[251] 1. сан̇габбарааг̇аж̇аад̇агаван̣н̣анаа

[251] 1. Saṅkapparāgajātakavaṇṇanā

сан̇габбарааг̇ад̇ход̇знаад̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇абхигкум̣ аараб̣бха гат̇зси. саавад̇т̇инаг̇араваасий гирзго гулабуд̇д̇о саасанз урам̣ д̣̇ад̇ваа баб̣б̣аж̇ид̇ваа згад̣̇ивасам̣ саавад̇т̇ияам̣ бин̣д̣ааяа жаранд̇о згам̣ алан̇гад̇абадияад̇д̇ам̣ ид̇т̇им̣ д̣̇исваа уббаннагаамарааг̇о анабхирад̇о вижари. д̇амзнам̣ аажарияубаж̇жхааяаад̣̇аяо д̣̇исваа анабхирад̇игааран̣ам̣ бужчид̇ваа виб̣бхамид̇угаамабхаавамасса н̃ад̇ваа ‘‘аавусо, сад̇т̇аа наама гаамарааг̇аад̣̇игилзсабийл̣ид̇аанам̣ гилзсз хаарзд̇ваа сажжаани багаасзд̇ваа сод̇аабад̇д̇ипалаад̣̇ийни д̣̇зд̇и, зхи д̇ам̣ сад̇т̇у санд̇игам̣ нзссаамаа’’д̇и аад̣̇ааяа аг̇амам̣су. сад̇т̇аараа жа ‘‘гим̣ ну ко, бхигкавз, анижчамаанаган̃н̃зва бхигкум̣ г̇ахзд̇ваа ааг̇ад̇ад̇т̇аа’’д̇и вуд̇д̇з д̇амад̇т̇ам̣ аарожзсум̣. сад̇т̇аа ‘‘сажжам̣ гира д̇вам̣, бхигку, угган̣тид̇о’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘гим̣гааран̣аа’’д̇и бужчи. со д̇амад̇т̇ам̣ аарожзси. ат̇а нам̣ сад̇т̇аа ‘‘ид̇т̇ияо наамзд̇аа, бхигку, буб̣б̣з жхаанаб̣алзна вигкамбхид̇агилзсаанам̣ висуд̣̇д̇хасад̇д̇аанамби сам̣гилзсам̣ уббаад̣̇зсум̣, д̇аад̣̇исам̣ д̇ужчабуг̇г̇алам̣ гим̣гааран̣аа на сам̣гилзсиссанд̇и, висуд̣̇д̇хааби сад̇д̇аа сам̣гилиссанд̇и, уд̇д̇амаяасасаман̇г̇иноби ааяасагяам̣ баабун̣анд̇и, баг̇зва абарисуд̣̇д̇хаа. синзругамбанагаваад̇о бураан̣абан̣н̣агасадам̣ гим̣ на гамбзссад̇и, б̣од̇хид̇алз нисийд̣̇ид̇ваа абхисамб̣уж̇жханагасад̇д̇ам̣ аяам̣ гилзсо аалол̣зси, д̇аад̣̇исам̣ гим̣ на аалол̣зссад̇ий’’д̇и вад̇ваа д̇зхи яаажид̇о ад̇ийд̇ам̣ аахари.

Saṅkapparāgadhotenāti idaṃ satthā jetavane viharanto ukkaṇṭhitabhikkhuṃ ārabbha kathesi. Sāvatthinagaravāsī kireko kulaputto sāsane uraṃ datvā pabbajitvā ekadivasaṃ sāvatthiyaṃ piṇḍāya caranto ekaṃ alaṅkatapaṭiyattaṃ itthiṃ disvā uppannakāmarāgo anabhirato vicari. Tamenaṃ ācariyupajjhāyādayo disvā anabhiratikāraṇaṃ pucchitvā vibbhamitukāmabhāvamassa ñatvā ‘‘āvuso, satthā nāma kāmarāgādikilesapīḷitānaṃ kilese hāretvā saccāni pakāsetvā sotāpattiphalādīni deti, ehi taṃ satthu santikaṃ nessāmā’’ti ādāya agamaṃsu. Satthārā ca ‘‘kiṃ nu kho, bhikkhave, anicchamānakaññeva bhikkhuṃ gahetvā āgatatthā’’ti vutte tamatthaṃ ārocesuṃ. Satthā ‘‘saccaṃ kira tvaṃ, bhikkhu, ukkaṇṭhito’’ti pucchitvā ‘‘saccaṃ, bhante’’ti vutte ‘‘kiṃkāraṇā’’ti pucchi. So tamatthaṃ ārocesi. Atha naṃ satthā ‘‘itthiyo nāmetā, bhikkhu, pubbe jhānabalena vikkhambhitakilesānaṃ visuddhasattānampi saṃkilesaṃ uppādesuṃ, tādisaṃ tucchapuggalaṃ kiṃkāraṇā na saṃkilesissanti, visuddhāpi sattā saṃkilissanti, uttamayasasamaṅginopi āyasakyaṃ pāpuṇanti, pageva aparisuddhā. Sinerukampanakavāto purāṇapaṇṇakasaṭaṃ kiṃ na kampessati, bodhitale nisīditvā abhisambujjhanakasattaṃ ayaṃ kileso āloḷesi, tādisaṃ kiṃ na āloḷessatī’’ti vatvā tehi yācito atītaṃ āhari.

ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о асийд̇игодивибхавз б̣раахман̣амахаасаалагулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа б̣аараан̣асим̣ бажжааг̇анд̇ваа гад̇ад̣̇аарабариг̇г̇ахо маад̇аабид̇уунам̣ ажжаязна д̇зсам̣ мад̇агижжаани гад̇ваа хиран̃н̃ологанагаммам̣ гаронд̇о ‘‘ид̣̇ам̣ д̇ханам̣ бан̃н̃ааяад̇и, язхи банзд̇ам̣ самбхад̇ам̣, д̇з на бан̃н̃ааяанд̇ий’’д̇и ааваж̇ж̇знд̇о сам̣взг̇аббад̇д̇о ахоси, сарийраа сзд̣̇аа мужжим̣су. со гхарааваасз жирам̣ васанд̇о махаад̣̇аанам̣ д̣̇ад̇ваа гаамз бахааяа ассумукам̣ н̃аад̇исан̇гхам̣ барижжаж̇ид̇ваа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа раман̣ийяз бад̣̇зсз бан̣н̣асаалам̣ маабзд̇ваа ун̃чаажарияааяа ванамуулапалаад̣̇ийхи яаабзнд̇о нажирассзва абхин̃н̃аа жа самаабад̇д̇ияо жа уббаад̣̇зд̇ваа жхаанагийл̣ам̣ гийл̣анд̇о жирам̣ васид̇ваа жинд̇зси – ‘‘мануссабат̇ам̣ г̇анд̇ваа лон̣амб̣илам̣ убасзвиссаами, звам̣ мз сарийран̃жзва т̇ирам̣ бхависсад̇и, ж̇ан̇гхавихааро жа гад̇о бхависсад̇и, яз жа маад̣̇исасса сийласамбаннасса бхигкам̣ ваа д̣̇ассанд̇и, абхиваад̣̇анаад̣̇ийни ваа гариссанд̇и, д̇з саг̇г̇абурам̣ буурзссанд̇ий’’д̇и.

Atīte bārāṇasiyaṃ brahmadatte rajjaṃ kārente bodhisatto asītikoṭivibhave brāhmaṇamahāsālakule nibbattitvā vayappatto takkasilāyaṃ sabbasippāni uggaṇhitvā bārāṇasiṃ paccāgantvā katadārapariggaho mātāpitūnaṃ accayena tesaṃ matakiccāni katvā hiraññolokanakammaṃ karonto ‘‘idaṃ dhanaṃ paññāyati, yehi panetaṃ sambhataṃ, te na paññāyantī’’ti āvajjento saṃvegappatto ahosi, sarīrā sedā mucciṃsu. So gharāvāse ciraṃ vasanto mahādānaṃ datvā kāme pahāya assumukhaṃ ñātisaṅghaṃ pariccajitvā himavantaṃ pavisitvā isipabbajjaṃ pabbajitvā ramaṇīye padese paṇṇasālaṃ māpetvā uñchācariyāya vanamūlaphalādīhi yāpento nacirasseva abhiññā ca samāpattiyo ca uppādetvā jhānakīḷaṃ kīḷanto ciraṃ vasitvā cintesi – ‘‘manussapathaṃ gantvā loṇambilaṃ upasevissāmi, evaṃ me sarīrañceva thiraṃ bhavissati, jaṅghavihāro ca kato bhavissati, ye ca mādisassa sīlasampannassa bhikkhaṃ vā dassanti, abhivādanādīni vā karissanti, te saggapuraṃ pūressantī’’ti.

