Library / Tipiṭaka / திபிடக • Tipiṭaka / மஹானித்³தே³ஸபாளி • Mahāniddesapāḷi

16. ஸாரிபுத்தஸுத்தனித்³தே³ஸோ

16. Sāriputtasuttaniddeso

அத² ஸாரிபுத்தஸுத்தனித்³தே³ஸங் வக்க²தி –

Atha sāriputtasuttaniddesaṃ vakkhati –

190.

ந மே தி³ட்டோ² இதோ புப்³பே³, [இச்சாயஸ்மா ஸாரிபுத்தோ]

Name diṭṭho ito pubbe, [iccāyasmā sāriputto]

ந ஸுதோ உத³ கஸ்ஸசி;

Na suto uda kassaci;

ஏவங் வக்³கு³வதோ³ ஸத்தா², துஸிதா க³ணிமாக³தோ.

Evaṃ vagguvado satthā, tusitā gaṇimāgato.

ந மே தி³ட்டோ² இதோ புப்³பே³தி. இதோ புப்³பே³ மே மயா ந தி³ட்ட²புப்³போ³ ஸோ ப⁴க³வா இமினா சக்கு²னா இமினா அத்தபா⁴வேன. யதா³ ப⁴க³வா தாவதிங்ஸப⁴வனே பாரிச்ச²த்தகமூலே பண்டு³கம்ப³லஸிலாயங் வஸ்ஸங்வுத்தோ² ¹ தே³வக³ணபரிவுதோ மஜ்ஜே² மணிமயேன ஸோபாணேன ஸங்கஸ்ஸனக³ரங் ஓதிண்ணோ இமங் த³ஸ்ஸனங் புப்³பே³ ந தி³ட்டோ²தி – ந மே தி³ட்டோ² இதோ புப்³பே³.

Na me diṭṭho ito pubbeti. Ito pubbe me mayā na diṭṭhapubbo so bhagavā iminā cakkhunā iminā attabhāvena. Yadā bhagavā tāvatiṃsabhavane pāricchattakamūle paṇḍukambalasilāyaṃ vassaṃvuttho ² devagaṇaparivuto majjhe maṇimayena sopāṇena saṅkassanagaraṃ otiṇṇo imaṃ dassanaṃ pubbe na diṭṭhoti – na me diṭṭho ito pubbe.

இச்சாயஸ்மா ஸாரிபுத்தோதி. இச்சாதி பத³ஸந்தி⁴ பத³ஸங்ஸக்³கோ³ பத³பாரிபூரீ அக்க²ரஸமவாயோ ப்³யஞ்ஜனஸிலிட்ட²தா பதா³னுபுப்³ப³தாபேதங் – இச்சாதி. ஆயஸ்மாதி பியவசனங் க³ருவசனங் ஸகா³ரவஸப்பதிஸ்ஸவசனமேதங் – ஆயஸ்மாதி. ஸாரிபுத்தோதி தஸ்ஸ தே²ரஸ்ஸ நாமங் ஸங்கா² ஸமஞ்ஞா பஞ்ஞத்தி வோஹாரோ நாமங் நாமகம்மங் நாமதெ⁴ய்யங் நிருத்தி ப்³யஞ்ஜனங் அபி⁴லாபோதி – இச்சாயஸ்மா ஸாரிபுத்தோ.

Iccāyasmā sāriputtoti. Iccāti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – iccāti. Āyasmāti piyavacanaṃ garuvacanaṃ sagāravasappatissavacanametaṃ – āyasmāti. Sāriputtoti tassa therassa nāmaṃ saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpoti – iccāyasmā sāriputto.

ந ஸுதோ உத³ கஸ்ஸசீதி. நாதி படிக்கே²போ. உதா³தி பத³ஸந்தி⁴ பத³ஸங்ஸக்³கோ³ பத³பாரிபூரீ அக்க²ரஸமவாயோ ப்³யஞ்ஜனஸிலிட்ட²தா பதா³னுபுப்³ப³தாபேதங் – உதா³தி. கஸ்ஸசீதி க²த்தியஸ்ஸ வா ப்³ராஹ்மணஸ்ஸ வா வெஸ்ஸஸ்ஸ வா ஸுத்³த³ஸ்ஸ வா க³ஹட்ட²ஸ்ஸ வா பப்³ப³ஜிதஸ்ஸ வா தே³வஸ்ஸ வா மனுஸ்ஸஸ்ஸ வாதி – ந ஸுதோ உத³ கஸ்ஸசி.

Na suto uda kassacīti. Nāti paṭikkhepo. Udāti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – udāti. Kassacīti khattiyassa vā brāhmaṇassa vā vessassa vā suddassa vā gahaṭṭhassa vā pabbajitassa vā devassa vā manussassa vāti – na suto uda kassaci.

ஏவங் வக்³கு³வதோ³ ஸத்தா²தி. ஏவங் வக்³கு³வதோ³ மது⁴ரவதோ³ பேமனீயவதோ³ ஹத³யங்க³மவதோ³ கரவீகருதமஞ்ஜுகோ⁴ஸோ ³. அட்ட²ங்க³ஸமன்னாக³தோ கோ² பன தஸ்ஸ ப⁴க³வதோ முக²தோ கோ⁴ஸோ நிச்ச²ரதி – விஸட்டோ² ச விஞ்ஞெய்யோ ச மஞ்ஜு ச ஸவனீயோ ச பி³ந்து³ ச அவிஸாரீ ச க³ம்பீ⁴ரோ ச நின்னாதி³ ச. யதா² பரிஸங் கோ² பன ஸோ ப⁴க³வா ஸரேன விஞ்ஞாபேதி, ந அஸ்ஸ ப³ஹித்³தா⁴ பரிஸாய கோ⁴ஸோ நிச்ச²ரதி, ப்³ரஹ்மஸ்ஸரோ கோ² பன ஸோ ப⁴க³வா கரவீகபா⁴ணீதி – ஏவங் வக்³கு³வதோ³.

Evaṃvagguvado satthāti. Evaṃ vagguvado madhuravado pemanīyavado hadayaṅgamavado karavīkarutamañjughoso ⁴. Aṭṭhaṅgasamannāgato kho pana tassa bhagavato mukhato ghoso niccharati – visaṭṭho ca viññeyyo ca mañju ca savanīyo ca bindu ca avisārī ca gambhīro ca ninnādi ca. Yathā parisaṃ kho pana so bhagavā sarena viññāpeti, na assa bahiddhā parisāya ghoso niccharati, brahmassaro kho pana so bhagavā karavīkabhāṇīti – evaṃ vagguvado.

ஸத்தா²தி ஸத்தா² ப⁴க³வா ஸத்த²வாஹோ. யதா² ஸத்த²வாஹோ ஸத்தே கந்தாரங் தாரேதி, சோரகந்தாரங் தாரேதி, வாளகந்தாரங் தாரேதி, து³ப்³பி⁴க்க²கந்தாரங் தாரேதி, நிருத³ககந்தாரங் தாரேதி உத்தாரேதி நித்தாரேதி பதாரேதி கே²மந்தபூ⁴மிங் ஸம்பாபேதி; ஏவமேவ ப⁴க³வா ஸத்த²வாஹோ ஸத்தே கந்தாரங் தாரேதி, ஜாதிகந்தாரங் தாரேதி, ஜராகந்தாரங் தாரேதி, ப்³யாதி⁴கந்தாரங்…பே॰… மரணகந்தாரங்… ஸோகபரிதே³வது³க்க²தோ³மனஸ்ஸுபாயாஸகந்தாரங் தாரேதி ராக³கந்தாரங் தாரேதி தோ³ஸகந்தாரங்… மோஹகந்தாரங்… மானகந்தாரங்… தி³ட்டி²கந்தாரங்… கிலேஸகந்தாரங்… து³ச்சரிதகந்தாரங் தாரேதி, ராக³க³ஹனங் தாரேதி, தோ³ஸக³ஹனங்… மோஹக³ஹனங்… மானக³ஹனங்… தி³ட்டி²க³ஹனங்… கிலேஸக³ஹனங்… து³ச்சரிதக³ஹனங் தாரேதி உத்தாரேதி நித்தாரேதி பதாரேதி கே²மந்தங் அமதங் நிப்³பா³னங் ஸம்பாபேதீதி . ஏவம்பி ப⁴க³வா ஸத்த²வாஹோ.

Satthāti satthā bhagavā satthavāho. Yathā satthavāho satte kantāraṃ tāreti, corakantāraṃ tāreti, vāḷakantāraṃ tāreti, dubbhikkhakantāraṃ tāreti, nirudakakantāraṃ tāreti uttāreti nittāreti patāreti khemantabhūmiṃ sampāpeti; evameva bhagavā satthavāho satte kantāraṃ tāreti, jātikantāraṃ tāreti, jarākantāraṃ tāreti, byādhikantāraṃ…pe… maraṇakantāraṃ… sokaparidevadukkhadomanassupāyāsakantāraṃ tāreti rāgakantāraṃ tāreti dosakantāraṃ… mohakantāraṃ… mānakantāraṃ… diṭṭhikantāraṃ… kilesakantāraṃ… duccaritakantāraṃ tāreti, rāgagahanaṃ tāreti, dosagahanaṃ… mohagahanaṃ… mānagahanaṃ… diṭṭhigahanaṃ… kilesagahanaṃ… duccaritagahanaṃ tāreti uttāreti nittāreti patāreti khemantaṃ amataṃ nibbānaṃ sampāpetīti . Evampi bhagavā satthavāho.

அத² வா ப⁴க³வா நேதா வினேதா அனுனேதா பஞ்ஞபேதா நிஜ்ஜா²பேதா பெக்கே²தா பஸாதே³தாதி. ஏவம்பி ப⁴க³வா ஸத்த²வாஹோ.

Atha vā bhagavā netā vinetā anunetā paññapetā nijjhāpetā pekkhetā pasādetāti. Evampi bhagavā satthavāho.

அத² வா ப⁴க³வா அனுப்பன்னஸ்ஸ மக்³க³ஸ்ஸ உப்பாதே³தா, அஸஞ்ஜாதஸ்ஸ மக்³க³ஸ்ஸ ஸஞ்ஜனேதா, அனக்கா²தஸ்ஸ மக்³க³ஸ்ஸ அக்கா²தா, மக்³க³ஞ்ஞூ மக்³க³விதூ³ மக்³க³கோவிதோ³ மக்³கா³னுகா³ ச பன ஏதரஹி ஸாவகா விஹரந்தி பச்சா² ஸமன்னாக³தாதி. ஏவம்பி ப⁴க³வா ஸத்த²வாஹோதி – ஏவங் வக்³கு³வதோ³ ஸத்தா².

Atha vā bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū maggavidū maggakovido maggānugā ca pana etarahi sāvakā viharanti pacchā samannāgatāti. Evampi bhagavā satthavāhoti – evaṃ vagguvado satthā.

துஸிதா க³ணிமாக³தோதி. ப⁴க³வா துஸிதகாயா சவித்வா ஸதோ ஸம்பஜானோ மாதுகுச்சி²ங் ஓக்கந்தோதி. ஏவம்பி துஸிதா க³ணிமாக³தோ.

Tusitā gaṇimāgatoti. Bhagavā tusitakāyā cavitvā sato sampajāno mātukucchiṃ okkantoti. Evampi tusitā gaṇimāgato.

அத² வா தே³வா வுச்சந்தி துஸிதா. தே துட்டா² ஸந்துட்டா² அத்தமனா பமுதி³தா பீதிஸோமனஸ்ஸஜாதா தே³வலோகதோ க³ணிங் ஆக³தோதி. ஏவம்பி துஸிதா க³ணிமாக³தோ. அத² வா அரஹந்தோ வுச்சந்தி துஸிதா. தே துட்டா² ஸந்துட்டா² அத்தமனா பரிபுண்ணஸங்கப்பா அரஹந்தானங் க³ணிங் ஆக³தோதி. ஏவம்பி துஸிதா க³ணிமாக³தோ. க³ணீதி க³ணீ ப⁴க³வா. க³ணாசரியோதி க³ணீ, க³ணஸ்ஸ ஸத்தா²தி க³ணீ, க³ணங் பரிஹரதீதி க³ணீ, க³ணங் ஓவத³தீதி க³ணீ, க³ணமனுஸாஸதீதி க³ணீ, விஸாரதோ³ க³ணங் உபஸங்கமதீதி க³ணீ, க³ணஸ்ஸ ⁵ ஸுஸ்ஸூஸதி ஸோதங் ஓத³ஹதி அஞ்ஞா சித்தங் உபட்ட²பேதீதி க³ணீ, க³ணங் அகுஸலா வுட்டா²பெத்வா குஸலே பதிட்டா²பேதீதி க³ணீ, பி⁴க்கு²க³ணஸ்ஸ க³ணீ, பி⁴க்கு²னிக³ணஸ்ஸ க³ணீ, உபாஸகக³ணஸ்ஸ க³ணீ, உபாஸிகாக³ணஸ்ஸ க³ணீ , ராஜக³ணஸ்ஸ க³ணீ, க²த்தியக³ணஸ்ஸ… ப்³ராஹ்மணக³ணஸ்ஸ… வெஸ்ஸக³ணஸ்ஸ… ஸுத்³த³க³ணஸ்ஸ… தே³வக³ணஸ்ஸ… ப்³ரஹ்மக³ணஸ்ஸ க³ணீ, ஸங்கீ⁴ க³ணீ க³ணாசரியோ. ஆக³தோதி உபக³தோ ஸமுபக³தோ ஸமுபபன்னோ ⁶ ஸங்கஸ்ஸனக³ரந்தி – துஸிதா க³ணிமாக³தோ.

Atha vā devā vuccanti tusitā. Te tuṭṭhā santuṭṭhā attamanā pamuditā pītisomanassajātā devalokato gaṇiṃ āgatoti. Evampi tusitā gaṇimāgato. Atha vā arahanto vuccanti tusitā. Te tuṭṭhā santuṭṭhā attamanā paripuṇṇasaṅkappā arahantānaṃ gaṇiṃ āgatoti. Evampi tusitā gaṇimāgato. Gaṇīti gaṇī bhagavā. Gaṇācariyoti gaṇī, gaṇassa satthāti gaṇī, gaṇaṃ pariharatīti gaṇī, gaṇaṃ ovadatīti gaṇī, gaṇamanusāsatīti gaṇī, visārado gaṇaṃ upasaṅkamatīti gaṇī, gaṇassa ⁷ sussūsati sotaṃ odahati aññā cittaṃ upaṭṭhapetīti gaṇī, gaṇaṃ akusalā vuṭṭhāpetvā kusale patiṭṭhāpetīti gaṇī, bhikkhugaṇassa gaṇī, bhikkhunigaṇassa gaṇī, upāsakagaṇassa gaṇī, upāsikāgaṇassa gaṇī , rājagaṇassa gaṇī, khattiyagaṇassa… brāhmaṇagaṇassa… vessagaṇassa… suddagaṇassa… devagaṇassa… brahmagaṇassa gaṇī, saṅghī gaṇī gaṇācariyo. Āgatoti upagato samupagato samupapanno ⁸ saṅkassanagaranti – tusitā gaṇimāgato.

தேனாஹ தே²ரோ ஸாரிபுத்தோ –

Tenāha thero sāriputto –

‘‘ந மே தி³ட்டோ² இதோ புப்³பே³, [இச்சாயஸ்மா ஸாரிபுத்தோ]

‘‘Na me diṭṭho ito pubbe, [iccāyasmā sāriputto]

ந ஸுதோ உத³ கஸ்ஸசி;

Na suto uda kassaci;

ஏவங் வக்³கு³வதோ³ ஸத்தா², துஸிதா க³ணிமாக³தோ’’தி.

Evaṃ vagguvado satthā, tusitā gaṇimāgato’’ti.

191.

ஸதே³வகஸ்ஸ லோகஸ்ஸ, யதா² தி³ஸ்ஸதி சக்கு²மா;

Sadevakassa lokassa, yathā dissati cakkhumā;

ஸப்³ப³ங் தமங் வினோதெ³த்வா, ஏகோவ ரதிமஜ்ஜ²கா³.

Sabbaṃ tamaṃ vinodetvā, ekova ratimajjhagā.

ஸதே³வகஸ்ஸ லோகஸ்ஸாதி ஸதே³வகஸ்ஸ லோகஸ்ஸ ஸமாரகஸ்ஸ ஸப்³ரஹ்மகஸ்ஸ ஸஸ்ஸமணப்³ராஹ்மணியா பஜாய ஸதே³வமனுஸ்ஸாயாதி – ஸதே³வகஸ்ஸ லோகஸ்ஸ.

Sadevakassalokassāti sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāyāti – sadevakassa lokassa.

யதா² தி³ஸ்ஸதி சக்கு²மாதி யதா² ப⁴க³வந்தங் தாவதிங்ஸப⁴வனே பாரிச்ச²த்தகமூலே பண்டு³கம்ப³லஸிலாயங் நிஸின்னங் த⁴ம்மங் தே³ஸெந்தங் தே³வதா பஸ்ஸந்தி ததா² மனுஸ்ஸா பஸ்ஸந்தி . யதா² மனுஸ்ஸா பஸ்ஸந்தி ததா² தே³வதா பஸ்ஸந்தி. யதா² தே³வானங் தி³ஸ்ஸதி ததா² மனுஸ்ஸானங் தி³ஸ்ஸதி. யதா² மனுஸ்ஸானங் தி³ஸ்ஸதி ததா² தே³வானங் தி³ஸ்ஸதீதி. ஏவம்பி யதா² தி³ஸ்ஸதி சக்கு²மா. யதா² வா பனேகே பொ⁴ந்தோ ஸமணப்³ராஹ்மணா அத³ந்தா த³ந்தவண்ணேன தி³ஸ்ஸந்தி, அஸந்தா ஸந்தவண்ணேன தி³ஸ்ஸந்தி, அனுபஸந்தா உபஸந்தவண்ணேன தி³ஸ்ஸந்தி, அனிப்³பு³தா நிப்³பு³தவண்ணேன தி³ஸ்ஸந்தி.

Yathā dissati cakkhumāti yathā bhagavantaṃ tāvatiṃsabhavane pāricchattakamūle paṇḍukambalasilāyaṃ nisinnaṃ dhammaṃ desentaṃ devatā passanti tathā manussā passanti . Yathā manussā passanti tathā devatā passanti. Yathā devānaṃ dissati tathā manussānaṃ dissati. Yathā manussānaṃ dissati tathā devānaṃ dissatīti. Evampi yathā dissati cakkhumā. Yathā vā paneke bhonto samaṇabrāhmaṇā adantā dantavaṇṇena dissanti, asantā santavaṇṇena dissanti, anupasantā upasantavaṇṇena dissanti, anibbutā nibbutavaṇṇena dissanti.

‘‘பதிரூபகோ மத்திகாகுண்ட³லோவ, லோஹட்³ட⁴மாஸோவ ⁹ ஸுவண்ணச²ன்னோ;

‘‘Patirūpako mattikākuṇḍalova, lohaḍḍhamāsova ¹⁰ suvaṇṇachanno;

சரந்தி லோகே பரிவாரச²ன்னா, அந்தோ அஸுத்³தா⁴ ப³ஹி ஸோப⁴மானா’’தி ¹¹.

Caranti loke parivārachannā, anto asuddhā bahi sobhamānā’’ti ¹².

ந ப⁴க³வா ஏவங் தி³ஸ்ஸதி. ப⁴க³வா பூ⁴தேன தச்சே²ன ததே²ன யாதா²வேன அவிபரீதேன ஸபா⁴வேன த³ந்தோ த³ந்தவண்ணேன தி³ஸ்ஸதி, ஸந்தோ ஸந்தவண்ணேன தி³ஸ்ஸதி, உபஸந்தோ உபஸந்தவண்ணேன தி³ஸ்ஸதி, நிப்³பு³தோ நிப்³பு³தவண்ணேன தி³ஸ்ஸதி, அகப்பிதஇரியாபதா² ச பு³த்³தா⁴ ப⁴க³வந்தோ பணிதி⁴ஸம்பன்னாதி. ஏவம்பி யதா² தி³ஸ்ஸதி சக்கு²மா.

Na bhagavā evaṃ dissati. Bhagavā bhūtena tacchena tathena yāthāvena aviparītena sabhāvena danto dantavaṇṇena dissati, santo santavaṇṇena dissati, upasanto upasantavaṇṇena dissati, nibbuto nibbutavaṇṇena dissati, akappitairiyāpathā ca buddhā bhagavanto paṇidhisampannāti. Evampi yathā dissati cakkhumā.

