| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਸਪਰਿવਾਰਾਸਨਤ੍ਥੇਰਅਪਦਾਨવਣ੍ਣਨਾ
6. Saparivārāsanattheraapadānavaṇṇanā
ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਕਂ ਆਯਸ੍ਮਤੋ ਸਪਰਿવਾਰਾਸਨਤ੍ਥੇਰਸ੍ਸ ਅਪਦਾਨਂ। ਸੋਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ વਿਭવਸਮ੍ਪਨ੍ਨੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਦ੍ਧਾਜਾਤੋ ਸਾਸਨੇ ਪਸਨ੍ਨੋ ਦਾਨਫਲਂ ਸਦ੍ਦਹਨ੍ਤੋ ਨਾਨਗ੍ਗਰਸਭੋਜਨੇਨ ਭਗવਤੋ ਪਿਣ੍ਡਪਾਤਂ ਅਦਾਸਿ, ਦਤ੍વਾ ਚ ਪਨ ਭੋਜਨਸਾਲਾਯਂ ਭੋਜਨਤ੍ਥਾਯ ਨਿਸਿਨ੍ਨਾਸਨਂ ਜਾਤਿਸੁਮਨਮਲ੍ਲਿਕਾਦੀਹਿ ਅਲਙ੍ਕਰਿ। ਭਗવਾ ਚ ਭਤ੍ਤਾਨੁਮੋਦਨਮਕਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਅਨੇਕવਿਧਂ ਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਦ੍ਧੋ ਪਸਨ੍ਨੋ ਪਬ੍ਬਜਿਤ੍વਾ ਨ ਚਿਰਸ੍ਸੇવ ਅਰਹਾ ਅਹੋਸਿ।
Padumuttarabuddhassātiādikaṃ āyasmato saparivārāsanattherassa apadānaṃ. Sopi purimabuddhesu katādhikāro tattha tattha bhavesu vivaṭṭūpanissayāni puññāni upacinanto padumuttarassa bhagavato kāle vibhavasampanne kulagehe nibbatto vuddhippatto saddhājāto sāsane pasanno dānaphalaṃ saddahanto nānaggarasabhojanena bhagavato piṇḍapātaṃ adāsi, datvā ca pana bhojanasālāyaṃ bhojanatthāya nisinnāsanaṃ jātisumanamallikādīhi alaṅkari. Bhagavā ca bhattānumodanamakāsi. So tena puññakammena devamanussesu saṃsaranto anekavidhaṃ sampattiṃ anubhavitvā imasmiṃ buddhuppāde vibhavasampanne kulagehe nibbatto vuddhimanvāya saddho pasanno pabbajitvā na cirasseva arahā ahosi.
੪੩. ਸੋ ਏવਂ ਪਤ੍ਤਸਨ੍ਤਿਪਦੋ ‘‘ਕੇਨ ਨੁ ਖੋ ਪੁਞ੍ਞੇਨ ਇਦਂ ਸਨ੍ਤਿਪਦਂ ਅਨੁਪ੍ਪਤ੍ਤ’’ਨ੍ਤਿ ਞਾਣੇਨ ਉਪਧਾਰੇਨ੍ਤੋ ਪੁਬ੍ਬਕਮ੍ਮਂ ਦਿਸ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਮਾਹ। ਤਂ વੁਤ੍ਤਤ੍ਥਮੇવ। ਪਿਣ੍ਡਪਾਤਂ ਅਦਾਸਹਨ੍ਤਿ ਤਤ੍ਥ ਤਤ੍ਥ ਲਦ੍ਧਾਨਂ ਪਿਣ੍ਡਾਨਂ ਕਬਲ਼ਂ ਕਬਲ਼ਂ ਕਤ੍વਾ ਪਾਤਬ੍ਬਤੋ ਖਾਦਿਤਬ੍ਬਤੋ ਆਹਾਰੋ ਪਿਣ੍ਡਪਾਤੋ, ਤਂ ਪਿਣ੍ਡਪਾਤਂ ਭਗવਤੋ ਅਦਾਸਿਂ, ਭਗવਨ੍ਤਂ ਭੋਜੇਸਿਨ੍ਤਿ ਅਤ੍ਥੋ।
43. So evaṃ pattasantipado ‘‘kena nu kho puññena idaṃ santipadaṃ anuppatta’’nti ñāṇena upadhārento pubbakammaṃ disvā somanassajāto pubbacaritāpadānaṃ pakāsento padumuttarabuddhassātiādimāha. Taṃ vuttatthameva. Piṇḍapātaṃ adāsahanti tattha tattha laddhānaṃ piṇḍānaṃ kabaḷaṃ kabaḷaṃ katvā pātabbato khāditabbato āhāro piṇḍapāto, taṃ piṇḍapātaṃ bhagavato adāsiṃ, bhagavantaṃ bhojesinti attho.
੪੪. ਅਕਿਤ੍ਤਯਿ ਪਿਣ੍ਡਪਾਤਨ੍ਤਿ ਮਯਾ ਦਿਨ੍ਨਪਿਣ੍ਡਪਾਤਸ੍ਸ ਗੁਣਂ ਆਨਿਸਂਸਂ ਪਕਾਸੇਸੀਤਿ ਅਤ੍ਥੋ।
44.Akittayipiṇḍapātanti mayā dinnapiṇḍapātassa guṇaṃ ānisaṃsaṃ pakāsesīti attho.
੪੮. ਸਂવੁਤੋ ਪਾਤਿਮੋਕ੍ਖਸ੍ਮਿਨ੍ਤਿ ਪਾਤਿਮੋਕ੍ਖਸਂવਰਸੀਲੇਨ ਸਂવੁਤੋ ਪਿਹਿਤੋ ਪਟਿਚ੍ਛਨ੍ਨੋਤਿ ਅਤ੍ਥੋ। ਇਨ੍ਦ੍ਰਿਯੇਸੁ ਚ ਪਞ੍ਚਸੂਤਿ ਚਕ੍ਖੁਨ੍ਦ੍ਰਿਯਾਦੀਸੁ ਪਞ੍ਚਸੁ ਇਨ੍ਦ੍ਰਿਯੇਸੁ ਰੂਪਾਦੀਹਿ ਗੋਪਿਤੋ ਇਨ੍ਦ੍ਰਿਯਸਂવਰਸੀਲਞ੍ਚ ਗੋਪਿਤੋਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
48.Saṃvuto pātimokkhasminti pātimokkhasaṃvarasīlena saṃvuto pihito paṭicchannoti attho. Indriyesu ca pañcasūti cakkhundriyādīsu pañcasu indriyesu rūpādīhi gopito indriyasaṃvarasīlañca gopitoti attho. Sesaṃ suviññeyyamevāti.
ਸਪਰਿવਾਰਾਸਨਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Saparivārāsanattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਸਪਰਿવਾਰਾਸਨਤ੍ਥੇਰਅਪਦਾਨਂ • 6. Saparivārāsanattheraapadānaṃ
