Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā

5-22. сан̇гилидтад̇д̇игаад̣̇иван̣н̣анаа

5-22. Saṅkiliṭṭhattikādivaṇṇanā

сан̇гилидтасан̇гилзсигад̇д̇игз саб̣б̣ам̣ гусалад̇д̇игз вуд̇д̇анаяаанусаарзнзва взд̣̇ид̇аб̣б̣ам̣.

Saṅkiliṭṭhasaṅkilesikattike sabbaṃ kusalattike vuttanayānusāreneva veditabbaṃ.

79. вид̇аггад̇д̇игз яат̇аагаммуубаг̇ан̃аан̣асса баригамманд̇и д̣̇иб̣б̣ажагкубаригаммамзва д̇асса уббаад̣̇анад̇т̇ааяа баригаммам̣. уббаннасса бана вал̣ан̃ж̇анагаалз баригаммам̣ санд̇хааязд̇ам̣ вуд̇д̇ам̣. сзсамзд̇т̇а яат̇аабаал̣имзва нияяаад̇и.

79. Vitakkattike yathākammūpagañāṇassa parikammanti dibbacakkhuparikammameva tassa uppādanatthāya parikammaṃ. Uppannassa pana vaḷañjanakāle parikammaṃ sandhāyetaṃ vuttaṃ. Sesamettha yathāpāḷimeva niyyāti.

82. д̇и д̇ад̣̇аарамман̣абхаван̇г̇амуулабхаван̇г̇аанам̣ васзна вуд̇д̇ам̣. сзсамзд̇т̇а саб̣б̣ам̣ баал̣ивасзнзва взд̣̇ид̇аб̣б̣ам̣.

82. Ti tadārammaṇabhavaṅgamūlabhavaṅgānaṃ vasena vuttaṃ. Sesamettha sabbaṃ pāḷivaseneva veditabbaṃ.

д̣̇ассанад̇д̇игз д̣̇ассанзна бахаад̇аб̣б̣о рааг̇о уббаж̇ж̇ад̇ийд̇иаад̣̇ийсу д̣̇ассанзна бахаад̇аб̣б̣о бут̇уж̇ж̇анасса уббаж̇ж̇ад̇и. бхааванааяа бахаад̇аб̣б̣о сод̇аабаннассаабийд̇и звам̣ убаримасса убаримасса хздтимаа хздтимаа нуббаж̇ж̇анд̇ийд̇и взд̣̇ид̇аб̣б̣аа. д̣̇ассанзна бахаад̇аб̣б̣о д̇хаммо бхааванааяа бахаад̇аб̣б̣асса д̇хаммасса згзнаби бажжаязна бажжаяо на ход̇и. сзсамзд̇т̇а баал̣им̣ ануг̇анд̇ваа гусалад̇д̇игз вуд̇д̇алагкан̣авасзнзва взд̣̇ид̇аб̣б̣ам̣.

Dassanattike dassanena pahātabbo rāgo uppajjatītiādīsu dassanena pahātabbo puthujjanassa uppajjati. Bhāvanāya pahātabbo sotāpannassāpīti evaṃ uparimassa uparimassa heṭṭhimā heṭṭhimā nuppajjantīti veditabbā. Dassanena pahātabbo dhammo bhāvanāya pahātabbassa dhammassa ekenapi paccayena paccayo na hoti. Sesamettha pāḷiṃ anugantvā kusalattike vuttalakkhaṇavaseneva veditabbaṃ.

д̣̇ассанзнабахаад̇аб̣б̣ахзд̇угад̇д̇игз д̣̇ассанзнабахаад̇аб̣б̣ахзд̇угаад̣̇ийнам̣ вибхааг̇о адтагат̇ааган̣д̣з вуд̇д̇анаязнзва взд̣̇ид̇аб̣б̣о. вижигижчуд̣̇д̇хажжасахаг̇ад̇о мохо ахзд̇угад̇д̇аа д̇ад̇ияабад̣̇з бавидто. звамзд̇т̇а язсам̣ д̣̇ассанабхааванаахи бахаад̇аб̣б̣о хзд̇у ад̇т̇и, д̇з бахаад̇аб̣б̣ахзд̇угаа. язсам̣ со над̇т̇и д̇з нзвад̣̇ассанзна набхааванааяабахаад̇аб̣б̣ахзд̇угаад̇и имам̣ бахаад̇аб̣б̣ахзд̇угавибхааг̇ам̣ н̃ад̇ваа сзсам̣ д̣̇ассанзнабахаад̇аб̣б̣ад̇д̇игз жзва гусалад̇д̇игз жа д̣̇ассид̇алагкан̣аанусаарзнзва взд̣̇ид̇аб̣б̣ам̣.

