| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. гассабасам̣яуд̇д̇ам̣
5. Kassapasaṃyuttaṃ
1. санд̇удтасуд̇д̇аван̣н̣анаа
1. Santuṭṭhasuttavaṇṇanā
144. гассабасам̣яуд̇д̇асса батамз санд̇удтааяанд̇и санд̇удто аяам̣. ид̇арийд̇арзнаад̇и на т̇ууласукумалуукабан̣ийд̇ат̇ираж̇ин̣н̣аанам̣ язна гзнажи, ат̇а ко яат̇аалад̣̇д̇хаад̣̇ийнам̣ ид̇арийд̇арзна язна гзнажи санд̇удтод̇и ад̇т̇о. жийварасмин̃хи д̇аяо санд̇осаа яат̇аалаабхасанд̇осо яат̇ааб̣аласанд̇осо яат̇аасааруббасанд̇осод̇и. бин̣д̣абаад̇аад̣̇ийсуби зсзва наяо.
144. Kassapasaṃyuttassa paṭhame santuṭṭhāyanti santuṭṭho ayaṃ. Itarītarenāti na thūlasukhumalūkhapaṇītathirajiṇṇānaṃ yena kenaci, atha kho yathāladdhādīnaṃ itarītarena yena kenaci santuṭṭhoti attho. Cīvarasmiñhi tayo santosā yathālābhasantoso yathābalasantoso yathāsāruppasantosoti. Piṇḍapātādīsupi eseva nayo.
д̇зсам̣ аяам̣ бабхзд̣̇асам̣ван̣н̣анаа – ид̇ха бхигку жийварам̣ лабхад̇и сунд̣̇арам̣ ваа асунд̣̇арам̣ ваа, со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и. аяамасса жийварз яат̇аалаабхасанд̇осо. ат̇а бана багад̇ид̣̇уб̣б̣ало ваа ход̇и ааб̣аад̇хаж̇араабхибхууд̇о ваа, г̇аружийварам̣ баарубанд̇о гиламад̇и, со сабхааг̇зна бхигкунаа сад̣̇д̇хим̣ д̇ам̣ баривад̇д̇зд̇ваа лахугзна яаабзнд̇оби санд̇удтова ход̇и. аяамасса жийварз яат̇ааб̣аласанд̇осо. абаро бан̣ийд̇абажжаяалаабхий ход̇и, со баддажийвараад̣̇ийнам̣ ан̃н̃ад̇арам̣ махаг̇гхажийварам̣ б̣ахууни ваа жийвараани лабхид̇ваа – ‘‘ид̣̇ам̣ т̇зраанам̣ жирабаб̣б̣аж̇ид̇аанам̣, ид̣̇ам̣ б̣ахуссуд̇аанам̣ ануруубам̣, ид̣̇ам̣ г̇илаанаанам̣, ид̣̇ам̣ аббалаабхийнам̣ ход̇уу’’д̇и д̣̇ад̇ваа д̇зсам̣ бураан̣ажийварам̣ ваа сан̇гаарагуудаад̣̇ид̇о ваа бана нанд̇агаани ужжинид̇ваа д̇зхи сан̇гхаадим̣ гад̇ваа д̇хаарзнд̇оби санд̇удтова ход̇и. аяамасса жийварз яат̇аасааруббасанд̇осо.
Tesaṃ ayaṃ pabhedasaṃvaṇṇanā – idha bhikkhu cīvaraṃ labhati sundaraṃ vā asundaraṃ vā, so teneva yāpeti, aññaṃ na pattheti, labhantopi na gaṇhāti. Ayamassa cīvare yathālābhasantoso. Atha pana pakatidubbalo vā hoti ābādhajarābhibhūto vā, garucīvaraṃ pārupanto kilamati, so sabhāgena bhikkhunā saddhiṃ taṃ parivattetvā lahukena yāpentopi santuṭṭhova hoti. Ayamassa cīvare yathābalasantoso. Aparo paṇītapaccayalābhī hoti, so paṭṭacīvarādīnaṃ aññataraṃ mahagghacīvaraṃ bahūni vā cīvarāni labhitvā – ‘‘idaṃ therānaṃ cirapabbajitānaṃ, idaṃ bahussutānaṃ anurūpaṃ, idaṃ gilānānaṃ, idaṃ appalābhīnaṃ hotū’’ti datvā tesaṃ purāṇacīvaraṃ vā saṅkārakūṭādito vā pana nantakāni uccinitvā tehi saṅghāṭiṃ katvā dhārentopi santuṭṭhova hoti. Ayamassa cīvare yathāsāruppasantoso.
