| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[524] 4. сан̇кабаалаж̇аад̇агаван̣н̣анаа
[524] 4. Saṅkhapālajātakavaṇṇanā
арияаавагаасосийд̇и ид̣̇ам̣ сад̇т̇аа ж̇зд̇аванз вихаранд̇о убосат̇агаммам̣ аараб̣бха гат̇зси. д̇ад̣̇аа хи сад̇т̇аа убосат̇игз убаасагз самбахам̣сзд̇ваа ‘‘бораан̣агабан̣д̣ид̇аа махад̇им̣ нааг̇асамбад̇д̇им̣ бахааяа убосат̇аваасам̣ убавасим̣суязваа’’д̇и вад̇ваа д̇зхи яаажид̇о ад̇ийд̇ам̣ аахари.
Ariyāvakāsosīti idaṃ satthā jetavane viharanto uposathakammaṃ ārabbha kathesi. Tadā hi satthā uposathike upāsake sampahaṃsetvā ‘‘porāṇakapaṇḍitā mahatiṃ nāgasampattiṃ pahāya uposathavāsaṃ upavasiṃsuyevā’’ti vatvā tehi yācito atītaṃ āhari.
ад̇ийд̇з рааж̇аг̇ахз маг̇ад̇харааж̇аа наама раж̇ж̇ам̣ гаарзси. д̇ад̣̇аа б̣од̇хисад̇д̇о д̇асса ран̃н̃о аг̇г̇амахзсияаа гужчимхи ниб̣б̣ад̇д̇и, ‘‘д̣̇уяяод̇хано’’д̇исса наамам̣ гарим̣су. со ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа ааг̇анд̇ваа бид̇у сиббам̣ д̣̇ассзси. ат̇а нам̣ бид̇аа раж̇ж̇з абхисин̃жид̇ваа исибаб̣б̣аж̇ж̇ам̣ баб̣б̣аж̇ид̇ваа уяяаанз васи. б̣од̇хисад̇д̇о д̣̇ивасасса д̇игкад̇д̇ум̣ бид̇у санд̇игам̣ аг̇амааси. д̇асса махаалаабхасаггааро уд̣̇абаад̣̇и. со д̇знзва балиб̣од̇хзна гасин̣абаригаммамад̇д̇амби гаад̇ум̣ асаггонд̇о жинд̇зси – ‘‘махаа мз лаабхасаггааро, на саггаа маяаа ид̇ха васанд̇зна имам̣ ж̇адам̣ чинд̣̇ид̇ум̣, буд̇д̇асса мз анаарожзд̇ваава ан̃н̃ад̇т̇а г̇амиссаамий’’д̇и. со ган̃жи аж̇аанаабзд̇ваа уяяаанаа нигкамид̇ваа маг̇ад̇харадтам̣ ад̇иггамид̇ваа махисагарадтз сан̇кабаалад̣̇ахад̇о наама нигканд̇ааяа ган̣н̣авзн̣н̣ааяа над̣̇ияаа нивад̇д̇анз жанд̣̇агабаб̣б̣ад̇ам̣ убаниссааяа бан̣н̣асаалам̣ гад̇ваа д̇ад̇т̇а васанд̇о гасин̣абаригаммам̣ гад̇ваа жхаанаабхин̃н̃аа ниб̣б̣ад̇д̇зд̇ваа ун̃чаажарияааяа яаабзси. д̇амзнам̣ сан̇кабаало наама нааг̇арааж̇аа маханд̇зна бариваарзна ган̣н̣авзн̣н̣анад̣̇ид̇о нигкамид̇ваа анд̇аранд̇араа убасан̇гамад̇и. со д̇асса д̇хаммам̣ д̣̇зсзси. ат̇асса буд̇д̇о бид̇арам̣ д̣̇адтугаамо г̇ад̇адтаанам̣ аж̇аананд̇о анувижаараабзд̇ваа ‘‘асугадтаанз наама васад̇ий’’д̇и н̃ад̇ваа д̇асса д̣̇ассанад̇т̇ааяа маханд̇зна бариваарзна д̇ад̇т̇а г̇анд̇ваа згаманд̇з канд̇хаваарам̣ ниваасзд̇ваа гад̇ибаязхи амажжзхи сад̣̇д̇хим̣ ассамабад̣̇аабхимуко бааяааси.
Atīte rājagahe magadharājā nāma rajjaṃ kāresi. Tadā bodhisatto tassa rañño aggamahesiyā kucchimhi nibbatti, ‘‘duyyodhano’’tissa nāmaṃ kariṃsu. So vayappatto takkasilāyaṃ sabbasippāni uggaṇhitvā āgantvā pitu sippaṃ dassesi. Atha naṃ pitā rajje abhisiñcitvā isipabbajjaṃ pabbajitvā uyyāne vasi. Bodhisatto divasassa tikkhattuṃ pitu santikaṃ agamāsi. Tassa mahālābhasakkāro udapādi. So teneva palibodhena kasiṇaparikammamattampi kātuṃ asakkonto cintesi – ‘‘mahā me lābhasakkāro, na sakkā mayā idha vasantena imaṃ jaṭaṃ chindituṃ, puttassa me anārocetvāva aññattha gamissāmī’’ti. So kañci ajānāpetvā uyyānā nikkhamitvā magadharaṭṭhaṃ atikkamitvā mahisakaraṭṭhe saṅkhapāladahato nāma nikkhantāya kaṇṇaveṇṇāya nadiyā nivattane candakapabbataṃ upanissāya paṇṇasālaṃ katvā tattha vasanto kasiṇaparikammaṃ katvā jhānābhiññā nibbattetvā uñchācariyāya yāpesi. Tamenaṃ saṅkhapālo nāma nāgarājā mahantena parivārena kaṇṇaveṇṇanadito nikkhamitvā antarantarā upasaṅkamati. So tassa dhammaṃ desesi. Athassa putto pitaraṃ daṭṭhukāmo gataṭṭhānaṃ ajānanto anuvicārāpetvā ‘‘asukaṭṭhāne nāma vasatī’’ti ñatvā tassa dassanatthāya mahantena parivārena tattha gantvā ekamante khandhavāraṃ nivāsetvā katipayehi amaccehi saddhiṃ assamapadābhimukho pāyāsi.
д̇асмим̣ кан̣з сан̇кабаало маханд̇зна бариваарзна д̇хаммам̣ сун̣анд̇о нисийд̣̇и. со д̇ам̣ рааж̇аанам̣ ааг̇ажчанд̇ам̣ д̣̇исваа исим̣ ванд̣̇ид̇ваа удтааяаасанаа баггаами. рааж̇аа бид̇арам̣ ванд̣̇ид̇ваа бадисант̇аарам̣ гад̇ваа нисийд̣̇ид̇ваа бужчи – ‘‘бханд̇з, гад̇арарааж̇аа наамзса д̇умхаагам̣ санд̇игам̣ ааг̇ад̇о’’д̇и. д̇аад̇а, сан̇кабааланааг̇арааж̇аа наамзсод̇и. со д̇асса самбад̇д̇им̣ ниссааяа нааг̇абхаванз лобхам̣ гад̇ваа гад̇ибаахам̣ васид̇ваа бид̇у бхигкаахаарам̣ ниб̣ад̣̇д̇хам̣ д̣̇аабзд̇ваа ад̇д̇ано наг̇арамзва г̇анд̇ваа жад̇уусу д̣̇ваарзсу д̣̇аанасаалааяо гаарзд̇ваа сагалаж̇амб̣уд̣̇ийбам̣ сан̇кобхзнд̇о д̣̇аанам̣ д̣̇ад̇ваа сийлам̣ рагкид̇ваа убосат̇агаммам̣ гад̇ваа нааг̇абхаванам̣ бад̇т̇зд̇ваа ааяубарияосаанз нааг̇абхаванз ниб̣б̣ад̇д̇ид̇ваа сан̇кабааланааг̇арааж̇аа ахоси . со г̇ажчанд̇з гаалз д̇ааяа самбад̇д̇ияаа виббадисаарий худ̇ваа д̇ад̇о бадтааяа мануссаяоним̣ бад̇т̇знд̇о убосат̇аваасам̣ васи. ат̇асса нааг̇абхаванз васанд̇асса убосат̇аваасо на самбаж̇ж̇ад̇и, сийлавинаасам̣ баабун̣аад̇и. со д̇ад̇о бадтааяа нааг̇абхаванаа нигкамид̇ваа ган̣н̣авзн̣н̣ааяа над̣̇ияаа авид̣̇уурз махаамаг̇г̇асса жа згабад̣̇игамаг̇г̇асса жа анд̇арз згам̣ ваммигам̣ баригкибид̇ваа убосат̇ам̣ ад̇хидтааяа самаад̣̇иннасийло ‘‘мама жаммамам̣саад̣̇ийхи ад̇т̇игаа жаммамам̣саад̣̇ийни харанд̇уу’’д̇и ад̇д̇аанам̣ д̣̇аанамукз виссаж̇ж̇зд̇ваа ваммигамад̇т̇агз нибанно саман̣ад̇хаммам̣ гаронд̇о жаад̇уд̣̇д̣̇асз баннарасз васид̇ваа баадибад̣̇з нааг̇абхаванам̣ г̇ажчад̇и.
Tasmiṃ khaṇe saṅkhapālo mahantena parivārena dhammaṃ suṇanto nisīdi. So taṃ rājānaṃ āgacchantaṃ disvā isiṃ vanditvā uṭṭhāyāsanā pakkāmi. Rājā pitaraṃ vanditvā paṭisanthāraṃ katvā nisīditvā pucchi – ‘‘bhante, katararājā nāmesa tumhākaṃ santikaṃ āgato’’ti. Tāta, saṅkhapālanāgarājā nāmesoti. So tassa sampattiṃ nissāya nāgabhavane lobhaṃ katvā katipāhaṃ vasitvā pitu bhikkhāhāraṃ nibaddhaṃ dāpetvā attano nagarameva gantvā catūsu dvāresu dānasālāyo kāretvā sakalajambudīpaṃ saṅkhobhento dānaṃ datvā sīlaṃ rakkhitvā uposathakammaṃ katvā nāgabhavanaṃ patthetvā āyupariyosāne nāgabhavane nibbattitvā saṅkhapālanāgarājā ahosi . So gacchante kāle tāya sampattiyā vippaṭisārī hutvā tato paṭṭhāya manussayoniṃ patthento uposathavāsaṃ vasi. Athassa nāgabhavane vasantassa uposathavāso na sampajjati, sīlavināsaṃ pāpuṇāti. So tato paṭṭhāya nāgabhavanā nikkhamitvā kaṇṇaveṇṇāya nadiyā avidūre mahāmaggassa ca ekapadikamaggassa ca antare ekaṃ vammikaṃ parikkhipitvā uposathaṃ adhiṭṭhāya samādinnasīlo ‘‘mama cammamaṃsādīhi atthikā cammamaṃsādīni harantū’’ti attānaṃ dānamukhe vissajjetvā vammikamatthake nipanno samaṇadhammaṃ karonto cātuddase pannarase vasitvā pāṭipade nāgabhavanaṃ gacchati.
