| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
3. ஸஞ்ஞோஜனகதா²வண்ணனா
3. Saññojanakathāvaṇṇanā
881-882. இதா³னி ஸஞ்ஞோஜனகதா² நாம ஹோதி. தத்த² யஸ்மா அரஹா ஸப்³ப³ங் பு³த்³த⁴விஸயங் ந ஜானாதி, தஸ்மா தஸ்ஸ தத்த² அவிஜ்ஜாவிசிகிச்சா²ஹி அப்பஹீனாஹி ப⁴விதப்³ப³ந்தி ஸஞ்ஞாய ‘‘அத்தி² கிஞ்சி ஸஞ்ஞோஜனங் அப்பஹாய அரஹத்தப்பத்தீ’’தி யேஸங் லத்³தி⁴, ஸெய்யதா²பி மஹாஸங்கி⁴கானங், தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத்தி² கிஞ்சி ஸக்காயதி³ட்டீ²திஆதி³ அரஹதோ ஸப்³ப³ஸங்யோஜனப்பஹானத³ஸ்ஸனத்த²ங் வுத்தங். ஸப்³ப³ங் பு³த்³த⁴விஸயந்தி பஞ்ஹத்³வயே அரஹதோ ஸப்³ப³ஞ்ஞுதஞ்ஞாணாபா⁴வேன படிஸேதோ⁴ கதோ, ந அவிஜ்ஜாவிசிகிச்சா²னங் அப்பஹானேன. இதரோ பன தேஸங் அப்பஹீனதங் ஸந்தா⁴ய தேன ஹீதி லத்³தி⁴ங் பதிட்ட²பேதி. ஸா அயோனிஸோ பதிட்டா²பிதத்தா அப்பதிட்டி²தாவ ஹோதீதி.
881-882. Idāni saññojanakathā nāma hoti. Tattha yasmā arahā sabbaṃ buddhavisayaṃ na jānāti, tasmā tassa tattha avijjāvicikicchāhi appahīnāhi bhavitabbanti saññāya ‘‘atthi kiñci saññojanaṃ appahāya arahattappattī’’ti yesaṃ laddhi, seyyathāpi mahāsaṅghikānaṃ, te sandhāya pucchā sakavādissa, paṭiññā itarassa. Atthi kiñci sakkāyadiṭṭhītiādi arahato sabbasaṃyojanappahānadassanatthaṃ vuttaṃ. Sabbaṃ buddhavisayanti pañhadvaye arahato sabbaññutaññāṇābhāvena paṭisedho kato, na avijjāvicikicchānaṃ appahānena. Itaro pana tesaṃ appahīnataṃ sandhāya tena hīti laddhiṃ patiṭṭhapeti. Sā ayoniso patiṭṭhāpitattā appatiṭṭhitāva hotīti.
ஸஞ்ஞோஜனகதா²வண்ணனா.
Saññojanakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (202) 3. ஸங்யோஜனகதா² • (202) 3. Saṃyojanakathā
