| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
2. сан̇каб̣раахман̣ажарияааван̣н̣анаа
2. Saṅkhabrāhmaṇacariyāvaṇṇanā
11-12. д̣̇уд̇ияасмим̣ бунаабаранд̇и буна абарам̣, на гзваламид̣̇ам̣ агид̇д̇ижарияамзва, ат̇а ко буна абарам̣ ан̃н̃ам̣ сан̇кажарияамби бавагкиссам̣, сун̣охийд̇и ад̇хиббааяо. ид̇о барзсуби зсзва наяо. сан̇касавхаяод̇и сан̇канаамо. махаасамуд̣̇д̣̇ам̣ д̇арид̇угаамод̇и суван̣н̣абхуумим̣ г̇анд̇ум̣ наавааяа махаасамуд̣̇д̣̇ам̣ д̇арид̇угаамо. убаг̇ажчаами баддананд̇и д̇аамалид̇д̇ибадданам̣ уд̣̇д̣̇исса г̇ажчаами. саяамбхун̃аан̣зна бажжзгаб̣од̇хияаа ад̇хиг̇ад̇ад̇д̇аа саяамзва бхууд̇анд̇и саяамбхум̣. гилзсамаараад̣̇ийсу гзнажиби на барааж̇ид̇анд̇и абарааж̇ид̇ам̣, д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа тид̇анд̇и ад̇т̇о. д̇ад̇д̇ааяа гатинабхуумияаад̇и гхаммасанд̇аабзна санд̇ад̇д̇ааяа сагкараваалугаанижид̇ад̇д̇аа карааяа гагкал̣ааяа бхуумияаа .
11-12. Dutiyasmiṃ punāparanti puna aparaṃ, na kevalamidaṃ akitticariyameva, atha kho puna aparaṃ aññaṃ saṅkhacariyampi pavakkhissaṃ, suṇohīti adhippāyo. Ito paresupi eseva nayo. Saṅkhasavhayoti saṅkhanāmo. Mahāsamuddaṃ taritukāmoti suvaṇṇabhūmiṃ gantuṃ nāvāya mahāsamuddaṃ taritukāmo. Upagacchāmi paṭṭananti tāmalittipaṭṭanaṃ uddissa gacchāmi. Sayambhuñāṇena paccekabodhiyā adhigatattā sayameva bhūtanti sayambhuṃ. Kilesamārādīsu kenacipi na parājitanti aparājitaṃ, tiṇṇaṃ mārānaṃ matthakaṃ madditvā ṭhitanti attho. Tattāya kaṭhinabhūmiyāti ghammasantāpena santattāya sakkharavālukānicitattā kharāya kakkhaḷāya bhūmiyā .
13. д̇анд̇и д̇ам̣ бажжзгаб̣уд̣̇д̇хам̣. имамад̇т̇анд̇и имам̣ ид̣̇аани вагкамаанам̣ ‘‘ид̣̇ам̣ кзд̇д̇а’’нд̇иаад̣̇игам̣ ад̇т̇ам̣. вижинд̇аяинд̇и д̇ад̣̇аа сан̇каб̣раахман̣абхууд̇о жинд̇зсинд̇и сад̇т̇аа вад̣̇ад̇и. д̇ад̇рааяам̣ анубуб̣б̣игат̇аа –
13.Tanti taṃ paccekabuddhaṃ. Imamatthanti imaṃ idāni vakkhamānaṃ ‘‘idaṃ khetta’’ntiādikaṃ atthaṃ. Vicintayinti tadā saṅkhabrāhmaṇabhūto cintesinti satthā vadati. Tatrāyaṃ anupubbikathā –
ад̇ийд̇з аяам̣ б̣аараан̣асий мол̣иний наама ахоси. мол̣инийнаг̇арз б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сан̇ко наама б̣раахман̣о худ̇ваа ад̣дхо махад̣̇д̇хано жад̇уусу наг̇арад̣̇ваарзсу наг̇арамаж̇жхз ад̇д̇ано нивзсанад̣̇ваарзд̇и часу таанзсу ча д̣̇аанасаалааяо гаарзд̇ваа д̣̇звасигам̣ часад̇асахассаани виссаж̇ж̇знд̇о габан̣ад̣̇д̇хигаад̣̇ийнам̣ махаад̣̇аанам̣ бавад̇д̇зси. со згад̣̇ивасам̣ жинд̇зси – ‘‘ахам̣ г̇зхз д̇ханз кийн̣з д̣̇аанам̣ д̣̇аад̇ум̣ на сагкиссаами, абаригкийн̣зязва д̇ханз наавааяа суван̣н̣абхуумим̣ г̇анд̇ваа д̇ханам̣ аахариссаамий’’д̇и. со наавам̣ бхан̣д̣асса буураабзд̇ваа буд̇д̇ад̣̇аарам̣ ааманд̇зд̇ваа ‘‘яааваахам̣ ааг̇ажчиссаами, д̇аава мз д̣̇аанам̣ анубажчинд̣̇анд̇аа бавад̇д̇зяяаат̇аа’’д̇и вад̇ваа д̣̇аасагаммагарабаривуд̇о убааханам̣ ааруяха чад̇д̇зна д̇хаарияамаанзна бадданаг̇аамаабхимуко бааяааси.
Atīte ayaṃ bārāṇasī moḷinī nāma ahosi. Moḷinīnagare brahmadatte rajjaṃ kārente bodhisatto saṅkho nāma brāhmaṇo hutvā aḍḍho mahaddhano catūsu nagaradvāresu nagaramajjhe attano nivesanadvāreti chasu ṭhānesu cha dānasālāyo kāretvā devasikaṃ chasatasahassāni vissajjento kapaṇaddhikādīnaṃ mahādānaṃ pavattesi. So ekadivasaṃ cintesi – ‘‘ahaṃ gehe dhane khīṇe dānaṃ dātuṃ na sakkhissāmi, aparikkhīṇeyeva dhane nāvāya suvaṇṇabhūmiṃ gantvā dhanaṃ āharissāmī’’ti. So nāvaṃ bhaṇḍassa pūrāpetvā puttadāraṃ āmantetvā ‘‘yāvāhaṃ āgacchissāmi, tāva me dānaṃ anupacchindantā pavatteyyāthā’’ti vatvā dāsakammakaraparivuto upāhanaṃ āruyha chattena dhāriyamānena paṭṭanagāmābhimukho pāyāsi.
