaṭṭhākattheraapadānaṃ
४५.
45.
‘‘वेस्सभुम्हि भगवति, अहोसारामिको अहं।
‘‘Vessabhumhi bhagavati, ahosārāmiko ahaṃ;
पसन्नचित्तो सुमनो, उपट्ठिं सङ्घमुत्तमं॥
Pasannacitto sumano, upaṭṭhiṃ saṅghamuttamaṃ.
४६.
46.
‘‘एकत्तिंसे इतो कप्पे, यं कम्ममकरिं तदा।
‘‘Ekattiṃse ito kappe, yaṃ kammamakariṃ tadā;
दुग्गतिं नाभिजानामि, उपट्ठानस्सिदं फलं॥
Duggatiṃ nābhijānāmi, upaṭṭhānassidaṃ phalaṃ.
४७.
47.
‘‘इतो ते सत्तमे कप्पे, सत्तेवासुं समोदका।
‘‘Ito te sattame kappe, sattevāsuṃ samodakā;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
४८.
48.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सङ्घुपट्ठाको थेरो इमा गाथायो अभासित्थाति।
Itthaṃ sudaṃ āyasmā saṅghupaṭṭhāko thero imā gāthāyo abhāsitthāti.
सङ्घुपट्ठाकत्थेरस्सापदानं दसमं।
Saṅghupaṭṭhākattherassāpadānaṃ dasamaṃ.
कुमुदवग्गो अट्ठारसमो।
Kumudavaggo aṭṭhārasamo.
तस्सुद्दानं –
Tassuddānaṃ –
कुमुदो अथ निस्सेणी, रत्तिको उदपानदो।
Kumudo atha nisseṇī, rattiko udapānado;
सीहासनी मग्गददो, एकदीपी मणिप्पदो।
Sīhāsanī maggadado, ekadīpī maṇippado;
तिकिच्छको उपट्ठाको, एकपञ्ञास गाथकाति॥
Tikicchako upaṭṭhāko, ekapaññāsa gāthakāti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १०. सङ्घुपट्ठाकत्थेरअपदानवण्णना • 10. Saṅghupaṭṭhākattheraapadānavaṇṇanā
