| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૩. તતિયપણ્ણાસકં
3. Tatiyapaṇṇāsakaṃ
(૧૧) ૧. ફાસુવિહારવગ્ગો
(11) 1. Phāsuvihāravaggo
૧-૪. સારજ્જસુત્તાદિવણ્ણના
1-4. Sārajjasuttādivaṇṇanā
૧૦૧-૪. તતિયસ્સ પઠમે નત્થિ વત્તબ્બં. દુતિયે પિણ્ડપાતાદિઅત્થાય ઉપસઙ્કમિતું યુત્તટ્ઠાનં ગોચરો, વેસિયા ગોચરો અસ્સાતિ વેસિયાગોચરો, મિત્તસન્થવવસેન ઉપસઙ્કમિતબ્બટ્ઠાનન્તિ અત્થો. વેસિયા નામ રૂપૂપજીવિનિયો, તા મિત્તસન્થવવસેન ન ઉપસઙ્કમિતબ્બા સમણભાવસ્સ અન્તરાયકરત્તા, પરિસુદ્ધાસયસ્સપિ ગરહાહેતુતો, તસ્મા દક્ખિણાદાનવસેન સતિં ઉપટ્ઠપેત્વા ઉપસઙ્કમિતબ્બં. વિધવા વુચ્ચન્તિ મતપતિકા, પવુત્થપતિકા વા. થુલ્લકુમારિયોતિ મહલ્લિકા અનિવિદ્ધા કુમારિયો. પણ્ડકાતિ નપુંસકા. તે હિ ઉસ્સન્નકિલેસા અવૂપસન્તપરિળાહા લોકામિસનિસ્સિતકથાબહુલા, તસ્મા ન ઉપસઙ્કમિતબ્બા. ભિક્ખુનિયો નામ ઉસ્સન્નબ્રહ્મચરિયા. તથા ભિક્ખૂપિ. અઞ્ઞમઞ્ઞં વિસભાગવત્થુભાવતો સન્થવવસેન ઉપસઙ્કમને કતિપાહેનેવ બ્રહ્મચરિયન્તરાયો સિયા, તસ્મા ન ઉપસઙ્કમિતબ્બા, ગિલાનપુચ્છનાદિવસેન ઉપસઙ્કમને સતોકારિના ભવિતબ્બં. તતિયચતુત્થાનિ ઉત્તાનત્થાનેવ.
101-4. Tatiyassa paṭhame natthi vattabbaṃ. Dutiye piṇḍapātādiatthāya upasaṅkamituṃ yuttaṭṭhānaṃ gocaro, vesiyā gocaro assāti vesiyāgocaro, mittasanthavavasena upasaṅkamitabbaṭṭhānanti attho. Vesiyā nāma rūpūpajīviniyo, tā mittasanthavavasena na upasaṅkamitabbā samaṇabhāvassa antarāyakarattā, parisuddhāsayassapi garahāhetuto, tasmā dakkhiṇādānavasena satiṃ upaṭṭhapetvā upasaṅkamitabbaṃ. Vidhavā vuccanti matapatikā, pavutthapatikā vā. Thullakumāriyoti mahallikā anividdhā kumāriyo. Paṇḍakāti napuṃsakā. Te hi ussannakilesā avūpasantapariḷāhā lokāmisanissitakathābahulā, tasmā na upasaṅkamitabbā. Bhikkhuniyo nāma ussannabrahmacariyā. Tathā bhikkhūpi. Aññamaññaṃ visabhāgavatthubhāvato santhavavasena upasaṅkamane katipāheneva brahmacariyantarāyo siyā, tasmā na upasaṅkamitabbā, gilānapucchanādivasena upasaṅkamane satokārinā bhavitabbaṃ. Tatiyacatutthāni uttānatthāneva.
સારજ્જસુત્તાદિવણ્ણના નિટ્ઠિતા.
Sārajjasuttādivaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya
૧. સારજ્જસુત્તં • 1. Sārajjasuttaṃ
૨. ઉસ્સઙ્કિતસુત્તં • 2. Ussaṅkitasuttaṃ
૩. મહાચોરસુત્તં • 3. Mahācorasuttaṃ
૪. સમણસુખુમાલસુત્તં • 4. Samaṇasukhumālasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)
૧. સારજ્જસુત્તવણ્ણના • 1. Sārajjasuttavaṇṇanā
૨. ઉસ્સઙ્કિતસુત્તવણ્ણના • 2. Ussaṅkitasuttavaṇṇanā
૩. મહાચોરસુત્તવણ્ણના • 3. Mahācorasuttavaṇṇanā
