| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. саарибуд̇д̇асуд̇д̇ам̣
2. Sāriputtasuttaṃ
52. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа –
52. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca –
‘‘но жз, аавусо, бхигку баражид̇д̇абарияааяагусало ход̇и, ат̇а ‘сажид̇д̇абарияааяагусало бхависсаамий’д̇и – зван̃хи во, аавусо, сигкид̇аб̣б̣ам̣.
‘‘No ce, āvuso, bhikkhu paracittapariyāyakusalo hoti, atha ‘sacittapariyāyakusalo bhavissāmī’ti – evañhi vo, āvuso, sikkhitabbaṃ.
‘‘гат̇ан̃жаавусо , бхигку сажид̇д̇абарияааяагусало ход̇и? сзяяат̇ааби, аавусо, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго аад̣̇аасз ваа барисуд̣̇д̇хз барияод̣̇аад̇з ажчз ваа уд̣̇абад̇д̇з сагам̣ муканимид̇д̇ам̣ бажжавзгкамаано сажз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇ассзва раж̇асса ваа ан̇г̇ан̣асса ваа бахаанааяа вааяамад̇и. но жз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇знзвад̇д̇амано ход̇и барибун̣н̣асан̇габбо – ‘лаабхаа вад̇а мз, барисуд̣̇д̇хам̣ вад̇а мз’д̇и.
‘‘Kathañcāvuso , bhikkhu sacittapariyāyakusalo hoti? Seyyathāpi, āvuso, itthī vā puriso vā daharo yuvā maṇḍanakajātiko ādāse vā parisuddhe pariyodāte acche vā udapatte sakaṃ mukhanimittaṃ paccavekkhamāno sace tattha passati rajaṃ vā aṅgaṇaṃ vā, tasseva rajassa vā aṅgaṇassa vā pahānāya vāyamati. No ce tattha passati rajaṃ vā aṅgaṇaṃ vā, tenevattamano hoti paripuṇṇasaṅkappo – ‘lābhā vata me, parisuddhaṃ vata me’ti.
звамзвам̣ ко, аавусо, бхигкуно бажжавзгкан̣аа б̣ахугаараа ход̇и гусалзсу д̇хаммзсу – ‘абхиж̇жхаалу ну ко б̣ахулам̣ вихараами, анабхиж̇жхаалу ну ко б̣ахулам̣ вихараами, б̣яаабаннажид̇д̇о ну ко б̣ахулам̣ вихараами, аб̣яаабаннажид̇д̇о ну ко б̣ахулам̣ вихараами, т̇инамид̣̇д̇хабарияудтид̇о ну ко б̣ахулам̣ вихараами, виг̇ад̇ат̇инамид̣̇д̇хо ну ко б̣ахулам̣ вихараами, уд̣̇д̇хад̇о ну ко б̣ахулам̣ вихараами, ануд̣̇д̇хад̇о ну ко б̣ахулам̣ вихараами, вижигижчо ну ко б̣ахулам̣ вихараами, д̇ин̣н̣авижигижчо ну ко б̣ахулам̣ вихараами, год̇хано ну ко б̣ахулам̣ вихараами, аггод̇хано ну ко б̣ахулам̣ вихараами, сам̣гилидтажид̇д̇о ну ко б̣ахулам̣ вихараами, асам̣гилидтажид̇д̇о ну ко б̣ахулам̣ вихараами, саарад̣̇д̇хагааяо ну ко б̣ахулам̣ вихараами, асаарад̣̇д̇хагааяо ну ко б̣ахулам̣ вихараами, гусийд̇о ну ко б̣ахулам̣ вихараами, аарад̣̇д̇хавийрияо ну ко б̣ахулам̣ вихараами, самаахид̇о ну ко б̣ахулам̣ вихараами, асамаахид̇о ну ко б̣ахулам̣ вихараамий’д̇и.