д̇асмим̣ згад̣̇ивасам̣ звам̣ сийлам̣ самаад̣̇ияид̇ваа нибаннз бажжанд̇аг̇аамаваасино сол̣аса ж̇анаа ‘‘мам̣сам̣ аахариссаамаа’’д̇и аавуд̇хахад̇т̇аа аран̃н̃з вижаранд̇аа гин̃жи алабхид̇ваа нигканд̇аа д̇ам̣ ваммигамад̇т̇агз нибаннам̣ д̣̇исваа ‘‘маяам̣ аж̇ж̇а г̇од̇хаабод̇агамби на лабхимхаа, имам̣ нааг̇арааж̇аанам̣ вад̇хид̇ваа каад̣̇иссаамаа’’д̇и жинд̇зд̇ваа ‘‘махаа ко банзса г̇аяхамаано балааязяяа, яат̇аанибаннамзва д̇ам̣ бхог̇зсу суулзхи виж̇жхид̇ваа д̣̇уб̣б̣алам̣ гад̇ваа г̇ан̣хиссаамаа’’д̇и суулаани аад̣̇ааяа убасан̇гамим̣су. б̣од̇хисад̇д̇асса сарийрам̣ маханд̇ам̣ згад̣̇он̣иганааваббамаан̣ам̣ ваддзд̇ваа табид̇асуманабубпад̣̇аамам̣ вияа ж̇ин̃ж̇угапаласаннибхзхи агкийхи ж̇аяасуманабубпасад̣̇исзна жа сийсзна саманнааг̇ад̇ам̣ ад̇ивияа собхад̇и. со д̇зсам̣ сол̣асаннам̣ ж̇анаанам̣ бад̣̇асад̣̇д̣̇зна бхог̇анд̇арад̇о сийсам̣ нийхарид̇ваа рад̇д̇агкийни уммийлзд̇ваа д̇з суулахад̇т̇з ааг̇ажчанд̇з д̣̇исваа жинд̇зси – ‘‘аж̇ж̇а маяхам̣ манорат̇о мад̇т̇агам̣ баабун̣иссад̇и, ахам̣ ад̇д̇аанам̣ д̣̇аанамукз нияяаад̣̇зд̇ваа вийрияам̣ ад̇хидтахид̇ваа нибанно, имз мама сарийрам̣ сад̇д̇ийхи годдзд̇ваа чид̣̇д̣̇аавачид̣̇д̣̇ам̣ гаронд̇з год̇хавасзна агкийни уммийлзд̇ваа на ологзссаамий’’д̇и ад̇д̇ано сийлабхзд̣̇абхаязна д̣̇ал̣хам̣ ад̇хидтааяа сийсам̣ бхог̇анд̇арзязва бавзсзд̇ваа нибаж̇ж̇и. ат̇а нам̣ д̇з убаг̇анд̇ваа нан̇г̇удтз г̇ахзд̇ваа гад̣дханд̇аа бхуумияам̣ бот̇зд̇ваа д̇икин̣асуулзхи адтасу таанзсу виж̇жхид̇ваа саган̣дагагаал̣авзд̇д̇аяадтияо бахаарамукзхи бавзсзд̇ваа адтасу таанзсу гааж̇знаад̣̇ааяа махаамаг̇г̇ам̣ бадибаж̇ж̇им̣су, махаасад̇д̇о суулзхи виж̇жханад̇о бадтааяа згадтаанзби год̇хавасзна агкийни уммийлзд̇ваа д̇з на ологзси. д̇асса адтахи гааж̇зхи аад̣̇ааяа нийяамаанасса сийсам̣ оламб̣зд̇ваа бхуумияам̣ бахари. ат̇а нам̣ ‘‘сийсамасса оламб̣ад̇ий’’д̇и махаамаг̇г̇з нибаж̇ж̇аабзд̇ваа д̇арун̣асуулзна наасаабудам̣ виж̇жхид̇ваа раж̇ж̇угам̣ бавзсзд̇ваа сийсам̣ угкибид̇ваа гааж̇агодияам̣ лаг̇г̇ид̇ваа бунаби угкибид̇ваа маг̇г̇ам̣ бадибаж̇ж̇им̣су.
Tasmiṃ ekadivasaṃ evaṃ sīlaṃ samādiyitvā nipanne paccantagāmavāsino soḷasa janā ‘‘maṃsaṃ āharissāmā’’ti āvudhahatthā araññe vicarantā kiñci alabhitvā nikkhantā taṃ vammikamatthake nipannaṃ disvā ‘‘mayaṃ ajja godhāpotakampi na labhimhā, imaṃ nāgarājānaṃ vadhitvā khādissāmā’’ti cintetvā ‘‘mahā kho panesa gayhamāno palāyeyya, yathānipannameva taṃ bhogesu sūlehi vijjhitvā dubbalaṃ katvā gaṇhissāmā’’ti sūlāni ādāya upasaṅkamiṃsu. Bodhisattassa sarīraṃ mahantaṃ ekadoṇikanāvappamāṇaṃ vaṭṭetvā ṭhapitasumanapupphadāmaṃ viya jiñjukaphalasannibhehi akkhīhi jayasumanapupphasadisena ca sīsena samannāgataṃ ativiya sobhati. So tesaṃ soḷasannaṃ janānaṃ padasaddena bhogantarato sīsaṃ nīharitvā rattakkhīni ummīletvā te sūlahatthe āgacchante disvā cintesi – ‘‘ajja mayhaṃ manoratho matthakaṃ pāpuṇissati, ahaṃ attānaṃ dānamukhe niyyādetvā vīriyaṃ adhiṭṭhahitvā nipanno, ime mama sarīraṃ sattīhi koṭṭetvā chiddāvachiddaṃ karonte kodhavasena akkhīni ummīletvā na olokessāmī’’ti attano sīlabhedabhayena daḷhaṃ adhiṭṭhāya sīsaṃ bhogantareyeva pavesetvā nipajji. Atha naṃ te upagantvā naṅguṭṭhe gahetvā kaḍḍhantā bhūmiyaṃ pothetvā tikhiṇasūlehi aṭṭhasu ṭhānesu vijjhitvā sakaṇṭakakāḷavettayaṭṭhiyo pahāramukhehi pavesetvā aṭṭhasu ṭhānesu kājenādāya mahāmaggaṃ paṭipajjiṃsu, mahāsatto sūlehi vijjhanato paṭṭhāya ekaṭṭhānepi kodhavasena akkhīni ummīletvā te na olokesi. Tassa aṭṭhahi kājehi ādāya nīyamānassa sīsaṃ olambetvā bhūmiyaṃ pahari. Atha naṃ ‘‘sīsamassa olambatī’’ti mahāmagge nipajjāpetvā taruṇasūlena nāsāpuṭaṃ vijjhitvā rajjukaṃ pavesetvā sīsaṃ ukkhipitvā kājakoṭiyaṃ laggitvā punapi ukkhipitvā maggaṃ paṭipajjiṃsu.
д̇асмим̣ кан̣з вид̣̇зхарадтз мит̇иланаг̇араваасий аал̣ааро наама гудумб̣иго бан̃жа сагадасад̇аани аад̣̇ааяа сукаяаанагз нисийд̣̇ид̇ваа г̇ажчанд̇о д̇з бхож̇абуд̇д̇з б̣од̇хисад̇д̇ам̣ д̇ат̇аа г̇ан̣хид̇ваа г̇ажчанд̇з д̣̇исваа д̇зсам̣ сол̣асаннамби сол̣асахи ваахаг̇он̣зхи сад̣̇д̇хим̣ басад̇ам̣ басад̇ам̣ суван̣н̣амаасагз саб̣б̣зсам̣ ниваасанабаарубанаани бхарияаанамби нзсам̣ вад̇т̇аабхаран̣аани д̣̇ад̇ваа виссаж̇ж̇аабзси. ат̇а со нааг̇абхаванам̣ г̇анд̇ваа д̇ад̇т̇а бабан̃жам̣ агад̇ваа маханд̇зна бариваарзна нигкамид̇ваа аал̣аарам̣ убасан̇гамид̇ваа нааг̇абхаванасса ван̣н̣ам̣ гат̇зд̇ваа д̇ам̣ аад̣̇ааяа нааг̇абхаванам̣ г̇анд̇ваа д̇ийхи нааг̇аган̃н̃аасад̇зхи сад̣̇д̇хим̣ маханд̇амасса яасам̣ д̣̇ад̇ваа д̣̇иб̣б̣зхи гаамзхи санд̇аббзси. аал̣ааро нааг̇абхаванз згавассам̣ васид̇ваа д̣̇иб̣б̣агаамз барибхун̃ж̇ид̇ваа ‘‘ижчаамахам̣, самма, баб̣б̣аж̇ид̇у’’нд̇и нааг̇арааж̇асса гат̇зд̇ваа баб̣б̣аж̇ид̇абаригкаарз г̇ахзд̇ваа нааг̇абхаванад̇о химаванд̇аббад̣̇зсам̣ г̇анд̇ваа баб̣б̣аж̇ид̇ваа д̇ад̇т̇а жирам̣ васид̇ваа абарабхааг̇з жааригам̣ жаранд̇о б̣аараан̣асим̣ бад̇ваа рааж̇уяяаанз васид̇ваа бунад̣̇ивасз бхигкааяа наг̇арам̣ бависид̇ваа рааж̇ад̣̇ваарам̣ аг̇амааси. ат̇а нам̣ б̣аараан̣асирааж̇аа д̣̇исваа ирияаабат̇з басийд̣̇ид̇ваа баггосаабзд̇ваа бан̃н̃ад̇д̇аасанз нисийд̣̇аабзд̇ваа наанаг̇г̇арасабхож̇анам̣ бхож̇зд̇ваа ан̃н̃ад̇арасмим̣ нийжз аасанз нисинно ванд̣̇ид̇ваа д̇зна сад̣̇д̇хим̣ саллабанд̇о батамам̣ г̇аат̇амааха –
Tasmiṃ khaṇe videharaṭṭhe mithilanagaravāsī āḷāro nāma kuṭumbiko pañca sakaṭasatāni ādāya sukhayānake nisīditvā gacchanto te bhojaputte bodhisattaṃ tathā gaṇhitvā gacchante disvā tesaṃ soḷasannampi soḷasahi vāhagoṇehi saddhiṃ pasataṃ pasataṃ suvaṇṇamāsake sabbesaṃ nivāsanapārupanāni bhariyānampi nesaṃ vatthābharaṇāni datvā vissajjāpesi. Atha so nāgabhavanaṃ gantvā tattha papañcaṃ akatvā mahantena parivārena nikkhamitvā āḷāraṃ upasaṅkamitvā nāgabhavanassa vaṇṇaṃ kathetvā taṃ ādāya nāgabhavanaṃ gantvā tīhi nāgakaññāsatehi saddhiṃ mahantamassa yasaṃ datvā dibbehi kāmehi santappesi. Āḷāro nāgabhavane ekavassaṃ vasitvā dibbakāme paribhuñjitvā ‘‘icchāmahaṃ, samma, pabbajitu’’nti nāgarājassa kathetvā pabbajitaparikkhāre gahetvā nāgabhavanato himavantappadesaṃ gantvā pabbajitvā tattha ciraṃ vasitvā aparabhāge cārikaṃ caranto bārāṇasiṃ patvā rājuyyāne vasitvā punadivase bhikkhāya nagaraṃ pavisitvā rājadvāraṃ agamāsi. Atha naṃ bārāṇasirājā disvā iriyāpathe pasīditvā pakkosāpetvā paññattāsane nisīdāpetvā nānaggarasabhojanaṃ bhojetvā aññatarasmiṃ nīce āsane nisinno vanditvā tena saddhiṃ sallapanto paṭhamaṃ gāthamāha –
143.
143.
‘‘арияаавагаасоси басаннанзд̇д̇о, ман̃н̃з бхавам̣ баб̣б̣аж̇ид̇о гуламхаа;
‘‘Ariyāvakāsosi pasannanetto, maññe bhavaṃ pabbajito kulamhā;
гат̇ам̣ ну вид̇д̇аани бахааяа бхог̇з, баб̣б̣аж̇и нигкамма гхараа сабан̃н̃аа’’д̇и.
Kathaṃ nu vittāni pahāya bhoge, pabbaji nikkhamma gharā sapaññā’’ti.
д̇ад̇т̇а арияаавагаасосийд̇и нид̣̇д̣̇осасунд̣̇арасарийраавагаасоси, абхируубосийд̇и ад̇т̇о. басаннанзд̇д̇од̇и бан̃жахи басаад̣̇зхи яуд̇д̇анзд̇д̇о. гуламхаад̇и кад̇д̇ияагулаа ваа б̣раахман̣агулаа ваа сздтигулаа ваа баб̣б̣аж̇ид̇осийд̇и ман̃н̃аами. гат̇ам̣ нууд̇и гзна гааран̣зна гим̣ аарамман̣ам̣ гад̇ваа д̇ханан̃жа убабхог̇з жа бахааяа гхараа нигкамид̇ваа баб̣б̣аж̇ид̇оси сабан̃н̃а бан̣д̣ид̇абурисаад̇и бужчад̇и.
Tattha ariyāvakāsosīti niddosasundarasarīrāvakāsosi, abhirūposīti attho. Pasannanettoti pañcahi pasādehi yuttanetto. Kulamhāti khattiyakulā vā brāhmaṇakulā vā seṭṭhikulā vā pabbajitosīti maññāmi. Kathaṃ nūti kena kāraṇena kiṃ ārammaṇaṃ katvā dhanañca upabhoge ca pahāya gharā nikkhamitvā pabbajitosi sapañña paṇḍitapurisāti pucchati.
