| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[483] 10. сарабхамиг̇аж̇аад̇агаван̣н̣анаа
[483] 10. Sarabhamigajātakavaṇṇanā
аасийсзт̇зва бурисод̇и ид̣̇ам̣ сад̇т̇аа ж̇зд̇аванз вихаранд̇о ад̇д̇анаа сам̣кид̇д̇зна бужчид̇абан̃хасса д̇хаммасзнаабад̇ино вид̇т̇аарзна б̣яаагаран̣ам̣ аараб̣бха гат̇зси. гад̣̇аа бана сад̇т̇аа т̇зрам̣ сам̣кид̇д̇зна бан̃хам̣ бужчийд̇и? д̣̇звороханз. д̇ад̇рааяам̣ сан̇кзбад̇о анубуб̣б̣игат̇аа. рааж̇аг̇ахасздтино хи санд̇агз жанд̣̇анабад̇д̇з ааяасмад̇аа бин̣д̣олабхаарад̣̇вааж̇зна ид̣̇д̇хияаа г̇ахид̇з сад̇т̇аа бхигкуунам̣ ид̣̇д̇хибаадихаарияагаран̣ам̣ бадигкиби. д̇ад̣̇аа д̇ид̇т̇ияаа ‘‘бадигкид̇д̇ам̣ саман̣зна г̇од̇амзна ид̣̇д̇хибаадихаарияагаран̣ам̣, ид̣̇аани саяамби на гариссад̇ий’’д̇и жинд̇зд̇ваа ман̇губхууд̇зхи ад̇д̇ано саавагзхи ‘‘гим̣, бханд̇з, ид̣̇д̇хияаа бад̇д̇ам̣ на г̇ан̣хат̇аа’’д̇и вужжамаанаа ‘‘нзд̇ам̣ аавусо, амхаагам̣ д̣̇уггарам̣, чавасса бана д̣̇аарубад̇д̇ассад̇т̇ааяа ад̇д̇ано сан̣хасукумаг̇ун̣ам̣ го г̇ихийнам̣ багаасзссад̇ийд̇и на г̇ан̣химха, саман̣аа бана сагяабуд̇д̇ияаа лолад̇ааяа ид̣̇д̇хим̣ д̣̇ассзд̇ваа г̇ан̣хим̣су. маа ‘амхаагам̣ ид̣̇д̇хигаран̣ам̣ бхааро’д̇и жинд̇аяид̇т̇а, маяан̃хи д̇идтанд̇у саман̣асса г̇од̇амасса саавагаа, ааган̇камаанаа бана саман̣зна г̇од̇амзна сад̣̇д̇хим̣ ид̣̇д̇хим̣ д̣̇ассзссаама, сажз хи саман̣о г̇од̇амо згам̣ баадихаарияам̣ гариссад̇и, маяам̣ д̣̇виг̇ун̣ам̣ гариссаамаа’’д̇и гат̇аяим̣су.
Āsīsetheva purisoti idaṃ satthā jetavane viharanto attanā saṃkhittena pucchitapañhassa dhammasenāpatino vitthārena byākaraṇaṃ ārabbha kathesi. Kadā pana satthā theraṃ saṃkhittena pañhaṃ pucchīti? Devorohane. Tatrāyaṃ saṅkhepato anupubbikathā. Rājagahaseṭṭhino hi santake candanapatte āyasmatā piṇḍolabhāradvājena iddhiyā gahite satthā bhikkhūnaṃ iddhipāṭihāriyakaraṇaṃ paṭikkhipi. Tadā titthiyā ‘‘paṭikkhittaṃ samaṇena gotamena iddhipāṭihāriyakaraṇaṃ, idāni sayampi na karissatī’’ti cintetvā maṅkubhūtehi attano sāvakehi ‘‘kiṃ, bhante, iddhiyā pattaṃ na gaṇhathā’’ti vuccamānā ‘‘netaṃ āvuso, amhākaṃ dukkaraṃ, chavassa pana dārupattassatthāya attano saṇhasukhumaguṇaṃ ko gihīnaṃ pakāsessatīti na gaṇhimha, samaṇā pana sakyaputtiyā lolatāya iddhiṃ dassetvā gaṇhiṃsu. Mā ‘amhākaṃ iddhikaraṇaṃ bhāro’ti cintayittha, mayañhi tiṭṭhantu samaṇassa gotamassa sāvakā, ākaṅkhamānā pana samaṇena gotamena saddhiṃ iddhiṃ dassessāma, sace hi samaṇo gotamo ekaṃ pāṭihāriyaṃ karissati, mayaṃ dviguṇaṃ karissāmā’’ti kathayiṃsu.
д̇ам̣ суд̇ваа бхигкуу бхаг̇авад̇о аарожзсум̣ ‘‘бханд̇з, д̇ид̇т̇ияаа гира баадихаарияам̣ гариссанд̇ий’’д̇и. сад̇т̇аа ‘‘бхигкавз, гаронд̇у, ахамби гариссаамий’’д̇и ааха. д̇ам̣ суд̇ваа б̣имб̣исааро ааг̇анд̇ваа бхаг̇аванд̇ам̣ бужчи ‘‘бханд̇з, баадихаарияам̣ гира гариссат̇аа’’д̇и? ‘‘аама, махаарааж̇аа’’д̇и. ‘‘нану, бханд̇з, сигкаабад̣̇ам̣ бан̃н̃ад̇д̇а’’нд̇и. ‘‘махаарааж̇а, д̇ам̣ маяаа саавагаанам̣ бан̃н̃ад̇д̇ам̣, б̣уд̣̇д̇хаанам̣ бана сигкаабад̣̇ам̣ наама над̇т̇и. ‘‘яат̇аа хи, махаарааж̇а, д̇ава уяяаанз бубпапалам̣ ан̃н̃зсам̣ ваарид̇ам̣, на д̇ава, звам̣самбад̣̇амид̣̇ам̣ д̣̇адтаб̣б̣а’’нд̇и. ‘‘гад̇т̇а бана, бханд̇з, баадихаарияам̣ гариссат̇аа’’д̇и? ‘‘саавад̇т̇инаг̇арад̣̇ваарз ган̣д̣амб̣аругкамуулз’’д̇и. ‘‘амхзхи д̇ад̇т̇а гим̣ гад̇д̇аб̣б̣а’’нд̇и? ‘‘над̇т̇и гин̃жи махаарааж̇аа’’д̇и. бунад̣̇ивасз сад̇т̇аа гад̇абхад̇д̇агижжо жааригам̣ баггаами. мануссаа ‘‘гухим̣, бханд̇з, сад̇т̇аа г̇ажчад̇ий’’д̇и бужчанд̇и. ‘‘саавад̇т̇инаг̇арад̣̇ваарз ган̣д̣амб̣аругкамуулз д̇ид̇т̇ияамад̣̇д̣̇анам̣ яамагабаадихаарияам̣ гаад̇у’’нд̇и д̇зсам̣ бхигкуу гат̇аяанд̇и. махааж̇ано ‘‘ажчарияаруубам̣ гира баадихаарияам̣ бхависсад̇и, бассиссаама на’’нд̇и гхарад̣̇ваараани чад̣д̣зд̇ваа сад̇т̇аараа сад̣̇д̇хим̣язва аг̇амааси.
Taṃ sutvā bhikkhū bhagavato ārocesuṃ ‘‘bhante, titthiyā kira pāṭihāriyaṃ karissantī’’ti. Satthā ‘‘bhikkhave, karontu, ahampi karissāmī’’ti āha. Taṃ sutvā bimbisāro āgantvā bhagavantaṃ pucchi ‘‘bhante, pāṭihāriyaṃ kira karissathā’’ti? ‘‘Āma, mahārājā’’ti. ‘‘Nanu, bhante, sikkhāpadaṃ paññatta’’nti. ‘‘Mahārāja, taṃ mayā sāvakānaṃ paññattaṃ, buddhānaṃ pana sikkhāpadaṃ nāma natthi. ‘‘Yathā hi, mahārāja, tava uyyāne pupphaphalaṃ aññesaṃ vāritaṃ, na tava, evaṃsampadamidaṃ daṭṭhabba’’nti. ‘‘Kattha pana, bhante, pāṭihāriyaṃ karissathā’’ti? ‘‘Sāvatthinagaradvāre kaṇḍambarukkhamūle’’ti. ‘‘Amhehi tattha kiṃ kattabba’’nti? ‘‘Natthi kiñci mahārājā’’ti. Punadivase satthā katabhattakicco cārikaṃ pakkāmi. Manussā ‘‘kuhiṃ, bhante, satthā gacchatī’’ti pucchanti. ‘‘Sāvatthinagaradvāre kaṇḍambarukkhamūle titthiyamaddanaṃ yamakapāṭihāriyaṃ kātu’’nti tesaṃ bhikkhū kathayanti. Mahājano ‘‘acchariyarūpaṃ kira pāṭihāriyaṃ bhavissati, passissāma na’’nti gharadvārāni chaḍḍetvā satthārā saddhiṃyeva agamāsi.
ан̃н̃ад̇ид̇т̇ияаа ‘‘маяамби саман̣асса г̇од̇амасса баадихаарияагаран̣адтаанз баадихаарияам̣ гариссаамаа’’д̇и убадтаагзхи сад̣̇д̇хим̣ сад̇т̇аарамзва ануб̣анд̇хим̣су. сад̇т̇аа анубуб̣б̣зна саавад̇т̇им̣ г̇анд̇ваа ран̃н̃аа ‘‘баадихаарияам̣ гира, бханд̇з, гариссат̇аа’’д̇и бужчид̇о ‘‘гариссаамий’’д̇и вад̇ваа ‘‘гад̣̇аа, бханд̇з’’д̇и вуд̇д̇з ‘‘ид̇о сад̇д̇амз д̣̇ивасз аасаал̣хибун̣н̣амаасияа’’нд̇и ааха. ‘‘ман̣д̣абам̣ гароми бханд̇з’’д̇и? ‘‘алам̣ махаарааж̇а, мама баадихаарияагаран̣адтаанз сагго д̣̇зварааж̇аа д̣̇ваад̣̇асаяож̇анигам̣ рад̇анаман̣д̣абам̣ гариссад̇ий’’д̇и. ‘‘зд̇ам̣ гааран̣ам̣ наг̇арз уг̇гхосаабзми, бханд̇з’’д̇и? ‘‘уг̇гхосаабзхи махаарааж̇аа’’д̇и. рааж̇аа д̇хаммагхосагам̣ алан̇гад̇ахад̇т̇ибидтим̣ ааробзд̇ваа ‘‘бхаг̇аваа гира саавад̇т̇инаг̇арад̣̇ваарз ган̣д̣амб̣аругкамуулз д̇ид̇т̇ияамад̣̇д̣̇анам̣ баадихаарияам̣ гариссад̇и ид̇о сад̇д̇амз д̣̇ивасз’’д̇и яаава чадтад̣̇ивасаа д̣̇звасигам̣ гхосанам̣ гаарзси. д̇ид̇т̇ияаа ‘‘ган̣д̣амб̣аругкамуулз гира гариссад̇ий’’д̇и саамигаанам̣ д̇ханам̣ д̣̇ад̇ваа саавад̇т̇исааманд̇з амб̣аругкз чинд̣̇аабаяим̣су. д̇хаммагхосаго бун̣н̣амийд̣̇ивасз баад̇ова ‘‘аж̇ж̇а, бхаг̇авад̇о баадихаарияам̣ бхависсад̇ий’’д̇и уг̇гхосзси. д̣̇звад̇аанубхаавзна сагалаж̇амб̣уд̣̇ийбз д̣̇ваарз тад̇ваа уг̇гхосид̇ам̣ вияа ахоси. яз яз г̇анд̇ум̣ жид̇д̇ам̣ уббаад̣̇знд̇и, д̇з д̇з саавад̇т̇им̣ бад̇д̇амзва ад̇д̇аанам̣ бассим̣су, д̣̇ваад̣̇асаяож̇анигаа барисаа ахоси.
