| Library / Tipiṭaka / तिपिटक • Tipiṭaka / कङ्खावितरणी-पुराण-टीका • Kaṅkhāvitaraṇī-purāṇa-ṭīkā |
८. सन्निधिकारकसिक्खापदवण्णना
8. Sannidhikārakasikkhāpadavaṇṇanā
‘‘दुद्धोतो होती’’तिआदिना नयेन इध वुत्तत्ता, ‘‘दुद्धोतं पत्तं धोवित्वा पुन
‘‘Duddhotohotī’’tiādinā nayena idha vuttattā, ‘‘duddhotaṃ pattaṃ dhovitvā puna
तत्थ अच्छोदकं वा आसिञ्चित्वा, अङ्गुलिया वा घंसित्वा निस्नेहभावो जानितब्बो’’ति (पाचि॰ अट्ठ॰ २५३) समन्तपासादिकायं वुत्तत्ता च मत्तिकापत्तस्स कपालेन पीतो स्नेहो सन्निधिं करोतीति सिद्धन्ति लिखितं। सयं पटिग्गहेत्वा अपरिच्चत्तमेवाति एत्थ अपरिच्चत्तं नाम अनुपसम्पन्नानं निरपेक्खअपरिच्चत्तं अविजहितं। ‘‘पटिग्गहणन्ति एत्थ पटिग्गहितभावमविजहितमेव सन्निधिं जनेती’’ति धम्मसिरित्थेरो, तं ‘‘पटिग्गण्हाति, आपत्ति दुक्कटस्सा’’ति (पाचि॰ २५५) पाळिया विरुज्झति। तस्स पन पुन पटिग्गण्हनकिच्चाभावतो वीमंसितब्बं।
Tattha acchodakaṃ vā āsiñcitvā, aṅguliyā vā ghaṃsitvā nisnehabhāvo jānitabbo’’ti (pāci. aṭṭha. 253) samantapāsādikāyaṃ vuttattā ca mattikāpattassa kapālena pīto sneho sannidhiṃ karotīti siddhanti likhitaṃ. Sayaṃ paṭiggahetvā apariccattamevāti ettha apariccattaṃ nāma anupasampannānaṃ nirapekkhaapariccattaṃ avijahitaṃ. ‘‘Paṭiggahaṇanti ettha paṭiggahitabhāvamavijahitameva sannidhiṃ janetī’’ti dhammasiritthero, taṃ ‘‘paṭiggaṇhāti, āpatti dukkaṭassā’’ti (pāci. 255) pāḷiyā virujjhati. Tassa pana puna paṭiggaṇhanakiccābhāvato vīmaṃsitabbaṃ.
सन्निधिकारकसिक्खापदवण्णना निट्ठिता।
Sannidhikārakasikkhāpadavaṇṇanā niṭṭhitā.