д̇асмим̣ кан̣з г̇анд̇хамаад̣̇анз зго бажжзгаб̣уд̣̇д̇хо сад̇д̇аахам̣ нирод̇хасамаабад̇д̇им̣ самаабаж̇ж̇ид̇ваа нирод̇хасамаабад̇д̇ид̇о вудтааяа логам̣ вологзнд̇о д̇ам̣ д̇ханаахаран̣ад̇т̇ам̣ г̇ажчанд̇ам̣ д̣̇исваа ‘‘махаабурисо д̇ханам̣ аахарид̇ум̣ г̇ажчад̇и, бхависсад̇и ну ко асса махаасамуд̣̇д̣̇з анд̇арааяо, но’’д̇и ааваж̇ж̇зд̇ваа ‘‘бхависсад̇ий’’д̇и н̃ад̇ваа ‘‘зса мам̣ д̣̇исваа чад̇д̇ан̃жа убааханан̃жа маяхам̣ д̣̇ад̇ваа убааханад̣̇аананиссанд̣̇зна самуд̣̇д̣̇з бхиннааяа наавааяа бад̇идтам̣ лабхиссад̇и, гариссаамисса ануг̇г̇аха’’нд̇и аагаасзна г̇анд̇ваа д̇асса авид̣̇уурз од̇арид̇ваа маж̇жханхигасамаяз жан̣д̣аваад̇аад̇абзна ан̇г̇аарасант̇ад̇асад̣̇исам̣ ун̣хаваалугам̣ мад̣̇д̣̇анд̇о д̇асса абхимукам̣ ааг̇ан̃чи. со д̇ам̣ д̣̇исваава хадтад̇удто ‘‘бун̃н̃агкзд̇д̇ам̣ мз ааг̇ад̇ам̣, аж̇ж̇а маяаа зд̇т̇а б̣ийж̇ам̣ робзд̇ум̣ ваддад̇ий’’д̇и жинд̇зси. д̇зна вуд̇д̇ам̣ ‘‘д̇амахам̣ бадибат̇з д̣̇исваа, имамад̇т̇ам̣ вижинд̇аяи’’нд̇иаад̣̇и.
Tasmiṃ khaṇe gandhamādane eko paccekabuddho sattāhaṃ nirodhasamāpattiṃ samāpajjitvā nirodhasamāpattito vuṭṭhāya lokaṃ volokento taṃ dhanāharaṇatthaṃ gacchantaṃ disvā ‘‘mahāpuriso dhanaṃ āharituṃ gacchati, bhavissati nu kho assa mahāsamudde antarāyo, no’’ti āvajjetvā ‘‘bhavissatī’’ti ñatvā ‘‘esa maṃ disvā chattañca upāhanañca mayhaṃ datvā upāhanadānanissandena samudde bhinnāya nāvāya patiṭṭhaṃ labhissati, karissāmissa anuggaha’’nti ākāsena gantvā tassa avidūre otaritvā majjhanhikasamaye caṇḍavātātapena aṅgārasanthatasadisaṃ uṇhavālukaṃ maddanto tassa abhimukhaṃ āgañchi. So taṃ disvāva haṭṭhatuṭṭho ‘‘puññakkhettaṃ me āgataṃ, ajja mayā ettha bījaṃ ropetuṃ vaṭṭatī’’ti cintesi. Tena vuttaṃ ‘‘tamahaṃ paṭipathe disvā, imamatthaṃ vicintayi’’ntiādi.
д̇ад̇т̇а ид̣̇ам̣ кзд̇д̇анд̇иаад̣̇и жинд̇ид̇аагаарад̣̇ассанам̣. кзд̇д̇анд̇и кид̇д̇ам̣ б̣ийж̇ам̣ махабпалабхаавагаран̣зна д̇ааяад̇ийд̇и кзд̇д̇ам̣, буб̣б̣ан̣н̣аабаран̣н̣авируханабхууми. ид̇ха бана кзд̇д̇ам̣ вияаад̇и кзд̇д̇ам̣, аг̇г̇ад̣̇агкин̣зяяо бажжзгаб̣уд̣̇д̇хо. д̇знзвааха ‘‘бун̃н̃агаамасса ж̇анд̇уно’’д̇и.
Tattha idaṃ khettantiādi cintitākāradassanaṃ. Khettanti khittaṃ bījaṃ mahapphalabhāvakaraṇena tāyatīti khettaṃ, pubbaṇṇāparaṇṇaviruhanabhūmi. Idha pana khettaṃ viyāti khettaṃ, aggadakkhiṇeyyo paccekabuddho. Tenevāha ‘‘puññakāmassa jantuno’’ti.
14. махааг̇аманд̇и вибулапалааг̇амам̣, сассасамбад̇д̇ид̣̇ааяаганд̇и ад̇т̇о. б̣ийж̇ам̣ на робзд̇ийд̇и б̣ийж̇ам̣ на вабад̇и.
14.Mahāgamanti vipulaphalāgamaṃ, sassasampattidāyakanti attho. Bījaṃ na ropetīti bījaṃ na vapati.
15.
15.
