| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਸਨ੍ਨਿਟ੍ਠਾਪਕਤ੍ਥੇਰਅਪਦਾਨવਣ੍ਣਨਾ
4. Sanniṭṭhāpakattheraapadānavaṇṇanā
ਅਰਞ੍ਞੇ ਕੁਟਿਕਂ ਕਤ੍વਾਤਿਆਦਿਕਂ ਆਯਸ੍ਮਤੋ ਸਨ੍ਨਿਟ੍ਠਾਪਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਬਨ੍ਧਨੇਨ ਬਦ੍ਧੋ ਘਰਾવਾਸੇ ਆਦੀਨવਂ ਦਿਸ੍વਾ વਤ੍ਥੁਕਾਮਕਿਲੇਸਕਾਮੇ ਪਹਾਯ ਹਿਮવਨ੍ਤਸ੍ਸ ਅવਿਦੂਰੇ ਪਬ੍ਬਤਨ੍ਤਰੇ ਅਰਞ੍ਞવਾਸਂ ਕਪ੍ਪੇਸਿ। ਤਸ੍ਮਿਂ ਕਾਲੇ ਪਦੁਮੁਤ੍ਤਰੋ ਭਗવਾ વਿવੇਕਕਾਮਤਾਯ ਤਂ ਠਾਨਂ ਪਾਪੁਣਿ। ਅਥ ਸੋ ਤਾਪਸੋ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ વਨ੍ਦਿਤ੍વਾ ਨਿਸੀਦਨਤ੍ਥਾਯ ਤਿਣਸਨ੍ਥਰਂ ਪਞ੍ਞਾਪੇਤ੍વਾ ਅਦਾਸਿ। ਤਤ੍ਥ ਨਿਸਿਨ੍ਨਂ ਭਗવਨ੍ਤਂ ਅਨੇਕੇਹਿ ਮਧੁਰੇਹਿ ਤਿਣ੍ਡੁਕਾਦੀਹਿ ਫਲਾਫਲੇਹਿ ਸਨ੍ਤਪ੍ਪੇਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਤਤੋ ਚੁਤੋ ਦੇવੇਸੁ ਚ ਮਨੁਸ੍ਸੇਸੁ ਚ ਅਪਰਾਪਰਂ ਸਂਸਰਨ੍ਤੋ ਦ੍વੇ ਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਸਦ੍ਧਾਸਮ੍ਪਨ੍ਨੋ ਪਬ੍ਬਜਿਤੋ વਿਪਸ੍ਸਨਂ વਡ੍ਢੇਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ। ਖੁਰਗ੍ਗੇ ਅਰਹਤ੍ਤਫਲਪ੍ਪਤ੍ਤਿਯਂ વਿਯ ਨਿਰੁਸ੍ਸਾਹੇਨੇવ ਸਨ੍ਤਿਪਦਸਙ੍ਖਾਤੇ ਨਿਬ੍ਬਾਨੇ ਸੁਟ੍ਠੁ ਠਿਤਤ੍ਤਾ ਸਨ੍ਨਿਟ੍ਠਾਪਕਤ੍ਥੇਰੋਤਿ ਪਾਕਟੋ।
Araññekuṭikaṃ katvātiādikaṃ āyasmato sanniṭṭhāpakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto gharabandhanena baddho gharāvāse ādīnavaṃ disvā vatthukāmakilesakāme pahāya himavantassa avidūre pabbatantare araññavāsaṃ kappesi. Tasmiṃ kāle padumuttaro bhagavā vivekakāmatāya taṃ ṭhānaṃ pāpuṇi. Atha so tāpaso bhagavantaṃ disvā pasannamānaso vanditvā nisīdanatthāya tiṇasantharaṃ paññāpetvā adāsi. Tattha nisinnaṃ bhagavantaṃ anekehi madhurehi tiṇḍukādīhi phalāphalehi santappesi. So tena puññakammena tato cuto devesu ca manussesu ca aparāparaṃ saṃsaranto dve sampattiyo anubhavitvā imasmiṃ buddhuppāde ekasmiṃ kulagehe nibbatto saddhāsampanno pabbajito vipassanaṃ vaḍḍhetvā nacirasseva arahā ahosi. Khuragge arahattaphalappattiyaṃ viya nirussāheneva santipadasaṅkhāte nibbāne suṭṭhu ṭhitattā sanniṭṭhāpakattheroti pākaṭo.
੭੦. ਅਰਹਾ ਪਨ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਰਞ੍ਞੇ ਕੁਟਿਕਂ ਕਤ੍વਾਤਿਆਦਿਮਾਹ। ਤਤ੍ਥ ਅਰਞ੍ਞੇਤਿ ਸੀਹਬ੍ਯਗ੍ਘਾਦੀਨਂ ਭਯੇਨ ਮਨੁਸ੍ਸਾ ਏਤ੍ਥ ਨ ਰਜ੍ਜਨ੍ਤਿ ਨ ਰਮਨ੍ਤਿ ਨ ਅਲ੍ਲੀਯਨ੍ਤੀਤਿ ਅਰਞ੍ਞਂ, ਤਸ੍ਮਿਂ ਅਰਞ੍ਞੇ। ਕੁਟਿਕਨ੍ਤਿ ਤਿਣਚ੍ਛਦਨਕੁਟਿਕਂ ਕਤ੍વਾ ਪਬ੍ਬਤਨ੍ਤਰੇ વਸਾਮਿ વਾਸਂ ਕਪ੍ਪੇਸਿਨ੍ਤਿ ਅਤ੍ਥੋ। ਲਾਭੇਨ ਚ ਅਲਾਭੇਨ ਚ ਯਸੇਨ ਚ ਅਯਸੇਨ ਚ ਸਨ੍ਤੁਟ੍ਠੋ વਿਹਾਸਿਨ੍ਤਿ ਸਮ੍ਬਨ੍ਧੋ।
70. Arahā pana hutvā attano pubbakammaṃ saritvā somanassajāto pubbacaritāpadānaṃ pakāsento araññe kuṭikaṃ katvātiādimāha. Tattha araññeti sīhabyagghādīnaṃ bhayena manussā ettha na rajjanti na ramanti na allīyantīti araññaṃ, tasmiṃ araññe. Kuṭikanti tiṇacchadanakuṭikaṃ katvā pabbatantare vasāmi vāsaṃ kappesinti attho. Lābhena ca alābhena ca yasena ca ayasena ca santuṭṭho vihāsinti sambandho.
੭੨. ਜਲਜੁਤ੍ਤਮਨਾਮਕਨ੍ਤਿ ਜਲੇ ਜਾਤਂ ਜਲਜਂ, ਪਦੁਮਂ, ਜਲਜਂ ਉਤ੍ਤਮਂ ਜਲਜੁਤ੍ਤਮਂ, ਜਲਜੁਤ੍ਤਮੇਨ ਸਮਾਨਂ ਨਾਮਂ ਯਸ੍ਸ ਸੋ ਜਲਜੁਤ੍ਤਮਨਾਮਕੋ, ਤਂ ਜਲਜੁਤ੍ਤਮਨਾਮਕਂ ਬੁਦ੍ਧਨ੍ਤਿ ਅਤ੍ਥੋ। ਸੇਸਂ ਪਾਲ਼ਿਨਯਾਨੁਯੋਗੇਨ ਸੁવਿਞ੍ਞੇਯ੍ਯਮੇવਾਤਿ।
72.Jalajuttamanāmakanti jale jātaṃ jalajaṃ, padumaṃ, jalajaṃ uttamaṃ jalajuttamaṃ, jalajuttamena samānaṃ nāmaṃ yassa so jalajuttamanāmako, taṃ jalajuttamanāmakaṃ buddhanti attho. Sesaṃ pāḷinayānuyogena suviññeyyamevāti.
ਸਨ੍ਨਿਟ੍ਠਾਪਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sanniṭṭhāpakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਸਨ੍ਨਿਟ੍ਠਾਪਕਤ੍ਥੇਰਅਪਦਾਨਂ • 4. Sanniṭṭhāpakattheraapadānaṃ