ид̇ха бана бхигку бин̣д̣абаад̇ам̣ лабхад̇и луукам̣ ваа бан̣ийд̇ам̣ ваа, со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и. аяамасса бин̣д̣абаад̇з яат̇аалаабха санд̇осо. яо бана ад̇д̇ано багад̇ивируд̣̇д̇хам̣ ваа б̣яаад̇хивируд̣̇д̇хам̣ ваа бин̣д̣абаад̇ам̣ лабхад̇и, язнасса барибхуд̇д̇зна апаасу ход̇и, со сабхааг̇асса бхигкуно д̇ам̣ д̣̇ад̇ваа д̇асса хад̇т̇ад̇о саббааяабхож̇анам̣ бхуд̇ваа саман̣ад̇хаммам̣ гаронд̇оби санд̇удтова ход̇и. аяамасса бин̣д̣абаад̇з яат̇ааб̣аласанд̇осо. абаро б̣ахум̣ бан̣ийд̇ам̣ бин̣д̣абаад̇ам̣ лабхад̇и, со д̇ам̣ жийварам̣ вияа жирабаб̣б̣аж̇ид̇а-б̣ахуссуд̇а-аббалаабхаг̇илаанаанам̣ д̣̇ад̇ваа , д̇зсам̣ ваа сзсагам̣ бин̣д̣ааяа ваа жарид̇ваа миссагаахаарам̣ бхун̃ж̇анд̇оби санд̇удтова ход̇и. аяамасса бин̣д̣абаад̇з яат̇аасааруббасанд̇осо.
Idha pana bhikkhu piṇḍapātaṃ labhati lūkhaṃ vā paṇītaṃ vā, so teneva yāpeti, aññaṃ na pattheti, labhantopi na gaṇhāti. Ayamassa piṇḍapāte yathālābha santoso. Yo pana attano pakativiruddhaṃ vā byādhiviruddhaṃ vā piṇḍapātaṃ labhati, yenassa paribhuttena aphāsu hoti, so sabhāgassa bhikkhuno taṃ datvā tassa hatthato sappāyabhojanaṃ bhutvā samaṇadhammaṃ karontopi santuṭṭhova hoti. Ayamassa piṇḍapāte yathābalasantoso. Aparo bahuṃ paṇītaṃ piṇḍapātaṃ labhati, so taṃ cīvaraṃ viya cirapabbajita-bahussuta-appalābhagilānānaṃ datvā , tesaṃ vā sesakaṃ piṇḍāya vā caritvā missakāhāraṃ bhuñjantopi santuṭṭhova hoti. Ayamassa piṇḍapāte yathāsāruppasantoso.
ид̇ха бана бхигку сзнаасанам̣ лабхад̇и манаабам̣ ваа аманаабам̣ ваа, со д̇зна нзва соманассам̣ на бадигхам̣ уббаад̣̇зд̇и, анд̇амасо д̇ин̣асант̇аарагзнааби яат̇аалад̣̇д̇хзнзва д̇уссад̇и. аяамасса сзнаасанз яат̇аалаабхасанд̇осо. яо бана ад̇д̇ано багад̇ивируд̣̇д̇хам̣ ваа б̣яаад̇хивируд̣̇д̇хам̣ ваа сзнаасанам̣ лабхад̇и, яад̇т̇асса васад̇о апаасу ход̇и, со д̇ам̣ сабхааг̇асса бхигкуно д̣̇ад̇ваа д̇асса санд̇агз саббааяасзнаасанз васанд̇оби санд̇удтова ход̇и. аяамасса сзнаасанз яат̇ааб̣аласанд̇осо. абаро махаабун̃н̃о лзн̣аман̣д̣абагуудааг̇аараад̣̇ийни б̣ахууни бан̣ийд̇асзнаасанаани лабхад̇и, со д̇аани жийвараад̣̇ийни вияа жирабаб̣б̣аж̇ид̇аб̣ахуссуд̇ааббалаабхаг̇илаанаанам̣ д̣̇ад̇ваа яад̇т̇а гад̇т̇ажи васанд̇оби санд̇удтова ход̇и. аяамасса сзнаасанз яат̇аасааруббасанд̇осо. яоби ‘‘уд̇д̇амасзнаасанам̣ наама бамаад̣̇адтаанам̣, д̇ад̇т̇а нисиннасса т̇инамид̣̇д̇хам̣ оггамад̇и, нид̣̇д̣̇аабхибхууд̇асса бадиб̣уж̇жхад̇о баабавид̇аггаа баад̇убхаванд̇ий’’д̇и бадисан̃жигкид̇ваа д̇аад̣̇исам̣ сзнаасанам̣ бад̇д̇амби на самбадижчад̇и, со д̇ам̣ бадигкибид̇ваа аб̣бхогаасаругкамуулаад̣̇ийсу васанд̇о санд̇удтова ход̇и. аяамби сзнаасанз яат̇аасааруббасанд̇осо.