кзд̇д̇аваруд̇д̇аманд̇и кзд̇д̇аварзсуби уд̇д̇амам̣. сийлаад̣̇иг̇ун̣асамбаннаа хи висзсад̇о арияасаавагаа кзд̇д̇авараа, д̇ад̇оби аг̇г̇абхууд̇о бажжзгаб̣уд̣̇д̇хо кзд̇д̇аваруд̇д̇амо. гааранд̇и саггаарам̣. яад̣̇и на гаромийд̇и самб̣анд̇хо. ид̣̇ам̣ вуд̇д̇ам̣ ход̇и – ид̣̇амийд̣̇исам̣ ануд̇д̇арам̣ бун̃н̃агкзд̇д̇ам̣ лабхид̇ваа д̇ад̇т̇а бууж̇аасаггаарам̣ яад̣̇и на гароми, бун̃н̃зна ад̇т̇иго наамаахам̣ на бхавзяяанд̇и.
Khettavaruttamanti khettavaresupi uttamaṃ. Sīlādiguṇasampannā hi visesato ariyasāvakā khettavarā, tatopi aggabhūto paccekabuddho khettavaruttamo. Kāranti sakkāraṃ. Yadi na karomīti sambandho. Idaṃ vuttaṃ hoti – idamīdisaṃ anuttaraṃ puññakkhettaṃ labhitvā tattha pūjāsakkāraṃ yadi na karomi, puññena atthiko nāmāhaṃ na bhaveyyanti.
16-17. яат̇аа амажжод̇иаад̣̇ийнам̣ д̣̇виннам̣ г̇аат̇аанам̣ аяам̣ сан̇кзбад̇т̇о – яат̇аа наама яо гожи ран̃н̃аа муд̣̇д̣̇аад̇хигаарз табид̇о лан̃чанад̇харо амажжабурисо сзнаабад̇и ваа со анд̇збурз ж̇анз б̣ахид̣̇д̇хаа жа б̣алагааяаад̣̇ийсу ран̃н̃о яат̇аанусидтам̣ на бадибаж̇ж̇ад̇и на д̇зсам̣ д̇ханад̇хан̃н̃ам̣ д̣̇зд̇и, д̇ам̣ д̇ам̣ гад̇д̇аб̣б̣ам̣ вад̇д̇ам̣ барихаабзд̇и. со муд̣̇д̣̇ид̇о барихааяад̇и муд̣̇д̣̇аад̇хигааралад̣̇д̇хавибхавад̇о барид̇хам̣сад̇и, звамзва ахамби бун̃н̃агаммасса рад̇о лад̣̇д̇хаб̣б̣абун̃н̃апаласан̇каад̇ам̣ бун̃н̃агаамо д̣̇агкин̣ааяа вибулапалабхаавагаран̣зна вибулам̣ д̣̇исваана д̇ам̣ д̣̇агкин̣ам̣ ул̣аарам̣ д̣̇агкин̣зяяам̣ лабхид̇ваа д̇асса д̣̇аанам̣ яад̣̇и на д̣̇ад̣̇аами бун̃н̃ад̇о ааяад̇им̣ бун̃н̃апалад̇о жа барид̇хам̣саами. д̇асмаа ид̇ха маяаа бун̃н̃ам̣ гаад̇аб̣б̣амзваад̇и.
16-17.Yathā amaccotiādīnaṃ dvinnaṃ gāthānaṃ ayaṃ saṅkhepattho – yathā nāma yo koci raññā muddādhikāre ṭhapito lañchanadharo amaccapuriso senāpati vā so antepure jane bahiddhā ca balakāyādīsu rañño yathānusiṭṭhaṃ na paṭipajjati na tesaṃ dhanadhaññaṃ deti, taṃ taṃ kattabbaṃ vattaṃ parihāpeti. So muddito parihāyati muddādhikāraladdhavibhavato paridhaṃsati, evameva ahampi puññakammassa rato laddhabbapuññaphalasaṅkhātaṃ puññakāmo dakkhiṇāya vipulaphalabhāvakaraṇena vipulaṃ disvāna taṃ dakkhiṇaṃ uḷāraṃ dakkhiṇeyyaṃ labhitvā tassa dānaṃ yadi na dadāmi puññato āyatiṃ puññaphalato ca paridhaṃsāmi. Tasmā idha mayā puññaṃ kātabbamevāti.
звам̣ бана жинд̇зд̇ваа махаабурисо д̣̇уурад̇ова убааханаа орохид̇ваа взг̇зна убасан̇гамид̇ваа ванд̣̇ид̇ваа ‘‘бханд̇з, маяхам̣ ануг̇г̇ахад̇т̇ааяа имам̣ ругкамуулам̣ убаг̇ажчат̇аа’’д̇и вад̇ваа д̇асмим̣ ругкамуулам̣ убасан̇гаманд̇з д̇ад̇т̇а ваалугам̣ уссаабзд̇ваа уд̇д̇араасан̇г̇ам̣ бан̃н̃аабзд̇ваа бажжзгаб̣уд̣̇д̇хз д̇ад̇т̇а нисиннз ванд̣̇ид̇ваа ваасид̇абариссаавид̇зна уд̣̇агзна д̇асса баад̣̇з д̇ховид̇ваа, г̇анд̇хад̇злзна магкзд̇ваа, ад̇д̇ано убааханам̣ бун̃чид̇ваа, г̇анд̇хад̇злзна магкзд̇ваа, д̇асса баад̣̇з бадимун̃жид̇ваа ‘‘бханд̇з, имам̣ убааханам̣ ааруяха, имам̣ чад̇д̇ам̣ мад̇т̇агз гад̇ваа г̇ажчат̇аа’’д̇и чад̇д̇убааханам̣ ад̣̇ааси. собисса ануг̇г̇ахад̇т̇ааяа д̇ам̣ г̇ахзд̇ваа басаад̣̇асам̣вад̣дханад̇т̇ам̣ бассанд̇ассзва взхаасам̣ уббад̇ид̇ваа г̇анд̇хамаад̣̇анам̣ аг̇амааси. д̇зна вуд̇д̇ам̣ –
Evaṃ pana cintetvā mahāpuriso dūratova upāhanā orohitvā vegena upasaṅkamitvā vanditvā ‘‘bhante, mayhaṃ anuggahatthāya imaṃ rukkhamūlaṃ upagacchathā’’ti vatvā tasmiṃ rukkhamūlaṃ upasaṅkamante tattha vālukaṃ ussāpetvā uttarāsaṅgaṃ paññāpetvā paccekabuddhe tattha nisinne vanditvā vāsitaparissāvitena udakena tassa pāde dhovitvā, gandhatelena makkhetvā, attano upāhanaṃ puñchitvā, gandhatelena makkhetvā, tassa pāde paṭimuñcitvā ‘‘bhante, imaṃ upāhanaṃ āruyha, imaṃ chattaṃ matthake katvā gacchathā’’ti chattupāhanaṃ adāsi. Sopissa anuggahatthāya taṃ gahetvā pasādasaṃvaḍḍhanatthaṃ passantasseva vehāsaṃ uppatitvā gandhamādanaṃ agamāsi. Tena vuttaṃ –
18.
