| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. сан̇каарубабад̇д̇исуд̇д̇аван̣н̣анаа
10. Saṅkhārupapattisuttavaṇṇanā
160. звам̣ мз суд̇анд̇и сан̇каарубабад̇д̇исуд̇д̇ам̣. д̇ад̇т̇а сан̇каарубабад̇д̇инд̇и сан̇каараанам̣язва убабад̇д̇им̣, на сад̇д̇асса, на босасса, бун̃н̃аабхисан̇каарзна ваа бхавуубаг̇агканд̇хаанам̣ убабад̇д̇им̣.
160.Evaṃme sutanti saṅkhārupapattisuttaṃ. Tattha saṅkhārupapattinti saṅkhārānaṃyeva upapattiṃ, na sattassa, na posassa, puññābhisaṅkhārena vā bhavūpagakkhandhānaṃ upapattiṃ.
161. сад̣̇д̇хааяа саманнааг̇ад̇од̇и сад̣̇д̇хаад̣̇аяо бан̃жа д̇хаммаа логигаа вадданд̇и. д̣̇ахад̇ийд̇и табзд̇и. ад̇хидтаад̇ийд̇и бад̇идтаабзд̇и. сан̇каараа жа вихаараа жаад̇и саха бад̇т̇анааяа сад̣̇д̇хаад̣̇аяова бан̃жа д̇хаммаа. д̇ад̇рубабад̇д̇ияаад̇и д̇асмим̣ таанз ниб̣б̣ад̇д̇анад̇т̇ааяа. аяам̣ маг̇г̇о аяам̣ бадибад̣̇аад̇и саха бад̇т̇анааяа бан̃жа д̇хаммаава. яасса хи бан̃жа д̇хаммаа ад̇т̇и, на бад̇т̇анаа, д̇асса г̇ад̇и аниб̣ад̣̇д̇хаа. яасса бад̇т̇анаа ад̇т̇и, на бан̃жа д̇хаммаа, д̇ассаби аниб̣ад̣̇д̇хаа. язсам̣ убхаяам̣ ад̇т̇и, д̇зсам̣ г̇ад̇и ниб̣ад̣̇д̇хаа. яат̇аа хи аагаасз кид̇д̇ад̣̇ан̣д̣о аг̇г̇зна ваа маж̇жхзна ваа муулзна ваа нибад̇иссад̇ийд̇и нияамо над̇т̇и, звам̣ сад̇д̇аанам̣ бадисанд̇хиг̇г̇ахан̣ам̣ анияад̇ам̣. д̇асмаа гусалам̣ гаммам̣ гад̇ваа згасмим̣ таанз бад̇т̇анам̣ гаад̇ум̣ ваддад̇и.
161.Saddhāya samannāgatoti saddhādayo pañca dhammā lokikā vaṭṭanti. Dahatīti ṭhapeti. Adhiṭṭhātīti patiṭṭhāpeti. Saṅkhārā ca vihārā cāti saha patthanāya saddhādayova pañca dhammā. Tatrupapattiyāti tasmiṃ ṭhāne nibbattanatthāya. Ayaṃ maggo ayaṃ paṭipadāti saha patthanāya pañca dhammāva. Yassa hi pañca dhammā atthi, na patthanā, tassa gati anibaddhā. Yassa patthanā atthi, na pañca dhammā, tassapi anibaddhā. Yesaṃ ubhayaṃ atthi, tesaṃ gati nibaddhā. Yathā hi ākāse khittadaṇḍo aggena vā majjhena vā mūlena vā nipatissatīti niyamo natthi, evaṃ sattānaṃ paṭisandhiggahaṇaṃ aniyataṃ. Tasmā kusalaṃ kammaṃ katvā ekasmiṃ ṭhāne patthanaṃ kātuṃ vaṭṭati.
165. ааман̣д̣анд̇и аамалагам̣. яат̇аа д̇ам̣ барисуд̣̇д̇хажагкусса бурисасса саб̣б̣асова баагадам̣ ход̇и, звам̣ д̇асса б̣рахмуно сад̣̇д̇хим̣ д̇ад̇т̇а ниб̣б̣ад̇д̇асад̇д̇зхи сахассий логад̇хаад̇у. зса наяо саб̣б̣ад̇т̇а.