Idha pana bhikkhu senāsanaṃ labhati manāpaṃ vā amanāpaṃ vā, so tena neva somanassaṃ na paṭighaṃ uppādeti, antamaso tiṇasanthārakenāpi yathāladdheneva tussati. Ayamassa senāsane yathālābhasantoso. Yo pana attano pakativiruddhaṃ vā byādhiviruddhaṃ vā senāsanaṃ labhati, yatthassa vasato aphāsu hoti, so taṃ sabhāgassa bhikkhuno datvā tassa santake sappāyasenāsane vasantopi santuṭṭhova hoti. Ayamassa senāsane yathābalasantoso. Aparo mahāpuñño leṇamaṇḍapakūṭāgārādīni bahūni paṇītasenāsanāni labhati, so tāni cīvarādīni viya cirapabbajitabahussutaappalābhagilānānaṃ datvā yattha katthaci vasantopi santuṭṭhova hoti. Ayamassa senāsane yathāsāruppasantoso. Yopi ‘‘uttamasenāsanaṃ nāma pamādaṭṭhānaṃ, tattha nisinnassa thinamiddhaṃ okkamati, niddābhibhūtassa paṭibujjhato pāpavitakkā pātubhavantī’’ti paṭisañcikkhitvā tādisaṃ senāsanaṃ pattampi na sampaṭicchati, so taṃ paṭikkhipitvā abbhokāsarukkhamūlādīsu vasanto santuṭṭhova hoti. Ayampi senāsane yathāsāruppasantoso.
ид̇ха бана бхигку бхзсаж̇ж̇ам̣ лабхад̇и луукам̣ ваа бан̣ийд̇ам̣ ваа, со яам̣ лабхад̇и д̇знзва д̇уссад̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и. аяамасса г̇илаанабажжаяз яат̇аалаабхасанд̇осо. яо бана д̇злзнад̇т̇иго паан̣ид̇ам̣ лабхад̇и, со д̇ам̣ сабхааг̇асса бхигкуно д̣̇ад̇ваа д̇асса хад̇т̇ад̇о д̇злам̣ г̇ахзд̇ваа ваа ан̃н̃ад̣̇зва ваа бариязсид̇ваа бхзсаж̇ж̇ам̣ гаронд̇оби санд̇удтова ход̇и. аяамасса г̇илаанабажжаяз яат̇ааб̣аласанд̇осо. абаро махаабун̃н̃о б̣ахум̣ д̇зламад̇хупаан̣ид̇аад̣̇ибан̣ийд̇абхзсаж̇ж̇ам̣ лабхад̇и, со д̇ам̣ жийварам̣ вияа жирабаб̣б̣аж̇ид̇а-б̣ахуссуд̇а-аббалаабхаг̇илаанаанам̣ д̣̇ад̇ваа д̇зсам̣ аабхад̇зна язна гзнажи яаабзнд̇оби санд̇удтова ход̇и. яо бана згасмим̣ бхааж̇анз муд̇д̇ахарийд̇агам̣ табзд̇ваа згасмим̣ жад̇умад̇хурам̣ ‘‘г̇ан̣ха, бханд̇з, яад̣̇ижчасий’’д̇и вужжамаано сажасса д̇зсу ан̃н̃ад̇арзнаби рог̇о вуубасаммад̇и, ат̇а ‘‘муд̇д̇ахарийд̇агам̣ наама б̣уд̣̇д̇хаад̣̇ийхи ван̣н̣ид̇а’’нд̇и жад̇умад̇хурам̣ бадигкибид̇ваа муд̇д̇ахарийд̇агзна бхзсаж̇ж̇ам̣ гаронд̇о барамасанд̇удтова ход̇и. аяамасса г̇илаанабажжаяз яат̇аасааруббасанд̇осо. ид̇и имз д̇аяо санд̇осз санд̇хааяа ‘‘санд̇удтааяам̣, бхигкавз, гассабо ид̇арийд̇арзна жийварзнаа’’д̇и вуд̇д̇ам̣.