18.
‘‘зваахам̣ жинд̇аяид̇ваана, орохид̇ваа убааханаа;
‘‘Evāhaṃ cintayitvāna, orohitvā upāhanā;
д̇асса баад̣̇аани ванд̣̇ид̇ваа, ад̣̇аасим̣ чад̇д̇убаахана’’нд̇и.
Tassa pādāni vanditvā, adāsiṃ chattupāhana’’nti.
б̣од̇хисад̇д̇о д̇ам̣ д̣̇исваа ад̇ивияа басаннажид̇д̇о бадданам̣ г̇анд̇ваа наавам̣ абхирухи. ат̇асса махаасамуд̣̇д̣̇ам̣ д̇аранд̇асса сад̇д̇амз д̣̇ивасз нааваа виварамад̣̇ааси. уд̣̇агам̣ уссин̃жид̇ум̣ наасагким̣су. махааж̇ано маран̣абхаяабхийд̇о ад̇д̇ано ад̇д̇ано д̣̇звад̇аа намассид̇ваа махаавиравам̣ вирави. б̣од̇хисад̇д̇о згам̣ убадтаагам̣ г̇ахзд̇ваа сагаласарийрам̣ д̇злзна магкзд̇ваа саббинаа сад̣̇д̇хим̣ сагкаражун̣н̣аани яаавад̣̇ад̇т̇ам̣ каад̣̇ид̇ваа д̇амби каад̣̇аабзд̇ваа д̇зна сад̣̇д̇хим̣ гуубагаяадтимад̇т̇агам̣ ааруяха ‘‘имааяа д̣̇исааяа амхаагам̣ наг̇ара’’нд̇и д̣̇исам̣ вавад̇т̇абзд̇ваа мажчагажчабабарибант̇ад̇о ад̇д̇аанам̣ сажжаад̇хидтаанзна баможзнд̇о д̇зна сад̣̇д̇хим̣ усабхамад̇д̇адтаанам̣ ад̇иггамид̇ваа бад̇ид̇ваа самуд̣̇д̣̇ам̣ д̇арид̇ум̣ аарабхи. махааж̇ано бана д̇ад̇т̇зва винаасам̣ баабун̣и. д̇асса д̇аранд̇ассзва сад̇д̇а д̣̇ивасаа г̇ад̇аа. со д̇асмимби гаалз лон̣од̣̇агзна мукам̣ вигкаалзд̇ваа убосат̇иго ахосиязва.
Bodhisatto taṃ disvā ativiya pasannacitto paṭṭanaṃ gantvā nāvaṃ abhiruhi. Athassa mahāsamuddaṃ tarantassa sattame divase nāvā vivaramadāsi. Udakaṃ ussiñcituṃ nāsakkhiṃsu. Mahājano maraṇabhayabhīto attano attano devatā namassitvā mahāviravaṃ viravi. Bodhisatto ekaṃ upaṭṭhākaṃ gahetvā sakalasarīraṃ telena makkhetvā sappinā saddhiṃ sakkharacuṇṇāni yāvadatthaṃ khāditvā tampi khādāpetvā tena saddhiṃ kūpakayaṭṭhimatthakaṃ āruyha ‘‘imāya disāya amhākaṃ nagara’’nti disaṃ vavatthapetvā macchakacchapaparipanthato attānaṃ saccādhiṭṭhānena pamocento tena saddhiṃ usabhamattaṭṭhānaṃ atikkamitvā patitvā samuddaṃ tarituṃ ārabhi. Mahājano pana tattheva vināsaṃ pāpuṇi. Tassa tarantasseva satta divasā gatā. So tasmimpi kāle loṇodakena mukhaṃ vikkhāletvā uposathiko ahosiyeva.