со химаванд̇аа од̇арид̇ваа анубуб̣б̣зна жааригам̣ жарамаано б̣аараан̣асим̣ бад̇ваа суурияад̇т̇ан̇г̇аманавзлааяа васанадтаанам̣ ологзнд̇о рааж̇уяяаанам̣ д̣̇исваа ‘‘ид̣̇ам̣ бадисаллаанасааруббам̣, зд̇т̇а васиссаамз’’д̇и уяяаанам̣ бависид̇ваа ан̃н̃ад̇арасмим̣ ругкамуулз нисинно жхаанасукзна рад̇д̇им̣ кзбзд̇ваа бунад̣̇ивасз гад̇асарийрабадиж̇аг̇г̇ано буб̣б̣ан̣хасамаяз ж̇адааж̇инаваггалаани сан̣табзд̇ваа бхигкаабхааж̇анам̣ аад̣̇ааяа санд̇инд̣̇рияо санд̇амаанасо ирияаабат̇асамбанно яуг̇амад̇д̇ад̣̇ассано худ̇ваа саб̣б̣аагаарасамбаннааяа ад̇д̇ано руубасирияаа логасса ложанаани аагад̣дхзнд̇о наг̇арам̣ бависид̇ваа бхигкааяа жаранд̇о ран̃н̃о нивзсанад̣̇ваарам̣ баабун̣и. рааж̇аа махаад̇алз жан̇гаманд̇о ваад̇абаананд̇арзна б̣од̇хисад̇д̇ам̣ д̣̇исваа ирияаабат̇асмин̃н̃зва басийд̣̇ид̇ваа ‘‘сажз санд̇ад̇хаммо наама ад̇т̇и, имасса д̇зна аб̣бханд̇арз бхавид̇аб̣б̣а’’нд̇и жинд̇зд̇ваа ‘‘г̇ажча, д̇ам̣ д̇аабасам̣ аанзхий’’д̇и згам̣ амажжам̣ аан̣аабзси. со г̇анд̇ваа ванд̣̇ид̇ваа бхигкаабхааж̇анам̣ г̇ахзд̇ваа ‘‘рааж̇аа, бханд̇з, д̇ам̣ баггосад̇ий’’д̇и ааха. б̣од̇хисад̇д̇о ‘‘махаабун̃н̃а, амхз рааж̇аа на ж̇аанаад̇ий’’д̇и ааха. ‘‘д̇зна хи, бханд̇з, яааваахам̣ ааг̇ажчаами, д̇аава ид̇хзва хот̇аа’’д̇и г̇анд̇ваа ран̃н̃о аарожзси. рааж̇аа ‘‘амхаагам̣ гулуубагад̇аабасо над̇т̇и, г̇ажча, нам̣ аанзхий’’д̇и саяамби ваад̇абаанзна хад̇т̇ам̣ басаарзд̇ваа ванд̣̇анд̇о ‘‘ид̇о зт̇а, бханд̇з’’д̇и ааха. б̣од̇хисад̇д̇о амажжасса хад̇т̇з бхигкаабхааж̇анам̣ д̣̇ад̇ваа махаад̇алам̣ абхирухи.

So himavantā otaritvā anupubbena cārikaṃ caramāno bārāṇasiṃ patvā sūriyatthaṅgamanavelāya vasanaṭṭhānaṃ olokento rājuyyānaṃ disvā ‘‘idaṃ paṭisallānasāruppaṃ, ettha vasissāme’’ti uyyānaṃ pavisitvā aññatarasmiṃ rukkhamūle nisinno jhānasukhena rattiṃ khepetvā punadivase katasarīrapaṭijaggano pubbaṇhasamaye jaṭājinavakkalāni saṇṭhapetvā bhikkhābhājanaṃ ādāya santindriyo santamānaso iriyāpathasampanno yugamattadassano hutvā sabbākārasampannāya attano rūpasiriyā lokassa locanāni ākaḍḍhento nagaraṃ pavisitvā bhikkhāya caranto rañño nivesanadvāraṃ pāpuṇi. Rājā mahātale caṅkamanto vātapānantarena bodhisattaṃ disvā iriyāpathasmiññeva pasīditvā ‘‘sace santadhammo nāma atthi, imassa tena abbhantare bhavitabba’’nti cintetvā ‘‘gaccha, taṃ tāpasaṃ ānehī’’ti ekaṃ amaccaṃ āṇāpesi. So gantvā vanditvā bhikkhābhājanaṃ gahetvā ‘‘rājā, bhante, taṃ pakkosatī’’ti āha. Bodhisatto ‘‘mahāpuñña, amhe rājā na jānātī’’ti āha. ‘‘Tena hi, bhante, yāvāhaṃ āgacchāmi, tāva idheva hothā’’ti gantvā rañño ārocesi. Rājā ‘‘amhākaṃ kulūpakatāpaso natthi, gaccha, naṃ ānehī’’ti sayampi vātapānena hatthaṃ pasāretvā vandanto ‘‘ito etha, bhante’’ti āha. Bodhisatto amaccassa hatthe bhikkhābhājanaṃ datvā mahātalaṃ abhiruhi.

ат̇а нам̣ рааж̇аа ванд̣̇ид̇ваа рааж̇абаллан̇гз нисийд̣̇аабзд̇ваа ад̇д̇ано самбаад̣̇ид̇зхи яааг̇укаж̇ж̇агабхад̇д̇зхи баривисид̇ваа гад̇абхад̇д̇агижжам̣ бан̃хам̣ бужчи. бан̃хаб̣яаагаран̣зна бхияяосомад̇д̇ааяа басийд̣̇ид̇ваа ванд̣̇ид̇ваа ‘‘бханд̇з, д̇умхз гад̇т̇аваасигаа , гуд̇о ааг̇ад̇ад̇т̇аа’’д̇и бужчид̇ваа ‘‘химаванд̇аваасигаа маяам̣, махаарааж̇а, химаванд̇ад̇о ааг̇ад̇аа’’д̇и вуд̇д̇з буна ‘‘гим̣гааран̣аа’’д̇и бужчид̇ваа ‘‘вассаарад̇д̇агаалз, махаарааж̇а, ниб̣ад̣̇д̇хаваасо наама лад̣̇д̇хум̣ ваддад̇ий’’д̇и вуд̇д̇з ‘‘д̇зна хи, бханд̇з, рааж̇уяяаанз васат̇а, д̇умхз жа жад̇уухи бажжаязхи на гиламиссат̇а, ахан̃жа саг̇г̇асам̣вад̇д̇анигам̣ бун̃н̃ам̣ баабун̣иссаамий’’д̇и бадин̃н̃ам̣ г̇ахзд̇ваа бхуд̇д̇абаад̇араасо б̣од̇хисад̇д̇зна сад̣̇д̇хим̣ уяяаанам̣ г̇анд̇ваа бан̣н̣асаалам̣ гаарзд̇ваа жан̇гамам̣ маабзд̇ваа сзсааниби рад̇д̇идтаанад̣̇иваадтаанаад̣̇ийни самбаад̣̇зд̇ваа баб̣б̣аж̇ид̇абаригкаарз бадияаад̣̇зд̇ваа ‘‘сукзна васат̇а, бханд̇з’’д̇и уяяаанабаалам̣ самбадижчаабзси. б̣од̇хисад̇д̇о д̇ад̇о бадтааяа д̣̇ваад̣̇аса сам̣важчараани д̇ад̇т̇зва васи.

Atha naṃ rājā vanditvā rājapallaṅke nisīdāpetvā attano sampāditehi yāgukhajjakabhattehi parivisitvā katabhattakiccaṃ pañhaṃ pucchi. Pañhabyākaraṇena bhiyyosomattāya pasīditvā vanditvā ‘‘bhante, tumhe katthavāsikā , kuto āgatatthā’’ti pucchitvā ‘‘himavantavāsikā mayaṃ, mahārāja, himavantato āgatā’’ti vutte puna ‘‘kiṃkāraṇā’’ti pucchitvā ‘‘vassārattakāle, mahārāja, nibaddhavāso nāma laddhuṃ vaṭṭatī’’ti vutte ‘‘tena hi, bhante, rājuyyāne vasatha, tumhe ca catūhi paccayehi na kilamissatha, ahañca saggasaṃvattanikaṃ puññaṃ pāpuṇissāmī’’ti paṭiññaṃ gahetvā bhuttapātarāso bodhisattena saddhiṃ uyyānaṃ gantvā paṇṇasālaṃ kāretvā caṅkamaṃ māpetvā sesānipi rattiṭṭhānadivāṭṭhānādīni sampādetvā pabbajitaparikkhāre paṭiyādetvā ‘‘sukhena vasatha, bhante’’ti uyyānapālaṃ sampaṭicchāpesi. Bodhisatto tato paṭṭhāya dvādasa saṃvaccharāni tattheva vasi.

ат̇згад̣̇ивасам̣ ран̃н̃о бажжанд̇о губид̇о. со д̇асса вуубасаманад̇т̇ааяа г̇анд̇угаамо д̣̇звим̣ ааманд̇зд̇ваа ‘‘бхад̣̇д̣̇з, д̇аяаа наг̇арз охийяид̇ум̣ ваддад̇ий’’д̇и ааха. ‘‘гим̣ ниссааяа гат̇зт̇а, д̣̇зваа’’д̇и. ‘‘сийлаванд̇ам̣ д̇аабасам̣, бхад̣̇д̣̇з’’д̇и. ‘‘д̣̇зва, наахам̣ д̇асмим̣ бамаж̇ж̇иссаами, амхаагам̣ аяяасса бадиж̇аг̇г̇анам̣ мама бхааро, д̇умхз нираасан̇гаа г̇ажчат̇аа’’д̇и. рааж̇аа нигкамид̇ваа г̇ад̇о, д̣̇звийби б̣од̇хисад̇д̇ам̣ д̇ат̇зва саггажжам̣ убадтаад̇и. б̣од̇хисад̇д̇о бана ран̃н̃о г̇ад̇агаалз ниб̣ад̣̇д̇хавзлааяам̣ ааг̇анд̇ваа ад̇д̇ано ружид̇ааяа взлааяа рааж̇анивзсанам̣ г̇анд̇ваа бхад̇д̇агижжам̣ гарод̇и.

