Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
48. санд̇осанид̣̇д̣̇зсаван̣н̣анаа
48. Santosaniddesavaṇṇanā
459. ‘‘жад̇д̇ааримаани , бхигкавз, аббаани жзва сулабхаани жа, д̇аани жа анаваж̇ж̇аани. гад̇амаани жад̇д̇аари? бам̣сугуулам̣, бхигкавз, жийвараанам̣ аббан̃жа сулабхан̃жа, д̇ан̃жа анаваж̇ж̇ам̣. бин̣д̣ияаалобо, бхигкавз, бхож̇анаанам̣ аббан̃жа сулабхан̃жа, д̇ан̃жа анаваж̇ж̇ам̣. ругкамуулам̣ , бхигкавз, сзнаасанаанам̣ аббан̃жа сулабхан̃жа, д̇ан̃жа анаваж̇ж̇ам̣. бууд̇имуд̇д̇абхзсаж̇ж̇ам̣, бхигкавз, бхзсаж̇ж̇аанам̣ аббан̃жа сулабхан̃жа, д̇ан̃жа анаваж̇ж̇ам̣. имаани ко, бхигкавз, жад̇д̇аари аббаани жзва сулабхаани жа, д̇аани жа анаваж̇ж̇ааний’’д̇и (а. ни. 4.27; ид̇иву. 101) важанад̇о ‘‘аббзнаа’’д̇иаад̣̇и вуд̇д̇ам̣.
459. ‘‘Cattārimāni , bhikkhave, appāni ceva sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca, tañca anavajjaṃ. Piṇḍiyālopo, bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ , bhikkhave, senāsanānaṃ appañca sulabhañca, tañca anavajjaṃ. Pūtimuttabhesajjaṃ, bhikkhave, bhesajjānaṃ appañca sulabhañca, tañca anavajjaṃ. Imāni kho, bhikkhave, cattāri appāni ceva sulabhāni ca, tāni ca anavajjānī’’ti (a. ni. 4.27; itivu. 101) vacanato ‘‘appenā’’tiādi vuttaṃ.
санд̇удтод̇и зд̇т̇а яат̇аалаабхаяат̇ааб̣алаяат̇аасааруббасанд̇осаанам̣ васзна згзгасмим̣ бажжаяз д̇аяо д̇аяо гад̇ваа жад̇уусу бажжаязсу д̣̇ваад̣̇аса санд̇осаа хонд̇и. мад̇д̇ан̃н̃ууд̇и зд̇т̇а (ма. ни. адта. 1.422; сам̣. ни. адта. 3.4.239; а. ни. адта. 2.3.16; ид̇иву. адта. 28; д̇ха. са. адта. 124-134) жад̇д̇ааро мад̇д̇аа бариязсанамад̇д̇аа бадиг̇г̇ахан̣амад̇д̇аа барибхог̇амад̇д̇аа виссаж̇ж̇анамад̇д̇аад̇и. ид̇арийд̇арзна яаабзнд̇о субхаро наама. санд̇осавинижчаяо.
Santuṭṭhoti ettha yathālābhayathābalayathāsāruppasantosānaṃ vasena ekekasmiṃ paccaye tayo tayo katvā catūsu paccayesu dvādasa santosā honti. Mattaññūti ettha (ma. ni. aṭṭha. 1.422; saṃ. ni. aṭṭha. 3.4.239; a. ni. aṭṭha. 2.3.16; itivu. aṭṭha. 28; dha. sa. aṭṭha. 124-134) cattāro mattā pariyesanamattā paṭiggahaṇamattā paribhogamattā vissajjanamattāti. Itarītarena yāpento subharo nāma. Santosavinicchayo.
санд̇осанид̣̇д̣̇зсаван̣н̣анаа нидтид̇аа.
Santosaniddesavaṇṇanā niṭṭhitā.