д̇ад̇о барам̣ д̇аабасасса жа ран̃н̃о жа важанаббадиважанавасзна г̇аат̇аанам̣ самб̣анд̇хо взд̣̇ид̇аб̣б̣о –
Tato paraṃ tāpasassa ca rañño ca vacanappaṭivacanavasena gāthānaṃ sambandho veditabbo –
144.
144.
‘‘саяам̣ вимаанам̣ нарад̣̇зва д̣̇исваа, махаанубхаавасса махораг̇асса;
‘‘Sayaṃ vimānaṃ naradeva disvā, mahānubhāvassa mahoragassa;
д̣̇исваана бун̃н̃аана махаавибаагам̣, сад̣̇д̇хааяахам̣ баб̣б̣аж̇ид̇омхи рааж̇а.
Disvāna puññāna mahāvipākaṃ, saddhāyahaṃ pabbajitomhi rāja.
145.
145.
‘‘на гаамагаамаа на бхаяаа на д̣̇осаа, ваажам̣ мусаа баб̣б̣аж̇ид̇аа бхан̣анд̇и;
‘‘Na kāmakāmā na bhayā na dosā, vācaṃ musā pabbajitā bhaṇanti;
агкаахи мз бужчид̇о зд̇амад̇т̇ам̣, суд̇ваана мз ж̇ааяихид̇иббасаад̣̇о.
Akkhāhi me pucchito etamatthaṃ, sutvāna me jāyihitippasādo.
146.
146.
‘‘ваан̣иж̇ж̇а радтаад̇хиба г̇ажчамаано, бат̇з ад̣̇д̣̇асаасимхи бхож̇абуд̇д̇з;
‘‘Vāṇijja raṭṭhādhipa gacchamāno, pathe addasāsimhi bhojaputte;
бавад̣дхагааяам̣ ураг̇ам̣ маханд̇ам̣, аад̣̇ааяа г̇ажчанд̇з бамод̣̇амаанз.
Pavaḍḍhakāyaṃ uragaṃ mahantaṃ, ādāya gacchante pamodamāne.
147.
147.
‘‘сохам̣ самааг̇амма ж̇анинд̣̇а д̇зхи, бахадталомо аважамхи бхийд̇о;
‘‘Sohaṃ samāgamma janinda tehi, pahaṭṭhalomo avacamhi bhīto;
гухим̣ аяам̣ нийяад̇и бхиймагааяо, нааг̇зна гим̣ гаахат̇а бхож̇абуд̇д̇аа.
Kuhiṃ ayaṃ nīyati bhīmakāyo, nāgena kiṃ kāhatha bhojaputtā.
148.
148.
‘‘нааг̇о аяам̣ нийяад̇и бхож̇анад̇т̇аа, бавад̣дхагааяо ураг̇о маханд̇о;
‘‘Nāgo ayaṃ nīyati bhojanatthā, pavaḍḍhakāyo urago mahanto;
саад̣̇ун̃жа т̇уулан̃жа муд̣̇ун̃жа мам̣сам̣, на д̇вам̣ расан̃н̃ааси вид̣̇зхабуд̇д̇а.
Sāduñca thūlañca muduñca maṃsaṃ, na tvaṃ rasaññāsi videhaputta.
149.
149.
‘‘ид̇о маяам̣ г̇анд̇ваа сагам̣ нигзд̇ам̣, аад̣̇ааяа сад̇т̇аани вигобаяид̇ваа;
‘‘Ito mayaṃ gantvā sakaṃ niketaṃ, ādāya satthāni vikopayitvā;
мам̣саани бхогкаама бамод̣̇амаанаа, маяан̃хи вз сад̇д̇аво баннаг̇аанам̣.
Maṃsāni bhokkhāma pamodamānā, mayañhi ve sattavo pannagānaṃ.
150.
150.
‘‘сажз аяам̣ нийяад̇и бхож̇анад̇т̇аа, бавад̣дхагааяо ураг̇о маханд̇о;
‘‘Sace ayaṃ nīyati bhojanatthā, pavaḍḍhakāyo urago mahanto;
д̣̇ад̣̇аами во б̣алиб̣ад̣̇д̣̇аани сол̣аса, нааг̇ам̣ имам̣ мун̃жат̇а б̣анд̇ханасмаа.
Dadāmi vo balibaddāni soḷasa, nāgaṃ imaṃ muñcatha bandhanasmā.
151.
151.
‘‘ад̣̇д̇хаа хи но бхагко аяам̣ манаабо, б̣ахуу жа но ураг̇аа бхуд̇д̇абуб̣б̣аа;
‘‘Addhā hi no bhakkho ayaṃ manāpo, bahū ca no uragā bhuttapubbā;
гарома д̇з д̇ам̣ важанам̣ ал̣аара, мид̇д̇ан̃жа но хохи вид̣̇зхабуд̇д̇а.
Karoma te taṃ vacanaṃ aḷāra, mittañca no hohi videhaputta.
152.
152.
‘‘д̇ад̣̇аассу д̇з б̣анд̇ханаа можаяим̣су, яам̣ над̇т̇уд̇о бадимоггасса баасз;
‘‘Tadāssu te bandhanā mocayiṃsu, yaṃ natthuto paṭimokkassa pāse;
муд̇д̇о жа со б̣анд̇ханаа нааг̇арааж̇аа, баггаами баажийнамуко мухуд̇д̇ам̣.
Mutto ca so bandhanā nāgarājā, pakkāmi pācīnamukho muhuttaṃ.
153.
153.
‘‘г̇анд̇ваана баажийнамуко мухуд̇д̇ам̣, бун̣н̣зхи нзд̇д̇зхи балогаяий мам̣;
‘‘Gantvāna pācīnamukho muhuttaṃ, puṇṇehi nettehi palokayī maṃ;
д̇ад̣̇аассахам̣ бидтид̇о анваг̇ажчим̣, д̣̇асан̇г̇улим̣ ан̃ж̇алим̣ баг̇г̇ахзд̇ваа.
Tadāssahaṃ piṭṭhito anvagacchiṃ, dasaṅguliṃ añjaliṃ paggahetvā.
154.
154.
‘‘г̇ажчзва ко д̇вам̣ д̇арамаанаруубо, маа д̇ам̣ амид̇д̇аа бунараг̇г̇ахзсум̣;
‘‘Gaccheva kho tvaṃ taramānarūpo, mā taṃ amittā punaraggahesuṃ;
д̣̇угко хи луд̣̇д̣̇зхи бунаа самааг̇амо, ад̣̇ассанам̣ бхож̇абуд̇д̇аана г̇ажча.
Dukkho hi luddehi punā samāgamo, adassanaṃ bhojaputtāna gaccha.
155.
155.
‘‘аг̇амааси со рахад̣̇ам̣ виббасаннам̣, нийлобхаасам̣ раман̣ийяам̣ суд̇ид̇т̇ам̣;
‘‘Agamāsi so rahadaṃ vippasannaṃ, nīlobhāsaṃ ramaṇīyaṃ sutitthaṃ;
самод̇ад̇ам̣ ж̇амб̣ухи взд̇асаахи, баавзгки нид̇д̇ин̣н̣абхаяо бад̇ийд̇о.
Samotataṃ jambuhi vetasāhi, pāvekkhi nittiṇṇabhayo patīto.
156.
156.
‘‘со д̇ам̣ бависса нажирасса нааг̇о, д̣̇иб̣б̣зна мз баад̇урахуу ж̇анинд̣̇а;
‘‘So taṃ pavissa nacirassa nāgo, dibbena me pāturahū janinda;
убадтахий мам̣ бид̇арам̣ва буд̇д̇о, хад̣̇аяан̇г̇амам̣ ган̣н̣асукам̣ бхан̣анд̇о.
Upaṭṭhahī maṃ pitaraṃva putto, hadayaṅgamaṃ kaṇṇasukhaṃ bhaṇanto.
157.
157.
‘‘д̇вам̣ мзси маад̇аа жа бид̇аа ал̣аара, аб̣бханд̇аро баан̣ад̣̇ад̣̇о сахааяо;
‘‘Tvaṃ mesi mātā ca pitā aḷāra, abbhantaro pāṇadado sahāyo;
саган̃жа ид̣̇д̇хим̣ бадилаабхагосми, ал̣аара басса мз нивзсанаани;
Sakañca iddhiṃ paṭilābhakosmi, aḷāra passa me nivesanāni;
бахууд̇абхагкам̣ б̣ахуаннабаанам̣, масаггасаарам̣ вияа ваасавассаа’’д̇и.
Pahūtabhakkhaṃ bahuannapānaṃ, masakkasāraṃ viya vāsavassā’’ti.
д̇ад̇т̇а вимаананд̇и сан̇кабааланааг̇аран̃н̃о анзгасад̇анаадагасамбад̇д̇исамбаннам̣ ган̃жанаман̣ивимаанам̣. бун̃н̃аананд̇и д̇зна гад̇абун̃н̃аанам̣ маханд̇ам̣ вибаагам̣ д̣̇исваа гамман̃жа палан̃жа баралоган̃жа сад̣̇д̣̇ахид̇ваа бавад̇д̇ааяа сад̣̇д̇хааяа ахам̣ баб̣б̣аж̇ид̇о. на гаамагаамаад̇и на вад̇т̇угаамзнаби бхаязнаби д̣̇осзнаби мусаа бхан̣анд̇и. ж̇ааяихид̇ийд̇и, бханд̇з, д̇умхаагам̣ важанам̣ суд̇ваа маяхамби басаад̣̇о соманассам̣ ж̇ааяиссад̇и. ваан̣иж̇ж̇анд̇и ваан̣иж̇ж̇агаммам̣ гариссаамийд̇и г̇ажчанд̇о. бат̇з ад̣̇д̣̇асаасимхийд̇и бан̃жаннам̣ сагадасад̇аанам̣ бурад̇о сукаяаанагз нисийд̣̇ид̇ваа г̇ажчанд̇о махаамаг̇г̇з ж̇анабад̣̇амануссз ад̣̇д̣̇асам̣. бавад̣дхагааяанд̇и вад̣дхид̇агааяам̣. аад̣̇ааяаад̇и адтахи гааж̇зхи г̇ахзд̇ваа. аважамхийд̇и абхаасим̣. бхиймагааяод̇и бхаяаж̇анагагааяо. бхож̇абуд̇д̇аад̇и луд̣̇д̣̇абуд̇д̇агз бияасамуд̣̇аажаарзнаалабад̇и. вид̣̇зхабуд̇д̇аад̇и вид̣̇зхарадтаваасид̇ааяа аал̣аарам̣ аалабим̣су. вигобаяид̇ваад̇и чинд̣̇ид̇ваа. маяан̃хи во сад̇д̇авод̇и маяам̣ бана нааг̇аанам̣ взрино наама. бхож̇анад̇т̇аад̇и бхож̇анад̇т̇ааяа. мид̇д̇ан̃жа но хохийд̇и д̇вам̣ амхаагам̣ мид̇д̇о хохи, гад̇аг̇ун̣ам̣ ж̇аана.
Tattha vimānanti saṅkhapālanāgarañño anekasatanāṭakasampattisampannaṃ kañcanamaṇivimānaṃ. Puññānanti tena katapuññānaṃ mahantaṃ vipākaṃ disvā kammañca phalañca paralokañca saddahitvā pavattāya saddhāya ahaṃ pabbajito. Na kāmakāmāti na vatthukāmenapi bhayenapi dosenapi musā bhaṇanti. Jāyihitīti, bhante, tumhākaṃ vacanaṃ sutvā mayhampi pasādo somanassaṃ jāyissati. Vāṇijjanti vāṇijjakammaṃ karissāmīti gacchanto. Pathe addasāsimhīti pañcannaṃ sakaṭasatānaṃ purato sukhayānake nisīditvā gacchanto mahāmagge janapadamanusse addasaṃ. Pavaḍḍhakāyanti vaḍḍhitakāyaṃ. Ādāyāti aṭṭhahi kājehi gahetvā. Avacamhīti abhāsiṃ. Bhīmakāyoti bhayajanakakāyo. Bhojaputtāti luddaputtake piyasamudācārenālapati. Videhaputtāti videharaṭṭhavāsitāya āḷāraṃ ālapiṃsu. Vikopayitvāti chinditvā. Mayañhi vo sattavoti mayaṃ pana nāgānaṃ verino nāma. Bhojanatthāti bhojanatthāya. Mittañca no hohīti tvaṃ amhākaṃ mitto hohi, kataguṇaṃ jāna.