Evamevaṃ kho, āvuso, bhikkhuno paccavekkhaṇā bahukārā hoti kusalesu dhammesu – ‘abhijjhālu nu kho bahulaṃ viharāmi, anabhijjhālu nu kho bahulaṃ viharāmi, byāpannacitto nu kho bahulaṃ viharāmi, abyāpannacitto nu kho bahulaṃ viharāmi, thinamiddhapariyuṭṭhito nu kho bahulaṃ viharāmi, vigatathinamiddho nu kho bahulaṃ viharāmi, uddhato nu kho bahulaṃ viharāmi, anuddhato nu kho bahulaṃ viharāmi, vicikiccho nu kho bahulaṃ viharāmi, tiṇṇavicikiccho nu kho bahulaṃ viharāmi, kodhano nu kho bahulaṃ viharāmi, akkodhano nu kho bahulaṃ viharāmi, saṃkiliṭṭhacitto nu kho bahulaṃ viharāmi, asaṃkiliṭṭhacitto nu kho bahulaṃ viharāmi, sāraddhakāyo nu kho bahulaṃ viharāmi, asāraddhakāyo nu kho bahulaṃ viharāmi, kusīto nu kho bahulaṃ viharāmi, āraddhavīriyo nu kho bahulaṃ viharāmi, samāhito nu kho bahulaṃ viharāmi, asamāhito nu kho bahulaṃ viharāmī’ti.
‘‘сажз, аавусо, бхигку бажжавзгкамаано звам̣ ж̇аанаад̇и – ‘абхиж̇жхаалу б̣ахулам̣ вихараами…бз… асамаахид̇о б̣ахулам̣ вихараамий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣. сзяяат̇ааби, аавусо, аад̣̇ид̇д̇ажзло ваа аад̣̇ид̇д̇асийсо ваа. д̇ассзва жзласса ваа сийсасса ваа ниб̣б̣аабанааяа ад̇химад̇д̇ам̣ чанд̣̇ан̃жа вааяааман̃жа уссаахан̃жа уссол̣хин̃жа аббадиваанин̃жа сад̇ин̃жа самбаж̇ан̃н̃ан̃жа гарзяяа. звамзвам̣ ко, аавусо, д̇зна бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа ад̇химад̇д̇о чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа гаран̣ийяам̣.
‘‘Sace, āvuso, bhikkhu paccavekkhamāno evaṃ jānāti – ‘abhijjhālu bahulaṃ viharāmi…pe… asamāhito bahulaṃ viharāmī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya adhimatto chando ca vāyāmo ca ussāho ca ussoḷhī ca appaṭivānī ca sati ca sampajaññañca karaṇīyaṃ. Seyyathāpi, āvuso, ādittacelo vā ādittasīso vā. Tasseva celassa vā sīsassa vā nibbāpanāya adhimattaṃ chandañca vāyāmañca ussāhañca ussoḷhiñca appaṭivāniñca satiñca sampajaññañca kareyya. Evamevaṃ kho, āvuso, tena bhikkhunā tesaṃyeva pāpakānaṃ akusalānaṃ dhammānaṃ pahānāya adhimatto chando ca vāyāmo ca ussāho ca ussoḷhī ca appaṭivānī ca sati ca sampajaññañca karaṇīyaṃ.
‘‘сажз банаавусо, бхигку бажжавзгкамаано звам̣ ж̇аанаад̇и – ‘анабхиж̇жхаалу б̣ахулам̣ вихараами…бз… самаахид̇о б̣ахулам̣ вихараамий’д̇и, д̇знаавусо, бхигкунаа д̇зсуязва гусалзсу д̇хаммзсу бад̇идтааяа уд̇д̇ари аасаваанам̣ каяааяа яог̇о гаран̣ийяо’’д̇и. д̣̇уд̇ияам̣.
‘‘Sace panāvuso, bhikkhu paccavekkhamāno evaṃ jānāti – ‘anabhijjhālu bahulaṃ viharāmi…pe… samāhito bahulaṃ viharāmī’ti, tenāvuso, bhikkhunā tesuyeva kusalesu dhammesu patiṭṭhāya uttari āsavānaṃ khayāya yogo karaṇīyo’’ti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-4. сажид̇д̇асуд̇д̇аад̣̇иван̣н̣анаа • 1-4. Sacittasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. сажид̇д̇асуд̇д̇аад̣̇иван̣н̣анаа • 1-10. Sacittasuttādivaṇṇanā
