| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. саарибуд̇д̇асуд̇д̇ам̣
3. Sāriputtasuttaṃ
3. саавад̇т̇инид̣̇аанам̣. ат̇а ко ааяасмаа саарибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘сагаламид̣̇ам̣, бханд̇з, б̣рахмажарияам̣, яад̣̇ид̣̇ам̣ – галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа’’д̇и.
3. Sāvatthinidānaṃ. Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sāriputto bhagavantaṃ etadavoca – ‘‘sakalamidaṃ, bhante, brahmacariyaṃ, yadidaṃ – kalyāṇamittatā kalyāṇasahāyatā kalyāṇasampavaṅkatā’’ti.
‘‘саад̇ху саад̇ху, саарибуд̇д̇а! сагаламид̣̇ам̣, саарибуд̇д̇а, б̣рахмажарияам̣, яад̣̇ид̣̇ам̣ – галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа. галяаан̣амид̇д̇ассзд̇ам̣, саарибуд̇д̇а, бхигкуно баадиган̇кам̣ галяаан̣асахааяасса галяаан̣асамбаван̇гасса – арияам̣ адтан̇г̇игам̣ маг̇г̇ам̣ бхаавзссад̇и, арияам̣ адтан̇г̇игам̣ маг̇г̇ам̣ б̣ахулийгариссад̇и. гат̇ан̃жа, саарибуд̇д̇а, бхигку галяаан̣амид̇д̇о галяаан̣асахааяо галяаан̣асамбаван̇го арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇и?
‘‘Sādhu sādhu, sāriputta! Sakalamidaṃ, sāriputta, brahmacariyaṃ, yadidaṃ – kalyāṇamittatā kalyāṇasahāyatā kalyāṇasampavaṅkatā. Kalyāṇamittassetaṃ, sāriputta, bhikkhuno pāṭikaṅkhaṃ kalyāṇasahāyassa kalyāṇasampavaṅkassa – ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. Kathañca, sāriputta, bhikkhu kalyāṇamitto kalyāṇasahāyo kalyāṇasampavaṅko ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti?
‘‘ид̇ха, саарибуд̇д̇а, бхигку саммаад̣̇идтим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣…бз… саммаасамаад̇хим̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣. звам̣ ко, саарибуд̇д̇а, бхигку галяаан̣амид̇д̇о галяаан̣асахааяо галяаан̣асамбаван̇го арияам̣ адтан̇г̇игам̣ маг̇г̇ам̣ бхаавзд̇и, арияам̣ адтан̇г̇игам̣ маг̇г̇ам̣ б̣ахулийгарод̇и.
‘‘Idha, sāriputta, bhikkhu sammādiṭṭhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, sāriputta, bhikkhu kalyāṇamitto kalyāṇasahāyo kalyāṇasampavaṅko ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti.
‘‘д̇ад̣̇аминаабзд̇ам̣, саарибуд̇д̇а, барияааязна взд̣̇ид̇аб̣б̣ам̣ яат̇аа сагаламид̣̇ам̣ б̣рахмажарияам̣, яад̣̇ид̣̇ам̣ – галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа. маман̃хи, саарибуд̇д̇а, галяаан̣амид̇д̇ам̣ ааг̇амма ж̇аад̇ид̇хаммаа сад̇д̇аа ж̇аад̇ияаа баримужжанд̇и; ж̇араад̇хаммаа сад̇д̇аа ж̇арааяа баримужжанд̇и; маран̣ад̇хаммаа сад̇д̇аа маран̣зна баримужжанд̇и; согабарид̣̇звад̣̇угкад̣̇оманассубааяаасад̇хаммаа сад̇д̇аа согабарид̣̇звад̣̇угкад̣̇оманассубааяаасзхи баримужжанд̇и. иминаа ко зд̇ам̣, саарибуд̇д̇а, барияааязна взд̣̇ид̇аб̣б̣ам̣ яат̇аа сагаламид̣̇ам̣ б̣рахмажарияам̣, яад̣̇ид̣̇ам̣ – галяаан̣амид̇д̇ад̇аа галяаан̣асахааяад̇аа галяаан̣асамбаван̇гад̇аа’’д̇и. д̇ад̇ияам̣.
‘‘Tadamināpetaṃ, sāriputta, pariyāyena veditabbaṃ yathā sakalamidaṃ brahmacariyaṃ, yadidaṃ – kalyāṇamittatā kalyāṇasahāyatā kalyāṇasampavaṅkatā. Mamañhi, sāriputta, kalyāṇamittaṃ āgamma jātidhammā sattā jātiyā parimuccanti; jarādhammā sattā jarāya parimuccanti; maraṇadhammā sattā maraṇena parimuccanti; sokaparidevadukkhadomanassupāyāsadhammā sattā sokaparidevadukkhadomanassupāyāsehi parimuccanti. Iminā kho etaṃ, sāriputta, pariyāyena veditabbaṃ yathā sakalamidaṃ brahmacariyaṃ, yadidaṃ – kalyāṇamittatā kalyāṇasahāyatā kalyāṇasampavaṅkatā’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. саарибуд̇д̇асуд̇д̇аван̣н̣анаа • 3. Sāriputtasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. саарибуд̇д̇асуд̇д̇аван̣н̣анаа • 3. Sāriputtasuttavaṇṇanā