Athekadivasaṃ rañño paccanto kupito. So tassa vūpasamanatthāya gantukāmo deviṃ āmantetvā ‘‘bhadde, tayā nagare ohīyituṃ vaṭṭatī’’ti āha. ‘‘Kiṃ nissāya kathetha, devā’’ti. ‘‘Sīlavantaṃ tāpasaṃ, bhadde’’ti. ‘‘Deva, nāhaṃ tasmiṃ pamajjissāmi, amhākaṃ ayyassa paṭijagganaṃ mama bhāro, tumhe nirāsaṅkā gacchathā’’ti. Rājā nikkhamitvā gato, devīpi bodhisattaṃ tatheva sakkaccaṃ upaṭṭhāti. Bodhisatto pana rañño gatakāle nibaddhavelāyaṃ āgantvā attano rucitāya velāya rājanivesanaṃ gantvā bhattakiccaṃ karoti.

ат̇згад̣̇ивасам̣ б̣од̇хисад̇д̇з ад̇ижирааяанд̇з д̣̇звий саб̣б̣ам̣ каад̣̇анийяабхож̇анийяам̣ бадияаад̣̇зд̇ваа нхад̇ваа алан̇гарид̇ваа нийжаман̃жагам̣ бан̃н̃аабзд̇ваа б̣од̇хисад̇д̇асса ааг̇аманам̣ ологаяамаанаа мадтасаадагам̣ сит̇илам̣ гад̇ваа ниваасзд̇ваа нибаж̇ж̇и. б̣од̇хисад̇д̇оби взлам̣ саллагкзд̇ваа бхигкаабхааж̇анам̣ аад̣̇ааяа аагаасзнааг̇анд̇ваа махааваад̇абаанад̣̇ваарам̣ баабун̣и. д̇асса ваггаласад̣̇д̣̇ам̣ суд̇ваа сахасаа удтахамаанааяа д̣̇звияаа сарийраа мадтасаадаго бхассид̇т̇а, б̣од̇хисад̇д̇о висабхааг̇аарамман̣ам̣ д̣̇исваа инд̣̇рияаани бхинд̣̇ид̇ваа субхавасзна ологзси. ат̇асса жхаанаб̣алзна саннисинноби гилзсо гаран̣д̣агз багкид̇д̇ааасийвисо вияа пан̣ам̣ гад̇ваа удтахи, кийраругкасса ваасияаа аагодид̇агаало вияа ахоси. гилзсуббаад̣̇анзна сахзва жхаанан̇г̇аани барихааяим̣су, инд̣̇рияаани абарибун̣н̣аани ахзсум̣, саяам̣ багкажчиннагааго вияа ахоси. со буб̣б̣з вияа нисийд̣̇ид̇ваа бхад̇д̇агижжам̣ гаад̇ум̣ наасагки , нисийд̣̇аабияамааноби на нисийд̣̇и. ат̇асса д̣̇звий саб̣б̣ам̣ каад̣̇анийяабхож̇анийяам̣ бхигкаабхааж̇анзязва багкиби. яат̇аа жа буб̣б̣з бхад̇д̇агижжам̣ гад̇ваа сийхабан̃ж̇арзна нигкамид̇ваа аагаасзнзва г̇ажчад̇и, звам̣ д̇ам̣ д̣̇ивасам̣ г̇анд̇ум̣ наасагки. бхад̇д̇ам̣ бана г̇ахзд̇ваа махааниссзн̣ияаа од̇арид̇ваа уяяаанам̣ аг̇амааси. д̣̇звийби асса ад̇д̇ани бадиб̣ад̣̇д̇хажид̇д̇ад̇ам̣ ан̃н̃ааси. со уяяаанам̣ г̇анд̇ваа бхад̇д̇ам̣ абхун̃ж̇ид̇ваава хздтааман̃жагз нигкибид̇ваа ‘‘д̣̇звияаа зваруубаа хад̇т̇асобхаа баад̣̇асобхаа, зваруубам̣ гадибарияосаанам̣, зваруубам̣ уурулагкан̣а’’нд̇иаад̣̇ийни виббалабанд̇о сад̇д̇аахам̣ нибаж̇ж̇и, бхад̇д̇ам̣ бууд̇игам̣ ахоси нийламагкигаабарибун̣н̣ам̣.