Dassanenapahātabbahetukattike dassanenapahātabbahetukādīnaṃ vibhāgo aṭṭhakathākaṇḍe vuttanayeneva veditabbo. Vicikicchuddhaccasahagato moho ahetukattā tatiyapade paviṭṭho. Evamettha yesaṃ dassanabhāvanāhi pahātabbo hetu atthi, te pahātabbahetukā. Yesaṃ so natthi te nevadassanena nabhāvanāyapahātabbahetukāti imaṃ pahātabbahetukavibhāgaṃ ñatvā sesaṃ dassanenapahātabbattike ceva kusalattike ca dassitalakkhaṇānusāreneva veditabbaṃ.

аажаяаг̇аамид̇д̇игз жа бадижжаваарасам̣садтаваарзсу ануломам̣ гусалад̇д̇игасад̣̇исамзва. сзсам̣ виссаж̇ж̇анад̇о г̇ан̣анад̇о жа яат̇аабаал̣имзва нияяаад̇и.

Ācayagāmittike ca paṭiccavārasaṃsaṭṭhavāresu anulomaṃ kusalattikasadisameva. Sesaṃ vissajjanato gaṇanato ca yathāpāḷimeva niyyāti.

сзгкад̇д̇игз асзгко д̇хаммо сзгкасса д̇хаммасса на гзнажи бажжаязна бажжаяо. сзгко асзгкасса ананд̇арабагад̇уубаниссаяо бана ход̇и. сзсамзд̇т̇а яат̇аабаал̣имзва нияяаад̇и, д̇ат̇аа барид̇д̇ад̇д̇игз.

Sekkhattike asekkho dhammo sekkhassa dhammassa na kenaci paccayena paccayo. Sekkho asekkhassa anantarapakatūpanissayo pana hoti. Sesamettha yathāpāḷimeva niyyāti, tathā parittattike.

барид̇д̇аарамман̣ад̇д̇игз аббамаан̣аарамман̣аажзд̇анаад̇и сзгкаанам̣ г̇од̇рабхужзд̇анаа, бажжавзгкан̣ажзд̇анаад̇иби вад̇д̇ум̣ ваддад̇и. вибаагаанам̣ барид̇д̇аарамман̣аананд̇и бадисанд̇хияам̣ гаммам̣ аарамман̣ам̣ гад̇ваа, бавад̇д̇з жагкувин̃н̃аан̣аад̣̇ивасзнаруубаад̣̇иаарамман̣ам̣, д̇ад̣̇аарамман̣авасзна ж̇аванзна г̇ахид̇абарид̇д̇аарамман̣ан̃жа аарамман̣ам̣ гад̇ваа уббаннаанам̣. яз бана ‘‘г̇од̇рабхужид̇д̇зна над̇т̇и бадисанд̇хий’’д̇и вад̣̇анд̇и, д̇з иминаа суд̇д̇зна бадисзд̇хзд̇аб̣б̣аа. сзсамзд̇т̇а баал̣инаязнзва взд̣̇ид̇аб̣б̣ам̣. хийнад̇д̇иго сан̇гилидтад̇д̇игасад̣̇исо.

Parittārammaṇattike appamāṇārammaṇācetanāti sekkhānaṃ gotrabhucetanā, paccavekkhaṇacetanātipi vattuṃ vaṭṭati. Vipākānaṃ parittārammaṇānanti paṭisandhiyaṃ kammaṃ ārammaṇaṃ katvā, pavatte cakkhuviññāṇādivasenarūpādiārammaṇaṃ, tadārammaṇavasena javanena gahitaparittārammaṇañca ārammaṇaṃ katvā uppannānaṃ. Ye pana ‘‘gotrabhucittena natthi paṭisandhī’’ti vadanti, te iminā suttena paṭisedhetabbā. Sesamettha pāḷinayeneva veditabbaṃ. Hīnattiko saṅkiliṭṭhattikasadiso.

