| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā |
੪. ਸਨ੍ਤਤਰਸੁਤ੍ਤવਣ੍ਣਨਾ
4. Santatarasuttavaṇṇanā
੭੩. ਚਤੁਤ੍ਥੇ ਰੂਪੇਹੀਤਿ ਰੂਪਾવਚਰਧਮ੍ਮੇਹਿ। ਸਨ੍ਤਤਰਾਤਿ ਅਤਿਸਯੇਨ ਸਨ੍ਤਾ। ਰੂਪਾવਚਰਧਮ੍ਮਾ ਹਿ ਕਿਲੇਸવਿਕ੍ਖਮ੍ਭਨਤੋ વਿਤਕ੍ਕਾਦਿਓਲ਼ਾਰਿਕਙ੍ਗਪ੍ਪਹਾਨਤੋ ਸਮਾਧਿਭੂਮਿਭਾવਤੋ ਚ ਸਨ੍ਤਾ ਨਾਮ, ਆਰੁਪ੍ਪਾ ਪਨ ਤੇਹਿਪਿ ਅਙ੍ਗਸਨ੍ਤਤਾਯ ਚੇવ ਆਰਮ੍ਮਣਸਨ੍ਤਤਾਯ ਚ ਅਤਿਸਯੇਨ ਸਨ੍ਤવੁਤ੍ਤਿਕਾ, ਤੇਨ ਸਨ੍ਤਤਰਾਤਿ વੁਤ੍ਤਾ। ਨਿਰੋਧੋਤਿ ਨਿਬ੍ਬਾਨਂ। ਸਙ੍ਖਾਰਾવਸੇਸਸੁਖੁਮਭਾવਪ੍ਪਤ੍ਤਿਤੋਪਿ ਹਿ ਚਤੁਤ੍ਥਾਰੁਪ੍ਪਤੋ ਫਲਸਮਾਪਤ੍ਤਿਯੋવ ਸਨ੍ਤਤਰਾ ਕਿਲੇਸਦਰਥਪਟਿਪਸ੍ਸਦ੍ਧਿਤੋ ਨਿਬ੍ਬਾਨਾਰਮ੍ਮਣਤੋ ਚ, ਕਿਮਙ੍ਗਂ ਪਨ ਸਬ੍ਬਸਙ੍ਖਾਰਸਮਥੋ ਨਿਬ੍ਬਾਨਂ। ਤੇਨ વੁਤ੍ਤਂ ‘‘ਆਰੁਪ੍ਪੇਹਿ ਨਿਰੋਧੋ ਸਨ੍ਤਤਰੋ’’ਤਿ।
73. Catutthe rūpehīti rūpāvacaradhammehi. Santatarāti atisayena santā. Rūpāvacaradhammā hi kilesavikkhambhanato vitakkādioḷārikaṅgappahānato samādhibhūmibhāvato ca santā nāma, āruppā pana tehipi aṅgasantatāya ceva ārammaṇasantatāya ca atisayena santavuttikā, tena santatarāti vuttā. Nirodhoti nibbānaṃ. Saṅkhārāvasesasukhumabhāvappattitopi hi catutthāruppato phalasamāpattiyova santatarā kilesadarathapaṭipassaddhito nibbānārammaṇato ca, kimaṅgaṃ pana sabbasaṅkhārasamatho nibbānaṃ. Tena vuttaṃ ‘‘āruppehi nirodho santataro’’ti.
ਗਾਥਾਸੁ ਰੂਪੂਪਗਾਤਿ ਰੂਪਭવੂਪਗਾ। ਰੂਪਭવੋ ਹਿ ਇਧ ਰੂਪਨ੍ਤਿ વੁਤ੍ਤੋ, ‘‘ਰੂਪੂਪਪਤ੍ਤਿਯਾ ਮਗ੍ਗਂ ਭਾવੇਤੀ’’ਤਿਆਦੀਸੁ વਿਯ। ਅਰੂਪਟ੍ਠਾਯਿਨੋਤਿ ਅਰੂਪਾવਚਰਾ। ਨਿਰੋਧਂ ਅਪ੍ਪਜਾਨਨ੍ਤਾ, ਆਗਨ੍ਤਾਰੋ ਪੁਨਬ੍ਭવਨ੍ਤਿ ਏਤੇਨ ਰੂਪਾਰੂਪਾવਚਰਧਮ੍ਮੇਹਿ ਨਿਰੋਧਸ੍ਸ ਸਨ੍ਤਭਾવਮੇવ ਦਸ੍ਸੇਤਿ। ਅਰੂਪੇਸੁ ਅਸਣ੍ਠਿਤਾਤਿ ਅਰੂਪਰਾਗੇਨ ਅਰੂਪਭવੇਸੁ ਅਪ੍ਪਤਿਟ੍ਠਹਨ੍ਤਾ, ਤੇਪਿ ਪਰਿਜਾਨਨ੍ਤਾਤਿ ਅਤ੍ਥੋ। ਨਿਰੋਧੇ ਯੇ વਿਮੁਚ੍ਚਨ੍ਤੀਤਿ ਏਤ੍ਥ ਯੇਤਿ ਨਿਪਾਤਮਤ੍ਤਂ। ਸੇਸਂ ਹੇਟ੍ਠਾ વੁਤ੍ਤਨਯਮੇવ।
Gāthāsu rūpūpagāti rūpabhavūpagā. Rūpabhavo hi idha rūpanti vutto, ‘‘rūpūpapattiyā maggaṃ bhāvetī’’tiādīsu viya. Arūpaṭṭhāyinoti arūpāvacarā. Nirodhaṃ appajānantā, āgantāro punabbhavanti etena rūpārūpāvacaradhammehi nirodhassa santabhāvameva dasseti. Arūpesu asaṇṭhitāti arūparāgena arūpabhavesu appatiṭṭhahantā, tepi parijānantāti attho. Nirodhe ye vimuccantīti ettha yeti nipātamattaṃ. Sesaṃ heṭṭhā vuttanayameva.
ਚਤੁਤ੍ਥਸੁਤ੍ਤવਣ੍ਣਨਾ ਨਿਟ੍ਠਿਤਾ।
Catutthasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਇਤਿવੁਤ੍ਤਕਪਾਲ਼ਿ • Itivuttakapāḷi / ੪. ਸਨ੍ਤਤਰਸੁਤ੍ਤਂ • 4. Santatarasuttaṃ