Athekadivasaṃ bodhisatte aticirāyante devī sabbaṃ khādanīyabhojanīyaṃ paṭiyādetvā nhatvā alaṅkaritvā nīcamañcakaṃ paññāpetvā bodhisattassa āgamanaṃ olokayamānā maṭṭhasāṭakaṃ sithilaṃ katvā nivāsetvā nipajji. Bodhisattopi velaṃ sallakkhetvā bhikkhābhājanaṃ ādāya ākāsenāgantvā mahāvātapānadvāraṃ pāpuṇi. Tassa vakkalasaddaṃ sutvā sahasā uṭṭhahamānāya deviyā sarīrā maṭṭhasāṭako bhassittha, bodhisatto visabhāgārammaṇaṃ disvā indriyāni bhinditvā subhavasena olokesi. Athassa jhānabalena sannisinnopi kileso karaṇḍake pakkhittaāsīviso viya phaṇaṃ katvā uṭṭhahi, khīrarukkhassa vāsiyā ākoṭitakālo viya ahosi. Kilesuppādanena saheva jhānaṅgāni parihāyiṃsu, indriyāni aparipuṇṇāni ahesuṃ, sayaṃ pakkhacchinnakāko viya ahosi. So pubbe viya nisīditvā bhattakiccaṃ kātuṃ nāsakkhi , nisīdāpiyamānopi na nisīdi. Athassa devī sabbaṃ khādanīyabhojanīyaṃ bhikkhābhājaneyeva pakkhipi. Yathā ca pubbe bhattakiccaṃ katvā sīhapañjarena nikkhamitvā ākāseneva gacchati, evaṃ taṃ divasaṃ gantuṃ nāsakkhi. Bhattaṃ pana gahetvā mahānisseṇiyā otaritvā uyyānaṃ agamāsi. Devīpi assa attani paṭibaddhacittataṃ aññāsi. So uyyānaṃ gantvā bhattaṃ abhuñjitvāva heṭṭhāmañcake nikkhipitvā ‘‘deviyā evarūpā hatthasobhā pādasobhā, evarūpaṃ kaṭipariyosānaṃ, evarūpaṃ ūrulakkhaṇa’’ntiādīni vippalapanto sattāhaṃ nipajji, bhattaṃ pūtikaṃ ahosi nīlamakkhikāparipuṇṇaṃ.

ат̇а рааж̇аа бажжанд̇ам̣ вуубасамзд̇ваа бажжааг̇ад̇о алан̇гад̇абадияад̇д̇ам̣ наг̇арам̣ бад̣̇агкин̣ам̣ гад̇ваа рааж̇анивзсанам̣ аг̇анд̇ваава ‘‘б̣од̇хисад̇д̇ам̣ бассиссаамий’’д̇и уяяаанам̣ г̇анд̇ваа углаабам̣ ассамабад̣̇ам̣ д̣̇исваа ‘‘багганд̇о бхависсад̇ий’’д̇и бан̣н̣асаалааяа д̣̇ваарам̣ виварид̇ваа анд̇обавидто д̇ам̣ нибаннагам̣ д̣̇исваа ‘‘гзнажи апаасугзна бхавид̇аб̣б̣а’’нд̇и бууд̇ибхад̇д̇ам̣ чад̣д̣аабзд̇ваа бан̣н̣асаалам̣ бадиж̇аг̇г̇аабзд̇ваа ‘‘бханд̇з, гим̣ д̇з апаасуга’’нд̇и бужчи. ‘‘вид̣̇д̇хосми, махаарааж̇аа’’д̇и. рааж̇аа ‘‘мама бажжаамид̇д̇зхи маяи огаасам̣ алабханд̇зхи ‘мамааяанадтаанамасса д̣̇уб̣б̣алам̣ гариссаамаа’д̇и ааг̇анд̇ваа зса вид̣̇д̇хо бхависсад̇и ман̃н̃з’’д̇и сарийрам̣ баривад̇д̇зд̇ваа вид̣̇д̇хадтаанам̣ ологзнд̇о вид̣̇д̇хадтаанам̣ ад̣̇исваа ‘‘гад̇т̇а вид̣̇д̇хоси, бханд̇з’’д̇и бужчи. б̣од̇хисад̇д̇о ‘‘наахам̣, махаарааж̇а, ан̃н̃зна вид̣̇д̇хо, ахам̣ бана ад̇д̇анаава ад̇д̇аанам̣ хад̣̇аяз виж̇жхи’’нд̇и вад̇ваа удтааяа нисийд̣̇ид̇ваа имаа г̇аат̇аа авожа –