мижчад̇д̇ад̇д̇игз мижчад̇д̇анияад̇о саммад̇д̇анияад̇асса, саммад̇д̇анияад̇о ваа мижчад̇д̇анияад̇асса гзнажи бажжаязна бажжаяо на ход̇и. мижчад̇д̇анияад̇о ваа саммад̇д̇анияад̇о ваа сахаж̇аад̇аад̇хибад̇ирахид̇о наама над̇т̇и. саммад̇д̇анияад̇з зганд̇ад̇о аарамман̣абурзж̇аад̇ам̣ над̇т̇и, мижчад̇д̇анияад̇з сияаа аарамман̣абурзж̇аад̇ам̣. анияад̇ам̣ жид̇д̇ам̣ аараб̣бха нияад̇аа мижчаад̣̇идти уббаж̇ж̇зяяа. сзсаа нияад̇ам̣ аараб̣бха нияад̇ам̣ нуббаж̇ж̇ад̇и, мижчад̇д̇анияад̇ам̣ г̇арум̣ гад̇ваа на гожи д̇хаммо уббаж̇ж̇ад̇и. гусало мижчад̇д̇асса убаниссаяабажжаяо на ход̇и. сзсамзд̇т̇а баал̣ияам̣ вуд̇д̇анаязнзва взд̣̇ид̇аб̣б̣ам̣.

Micchattattike micchattaniyato sammattaniyatassa, sammattaniyato vā micchattaniyatassa kenaci paccayena paccayo na hoti. Micchattaniyato vā sammattaniyato vā sahajātādhipatirahito nāma natthi. Sammattaniyate ekantato ārammaṇapurejātaṃ natthi, micchattaniyate siyā ārammaṇapurejātaṃ. Aniyataṃ cittaṃ ārabbha niyatā micchādiṭṭhi uppajjeyya. Sesā niyataṃ ārabbha niyataṃ nuppajjati, micchattaniyataṃ garuṃ katvā na koci dhammo uppajjati. Kusalo micchattassa upanissayapaccayo na hoti. Sesamettha pāḷiyaṃ vuttanayeneva veditabbaṃ.

маг̇г̇аарамман̣ад̇д̇игз бадижжаваарасса ануломз вибаагабажжаяо над̇т̇и. гаммабажжаязби имасмим̣ д̇игз наанаагкан̣игам̣ на лаб̣бхад̇и, д̇ат̇аа уббаннад̇д̇игаад̇ийд̇ад̇д̇игзсу. бажжанийяз ахзд̇угам̣ маг̇г̇аарамман̣анд̇и ахзд̇угам̣ маг̇г̇аарамман̣ам̣, ааваж̇ж̇анам̣ санд̇хааязд̇ам̣ вуд̇д̇ам̣. сзсамзд̇т̇а баал̣ианусаарзнзва взд̣̇ид̇аб̣б̣ам̣.

Maggārammaṇattike paṭiccavārassa anulome vipākapaccayo natthi. Kammapaccayepi imasmiṃ tike nānākkhaṇikaṃ na labbhati, tathā uppannattikaatītattikesu. Paccanīye ahetukaṃ maggārammaṇanti ahetukaṃ maggārammaṇaṃ, āvajjanaṃ sandhāyetaṃ vuttaṃ. Sesamettha pāḷianusāreneva veditabbaṃ.

уббаннад̇д̇игз жа ад̇ийд̇ад̇д̇игз жа бадижжаваараад̣̇аяо над̇т̇и, бан̃хааваарамад̇д̇амзва лаб̣бхад̇и. гасмаа? бадижжаваараад̣̇аяо хи сахаж̇аад̇абурзж̇аад̇аанан̃н̃зва хонд̇и. имз жа д̇игаа ад̇ийд̇аанааг̇ад̇амиссагаа. уббаннад̇д̇игз жзд̇т̇а ананд̇арабхааг̇ияааби бажжаяаа на лаб̣бханд̇и. гасмаа? уббаннад̇д̇игз ад̇ийд̇асса абхаавад̇о. уббанно жа ануббанно жаад̇и имз жзд̇т̇а д̣̇вз д̇хаммаа уббаннасса жа ануббаннасса жаад̇и имзсам̣ д̣̇виннам̣ на гзнажи бажжаязна бажжаяо. ануббанно жа уббаад̣̇ий жаад̇и имз бана д̣̇вз уббаннасса аарамман̣уубаниссаяавасзна д̣̇вийхи бажжаязхи бажжаяо. сзсамзд̇т̇а баал̣ияам̣ ааг̇ад̇анаязнзва взд̣̇ид̇аб̣б̣ам̣.