165.Āmaṇḍanti āmalakaṃ. Yathā taṃ parisuddhacakkhussa purisassa sabbasova pākaṭaṃ hoti, evaṃ tassa brahmuno saddhiṃ tattha nibbattasattehi sahassī lokadhātu. Esa nayo sabbattha.
167. субход̇и сунд̣̇аро. ж̇аад̇имаад̇и аагарасамбанно. субаригаммагад̇од̇и д̇хованаад̣̇ийхи судтугад̇абаригаммо. бан̣д̣угамб̣алз нигкид̇д̇од̇и рад̇д̇агамб̣алз табид̇о.
167.Subhoti sundaro. Jātimāti ākarasampanno. Suparikammakatoti dhovanādīhi suṭṭhukataparikammo. Paṇḍukambale nikkhittoti rattakambale ṭhapito.
168. сад̇асахассод̇и логад̇хаад̇усад̇асахассамхи аалогапаран̣аб̣рахмаа. нигканд̇и нигкзна гад̇ам̣ бил̣анд̇ханам̣, нигкам̣ наама бан̃жасуван̣н̣ам̣, уунаганигкзна гад̇ам̣ басаад̇ханан̃хи гхадданамаж̇ж̇анагкамам̣ на ход̇и, ад̇ирзгзна гад̇ам̣ гхадданамаж̇ж̇анам̣ камад̇и, ван̣н̣аванд̇ам̣ бана на ход̇и, парусад̇хаад̇угам̣ кааяад̇и. нигкзна гад̇ам̣ гхадданамаж̇ж̇анан̃жзва камад̇и, ван̣н̣аванд̇ан̃жа ход̇и. ж̇амб̣онад̣̇анд̇и ж̇амб̣унад̣̇ияам̣ ниб̣б̣ад̇д̇ам̣. махааж̇амб̣уругкасса хи згзгаа саакаа бан̣н̣ааса бан̣н̣ааса яож̇анаани вад̣дхид̇аа, д̇аасу маханд̇аа над̣̇ияо санд̣̇анд̇и, д̇аасам̣ над̣̇ийнам̣ убхаяад̇ийрзсу ж̇амб̣убаггаанам̣ бад̇ид̇адтаанз суван̣н̣ан̇гураа удтаханд̇и, д̇з над̣̇ийж̇алзна вуяхамаанаа анубуб̣б̣зна махаасамуд̣̇д̣̇ам̣ бависанд̇и. д̇ам̣ санд̇хааяа ж̇амб̣онад̣̇анд̇и вуд̇д̇ам̣. д̣̇агкагаммаарабуд̇д̇ауггаамукасугусаласамбахадтанд̇и д̣̇агкзна сугусалзна гаммаарабуд̇д̇зна уггаамукз бажид̇ваа самбахадтам̣. уггаамукзд̇и уд̣̇д̇ханз. самбахадтанд̇и д̇ход̇агхаддид̇амаж̇ж̇ид̇ам̣. вад̇т̇обамз (ма. ни. 1.75-76) жа д̇хаад̇увибхан̇г̇з (ма. ни. 3.357-360) жа бин̣д̣асод̇ханам̣ вуд̇д̇ам̣. имасмим̣ суд̇д̇з гад̇абхан̣д̣асод̇ханам̣ вуд̇д̇ам̣.