Idha pana bhikkhu bhesajjaṃ labhati lūkhaṃ vā paṇītaṃ vā, so yaṃ labhati teneva tussati, aññaṃ na pattheti, labhantopi na gaṇhāti. Ayamassa gilānapaccaye yathālābhasantoso. Yo pana telenatthiko phāṇitaṃ labhati, so taṃ sabhāgassa bhikkhuno datvā tassa hatthato telaṃ gahetvā vā aññadeva vā pariyesitvā bhesajjaṃ karontopi santuṭṭhova hoti. Ayamassa gilānapaccaye yathābalasantoso. Aparo mahāpuñño bahuṃ telamadhuphāṇitādipaṇītabhesajjaṃ labhati, so taṃ cīvaraṃ viya cirapabbajita-bahussuta-appalābhagilānānaṃ datvā tesaṃ ābhatena yena kenaci yāpentopi santuṭṭhova hoti. Yo pana ekasmiṃ bhājane muttaharītakaṃ ṭhapetvā ekasmiṃ catumadhuraṃ ‘‘gaṇha, bhante, yadicchasī’’ti vuccamāno sacassa tesu aññatarenapi rogo vūpasammati, atha ‘‘muttaharītakaṃ nāma buddhādīhi vaṇṇita’’nti catumadhuraṃ paṭikkhipitvā muttaharītakena bhesajjaṃ karonto paramasantuṭṭhova hoti. Ayamassa gilānapaccaye yathāsāruppasantoso. Iti ime tayo santose sandhāya ‘‘santuṭṭhāyaṃ, bhikkhave, kassapo itarītarena cīvarenā’’ti vuttaṃ.
ван̣н̣аваад̣̇ийд̇и зго санд̇удто ход̇и, санд̇осасса ван̣н̣ам̣ на гат̇зд̇и. зго на санд̇удто ход̇и, санд̇осасса ван̣н̣ам̣ гат̇зд̇и. зго нзва санд̇удто ход̇и, на санд̇осасса ван̣н̣ам̣ гат̇зд̇и. зго санд̇удто жа ход̇и, санд̇осасса жа ван̣н̣ам̣ гат̇зд̇и. аяам̣ д̇аад̣̇исод̇и д̣̇ассзд̇ум̣ ид̇арийд̇аражийварасанд̇удтияаа жа ван̣н̣аваад̣̇ийд̇и вуд̇д̇ам̣. анзсананд̇и д̣̇ууд̇зяяабахин̣аг̇аманаануяог̇аббабхзд̣̇ам̣ наанаббагаарам̣ анзсанам̣. алад̣̇д̇хаад̇и алабхид̇ваа. яат̇аа жа згажжо ‘‘гат̇ам̣ ну ко жийварам̣ лабхиссаамий’’д̇и бун̃н̃аванд̇зхи бхигкуухи сад̣̇д̇хим̣ згад̇о худ̇ваа гохан̃н̃ам̣ гаронд̇о уд̇д̇асад̇и барид̇ассад̇и, аяам̣ звам̣ алад̣̇д̇хаа жа жийварам̣ на барид̇ассад̇и. лад̣̇д̇хаа жаад̇и д̇хаммзна самзна лабхид̇ваа. аг̇ад̇хид̇од̇и виг̇ад̇алобхаг̇зд̇хо. амужчид̇од̇и ад̇химад̇д̇ад̇ан̣хааяа мужчам̣ анаабанно. анаж̇жхаабаннод̇и д̇ан̣хааяа анод̇т̇адо абарияонад̣̇д̇хо. аад̣̇ийнавад̣̇ассаавийд̇и анзсанаабад̇д̇ияан̃жа г̇ад̇хид̇абарибхог̇з жа аад̣̇ийнавам̣ бассамаано. ниссаран̣абан̃н̃од̇и, ‘‘яаавад̣̇зва сийд̇асса бадигхаад̇ааяаа’’д̇и вуд̇д̇аниссаран̣амзва ж̇аананд̇о барибхун̃ж̇ад̇ийд̇и ад̇т̇о. ид̇арийд̇арзна бин̣д̣абаад̇знаад̇иаад̣̇ийсуби яат̇аалад̣̇д̇хаад̣̇ийнам̣ язна гзнажи бин̣д̣абаад̇зна, язна гзнажи сзнаасанзна, язна гзнажи г̇илаанабажжаяабхзсаж̇ж̇абаригкаарзнаад̇и звамад̇т̇о д̣̇адтаб̣б̣о.
