| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३. सरणगमनियत्थेरअपदानं
3. Saraṇagamaniyattheraapadānaṃ
२०.
20.
‘‘उभिन्नं देवराजूनं, सङ्गामो समुपट्ठितो।
‘‘Ubhinnaṃ devarājūnaṃ, saṅgāmo samupaṭṭhito;
२१.
21.
‘‘पदुमुत्तरो लोकविदू, आहुतीनं पटिग्गहो।
‘‘Padumuttaro lokavidū, āhutīnaṃ paṭiggaho;
अन्तलिक्खे ठितो सत्था, संवेजेसि महाजनं॥
Antalikkhe ṭhito satthā, saṃvejesi mahājanaṃ.
२२.
22.
‘‘सब्बे देवा अत्तमना, निक्खित्तकवचावुधा।
‘‘Sabbe devā attamanā, nikkhittakavacāvudhā;
सम्बुद्धं अभिवादेत्वा, एकग्गासिंसु तावदे॥
Sambuddhaṃ abhivādetvā, ekaggāsiṃsu tāvade.
२३.
23.
अनुकम्पको लोकविदू, निब्बापेसि महाजनं॥
Anukampako lokavidū, nibbāpesi mahājanaṃ.
२४.
24.
‘‘पदुट्ठचित्तो मनुजो, एकपाणं विहेठयं।
‘‘Paduṭṭhacitto manujo, ekapāṇaṃ viheṭhayaṃ;
तेन चित्तप्पदोसेन, अपायं उपपज्जति॥
Tena cittappadosena, apāyaṃ upapajjati.
२५.
25.
‘‘सङ्गामसीसे नागोव, बहू पाणे विहेठयं।
‘‘Saṅgāmasīse nāgova, bahū pāṇe viheṭhayaṃ;
निब्बापेथ सकं चित्तं, मा हञ्ञित्थो पुनप्पुनं॥
Nibbāpetha sakaṃ cittaṃ, mā haññittho punappunaṃ.
२६.
26.
‘‘द्विन्नम्पि यक्खराजूनं, सेना सा विम्हिता अहु 7।
‘‘Dvinnampi yakkharājūnaṃ, senā sā vimhitā ahu 8;
सरणञ्च उपागच्छुं, लोकजेट्ठं सुतादिनं॥
Saraṇañca upāgacchuṃ, lokajeṭṭhaṃ sutādinaṃ.
२७.
27.
पेक्खमानोव देवेहि, पक्कामि उत्तरामुखो॥
Pekkhamānova devehi, pakkāmi uttarāmukho.
२८.
28.
‘‘पठमं सरणं गच्छिं, द्विपदिन्दस्स तादिनो।
‘‘Paṭhamaṃ saraṇaṃ gacchiṃ, dvipadindassa tādino;
कप्पानं सतसहस्सं, दुग्गतिं नुपपज्जहं॥
Kappānaṃ satasahassaṃ, duggatiṃ nupapajjahaṃ.
२९.
29.
‘‘महादुन्दुभिनामा च, सोळसासुं रथेसभा।
‘‘Mahādundubhināmā ca, soḷasāsuṃ rathesabhā;
तिंसकप्पसहस्सम्हि, राजानो चक्कवत्तिनो॥
Tiṃsakappasahassamhi, rājāno cakkavattino.
३०.
30.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सरणगमनियो थेरो इमा गाथायो अभासित्थाति।
Itthaṃ sudaṃ āyasmā saraṇagamaniyo thero imā gāthāyo abhāsitthāti.
सरणगमनियत्थेरस्सापदानं ततियं।
Saraṇagamaniyattherassāpadānaṃ tatiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ३. सरणगमनियत्थेरअपदानवण्णना • 3. Saraṇagamaniyattheraapadānavaṇṇanā
