Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā)

    8. сан̇кад̇хамасуд̇д̇аван̣н̣анаа

    8. Saṅkhadhamasuttavaṇṇanā

    360. адтамз яам̣б̣ахулам̣ яам̣б̣ахуланд̇и иминаа ниг̇ан̣то ад̇д̇анаава ад̇д̇ано ваад̣̇ам̣ бхинд̣̇ад̇и. д̇асмаа бхаг̇аваа звам̣ санд̇з на гожи аабааяигод̇иаад̣̇имааха. буримаани бана жад̇д̇аари бад̣̇аани д̣̇идтияаа бажжаяаа хонд̇и. д̇асмаа д̇зсуби аад̣̇ийнавам̣ д̣̇ассзнд̇о ид̇ха, г̇ааман̣и, згажжо сад̇т̇аа звам̣ваад̣̇ий ход̇ийд̇иаад̣̇имааха. д̇ад̇т̇а ахамбамхийд̇и ахамби амхи.

    360. Aṭṭhame yaṃbahulaṃ yaṃbahulanti iminā nigaṇṭho attanāva attano vādaṃ bhindati. Tasmā bhagavā evaṃ sante na koci āpāyikotiādimāha. Purimāni pana cattāri padāni diṭṭhiyā paccayā honti. Tasmā tesupi ādīnavaṃ dassento idha, gāmaṇi, ekacco satthā evaṃvādī hotītiādimāha. Tattha ahampamhīti ahampi amhi.

    мзд̇д̇аасахаг̇ад̇знаад̇иаад̣̇ийсу яам̣ вад̇д̇аб̣б̣ам̣, д̇ам̣ саб̣б̣ам̣ сад̣̇д̇хим̣ бхааванаанаязна висуд̣̇д̇химаг̇г̇з вуд̇д̇амзва. сзяяат̇ааби, г̇ааман̣и, б̣алаваа сан̇кад̇хамод̇иаад̣̇и бана ид̇ха абуб̣б̣ам̣. д̇ад̇т̇а б̣алаваад̇и б̣аласамбанно. сан̇кад̇хамод̇и сан̇кад̇хамаго. аббагасирзнаад̇и агижчзна ад̣̇угкзна. д̣̇уб̣б̣ало хи сан̇кад̇хамо сан̇кам̣ д̇хаманд̇оби на саггод̇и жад̇ассо д̣̇исаа сарзна вин̃н̃аабзд̇ум̣, наасса сан̇касад̣̇д̣̇о саб̣б̣ад̇о парад̇и, б̣алавад̇о бана вибпаариго ход̇и, д̇асмаа ‘‘б̣алаваа’’д̇и ааха.

    Mettāsahagatenātiādīsu yaṃ vattabbaṃ, taṃ sabbaṃ saddhiṃ bhāvanānayena visuddhimagge vuttameva. Seyyathāpi, gāmaṇi, balavā saṅkhadhamotiādi pana idha apubbaṃ. Tattha balavāti balasampanno. Saṅkhadhamoti saṅkhadhamako. Appakasirenāti akicchena adukkhena. Dubbalo hi saṅkhadhamo saṅkhaṃ dhamantopi na sakkoti catasso disā sarena viññāpetuṃ, nāssa saṅkhasaddo sabbato pharati, balavato pana vipphāriko hoti, tasmā ‘‘balavā’’ti āha.

    мзд̇д̇ааяа жзд̇овимуд̇д̇ияаад̇и зд̇т̇а ‘‘мзд̇д̇аа’’д̇и вуд̇д̇з убажаароби аббанааби ваддад̇и, ‘‘жзд̇овимуд̇д̇ий’’д̇и вуд̇д̇з бана аббанаава ваддад̇и. яам̣ бамаан̣агад̇ам̣ гамманд̇и бамаан̣агад̇ам̣ гаммам̣ наама гаамааважарам̣ вужжад̇и, аббамаан̣агад̇ам̣ гаммам̣ наама руубааважарам̣. д̇ан̃хи бамаан̣ам̣ ад̇иггамид̇ваа од̇хисагаанод̇хисагад̣̇исаапаран̣авасзна вад̣дхзд̇ваа гад̇ад̇д̇аа аббамаан̣агад̇анд̇и вужжад̇и.

    Mettāya cetovimuttiyāti ettha ‘‘mettā’’ti vutte upacāropi appanāpi vaṭṭati, ‘‘cetovimuttī’’ti vutte pana appanāva vaṭṭati. Yaṃ pamāṇakataṃ kammanti pamāṇakataṃ kammaṃ nāma kāmāvacaraṃ vuccati, appamāṇakataṃ kammaṃ nāma rūpāvacaraṃ. Tañhi pamāṇaṃ atikkamitvā odhisakaanodhisakadisāpharaṇavasena vaḍḍhetvā katattā appamāṇakatanti vuccati.

    на д̇ам̣ д̇ад̇раавасиссад̇и, на д̇ам̣ д̇ад̇раавад̇идтад̇ийд̇и д̇ам̣ гаамааважарагаммам̣ д̇асмим̣ руубааруубааважарагаммз на охийяад̇и на д̇идтад̇и. гим̣ вуд̇д̇ам̣ ход̇и? д̇ам̣ гаамааважарагаммам̣ д̇асса руубааруубааважарагаммасса анд̇араа лаг̇г̇ид̇ум̣ ваа таад̇ум̣ ваа руубааруубааважарагаммам̣ парид̇ваа барияаад̣̇ияид̇ваа ад̇д̇ано огаасам̣ г̇ахзд̇ваа бад̇идтаад̇ум̣ ваа на саггод̇и. ат̇а ко руубааруубааважарагаммамзва гаамааважарам̣ махогхо вияа барид̇д̇ам̣ уд̣̇агам̣ парид̇ваа барияаад̣̇ияид̇ваа ад̇д̇ано огаасам̣ гад̇ваа д̇идтад̇и, д̇асса вибаагам̣ бадиб̣аахид̇ваа саяамзва б̣рахмасахаб̣яад̇ам̣ убанзд̇ийд̇и. ид̇и ид̣̇ам̣ суд̇д̇ам̣ аад̣̇имхи гилзсавасзна вудтааяа авасаанз б̣рахмавихааравасзна г̇ахид̇ад̇д̇аа яат̇аанусанд̇хинаава г̇ад̇ам̣.

    Na taṃ tatrāvasissati, na taṃ tatrāvatiṭṭhatīti taṃ kāmāvacarakammaṃ tasmiṃ rūpārūpāvacarakamme na ohīyati na tiṭṭhati. Kiṃ vuttaṃ hoti? Taṃ kāmāvacarakammaṃ tassa rūpārūpāvacarakammassa antarā laggituṃ vā ṭhātuṃ vā rūpārūpāvacarakammaṃ pharitvā pariyādiyitvā attano okāsaṃ gahetvā patiṭṭhātuṃ vā na sakkoti. Atha kho rūpārūpāvacarakammameva kāmāvacaraṃ mahogho viya parittaṃ udakaṃ pharitvā pariyādiyitvā attano okāsaṃ katvā tiṭṭhati, tassa vipākaṃ paṭibāhitvā sayameva brahmasahabyataṃ upanetīti. Iti idaṃ suttaṃ ādimhi kilesavasena vuṭṭhāya avasāne brahmavihāravasena gahitattā yathānusandhināva gataṃ.







    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. сан̇кад̇хамасуд̇д̇ам̣ • 8. Saṅkhadhamasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. сан̇кад̇хамасуд̇д̇аван̣н̣анаа • 8. Saṅkhadhamasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact