| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
91. сан̇гхубосат̇аад̣̇игат̇аа
91. Saṅghuposathādikathā
168. ‘‘саммаж̇ж̇ид̇ваа’’д̇и бад̣̇амабзгкид̇ваа со д̣̇зсод̇и зд̇т̇а ‘‘убаяог̇ад̇т̇з бажжад̇д̇аважана’’нд̇и вуд̇д̇ам̣. зд̇анд̇и ‘‘со д̣̇зсо саммаж̇ж̇ид̇аб̣б̣о’’д̇иаад̣̇иважанам̣. д̇знаад̇и д̇зна хзд̇унаа. адтагат̇аажарияаа ‘‘саммаж̇ж̇аний…бз… вужжад̇и’’ ид̇и аахууд̇и яож̇анаа.
168. ‘‘Sammajjitvā’’ti padamapekkhitvā so desoti ettha ‘‘upayogatthe paccattavacana’’nti vuttaṃ. Etanti ‘‘so deso sammajjitabbo’’tiādivacanaṃ. Tenāti tena hetunā. Aṭṭhakathācariyā ‘‘sammajjanī…pe… vuccati’’ iti āhūti yojanā.
саммаж̇ж̇анийд̇и саммаж̇ж̇анагаран̣ам̣. бад̣̇ийбод̇и бад̣̇ийбуж̇ж̇аланам̣. уд̣̇аганд̇и уд̣̇агадтабанам̣. аасанзнаад̇и аасанабан̃н̃аабанзна. ‘‘ид̇ий’’д̇и аж̇жхаахарид̇аб̣б̣ам̣. убосат̇ассаад̇и нававид̇хасса убосат̇асса буб̣б̣агаран̣анд̇и самб̣анд̇хо. зд̇аанийд̇и жад̇д̇аари гаммаани. вужжад̇ийд̇и гат̇ияад̇и. ид̣̇ам̣ ‘‘зд̇ааний’’д̇и гаммасса жа ‘‘буб̣б̣агаран̣а’’нд̇и аагаарасса жа абхзд̣̇ад̇д̇аа аасаннам̣ аагаарамабзгкид̇ваа згаважанавасзна вуд̇д̇ам̣. ‘‘агкаад̇ааний’’д̇и ид̣̇ам̣ бана ‘‘имаани жад̇д̇аарий’’д̇и гаммамабзгкид̇ваа б̣ахуважанавасзна вуд̇д̇анд̇и д̣̇адтаб̣б̣ам̣.
Sammajjanīti sammajjanakaraṇaṃ. Padīpoti padīpujjalanaṃ. Udakanti udakaṭṭhapanaṃ. Āsanenāti āsanapaññāpanena. ‘‘Itī’’ti ajjhāharitabbaṃ. Uposathassāti navavidhassa uposathassa pubbakaraṇanti sambandho. Etānīti cattāri kammāni. Vuccatīti kathiyati. Idaṃ ‘‘etānī’’ti kammassa ca ‘‘pubbakaraṇa’’nti ākārassa ca abhedattā āsannaṃ ākāramapekkhitvā ekavacanavasena vuttaṃ. ‘‘Akkhātānī’’ti idaṃ pana ‘‘imāni cattārī’’ti kammamapekkhitvā bahuvacanavasena vuttanti daṭṭhabbaṃ.
чанд̣̇абаарисуд̣̇д̇хиуд̇угкаананд̇и чанд̣̇агкаанан̃жа баарисуд̣̇д̇хигкаанан̃жа уд̇угкаанан̃жа. бхигкуг̇ан̣анаад̇и бхигкуу г̇ан̣зд̇ваа агкаанам̣. оваад̣̇од̇и бхигкунийхи яаажид̇асса оваад̣̇асса агкаанам̣. зд̇аанийд̇и зд̇аани бан̃жа. буб̣б̣агаран̣ад̇о бажчаад̇и буб̣б̣агаран̣асса гаран̣ад̇о бажчаа. зд̇т̇а жа ‘‘буб̣б̣агаран̣ад̇о бажчаа гад̇д̇аб̣б̣ааний’’д̇и ид̣̇ам̣ гад̇д̇аб̣б̣аагаарассзва висзсанам̣, на ад̇т̇асса. аяам̣ бана висзсо – сан̇гхасаннибаад̇ад̇о буб̣б̣абхааг̇з гад̇д̇аб̣б̣ад̇д̇аа буб̣б̣агаран̣ам̣ наама, убосат̇агаран̣ад̇о буб̣б̣абхааг̇з гад̇д̇аб̣б̣ад̇д̇аа буб̣б̣агижжам̣ наамаад̇и.
Chandapārisuddhiutukkhānanti chandakkhānañca pārisuddhikkhānañca utukkhānañca. Bhikkhugaṇanāti bhikkhū gaṇetvā akkhānaṃ. Ovādoti bhikkhunīhi yācitassa ovādassa akkhānaṃ. Etānīti etāni pañca. Pubbakaraṇato pacchāti pubbakaraṇassa karaṇato pacchā. Ettha ca ‘‘pubbakaraṇato pacchā kattabbānī’’ti idaṃ kattabbākārasseva visesanaṃ, na atthassa. Ayaṃ pana viseso – saṅghasannipātato pubbabhāge kattabbattā pubbakaraṇaṃ nāma, uposathakaraṇato pubbabhāge kattabbattā pubbakiccaṃ nāmāti.
убосат̇од̇и убосат̇ад̣̇ивасо. яаавад̇игаа жа бхигкууд̇и яад̇д̇агаа бхигкуу. гаммабад̇д̇аад̇и убосат̇агаммасса бад̇д̇аа яуд̇д̇аа ануруубаа. д̇аавад̇игаа бхигкуу хад̇т̇абаасам̣ авиж̇ахид̇ваа згасиймааяам̣ тид̇аа жа хонд̇ийд̇и яож̇анаа. сабхааг̇аабад̇д̇ияод̇и вад̇т̇усабхааг̇аа аабад̇д̇ияо. важ̇ж̇анийяаад̇и важ̇ж̇зд̇аб̣б̣аа. буг̇г̇алаад̇и г̇ахадтаад̣̇ибуг̇г̇алаа. д̇асминд̇и д̇асмим̣ убосат̇асиймамаал̣агз. зд̇аани жад̇д̇аарийд̇и баатасзсо.
Uposathoti uposathadivaso. Yāvatikā ca bhikkhūti yattakā bhikkhū. Kammapattāti uposathakammassa pattā yuttā anurūpā. Tāvatikā bhikkhū hatthapāsaṃ avijahitvā ekasīmāyaṃ ṭhitā ca hontīti yojanā. Sabhāgāpattiyoti vatthusabhāgā āpattiyo. Vajjanīyāti vajjetabbā. Puggalāti gahaṭṭhādipuggalā. Tasminti tasmiṃ uposathasīmamāḷake. Etāni cattārīti pāṭhaseso.
ааг̇ад̇зхи д̇зхи бхигкуухийд̇и яож̇анаа. баннарасобийд̇и бисад̣̇д̣̇зна на гзвалам̣ баал̣ияам̣ ааг̇ад̇анаязнзва ад̇хидтаад̇ум̣ ваддад̇и, ат̇а ко ‘‘аж̇ж̇а мз убосат̇о баннарасо’’д̇ибийд̇и д̣̇ассзд̇и.
Āgatehi tehi bhikkhūhīti yojanā. Pannarasopīti pisaddena na kevalaṃ pāḷiyaṃ āgatanayeneva adhiṭṭhātuṃ vaṭṭati, atha kho ‘‘ajja me uposatho pannaraso’’tipīti dasseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 91. сан̇гхубосат̇аад̣̇иббабхзд̣̇ам̣ • 91. Saṅghuposathādippabhedaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сан̇гхубосат̇аад̣̇игат̇аа • Saṅghuposathādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сан̇гхубосат̇аад̣̇игат̇ааван̣н̣анаа • Saṅghuposathādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чанд̣̇ад̣̇аанагат̇аад̣̇иван̣н̣анаа • Chandadānakathādivaṇṇanā
