| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
2. убосат̇агканд̇хагам̣
2. Uposathakkhandhakaṃ
68. саннибаад̇аануж̇аананаад̣̇игат̇аа
68. Sannipātānujānanādikathā
132. убосат̇агканд̇хагз д̇аранд̇и од̇аранд̇и зд̇т̇аад̇и д̇ид̇т̇ам̣, уд̣̇агад̇ид̇т̇ам̣, д̇ид̇т̇ам̣ вияаад̇и д̇ид̇т̇ам̣, лад̣̇д̇хийд̇и ааха ‘‘д̇ид̇т̇ам̣ вужжад̇и лад̣̇д̇хий’’д̇и. лад̣̇д̇хи хи б̣ахуунам̣ лад̣̇д̇хигаанам̣ од̇аран̣адтаанад̇д̇аа д̇ид̇т̇ам̣ наама. ан̃н̃анд̇и саасанигалад̣̇д̇хид̇о ан̃н̃ам̣. зд̇зсанд̇и бариб̣б̣ааж̇агаанам̣. ид̇од̇и имасмаа саасанигалад̣̇д̇хид̇о. яанд̇и яам̣ д̇хаммаж̇аад̇ам̣. д̇зсанд̇и ан̃н̃ад̇ид̇т̇ияаанам̣ бариб̣б̣ааж̇агаанам̣. д̇з лабханд̇ийд̇и зд̇т̇а д̇асад̣̇д̣̇о мануссависаяод̇и ааха ‘‘д̇з мануссаа’’д̇и. мууг̇асуугараад̇и зд̇т̇а т̇ууласарийрасса суугарасса сад̣̇д̣̇амад̇д̇ассааби абхаавад̇о мууг̇асуугаро наамаад̇и ааха ‘‘т̇ууласарийрасуугараа’’д̇и.
132. Uposathakkhandhake taranti otaranti etthāti titthaṃ, udakatitthaṃ, titthaṃ viyāti titthaṃ, laddhīti āha ‘‘titthaṃ vuccati laddhī’’ti. Laddhi hi bahūnaṃ laddhikānaṃ otaraṇaṭṭhānattā titthaṃ nāma. Aññanti sāsanikaladdhito aññaṃ. Etesanti paribbājakānaṃ. Itoti imasmā sāsanikaladdhito. Yanti yaṃ dhammajātaṃ. Tesanti aññatitthiyānaṃ paribbājakānaṃ. Te labhantīti ettha tasaddo manussavisayoti āha ‘‘te manussā’’ti. Mūgasūkarāti ettha thūlasarīrassa sūkarassa saddamattassāpi abhāvato mūgasūkaro nāmāti āha ‘‘thūlasarīrasūkarā’’ti.
135. ассаад̇и бхигкуно. сод̇и самбаж̇аанамусааваад̣̇о. гинд̇и гим̣ аабад̇д̇и. д̣̇уггаданд̇и бад̣̇асса д̣̇уггадам̣ гамманд̇и аасан̇гаа бхавзяяаад̇и ааха ‘‘д̣̇уггадаабад̇д̇ий’’д̇и. саа жа ко д̣̇уггадаабад̇д̇и мусааваад̣̇алагкан̣зна на ход̇ийд̇и яож̇анаа. гзна ход̇ийд̇и ааха ‘‘бхаг̇авад̇о бана важанзнаа’’д̇и. важанзнаад̇и жа ‘‘самбаж̇аанамусааваад̣̇з гим̣ ход̇и? д̣̇уггадам̣ ход̇ий’’д̇и (махаава. 135) важанзна. агирияасамудтаанаад̇и аави гад̇д̇аб̣б̣ааяа аабад̇д̇ияаа агаран̣зна агирияасамудтаанаа.
135.Assāti bhikkhuno. Soti sampajānamusāvādo. Kinti kiṃ āpatti. Dukkaṭanti padassa dukkaṭaṃ kammanti āsaṅkā bhaveyyāti āha ‘‘dukkaṭāpattī’’ti. Sā ca kho dukkaṭāpatti musāvādalakkhaṇena na hotīti yojanā. Kena hotīti āha ‘‘bhagavato pana vacanenā’’ti. Vacanenāti ca ‘‘sampajānamusāvāde kiṃ hoti? Dukkaṭaṃ hotī’’ti (mahāva. 135) vacanena. Akiriyasamuṭṭhānāti āvi kattabbāya āpattiyā akaraṇena akiriyasamuṭṭhānā.
мануж̇знаад̇и мануссзна. ваажаад̇и ваажааяа. яагаарасса хи лобо. г̇иранд̇и сад̣̇д̣̇ам̣. барзд̇и ан̃н̃з буг̇г̇алз. ваажасиганд̇и ваажаад̇о самудтид̇ам̣. аяам̣ банзд̇т̇а яож̇анаа – бхигку гзнажи аасаннз тид̇зна мануж̇зна ваажааяа анаалабанд̇о ход̇и, барз д̣̇уурз тид̇з буг̇г̇алз санд̇хааяа г̇ирам̣ махаасад̣̇д̣̇ам̣ но жа бхан̣зяяа, звамби ваажасигамзва аабаж̇ж̇зяяаад̇и.
