| Library / Tipiṭaka / ਤਿਪਿਟਕ • Tipiṭaka / ਜਾਤਕ-ਅਟ੍ਠਕਥਾ • Jātaka-aṭṭhakathā |
[੮੮] ੮. ਸਾਰਮ੍ਭਜਾਤਕવਣ੍ਣਨਾ
[88] 8. Sārambhajātakavaṇṇanā
ਕਲ੍ਯਾਣਿਮੇવ ਮੁਞ੍ਚੇਯ੍ਯਾਤਿ ਇਦਂ ਸਤ੍ਥਾ ਜੇਤવਨੇ વਿਹਰਨ੍ਤੋ ਓਮਸવਾਦਸਿਕ੍ਖਾਪਦਂ (ਪਾਚਿ॰ ੧੫) ਆਰਬ੍ਭ ਕਥੇਸਿ। ਦ੍વੇਪਿ વਤ੍ਥੂਨਿ ਹੇਟ੍ਠਾ ਨਨ੍ਦਿવਿਸਾਲਜਾਤਕੇ વੁਤ੍ਤਸਦਿਸਾਨੇવ। ਇਮਸ੍ਮਿਂ ਪਨ ਜਾਤਕੇ ਬੋਧਿਸਤ੍ਤੋ ਗਨ੍ਧਾਰਰਟ੍ਠੇ ਤਕ੍ਕਸਿਲਾਯਂ ਅਞ੍ਞਤਰਸ੍ਸ ਬ੍ਰਾਹ੍ਮਣਸ੍ਸ ਸਾਰਮ੍ਭੋ ਨਾਮ ਬਲਿਬਦ੍ਦੋ ਅਹੋਸਿ। ਸਤ੍ਥਾ ਇਦਂ ਅਤੀਤવਤ੍ਥੁਂ ਕਥੇਤ੍વਾ ਅਭਿਸਮ੍ਬੁਦ੍ਧੋ ਹੁਤ੍વਾ ਇਮਂ ਗਾਥਮਾਹ –
Kalyāṇimeva muñceyyāti idaṃ satthā jetavane viharanto omasavādasikkhāpadaṃ (pāci. 15) ārabbha kathesi. Dvepi vatthūni heṭṭhā nandivisālajātake vuttasadisāneva. Imasmiṃ pana jātake bodhisatto gandhāraraṭṭhe takkasilāyaṃ aññatarassa brāhmaṇassa sārambho nāma balibaddo ahosi. Satthā idaṃ atītavatthuṃ kathetvā abhisambuddho hutvā imaṃ gāthamāha –
੮੮.
88.
‘‘ਕਲ੍ਯਾਣਿਮੇવ ਮੁਞ੍ਚੇਯ੍ਯ, ਨ ਹਿ ਮੁਞ੍ਚੇਯ੍ਯ ਪਾਪਿਕਂ।
‘‘Kalyāṇimeva muñceyya, na hi muñceyya pāpikaṃ;
ਮੋਕ੍ਖੋ ਕਲ੍ਯਾਣਿਯਾ ਸਾਧੁ, ਮੁਤ੍વਾ ਤਪ੍ਪਤਿ ਪਾਪਿਕ’’ਨ੍ਤਿ॥
Mokkho kalyāṇiyā sādhu, mutvā tappati pāpika’’nti.
ਤਤ੍ਥ ਕਲ੍ਯਾਣਿਮੇવ ਮੁਞ੍ਚੇਯ੍ਯਾਤਿ ਚਤੁਦੋਸવਿਨਿਮੁਤ੍ਤਂ ਕਲ੍ਯਾਣਿਂ ਸੁਨ੍ਦਰਂ ਅਨવਜ੍ਜਂ વਾਚਮੇવ ਮੁਞ੍ਚੇਯ੍ਯ વਿਸ੍ਸਜ੍ਜੇਯ੍ਯ ਕਥੇਯ੍ਯ। ਨ ਹਿ ਮੁਞ੍ਚੇਯ੍ਯ ਪਾਪਿਕਨ੍ਤਿ ਪਾਪਿਕਂ ਲਾਮਿਕਂ ਪਰੇਸਂ ਅਪ੍ਪਿਯਂ ਅਮਨਾਪਂ ਨ ਮੁਞ੍ਚੇਯ੍ਯ ਨ ਕਥੇਯ੍ਯ। ਮੋਕ੍ਖੋ ਕਲ੍ਯਾਣਿਯਾ ਸਾਧੂਤਿ ਕਲ੍ਯਾਣવਾਚਾਯ વਿਸ੍ਸਜ੍ਜਨਮੇવ ਇਮਸ੍ਮਿਂ ਲੋਕੇ ਸਾਧੁ ਸੁਨ੍ਦਰਂ ਭਦ੍ਦਕਂ। ਮੁਤ੍વਾ ਤਪ੍ਪਤਿ ਪਾਪਿਕਨ੍ਤਿ ਪਾਪਿਕਂ ਫਰੁਸવਾਚਂ ਮੁਞ੍ਚਿਤ੍વਾ વਿਸ੍ਸਜ੍ਜੇਤ੍વਾ ਕਥੇਤ੍વਾ ਸੋ ਪੁਗ੍ਗਲੋ ਤਪ੍ਪਤਿ ਸੋਚਤਿ ਕਿਲਮਤੀਤਿ।
Tattha kalyāṇimeva muñceyyāti catudosavinimuttaṃ kalyāṇiṃ sundaraṃ anavajjaṃ vācameva muñceyya vissajjeyya katheyya. Na hi muñceyya pāpikanti pāpikaṃ lāmikaṃ paresaṃ appiyaṃ amanāpaṃ na muñceyya na katheyya. Mokkhokalyāṇiyā sādhūti kalyāṇavācāya vissajjanameva imasmiṃ loke sādhu sundaraṃ bhaddakaṃ. Mutvā tappati pāpikanti pāpikaṃ pharusavācaṃ muñcitvā vissajjetvā kathetvā so puggalo tappati socati kilamatīti.
ਏવਂ ਸਤ੍ਥਾ ਇਮਂ ਧਮ੍ਮਦੇਸਨਂ ਆਹਰਿਤ੍વਾ ਜਾਤਕਂ ਸਮੋਧਾਨੇਸਿ – ‘‘ਤਦਾ ਬ੍ਰਾਹ੍ਮਣੋ ਆਨਨ੍ਦੋ ਅਹੋਸਿ, ਬ੍ਰਾਹ੍ਮਣੀ ਉਪ੍ਪਲવਣ੍ਣਾ, ਸਾਰਮ੍ਭੋ ਪਨ ਅਹਮੇવ ਅਹੋਸਿ’’ਨ੍ਤਿ।
Evaṃ satthā imaṃ dhammadesanaṃ āharitvā jātakaṃ samodhānesi – ‘‘tadā brāhmaṇo ānando ahosi, brāhmaṇī uppalavaṇṇā, sārambho pana ahameva ahosi’’nti.
ਸਾਰਮ੍ਭਜਾਤਕવਣ੍ਣਨਾ ਅਟ੍ਠਮਾ।
Sārambhajātakavaṇṇanā aṭṭhamā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਜਾਤਕਪਾਲ਼ਿ • Jātakapāḷi / ੮੮. ਸਾਰਮ੍ਭਜਾਤਕਂ • 88. Sārambhajātakaṃ