168.Satasahassoti lokadhātusatasahassamhi ālokapharaṇabrahmā. Nikkhanti nikkhena kataṃ piḷandhanaṃ, nikkhaṃ nāma pañcasuvaṇṇaṃ, ūnakanikkhena kataṃ pasādhanañhi ghaṭṭanamajjanakkhamaṃ na hoti, atirekena kataṃ ghaṭṭanamajjanaṃ khamati, vaṇṇavantaṃ pana na hoti, pharusadhātukaṃ khāyati. Nikkhena kataṃ ghaṭṭanamajjanañceva khamati, vaṇṇavantañca hoti. Jambonadanti jambunadiyaṃ nibbattaṃ. Mahājamburukkhassa hi ekekā sākhā paṇṇāsa paṇṇāsa yojanāni vaḍḍhitā, tāsu mahantā nadiyo sandanti, tāsaṃ nadīnaṃ ubhayatīresu jambupakkānaṃ patitaṭṭhāne suvaṇṇaṅkurā uṭṭhahanti, te nadījalena vuyhamānā anupubbena mahāsamuddaṃ pavisanti. Taṃ sandhāya jambonadanti vuttaṃ. Dakkhakammāraputtaukkāmukhasukusalasampahaṭṭhanti dakkhena sukusalena kammāraputtena ukkāmukhe pacitvā sampahaṭṭhaṃ. Ukkāmukheti uddhane. Sampahaṭṭhanti dhotaghaṭṭitamajjitaṃ. Vatthopame (ma. ni. 1.75-76) ca dhātuvibhaṅge (ma. ni. 3.357-360) ca piṇḍasodhanaṃ vuttaṃ. Imasmiṃ sutte katabhaṇḍasodhanaṃ vuttaṃ.
яам̣ бана саб̣б̣аваарзсу парид̇ваа ад̇химужжид̇ваад̇и вуд̇д̇ам̣, д̇ад̇т̇а бан̃жавид̇хам̣ паран̣ам̣ жзд̇опаран̣ам̣ гасин̣апаран̣ам̣ д̣̇иб̣б̣ажагкупаран̣ам̣ аалогапаран̣ам̣ сарийрапаран̣анд̇и. д̇ад̇т̇а жзд̇опаран̣ам̣ наама логад̇хаад̇усахассз сад̇д̇аанам̣ жид̇д̇аж̇аананам̣. гасин̣апаран̣ам̣ наама логад̇хаад̇усахассз гасин̣абад̇т̇аран̣ам̣. д̣̇иб̣б̣ажагкупаран̣ам̣ наама аалогам̣ вад̣дхзд̇ваа д̣̇иб̣б̣зна жагкунаа сахассалогад̇хаад̇уд̣̇ассанам̣. аалогапаран̣амби зд̇ад̣̇зва. сарийрапаран̣ам̣ наама логад̇хаад̇усахассз сарийрабабхааяа бад̇т̇аран̣ам̣. саб̣б̣ад̇т̇а имаани бан̃жа паран̣аани авинаасзнд̇зна гат̇зд̇аб̣б̣анд̇и.
Yaṃ pana sabbavāresu pharitvā adhimuccitvāti vuttaṃ, tattha pañcavidhaṃ pharaṇaṃ cetopharaṇaṃ kasiṇapharaṇaṃ dibbacakkhupharaṇaṃ ālokapharaṇaṃ sarīrapharaṇanti. Tattha cetopharaṇaṃ nāma lokadhātusahasse sattānaṃ cittajānanaṃ. Kasiṇapharaṇaṃ nāma lokadhātusahasse kasiṇapattharaṇaṃ. Dibbacakkhupharaṇaṃ nāma ālokaṃ vaḍḍhetvā dibbena cakkhunā sahassalokadhātudassanaṃ. Ālokapharaṇampi etadeva. Sarīrapharaṇaṃ nāma lokadhātusahasse sarīrapabhāya pattharaṇaṃ. Sabbattha imāni pañca pharaṇāni avināsentena kathetabbanti.
д̇ибидагажуул̣аабхаяад̇т̇зро банааха – ‘‘ман̣иобаммз гасин̣апаран̣ам̣ вияа нигкобаммз сарийрапаран̣ам̣ вияа д̣̇иссад̇ий’’д̇и. д̇асса ваад̣̇ам̣ вияа адтагат̇аа наама над̇т̇ийд̇и бадигкид̇ваа сарийрапаран̣ам̣ на саб̣б̣агаалигам̣, жад̇д̇ааримаани паран̣аани авинаасзд̇ваава гат̇зд̇аб̣б̣анд̇и вуд̇д̇ам̣. ад̇химужжад̇ийд̇и бад̣̇ам̣ паран̣абад̣̇ассзва взважанам̣, ат̇а ваа парад̇ийд̇и бад̇т̇арад̇и. ад̇химужжад̇ийд̇и ж̇аанаад̇и.
Tipiṭakacūḷābhayatthero panāha – ‘‘maṇiopamme kasiṇapharaṇaṃ viya nikkhopamme sarīrapharaṇaṃ viya dissatī’’ti. Tassa vādaṃ viya aṭṭhakathā nāma natthīti paṭikkhitvā sarīrapharaṇaṃ na sabbakālikaṃ, cattārimāni pharaṇāni avināsetvāva kathetabbanti vuttaṃ. Adhimuccatīti padaṃ pharaṇapadasseva vevacanaṃ, atha vā pharatīti pattharati. Adhimuccatīti jānāti.
169. аабхаад̇иаад̣̇ийсу аабхаад̣̇аяо наама баадиязггаа д̣̇зваа над̇т̇и, д̇аяо барид̇д̇аабхаад̣̇аяо д̣̇зваа аабхаа наама, барид̇д̇аасубхаад̣̇аяо жа. субхагин̣хаад̣̇аяо жа субхаа наама. взхабпалаад̣̇иваараа баагадааязва.
169.Ābhātiādīsu ābhādayo nāma pāṭiyekkā devā natthi, tayo parittābhādayo devā ābhā nāma, parittāsubhādayo ca. Subhakiṇhādayo ca subhā nāma. Vehapphalādivārā pākaṭāyeva.
имз д̇аава бан̃жа д̇хаммз бхаавзд̇ваа гаамааважарзсу ниб̣б̣ад̇д̇ад̇у. б̣рахмалогз ниб̣б̣ад̇д̇ам̣ бана аасавагкаяан̃жа гат̇ам̣ баабун̣аад̇ийд̇и? имз бан̃жа д̇хаммаа сийлам̣, со имасмим̣ сийлз бад̇идтааяа гасин̣абаригаммам̣ гад̇ваа д̇аа д̇аа самаабад̇д̇ияо бхаавзд̇ваа руубийб̣рахмалогз ниб̣б̣ад̇д̇ад̇и, аруубаж̇жхаанаани ниб̣б̣ад̇д̇зд̇ваа аруубийб̣рахмалогз, самаабад̇д̇ибад̣̇адтаанам̣ вибассанам̣ вад̣дхзд̇ваа анааг̇аамипалам̣ сажчигад̇ваа бан̃жасу суд̣̇д̇хааваасзсу ниб̣б̣ад̇д̇ад̇и. убаримаг̇г̇ам̣ бхаавзд̇ваа аасавагкаяам̣ баабун̣аад̇ийд̇и.
Ime tāva pañca dhamme bhāvetvā kāmāvacaresu nibbattatu. Brahmaloke nibbattaṃ pana āsavakkhayañca kathaṃ pāpuṇātīti? Ime pañca dhammā sīlaṃ, so imasmiṃ sīle patiṭṭhāya kasiṇaparikammaṃ katvā tā tā samāpattiyo bhāvetvā rūpībrahmaloke nibbattati, arūpajjhānāni nibbattetvā arūpībrahmaloke, samāpattipadaṭṭhānaṃ vipassanaṃ vaḍḍhetvā anāgāmiphalaṃ sacchikatvā pañcasu suddhāvāsesu nibbattati. Uparimaggaṃ bhāvetvā āsavakkhayaṃ pāpuṇātīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
сан̇каарубабад̇д̇исуд̇д̇аван̣н̣анаа нидтид̇аа.
Saṅkhārupapattisuttavaṇṇanā niṭṭhitā.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. сан̇каарубабад̇д̇исуд̇д̇ам̣ • 10. Saṅkhārupapattisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. сан̇каарубабад̇д̇исуд̇д̇аван̣н̣анаа • 10. Saṅkhārupapattisuttavaṇṇanā
