| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੩. ਸਰਦਸੁਤ੍ਤવਣ੍ਣਨਾ
3. Saradasuttavaṇṇanā
੯੫. ਤਤਿਯੇ વਿਦ੍ਧੇਤਿ ਦੂਰੀਭੂਤੇ। ਦੂਰਭਾવੋ ਚ ਆਕਾਸਸ੍ਸ વਲਾਹਕવਿਗਮੇਨ ਹੋਤੀਤਿ ਆਹ ‘‘વਲਾਹਕવਿਗਮੇਨ ਦੂਰੀਭੂਤੇ’’ਤਿ। ਤੇਨੇવ ਹਿ ‘‘વਿਦ੍ਧੇ વਿਗਤવਲਾਹਕੇ’’ਤਿ વੁਤ੍ਤਂ। ਨਭਂ ਅਬ੍ਭੁਸ੍ਸਕ੍ਕਮਾਨੋਤਿ ਆਕਾਸਂ ਅਭਿਲਙ੍ਘਨ੍ਤੋ। ਇਮਿਨਾ ਤਰੁਣਸੂਰਿਯਭਾવੋ ਦਸ੍ਸਿਤੋ। ਨਾਤਿਦੂਰੋਦਿਤੇ ਹਿ ਆਦਿਚ੍ਚੇ ਤਰੁਣਸੂਰਿਯਸਮਞ੍ਞਾ। ਦੁવਿਧਮੇવਸ੍ਸ ਸਂਯੋਜਨਂ ਨਤ੍ਥੀਤਿ ਓਰਮ੍ਭਾਗਿਯਉਦ੍ਧਮ੍ਭਾਗਿਯવਸੇਨ ਦੁવਿਧਮ੍ਪਿ ਸਂਯੋਜਨਂ ਅਸ੍ਸ ਪਠਮਜ੍ਝਾਨਲਾਭਿਨੋ ਅਰਿਯਸਾવਕਸ੍ਸ ਨਤ੍ਥਿ। ਕਸ੍ਮਾ ਪਨਸ੍ਸ ਉਦ੍ਧਮ੍ਭਾਗਿਯਸਂਯੋਜਨਮ੍ਪਿ ਨਤ੍ਥੀਤਿ વੁਤ੍ਤਂ। ਓਰਮ੍ਭਾਗਿਯਸਂਯੋਜਨਾਨਮੇવ ਹੇਤ੍ਥ ਪਹਾਨਂ વੁਤ੍ਤਨ੍ਤਿ ਆਹ ‘‘ਇਤਰਮ੍ਪੀ’’ਤਿਆਦਿ, ਇਤਰਂ ਉਦ੍ਧਮ੍ਭਾਗਿਯਸਂਯੋਜਨਂ ਪੁਨ ਇਮਂ ਲੋਕਂ ਪਟਿਸਨ੍ਧਿવਸੇਨ ਆਨੇਤੁਂ ਅਸਮਤ੍ਥਤਾਯ ਨਤ੍ਥੀਤਿ વੁਤ੍ਤਨ੍ਤਿ ਅਤ੍ਥੋ। ਝਾਨਲਾਭਿਨੋ ਹਿ ਸਬ੍ਬੇਪਿ ਅਰਿਯਾ ਬ੍ਰਹ੍ਮਲੋਕੂਪਪਨ੍ਨਾ ਹੇਟ੍ਠਾ ਨ ਉਪ੍ਪਜ੍ਜਨ੍ਤਿ, ਉਦ੍ਧਂ ਉਦ੍ਧਂ ਉਪ੍ਪਜ੍ਜਨ੍ਤਾਪਿ વੇਹਪ੍ਫਲਂ ਅਕਨਿਟ੍ਠਂ ਭવਗ੍ਗਞ੍ਚ ਪਤ੍વਾ ਨ ਪੁਨਞ੍ਞਤ੍ਥ ਜਾਯਨ੍ਤਿ, ਤਤ੍ਥ ਤਤ੍ਥੇવ ਅਰਹਤ੍ਤਂ ਪਤ੍વਾ ਪਰਿਨਿਬ੍ਬਾਯਨ੍ਤਿ। ਤੇਨੇવਾਹ ‘‘ਇਮਸ੍ਮਿਂ ਸੁਤ੍ਤੇ ਝਾਨਾਨਾਗਾਮੀ ਨਾਮ ਕਥਿਤੋ’’ਤਿ। ਝਾਨવਸੇਨ ਹਿ ਹੇਟ੍ਠਾ ਨ ਆਗਚ੍ਛਤੀਤਿ ਝਾਨਾਨਾਗਾਮੀ।
95. Tatiye viddheti dūrībhūte. Dūrabhāvo ca ākāsassa valāhakavigamena hotīti āha ‘‘valāhakavigamena dūrībhūte’’ti. Teneva hi ‘‘viddhe vigatavalāhake’’ti vuttaṃ. Nabhaṃ abbhussakkamānoti ākāsaṃ abhilaṅghanto. Iminā taruṇasūriyabhāvo dassito. Nātidūrodite hi ādicce taruṇasūriyasamaññā. Duvidhamevassa saṃyojanaṃ natthīti orambhāgiyauddhambhāgiyavasena duvidhampi saṃyojanaṃ assa paṭhamajjhānalābhino ariyasāvakassa natthi. Kasmā panassa uddhambhāgiyasaṃyojanampi natthīti vuttaṃ. Orambhāgiyasaṃyojanānameva hettha pahānaṃ vuttanti āha ‘‘itarampī’’tiādi, itaraṃ uddhambhāgiyasaṃyojanaṃ puna imaṃ lokaṃ paṭisandhivasena ānetuṃ asamatthatāya natthīti vuttanti attho. Jhānalābhino hi sabbepi ariyā brahmalokūpapannā heṭṭhā na uppajjanti, uddhaṃ uddhaṃ uppajjantāpi vehapphalaṃ akaniṭṭhaṃ bhavaggañca patvā na punaññattha jāyanti, tattha tattheva arahattaṃ patvā parinibbāyanti. Tenevāha ‘‘imasmiṃ sutte jhānānāgāmī nāma kathito’’ti. Jhānavasena hi heṭṭhā na āgacchatīti jhānānāgāmī.
ਸਰਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Saradasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਸਰਦਸੁਤ੍ਤਂ • 3. Saradasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੩. ਸਰਦਸੁਤ੍ਤવਣ੍ਣਨਾ • 3. Saradasuttavaṇṇanā