Vaṇṇavādīti eko santuṭṭho hoti, santosassa vaṇṇaṃ na katheti. Eko na santuṭṭho hoti, santosassa vaṇṇaṃ katheti. Eko neva santuṭṭho hoti, na santosassa vaṇṇaṃ katheti. Eko santuṭṭho ca hoti, santosassa ca vaṇṇaṃ katheti. Ayaṃ tādisoti dassetuṃ itarītaracīvarasantuṭṭhiyā ca vaṇṇavādīti vuttaṃ. Anesananti dūteyyapahiṇagamanānuyogappabhedaṃ nānappakāraṃ anesanaṃ. Aladdhāti alabhitvā. Yathā ca ekacco ‘‘kathaṃ nu kho cīvaraṃ labhissāmī’’ti puññavantehi bhikkhūhi saddhiṃ ekato hutvā kohaññaṃ karonto uttasati paritassati, ayaṃ evaṃ aladdhā ca cīvaraṃ na paritassati. Laddhā cāti dhammena samena labhitvā. Agadhitoti vigatalobhagedho. Amucchitoti adhimattataṇhāya mucchaṃ anāpanno. Anajjhāpannoti taṇhāya anotthaṭo apariyonaddho. Ādīnavadassāvīti anesanāpattiyañca gadhitaparibhoge ca ādīnavaṃ passamāno. Nissaraṇapaññoti, ‘‘yāvadeva sītassa paṭighātāyā’’ti vuttanissaraṇameva jānanto paribhuñjatīti attho. Itarītarena piṇḍapātenātiādīsupi yathāladdhādīnaṃ yena kenaci piṇḍapātena, yena kenaci senāsanena, yena kenaci gilānapaccayabhesajjaparikkhārenāti evamattho daṭṭhabbo.
гассабзна ваа хи во, бхигкавз, овад̣̇иссаамийд̇и зд̇т̇а яат̇аа махаагассабад̇т̇зро жад̇уусу бажжаязсу д̇ийхи санд̇осзхи санд̇удто, д̇умхзби д̇ат̇ааруубаа бхават̇аад̇и овад̣̇анд̇о гассабзна овад̣̇ад̇и наама. яо ваа банасса гассабасад̣̇исод̇и зд̇т̇ааби яо ваа банан̃н̃оби гассабасад̣̇исо махаагассабад̇т̇зро вияа жад̇уусу бажжаязсу д̇ийхи санд̇осзхи санд̇удто бхавзяяа, д̇умхзби д̇ат̇ааруубаа бхават̇аад̇и овад̣̇анд̇о гассабасад̣̇исзна овад̣̇ад̇и наама. д̇ат̇ад̇д̇ааяа бадибаж̇ж̇ид̇аб̣б̣анд̇и ‘‘саммаасамб̣уд̣̇д̇хасса имааяа имасмим̣ санд̇удтисуд̇д̇з вуд̇д̇асаллзкаажаарабадибад̇д̇ияаа гат̇анам̣ наама бхааро, амхаагамби имам̣ бадибад̇д̇им̣ барибуурам̣ гад̇ваа бууран̣ам̣ бхаароязва, ааг̇ад̇о ко бана бхааро г̇ахзд̇аб̣б̣о’’д̇и жинд̇зд̇ваа яат̇аа маяаа гат̇ид̇ам̣, д̇ат̇ад̇д̇ааяа д̇ат̇аабхаавааяа д̇умхзхиби бадибаж̇ж̇ид̇аб̣б̣анд̇и. батамам̣.
Kassapena vā hi vo, bhikkhave, ovadissāmīti ettha yathā mahākassapatthero catūsu paccayesu tīhi santosehi santuṭṭho, tumhepi tathārūpā bhavathāti ovadanto kassapena ovadati nāma. Yo vā panassa kassapasadisoti etthāpi yo vā panaññopi kassapasadiso mahākassapatthero viya catūsu paccayesu tīhi santosehi santuṭṭho bhaveyya, tumhepi tathārūpā bhavathāti ovadanto kassapasadisena ovadati nāma. Tathattāya paṭipajjitabbanti ‘‘sammāsambuddhassa imāya imasmiṃ santuṭṭhisutte vuttasallekhācārapaṭipattiyā kathanaṃ nāma bhāro, amhākampi imaṃ paṭipattiṃ paripūraṃ katvā pūraṇaṃ bhāroyeva, āgato kho pana bhāro gahetabbo’’ti cintetvā yathā mayā kathitaṃ, tathattāya tathābhāvāya tumhehipi paṭipajjitabbanti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. санд̇удтасуд̇д̇ам̣ • 1. Santuṭṭhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. санд̇удтасуд̇д̇аван̣н̣анаа • 1. Santuṭṭhasuttavaṇṇanā