Uppannattike ca atītattike ca paṭiccavārādayo natthi, pañhāvāramattameva labbhati. Kasmā? Paṭiccavārādayo hi sahajātapurejātānaññeva honti. Ime ca tikā atītānāgatamissakā. Uppannattike cettha anantarabhāgiyāpi paccayā na labbhanti. Kasmā? Uppannattike atītassa abhāvato. Uppanno ca anuppanno cāti ime cettha dve dhammā uppannassa ca anuppannassa cāti imesaṃ dvinnaṃ na kenaci paccayena paccayo. Anuppanno ca uppādī cāti ime pana dve uppannassa ārammaṇūpanissayavasena dvīhi paccayehi paccayo. Sesamettha pāḷiyaṃ āgatanayeneva veditabbaṃ.

ад̇ийд̇ад̇д̇игз бажжуббаннам̣ ад̇ийд̇аанааг̇ад̇асса, ад̇ийд̇аанааг̇ад̇ан̃жа ад̇ийд̇аанааг̇ад̇асса на гзнажи бажжаязна бажжаяо. ниб̣б̣аанам̣ бана д̣̇вийсуби имзсу д̇игзсу нзва бажжаяад̇о на бажжаяуббаннад̇о лаб̣бхад̇и. сзсамид̇хааби баал̣ияам̣ ааг̇ад̇анаязнзва взд̣̇ид̇аб̣б̣ам̣.

Atītattike paccuppannaṃ atītānāgatassa, atītānāgatañca atītānāgatassa na kenaci paccayena paccayo. Nibbānaṃ pana dvīsupi imesu tikesu neva paccayato na paccayuppannato labbhati. Sesamidhāpi pāḷiyaṃ āgatanayeneva veditabbaṃ.

аж̇жхад̇д̇ад̇д̇игз аж̇жхад̇д̇аб̣ахид̣̇д̇хаабад̣̇ам̣ на г̇ахид̇ам̣. аж̇жхад̇д̇аб̣ахид̣̇д̇хаасан̇каад̇аа хи убхо раасаяо нзва згад̇о бажжаяаа хонд̇и, на бажжаяуббаннаа; д̇асмаа хад̇т̇ад̇алз табид̇асса саасабасса ван̣н̣оби хад̇т̇ад̇алаван̣н̣зна сад̣̇д̇хим̣ згад̇о аарамман̣ам̣ на ход̇ийд̇и взд̣̇ид̇аб̣б̣о. яат̇аа жа аж̇жхад̇д̇аб̣ахид̣̇д̇хаабад̣̇ам̣, звамзд̇т̇а аж̇жхад̇д̇аарамман̣ад̇д̇игзби аж̇жхад̇д̇аб̣ахид̣̇д̇хаарамман̣абад̣̇ам̣ на лаб̣бхад̇и. сзсам̣ яат̇аабаал̣имзва нияяаад̇и.

Ajjhattattike ajjhattabahiddhāpadaṃ na gahitaṃ. Ajjhattabahiddhāsaṅkhātā hi ubho rāsayo neva ekato paccayā honti, na paccayuppannā; tasmā hatthatale ṭhapitassa sāsapassa vaṇṇopi hatthatalavaṇṇena saddhiṃ ekato ārammaṇaṃ na hotīti veditabbo. Yathā ca ajjhattabahiddhāpadaṃ, evamettha ajjhattārammaṇattikepi ajjhattabahiddhārammaṇapadaṃ na labbhati. Sesaṃ yathāpāḷimeva niyyāti.

санид̣̇ассанад̇д̇игзби баал̣ивасзнзва ад̇т̇о г̇ахзд̇аб̣б̣о. г̇ан̣анаабзд̇т̇а баал̣ияам̣ ааг̇ад̇аваарз сан̇кибид̇ваа хздтаа вуд̇д̇анаязнзва сам̣санд̣̇анзсу сам̣санд̣̇ид̇ваа взд̣̇ид̇аб̣б̣аад̇и.

Sanidassanattikepi pāḷivaseneva attho gahetabbo. Gaṇanāpettha pāḷiyaṃ āgatavāre saṅkhipitvā heṭṭhā vuttanayeneva saṃsandanesu saṃsanditvā veditabbāti.

д̇хаммаануломз д̇игабадтаанаван̣н̣анаа.

Dhammānulome tikapaṭṭhānavaṇṇanā.

Next: 2. д̣̇угабадтаанаван̣н̣анаа • 2. Dukapaṭṭhānavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact