| Library / Tipiṭaka / तिपिटक • Tipiṭaka / कङ्खावितरणी-पुराण-टीका • Kaṅkhāvitaraṇī-purāṇa-ṭīkā |
२. सप्पाणकसिक्खापदवण्णना
2. Sappāṇakasikkhāpadavaṇṇanā
सप्पाणकन्ति पाणकानं मरणवसेन पाचित्तियं, न सप्पाणकउदकपरिभोगवसेन पाचित्तियं, तस्मा एव ‘‘पण्णत्तिवज्ज’’न्ति वुत्तं। असुद्धचित्तत्ता पाचित्तियं, सुद्धचित्ते अनापत्ति। पदीपुज्जलने विय पण्णत्तिवज्जता वुत्ताति लिखितं।
Sappāṇakanti pāṇakānaṃ maraṇavasena pācittiyaṃ, na sappāṇakaudakaparibhogavasena pācittiyaṃ, tasmā eva ‘‘paṇṇattivajja’’nti vuttaṃ. Asuddhacittattā pācittiyaṃ, suddhacitte anāpatti. Padīpujjalane viya paṇṇattivajjatā vuttāti likhitaṃ.
जले पक्खिपनं पुब्बं, जलप्पवेसनं इदं।
Jale pakkhipanaṃ pubbaṃ, jalappavesanaṃ idaṃ;
एवं उभिन्नं नानात्तं, ञेय्यं ञाणवता सदाति॥ (वजिर॰ टी॰ पाचित्तिय ३८७)
Evaṃ ubhinnaṃ nānāttaṃ, ñeyyaṃ ñāṇavatā sadāti. (vajira. ṭī. pācittiya 387)
सप्पाणकसिक्खापदवण्णना निट्ठिता।
Sappāṇakasikkhāpadavaṇṇanā niṭṭhitā.