Aññatitthiyā ‘‘mayampi samaṇassa gotamassa pāṭihāriyakaraṇaṭṭhāne pāṭihāriyaṃ karissāmā’’ti upaṭṭhākehi saddhiṃ satthārameva anubandhiṃsu. Satthā anupubbena sāvatthiṃ gantvā raññā ‘‘pāṭihāriyaṃ kira, bhante, karissathā’’ti pucchito ‘‘karissāmī’’ti vatvā ‘‘kadā, bhante’’ti vutte ‘‘ito sattame divase āsāḷhipuṇṇamāsiya’’nti āha. ‘‘Maṇḍapaṃ karomi bhante’’ti? ‘‘Alaṃ mahārāja, mama pāṭihāriyakaraṇaṭṭhāne sakko devarājā dvādasayojanikaṃ ratanamaṇḍapaṃ karissatī’’ti. ‘‘Etaṃ kāraṇaṃ nagare ugghosāpemi, bhante’’ti? ‘‘Ugghosāpehi mahārājā’’ti. Rājā dhammaghosakaṃ alaṅkatahatthipiṭṭhiṃ āropetvā ‘‘bhagavā kira sāvatthinagaradvāre kaṇḍambarukkhamūle titthiyamaddanaṃ pāṭihāriyaṃ karissati ito sattame divase’’ti yāva chaṭṭhadivasā devasikaṃ ghosanaṃ kāresi. Titthiyā ‘‘kaṇḍambarukkhamūle kira karissatī’’ti sāmikānaṃ dhanaṃ datvā sāvatthisāmante ambarukkhe chindāpayiṃsu. Dhammaghosako puṇṇamīdivase pātova ‘‘ajja, bhagavato pāṭihāriyaṃ bhavissatī’’ti ugghosesi. Devatānubhāvena sakalajambudīpe dvāre ṭhatvā ugghositaṃ viya ahosi. Ye ye gantuṃ cittaṃ uppādenti, te te sāvatthiṃ pattameva attānaṃ passiṃsu, dvādasayojanikā parisā ahosi.
сад̇т̇аа баад̇ова саавад̇т̇им̣ бин̣д̣ааяа бависид̇ум̣ нигками. ган̣д̣о наама уяяаанабаало бин̣д̣ибаггамзва гумбхабамаан̣ам̣ маханд̇ам̣ амб̣абаггам̣ ран̃н̃о харанд̇о сад̇т̇аарам̣ наг̇арад̣̇ваарз д̣̇исваа ‘‘ид̣̇ам̣ д̇ат̇ааг̇ад̇ассзва анужчавига’’нд̇и ад̣̇ааси. сад̇т̇аа бадиг̇г̇ахзд̇ваа д̇ад̇т̇зва згаманд̇ам̣ нисинно барибхун̃ж̇ид̇ваа ‘‘аананд̣̇а, имам̣ амб̣адтим̣ уяяаанабаалагасса имасмим̣ таанз робанад̇т̇ааяа д̣̇зхи, зса ган̣д̣амб̣о наама бхависсад̇ий’’д̇и ааха. т̇зро д̇ат̇аа агааси. уяяаанабаало бам̣сум̣ вияуухид̇ваа робзси. д̇ан̇кан̣ан̃н̃зва адтим̣ бхинд̣̇ид̇ваа муулаани од̇арим̣су, нан̇г̇аласийсабамаан̣о рад̇д̇ан̇гуро удтахи, махааж̇анасса ологзнд̇ассзва бан̣н̣аасахад̇т̇агканд̇хо бан̣н̣аасахад̇т̇асаако уб̣б̣зд̇хад̇о жа хад̇т̇асад̇иго амб̣аругко самбаж̇ж̇и, д̇аавад̣̇звасса бубпаани жа палаани жа удтахим̣су. со мад̇хугарабаривуд̇о суван̣н̣аван̣н̣апалабхарид̇о набхам̣ буурзд̇ваа адтааси, ваад̇аббахаран̣агаалз мад̇хурабаггаани бад̇им̣су. бажчаа ааг̇ажчанд̇аа бхигкуу барибхун̃ж̇ид̇ваава ааг̇амим̣су.
Satthā pātova sāvatthiṃ piṇḍāya pavisituṃ nikkhami. Kaṇḍo nāma uyyānapālo piṇḍipakkameva kumbhapamāṇaṃ mahantaṃ ambapakkaṃ rañño haranto satthāraṃ nagaradvāre disvā ‘‘idaṃ tathāgatasseva anucchavika’’nti adāsi. Satthā paṭiggahetvā tattheva ekamantaṃ nisinno paribhuñjitvā ‘‘ānanda, imaṃ ambaṭṭhiṃ uyyānapālakassa imasmiṃ ṭhāne ropanatthāya dehi, esa kaṇḍambo nāma bhavissatī’’ti āha. Thero tathā akāsi. Uyyānapālo paṃsuṃ viyūhitvā ropesi. Taṅkhaṇaññeva aṭṭhiṃ bhinditvā mūlāni otariṃsu, naṅgalasīsapamāṇo rattaṅkuro uṭṭhahi, mahājanassa olokentasseva paṇṇāsahatthakkhandho paṇṇāsahatthasākho ubbedhato ca hatthasatiko ambarukkho sampajji, tāvadevassa pupphāni ca phalāni ca uṭṭhahiṃsu. So madhukaraparivuto suvaṇṇavaṇṇaphalabharito nabhaṃ pūretvā aṭṭhāsi, vātappaharaṇakāle madhurapakkāni patiṃsu. Pacchā āgacchantā bhikkhū paribhuñjitvāva āgamiṃsu.
сааяанхасамаяз сагго д̣̇зварааж̇аа ааваж̇ж̇знд̇о ‘‘сад̇т̇у рад̇анаман̣д̣абагаран̣ам̣ амхаагам̣ бхааро’’д̇и н̃ад̇ваа виссагаммад̣̇звабуд̇д̇ам̣ бзсзд̇ваа д̣̇ваад̣̇асаяож̇анигам̣ нийлуббаласан̃чаннам̣ сад̇д̇арад̇анаман̣д̣абам̣ гаарзси. звам̣ д̣̇асасахассажаггаваал̣ад̣̇звад̇аа саннибад̇им̣су. сад̇т̇аа д̇ид̇т̇ияамад̣̇д̣̇анам̣ асаад̇хааран̣ам̣ саавагзхи яамагабаадихаарияам̣ гад̇ваа б̣ахуж̇анасса басаннабхаавам̣ н̃ад̇ваа оруяха б̣уд̣̇д̇хаасанз нисинно д̇хаммам̣ д̣̇зсзси. вийсад̇и баан̣агодияо амад̇абаанам̣ бивим̣су. д̇ад̇о ‘‘буримаб̣уд̣̇д̇хаа бана баадихаарияам̣ гад̇ваа гад̇т̇а г̇ажчанд̇ий’’д̇и ааваж̇ж̇знд̇о ‘‘д̇аавад̇им̣сабхавана’’нд̇и н̃ад̇ваа б̣уд̣̇д̇хаасанаа удтааяа д̣̇агкин̣абаад̣̇ам̣ яуг̇анд̇харамуд̣̇д̇хани табзд̇ваа ваамабаад̣̇зна синзрумад̇т̇агам̣ аггамид̇ваа баарижчад̇д̇агамуулз бан̣д̣угамб̣аласилааяам̣ вассам̣ убаг̇анд̇ваа анд̇од̇змаасам̣ д̣̇зваанам̣ абхид̇хаммабидагам̣ гат̇зси. барисаа сад̇т̇у г̇ад̇адтаанам̣ аж̇аананд̇ий ‘‘д̣̇исваава г̇амиссаамаа’’д̇и д̇ад̇т̇зва д̇змаасам̣ васи. убагадтааяа бавааран̣ааяа махаамог̇г̇аллаанад̇т̇зро г̇анд̇ваа бхаг̇авад̇о аарожзси. ат̇а нам̣ сад̇т̇аа бужчи ‘‘гахам̣ бана зд̇арахи саарибуд̇д̇о’’д̇и? ‘‘зсо, бханд̇з, баадихаарияз басийд̣̇ид̇ваа баб̣б̣аж̇ид̇зхи бан̃жахи бхигкусад̇зхи сад̣̇д̇хим̣ сан̇гассанаг̇арад̣̇ваарз васий’’д̇и. ‘‘мог̇г̇аллаана, ахам̣ ид̇о сад̇д̇амз д̣̇ивасз сан̇гассанаг̇арад̣̇ваарз од̇ариссаами, д̇ат̇ааг̇ад̇ам̣ д̣̇адтугаамаа сан̇гассанаг̇арз згад̇о саннибад̇анд̇уу’’д̇и. т̇зро ‘‘саад̇хуу’’д̇и бадиссун̣ид̇ваа ааг̇анд̇ваа барисааяа аарожзд̇ваа сагалабарисам̣ саавад̇т̇ид̇о д̇им̣саяож̇анам̣ сан̇гассанаг̇арам̣ згамухуд̇д̇знзва баабзси.