д̇ад̣̇аассу д̇зд̇и, махаарааж̇а, д̇зхи бхож̇абуд̇д̇зхи звам̣ вуд̇д̇з ахам̣ д̇зсам̣ сол̣аса ваахаг̇он̣з ниваасанабаарубанаани басад̇ам̣ басад̇ам̣ суван̣н̣амаасагз бхарияаанан̃жа нзсам̣ вад̇т̇аалан̇гаарам̣ ад̣̇аасим̣, ат̇а д̇з сан̇кабааланааг̇арааж̇аанам̣ бхуумияам̣ нибаж̇ж̇аабзд̇ваа ад̇д̇ано гагкал̣ад̇ааяа саган̣дагагаал̣авзд̇д̇алад̇ааяа годияам̣ г̇ахзд̇ваа аагад̣дхид̇ум̣ аарабхим̣су. ат̇аахам̣ нааг̇арааж̇аанам̣ гиламанд̇ам̣ д̣̇исваа агиламзнд̇ова асинаа д̇аа лад̇аа чинд̣̇ид̇ваа д̣̇аарагаанам̣ ган̣н̣авзд̇хад̇о ваддинийхаран̣анияаамзна ад̣̇угкаабзнд̇о сан̣игам̣ нийхарим̣, д̇асмим̣ гаалз д̇з бхож̇абуд̇д̇аа яам̣ б̣анд̇ханам̣ асса над̇т̇уд̇о бавзсзд̇ваа баасз бадимоггам̣, д̇асмаа б̣анд̇ханаа д̇ам̣ ураг̇ам̣ можаяим̣су. д̇асса наасад̇о саха баасзна д̇ам̣ раж̇ж̇угам̣ нийхарим̣сууд̇и д̣̇ийбзд̇и. ид̇и д̇з ураг̇ам̣ виссаж̇ж̇зд̇ваа т̇огам̣ г̇анд̇ваа ‘‘аяам̣ ураг̇о д̣̇уб̣б̣ало, мад̇агаалз нам̣ г̇ахзд̇ваа г̇амиссаамаа’’д̇и нилийяим̣су.
Tadāssu teti, mahārāja, tehi bhojaputtehi evaṃ vutte ahaṃ tesaṃ soḷasa vāhagoṇe nivāsanapārupanāni pasataṃ pasataṃ suvaṇṇamāsake bhariyānañca nesaṃ vatthālaṅkāraṃ adāsiṃ, atha te saṅkhapālanāgarājānaṃ bhūmiyaṃ nipajjāpetvā attano kakkhaḷatāya sakaṇṭakakāḷavettalatāya koṭiyaṃ gahetvā ākaḍḍhituṃ ārabhiṃsu. Athāhaṃ nāgarājānaṃ kilamantaṃ disvā akilamentova asinā tā latā chinditvā dārakānaṃ kaṇṇavedhato vaṭṭinīharaṇaniyāmena adukkhāpento saṇikaṃ nīhariṃ, tasmiṃ kāle te bhojaputtā yaṃ bandhanaṃ assa natthuto pavesetvā pāse paṭimokkaṃ, tasmā bandhanā taṃ uragaṃ mocayiṃsu. Tassa nāsato saha pāsena taṃ rajjukaṃ nīhariṃsūti dīpeti. Iti te uragaṃ vissajjetvā thokaṃ gantvā ‘‘ayaṃ urago dubbalo, matakāle naṃ gahetvā gamissāmā’’ti nilīyiṃsu.
бун̣н̣зхийд̇и соби мухуд̇д̇ам̣ баажийнаабхимуко г̇анд̇ваа ассубун̣н̣зхи нзд̇д̇зхи мам̣ балогаяи. д̇ад̣̇аассаханд̇и д̇ад̣̇аа асса ахам̣. г̇ажчзваад̇и звам̣ д̇ам̣ аважанд̇и вад̣̇ад̇и. рахад̣̇анд̇и ган̣н̣авзн̣н̣ад̣̇ахам̣. самод̇ад̇анд̇и убхаяад̇ийрзсу ж̇амб̣уругкавзд̇асаругкзхи од̇ад̇ам̣ вид̇ад̇ам̣. нид̇д̇ин̣н̣абхаяо бад̇ийд̇од̇и со гира д̇ам̣ д̣̇ахам̣ бависанд̇о аал̣аарасса нибажжагаарам̣ д̣̇ассзд̇ваа яаава нан̇г̇удтаа од̇ари, уд̣̇агз бавидтадтаанамзвасса ниб̣бхаяам̣ ахоси, д̇асмаа нид̇д̇ин̣н̣абхаяо бад̇ийд̇о хадтад̇удто баавзгкийд̇и. бависсаад̇и бависид̇ваа. д̣̇иб̣б̣зна мзд̇и нааг̇абхаванз бамаад̣̇ам̣ анаабаж̇ж̇ид̇ваа маяи ган̣н̣авзн̣н̣ад̇ийрам̣ анад̇игганд̇зязва д̣̇иб̣б̣зна бариваарзна мама бурад̇о баад̇урахоси. убадтахийд̇и убааг̇ами. аб̣бханд̇арод̇и хад̣̇аяамам̣сасад̣̇исо. д̇вам̣ мама б̣ахубагааро, саггаарам̣ д̇з гариссаами. басса мз нивзсанаанийд̇и мама нааг̇абхаванам̣ басса. масаггасаарам̣ вияаад̇и масаггасааро вужжад̇и осагганабарисагганаабхаавзна гханасаарад̇ааяа жа синзрубаб̣б̣ад̇арааж̇аа. аяам̣ д̇ад̇т̇а маабид̇ам̣ д̇аавад̇им̣сабхаванам̣ санд̇хааязвамааха.
Puṇṇehīti sopi muhuttaṃ pācīnābhimukho gantvā assupuṇṇehi nettehi maṃ palokayi. Tadāssahanti tadā assa ahaṃ. Gacchevāti evaṃ taṃ avacanti vadati. Rahadanti kaṇṇaveṇṇadahaṃ. Samotatanti ubhayatīresu jamburukkhavetasarukkhehi otataṃ vitataṃ. Nittiṇṇabhayo patītoti so kira taṃ dahaṃ pavisanto āḷārassa nipaccakāraṃ dassetvā yāva naṅguṭṭhā otari, udake paviṭṭhaṭṭhānamevassa nibbhayaṃ ahosi, tasmā nittiṇṇabhayo patīto haṭṭhatuṭṭho pāvekkhīti. Pavissāti pavisitvā. Dibbena meti nāgabhavane pamādaṃ anāpajjitvā mayi kaṇṇaveṇṇatīraṃ anatikkanteyeva dibbena parivārena mama purato pāturahosi. Upaṭṭhahīti upāgami. Abbhantaroti hadayamaṃsasadiso. Tvaṃ mama bahupakāro, sakkāraṃ te karissāmi. Passa me nivesanānīti mama nāgabhavanaṃ passa. Masakkasāraṃ viyāti masakkasāro vuccati osakkanaparisakkanābhāvena ghanasāratāya ca sinerupabbatarājā. Ayaṃ tattha māpitaṃ tāvatiṃsabhavanaṃ sandhāyevamāha.
махаарааж̇а! звам̣ вад̇ваа со нааг̇арааж̇аа уд̇д̇ари ад̇д̇ано нааг̇абхаванам̣ ван̣н̣знд̇о г̇аат̇аад̣̇ваяамааха –
Mahārāja! Evaṃ vatvā so nāgarājā uttari attano nāgabhavanaṃ vaṇṇento gāthādvayamāha –
158.
158.
‘‘д̇ам̣ бхуумибхааг̇зхи убзд̇аруубам̣, асагкараа жзва муд̣̇уу субхаа жа;
‘‘Taṃ bhūmibhāgehi upetarūpaṃ, asakkharā ceva mudū subhā ca;
нийжад̇д̇ин̣аа аббараж̇аа жа бхууми, баасаад̣̇игаа яад̇т̇а ж̇аханд̇и согам̣.
Nīcattiṇā apparajā ca bhūmi, pāsādikā yattha jahanti sokaṃ.
159.
159.
‘‘анаавагулаа взл̣урияуубанийлаа, жад̇уд̣̇д̣̇исам̣ амб̣аванам̣ сураммам̣;
‘‘Anāvakulā veḷuriyūpanīlā, catuddisaṃ ambavanaṃ surammaṃ;
баггаа жа бзсий жа палаа супуллаа, нижжод̇угаа д̇хаараяанд̇ий палааний’’д̇и.
Pakkā ca pesī ca phalā suphullā, niccotukā dhārayantī phalānī’’ti.
д̇ад̇т̇а асагкараад̇и яаа д̇ад̇т̇а бхууми баасаан̣асагкарарахид̇аа муд̣̇у субхаа ган̃жанараж̇ад̇аман̣имаяаа сад̇д̇арад̇анаваалугаагин̣н̣аа. нийжад̇д̇ин̣аад̇и инд̣̇аг̇обагабидтисад̣̇исаван̣н̣зхи нийжад̇ин̣зхи саманнааг̇ад̇аа. аббараж̇аад̇и бам̣сурахид̇аа. яад̇т̇а ж̇аханд̇и соганд̇и яад̇т̇а бавидтамад̇д̇аава ниссогаа хонд̇и. анаавагулаад̇и на авагулаа акаан̣умаа убари уггулавигулабхааварахид̇аа ваа самасан̣тид̇аа. взл̣урияуубанийлаад̇и взл̣уриязна убанийлаа, д̇асмим̣ нааг̇абхаванз взл̣урияамаяаа басаннасалилаа нийлобхаасаа анзгаван̣н̣агамалуббаласан̃чаннаа богкаран̣ийд̇и ад̇т̇о. жад̇уд̣̇д̣̇исанд̇и д̇ассаа богкаран̣ияаа жад̇уусу д̣̇исаасу. баггаа жаад̇и д̇асмим̣ амб̣аванз амб̣аругкаа баггапалаа жа ад̣дхабаггапалаа жа д̇арун̣апалаа жа пуллид̇ааязваад̇и ад̇т̇о. нижжод̇угаад̇и чаннамби уд̇уунам̣ ануруубзхи бубпапалзхи саманнааг̇ад̇аад̇и.
Tattha asakkharāti yā tattha bhūmi pāsāṇasakkhararahitā mudu subhā kañcanarajatamaṇimayā sattaratanavālukākiṇṇā. Nīcattiṇāti indagopakapiṭṭhisadisavaṇṇehi nīcatiṇehi samannāgatā. Apparajāti paṃsurahitā. Yattha jahanti sokanti yattha paviṭṭhamattāva nissokā honti. Anāvakulāti na avakulā akhāṇumā upari ukkulavikulabhāvarahitā vā samasaṇṭhitā. Veḷuriyūpanīlāti veḷuriyena upanīlā, tasmiṃ nāgabhavane veḷuriyamayā pasannasalilā nīlobhāsā anekavaṇṇakamaluppalasañchannā pokkharaṇīti attho. Catuddisanti tassā pokkharaṇiyā catūsu disāsu. Pakkā cāti tasmiṃ ambavane ambarukkhā pakkaphalā ca aḍḍhapakkaphalā ca taruṇaphalā ca phullitāyevāti attho. Niccotukāti channampi utūnaṃ anurūpehi pupphaphalehi samannāgatāti.
160.
160.
д̇зсам̣ ванаанам̣ нарад̣̇зва маж̇жхз, нивзсанам̣ бхассарасаннигаасам̣;
Tesaṃ vanānaṃ naradeva majjhe, nivesanaṃ bhassarasannikāsaṃ;
раж̇ад̇аг̇г̇ал̣ам̣ сован̣н̣амаяам̣ ул̣аарам̣, обхаасад̇ий виж̇ж̇уриванд̇алигкз.
Rajataggaḷaṃ sovaṇṇamayaṃ uḷāraṃ, obhāsatī vijjurivantalikkhe.
161.
161.
‘‘ман̣иймаяаа сон̣н̣амаяаа ул̣аараа, анзгажид̇д̇аа сад̇ад̇ам̣ суниммид̇аа;
‘‘Maṇīmayā soṇṇamayā uḷārā, anekacittā satataṃ sunimmitā;
барибуураа ган̃н̃аахи алан̇гад̇аахи, суван̣н̣агааяуурад̇хараахи рааж̇а.
Paripūrā kaññāhi alaṅkatāhi, suvaṇṇakāyūradharāhi rāja.
162.
162.
‘‘со сан̇кабаало д̇арамаанаруубо, баасаад̣̇амааруяха аномаван̣н̣о;
‘‘So saṅkhapālo taramānarūpo, pāsādamāruyha anomavaṇṇo;
сахассат̇амбхам̣ ад̇улаанубхаавам̣, яад̇т̇асса бхарияаа махзсий ахоси.
Sahassathambhaṃ atulānubhāvaṃ, yatthassa bhariyā mahesī ahosi.
163.
163.
‘‘згаа жа наарий д̇арамаанаруубаа, аад̣̇ааяа взл̣урияамаяам̣ махаг̇гхам̣;
‘‘Ekā ca nārī taramānarūpā, ādāya veḷuriyamayaṃ mahagghaṃ;
субхам̣ ман̣им̣ ж̇аад̇иманд̇уубабаннам̣, ажод̣̇ид̇аа аасанамаб̣бхихааси.
Subhaṃ maṇiṃ jātimantūpapannaṃ, acoditā āsanamabbhihāsi.
164.
164.
‘‘д̇ад̇о мам̣ ураг̇о хад̇т̇з г̇ахзд̇ваа, нисийд̣̇аяий баамукааасанасмим̣;
‘‘Tato maṃ urago hatthe gahetvā, nisīdayī pāmukhaāsanasmiṃ;
ид̣̇амаасанам̣ ад̇ра бхавам̣ нисийд̣̇ад̇у, бхаван̃хи мз ан̃н̃ад̇аро г̇аруунам̣.
Idamāsanaṃ atra bhavaṃ nisīdatu, bhavañhi me aññataro garūnaṃ.
165.
165.
‘‘ан̃н̃аа жа наарий д̇арамаанаруубаа, аад̣̇ааяа ваарим̣ убасан̇гамид̇ваа;
‘‘Aññā ca nārī taramānarūpā, ādāya vāriṃ upasaṅkamitvā;
баад̣̇аани багкаалаяий мз ж̇анинд̣̇а, бхарияаава бхад̇д̇уу бад̇ино бияасса.
Pādāni pakkhālayī me janinda, bhariyāva bhattū patino piyassa.
166.
166.
‘‘абараа жа наарий д̇арамаанаруубаа, баг̇г̇аяха сован̣н̣амаяааяа баад̇ияаа;
‘‘Aparā ca nārī taramānarūpā, paggayha sovaṇṇamayāya pātiyā;
анзгасуубам̣ вивид̇хам̣ вияан̃ж̇анам̣, убанаамаяий бхад̇д̇а манун̃н̃аруубам̣.
Anekasūpaṃ vividhaṃ viyañjanaṃ, upanāmayī bhatta manuññarūpaṃ.
167.
167.
‘‘д̇уриязхи мам̣ бхаарад̇а бхуд̇д̇аванд̇ам̣, убадтахум̣ бхад̇д̇у мано вид̣̇ид̇ваа;
‘‘Turiyehi maṃ bhārata bhuttavantaṃ, upaṭṭhahuṃ bhattu mano viditvā;
д̇ад̇уд̇д̇арим̣ мам̣ нибад̇ий маханд̇ам̣, д̣̇иб̣б̣зхи гаамзхи анаббагзхий’’д̇и.
Tatuttariṃ maṃ nipatī mahantaṃ, dibbehi kāmehi anappakehī’’ti.
д̇ад̇т̇а нивзсананд̇и баасаад̣̇о. бхассарасаннигаасанд̇и бабхассарад̣̇ассанам̣. раж̇ад̇аг̇г̇ал̣анд̇и раж̇ад̇ад̣̇ваарагаваадам̣. ман̣иймаяаад̇и зваруубаа д̇ад̇т̇а гуудааг̇аараа жа г̇аб̣бхаа жа. барибуураад̇и самбун̣н̣аа. со сан̇кабаалод̇и, махаарааж̇а, ахам̣ звам̣ д̇асмим̣ нааг̇абхаванам̣ ван̣н̣знд̇з д̇ам̣ д̣̇адтугаамо ахосим̣, ат̇а мам̣ д̇ад̇т̇а нзд̇ваа со сан̇кабаало хад̇т̇з г̇ахзд̇ваа д̇арамаано взл̣урияат̇амбхзхи сахассат̇амбхам̣ баасаад̣̇ам̣ ааруяха яасмим̣ таанз асса махзсий ахоси, д̇ам̣ таанам̣ нзд̇ийд̇и д̣̇ийбзд̇и. згаа жаад̇и маяи баасаад̣̇ам̣ абхирул̣хз згаа ид̇т̇ий ан̃н̃зхи ман̣ийхи ж̇аад̇имаханд̇зхи убзд̇ам̣ субхам̣ взл̣урияаасанам̣ д̇зна нааг̇арааж̇зна авуд̇д̇аава. аб̣бхихаасийд̇и абхихари, ад̇т̇арийд̇и вуд̇д̇ам̣ ход̇и.
Tattha nivesananti pāsādo. Bhassarasannikāsanti pabhassaradassanaṃ. Rajataggaḷanti rajatadvārakavāṭaṃ. Maṇīmayāti evarūpā tattha kūṭāgārā ca gabbhā ca. Paripūrāti sampuṇṇā. So saṅkhapāloti, mahārāja, ahaṃ evaṃ tasmiṃ nāgabhavanaṃ vaṇṇente taṃ daṭṭhukāmo ahosiṃ, atha maṃ tattha netvā so saṅkhapālo hatthe gahetvā taramāno veḷuriyathambhehi sahassathambhaṃ pāsādaṃ āruyha yasmiṃ ṭhāne assa mahesī ahosi, taṃ ṭhānaṃ netīti dīpeti. Ekā cāti mayi pāsādaṃ abhiruḷhe ekā itthī aññehi maṇīhi jātimahantehi upetaṃ subhaṃ veḷuriyāsanaṃ tena nāgarājena avuttāva. Abbhihāsīti abhihari, attharīti vuttaṃ hoti.
баамукааасанасминд̇и бамукаасанасмим̣, уд̇д̇амаасанз нисийд̣̇аабзсийд̇и ад̇т̇о. г̇аруунанд̇и маад̇аабид̇уунам̣ мз д̇вам̣ ан̃н̃ад̇арод̇и звам̣ вад̇ваа нисийд̣̇аабзси. вивид̇хам̣ вияан̃ж̇ананд̇и вивид̇хам̣ б̣яан̃ж̇анам̣. бхад̇д̇а манун̃н̃аруубанд̇и бхад̇д̇ам̣ манун̃н̃аруубам̣. бхаарад̇аад̇и рааж̇аанам̣ аалабад̇и. бхуд̇д̇аванд̇анд̇и бхуд̇д̇аавим̣ гад̇абхад̇д̇агижжам̣. убадтахунд̇и анзгасад̇зхи д̇уриязхи г̇анд̇хаб̣б̣ам̣ гурумаанаа убадтахим̣су. бхад̇д̇у мано вид̣̇ид̇ваад̇и ад̇д̇ано бад̇ино жид̇д̇ам̣ ж̇аанид̇ваа. д̇ад̇уд̇д̇аринд̇и д̇ад̇о г̇анд̇хаб̣б̣агаран̣ад̇о уд̇д̇арим̣. мам̣ нибад̇ийд̇и со нааг̇арааж̇аа мам̣ убасан̇гами. маханд̇ам̣ д̣̇иб̣б̣зхийд̇и маханд̇зхи ул̣аарзхи д̣̇иб̣б̣зхи гаамзхи д̇зхи жа анаббагзхи.
Pāmukhaāsanasminti pamukhāsanasmiṃ, uttamāsane nisīdāpesīti attho. Garūnanti mātāpitūnaṃ me tvaṃ aññataroti evaṃ vatvā nisīdāpesi. Vividhaṃ viyañjananti vividhaṃ byañjanaṃ. Bhatta manuññarūpanti bhattaṃ manuññarūpaṃ. Bhāratāti rājānaṃ ālapati. Bhuttavantanti bhuttāviṃ katabhattakiccaṃ. Upaṭṭhahunti anekasatehi turiyehi gandhabbaṃ kurumānā upaṭṭhahiṃsu. Bhattu mano viditvāti attano patino cittaṃ jānitvā. Tatuttarinti tato gandhabbakaraṇato uttariṃ. Maṃ nipatīti so nāgarājā maṃ upasaṅkami. Mahantaṃ dibbehīti mahantehi uḷārehi dibbehi kāmehi tehi ca anappakehi.
звам̣ убасан̇гамид̇ваа жа бана г̇аат̇амааха –
Evaṃ upasaṅkamitvā ca pana gāthamāha –
168.
168.
‘‘бхарияаа мамзд̇аа д̇исад̇аа ал̣аара, саб̣б̣ад̇д̇амаж̇жхаа бад̣̇умуд̇д̇араабхаа;
‘‘Bhariyā mametā tisatā aḷāra, sabbattamajjhā padumuttarābhā;
ал̣аара зд̇аассу д̇з гаамагаараа, д̣̇ад̣̇аами д̇з д̇аа барижаараяассуу’’д̇и.
Aḷāra etāssu te kāmakārā, dadāmi te tā paricārayassū’’ti.
д̇ад̇т̇а саб̣б̣ад̇д̇амаж̇жхаад̇и саб̣б̣аа ад̇д̇амаж̇жхаа, баан̣инаа г̇ахид̇аббамаан̣амаж̇жхаад̇и ад̇т̇о. адтагат̇ааяам̣ бана ‘‘сумаж̇жхаа’’д̇и баато. бад̣̇умуд̇д̇араабхаад̇и бад̣̇умаван̣н̣ауд̇д̇араабхаа, бад̣̇умаван̣н̣ауд̇д̇аражчавияод̇и ад̇т̇о. барижаараяассууд̇и д̇аа ад̇д̇ано баад̣̇абарижааригаа гарохийд̇и вад̇ваа д̇ийхи ид̇т̇исад̇зхи сад̣̇д̇хим̣ махаасамбад̇д̇им̣ маяхам̣ ад̣̇ааси.
Tattha sabbattamajjhāti sabbā attamajjhā, pāṇinā gahitappamāṇamajjhāti attho. Aṭṭhakathāyaṃ pana ‘‘sumajjhā’’ti pāṭho. Padumuttarābhāti padumavaṇṇauttarābhā, padumavaṇṇauttaracchaviyoti attho. Paricārayassūti tā attano pādaparicārikā karohīti vatvā tīhi itthisatehi saddhiṃ mahāsampattiṃ mayhaṃ adāsi.
со ааха –
So āha –
169.
169.
‘‘сам̣важчарам̣ д̣̇иб̣б̣арасаанубхуд̇ваа, д̇ад̣̇аассухам̣ уд̇д̇аримаж̇жхабхаасим̣;
‘‘Saṃvaccharaṃ dibbarasānubhutvā, tadāssuhaṃ uttarimajjhabhāsiṃ;
нааг̇ассид̣̇ам̣ гинд̇и гат̇ан̃жа лад̣̇д̇хам̣, гат̇аж̇жхаг̇амааси вимаанасздтам̣.
Nāgassidaṃ kinti kathañca laddhaṃ, kathajjhagamāsi vimānaseṭṭhaṃ.
170.
170.
‘‘ад̇хижжалад̣̇д̇хам̣ барин̣аамаж̇ам̣ д̇з, саяам̣гад̇ам̣ уд̣̇ааху д̣̇звзхи д̣̇иннам̣;
‘‘Adhiccaladdhaṃ pariṇāmajaṃ te, sayaṃkataṃ udāhu devehi dinnaṃ;
бужчаами д̇ам̣ нааг̇арааж̇зд̇амад̇т̇ам̣, гат̇аж̇жхаг̇амааси вимаанасздта’’нд̇и.
Pucchāmi taṃ nāgarājetamatthaṃ, kathajjhagamāsi vimānaseṭṭha’’nti.
д̇ад̇т̇а д̣̇иб̣б̣арасаанубхуд̇ваад̇и д̣̇иб̣б̣з гаамаг̇ун̣арасз анубхавид̇ваа. д̇ад̣̇аассуханд̇и д̇ад̣̇аа ассу ахам̣. нааг̇ассид̣̇анд̇и бхад̣̇рамукасса сан̇кабааланааг̇арааж̇асса ид̣̇ам̣ самбад̇д̇иж̇аад̇ам̣ гинд̇и гим̣ наама гаммам̣ гад̇ваа гат̇ан̃жа гад̇ваа лад̣̇д̇хам̣, гат̇амзд̇ам̣ вимаанасздтам̣ д̇вам̣ аж̇жхаг̇амааси, ид̇и нам̣ ахам̣ бужчим̣. ад̇хижжалад̣̇д̇ханд̇и ахзд̇унаа лад̣̇д̇хам̣. барин̣аамаж̇ам̣ д̇зд̇и гзнажи д̇ава ад̇т̇ааяа барин̣аамид̇ад̇д̇аа барин̣аамад̇о ж̇аад̇ам̣. саяам̣гад̇анд̇и гаарагз баггосаабзд̇ваа рад̇анаани д̣̇ад̇ваа гаарид̇анд̇и.
Tattha dibbarasānubhutvāti dibbe kāmaguṇarase anubhavitvā. Tadāssuhanti tadā assu ahaṃ. Nāgassidanti bhadramukhassa saṅkhapālanāgarājassa idaṃ sampattijātaṃ kinti kiṃ nāma kammaṃ katvā kathañca katvā laddhaṃ, kathametaṃ vimānaseṭṭhaṃ tvaṃ ajjhagamāsi, iti naṃ ahaṃ pucchiṃ. Adhiccaladdhanti ahetunā laddhaṃ. Pariṇāmajaṃ teti kenaci tava atthāya pariṇāmitattā pariṇāmato jātaṃ. Sayaṃkatanti kārake pakkosāpetvā ratanāni datvā kāritanti.
д̇ад̇о бараа д̣̇виннамби важанаббадиважанаг̇аат̇аава –
Tato parā dvinnampi vacanappaṭivacanagāthāva –
171.
171.
‘‘наад̇хижжалад̣̇д̇хам̣ на барин̣аамаж̇ам̣ мз, на саяам̣гад̇ам̣ нааби д̣̇звзхи д̣̇иннам̣;
‘‘Nādhiccaladdhaṃ na pariṇāmajaṃ me, na sayaṃkataṃ nāpi devehi dinnaṃ;
сагзхи гаммзхи абаабагзхи, бун̃н̃зхи мз лад̣̇д̇хамид̣̇ам̣ вимаанам̣.
Sakehi kammehi apāpakehi, puññehi me laddhamidaṃ vimānaṃ.
172.
172.
‘‘гим̣ д̇з вад̇ам̣ гим̣ бана б̣рахмажарияам̣, гисса сужин̣н̣асса аяам̣ вибааго;
‘‘Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;
агкаахи мз нааг̇арааж̇зд̇амад̇т̇ам̣, гат̇ам̣ ну д̇з лад̣̇д̇хамид̣̇ам̣ вимаанам̣.
Akkhāhi me nāgarājetamatthaṃ, kathaṃ nu te laddhamidaṃ vimānaṃ.
173.
173.
‘‘рааж̇аа ахосим̣ маг̇ад̇хаанамиссаро, д̣̇уяяод̇хано наама махаанубхааво;
‘‘Rājā ahosiṃ magadhānamissaro, duyyodhano nāma mahānubhāvo;
со ид̇д̇арам̣ ж̇ийвид̇ам̣ сам̣вид̣̇ид̇ваа, асассад̇ам̣ вибарин̣аамад̇хаммам̣.
So ittaraṃ jīvitaṃ saṃviditvā, asassataṃ vipariṇāmadhammaṃ.
174.
174.
‘‘аннан̃жа баанан̃жа басаннажид̇д̇о, саггажжа д̣̇аанам̣ вибулам̣ ад̣̇аасим̣;
‘‘Annañca pānañca pasannacitto, sakkacca dānaṃ vipulaṃ adāsiṃ;
обаанабхууд̇ам̣ мз гхарам̣ д̇ад̣̇ааси, санд̇аббид̇аа саман̣аб̣раахман̣аа жа.
Opānabhūtaṃ me gharaṃ tadāsi, santappitā samaṇabrāhmaṇā ca.
175.
175.
‘‘маалан̃жа г̇анд̇хан̃жа вилзбанан̃жа, бад̣̇ийбияам̣ яаанамубассаяан̃жа;
‘‘Mālañca gandhañca vilepanañca, padīpiyaṃ yānamupassayañca;
ажчаад̣̇анам̣ саяанамат̇аннабаанам̣, саггажжа д̣̇аанаани ад̣̇амха д̇ад̇т̇а.
Acchādanaṃ sayanamathannapānaṃ, sakkacca dānāni adamha tattha.
176.
176.
‘‘д̇ам̣ мз вад̇ам̣ д̇ам̣ бана б̣рахмажарияам̣, д̇асса сужин̣н̣асса аяам̣ вибааго;
‘‘Taṃ me vataṃ taṃ pana brahmacariyaṃ, tassa suciṇṇassa ayaṃ vipāko;
д̇знзва мз лад̣̇д̇хамид̣̇ам̣ вимаанам̣, бахууд̇абхагкам̣ б̣ахуаннабаанам̣;
Teneva me laddhamidaṃ vimānaṃ, pahūtabhakkhaṃ bahuannapānaṃ;
нажжзхи г̇ийд̇зхи жубзд̇аруубам̣, жирадтид̇игам̣ на жа сассад̇ааяам̣.
Naccehi gītehi cupetarūpaṃ, ciraṭṭhitikaṃ na ca sassatāyaṃ.
177.
177.
‘‘аббаанубхааваа д̇ам̣ махаанубхаавам̣, д̇зж̇ассинам̣ ханд̇и ад̇зж̇аванд̇о;
‘‘Appānubhāvā taṃ mahānubhāvaṃ, tejassinaṃ hanti atejavanto;
гимзва д̣̇аатаавуд̇ха гим̣ бадижжа, хад̇т̇ад̇д̇амааг̇ажчи ваниб̣б̣агаанам̣.
Kimeva dāṭhāvudha kiṃ paṭicca, hatthattamāgacchi vanibbakānaṃ.
178.
178.
‘‘бхаяам̣ ну д̇з анваг̇ад̇ам̣ маханд̇ам̣, д̇зж̇о ну д̇з наанваг̇ам̣ д̣̇анд̇амуулам̣;
‘‘Bhayaṃ nu te anvagataṃ mahantaṃ, tejo nu te nānvagaṃ dantamūlaṃ;
гимзва д̣̇аатаавуд̇ха гим̣ бадижжа, гилзсамаабаж̇ж̇и ваниб̣б̣агаанам̣.
Kimeva dāṭhāvudha kiṃ paṭicca, kilesamāpajji vanibbakānaṃ.
179.
179.
‘‘на мз бхаяам̣ анваг̇ад̇ам̣ маханд̇ам̣, д̇зж̇о на саггаа мама д̇зхи ханд̇ум̣;
‘‘Na me bhayaṃ anvagataṃ mahantaṃ, tejo na sakkā mama tehi hantuṃ;
сад̇ан̃жа д̇хаммаани сугид̇д̇ид̇аани, самуд̣̇д̣̇авзлаава д̣̇уражжаяаани.
Satañca dhammāni sukittitāni, samuddavelāva duraccayāni.
180.
180.
‘‘жаад̇уд̣̇д̣̇асим̣ бан̃жад̣̇асим̣ ал̣аара, убосат̇ам̣ нижжамубаавасаами;
‘‘Cātuddasiṃ pañcadasiṃ aḷāra, uposathaṃ niccamupāvasāmi;
ат̇ааг̇амум̣ сол̣аса бхож̇абуд̇д̇аа, раж̇ж̇ум̣ г̇ахзд̇ваана д̣̇ал̣хан̃жа баасам̣.
Athāgamuṃ soḷasa bhojaputtā, rajjuṃ gahetvāna daḷhañca pāsaṃ.
181.
181.
‘‘бхзд̇ваана наасам̣ ад̇игасса раж̇ж̇ум̣, наяим̣су мам̣ самбариг̇аяха луд̣̇д̣̇аа;
‘‘Bhetvāna nāsaṃ atikassa rajjuṃ, nayiṃsu maṃ samparigayha luddā;
зд̇аад̣̇исам̣ д̣̇угкамахам̣ д̇ид̇игкам̣, убосат̇ам̣ аббадигобаяанд̇о.
Etādisaṃ dukkhamahaṃ titikkhaṃ, uposathaṃ appaṭikopayanto.
182.
182.
‘‘згааяанз д̇ам̣ бат̇з ад̣̇д̣̇асам̣су, б̣алзна ван̣н̣зна жубзд̇аруубам̣;
‘‘Ekāyane taṃ pathe addasaṃsu, balena vaṇṇena cupetarūpaṃ;
сирияаа бан̃н̃ааяа жа бхаавид̇оси, гим̣ бад̇т̇аяам̣ нааг̇а д̇або гароси.
Siriyā paññāya ca bhāvitosi, kiṃ patthayaṃ nāga tapo karosi.
183.
183.
‘‘на буд̇д̇ахзд̇уу на д̇ханасса хзд̇уу, на ааяуно жааби ал̣аара хзд̇у;
‘‘Na puttahetū na dhanassa hetū, na āyuno cāpi aḷāra hetu;
мануссаяоним̣ абхибад̇т̇аяаано, д̇асмаа бараггама д̇або гароми.
Manussayoniṃ abhipatthayāno, tasmā parakkama tapo karomi.
184.
184.
‘‘д̇вам̣ лохид̇агко вихад̇анд̇арам̣со, алан̇гад̇о габбид̇агзсамассу;
‘‘Tvaṃ lohitakkho vihatantaraṃso, alaṅkato kappitakesamassu;
суросид̇о лохид̇ажанд̣̇анзна, г̇анд̇хаб̣б̣арааж̇аава д̣̇исаа бабхаасаси.
Surosito lohitacandanena, gandhabbarājāva disā pabhāsasi.
185.
185.
‘‘д̣̇звид̣̇д̇хибад̇д̇оси махаанубхааво, саб̣б̣зхи гаамзхи саман̇г̇ибхууд̇о;
‘‘Deviddhipattosi mahānubhāvo, sabbehi kāmehi samaṅgibhūto;
бужчаами д̇ам̣ нааг̇арааж̇зд̇амад̇т̇ам̣, сзяяо ид̇о гзна мануссалого.
Pucchāmi taṃ nāgarājetamatthaṃ, seyyo ito kena manussaloko.
186.
186.
‘‘ал̣аара наан̃н̃ад̇ра мануссалогаа, суд̣̇д̇хийва сам̣виж̇ж̇ад̇и сам̣яамо ваа;
‘‘Aḷāra nāññatra manussalokā, suddhīva saṃvijjati saṃyamo vā;
ахан̃жа лад̣̇д̇хаана мануссаяоним̣, гаахаами ж̇аад̇имаран̣асса анд̇ам̣.
Ahañca laddhāna manussayoniṃ, kāhāmi jātimaraṇassa antaṃ.
187.
187.
‘‘сам̣важчаро мз васад̇о д̇аванд̇игз, аннзна баанзна убадтид̇осми;
‘‘Saṃvaccharo me vasato tavantike, annena pānena upaṭṭhitosmi;
ааманд̇аяид̇ваана балзми нааг̇а, жираббавудтосми ахам̣ ж̇анинд̣̇а.
Āmantayitvāna palemi nāga, cirappavuṭṭhosmi ahaṃ janinda.
188.
188.
‘‘буд̇д̇аа жа д̣̇аараа ануж̇ийвино жа, нижжаанусидтаа убад̇идтат̇зд̇ам̣;
‘‘Puttā ca dārā anujīvino ca, niccānusiṭṭhā upatiṭṭhathetaṃ;
гажжинну д̇ам̣ наабхисабид̇т̇а гожи, бияан̃хи мз д̣̇ассанам̣ д̇уяхам̣ ал̣аара.