д̇ад̣̇аа бана ийд̣̇исаанам̣ бурисависзсаанам̣ рагкан̣ад̇т̇ааяа жад̇уухи логабаалзхи табид̇аа ман̣имзкалаа наама д̣̇звад̇хийд̇аа ад̇д̇ано иссариязна сад̇д̇аахам̣ бамаж̇ж̇ид̇ваа сад̇д̇амз д̣̇ивасз д̇ам̣ д̣̇исваа ‘‘сажааяам̣ ид̇ха марисса, ад̇ивияа г̇аараяхаа абхависса’’нд̇и сам̣виг̇г̇ахад̣̇аяаа суван̣н̣абаад̇ияаа д̣̇иб̣б̣абхож̇анасса буурзд̇ваа взг̇знааг̇анд̇ваа ‘‘б̣раахман̣а, ид̣̇ам̣ д̣̇иб̣б̣абхож̇анам̣ бхун̃ж̇аа’’д̇и ааха. со д̇ам̣ уллогзд̇ваа ‘‘наахам̣ бхун̃ж̇аами, убосат̇игомхий’’д̇и бадигкибид̇ваа д̇ам̣ бужчанд̇о –
Tadā pana īdisānaṃ purisavisesānaṃ rakkhaṇatthāya catūhi lokapālehi ṭhapitā maṇimekhalā nāma devadhītā attano issariyena sattāhaṃ pamajjitvā sattame divase taṃ disvā ‘‘sacāyaṃ idha marissa, ativiya gārayhā abhavissa’’nti saṃviggahadayā suvaṇṇapātiyā dibbabhojanassa pūretvā vegenāgantvā ‘‘brāhmaṇa, idaṃ dibbabhojanaṃ bhuñjā’’ti āha. So taṃ ulloketvā ‘‘nāhaṃ bhuñjāmi, uposathikomhī’’ti paṭikkhipitvā taṃ pucchanto –
‘‘яам̣ д̇вам̣ сукзнаабхисамзгкасз мам̣, бхун̃ж̇ассу бхад̇д̇ам̣ ид̇и мам̣ вад̣̇зси;
‘‘Yaṃ tvaṃ sukhenābhisamekkhase maṃ, bhuñjassu bhattaṃ iti maṃ vadesi;
бужчаами д̇ам̣ наари махаанубхаавз, д̣̇звий нуси д̇вам̣ уд̣̇а маанусий нуу’’д̇и. (ж̇аа. 1.10.42) –
Pucchāmi taṃ nāri mahānubhāve, devī nusi tvaṃ uda mānusī nū’’ti. (jā. 1.10.42) –
ааха. саа д̇асса бадиважанам̣ д̣̇знд̇ий –
Āha. Sā tassa paṭivacanaṃ dentī –
‘‘д̣̇звий ахам̣ сан̇ка махаанубхааваа, ид̇хааг̇ад̇аа сааг̇аравааримаж̇жхз;
‘‘Devī ahaṃ saṅkha mahānubhāvā, idhāgatā sāgaravārimajjhe;
анугамбигаа но жа бад̣̇удтажид̇д̇аа, д̇авзва ад̇т̇ааяа ид̇хааг̇ад̇аасми.
Anukampikā no ca paduṭṭhacittā, taveva atthāya idhāgatāsmi.
‘‘ид̇ханнабаанам̣ саяанаасанан̃жа, яаанаани наанаавивид̇хаани сан̇ка;
‘‘Idhannapānaṃ sayanāsanañca, yānāni nānāvividhāni saṅkha;
саб̣б̣асса д̇яаахам̣ бадибаад̣̇аяаами, яам̣ гин̃жи д̇уяхам̣ манасаабхибад̇т̇ид̇а’’нд̇и. (ж̇аа. 1.10.43-44) –
Sabbassa tyāhaṃ paṭipādayāmi, yaṃ kiñci tuyhaṃ manasābhipatthita’’nti. (jā. 1.10.43-44) –
имаа г̇аат̇аа абхааси. д̇ам̣ суд̇ваа махаасад̇д̇о ‘‘аяам̣ д̣̇звад̇хийд̇аа самуд̣̇д̣̇абидтз маяхам̣ ‘ид̣̇ан̃жид̣̇ан̃жа д̣̇аммий’д̇и вад̣̇ад̇и, яан̃жзсаа маяхам̣ д̣̇зд̇и, д̇амби мама бун̃н̃знзва, д̇ам̣ бана бун̃н̃ам̣ аяам̣ д̣̇звад̇хийд̇аа ж̇аанаад̇и ну ко, уд̣̇ааху на ж̇аанаад̇и, бужчиссаами д̇аава на’’нд̇и жинд̇зд̇ваа бужчанд̇о имам̣ г̇аат̇амааха –
Imā gāthā abhāsi. Taṃ sutvā mahāsatto ‘‘ayaṃ devadhītā samuddapiṭṭhe mayhaṃ ‘idañcidañca dammī’ti vadati, yañcesā mayhaṃ deti, tampi mama puññeneva, taṃ pana puññaṃ ayaṃ devadhītā jānāti nu kho, udāhu na jānāti, pucchissāmi tāva na’’nti cintetvā pucchanto imaṃ gāthamāha –
‘‘яам̣ гин̃жи яидтан̃жа худ̇ан̃жа маяхам̣, саб̣б̣асса но иссараа д̇вам̣ суг̇ад̇д̇з;
‘‘Yaṃ kiñci yiṭṭhañca hutañca mayhaṃ, sabbassa no issarā tvaṃ sugatte;
суссон̣и суб̣бхууру вилаг̇г̇амаж̇жхз, гисса мз гаммасса аяам̣ вибааго’’д̇и. (ж̇аа. 1.10.45);
Sussoṇi subbhūru vilaggamajjhe, kissa me kammassa ayaṃ vipāko’’ti. (jā. 1.10.45);
д̇ад̇т̇а яидтанд̇и д̣̇аанавасзна яаж̇ид̇ам̣. худ̇анд̇и аахунабаахунавасзна д̣̇иннам̣. саб̣б̣асса но иссараа д̇ванд̇и амхаагам̣ бун̃н̃агаммасса саб̣б̣асса д̇вам̣ иссараа, ‘‘аяам̣ имасса вибааго, аяам̣ имассаа’’д̇и б̣яаагарид̇ум̣ самад̇т̇аа. суссон̣ийд̇и сунд̣̇араж̇агханз. суб̣бхуурууд̇и сунд̣̇арзхи бхамугзхи ууруухи жа саманнааг̇ад̇з. вилаг̇г̇амаж̇жхзд̇и вилаг̇г̇ад̇анумаж̇жхз. гисса мзд̇и маяаа гад̇агаммзсу гад̇арагаммасса аяам̣ вибааго, язнаахам̣ аббад̇идтз махаасамуд̣̇д̣̇з аж̇ж̇а бад̇идтам̣ лабхаамийд̇и.
Tattha yiṭṭhanti dānavasena yajitaṃ. Hutanti āhunapāhunavasena dinnaṃ. Sabbassa no issarā tvanti amhākaṃ puññakammassa sabbassa tvaṃ issarā, ‘‘ayaṃ imassa vipāko, ayaṃ imassā’’ti byākarituṃ samatthā. Sussoṇīti sundarajaghane. Subbhūrūti sundarehi bhamukehi ūrūhi ca samannāgate. Vilaggamajjheti vilaggatanumajjhe. Kissa meti mayā katakammesu katarakammassa ayaṃ vipāko, yenāhaṃ appatiṭṭhe mahāsamudde ajja patiṭṭhaṃ labhāmīti.
д̇ам̣ суд̇ваа д̣̇звад̇хийд̇аа ‘‘аяам̣ б̣раахман̣о ‘яам̣ ад̇д̇анаа гусалагаммам̣ гад̇ам̣, д̇ам̣ гаммам̣ на ж̇аанаад̇ий’д̇и сан̃н̃ааяа бужчад̇и ман̃н̃з, гат̇зссаами на’’нд̇и нааваабхируханад̣̇ивасз бажжзгаб̣уд̣̇д̇хасса чад̇д̇убааханад̣̇аанабун̃н̃амзва д̇асса гааран̣анд̇и гат̇знд̇ий –
Taṃ sutvā devadhītā ‘‘ayaṃ brāhmaṇo ‘yaṃ attanā kusalakammaṃ kataṃ, taṃ kammaṃ na jānātī’ti saññāya pucchati maññe, kathessāmi na’’nti nāvābhiruhanadivase paccekabuddhassa chattupāhanadānapuññameva tassa kāraṇanti kathentī –
‘‘гхаммз бат̇з б̣раахман̣а згабхигкум̣, уг̇гхаддабаад̣̇ам̣ д̇асид̇ам̣ гиланд̇ам̣;
‘‘Ghamme pathe brāhmaṇa ekabhikkhuṃ, ugghaṭṭapādaṃ tasitaṃ kilantaṃ;
бадибаад̣̇аяий сан̇ка убааханаани, саа д̣̇агкин̣аа гаамад̣̇ухаа д̇аваж̇ж̇аа’’д̇и. (ж̇аа. 1.10.46) –
Paṭipādayī saṅkha upāhanāni, sā dakkhiṇā kāmaduhā tavajjā’’ti. (jā. 1.10.46) –
г̇аат̇амааха.
Gāthamāha.
д̇ад̇т̇а згабхигкунд̇и згам̣ бажжзгаб̣уд̣̇д̇хам̣ санд̇хааяааха. уг̇гхаддабаад̣̇анд̇и ун̣хаваалугааяа гхаддабаад̣̇ам̣, виб̣аад̇хид̇абаад̣̇анд̇и ад̇т̇о. д̇асид̇анд̇и бибаасид̇ам̣. бадибаад̣̇аяийд̇и бадибаад̣̇зси яож̇зси. гаамад̣̇ухаад̇и саб̣б̣агаамад̣̇ааяигаа.
Tattha ekabhikkhunti ekaṃ paccekabuddhaṃ sandhāyāha. Ugghaṭṭapādanti uṇhavālukāya ghaṭṭapādaṃ, vibādhitapādanti attho. Tasitanti pipāsitaṃ. Paṭipādayīti paṭipādesi yojesi. Kāmaduhāti sabbakāmadāyikā.
д̇ам̣ суд̇ваа махаасад̇д̇о ‘‘зваруубзби наама аббад̇идтз махаасамуд̣̇д̣̇з маяаа д̣̇иннам̣ чад̇д̇убааханад̣̇аанам̣ мама саб̣б̣агаамад̣̇ад̣̇ам̣ ж̇аад̇ам̣ ахо суд̣̇инна’’нд̇и д̇удтажид̇д̇о –
Taṃ sutvā mahāsatto ‘‘evarūpepi nāma appatiṭṭhe mahāsamudde mayā dinnaṃ chattupāhanadānaṃ mama sabbakāmadadaṃ jātaṃ aho sudinna’’nti tuṭṭhacitto –
‘‘саа ход̇у нааваа палагуубабаннаа, анавассуд̇аа зрагаваад̇аяуд̇д̇аа;
‘‘Sā hotu nāvā phalakūpapannā, anavassutā erakavātayuttā;
ан̃н̃асса яаанасса на хзд̇т̇а бхууми, аж̇ж̇зва мам̣ мол̣иним̣ баабаяассуу’’д̇и. (ж̇аа. 1.10.47) –
Aññassa yānassa na hettha bhūmi, ajjeva maṃ moḷiniṃ pāpayassū’’ti. (jā. 1.10.47) –
г̇аат̇амааха.
Gāthamāha.
д̇ад̇т̇а палагуубабаннаад̇и махаанаавад̇ааяа б̣ахуухи палагзхи убзд̇аа. уд̣̇агаббавзсанаабхаавзна анавассуд̇аа. саммаа г̇ахзд̇ваа г̇аманагаваад̇зна зрагаваад̇аяуд̇д̇аа.
Tattha phalakūpapannāti mahānāvatāya bahūhi phalakehi upetā. Udakappavesanābhāvena anavassutā. Sammā gahetvā gamanakavātena erakavātayuttā.
д̣̇звад̇хийд̇аа д̇асса важанам̣ суд̇ваа д̇удтахадтаа д̣̇ийгхад̇о адтаусабхам̣ вид̇т̇аарад̇о жад̇уусабхам̣ г̇амбхийрад̇о вийсад̇ияадтигам̣ сад̇д̇арад̇анамаяам̣ наавам̣ маабзд̇ваа гуубапияаарид̇д̇аяуд̇д̇аани инд̣̇анийлараж̇ад̇асуван̣н̣амаяаад̣̇ийни нимминид̇ваа сад̇д̇аннам̣ рад̇анаанам̣ буурзд̇ваа б̣раахман̣ам̣ аалин̇г̇зд̇ваа наавам̣ ааробзси, убадтаагам̣ банасса на ологзси. б̣раахман̣о ад̇д̇анаа гад̇агаляаан̣ад̇о д̇асса бад̇д̇им̣ ад̣̇ааси, со анумод̣̇и. ат̇а д̣̇звад̇хийд̇аа д̇амби аалин̇г̇зд̇ваа наавааяа бад̇идтаабзд̇ваа д̇ам̣ наавам̣ мол̣инийнаг̇арам̣ нзд̇ваа б̣раахман̣асса гхарз д̇ханам̣ бад̇идтаабзд̇ваа ад̇д̇ано васанадтаанамзва аг̇амааси. д̇знааха бхаг̇аваа –
Devadhītā tassa vacanaṃ sutvā tuṭṭhahaṭṭhā dīghato aṭṭhausabhaṃ vitthārato catuusabhaṃ gambhīrato vīsatiyaṭṭhikaṃ sattaratanamayaṃ nāvaṃ māpetvā kūpaphiyārittayuttāni indanīlarajatasuvaṇṇamayādīni nimminitvā sattannaṃ ratanānaṃ pūretvā brāhmaṇaṃ āliṅgetvā nāvaṃ āropesi, upaṭṭhākaṃ panassa na olokesi. Brāhmaṇo attanā katakalyāṇato tassa pattiṃ adāsi, so anumodi. Atha devadhītā tampi āliṅgetvā nāvāya patiṭṭhāpetvā taṃ nāvaṃ moḷinīnagaraṃ netvā brāhmaṇassa ghare dhanaṃ patiṭṭhāpetvā attano vasanaṭṭhānameva agamāsi. Tenāha bhagavā –
‘‘саа д̇ад̇т̇а вид̇д̇аа суманаа бад̇ийд̇аа, наавам̣ сужид̇д̇ам̣ абхинимминид̇ваа;
‘‘Sā tattha vittā sumanā patītā, nāvaṃ sucittaṃ abhinimminitvā;
аад̣̇ааяа сан̇кам̣ бурисзна сад̣̇д̇хим̣, убаанаяий наг̇арам̣ саад̇хурамма’’нд̇и. (ж̇аа. 1.10.48);
Ādāya saṅkhaṃ purisena saddhiṃ, upānayī nagaraṃ sādhuramma’’nti. (jā. 1.10.48);
махаабурисасса хи жид̇д̇асамбад̇д̇ияаа бажжзгаб̣уд̣̇д̇хасса жа нирод̇хад̇о вудтид̇абхаавзна сад̇д̇асу жзд̇анаасу аад̣̇ижзд̇анаа д̣̇идтад̇хаммавзд̣̇анийяаа ад̇иул̣аарапалаа жа ж̇аад̇аа. ид̣̇амби д̇асса д̣̇аанасса аббамад̇д̇апаланд̇и д̣̇адтаб̣б̣ам̣. абаримаан̣апалан̃хи д̇ам̣ д̣̇аанам̣ б̣од̇хисамбхаарабхууд̇ам̣. д̇зна вуд̇д̇ам̣ –
Mahāpurisassa hi cittasampattiyā paccekabuddhassa ca nirodhato vuṭṭhitabhāvena sattasu cetanāsu ādicetanā diṭṭhadhammavedanīyā atiuḷāraphalā ca jātā. Idampi tassa dānassa appamattaphalanti daṭṭhabbaṃ. Aparimāṇaphalañhi taṃ dānaṃ bodhisambhārabhūtaṃ. Tena vuttaṃ –
19.
19.
‘‘д̇знзваахам̣ сад̇аг̇ун̣ад̇о, сукумаало сукзд̇хид̇о;
‘‘Tenevāhaṃ sataguṇato, sukhumālo sukhedhito;
аби жа д̣̇аанам̣ барибуурзнд̇о, звам̣ д̇асса ад̣̇аасаха’’нд̇и.
Api ca dānaṃ paripūrento, evaṃ tassa adāsaha’’nti.
д̇ад̇т̇а д̇знаад̇и д̇ад̇о бажжзгаб̣уд̣̇д̇хад̇о, сад̇аг̇ун̣ад̇од̇и сад̇аг̇ун̣зна ахам̣ д̇ад̣̇аа сан̇кабхууд̇о сукумаало, д̇асмаа сукзд̇хид̇о сукасам̣вад̣дхо, аби жа звам̣ санд̇зби д̣̇аанам̣ барибуурзнд̇о, звам̣ маяхам̣ д̣̇аанабаарамий барибуурзд̇ууд̇и д̇асса бажжзгаб̣уд̣̇д̇хасса ад̇д̇ано сарийрад̣̇угкам̣ анабзгкид̇ваа чад̇д̇убааханам̣ ад̣̇аасинд̇и ад̇д̇ано д̣̇аанаж̇жхаасаяасса ул̣аарабхаавам̣ сад̇т̇аа бавзд̣̇зси.
Tattha tenāti tato paccekabuddhato, sataguṇatoti sataguṇena ahaṃ tadā saṅkhabhūto sukhumālo, tasmā sukhedhito sukhasaṃvaḍḍho, api ca evaṃ santepi dānaṃ paripūrento, evaṃ mayhaṃ dānapāramī paripūretūti tassa paccekabuddhassa attano sarīradukkhaṃ anapekkhitvā chattupāhanaṃ adāsinti attano dānajjhāsayassa uḷārabhāvaṃ satthā pavedesi.
б̣од̇хисад̇д̇оби яааваж̇ийвам̣ амид̇ад̇ханаг̇зхам̣ аж̇жхаавасанд̇о бхияяосомад̇д̇ааяа д̣̇аанаани д̣̇ад̇ваа сийлаани рагкид̇ваа ааяубарияосаанз сабарисо д̣̇званаг̇арам̣ буурзси.
Bodhisattopi yāvajīvaṃ amitadhanagehaṃ ajjhāvasanto bhiyyosomattāya dānāni datvā sīlāni rakkhitvā āyupariyosāne sapariso devanagaraṃ pūresi.
д̇ад̣̇аа д̣̇звад̇хийд̇аа уббалаван̣н̣аа ахоси, бурисо аананд̣̇ад̇т̇зро, логанаат̇о сан̇каб̣раахман̣о.
Tadā devadhītā uppalavaṇṇā ahosi, puriso ānandatthero, lokanātho saṅkhabrāhmaṇo.
д̇асса сувисуд̣̇д̇ханижжасийлаубосат̇асийлаад̣̇ивасзна сийлабаарамий д̣̇аанасийлаад̣̇ийнам̣ бадибагкад̇о нигканд̇ад̇д̇аа гусалад̇хаммавасзна нзгкаммабаарамий, д̣̇аанаад̣̇инибпаад̣̇анад̇т̇ам̣ аб̣бхуссаханавасзна д̇ат̇аа махаасамуд̣̇д̣̇ад̇аран̣авааяаамавасзна жа вийрияабаарамий, д̇ад̣̇ад̇т̇ам̣ ад̇хиваасанаканд̇ивасзна канд̇ибаарамий, бадин̃н̃аануруубаббадибад̇д̇ияаа сажжабаарамий, саб̣б̣ад̇т̇а ажаласамаад̣̇аанаад̇хидтаанавасзна ад̇хидтаанабаарамий, саб̣б̣асад̇д̇зсу хид̇аж̇жхаасаяавасзна мзд̇д̇аабаарамий, сад̇д̇асан̇каарагад̇авиббагаарзсу маж̇жхад̇д̇абхааваббад̇д̇ияаа убзгкаабаарамий, саб̣б̣абаарамийнам̣ убагаараанубагаарз д̇хаммз ж̇аанид̇ваа анубагаарз д̇хаммз бахааяа убагаарад̇хаммзсу бавад̇д̇аабанабурзжараа сахаж̇аад̇аа жа убааяагосаллабхууд̇аа бан̃н̃аа бан̃н̃аабаарамийд̇и имааби баарамияо лаб̣бханд̇и.
Tassa suvisuddhaniccasīlauposathasīlādivasena sīlapāramī dānasīlādīnaṃ paṭipakkhato nikkhantattā kusaladhammavasena nekkhammapāramī, dānādinipphādanatthaṃ abbhussahanavasena tathā mahāsamuddataraṇavāyāmavasena ca vīriyapāramī, tadatthaṃ adhivāsanakhantivasena khantipāramī, paṭiññānurūpappaṭipattiyā saccapāramī, sabbattha acalasamādānādhiṭṭhānavasena adhiṭṭhānapāramī, sabbasattesu hitajjhāsayavasena mettāpāramī, sattasaṅkhārakatavippakāresu majjhattabhāvappattiyā upekkhāpāramī, sabbapāramīnaṃ upakārānupakāre dhamme jānitvā anupakāre dhamme pahāya upakāradhammesu pavattāpanapurecarā sahajātā ca upāyakosallabhūtā paññā paññāpāramīti imāpi pāramiyo labbhanti.
д̣̇аанаж̇жхаасаяасса бана ад̇иул̣аарабхаавзна д̣̇аанабаарамийвасзна д̣̇зсанаа бавад̇д̇аа. яасмаа жзд̇т̇а д̣̇аса баарамияо лаб̣бханд̇и, д̇асмаа хздтаа вуд̇д̇аа махаагарун̣аад̣̇аяо б̣од̇хисад̇д̇аг̇ун̣аа ид̇хааби яат̇аарахам̣ нид̣̇д̇хаарзд̇аб̣б̣аа. д̇ат̇аа ад̇д̇ано бхог̇асукам̣ анабзгкид̇ваа махаагарун̣ааяа ‘‘д̣̇аанабаарамим̣ буурзссаамий’’д̇и д̣̇аанасамбхаарасам̣харан̣ад̇т̇ам̣ самуд̣̇д̣̇ад̇аран̣ам̣, д̇ад̇т̇а жа самуд̣̇д̣̇абад̇ид̇ассаби убосат̇аад̇хидтаанам̣, сийлакан̣д̣абхаязна д̣̇звад̇хийд̇ааяаби убаг̇ад̇ааяа аахаараанаахаран̣анд̇и звамаад̣̇аяо махаасад̇д̇асса г̇ун̣аа взд̣̇ид̇аб̣б̣аа. ид̣̇аани вагкамаанзсу сзсажарид̇зсу иминаава наязна г̇ун̣анид̣̇д̇хааран̣ам̣ взд̣̇ид̇аб̣б̣ам̣ . д̇ад̇т̇а д̇ад̇т̇а висзсамад̇д̇амзва вагкаама. д̇знзд̇ам̣ вужжад̇и –
Dānajjhāsayassa pana atiuḷārabhāvena dānapāramīvasena desanā pavattā. Yasmā cettha dasa pāramiyo labbhanti, tasmā heṭṭhā vuttā mahākaruṇādayo bodhisattaguṇā idhāpi yathārahaṃ niddhāretabbā. Tathā attano bhogasukhaṃ anapekkhitvā mahākaruṇāya ‘‘dānapāramiṃ pūressāmī’’ti dānasambhārasaṃharaṇatthaṃ samuddataraṇaṃ, tattha ca samuddapatitassapi uposathādhiṭṭhānaṃ, sīlakhaṇḍabhayena devadhītāyapi upagatāya āhārānāharaṇanti evamādayo mahāsattassa guṇā veditabbā. Idāni vakkhamānesu sesacaritesu imināva nayena guṇaniddhāraṇaṃ veditabbaṃ . Tattha tattha visesamattameva vakkhāma. Tenetaṃ vuccati –
‘‘звам̣ ажчарияаа хзд̇з, аб̣бхуд̇аа жа махзсино…бз…;
‘‘Evaṃ acchariyā hete, abbhutā ca mahesino…pe…;
баг̇зваанугирияаа д̇зсам̣, д̇хаммасса ануд̇хаммад̇о’’д̇и.
Pagevānukiriyā tesaṃ, dhammassa anudhammato’’ti.
сан̇каб̣раахман̣ажарияааван̣н̣анаа нидтид̇аа.
Saṅkhabrāhmaṇacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 2. сан̇кажарияаа • 2. Saṅkhacariyā