Atha rājā paccantaṃ vūpasametvā paccāgato alaṅkatapaṭiyattaṃ nagaraṃ padakkhiṇaṃ katvā rājanivesanaṃ agantvāva ‘‘bodhisattaṃ passissāmī’’ti uyyānaṃ gantvā uklāpaṃ assamapadaṃ disvā ‘‘pakkanto bhavissatī’’ti paṇṇasālāya dvāraṃ vivaritvā antopaviṭṭho taṃ nipannakaṃ disvā ‘‘kenaci aphāsukena bhavitabba’’nti pūtibhattaṃ chaḍḍāpetvā paṇṇasālaṃ paṭijaggāpetvā ‘‘bhante, kiṃ te aphāsuka’’nti pucchi. ‘‘Viddhosmi, mahārājā’’ti. Rājā ‘‘mama paccāmittehi mayi okāsaṃ alabhantehi ‘mamāyanaṭṭhānamassa dubbalaṃ karissāmā’ti āgantvā esa viddho bhavissati maññe’’ti sarīraṃ parivattetvā viddhaṭṭhānaṃ olokento viddhaṭṭhānaṃ adisvā ‘‘kattha viddhosi, bhante’’ti pucchi. Bodhisatto ‘‘nāhaṃ, mahārāja, aññena viddho, ahaṃ pana attanāva attānaṃ hadaye vijjhi’’nti vatvā uṭṭhāya nisīditvā imā gāthā avoca –

‘‘сан̇габбарааг̇ад̇ход̇зна, вид̇агганисид̇зна жа;

‘‘Saṅkapparāgadhotena, vitakkanisitena ca;

наалан̇гад̇зна бхад̣̇рзна, усугаараагад̇зна жа.

Nālaṅkatena bhadrena, usukārākatena ca.

‘‘на ган̣н̣ааяад̇амуд̇д̇зна, нааби моруубасзвинаа;

‘‘Na kaṇṇāyatamuttena, nāpi morūpasevinā;

д̇знамхи хад̣̇аяз вид̣̇д̇хо, саб̣б̣ан̇г̇абарид̣̇аахинаа.

Tenamhi hadaye viddho, sabbaṅgaparidāhinā.

‘‘аавзд̇хан̃жа на бассаами, яад̇о рухирамассавз;

‘‘Āvedhañca na passāmi, yato ruhiramassave;

яаава аяонисо жид̇д̇ам̣, саяам̣ мз д̣̇угкамаабхад̇а’’нд̇и.

Yāva ayoniso cittaṃ, sayaṃ me dukkhamābhata’’nti.

д̇ад̇т̇а сан̇габбарааг̇ад̇ход̇знаад̇и гаамавид̇аггасамбаяуд̇д̇арааг̇ад̇ход̇зна. вид̇агганисид̇зна жаад̇и д̇знзва рааг̇од̣̇агзна вид̇аггабаасаан̣з нисид̇зна. наалан̇гад̇зна бхад̣̇рзнаад̇и нзва алан̇гад̇зна бхад̣̇рзна, аналан̇гад̇зна б̣ийбхажчзнаад̇и ад̇т̇о. усугаараагад̇зна жаад̇и усугаарзхиби агад̇зна. на ган̣н̣ааяад̇амуд̇д̇знаад̇и яаава д̣̇агкин̣аган̣н̣ажуул̣агам̣ аагад̣дхид̇ваа амуд̇д̇агзна. нааби моруубасзвинаад̇и морабад̇д̇аг̇иж̇жхабад̇д̇аад̣̇ийхи агад̇уубасзванзна. д̇знамхи хад̣̇аяз вид̣̇д̇ход̇и д̇зна гилзсаган̣д̣знаахам̣ хад̣̇аяз вид̣̇д̇хо амхи. саб̣б̣ан̇г̇абарид̣̇аахинаад̇и саб̣б̣аани ан̇г̇аани барид̣̇аханасамад̇т̇зна. махаарааж̇а, д̇зна хи гилзсаган̣д̣зна хад̣̇аяз вид̣̇д̇хагаалад̇о бадтааяа мама аг̇г̇и бад̣̇ид̇д̇аанива саб̣б̣аани ан̇г̇аани д̣аяханд̇ийд̇и д̣̇ассзд̇и.

Tattha saṅkapparāgadhotenāti kāmavitakkasampayuttarāgadhotena. Vitakkanisitena cāti teneva rāgodakena vitakkapāsāṇe nisitena. Nālaṅkatena bhadrenāti neva alaṅkatena bhadrena, analaṅkatena bībhacchenāti attho. Usukārākatena cāti usukārehipi akatena. Na kaṇṇāyatamuttenāti yāva dakkhiṇakaṇṇacūḷakaṃ ākaḍḍhitvā amuttakena. Nāpi morūpasevināti morapattagijjhapattādīhi akatūpasevanena. Tenamhi hadaye viddhoti tena kilesakaṇḍenāhaṃ hadaye viddho amhi. Sabbaṅgaparidāhināti sabbāni aṅgāni paridahanasamatthena. Mahārāja, tena hi kilesakaṇḍena hadaye viddhakālato paṭṭhāya mama aggi padittāniva sabbāni aṅgāni ḍayhantīti dasseti.