Kaccinnu taṃ nābhisapittha koci, piyañhi me dassanaṃ tuyhaṃ aḷāra.
189.
189.
‘‘яат̇ааби маад̇уу жа бид̇уу аг̇аарз, буд̇д̇о бияо бадивихид̇о васзяяа;
‘‘Yathāpi mātū ca pitū agāre, putto piyo paṭivihito vaseyya;
д̇ад̇оби маяхам̣ ид̇хамзва сзяяо, жид̇д̇ан̃хи д̇з нааг̇а маяий басаннам̣.
Tatopi mayhaṃ idhameva seyyo, cittañhi te nāga mayī pasannaṃ.
190.
190.
‘‘ман̣ий мамам̣ виж̇ж̇ад̇и лохид̇ан̇го, д̇ханаахаро ман̣ирад̇анам̣ ул̣аарам̣;
‘‘Maṇī mamaṃ vijjati lohitaṅko, dhanāharo maṇiratanaṃ uḷāraṃ;
аад̣̇ааяа д̇вам̣ г̇ажча сагам̣ нигзд̇ам̣, лад̣̇д̇хаа д̇ханам̣ д̇ам̣ ман̣имоссаж̇ассуу’’д̇и.
Ādāya tvaṃ gaccha sakaṃ niketaṃ, laddhā dhanaṃ taṃ maṇimossajassū’’ti.
д̇ад̇т̇а гим̣ д̇з вад̇анд̇и гим̣ д̇ава вад̇асамаад̣̇аанам̣. б̣рахмажарияанд̇и сздтажарияам̣. обаанабхууд̇анд̇и жад̇умахаабат̇з кад̇абогкаран̣ий вияа д̇хаммигасаман̣аб̣раахман̣аанам̣ яат̇аасукам̣ барибхун̃ж̇ид̇аб̣б̣авибхавам̣. на жа сассад̇ааяанд̇и жирадтид̇игам̣ самаанамби жз д̇ам̣ маяхам̣ сассад̇ам̣ на ход̇ийд̇и мз гат̇зд̇и.
Tattha kiṃ te vatanti kiṃ tava vatasamādānaṃ. Brahmacariyanti seṭṭhacariyaṃ. Opānabhūtanti catumahāpathe khatapokkharaṇī viya dhammikasamaṇabrāhmaṇānaṃ yathāsukhaṃ paribhuñjitabbavibhavaṃ. Na ca sassatāyanti ciraṭṭhitikaṃ samānampi ce taṃ mayhaṃ sassataṃ na hotīti me katheti.
аббаанубхааваад̇и бхож̇абуд̇д̇з санд̇хааяааха. ханд̇ийд̇и адтасу таанзсу суулзхи виж̇жханд̇аа гим̣гааран̣аа ханим̣су. гим̣ бадижжаад̇и гим̣ санд̇хааяа д̇вам̣ д̇ад̣̇аа д̇зсам̣ хад̇т̇ад̇д̇ам̣ ааг̇ажчи васам̣ убаг̇ад̇о. ваниб̣б̣агаананд̇и бхож̇абуд̇д̇аа ид̇ха ‘‘ваниб̣б̣агаа’’д̇и вуд̇д̇аа. д̇зж̇о ну д̇з наанваг̇ам̣ д̣̇анд̇амууланд̇и гим̣ ну д̇ава д̇зж̇о бхож̇абуд̇д̇з д̣̇исваа д̇ад̣̇аа бхаяам̣ маханд̇ам̣ анваг̇ад̇ам̣, уд̣̇ааху висам̣ д̣̇анд̇амуулам̣ на анваг̇ад̇ам̣. гилзсанд̇и д̣̇угкам̣. ваниб̣б̣агаананд̇и бхож̇абуд̇д̇аанам̣ санд̇игз, бхож̇абуд̇д̇з ниссааяаад̇и ад̇т̇о.
Appānubhāvāti bhojaputte sandhāyāha. Hantīti aṭṭhasu ṭhānesu sūlehi vijjhantā kiṃkāraṇā haniṃsu. Kiṃ paṭiccāti kiṃ sandhāya tvaṃ tadā tesaṃ hatthattaṃ āgacchi vasaṃ upagato. Vanibbakānanti bhojaputtā idha ‘‘vanibbakā’’ti vuttā. Tejo nu te nānvagaṃ dantamūlanti kiṃ nu tava tejo bhojaputte disvā tadā bhayaṃ mahantaṃ anvagataṃ, udāhu visaṃ dantamūlaṃ na anvagataṃ. Kilesanti dukkhaṃ. Vanibbakānanti bhojaputtānaṃ santike, bhojaputte nissāyāti attho.
д̇зж̇о на саггаа мама д̇зхи ханд̇унд̇и мама висад̇зж̇о ан̃н̃асса д̇зж̇зна абхиханд̇умби на саггаа. сад̇анд̇и б̣уд̣̇д̇хаад̣̇ийнам̣. д̇хаммаанийд̇и сийласамаад̇хибан̃н̃ааканд̇иануд̣̇д̣̇аяамзд̇д̇аабхааванаасан̇каад̇аани д̇хаммаани. сугид̇д̇ид̇аанийд̇и суван̣н̣ид̇аани сугат̇ид̇аани. гинд̇и гад̇ваа? самуд̣̇д̣̇авзлаава д̣̇уражжаяаанийд̇и д̇зхи самуд̣̇д̣̇авзлаа вияа саббурисзхи ж̇ийвид̇ад̇т̇амби д̣̇уражжаяаанийд̇и ван̣н̣ид̇аани, д̇асмаа ахам̣ сийлабхзд̣̇абхаязна канд̇имзд̇д̇аад̣̇исаманнааг̇ад̇о худ̇ваа мама гобасса сийлавзланд̇ам̣ ад̇иггамид̇ум̣ на ад̣̇аасинд̇и ааха.
Tejo na sakkā mama tehi hantunti mama visatejo aññassa tejena abhihantumpi na sakkā. Satanti buddhādīnaṃ. Dhammānīti sīlasamādhipaññākhantianuddayamettābhāvanāsaṅkhātāni dhammāni. Sukittitānīti suvaṇṇitāni sukathitāni. Kinti katvā? Samuddavelāva duraccayānīti tehi samuddavelā viya sappurisehi jīvitatthampi duraccayānīti vaṇṇitāni, tasmā ahaṃ sīlabhedabhayena khantimettādisamannāgato hutvā mama kopassa sīlavelantaṃ atikkamituṃ na adāsinti āha.
‘‘имиссаа бана сан̇кабаалад̇хаммад̣̇зсанааяа д̣̇асаби баарамияо лаб̣бханд̇и. д̇ад̣̇аа хи махаасад̇д̇зна сарийрасса барижжад̇д̇абхааво д̣̇аанабаарамий наама ход̇и, д̇ат̇ааруубзнааби висад̇зж̇зна сийласса абхиннад̇аа сийлабаарамий, нааг̇абхаванад̇о нигкамид̇ваа саман̣ад̇хаммагаран̣ам̣ нзгкаммабаарамий, ‘ид̣̇ан̃жид̣̇ан̃жа гаад̇ум̣ ваддад̇ий’д̇и сам̣вид̣̇аханам̣ бан̃н̃аабаарамий, ад̇хиваасанавийрияам̣ вийрияабаарамий, ад̇хиваасанаканд̇и канд̇ибаарамий, сажжасамаад̣̇аанам̣ сажжабаарамий, ‘мама сийлам̣ на бхинд̣̇иссаамий’д̇и ад̇хидтаанам̣ ад̇хидтаанабаарамий, ануд̣̇д̣̇аяабхааво мзд̇д̇аабаарамий, взд̣̇анааяа маж̇жхад̇д̇абхааво убзгкаабаарамий’’д̇и.
‘‘Imissā pana saṅkhapāladhammadesanāya dasapi pāramiyo labbhanti. Tadā hi mahāsattena sarīrassa pariccattabhāvo dānapāramī nāma hoti, tathārūpenāpi visatejena sīlassa abhinnatā sīlapāramī, nāgabhavanato nikkhamitvā samaṇadhammakaraṇaṃ nekkhammapāramī, ‘idañcidañca kātuṃ vaṭṭatī’ti saṃvidahanaṃ paññāpāramī, adhivāsanavīriyaṃ vīriyapāramī, adhivāsanakhanti khantipāramī, saccasamādānaṃ saccapāramī, ‘mama sīlaṃ na bhindissāmī’ti adhiṭṭhānaṃ adhiṭṭhānapāramī, anuddayabhāvo mettāpāramī, vedanāya majjhattabhāvo upekkhāpāramī’’ti.
ат̇ааг̇амунд̇и ат̇згад̣̇ивасам̣ ваммигамад̇т̇агз нибаннам̣ д̣̇исваа сол̣аса бхож̇абуд̇д̇аа карараж̇ж̇ун̃жа д̣̇ал̣хабаасан̃жа суулаани жа г̇ахзд̇ваа мама санд̇игам̣ ааг̇ад̇аа. бхзд̇ваанаад̇и мама сарийрам̣ адтасу таанзсу бхинд̣̇ид̇ваа саган̣дагагаал̣авзд̇д̇алад̇аа бавзсзд̇ваа. наасам̣ ад̇игасса раж̇ж̇унд̇и т̇огам̣ г̇анд̇ваа сийсам̣ мз оламб̣анд̇ам̣ д̣̇исваа махаамаг̇г̇з нибаж̇ж̇аабзд̇ваа буна наасамби мз бхинд̣̇ид̇ваа ваддараж̇ж̇ум̣ ад̇игасса аавунид̇ваа гааж̇агодияам̣ лаг̇г̇зд̇ваа саманд̇ад̇о бариг̇г̇ахзд̇ваа мам̣ наяим̣су.
Athāgamunti athekadivasaṃ vammikamatthake nipannaṃ disvā soḷasa bhojaputtā khararajjuñca daḷhapāsañca sūlāni ca gahetvā mama santikaṃ āgatā. Bhetvānāti mama sarīraṃ aṭṭhasu ṭhānesu bhinditvā sakaṇṭakakāḷavettalatā pavesetvā. Nāsaṃ atikassa rajjunti thokaṃ gantvā sīsaṃ me olambantaṃ disvā mahāmagge nipajjāpetvā puna nāsampi me bhinditvā vaṭṭarajjuṃ atikassa āvunitvā kājakoṭiyaṃ laggetvā samantato pariggahetvā maṃ nayiṃsu.
ад̣̇д̣̇асам̣сууд̇и, самма сан̇кабаала, д̇з бхож̇абуд̇д̇аа згааяанз згаг̇аманз ж̇ан̇гхабад̣̇игамаг̇г̇з д̇ам̣ б̣алзна жа ван̣н̣зна жа убзд̇аруубам̣ бассим̣су, д̇вам̣ бана иссарияасобхаг̇г̇асирияаа жа бан̃н̃ааяа жа бхаавид̇о вад̣дхид̇о, со д̇вам̣ зваруубо самааноби гимад̇т̇ам̣ д̇абам̣ гароси, гимижчанд̇о убосат̇аваасам̣ васаси, сийлам̣ рагкаси. ‘‘ад̣̇д̣̇асааси’’нд̇иби баато, ахам̣ згааяанз махаамаг̇г̇з д̇ам̣ ад̣̇д̣̇асинд̇и ад̇т̇о. абхибад̇т̇аяаанод̇и бад̇т̇знд̇о. д̇асмаад̇и яасмаа мануссаяоним̣ бад̇т̇зми, д̇асмаа вийриязна бараггамид̇ваа д̇абогаммам̣ гароми.
Addasaṃsūti, samma saṅkhapāla, te bhojaputtā ekāyane ekagamane jaṅghapadikamagge taṃ balena ca vaṇṇena ca upetarūpaṃ passiṃsu, tvaṃ pana issariyasobhaggasiriyā ca paññāya ca bhāvito vaḍḍhito, so tvaṃ evarūpo samānopi kimatthaṃ tapaṃ karosi, kimicchanto uposathavāsaṃ vasasi, sīlaṃ rakkhasi. ‘‘Addasāsi’’ntipi pāṭho, ahaṃ ekāyane mahāmagge taṃ addasinti attho. Abhipatthayānoti patthento. Tasmāti yasmā manussayoniṃ patthemi, tasmā vīriyena parakkamitvā tapokammaṃ karomi.
суросид̇од̇и судту манулид̇д̇о. ид̇од̇и имамхаа нааг̇абхаванаа мануссалого гзна уд̇д̇арид̇аро. суд̣̇д̇хийд̇и маг̇г̇апаланиб̣б̣аанасан̇каад̇аа висуд̣̇д̇хи. сам̣яамод̇и сийлам̣. ид̣̇ам̣ со мануссалогзязва б̣уд̣̇д̇хабажжзгаб̣уд̣̇д̇хаанам̣ уббад̇д̇им̣ санд̇хааяааха. гаахаамийд̇и ад̇д̇ано аббадисанд̇хигабхаавам̣ гаронд̇о ж̇аад̇иж̇араамаран̣ассанд̇ам̣ гариссаамийд̇и. звам̣, махаарааж̇а, со сан̇кабаало мануссалогам̣ ван̣н̣зси. сам̣важчаро мзд̇и звам̣, махаарааж̇а, д̇асмим̣ мануссалогам̣ ван̣н̣знд̇з ахам̣ баб̣б̣аж̇ж̇ааяа синзхам̣ гад̇ваа зд̇ад̣̇авожам̣. д̇ад̇т̇а убадтид̇осмийд̇и аннабаанзна жзва д̣̇иб̣б̣зхи жа гаамаг̇ун̣зхи барижин̣н̣о маанид̇о асми. балзмийд̇и барзми г̇ажчаами. жираббавудтосмийд̇и ахам̣ мануссалогад̇о жираббавудто асми.
Surositoti suṭṭhu manulitto. Itoti imamhā nāgabhavanā manussaloko kena uttaritaro. Suddhīti maggaphalanibbānasaṅkhātā visuddhi. Saṃyamoti sīlaṃ. Idaṃ so manussalokeyeva buddhapaccekabuddhānaṃ uppattiṃ sandhāyāha. Kāhāmīti attano appaṭisandhikabhāvaṃ karonto jātijarāmaraṇassantaṃ karissāmīti. Evaṃ, mahārāja, so saṅkhapālo manussalokaṃ vaṇṇesi. Saṃvaccharo meti evaṃ, mahārāja, tasmiṃ manussalokaṃ vaṇṇente ahaṃ pabbajjāya sinehaṃ katvā etadavocaṃ. Tattha upaṭṭhitosmīti annapānena ceva dibbehi ca kāmaguṇehi pariciṇṇo mānito asmi. Palemīti paremi gacchāmi. Cirappavuṭṭhosmīti ahaṃ manussalokato cirappavuṭṭho asmi.
наабхисабид̇т̇аад̇и гажжи ну ко мама буд̇д̇аад̣̇ийсу гожи д̇ам̣ на аггоси на барибхаасийд̇и бужчад̇и. ‘‘наабхисаж̇ж̇зт̇аа’’д̇иби баато, на гобзсийд̇и ад̇т̇о. бадивихид̇од̇и бадиж̇аг̇г̇ид̇о. ман̣ий маманд̇и сажз, самма аал̣аара, г̇ажчасиязва, звам̣ санд̇з мама лохид̇ан̇го д̇ханахаараго саб̣б̣агаамад̣̇ад̣̇о ман̣и сам̣виж̇ж̇ад̇и, д̇ам̣ ул̣аарам̣ ман̣ирад̇анам̣ аад̣̇ааяа д̇ава г̇зхам̣ г̇ажча, д̇ад̇т̇а имассаанубхаавзна яаавад̣̇ижчагам̣ д̇ханам̣ лад̣̇д̇хаа буна имам̣ ман̣им̣ оссаж̇ассу, оссаж̇анд̇о жа ан̃н̃ад̇т̇а аноссаж̇ид̇ваа ад̇д̇ано уд̣̇агажаадияам̣ оссаж̇зяяаасийд̇и вад̇ваа маяхам̣ ман̣ирад̇анам̣ убанзсийд̇и вад̣̇ад̇и.
Nābhisapitthāti kacci nu kho mama puttādīsu koci taṃ na akkosi na paribhāsīti pucchati. ‘‘Nābhisajjethā’’tipi pāṭho, na kopesīti attho. Paṭivihitoti paṭijaggito. Maṇī mamanti sace, samma āḷāra, gacchasiyeva, evaṃ sante mama lohitaṅko dhanahārako sabbakāmadado maṇi saṃvijjati, taṃ uḷāraṃ maṇiratanaṃ ādāya tava gehaṃ gaccha, tattha imassānubhāvena yāvadicchakaṃ dhanaṃ laddhā puna imaṃ maṇiṃ ossajassu, ossajanto ca aññattha anossajitvā attano udakacāṭiyaṃ ossajeyyāsīti vatvā mayhaṃ maṇiratanaṃ upanesīti vadati.
звам̣ вад̇ваа аал̣ааро ‘‘ат̇аахам̣, махаарааж̇а, нааг̇арааж̇аанам̣ зд̇ад̣̇авожам̣ – ‘самма, наахам̣ д̇ханзнад̇т̇иго, баб̣б̣аж̇ид̇ум̣ бана ижчаамий’д̇и баб̣б̣аж̇ид̇абаригкаарам̣ яаажид̇ваа д̇знзва сад̣̇д̇хим̣ нааг̇абхаванаа нигкамид̇ваа д̇ам̣ нивад̇д̇зд̇ваа химаванд̇ам̣ бависид̇ваа баб̣б̣аж̇ид̇омхий’’д̇и вад̇ваа ран̃н̃о д̇хаммагат̇ам̣ гат̇знд̇о г̇аат̇аад̣̇ваяамааха –
Evaṃ vatvā āḷāro ‘‘athāhaṃ, mahārāja, nāgarājānaṃ etadavocaṃ – ‘samma, nāhaṃ dhanenatthiko, pabbajituṃ pana icchāmī’ti pabbajitaparikkhāraṃ yācitvā teneva saddhiṃ nāgabhavanā nikkhamitvā taṃ nivattetvā himavantaṃ pavisitvā pabbajitomhī’’ti vatvā rañño dhammakathaṃ kathento gāthādvayamāha –
191.
191.
‘‘д̣̇идтаа маяаа маанусагааби гаамаа, асассад̇аа вибарин̣аамад̇хаммаа;
‘‘Diṭṭhā mayā mānusakāpi kāmā, asassatā vipariṇāmadhammā;
аад̣̇ийнавам̣ гаамаг̇ун̣зсу д̣̇исваа, сад̣̇д̇хааяахам̣ баб̣б̣аж̇ид̇омхи рааж̇а.
Ādīnavaṃ kāmaguṇesu disvā, saddhāyahaṃ pabbajitomhi rāja.
192.
192.
‘‘д̣̇умабпалаанийва бад̇анд̇и маан̣аваа, д̣̇ахараа жа вуд̣̇д̇хаа жа сарийрабхзд̣̇аа;
‘‘Dumapphalānīva patanti māṇavā, daharā ca vuddhā ca sarīrabhedā;
зд̇амби д̣̇исваа баб̣б̣аж̇ид̇омхи рааж̇а, абан̣н̣агам̣ сааман̃н̃амзва сзяяо’’д̇и.
Etampi disvā pabbajitomhi rāja, apaṇṇakaṃ sāmaññameva seyyo’’ti.
д̇ад̇т̇а сад̣̇д̇хааяаад̇и гамман̃жа палан̃жа ниб̣б̣аанан̃жа сад̣̇д̣̇ахид̇ваа. д̣̇умабпалаанийва бад̇анд̇ийд̇и яат̇аа ругкапалаани баггааниби абаггааниби бад̇анд̇и, д̇ат̇аа маан̣аваа д̣̇ахараа жа вуд̣̇д̇хаа жа бад̇анд̇и. абан̣н̣аганд̇и авирад̣̇д̇хам̣ нияяаанигам̣. сааман̃н̃амзва сзяяод̇и баб̣б̣аж̇ж̇аава уд̇д̇амаад̇и баб̣б̣аж̇ж̇ааяа г̇ун̣ам̣ д̣̇исваа баб̣б̣аж̇ид̇омхи, махаарааж̇аад̇и.
Tattha saddhāyāti kammañca phalañca nibbānañca saddahitvā. Dumapphalānīva patantīti yathā rukkhaphalāni pakkānipi apakkānipi patanti, tathā māṇavā daharā ca vuddhā ca patanti. Apaṇṇakanti aviraddhaṃ niyyānikaṃ. Sāmaññameva seyyoti pabbajjāva uttamāti pabbajjāya guṇaṃ disvā pabbajitomhi, mahārājāti.
д̇ам̣ суд̇ваа рааж̇аа ананд̇арам̣ г̇аат̇амааха –
Taṃ sutvā rājā anantaraṃ gāthamāha –
193.
193.
‘‘ад̣̇д̇хаа хавз сзвид̇аб̣б̣аа сабан̃н̃аа, б̣ахуссуд̇аа яз б̣ахутаанажинд̇ино;
‘‘Addhā have sevitabbā sapaññā, bahussutā ye bahuṭhānacintino;
нааг̇ан̃жа суд̇ваана д̇аван̃жал̣аара, гаахаами бун̃н̃аани анаббагааний’’д̇и.
Nāgañca sutvāna tavañcaḷāra, kāhāmi puññāni anappakānī’’ti.
д̇ад̇т̇а яз б̣ахутаанажинд̇инод̇и яз б̣ахууни гааран̣аани ж̇аананд̇и. нааг̇ан̃жаад̇и д̇ат̇аа аббамаад̣̇авихааринам̣ нааг̇арааж̇аанан̃жа д̇ава жа важанам̣ суд̇ваа.
Tattha ye bahuṭhānacintinoti ye bahūni kāraṇāni jānanti. Nāgañcāti tathā appamādavihārinaṃ nāgarājānañca tava ca vacanaṃ sutvā.
ат̇асса уссаахам̣ ж̇анзнд̇о д̇аабасо осаанаг̇аат̇амааха –
Athassa ussāhaṃ janento tāpaso osānagāthamāha –
194.
194.
‘‘ад̣̇д̇хаа хавз сзвид̇аб̣б̣аа сабан̃н̃аа, б̣ахуссуд̇аа яз б̣ахутаанажинд̇ино;
‘‘Addhā have sevitabbā sapaññā, bahussutā ye bahuṭhānacintino;
нааг̇ан̃жа суд̇ваана маман̃жа рааж̇а, гарохи бун̃н̃аани анаббагааний’’д̇и.
Nāgañca sutvāna mamañca rāja, karohi puññāni anappakānī’’ti.
звам̣ со ран̃н̃о д̇хаммам̣ д̣̇зсзд̇ваа д̇ад̇т̇зва жад̇д̇ааро вассаанамаасз васид̇ваа буна химаванд̇ам̣ г̇анд̇ваа яааваж̇ийвам̣ жад̇д̇ааро б̣рахмавихаарз бхаавзд̇ваа б̣рахмалогуубаг̇о ахоси. сан̇кабаалоби яааваж̇ийвам̣ убосат̇аваасам̣ васид̇ваа рааж̇аа жа д̣̇аанаад̣̇ийни бун̃н̃аани гарид̇ваа яат̇аагаммам̣ г̇ад̇аа.
Evaṃ so rañño dhammaṃ desetvā tattheva cattāro vassānamāse vasitvā puna himavantaṃ gantvā yāvajīvaṃ cattāro brahmavihāre bhāvetvā brahmalokūpago ahosi. Saṅkhapālopi yāvajīvaṃ uposathavāsaṃ vasitvā rājā ca dānādīni puññāni karitvā yathākammaṃ gatā.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бид̇аа д̇аабасо гассабо ахоси, б̣аараан̣асирааж̇аа аананд̣̇о, аал̣ааро саарибуд̇д̇о, сан̇кабааланааг̇арааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā pitā tāpaso kassapo ahosi, bārāṇasirājā ānando, āḷāro sāriputto, saṅkhapālanāgarājā pana ahameva ahosi’’nti.
сан̇кабаалаж̇аад̇агаван̣н̣анаа жад̇уд̇т̇аа.
Saṅkhapālajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 524. сан̇кабаалаж̇аад̇агам̣ • 524. Saṅkhapālajātakaṃ