Sāyanhasamaye sakko devarājā āvajjento ‘‘satthu ratanamaṇḍapakaraṇaṃ amhākaṃ bhāro’’ti ñatvā vissakammadevaputtaṃ pesetvā dvādasayojanikaṃ nīluppalasañchannaṃ sattaratanamaṇḍapaṃ kāresi. Evaṃ dasasahassacakkavāḷadevatā sannipatiṃsu. Satthā titthiyamaddanaṃ asādhāraṇaṃ sāvakehi yamakapāṭihāriyaṃ katvā bahujanassa pasannabhāvaṃ ñatvā oruyha buddhāsane nisinno dhammaṃ desesi. Vīsati pāṇakoṭiyo amatapānaṃ piviṃsu. Tato ‘‘purimabuddhā pana pāṭihāriyaṃ katvā kattha gacchantī’’ti āvajjento ‘‘tāvatiṃsabhavana’’nti ñatvā buddhāsanā uṭṭhāya dakkhiṇapādaṃ yugandharamuddhani ṭhapetvā vāmapādena sinerumatthakaṃ akkamitvā pāricchattakamūle paṇḍukambalasilāyaṃ vassaṃ upagantvā antotemāsaṃ devānaṃ abhidhammapiṭakaṃ kathesi. Parisā satthu gataṭṭhānaṃ ajānantī ‘‘disvāva gamissāmā’’ti tattheva temāsaṃ vasi. Upakaṭṭhāya pavāraṇāya mahāmoggallānatthero gantvā bhagavato ārocesi. Atha naṃ satthā pucchi ‘‘kahaṃ pana etarahi sāriputto’’ti? ‘‘Eso, bhante, pāṭihāriye pasīditvā pabbajitehi pañcahi bhikkhusatehi saddhiṃ saṅkassanagaradvāre vasī’’ti. ‘‘Moggallāna, ahaṃ ito sattame divase saṅkassanagaradvāre otarissāmi, tathāgataṃ daṭṭhukāmā saṅkassanagare ekato sannipatantū’’ti. Thero ‘‘sādhū’’ti paṭissuṇitvā āgantvā parisāya ārocetvā sakalaparisaṃ sāvatthito tiṃsayojanaṃ saṅkassanagaraṃ ekamuhutteneva pāpesi.
сад̇т̇аа вуд̇т̇авассо баваарзд̇ваа ‘‘махаарааж̇а, мануссалогам̣ г̇амиссаамий’’д̇и саггасса аарожзси. сагго виссагаммам̣ ааманд̇зд̇ваа ‘‘д̣̇асаб̣аласса мануссалогаг̇аманад̇т̇ааяа д̇ийн̣и собаанаани гарохий’’д̇и ааха. со синзрумад̇т̇агз собаанасийсам̣ сан̇гассанаг̇арад̣̇ваарз д̇хурасобаанам̣ гад̇ваа маж̇жхз ман̣имаяам̣, згасмим̣ бассз раж̇ад̇амаяам̣, згасмим̣ бассз суван̣н̣амаяанд̇и д̇ийн̣и собаанаани маабзси, сад̇д̇арад̇анамаяаа взд̣̇игаабаригкзбаа. сад̇т̇аа логавиваран̣ам̣ баадихаарияам̣ гад̇ваа маж̇жхз ман̣имаязна собаанзна од̇ари. сагго бад̇д̇ажийварам̣ аг̇г̇ахзси, суяаамо ваалаб̣ийж̇аним̣, сахамбад̇и махааб̣рахмаа чад̇д̇ам̣ д̇хаарзси, д̣̇асасахассажаггаваал̣ад̣̇звад̇аа д̣̇иб̣б̣аг̇анд̇хамаалаад̣̇ийхи бууж̇аяим̣су. сад̇т̇аарам̣ д̇хурасобаанз бад̇идтид̇ам̣ батамамзва саарибуд̇д̇ад̇т̇зро ванд̣̇и, бажчаа сзсабарисаа. д̇асмим̣ самааг̇амз сад̇т̇аа жинд̇зси ‘‘мог̇г̇аллаано ‘‘ид̣̇д̇химаа’д̇и баагадо, убаали ‘винаяад̇харо’д̇и. саарибуд̇д̇асса бана махаабан̃н̃аг̇ун̣о абаагадо, табзд̇ваа мам̣ ан̃н̃о зд̇зна сад̣̇исо самабан̃н̃о наама над̇т̇и, бан̃н̃ааг̇ун̣амасса баагадам̣ гариссаамий’’д̇и батамам̣ д̇аава бут̇уж̇ж̇анаанам̣ висаяз бан̃хам̣ бужчи, д̇ам̣ бут̇уж̇ж̇анаава гат̇аяим̣су д̇ад̇о сод̇аабаннаанам̣ висаяз бан̃хам̣ бужчи, д̇амби сод̇аабаннаава гат̇аяим̣су, бут̇уж̇ж̇анаа на ж̇ааним̣су. звам̣ сагад̣̇ааг̇аамивисаяз анааг̇аамивисаяз кийн̣аасавависаяз махаасаавагависаяз жа бан̃хам̣ бужчи, д̇амби хздтимаа хздтимаа на ж̇ааним̣су, убаримаа убаримаава гат̇аяим̣су. аг̇г̇асаавагависаяз будтабан̃хамби аг̇г̇асаавагаава гат̇аяим̣су, ан̃н̃з на ж̇ааним̣су. д̇ад̇о саарибуд̇д̇ад̇т̇зрасса висаяз бан̃хам̣ бужчи, д̇ам̣ т̇зрова гат̇зси, ан̃н̃з на ж̇ааним̣су.
Satthā vutthavasso pavāretvā ‘‘mahārāja, manussalokaṃ gamissāmī’’ti sakkassa ārocesi. Sakko vissakammaṃ āmantetvā ‘‘dasabalassa manussalokagamanatthāya tīṇi sopānāni karohī’’ti āha. So sinerumatthake sopānasīsaṃ saṅkassanagaradvāre dhurasopānaṃ katvā majjhe maṇimayaṃ, ekasmiṃ passe rajatamayaṃ, ekasmiṃ passe suvaṇṇamayanti tīṇi sopānāni māpesi, sattaratanamayā vedikāparikkhepā. Satthā lokavivaraṇaṃ pāṭihāriyaṃ katvā majjhe maṇimayena sopānena otari. Sakko pattacīvaraṃ aggahesi, suyāmo vālabījaniṃ, sahampati mahābrahmā chattaṃ dhāresi, dasasahassacakkavāḷadevatā dibbagandhamālādīhi pūjayiṃsu. Satthāraṃ dhurasopāne patiṭṭhitaṃ paṭhamameva sāriputtatthero vandi, pacchā sesaparisā. Tasmiṃ samāgame satthā cintesi ‘‘moggallāno ‘‘iddhimā’ti pākaṭo, upāli ‘vinayadharo’ti. Sāriputtassa pana mahāpaññaguṇo apākaṭo, ṭhapetvā maṃ añño etena sadiso samapañño nāma natthi, paññāguṇamassa pākaṭaṃ karissāmī’’ti paṭhamaṃ tāva puthujjanānaṃ visaye pañhaṃ pucchi, taṃ puthujjanāva kathayiṃsu tato sotāpannānaṃ visaye pañhaṃ pucchi, tampi sotāpannāva kathayiṃsu, puthujjanā na jāniṃsu. Evaṃ sakadāgāmivisaye anāgāmivisaye khīṇāsavavisaye mahāsāvakavisaye ca pañhaṃ pucchi, tampi heṭṭhimā heṭṭhimā na jāniṃsu, uparimā uparimāva kathayiṃsu. Aggasāvakavisaye puṭṭhapañhampi aggasāvakāva kathayiṃsu, aññe na jāniṃsu. Tato sāriputtattherassa visaye pañhaṃ pucchi, taṃ therova kathesi, aññe na jāniṃsu.
мануссаа ‘‘го наама зса т̇зро сад̇т̇аараа сад̣̇д̇хим̣ гат̇зсий’’д̇и бужчид̇ваа ‘‘д̇хаммасзнаабад̇и саарибуд̇д̇ад̇т̇зро наамаа’’д̇и суд̇ваа ‘‘ахо махаабан̃н̃о’’д̇и вад̣̇им̣су. д̇ад̇о бадтааяа д̣̇звамануссаанам̣ анд̇арз т̇зрасса махаабан̃н̃аг̇ун̣о баагадо ж̇аад̇о. ат̇а нам̣ сад̇т̇аа –
Manussā ‘‘ko nāma esa thero satthārā saddhiṃ kathesī’’ti pucchitvā ‘‘dhammasenāpati sāriputtatthero nāmā’’ti sutvā ‘‘aho mahāpañño’’ti vadiṃsu. Tato paṭṭhāya devamanussānaṃ antare therassa mahāpaññaguṇo pākaṭo jāto. Atha naṃ satthā –
‘‘яз жа сан̇каад̇ад̇хаммаасз, яз жа сзкаа бут̇уу ид̇ха;
‘‘Ye ca saṅkhātadhammāse, ye ca sekhā puthū idha;
д̇зсам̣ мз нибаго ирияам̣, будто баб̣руухи маарисаа’’д̇и. (су. ни. 1044; жуул̣ани. аж̇ид̇амаан̣авабужчаа 63; нзд̇д̇и. 14) –
Tesaṃ me nipako iriyaṃ, puṭṭho pabrūhi mārisā’’ti. (su. ni. 1044; cūḷani. ajitamāṇavapucchā 63; netti. 14) –
б̣уд̣̇д̇хависаяз бан̃хам̣ бужчид̇ваа ‘‘имасса ну ко саарибуд̇д̇а, сам̣кид̇д̇зна бхаасид̇асса гат̇ам̣ вид̇т̇аарзна ад̇т̇о д̣̇адтаб̣б̣о’’д̇и ааха. т̇зро бан̃хам̣ ологзд̇ваа ‘‘сад̇т̇аа мам̣ сзкаасзкаанам̣ бхигкуунам̣ ааг̇аманабадибад̣̇ам̣ бужчад̇ий’’д̇и бан̃хз нигган̇ко худ̇ваа ‘‘ааг̇аманабадибад̣̇аа наама канд̇хаад̣̇ивасзна б̣ахуухи мукзхи саггаа гат̇зд̇ум̣, гад̇ам̣ ну ко гат̇знд̇о сад̇т̇у аж̇жхаасаяам̣ г̇ан̣хид̇ум̣ сагкиссаамий’’д̇и аж̇жхаасаяз ган̇ки. сад̇т̇аа ‘‘саарибуд̇д̇о бан̃хз нигган̇ко, аж̇жхаасаяз бана мз ган̇кад̇и, маяаа наяз ад̣̇иннз гат̇зд̇ум̣ на сагкиссад̇и, наяамасса д̣̇ассаамий’’д̇и наяам̣ д̣̇ад̣̇анд̇о ‘‘бхууд̇амид̣̇ам̣ саарибуд̇д̇а саманубассаа’’д̇и ааха. звам̣ гирасса ахоси ‘‘саарибуд̇д̇о мама аж̇жхаасаяам̣ г̇ахзд̇ваа гат̇знд̇о канд̇хавасзна гат̇зссад̇ий’’д̇и. т̇зрасса саха наяад̣̇аанзна со бан̃хо наяасад̇зна наяасахассзна убадтааси. со сад̇т̇аараа д̣̇иннанаяз тад̇ваа б̣уд̣̇д̇хависаяз бан̃хам̣ гат̇зси.
Buddhavisaye pañhaṃ pucchitvā ‘‘imassa nu kho sāriputta, saṃkhittena bhāsitassa kathaṃ vitthārena attho daṭṭhabbo’’ti āha. Thero pañhaṃ oloketvā ‘‘satthā maṃ sekhāsekhānaṃ bhikkhūnaṃ āgamanapaṭipadaṃ pucchatī’’ti pañhe nikkaṅkho hutvā ‘‘āgamanapaṭipadā nāma khandhādivasena bahūhi mukhehi sakkā kathetuṃ, kataṃ nu kho kathento satthu ajjhāsayaṃ gaṇhituṃ sakkhissāmī’’ti ajjhāsaye kaṅkhi. Satthā ‘‘sāriputto pañhe nikkaṅkho, ajjhāsaye pana me kaṅkhati, mayā naye adinne kathetuṃ na sakkhissati, nayamassa dassāmī’’ti nayaṃ dadanto ‘‘bhūtamidaṃ sāriputta samanupassā’’ti āha. Evaṃ kirassa ahosi ‘‘sāriputto mama ajjhāsayaṃ gahetvā kathento khandhavasena kathessatī’’ti. Therassa saha nayadānena so pañho nayasatena nayasahassena upaṭṭhāsi. So satthārā dinnanaye ṭhatvā buddhavisaye pañhaṃ kathesi.
сад̇т̇аа д̣̇ваад̣̇асаяож̇анигааяа барисааяа д̇хаммам̣ д̣̇зсзси. д̇им̣са баан̣агодияо амад̇абаанам̣ бивим̣су. сад̇т̇аа барисам̣ уяяож̇зд̇ваа жааригам̣ жаранд̇о анубуб̣б̣зна саавад̇т̇им̣ г̇анд̇ваа бунад̣̇ивасз саавад̇т̇ияам̣ бин̣д̣ааяа жарид̇ваа бин̣д̣абаад̇абадигганд̇о бхигкуухи вад̇д̇з д̣̇ассид̇з г̇анд̇хагудим̣ баависи. сааяанхасамаяз бхигкуу т̇зрасса г̇ун̣агат̇ам̣ гат̇знд̇аа д̇хаммасабхааяам̣ нисийд̣̇им̣су ‘‘махаабан̃н̃о, аавусо, саарибуд̇д̇о бут̇убан̃н̃о ж̇аванабан̃н̃о д̇игкабан̃н̃о ниб̣б̣зд̇хигабан̃н̃о д̣̇асаб̣алзна сам̣кид̇д̇зна бужчид̇абан̃хам̣ вид̇т̇аарзна гат̇зсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби зса сам̣кид̇д̇зна бхаасид̇асса вид̇т̇аарзна ад̇т̇ам̣ гат̇зсиязваа’’д̇и вад̇ваа ад̇ийд̇ам̣ аахари.
Satthā dvādasayojanikāya parisāya dhammaṃ desesi. Tiṃsa pāṇakoṭiyo amatapānaṃ piviṃsu. Satthā parisaṃ uyyojetvā cārikaṃ caranto anupubbena sāvatthiṃ gantvā punadivase sāvatthiyaṃ piṇḍāya caritvā piṇḍapātapaṭikkanto bhikkhūhi vatte dassite gandhakuṭiṃ pāvisi. Sāyanhasamaye bhikkhū therassa guṇakathaṃ kathentā dhammasabhāyaṃ nisīdiṃsu ‘‘mahāpañño, āvuso, sāriputto puthupañño javanapañño tikkhapañño nibbedhikapañño dasabalena saṃkhittena pucchitapañhaṃ vitthārena kathesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi esa saṃkhittena bhāsitassa vitthārena atthaṃ kathesiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сарабхамиг̇аяонияам̣ ниб̣б̣ад̇д̇ид̇ваа аран̃н̃з васад̇и. рааж̇аа миг̇авид̇д̇аго ахоси т̇аамасамбанно, ан̃н̃ам̣ мануссам̣ ‘‘мануссо’’д̇иби на г̇ан̣зд̇и. со згад̣̇ивасам̣ миг̇авам̣ г̇анд̇ваа амажжз ааха – ‘‘яасса бассзна миг̇о балааяад̇и, д̇зна со д̣̇ан̣д̣о д̣̇аад̇аб̣б̣о’’д̇и. д̇з жинд̇аяим̣су ‘‘гад̣̇аажи взмаж̇жхз тид̇амиг̇ам̣ виж̇жханд̇и, гад̣̇аажи удтид̇ам̣, гад̣̇аажи балааяанд̇амби, аж̇ж̇а бана язна гзнажи убааязна ран̃н̃о тид̇адтаанан̃н̃зва ааробзссаамаа’’д̇и. жинд̇зд̇ваа жа бана гад̇игам̣ гад̇ваа ран̃н̃о д̇хурамаг̇г̇ам̣ ад̣̇ам̣су. д̇з маханд̇ам̣ г̇умб̣ам̣ баригкибид̇ваа муг̇г̇араад̣̇ийхи бхуумим̣ бот̇аяим̣су. батамамзва сарабхамиг̇о удтааяа д̇игкад̇д̇ум̣ г̇уб̣бхам̣ анубариг̇анд̇ваа балааяаногаасам̣ ологзнд̇о сзсад̣̇исаасу мануссз б̣аахааяа б̣аахам̣ д̇ханунаа д̇ханум̣ аахажжа ниранд̇арз тид̇з д̣̇исваа ран̃н̃о тид̇адтаанзязва огаасам̣ ад̣̇д̣̇аса. со уммийлид̇зсу агкийсу ваалугам̣ кибамаано вияа рааж̇аанам̣ абхимуко аг̇амааси. рааж̇аа д̇ам̣ лахусамбад̇д̇ам̣ д̣̇исваа сарам̣ угкибид̇ваа виж̇жхи. сарабхамиг̇аа наама сарам̣ ван̃жзд̇ум̣ чзгаа хонд̇и, сарз абхимукам̣ ааг̇ажчанд̇з взг̇ам̣ хаабзд̇ваа д̇идтанд̇и, бажчад̇о ааг̇ажчанд̇з взг̇зна бурад̇о ж̇аванд̇и, убарибхааг̇знааг̇ажчанд̇з бидтим̣ наамзнд̇и, бассзнааг̇ажчанд̇з т̇огам̣ абаг̇ажчанд̇и, гужчим̣ санд̇хааяааг̇ажчанд̇з баривад̇д̇ид̇ваа бад̇анд̇и, сарз ад̇игганд̇з ваад̇ажчиннавалаахагавзг̇зна балааяанд̇и.
Atīte bārāṇasiyaṃ brahmadatte rajjaṃ kārente bodhisatto sarabhamigayoniyaṃ nibbattitvā araññe vasati. Rājā migavittako ahosi thāmasampanno, aññaṃ manussaṃ ‘‘manusso’’tipi na gaṇeti. So ekadivasaṃ migavaṃ gantvā amacce āha – ‘‘yassa passena migo palāyati, tena so daṇḍo dātabbo’’ti. Te cintayiṃsu ‘‘kadāci vemajjhe ṭhitamigaṃ vijjhanti, kadāci uṭṭhitaṃ, kadāci palāyantampi, ajja pana yena kenaci upāyena rañño ṭhitaṭṭhānaññeva āropessāmā’’ti. Cintetvā ca pana katikaṃ katvā rañño dhuramaggaṃ adaṃsu. Te mahantaṃ gumbaṃ parikkhipitvā muggarādīhi bhūmiṃ pothayiṃsu. Paṭhamameva sarabhamigo uṭṭhāya tikkhattuṃ gubbhaṃ anuparigantvā palāyanokāsaṃ olokento sesadisāsu manusse bāhāya bāhaṃ dhanunā dhanuṃ āhacca nirantare ṭhite disvā rañño ṭhitaṭṭhāneyeva okāsaṃ addasa. So ummīlitesu akkhīsu vālukaṃ khipamāno viya rājānaṃ abhimukho agamāsi. Rājā taṃ lahusampattaṃ disvā saraṃ ukkhipitvā vijjhi. Sarabhamigā nāma saraṃ vañcetuṃ chekā honti, sare abhimukhaṃ āgacchante vegaṃ hāpetvā tiṭṭhanti, pacchato āgacchante vegena purato javanti, uparibhāgenāgacchante piṭṭhiṃ nāmenti, passenāgacchante thokaṃ apagacchanti, kucchiṃ sandhāyāgacchante parivattitvā patanti, sare atikkante vātacchinnavalāhakavegena palāyanti.
соби рааж̇аа д̇асмим̣ баривад̇д̇ид̇ваа бад̇ид̇з ‘‘сарабхамиг̇о мз вид̣̇д̇хо’’д̇и наад̣̇ам̣ мун̃жи. сарабхо удтааяа ваад̇авзг̇зна балааяи. б̣аламан̣д̣алам̣ бхиж̇ж̇ид̇ваа убхосу бассзсу тид̇аамажжаа сарабхам̣ балааяамаанам̣ д̣̇исваа згад̇о худ̇ваа бужчим̣су ‘‘миг̇о гасса тид̇адтаанам̣ абхирухий’’д̇и? ‘‘ран̃н̃о тид̇адтаана’’нд̇и . ‘‘рааж̇аа ‘вид̣̇д̇хо мз’д̇и вад̣̇ад̇и, гонзна вид̣̇д̇хо, ниб̣б̣ираж̇жхо бхо амхаагам̣ рааж̇аа, бхууминзна вид̣̇д̇хаа’’д̇и д̇з наанаббагаарзна ран̃н̃аа сад̣̇д̇хим̣ гзл̣им̣ гарим̣су. рааж̇аа жинд̇зси ‘‘имз мам̣ барихасанд̇и, на мама бамаан̣ам̣ ж̇аананд̇ий’’д̇и г̇аал̣хам̣ ниваасзд̇ваа бад̇д̇игова каг̇г̇ам̣ аад̣̇ааяа ‘‘сарабхам̣ г̇ан̣хиссаамий’’д̇и взг̇зна багканд̣̇и. ат̇а нам̣ д̣̇исваа д̇ийн̣и яож̇анаани ануб̣анд̇хи. сарабхо аран̃н̃ам̣ баависи, рааж̇ааби баависи. д̇ад̇т̇а сарабхамиг̇асса г̇аманамаг̇г̇з садтихад̇т̇амад̇д̇о махаабууд̇ибаад̣̇анарагааваадо ад̇т̇и, со д̇им̣сахад̇т̇амад̇д̇ам̣ уд̣̇агзна бун̣н̣о д̇ин̣зхи жа бадижчанно. сарабхо уд̣̇агаг̇анд̇хам̣ гхааяид̇ваава ааваадабхаавам̣ н̃ад̇ваа т̇огам̣ осаггид̇ваа г̇ад̇о. рааж̇аа бана уж̇угамзва г̇ажчанд̇о д̇асмим̣ бад̇и.
Sopi rājā tasmiṃ parivattitvā patite ‘‘sarabhamigo me viddho’’ti nādaṃ muñci. Sarabho uṭṭhāya vātavegena palāyi. Balamaṇḍalaṃ bhijjitvā ubhosu passesu ṭhitaamaccā sarabhaṃ palāyamānaṃ disvā ekato hutvā pucchiṃsu ‘‘migo kassa ṭhitaṭṭhānaṃ abhiruhī’’ti? ‘‘Rañño ṭhitaṭṭhāna’’nti . ‘‘Rājā ‘viddho me’ti vadati, konena viddho, nibbirajjho bho amhākaṃ rājā, bhūminena viddhā’’ti te nānappakārena raññā saddhiṃ keḷiṃ kariṃsu. Rājā cintesi ‘‘ime maṃ parihasanti, na mama pamāṇaṃ jānantī’’ti gāḷhaṃ nivāsetvā pattikova khaggaṃ ādāya ‘‘sarabhaṃ gaṇhissāmī’’ti vegena pakkhandi. Atha naṃ disvā tīṇi yojanāni anubandhi. Sarabho araññaṃ pāvisi, rājāpi pāvisi. Tattha sarabhamigassa gamanamagge saṭṭhihatthamatto mahāpūtipādanarakāvāṭo atthi, so tiṃsahatthamattaṃ udakena puṇṇo tiṇehi ca paṭicchanno. Sarabho udakagandhaṃ ghāyitvāva āvāṭabhāvaṃ ñatvā thokaṃ osakkitvā gato. Rājā pana ujukameva gacchanto tasmiṃ pati.
сарабхо д̇асса бад̣̇асад̣̇д̣̇ам̣ асун̣анд̇о нивад̇д̇ид̇ваа д̇ам̣ абассанд̇о ‘‘нарагааваадз бад̇ид̇о бхависсад̇ий’’д̇и н̃ад̇ваа ааг̇анд̇ваа ологзнд̇о д̇ам̣ г̇амбхийрауд̣̇агз абад̇идтам̣ гиламанд̇ам̣ д̣̇исваа д̇зна гад̇ам̣ абараад̇хам̣ хад̣̇аяз агад̇ваа сан̃ж̇аад̇агаарун̃н̃о ‘‘маа маяи бассанд̇зва рааж̇аа нассад̇у, имамхаа д̣̇угкаа нам̣ можзссаамий’’д̇и ааваадад̇ийрз тид̇о ‘‘маа бхааяи, махаарааж̇а, маханд̇аа д̣̇угкаа д̇ам̣ можзссаамий’’д̇и вад̇ваа ад̇д̇ано бияабуд̇д̇ам̣ уд̣̇д̇харид̇ум̣ уссаахам̣ гаронд̇о вияа д̇ассуд̣̇д̇харан̣ад̇т̇ааяа силааяа яог̇г̇ам̣ гад̇ваава ‘‘виж̇жхиссаамий’’д̇и ааг̇ад̇ам̣ рааж̇аанам̣ садтихад̇т̇аа нарагаа уд̣̇д̇харид̇ваа ассаасзд̇ваа бидтим̣ ааробзд̇ваа аран̃н̃аа нийхарид̇ваа сзнааяа авид̣̇уурз од̇аарзд̇ваа оваад̣̇амасса д̣̇ад̇ваа бан̃жасу сийлзсу бад̇идтаабзси. рааж̇аа махаасад̇д̇ам̣ винаа васид̇ум̣ асаггонд̇о ааха ‘‘саами сарабхамиг̇арааж̇а, маяаа сад̣̇д̇хим̣ б̣аараан̣асим̣ зхи, д̣̇ваад̣̇асаяож̇анигааяа д̇з б̣аараан̣асияам̣ раж̇ж̇ам̣ д̣̇амми, д̇ам̣ гаарзхий’’д̇и. ‘‘махаарааж̇а, маяам̣ д̇иражчаанаг̇ад̇аа, на мз раж̇ж̇знад̇т̇о, сажз д̇з маяи синзхо ад̇т̇и, маяаа д̣̇иннаани сийлаани рагканд̇о радтаваасиноби сийлам̣ рагкаабзхий’’д̇и д̇ам̣ овад̣̇ид̇ваа аран̃н̃амзва баависи.
Sarabho tassa padasaddaṃ asuṇanto nivattitvā taṃ apassanto ‘‘narakāvāṭe patito bhavissatī’’ti ñatvā āgantvā olokento taṃ gambhīraudake apatiṭṭhaṃ kilamantaṃ disvā tena kataṃ aparādhaṃ hadaye akatvā sañjātakāruñño ‘‘mā mayi passanteva rājā nassatu, imamhā dukkhā naṃ mocessāmī’’ti āvāṭatīre ṭhito ‘‘mā bhāyi, mahārāja, mahantā dukkhā taṃ mocessāmī’’ti vatvā attano piyaputtaṃ uddharituṃ ussāhaṃ karonto viya tassuddharaṇatthāya silāya yoggaṃ katvāva ‘‘vijjhissāmī’’ti āgataṃ rājānaṃ saṭṭhihatthā narakā uddharitvā assāsetvā piṭṭhiṃ āropetvā araññā nīharitvā senāya avidūre otāretvā ovādamassa datvā pañcasu sīlesu patiṭṭhāpesi. Rājā mahāsattaṃ vinā vasituṃ asakkonto āha ‘‘sāmi sarabhamigarāja, mayā saddhiṃ bārāṇasiṃ ehi, dvādasayojanikāya te bārāṇasiyaṃ rajjaṃ dammi, taṃ kārehī’’ti. ‘‘Mahārāja, mayaṃ tiracchānagatā, na me rajjenattho, sace te mayi sineho atthi, mayā dinnāni sīlāni rakkhanto raṭṭhavāsinopi sīlaṃ rakkhāpehī’’ti taṃ ovaditvā araññameva pāvisi.
со ассубун̣н̣зхи нзд̇д̇зхи д̇асса г̇ун̣ам̣ саранд̇ова сзнам̣ баабун̣ид̇ваа сзнан̇г̇абаривуд̇о наг̇арам̣ г̇анд̇ваа ‘‘ид̇о бадтааяа сагаланаг̇араваасино бан̃жа сийлаани рагканд̇уу’’д̇и д̇хаммабхзрим̣ жараабзси. махаасад̇д̇зна бана ад̇д̇ано гад̇аг̇ун̣ам̣ гассажи агат̇зд̇ваа сааяанхз наанаг̇г̇арасабхож̇анам̣ бхун̃ж̇ид̇ваа алан̇гад̇асаяанз саяид̇ваа бажжуусагаалз махаасад̇д̇асса г̇ун̣ам̣ сарид̇ваа удтааяа саяанабидтз баллан̇гзна нисийд̣̇ид̇ваа бийд̇ибун̣н̣зна хад̣̇аязна чахи г̇аат̇аахи уд̣̇аанзси –
So assupuṇṇehi nettehi tassa guṇaṃ sarantova senaṃ pāpuṇitvā senaṅgaparivuto nagaraṃ gantvā ‘‘ito paṭṭhāya sakalanagaravāsino pañca sīlāni rakkhantū’’ti dhammabheriṃ carāpesi. Mahāsattena pana attano kataguṇaṃ kassaci akathetvā sāyanhe nānaggarasabhojanaṃ bhuñjitvā alaṅkatasayane sayitvā paccūsakāle mahāsattassa guṇaṃ saritvā uṭṭhāya sayanapiṭṭhe pallaṅkena nisīditvā pītipuṇṇena hadayena chahi gāthāhi udānesi –
134.
134.
‘‘аасийсзт̇зва бурисо, на ниб̣б̣инд̣̇зяяа бан̣д̣ид̇о;
‘‘Āsīsetheva puriso, na nibbindeyya paṇḍito;
бассаами вохам̣ ад̇д̇аанам̣, яат̇аа ижчим̣ д̇ат̇аа аху.
Passāmi vohaṃ attānaṃ, yathā icchiṃ tathā ahu.
135.
135.
‘‘аасийсзт̇зва бурисо, на ниб̣б̣инд̣̇зяяа бан̣д̣ид̇о;
‘‘Āsīsetheva puriso, na nibbindeyya paṇḍito;
бассаами вохам̣ ад̇д̇аанам̣, уд̣̇агаа т̇аламуб̣бхад̇ам̣.
Passāmi vohaṃ attānaṃ, udakā thalamubbhataṃ.
136.
136.
‘‘вааяамзт̇зва бурисо, на ниб̣б̣инд̣̇зяяа бан̣д̣ид̇о;
‘‘Vāyametheva puriso, na nibbindeyya paṇḍito;
бассаами вохам̣ ад̇д̇аанам̣, яат̇аа ижчим̣ д̇ат̇аа аху.
Passāmi vohaṃ attānaṃ, yathā icchiṃ tathā ahu.
137.
137.
‘‘вааяамзт̇зва бурисо, на ниб̣б̣инд̣̇зяяа бан̣д̣ид̇о;
‘‘Vāyametheva puriso, na nibbindeyya paṇḍito;
бассаами вохам̣ ад̇д̇аанам̣, уд̣̇агаа т̇аламуб̣бхад̇ам̣.
Passāmi vohaṃ attānaṃ, udakā thalamubbhataṃ.
138.
138.
‘‘д̣̇угкуубанийд̇оби наро сабан̃н̃о, аасам̣ на чинд̣̇зяяа сукааг̇амааяа;
‘‘Dukkhūpanītopi naro sapañño, āsaṃ na chindeyya sukhāgamāya;
б̣ахуу хи пассаа ахид̇аа хид̇аа жа, авид̇аггид̇аа мажжумубаб̣б̣аж̇анд̇и.
Bahū hi phassā ahitā hitā ca, avitakkitā maccumupabbajanti.
139.
139.
‘‘ажинд̇ид̇амби бхавад̇и, жинд̇ид̇амби винассад̇и;
‘‘Acintitampi bhavati, cintitampi vinassati;
на хи жинд̇аамаяаа бхог̇аа, ид̇т̇ияаа бурисасса ваа’’д̇и.
Na hi cintāmayā bhogā, itthiyā purisassa vā’’ti.
д̇ад̇т̇а аасийсзт̇зва бурисод̇и аасажчзд̣̇агагаммам̣ агад̇ваа ад̇д̇ано гаммзсу аасам̣ гарот̇зва на угган̣тзяяа. яат̇аа ижчинд̇и ахан̃хи садтихад̇т̇аа нарагаа удтаанам̣ ижчим̣, сомхи д̇ат̇зва ж̇аад̇о, д̇ад̇о удтид̇оязваад̇и д̣̇ийбзд̇и. ахид̇аа хид̇аа жаад̇и д̣̇угкапассаа жа сукапассаа жа, ‘‘маран̣апассаа ж̇ийвид̇апассаа жаа’’д̇иби ад̇т̇о, сад̇д̇аанан̃хи маран̣апассо ахид̇о ж̇ийвид̇апассо хид̇о, д̇зсам̣ авид̇аггид̇о ажинд̇ид̇оби маран̣апассо ааг̇ажчад̇ийд̇и д̣̇ассзд̇и. ажинд̇и д̇амбийд̇и маяаа ‘‘ааваадз бад̇иссаамий’’д̇и на жинд̇ид̇ам̣, ‘‘сарабхам̣ маарзссаамий’’д̇и жинд̇ид̇ам̣, ид̣̇аани бана мз жинд̇ид̇ам̣ надтам̣, ажинд̇ид̇амзва ж̇аад̇ам̣. бхог̇аад̇и яасабариваараа. зд̇з жинд̇аамаяаа на хонд̇и, д̇асмаа н̃аан̣авад̇аа вийрияамзва гаад̇аб̣б̣ам̣. вийрияавад̇о хи ажинд̇ид̇амби ход̇иязва.
Tattha āsīsetheva purisoti āsacchedakakammaṃ akatvā attano kammesu āsaṃ karotheva na ukkaṇṭheyya. Yathā icchinti ahañhi saṭṭhihatthā narakā uṭṭhānaṃ icchiṃ, somhi tatheva jāto, tato uṭṭhitoyevāti dīpeti. Ahitā hitā cāti dukkhaphassā ca sukhaphassā ca, ‘‘maraṇaphassā jīvitaphassā cā’’tipi attho, sattānañhi maraṇaphasso ahito jīvitaphasso hito, tesaṃ avitakkito acintitopi maraṇaphasso āgacchatīti dasseti. Acinti tampīti mayā ‘‘āvāṭe patissāmī’’ti na cintitaṃ, ‘‘sarabhaṃ māressāmī’’ti cintitaṃ, idāni pana me cintitaṃ naṭṭhaṃ, acintitameva jātaṃ. Bhogāti yasaparivārā. Ete cintāmayā na honti, tasmā ñāṇavatā vīriyameva kātabbaṃ. Vīriyavato hi acintitampi hotiyeva.
д̇ассзвам̣ уд̣̇аанам̣ уд̣̇аанзнд̇ассзва арун̣ам̣ удтахи. бурохид̇о жа баад̇ова сукасзяяабужчанад̇т̇ам̣ ааг̇анд̇ваа рааж̇ад̣̇ваарз тид̇о д̇асса уд̣̇аанаг̇ийд̇асад̣̇д̣̇ам̣ суд̇ваа жинд̇зси ‘‘рааж̇аа хияяо миг̇авам̣ аг̇амааси, д̇ад̇т̇а сарабхамиг̇ам̣ вирад̣̇д̇хо бхависсад̇и, д̇ад̇о амажжзхи авахасияамаано ‘маарзд̇ваа нам̣ аахариссаамий’д̇и кад̇д̇ияамаанзна д̇ам̣ ануб̣анд̇ханд̇о садтихад̇т̇з нарагз бад̇ид̇о бхависсад̇и, д̣̇аяаалунаа сарабхарааж̇зна ран̃н̃о д̣̇осам̣ ажинд̇зд̇ваа рааж̇аа уд̣̇д̇харид̇о бхависсад̇и, д̇зна ман̃н̃з уд̣̇аанам̣ уд̣̇аанзд̇ий’’д̇и. звам̣ б̣раахман̣асса ран̃н̃о барибун̣н̣аб̣яан̃ж̇анам̣ уд̣̇аанам̣ суд̇ваа сумаж̇ж̇ид̇з аад̣̇аасз мукам̣ ологзнд̇асса чааяаа вияа ран̃н̃аа жа сарабхзна жа гад̇агааран̣ам̣ баагадам̣ ахоси. со накаг̇г̇зна д̣̇ваарам̣ аагодзси. рааж̇аа ‘‘го зсо’’д̇и бужчи. ‘‘ахам̣ д̣̇зва бурохид̇о’’д̇и. ат̇асса д̣̇ваарам̣ виварид̇ваа ‘‘ид̇о зхаажарияаа’’д̇и ааха. со бависид̇ваа рааж̇аанам̣ ж̇аяаабзд̇ваа згаманд̇ам̣ тид̇о ‘‘ахам̣, махаарааж̇а, д̇аяаа аран̃н̃з гад̇агааран̣ам̣ ж̇аанаами, д̇вам̣ згам̣ сарабхамиг̇ам̣ ануб̣анд̇ханд̇о нарагз бад̇ид̇о, ат̇а нам̣ со сарабхо силааяа яог̇г̇ам̣ гад̇ваа нарагад̇о уд̣̇д̇хари, со д̇вам̣ д̇асса г̇ун̣ам̣ ануссарид̇ваа уд̣̇аанам̣ уд̣̇аанзсий’’д̇и вад̇ваа д̣̇вз г̇аат̇аа абхааси –
Tassevaṃ udānaṃ udānentasseva aruṇaṃ uṭṭhahi. Purohito ca pātova sukhaseyyapucchanatthaṃ āgantvā rājadvāre ṭhito tassa udānagītasaddaṃ sutvā cintesi ‘‘rājā hiyyo migavaṃ agamāsi, tattha sarabhamigaṃ viraddho bhavissati, tato amaccehi avahasiyamāno ‘māretvā naṃ āharissāmī’ti khattiyamānena taṃ anubandhanto saṭṭhihatthe narake patito bhavissati, dayālunā sarabharājena rañño dosaṃ acintetvā rājā uddharito bhavissati, tena maññe udānaṃ udānetī’’ti. Evaṃ brāhmaṇassa rañño paripuṇṇabyañjanaṃ udānaṃ sutvā sumajjite ādāse mukhaṃ olokentassa chāyā viya raññā ca sarabhena ca katakāraṇaṃ pākaṭaṃ ahosi. So nakhaggena dvāraṃ ākoṭesi. Rājā ‘‘ko eso’’ti pucchi. ‘‘Ahaṃ deva purohito’’ti. Athassa dvāraṃ vivaritvā ‘‘ito ehācariyā’’ti āha. So pavisitvā rājānaṃ jayāpetvā ekamantaṃ ṭhito ‘‘ahaṃ, mahārāja, tayā araññe katakāraṇaṃ jānāmi, tvaṃ ekaṃ sarabhamigaṃ anubandhanto narake patito, atha naṃ so sarabho silāya yoggaṃ katvā narakato uddhari, so tvaṃ tassa guṇaṃ anussaritvā udānaṃ udānesī’’ti vatvā dve gāthā abhāsi –
140.
140.
‘‘сарабхам̣ г̇ирид̣̇уг̇г̇асмим̣, яам̣ д̇вам̣ анусарий бурз;
‘‘Sarabhaṃ giriduggasmiṃ, yaṃ tvaṃ anusarī pure;
алийнажид̇д̇асса д̇увам̣, вигганд̇амануж̇ийваси.
Alīnacittassa tuvaṃ, vikkantamanujīvasi.
141.
141.
‘‘яо д̇ам̣ вид̣̇уг̇г̇аа нарагаа самуд̣̇д̇хари, силааяа яог̇г̇ам̣ сарабхо гарид̇ваа;
‘‘Yo taṃ viduggā narakā samuddhari, silāya yoggaṃ sarabho karitvā;
д̣̇угкуубанийд̇ам̣ мажжумукаа баможаяи, алийнажид̇д̇ам̣ д̇а миг̇ам̣ вад̣̇зсий’’д̇и.
Dukkhūpanītaṃ maccumukhā pamocayi, alīnacittaṃ ta migaṃ vadesī’’ti.
д̇ад̇т̇а анусарийд̇и ануб̣анд̇хи. вигганд̇анд̇и уд̣̇д̇харан̣ад̇т̇ааяа гад̇абараггамам̣. ануж̇ийвасийд̇и убаж̇ийваси, д̇ассаанубхаавзна д̇аяаа ж̇ийвид̇ам̣ лад̣̇д̇ханд̇и ад̇т̇о. самуд̣̇д̇харийд̇и уд̣̇д̇хари. д̇а миг̇ам̣ вад̣̇зсийд̇и д̇ам̣ суван̣н̣асарабхамиг̇ам̣ ид̇ха сирисаяанз нисинно ван̣н̣зси.
Tattha anusarīti anubandhi. Vikkantanti uddharaṇatthāya kataparakkamaṃ. Anujīvasīti upajīvasi, tassānubhāvena tayā jīvitaṃ laddhanti attho. Samuddharīti uddhari. Ta migaṃ vadesīti taṃ suvaṇṇasarabhamigaṃ idha sirisayane nisinno vaṇṇesi.
д̇ам̣ суд̇ваа рааж̇аа ‘‘аяам̣ маяаа сад̣̇д̇хим̣ на миг̇авам̣ г̇ад̇о, саб̣б̣ам̣ бавад̇д̇им̣ ж̇аанаад̇и, гат̇ам̣ ну ко ж̇аанаад̇и, бужчиссаами на’’нд̇и жинд̇зд̇ваа навамам̣ г̇аат̇амааха –
Taṃ sutvā rājā ‘‘ayaṃ mayā saddhiṃ na migavaṃ gato, sabbaṃ pavattiṃ jānāti, kathaṃ nu kho jānāti, pucchissāmi na’’nti cintetvā navamaṃ gāthamāha –
142.
142.
‘‘гим̣ д̇вам̣ ну д̇ад̇т̇зва д̇ад̣̇аа ахоси, уд̣̇ааху д̇з гожи нам̣ зд̇ад̣̇агкаа;
‘‘Kiṃ tvaṃ nu tattheva tadā ahosi, udāhu te koci naṃ etadakkhā;
вивадажчад̣̇д̣̇о нуси саб̣б̣ад̣̇ассий, н̃аан̣ам̣ ну д̇з б̣раахман̣а бхим̣сарууба’’нд̇и.
Vivaṭacchaddo nusi sabbadassī, ñāṇaṃ nu te brāhmaṇa bhiṃsarūpa’’nti.
д̇ад̇т̇а бхим̣саруубанд̇и гим̣ ну д̇з н̃аан̣ам̣ б̣алаваж̇аад̇игам̣, д̇знзд̇ам̣ ж̇аанаасийд̇и.
Tattha bhiṃsarūpanti kiṃ nu te ñāṇaṃ balavajātikaṃ, tenetaṃ jānāsīti.
б̣раахман̣о ‘‘наахам̣ саб̣б̣ан̃н̃уб̣уд̣̇д̇хо, б̣яан̃ж̇анам̣ амагкзд̇ваа д̇аяаа гат̇ид̇аг̇аат̇аанам̣ бана маяхам̣ ад̇т̇о убадтаад̇ий’’д̇и д̣̇ийбзнд̇о д̣̇асамам̣ г̇аат̇амааха –
Brāhmaṇo ‘‘nāhaṃ sabbaññubuddho, byañjanaṃ amakkhetvā tayā kathitagāthānaṃ pana mayhaṃ attho upaṭṭhātī’’ti dīpento dasamaṃ gāthamāha –
143.
143.
‘‘на жзвахам̣ д̇ад̇т̇а д̇ад̣̇аа ахосим̣, на жааби мз гожи нам̣ зд̇ад̣̇агкаа;
‘‘Na cevahaṃ tattha tadā ahosiṃ, na cāpi me koci naṃ etadakkhā;
г̇аат̇аабад̣̇аанан̃жа субхаасид̇аанам̣, ад̇т̇ам̣ д̇ад̣̇аанзнд̇и ж̇анинд̣̇а д̇хийраа’’д̇и.
Gāthāpadānañca subhāsitānaṃ, atthaṃ tadānenti janinda dhīrā’’ti.
д̇ад̇т̇а субхаасид̇аананд̇и б̣яан̃ж̇анам̣ амагкзд̇ваа судту бхаасид̇аанам̣. ад̇т̇ам̣ д̇ад̣̇аанзнд̇ийд̇и яо д̇зсам̣ ад̇т̇о, д̇ам̣ аанзнд̇и убад̇хаарзнд̇ийд̇и.
Tattha subhāsitānanti byañjanaṃ amakkhetvā suṭṭhu bhāsitānaṃ. Atthaṃ tadānentīti yo tesaṃ attho, taṃ ānenti upadhārentīti.
рааж̇аа д̇асса д̇уссид̇ваа б̣ахум̣ д̇ханам̣ ад̣̇ааси. д̇ад̇о бадтааяа д̣̇аанаад̣̇ибун̃н̃аабхирад̇о ахоси, мануссааби бун̃н̃аабхирад̇аа худ̇ваа мад̇амад̇аа саг̇г̇амзва буураяим̣су. ат̇згад̣̇ивасам̣ рааж̇аа ‘‘лагкам̣ виж̇жхиссаамий’’д̇и бурохид̇амаад̣̇ааяа уяяаанам̣ г̇ад̇о. д̇ад̣̇аа сагго д̣̇зварааж̇аа б̣ахуу навз д̣̇звз жа д̣̇зваган̃н̃ааяо жа д̣̇исваа ‘‘гим̣ ну ко гааран̣а’’нд̇и ааваж̇ж̇знд̇о сарабхамиг̇зна нарагаа уд̣̇д̇харид̇ваа ран̃н̃о сийлзсу бад̇идтаабид̇абхаавам̣ н̃ад̇ваа ‘‘ран̃н̃о аанубхаавзна махааж̇ано бун̃н̃аани гарод̇и, д̇зна д̣̇звалого барибуурад̇и, ид̣̇аани ко бана рааж̇аа лагкам̣ виж̇жхид̇ум̣ уяяаанам̣ г̇ад̇о, д̇ам̣ виймам̣сид̇ваа сийханаад̣̇ам̣ над̣̇аабзд̇ваа сарабхамиг̇асса г̇ун̣ам̣ гат̇аабзд̇ваа ад̇д̇ано жа саггабхаавам̣ ж̇аанаабзд̇ваа аагаасз тид̇о д̇хаммам̣ д̣̇зсзд̇ваа мзд̇д̇ааяа жзва бан̃жаннам̣ сийлаанан̃жа г̇ун̣ам̣ гат̇зд̇ваа ааг̇амиссаамий’’д̇и жинд̇зд̇ваа уяяаанам̣ аг̇амааси. рааж̇ааби ‘‘лагкам̣ виж̇жхиссаамий’’д̇и д̇ханум̣ ааробзд̇ваа сарам̣ саннаяхи. д̇асмим̣ кан̣з сагго ран̃н̃о жа лагкасса жа анд̇арз ад̇д̇ано аанубхаавзна сарабхам̣ д̣̇ассзси. рааж̇аа д̇ам̣ д̣̇исваа сарам̣ на мун̃жи. ат̇а нам̣ сагго бурохид̇асса сарийрз ад̇химужжид̇ваа г̇аат̇ам̣ абхааси –
Rājā tassa tussitvā bahuṃ dhanaṃ adāsi. Tato paṭṭhāya dānādipuññābhirato ahosi, manussāpi puññābhiratā hutvā matamatā saggameva pūrayiṃsu. Athekadivasaṃ rājā ‘‘lakkhaṃ vijjhissāmī’’ti purohitamādāya uyyānaṃ gato. Tadā sakko devarājā bahū nave deve ca devakaññāyo ca disvā ‘‘kiṃ nu kho kāraṇa’’nti āvajjento sarabhamigena narakā uddharitvā rañño sīlesu patiṭṭhāpitabhāvaṃ ñatvā ‘‘rañño ānubhāvena mahājano puññāni karoti, tena devaloko paripūrati, idāni kho pana rājā lakkhaṃ vijjhituṃ uyyānaṃ gato, taṃ vīmaṃsitvā sīhanādaṃ nadāpetvā sarabhamigassa guṇaṃ kathāpetvā attano ca sakkabhāvaṃ jānāpetvā ākāse ṭhito dhammaṃ desetvā mettāya ceva pañcannaṃ sīlānañca guṇaṃ kathetvā āgamissāmī’’ti cintetvā uyyānaṃ agamāsi. Rājāpi ‘‘lakkhaṃ vijjhissāmī’’ti dhanuṃ āropetvā saraṃ sannayhi. Tasmiṃ khaṇe sakko rañño ca lakkhassa ca antare attano ānubhāvena sarabhaṃ dassesi. Rājā taṃ disvā saraṃ na muñci. Atha naṃ sakko purohitassa sarīre adhimuccitvā gāthaṃ abhāsi –
144.
144.
‘‘аад̣̇ааяа бад̇д̇им̣ баравирияагхаад̇им̣, жаабз сарам̣ гим̣ вижигижчасз д̇увам̣;
‘‘Ādāya pattiṃ paraviriyaghātiṃ, cāpe saraṃ kiṃ vicikicchase tuvaṃ;
нунно саро сарабхам̣ ханд̇у киббам̣, аннан̃хи зд̇ам̣ варабан̃н̃а ран̃н̃о’’д̇и.
Nunno saro sarabhaṃ hantu khippaṃ, annañhi etaṃ varapañña rañño’’ti.
д̇ад̇т̇а бад̇д̇инд̇и вааж̇абад̇д̇зхи саманнааг̇ад̇ам̣. баравирияагхаад̇инд̇и барзсам̣ вийрияагхаад̇агам̣. жаабз саранд̇и зд̇ам̣ бад̇д̇асахид̇ам̣ сарам̣ жаабз аад̣̇ааяа саннаяхид̇ваа ид̣̇аани д̇вам̣ гим̣ вижигижчаси. ханд̇ууд̇и д̇аяаа виссадто худ̇ваа зса саро киббам̣ имам̣ сарабхам̣ ханад̇у. аннан̃хи зд̇анд̇и варабан̃н̃а, махаарааж̇а, сарабхо наама ран̃н̃о аахааро бхагкод̇и ад̇т̇о.
Tattha pattinti vājapattehi samannāgataṃ. Paraviriyaghātinti paresaṃ vīriyaghātakaṃ. Cāpe saranti etaṃ pattasahitaṃ saraṃ cāpe ādāya sannayhitvā idāni tvaṃ kiṃ vicikicchasi. Hantūti tayā vissaṭṭho hutvā esa saro khippaṃ imaṃ sarabhaṃ hanatu. Annañhi etanti varapañña, mahārāja, sarabho nāma rañño āhāro bhakkhoti attho.
д̇ад̇о рааж̇аа г̇аат̇амааха –
Tato rājā gāthamāha –
145.
145.
‘‘ад̣̇д̇хаа баж̇аанаами ахамби зд̇ам̣, аннам̣ миг̇о б̣раахман̣а кад̇д̇ияасса;
‘‘Addhā pajānāmi ahampi etaṃ, annaṃ migo brāhmaṇa khattiyassa;
буб̣б̣з гад̇ан̃жа абажааяамаано, д̇асмаа миг̇ам̣ сарабхам̣ но ханаамий’’д̇и.
Pubbe katañca apacāyamāno, tasmā migaṃ sarabhaṃ no hanāmī’’ti.
д̇ад̇т̇а буб̣б̣з гад̇ан̃жаад̇и б̣раахман̣а, ахамзд̇ам̣ згам̣сзна ж̇аанаами яат̇аа миг̇о кад̇д̇ияасса аннам̣, буб̣б̣з бана иминаа маяхам̣ гад̇аг̇ун̣ам̣ бууж̇зми, д̇асмаа д̇ам̣ на ханаамийд̇и.
Tattha pubbe katañcāti brāhmaṇa, ahametaṃ ekaṃsena jānāmi yathā migo khattiyassa annaṃ, pubbe pana iminā mayhaṃ kataguṇaṃ pūjemi, tasmā taṃ na hanāmīti.
д̇ад̇о сагго г̇аат̇аад̣̇ваяамааха –
Tato sakko gāthādvayamāha –
146.
146.
‘‘нзсо миг̇о махаарааж̇а, асурзсо д̣̇исамбад̇и;
‘‘Neso migo mahārāja, asureso disampati;
зд̇ам̣ ханд̇ваа мануссинд̣̇а, бхавассу амараад̇хибо.
Etaṃ hantvā manussinda, bhavassu amarādhipo.
147.
147.
‘‘сажз жа рааж̇аа вижигижчасз д̇увам̣, ханд̇ум̣ миг̇ам̣ сарабхам̣ сахааяагам̣;
‘‘Sace ca rājā vicikicchase tuvaṃ, hantuṃ migaṃ sarabhaṃ sahāyakaṃ;
сабуд̇д̇ад̣̇ааро наравийрасздта, г̇анд̇аа д̇увам̣ взд̇аран̣им̣ яамассаа’’д̇и.
Saputtadāro naravīraseṭṭha, gantā tuvaṃ vetaraṇiṃ yamassā’’ti.
д̇ад̇т̇а асурзсод̇и асуро зсо, асураж̇здтаго сагго зсод̇и ад̇хиббааязна вад̣̇ад̇и. амараад̇хибод̇и д̇вам̣ зд̇ам̣ саггам̣ маарзд̇ваа саяам̣ сагго д̣̇зварааж̇аа хохийд̇и вад̣̇ад̇и. взд̇аран̣им̣ яамассаад̇и ‘‘сажз зд̇ам̣ ‘сахааяо мз’д̇и жинд̇зд̇ваа на маарзссаси, сабуд̇д̇ад̣̇ааро яамасса взд̇аран̣инираяам̣ г̇ад̇о бхависсасий’’д̇и нам̣ д̇аасзси.
Tattha asuresoti asuro eso, asurajeṭṭhako sakko esoti adhippāyena vadati. Amarādhipoti tvaṃ etaṃ sakkaṃ māretvā sayaṃ sakko devarājā hohīti vadati. Vetaraṇiṃ yamassāti ‘‘sace etaṃ ‘sahāyo me’ti cintetvā na māressasi, saputtadāro yamassa vetaraṇinirayaṃ gato bhavissasī’’ti naṃ tāsesi.
д̇ад̇о рааж̇аа д̣̇вз г̇аат̇аа абхааси –
Tato rājā dve gāthā abhāsi –
148.
148.
‘‘гаамам̣ ахам̣ ж̇аанабад̣̇аа жа саб̣б̣з, буд̇д̇аа жа д̣̇аараа жа сахааяасан̇гхаа;
‘‘Kāmaṃ ahaṃ jānapadā ca sabbe, puttā ca dārā ca sahāyasaṅghā;
г̇ажчзму д̇ам̣ взд̇аран̣им̣ яамасса, на д̇взва хан̃н̃о мама баан̣ад̣̇о яо.
Gacchemu taṃ vetaraṇiṃ yamassa, na tveva hañño mama pāṇado yo.
149.
149.
‘‘аяам̣ миг̇о гижчаг̇ад̇асса маяхам̣, згасса гад̇д̇аа виванасми гхорз;
‘‘Ayaṃ migo kicchagatassa mayhaṃ, ekassa kattā vivanasmi ghore;
д̇ам̣ д̇аад̣̇исам̣ буб̣б̣агижжам̣ саранд̇о, ж̇аанам̣ махааб̣рахмз гат̇ам̣ ханзяяа’’нд̇и.
Taṃ tādisaṃ pubbakiccaṃ saranto, jānaṃ mahābrahme kathaṃ haneyya’’nti.
д̇ад̇т̇а мама баан̣ад̣̇о яод̇и б̣раахман̣а, яо мама баан̣ад̣̇ад̣̇о язна мз бияам̣ ж̇ийвид̇ам̣ д̣̇иннам̣, нарагам̣ бависанд̇зна маяаа со на д̇взва хан̃н̃о на ханид̇аб̣б̣о, аваж̇жхо зсод̇и вад̣̇ад̇и. згасса гад̇д̇аа виванасми гхорзд̇и д̣̇аарун̣з аран̃н̃з бавидтасса сад̇о згасса асахааяагасса мама гад̇д̇аа гаараго ж̇ийвид̇асса д̣̇ааяаго, сваахам̣ д̇ам̣ иминаа гад̇ам̣ д̇аад̣̇исам̣ буб̣б̣агижжам̣ саранд̇оязва д̇ам̣ г̇ун̣ам̣ ж̇аананд̇оязва гат̇ам̣ ханзяяам̣.
Tattha mama pāṇado yoti brāhmaṇa, yo mama pāṇadado yena me piyaṃ jīvitaṃ dinnaṃ, narakaṃ pavisantena mayā so na tveva hañño na hanitabbo, avajjho esoti vadati. Ekassa kattā vivanasmi ghoreti dāruṇe araññe paviṭṭhassa sato ekassa asahāyakassa mama kattā kārako jīvitassa dāyako, svāhaṃ taṃ iminā kataṃ tādisaṃ pubbakiccaṃ sarantoyeva taṃ guṇaṃ jānantoyeva kathaṃ haneyyaṃ.
ат̇а сагго бурохид̇асса сарийрад̇о абаг̇анд̇ваа саггад̇д̇абхаавам̣ маабзд̇ваа аагаасз тад̇ваа ран̃н̃о г̇ун̣ам̣ багаасзнд̇о г̇аат̇аад̣̇ваяамааха –
Atha sakko purohitassa sarīrato apagantvā sakkattabhāvaṃ māpetvā ākāse ṭhatvā rañño guṇaṃ pakāsento gāthādvayamāha –
150.
150.
‘‘мид̇д̇аабхираад̇хий жирамзва ж̇ийва, раж̇ж̇ам̣ имам̣ д̇хаммаг̇ун̣з басааса;
‘‘Mittābhirādhī cirameva jīva, rajjaṃ imaṃ dhammaguṇe pasāsa;
наарийг̇ан̣зхи барижаарияанд̇о, мод̣̇ассу радтз д̇ид̣̇ивзва ваасаво.
Nārīgaṇehi paricāriyanto, modassu raṭṭhe tidiveva vāsavo.
151.
151.
‘‘аггод̇хано нижжабасаннажид̇д̇о, саб̣б̣аад̇ит̇ий яаажаяог̇о бхавид̇ваа;
‘‘Akkodhano niccapasannacitto, sabbātithī yācayogo bhavitvā;
д̣̇ад̇ваа жа бхуд̇ваа жа яат̇аанубхаавам̣, анинд̣̇ид̇о саг̇г̇амубзхи таана’’нд̇и.
Datvā ca bhutvā ca yathānubhāvaṃ, anindito saggamupehi ṭhāna’’nti.
д̇ад̇т̇а мид̇д̇аабхираад̇хийд̇и мид̇д̇з аараад̇хзнд̇о д̇осзнд̇о д̇зсу ад̣̇уб̣бхамаано. саб̣б̣аад̇ит̇ийд̇и саб̣б̣з д̇хаммигасаман̣аб̣раахман̣з ад̇ит̇ий баахунагзязва гад̇ваа барихаранд̇о яаажид̇аб̣б̣аяуд̇д̇аго худ̇ваа. анинд̣̇ид̇од̇и д̣̇аанаад̣̇ийни бун̃н̃аани гаран̣зна бамуд̣̇ид̇о д̣̇звалогзна абхинанд̣̇ид̇о худ̇ваа саг̇г̇адтаанам̣ убзхийд̇и.
Tattha mittābhirādhīti mitte ārādhento tosento tesu adubbhamāno. Sabbātithīti sabbe dhammikasamaṇabrāhmaṇe atithī pāhunakeyeva katvā pariharanto yācitabbayuttako hutvā. Aninditoti dānādīni puññāni karaṇena pamudito devalokena abhinandito hutvā saggaṭṭhānaṃ upehīti.
звам̣ вад̇ваа сагго ‘‘ахам̣ махаарааж̇ам̣ д̇ам̣ бариг̇г̇ан̣хид̇ум̣ ааг̇ад̇о, д̇вам̣ ад̇д̇аанам̣ бариг̇г̇ан̣хид̇ум̣ наад̣̇ааси, аббамад̇д̇о хохий’’д̇и д̇ам̣ овад̣̇ид̇ваа сагадтаанамзва г̇ад̇о.
Evaṃ vatvā sakko ‘‘ahaṃ mahārājaṃ taṃ pariggaṇhituṃ āgato, tvaṃ attānaṃ pariggaṇhituṃ nādāsi, appamatto hohī’’ti taṃ ovaditvā sakaṭṭhānameva gato.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби саарибуд̇д̇о сам̣кид̇д̇зна бхаасид̇асса вид̇т̇аарзна ад̇т̇ам̣ ж̇аанаад̇иязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, бурохид̇о саарибуд̇д̇о, сарабхамиг̇о бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepi sāriputto saṃkhittena bhāsitassa vitthārena atthaṃ jānātiyevā’’ti vatvā jātakaṃ samodhānesi – ‘‘tadā rājā ānando ahosi, purohito sāriputto, sarabhamigo pana ahameva ahosi’’nti.
сарабхамиг̇аж̇аад̇агаван̣н̣анаа д̣̇асамаа.
Sarabhamigajātakavaṇṇanā dasamā.
ж̇аад̇агуд̣̇д̣̇аанам̣ –
Jātakuddānaṃ –
амб̣а панд̣̇ана ж̇авана, наарад̣̇а д̣̇ууд̇а галин̇г̇аа;
Amba phandana javana, nārada dūta kaliṅgā;
агид̇д̇и д̇аггаарияам̣ руру, сарабхам̣ д̣̇аса д̇зрасз.
Akitti takkāriyaṃ ruru, sarabhaṃ dasa terase.
д̇зрасаганибаад̇аван̣н̣анаа нидтид̇аа.
Terasakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 483. сарабхамиг̇аж̇аад̇агам̣ • 483. Sarabhamigajātakaṃ