Manujenāti manussena. Vācāti vācāya. Yakārassa hi lopo. Giranti saddaṃ. Pareti aññe puggale. Vācasikanti vācāto samuṭṭhitaṃ. Ayaṃ panettha yojanā – bhikkhu kenaci āsanne ṭhitena manujena vācāya anālapanto hoti, pare dūre ṭhite puggale sandhāya giraṃ mahāsaddaṃ no ca bhaṇeyya, evampi vācasikameva āpajjeyyāti.
анд̇арааяигод̇и зд̇т̇а гарод̇яад̇т̇з н̣игабажжаяод̇и ааха ‘‘анд̇арааяагаро’’д̇и. ‘‘гимад̇т̇ааяаа’’д̇и иминаа гиссаад̇и зд̇т̇а д̇ад̣̇ад̇т̇з жад̇уд̇т̇ийд̇и д̣̇ассзд̇и, хзд̇вад̇т̇оби яуж̇ж̇ад̇зва. саб̣б̣ад̇т̇аад̇и саб̣б̣зсу ‘‘д̣̇уд̇ияасса жхаанасса ад̇хиг̇амааяаа’’д̇иаад̣̇ийсу. ид̇ийд̇иаад̣̇и ниг̇аманам̣. уд̣̇д̣̇зсад̇о жаад̇и ‘‘сун̣аад̇у мз бханд̇з сан̇гхо’’д̇иаад̣̇иуд̣̇д̣̇зсад̇о жа. нид̣̇д̣̇зсад̇о жаад̇и ‘‘баад̇имогканд̇и аад̣̇имзд̇а’’нд̇иаад̣̇инид̣̇д̣̇зсад̇о жа.
Antarāyikoti ettha karotyatthe ṇikapaccayoti āha ‘‘antarāyakaro’’ti. ‘‘Kimatthāyā’’ti iminā kissāti ettha tadatthe catutthīti dasseti, hetvatthopi yujjateva. Sabbatthāti sabbesu ‘‘dutiyassa jhānassa adhigamāyā’’tiādīsu. Itītiādi nigamanaṃ. Uddesato cāti ‘‘suṇātu me bhante saṅgho’’tiādiuddesato ca. Niddesato cāti ‘‘pātimokkhanti ādimeta’’ntiādiniddesato ca.
136. д̣̇звасиганд̇и зд̇т̇а н̣игабажжаяо вижчад̇т̇з ход̇ийд̇и ааха ‘‘д̣̇ивасз д̣̇ивасз’’д̇и. д̇ад̇ияз жа сад̇д̇амз жа багкзд̇и згасса уд̇уно адтасу багкзсу д̇ад̇ияз жа сад̇д̇амз жа багкз. ‘‘важанад̇о’’д̇и бад̣̇ам̣ ‘‘ваддад̇ий’’д̇и бад̣̇з н̃аабагахзд̇у. д̇ат̇ааруубз бажжаязд̇и д̇ат̇ааруубз вигад̇ижаарид̇д̇асан̇каад̇з бажжаяз. анувад̇д̇ид̇аб̣б̣анд̇и анумад̇им̣ вад̇д̇ид̇аб̣б̣ам̣. важанад̇обийд̇и бисад̣̇д̣̇о буб̣б̣з н̃аабагахзд̇ум̣ самбин̣д̣зд̇и. зд̇анд̇и ‘‘яасмим̣ д̇асмим̣ жаад̇уд̣̇д̣̇асз ваа баннарасз ваа уд̣̇д̣̇исид̇ум̣ ваддад̇ий’’д̇и важанам̣.
136.Devasikanti ettha ṇikapaccayo vicchatthe hotīti āha ‘‘divase divase’’ti. Tatiye ca sattame ca pakkheti ekassa utuno aṭṭhasu pakkhesu tatiye ca sattame ca pakkhe. ‘‘Vacanato’’ti padaṃ ‘‘vaṭṭatī’’ti pade ñāpakahetu. Tathārūpe paccayeti tathārūpe vikaticārittasaṅkhāte paccaye. Anuvattitabbanti anumatiṃ vattitabbaṃ. Vacanatopīti pisaddo pubbe ñāpakahetuṃ sampiṇḍeti. Etanti ‘‘yasmiṃ tasmiṃ cātuddase vā pannarase vā uddisituṃ vaṭṭatī’’ti vacanaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
68. саннибаад̇аануж̇аананаа • 68. Sannipātānujānanā
69. баад̇имогкуд̣̇д̣̇зсаануж̇аананаа • 69. Pātimokkhuddesānujānanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саннибаад̇аануж̇аананаад̣̇игат̇аа • Sannipātānujānanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
