| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. сан̃н̃ааан̃н̃аан̣асуд̇д̇ам̣
3. Saññāaññāṇasuttaṃ
609. саавад̇т̇инид̣̇аанам̣. згаманд̇ам̣ нисинно ко важчаг̇од̇д̇о бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘го ну ко, бхо г̇од̇ама, хзд̇у, го бажжаяо, яаанимаани анзгавихид̇аани д̣̇идтиг̇ад̇аани логз уббаж̇ж̇анд̇и – сассад̇о логод̇и ваа, асассад̇о логод̇и ваа…бз… нзва ход̇и на на ход̇и д̇ат̇ааг̇ад̇о барам̣ маран̣аад̇и ваа’’д̇и? ‘‘сан̃н̃ааяа ко, важча, ан̃н̃аан̣аа, сан̃н̃аасамуд̣̇аяз ан̃н̃аан̣аа, сан̃н̃аанирод̇хз ан̃н̃аан̣аа, сан̃н̃аанирод̇хаг̇ааминияаа бадибад̣̇ааяа ан̃н̃аан̣аа; звамимаани анзгавихид̇аани д̣̇идтиг̇ад̇аани логз уббаж̇ж̇анд̇и – сассад̇о логод̇и ваа, асассад̇о логод̇и ваа…бз… нзва ход̇и на на ход̇и д̇ат̇ааг̇ад̇о барам̣ маран̣аад̇и ваад̇и. аяам̣ ко, важча, хзд̇у, аяам̣ бажжаяо, яаанимаани анзгавихид̇аани д̣̇идтиг̇ад̇аани логз уббаж̇ж̇анд̇и – сассад̇о логод̇и ваа, асассад̇о логод̇и ваа…бз… нзва ход̇и на на ход̇и д̇ат̇ааг̇ад̇о барам̣ маран̣аад̇и ваа’’д̇и. д̇ад̇ияам̣.
609. Sāvatthinidānaṃ. Ekamantaṃ nisinno kho vacchagotto paribbājako bhagavantaṃ etadavoca – ‘‘ko nu kho, bho gotama, hetu, ko paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vā’’ti? ‘‘Saññāya kho, vaccha, aññāṇā, saññāsamudaye aññāṇā, saññānirodhe aññāṇā, saññānirodhagāminiyā paṭipadāya aññāṇā; evamimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vāti. Ayaṃ kho, vaccha, hetu, ayaṃ paccayo, yānimāni anekavihitāni diṭṭhigatāni loke uppajjanti – sassato lokoti vā, asassato lokoti vā…pe… neva hoti na na hoti tathāgato paraṃ maraṇāti vā’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 12. важчаг̇од̇д̇асам̣яуд̇д̇аван̣н̣анаа • 12. Vacchagottasaṃyuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 12. важчаг̇од̇д̇асам̣яуд̇д̇аван̣н̣анаа • 12. Vacchagottasaṃyuttavaṇṇanā
