| Library / Tipiṭaka / ತಿಪಿಟಕ • Tipiṭaka / ಅಪದಾನ-ಅಟ್ಠಕಥಾ • Apadāna-aṭṭhakathā |
೧೦. ಸಙ್ಘುಪಟ್ಠಾಕತ್ಥೇರಅಪದಾನವಣ್ಣನಾ
10. Saṅghupaṭṭhākattheraapadānavaṇṇanā
ವೇಸ್ಸಭುಮ್ಹಿ ಭಗವತೀತಿಆದಿಕಂ ಆಯಸ್ಮತೋ ಸಙ್ಘುಪಟ್ಠಾಕತ್ಥೇರಸ್ಸ ಅಪದಾನಂ। ಅಯಮ್ಪಿ ಥೇರೋ ಪುರಿಮಬುದ್ಧೇಸು ಕತಕುಸಲಸಮ್ಭಾರೋ ಅನೇಕೇಸು ಭವೇಸು ವಿವಟ್ಟೂಪನಿಸ್ಸಯಾನಿ ಪುಞ್ಞಾನಿ ಉಪಚಿನನ್ತೋ ವೇಸ್ಸಭುಸ್ಸ ಭಗವತೋ ಕಾಲೇ ತಸ್ಸಾರಾಮಿಕಸ್ಸ ಪುತ್ತೋ ಹುತ್ವಾ ನಿಬ್ಬತ್ತೋ ವಿಞ್ಞುತಂ ಪತ್ವಾ ಸದ್ಧೋ ಪಸನ್ನೋ ವಿಹಾರೇಸು ಆರಾಮಿಕಕಮ್ಮಂ ಕರೋನ್ತೋ ಸಕ್ಕಚ್ಚಂ ಸಙ್ಘಂ ಉಪಟ್ಠಾಸಿ। ಸೋ ತೇನೇವ ಕುಸಲಕಮ್ಮೇನ ದೇವಮನುಸ್ಸೇಸು ಸಂಸರನ್ತೋ ಉಭಯಸಮ್ಪತ್ತಿಯೋ ಅನುಭವಿತ್ವಾ ಇಮಸ್ಮಿಂ ಬುದ್ಧುಪ್ಪಾದೇ ಸಾವತ್ಥಿಯಂ ಗಹಪತಿಕುಲೇ ನಿಬ್ಬತ್ತೋ ವುದ್ಧಿಪ್ಪತ್ತೋ ವಿಭವಸಮ್ಪನ್ನೋ ಸುಖಪ್ಪತ್ತೋ ಪಾಕಟೋ ಸತ್ಥು ಧಮ್ಮದೇಸನಂ ಸುತ್ವಾ ಸಾಸನೇ ಪಸನ್ನೋ ಪಬ್ಬಜಿತ್ವಾ ವತ್ತಸಮ್ಪನ್ನೋ ಸಾಸನಂ ಸೋಭಯಮಾನೋ ವಿಪಸ್ಸನಂ ವಡ್ಢೇನ್ತೋ ನಚಿರಸ್ಸೇವ ಸಹ ಪಟಿಸಮ್ಭಿದಾಹಿ ಅರಹತ್ತಂ ಪತ್ತೋ ಛಳಭಿಞ್ಞೋ ಪುಬ್ಬೇ ಕತಕುಸಲಕಮ್ಮವಸೇನ ಸಙ್ಘುಪಟ್ಠಾಕತ್ಥೇರೋತಿ ಪಾಕಟೋ ಅಹೋಸಿ।
Vessabhumhi bhagavatītiādikaṃ āyasmato saṅghupaṭṭhākattherassa apadānaṃ. Ayampi thero purimabuddhesu katakusalasambhāro anekesu bhavesu vivaṭṭūpanissayāni puññāni upacinanto vessabhussa bhagavato kāle tassārāmikassa putto hutvā nibbatto viññutaṃ patvā saddho pasanno vihāresu ārāmikakammaṃ karonto sakkaccaṃ saṅghaṃ upaṭṭhāsi. So teneva kusalakammena devamanussesu saṃsaranto ubhayasampattiyo anubhavitvā imasmiṃ buddhuppāde sāvatthiyaṃ gahapatikule nibbatto vuddhippatto vibhavasampanno sukhappatto pākaṭo satthu dhammadesanaṃ sutvā sāsane pasanno pabbajitvā vattasampanno sāsanaṃ sobhayamāno vipassanaṃ vaḍḍhento nacirasseva saha paṭisambhidāhi arahattaṃ patto chaḷabhiñño pubbe katakusalakammavasena saṅghupaṭṭhākattheroti pākaṭo ahosi.
೪೫. ಸೋ ಏಕದಿವಸಂ ‘‘ಪುಬ್ಬೇ ಮಯಾ ಕಿಂ ನಾಮ ಕಮ್ಮಂ ಕತ್ವಾ ಅಯಂ ಲೋಕುತ್ತರಸಮ್ಪತ್ತಿ ಲದ್ಧಾ’’ತಿ ಅತ್ತನೋ ಪುಬ್ಬಕಮ್ಮಂ ಸರಿತ್ವಾ ಪಚ್ಚಕ್ಖತೋ ಜಾನಿತ್ವಾ ಸೋಮನಸ್ಸಜಾತೋ ಪುಬ್ಬಚರಿತಾಪದಾನಂ ಪಾಕಟಂ ಕರೋನ್ತೋ ವೇಸ್ಸಭುಮ್ಹಿ ಭಗವತೀತಿಆದಿಮಾಹ। ತತ್ಥ ಅಹೋಸಾರಾಮಿಕೋ ಅಹನ್ತಿ ಅಹಂ ವೇಸ್ಸಭುಸ್ಸ ಭಗವತೋ ಸಾಸನೇ ಆರಾಮಿಕೋ ಅಹೋಸಿನ್ತಿ ಅತ್ಥೋ। ಸೇಸಂ ಹೇಟ್ಠಾ ವುತ್ತನಯತ್ತಾ ಉತ್ತಾನತ್ಥತ್ತಾ ಚ ಸುವಿಞ್ಞೇಯ್ಯಮೇವಾತಿ।
45. So ekadivasaṃ ‘‘pubbe mayā kiṃ nāma kammaṃ katvā ayaṃ lokuttarasampatti laddhā’’ti attano pubbakammaṃ saritvā paccakkhato jānitvā somanassajāto pubbacaritāpadānaṃ pākaṭaṃ karonto vessabhumhi bhagavatītiādimāha. Tattha ahosārāmiko ahanti ahaṃ vessabhussa bhagavato sāsane ārāmiko ahosinti attho. Sesaṃ heṭṭhā vuttanayattā uttānatthattā ca suviññeyyamevāti.
ಸಙ್ಘುಪಟ್ಠಾಕತ್ಥೇರಅಪದಾನವಣ್ಣನಾ ಸಮತ್ತಾ।
Saṅghupaṭṭhākattheraapadānavaṇṇanā samattā.
ಅಟ್ಠಾರಸಮವಗ್ಗವಣ್ಣನಾ ಸಮತ್ತಾ।
Aṭṭhārasamavaggavaṇṇanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ಅಪದಾನಪಾಳಿ • Apadānapāḷi / ೧೦. ಸಙ್ಘುಪಟ್ಠಾಕತ್ಥೇರಅಪದಾನಂ • 10. Saṅghupaṭṭhākattheraapadānaṃ