аавзд̇хан̃жа на бассаамийд̇и вид̣̇д̇хадтаанз ван̣ан̃жа на бассаами. яад̇о рухирамассавзд̇и яад̇о мз аавзд̇хад̇о лохид̇ам̣ баг̇гхарзяяа, д̇ам̣ на бассаамийд̇и ад̇т̇о. яаава аяонисо жид̇д̇анд̇и зд̇т̇а яааваад̇и д̣̇ал̣хад̇т̇з нибаад̇о, ад̇ивияа д̣̇ал̣хам̣ гад̇ваа аяонисо жид̇д̇ам̣ вад̣дхид̇анд̇и ад̇т̇о. саяам̣ мз д̣̇угкамаабхад̇анд̇и ад̇д̇анаава маяаа ад̇д̇ано д̣̇угкам̣ аанийд̇анд̇и.

Āvedhañca na passāmīti viddhaṭṭhāne vaṇañca na passāmi. Yato ruhiramassaveti yato me āvedhato lohitaṃ pagghareyya, taṃ na passāmīti attho. Yāva ayoniso cittanti ettha yāvāti daḷhatthe nipāto, ativiya daḷhaṃ katvā ayoniso cittaṃ vaḍḍhitanti attho. Sayaṃ me dukkhamābhatanti attanāva mayā attano dukkhaṃ ānītanti.

звам̣ б̣од̇хисад̇д̇о имаахи д̇ийхи г̇аат̇аахи ран̃н̃о д̇хаммам̣ д̣̇зсзд̇ваа рааж̇аанам̣ бан̣н̣асаалад̇о б̣ахи гад̇ваа гасин̣абаригаммам̣ гад̇ваа надтам̣ жхаанам̣ уббаад̣̇зд̇ваа бан̣н̣асаалааяа нигкамид̇ваа аагаасз нисинно рааж̇аанам̣ овад̣̇ид̇ваа ‘‘махаарааж̇а, ахам̣ химаванд̇амзва г̇амиссаамий’’д̇и вад̇ваа ‘‘на саггаа, бханд̇з, г̇анд̇у’’нд̇и вужжамааноби ‘‘махаарааж̇а, маяаа ид̇ха васанд̇зна зваруубо виббагааро бад̇д̇о, ид̣̇аани на саггаа ид̇ха васид̇у’’нд̇и ран̃н̃о яаажанд̇ассзва аагаасз уббад̇ид̇ваа химаванд̇ам̣ г̇анд̇ваа д̇ад̇т̇а яаавад̇ааяугам̣ тад̇ваа б̣рахмалогуубаг̇о ахоси.

Evaṃ bodhisatto imāhi tīhi gāthāhi rañño dhammaṃ desetvā rājānaṃ paṇṇasālato bahi katvā kasiṇaparikammaṃ katvā naṭṭhaṃ jhānaṃ uppādetvā paṇṇasālāya nikkhamitvā ākāse nisinno rājānaṃ ovaditvā ‘‘mahārāja, ahaṃ himavantameva gamissāmī’’ti vatvā ‘‘na sakkā, bhante, gantu’’nti vuccamānopi ‘‘mahārāja, mayā idha vasantena evarūpo vippakāro patto, idāni na sakkā idha vasitu’’nti rañño yācantasseva ākāse uppatitvā himavantaṃ gantvā tattha yāvatāyukaṃ ṭhatvā brahmalokūpago ahosi.

сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку арахад̇д̇з бад̇идтахи. гзжи сод̇аабаннаа, гзжи сагад̣̇ааг̇аамино, гзжи анааг̇аамино, гзжи араханд̇о ахзсум̣. ‘‘д̇ад̣̇аа рааж̇аа аананд̣̇о ахоси, д̇аабасо бана ахамзва ахоси’’нд̇и.

Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu arahatte patiṭṭhahi. Keci sotāpannā, keci sakadāgāmino, keci anāgāmino, keci arahanto ahesuṃ. ‘‘Tadā rājā ānando ahosi, tāpaso pana ahameva ahosi’’nti.

сан̇габбарааг̇аж̇аад̇агаван̣н̣анаа батамаа.

Saṅkapparāgajātakavaṇṇanā paṭhamā.

Next: [252] 2. д̇иламудтиж̇аад̇агаван̣н̣анаа • [252] 2. Tilamuṭṭhijātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 251. сан̇габбарааг̇аж̇аад̇агам̣ • 251. Saṅkapparāgajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact