Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

    [522] 2. сарабхан̇г̇аж̇аад̇агаван̣н̣анаа

    [522] 2. Sarabhaṅgajātakavaṇṇanā

    алан̇гад̇аа гун̣д̣алино сувад̇т̇аад̇и ид̣̇ам̣ сад̇т̇аа взл̣уванз вихаранд̇о махаамог̇г̇аллаанад̇т̇зрасса бариниб̣б̣аанам̣ аараб̣бха гат̇зси. саарибуд̇д̇ад̇т̇зро д̇ат̇ааг̇ад̇ам̣ ж̇зд̇аванз вихаранд̇ам̣ ад̇д̇ано бариниб̣б̣аанам̣ ануж̇аанаабзд̇ваа г̇анд̇ваа наал̣агаг̇аамагз ж̇аад̇оварагз бариниб̣б̣ааяи. д̇асса бариниб̣б̣уд̇абхаавам̣ суд̇ваа сад̇т̇аа рааж̇аг̇ахам̣ г̇анд̇ваа взл̣уванз вихааси. д̇ад̣̇аа махаамог̇г̇аллаанад̇т̇зро исиг̇илибассз гаал̣асилааяам̣ вихарад̇и. со бана ид̣̇д̇хиб̣алзна годиббад̇д̇абхаавзна д̣̇звалогажаариган̃жа уссад̣̇анираяажаариган̃жа г̇ажчад̇и. д̣̇звалогз б̣уд̣̇д̇хасаавагаанам̣ маханд̇ам̣ иссарияам̣ д̣̇исваа уссад̣̇анираязсу жа д̇ид̇т̇ияасаавагаанам̣ маханд̇ам̣ д̣̇угкам̣ д̣̇исваа мануссалогам̣ ааг̇анд̇ваа ‘‘асуго убаасаго асугаа жа убаасигаа асугасмим̣ наама д̣̇звалогз ниб̣б̣ад̇д̇ид̇ваа махаасамбад̇д̇им̣ анубхаванд̇и, д̇ид̇т̇ияасаавагзсу асуго жа асугаа жа нираяаад̣̇ийсу асугаабааяз наама ниб̣б̣ад̇д̇аа’’д̇и мануссаанам̣ гат̇зси. мануссаа саасанз басийд̣̇анд̇и, д̇ид̇т̇ияз бариваж̇ж̇знд̇и. б̣уд̣̇д̇хасаавагаанам̣ саггааро маханд̇о ахоси, д̇ид̇т̇ияаанам̣ барихааяад̇и.

    Alaṅkatākuṇḍalino suvatthāti idaṃ satthā veḷuvane viharanto mahāmoggallānattherassa parinibbānaṃ ārabbha kathesi. Sāriputtatthero tathāgataṃ jetavane viharantaṃ attano parinibbānaṃ anujānāpetvā gantvā nāḷakagāmake jātovarake parinibbāyi. Tassa parinibbutabhāvaṃ sutvā satthā rājagahaṃ gantvā veḷuvane vihāsi. Tadā mahāmoggallānatthero isigilipasse kāḷasilāyaṃ viharati. So pana iddhibalena koṭippattabhāvena devalokacārikañca ussadanirayacārikañca gacchati. Devaloke buddhasāvakānaṃ mahantaṃ issariyaṃ disvā ussadanirayesu ca titthiyasāvakānaṃ mahantaṃ dukkhaṃ disvā manussalokaṃ āgantvā ‘‘asuko upāsako asukā ca upāsikā asukasmiṃ nāma devaloke nibbattitvā mahāsampattiṃ anubhavanti, titthiyasāvakesu asuko ca asukā ca nirayādīsu asukaapāye nāma nibbattā’’ti manussānaṃ kathesi. Manussā sāsane pasīdanti, titthiye parivajjenti. Buddhasāvakānaṃ sakkāro mahanto ahosi, titthiyānaṃ parihāyati.

    д̇з т̇зрз аагхаад̇ам̣ б̣анд̇хид̇ваа ‘‘имасмим̣ ж̇ийванд̇з амхаагам̣ убадтаагаа бхиж̇ж̇анд̇и, саггааро жа барихааяад̇и, маараабзссаама на’’нд̇и т̇зрасса мааран̣ад̇т̇ам̣ саман̣аг̇уд̇д̇агасса наама жорасса сахассам̣ ад̣̇ам̣су. со ‘‘т̇зрам̣ маарзссаамий’’д̇и маханд̇зна бариваарзна сад̣̇д̇хим̣ гаал̣асилам̣ аг̇амааси. т̇зро д̇ам̣ ааг̇ажчанд̇ам̣ д̣̇исваава ид̣̇д̇хияаа уббад̇ид̇ваа баггаами. жоро д̇ам̣ д̣̇ивасам̣ т̇зрам̣ ад̣̇исваа нивад̇д̇ид̇ваа бунад̣̇ивасзбийд̇и ча д̣̇ивасз аг̇амааси. т̇зроби д̇ат̇зва ид̣̇д̇хияаа баггаами. сад̇д̇амз бана д̣̇ивасз т̇зрасса буб̣б̣з гад̇ам̣ абараабарияавзд̣̇анийяагаммам̣ огаасам̣ лабхи. со гира буб̣б̣з бхарияааяа важанам̣ г̇ахзд̇ваа маад̇аабид̇аро маарзд̇угаамо яаанагзна аран̃н̃ам̣ нзд̇ваа жораанам̣ удтид̇аагаарам̣ гад̇ваа маад̇аабид̇аро бот̇зси бахари. д̇з жагкуд̣̇уб̣б̣алад̇ааяа руубад̣̇ассанарахид̇аа д̇ам̣ ад̇д̇ано буд̇д̇ам̣ асан̃ж̇аананд̇аа ‘‘жораа зва зд̇з’’д̇и сан̃н̃ааяа, ‘‘д̇аад̇а, асугаа наама жораа но гхаад̇знд̇и, д̇вам̣ бадиггамаахий’’д̇и д̇ассзвад̇т̇ааяа барид̣̇звим̣су. со жинд̇зси – ‘‘имз маяаа бот̇ияамаанааби маяхам̣ язвад̇т̇ааяа барид̣̇званд̇и, аяуд̇д̇ам̣ гаммам̣ гаромий’’д̇и. ат̇а нз ассаасзд̇ваа жораанам̣ балааяанаагаарам̣ д̣̇ассзд̇ваа д̇зсам̣ хад̇т̇абаад̣̇з самб̣аахид̇ваа ‘‘амма , д̇аад̇аа, маа бхааяид̇т̇а, жораа балаад̇аа’’д̇и вад̇ваа буна ад̇д̇ано г̇зхамзва аанзси. д̇ам̣ гаммам̣ зд̇д̇агам̣ гаалам̣ огаасам̣ алабхид̇ваа бхасмабадижчанно ан̇г̇аарарааси вияа тад̇ваа имам̣ анд̇имасарийрам̣ убад̇хаавид̇ваа г̇ан̣хи. яат̇аа хи бана сунакалуд̣̇д̣̇агзна миг̇ам̣ д̣̇исваа сунако виссаж̇ж̇ид̇о миг̇ам̣ ануб̣анд̇хид̇ваа яасмим̣ таанз баабун̣аад̇и, д̇асмим̣язва г̇ан̣хаад̇и, звам̣ ид̣̇ам̣ гаммам̣ яасмим̣ таанз огаасам̣ лабхад̇и, д̇асмим̣ вибаагам̣ д̣̇зд̇и, д̇зна муд̇д̇о наама над̇т̇и.

    Te there āghātaṃ bandhitvā ‘‘imasmiṃ jīvante amhākaṃ upaṭṭhākā bhijjanti, sakkāro ca parihāyati, mārāpessāma na’’nti therassa māraṇatthaṃ samaṇaguttakassa nāma corassa sahassaṃ adaṃsu. So ‘‘theraṃ māressāmī’’ti mahantena parivārena saddhiṃ kāḷasilaṃ agamāsi. Thero taṃ āgacchantaṃ disvāva iddhiyā uppatitvā pakkāmi. Coro taṃ divasaṃ theraṃ adisvā nivattitvā punadivasepīti cha divase agamāsi. Theropi tatheva iddhiyā pakkāmi. Sattame pana divase therassa pubbe kataṃ aparāpariyavedanīyakammaṃ okāsaṃ labhi. So kira pubbe bhariyāya vacanaṃ gahetvā mātāpitaro māretukāmo yānakena araññaṃ netvā corānaṃ uṭṭhitākāraṃ katvā mātāpitaro pothesi pahari. Te cakkhudubbalatāya rūpadassanarahitā taṃ attano puttaṃ asañjānantā ‘‘corā eva ete’’ti saññāya, ‘‘tāta, asukā nāma corā no ghātenti, tvaṃ paṭikkamāhī’’ti tassevatthāya parideviṃsu. So cintesi – ‘‘ime mayā pothiyamānāpi mayhaṃ yevatthāya paridevanti, ayuttaṃ kammaṃ karomī’’ti. Atha ne assāsetvā corānaṃ palāyanākāraṃ dassetvā tesaṃ hatthapāde sambāhitvā ‘‘amma , tātā, mā bhāyittha, corā palātā’’ti vatvā puna attano gehameva ānesi. Taṃ kammaṃ ettakaṃ kālaṃ okāsaṃ alabhitvā bhasmapaṭicchanno aṅgārarāsi viya ṭhatvā imaṃ antimasarīraṃ upadhāvitvā gaṇhi. Yathā hi pana sunakhaluddakena migaṃ disvā sunakho vissajjito migaṃ anubandhitvā yasmiṃ ṭhāne pāpuṇāti, tasmiṃyeva gaṇhāti, evaṃ idaṃ kammaṃ yasmiṃ ṭhāne okāsaṃ labhati, tasmiṃ vipākaṃ deti, tena mutto nāma natthi.

    т̇зро ад̇д̇анаа гад̇агаммасса аагад̣дхид̇абхаавам̣ н̃ад̇ваа на абаг̇ажчи. т̇зро д̇асса ниссанд̣̇зна аагаасз уббад̇ид̇ум̣ наасагки. нанд̣̇обананд̣̇ад̣̇аманасамад̇т̇авзж̇аяанд̇агамбанасамад̇т̇аабисса ид̣̇д̇хи гаммаб̣алзна д̣̇уб̣б̣алад̇ам̣ бад̇д̇аа. жоро т̇зрам̣ г̇ахзд̇ваа т̇зрасса адтийни д̇ан̣д̣улаган̣амад̇д̇аани гаронд̇о бхинд̣̇ид̇ваа сан̃жун̣н̣зд̇ваа балаалабидтигагаран̣ам̣ наама гад̇ваа ‘‘мад̇о’’д̇и сан̃н̃ааяа згасмим̣ г̇умб̣абидтз кибид̇ваа сабаривааро баггаами. т̇зро сад̇им̣ бадилабхид̇ваа ‘‘сад̇т̇аарам̣ бассид̇ваа бариниб̣б̣ааяиссаамий’’д̇и жинд̇зд̇ваа сарийрам̣ жхаанавзтанзна взтзд̇ваа т̇ирам̣ гад̇ваа аагаасам̣ уббад̇ид̇ваа аагаасзна сад̇т̇у санд̇игам̣ г̇анд̇ваа сад̇т̇аарам̣ ванд̣̇ид̇ваа ‘‘бханд̇з, ааяусан̇кааро мз оссадто, бариниб̣б̣ааяиссаамий’’д̇и ааха. ‘‘бариниб̣б̣ааяиссаси, мог̇г̇аллаана’’аад̇и. ‘‘аама, бханд̇з’’д̇и. ‘‘гад̇т̇а г̇анд̇ваа бариниб̣б̣ааяиссасий’’д̇и. ‘‘гаал̣асилаабаддз, бханд̇з’’д̇и. д̇зна хи, мог̇г̇аллаана, д̇хаммам̣ маяхам̣ гат̇зд̇ваа яаахи, д̇аад̣̇исасса саавагасса ид̣̇аани д̣̇ассанам̣ над̇т̇ийд̇и. со ‘‘звам̣ гариссаами, бханд̇з’’д̇и сад̇т̇аарам̣ ванд̣̇ид̇ваа д̇аалаббамаан̣ам̣ аагаасз уббад̇ид̇ваа бариниб̣б̣аанад̣̇ивасз саарибуд̇д̇ад̇т̇зро вияа наанаббагаараа ид̣̇д̇хияо гад̇ваа д̇хаммам̣ гат̇зд̇ваа сад̇т̇аарам̣ ванд̣̇ид̇ваа гаал̣асилааяам̣ адавияам̣ бариниб̣б̣ааяи.

    Thero attanā katakammassa ākaḍḍhitabhāvaṃ ñatvā na apagacchi. Thero tassa nissandena ākāse uppatituṃ nāsakkhi. Nandopanandadamanasamatthavejayantakampanasamatthāpissa iddhi kammabalena dubbalataṃ pattā. Coro theraṃ gahetvā therassa aṭṭhīni taṇḍulakaṇamattāni karonto bhinditvā sañcuṇṇetvā palālapiṭṭhikakaraṇaṃ nāma katvā ‘‘mato’’ti saññāya ekasmiṃ gumbapiṭṭhe khipitvā saparivāro pakkāmi. Thero satiṃ paṭilabhitvā ‘‘satthāraṃ passitvā parinibbāyissāmī’’ti cintetvā sarīraṃ jhānaveṭhanena veṭhetvā thiraṃ katvā ākāsaṃ uppatitvā ākāsena satthu santikaṃ gantvā satthāraṃ vanditvā ‘‘bhante, āyusaṅkhāro me ossaṭṭho, parinibbāyissāmī’’ti āha. ‘‘Parinibbāyissasi, moggallāna’’āti. ‘‘Āma, bhante’’ti. ‘‘Kattha gantvā parinibbāyissasī’’ti. ‘‘Kāḷasilāpaṭṭe, bhante’’ti. Tena hi, moggallāna, dhammaṃ mayhaṃ kathetvā yāhi, tādisassa sāvakassa idāni dassanaṃ natthīti. So ‘‘evaṃ karissāmi, bhante’’ti satthāraṃ vanditvā tālappamāṇaṃ ākāse uppatitvā parinibbānadivase sāriputtatthero viya nānappakārā iddhiyo katvā dhammaṃ kathetvā satthāraṃ vanditvā kāḷasilāyaṃ aṭaviyaṃ parinibbāyi.

    д̇ан̇кан̣ан̃н̃зва ча д̣̇звалогаа згаголаахалаа ахзсум̣, ‘‘амхаагам̣ гира аажарияо бариниб̣б̣уд̇о’’д̇и д̣̇иб̣б̣аг̇анд̇хамаалааваасад̇хуумажанд̣̇анажун̣н̣аани жзва наанаад̣̇аарууни жа г̇ахзд̇ваа ааг̇амим̣су, згуунасад̇арад̇анажанд̣̇анажид̇агаа ахоси. сад̇т̇аа т̇зрасса санд̇игз тад̇ваа сарийранигкзбам̣ гаарзси. аал̣ааханасса саманд̇ад̇о яож̇анамад̇д̇з бад̣̇зсз бубпавассам̣ васси. д̣̇зваанам̣ анд̇арз мануссаа, мануссаанам̣ анд̇арз д̣̇зваа ахзсум̣. яат̇ааггамзна д̣̇зваанам̣ анд̇арз яагкаа д̇идтанд̇и, яагкаанам̣ анд̇арз г̇анд̇хаб̣б̣аа д̇идтанд̇и, г̇анд̇хаб̣б̣аанам̣ анд̇арз нааг̇аа д̇идтанд̇и, нааг̇аанам̣ анд̇арз взнад̇зяяаа д̇идтанд̇и, взнад̇зяяаанам̣ анд̇арз гиннараа д̇идтанд̇и, гиннараанам̣ анд̇арз чад̇д̇аа д̇идтанд̇и, чад̇д̇аанам̣ анд̇арз суван̣н̣ажаамараа д̇идтанд̇и, д̇зсам̣ анд̇арз д̇хаж̇аа д̇идтанд̇и, д̇зсам̣ анд̇арз бадаагаа д̇идтанд̇и. сад̇д̇а д̣̇ивасаани саад̇хугийл̣ам̣ гийл̣им̣су. сад̇т̇аа т̇зрасса д̇хаад̇ум̣ г̇аахаабзд̇ваа взл̣уванад̣̇ваарагодтагз жзд̇ияам̣ гаараабзси. д̇ад̣̇аа бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, саарибуд̇д̇ад̇т̇зро д̇ат̇ааг̇ад̇асса санд̇игз абариниб̣б̣уд̇ад̇д̇аа б̣уд̣̇д̇хаанам̣ санд̇игаа маханд̇ам̣ саммаанам̣ на лабхи, мог̇г̇аллаанад̇т̇зро бана б̣уд̣̇д̇хаанам̣ самийбз бариниб̣б̣уд̇ад̇д̇аа махаасаммаанам̣ лабхий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва мог̇г̇аллаано мама санд̇игаа саммаанам̣ лабхад̇и, буб̣б̣зби лабхиязваа’’д̇и вад̇ваа ад̇ийд̇ам̣ аахари.

    Taṅkhaṇaññeva cha devalokā ekakolāhalā ahesuṃ, ‘‘amhākaṃ kira ācariyo parinibbuto’’ti dibbagandhamālāvāsadhūmacandanacuṇṇāni ceva nānādārūni ca gahetvā āgamiṃsu, ekūnasataratanacandanacitakā ahosi. Satthā therassa santike ṭhatvā sarīranikkhepaṃ kāresi. Āḷāhanassa samantato yojanamatte padese pupphavassaṃ vassi. Devānaṃ antare manussā, manussānaṃ antare devā ahesuṃ. Yathākkamena devānaṃ antare yakkhā tiṭṭhanti, yakkhānaṃ antare gandhabbā tiṭṭhanti, gandhabbānaṃ antare nāgā tiṭṭhanti, nāgānaṃ antare venateyyā tiṭṭhanti, venateyyānaṃ antare kinnarā tiṭṭhanti, kinnarānaṃ antare chattā tiṭṭhanti, chattānaṃ antare suvaṇṇacāmarā tiṭṭhanti, tesaṃ antare dhajā tiṭṭhanti, tesaṃ antare paṭākā tiṭṭhanti. Satta divasāni sādhukīḷaṃ kīḷiṃsu. Satthā therassa dhātuṃ gāhāpetvā veḷuvanadvārakoṭṭhake cetiyaṃ kārāpesi. Tadā bhikkhū dhammasabhāyaṃ kathaṃ samuṭṭhāpesuṃ ‘‘āvuso, sāriputtatthero tathāgatassa santike aparinibbutattā buddhānaṃ santikā mahantaṃ sammānaṃ na labhi, moggallānatthero pana buddhānaṃ samīpe parinibbutattā mahāsammānaṃ labhī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva moggallāno mama santikā sammānaṃ labhati, pubbepi labhiyevā’’ti vatvā atītaṃ āhari.

    ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о бурохид̇асса б̣раахман̣ияаа гужчимхи бадисанд̇хим̣ г̇ан̣хид̇ваа д̣̇асамаасажжаязна бажжуусасамаяз маад̇угужчид̇о нигками. д̇асмим̣ кан̣з д̣̇ваад̣̇асаяож̇анигз б̣аараан̣асинаг̇арз саб̣б̣аавуд̇хаани баж̇ж̇алим̣су. бурохид̇о буд̇д̇асса ж̇аад̇агкан̣з б̣ахи нигкамид̇ваа аагаасам̣ ологзнд̇о нагкад̇д̇аяог̇ам̣ д̣̇исваа ‘‘иминаа нагкад̇д̇зна ж̇аад̇ад̇д̇аа зсо гумааро сагалаж̇амб̣уд̣̇ийбз д̇хануг̇г̇ахаанам̣ аг̇г̇о бхависсад̇ий’’д̇и н̃ад̇ваа гаалассзва рааж̇агулам̣ г̇анд̇ваа рааж̇аанам̣ сукасаяид̇абхаавам̣ бужчи. ‘‘гуд̇о мз, аажарияа, сукам̣, аж̇ж̇а сагаланивзсанз аавуд̇хаани баж̇ж̇алид̇ааний’’д̇и вуд̇д̇з ‘‘маа бхааяи, д̣̇зва, на д̇умхаагам̣ нивзсанзязва, сагаланаг̇арзби баж̇ж̇алим̣суязва, аж̇ж̇а амхаагам̣ г̇зхз гумаарасса ж̇аад̇ад̇д̇аа звам̣ ахосий’’д̇и. ‘‘аажарияа, звам̣ ж̇аад̇агумаарасса бана гим̣ бхависсад̇ий’’д̇и? ‘‘на гин̃жи, махаарааж̇а, со бана сагалаж̇амб̣уд̣̇ийбз д̇хануг̇г̇ахаанам̣ аг̇г̇о бхависсад̇ий’’д̇и. ‘‘саад̇ху, аажарияа, д̇зна хи нам̣ бадиж̇аг̇г̇ид̇ваа ваяаббад̇д̇агаалз амхаагам̣ д̣̇ассзяяаасий’’д̇и вад̇ваа кийрамуулам̣ д̇аава сахассам̣ д̣̇аабзси. бурохид̇о д̇ам̣ г̇ахзд̇ваа нивзсанам̣ г̇анд̇ваа б̣раахман̣ияаа д̣̇ад̇ваа буд̇д̇асса наамаг̇г̇ахан̣ад̣̇ивасз ж̇аад̇агкан̣з аавуд̇хаанам̣ баж̇ж̇алид̇ад̇д̇аа ‘‘ж̇од̇ибаало’’д̇исса наамам̣ агааси.

    Atīte bārāṇasiyaṃ brahmadatte rajjaṃ kārente bodhisatto purohitassa brāhmaṇiyā kucchimhi paṭisandhiṃ gaṇhitvā dasamāsaccayena paccūsasamaye mātukucchito nikkhami. Tasmiṃ khaṇe dvādasayojanike bārāṇasinagare sabbāvudhāni pajjaliṃsu. Purohito puttassa jātakkhaṇe bahi nikkhamitvā ākāsaṃ olokento nakkhattayogaṃ disvā ‘‘iminā nakkhattena jātattā eso kumāro sakalajambudīpe dhanuggahānaṃ aggo bhavissatī’’ti ñatvā kālasseva rājakulaṃ gantvā rājānaṃ sukhasayitabhāvaṃ pucchi. ‘‘Kuto me, ācariya, sukhaṃ, ajja sakalanivesane āvudhāni pajjalitānī’’ti vutte ‘‘mā bhāyi, deva, na tumhākaṃ nivesaneyeva, sakalanagarepi pajjaliṃsuyeva, ajja amhākaṃ gehe kumārassa jātattā evaṃ ahosī’’ti. ‘‘Ācariya, evaṃ jātakumārassa pana kiṃ bhavissatī’’ti? ‘‘Na kiñci, mahārāja, so pana sakalajambudīpe dhanuggahānaṃ aggo bhavissatī’’ti. ‘‘Sādhu, ācariya, tena hi naṃ paṭijaggitvā vayappattakāle amhākaṃ dasseyyāsī’’ti vatvā khīramūlaṃ tāva sahassaṃ dāpesi. Purohito taṃ gahetvā nivesanaṃ gantvā brāhmaṇiyā datvā puttassa nāmaggahaṇadivase jātakkhaṇe āvudhānaṃ pajjalitattā ‘‘jotipālo’’tissa nāmaṃ akāsi.

    со маханд̇зна бариваарзна вад̣дхамаано сол̣асавассагаалз уд̇д̇амаруубад̇харо ахоси. ат̇асса бид̇аа сарийрасамбад̇д̇им̣ ологзд̇ваа сахассам̣ д̣̇ад̇ваа, ‘‘д̇аад̇а, д̇аггасилам̣ г̇анд̇ваа д̣̇исаабаамогкасса аажарияасса санд̇игз сиббам̣ уббан̣хаахий’’д̇и ааха. со ‘‘саад̇хуу’’д̇и самбадижчид̇ваа аажарияабхааг̇ам̣ г̇ахзд̇ваа маад̇аабид̇аро ванд̣̇ид̇ваа д̇ад̇т̇а г̇анд̇ваа сахассам̣ д̣̇ад̇ваа сиббам̣ бадтабзд̇ваа сад̇д̇аахзнзва нибпад̇д̇им̣ баабун̣и. ат̇асса аажарияо д̇уссид̇ваа ад̇д̇ано санд̇агам̣ каг̇г̇арад̇анам̣ санд̇хияуд̇д̇ам̣ мзн̣д̣агасин̇г̇ад̇ханум̣ санд̇хияуд̇д̇ам̣ д̇уун̣ийрам̣ ад̇д̇ано саннаахаган̃жугам̣ ун̣хийсан̃жа д̣̇ад̇ваа ‘‘д̇аад̇а ж̇од̇ибола, ахам̣ махаллаго, ид̣̇аани д̇вам̣ имз маан̣авагз сигкаабзхий’’д̇и бан̃жасад̇амаан̣авагзби д̇ассзва нияяаад̣̇зси. б̣од̇хисад̇д̇о саб̣б̣ам̣ убагаран̣ам̣ г̇ахзд̇ваа аажарияам̣ ванд̣̇ид̇ваа б̣аараан̣асимзва ааг̇анд̇ваа маад̇аабид̇аро ванд̣̇ид̇ваа адтааси. ат̇а нам̣ ванд̣̇ид̇ваа тид̇ам̣ бид̇аа авожа ‘‘уг̇г̇ахид̇ам̣ д̇з, д̇аад̇а, сибба’’нд̇и. ‘‘аама, д̇аад̇аа’’д̇и. со д̇асса важанам̣ суд̇ваа рааж̇агулам̣ г̇анд̇ваа ‘‘буд̇д̇о мз , д̣̇зва, сиббам̣ сигкид̇ваа ааг̇ад̇о, гим̣ гарод̇уу’’д̇и ааха. ‘‘аажарияа, амхз убадтахад̇уу’’д̇и. ‘‘бариб̣б̣аяамасса ж̇аанаат̇а, д̣̇зваа’’д̇и. ‘‘со д̣̇звасигам̣ сахассам̣ лабхад̇уу’’д̇и. со ‘‘саад̇хуу’’д̇и самбадижчид̇ваа г̇зхам̣ г̇анд̇ваа гумаарам̣ баггосаабзд̇ваа ‘‘д̇аад̇а, рааж̇аанам̣ убадтахаа’’д̇и ааха. со д̇ад̇о бадтааяа д̣̇звасигам̣ сахассам̣ лабхид̇ваа рааж̇аанам̣ убадтахи.

    So mahantena parivārena vaḍḍhamāno soḷasavassakāle uttamarūpadharo ahosi. Athassa pitā sarīrasampattiṃ oloketvā sahassaṃ datvā, ‘‘tāta, takkasilaṃ gantvā disāpāmokkhassa ācariyassa santike sippaṃ uppaṇhāhī’’ti āha. So ‘‘sādhū’’ti sampaṭicchitvā ācariyabhāgaṃ gahetvā mātāpitaro vanditvā tattha gantvā sahassaṃ datvā sippaṃ paṭṭhapetvā sattāheneva nipphattiṃ pāpuṇi. Athassa ācariyo tussitvā attano santakaṃ khaggaratanaṃ sandhiyuttaṃ meṇḍakasiṅgadhanuṃ sandhiyuttaṃ tūṇīraṃ attano sannāhakañcukaṃ uṇhīsañca datvā ‘‘tāta jotipola, ahaṃ mahallako, idāni tvaṃ ime māṇavake sikkhāpehī’’ti pañcasatamāṇavakepi tasseva niyyādesi. Bodhisatto sabbaṃ upakaraṇaṃ gahetvā ācariyaṃ vanditvā bārāṇasimeva āgantvā mātāpitaro vanditvā aṭṭhāsi. Atha naṃ vanditvā ṭhitaṃ pitā avoca ‘‘uggahitaṃ te, tāta, sippa’’nti. ‘‘Āma, tātā’’ti. So tassa vacanaṃ sutvā rājakulaṃ gantvā ‘‘putto me , deva, sippaṃ sikkhitvā āgato, kiṃ karotū’’ti āha. ‘‘Ācariya, amhe upaṭṭhahatū’’ti. ‘‘Paribbayamassa jānātha, devā’’ti. ‘‘So devasikaṃ sahassaṃ labhatū’’ti. So ‘‘sādhū’’ti sampaṭicchitvā gehaṃ gantvā kumāraṃ pakkosāpetvā ‘‘tāta, rājānaṃ upaṭṭhahā’’ti āha. So tato paṭṭhāya devasikaṃ sahassaṃ labhitvā rājānaṃ upaṭṭhahi.

    рааж̇абаад̣̇амуулигаа уж̇жхааяим̣су – ‘‘маяам̣ ж̇од̇ибаалзна гад̇агаммам̣ на бассаама, д̣̇звасигам̣ сахассам̣ г̇ан̣хаад̇и, маяамасса сиббам̣ бассид̇угаамаа’’д̇и. рааж̇аа д̇зсам̣ важанам̣ суд̇ваа бурохид̇асса гат̇зси. бурохид̇о ‘‘саад̇ху, д̣̇зваа’’д̇и буд̇д̇ассаарожзси. со ‘‘саад̇ху, д̇аад̇а, ид̇о сад̇д̇амз д̣̇ивасз д̣̇ассзссаами сиббам̣, абижа рааж̇аа ад̇д̇ано виж̇ид̇з д̇хануг̇г̇ахз саннибаад̇аабзд̇уу’’д̇и ааха. бурохид̇о г̇анд̇ваа ран̃н̃о д̇амад̇т̇ам̣ аарожзси. рааж̇аа наг̇арз бхзрим̣ жараабзд̇ваа д̇хануг̇г̇ахз саннибаад̇аабзси. садтисахассаа д̇хануг̇г̇ахаа саннибад̇им̣су. рааж̇аа д̇зсам̣ саннибад̇ид̇абхаавам̣ н̃ад̇ваа ‘‘наг̇араваасино ж̇од̇ибааласса сиббам̣ бассанд̇уу’’д̇и наг̇арз бхзрим̣ жараабзд̇ваа рааж̇ан̇г̇ан̣ам̣ саж̇ж̇аабзд̇ваа махааж̇анабаривуд̇о баллан̇гаварз нисийд̣̇ид̇ваа д̇хануг̇г̇ахз баггосаабзд̇ваа ‘‘ж̇од̇ибаало ааг̇ажчад̇уу’’д̇и бзсзси. со аажариязна д̣̇иннаани д̇хануд̇уун̣ийрасаннаахаган̃жугаун̣хийсаани ниваасананд̇арз табзд̇ваа каг̇г̇ам̣ г̇аахаабзд̇ваа багад̇ивзсзна ран̃н̃о санд̇игам̣ г̇анд̇ваа згаманд̇ам̣ адтааси.

    Rājapādamūlikā ujjhāyiṃsu – ‘‘mayaṃ jotipālena katakammaṃ na passāma, devasikaṃ sahassaṃ gaṇhāti, mayamassa sippaṃ passitukāmā’’ti. Rājā tesaṃ vacanaṃ sutvā purohitassa kathesi. Purohito ‘‘sādhu, devā’’ti puttassārocesi. So ‘‘sādhu, tāta, ito sattame divase dassessāmi sippaṃ, apica rājā attano vijite dhanuggahe sannipātāpetū’’ti āha. Purohito gantvā rañño tamatthaṃ ārocesi. Rājā nagare bheriṃ carāpetvā dhanuggahe sannipātāpesi. Saṭṭhisahassā dhanuggahā sannipatiṃsu. Rājā tesaṃ sannipatitabhāvaṃ ñatvā ‘‘nagaravāsino jotipālassa sippaṃ passantū’’ti nagare bheriṃ carāpetvā rājaṅgaṇaṃ sajjāpetvā mahājanaparivuto pallaṅkavare nisīditvā dhanuggahe pakkosāpetvā ‘‘jotipālo āgacchatū’’ti pesesi. So ācariyena dinnāni dhanutūṇīrasannāhakañcukauṇhīsāni nivāsanantare ṭhapetvā khaggaṃ gāhāpetvā pakativesena rañño santikaṃ gantvā ekamantaṃ aṭṭhāsi.

    д̇хануг̇г̇ахаа ‘‘ж̇од̇ибаало гира д̇ханусиббам̣ д̣̇ассзд̇ум̣ ааг̇ад̇о, д̇ханум̣ аг̇г̇ахзд̇ваа бана ааг̇ад̇ад̇д̇аа амхаагам̣ хад̇т̇ад̇о д̇ханум̣ г̇ахзд̇угаамо бхависсад̇и , наасса д̣̇ассаамаа’’д̇и гад̇игам̣ гарим̣су. рааж̇аа ж̇од̇ибаалам̣ ааманд̇зд̇ваа ‘‘сиббам̣ д̣̇ассзхий’’д̇и ааха. со саан̣им̣ баригкибаабзд̇ваа анд̇осаан̣ияам̣ тид̇о саадагам̣ абанзд̇ваа саннаахаган̃жугам̣ бавзсзд̇ваа ун̣хийсам̣ сийсз бадимун̃жид̇ваа мзн̣д̣агасин̇г̇ад̇ханумхи баваалаван̣н̣ам̣ ж̇ияам̣ ааробзд̇ваа д̇уун̣ийрам̣ бидтз б̣анд̇хид̇ваа каг̇г̇ам̣ ваамад̇о гад̇ваа важ̇ираг̇г̇ам̣ наараажам̣ накабидтзна баривад̇д̇зд̇ваа саан̣им̣ виварид̇ваа бат̇авим̣ бхинд̣̇ид̇ваа алан̇гад̇анааг̇агумааро вияа нигкамид̇ваа г̇анд̇ваа ран̃н̃о абажид̇им̣ д̣̇ассзд̇ваа адтааси. д̇ам̣ д̣̇исваа махааж̇анаа ваг̇г̇анд̇и над̣̇анд̇и абподзнд̇и сзл̣знд̇и. рааж̇аа ‘‘д̣̇ассзхи, ж̇од̇ибаала, сибба’’нд̇и ааха. д̣̇зва, д̇умхаагам̣ д̇хануг̇г̇ахзсу агкан̣авзд̇хиваалавзд̇хисаравзд̇хисад̣̇д̣̇авзд̇хино жад̇д̇ааро д̇хануг̇г̇ахз баггосаабзхийд̇и. ат̇а рааж̇аа баггосаабзси.

    Dhanuggahā ‘‘jotipālo kira dhanusippaṃ dassetuṃ āgato, dhanuṃ aggahetvā pana āgatattā amhākaṃ hatthato dhanuṃ gahetukāmo bhavissati , nāssa dassāmā’’ti katikaṃ kariṃsu. Rājā jotipālaṃ āmantetvā ‘‘sippaṃ dassehī’’ti āha. So sāṇiṃ parikkhipāpetvā antosāṇiyaṃ ṭhito sāṭakaṃ apanetvā sannāhakañcukaṃ pavesetvā uṇhīsaṃ sīse paṭimuñcitvā meṇḍakasiṅgadhanumhi pavālavaṇṇaṃ jiyaṃ āropetvā tūṇīraṃ piṭṭhe bandhitvā khaggaṃ vāmato katvā vajiraggaṃ nārācaṃ nakhapiṭṭhena parivattetvā sāṇiṃ vivaritvā pathaviṃ bhinditvā alaṅkatanāgakumāro viya nikkhamitvā gantvā rañño apacitiṃ dassetvā aṭṭhāsi. Taṃ disvā mahājanā vagganti nadanti apphoṭenti seḷenti. Rājā ‘‘dassehi, jotipāla, sippa’’nti āha. Deva, tumhākaṃ dhanuggahesu akkhaṇavedhivālavedhisaravedhisaddavedhino cattāro dhanuggahe pakkosāpehīti. Atha rājā pakkosāpesi.

    махаасад̇д̇о рааж̇ан̇г̇ан̣з жад̇урассабарижчзд̣̇аб̣бханд̇арз ман̣д̣алам̣ гад̇ваа жад̇уусу ган̣н̣зсу жад̇д̇ааро д̇хануг̇г̇ахз табзд̇ваа згзгасса д̇им̣са д̇им̣са ган̣д̣асахассаани д̣̇аабзд̇ваа згзгасса санд̇игз згзгам̣ ган̣д̣ад̣̇ааяагам̣ табзд̇ваа саяам̣ важ̇ираг̇г̇ам̣ наараажам̣ г̇ахзд̇ваа ман̣д̣аламаж̇жхз тад̇ваа ‘‘махаарааж̇а, имз жад̇д̇ааро д̇хануг̇г̇ахаа згаббахаарзнзва сарз кибид̇ваа мам̣ виж̇жханд̇у, ахам̣ зд̇зхи кид̇д̇аган̣д̣аани ниваарзссаамий’’д̇и ааха. рааж̇аа ‘‘звам̣ гарот̇аа’’д̇и аан̣аабзси. д̇хануг̇г̇ахаа аахам̣су, ‘‘махаарааж̇а, маяам̣ агкан̣авзд̇хиваалавзд̇хисаравзд̇хисад̣̇д̣̇авзд̇хино, ж̇од̇ибаало д̇арун̣ад̣̇аараго, на маяам̣ виж̇жхиссаамаа’’д̇и. махаасад̇д̇о ‘‘сажз саггот̇а, виж̇жхат̇а ма’’нд̇и ааха. д̇з ‘‘саад̇хуу’’д̇и самбадижчид̇ваа згаббахаарзнзва ган̣д̣аани кибим̣су. махаасад̇д̇о д̇аани наараажзна бахарид̇ваа яат̇аа ваа д̇ат̇аа ваа на баад̇зси, б̣од̇хигодтагам̣ бана баригкибанд̇о вияа д̇аалзна д̇аалам̣, ваалзна ваалам̣, д̣̇ан̣д̣агзна д̣̇ан̣д̣агам̣, вааж̇зна вааж̇ам̣ анад̇иггаманд̇о кибид̇ваа сараг̇аб̣бхам̣ агааси. д̇хануг̇г̇ахаанам̣ ган̣д̣аани кийн̣аани. со д̇зсам̣ ган̣д̣акийн̣абхаавам̣ н̃ад̇ваа сараг̇аб̣бхам̣ авинаасзнд̇ова уббад̇ид̇ваа г̇анд̇ваа ран̃н̃о санд̇игз адтааси. махааж̇ано уннаад̣̇знд̇о ваг̇г̇анд̇о абподзнд̇о сзл̣знд̇о ажчарам̣ бахаранд̇о махааголаахалам̣ гад̇ваа вад̇т̇аабхаран̣аад̣̇ийни киби. звам̣ згараасибхууд̇ам̣ адтаарасагодисан̇кяам̣ д̇ханам̣ ахоси.

    Mahāsatto rājaṅgaṇe caturassaparicchedabbhantare maṇḍalaṃ katvā catūsu kaṇṇesu cattāro dhanuggahe ṭhapetvā ekekassa tiṃsa tiṃsa kaṇḍasahassāni dāpetvā ekekassa santike ekekaṃ kaṇḍadāyakaṃ ṭhapetvā sayaṃ vajiraggaṃ nārācaṃ gahetvā maṇḍalamajjhe ṭhatvā ‘‘mahārāja, ime cattāro dhanuggahā ekappahāreneva sare khipitvā maṃ vijjhantu, ahaṃ etehi khittakaṇḍāni nivāressāmī’’ti āha. Rājā ‘‘evaṃ karothā’’ti āṇāpesi. Dhanuggahā āhaṃsu, ‘‘mahārāja, mayaṃ akkhaṇavedhivālavedhisaravedhisaddavedhino, jotipālo taruṇadārako, na mayaṃ vijjhissāmā’’ti. Mahāsatto ‘‘sace sakkotha, vijjhatha ma’’nti āha. Te ‘‘sādhū’’ti sampaṭicchitvā ekappahāreneva kaṇḍāni khipiṃsu. Mahāsatto tāni nārācena paharitvā yathā vā tathā vā na pātesi, bodhikoṭṭhakaṃ pana parikkhipanto viya tālena tālaṃ, vālena vālaṃ, daṇḍakena daṇḍakaṃ, vājena vājaṃ anatikkamanto khipitvā saragabbhaṃ akāsi. Dhanuggahānaṃ kaṇḍāni khīṇāni. So tesaṃ kaṇḍakhīṇabhāvaṃ ñatvā saragabbhaṃ avināsentova uppatitvā gantvā rañño santike aṭṭhāsi. Mahājano unnādento vagganto apphoṭento seḷento accharaṃ paharanto mahākolāhalaṃ katvā vatthābharaṇādīni khipi. Evaṃ ekarāsibhūtaṃ aṭṭhārasakoṭisaṅkhyaṃ dhanaṃ ahosi.

    ат̇а нам̣ рааж̇аа бужчи – ‘‘гим̣ сиббам̣ наамзд̇ам̣ ж̇од̇ибаалаа’’д̇и? сарабадиб̣ааханам̣ наама, д̣̇зваад̇и. ан̃н̃з зд̇ам̣ ж̇аананд̇аа ад̇т̇ийд̇и. сагалаж̇амб̣уд̣̇ийбз мам̣ табзд̇ваа ан̃н̃о над̇т̇и, д̣̇зваад̇и. абарам̣ д̣̇ассзхи, д̇аад̇аад̇и. д̣̇зва, зд̇з д̇аава жад̇уусу ган̣н̣зсу тад̇ваа жад̇д̇аароби ж̇анаа мам̣ виж̇жхид̇ум̣ на сагким̣су, ахам̣ банзд̇з жад̇уусу ган̣н̣зсу тид̇з згзнзва сарзна виж̇жхиссаамийд̇и. д̇хануг̇г̇ахаа таад̇ум̣ на уссахим̣су. махаасад̇д̇о жад̇уусу ган̣н̣зсу жад̇ассо гад̣̇алияо табаабзд̇ваа наараажабун̇кз рад̇д̇асуд̇д̇агам̣ б̣анд̇хид̇ваа згам̣ гад̣̇алим̣ санд̇хааяа киби. наараажо д̇ам̣ гад̣̇алим̣ виж̇жхид̇ваа д̇ад̇о д̣̇уд̇ияам̣, д̇ад̇о д̇ад̇ияам̣, д̇ад̇о жад̇уд̇т̇ам̣, д̇ад̇о батамам̣ вид̣̇д̇хамзва виж̇жхид̇ваа буна д̇асса хад̇т̇зязва бад̇идтахи. гад̣̇алияо суд̇д̇абаригкид̇д̇аа адтам̣су. махааж̇ано уннаад̣̇асахассаани бавад̇д̇зси. рааж̇аа ‘‘гим̣ сиббам̣ наамзд̇ам̣, д̇аад̇аа’’д̇и? жаггавид̣̇д̇хам̣ наама, д̣̇зваад̇и. абарамби д̣̇ассзхи, д̇аад̇аад̇и. махаасад̇д̇о сараладтим̣ наама, сарараж̇ж̇ум̣ наама, саравзд̇хим̣ наама д̣̇ассзси, сарабаасаад̣̇ам̣ наама, сарасобаанам̣ наама, сараман̣д̣абам̣ наама, сарабаагаарам̣ наама, сарабогкаран̣им̣ наама агааси, сарабад̣̇умам̣ наама бубпаабзси, саравассам̣ наама вассаабзси. ид̇и ан̃н̃зхи асаад̇хааран̣аани имаани д̣̇ваад̣̇аса сиббаани д̣̇ассзд̇ваа буна ан̃н̃зхи асаад̇хааран̣зязва сад̇д̇а махаагааяз бад̣̇аалзси, адтан̇г̇улаб̣ахалам̣ уд̣̇умб̣арабад̣̇арам̣ виж̇жхи, жад̇уран̇г̇улаб̣ахалам̣ асанабад̣̇арам̣, д̣̇ван̇г̇улаб̣ахалам̣ д̇амб̣абаддам̣, зган̇г̇улаб̣ахалам̣ аяабаддам̣, згааб̣ад̣̇д̇хам̣ палагасад̇ам̣ винивиж̇жхид̇ваа балааласагадаваалугасагадабад̣̇арасагадаанам̣ буримабхааг̇зна сарам̣ кибид̇ваа бажчаабхааг̇зна нигкамаабзси, бажчаабхааг̇зна сарам̣ кибид̇ваа буримабхааг̇зна нигкамаабзси, уд̣̇агз жад̇уусабхам̣, т̇алз адтаусабхадтаанам̣ ган̣д̣ам̣ бзсзси. ваад̇ин̇г̇ан̣асан̃н̃ааяа усабхамад̇д̇агз ваалам̣ виж̇жхи. б̣од̇хисад̇д̇о сарз кибид̇ваа аагаасз сарабаасаад̣̇аад̣̇ийни гад̇ваа буна згзна сарзна д̇з сарз баад̇знд̇о бхан̇г̇авибхан̇г̇з агаасийд̇и ‘‘сарабхан̇г̇о’’д̇и наама бан̃н̃аад̇о. д̇асса зд̇д̇агаани сиббаани д̣̇ассзнд̇ассзва суурияо ад̇т̇ан̇г̇ад̇о.

    Atha naṃ rājā pucchi – ‘‘kiṃ sippaṃ nāmetaṃ jotipālā’’ti? Sarapaṭibāhanaṃ nāma, devāti. Aññe etaṃ jānantā atthīti. Sakalajambudīpe maṃ ṭhapetvā añño natthi, devāti. Aparaṃ dassehi, tātāti. Deva, ete tāva catūsu kaṇṇesu ṭhatvā cattāropi janā maṃ vijjhituṃ na sakkhiṃsu, ahaṃ panete catūsu kaṇṇesu ṭhite ekeneva sarena vijjhissāmīti. Dhanuggahā ṭhātuṃ na ussahiṃsu. Mahāsatto catūsu kaṇṇesu catasso kadaliyo ṭhapāpetvā nārācapuṅkhe rattasuttakaṃ bandhitvā ekaṃ kadaliṃ sandhāya khipi. Nārāco taṃ kadaliṃ vijjhitvā tato dutiyaṃ, tato tatiyaṃ, tato catutthaṃ, tato paṭhamaṃ viddhameva vijjhitvā puna tassa hattheyeva patiṭṭhahi. Kadaliyo suttaparikkhittā aṭṭhaṃsu. Mahājano unnādasahassāni pavattesi. Rājā ‘‘kiṃ sippaṃ nāmetaṃ, tātā’’ti? Cakkaviddhaṃ nāma, devāti. Aparampi dassehi, tātāti. Mahāsatto saralaṭṭhiṃ nāma, sararajjuṃ nāma, saravedhiṃ nāma dassesi, sarapāsādaṃ nāma, sarasopānaṃ nāma, saramaṇḍapaṃ nāma, sarapākāraṃ nāma, sarapokkharaṇiṃ nāma akāsi, sarapadumaṃ nāma pupphāpesi, saravassaṃ nāma vassāpesi. Iti aññehi asādhāraṇāni imāni dvādasa sippāni dassetvā puna aññehi asādhāraṇeyeva satta mahākāye padālesi, aṭṭhaṅgulabahalaṃ udumbarapadaraṃ vijjhi, caturaṅgulabahalaṃ asanapadaraṃ, dvaṅgulabahalaṃ tambapaṭṭaṃ, ekaṅgulabahalaṃ ayapaṭṭaṃ, ekābaddhaṃ phalakasataṃ vinivijjhitvā palālasakaṭavālukasakaṭapadarasakaṭānaṃ purimabhāgena saraṃ khipitvā pacchābhāgena nikkhamāpesi, pacchābhāgena saraṃ khipitvā purimabhāgena nikkhamāpesi, udake catuusabhaṃ, thale aṭṭhausabhaṭṭhānaṃ kaṇḍaṃ pesesi. Vātiṅgaṇasaññāya usabhamattake vālaṃ vijjhi. Bodhisatto sare khipitvā ākāse sarapāsādādīni katvā puna ekena sarena te sare pātento bhaṅgavibhaṅge akāsīti ‘‘sarabhaṅgo’’ti nāma paññāto. Tassa ettakāni sippāni dassentasseva sūriyo atthaṅgato.

    ат̇асса рааж̇аа сзнаабад̇идтаанам̣ бадиж̇аанид̇ваа ‘‘ж̇од̇ибаала, аж̇ж̇а вигаало, свз д̇вам̣ сзнаабад̇идтаанам̣ саггаарам̣ г̇ан̣хиссаси, гзсамассум̣ гаарзд̇ваа нхад̇ваа зхий’’д̇и д̇ам̣ д̣̇ивасам̣ бариб̣б̣аяад̇т̇ааяа сад̇асахассам̣ ад̣̇ааси. махаасад̇д̇о ‘‘иминаа маяхам̣ ад̇т̇о над̇т̇ий’’д̇и адтаарасагодисан̇кяам̣ д̇ханам̣ саамигаанан̃н̃зва д̣̇ад̇ваа маханд̇зна бариваарзна нхааяид̇ум̣ над̣̇им̣ г̇анд̇ваа гзсамассум̣ гаарзд̇ваа нхад̇ваа саб̣б̣аалан̇гаараббадиман̣д̣ид̇о анобамааяа сирияаа нивзсанам̣ бависид̇ваа наанаг̇г̇арасабхож̇анам̣ бхун̃ж̇ид̇ваа сирисаяанам̣ абхируяха нибанно д̣̇вз яаамз саяид̇ваа бажчимаяаамз баб̣уд̣̇д̇хо удтааяа баллан̇гам̣ аабхуж̇ид̇ваа саяанабидтз нисиннова ад̇д̇ано сиббасса аад̣̇имаж̇жхабарияосаанам̣ ологзнд̇о ‘‘мама сиббасса аад̣̇ид̇ова барамааран̣ам̣ бан̃н̃ааяад̇и, маж̇жхз гилзсабарибхог̇о, барияосаанз нираяамхи бадисанд̇хи, баан̣аад̇ибаад̇о гилзсабарибхог̇зсу жа ад̇химад̇д̇аббамаад̣̇о нираяз бадисанд̇хим̣ д̣̇зд̇и, ран̃н̃аа маяхам̣ маханд̇ам̣ сзнаабад̇идтаанам̣ д̣̇иннам̣, маханд̇ам̣ мз иссарияам̣ бхависсад̇и, бхарияаа жа буд̇д̇ад̇хийд̇аро жа б̣ахуу бхависсанд̇и. гилзсавад̇т̇у ко бана взбуллаг̇ад̇ам̣ д̣̇ужжаж̇ам̣ ход̇и, ид̣̇аанзва нигкамид̇ваа згагова аран̃н̃ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ум̣ яуд̇д̇ам̣ маяха’’нд̇и махаасаяанад̇о удтааяа ган̃жи аж̇аанаабзнд̇о баасаад̣̇аа оруяха аг̇г̇ад̣̇ваарзна нигкамид̇ваа згагова аран̃н̃ам̣ бависид̇ваа г̇од̇хааваринад̣̇ийд̇ийрз д̇ияож̇анигам̣ габидтаванам̣ санд̇хааяа бааяааси.

    Athassa rājā senāpatiṭṭhānaṃ paṭijānitvā ‘‘jotipāla, ajja vikālo, sve tvaṃ senāpatiṭṭhānaṃ sakkāraṃ gaṇhissasi, kesamassuṃ kāretvā nhatvā ehī’’ti taṃ divasaṃ paribbayatthāya satasahassaṃ adāsi. Mahāsatto ‘‘iminā mayhaṃ attho natthī’’ti aṭṭhārasakoṭisaṅkhyaṃ dhanaṃ sāmikānaññeva datvā mahantena parivārena nhāyituṃ nadiṃ gantvā kesamassuṃ kāretvā nhatvā sabbālaṅkārappaṭimaṇḍito anopamāya siriyā nivesanaṃ pavisitvā nānaggarasabhojanaṃ bhuñjitvā sirisayanaṃ abhiruyha nipanno dve yāme sayitvā pacchimayāme pabuddho uṭṭhāya pallaṅkaṃ ābhujitvā sayanapiṭṭhe nisinnova attano sippassa ādimajjhapariyosānaṃ olokento ‘‘mama sippassa āditova paramāraṇaṃ paññāyati, majjhe kilesaparibhogo, pariyosāne nirayamhi paṭisandhi, pāṇātipāto kilesaparibhogesu ca adhimattappamādo niraye paṭisandhiṃ deti, raññā mayhaṃ mahantaṃ senāpatiṭṭhānaṃ dinnaṃ, mahantaṃ me issariyaṃ bhavissati, bhariyā ca puttadhītaro ca bahū bhavissanti. Kilesavatthu kho pana vepullagataṃ duccajaṃ hoti, idāneva nikkhamitvā ekakova araññaṃ pavisitvā isipabbajjaṃ pabbajituṃ yuttaṃ mayha’’nti mahāsayanato uṭṭhāya kañci ajānāpento pāsādā oruyha aggadvārena nikkhamitvā ekakova araññaṃ pavisitvā godhāvarinadītīre tiyojanikaṃ kapiṭṭhavanaṃ sandhāya pāyāsi.

    д̇асса нигканд̇абхаавам̣ н̃ад̇ваа сагго виссагаммам̣ баггосаабзд̇ваа ‘‘д̇аад̇а, ж̇аад̇ибаало абхинигкаманам̣ нигканд̇о, махаасамааг̇амо бхависсад̇и, г̇од̇хааваринад̣̇ийд̇ийрз габидтаванз ассамам̣ маабзд̇ваа баб̣б̣аж̇ид̇абаригкаарз бадияаад̣̇зхий’’д̇и ааха. со д̇ат̇аа агааси. махаасад̇д̇о д̇ам̣ таанам̣ бад̇ваа згабад̣̇игамаг̇г̇ам̣ д̣̇исваа ‘‘баб̣б̣аж̇ид̇аанам̣ васанадтаанзна бхавид̇аб̣б̣а’’нд̇и д̇зна маг̇г̇зна д̇ад̇т̇а г̇анд̇ваа ган̃жи абассанд̇о бан̣н̣асаалам̣ бависид̇ваа баб̣б̣аж̇ид̇абаригкаарз д̣̇исваа ‘‘сагго д̣̇зварааж̇аа мама нигканд̇абхаавам̣ ан̃н̃ааси ман̃н̃з’’д̇и жинд̇зд̇ваа саадагам̣ абанзд̇ваа рад̇д̇аваагажирам̣ ниваасзд̇ваа жа баарубид̇ваа жа аж̇инажаммам̣ згам̣саг̇ад̇ам̣ агааси, ж̇адааман̣д̣алам̣ б̣анд̇хид̇ваа кааригааж̇ам̣ ам̣сз гад̇ваа гад̇д̇арад̣̇ан̣д̣ам̣ г̇ахзд̇ваа бан̣н̣асаалад̇о нигкамид̇ваа жан̇гамам̣ ааруяха гад̇ибаяаваарз абараабарам̣ жан̇гамид̇ваа баб̣б̣аж̇ж̇аасирияаа ванам̣ убасобхаяамаано гасин̣абаригаммам̣ гад̇ваа баб̣б̣аж̇ид̇ад̇о сад̇д̇амз д̣̇ивасз адта самаабад̇д̇ияо бан̃жа абхин̃н̃ааяо жа ниб̣б̣ад̇д̇зд̇ваа ун̃чаажарияааяа ванамуулапалаахааро згагова вихааси. маад̇аабид̇аро мид̇д̇асухаж̇ж̇аад̣̇аяо н̃аад̇иваг̇г̇аабисса д̇ам̣ абассанд̇аа род̣̇анд̇аа барид̣̇званд̇аа вижаранд̇и.

    Tassa nikkhantabhāvaṃ ñatvā sakko vissakammaṃ pakkosāpetvā ‘‘tāta, jātipālo abhinikkhamanaṃ nikkhanto, mahāsamāgamo bhavissati, godhāvarinadītīre kapiṭṭhavane assamaṃ māpetvā pabbajitaparikkhāre paṭiyādehī’’ti āha. So tathā akāsi. Mahāsatto taṃ ṭhānaṃ patvā ekapadikamaggaṃ disvā ‘‘pabbajitānaṃ vasanaṭṭhānena bhavitabba’’nti tena maggena tattha gantvā kañci apassanto paṇṇasālaṃ pavisitvā pabbajitaparikkhāre disvā ‘‘sakko devarājā mama nikkhantabhāvaṃ aññāsi maññe’’ti cintetvā sāṭakaṃ apanetvā rattavākaciraṃ nivāsetvā ca pārupitvā ca ajinacammaṃ ekaṃsagataṃ akāsi, jaṭāmaṇḍalaṃ bandhitvā khārikājaṃ aṃse katvā kattaradaṇḍaṃ gahetvā paṇṇasālato nikkhamitvā caṅkamaṃ āruyha katipayavāre aparāparaṃ caṅkamitvā pabbajjāsiriyā vanaṃ upasobhayamāno kasiṇaparikammaṃ katvā pabbajitato sattame divase aṭṭha samāpattiyo pañca abhiññāyo ca nibbattetvā uñchācariyāya vanamūlaphalāhāro ekakova vihāsi. Mātāpitaro mittasuhajjādayo ñātivaggāpissa taṃ apassantā rodantā paridevantā vicaranti.

    ат̇зго ванажараго аран̃н̃ам̣ бависид̇ваа габидтагаассамабад̣̇з нисиннам̣ махаасад̇д̇ам̣ д̣̇исваа сан̃ж̇аанид̇ваа г̇анд̇ваа д̇зна сад̣̇д̇хим̣ бадисант̇аарам̣ гад̇ваа наг̇арам̣ г̇анд̇ваа д̇асса маад̇аабид̇уунам̣ аарожзси. д̇з ран̃н̃о аарожаяим̣су. рааж̇аа ‘‘зт̇а нам̣ бассиссаамаа’’д̇и д̇асса маад̇аабид̇аро г̇ахзд̇ваа махааж̇анабаривуд̇о ванажарагзна д̣̇зсид̇зна маг̇г̇зна г̇од̇хааваринад̣̇ийд̇ийрам̣ баабун̣и. б̣од̇хисад̇д̇о над̣̇ийд̇ийрам̣ ааг̇анд̇ваа аагаасз нисинно д̇хаммам̣ д̣̇зсзд̇ваа д̇з саб̣б̣з ассамабад̣̇ам̣ бавзсзд̇ваа д̇ад̇раби д̇зсам̣ аагаасз нисиннова гаамзсу аад̣̇ийнавам̣ багаасзд̇ваа д̇хаммам̣ д̣̇зсзси. рааж̇аанам̣ аад̣̇им̣ гад̇ваа саб̣б̣зва баб̣б̣аж̇им̣су. б̣од̇хисад̇д̇о исиг̇ан̣абаривуд̇о д̇ад̇т̇зва васи. ат̇асса д̇ад̇т̇а васанабхааво сагалаж̇амб̣уд̣̇ийбз баагадо ахоси. ан̃н̃зби рааж̇аано радтаваасийхи сад̣̇д̇хим̣ ааг̇анд̇ваа д̇асса санд̇игз баб̣б̣аж̇им̣су, самааг̇амо махаа ахоси. анубуб̣б̣зна анзгасад̇асахассабарисаа ахзсум̣. яо гаамавид̇аггам̣ ваа б̣яаабаад̣̇авид̇аггам̣ ваа вихим̣саавид̇аггам̣ ваа вид̇аггзд̇и, махаасад̇д̇о г̇анд̇ваа д̇асса бурад̇о аагаасз нисийд̣̇ид̇ваа д̇хаммам̣ д̣̇зсзд̇и, гасин̣абаригаммам̣ аажигкад̇и. д̇ассоваад̣̇з тад̇ваа адта самаабад̇д̇ияо уббаад̣̇зд̇ваа жхаананибпад̇д̇им̣ бад̇д̇аа саалиссаро мзн̣д̣иссаро баб̣б̣ад̇о гаал̣ад̣̇звило гисаважчо анусиссо наарад̣̇од̇и сад̇д̇а ж̇здтанд̇зваасино ахзсум̣. абарабхааг̇з габидтагаассамо барибуури. исиг̇ан̣асса васаногаасо наббаход̇и.

    Atheko vanacarako araññaṃ pavisitvā kapiṭṭhakaassamapade nisinnaṃ mahāsattaṃ disvā sañjānitvā gantvā tena saddhiṃ paṭisanthāraṃ katvā nagaraṃ gantvā tassa mātāpitūnaṃ ārocesi. Te rañño ārocayiṃsu. Rājā ‘‘etha naṃ passissāmā’’ti tassa mātāpitaro gahetvā mahājanaparivuto vanacarakena desitena maggena godhāvarinadītīraṃ pāpuṇi. Bodhisatto nadītīraṃ āgantvā ākāse nisinno dhammaṃ desetvā te sabbe assamapadaṃ pavesetvā tatrapi tesaṃ ākāse nisinnova kāmesu ādīnavaṃ pakāsetvā dhammaṃ desesi. Rājānaṃ ādiṃ katvā sabbeva pabbajiṃsu. Bodhisatto isigaṇaparivuto tattheva vasi. Athassa tattha vasanabhāvo sakalajambudīpe pākaṭo ahosi. Aññepi rājāno raṭṭhavāsīhi saddhiṃ āgantvā tassa santike pabbajiṃsu, samāgamo mahā ahosi. Anupubbena anekasatasahassaparisā ahesuṃ. Yo kāmavitakkaṃ vā byāpādavitakkaṃ vā vihiṃsāvitakkaṃ vā vitakketi, mahāsatto gantvā tassa purato ākāse nisīditvā dhammaṃ deseti, kasiṇaparikammaṃ ācikkhati. Tassovāde ṭhatvā aṭṭha samāpattiyo uppādetvā jhānanipphattiṃ pattā sālissaro meṇḍissaro pabbato kāḷadevilo kisavaccho anusisso nāradoti satta jeṭṭhantevāsino ahesuṃ. Aparabhāge kapiṭṭhakaassamo paripūri. Isigaṇassa vasanokāso nappahoti.

    ат̇а махаасад̇д̇о саалиссарам̣ ааманд̇зд̇ваа ‘‘саалиссара, аяам̣ ассамо исиг̇ан̣асса наббаход̇и, д̇вам̣ имам̣ исиг̇ан̣ам̣ г̇ахзд̇ваа маж̇жхаран̃н̃о виж̇ид̇з галаббажуллаганиг̇амам̣ убаниссааяа васаахий’’д̇и ааха. со ‘‘саад̇хуу’’д̇и д̇асса важанам̣ самбадижчид̇ваа анзгасахассам̣ исиг̇ан̣ам̣ г̇ахзд̇ваа г̇анд̇ваа д̇ад̇т̇а ваасам̣ габбзси. мануссзсу ааг̇анд̇ваа баб̣б̣аж̇анд̇зсу буна ассамо барибуури. б̣од̇хисад̇д̇о мзн̣д̣иссарам̣ ааманд̇зд̇ваа, ‘‘мзн̣д̣иссара, д̇вам̣ имам̣ исиг̇ан̣ам̣ аад̣̇ааяа сурадтаж̇анабад̣̇асса сийманд̇арз саад̇од̣̇игаа наама над̣̇ий ад̇т̇и, д̇ассаа д̇ийрз васаахий’’д̇и уяяож̇зси, буна габидтагаассамо барибуури. зд̇знубааязна д̇ад̇ияаваарз баб̣б̣ад̇ам̣ ааманд̇зд̇ваа ‘‘баб̣б̣ад̇а, д̇вам̣ махааадавияам̣ ан̃ж̇анабаб̣б̣ад̇о наама ад̇т̇и, д̇ам̣ убаниссааяа васаахий’’д̇и бзсзси. жад̇уд̇т̇аваарз гаал̣ад̣̇звилам̣ ааманд̇зд̇ваа ‘‘гаал̣ад̣̇звила, д̇вам̣ д̣̇агкин̣абат̇з аванд̇ирадтз гханасзлабаб̣б̣ад̇о наама ад̇т̇и, д̇ам̣ убаниссааяа васаахий’’д̇и бзсзси. буна габидтагаассамо барибуури, бан̃жасу таанзсу анзгасад̇асахассаисиг̇ан̣о ахоси. гисаважчо бана махаасад̇д̇ам̣ аабужчид̇ваа д̣̇ан̣д̣агиран̃н̃о виж̇ид̇з гумбхавад̇инаг̇арам̣ наама ад̇т̇и, д̇ам̣ убаниссааяа уяяаанз вихааси. наарад̣̇о маж̇жхимад̣̇зсз ан̃ж̇анаг̇иринаамагз баб̣б̣ад̇аж̇ааланд̇арз вихааси. анусиссо бана махаасад̇д̇асса санд̇игзва ахоси.

    Atha mahāsatto sālissaraṃ āmantetvā ‘‘sālissara, ayaṃ assamo isigaṇassa nappahoti, tvaṃ imaṃ isigaṇaṃ gahetvā majjharañño vijite kalappacullakanigamaṃ upanissāya vasāhī’’ti āha. So ‘‘sādhū’’ti tassa vacanaṃ sampaṭicchitvā anekasahassaṃ isigaṇaṃ gahetvā gantvā tattha vāsaṃ kappesi. Manussesu āgantvā pabbajantesu puna assamo paripūri. Bodhisatto meṇḍissaraṃ āmantetvā, ‘‘meṇḍissara, tvaṃ imaṃ isigaṇaṃ ādāya suraṭṭhajanapadassa sīmantare sātodikā nāma nadī atthi, tassā tīre vasāhī’’ti uyyojesi, puna kapiṭṭhakaassamo paripūri. Etenupāyena tatiyavāre pabbataṃ āmantetvā ‘‘pabbata, tvaṃ mahāaṭaviyaṃ añjanapabbato nāma atthi, taṃ upanissāya vasāhī’’ti pesesi. Catutthavāre kāḷadevilaṃ āmantetvā ‘‘kāḷadevila, tvaṃ dakkhiṇapathe avantiraṭṭhe ghanaselapabbato nāma atthi, taṃ upanissāya vasāhī’’ti pesesi. Puna kapiṭṭhakaassamo paripūri, pañcasu ṭhānesu anekasatasahassaisigaṇo ahosi. Kisavaccho pana mahāsattaṃ āpucchitvā daṇḍakirañño vijite kumbhavatinagaraṃ nāma atthi, taṃ upanissāya uyyāne vihāsi. Nārado majjhimadese añjanagirināmake pabbatajālantare vihāsi. Anusisso pana mahāsattassa santikeva ahosi.

    д̇асмим̣ гаалз д̣̇ан̣д̣агирааж̇аа згам̣ лад̣̇д̇хасаггаарам̣ г̇ан̣игам̣ таанаа жаавзси. саа ад̇д̇ано д̇хаммад̇ааяа вижаранд̇ий уяяаанам̣ г̇анд̇ваа гисаважчад̇аабасам̣ д̣̇исваа ‘‘аяам̣ гаал̣аган̣н̣ий бхависсад̇и, имасса сарийрз галим̣ баваахзд̇ваа нхад̇ваа г̇амиссаамий’’д̇и д̣̇анд̇агадтам̣ каад̣̇ид̇ваа саб̣б̣абатамам̣ д̇ассуубари б̣ахалакзл̣ам̣ нидтубханд̇ий гисаважчад̇аабасасса ж̇аданд̇арз нидтубхид̇ваа д̣̇анд̇агадтамбисса сийсзязва кибид̇ваа саяам̣ сийсам̣ нхааяид̇ваа г̇ад̇аа. рааж̇ааби д̇ам̣ сарид̇ваа буна баагад̇игамзва агааси. саа мохамуул̣хаа худ̇ваа ‘‘гаал̣аган̣н̣исарийрз галим̣ баваахзд̇ваа мамби рааж̇аа буна таанз табзд̇и маяаа яасо лад̣̇д̇хо’’д̇и сан̃н̃амагааси. д̇ад̇о нажирассзва рааж̇аа бурохид̇ам̣ таанад̇о жаавзси. со д̇ассаа санд̇игам̣ г̇анд̇ваа ‘‘д̇вам̣ гзна гааран̣зна буна таанам̣ лабхасий’’д̇и бужчи. ат̇асса саа ‘‘рааж̇уяяаанз гаал̣аган̣н̣исарийрз галисса баваахид̇ад̇д̇аа’’д̇и аарожзси. бурохид̇о г̇анд̇ваа д̇ат̇зва д̇асса сарийрз галим̣ баваахзси, д̇амби рааж̇аа буна таанз табзси. ат̇асса абарабхааг̇з бажжанд̇о губби. со сзнан̇г̇абаривуд̇о яуд̣̇д̇хааяа нигками. ат̇а нам̣ мохамуул̣хо бурохид̇о, ‘‘махаарааж̇а, гим̣ д̇умхз ж̇аяам̣ ижчат̇а, уд̣̇ааху барааж̇аяа’’нд̇и бужчид̇ваа ‘‘ж̇аяа’’нд̇и вуд̇д̇з – ‘‘д̇зна хи рааж̇уяяаанз гаал̣аган̣н̣ий васад̇и, д̇асса сарийрз галим̣ баваахзд̇ваа яаахий’’д̇и ааха. со д̇асса гат̇ам̣ г̇ахзд̇ваа ‘‘яз маяаа сад̣̇д̇хим̣ ааг̇ажчанд̇и, д̇з уяяаанз гаал̣аган̣н̣исарийрз галим̣ баваахзнд̇уу’’д̇и вад̇ваа уяяаанам̣ бависид̇ваа д̣̇анд̇агадтам̣ каад̣̇ид̇ваа саб̣б̣абатамам̣ саяамзва д̇асса ж̇аданд̇арз кзл̣ам̣ нидтубхид̇ваа д̣̇анд̇агадтан̃жа кибид̇ваа сийсам̣ нхааяи. б̣алагааяобисса д̇ат̇аа агааси.

    Tasmiṃ kāle daṇḍakirājā ekaṃ laddhasakkāraṃ gaṇikaṃ ṭhānā cāvesi. Sā attano dhammatāya vicarantī uyyānaṃ gantvā kisavacchatāpasaṃ disvā ‘‘ayaṃ kāḷakaṇṇī bhavissati, imassa sarīre kaliṃ pavāhetvā nhatvā gamissāmī’’ti dantakaṭṭhaṃ khāditvā sabbapaṭhamaṃ tassūpari bahalakheḷaṃ niṭṭhubhantī kisavacchatāpasassa jaṭantare niṭṭhubhitvā dantakaṭṭhampissa sīseyeva khipitvā sayaṃ sīsaṃ nhāyitvā gatā. Rājāpi taṃ saritvā puna pākatikameva akāsi. Sā mohamūḷhā hutvā ‘‘kāḷakaṇṇisarīre kaliṃ pavāhetvā mampi rājā puna ṭhāne ṭhapeti mayā yaso laddho’’ti saññamakāsi. Tato nacirasseva rājā purohitaṃ ṭhānato cāvesi. So tassā santikaṃ gantvā ‘‘tvaṃ kena kāraṇena puna ṭhānaṃ labhasī’’ti pucchi. Athassa sā ‘‘rājuyyāne kāḷakaṇṇisarīre kalissa pavāhitattā’’ti ārocesi. Purohito gantvā tatheva tassa sarīre kaliṃ pavāhesi, tampi rājā puna ṭhāne ṭhapesi. Athassa aparabhāge paccanto kuppi. So senaṅgaparivuto yuddhāya nikkhami. Atha naṃ mohamūḷho purohito, ‘‘mahārāja, kiṃ tumhe jayaṃ icchatha, udāhu parājaya’’nti pucchitvā ‘‘jaya’’nti vutte – ‘‘tena hi rājuyyāne kāḷakaṇṇī vasati, tassa sarīre kaliṃ pavāhetvā yāhī’’ti āha. So tassa kathaṃ gahetvā ‘‘ye mayā saddhiṃ āgacchanti, te uyyāne kāḷakaṇṇisarīre kaliṃ pavāhentū’’ti vatvā uyyānaṃ pavisitvā dantakaṭṭhaṃ khāditvā sabbapaṭhamaṃ sayameva tassa jaṭantare kheḷaṃ niṭṭhubhitvā dantakaṭṭhañca khipitvā sīsaṃ nhāyi. Balakāyopissa tathā akāsi.

    д̇асмим̣ багганд̇з сзнаабад̇и г̇анд̇ваа д̇аабасам̣ д̣̇исваа д̣̇анд̇агадтаад̣̇ийни нийхарид̇ваа саад̇хугам̣ нхаабзд̇ваа ‘‘бханд̇з, ран̃н̃о гим̣ бхависсад̇ий’’д̇и бужчи. аавусаа маяхам̣ манобад̣̇осо над̇т̇и, д̣̇звад̇аа бана губид̇аа ид̇о сад̇д̇амз д̣̇ивасз сагаларадтам̣ арадтам̣ гариссанд̇и, д̇вам̣ буд̇д̇ад̣̇аарам̣ г̇ахзд̇ваа сийгхам̣ балааяид̇ваа ан̃н̃ад̇т̇а яаахийд̇и. со бхийд̇ад̇асид̇о г̇анд̇ваа ран̃н̃о аарожзси, рааж̇аа д̇асса важанам̣ на г̇ан̣хи. со нивад̇д̇ид̇ваа ад̇д̇ано г̇зхам̣ г̇анд̇ваа буд̇д̇ад̣̇аарам̣ аад̣̇ааяа балааяид̇ваа ан̃н̃ам̣ радтам̣ аг̇амааси. сарабхан̇г̇асад̇т̇аа д̇ам̣ гааран̣ам̣ н̃ад̇ваа д̣̇вз д̇арун̣ад̇аабасз бзсзд̇ваа ‘‘гисаважчам̣ ман̃жасивигааяа аанзт̇аа’’д̇и аагаасзна аан̣аабзси. рааж̇аа яуж̇жхид̇ваа жорз г̇ахзд̇ваа наг̇арамзва бажжааг̇ами. д̇асмим̣ ааг̇ад̇з д̣̇звад̇аа батамам̣ д̣̇звам̣ вассаабзсум̣, вассогхзна саб̣б̣агун̣абзсу авахадзсу суд̣̇д̇хаваалугавассам̣ васси, суд̣̇д̇хаваалугамад̇т̇агз д̣̇иб̣б̣абубпавассам̣ васси, д̣̇иб̣б̣абубпамад̇т̇агз маасагавассам̣, маасагамад̇т̇агз гахаабан̣авассам̣, гахаабан̣амад̇т̇агз д̣̇иб̣б̣аабхаран̣авассам̣ васси, мануссаа соманассаббад̇д̇аа хиран̃н̃асуван̣н̣аабхаран̣аани г̇ан̣хид̇ум̣ аарабхим̣су. ат̇а нзсам̣ сарийрз самбаж̇ж̇алид̇ам̣ наанаббагаарам̣ аавуд̇хавассам̣ васси, мануссаа кан̣д̣аакан̣д̣игам̣ чиж̇ж̇им̣су. ат̇а нзсам̣ убари маханд̇амаханд̇аа вийд̇ажжид̇ан̇г̇аараа бад̇им̣су , д̇зсам̣ убари маханд̇амаханд̇аани баж̇ж̇алид̇абаб̣б̣ад̇агуудаани бад̇им̣су, д̇зсам̣ убари садтихад̇т̇адтаанам̣ буураяанд̇ам̣ сукумаваалугавассам̣ васси. звам̣ садтияож̇анадтаанам̣ арадтам̣ ахоси, д̇асса звам̣ арадтабхааво сагалаж̇амб̣уд̣̇ийбз бан̃н̃ааяи.

    Tasmiṃ pakkante senāpati gantvā tāpasaṃ disvā dantakaṭṭhādīni nīharitvā sādhukaṃ nhāpetvā ‘‘bhante, rañño kiṃ bhavissatī’’ti pucchi. Āvusā mayhaṃ manopadoso natthi, devatā pana kupitā ito sattame divase sakalaraṭṭhaṃ araṭṭhaṃ karissanti, tvaṃ puttadāraṃ gahetvā sīghaṃ palāyitvā aññattha yāhīti. So bhītatasito gantvā rañño ārocesi, rājā tassa vacanaṃ na gaṇhi. So nivattitvā attano gehaṃ gantvā puttadāraṃ ādāya palāyitvā aññaṃ raṭṭhaṃ agamāsi. Sarabhaṅgasatthā taṃ kāraṇaṃ ñatvā dve taruṇatāpase pesetvā ‘‘kisavacchaṃ mañcasivikāya ānethā’’ti ākāsena āṇāpesi. Rājā yujjhitvā core gahetvā nagarameva paccāgami. Tasmiṃ āgate devatā paṭhamaṃ devaṃ vassāpesuṃ, vassoghena sabbakuṇapesu avahaṭesu suddhavālukavassaṃ vassi, suddhavālukamatthake dibbapupphavassaṃ vassi, dibbapupphamatthake māsakavassaṃ, māsakamatthake kahāpaṇavassaṃ, kahāpaṇamatthake dibbābharaṇavassaṃ vassi, manussā somanassappattā hiraññasuvaṇṇābharaṇāni gaṇhituṃ ārabhiṃsu. Atha nesaṃ sarīre sampajjalitaṃ nānappakāraṃ āvudhavassaṃ vassi, manussā khaṇḍākhaṇḍikaṃ chijjiṃsu. Atha nesaṃ upari mahantamahantā vītaccitaṅgārā patiṃsu , tesaṃ upari mahantamahantāni pajjalitapabbatakūṭāni patiṃsu, tesaṃ upari saṭṭhihatthaṭṭhānaṃ pūrayantaṃ sukhumavālukavassaṃ vassi. Evaṃ saṭṭhiyojanaṭṭhānaṃ araṭṭhaṃ ahosi, tassa evaṃ araṭṭhabhāvo sakalajambudīpe paññāyi.

    ат̇а д̇асса радтасса ананд̇арарадтаад̇хибад̇ино гаалин̇г̇о, адтаго, бхиймарат̇од̇и д̇аяо рааж̇аано жинд̇аяим̣су – ‘‘буб̣б̣з б̣аараан̣асияам̣ галааб̣угаасигарааж̇аа канд̇иваад̣̇ид̇аабасз абараж̇жхид̇ваа бат̇авим̣ бавидтод̇и сууяад̇и, д̇ат̇аа ‘‘наал̣игзрарааж̇аа д̇аабасз сунакзхи каад̣̇аабзд̇ваа, сахассаб̣ааху аж̇ж̇уно жа ан̇г̇ийрасз абараж̇жхид̇ваа, ид̣̇аани д̣̇ан̣д̣агирааж̇аа гисаважчз абараж̇жхид̇ваа саха радтзна винаасам̣ бад̇д̇о’’д̇и сууяад̇и. имзсам̣ бана жад̇уннам̣ рааж̇уунам̣ ниб̣б̣ад̇д̇адтаанам̣ маяам̣ на ж̇аанаама, д̇ам̣ но табзд̇ваа сарабхан̇г̇асад̇т̇аарам̣ ан̃н̃о гат̇зд̇ум̣ самад̇т̇о наама над̇т̇и, д̇ам̣ убасан̇гамид̇ваа имз бан̃хз бужчиссаамаа’’д̇и . д̇з д̇аяоби маханд̇зна бариваарзна бан̃хабужчанад̇т̇ааяа нигкамим̣су. д̇з бана ‘‘асугоби нигканд̇о’’д̇и на ж̇аананд̇и, згзго ‘‘ахамзва г̇ажчаамий’’д̇и ман̃н̃ад̇и, д̇зсам̣ г̇од̇хааваринад̣̇ид̇о авид̣̇уурз самааг̇амо ахоси. д̇з рат̇зхи од̇арид̇ваа д̇аяоби згамзва рат̇ам̣ абхируяха г̇од̇хааваринад̣̇ийд̇ийрам̣ самбаабун̣им̣су.

    Atha tassa raṭṭhassa anantararaṭṭhādhipatino kāliṅgo, aṭṭhako, bhīmarathoti tayo rājāno cintayiṃsu – ‘‘pubbe bārāṇasiyaṃ kalābukāsikarājā khantivāditāpase aparajjhitvā pathaviṃ paviṭṭhoti sūyati, tathā ‘‘nāḷikerarājā tāpase sunakhehi khādāpetvā, sahassabāhu ajjuno ca aṅgīrase aparajjhitvā, idāni daṇḍakirājā kisavacche aparajjhitvā saha raṭṭhena vināsaṃ patto’’ti sūyati. Imesaṃ pana catunnaṃ rājūnaṃ nibbattaṭṭhānaṃ mayaṃ na jānāma, taṃ no ṭhapetvā sarabhaṅgasatthāraṃ añño kathetuṃ samattho nāma natthi, taṃ upasaṅkamitvā ime pañhe pucchissāmā’’ti . Te tayopi mahantena parivārena pañhapucchanatthāya nikkhamiṃsu. Te pana ‘‘asukopi nikkhanto’’ti na jānanti, ekeko ‘‘ahameva gacchāmī’’ti maññati, tesaṃ godhāvarinadito avidūre samāgamo ahosi. Te rathehi otaritvā tayopi ekameva rathaṃ abhiruyha godhāvarinadītīraṃ sampāpuṇiṃsu.

    д̇асмим̣ кан̣з сагго бан̣д̣угамб̣аласилаасанз нисинно сад̇д̇а бан̃хз жинд̇зд̇ваа ‘‘имз бан̃хз табзд̇ваа сарабхан̇г̇асад̇т̇аарам̣ ан̃н̃о сад̣̇звагз логз гат̇зд̇ум̣ самад̇т̇о наама над̇т̇и, д̇ам̣ имз бан̃хз бужчиссаами, имзби д̇аяо рааж̇аано сарабхан̇г̇асад̇т̇аарам̣ бан̃хам̣ бужчид̇ум̣ г̇од̇хааваринад̣̇ийд̇ийрам̣ бад̇д̇аа, зд̇зсам̣ бан̃хзби ахамзва бужчиссаамий’’д̇и д̣̇вийсу д̣̇звалогзсу д̣̇звад̇аахи баривуд̇о д̣̇звалогад̇о од̇ари. д̇ам̣ д̣̇ивасамзва гисаважчо гааламагааси. д̇асса сарийрагижжам̣ гаарзд̇ум̣ жад̇уусу таанзсу анзгасахассаа исаяо д̇ад̇т̇зва г̇анд̇ваа бан̃жасу таанзсу ман̣д̣абан̃жа гаарзд̇ваа анзгасахассаа исиг̇ан̣аа гисаважчасса д̇аабасасса жанд̣̇анажид̇агам̣ гад̇ваа сарийрам̣ жхаабзсум̣. аал̣ааханасса саманд̇аа ад̣дхаяож̇анамад̇д̇з таанз д̣̇иб̣б̣агусумавассам̣ васси. махаасад̇д̇о д̇асса сарийранигкзбам̣ гаараабзд̇ваа ассамам̣ бависид̇ваа д̇зхи исиг̇ан̣зхи баривуд̇о нисийд̣̇и. д̇зсамби рааж̇уунам̣ над̣̇ийд̇ийрам̣ ааг̇ад̇агаалз махаасзнаавааханад̇уурияасад̣̇д̣̇о ахоси. махаасад̇д̇о д̇ам̣ суд̇ваа анусиссам̣ д̇аабасам̣ ааманд̇зд̇ваа ‘‘д̇аад̇а, д̇вам̣ г̇анд̇ваа д̇аава ж̇аанаахи, гим̣ сад̣̇д̣̇о наамзсо’’д̇и ааха. со баанийяагхадам̣ аад̣̇ааяа д̇ад̇т̇а г̇анд̇ваа д̇з рааж̇аано д̣̇исваа бужчанавасзна батамам̣ г̇аат̇амааха –

    Tasmiṃ khaṇe sakko paṇḍukambalasilāsane nisinno satta pañhe cintetvā ‘‘ime pañhe ṭhapetvā sarabhaṅgasatthāraṃ añño sadevake loke kathetuṃ samattho nāma natthi, taṃ ime pañhe pucchissāmi, imepi tayo rājāno sarabhaṅgasatthāraṃ pañhaṃ pucchituṃ godhāvarinadītīraṃ pattā, etesaṃ pañhepi ahameva pucchissāmī’’ti dvīsu devalokesu devatāhi parivuto devalokato otari. Taṃ divasameva kisavaccho kālamakāsi. Tassa sarīrakiccaṃ kāretuṃ catūsu ṭhānesu anekasahassā isayo tattheva gantvā pañcasu ṭhānesu maṇḍapañca kāretvā anekasahassā isigaṇā kisavacchassa tāpasassa candanacitakaṃ katvā sarīraṃ jhāpesuṃ. Āḷāhanassa samantā aḍḍhayojanamatte ṭhāne dibbakusumavassaṃ vassi. Mahāsatto tassa sarīranikkhepaṃ kārāpetvā assamaṃ pavisitvā tehi isigaṇehi parivuto nisīdi. Tesampi rājūnaṃ nadītīraṃ āgatakāle mahāsenāvāhanatūriyasaddo ahosi. Mahāsatto taṃ sutvā anusissaṃ tāpasaṃ āmantetvā ‘‘tāta, tvaṃ gantvā tāva jānāhi, kiṃ saddo nāmeso’’ti āha. So pānīyaghaṭaṃ ādāya tattha gantvā te rājāno disvā pucchanavasena paṭhamaṃ gāthamāha –

    50.

    50.

    ‘‘алан̇гад̇аа гун̣д̣алино сувад̇т̇аа, взл̣урияамуд̇д̇аат̇арукаг̇г̇аб̣анд̇хаа;

    ‘‘Alaṅkatā kuṇḍalino suvatthā, veḷuriyamuttātharukhaggabandhā;

    рат̇зсабхаа д̇идтат̇а гз ну д̇умхз, гат̇ам̣ во ж̇аананд̇и мануссалогз’’д̇и.

    Rathesabhā tiṭṭhatha ke nu tumhe, kathaṃ vo jānanti manussaloke’’ti.

    д̇ад̇т̇а взл̣урияамуд̇д̇аат̇арукаг̇г̇аб̣анд̇хаад̇и взл̣урияаман̣ийхи жзва муд̇д̇ааламб̣агзхи жа алан̇гад̇ат̇аруухи каг̇г̇арад̇анзхи саманнааг̇ад̇аа. д̇идтат̇аад̇и згасмим̣ рат̇з д̇идтат̇а. гз нууд̇и гз наама д̇умхз, гат̇ам̣ во сан̃ж̇аананд̇ийд̇и?

    Tattha veḷuriyamuttātharukhaggabandhāti veḷuriyamaṇīhi ceva muttālambakehi ca alaṅkatatharūhi khaggaratanehi samannāgatā. Tiṭṭhathāti ekasmiṃ rathe tiṭṭhatha. Ke nūti ke nāma tumhe, kathaṃ vo sañjānantīti?

    д̇з д̇асса важанам̣ суд̇ваа рат̇аа од̇арид̇ваа ванд̣̇ид̇ваа адтам̣су. д̇зсу адтагарааж̇аа д̇зна сад̣̇д̇хим̣ саллабанд̇о д̣̇уд̇ияам̣ г̇аат̇амааха –

    Te tassa vacanaṃ sutvā rathā otaritvā vanditvā aṭṭhaṃsu. Tesu aṭṭhakarājā tena saddhiṃ sallapanto dutiyaṃ gāthamāha –

    51.

    51.

    ‘‘ахамадтаго бхиймарат̇о банааяам̣, гаалин̇г̇арааж̇аа бана уг̇г̇ад̇ояам̣;

    ‘‘Ahamaṭṭhako bhīmaratho panāyaṃ, kāliṅgarājā pana uggatoyaṃ;

    сусан̃н̃ад̇аанам̣ исийнам̣ д̣̇ассанааяа, ид̇хааг̇ад̇аа бужчид̇ааязмха бан̃хз’’д̇и.

    Susaññatānaṃ isīnaṃ dassanāya, idhāgatā pucchitāyemha pañhe’’ti.

    д̇ад̇т̇а уг̇г̇ад̇од̇и жанд̣̇о вияа суурияо вияа жа баагадо бан̃н̃аад̇о. сусан̃н̃ад̇аанам̣ исийнанд̇и, бханд̇з, на маяам̣ ванагийл̣аад̣̇ийнам̣ ад̇т̇ааяа ааг̇ад̇аа, ат̇а ко гааяаад̣̇ийхи сусан̃н̃ад̇аанам̣ сийласамбаннаанам̣ исийнам̣ д̣̇ассанад̇т̇ааяа ид̇хааг̇ад̇аа. бужчид̇ааязмха бан̃хзд̇и сарабхан̇г̇асад̇т̇аарам̣ бан̃хз бужчид̇ум̣ змха, ааг̇ад̇аамхаад̇и ад̇т̇о. яа-гааро б̣яан̃ж̇анасанд̇хигарод̇и взд̣̇ид̇аб̣б̣о.

    Tattha uggatoti cando viya sūriyo viya ca pākaṭo paññāto. Susaññatānaṃ isīnanti, bhante, na mayaṃ vanakīḷādīnaṃ atthāya āgatā, atha kho kāyādīhi susaññatānaṃ sīlasampannānaṃ isīnaṃ dassanatthāya idhāgatā. Pucchitāyemha pañheti sarabhaṅgasatthāraṃ pañhe pucchituṃ emha, āgatāmhāti attho. Ya-kāro byañjanasandhikaroti veditabbo.

    ат̇а нз д̇аабасо ‘‘саад̇ху махаарааж̇аа, ааг̇анд̇аб̣б̣адтаанан̃н̃зва ааг̇ад̇аад̇т̇а, д̇зна хи нхад̇ваа виссамид̇ваа ассамабад̣̇ам̣ бависид̇ваа исиг̇ан̣ам̣ ванд̣̇ид̇ваа сарабхан̇г̇асад̇т̇аарамзва бан̃хам̣ бужчат̇аа’’д̇и д̇зхи сад̣̇д̇хим̣ бадисант̇аарам̣ гад̇ваа баанийяагхадам̣ угкибид̇ваа уд̣̇агат̇звз бун̃чанд̇о аагаасам̣ ологзнд̇о саггам̣ д̣̇зварааж̇аанам̣ д̣̇зваг̇ан̣абаривуд̇ам̣ зрааван̣агканд̇хавараг̇ад̇ам̣ од̇аранд̇ам̣ д̣̇исваа д̇зна сад̣̇д̇хим̣ саллабанд̇о д̇ад̇ияам̣ г̇аат̇амааха –

    Atha ne tāpaso ‘‘sādhu mahārājā, āgantabbaṭṭhānaññeva āgatāttha, tena hi nhatvā vissamitvā assamapadaṃ pavisitvā isigaṇaṃ vanditvā sarabhaṅgasatthārameva pañhaṃ pucchathā’’ti tehi saddhiṃ paṭisanthāraṃ katvā pānīyaghaṭaṃ ukkhipitvā udakatheve puñchanto ākāsaṃ olokento sakkaṃ devarājānaṃ devagaṇaparivutaṃ erāvaṇakkhandhavaragataṃ otarantaṃ disvā tena saddhiṃ sallapanto tatiyaṃ gāthamāha –

    52.

    52.

    ‘‘взхааяасам̣ д̇идтаси анд̇алигкз, бат̇ад̣̇д̇хуно баннарасзва жанд̣̇о;

    ‘‘Vehāyasaṃ tiṭṭhasi antalikkhe, pathaddhuno pannaraseva cando;

    бужчаами д̇ам̣ яагка махаанубхаава, гад̇ам̣ д̇ам̣ ж̇аананд̇и мануссалогз’’д̇и.

    Pucchāmi taṃ yakkha mahānubhāva, kataṃ taṃ jānanti manussaloke’’ti.

    д̇ад̇т̇а взхааяасанд̇и аб̣бхуг̇г̇анд̇ваа анд̇алигкз аагаасз д̇идтаси. бат̇ад̣̇д̇хунод̇и бат̇ад̣̇д̇хаг̇ад̇о, ад̣̇д̇хабат̇з г̇аг̇анамаж̇жхз тид̇од̇и ад̇т̇о.

    Tattha vehāyasanti abbhuggantvā antalikkhe ākāse tiṭṭhasi. Pathaddhunoti pathaddhagato, addhapathe gaganamajjhe ṭhitoti attho.

    д̇ам̣ суд̇ваа сагго жад̇уд̇т̇ам̣ г̇аат̇амааха –

    Taṃ sutvā sakko catutthaṃ gāthamāha –

    53.

    53.

    ‘‘яамааху д̣̇звзсу ‘суж̇амбад̇ий’д̇и, ‘магхаваа’д̇и д̇ам̣ ааху мануссалогз;

    ‘‘Yamāhu devesu ‘sujampatī’ti, ‘maghavā’ti taṃ āhu manussaloke;

    са д̣̇зварааж̇аа ид̣̇амаж̇ж̇а бад̇д̇о, сусан̃н̃ад̇аанам̣ исийнам̣ д̣̇ассанааяаа’’д̇и.

    Sa devarājā idamajja patto, susaññatānaṃ isīnaṃ dassanāyā’’ti.

    д̇ад̇т̇а са д̣̇зварааж̇аад̇и со ахам̣ сагго д̣̇зварааж̇аа. ид̣̇амаж̇ж̇а бад̇д̇од̇и ид̣̇ам̣ таанам̣ аж̇ж̇а ааг̇ад̇о. д̣̇ассанааяаад̇и д̣̇ассанад̇т̇ааяа ванд̣̇анад̇т̇ааяа сарабхан̇г̇асад̇т̇ааран̃жа бан̃хам̣ бужчанад̇т̇ааяаад̇и ааха.

    Tattha sa devarājāti so ahaṃ sakko devarājā. Idamajja pattoti idaṃ ṭhānaṃ ajja āgato. Dassanāyāti dassanatthāya vandanatthāya sarabhaṅgasatthārañca pañhaṃ pucchanatthāyāti āha.

    ат̇а нам̣ анусиссо ‘‘саад̇ху, махаарааж̇а, д̇умхз бажчаа ааг̇ажчат̇аа’’д̇и вад̇ваа баанийяагхадам̣ аад̣̇ааяа ассамабад̣̇ам̣ бависид̇ваа баанийяагхадам̣ бадисаамзд̇ваа д̇ин̣н̣ам̣ рааж̇уунам̣ д̣̇зварааж̇асса жа бан̃хабужчанад̇т̇ааяа ааг̇ад̇абхаавам̣ махаасад̇д̇асса аарожзси. со исиг̇ан̣абаривуд̇о махаависааламаал̣агз нисийд̣̇и. д̇аяо рааж̇аано ааг̇анд̇ваа исиг̇ан̣ам̣ ванд̣̇ид̇ваа згаманд̇ам̣ нисийд̣̇им̣су. саггоби од̇арид̇ваа исиг̇ан̣ам̣ убасан̇гамид̇ваа ан̃ж̇алим̣ баг̇г̇аяха тид̇о исиг̇ан̣ам̣ ван̣н̣зд̇ваа ванд̣̇амаано бан̃жамам̣ г̇аат̇амааха –

    Atha naṃ anusisso ‘‘sādhu, mahārāja, tumhe pacchā āgacchathā’’ti vatvā pānīyaghaṭaṃ ādāya assamapadaṃ pavisitvā pānīyaghaṭaṃ paṭisāmetvā tiṇṇaṃ rājūnaṃ devarājassa ca pañhapucchanatthāya āgatabhāvaṃ mahāsattassa ārocesi. So isigaṇaparivuto mahāvisālamāḷake nisīdi. Tayo rājāno āgantvā isigaṇaṃ vanditvā ekamantaṃ nisīdiṃsu. Sakkopi otaritvā isigaṇaṃ upasaṅkamitvā añjaliṃ paggayha ṭhito isigaṇaṃ vaṇṇetvā vandamāno pañcamaṃ gāthamāha –

    54.

    54.

    ‘‘д̣̇уурз суд̇аа но исаяо самааг̇ад̇аа, махид̣̇д̇хигаа ид̣̇д̇хиг̇ун̣уубабаннаа;

    ‘‘Dūre sutā no isayo samāgatā, mahiddhikā iddhiguṇūpapannā;

    ванд̣̇аами д̇з аяирз басаннажид̇д̇о, яз ж̇ийвалогзд̇т̇а мануссасздтаа’’д̇и.

    Vandāmi te ayire pasannacitto, ye jīvalokettha manussaseṭṭhā’’ti.

    д̇ад̇т̇а д̣̇уурз суд̇аа нод̇и, бханд̇з, амхзхи д̇умхз д̣̇уурз д̣̇звалогз тид̇зхиязва суд̇аад̇и мамааяанд̇о звамааха. ид̣̇ам̣ вуд̇д̇ам̣ ход̇и – имз ид̇ха самааг̇ад̇аа амхаагам̣ исаяо д̣̇уурз суд̇аа яаава б̣рахмалогаа виссуд̇аа баагадаад̇и. махид̣̇д̇хигаад̇и махаанубхааваа. ид̣̇д̇хиг̇ун̣уубабаннаад̇и бан̃жавид̇хзна ид̣̇д̇хиг̇ун̣зна саманнааг̇ад̇аа. аяирзд̇и, аяяз. язд̇и яз д̇умхз имасмим̣ ж̇ийвалогз мануссзсу сздтаад̇и.

    Tattha dūre sutā noti, bhante, amhehi tumhe dūre devaloke ṭhitehiyeva sutāti mamāyanto evamāha. Idaṃ vuttaṃ hoti – ime idha samāgatā amhākaṃ isayo dūre sutā yāva brahmalokā vissutā pākaṭāti. Mahiddhikāti mahānubhāvā. Iddhiguṇūpapannāti pañcavidhena iddhiguṇena samannāgatā. Ayireti, ayye. Yeti ye tumhe imasmiṃ jīvaloke manussesu seṭṭhāti.

    звам̣ исиг̇ан̣ам̣ ван̣н̣зд̇ваа сагго ча нисаж̇ж̇ад̣̇осз барихаранд̇о згаманд̇ам̣ нисийд̣̇и. ат̇а нам̣ исийнам̣ ад̇ховаад̇з нисиннам̣ д̣̇исваа анусиссо чадтам̣ г̇аат̇амааха –

    Evaṃ isigaṇaṃ vaṇṇetvā sakko cha nisajjadose pariharanto ekamantaṃ nisīdi. Atha naṃ isīnaṃ adhovāte nisinnaṃ disvā anusisso chaṭṭhaṃ gāthamāha –

    55.

    55.

    ‘‘г̇анд̇хо исийнам̣ жирад̣̇игкид̇аанам̣, гааяаа жуд̇о г̇ажчад̇и маалуд̇зна;

    ‘‘Gandho isīnaṃ ciradikkhitānaṃ, kāyā cuto gacchati mālutena;

    ид̇о бадиггамма сахассанзд̇д̇а, г̇анд̇хо исийнам̣ асужи д̣̇зварааж̇аа’’д̇и.

    Ito paṭikkamma sahassanetta, gandho isīnaṃ asuci devarājā’’ti.

    д̇ад̇т̇а жирад̣̇игкид̇аананд̇и жирабаб̣б̣аж̇ид̇аанам̣. бадиггаммаад̇и бадиггама абзхи. сахассанзд̇д̇аад̇и аалабанамзд̇ам̣. сагго хи амажжасахассзхи жинд̇ид̇ам̣ ад̇т̇ам̣ згагова бассад̇и, д̇асмаа ‘‘сахассанзд̇д̇о’’д̇и вужжад̇и . ат̇а ваа сахассанзд̇д̇аанам̣ бана д̣̇зваанам̣ д̣̇ассануубажаараад̇иггаманасамад̇т̇од̇и сахассанзд̇д̇аа . асужийд̇и сзд̣̇амалаад̣̇ийхи барибхаавид̇ад̇д̇аа д̣̇уг̇г̇анд̇хо, д̇умхз жа сужигаамаа, д̇зна во зса г̇анд̇хо б̣аад̇хад̇ийд̇и.

    Tattha ciradikkhitānanti cirapabbajitānaṃ. Paṭikkammāti paṭikkama apehi. Sahassanettāti ālapanametaṃ. Sakko hi amaccasahassehi cintitaṃ atthaṃ ekakova passati, tasmā ‘‘sahassanetto’’ti vuccati . Atha vā sahassanettānaṃ pana devānaṃ dassanūpacārātikkamanasamatthoti sahassanettā . Asucīti sedamalādīhi paribhāvitattā duggandho, tumhe ca sucikāmā, tena vo esa gandho bādhatīti.

    д̇ам̣ суд̇ваа сагго ид̇арам̣ г̇аат̇амааха –

    Taṃ sutvā sakko itaraṃ gāthamāha –

    56.

    56.

    ‘‘г̇анд̇хо исийнам̣ жирад̣̇игкид̇аанам̣, гааяаа жуд̇о г̇ажчад̇у маалуд̇зна;

    ‘‘Gandho isīnaṃ ciradikkhitānaṃ, kāyā cuto gacchatu mālutena;

    вижид̇д̇абубпам̣ сурабхим̣ва маалам̣, г̇анд̇хан̃жа зд̇ам̣ баадиган̇каама бханд̇з;

    Vicittapupphaṃ surabhiṃva mālaṃ, gandhañca etaṃ pāṭikaṅkhāma bhante;

    на хзд̇т̇а д̣̇зваа бадиггууласан̃н̃ино’’д̇и.

    Na hettha devā paṭikkūlasaññino’’ti.

    д̇ад̇т̇а г̇ажчад̇ууд̇и яат̇аасукам̣ бавад̇д̇ад̇у, наасабудам̣ но бахарад̇ууд̇и ад̇т̇о. баадиган̇каамаад̇и ижчаама бад̇т̇зма. зд̇т̇аад̇и зд̇асмим̣ г̇анд̇хз д̣̇зваа ж̇иг̇ужчасан̃н̃ино на хонд̇и. д̣̇уссийлзязва хи д̣̇зваа ж̇иг̇ужчанд̇и, на сийлаванд̇зд̇и.

    Tattha gacchatūti yathāsukhaṃ pavattatu, nāsapuṭaṃ no paharatūti attho. Pāṭikaṅkhāmāti icchāma patthema. Etthāti etasmiṃ gandhe devā jigucchasaññino na honti. Dussīleyeva hi devā jigucchanti, na sīlavanteti.

    зван̃жа бана вад̇ваа ‘‘бханд̇з, анусисса ахам̣ маханд̇зна уссаахзна бан̃хам̣ бужчид̇ум̣ ааг̇ад̇о, огаасам̣ мз гарохий’’д̇и ааха. со д̇асса важанам̣ суд̇ваа удтааяаасанаа исиг̇ан̣ам̣ огаасам̣ гаронд̇о г̇аат̇аад̣̇ваяамааха –

    Evañca pana vatvā ‘‘bhante, anusissa ahaṃ mahantena ussāhena pañhaṃ pucchituṃ āgato, okāsaṃ me karohī’’ti āha. So tassa vacanaṃ sutvā uṭṭhāyāsanā isigaṇaṃ okāsaṃ karonto gāthādvayamāha –

    57.

    57.

    ‘‘буринд̣̇ад̣̇о бхууд̇абад̇ий яасассий, д̣̇зваанаминд̣̇о сагго магхаваа суж̇амбад̇и;

    ‘‘Purindado bhūtapatī yasassī, devānamindo sakko maghavā sujampati;

    са д̣̇зварааж̇аа асураг̇ан̣аббамад̣̇д̣̇ано, огаасамааган̇кад̇и бан̃ха бужчид̇ум̣.

    Sa devarājā asuragaṇappamaddano, okāsamākaṅkhati pañha pucchituṃ.

    58.

    58.

    ‘‘го нзвимзсам̣ ид̇ха бан̣д̣ид̇аанам̣, бан̃хз будто нибун̣з б̣яаагариссад̇и;

    ‘‘Ko nevimesaṃ idha paṇḍitānaṃ, pañhe puṭṭho nipuṇe byākarissati;

    д̇ин̣ан̃жа ран̃н̃ам̣ мануж̇аад̇хибаанам̣, д̣̇зваанаминд̣̇асса жа ваасавассаа’’д̇и.

    Tiṇañca raññaṃ manujādhipānaṃ, devānamindassa ca vāsavassā’’ti.

    д̇ад̇т̇а ‘‘буринд̣̇ад̣̇о’’д̇иаад̣̇ийни саггассзва г̇ун̣анаамаани. со хи бурз д̣̇аанам̣ д̣̇иннад̇д̇аа буринд̣̇ад̣̇о, бхууд̇зсу ж̇здтагад̇д̇аа бхууд̇абад̇и, бариваарасамбад̣̇ааяа яасассий, барамиссарад̇ааяа д̣̇зваанаминд̣̇о, сад̇д̇аннам̣ вад̇д̇абад̣̇аанам̣ судту гад̇ад̇д̇аа сагго, буримаж̇аад̇ивасзна магхаваа, суж̇ааяа асураган̃н̃ааяа бад̇ибхаавзна суж̇амбад̇и, д̣̇зваанам̣ ран̃ж̇анад̇ааяа д̣̇зварааж̇аа. го нзваад̇и го ну зва. нибун̣зд̇и сан̣хасукумз бан̃хз. ран̃н̃анд̇и рааж̇уунам̣. имзсам̣ жад̇уннам̣ рааж̇уунам̣ манам̣ г̇ахзд̇ваа го имзсам̣ бан̣д̣ид̇аанам̣ исийнам̣ бан̃хз гат̇зссад̇и, бан̃хам̣ нзсам̣ гат̇зд̇ум̣ самад̇т̇ам̣ ж̇аанаат̇аад̇и вад̣̇ад̇и.

    Tattha ‘‘purindado’’tiādīni sakkasseva guṇanāmāni. So hi pure dānaṃ dinnattā purindado, bhūtesu jeṭṭhakattā bhūtapati, parivārasampadāya yasassī, paramissaratāya devānamindo, sattannaṃ vattapadānaṃ suṭṭhu katattā sakko, purimajātivasena maghavā, sujāya asurakaññāya patibhāvena sujampati, devānaṃ rañjanatāya devarājā. Ko nevāti ko nu eva. Nipuṇeti saṇhasukhume pañhe. Raññanti rājūnaṃ. Imesaṃ catunnaṃ rājūnaṃ manaṃ gahetvā ko imesaṃ paṇḍitānaṃ isīnaṃ pañhe kathessati, pañhaṃ nesaṃ kathetuṃ samatthaṃ jānāthāti vadati.

    д̇ам̣ суд̇ваа исиг̇ан̣о, ‘‘маариса, анусисса д̇вам̣ бат̇авияам̣ тад̇ваа бат̇авим̣ абассанд̇о вияа гат̇зси, табзд̇ваа сарабхан̇г̇асад̇т̇аарам̣ го ан̃н̃о зд̇зсам̣ бан̃хам̣ гат̇зд̇ум̣ самад̇т̇о’’д̇и вад̇ваа г̇аат̇амааха –

    Taṃ sutvā isigaṇo, ‘‘mārisa, anusissa tvaṃ pathaviyaṃ ṭhatvā pathaviṃ apassanto viya kathesi, ṭhapetvā sarabhaṅgasatthāraṃ ko añño etesaṃ pañhaṃ kathetuṃ samattho’’ti vatvā gāthamāha –

    59.

    59.

    ‘‘аяам̣ иси сарабхан̇г̇о д̇абассий, яад̇о ж̇аад̇о вирад̇о мзт̇унасмаа;

    ‘‘Ayaṃ isi sarabhaṅgo tapassī, yato jāto virato methunasmā;

    аажзрабуд̇д̇о сувинийд̇аруубо, со нзсам̣ бан̃хаани вияаагариссад̇ий’’д̇и.

    Āceraputto suvinītarūpo, so nesaṃ pañhāni viyākarissatī’’ti.

    д̇ад̇т̇а сарабхан̇г̇од̇и сарз кибид̇ваа аагаасз сарабаасаад̣̇аад̣̇ийни гад̇ваа буна згзна сарзна д̇з сарз баад̇знд̇о бхан̇г̇авибхан̇г̇з агаасийд̇и сарабхан̇г̇о. мзт̇унасмаад̇и мзт̇унад̇хаммад̇о. со гира мзт̇унам̣ асзвид̇ваа баб̣б̣аж̇ид̇о. аажзрабуд̇д̇од̇и ран̃н̃о аажарияасса бурохид̇асса буд̇д̇о.

    Tattha sarabhaṅgoti sare khipitvā ākāse sarapāsādādīni katvā puna ekena sarena te sare pātento bhaṅgavibhaṅge akāsīti sarabhaṅgo. Methunasmāti methunadhammato. So kira methunaṃ asevitvā pabbajito. Āceraputtoti rañño ācariyassa purohitassa putto.

    зван̃жа бана вад̇ваа исиг̇ан̣о анусиссам̣ ааха – ‘‘маариса, д̇вамзва сад̇т̇аарам̣ ванд̣̇ид̇ваа исиг̇ан̣асса важанзна саггзна бужчид̇абан̃хагат̇анааяа огаасам̣ гаарзхий’’д̇и. со ‘‘саад̇хуу’’д̇и самбадижчид̇ваа сад̇т̇аарам̣ ванд̣̇ид̇ваа огаасам̣ гаарзнд̇о ананд̇арам̣ г̇аат̇амааха –

    Evañca pana vatvā isigaṇo anusissaṃ āha – ‘‘mārisa, tvameva satthāraṃ vanditvā isigaṇassa vacanena sakkena pucchitapañhakathanāya okāsaṃ kārehī’’ti. So ‘‘sādhū’’ti sampaṭicchitvā satthāraṃ vanditvā okāsaṃ kārento anantaraṃ gāthamāha –

    60.

    60.

    ‘‘гон̣д̣ан̃н̃а бан̃хаани вияаагарохи, яаажанд̇и д̇ам̣ исаяо саад̇хуруубаа;

    ‘‘Koṇḍañña pañhāni viyākarohi, yācanti taṃ isayo sādhurūpā;

    гон̣д̣ан̃н̃а зсо мануж̇зсу д̇хаммо, яам̣ вуд̣̇д̇хамааг̇ажчад̇и зса бхааро’’д̇и.

    Koṇḍañña eso manujesu dhammo, yaṃ vuddhamāgacchati esa bhāro’’ti.

    д̇ад̇т̇а гон̣д̣ан̃н̃аад̇и д̇ам̣ г̇од̇д̇знаалабад̇и. д̇хаммод̇и сабхааво. яам̣ вуд̣̇д̇ханд̇и яам̣ бан̃н̃ааяа вуд̣̇д̇хам̣ бурисам̣ зса бан̃хаанам̣ виссаж̇ж̇анабхааро наама ааг̇ажчад̇и, зсо мануж̇зсу сабхааво, д̇асмаа жанд̣̇имасуурияасахассам̣ удтаабзнд̇о вияа баагадам̣ гад̇ваа д̣̇зваран̃н̃о бан̃хз гат̇зхийд̇и.

    Tattha koṇḍaññāti taṃ gottenālapati. Dhammoti sabhāvo. Yaṃ vuddhanti yaṃ paññāya vuddhaṃ purisaṃ esa pañhānaṃ vissajjanabhāro nāma āgacchati, eso manujesu sabhāvo, tasmā candimasūriyasahassaṃ uṭṭhāpento viya pākaṭaṃ katvā devarañño pañhe kathehīti.

    д̇ад̇о махаабурисо огаасам̣ гаронд̇о ананд̇арам̣ г̇аат̇амааха –

    Tato mahāpuriso okāsaṃ karonto anantaraṃ gāthamāha –

    61.

    61.

    ‘‘гад̇аавагаасаа бужчанд̇у бхонд̇о, яам̣ гин̃жи бан̃хам̣ манасаабхибад̇т̇ид̇ам̣;

    ‘‘Katāvakāsā pucchantu bhonto, yaṃ kiñci pañhaṃ manasābhipatthitaṃ;

    ахан̃хи д̇ам̣ д̇ам̣ во вияаагариссам̣, н̃ад̇ваа саяам̣ логамимам̣ баран̃жаа’’д̇и.

    Ahañhi taṃ taṃ vo viyākarissaṃ, ñatvā sayaṃ lokamimaṃ parañcā’’ti.

    д̇ад̇т̇а яам̣ гин̃жийд̇и на гзвалам̣ д̇умхаагам̣язва, ат̇а ко сад̣̇звагассаби логасса яам̣ манасаабхибад̇т̇ид̇ам̣, д̇ам̣ мам̣ бхаванд̇о бужчанд̇у. ахан̃хи во ид̇халоганиссид̇ам̣ ваа баралоганиссид̇ам̣ ваа саб̣б̣ам̣ бан̃хам̣ иман̃жа баран̃жа логам̣ саяам̣ бан̃н̃ааяа сажчигад̇ваа гат̇зссаамийд̇и саб̣б̣ан̃н̃убавааран̣ам̣ самбаваарзси.

    Tattha yaṃ kiñcīti na kevalaṃ tumhākaṃyeva, atha kho sadevakassapi lokassa yaṃ manasābhipatthitaṃ, taṃ maṃ bhavanto pucchantu. Ahañhi vo idhalokanissitaṃ vā paralokanissitaṃ vā sabbaṃ pañhaṃ imañca parañca lokaṃ sayaṃ paññāya sacchikatvā kathessāmīti sabbaññupavāraṇaṃ sampavāresi.

    звам̣ д̇зна огаасз гад̇з сагго ад̇д̇анаа абхисан̇кад̇ам̣ бан̃хам̣ бужчи. д̇амад̇т̇ам̣ багаасзнд̇о сад̇т̇аа ааха –

    Evaṃ tena okāse kate sakko attanā abhisaṅkhataṃ pañhaṃ pucchi. Tamatthaṃ pakāsento satthā āha –

    62.

    62.

    ‘‘д̇ад̇о жа магхаваа сагго, ад̇т̇ад̣̇ассий буринд̣̇ад̣̇о;

    ‘‘Tato ca maghavā sakko, atthadassī purindado;

    абужчи батамам̣ бан̃хам̣, яан̃жааси абхибад̇т̇ид̇ам̣.

    Apucchi paṭhamaṃ pañhaṃ, yañcāsi abhipatthitaṃ.

    63.

    63.

    ‘‘гим̣ суу вад̇хид̇ваа на гад̣̇аажи сожад̇и, гиссаббахаанам̣ исаяо ван̣н̣аяанд̇и;

    ‘‘Kiṃ sū vadhitvā na kadāci socati, kissappahānaṃ isayo vaṇṇayanti;

    гассийд̇ха вуд̇д̇ам̣ парусам̣ камзт̇а, агкаахи мз гон̣д̣ан̃н̃а зд̇амад̇т̇а’’нд̇и.

    Kassīdha vuttaṃ pharusaṃ khametha, akkhāhi me koṇḍañña etamattha’’nti.

    д̇ад̇т̇а яан̃жаасийд̇и яам̣ д̇асса манасаа абхибад̇т̇ид̇ам̣ ааси, д̇ам̣ бужчийд̇и ад̇т̇о. зд̇анд̇и зд̇ам̣ маяаа бужчид̇амад̇т̇ам̣ агкаахи мзд̇и згаг̇аат̇ааяа д̇аяо бан̃хз бужчи.

    Tattha yañcāsīti yaṃ tassa manasā abhipatthitaṃ āsi, taṃ pucchīti attho. Etanti etaṃ mayā pucchitamatthaṃ akkhāhi meti ekagāthāya tayo pañhe pucchi.

    д̇ад̇о барам̣ б̣яаагаронд̇о ааха –

    Tato paraṃ byākaronto āha –

    64.

    64.

    ‘‘год̇хам̣ вад̇хид̇ваа на гад̣̇аажи сожад̇и, магкаббахаанам̣ исаяо ван̣н̣аяанд̇и;

    ‘‘Kodhaṃ vadhitvā na kadāci socati, makkhappahānaṃ isayo vaṇṇayanti;

    саб̣б̣зсам̣ вуд̇д̇ам̣ парусам̣ камзт̇а, зд̇ам̣ канд̇им̣ уд̇д̇амамааху санд̇о’’д̇и.

    Sabbesaṃ vuttaṃ pharusaṃ khametha, etaṃ khantiṃ uttamamāhu santo’’ti.

    д̇ад̇т̇а год̇хам̣ вад̇хид̇ваад̇и год̇хам̣ маарзд̇ваа чад̣д̣зд̇ваа. сожанд̇о хи бадигхажид̇д̇знзва сожад̇и, год̇хаабхааваа гуд̇о сого. д̇зна вуд̇д̇ам̣ ‘‘на гад̣̇аажи сожад̇ий’’д̇и. магкаббахаананд̇и барзхи ад̇д̇ано гад̇аг̇ун̣амагканалагкан̣асса агад̇ан̃н̃убхаавасан̇каад̇асса магкасса бахаанам̣ исаяо ван̣н̣аяанд̇и. саб̣б̣зсанд̇и хийнамаж̇жхимуггадтаанам̣ саб̣б̣зсамби парусам̣ важанам̣ камзт̇а. санд̇од̇и бораан̣агаа бан̣д̣ид̇аа звам̣ гат̇знд̇и.

    Tattha kodhaṃ vadhitvāti kodhaṃ māretvā chaḍḍetvā. Socanto hi paṭighacitteneva socati, kodhābhāvā kuto soko. Tena vuttaṃ ‘‘na kadāci socatī’’ti. Makkhappahānanti parehi attano kataguṇamakkhanalakkhaṇassa akataññubhāvasaṅkhātassa makkhassa pahānaṃ isayo vaṇṇayanti. Sabbesanti hīnamajjhimukkaṭṭhānaṃ sabbesampi pharusaṃ vacanaṃ khametha. Santoti porāṇakā paṇḍitā evaṃ kathenti.

    сагго ааха –

    Sakko āha –

    65.

    65.

    ‘‘саггаа убхиннам̣ важанам̣ д̇ид̇игкид̇ум̣, сад̣̇исасса ваа сздтад̇арасса вааби;

    ‘‘Sakkā ubhinnaṃ vacanaṃ titikkhituṃ, sadisassa vā seṭṭhatarassa vāpi;

    гат̇ам̣ ну хийнасса важо камзт̇а, агкаахи мз гон̣д̣ан̃н̃а зд̇амад̇т̇а’’нд̇и.

    Kathaṃ nu hīnassa vaco khametha, akkhāhi me koṇḍañña etamattha’’nti.

    сарабхан̇г̇о ааха –

    Sarabhaṅgo āha –

    66.

    66.

    ‘‘бхаяаа хи сздтасса важо камзт̇а, саарамбхахзд̇уу бана саад̣̇исасса;

    ‘‘Bhayā hi seṭṭhassa vaco khametha, sārambhahetū pana sādisassa;

    яо жийд̇ха хийнасса важо камзт̇а, зд̇ам̣ канд̇им̣ уд̇д̇амамааху санд̇о’’д̇и. –

    Yo cīdha hīnassa vaco khametha, etaṃ khantiṃ uttamamāhu santo’’ti. –

    звамаад̣̇ийнам̣ г̇аат̇аанам̣ важанаббадиважанавасзна самб̣анд̇хо взд̣̇ид̇аб̣б̣о.

    Evamādīnaṃ gāthānaṃ vacanappaṭivacanavasena sambandho veditabbo.

    д̇ад̇т̇а агкаахи мзд̇и, бханд̇з гон̣д̣ан̃н̃а, д̇умхзхи д̣̇вз бан̃хаа сугат̇ид̇аа, зго мз жид̇д̇ам̣ на г̇ан̣хаад̇и, гат̇ам̣ саггаа ад̇д̇ано хийнад̇арасса важанам̣ ад̇хиваасзд̇ум̣, д̇ам̣ мама агкаахийд̇и бужчанд̇о звамааха. зд̇ам̣ канд̇инд̇и яад̣̇зд̇ам̣ ж̇аад̇иг̇од̇д̇аад̣̇ихийнасса важанам̣ каманам̣, зд̇ам̣ канд̇им̣ уд̇д̇аманд̇и бораан̣агабан̣д̣ид̇аа вад̣̇анд̇и. яам̣ банзд̇ам̣ ж̇аад̇иаад̣̇ийхи сздтасса бхаязна, сад̣̇исасса гаран̣уд̇д̇арияалагкан̣з саарамбхз аад̣̇ийнавад̣̇ассанзна каманам̣, нзсаа ад̇хиваасанаканд̇и наамаад̇и ад̇т̇о.

    Tattha akkhāhi meti, bhante koṇḍañña, tumhehi dve pañhā sukathitā, eko me cittaṃ na gaṇhāti, kathaṃ sakkā attano hīnatarassa vacanaṃ adhivāsetuṃ, taṃ mama akkhāhīti pucchanto evamāha. Etaṃ khantinti yadetaṃ jātigottādihīnassa vacanaṃ khamanaṃ, etaṃ khantiṃ uttamanti porāṇakapaṇḍitā vadanti. Yaṃ panetaṃ jātiādīhi seṭṭhassa bhayena, sadisassa karaṇuttariyalakkhaṇe sārambhe ādīnavadassanena khamanaṃ, nesā adhivāsanakhanti nāmāti attho.

    звам̣ вуд̇д̇з сагго махаасад̇д̇ам̣ ааха – ‘‘бханд̇з, батамам̣ д̇умхз ‘саб̣б̣зсам̣ вуд̇д̇ам̣ парусам̣ камзт̇а, зд̇ам̣ канд̇им̣ уд̇д̇амамааху санд̇о’д̇и вад̇ваа ид̣̇аани ‘яо жийд̇ха хийнасса важо камзт̇а, зд̇ам̣ канд̇им̣ уд̇д̇амамааху санд̇о’д̇и вад̣̇ат̇а, на во буримзна бажчимам̣ самзд̇ий’’д̇и. ат̇а нам̣ махаасад̇д̇о, ‘‘сагга, бажчимам̣ маяаа ‘аяам̣ хийно’д̇и н̃ад̇ваа парусаважанам̣ ад̇хиваасзнд̇асса васзна вуд̇д̇ам̣, яасмаа бана на саггаа руубад̣̇ассанамад̇д̇зна сад̇д̇аанам̣ сздтаад̣̇ибхааво н̃аад̇ум̣, д̇асмаа буримам̣ вуд̇д̇а’’нд̇и вад̇ваа сад̇д̇аанам̣ ан̃н̃ад̇ра сам̣ваасаа руубад̣̇ассанамад̇д̇зна сздтаад̣̇ибхаавасса д̣̇увин̃н̃зяяад̇ам̣ багаасзнд̇о г̇аат̇амааха –

    Evaṃ vutte sakko mahāsattaṃ āha – ‘‘bhante, paṭhamaṃ tumhe ‘sabbesaṃ vuttaṃ pharusaṃ khametha, etaṃ khantiṃ uttamamāhu santo’ti vatvā idāni ‘yo cīdha hīnassa vaco khametha, etaṃ khantiṃ uttamamāhu santo’ti vadatha, na vo purimena pacchimaṃ sametī’’ti. Atha naṃ mahāsatto, ‘‘sakka, pacchimaṃ mayā ‘ayaṃ hīno’ti ñatvā pharusavacanaṃ adhivāsentassa vasena vuttaṃ, yasmā pana na sakkā rūpadassanamattena sattānaṃ seṭṭhādibhāvo ñātuṃ, tasmā purimaṃ vutta’’nti vatvā sattānaṃ aññatra saṃvāsā rūpadassanamattena seṭṭhādibhāvassa duviññeyyataṃ pakāsento gāthamāha –

    67.

    67.

    ‘‘гат̇ам̣ виж̇ан̃н̃аа жад̇убад̇т̇аруубам̣, сздтам̣ саригкам̣ ат̇авааби хийнам̣;

    ‘‘Kathaṃ vijaññā catupattharūpaṃ, seṭṭhaṃ sarikkhaṃ athavāpi hīnaṃ;

    вируубаруубзна жаранд̇и санд̇о, д̇асмаа хи саб̣б̣зсам̣ важо камзт̇аа’’д̇и.

    Virūparūpena caranti santo, tasmā hi sabbesaṃ vaco khamethā’’ti.

    д̇ад̇т̇а жад̇убад̇т̇аруубанд̇и жад̇уухи ирияаабат̇зхи бадижчаннасабхаавам̣. вируубаруубзнаад̇и вируубаанам̣ лаамагабуг̇г̇алаанам̣ руубзна уд̇д̇амаг̇ун̣аа санд̇оби вижаранд̇и. имасмим̣ банад̇т̇з маж̇жханд̇игад̇т̇зрасса вад̇т̇у гат̇зд̇аб̣б̣ам̣.

    Tattha catupattharūpanti catūhi iriyāpathehi paṭicchannasabhāvaṃ. Virūparūpenāti virūpānaṃ lāmakapuggalānaṃ rūpena uttamaguṇā santopi vicaranti. Imasmiṃ panatthe majjhantikattherassa vatthu kathetabbaṃ.

    д̇ам̣ суд̇ваа сагго нигган̇ко худ̇ваа, ‘‘бханд̇з, зд̇ааяа но канд̇ияаа аанисам̣сам̣ гат̇зхий’’д̇и яаажи. ат̇асса махаасад̇д̇о г̇аат̇амааха –

    Taṃ sutvā sakko nikkaṅkho hutvā, ‘‘bhante, etāya no khantiyā ānisaṃsaṃ kathehī’’ti yāci. Athassa mahāsatto gāthamāha –

    68.

    68.

    ‘‘на хзд̇амад̇т̇ам̣ махад̇ийби сзнаа, сарааж̇игаа яуж̇жхамаанаа лабхзт̇а;

    ‘‘Na hetamatthaṃ mahatīpi senā, sarājikā yujjhamānā labhetha;

    яам̣ канд̇имаа саббурисо лабхзт̇а, канд̇ийб̣алассуубасаманд̇и взраа’’д̇и.

    Yaṃ khantimā sappuriso labhetha, khantībalassūpasamanti verā’’ti.

    д̇ад̇т̇а зд̇амад̇т̇анд̇и зд̇ам̣ взравуубасаманиббадигхасабхаавасан̇каад̇ам̣ ад̇т̇ам̣.

    Tattha etamatthanti etaṃ veravūpasamanippaṭighasabhāvasaṅkhātaṃ atthaṃ.

    звам̣ махаасад̇д̇зна канд̇иг̇ун̣з гат̇ид̇з д̇з рааж̇аано жинд̇аяим̣су – ‘‘сагго ад̇д̇анова бан̃хз бужчад̇и, амхаагам̣ бужчаногаасам̣ на д̣̇ассад̇ий’’д̇и. ат̇а нзсам̣ аж̇жхаасаяам̣ вид̣̇ид̇ваа сагго ад̇д̇анаа абхисан̇кад̇з жад̇д̇ааро бан̃хз табзд̇ваава д̇зсам̣ ган̇кам̣ бужчанд̇о г̇аат̇амааха –

    Evaṃ mahāsattena khantiguṇe kathite te rājāno cintayiṃsu – ‘‘sakko attanova pañhe pucchati, amhākaṃ pucchanokāsaṃ na dassatī’’ti. Atha nesaṃ ajjhāsayaṃ viditvā sakko attanā abhisaṅkhate cattāro pañhe ṭhapetvāva tesaṃ kaṅkhaṃ pucchanto gāthamāha –

    69.

    69.

    ‘‘субхаасид̇ам̣ д̇з анумод̣̇ияаана, ан̃н̃ам̣ д̇ам̣ бужчаами д̇ад̣̇ин̇гха б̣руухи;

    ‘‘Subhāsitaṃ te anumodiyāna, aññaṃ taṃ pucchāmi tadiṅgha brūhi;

    яат̇аа ахум̣ д̣̇ан̣д̣агий наал̣игзро, ат̇аж̇ж̇уно галааб̣у жааби рааж̇аа;

    Yathā ahuṃ daṇḍakī nāḷikero, athajjuno kalābu cāpi rājā;

    д̇зсам̣ г̇ад̇им̣ б̣руухи субаабагамминам̣, гад̇т̇уубабаннаа исийнам̣ вихзтагаа’’д̇и.

    Tesaṃ gatiṃ brūhi supāpakamminaṃ, katthūpapannā isīnaṃ viheṭhakā’’ti.

    д̇ад̇т̇а анумод̣̇ияаанаад̇и ид̣̇ам̣ маяаа будтаанам̣ д̇ин̣н̣ам̣ бан̃хаанам̣ виссаж̇ж̇анасан̇каад̇ам̣ д̇ава субхаасид̇ам̣ анумод̣̇ид̇ваа. яат̇аа ахунд̇и яат̇аа жад̇д̇ааро ж̇анаа ахзсум̣. галааб̣у жаад̇и галааб̣урааж̇аа жа. ат̇аж̇ж̇унод̇и ат̇а аж̇ж̇унарааж̇аа.

    Tattha anumodiyānāti idaṃ mayā puṭṭhānaṃ tiṇṇaṃ pañhānaṃ vissajjanasaṅkhātaṃ tava subhāsitaṃ anumoditvā. Yathā ahunti yathā cattāro janā ahesuṃ. Kalābu cāti kalāburājā ca. Athajjunoti atha ajjunarājā.

    ат̇асса виссаж̇ж̇знд̇о махаасад̇д̇о бан̃жа г̇аат̇ааяо абхааси –

    Athassa vissajjento mahāsatto pañca gāthāyo abhāsi –

    70.

    70.

    ‘‘гисан̃хи важчам̣ авагирияа д̣̇ан̣д̣агий, ужчиннамууло саж̇ано сарадто;

    ‘‘Kisañhi vacchaṃ avakiriya daṇḍakī, ucchinnamūlo sajano saraṭṭho;

    гуггул̣анаамз нираяамхи бажжад̇и, д̇асса пулин̇г̇аани бад̇анд̇и гааяз.

    Kukkuḷanāme nirayamhi paccati, tassa phuliṅgāni patanti kāye.

    71.

    71.

    ‘‘яо сан̃н̃ад̇з баб̣б̣аж̇ид̇з ахзтаяи, д̇хаммам̣ бхан̣анд̇з саман̣з ад̣̇уусагз;

    ‘‘Yo saññate pabbajite aheṭhayi, dhammaṃ bhaṇante samaṇe adūsake;

    д̇ам̣ наал̣игзрам̣ сунакаа барад̇т̇а, сан̇г̇амма каад̣̇анд̇и випанд̣̇амаанам̣.

    Taṃ nāḷikeraṃ sunakhā parattha, saṅgamma khādanti viphandamānaṃ.

    72.

    72.

    ‘‘ат̇аж̇ж̇уно нираяз сад̇д̇исуулз, авам̣сиро бад̇ид̇о уд̣̇д̇хам̣баад̣̇о;

    ‘‘Athajjuno niraye sattisūle, avaṃsiro patito uddhaṃpādo;

    ан̇г̇ийрасам̣ г̇од̇амам̣ хзтаяид̇ваа, канд̇им̣ д̇абассим̣ жираб̣рахмажаарим̣.

    Aṅgīrasaṃ gotamaṃ heṭhayitvā, khantiṃ tapassiṃ cirabrahmacāriṃ.

    73.

    73.

    ‘‘яо кан̣д̣асо баб̣б̣аж̇ид̇ам̣ ачзд̣̇аяи, канд̇им̣ вад̣̇анд̇ам̣ саман̣ам̣ ад̣̇уусагам̣;

    ‘‘Yo khaṇḍaso pabbajitaṃ achedayi, khantiṃ vadantaṃ samaṇaṃ adūsakaṃ;

    галааб̣увийжим̣ убабаж̇ж̇а бажжад̇и, махаабад̇аабам̣ гадугам̣ бхаяаанагам̣.

    Kalābuvīciṃ upapajja paccati, mahāpatāpaṃ kaṭukaṃ bhayānakaṃ.

    74.

    74.

    ‘‘зд̇аани суд̇ваа нираяаани бан̣д̣ид̇о, ан̃н̃аани баабидтад̇араани жзд̇т̇а;

    ‘‘Etāni sutvā nirayāni paṇḍito, aññāni pāpiṭṭhatarāni cettha;

    д̇хаммам̣ жарз саман̣аб̣раахман̣зсу, звам̣гаро саг̇г̇амубзд̇и таана’’нд̇и.

    Dhammaṃ care samaṇabrāhmaṇesu, evaṃkaro saggamupeti ṭhāna’’nti.

    д̇ад̇т̇а гисанд̇и аббамам̣салохид̇ад̇д̇аа гисасарийрам̣. авагирияаад̇и авагирид̇ваа нидтубханад̣̇анд̇агадтабаад̇анзна д̇асса сарийрз галим̣ баваахзд̇ваа. ужчиннамуулод̇и ужчиннамууло худ̇ваа. саж̇анод̇и сабарисо. гуггул̣анаамз нираяамхийд̇и яож̇анасад̇аббамаан̣з габбасан̣тид̇з ун̣хачаариганираяз. пулин̇г̇аанийд̇и вийд̇ажжид̇ан̇г̇аараа. д̇асса гира д̇ад̇т̇а ун̣хагуггул̣з нимуг̇г̇асса навахи ван̣амукзхи ун̣хаа чааригаа бависанд̇и, сийсз маханд̇амаханд̇аа ан̇г̇аараа бад̇анд̇и. д̇зсам̣ бана бад̇анагаалз сагаласарийрам̣ д̣̇ийбаругко вияа ж̇алад̇и, б̣алававзд̣̇анаа вад̇д̇анд̇и. со ад̇хиваасзд̇ум̣ асаггонд̇о махаавиравам̣ равад̇и. сарабхан̇г̇асад̇т̇аа бат̇авим̣ бхинд̣̇ид̇ваа д̇ам̣ д̇ад̇т̇а д̇ат̇аабажжамаанам̣ д̣̇ассзси, махааж̇ано бхаяасанд̇аасамаабаж̇ж̇и. д̇асса ад̇ивияа бхийд̇абхаавам̣ н̃ад̇ваа махаасад̇д̇о д̇ам̣ нираяам̣ анд̇арад̇хаабзси.

    Tattha kisanti appamaṃsalohitattā kisasarīraṃ. Avakiriyāti avakiritvā niṭṭhubhanadantakaṭṭhapātanena tassa sarīre kaliṃ pavāhetvā. Ucchinnamūloti ucchinnamūlo hutvā. Sajanoti sapariso. Kukkuḷanāme nirayamhīti yojanasatappamāṇe kappasaṇṭhite uṇhachārikaniraye. Phuliṅgānīti vītaccitaṅgārā. Tassa kira tattha uṇhakukkuḷe nimuggassa navahi vaṇamukhehi uṇhā chārikā pavisanti, sīse mahantamahantā aṅgārā patanti. Tesaṃ pana patanakāle sakalasarīraṃ dīparukkho viya jalati, balavavedanā vattanti. So adhivāsetuṃ asakkonto mahāviravaṃ ravati. Sarabhaṅgasatthā pathaviṃ bhinditvā taṃ tattha tathāpaccamānaṃ dassesi, mahājano bhayasantāsamāpajji. Tassa ativiya bhītabhāvaṃ ñatvā mahāsatto taṃ nirayaṃ antaradhāpesi.

    д̇хаммам̣ бхан̣анд̇зд̇и д̣̇асагусалагаммабат̇ад̇хаммам̣ бхаасанд̇з. саман̣зд̇и самид̇абаабз. ад̣̇уусагзд̇и нирабараад̇хз. наал̣игзранд̇и звам̣наамагам̣ рааж̇аанам̣. барад̇т̇аад̇и баралогз нираяз ниб̣б̣ад̇д̇ам̣. сан̇г̇аммаад̇и ид̇о жид̇о жа самааг̇анд̇ваа чинд̣̇ид̇ваа маханд̇амаханд̇аа сунакаа каад̣̇анд̇и. д̇асмим̣ гира галин̇г̇арадтз д̣̇анд̇абуранаг̇арз наал̣игзрз наама ран̃н̃з раж̇ж̇ам̣ гаараяамаанз зго махаад̇аабасо бан̃жасад̇ад̇аабасабаривуд̇о химаванд̇аа ааг̇амма рааж̇уяяаанз ваасам̣ габбзд̇ваа махааж̇анасса д̇хаммам̣ д̣̇зсзси. ‘‘д̇хаммигад̇аабасо уяяаанз васад̇ий’’д̇и ран̃н̃оби аарожаяим̣су. рааж̇аа бана ад̇хаммиго ад̇хаммзна раж̇ж̇ам̣ гаарзси. со амажжзсу д̇аабасам̣ басам̣санд̇зсу ‘‘ахамби д̇хаммам̣ сун̣иссаамий’’д̇и уяяаанам̣ г̇анд̇ваа д̇аабасам̣ ванд̣̇ид̇ваа нисийд̣̇и. д̇аабасо ран̃н̃аа сад̣̇д̇хим̣ бадисант̇аарам̣ гаронд̇о ‘‘гим̣, махаарааж̇а, д̇хаммзна раж̇ж̇ам̣ гаарзси, ж̇анам̣ на бийл̣зсий’’д̇и ааха. со д̇асса гуж̇жхид̇ваа ‘‘аяам̣ гуудаж̇адило зд̇д̇агам̣ гаалам̣ нааг̇араанам̣ санд̇игз маман̃н̃зва аг̇ун̣ам̣ гат̇зси ман̃н̃з, ход̇у ж̇ааниссаамий’’д̇и жинд̇зд̇ваа ‘‘свз амхаагам̣ гхарад̣̇ваарам̣ ааг̇ажчзяяаат̇аа’’д̇и ниманд̇зд̇ваа бунад̣̇ивасз бураан̣аг̇уут̇асса жаадияо барибуураабзд̇ваа д̇аабасзсу ааг̇ад̇зсу д̇зсам̣ бхигкаабхааж̇анаани г̇уут̇асса буураабзд̇ваа д̣̇ваарам̣ бид̣̇ахаабзд̇ваа мусалаани жа лохад̣̇ан̣д̣з жа г̇аахаабзд̇ваа исийнам̣ сийсаани бхинд̣̇аабзд̇ваа ж̇адаасу г̇аахаабзд̇ваа гад̣дхаабзд̇ваа сунакзхи каад̣̇аабзд̇ваа д̇ад̇т̇зва бхиннам̣ бат̇авим̣ бависид̇ваа сунакамахаанираяз ниб̣б̣ад̇д̇ад̇и, д̇ад̇расса д̇иг̇аавуд̇аббамаан̣асарийрам̣ ахоси. ат̇а нам̣ маханд̇амаханд̇аа махаахад̇т̇иббамаан̣аа бан̃жаван̣н̣аа сунакаа ануб̣анд̇хид̇ваа д̣ам̣сид̇ваа наваяож̇анааяа ж̇алид̇ааяабат̇авияаа баад̇зд̇ваа мукабуурам̣ лун̃жанд̇аа вибпанд̣̇амаанам̣ каад̣̇им̣су. махаасад̇д̇о бат̇авим̣ д̣̇вид̇хаа бхинд̣̇ид̇ваа д̇ам̣ нираяам̣ д̣̇ассзд̇ваа махааж̇анасса бхийд̇абхаавам̣ н̃ад̇ваа анд̇арад̇хаабзси.

    Dhammaṃ bhaṇanteti dasakusalakammapathadhammaṃ bhāsante. Samaṇeti samitapāpe. Adūsaketi niraparādhe. Nāḷikeranti evaṃnāmakaṃ rājānaṃ. Paratthāti paraloke niraye nibbattaṃ. Saṅgammāti ito cito ca samāgantvā chinditvā mahantamahantā sunakhā khādanti. Tasmiṃ kira kaliṅgaraṭṭhe dantapuranagare nāḷikere nāma raññe rajjaṃ kārayamāne eko mahātāpaso pañcasatatāpasaparivuto himavantā āgamma rājuyyāne vāsaṃ kappetvā mahājanassa dhammaṃ desesi. ‘‘Dhammikatāpaso uyyāne vasatī’’ti raññopi ārocayiṃsu. Rājā pana adhammiko adhammena rajjaṃ kāresi. So amaccesu tāpasaṃ pasaṃsantesu ‘‘ahampi dhammaṃ suṇissāmī’’ti uyyānaṃ gantvā tāpasaṃ vanditvā nisīdi. Tāpaso raññā saddhiṃ paṭisanthāraṃ karonto ‘‘kiṃ, mahārāja, dhammena rajjaṃ kāresi, janaṃ na pīḷesī’’ti āha. So tassa kujjhitvā ‘‘ayaṃ kūṭajaṭilo ettakaṃ kālaṃ nāgarānaṃ santike mamaññeva aguṇaṃ kathesi maññe, hotu jānissāmī’’ti cintetvā ‘‘sve amhākaṃ gharadvāraṃ āgaccheyyāthā’’ti nimantetvā punadivase purāṇagūthassa cāṭiyo paripūrāpetvā tāpasesu āgatesu tesaṃ bhikkhābhājanāni gūthassa pūrāpetvā dvāraṃ pidahāpetvā musalāni ca lohadaṇḍe ca gāhāpetvā isīnaṃ sīsāni bhindāpetvā jaṭāsu gāhāpetvā kaḍḍhāpetvā sunakhehi khādāpetvā tattheva bhinnaṃ pathaviṃ pavisitvā sunakhamahāniraye nibbattati, tatrassa tigāvutappamāṇasarīraṃ ahosi. Atha naṃ mahantamahantā mahāhatthippamāṇā pañcavaṇṇā sunakhā anubandhitvā ḍaṃsitvā navayojanāya jalitaayapathaviyā pātetvā mukhapūraṃ luñcantā vipphandamānaṃ khādiṃsu. Mahāsatto pathaviṃ dvidhā bhinditvā taṃ nirayaṃ dassetvā mahājanassa bhītabhāvaṃ ñatvā antaradhāpesi.

    ат̇аж̇ж̇унод̇и сахассаб̣аахурааж̇аа. ан̇г̇ийрасанд̇и ан̇г̇зхи рам̣сийнам̣ нижчаран̣ад̇о звам̣лад̣̇д̇ханаамам̣. хзтаяид̇ваад̇и вихзтзд̇ваа висабийд̇аган̣д̣зна виж̇жхид̇ваа ж̇ийвид̇агкаяам̣ баабзд̇ваа. со гира аж̇ж̇уно наама рааж̇аа махисагарадтз гзд̇агарааж̇ад̇хаанияам̣ раж̇ж̇ам̣ гаарзнд̇о миг̇авам̣ г̇анд̇ваа миг̇з вад̇хид̇ваа ан̇г̇аарабаггамам̣сам̣ каад̣̇анд̇о вижари. ат̇згад̣̇ивасам̣ миг̇аанам̣ ааг̇аманадтаанз годтагам̣ гад̇ваа миг̇з ологаяамаано адтааси. д̇ад̣̇аа со д̇аабасо д̇асса ран̃н̃о авид̣̇уурз згам̣ гаараругкам̣ абхирухид̇ваа палаани ожинанд̇о ожинид̇апаласаакам̣ мун̃жи. д̇ассаа виссадтааяа сад̣̇д̣̇зна д̇ам̣таанам̣ бад̇д̇аа миг̇аа балааяим̣су. рааж̇аа гуж̇жхид̇ваа д̇аабасам̣ висамиссид̇зна саллзна виж̇жхи. со бариг̇алид̇ваа бад̇анд̇о мад̇т̇агзна кад̣̇иракаан̣угам̣ аасаад̣̇зд̇ваа суулаг̇г̇зязва гааламагааси. рааж̇аа д̇ан̇кан̣зязва д̣̇вид̇хаа бхиннам̣ бат̇авим̣ бависид̇ваа сад̇д̇исууланираяз ниб̣б̣ад̇д̇и, д̇иг̇аавуд̇аббамаан̣ам̣ сарийрам̣ ахоси. д̇ад̇ра д̇ам̣ нираяабаалаа ж̇алид̇зхи аавуд̇хзхи годдзд̇ваа ж̇алид̇ам̣ аяабаб̣б̣ад̇ам̣ ааробзнд̇и. баб̣б̣ад̇амад̇т̇агз тид̇агаалз ваад̇о бахарад̇и, со ваад̇аббахаарзна бариг̇алид̇ваа бад̇ад̇и. д̇асмим̣ кан̣з хздтаа наваяож̇анааяа ж̇алид̇ааяабат̇авияаа махаад̇аалагканд̇хаббамаан̣ам̣ ж̇алид̇ам̣ аяасуулам̣ удтахад̇и. со суулаг̇г̇амад̇т̇агзязва аасаад̣̇зд̇ваа суулаавуд̇о д̇идтад̇и. д̇асмим̣ кан̣з бат̇авий ж̇алад̇и, суулам̣ ж̇алад̇и, д̇асса сарийрам̣ ж̇алад̇и. со д̇ад̇т̇а махааравам̣ раванд̇о бажжад̇и. махаасад̇д̇о бат̇авим̣ д̣̇вид̇хаа гад̇ваа д̇ам̣ нираяам̣ д̣̇ассзд̇ваа махааж̇анасса бхийд̇абхаавам̣ н̃ад̇ваа анд̇арад̇хаабзси.

    Athajjunoti sahassabāhurājā. Aṅgīrasanti aṅgehi raṃsīnaṃ niccharaṇato evaṃladdhanāmaṃ. Heṭhayitvāti viheṭhetvā visapītakaṇḍena vijjhitvā jīvitakkhayaṃ pāpetvā. So kira ajjuno nāma rājā mahisakaraṭṭhe ketakarājadhāniyaṃ rajjaṃ kārento migavaṃ gantvā mige vadhitvā aṅgārapakkamaṃsaṃ khādanto vicari. Athekadivasaṃ migānaṃ āgamanaṭṭhāne koṭṭhakaṃ katvā mige olokayamāno aṭṭhāsi. Tadā so tāpaso tassa rañño avidūre ekaṃ kārarukkhaṃ abhiruhitvā phalāni ocinanto ocinitaphalasākhaṃ muñci. Tassā vissaṭṭhāya saddena taṃṭhānaṃ pattā migā palāyiṃsu. Rājā kujjhitvā tāpasaṃ visamissitena sallena vijjhi. So parigalitvā patanto matthakena khadirakhāṇukaṃ āsādetvā sūlaggeyeva kālamakāsi. Rājā taṅkhaṇeyeva dvidhā bhinnaṃ pathaviṃ pavisitvā sattisūlaniraye nibbatti, tigāvutappamāṇaṃ sarīraṃ ahosi. Tatra taṃ nirayapālā jalitehi āvudhehi koṭṭetvā jalitaṃ ayapabbataṃ āropenti. Pabbatamatthake ṭhitakāle vāto paharati, so vātappahārena parigalitvā patati. Tasmiṃ khaṇe heṭṭhā navayojanāya jalitaayapathaviyā mahātālakkhandhappamāṇaṃ jalitaṃ ayasūlaṃ uṭṭhahati. So sūlaggamatthakeyeva āsādetvā sūlāvuto tiṭṭhati. Tasmiṃ khaṇe pathavī jalati, sūlaṃ jalati, tassa sarīraṃ jalati. So tattha mahāravaṃ ravanto paccati. Mahāsatto pathaviṃ dvidhā katvā taṃ nirayaṃ dassetvā mahājanassa bhītabhāvaṃ ñatvā antaradhāpesi.

    кан̣д̣асод̇и жад̇д̇ааро хад̇т̇абаад̣̇з ган̣н̣анаасан̃жа кан̣д̣аакан̣д̣ам̣ гад̇ваа. ад̣̇уусаганд̇и нирабараад̇хам̣. д̇ат̇аа чзд̣̇аабзд̇ваа д̣̇вийхи гасаахи бахаарасахассзхи д̇аал̣аабзд̇ваа ж̇адаасу г̇ахзд̇ваа аагад̣дхаабзд̇ваа бадигуж̇ж̇ам̣ нибаж̇ж̇аабзд̇ваа бидтияам̣ бан̣хияаа бахарид̇ваа махаад̣̇угкасамаббид̇ам̣ агааси. галааб̣увийжинд̇и галааб̣у авийжим̣. гадуганд̇и д̇икин̣авзд̣̇анам̣, зваруубам̣ нираяам̣ убабаж̇ж̇ид̇ваа чаннам̣ ж̇аалаанам̣ анд̇арз бажжад̇и. вид̇т̇аарад̇о бана галааб̣уран̃н̃о вад̇т̇у канд̇иваад̣̇иж̇аад̇агз (ж̇аа. 1.4.49-52) гат̇ид̇амзва. ан̃н̃аани баабидтад̇араани жзд̇т̇аад̇и зд̇зхи нираязхи баабидтад̇араани жа ан̃н̃аани нираяаани суд̇ваа. д̇хаммам̣ жарзд̇и, сагга д̣̇зварааж̇а, бан̣д̣ид̇о гулабуд̇д̇о на гзвалам̣ зд̇зязва жад̇д̇ааро нираяаа, зд̇зязва жа рааж̇аано нзраяигаа, ат̇а ко ан̃н̃зби нираяаа, ан̃н̃зби жа рааж̇аано нираязсу уббаннаад̇и вид̣̇ид̇ваа жад̇убажжаяад̣̇аанад̇хаммигаарагкааваран̣асам̣вид̇хаанасан̇каад̇ам̣ саман̣аб̣раахман̣зсу д̇хаммам̣ жарзяяаад̇и.

    Khaṇḍasoti cattāro hatthapāde kaṇṇanāsañca khaṇḍākhaṇḍaṃ katvā. Adūsakanti niraparādhaṃ. Tathā chedāpetvā dvīhi kasāhi pahārasahassehi tāḷāpetvā jaṭāsu gahetvā ākaḍḍhāpetvā paṭikujjaṃ nipajjāpetvā piṭṭhiyaṃ paṇhiyā paharitvā mahādukkhasamappitaṃ akāsi. Kalābuvīcinti kalābu avīciṃ. Kaṭukanti tikhiṇavedanaṃ, evarūpaṃ nirayaṃ upapajjitvā channaṃ jālānaṃ antare paccati. Vitthārato pana kalāburañño vatthu khantivādijātake (jā. 1.4.49-52) kathitameva. Aññāni pāpiṭṭhatarāni cetthāti etehi nirayehi pāpiṭṭhatarāni ca aññāni nirayāni sutvā. Dhammaṃ careti, sakka devarāja, paṇḍito kulaputto na kevalaṃ eteyeva cattāro nirayā, eteyeva ca rājāno nerayikā, atha kho aññepi nirayā, aññepi ca rājāno nirayesu uppannāti viditvā catupaccayadānadhammikārakkhāvaraṇasaṃvidhānasaṅkhātaṃ samaṇabrāhmaṇesu dhammaṃ careyyāti.

    звам̣ махаасад̇д̇зна жад̇уннам̣ рааж̇уунам̣ ниб̣б̣ад̇д̇адтаанз д̣̇ассид̇з д̇аяо рааж̇аано нигган̇каа ахзсум̣. д̇ад̇о сагго авасзсз жад̇д̇ааро бан̃хз бужчанд̇о г̇аат̇амааха –

    Evaṃ mahāsattena catunnaṃ rājūnaṃ nibbattaṭṭhāne dassite tayo rājāno nikkaṅkhā ahesuṃ. Tato sakko avasese cattāro pañhe pucchanto gāthamāha –

    75.

    75.

    ‘‘субхаасид̇ам̣ д̇з анумод̣̇ияаана, ан̃н̃ам̣ д̇ам̣ бужчаами д̇ад̣̇ин̇гха б̣руухи;

    ‘‘Subhāsitaṃ te anumodiyāna, aññaṃ taṃ pucchāmi tadiṅgha brūhi;

    гат̇ам̣вид̇хам̣ сийлаванд̇ам̣ вад̣̇анд̇и, гат̇ам̣вид̇хам̣ бан̃н̃аванд̇ам̣ вад̣̇анд̇и;

    Kathaṃvidhaṃ sīlavantaṃ vadanti, kathaṃvidhaṃ paññavantaṃ vadanti;

    гат̇ам̣вид̇хам̣ саббурисам̣ вад̣̇анд̇и, гат̇ам̣вид̇хам̣ но сири но ж̇ахаад̇ий’’д̇и.

    Kathaṃvidhaṃ sappurisaṃ vadanti, kathaṃvidhaṃ no siri no jahātī’’ti.

    д̇ад̇т̇а гат̇ам̣вид̇хам̣ но сири но ж̇ахаад̇ийд̇и гат̇ам̣вид̇хам̣ ну бурисам̣ бадилад̣̇д̇хасирий на ж̇ахаад̇ийд̇и.

    Tattha kathaṃvidhaṃ no siri no jahātīti kathaṃvidhaṃ nu purisaṃ paṭiladdhasirī na jahātīti.

    ат̇асса виссаж̇ж̇знд̇о махаасад̇д̇о жад̇ассо г̇аат̇ааяо абхааси –

    Athassa vissajjento mahāsatto catasso gāthāyo abhāsi –

    76.

    76.

    ‘‘гааязна ваажааяа жа яод̇ха сан̃н̃ад̇о, манасаа жа гин̃жи на гарод̇и баабам̣;

    ‘‘Kāyena vācāya ca yodha saññato, manasā ca kiñci na karoti pāpaṃ;

    на ад̇д̇ахзд̇уу алигам̣ бхан̣зд̇и, д̇ат̇аавид̇хам̣ сийлаванд̇ам̣ вад̣̇анд̇и.

    Na attahetū alikaṃ bhaṇeti, tathāvidhaṃ sīlavantaṃ vadanti.

    77.

    77.

    ‘‘г̇амбхийрабан̃хам̣ манасаабхижинд̇аяам̣, наажжаахид̇ам̣ гамма гарод̇и луд̣̇д̣̇ам̣;

    ‘‘Gambhīrapañhaṃ manasābhicintayaṃ, nāccāhitaṃ kamma karoti luddaṃ;

    гаалааг̇ад̇ам̣ ад̇т̇абад̣̇ам̣ на рин̃жад̇и, д̇ат̇аавид̇хам̣ бан̃н̃аванд̇ам̣ вад̣̇анд̇и.

    Kālāgataṃ atthapadaṃ na riñcati, tathāvidhaṃ paññavantaṃ vadanti.

    78.

    78.

    ‘‘яо вз гад̇ан̃н̃уу гад̇авзд̣̇и д̇хийро, галяаан̣амид̇д̇о д̣̇ал̣хабхад̇д̇и жа ход̇и;

    ‘‘Yo ve kataññū katavedi dhīro, kalyāṇamitto daḷhabhatti ca hoti;

    д̣̇укид̇асса саггажжа гарод̇и гижжам̣, д̇ат̇аавид̇хам̣ саббурисам̣ вад̣̇анд̇и.

    Dukhitassa sakkacca karoti kiccaṃ, tathāvidhaṃ sappurisaṃ vadanti.

    79.

    79.

    ‘‘зд̇зхи саб̣б̣зхи г̇ун̣зхубзд̇о, сад̣̇д̇хо муд̣̇уу сам̣вибхааг̇ий вад̣̇ан̃н̃уу;

    ‘‘Etehi sabbehi guṇehupeto, saddho mudū saṃvibhāgī vadaññū;

    сан̇г̇аахагам̣ сакилам̣ сан̣хаваажам̣, д̇ат̇аавид̇хам̣ но сири но ж̇ахаад̇ий’’д̇и.

    Saṅgāhakaṃ sakhilaṃ saṇhavācaṃ, tathāvidhaṃ no siri no jahātī’’ti.

    д̇ад̇т̇а ‘‘гааязнаа’’д̇иаад̣̇ийни бад̣̇аани д̇ивид̇хасужарид̇ад̣̇вааравасзна вуд̇д̇аани. на ад̇д̇ахзд̇ууд̇и д̣̇зсанаасийсамзвзд̇ам̣, ад̇д̇ахзд̇у ваа барахзд̇у ваа яасахзд̇у ваа д̇ханахзд̇у ваа лаабхахзд̇у ваа аамисагин̃жигкахзд̇у ваа алигам̣ на гат̇зд̇ийд̇и ад̇т̇о. гааман̃жзса ад̇т̇о ‘‘ваажааяа сан̃н̃ад̇о’’д̇и иминаава сид̣̇д̇хо, мусааваад̣̇ино бана агад̇д̇аб̣б̣ам̣ баабам̣ наама над̇т̇ийд̇и г̇арубхаавад̣̇ийбанад̇т̇ам̣ буна звамаахаад̇и взд̣̇ид̇аб̣б̣о. д̇ам̣ буг̇г̇алам̣ сийлаванд̇ам̣ вад̣̇анд̇и.

    Tattha ‘‘kāyenā’’tiādīni padāni tividhasucaritadvāravasena vuttāni. Na attahetūti desanāsīsamevetaṃ, attahetu vā parahetu vā yasahetu vā dhanahetu vā lābhahetu vā āmisakiñcikkhahetu vā alikaṃ na kathetīti attho. Kāmañcesa attho ‘‘vācāya saññato’’ti imināva siddho, musāvādino pana akattabbaṃ pāpaṃ nāma natthīti garubhāvadīpanatthaṃ puna evamāhāti veditabbo. Taṃ puggalaṃ sīlavantaṃ vadanti.

    г̇амбхийрабан̃ханд̇и ад̇т̇ад̇о жа баал̣ид̇о жа г̇амбхийрам̣ г̇ул̣хам̣ бадижчаннам̣ сад̇д̇убхасд̇аж̇аад̇ага- (ж̇аа. 1.7.46 аад̣̇аяо) самбхаваж̇аад̇ага- (ж̇аа. 1.16.138 аад̣̇аяо) махаауман̇г̇аж̇аад̇агзсу (ж̇аа. 2.22.590 аад̣̇аяо) ааг̇ад̇асад̣̇исам̣ бан̃хам̣. манасаабхижинд̇аяанд̇и манасаа абхижинд̇знд̇о ад̇т̇ам̣ бадивиж̇жхид̇ваа жанд̣̇асахассам̣ суурияасахассам̣ удтаабзнд̇о вияа баагадам̣ гад̇ваа яо гат̇зд̇ум̣ саггод̇ийд̇и ад̇т̇о. наажжаахид̇анд̇и на ад̇иахид̇ам̣, хид̇аад̇игганд̇ам̣ луд̣̇д̣̇ам̣ парусам̣ саахасигагамман̃жа яо на гарод̇ийд̇и ад̇т̇о. имасса банад̇т̇асса аавибхаавад̇т̇ам̣ –

    Gambhīrapañhanti atthato ca pāḷito ca gambhīraṃ guḷhaṃ paṭicchannaṃ sattubhastajātaka- (jā. 1.7.46 ādayo) sambhavajātaka- (jā. 1.16.138 ādayo) mahāumaṅgajātakesu (jā. 2.22.590 ādayo) āgatasadisaṃ pañhaṃ. Manasābhicintayanti manasā abhicintento atthaṃ paṭivijjhitvā candasahassaṃ sūriyasahassaṃ uṭṭhāpento viya pākaṭaṃ katvā yo kathetuṃ sakkotīti attho. Nāccāhitanti na atiahitaṃ, hitātikkantaṃ luddaṃ pharusaṃ sāhasikakammañca yo na karotīti attho. Imassa panatthassa āvibhāvatthaṃ –

    ‘‘на бан̣д̣ид̇аа ад̇д̇асукасса хзд̇у, баабаани гаммаани самаажаранд̇и;

    ‘‘Na paṇḍitā attasukhassa hetu, pāpāni kammāni samācaranti;

    д̣̇угкзна пудтаа бил̣ид̇ааби санд̇аа, чанд̣̇аа д̣̇осаа жа на ж̇аханд̇и д̇хамма’’нд̇и. –

    Dukkhena phuṭṭhā piḷitāpi santā, chandā dosā ca na jahanti dhamma’’nti. –

    бхуурибан̃хо гат̇зд̇аб̣б̣о.

    Bhūripañho kathetabbo.

    гаалааг̇ад̇анд̇и зд̇т̇а д̣̇аанам̣ д̣̇аад̇аб̣б̣агаалз, сийлам̣ рагкан̣агаалз, убосат̇ам̣ убаваасагаалз, саран̣зсу бад̇идтаанагаалз, баб̣б̣аж̇ид̇агаалз, саман̣ад̇хаммагаран̣агаалз, вибассанаажаарасмим̣ яун̃ж̇анагаалз жаад̇и имаани д̣̇аанаад̣̇ийни самбаад̣̇знд̇о гаалааг̇ад̇ам̣ ад̇т̇абад̣̇ам̣ на рин̃жад̇и на хаабзд̇и на г̇ал̣аабзд̇и наама. д̇ат̇аавид̇ханд̇и сагга саб̣б̣ан̃н̃уб̣уд̣̇д̇хаа жа бажжзгаб̣уд̣̇д̇хаа жа б̣од̇хисад̇д̇аа жа бан̃н̃аванд̇ам̣ гат̇знд̇аа зваруубам̣ буг̇г̇алам̣ гат̇знд̇и.

    Kālāgatanti ettha dānaṃ dātabbakāle, sīlaṃ rakkhaṇakāle, uposathaṃ upavāsakāle, saraṇesu patiṭṭhānakāle, pabbajitakāle, samaṇadhammakaraṇakāle, vipassanācārasmiṃ yuñjanakāle cāti imāni dānādīni sampādento kālāgataṃ atthapadaṃ na riñcati na hāpeti na gaḷāpeti nāma. Tathāvidhanti sakka sabbaññubuddhā ca paccekabuddhā ca bodhisattā ca paññavantaṃ kathentā evarūpaṃ puggalaṃ kathenti.

    ‘‘яо вз’’д̇и г̇аат̇ааяа барзна ад̇д̇ано гад̇аг̇ун̣ам̣ ж̇аанаад̇ийд̇и гад̇ан̃н̃уу. звам̣ н̃ад̇ваа бана язнасса г̇ун̣о гад̇о, д̇асса г̇ун̣ам̣ бадигаронд̇о гад̇авзд̣̇ий наама. д̣̇укид̇ассаад̇и ад̇д̇ано сахааяасса д̣̇угкаббад̇д̇асса д̣̇угкам̣ ад̇д̇ани ааробзд̇ваа яо д̇асса уббаннагижжам̣ сахад̇т̇зна саггажжам̣ гарод̇и, б̣уд̣̇д̇хаад̣̇аяо зваруубам̣ саббурисам̣ наама гат̇знд̇и. абижа саббурисаа наама гад̇ан̃н̃уу гад̇авзд̣̇ино хонд̇ийд̇и сад̇абад̇д̇аж̇аад̇ага- (ж̇аа. 1.3.85-87) жуул̣ахам̣саж̇аад̇ага- (ж̇аа. 1.15.133 аад̣̇аяо) махаахам̣саж̇аад̇агаад̣̇ийни (ж̇аа. 2.21.89 аад̣̇аяо) гат̇зд̇аб̣б̣аани. зд̇зхи саб̣б̣зхийд̇и сагга яо зд̇зхи хздтаа вуд̇д̇зхи сийлаад̣̇ийхи саб̣б̣зхиби г̇ун̣зхи убзд̇о. сад̣̇д̇ход̇и огаббанасад̣̇д̇хааяа саманнааг̇ад̇о. муд̣̇ууд̇и бияабхаан̣ий. сам̣вибхааг̇ийд̇и сийласам̣вибхааг̇ад̣̇аанасам̣вибхааг̇аабхирад̇ад̇д̇аа сам̣вибхааг̇ий. яаажагаанам̣ важанам̣ н̃ад̇ваа д̣̇аанавасзна вад̣̇ан̃н̃уу. жад̇уухи сан̇г̇ахавад̇т̇уухи д̇зсам̣ д̇зсам̣ сан̇г̇ан̣ханад̇о сан̇г̇аахагам̣, мад̇хураважанад̇ааяа сакилам̣, мадтаважанад̇ааяа сан̣хаваажам̣ д̇ат̇аавид̇хам̣ ну буг̇г̇алам̣ ад̇хиг̇ад̇аяасасобхаг̇г̇асан̇каад̇аа сирий но ж̇ахаад̇и, наасса сирий винассад̇ийд̇и.

    ‘‘Yo ve’’ti gāthāya parena attano kataguṇaṃ jānātīti kataññū. Evaṃ ñatvā pana yenassa guṇo kato, tassa guṇaṃ paṭikaronto katavedī nāma. Dukhitassāti attano sahāyassa dukkhappattassa dukkhaṃ attani āropetvā yo tassa uppannakiccaṃ sahatthena sakkaccaṃ karoti, buddhādayo evarūpaṃ sappurisaṃ nāma kathenti. Apica sappurisā nāma kataññū katavedino hontīti satapattajātaka- (jā. 1.3.85-87) cūḷahaṃsajātaka- (jā. 1.15.133 ādayo) mahāhaṃsajātakādīni (jā. 2.21.89 ādayo) kathetabbāni. Etehi sabbehīti sakka yo etehi heṭṭhā vuttehi sīlādīhi sabbehipi guṇehi upeto. Saddhoti okappanasaddhāya samannāgato. Mudūti piyabhāṇī. Saṃvibhāgīti sīlasaṃvibhāgadānasaṃvibhāgābhiratattā saṃvibhāgī. Yācakānaṃ vacanaṃ ñatvā dānavasena vadaññū. Catūhi saṅgahavatthūhi tesaṃ tesaṃ saṅgaṇhanato saṅgāhakaṃ, madhuravacanatāya sakhilaṃ, maṭṭhavacanatāya saṇhavācaṃ tathāvidhaṃ nu puggalaṃ adhigatayasasobhaggasaṅkhātā sirī no jahāti, nāssa sirī vinassatīti.

    звам̣ махаасад̇д̇о г̇аг̇анад̇алз бун̣н̣ажанд̣̇ам̣ удтаабзнд̇о вияа жад̇д̇ааро бан̃хз виссаж̇ж̇зси. д̇ад̇о барам̣ сзсабан̃хаанам̣ бужчаа жа виссаж̇ж̇анан̃жа ход̇и –

    Evaṃ mahāsatto gaganatale puṇṇacandaṃ uṭṭhāpento viya cattāro pañhe vissajjesi. Tato paraṃ sesapañhānaṃ pucchā ca vissajjanañca hoti –

    80.

    80.

    ‘‘субхаасид̇ам̣ д̇з анумод̣̇ияаана, ан̃н̃ам̣ д̇ам̣ бужчаами д̇ад̣̇ин̇гха б̣руухи;

    ‘‘Subhāsitaṃ te anumodiyāna, aññaṃ taṃ pucchāmi tadiṅgha brūhi;

    сийлам̣ сирин̃жааби сад̇ан̃жа д̇хаммам̣, бан̃н̃ан̃жа гам̣ сздтад̇арам̣ вад̣̇анд̇и.

    Sīlaṃ siriñcāpi satañca dhammaṃ, paññañca kaṃ seṭṭhataraṃ vadanti.

    81.

    81.

    ‘‘бан̃н̃аа хи сздтаа гусалаа вад̣̇анд̇и, нагкад̇д̇арааж̇аарива д̇аарагаанам̣;

    ‘‘Paññā hi seṭṭhā kusalā vadanti, nakkhattarājāriva tārakānaṃ;

    сийлам̣ сирий жааби сад̇ан̃жа д̇хаммо, анвааяигаа бан̃н̃авад̇о бхаванд̇и.

    Sīlaṃ sirī cāpi satañca dhammo, anvāyikā paññavato bhavanti.

    82.

    82.

    ‘‘субхаасид̇ам̣ д̇з анумод̣̇ияаана, ан̃н̃ам̣ д̇ам̣ бужчаами д̇ад̣̇ин̇гха б̣руухи;

    ‘‘Subhāsitaṃ te anumodiyāna, aññaṃ taṃ pucchāmi tadiṅgha brūhi;

    гат̇ам̣гаро гинд̇игаро гимаажарам̣, гим̣ сзвамаано лабхад̇ийд̇ха бан̃н̃ам̣;

    Kathaṃkaro kintikaro kimācaraṃ, kiṃ sevamāno labhatīdha paññaṃ;

    бан̃н̃ааяа д̣̇ааниббадибад̣̇ам̣ вад̣̇зхи, гат̇ам̣гаро бан̃н̃аваа ход̇и мажжо.

    Paññāya dānippaṭipadaṃ vadehi, kathaṃkaro paññavā hoti macco.

    83.

    83.

    ‘‘сзвзт̇а вуд̣̇д̇хз нибун̣з б̣ахуссуд̇з, уг̇г̇аахаго жа барибужчаго сияаа;

    ‘‘Sevetha vuddhe nipuṇe bahussute, uggāhako ca paripucchako siyā;

    сун̣зяяа саггажжа субхаасид̇аани, звам̣гаро бан̃н̃аваа ход̇и мажжо.

    Suṇeyya sakkacca subhāsitāni, evaṃkaro paññavā hoti macco.

    84.

    84.

    ‘‘са бан̃н̃аваа гаамаг̇ун̣з авзгкад̇и, анижжад̇о д̣̇угкад̇о рог̇ад̇о жа;

    ‘‘Sa paññavā kāmaguṇe avekkhati, aniccato dukkhato rogato ca;

    звам̣ вибассий баж̇ахаад̇и чанд̣̇ам̣, д̣̇угкзсу гаамзсу махаб̣бхаязсу.

    Evaṃ vipassī pajahāti chandaṃ, dukkhesu kāmesu mahabbhayesu.

    85.

    85.

    ‘‘са вийд̇арааг̇о бавинзяяа д̣̇осам̣, мзд̇д̇ам̣ жид̇д̇ам̣ бхааваяз аббамаан̣ам̣;

    ‘‘Sa vītarāgo pavineyya dosaṃ, mettaṃ cittaṃ bhāvaye appamāṇaṃ;

    саб̣б̣зсу бхууд̇зсу нид̇хааяа д̣̇ан̣д̣ам̣, анинд̣̇ид̇о б̣рахмамубзд̇и таана’’нд̇и.

    Sabbesu bhūtesu nidhāya daṇḍaṃ, anindito brahmamupeti ṭhāna’’nti.

    д̇ад̇т̇а сийланд̇и аажаарасийлам̣. сиринд̇и иссарияасирим̣. сад̇ан̃жа д̇хамманд̇и саббурисад̇хаммам̣. бан̃н̃анд̇и субан̃н̃ам̣. звам̣ имзсам̣ жад̇уннам̣ д̇хаммаанам̣ гад̇арам̣ д̇хаммам̣ сздтад̇арам̣ вад̣̇анд̇ийд̇и бужчад̇и. бан̃н̃аа хийд̇и, сагга, зд̇зсу жад̇уусу д̇хаммзсу яаа зсаа бан̃н̃аа наама, саава сздтаа, ид̇и б̣уд̣̇д̇хаад̣̇аяо гусалаа вад̣̇анд̇и. яат̇аа хи д̇аарагаг̇ан̣аа жанд̣̇ам̣ бариваарзнд̇и, жанд̣̇ова д̇зсам̣ уд̇д̇амо. звам̣ сийлан̃жа сирий жааби сад̇ан̃жа д̇хаммод̇и зд̇з д̇аяоби анвааяигаа бан̃н̃авад̇о бхаванд̇и бан̃н̃аванд̇амзва ануг̇ажчанд̇и, бан̃н̃ааяа зва бариваараа хонд̇ийд̇и ад̇т̇о.

    Tattha sīlanti ācārasīlaṃ. Sirinti issariyasiriṃ. Satañca dhammanti sappurisadhammaṃ. Paññanti supaññaṃ. Evaṃ imesaṃ catunnaṃ dhammānaṃ kataraṃ dhammaṃ seṭṭhataraṃ vadantīti pucchati. Paññā hīti, sakka, etesu catūsu dhammesu yā esā paññā nāma, sāva seṭṭhā, iti buddhādayo kusalā vadanti. Yathā hi tārakagaṇā candaṃ parivārenti, candova tesaṃ uttamo. Evaṃ sīlañca sirī cāpi satañca dhammoti ete tayopi anvāyikā paññavato bhavanti paññavantameva anugacchanti, paññāya eva parivārā hontīti attho.

    ‘‘гат̇ам̣гаро’’д̇иаад̣̇ийни ан̃н̃аман̃н̃авзважанаанзва. гат̇ам̣гарод̇и гим̣ наама гаммам̣ гаронд̇о гим̣ аажаранд̇о гим̣ сзвамаано бхаж̇амаано баяирубаасамаано ид̇халогз бан̃н̃ам̣ лабхад̇и, бан̃н̃ааяамзва бадибад̣̇ам̣ вад̣̇зхи, ж̇аанид̇угаамомхи, гат̇ам̣гаро мажжо бан̃н̃аваа наама ход̇ийд̇и бужчад̇и. вуд̣̇д̇хзд̇и бан̃н̃аавуд̣̇д̇хиббад̇д̇з бан̣д̣ид̇з. нибун̣зд̇и сукумагааран̣аж̇аананасамад̇т̇з. звам̣гарод̇и яо буг̇г̇ало звам̣ вуд̇д̇аббагаарз буг̇г̇алз сзвад̇и бхаж̇ад̇и баяирубаасад̇и, баал̣им̣ уг̇г̇ан̣хаад̇и, бунаббунам̣ ад̇т̇ам̣ бужчад̇и, баасаан̣з лзкам̣ кан̣анд̇о вияа ган̃жананаал̣ияаа сийхавасам̣ самбадижчанд̇о вияа охид̇асод̇о саггажжам̣ субхаасид̇аани сун̣аад̇и, аяам̣ звам̣гаро мажжо бан̃н̃аваа ход̇ийд̇и.

    ‘‘Kathaṃkaro’’tiādīni aññamaññavevacanāneva. Kathaṃkaroti kiṃ nāma kammaṃ karonto kiṃ ācaranto kiṃ sevamāno bhajamāno payirupāsamāno idhaloke paññaṃ labhati, paññāyameva paṭipadaṃ vadehi, jānitukāmomhi, kathaṃkaro macco paññavā nāma hotīti pucchati. Vuddheti paññāvuddhippatte paṇḍite. Nipuṇeti sukhumakāraṇajānanasamatthe. Evaṃkaroti yo puggalo evaṃ vuttappakāre puggale sevati bhajati payirupāsati, pāḷiṃ uggaṇhāti, punappunaṃ atthaṃ pucchati, pāsāṇe lekhaṃ khaṇanto viya kañcananāḷiyā sīhavasaṃ sampaṭicchanto viya ohitasoto sakkaccaṃ subhāsitāni suṇāti, ayaṃ evaṃkaro macco paññavā hotīti.

    звам̣ махаасад̇д̇о баажийналогад̇хаад̇уд̇о суурияам̣ удтаабзнд̇о вияа бан̃н̃ааяа бадибад̣̇ам̣ гат̇зд̇ваа ид̣̇аани д̇ассаа бан̃н̃ааяа г̇ун̣ам̣ гат̇знд̇о ‘‘са бан̃н̃аваа’’д̇иаад̣̇имааха. д̇ад̇т̇а гаамаг̇ун̣зд̇и гаамагодтаасз худ̇ваа абхаавадтзна анижжад̇о, д̣̇идтад̇хаммигасамбарааяигаанам̣ д̣̇угкаанам̣ вад̇т̇убхаавзна д̣̇угкад̇о, адтанавуд̇ияаа рог̇амукаанам̣ гаамз ниссааяа уббад̇д̇исамбхавзна рог̇ад̇о жа авзгкад̇и ологзд̇и, со звам̣ вибассий зд̇зхи гааран̣зхи гаамаанам̣ анижжаад̣̇ид̇ам̣ бассанд̇о ‘‘гаамз ниссааяа уббаж̇ж̇анагад̣̇угкаанам̣ анд̇о над̇т̇и, гаамаанам̣ бахаанамзва сука’’нд̇и вид̣̇ид̇ваа д̣̇угкзсу гаамзсу махаб̣бхаязсу чанд̣̇ам̣ баж̇ахаад̇и. са вийд̇арааг̇од̇и, ‘‘сагга, со буг̇г̇ало звам̣ вийд̇арааг̇о наваагхаад̇авад̇т̇увасзна уббаж̇ж̇анагасабхаавад̣̇осам̣ винзд̇ваа мзд̇д̇ажид̇д̇ам̣ бхаавзяяа, аббамаан̣асад̇д̇аарамман̣ад̇д̇аа аббамаан̣ам̣ д̇ам̣ бхаавзд̇ваа абарихийнаж̇жхаано аг̇арахид̇о б̣рахмалогз уббаж̇ж̇ад̇ий’’д̇и.

    Evaṃ mahāsatto pācīnalokadhātuto sūriyaṃ uṭṭhāpento viya paññāya paṭipadaṃ kathetvā idāni tassā paññāya guṇaṃ kathento ‘‘sa paññavā’’tiādimāha. Tattha kāmaguṇeti kāmakoṭṭhāse hutvā abhāvaṭṭhena aniccato, diṭṭhadhammikasamparāyikānaṃ dukkhānaṃ vatthubhāvena dukkhato, aṭṭhanavutiyā rogamukhānaṃ kāme nissāya uppattisambhavena rogato ca avekkhati oloketi, so evaṃ vipassī etehi kāraṇehi kāmānaṃ aniccāditaṃ passanto ‘‘kāme nissāya uppajjanakadukkhānaṃ anto natthi, kāmānaṃ pahānameva sukha’’nti viditvā dukkhesu kāmesu mahabbhayesu chandaṃ pajahāti. Sa vītarāgoti, ‘‘sakka, so puggalo evaṃ vītarāgo navāghātavatthuvasena uppajjanakasabhāvadosaṃ vinetvā mettacittaṃ bhāveyya, appamāṇasattārammaṇattā appamāṇaṃ taṃ bhāvetvā aparihīnajjhāno agarahito brahmaloke uppajjatī’’ti.

    звам̣ махаасад̇д̇з гаамаанам̣ д̣̇осам̣ гат̇знд̇зязва д̇зсам̣ д̇ин̣н̣амби рааж̇уунам̣ саб̣алагааяаанам̣ д̇ад̣̇ан̇г̇аббахаанзна бан̃жагаамаг̇ун̣арааг̇о бахийно. д̇ам̣ н̃ад̇ваа махаасад̇д̇о д̇зсам̣ бахам̣санавасзна г̇аат̇амааха –

    Evaṃ mahāsatte kāmānaṃ dosaṃ kathenteyeva tesaṃ tiṇṇampi rājūnaṃ sabalakāyānaṃ tadaṅgappahānena pañcakāmaguṇarāgo pahīno. Taṃ ñatvā mahāsatto tesaṃ pahaṃsanavasena gāthamāha –

    86.

    86.

    ‘‘махад̇т̇ияам̣ ааг̇аманам̣ ахоси, д̇авамадтагаа бхиймарат̇асса жааби;

    ‘‘Mahatthiyaṃ āgamanaṃ ahosi, tavamaṭṭhakā bhīmarathassa cāpi;

    гаалин̇г̇арааж̇асса жа уг̇г̇ад̇асса, саб̣б̣зса во гаамарааг̇о бахийно’’д̇и.

    Kāliṅgarājassa ca uggatassa, sabbesa vo kāmarāgo pahīno’’ti.

    д̇ад̇т̇а махад̇т̇ияанд̇и махад̇т̇ам̣ махаавибпаарам̣ махааж̇уд̇игам̣. д̇авамадтагаад̇и д̇ава адтагаа. бахийнод̇и д̇ад̣̇ан̇г̇аббахаанзна бахийно.

    Tattha mahatthiyanti mahatthaṃ mahāvipphāraṃ mahājutikaṃ. Tavamaṭṭhakāti tava aṭṭhakā. Pahīnoti tadaṅgappahānena pahīno.

    д̇ам̣ суд̇ваа рааж̇аано махаасад̇д̇асса т̇уд̇им̣ гаронд̇аа г̇аат̇амаахам̣су –

    Taṃ sutvā rājāno mahāsattassa thutiṃ karontā gāthamāhaṃsu –

    87.

    87.

    ‘‘звамзд̇ам̣ баражид̇д̇авзд̣̇и, саб̣б̣зса но гаамарааг̇о бахийно;

    ‘‘Evametaṃ paracittavedi, sabbesa no kāmarāgo pahīno;

    гарохи огаасамануг̇г̇ахааяа, яат̇аа г̇ад̇им̣ д̇з абхисамбхавзмаа’’д̇и.

    Karohi okāsamanuggahāya, yathā gatiṃ te abhisambhavemā’’ti.

    д̇ад̇т̇а ануг̇г̇ахааяаад̇и баб̣б̣аж̇ж̇ад̇т̇ааяа огаасам̣ но гарохи. яат̇аа маяам̣ баб̣б̣аж̇ид̇ваа д̇ава г̇ад̇им̣ нибпад̇д̇им̣ абхисамбхавзма баабун̣зяяаама, д̇аяаа бадивид̣̇д̇хаг̇ун̣ам̣ бадивиж̇жхзяяаамаад̇и вад̣̇им̣су.

    Tattha anuggahāyāti pabbajjatthāya okāsaṃ no karohi. Yathā mayaṃ pabbajitvā tava gatiṃ nipphattiṃ abhisambhavema pāpuṇeyyāma, tayā paṭividdhaguṇaṃ paṭivijjheyyāmāti vadiṃsu.

    ат̇а нзсам̣ огаасам̣ гаронд̇о махаасад̇д̇о ид̇арам̣ г̇аат̇амааха –

    Atha nesaṃ okāsaṃ karonto mahāsatto itaraṃ gāthamāha –

    88.

    88.

    ‘‘гароми огаасамануг̇г̇ахааяа, д̇ат̇аа хи во гаамарааг̇о бахийно;

    ‘‘Karomi okāsamanuggahāya, tathā hi vo kāmarāgo pahīno;

    параат̇а гааяам̣ вибулааяа бийд̇ияаа, яат̇аа г̇ад̇им̣ мз абхисамбхавзт̇аа’’д̇и.

    Pharātha kāyaṃ vipulāya pītiyā, yathā gatiṃ me abhisambhavethā’’ti.

    д̇ад̇т̇а параат̇а гааяанд̇и жхаанабийд̇ияаа вибулааяа гааяам̣ парат̇аад̇и.

    Tattha pharātha kāyanti jhānapītiyā vipulāya kāyaṃ pharathāti.

    д̇ам̣ суд̇ваа д̇з самбадижчанд̇аа г̇аат̇амаахам̣су –

    Taṃ sutvā te sampaṭicchantā gāthamāhaṃsu –

    89.

    89.

    ‘‘саб̣б̣ам̣ гариссаама д̇аваанусаасаним̣, яам̣ яам̣ д̇увам̣ вагкаси бхуурибан̃н̃а;

    ‘‘Sabbaṃ karissāma tavānusāsaniṃ, yaṃ yaṃ tuvaṃ vakkhasi bhūripañña;

    параама гааяам̣ вибулааяа бийд̇ияаа, яат̇аа г̇ад̇им̣ д̇з абхисамбхавзмаа’’д̇и.

    Pharāma kāyaṃ vipulāya pītiyā, yathā gatiṃ te abhisambhavemā’’ti.

    ат̇а нзсам̣ саб̣алагааяаанам̣ махаасад̇д̇о баб̣б̣аж̇ж̇ам̣ д̣̇аабзд̇ваа исиг̇ан̣ам̣ уяяож̇знд̇о г̇аат̇амааха –

    Atha nesaṃ sabalakāyānaṃ mahāsatto pabbajjaṃ dāpetvā isigaṇaṃ uyyojento gāthamāha –

    90.

    90.

    ‘‘гад̇ааяа важчасса гисасса бууж̇аа, г̇ажчанд̇у бхонд̇о исаяо саад̇хуруубаа;

    ‘‘Katāya vacchassa kisassa pūjā, gacchantu bhonto isayo sādhurūpā;

    жхаанз рад̇аа хот̇а сад̣̇аа самаахид̇аа, зсаа рад̇ий баб̣б̣аж̇ид̇асса сздтаа’’д̇и.

    Jhāne ratā hotha sadā samāhitā, esā ratī pabbajitassa seṭṭhā’’ti.

    д̇ад̇т̇а г̇ажчанд̇ууд̇и ад̇д̇ано ад̇д̇ано васанадтаанаани г̇ажчанд̇у.

    Tattha gacchantūti attano attano vasanaṭṭhānāni gacchantu.

    исаяо д̇асса сарабхан̇г̇асад̇т̇уно важанам̣ сирасаа самбадижчид̇ваа ванд̣̇ид̇ваа аагаасам̣ уббад̇ид̇ваа сагаани васанадтаанаани г̇амим̣су. саггоби удтааяаасанаа махаасад̇д̇асса т̇уд̇им̣ гад̇ваа ан̃ж̇алим̣ баг̇г̇аяха суурияам̣ намассанд̇о вияа махаасад̇д̇ам̣ намассамаано сабарисо баггаами. зд̇амад̇т̇ам̣ вид̣̇ид̇ваа сад̇т̇аа имаа г̇аат̇ааяо абхааси –

    Isayo tassa sarabhaṅgasatthuno vacanaṃ sirasā sampaṭicchitvā vanditvā ākāsaṃ uppatitvā sakāni vasanaṭṭhānāni gamiṃsu. Sakkopi uṭṭhāyāsanā mahāsattassa thutiṃ katvā añjaliṃ paggayha sūriyaṃ namassanto viya mahāsattaṃ namassamāno sapariso pakkāmi. Etamatthaṃ viditvā satthā imā gāthāyo abhāsi –

    91.

    91.

    ‘‘суд̇ваана г̇аат̇аа барамад̇т̇асам̣хид̇аа, субхаасид̇аа исинаа бан̣д̣ид̇зна;

    ‘‘Sutvāna gāthā paramatthasaṃhitā, subhāsitā isinā paṇḍitena;

    д̇з взд̣̇аж̇аад̇аа анумод̣̇амаанаа, баггааму д̣̇зваа д̣̇звабурам̣ яасассино.

    Te vedajātā anumodamānā, pakkāmu devā devapuraṃ yasassino.

    92.

    92.

    ‘‘г̇аат̇аа имаа ад̇т̇авад̇ий суб̣яан̃ж̇анаа, субхаасид̇аа исинаа бан̣д̣ид̇зна;

    ‘‘Gāthā imā atthavatī subyañjanā, subhāsitā isinā paṇḍitena;

    яо гожимаа адтигад̇ваа сун̣зяяа, лабхзт̇а буб̣б̣аабарияам̣ висзсам̣;

    Yo kocimā aṭṭhikatvā suṇeyya, labhetha pubbāpariyaṃ visesaṃ;

    лад̣̇д̇хаана буб̣б̣аабарияам̣ висзсам̣, ад̣̇ассанам̣ мажжурааж̇асса г̇ажчз’’д̇и.

    Laddhāna pubbāpariyaṃ visesaṃ, adassanaṃ maccurājassa gacche’’ti.

    д̇ад̇т̇а барамад̇т̇асам̣хид̇аад̇и анижжаад̣̇ид̣̇ийбанзна ниб̣б̣аананиссид̇аа. г̇аат̇аа имаад̇и ид̣̇ам̣ сад̇т̇аа сарабхан̇г̇асад̇т̇уно ниб̣б̣аанад̣̇ааяагам̣ субхаасид̇ам̣ ван̣н̣знд̇о ааха. д̇ад̇т̇а ад̇т̇авад̇ийд̇и ниб̣б̣аанад̣̇ааяагадтзна барамад̇т̇аниссид̇аа. суб̣яан̃ж̇анаад̇и барисуд̣̇д̇хаб̣яан̃ж̇анаа. субхаасид̇аад̇и сугат̇ид̇аа. адтигад̇ваад̇и ад̇д̇ано ад̇т̇игабхаавам̣ гад̇ваа ад̇т̇иго худ̇ваа саггажжам̣ сун̣зяяа. буб̣б̣аабарияанд̇и батамаж̇жхаанам̣ буб̣б̣ависзсо, д̣̇уд̇ияаж̇жхаанам̣ абарависзсо. д̣̇уд̇ияаж̇жхаанам̣ буб̣б̣ависзсо, д̇ад̇ияаж̇жхаанам̣ абарависзсод̇и звам̣ адтасамаабад̇д̇ижад̇умаг̇г̇авасзна буб̣б̣аабарабхаавзна тид̇ам̣ висзсам̣. ад̣̇ассананд̇и барияосаанз абарависзсам̣ арахад̇д̇ам̣ лабхид̇ваа ниб̣б̣аанам̣ баабун̣зяяа. ниб̣б̣аанаббад̇д̇о хи буг̇г̇ало мажжурааж̇асса ад̣̇ассанам̣ г̇ад̇о наама ход̇ийд̇и.

    Tattha paramatthasaṃhitāti aniccādidīpanena nibbānanissitā. Gāthā imāti idaṃ satthā sarabhaṅgasatthuno nibbānadāyakaṃ subhāsitaṃ vaṇṇento āha. Tattha atthavatīti nibbānadāyakaṭṭhena paramatthanissitā. Subyañjanāti parisuddhabyañjanā. Subhāsitāti sukathitā. Aṭṭhikatvāti attano atthikabhāvaṃ katvā atthiko hutvā sakkaccaṃ suṇeyya. Pubbāpariyanti paṭhamajjhānaṃ pubbaviseso, dutiyajjhānaṃ aparaviseso. Dutiyajjhānaṃ pubbaviseso, tatiyajjhānaṃ aparavisesoti evaṃ aṭṭhasamāpatticatumaggavasena pubbāparabhāvena ṭhitaṃ visesaṃ. Adassananti pariyosāne aparavisesaṃ arahattaṃ labhitvā nibbānaṃ pāpuṇeyya. Nibbānappatto hi puggalo maccurājassa adassanaṃ gato nāma hotīti.

    звам̣ сад̇т̇аа арахад̇д̇зна д̣̇зсанааяа гуудам̣ г̇ан̣хид̇ваа ‘‘на, бхигкавз, ид̣̇аанзва, буб̣б̣зби мог̇г̇аллаанасса аал̣ааханз бубпавассам̣ вассий’’д̇и вад̇ваа сажжаани багаасзд̇ваа ж̇аад̇агам̣ самод̇хаанзнд̇о ааха –

    Evaṃ satthā arahattena desanāya kūṭaṃ gaṇhitvā ‘‘na, bhikkhave, idāneva, pubbepi moggallānassa āḷāhane pupphavassaṃ vassī’’ti vatvā saccāni pakāsetvā jātakaṃ samodhānento āha –

    93.

    93.

    ‘‘саалиссаро саарибуд̇д̇о, мзн̣д̣иссаро жа гассабо;

    ‘‘Sālissaro sāriputto, meṇḍissaro ca kassapo;

    баб̣б̣ад̇о ануруд̣̇д̇хо жа, гажжааяано жа д̣̇звало;

    Pabbato anuruddho ca, kaccāyano ca devalo;

    94.

    94.

    ‘‘анусиссо жа аананд̣̇о, гисаважчо жа голид̇о;

    ‘‘Anusisso ca ānando, kisavaccho ca kolito;

    наарад̣̇о уд̣̇ааяид̇т̇зро, барисаа б̣уд̣̇д̇хабарисаа;

    Nārado udāyitthero, parisā buddhaparisā;

    сарабхан̇г̇о логанаат̇о, звам̣ д̇хаарзт̇а ж̇аад̇ага’’нд̇и.

    Sarabhaṅgo lokanātho, evaṃ dhāretha jātaka’’nti.

    сарабхан̇г̇аж̇аад̇агаван̣н̣анаа д̣̇уд̇ияаа.

    Sarabhaṅgajātakavaṇṇanā dutiyā.




    Next: [523] 3. аламб̣усааж̇аад̇агаван̣н̣анаа • [523] 3. Alambusājātakavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 522. сарабхан̇г̇аж̇аад̇агам̣ • 522. Sarabhaṅgajātakaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact