| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਸਪਰਿવਾਰਿਯਤ੍ਥੇਰਅਪਦਾਨવਣ੍ਣਨਾ
4. Saparivāriyattheraapadānavaṇṇanā
ਪਦੁਮੁਤ੍ਤਰੋ ਨਾਮ ਜਿਨੋਤਿਆਦਿਕਂ ਆਯਸ੍ਮਤੋ ਸਪਰਿવਾਰਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕਾਸੁ ਜਾਤੀਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਮਹਦ੍ਧਨੋ ਮਹਾਭੋਗੋ ਅਹੋਸਿ। ਅਥ ਪਦੁਮੁਤ੍ਤਰੇ ਭਗવਤਿ ਪਰਿਨਿਬ੍ਬੁਤੇ ਮਹਾਜਨੋ ਤਸ੍ਸ ਧਾਤੁਂ ਨਿਦਹਿਤ੍વਾ ਮਹਨ੍ਤਂ ਚੇਤਿਯਂ ਕਾਰੇਤ੍વਾ ਪੂਜੇਸਿ। ਤਸ੍ਮਿਂ ਕਾਲੇ ਅਯਂ ਉਪਾਸਕੋ ਤਸ੍ਸੁਪਰਿ ਚਨ੍ਦਨਸਾਰੇਨ ਚੇਤਿਯਘਰਂ ਕਰਿਤ੍વਾ ਮਹਾਪੂਜਂ ਅਕਾਸਿ। ਸੋ ਤੇਨੇવ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਕੁਸਲਂ ਕਤ੍વਾ ਸਦ੍ਧਾਯ ਸਾਸਨੇ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Padumuttaro nāma jinotiādikaṃ āyasmato saparivāriyattherassa apadānaṃ. Ayampi purimabuddhesu katādhikāro anekāsu jātīsu vivaṭṭūpanissayāni puññāni upacinanto padumuttarassa bhagavato kāle kulagehe nibbatto viññutaṃ patto mahaddhano mahābhogo ahosi. Atha padumuttare bhagavati parinibbute mahājano tassa dhātuṃ nidahitvā mahantaṃ cetiyaṃ kāretvā pūjesi. Tasmiṃ kāle ayaṃ upāsako tassupari candanasārena cetiyagharaṃ karitvā mahāpūjaṃ akāsi. So teneva puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya kusalaṃ katvā saddhāya sāsane pabbajitvā nacirasseva arahā ahosi.
੧੫-੮. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰੋ ਨਾਮ ਜਿਨੋਤਿਆਦਿਮਾਹ। ਤਤ੍ਥ ਓਮਤ੍ਤਨ੍ਤਿ ਲਾਮਕਭਾવਂ ਨੀਚਭਾવਂ ਦੁਕ੍ਖਿਤਭਾવਂ વਾ ਨ ਪਸ੍ਸਾਮਿ ਨ ਜਾਨਾਮਿ, ਨ ਦਿਟ੍ਠਪੁਬ੍ਬੋ ਮਯਾ ਨੀਚਭਾવੋਤਿ ਅਤ੍ਥੋ। ਸੇਸਂ ਪਾਕਟਮੇવਾਤਿ।
15-8. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Tattha omattanti lāmakabhāvaṃ nīcabhāvaṃ dukkhitabhāvaṃ vā na passāmi na jānāmi, na diṭṭhapubbo mayā nīcabhāvoti attho. Sesaṃ pākaṭamevāti.
ਸਪਰਿવਾਰਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Saparivāriyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਸਪਰਿવਾਰਿਯਤ੍ਥੇਰਅਪਦਾਨਂ • 4. Saparivāriyattheraapadānaṃ