அத² வா ப⁴க³வா விஸுத்³த⁴ஸத்³தோ³ க³தகித்திஸத்³த³ஸிலோகோ ¹³ நாக³ப⁴வனே ச ஸுபண்ணப⁴வனே ச யக்க²ப⁴வனே ச அஸுரப⁴வனே ச க³ந்த⁴ப்³ப³ப⁴வனே ச மஹாராஜப⁴வனே ச இந்த³ப⁴வனே ச ப்³ரஹ்மப⁴வனே ச தே³வப⁴வனே ச ஏதி³ஸோ ச தாதி³ஸோ ச ததோ ச பி⁴ய்யோதி. ஏவம்பி யதா² தி³ஸ்ஸதி சக்கு²மா.

Atha vā bhagavā visuddhasaddo gatakittisaddasiloko ¹⁴ nāgabhavane ca supaṇṇabhavane ca yakkhabhavane ca asurabhavane ca gandhabbabhavane ca mahārājabhavane ca indabhavane ca brahmabhavane ca devabhavane ca ediso ca tādiso ca tato ca bhiyyoti. Evampi yathā dissati cakkhumā.

அத² வா ப⁴க³வா த³ஸஹி ப³லேஹி ஸமன்னாக³தோ, சதூஹி வேஸாரஜ்ஜேஹி, சதூஹி படிஸம்பி⁴தா³ஹி, ச²ஹி அபி⁴ஞ்ஞாஹி, ச²ஹி பு³த்³த⁴த⁴ம்மேஹி, தேஜேன ச ப³லேன ச கு³ணேன ச வீரியேன ச பஞ்ஞாய ச தி³ஸ்ஸதி ஞாயதி பஞ்ஞாயதி.

Atha vā bhagavā dasahi balehi samannāgato, catūhi vesārajjehi, catūhi paṭisambhidāhi, chahi abhiññāhi, chahi buddhadhammehi, tejena ca balena ca guṇena ca vīriyena ca paññāya ca dissati ñāyati paññāyati.

‘‘தூ³ரே ஸந்தோ பகாஸெந்தி, ஹிமவந்தோவ பப்³ப³தோ;

‘‘Dūre santo pakāsenti, himavantova pabbato;

அஸந்தெத்த² ந தி³ஸ்ஸந்தி, ரத்திங் கி²த்தா ¹⁵ யதா² ஸரா’’தி.

Asantettha na dissanti, rattiṃ khittā ¹⁶ yathā sarā’’ti.

ஏவம்பி யதா² தி³ஸ்ஸதி சக்கு²மா.

Evampi yathā dissati cakkhumā.

சக்கு²மாதி ப⁴க³வா பஞ்சஹி சக்கூ²ஹி சக்கு²மா – மங்ஸசக்கு²னாபி சக்கு²மா, தி³ப்³ப³சக்கு²னாபி சக்கு²மா, பஞ்ஞாசக்கு²னாபி சக்கு²மா, பு³த்³த⁴சக்கு²னாபி சக்கு²மா, ஸமந்தசக்கு²னாபி சக்கு²மா.

Cakkhumāti bhagavā pañcahi cakkhūhi cakkhumā – maṃsacakkhunāpi cakkhumā, dibbacakkhunāpi cakkhumā, paññācakkhunāpi cakkhumā, buddhacakkhunāpi cakkhumā, samantacakkhunāpi cakkhumā.

கத²ங் ப⁴க³வா மங்ஸசக்கு²னாபி சக்கு²மா? மங்ஸசக்கு²ம்ஹி ப⁴க³வதோ பஞ்ச வண்ணா ஸங்விஜ்ஜந்தி – நீலோ ச வண்ணோ, பீதகோ ச வண்ணோ, லோஹிதகோ ச வண்ணோ, கண்ஹோ ச வண்ணோ, ஓதா³தோ ச வண்ணோ. அக்கி²லோமானி ச ப⁴க³வதோ. யத்த² ச அக்கி²லோமானி பதிட்டி²தானி தங் நீலங் ஹோதி ஸுனீலங் பாஸாதி³கங் த³ஸ்ஸனெய்யங் உமாபுப்ப²ஸமானங். தஸ்ஸ பரதோ பீதகங் ஹோதி ஸுபீதகங் ஸுவண்ணவண்ணங் பாஸாதி³கங் த³ஸ்ஸனெய்யங் கணிகாரபுப்ப²ஸமானங். உப⁴தோ அக்கி²கூடானி ப⁴க³வதோ லோஹிதகானி ஹொந்தி ஸுலோஹிதகானி பாஸாதி³கானி த³ஸ்ஸனெய்யானி இந்த³கோ³பகஸமானானி. மஜ்ஜே² கண்ஹங் ஹோதி ஸுகண்ஹங் அலூக²ங் ஸுத்³த⁴ங் பாஸாதி³கங் த³ஸ்ஸனெய்யங் அத்³தா³ரிட்ட²கஸமானங். தஸ்ஸ பரதோ ஓதா³தங் ஹோதி ஸுஓதா³தங் ஸேதங் பண்ட³ரங் பாஸாதி³கங் த³ஸ்ஸனெய்யங் ஓஸதி⁴தாரகஸமானங் . தேன ப⁴க³வா பாகதிகேன மங்ஸசக்கு²னா அத்தபா⁴வபரியாபன்னேன புரிமஸுசரிதகம்மாபி⁴னிப்³ப³த்தேன ஸமந்தா யோஜனங் பஸ்ஸதி தி³வா சேவ ரத்திஞ்ச. யதா³பி சதுரங்க³ஸமன்னாக³தோ அந்த⁴காரோ ஹோதி ஸூரியோ ச அத்த²ங்க³தோ ஹோதி ; காளபக்கோ² ச உபோஸதோ² ஹோதி, திப்³போ³ ச வனஸண்டோ³ ஹோதி, மஹா ச காளமேகோ⁴ அப்³பு⁴ட்டி²தோ ஹோதி. ஏவரூபேபி சதுரங்க³ஸமன்னாக³தே அந்த⁴காரே ஸமந்தா யோஜனங் பஸ்ஸதி. நத்தி² ஸோ குட்டோ வா கவாடங் வா பாகாரோ வா பப்³ப³தோ வா க³ச்சோ² வா லதா வா ஆவரணங் ரூபானங் த³ஸ்ஸனாய. ஏகஞ்சே திலப²லங் நிமித்தங் கத்வா திலவாஹே பக்கி²பெய்ய, தஞ்ஞேவ திலப²லங் உத்³த⁴ரெய்ய. ஏவங் பரிஸுத்³த⁴ங் ப⁴க³வதோ பாகதிகமங்ஸசக்கு². ஏவங் ப⁴க³வா மங்ஸசக்கு²னாபி சக்கு²மா.

Kathaṃ bhagavā maṃsacakkhunāpi cakkhumā? Maṃsacakkhumhi bhagavato pañca vaṇṇā saṃvijjanti – nīlo ca vaṇṇo, pītako ca vaṇṇo, lohitako ca vaṇṇo, kaṇho ca vaṇṇo, odāto ca vaṇṇo. Akkhilomāni ca bhagavato. Yattha ca akkhilomāni patiṭṭhitāni taṃ nīlaṃ hoti sunīlaṃ pāsādikaṃ dassaneyyaṃ umāpupphasamānaṃ. Tassa parato pītakaṃ hoti supītakaṃ suvaṇṇavaṇṇaṃ pāsādikaṃ dassaneyyaṃ kaṇikārapupphasamānaṃ. Ubhato akkhikūṭāni bhagavato lohitakāni honti sulohitakāni pāsādikāni dassaneyyāni indagopakasamānāni. Majjhe kaṇhaṃ hoti sukaṇhaṃ alūkhaṃ suddhaṃ pāsādikaṃ dassaneyyaṃ addāriṭṭhakasamānaṃ. Tassa parato odātaṃ hoti suodātaṃ setaṃ paṇḍaraṃ pāsādikaṃ dassaneyyaṃ osadhitārakasamānaṃ . Tena bhagavā pākatikena maṃsacakkhunā attabhāvapariyāpannena purimasucaritakammābhinibbattena samantā yojanaṃ passati divā ceva rattiñca. Yadāpi caturaṅgasamannāgato andhakāro hoti sūriyo ca atthaṅgato hoti ; kāḷapakkho ca uposatho hoti, tibbo ca vanasaṇḍo hoti, mahā ca kāḷamegho abbhuṭṭhito hoti. Evarūpepi caturaṅgasamannāgate andhakāre samantā yojanaṃ passati. Natthi so kuṭṭo vā kavāṭaṃ vā pākāro vā pabbato vā gaccho vā latā vā āvaraṇaṃ rūpānaṃ dassanāya. Ekañce tilaphalaṃ nimittaṃ katvā tilavāhe pakkhipeyya, taññeva tilaphalaṃ uddhareyya. Evaṃ parisuddhaṃ bhagavato pākatikamaṃsacakkhu. Evaṃ bhagavā maṃsacakkhunāpi cakkhumā.

கத²ங் ப⁴க³வா தி³ப்³பே³ன சக்கு²னாபி சக்கு²மா? ப⁴க³வா தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே; யதா²கம்மூபகே³ ஸத்தே பஜானாதி – ‘‘இமே வத பொ⁴ந்தோ ஸத்தா காயது³ச்சரிதேன ஸமன்னாக³தா வசீது³ச்சரிதேன ஸமன்னாக³தா மனோது³ச்சரிதேன ஸமன்னாக³தா அரியானங் உபவாத³கா மிச்சா²தி³ட்டி²கா மிச்சா²தி³ட்டி²கம்மஸமாதா³னா, தே காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபன்னா; இமே வா பன பொ⁴ந்தோ ஸத்தா காயஸுசரிதேன ஸமன்னாக³தா வசீஸுசரிதேன ஸமன்னாக³தா மனோஸுசரிதேன ஸமன்னாக³தா அரியானங் அனுபவாத³கா ஸம்மாதி³ட்டி²கா ஸம்மாதி³ட்டி²கம்மஸமாதா³னா, தே காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபன்னா’’தி. இதி தி³ப்³பே³ன சக்கு²னா விஸுத்³தே⁴ன அதிக்கந்தமானுஸகேன ஸத்தே பஸ்ஸதி சவமானே உபபஜ்ஜமானே ஹீனே பணீதே ஸுவண்ணே து³ப்³ப³ண்ணே ஸுக³தே து³க்³க³தே; யதா²கம்மூபகே³ ஸத்தே பஜானாதி. ஆகங்க²மானோ ச ப⁴க³வா ஏகம்பி லோகதா⁴துங் பஸ்ஸெய்ய, த்³வேபி லோகதா⁴துயோ பஸ்ஸெய்ய, திஸ்ஸோபி லோகதா⁴துயோ பஸ்ஸெய்ய, சதஸ்ஸோபி லோகதா⁴துயோ பஸ்ஸெய்ய, பஞ்சபி லோகதா⁴துயோ பஸ்ஸெய்ய, த³ஸபி லோகதா⁴துயோ பஸ்ஸெய்ய, வீஸம்பி ¹⁷ லோகதா⁴துயோ பஸ்ஸெய்ய, திங்ஸம்பி லோகதா⁴துயோ பஸ்ஸெய்ய, சத்தாலீஸம்பி லோகதா⁴துயோ பஸ்ஸெய்ய, பஞ்ஞாஸம்பி லோகதா⁴துயோ பஸ்ஸெய்ய, ஸதம்பி லோகதா⁴துங் பஸ்ஸெய்ய, ஸஹஸ்ஸிம்பி சூளனிகங் லோகதா⁴துங் பஸ்ஸெய்ய, த்³விஸஹஸ்ஸிம்பி மஜ்ஜி²மிகங் லோகதா⁴துங் பஸ்ஸெய்ய, திஸஹஸ்ஸிம்பி லோகதா⁴துங் பஸ்ஸெய்ய, மஹாஸஹஸ்ஸிம்பி லோகதா⁴துங் பஸ்ஸெய்ய, யாவதகங் பன ஆகங்கெ²ய்ய தாவதகங் பஸ்ஸெய்ய. ஏவங் பரிஸுத்³த⁴ங் ப⁴க³வதோ தி³ப்³ப³சக்கு². ஏவங் ப⁴க³வா தி³ப்³பே³ன சக்கு²னாபி சக்கு²மா.

Kathaṃ bhagavā dibbena cakkhunāpi cakkhumā? Bhagavā dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate; yathākammūpage satte pajānāti – ‘‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā; ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā paraṃ maraṇā sugatiṃ saggaṃ lokaṃ upapannā’’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate; yathākammūpage satte pajānāti. Ākaṅkhamāno ca bhagavā ekampi lokadhātuṃ passeyya, dvepi lokadhātuyo passeyya, tissopi lokadhātuyo passeyya, catassopi lokadhātuyo passeyya, pañcapi lokadhātuyo passeyya, dasapi lokadhātuyo passeyya, vīsampi ¹⁸ lokadhātuyo passeyya, tiṃsampi lokadhātuyo passeyya, cattālīsampi lokadhātuyo passeyya, paññāsampi lokadhātuyo passeyya, satampi lokadhātuṃ passeyya, sahassimpi cūḷanikaṃ lokadhātuṃ passeyya, dvisahassimpi majjhimikaṃ lokadhātuṃ passeyya, tisahassimpi lokadhātuṃ passeyya, mahāsahassimpi lokadhātuṃ passeyya, yāvatakaṃ pana ākaṅkheyya tāvatakaṃ passeyya. Evaṃ parisuddhaṃ bhagavato dibbacakkhu. Evaṃ bhagavā dibbena cakkhunāpi cakkhumā.

கத²ங் ப⁴க³வா பஞ்ஞாசக்கு²னாபி சக்கு²மா? ப⁴க³வா மஹாபஞ்ஞோ புது²பஞ்ஞோ ஹாஸபஞ்ஞோ ஜவனபஞ்ஞோ திக்க²பஞ்ஞோ நிப்³பே³தி⁴கபஞ்ஞோ பஞ்ஞாபபே⁴த³குஸலோ பபி⁴ன்னஞாணோ அதி⁴க³தபடிஸம்பி⁴தோ³ சதுவேஸாரஜ்ஜப்பத்தோ த³ஸப³லதா⁴ரீ புரிஸாஸபோ⁴ புரிஸஸீஹோ புரிஸனாகோ³ புரிஸாஜஞ்ஞோ புரிஸதோ⁴ரய்ஹோ அனந்தஞாணோ அனந்ததேஜோ அனந்தயஸோ அட்³டோ⁴ மஹத்³த⁴னோ த⁴னவா நேதா வினேதா அனுனேதா பஞ்ஞபேதா நிஜ்ஜா²பேதா பெக்கே²தா பஸாதே³தா. ஸோ ஹி ப⁴க³வா அனுப்பன்னஸ்ஸ மக்³க³ஸ்ஸ உப்பாதே³தா, அஸஞ்ஜாதஸ்ஸ மக்³க³ஸ்ஸ ஸஞ்ஜனேதா, அனக்கா²தஸ்ஸ மக்³க³ஸ்ஸ அக்கா²தா, மக்³க³ஞ்ஞூ மக்³க³விதூ³ மக்³க³கோவிதோ³ மக்³கா³னுகா³ ச பன ஏதரஹி ஸாவகா விஹரந்தி பச்சா² ஸமன்னாக³தா.

Kathaṃ bhagavā paññācakkhunāpi cakkhumā? Bhagavā mahāpañño puthupañño hāsapañño javanapañño tikkhapañño nibbedhikapañño paññāpabhedakusalo pabhinnañāṇo adhigatapaṭisambhido catuvesārajjappatto dasabaladhārī purisāsabho purisasīho purisanāgo purisājañño purisadhorayho anantañāṇo anantatejo anantayaso aḍḍho mahaddhano dhanavā netā vinetā anunetā paññapetā nijjhāpetā pekkhetā pasādetā. So hi bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū maggavidū maggakovido maggānugā ca pana etarahi sāvakā viharanti pacchā samannāgatā.

ஸோ ஹி ப⁴க³வா ஜானங் ஜானாதி, பஸ்ஸங் பஸ்ஸதி, சக்கு²பூ⁴தோ ஞாணபூ⁴தோ த⁴ம்மபூ⁴தோ ப்³ரஹ்மபூ⁴தோ வத்தா பவத்தா அத்த²ஸ்ஸ நின்னேதா அமதஸ்ஸ தா³தா த⁴ம்மஸ்ஸாமீ ததா²க³தோ. நத்தி² தஸ்ஸ ப⁴க³வதோ அஞ்ஞாதங் அதி³ட்ட²ங் அவிதி³தங் அஸச்சி²கதங் அப²ஸ்ஸிதங் பஞ்ஞாய. அதீதங் அனாக³தங் பச்சுப்பன்னங் உபாதா³ய ஸப்³பே³ த⁴ம்மா ஸப்³பா³காரேன பு³த்³த⁴ஸ்ஸ ப⁴க³வதோ ஞாணமுகே² ஆபாத²ங் ஆக³ச்ச²ந்தி. யங் கிஞ்சி நெய்யங் நாம அத்தி² ஜானிதப்³ப³ங் ¹⁹ அத்தத்தோ² வா, பரத்தோ² வா, உப⁴யத்தோ² வா, தி³ட்ட²த⁴ம்மிகோ வா அத்தோ², ஸம்பராயிகோ வா அத்தோ², உத்தானோ வா அத்தோ², க³ம்பீ⁴ரோ வா அத்தோ², கூ³ள்ஹோ வா அத்தோ², படிச்ச²ன்னோ வா அத்தோ², நெய்யோ வா அத்தோ², நீதோ வா அத்தோ², அனவஜ்ஜோ வா அத்தோ², நிக்கிலேஸோ வா அத்தோ², வோதா³னோ வா அத்தோ², பரமத்தோ² வா அத்தோ², ஸப்³ப³ங் தங் அந்தோபு³த்³த⁴ஞாணே பரிவத்ததி.

So hi bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato. Natthi tassa bhagavato aññātaṃ adiṭṭhaṃ aviditaṃ asacchikataṃ aphassitaṃ paññāya. Atītaṃ anāgataṃ paccuppannaṃ upādāya sabbe dhammā sabbākārena buddhassa bhagavato ñāṇamukhe āpāthaṃ āgacchanti. Yaṃ kiñci neyyaṃ nāma atthi jānitabbaṃ ²⁰ attattho vā, parattho vā, ubhayattho vā, diṭṭhadhammiko vā attho, samparāyiko vā attho, uttāno vā attho, gambhīro vā attho, gūḷho vā attho, paṭicchanno vā attho, neyyo vā attho, nīto vā attho, anavajjo vā attho, nikkileso vā attho, vodāno vā attho, paramattho vā attho, sabbaṃ taṃ antobuddhañāṇe parivattati.

அதீதே பு³த்³த⁴ஸ்ஸ ப⁴க³வதோ அப்படிஹதங் ஞாணங், அனாக³தே அப்படிஹதங் ஞாணங், பச்சுப்பன்னே அப்படிஹதங் ஞாணங். ஸப்³ப³ங் காயகம்மங் பு³த்³த⁴ஸ்ஸ ப⁴க³வதோ ஞாணானுபரிவத்தி. ஸப்³ப³ங் வசீகம்மங்… ஸப்³ப³ங் மனோகம்மங் பு³த்³த⁴ஸ்ஸ ப⁴க³வதோ ஞாணானுபரிவத்தி. யாவதகங் நெய்யங் தாவதகங் ஞாணங், யாவதகங் ஞாணங் தாவதகங் நெய்யங்; நெய்யபரியந்திகங் ஞாணங், ஞாணபரியந்திகங் நெய்யங்; நெய்யங் அதிக்கமித்வா ஞாணங் நப்பவத்ததி, ஞாணங் அதிக்கமித்வா நெய்யபதோ² நத்தி²; அஞ்ஞமஞ்ஞபரியந்தட்டா²யினோ தே த⁴ம்மா. யதா² த்³வின்னங் ஸமுக்³க³படலானங் ஸம்மாபு²ஸிதானங் ஹெட்டி²மங் ஸமுக்³க³படலங் உபரிமங் நாதிவத்ததி, உபரிமங் ஸமுக்³க³படலங் ஹெட்டி²மங் நாதிவத்ததி, அஞ்ஞமஞ்ஞபரியந்தட்டா²யினோ; ஏவமேவங் பு³த்³த⁴ஸ்ஸ ப⁴க³வதோ நெய்யஞ்ச ஞாணஞ்ச அஞ்ஞமஞ்ஞபரியந்தட்டா²யினோ . யாவதகங் நெய்யங் தாவதகங் ஞாணங், யாவதகங் ஞாணங் தாவதகங் நெய்யங், நெய்யபரியந்திகங் ஞாணங், ஞாணபரியந்திகங் நெய்யங்; நெய்யங் அதிக்கமித்வா ஞாணங் ந பவத்ததி, ஞாணங் அதிக்கமித்வா நெய்யபதோ² நத்தி²; அஞ்ஞமஞ்ஞபரியந்தட்டா²யினோ தே த⁴ம்மா.

Atīte buddhassa bhagavato appaṭihataṃ ñāṇaṃ, anāgate appaṭihataṃ ñāṇaṃ, paccuppanne appaṭihataṃ ñāṇaṃ. Sabbaṃ kāyakammaṃ buddhassa bhagavato ñāṇānuparivatti. Sabbaṃ vacīkammaṃ… sabbaṃ manokammaṃ buddhassa bhagavato ñāṇānuparivatti. Yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ; neyyapariyantikaṃ ñāṇaṃ, ñāṇapariyantikaṃ neyyaṃ; neyyaṃ atikkamitvā ñāṇaṃ nappavattati, ñāṇaṃ atikkamitvā neyyapatho natthi; aññamaññapariyantaṭṭhāyino te dhammā. Yathā dvinnaṃ samuggapaṭalānaṃ sammāphusitānaṃ heṭṭhimaṃ samuggapaṭalaṃ uparimaṃ nātivattati, uparimaṃ samuggapaṭalaṃ heṭṭhimaṃ nātivattati, aññamaññapariyantaṭṭhāyino; evamevaṃ buddhassa bhagavato neyyañca ñāṇañca aññamaññapariyantaṭṭhāyino . Yāvatakaṃ neyyaṃ tāvatakaṃ ñāṇaṃ, yāvatakaṃ ñāṇaṃ tāvatakaṃ neyyaṃ, neyyapariyantikaṃ ñāṇaṃ, ñāṇapariyantikaṃ neyyaṃ; neyyaṃ atikkamitvā ñāṇaṃ na pavattati, ñāṇaṃ atikkamitvā neyyapatho natthi; aññamaññapariyantaṭṭhāyino te dhammā.

ஸப்³ப³த⁴ம்மேஸு பு³த்³த⁴ஸ்ஸ ப⁴க³வதோ ஞாணங் பவத்ததி. ஸப்³பே³ த⁴ம்மா பு³த்³த⁴ஸ்ஸ ப⁴க³வதோ ஆவஜ்ஜனபடிப³த்³தா⁴ ஆகங்க²படிப³த்³தா⁴ மனஸிகாரபடிப³த்³தா⁴ சித்துப்பாத³படிப³த்³தா⁴. ஸப்³ப³ஸத்தேஸு பு³த்³த⁴ஸ்ஸ ப⁴க³வதோ ஞாணங் பவத்ததி. ஸப்³பே³ஸங் ஸத்தானங் ப⁴க³வா ஆஸயங் ஜானாதி, அனுஸயங் ஜானாதி, சரிதங் ஜானாதி, அதி⁴முத்திங் ஜானாதி, அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே ஸ்வாகாரே த்³வாகாரே ஸுவிஞ்ஞாபயே து³விஞ்ஞாபயே ப⁴ப்³பா³ப⁴ப்³பே³ ஸத்தே பஜானாதி. ஸதே³வகோ லோகோ ஸமாரகோ ஸப்³ரஹ்மகோ ஸஸ்ஸமணப்³ராஹ்மணீ பஜா ஸதே³வமனுஸ்ஸா அந்தோபு³த்³த⁴ஞாணே பரிவத்ததி.

Sabbadhammesu buddhassa bhagavato ñāṇaṃ pavattati. Sabbe dhammā buddhassa bhagavato āvajjanapaṭibaddhā ākaṅkhapaṭibaddhā manasikārapaṭibaddhā cittuppādapaṭibaddhā. Sabbasattesu buddhassa bhagavato ñāṇaṃ pavattati. Sabbesaṃ sattānaṃ bhagavā āsayaṃ jānāti, anusayaṃ jānāti, caritaṃ jānāti, adhimuttiṃ jānāti, apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye bhabbābhabbe satte pajānāti. Sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati.

யதா² யே கேசி மச்ச²கச்ச²பா அந்தமஸோ திமிதிமிங்க³லங் உபாதா³ய அந்தோமஹாஸமுத்³தே³ பரிவத்தந்தி; ஏவமேவ ஸதே³வகோ லோகோ ஸமாரகோ ஸப்³ரஹ்மகோ ஸஸ்ஸமணப்³ராஹ்மணீ பஜா ஸதே³வமனுஸ்ஸா அந்தோபு³த்³த⁴ஞாணே பரிவத்ததி. யதா² யே கேசி பக்கீ² அந்தமஸோ க³ருளங் வேனதெய்யங் உபாதா³ய ஆகாஸஸ்ஸ பதே³ஸே பரிவத்தந்தி; ஏவமேவ யேபி தே ஸாரிபுத்தஸமா பஞ்ஞாய தேபி பு³த்³த⁴ஞாணஸ்ஸ பதே³ஸே பரிவத்தந்தி; பு³த்³த⁴ஞாணங் தே³வமனுஸ்ஸானங் பஞ்ஞங் ப²ரித்வா அபி⁴ப⁴வித்வா திட்ட²தி. யேபி தே க²த்தியபண்டி³தா ப்³ராஹ்மணபண்டி³தா க³ஹபதிபண்டி³தா ஸமணபண்டி³தா நிபுணா கதபரப்பவாதா³ வாலவேதி⁴ரூபா வோபி⁴ந்த³ந்தா மஞ்ஞே சரந்தி பஞ்ஞாக³தேன தி³ட்டி²க³தானி, தே பஞ்ஹே அபி⁴ஸங்க²ரித்வா அபி⁴ஸங்க²ரித்வா ததா²க³தங் உபஸங்கமித்வா புச்ச²ந்தி கூ³ள்ஹானி ச படிச்ச²ன்னானி ச. கதி²தா விஸஜ்ஜிதாவ தே பஞ்ஹா ப⁴க³வதா ஹொந்தி நித்³தி³ட்ட²காரணா உபக்கி²த்தகா ச. தே ப⁴க³வதோ ஸம்பஜ்ஜந்தி. அத² கோ² ப⁴க³வாவ தத்த² அதிரோசதி , யதி³த³ங் பஞ்ஞாயாதி. ஏவங் ப⁴க³வா பஞ்ஞாசக்கு²னாபி சக்கு²மா.

Yathā ye keci macchakacchapā antamaso timitimiṅgalaṃ upādāya antomahāsamudde parivattanti; evameva sadevako loko samārako sabrahmako sassamaṇabrāhmaṇī pajā sadevamanussā antobuddhañāṇe parivattati. Yathā ye keci pakkhī antamaso garuḷaṃ venateyyaṃ upādāya ākāsassa padese parivattanti; evameva yepi te sāriputtasamā paññāya tepi buddhañāṇassa padese parivattanti; buddhañāṇaṃ devamanussānaṃ paññaṃ pharitvā abhibhavitvā tiṭṭhati. Yepi te khattiyapaṇḍitā brāhmaṇapaṇḍitā gahapatipaṇḍitā samaṇapaṇḍitā nipuṇā kataparappavādā vālavedhirūpā vobhindantā maññe caranti paññāgatena diṭṭhigatāni, te pañhe abhisaṅkharitvā abhisaṅkharitvā tathāgataṃ upasaṅkamitvā pucchanti gūḷhāni ca paṭicchannāni ca. Kathitā visajjitāva te pañhā bhagavatā honti niddiṭṭhakāraṇā upakkhittakā ca. Te bhagavato sampajjanti. Atha kho bhagavāva tattha atirocati , yadidaṃ paññāyāti. Evaṃ bhagavā paññācakkhunāpi cakkhumā.

கத²ங் ப⁴க³வா பு³த்³த⁴சக்கு²னாபி சக்கு²மா? ப⁴க³வா பு³த்³த⁴சக்கு²னா லோகங் வோலோகெந்தோ ²¹ அத்³த³ஸ ஸத்தே அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே ஸ்வாகாரே த்³வாகாரே ஸுவிஞ்ஞாபயே து³விஞ்ஞாபயே அப்பேகச்சே பரலோகவஜ்ஜப⁴யத³ஸ்ஸாவினோ விஹரந்தே அப்பேகச்சே நபரலோகவஜ்ஜப⁴யத³ஸ்ஸாவினோ விஹரந்தே. ஸெய்யதா²பி நாம உப்பலினியங் வா பது³மினியங் வா புண்ட³ரீகினியங் வா அப்பேகச்சானி உப்பலானி வா பது³மானி வா புண்ட³ரீகானி வா உத³கே ஜாதானி உத³கே ஸங்வட்³டா⁴னி உத³கானுக்³க³தானி அந்தோனிமுக்³க³போஸீனி, அப்பேகச்சானி உப்பலானி வா பது³மானி வா புண்ட³ரீகானி வா உத³கே ஜாதானி உத³கே ஸங்வட்³டா⁴னி ஸமோத³கங் டி²தானி, அப்பேகச்சானி உப்பலானி வா பது³மானி வா புண்ட³ரீகானி வா உத³கே ஜாதானி உத³கே ஸங்வட்³டா⁴னி உத³கங் அச்சுக்³க³ம்ம திட்ட²ந்தி அனுபலித்தானி உத³கேன; ஏவமேவங் ப⁴க³வா பு³த்³த⁴சக்கு²னா லோகங் வோலோகெந்தோ அத்³த³ஸ ஸத்தே அப்பரஜக்கே² மஹாரஜக்கே² திக்கி²ந்த்³ரியே முதி³ந்த்³ரியே ஸ்வாகாரே த்³வாகாரே ஸுவிஞ்ஞாபயே து³விஞ்ஞாபயே அப்பேகச்சே பரலோகவஜ்ஜப⁴யத³ஸ்ஸாவினோ விஹரந்தே அப்பேகச்சே நபரலோகவஜ்ஜப⁴யத³ஸ்ஸாவினோ விஹரந்தே. ஜானாதி ப⁴க³வா – ‘‘அயங் புக்³க³லோ ராக³சரிதோ, அயங் தோ³ஸசரிதோ, அயங் மோஹசரிதோ, அயங் விதக்கசரிதோ, அயங் ஸத்³தா⁴சரிதோ, அயங் ஞாணசரிதோ’’தி. ராக³சரிதஸ்ஸ ப⁴க³வா புக்³க³லஸ்ஸ அஸுப⁴கத²ங் கதே²தி; தோ³ஸசரிதஸ்ஸ ப⁴க³வா புக்³க³லஸ்ஸ மெத்தாபா⁴வனங் ஆசிக்க²தி; மோஹசரிதஸ்ஸ ப⁴க³வா புக்³க³லஸ்ஸ உத்³தே³ஸே பரிபுச்சா²ய காலேன த⁴ம்மஸ்ஸவனே காலேன த⁴ம்மஸாகச்சா²ய க³ருஸங்வாஸே நிவேஸேதி; விதக்கசரிதஸ்ஸ ப⁴க³வா புக்³க³லஸ்ஸ ஆனாபானஸ்ஸதிங் ஆசிக்க²தி; ஸத்³தா⁴சரிதஸ்ஸ ப⁴க³வா புக்³க³லஸ்ஸ பஸாத³னீயங் நிமித்தங் ஆசிக்க²தி பு³த்³த⁴ஸுபோ³தி⁴ங் த⁴ம்மஸுத⁴ம்மதங் ஸங்க⁴ஸுப்படிபத்திங் ஸீலானி ச அத்தனோ; ஞாணசரிதஸ்ஸ ப⁴க³வா புக்³க³லஸ்ஸ விபஸ்ஸனானிமித்தங் ஆசிக்க²தி அனிச்சாகாரங் து³க்கா²காரங் அனத்தாகாரங்.

Kathaṃ bhagavā buddhacakkhunāpi cakkhumā? Bhagavā buddhacakkhunā lokaṃ volokento ²² addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino viharante appekacce naparalokavajjabhayadassāvino viharante. Seyyathāpi nāma uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni antonimuggaposīni, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni samodakaṃ ṭhitāni, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakaṃ accuggamma tiṭṭhanti anupalittāni udakena; evamevaṃ bhagavā buddhacakkhunā lokaṃ volokento addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino viharante appekacce naparalokavajjabhayadassāvino viharante. Jānāti bhagavā – ‘‘ayaṃ puggalo rāgacarito, ayaṃ dosacarito, ayaṃ mohacarito, ayaṃ vitakkacarito, ayaṃ saddhācarito, ayaṃ ñāṇacarito’’ti. Rāgacaritassa bhagavā puggalassa asubhakathaṃ katheti; dosacaritassa bhagavā puggalassa mettābhāvanaṃ ācikkhati; mohacaritassa bhagavā puggalassa uddese paripucchāya kālena dhammassavane kālena dhammasākacchāya garusaṃvāse niveseti; vitakkacaritassa bhagavā puggalassa ānāpānassatiṃ ācikkhati; saddhācaritassa bhagavā puggalassa pasādanīyaṃ nimittaṃ ācikkhati buddhasubodhiṃ dhammasudhammataṃ saṅghasuppaṭipattiṃ sīlāni ca attano; ñāṇacaritassa bhagavā puggalassa vipassanānimittaṃ ācikkhati aniccākāraṃ dukkhākāraṃ anattākāraṃ.

‘‘ஸேலே யதா² பப்³ப³தமுத்³த⁴னிட்டி²தோ, யதா²பி பஸ்ஸே ஜனதங் ஸமந்ததோ;

‘‘Sele yathā pabbatamuddhaniṭṭhito, yathāpi passe janataṃ samantato;

ததூ²பமங் த⁴ம்மமயங் ஸுமேத⁴, பாஸாத³மாருய்ஹ ஸமந்தசக்கு²;

Tathūpamaṃ dhammamayaṃ sumedha, pāsādamāruyha samantacakkhu;

ஸோகாவதிண்ணங் ஜனதமபேதஸோகோ, அவெக்க²ஸ்ஸு ஜாதிஜராபி⁴பூ⁴த’’ந்தி.

Sokāvatiṇṇaṃ janatamapetasoko, avekkhassu jātijarābhibhūta’’nti.

ஏவங் ப⁴க³வா பு³த்³த⁴சக்கு²னாபி சக்கு²மா.

Evaṃ bhagavā buddhacakkhunāpi cakkhumā.

கத²ங் ப⁴க³வா ஸமந்தசக்கு²னாபி சக்கு²மா? ஸமந்தசக்கு² வுச்சதி ஸப்³ப³ஞ்ஞுதஞாணங். ப⁴க³வா ஸப்³ப³ஞ்ஞுதஞாணேன உபேதோ ஸமுபேதோ உபக³தோ ஸமுபக³தோ உபபன்னோ ஸமுபபன்னோ ஸமன்னாக³தோ.

Kathaṃ bhagavā samantacakkhunāpi cakkhumā? Samantacakkhu vuccati sabbaññutañāṇaṃ. Bhagavā sabbaññutañāṇena upeto samupeto upagato samupagato upapanno samupapanno samannāgato.

‘‘ந தஸ்ஸ அதி³ட்ட²மித⁴த்தி² கிஞ்சி, அதோ² அவிஞ்ஞாதமஜானிதப்³ப³ங்;

‘‘Na tassa adiṭṭhamidhatthi kiñci, atho aviññātamajānitabbaṃ;

ஸப்³ப³ங் அபி⁴ஞ்ஞாஸி யத³த்தி² நெய்யங், ததா²க³தோ தேன ஸமந்தசக்கூ²’’தி.

Sabbaṃ abhiññāsi yadatthi neyyaṃ, tathāgato tena samantacakkhū’’ti.

ஏவங் ப⁴க³வா ஸமந்தசக்கு²னாபி சக்கு²மாதி – யதா² தி³ஸ்ஸதி சக்கு²மா.

Evaṃ bhagavā samantacakkhunāpi cakkhumāti – yathā dissati cakkhumā.

ஸப்³ப³ங் தமங் வினோதெ³த்வாதி ஸப்³ப³ங் ராக³தமங் தோ³ஸதமங் மோஹதமங் மானதமங் தி³ட்டி²தமங் கிலேஸதமங் து³ச்சரிததமங் அந்த⁴கரணங் அசக்கு²கரணங் அஞ்ஞாணகரணங் பஞ்ஞானிரோதி⁴கங் விகா⁴தபக்கி²கங் அனிப்³பா³னஸங்வத்தனிகங் நுதி³த்வா பனுதி³த்வா ஜஹித்வா பஜஹித்வா வினோதெ³த்வா ப்³யந்திங் கரித்வா அனபா⁴வங் க³மெத்வாதி – ஸப்³ப³ங் தமங் வினோதெ³த்வா.

Sabbaṃtamaṃ vinodetvāti sabbaṃ rāgatamaṃ dosatamaṃ mohatamaṃ mānatamaṃ diṭṭhitamaṃ kilesatamaṃ duccaritatamaṃ andhakaraṇaṃ acakkhukaraṇaṃ aññāṇakaraṇaṃ paññānirodhikaṃ vighātapakkhikaṃ anibbānasaṃvattanikaṃ nuditvā panuditvā jahitvā pajahitvā vinodetvā byantiṃ karitvā anabhāvaṃ gametvāti – sabbaṃ tamaṃ vinodetvā.

ஏகோவ ரதிமஜ்ஜ²கா³தி. ஏகோதி ப⁴க³வா பப்³ப³ஜ்ஜாஸங்கா²தேன ஏகோ, அது³தியட்டே²ன ஏகோ, தண்ஹாய பஹானட்டே²ன ஏகோ, ஏகந்தவீதராகோ³தி ஏகோ, ஏகந்தவீததோ³ஸோதி ஏகோ, ஏகந்தவீதமோஹோதி ஏகோ, ஏகந்தனிக்கிலேஸோதி ஏகோ, ஏகாயனமக்³க³ங் க³தோதி ஏகோ, அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴தி ஏகோ.

Ekova ratimajjhagāti. Ekoti bhagavā pabbajjāsaṅkhātena eko, adutiyaṭṭhena eko, taṇhāya pahānaṭṭhena eko, ekantavītarāgoti eko, ekantavītadosoti eko, ekantavītamohoti eko, ekantanikkilesoti eko, ekāyanamaggaṃ gatoti eko, anuttaraṃ sammāsambodhiṃ abhisambuddhoti eko.

கத²ங் ப⁴க³வா பப்³ப³ஜ்ஜாஸங்கா²தேன ஏகோ? ப⁴க³வா த³ஹரோவ ஸமானோ ஸுஸு காளகேஸோ ப⁴த்³ரேன ²³ யொப்³ப³னேன ஸமன்னாக³தோ பட²மேன வயஸா அகாமகானங் மாதாபிதூனங் அஸ்ஸுமுகா²னங் ருத³ந்தானங் விலபந்தானங் ஞாதிஸங்க⁴ங் பஹாய ஸப்³ப³ங் க⁴ராவாஸபலிபோ³த⁴ங் சி²ந்தி³த்வா புத்ததா³ரபலிபோ³த⁴ங் சி²ந்தி³த்வா ஞாதிபலிபோ³த⁴ங் சி²ந்தி³த்வா மித்தாமச்சபலிபோ³த⁴ங் சி²ந்தி³த்வா ஸன்னிதி⁴பலிபோ³த⁴ங் சி²ந்தி³த்வா கேஸமஸ்ஸுங் ஓஹாரெத்வா காஸாயானி வத்தா²னி அச்சா²தெ³த்வா அகா³ரஸ்மா அனகா³ரியங் பப்³ப³ஜித்வா அகிஞ்சனபா⁴வங் உபக³ந்த்வா ஏகோ சரதி விஹரதி இரியதி வத்ததி பாலேதி யபேதி யாபேதி – ஏவங் ப⁴க³வா பப்³ப³ஜ்ஜாஸங்கா²தேன ஏகோ.

Kathaṃ bhagavā pabbajjāsaṅkhātena eko? Bhagavā daharova samāno susu kāḷakeso bhadrena ²⁴ yobbanena samannāgato paṭhamena vayasā akāmakānaṃ mātāpitūnaṃ assumukhānaṃ rudantānaṃ vilapantānaṃ ñātisaṅghaṃ pahāya sabbaṃ gharāvāsapalibodhaṃ chinditvā puttadārapalibodhaṃ chinditvā ñātipalibodhaṃ chinditvā mittāmaccapalibodhaṃ chinditvā sannidhipalibodhaṃ chinditvā kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajitvā akiñcanabhāvaṃ upagantvā eko carati viharati iriyati vattati pāleti yapeti yāpeti – evaṃ bhagavā pabbajjāsaṅkhātena eko.

கத²ங் ப⁴க³வா அது³தியட்டே²ன ஏகோ? ஸோ ஏவங் பப்³ப³ஜிதோ ஸமானோ ஏகோ அரஞ்ஞவனபத்தா²னி பந்தானி ஸேனாஸனானி படிஸேவதி அப்பஸத்³தா³னி அப்பனிக்³கோ⁴ஸானி விஜனவாதானி மனுஸ்ஸராஹஸ்ஸெய்யகானி படிஸல்லானஸாருப்பானி. ஸோ ஏகோ சரதி, ஏகோ க³ச்ச²தி, ஏகோ திட்ட²தி, ஏகோ நிஸீத³தி, ஏகோ ஸெய்யங் கப்பேதி, ஏகோ கா³மங் பிண்டா³ய பவிஸதி, ஏகோ படிக்கமதி, ஏகோ ரஹோ நிஸீத³தி, ஏகோ சங்கமங் அதி⁴ட்டா²தி, ஏகோ சரதி விஹரதி இரியதி வத்ததி பாலேதி யபேதி யாபேதி – ஏவங் ப⁴க³வா அது³தியட்டே²ன ஏகோ.

Kathaṃ bhagavā adutiyaṭṭhena eko? So evaṃ pabbajito samāno eko araññavanapatthāni pantāni senāsanāni paṭisevati appasaddāni appanigghosāni vijanavātāni manussarāhasseyyakāni paṭisallānasāruppāni. So eko carati, eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko raho nisīdati, eko caṅkamaṃ adhiṭṭhāti, eko carati viharati iriyati vattati pāleti yapeti yāpeti – evaṃ bhagavā adutiyaṭṭhena eko.

கத²ங் ப⁴க³வா தண்ஹாய பஹானட்டே²ன ஏகோ? ஸோ ஏவங் ஏகோ அது³தியோ அப்பமத்தோ ஆதாபீ பஹிதத்தோ விஹரந்தோ நஜ்ஜா நேரஞ்ஜராய தீரே போ³தி⁴ருக்க²மூலே மஹாபதா⁴னங் பத³ஹந்தோ மாரங் ஸஸேனங் கண்ஹங் நமுசிங் பமத்தப³ந்து⁴ங் வித⁴மித்வா தண்ஹாஜாலினிங் விஸரிதங் விஸத்திகங் பஜஹஸி வினோதே³ஸி ப்³யந்திங் அகாஸி அனபா⁴வங் க³மேஸி.

Kathaṃ bhagavā taṇhāya pahānaṭṭhena eko? So evaṃ eko adutiyo appamatto ātāpī pahitatto viharanto najjā nerañjarāya tīre bodhirukkhamūle mahāpadhānaṃ padahanto māraṃ sasenaṃ kaṇhaṃ namuciṃ pamattabandhuṃ vidhamitvā taṇhājāliniṃ visaritaṃ visattikaṃ pajahasi vinodesi byantiṃ akāsi anabhāvaṃ gamesi.

‘‘தண்ஹாது³தியோ புரிஸோ, தீ³க⁴மத்³தா⁴னஸங்ஸரங்;

‘‘Taṇhādutiyo puriso, dīghamaddhānasaṃsaraṃ;

இத்த²பா⁴வஞ்ஞதா²பா⁴வங் ²⁵, ஸங்ஸாரங் நாதிவத்ததி.

Itthabhāvaññathābhāvaṃ ²⁶, saṃsāraṃ nātivattati.

‘‘ஏதமாதீ³னவங் ஞத்வா, தண்ஹங் து³க்க²ஸ்ஸ ஸம்ப⁴வங்;

‘‘Etamādīnavaṃ ñatvā, taṇhaṃ dukkhassa sambhavaṃ;

வீததண்ஹோ அனாதா³னோ, ஸதோ பி⁴க்கு² பரிப்³ப³ஜே’’தி.

Vītataṇho anādāno, sato bhikkhu paribbaje’’ti.

ஏவங் ப⁴க³வா தண்ஹாய பஹானட்டே²ன ஏகோ.

Evaṃ bhagavā taṇhāya pahānaṭṭhena eko.

கத²ங் ப⁴க³வா ஏகந்தவீதராகோ³தி ஏகோ? ராக³ஸ்ஸ பஹீனத்தா ஏகந்தவீதராகோ³தி ஏகோ, தோ³ஸஸ்ஸ பஹீனத்தா ஏகந்தவீததோ³ஸோதி ஏகோ, மோஹஸ்ஸ பஹீனத்தா ஏகந்தவீதமோஹோதி ஏகோ, கிலேஸானங் பஹீனத்தா ஏகந்தனிக்கிலேஸோதி ஏகோ.

Kathaṃ bhagavā ekantavītarāgoti eko? Rāgassa pahīnattā ekantavītarāgoti eko, dosassa pahīnattā ekantavītadosoti eko, mohassa pahīnattā ekantavītamohoti eko, kilesānaṃ pahīnattā ekantanikkilesoti eko.

கத²ங் ப⁴க³வா ஏகாயனமக்³க³ங் க³தோதி ஏகோ? ஏகாயனமக்³கோ³ வுச்சதி சத்தாரோ ஸதிபட்டா²னா சத்தாரோ ஸம்மப்பதா⁴னா சத்தாரோ இத்³தி⁴பாதா³ பஞ்சிந்த்³ரியானி பஞ்ச ப³லானி ஸத்த பொ³ஜ்ஜ²ங்கா³ அரியோ அட்ட²ங்கி³கோ மக்³கோ³.

Kathaṃ bhagavā ekāyanamaggaṃ gatoti eko? Ekāyanamaggo vuccati cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo.

‘‘ஏகாயனங் ஜாதிக²யந்தத³ஸ்ஸீ, மக்³க³ங் பஜானாதி ஹிதானுகம்பீ;

‘‘Ekāyanaṃ jātikhayantadassī, maggaṃ pajānāti hitānukampī;

ஏதேன மக்³கே³ன தரிங்ஸு ²⁷ புப்³பே³, தரிஸ்ஸந்தி யே ச தரந்தி ஓக⁴’’ந்தி.

Etena maggena tariṃsu ²⁸ pubbe, tarissanti ye ca taranti ogha’’nti.

ஏவங் ப⁴க³வா ஏகாயனமக்³க³ங் க³தோதி ஏகோ.

Evaṃ bhagavā ekāyanamaggaṃ gatoti eko.

கத²ங் ப⁴க³வா ஏகோ அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴தி ஏகோ? போ³தி⁴ வுச்சதி சதூஸு மக்³கே³ஸு ஞாணங் பஞ்ஞிந்த்³ரியங் பஞ்ஞாப³லங் த⁴ம்மவிசயஸம்பொ³ஜ்ஜ²ங்கோ³ வீமங்ஸா விபஸ்ஸனா ஸம்மாதி³ட்டி². ப⁴க³வா தேன போ³தி⁴ஞாணேன ‘‘ஸப்³பே³ ஸங்கா²ரா அனிச்சா’’தி பு³ஜ்ஜி², ‘‘ஸப்³பே³ ஸங்கா²ரா து³க்கா²’’தி பு³ஜ்ஜி², ‘‘ஸப்³பே³ த⁴ம்மா அனத்தா’’தி பு³ஜ்ஜி², ‘‘அவிஜ்ஜாபச்சயா ஸங்கா²ரா’’தி பு³ஜ்ஜி²…பே॰… ‘‘ஜாதிபச்சயா ஜராமரண’’ந்தி பு³ஜ்ஜி²; ‘‘அவிஜ்ஜானிரோதா⁴ ஸங்கா²ரனிரோதோ⁴’’தி பு³ஜ்ஜி²…பே॰… ‘‘ஜாதினிரோதா⁴ ஜராமரணனிரோதோ⁴’’தி பு³ஜ்ஜி²; ‘‘இத³ங் து³க்க²’’ந்தி பு³ஜ்ஜி², ‘‘அயங் து³க்க²ஸமுத³யோ’’தி பு³ஜ்ஜி², ‘‘அயங் து³க்க²னிரோதோ⁴’’தி பு³ஜ்ஜி², ‘‘அயங் து³க்க²னிரோத⁴கா³மினீ படிபதா³’’தி பு³ஜ்ஜி²; ‘‘இமே ஆஸவா’’தி பு³ஜ்ஜி²…பே॰… ‘‘அயங் ஆஸவனிரோத⁴கா³மினீ படிபதா³’’தி பு³ஜ்ஜி²; ‘‘இமே த⁴ம்மா பரிஞ்ஞெய்யா’’தி பு³ஜ்ஜி²… பஹாதப்³பா³தி… பா⁴வேதப்³பா³தி… ஸச்சி²காதப்³பா³தி பு³ஜ்ஜி², ச²ன்னங் ப²ஸ்ஸாயதனானங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச பு³ஜ்ஜி², பஞ்சன்னங் உபாதா³னக்க²ந்தா⁴னங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச பு³ஜ்ஜி², சதுன்னங் மஹாபூ⁴தானங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச பு³ஜ்ஜி², ‘‘யங் கிஞ்சி ஸமுத³யத⁴ம்மங், ஸப்³ப³ங் தங் நிரோத⁴த⁴ம்ம’’ந்த்ந்த்தி பு³ஜ்ஜி².

Kathaṃ bhagavā eko anuttaraṃ sammāsambodhiṃ abhisambuddhoti eko? Bodhi vuccati catūsu maggesu ñāṇaṃ paññindriyaṃ paññābalaṃ dhammavicayasambojjhaṅgo vīmaṃsā vipassanā sammādiṭṭhi. Bhagavā tena bodhiñāṇena ‘‘sabbe saṅkhārā aniccā’’ti bujjhi, ‘‘sabbe saṅkhārā dukkhā’’ti bujjhi, ‘‘sabbe dhammā anattā’’ti bujjhi, ‘‘avijjāpaccayā saṅkhārā’’ti bujjhi…pe… ‘‘jātipaccayā jarāmaraṇa’’nti bujjhi; ‘‘avijjānirodhā saṅkhāranirodho’’ti bujjhi…pe… ‘‘jātinirodhā jarāmaraṇanirodho’’ti bujjhi; ‘‘idaṃ dukkha’’nti bujjhi, ‘‘ayaṃ dukkhasamudayo’’ti bujjhi, ‘‘ayaṃ dukkhanirodho’’ti bujjhi, ‘‘ayaṃ dukkhanirodhagāminī paṭipadā’’ti bujjhi; ‘‘ime āsavā’’ti bujjhi…pe… ‘‘ayaṃ āsavanirodhagāminī paṭipadā’’ti bujjhi; ‘‘ime dhammā pariññeyyā’’ti bujjhi… pahātabbāti… bhāvetabbāti… sacchikātabbāti bujjhi, channaṃ phassāyatanānaṃ samudayañca atthaṅgamañca assādañca ādīnavañca nissaraṇañca bujjhi, pañcannaṃ upādānakkhandhānaṃ samudayañca atthaṅgamañca assādañca ādīnavañca nissaraṇañca bujjhi, catunnaṃ mahābhūtānaṃ samudayañca atthaṅgamañca assādañca ādīnavañca nissaraṇañca bujjhi, ‘‘yaṃ kiñci samudayadhammaṃ, sabbaṃ taṃ nirodhadhamma’’ntntti bujjhi.

அத² வா யங் கிஞ்சி பு³ஜ்ஜி²தப்³ப³ங் அனுபு³ஜ்ஜி²தப்³ப³ங் படிபு³ஜ்ஜி²தப்³ப³ங் ஸம்பு³ஜ்ஜி²தப்³ப³ங் அதி⁴க³ந்தப்³ப³ங் ப²ஸ்ஸிதப்³ப³ங் ஸச்சி²காதப்³ப³ங், ஸப்³ப³ங் தங் தேன போ³தி⁴ஞாணேன பு³ஜ்ஜி² அனுபு³ஜ்ஜி² படிபு³ஜ்ஜி² ஸம்பு³ஜ்ஜி² ஸம்மாபு³ஜ்ஜி² அதி⁴க³ச்சி² ப²ஸ்ஸேஸி ஸச்சா²காஸி. ஏவங் ப⁴க³வா ஏகோ அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴தி ஏகோ.

Atha vā yaṃ kiñci bujjhitabbaṃ anubujjhitabbaṃ paṭibujjhitabbaṃ sambujjhitabbaṃ adhigantabbaṃ phassitabbaṃ sacchikātabbaṃ, sabbaṃ taṃ tena bodhiñāṇena bujjhi anubujjhi paṭibujjhi sambujjhi sammābujjhi adhigacchi phassesi sacchākāsi. Evaṃ bhagavā eko anuttaraṃ sammāsambodhiṃ abhisambuddhoti eko.

ரதிமஜ்ஜ²கா³தி. ரதிந்தி நெக்க²ம்மரதிங் விவேகரதிங் உபஸமரதிங் ஸம்போ³தி⁴ரதிங் அஜ்ஜ²கா³ ஸமஜ்ஜ²கா³ அதி⁴க³ச்சி² ப²ஸ்ஸேஸி ஸச்சா²காஸீதி – ஏகோவ ரதிமஜ்ஜ²கா³.

Ratimajjhagāti. Ratinti nekkhammaratiṃ vivekaratiṃ upasamaratiṃ sambodhiratiṃ ajjhagā samajjhagā adhigacchi phassesi sacchākāsīti – ekova ratimajjhagā.

தேனாஹ தே²ரோ ஸாரிபுத்தோ –

Tenāha thero sāriputto –

‘‘ஸதே³வகஸ்ஸ லோகஸ்ஸ, யதா² தி³ஸ்ஸதி சக்கு²மா;

‘‘Sadevakassa lokassa, yathā dissati cakkhumā;

ஸப்³ப³ங் தமங் வினோதெ³த்வா, ஏகோவ ரதிமஜ்ஜ²கா³’’தி.

Sabbaṃ tamaṃ vinodetvā, ekova ratimajjhagā’’ti.

192.

தங் பு³த்³த⁴ங் அஸிதங் தாதி³ங், அகுஹங் க³ணிமாக³தங்;

Taṃ buddhaṃ asitaṃ tādiṃ, akuhaṃ gaṇimāgataṃ;

ப³ஹூனமித⁴ ப³த்³தா⁴னங், அத்தி² பஞ்ஹேன ஆக³மங்.

Bahūnamidha baddhānaṃ, atthi pañhena āgamaṃ.

தங் பு³த்³த⁴ங் அஸிதங் தாதி³ந்தி. பு³த்³தோ⁴தி யோ ஸோ ப⁴க³வா ஸயம்பூ⁴ அனாசரியகோ புப்³பே³ அனநுஸ்ஸுதேஸு த⁴ம்மேஸு ஸாமங் ஸச்சானி அபி⁴ஸம்பு³ஜ்ஜி², தத்த² ச ஸப்³ப³ஞ்ஞுதங் பாபுணி ²⁹, ப³லேஸு ச வஸீபா⁴வங் பாபுணி. பு³த்³தோ⁴தி கேனட்டே²ன பு³த்³தோ⁴? பு³ஜ்ஜி²தா ஸச்சானீதி பு³த்³தோ⁴, போ³தே⁴தா பஜாயாதி பு³த்³தோ⁴, ஸப்³ப³ஞ்ஞுதாய பு³த்³தோ⁴, ஸப்³ப³த³ஸ்ஸாவிதாய பு³த்³தோ⁴, அனஞ்ஞனெய்யதாய பு³த்³தோ⁴, விஸவிதாய பு³த்³தோ⁴, கீ²ணாஸவஸங்கா²தேன பு³த்³தோ⁴, நிருபக்கிலேஸஸங்கா²தேன பு³த்³தோ⁴, ஏகந்தவீதராகோ³தி பு³த்³தோ⁴, ஏகந்தவீததோ³ஸோதி பு³த்³தோ⁴, ஏகந்தவீதமோஹோதி பு³த்³தோ⁴, ஏகந்தனிக்கிலேஸோதி பு³த்³தோ⁴, ஏகாயனமக்³க³ங் க³தோதி பு³த்³தோ⁴, ஏகோ அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴தி பு³த்³தோ⁴, அபு³த்³தி⁴விஹதத்தா பு³த்³தி⁴படிலாப⁴த்தா பு³த்³தோ⁴. பு³த்³தோ⁴தி நேதங் மாதரா கதங் ந பிதரா கதங், ந பா⁴தரா கதங், ந ப⁴கி³னியா கதங், ந மித்தாமச்சேஹி கதங், ந ஞாதிஸாலோஹிதேஹி கதங், ந ஸமணப்³ராஹ்மணேஹி கதங், ந தே³வதாஹி கதங். விமொக்க²ந்திகமேதங் பு³த்³தா⁴னங் ப⁴க³வந்தானங் போ³தி⁴யா மூலே ஸஹ ஸப்³ப³ஞ்ஞுதஞாணஸ்ஸ படிலாபா⁴ ஸச்சி²கா பஞ்ஞத்தி, யதி³த³ங் பு³த்³தோ⁴தி – தங் பு³த்³த⁴ங். அஸிதந்தி த்³வே நிஸ்ஸயா – தண்ஹானிஸ்ஸயோ ச தி³ட்டி²னிஸ்ஸயோ ச. கதமோ தண்ஹானிஸ்ஸயோ? யாவ தண்ஹாஸங்கா²தேன ஸீமகதங் ஓதி⁴கதங் ³⁰ பரியந்தகதங் பரிக்³க³ஹிதங் மமாயிதங் – இத³ங் மம, ஏதங் மம, எத்தகங் மம, எத்தாவதா மம, மம ரூபா ஸத்³தா³ க³ந்தா⁴ ரஸா பொ²ட்ட²ப்³பா³, அத்த²ரணா பாவுரணா தா³ஸிதா³ஸா அஜேளகா குக்குடஸூகரா ஹத்தி²க³வாஸ்ஸவளவா, கெ²த்தங் வத்து²ங் ஹிரஞ்ஞங் ஸுவண்ணங், கா³மனிக³மராஜதா⁴னியோ ரட்ட²ஞ்ச ஜனபதோ³ ச கோஸோ ச கொட்டா²கா³ரஞ்ச, கேவலம்பி மஹாபத²விங் தண்ஹாவஸேன மமாயதி, யாவதா அட்ட²ஸதங் தண்ஹாவிசரிதங் – அயங் தண்ஹானிஸ்ஸயோ.

Taṃ buddhaṃ asitaṃ tādinti. Buddhoti yo so bhagavā sayambhū anācariyako pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ pāpuṇi ³¹, balesu ca vasībhāvaṃ pāpuṇi. Buddhoti kenaṭṭhena buddho? Bujjhitā saccānīti buddho, bodhetā pajāyāti buddho, sabbaññutāya buddho, sabbadassāvitāya buddho, anaññaneyyatāya buddho, visavitāya buddho, khīṇāsavasaṅkhātena buddho, nirupakkilesasaṅkhātena buddho, ekantavītarāgoti buddho, ekantavītadosoti buddho, ekantavītamohoti buddho, ekantanikkilesoti buddho, ekāyanamaggaṃ gatoti buddho, eko anuttaraṃ sammāsambodhiṃ abhisambuddhoti buddho, abuddhivihatattā buddhipaṭilābhattā buddho. Buddhoti netaṃ mātarā kataṃ na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ. Vimokkhantikametaṃ buddhānaṃ bhagavantānaṃ bodhiyā mūle saha sabbaññutañāṇassa paṭilābhā sacchikā paññatti, yadidaṃ buddhoti – taṃ buddhaṃ. Asitanti dve nissayā – taṇhānissayo ca diṭṭhinissayo ca. Katamo taṇhānissayo? Yāva taṇhāsaṅkhātena sīmakataṃ odhikataṃ ³² pariyantakataṃ pariggahitaṃ mamāyitaṃ – idaṃ mama, etaṃ mama, ettakaṃ mama, ettāvatā mama, mama rūpā saddā gandhā rasā phoṭṭhabbā, attharaṇā pāvuraṇā dāsidāsā ajeḷakā kukkuṭasūkarā hatthigavāssavaḷavā, khettaṃ vatthuṃ hiraññaṃ suvaṇṇaṃ, gāmanigamarājadhāniyo raṭṭhañca janapado ca koso ca koṭṭhāgārañca, kevalampi mahāpathaviṃ taṇhāvasena mamāyati, yāvatā aṭṭhasataṃ taṇhāvicaritaṃ – ayaṃ taṇhānissayo.

கதமோ தி³ட்டி²னிஸ்ஸயோ? வீஸதிவத்து²கா ஸக்காயதி³ட்டி², த³ஸவத்து²கா மிச்சா²தி³ட்டி², த³ஸவத்து²கா அந்தக்³கா³ஹிகா தி³ட்டி². யா ஏவரூபா தி³ட்டி² தி³ட்டி²க³தங் தி³ட்டி²க³ஹனங் தி³ட்டி²கந்தாரோ தி³ட்டி²விஸூகாயிகங் தி³ட்டி²விப்ப²ந்தி³தங் தி³ட்டி²ஸஞ்ஞோஜனங் கா³ஹோ படிக்³கா³ஹோ அபி⁴னிவேஸோ பராமாஸோ கும்மக்³கோ³ மிச்சா²பதோ² மிச்ச²த்தங் தித்தா²யதனங் விபரியாஸக்³கா³ஹோ விபரீதக்³கா³ஹோ விபல்லாஸக்³கா³ஹோ மிச்சா²கா³ஹோ ‘‘அயாதா²வகஸ்மிங் யாதா²வக’’ந்தி கா³ஹோ யாவதா த்³வாஸட்டி² தி³ட்டி²க³தானி – அயங் தி³ட்டி²னிஸ்ஸயோ.

Katamo diṭṭhinissayo? Vīsativatthukā sakkāyadiṭṭhi, dasavatthukā micchādiṭṭhi, dasavatthukā antaggāhikā diṭṭhi. Yā evarūpā diṭṭhi diṭṭhigataṃ diṭṭhigahanaṃ diṭṭhikantāro diṭṭhivisūkāyikaṃ diṭṭhivipphanditaṃ diṭṭhisaññojanaṃ gāho paṭiggāho abhiniveso parāmāso kummaggo micchāpatho micchattaṃ titthāyatanaṃ vipariyāsaggāho viparītaggāho vipallāsaggāho micchāgāho ‘‘ayāthāvakasmiṃ yāthāvaka’’nti gāho yāvatā dvāsaṭṭhi diṭṭhigatāni – ayaṃ diṭṭhinissayo.

பு³த்³த⁴ஸ்ஸ ப⁴க³வதோ தண்ஹானிஸ்ஸயோ பஹீனோ, தி³ட்டி²னிஸ்ஸயோ படினிஸ்ஸட்டோ²; தண்ஹானிஸ்ஸயஸ்ஸ பஹீனத்தா தி³ட்டி²னிஸ்ஸயஸ்ஸ படினிஸ்ஸட்ட²த்தா ப⁴க³வா சக்கு²ங் அஸிதோ, ஸோதங்… கா⁴னங்… ஜிவ்ஹங்… காயங்… மனங் அஸிதோ, ரூபே… ஸத்³தே³… க³ந்தே⁴… ரஸே… பொ²ட்ட²ப்³பே³… குலங்… க³ணங்… ஆவாஸங்… லாப⁴ங்… யஸங்… பஸங்ஸங்… ஸுக²ங்… சீவரங்… பிண்ட³பாதங்… ஸேனாஸனங்… கி³லானபச்சயபே⁴ஸஜ்ஜபரிக்கா²ரங்… காமதா⁴துங்… ரூபதா⁴துங்… அரூபதா⁴துங் … காமப⁴வங்… ரூபப⁴வங்… அரூபப⁴வங்… ஸஞ்ஞாப⁴வங்… அஸஞ்ஞாப⁴வங்… நேவஸஞ்ஞானாஸஞ்ஞாப⁴வங்… ஏகவோகாரப⁴வங்… சதுவோகாரப⁴வங்… பஞ்சவோகாரப⁴வங்… அதீதங்… அனாக³தங்… பச்சுப்பன்னங்… தி³ட்ட²ஸுதமுதவிஞ்ஞாதப்³பே³ த⁴ம்மே அஸிதோ அனிஸ்ஸிதோ அனல்லீனோ அனுபக³தோ அனஜ்ஜோ²ஸிதோ அனதி⁴முத்தோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரதீதி – தங் பு³த்³த⁴ங் அஸிதங்.

Buddhassa bhagavato taṇhānissayo pahīno, diṭṭhinissayo paṭinissaṭṭho; taṇhānissayassa pahīnattā diṭṭhinissayassa paṭinissaṭṭhattā bhagavā cakkhuṃ asito, sotaṃ… ghānaṃ… jivhaṃ… kāyaṃ… manaṃ asito, rūpe… sadde… gandhe… rase… phoṭṭhabbe… kulaṃ… gaṇaṃ… āvāsaṃ… lābhaṃ… yasaṃ… pasaṃsaṃ… sukhaṃ… cīvaraṃ… piṇḍapātaṃ… senāsanaṃ… gilānapaccayabhesajjaparikkhāraṃ… kāmadhātuṃ… rūpadhātuṃ… arūpadhātuṃ … kāmabhavaṃ… rūpabhavaṃ… arūpabhavaṃ… saññābhavaṃ… asaññābhavaṃ… nevasaññānāsaññābhavaṃ… ekavokārabhavaṃ… catuvokārabhavaṃ… pañcavokārabhavaṃ… atītaṃ… anāgataṃ… paccuppannaṃ… diṭṭhasutamutaviññātabbe dhamme asito anissito anallīno anupagato anajjhosito anadhimutto nikkhanto nissaṭo vippamutto visaññutto vimariyādikatena cetasā viharatīti – taṃ buddhaṃ asitaṃ.

தாதி³ந்தி ப⁴க³வா பஞ்சஹாகாரேஹி தாதீ³ – இட்டா²னிட்டே² தாதீ³, சத்தாவீதி தாதீ³, திண்ணாவீதி தாதீ³, முத்தாவீதி தாதீ³, தங்னித்³தே³ஸா தாதீ³.

Tādinti bhagavā pañcahākārehi tādī – iṭṭhāniṭṭhe tādī, cattāvīti tādī, tiṇṇāvīti tādī, muttāvīti tādī, taṃniddesā tādī.

கத²ங் ப⁴க³வா இட்டா²னிட்டே² தாதீ³? ப⁴க³வா லாபே⁴பி தாதீ³, அலாபே⁴பி தாதீ³, யஸேபி தாதீ³, அயஸேபி தாதீ³, பஸங்ஸாயபி தாதீ³ நிந்தா³யபி தாதீ³, ஸுகே²பி தாதீ³, து³க்கே²பி தாதீ³; ஏகச்சே பா³ஹங் க³ந்தே⁴ன லிம்பெய்யுங், ஏகச்சே பா³ஹங் வாஸியா தச்செ²ய்யுங், அமுகஸ்மிங் நத்தி² ராகோ³ , அமுகஸ்மிங் நத்தி² படிக⁴ங், அனுனயபடிக⁴விப்பஹீனோ உக்³கா⁴தினிக்³கா⁴திவீதிவத்தோ அனுரோத⁴விரோத⁴ங் ஸமதிக்கந்தோ. ஏவங் ப⁴க³வா இட்டா²னிட்டே² தாதீ³.

Kathaṃ bhagavā iṭṭhāniṭṭhe tādī? Bhagavā lābhepi tādī, alābhepi tādī, yasepi tādī, ayasepi tādī, pasaṃsāyapi tādī nindāyapi tādī, sukhepi tādī, dukkhepi tādī; ekacce bāhaṃ gandhena limpeyyuṃ, ekacce bāhaṃ vāsiyā taccheyyuṃ, amukasmiṃ natthi rāgo , amukasmiṃ natthi paṭighaṃ, anunayapaṭighavippahīno ugghātinigghātivītivatto anurodhavirodhaṃ samatikkanto. Evaṃ bhagavā iṭṭhāniṭṭhe tādī.

கத²ங் ப⁴க³வா சத்தாவீதி தாதீ³? ப⁴க³வதா ³³ ராகோ³ சத்தோ வந்தோ முத்தோ பஹீனோ படினிஸ்ஸட்டோ², தோ³ஸோ…பே॰… மோஹோ… கோதோ⁴… உபனாஹோ… மக்கோ²… பளாஸோ… இஸ்ஸா… மச்ச²ரியங்… மாயா… ஸாடெ²ய்யங்… த²ம்போ⁴… ஸாரம்போ⁴… மானோ… அதிமானோ… மதோ³… பமாதோ³… ஸப்³பே³ கிலேஸா… ஸப்³பே³ து³ச்சரிதா… ஸப்³பே³ த³ரதா²… ஸப்³பே³ பரிளாஹா… ஸப்³பே³ ஸந்தாபா … ஸப்³பா³குஸலாபி⁴ஸங்கா²ரா சத்தா வந்தா முத்தா பஹீனா படினிஸ்ஸட்டா². ஏவங் ப⁴க³வா சத்தாவீதி தாதீ³.

Kathaṃ bhagavā cattāvīti tādī? Bhagavatā ³⁴ rāgo catto vanto mutto pahīno paṭinissaṭṭho, doso…pe… moho… kodho… upanāho… makkho… paḷāso… issā… macchariyaṃ… māyā… sāṭheyyaṃ… thambho… sārambho… māno… atimāno… mado… pamādo… sabbe kilesā… sabbe duccaritā… sabbe darathā… sabbe pariḷāhā… sabbe santāpā … sabbākusalābhisaṅkhārā cattā vantā muttā pahīnā paṭinissaṭṭhā. Evaṃ bhagavā cattāvīti tādī.

கத²ங் ப⁴க³வா திண்ணாவீதி தாதீ³? ப⁴க³வா காமோக⁴ங் திண்ணோ, ப⁴வோக⁴ங் திண்ணோ, தி³ட்டோ²க⁴ங் திண்ணோ, அவிஜ்ஜோக⁴ங் திண்ணோ, ஸப்³ப³ங் ஸங்ஸாரபத²ங் திண்ணோ உத்திண்ணோ நித்திண்ணோ அதிக்கந்தோ ஸமதிக்கந்தோ வீதிவத்தோ. ஸோ வுட்ட²வாஸோ சிண்ணசரணோ க³தத்³தோ⁴ க³ததி³ஸோ க³தகோடியோ பாலிதப்³ரஹ்மசரியோ உத்தமதி³ட்டி²ப்பத்தோ பா⁴விதமக்³கோ³ பஹீனகிலேஸோ படிவித்³தா⁴குப்போ ஸச்சி²கதனிரோதோ⁴. து³க்க²ங் தஸ்ஸ பரிஞ்ஞாதங், ஸமுத³யோ பஹீனோ, மக்³கோ³ பா⁴விதோ, நிரோதோ⁴ ஸச்சி²கதோ, அபி⁴ஞ்ஞெய்யங் அபி⁴ஞ்ஞாதங் , பரிஞ்ஞெய்யங் பரிஞ்ஞாதங், பஹாதப்³ப³ங் பஹீனங், பா⁴வேதப்³ப³ங் பா⁴விதங், ஸச்சி²காதப்³ப³ங் ஸச்சி²கதங். ஸோ உக்கி²த்தபளிகோ⁴ ³⁵ ஸங்கிண்ணபரிக்கோ² அப்³பூ³ள்ஹேஸிகோ நிரக்³க³ளோ அரியோ பன்னத்³த⁴ஜோ பன்னபா⁴ரோ விஸஞ்ஞுத்தோ பஞ்சங்க³விப்பஹீனோ ச²ளங்க³ஸமன்னாக³தோ ஏகாரக்கோ² சதுராபஸ்ஸேனோ பனுண்ணபச்சேகஸச்சோ ஸமவயஸட்டே²ஸனோ அனாவிலஸங்கப்போ பஸ்ஸத்³த⁴காயஸங்கா²ரோ ஸுவிமுத்தசித்தோ ஸுவிமுத்தபஞ்ஞோ கேவலீ வுஸிதவா உத்தமபுரிஸோ பரமபுரிஸோ பரமபத்திப்பத்தோ. ஸோ நேவாசினதி, நாபசினதி; அபசினித்வா டி²தோ நேவ பஜஹதி, ந உபாதி³யதி; பஜஹித்வா டி²தோ நேவ ஸங்ஸிப்³ப³தி, ந உஸினேதி; விஸினெத்வா டி²தோ நேவ விதூ⁴பேதி, ந ஸந்தூ⁴பேதி; விதூ⁴பெத்வா டி²தோ, அஸேகே²ன ஸீலக்க²ந்தே⁴ன ஸமன்னாக³தத்தா டி²தோ, அஸேகே²ன ஸமாதி⁴க்க²ந்தே⁴ன ஸமன்னாக³தத்தா டி²தோ, அஸேகே²ன பஞ்ஞாக்க²ந்தே⁴ன ஸமன்னாக³தத்தா டி²தோ, அஸேகே²ன விமுத்திக்க²ந்தே⁴ன ஸமன்னாக³தத்தா டி²தோ, அஸேகே²ன விமுத்திஞாணத³ஸ்ஸனக்க²ந்தே⁴ன ஸமன்னாக³தத்தா டி²தோ, ஸச்சங் ஸம்படிபாதி³யித்வா டி²தோ, ஏஜங் ஸமதிக்கமித்வா டி²தோ, கிலேஸக்³கி³ங் பரியாதி³யித்வா டி²தோ, அபரிக³மனதாய டி²தோ, கடங் ஸமாதா³ய டி²தோ, முத்தபடிஸேவனதாய டி²தோ, மெத்தாய பாரிஸுத்³தி⁴யா டி²தோ, கருணாய பாரிஸுத்³தி⁴யா டி²தோ, முதி³தாய பாரிஸுத்³தி⁴யா டி²தோ, உபெக்கா²ய பாரிஸுத்³தி⁴யா டி²தோ, அச்சந்தபாரிஸுத்³தி⁴யா டி²தோ, அதம்மயதாய பாரிஸுத்³தி⁴யா டி²தோ, விமுத்தத்தா டி²தோ, ஸந்துஸிதத்தா டி²தோ, க²ந்த⁴பரியந்தே டி²தோ, தா⁴துபரியந்தே டி²தோ, ஆயதனபரியந்தே டி²தோ, க³திபரியந்தே டி²தோ, உபபத்திபரியந்தே டி²தோ, படிஸந்தி⁴பரியந்தே டி²தோ, ப⁴வபரியந்தே டி²தோ, ஸங்ஸாரபரியந்தே டி²தோ, வட்டபரியந்தே டி²தோ, அந்திமே ப⁴வே டி²தோ, அந்திமே ஸமுஸ்ஸயே டி²தோ, அந்திமதே³ஹத⁴ரோ ப⁴க³வா.

Kathaṃ bhagavā tiṇṇāvīti tādī? Bhagavā kāmoghaṃ tiṇṇo, bhavoghaṃ tiṇṇo, diṭṭhoghaṃ tiṇṇo, avijjoghaṃ tiṇṇo, sabbaṃ saṃsārapathaṃ tiṇṇo uttiṇṇo nittiṇṇo atikkanto samatikkanto vītivatto. So vuṭṭhavāso ciṇṇacaraṇo gataddho gatadiso gatakoṭiyo pālitabrahmacariyo uttamadiṭṭhippatto bhāvitamaggo pahīnakileso paṭividdhākuppo sacchikatanirodho. Dukkhaṃ tassa pariññātaṃ, samudayo pahīno, maggo bhāvito, nirodho sacchikato, abhiññeyyaṃ abhiññātaṃ , pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ. So ukkhittapaḷigho ³⁶ saṃkiṇṇaparikkho abbūḷhesiko niraggaḷo ariyo pannaddhajo pannabhāro visaññutto pañcaṅgavippahīno chaḷaṅgasamannāgato ekārakkho caturāpasseno panuṇṇapaccekasacco samavayasaṭṭhesano anāvilasaṅkappo passaddhakāyasaṅkhāro suvimuttacitto suvimuttapañño kevalī vusitavā uttamapuriso paramapuriso paramapattippatto. So nevācinati, nāpacinati; apacinitvā ṭhito neva pajahati, na upādiyati; pajahitvā ṭhito neva saṃsibbati, na usineti; visinetvā ṭhito neva vidhūpeti, na sandhūpeti; vidhūpetvā ṭhito, asekhena sīlakkhandhena samannāgatattā ṭhito, asekhena samādhikkhandhena samannāgatattā ṭhito, asekhena paññākkhandhena samannāgatattā ṭhito, asekhena vimuttikkhandhena samannāgatattā ṭhito, asekhena vimuttiñāṇadassanakkhandhena samannāgatattā ṭhito, saccaṃ sampaṭipādiyitvā ṭhito, ejaṃ samatikkamitvā ṭhito, kilesaggiṃ pariyādiyitvā ṭhito, aparigamanatāya ṭhito, kaṭaṃ samādāya ṭhito, muttapaṭisevanatāya ṭhito, mettāya pārisuddhiyā ṭhito, karuṇāya pārisuddhiyā ṭhito, muditāya pārisuddhiyā ṭhito, upekkhāya pārisuddhiyā ṭhito, accantapārisuddhiyā ṭhito, atammayatāya pārisuddhiyā ṭhito, vimuttattā ṭhito, santusitattā ṭhito, khandhapariyante ṭhito, dhātupariyante ṭhito, āyatanapariyante ṭhito, gatipariyante ṭhito, upapattipariyante ṭhito, paṭisandhipariyante ṭhito, bhavapariyante ṭhito, saṃsārapariyante ṭhito, vaṭṭapariyante ṭhito, antime bhave ṭhito, antime samussaye ṭhito, antimadehadharo bhagavā.

‘‘தஸ்ஸாயங் பச்சி²மகோ ப⁴வோ, சரிமோயங் ஸமுஸ்ஸயோ;

‘‘Tassāyaṃ pacchimako bhavo, carimoyaṃ samussayo;

ஜாதிமரணஸங்ஸாரோ, நத்தி² தஸ்ஸ புனப்³ப⁴வோ’’தி.

Jātimaraṇasaṃsāro, natthi tassa punabbhavo’’ti.

ஏவங் ப⁴க³வா திண்ணாவீதி தாதீ³.

Evaṃ bhagavā tiṇṇāvīti tādī.

கத²ங் ப⁴க³வா முத்தாவீதி தாதீ³? ப⁴க³வதோ ராகா³ சித்தங் முத்தங் விமுத்தங் ஸுவிமுத்தங், தோ³ஸா சித்தங்… மோஹா சித்தங்… கோதா⁴… உபனாஹா… மக்கா²… பளாஸா… இஸ்ஸாய… மச்ச²ரியா… மாயாய… ஸாடெ²ய்யா… த²ம்பா⁴… ஸாரம்பா⁴… மானா… அதிமானா… மதா³… பமாதா³… ஸப்³ப³கிலேஸேஹி… ஸப்³ப³து³ச்சரிதேஹி… ஸப்³ப³த³ரதே²ஹி… ஸப்³ப³பரிளாஹேஹி… ஸப்³ப³ஸந்தாபேஹி… ஸப்³பா³குஸலாபி⁴ஸங்கா²ரேஹி சித்தங் முத்தங் விமுத்தங் ஸுவிமுத்தங். ஏவங் ப⁴க³வா முத்தாவீதி தாதீ³.

Kathaṃ bhagavā muttāvīti tādī? Bhagavato rāgā cittaṃ muttaṃ vimuttaṃ suvimuttaṃ, dosā cittaṃ… mohā cittaṃ… kodhā… upanāhā… makkhā… paḷāsā… issāya… macchariyā… māyāya… sāṭheyyā… thambhā… sārambhā… mānā… atimānā… madā… pamādā… sabbakilesehi… sabbaduccaritehi… sabbadarathehi… sabbapariḷāhehi… sabbasantāpehi… sabbākusalābhisaṅkhārehi cittaṃ muttaṃ vimuttaṃ suvimuttaṃ. Evaṃ bhagavā muttāvīti tādī.

கத²ங் ப⁴க³வா தங்னித்³தே³ஸா தாதீ³? ப⁴க³வா ஸீலே ஸதி ஸீலவாதி தங்னித்³தே³ஸா தாதீ³, ஸத்³தா⁴ய ஸதி ஸத்³தோ⁴தி தங்னித்³தே³ஸா தாதீ³, வீரியே ஸதி வீரியவாதி தங்னித்³தே³ஸா தாதீ³, ஸதியா ஸதி ஸதிமாதி தங்னித்³தே³ஸா தாதீ³, ஸமாதி⁴ஸ்மிங் ஸதி ஸமாஹிதோதி தங்னித்³தே³ஸா தாதீ³, பஞ்ஞாய ஸதி பஞ்ஞவாதி தங்னித்³தே³ஸா தாதீ³, விஜ்ஜாய ஸதி தேவிஜ்ஜோதி தங்னித்³தே³ஸா தாதீ³, அபி⁴ஞ்ஞாய ஸதி ச²ளபி⁴ஞ்ஞோதி தங்னித்³தே³ஸா தாதீ³, த³ஸப³லே ஸதி த³ஸப³லோதி தங்னித்³தே³ஸா தாதீ³. ஏவங் ப⁴க³வா தங்னித்³தே³ஸா தாதீ³தி – தங் பு³த்³த⁴ங் அஸிதங் தாதி³ங்.

Kathaṃ bhagavā taṃniddesā tādī? Bhagavā sīle sati sīlavāti taṃniddesā tādī, saddhāya sati saddhoti taṃniddesā tādī, vīriye sati vīriyavāti taṃniddesā tādī, satiyā sati satimāti taṃniddesā tādī, samādhismiṃ sati samāhitoti taṃniddesā tādī, paññāya sati paññavāti taṃniddesā tādī, vijjāya sati tevijjoti taṃniddesā tādī, abhiññāya sati chaḷabhiññoti taṃniddesā tādī, dasabale sati dasabaloti taṃniddesā tādī. Evaṃ bhagavā taṃniddesā tādīti – taṃ buddhaṃ asitaṃ tādiṃ.

அகுஹங் க³ணிமாக³தந்தி. அகுஹோதி தீணி குஹனவத்தூ²னி – பச்சயபடிஸேவனஸங்கா²தங் குஹனவத்து², இரியாபத²ஸங்கா²தங் குஹனவத்து², ஸாமந்தஜப்பனஸங்கா²தங் குஹனவத்து².

Akuhaṃ gaṇimāgatanti. Akuhoti tīṇi kuhanavatthūni – paccayapaṭisevanasaṅkhātaṃ kuhanavatthu, iriyāpathasaṅkhātaṃ kuhanavatthu, sāmantajappanasaṅkhātaṃ kuhanavatthu.

கதமங் பச்சயபடிஸேவனஸங்கா²தங் குஹனவத்து²? இத⁴ க³ஹபதிகா பி⁴க்கு²ங் நிமந்தெந்தி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரேஹி. ஸோ பாபிச்சோ² இச்சா²பகதோ அத்தி²கோ ³⁷ சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங் பி⁴ய்யோகம்யதங் உபாதா³ய சீவரங் பச்சக்கா²தி, பிண்ட³பாதங் பச்சக்கா²தி, ஸேனாஸனங் பச்சக்கா²தி, கி³லானபச்சயபே⁴ஸஜ்ஜபரிக்கா²ரங் பச்சக்கா²தி. ஸோ ஏவமாஹ – ‘‘கிங் ஸமணஸ்ஸ மஹக்³கே⁴ன சீவரேன! ஏதங் ஸாருப்பங், யங் ஸமணோ ஸுஸானா வா ஸங்காரகூடா வா பாபணிகா வா நந்தகானி உச்சினித்வா ஸங்கா⁴டிங் கரித்வா தா⁴ரெய்ய. கிங் ஸமணஸ்ஸ மஹக்³கே⁴ன பிண்ட³பாதேன! ஏதங் ஸாருப்பங், யங் ஸமணோ உஞ்சா²சரியாய பிண்டி³யாலோபேன ஜீவிதங் கப்பெய்ய . கிங் ஸமணஸ்ஸ மஹக்³கே⁴ன ஸேனாஸனேன! ஏதங் ஸாருப்பங், யங் ஸமணோ ருக்க²மூலிகோ வா அஸ்ஸ ஸோஸானிகோ வா அப்³போ⁴காஸிகோ வா. கிங் ஸமணஸ்ஸ மஹக்³கே⁴ன கி³லானபச்சயபே⁴ஸஜ்ஜபரிக்கா²ரேன! ஏதங் ஸாருப்பங், யங் ஸமணோ பூதிமுத்தேன ஹரிதகீக²ண்டே³ன ஓஸத⁴ங் கரெய்யா’’தி தது³பாதா³ய லூக²ங் சீவரங் தா⁴ரேதி, லூக²ங் பிண்ட³பாதங் பரிபு⁴ஞ்ஜதி, லூக²ங் ஸேனாஸனங் படிஸேவதி, லூக²ங் கி³லானபச்சயபே⁴ஸஜ்ஜபரிக்கா²ரங் படிஸேவதி. தமேனங் க³ஹபதிகா ஏவங் ஜானந்தி – ‘‘அயங் ஸமணோ அப்பிச்சோ² ஸந்துட்டோ² பவிவித்தோ அஸங்ஸட்டோ² ஆரத்³த⁴வீரியோ து⁴தவாதோ³’’தி பி⁴ய்யோ பி⁴ய்யோ நிமந்தெந்தி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரேஹி . ஸோ ஏவமாஹ – ‘‘திண்ணங் ஸம்முகீ²பா⁴வா ஸத்³தோ⁴ குலபுத்தோ ப³ஹுங் புஞ்ஞங் பஸவதி, ஸத்³தா⁴ய ஸம்முகீ²பா⁴வா ஸத்³தோ⁴ குலபுத்தோ ப³ஹுங் புஞ்ஞங் பஸவதி, தெ³ய்யத⁴ம்மஸ்ஸ ஸம்முகீ²பா⁴வா ஸத்³தோ⁴ குலபுத்தோ ப³ஹுங் புஞ்ஞங் பஸவதி, த³க்கி²ணெய்யானங் ஸம்முகீ²பா⁴வா ஸத்³தோ⁴ குலபுத்தோ ப³ஹுங் புஞ்ஞங் பஸவதி. தும்ஹாகஞ்சேவாயங் ஸத்³தா⁴ அத்தி², தெ³ய்யத⁴ம்மோ ச ஸங்விஜ்ஜதி, அஹஞ்ச படிக்³கா³ஹகோ. ஸசே அஹங் ந படிக்³க³ஹெஸ்ஸாமி , ஏவங் தும்ஹே புஞ்ஞேன பரிபா³ஹிரா ³⁸ ப⁴விஸ்ஸத², ந மய்ஹங் இமினா அத்தோ², அபி ச தும்ஹாகங்யேவ அனுகம்பாய படிக்³க³ண்ஹாமீ’’தி. தது³பாதா³ய ப³ஹும்பி சீவரங் படிக்³க³ண்ஹாதி ³⁹, ப³ஹும்பி பிண்ட³பாதங் படிக்³க³ண்ஹாதி, ப³ஹும்பி ஸேனாஸனங் படிக்³க³ண்ஹாதி, ப³ஹும்பி கி³லானபச்சயபே⁴ஸஜ்ஜபரிக்கா²ரங் படிக்³க³ண்ஹாதி. யா ஏவரூபா பா⁴குடிகா பா⁴குடியங் குஹனா குஹாயனா குஹிதத்தங் – இத³ங் பச்சயபடிஸேவனஸங்கா²தங் குஹனவத்து².

Katamaṃ paccayapaṭisevanasaṅkhātaṃ kuhanavatthu? Idha gahapatikā bhikkhuṃ nimantenti cīvarapiṇḍapātasenāsanagilānapaccayabhesajjaparikkhārehi. So pāpiccho icchāpakato atthiko ⁴⁰ cīvarapiṇḍapātasenāsanagilānapaccayabhesajjaparikkhārānaṃ bhiyyokamyataṃ upādāya cīvaraṃ paccakkhāti, piṇḍapātaṃ paccakkhāti, senāsanaṃ paccakkhāti, gilānapaccayabhesajjaparikkhāraṃ paccakkhāti. So evamāha – ‘‘kiṃ samaṇassa mahagghena cīvarena! Etaṃ sāruppaṃ, yaṃ samaṇo susānā vā saṅkārakūṭā vā pāpaṇikā vā nantakāni uccinitvā saṅghāṭiṃ karitvā dhāreyya. Kiṃ samaṇassa mahagghena piṇḍapātena! Etaṃ sāruppaṃ, yaṃ samaṇo uñchācariyāya piṇḍiyālopena jīvitaṃ kappeyya . Kiṃ samaṇassa mahagghena senāsanena! Etaṃ sāruppaṃ, yaṃ samaṇo rukkhamūliko vā assa sosāniko vā abbhokāsiko vā. Kiṃ samaṇassa mahagghena gilānapaccayabhesajjaparikkhārena! Etaṃ sāruppaṃ, yaṃ samaṇo pūtimuttena haritakīkhaṇḍena osadhaṃ kareyyā’’ti tadupādāya lūkhaṃ cīvaraṃ dhāreti, lūkhaṃ piṇḍapātaṃ paribhuñjati, lūkhaṃ senāsanaṃ paṭisevati, lūkhaṃ gilānapaccayabhesajjaparikkhāraṃ paṭisevati. Tamenaṃ gahapatikā evaṃ jānanti – ‘‘ayaṃ samaṇo appiccho santuṭṭho pavivitto asaṃsaṭṭho āraddhavīriyo dhutavādo’’ti bhiyyo bhiyyo nimantenti cīvarapiṇḍapātasenāsanagilānapaccayabhesajjaparikkhārehi . So evamāha – ‘‘tiṇṇaṃ sammukhībhāvā saddho kulaputto bahuṃ puññaṃ pasavati, saddhāya sammukhībhāvā saddho kulaputto bahuṃ puññaṃ pasavati, deyyadhammassa sammukhībhāvā saddho kulaputto bahuṃ puññaṃ pasavati, dakkhiṇeyyānaṃ sammukhībhāvā saddho kulaputto bahuṃ puññaṃ pasavati. Tumhākañcevāyaṃ saddhā atthi, deyyadhammo ca saṃvijjati, ahañca paṭiggāhako. Sace ahaṃ na paṭiggahessāmi , evaṃ tumhe puññena paribāhirā ⁴¹ bhavissatha, na mayhaṃ iminā attho, api ca tumhākaṃyeva anukampāya paṭiggaṇhāmī’’ti. Tadupādāya bahumpi cīvaraṃ paṭiggaṇhāti ⁴², bahumpi piṇḍapātaṃ paṭiggaṇhāti, bahumpi senāsanaṃ paṭiggaṇhāti, bahumpi gilānapaccayabhesajjaparikkhāraṃ paṭiggaṇhāti. Yā evarūpā bhākuṭikā bhākuṭiyaṃ kuhanā kuhāyanā kuhitattaṃ – idaṃ paccayapaṭisevanasaṅkhātaṃ kuhanavatthu.

கதமங் இரியாபத²ஸங்கா²தங் குஹனவத்து²? இதே⁴கச்சோ பாபிச்சோ² இச்சா²பகதோ ஸம்பா⁴வனாதி⁴ப்பாயோ, ‘‘ஏவங் மங் ஜனோ ஸம்பா⁴வெஸ்ஸதீ’’தி க³மனங் ஸண்ட²பேதி, டா²னங் ஸண்ட²பேதி, நிஸஜ்ஜங் ஸண்ட²பேதி, ஸயனங் ஸண்ட²பேதி, பணிதா⁴ய க³ச்ச²தி, பணிதா⁴ய திட்ட²தி, பணிதா⁴ய நிஸீத³தி, பணிதா⁴ய ஸெய்யங் கப்பேதி, ஸமாஹிதோ விய க³ச்ச²தி, ஸமாஹிதோ விய திட்ட²தி, ஸமாஹிதோ விய நிஸீத³தி, ஸமாஹிதோ விய ஸெய்யங் கப்பேதி, ஆபாத²கஜ்ஜா²யீவ ஹோதி. யா ஏவரூபா இரியாபத²ஸ்ஸ ஆட²பனா ட²பனா ஸண்ட²பனா பா⁴குடிகா பா⁴குடியங் குஹனா குஹாயனா குஹிதத்தங் – இத³ங் இரியாபத²ஸங்கா²தங் குஹனவத்து².

Katamaṃ iriyāpathasaṅkhātaṃ kuhanavatthu? Idhekacco pāpiccho icchāpakato sambhāvanādhippāyo, ‘‘evaṃ maṃ jano sambhāvessatī’’ti gamanaṃ saṇṭhapeti, ṭhānaṃ saṇṭhapeti, nisajjaṃ saṇṭhapeti, sayanaṃ saṇṭhapeti, paṇidhāya gacchati, paṇidhāya tiṭṭhati, paṇidhāya nisīdati, paṇidhāya seyyaṃ kappeti, samāhito viya gacchati, samāhito viya tiṭṭhati, samāhito viya nisīdati, samāhito viya seyyaṃ kappeti, āpāthakajjhāyīva hoti. Yā evarūpā iriyāpathassa āṭhapanā ṭhapanā saṇṭhapanā bhākuṭikā bhākuṭiyaṃ kuhanā kuhāyanā kuhitattaṃ – idaṃ iriyāpathasaṅkhātaṃ kuhanavatthu.

கதமங் ஸாமந்தஜப்பனஸங்கா²தங் குஹனவத்து²? இதே⁴கச்சோ பாபிச்சோ² இச்சா²பகதோ ஸம்பா⁴வனாதி⁴ப்பாயோ ‘‘ஏவங் மங் ஜனோ ஸம்பா⁴வெஸ்ஸதீ’’தி, அரியத⁴ம்மஸன்னிஸ்ஸிதங் வாசங் பா⁴ஸதி. ‘‘யோ ஏவரூபங் சீவரங் தா⁴ரேதி ஸோ ஸமணோ மஹேஸக்கோ²’’தி ப⁴ணதி; ‘‘யோ ஏவரூபங் பத்தங் தா⁴ரேதி… லோஹதா²லகங் தா⁴ரேதி… த⁴ம்மகரணங் ⁴³ தா⁴ரேதி… பரிஸ்ஸாவனங் தா⁴ரேதி… குஞ்சிகங் தா⁴ரேதி… உபாஹனங் தா⁴ரேதி… காயப³ந்த⁴னங் தா⁴ரேதி… ஆயோக³ங் தா⁴ரேதி, ஸோ ஸமணோ மஹேஸக்கோ²’’தி ப⁴ணதி; ‘‘யஸ்ஸ ஏவரூபோ உபஜ்ஜா²யோ ஸோ ஸமணோ மஹேஸக்கோ²’’தி ப⁴ணதி; ‘‘யஸ்ஸ ஏவரூபோ ஆசரியோ… ஏவரூபா ஸமானுபஜ்ஜா²யகா… ஸமானாசரியகா… மித்தா… ஸந்தி³ட்டா²… ஸம்ப⁴த்தா… ஸஹாயா, ஸோ ஸமணோ மஹேஸக்கோ²’’தி ப⁴ணதி; ‘‘யோ ஏவரூபே விஹாரே வஸதி, ஸோ ஸமணோ மஹேஸக்கோ²’’தி ப⁴ணதி; ‘‘யோ ஏவரூபே அட்³ட⁴யோகே³ வஸதி… பாஸாதே³ வஸதி… ஹம்மியே வஸதி… கு³ஹாயங் வஸதி… லேணே வஸதி… குடியா வஸதி… கூடாகா³ரே வஸதி… அட்டே வஸதி … மாளே வஸதி… உத்³த³ண்டே³ வஸதி… உபட்டா²னஸாலாயங் வஸதி… மண்ட³பே வஸதி… ருக்க²மூலே வஸதி, ஸோ ஸமணோ மஹேஸக்கோ²’’தி ப⁴ணதி.

Katamaṃ sāmantajappanasaṅkhātaṃ kuhanavatthu? Idhekacco pāpiccho icchāpakato sambhāvanādhippāyo ‘‘evaṃ maṃ jano sambhāvessatī’’ti, ariyadhammasannissitaṃ vācaṃ bhāsati. ‘‘Yo evarūpaṃ cīvaraṃ dhāreti so samaṇo mahesakkho’’ti bhaṇati; ‘‘yo evarūpaṃ pattaṃ dhāreti… lohathālakaṃ dhāreti… dhammakaraṇaṃ ⁴⁴ dhāreti… parissāvanaṃ dhāreti… kuñcikaṃ dhāreti… upāhanaṃ dhāreti… kāyabandhanaṃ dhāreti… āyogaṃ dhāreti, so samaṇo mahesakkho’’ti bhaṇati; ‘‘yassa evarūpo upajjhāyo so samaṇo mahesakkho’’ti bhaṇati; ‘‘yassa evarūpo ācariyo… evarūpā samānupajjhāyakā… samānācariyakā… mittā… sandiṭṭhā… sambhattā… sahāyā, so samaṇo mahesakkho’’ti bhaṇati; ‘‘yo evarūpe vihāre vasati, so samaṇo mahesakkho’’ti bhaṇati; ‘‘yo evarūpe aḍḍhayoge vasati… pāsāde vasati… hammiye vasati… guhāyaṃ vasati… leṇe vasati… kuṭiyā vasati… kūṭāgāre vasati… aṭṭe vasati … māḷe vasati… uddaṇḍe vasati… upaṭṭhānasālāyaṃ vasati… maṇḍape vasati… rukkhamūle vasati, so samaṇo mahesakkho’’ti bhaṇati.

அத² வா கோரஜிககோரஜிகோ, பா⁴குடிகபா⁴குடிகோ, குஹககுஹகோ, லபகலபகோ, முக²ஸம்பா⁴விதோ ‘‘அயங் ஸமணோ இமாஸங் ஏவரூபானங் விஹாரஸமாபத்தீனங் லாபீ⁴’’தி. தாதி³ஸங் க³ம்பீ⁴ரங் கூ³ள்ஹங் நிபுணங் படிச்ச²ன்னங் லோகுத்தரங் ஸுஞ்ஞதாபடிஸஞ்ஞுத்தங் கத²ங் கதே²தி. யா ஏவரூபா பா⁴குடிகா பா⁴குடியங் குஹனா குஹாயனா குஹிதத்தங் – இத³ங் ஸாமந்தஜப்பனஸங்கா²தங் குஹனவத்து². பு³த்³த⁴ஸ்ஸ ப⁴க³வதோ இமானி தீணி குஹனவத்தூ²னி பஹீனானி ஸமுச்சி²ன்னானி வூபஸந்தானி படிபஸ்ஸத்³தா⁴னி அப⁴ப்³பு³ப்பத்திகானி ஞாணக்³கி³னா த³ட்³டா⁴னி. தஸ்மா பு³த்³தோ⁴ அகுஹோதி – அகுஹங்.

Atha vā korajikakorajiko, bhākuṭikabhākuṭiko, kuhakakuhako, lapakalapako, mukhasambhāvito ‘‘ayaṃ samaṇo imāsaṃ evarūpānaṃ vihārasamāpattīnaṃ lābhī’’ti. Tādisaṃ gambhīraṃ gūḷhaṃ nipuṇaṃ paṭicchannaṃ lokuttaraṃ suññatāpaṭisaññuttaṃ kathaṃ katheti. Yā evarūpā bhākuṭikā bhākuṭiyaṃ kuhanā kuhāyanā kuhitattaṃ – idaṃ sāmantajappanasaṅkhātaṃ kuhanavatthu. Buddhassa bhagavato imāni tīṇi kuhanavatthūni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni. Tasmā buddho akuhoti – akuhaṃ.

க³ணிமாக³தந்தி. க³ணீதி க³ணீ ப⁴க³வா. க³ணாசரியோதி க³ணீ, க³ணஸ்ஸ ஸத்தா²தி க³ணீ, க³ணங் பரிஹரதீதி க³ணீ, க³ணங் ஓவத³தீதி க³ணீ, க³ணங் அனுஸாஸதீதி க³ணீ, விஸாரதோ³ க³ணங் உபஸங்கமதீதி க³ணீ, க³ணஸ்ஸ ஸுஸ்ஸூஸதி ஸோதங் ஓத³ஹதி அஞ்ஞா சித்தங் உபட்ட²பேதீதி க³ணீ, க³ணங் அகுஸலா வுட்டா²பெத்வா குஸலே பதிட்டா²பேதீதி க³ணீ, பி⁴க்கு²க³ணஸ்ஸ க³ணீ, பி⁴க்கு²னீக³ணஸ்ஸ க³ணீ, உபாஸகக³ணஸ்ஸ க³ணீ, உபாஸிகாக³ணஸ்ஸ க³ணீ, ராஜக³ணஸ்ஸ க³ணீ, க²த்தியக³ணஸ்ஸ க³ணீ, ப்³ராஹ்மணக³ணஸ்ஸ க³ணீ, வெஸ்ஸக³ணஸ்ஸ க³ணீ, ஸுத்³த³க³ணஸ்ஸ க³ணீ, ப்³ரஹ்மக³ணஸ்ஸ க³ணீ, தே³வக³ணஸ்ஸ க³ணீ, ஸங்கி⁴ங் ⁴⁵ க³ணிங் க³ணாசரியங். ஆக³தந்தி உபக³தங் ஸமுபக³தங் ஸமுபபன்னங் ⁴⁶ ஸங்கஸ்ஸனக³ரந்தி – அகுஹங் க³ணிமாக³தங்.

Gaṇimāgatanti. Gaṇīti gaṇī bhagavā. Gaṇācariyoti gaṇī, gaṇassa satthāti gaṇī, gaṇaṃ pariharatīti gaṇī, gaṇaṃ ovadatīti gaṇī, gaṇaṃ anusāsatīti gaṇī, visārado gaṇaṃ upasaṅkamatīti gaṇī, gaṇassa sussūsati sotaṃ odahati aññā cittaṃ upaṭṭhapetīti gaṇī, gaṇaṃ akusalā vuṭṭhāpetvā kusale patiṭṭhāpetīti gaṇī, bhikkhugaṇassa gaṇī, bhikkhunīgaṇassa gaṇī, upāsakagaṇassa gaṇī, upāsikāgaṇassa gaṇī, rājagaṇassa gaṇī, khattiyagaṇassa gaṇī, brāhmaṇagaṇassa gaṇī, vessagaṇassa gaṇī, suddagaṇassa gaṇī, brahmagaṇassa gaṇī, devagaṇassa gaṇī, saṅghiṃ ⁴⁷ gaṇiṃ gaṇācariyaṃ. Āgatanti upagataṃ samupagataṃ samupapannaṃ ⁴⁸ saṅkassanagaranti – akuhaṃ gaṇimāgataṃ.

ப³ஹூனமித⁴ ப³த்³தா⁴னந்தி. ப³ஹூனங் க²த்தியானங் ப்³ராஹ்மணானங் வெஸ்ஸானங் ஸுத்³தா³னங் க³ஹட்டா²னங் பப்³ப³ஜிதானங் தே³வானங் மனுஸ்ஸானங். ப³த்³தா⁴னந்தி ப³த்³தா⁴னங் ப³த்³த⁴சரானங் பரிசாரகானங் ஸிஸ்ஸானந்தி – ப³ஹூனமித⁴ ப³த்³தா⁴னங்.

Bahūnamidha baddhānanti. Bahūnaṃ khattiyānaṃ brāhmaṇānaṃ vessānaṃ suddānaṃ gahaṭṭhānaṃ pabbajitānaṃ devānaṃ manussānaṃ. Baddhānanti baddhānaṃ baddhacarānaṃ paricārakānaṃ sissānanti – bahūnamidha baddhānaṃ.

அத்தி² பஞ்ஹேன ஆக³மந்தி. பஞ்ஹேன அத்தி²கோ ஆக³தொம்ஹி ⁴⁹, பஞ்ஹங் புச்சி²துகாமோ ஆக³தொம்ஹி, பஞ்ஹங் ஸோதுகாமோ ஆக³தொம்ஹீதி. ஏவம்பி அத்தி² பஞ்ஹேன ஆக³மங். அத² வா பஞ்ஹத்தி²கானங் பஞ்ஹங் புச்சி²துகாமானங் பஞ்ஹங் ஸோதுகாமானங் ஆக³மனங் அபி⁴க்கமனங் உபஸங்கமனங் பயிருபாஸனங் ⁵⁰ ஸியா அத்தீ²தி. ஏவம்பி அத்தி² பஞ்ஹேன ஆக³மங். அத² வா பஞ்ஹாக³மோ துய்ஹங் அத்தி², த்வம்பி பஹு ⁵¹, த்வமஸி அலமத்தோ² மயா புச்சி²தங் கதே²துங் விஸஜ்ஜேதுங் ‘‘வஹஸ்ஸேதங் பா⁴ர’’ந்தி. ஏவம்பி அத்தி² பஞ்ஹேன ஆக³மங்.

Atthi pañhena āgamanti. Pañhena atthiko āgatomhi ⁵², pañhaṃ pucchitukāmo āgatomhi, pañhaṃ sotukāmo āgatomhīti. Evampi atthi pañhena āgamaṃ. Atha vā pañhatthikānaṃ pañhaṃ pucchitukāmānaṃ pañhaṃ sotukāmānaṃ āgamanaṃ abhikkamanaṃ upasaṅkamanaṃ payirupāsanaṃ ⁵³ siyā atthīti. Evampi atthi pañhena āgamaṃ. Atha vā pañhāgamo tuyhaṃ atthi, tvampi pahu ⁵⁴, tvamasi alamattho mayā pucchitaṃ kathetuṃ visajjetuṃ ‘‘vahassetaṃ bhāra’’nti. Evampi atthi pañhena āgamaṃ.

தேனாஹ தே²ரோ ஸாரிபுத்தோ –

Tenāha thero sāriputto –

‘‘தங் பு³த்³த⁴ங் அஸிதங் தாதி³ங், அகுஹங் க³ணிமாக³தங்;

‘‘Taṃ buddhaṃ asitaṃ tādiṃ, akuhaṃ gaṇimāgataṃ;

ப³ஹூனமித⁴ ப³த்³தா⁴னங், அத்தி² பஞ்ஹேன ஆக³ம’’ந்தி.

Bahūnamidha baddhānaṃ, atthi pañhena āgama’’nti.

193.

பி⁴க்கு²னோ விஜிகு³ச்ச²தோ, ப⁴ஜதோ ரித்தமாஸனங்;

Bhikkhuno vijigucchato, bhajato rittamāsanaṃ;

ருக்க²மூலங் ஸுஸானங் வா, பப்³ப³தானங் கு³ஹாஸு வா.

Rukkhamūlaṃ susānaṃ vā, pabbatānaṃ guhāsu vā.

பி⁴க்கு²னோ விஜிகு³ச்ச²தோதி. பி⁴க்கு²னோதி புது²ஜ்ஜனகல்யாணஸ்ஸ வா பி⁴க்கு²னோ ஸெக்க²ஸ்ஸ வா பி⁴க்கு²னோ. விஜிகு³ச்ச²தோதி ஜாதியா விஜிகு³ச்ச²தோ, ஜராய… ப்³யாதி⁴னா… மரணேன… ஸோகேஹி… பரிதே³வேஹி… து³க்கே²ஹி… தோ³மனஸ்ஸேஹி… உபாயாஸேஹி விஜிகு³ச்ச²தோ, நேரயிகேன து³க்கே²ன… திரச்சா²னயோனிகேன து³க்கே²ன… பெத்திவிஸயிகேன து³க்கே²ன… மானுஸிகேன ⁵⁵ து³க்கே²ன… க³ப்³போ⁴க்கந்திமூலகேன து³க்கே²ன… க³ப்³ப⁴ட்டி²திமூலகேன து³க்கே²ன… க³ப்³ப⁴வுட்டா²னமூலகேன து³க்கே²ன… ஜாதஸ்ஸூபனிப³ந்த⁴கேன து³க்கே²ன… ஜாதஸ்ஸ பராதெ⁴ய்யகேன து³க்கே²ன… அத்தூபக்கமேன து³க்கே²ன… பரூபக்கமேன து³க்கே²ன… து³க்க²து³க்கே²ன… ஸங்கா²ரது³க்கே²ன … விபரிணாமது³க்கே²ன… சக்கு²ரோகே³ன து³க்கே²ன… ஸோதரோகே³ன து³க்கே²ன… கா⁴னரோகே³ன து³க்கே²ன… ஜிவ்ஹாரோகே³ன து³க்கே²ன… காயரோகே³ன து³க்கே²ன… ஸீஸரோகே³ன து³க்கே²ன… கண்ணரோகே³ன து³க்கே²ன… முக²ரோகே³ன து³க்கே²ன… த³ந்தரோகே³ன து³க்கே²ன… காஸேன… ஸாஸேன… பினாஸேன… டா³ஹேன… ஜரேன… குச்சி²ரோகே³ன… முச்சா²ய… பக்க²ந்தி³காய… ஸூலாய… விஸூசிகாய… குட்டே²ன… க³ண்டே³ன… கிலாஸேன… ஸோஸேன… அபமாரேன… த³த்³து³யா… கண்டு³யா… கச்சு²யா… ரக²ஸாய… விதச்சி²காய… லோஹிதேன… பித்தேன… மது⁴மேஹேன… அங்ஸாய… பிளகாய… ப⁴க³ந்த³லேன… பித்தஸமுட்டா²னேன ஆபா³தே⁴ன… ஸெம்ஹஸமுட்டா²னேன ஆபா³தே⁴ன… வாதஸமுட்டா²னேன ஆபா³தே⁴ன… ஸன்னிபாதிகேன ஆபா³தே⁴ன… உதுபரிணாமஜேன ஆபா³தே⁴ன… விஸமபரிஹாரஜேன ஆபா³தே⁴ன… ஓபக்கமிகேன ஆபா³தே⁴ன… கம்மவிபாகஜேன ஆபா³தே⁴ன… ஸீதேன… உண்ஹேன… ஜிக⁴ச்சா²ய… பிபாஸாய… உச்சாரேன … பஸ்ஸாவேன… ட³ங்ஸமகஸவாதாதபஸரீஸபஸம்ப²ஸ்ஸேன து³க்கே²ன… மாதுமரணேன து³க்கே²ன… பிதுமரணேன து³க்கே²ன… பா⁴துமரணேன… ப⁴கி³னிமரணேன… புத்தமரணேன … தீ⁴துமரணேன… ஞாதிப்³யஸனேன… போ⁴க³ப்³யஸனேன… ரோக³ப்³யஸனேன… ஸீலப்³யஸனேன… தி³ட்டி²ப்³யஸனேன து³க்கே²ன விஜிகு³ச்ச²தோ அட்டீயதோ ஹராயதோ ஜிகு³ச்ச²தோதி – பி⁴க்கு²னோ விஜிகு³ச்ச²தோ.

Bhikkhuno vijigucchatoti. Bhikkhunoti puthujjanakalyāṇassa vā bhikkhuno sekkhassa vā bhikkhuno. Vijigucchatoti jātiyā vijigucchato, jarāya… byādhinā… maraṇena… sokehi… paridevehi… dukkhehi… domanassehi… upāyāsehi vijigucchato, nerayikena dukkhena… tiracchānayonikena dukkhena… pettivisayikena dukkhena… mānusikena ⁵⁶ dukkhena… gabbhokkantimūlakena dukkhena… gabbhaṭṭhitimūlakena dukkhena… gabbhavuṭṭhānamūlakena dukkhena… jātassūpanibandhakena dukkhena… jātassa parādheyyakena dukkhena… attūpakkamena dukkhena… parūpakkamena dukkhena… dukkhadukkhena… saṅkhāradukkhena … vipariṇāmadukkhena… cakkhurogena dukkhena… sotarogena dukkhena… ghānarogena dukkhena… jivhārogena dukkhena… kāyarogena dukkhena… sīsarogena dukkhena… kaṇṇarogena dukkhena… mukharogena dukkhena… dantarogena dukkhena… kāsena… sāsena… pināsena… ḍāhena… jarena… kucchirogena… mucchāya… pakkhandikāya… sūlāya… visūcikāya… kuṭṭhena… gaṇḍena… kilāsena… sosena… apamārena… dadduyā… kaṇḍuyā… kacchuyā… rakhasāya… vitacchikāya… lohitena… pittena… madhumehena… aṃsāya… piḷakāya… bhagandalena… pittasamuṭṭhānena ābādhena… semhasamuṭṭhānena ābādhena… vātasamuṭṭhānena ābādhena… sannipātikena ābādhena… utupariṇāmajena ābādhena… visamaparihārajena ābādhena… opakkamikena ābādhena… kammavipākajena ābādhena… sītena… uṇhena… jighacchāya… pipāsāya… uccārena … passāvena… ḍaṃsamakasavātātapasarīsapasamphassena dukkhena… mātumaraṇena dukkhena… pitumaraṇena dukkhena… bhātumaraṇena… bhaginimaraṇena… puttamaraṇena … dhītumaraṇena… ñātibyasanena… bhogabyasanena… rogabyasanena… sīlabyasanena… diṭṭhibyasanena dukkhena vijigucchato aṭṭīyato harāyato jigucchatoti – bhikkhuno vijigucchato.

ப⁴ஜதோ ரித்தமாஸனந்தி. ஆஸனங் வுச்சதி யத்த² நிஸீத³தி – மஞ்சோ பீட²ங் பி⁴ஸி தட்டிகா சம்மக²ண்டோ³ திணஸந்தா²ரோ பண்ணஸந்தா²ரோ பலாலஸந்தா²ரோ ⁵⁷. தங் ஆஸனங் அஸப்பாயரூபத³ஸ்ஸனேன ரித்தங் விவித்தங் பவிவித்தங் , அஸப்பாயஸத்³த³ஸ்ஸவனேன ரித்தங் விவித்தங் பவிவித்தங், அஸப்பாயேஹி பஞ்சஹி காமகு³ணேஹி ரித்தங் விவித்தங் பவிவித்தங். தங் பவிவித்தங் ஆஸனங் ப⁴ஜதோ ஸம்ப⁴ஜதோ ஸேவதோ நிஸேவதோ ஸங்ஸேவதோ படிஸேவதோதி – ப⁴ஜதோ ரித்தமாஸனங்.

Bhajato rittamāsananti. Āsanaṃ vuccati yattha nisīdati – mañco pīṭhaṃ bhisi taṭṭikā cammakhaṇḍo tiṇasanthāro paṇṇasanthāro palālasanthāro ⁵⁸. Taṃ āsanaṃ asappāyarūpadassanena rittaṃ vivittaṃ pavivittaṃ , asappāyasaddassavanena rittaṃ vivittaṃ pavivittaṃ, asappāyehi pañcahi kāmaguṇehi rittaṃ vivittaṃ pavivittaṃ. Taṃ pavivittaṃ āsanaṃ bhajato sambhajato sevato nisevato saṃsevato paṭisevatoti – bhajato rittamāsanaṃ.

ருக்க²மூலங் ஸுஸானங் வாதி. ருக்க²மூலங்யேவ ருக்க²மூலங், ஸுஸானங்யேவ ஸுஸானந்தி – ருக்க²மூலங் ஸுஸானங் வா. பப்³ப³தானங் கு³ஹாஸு வாதி. பப்³ப³தாயேவ பப்³ப³தா, கந்த³ராயேவ கந்த³ரா, கி³ரிகு³ஹாயேவ கி³ரிகு³ஹா. பப்³ப³தந்தரிகாயோ வுச்சந்தி பப்³ப³தபப்³பா⁴ராதி – பப்³ப³தானங் கு³ஹாஸு வா.

Rukkhamūlaṃ susānaṃ vāti. Rukkhamūlaṃyeva rukkhamūlaṃ, susānaṃyeva susānanti – rukkhamūlaṃ susānaṃ vā. Pabbatānaṃ guhāsu vāti. Pabbatāyeva pabbatā, kandarāyeva kandarā, giriguhāyeva giriguhā. Pabbatantarikāyo vuccanti pabbatapabbhārāti – pabbatānaṃ guhāsu vā.

தேனாஹ தே²ரோ ஸாரிபுத்தோ –

Tenāha thero sāriputto –

‘‘பி⁴க்கு²னோ விஜிகு³ச்ச²தோ, ப⁴ஜதோ ரித்தமாஸனங்;

‘‘Bhikkhuno vijigucchato, bhajato rittamāsanaṃ;

ருக்க²மூலங் ஸுஸானங் வா, பப்³ப³தானங் கு³ஹாஸு வா’’தி.

Rukkhamūlaṃ susānaṃ vā, pabbatānaṃ guhāsu vā’’ti.

194.

உச்சாவசேஸு ஸயனேஸு, கிவந்தோ ⁵⁹ தத்த² பே⁴ரவா;

Uccāvacesu sayanesu, kivanto⁶⁰tattha bheravā;

யே ஹி பி⁴க்கு² ந வேதெ⁴ய்ய, நிக்³கோ⁴ஸே ஸயனாஸனே.

Ye hi bhikkhu na vedheyya, nigghose sayanāsane.

உச்சாவசேஸு ஸயனேஸூதி. உச்சாவசேஸூதி உச்சாவசேஸு ஹீனப்பணீதேஸு சே²கபாபகேஸு. ஸயனங் வுச்சதி ஸேனாஸனங் விஹாரோ அட்³ட⁴யோகோ³ பாஸாதோ³ ஹம்மியங் கு³ஹாதி – உச்சாவசேஸு ஸயனேஸு. கிவந்தோ தத்த² பே⁴ரவாதி. கிவந்தோதி கிவந்தோ ⁶¹ கூஜந்தோ நத³ந்தோ ஸத்³த³ங் கரொந்தோ. அத² வா கிவந்தோதி கதி கித்தகா கீவதகா கீவப³ஹுகா தே. பே⁴ரவாதி ஸீஹா ப்³யக்³கா⁴ தீ³பீ அச்சா² தரச்சா² கோகா மஹிங்ஸா ஹத்தீ² அஹி விச்சி²கா ஸதபதீ³, சோரா வா அஸ்ஸு மானவா வா கதகம்மா வா அகதகம்மா வாதி – கிவந்தோ தத்த² பே⁴ரவா.

Uccāvacesusayanesūti. Uccāvacesūti uccāvacesu hīnappaṇītesu chekapāpakesu. Sayanaṃ vuccati senāsanaṃ vihāro aḍḍhayogo pāsādo hammiyaṃ guhāti – uccāvacesu sayanesu. Kivanto tattha bheravāti. Kivantoti kivanto ⁶² kūjanto nadanto saddaṃ karonto. Atha vā kivantoti kati kittakā kīvatakā kīvabahukā te. Bheravāti sīhā byagghā dīpī acchā taracchā kokā mahiṃsā hatthī ahi vicchikā satapadī, corā vā assu mānavā vā katakammā vā akatakammā vāti – kivanto tattha bheravā.

யே ஹி பி⁴க்கு² ந வேதெ⁴ய்யாதி. யே ஹீதி யே ஹி பே⁴ரவே பஸ்ஸித்வா வா ஸுணித்வா வா ந வேதெ⁴ய்ய நப்பவேதெ⁴ய்ய ந ஸம்பவேதெ⁴ய்ய ந தஸெய்ய ந உத்தஸெய்ய ந பரித்தஸெய்ய ந பா⁴யெய்ய ந ஸந்தாஸங் ஆபஜ்ஜெய்ய, அபீ⁴ரூ அஸ்ஸ அச்ச²ம்பீ⁴ அனுத்ராஸீ அபலாயீ, பஹீனப⁴யபே⁴ரவோ விக³தலோமஹங்ஸோ விஹரெய்யாதி – யே ஹி பி⁴க்கு² ந வேதெ⁴ய்ய.

Ye hi bhikkhu na vedheyyāti. Ye hīti ye hi bherave passitvā vā suṇitvā vā na vedheyya nappavedheyya na sampavedheyya na taseyya na uttaseyya na parittaseyya na bhāyeyya na santāsaṃ āpajjeyya, abhīrū assa acchambhī anutrāsī apalāyī, pahīnabhayabheravo vigatalomahaṃso vihareyyāti – ye hi bhikkhu na vedheyya.

நிக்³கோ⁴ஸே ஸயனாஸனேதி. அப்பஸத்³தே³ அப்பனிக்³கோ⁴ஸே விஜனவாதே மனுஸ்ஸராஹஸ்ஸெய்யகே படிஸல்லானஸாருப்பே ஸேனாஸனேதி – நிக்³கோ⁴ஸே ஸயனாஸனே.

Nigghose sayanāsaneti. Appasadde appanigghose vijanavāte manussarāhasseyyake paṭisallānasāruppe senāsaneti – nigghose sayanāsane.

தேனாஹ தே²ரோ ஸாரிபுத்தோ –

Tenāha thero sāriputto –

‘‘உச்சாவசேஸு ஸயனேஸு, கிவந்தோ தத்த² பே⁴ரவா;

‘‘Uccāvacesu sayanesu, kivanto tattha bheravā;

யே ஹி பி⁴க்கு² ந வேதெ⁴ய்ய, நிக்³கோ⁴ஸே ஸயனாஸனே’’தி.

Ye hi bhikkhu na vedheyya, nigghose sayanāsane’’ti.

195.

கதி பரிஸ்ஸயா லோகே, க³ச்ச²தோ அக³தங் தி³ஸங்;

Kati parissayā loke, gacchato agataṃ disaṃ;

யே பி⁴க்கு² அபி⁴ஸம்ப⁴வே, பந்தம்ஹி ஸயனாஸனே.

Ye bhikkhu abhisambhave, pantamhi sayanāsane.

கதி பரிஸ்ஸயா லோகேதி. கதீதி கதி கித்தகா கீவதகா கீவப³ஹுகா. பரிஸ்ஸயாதி த்³வே பரிஸ்ஸயா – பாகடபரிஸ்ஸயா ச படிச்ச²ன்னபரிஸ்ஸயா ச. கதமே பாகடபரிஸ்ஸயா? ஸீஹா ப்³யக்³கா⁴ தீ³பீ அச்சா² தரச்சா² கோகா மஹிங்ஸா ஹத்தீ² அஹி விச்சி²கா ஸதபதீ³, சோரா வா அஸ்ஸு மானவா வா கதகம்மா வா அகதகம்மா வா, சக்கு²ரோகோ³ ஸோதரோகோ³ கா⁴னரோகோ³ ஜிவ்ஹாரோகோ³ காயரோகோ³ ஸீஸரோகோ³ கண்ணரோகோ³ முக²ரோகோ³ த³ந்தரோகோ³ காஸோ ஸாஸோ பினாஸோ டா³ஹோ ஜரோ குச்சி²ரோகோ³ முச்சா² பக்க²ந்தி³கா ஸூலா விஸூசிகா குட்ட²ங் க³ண்டோ³ கிலாஸோ ஸோஸோ அபமாரோ த³த்³து³ கண்டு³ கச்சு² ரக²ஸா விதச்சி²கா லோஹிதங் பித்தங் மது⁴மேஹோ அங்ஸா பிளகா ப⁴க³ந்த³லா, பித்தஸமுட்டா²னா ஆபா³தா⁴…பே॰… ஸீதங் உண்ஹங் ஜிக⁴ச்சா² பிபாஸா உச்சாரோ பஸ்ஸாவோ ட³ங்ஸமகஸவாதாதபஸரீஸபஸம்ப²ஸ்ஸா – இமே வுச்சந்தி பாகடபரிஸ்ஸயா.

Kati parissayā loketi. Katīti kati kittakā kīvatakā kīvabahukā. Parissayāti dve parissayā – pākaṭaparissayā ca paṭicchannaparissayā ca. Katame pākaṭaparissayā? Sīhā byagghā dīpī acchā taracchā kokā mahiṃsā hatthī ahi vicchikā satapadī, corā vā assu mānavā vā katakammā vā akatakammā vā, cakkhurogo sotarogo ghānarogo jivhārogo kāyarogo sīsarogo kaṇṇarogo mukharogo dantarogo kāso sāso pināso ḍāho jaro kucchirogo mucchā pakkhandikā sūlā visūcikā kuṭṭhaṃ gaṇḍo kilāso soso apamāro daddu kaṇḍu kacchu rakhasā vitacchikā lohitaṃ pittaṃ madhumeho aṃsā piḷakā bhagandalā, pittasamuṭṭhānā ābādhā…pe… sītaṃ uṇhaṃ jighacchā pipāsā uccāro passāvo ḍaṃsamakasavātātapasarīsapasamphassā – ime vuccanti pākaṭaparissayā.

கதமே படிச்ச²ன்னபரிஸ்ஸயா? காயது³ச்சரிதங் வசீது³ச்சரிதங் மனோது³ச்சரிதங் காமச்ச²ந்த³னீவரணங் ப்³யாபாத³னீவரணங் தி²னமித்³த⁴னீவரணங் உத்³த⁴ச்சகுக்குச்சனீவரணங் விசிகிச்சா²னீவரணங் ராகோ³ தோ³ஸோ மோஹோ கோதோ⁴ உபனாஹோ மக்கோ² பளாஸோ இஸ்ஸா மச்ச²ரியங் மாயா ஸாடெ²ய்யங் த²ம்போ⁴ ஸாரம்போ⁴ மானோ அதிமானோ மதோ³ பமாதோ³, ஸப்³பே³ கிலேஸா ஸப்³பே³ து³ச்சரிதா ஸப்³பே³ த³ரதா² ஸப்³பே³ பரிளாஹா ஸப்³பே³ ஸந்தாபா ஸப்³பா³குஸலாபி⁴ஸங்கா²ரா – இமே வுச்சந்தி படிச்ச²ன்னபரிஸ்ஸயா.

Katame paṭicchannaparissayā? Kāyaduccaritaṃ vacīduccaritaṃ manoduccaritaṃ kāmacchandanīvaraṇaṃ byāpādanīvaraṇaṃ thinamiddhanīvaraṇaṃ uddhaccakukkuccanīvaraṇaṃ vicikicchānīvaraṇaṃ rāgo doso moho kodho upanāho makkho paḷāso issā macchariyaṃ māyā sāṭheyyaṃ thambho sārambho māno atimāno mado pamādo, sabbe kilesā sabbe duccaritā sabbe darathā sabbe pariḷāhā sabbe santāpā sabbākusalābhisaṅkhārā – ime vuccanti paṭicchannaparissayā.

பரிஸ்ஸயாதி கேனட்டே²ன பரிஸ்ஸயா? பரிஸஹந்தீதி பரிஸ்ஸயா, பரிஹானாய ஸங்வத்தந்தீதி பரிஸ்ஸயா, தத்ராஸயாதி பரிஸ்ஸயா.

Parissayāti kenaṭṭhena parissayā? Parisahantīti parissayā, parihānāya saṃvattantīti parissayā, tatrāsayāti parissayā.

கத²ங் பரிஸஹந்தீதி பரிஸ்ஸயா? தே பரிஸ்ஸயா தங் புக்³க³லங் ஸஹந்தி பரிஸஹந்தி அபி⁴ப⁴வந்தி அஜ்ஜொ²த்த²ரந்தி பரியாதி³யந்தி மத்³த³ந்தி. ஏவங் பரிஸஹந்தீதி – பரிஸ்ஸயா.

Kathaṃ parisahantīti parissayā? Te parissayā taṃ puggalaṃ sahanti parisahanti abhibhavanti ajjhottharanti pariyādiyanti maddanti. Evaṃ parisahantīti – parissayā.

கத²ங் பரிஹானாய ஸங்வத்தந்தீதி பரிஸ்ஸயா? தே பரிஸ்ஸயா குஸலானங் த⁴ம்மானங் அந்தராயாய பரிஹானாய ஸங்வத்தந்தி. கதமேஸங் குஸலானங் த⁴ம்மானங்? ஸம்மாபடிபதா³ய அனுலோமபடிபதா³ய அபச்சனீகபடிபதா³ய அவிருத்³த⁴படிபதா³ய அன்வத்த²படிபதா³ய த⁴ம்மானுத⁴ம்மபடிபதா³ய ஸீலேஸு பரிபூரகாரிதாய இந்த்³ரியேஸு கு³த்தத்³வாரதாய போ⁴ஜனே மத்தஞ்ஞுதாய ஜாக³ரியானுயோக³ஸ்ஸ ஸதிஸம்பஜஞ்ஞஸ்ஸ சதுன்னங் ஸதிபட்டா²னானங் பா⁴வனானுயோக³ஸ்ஸ சதுன்னங் ஸம்மப்பதா⁴னானங் சதுன்னங் இத்³தி⁴பாதா³னங் பஞ்சன்னங் இந்த்³ரியானங் பஞ்சன்னங் ப³லானங் ஸத்தன்னங் பொ³ஜ்ஜ²ங்கா³னங் அரியஸ்ஸ அட்ட²ங்கி³கஸ்ஸ மக்³க³ஸ்ஸ பா⁴வனானுயோக³ஸ்ஸ – இமேஸங் குஸலானங் த⁴ம்மானங் அந்தராயாய பரிஹானாய ஸங்வத்தந்தி. ஏவங் பரிஹானாய ஸங்வத்தந்தீதி – பரிஸ்ஸயா.

Kathaṃ parihānāya saṃvattantīti parissayā? Te parissayā kusalānaṃ dhammānaṃ antarāyāya parihānāya saṃvattanti. Katamesaṃ kusalānaṃ dhammānaṃ? Sammāpaṭipadāya anulomapaṭipadāya apaccanīkapaṭipadāya aviruddhapaṭipadāya anvatthapaṭipadāya dhammānudhammapaṭipadāya sīlesu paripūrakāritāya indriyesu guttadvāratāya bhojane mattaññutāya jāgariyānuyogassa satisampajaññassa catunnaṃ satipaṭṭhānānaṃ bhāvanānuyogassa catunnaṃ sammappadhānānaṃ catunnaṃ iddhipādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānaṃ ariyassa aṭṭhaṅgikassa maggassa bhāvanānuyogassa – imesaṃ kusalānaṃ dhammānaṃ antarāyāya parihānāya saṃvattanti. Evaṃ parihānāya saṃvattantīti – parissayā.

கத²ங் தத்ராஸயாதி பரிஸ்ஸயா? தத்தே²தே பாபகா அகுஸலா த⁴ம்மா உப்பஜ்ஜந்தி அத்தபா⁴வஸன்னிஸ்ஸயா. யதா² பி³லே பி³லாஸயா பாணா ஸயந்தி, த³கே த³காஸயா பாணா ஸயந்தி, வனே வனாஸயா பாணா ஸயந்தி, ருக்கே² ருக்கா²ஸயா பாணா ஸயந்தி; ஏவமேவ தத்தே²தே பாபகா அகுஸலா த⁴ம்மா உப்பஜ்ஜந்தி அத்தபா⁴வஸன்னிஸ்ஸயாதி. ஏவம்பி தத்ராஸயாதி – பரிஸ்ஸயா.

Kathaṃ tatrāsayāti parissayā? Tatthete pāpakā akusalā dhammā uppajjanti attabhāvasannissayā. Yathā bile bilāsayā pāṇā sayanti, dake dakāsayā pāṇā sayanti, vane vanāsayā pāṇā sayanti, rukkhe rukkhāsayā pāṇā sayanti; evameva tatthete pāpakā akusalā dhammā uppajjanti attabhāvasannissayāti. Evampi tatrāsayāti – parissayā.

வுத்தஞ்ஹேதங் ப⁴க³வதா –

Vuttañhetaṃ bhagavatā –

‘‘ஸாந்தேவாஸிகோ, பி⁴க்க²வே, பி⁴க்கு² ஸாசரியகோ து³க்க²ங் ந பா²ஸு விஹரதி. கத²ஞ்ச, பி⁴க்க²வே, பி⁴க்கு² ஸாந்தேவாஸிகோ ஸாசரியகோ து³க்க²ங் ந பா²ஸு விஹரதி? இத⁴, பி⁴க்க²வே, பி⁴க்கு²னோ சக்கு²னா ரூபங் தி³ஸ்வா உப்பஜ்ஜந்தி பாபகா அகுஸலா த⁴ம்மா ஸரஸங்கப்பா ஸஞ்ஞோஜனியா, த்யஸ்ஸ அந்தோ வஸந்தி அன்வாஸ்ஸவந்தி பாபகா அகுஸலா த⁴ம்மாதி. தஸ்மா ஸாந்தேவாஸிகோதி வுச்சதி. தே நங் ஸமுதா³சரந்தி, ஸமுதா³சரந்தி நங் பாபகா அகுஸலா த⁴ம்மாதி. தஸ்மா ஸாசரியகோதி வுச்சதி.

‘‘Sāntevāsiko, bhikkhave, bhikkhu sācariyako dukkhaṃ na phāsu viharati. Kathañca, bhikkhave, bhikkhu sāntevāsiko sācariyako dukkhaṃ na phāsu viharati? Idha, bhikkhave, bhikkhuno cakkhunā rūpaṃ disvā uppajjanti pāpakā akusalā dhammā sarasaṅkappā saññojaniyā, tyassa anto vasanti anvāssavanti pāpakā akusalā dhammāti. Tasmā sāntevāsikoti vuccati. Te naṃ samudācaranti, samudācaranti naṃ pāpakā akusalā dhammāti. Tasmā sācariyakoti vuccati.

‘‘புன சபரங், பி⁴க்க²வே, பி⁴க்கு²னோ ஸோதேன ஸத்³த³ங் ஸுத்வா…பே॰… கா⁴னேன க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங் பு²ஸித்வா… மனஸா த⁴ம்மங் விஞ்ஞாய உப்பஜ்ஜந்தி பாபகா அகுஸலா த⁴ம்மா ஸரஸங்கப்பா ஸஞ்ஞோஜனியா, த்யஸ்ஸ அந்தோ வஸந்தி அன்வாஸ்ஸவந்தி பாபகா அகுஸலா த⁴ம்மாதி. தஸ்மா ஸாந்தேவாஸிகோதி வுச்சதி. தே நங் ஸமுதா³சரந்தி, ஸமுதா³சரந்தி நங் பாபகா அகுஸலா த⁴ம்மாதி. தஸ்மா ஸாசரியகோதி வுச்சதி. ஏவங் கோ², பி⁴க்க²வே, பி⁴க்கு² ஸாந்தேவாஸிகோ ஸாசரியகோ து³க்க²ங் ந பா²ஸு விஹரதீ’’தி. ஏவம்பி தத்ராஸயாதி – பரிஸ்ஸயா.

‘‘Puna caparaṃ, bhikkhave, bhikkhuno sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya uppajjanti pāpakā akusalā dhammā sarasaṅkappā saññojaniyā, tyassa anto vasanti anvāssavanti pāpakā akusalā dhammāti. Tasmā sāntevāsikoti vuccati. Te naṃ samudācaranti, samudācaranti naṃ pāpakā akusalā dhammāti. Tasmā sācariyakoti vuccati. Evaṃ kho, bhikkhave, bhikkhu sāntevāsiko sācariyako dukkhaṃ na phāsu viharatī’’ti. Evampi tatrāsayāti – parissayā.

வுத்தஞ்ஹேதங் ப⁴க³வதா –

Vuttañhetaṃ bhagavatā –

‘‘தயோமே, பி⁴க்க²வே, அந்தராமலா அந்தராஅமித்தா அந்தராஸபத்தா அந்தராவத⁴கா அந்தராபச்சத்தி²கா. கதமே தயோ? லோபோ⁴, பி⁴க்க²வே, அந்தராமலோ அந்தராஅமித்தோ அந்தராஸபத்தோ அந்தராவத⁴கோ அந்தராபச்சத்தி²கோ, தோ³ஸோ, பி⁴க்க²வே…பே॰… மோஹோ , பி⁴க்க²வே, அந்தராமலோ அந்தராஅமித்தோ அந்தராஸபத்தோ அந்தராவத⁴கோ அந்தராபச்சத்தி²கோ. இமே கோ², பி⁴க்க²வே, தயோ அந்தராமலா அந்தராஅமித்தா அந்தராஸபத்தா அந்தராவத⁴கா அந்தராபச்சத்தி²கா’’.

‘‘Tayome, bhikkhave, antarāmalā antarāamittā antarāsapattā antarāvadhakā antarāpaccatthikā. Katame tayo? Lobho, bhikkhave, antarāmalo antarāamitto antarāsapatto antarāvadhako antarāpaccatthiko, doso, bhikkhave…pe… moho , bhikkhave, antarāmalo antarāamitto antarāsapatto antarāvadhako antarāpaccatthiko. Ime kho, bhikkhave, tayo antarāmalā antarāamittā antarāsapattā antarāvadhakā antarāpaccatthikā’’.

‘‘அனத்த²ஜனநோ லோபோ⁴, லோபோ⁴ சித்தப்பகோபனோ;

‘‘Anatthajanano lobho, lobho cittappakopano;

ப⁴யமந்தரதோ ஜாதங், தங் ஜனோ நாவபு³ஜ்ஜ²தி.

Bhayamantarato jātaṃ, taṃ jano nāvabujjhati.

‘‘லுத்³தோ⁴ அத்த²ங் ந ஜானாதி, லுத்³தோ⁴ த⁴ம்மங் ந பஸ்ஸதி;

‘‘Luddho atthaṃ na jānāti, luddho dhammaṃ na passati;

அந்த⁴ந்தமங் ⁶³ ததா³ ஹோதி, யங் லோபோ⁴ ஸஹதே நரங்.

Andhantamaṃ ⁶⁴ tadā hoti, yaṃ lobho sahate naraṃ.

‘‘அனத்த²ஜனநோ தோ³ஸோ, தோ³ஸோ சித்தப்பகோபனோ;

‘‘Anatthajanano doso, doso cittappakopano;

ப⁴யமந்தரதோ ஜாதங், தங் ஜனோ நாவபு³ஜ்ஜ²தி.

Bhayamantarato jātaṃ, taṃ jano nāvabujjhati.

‘‘குத்³தோ⁴ அத்த²ங் ந ஜானாதி, குத்³தோ⁴ த⁴ம்மங் ந பஸ்ஸதி;

‘‘Kuddho atthaṃ na jānāti, kuddho dhammaṃ na passati;

அந்த⁴ந்தமங் ததா³ ஹோதி, யங் தோ³ஸோ ஸஹதே நரங்.

Andhantamaṃ tadā hoti, yaṃ doso sahate naraṃ.

‘‘அனத்த²ஜனநோ மோஹோ, மோஹோ சித்தப்பகோபனோ;

‘‘Anatthajanano moho, moho cittappakopano;

ப⁴யமந்தரதோ ஜாதங், தங் ஜனோ நாவபு³ஜ்ஜ²தி.

Bhayamantarato jātaṃ, taṃ jano nāvabujjhati.

‘‘மூள்ஹோ அத்த²ங் ந ஜானாதி, மூள்ஹோ த⁴ம்மங் ந பஸ்ஸதி;

‘‘Mūḷho atthaṃ na jānāti, mūḷho dhammaṃ na passati;

அந்த⁴ந்தமங் ததா³ ஹோதி, யங் மோஹோ ஸஹதே நர’’ந்தி.

Andhantamaṃ tadā hoti, yaṃ moho sahate nara’’nti.

ஏவம்பி தத்ராஸயாதி – பரிஸ்ஸயா. வுத்தஞ்ஹேதங் ப⁴க³வதா –

Evampi tatrāsayāti – parissayā. Vuttañhetaṃ bhagavatā –

‘‘தயோ கோ², மஹாராஜ, புரிஸஸ்ஸ த⁴ம்மா அஜ்ஜ²த்தங் உப்பஜ்ஜமானா உப்பஜ்ஜந்தி அஹிதாய து³க்கா²ய அபா²ஸுவிஹாராய. கதமே தயோ ? லோபோ⁴ கோ², மஹாராஜ, புரிஸஸ்ஸ த⁴ம்மோ அஜ்ஜ²த்தங் உப்பஜ்ஜமானோ உப்பஜ்ஜதி அஹிதாய து³க்கா²ய அபா²ஸுவிஹாராய; தோ³ஸோ கோ² , மஹாராஜ…பே॰… மோஹோ கோ², மஹாராஜ, புரிஸஸ்ஸ த⁴ம்மோ அஜ்ஜ²த்தங் உப்பஜ்ஜமானோ உப்பஜ்ஜதி அஹிதாய து³க்கா²ய அபா²ஸுவிஹாராய. இமே கோ², மஹாராஜ, தயோ புரிஸஸ்ஸ த⁴ம்மா அஜ்ஜ²த்தங் உப்பஜ்ஜமானா உப்பஜ்ஜந்தி அஹிதாய து³க்கா²ய அபா²ஸுவிஹாராயா’’தி.

‘‘Tayo kho, mahārāja, purisassa dhammā ajjhattaṃ uppajjamānā uppajjanti ahitāya dukkhāya aphāsuvihārāya. Katame tayo ? Lobho kho, mahārāja, purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya; doso kho , mahārāja…pe… moho kho, mahārāja, purisassa dhammo ajjhattaṃ uppajjamāno uppajjati ahitāya dukkhāya aphāsuvihārāya. Ime kho, mahārāja, tayo purisassa dhammā ajjhattaṃ uppajjamānā uppajjanti ahitāya dukkhāya aphāsuvihārāyā’’ti.

‘‘லோபோ⁴ தோ³ஸோ ச மோஹோ ச, புரிஸங் பாபசேதஸங்;

‘‘Lobho doso ca moho ca, purisaṃ pāpacetasaṃ;

ஹிங்ஸந்தி அத்தஸம்பூ⁴தா, தசஸாரங்வ ஸம்ப²ல’’ந்தி.

Hiṃsanti attasambhūtā, tacasāraṃva samphala’’nti.

ஏவம்பி தத்ராஸயாதி – பரிஸ்ஸயா.

Evampi tatrāsayāti – parissayā.

வுத்தஞ்ஹேதங் ப⁴க³வதா –

Vuttañhetaṃ bhagavatā –

‘‘ராகோ³ ச தோ³ஸோ ச இதோனிதா³னா, அரதீ ரதீ லோமஹங்ஸோ இதோஜா;

‘‘Rāgo ca doso ca itonidānā, aratī ratī lomahaṃso itojā;

இதோ ஸமுட்டா²ய மனோவிதக்கா, குமாரகா த⁴ங்கமிவொஸ்ஸஜந்தீ’’தி.

Ito samuṭṭhāya manovitakkā, kumārakā dhaṅkamivossajantī’’ti.

ஏவம்பி தத்ராஸயாதி – பரிஸ்ஸயா. லோகேதி மனுஸ்ஸலோகேதி – கதி பரிஸ்ஸயா லோகே.

Evampi tatrāsayāti – parissayā. Loketi manussaloketi – kati parissayā loke.

க³ச்ச²தோ அக³தங் தி³ஸந்தி. அக³தா தி³ஸா வுச்சதி அமதங் நிப்³பா³னங். யோ ஸோ ஸப்³ப³ஸங்கா²ரஸமதோ² ஸப்³பூ³பதி⁴படினிஸ்ஸக்³கோ³ தண்ஹக்க²யோ விராகோ³ நிரோதோ⁴ நிப்³பா³னங். அக³தபுப்³பா³ ஸா தி³ஸா ந ஸா தி³ஸா க³தபுப்³பா³ இமினா தீ³கே⁴ன அத்³து⁴னா.

Gacchato agataṃ disanti. Agatā disā vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Agatapubbā sā disā na sā disā gatapubbā iminā dīghena addhunā.

‘‘ஸமதித்திகங் அனவஸேஸங், தேலபத்தங் யதா² பரிஹரெய்ய;

‘‘Samatittikaṃ anavasesaṃ, telapattaṃ yathā parihareyya;

ஏவங் ஸசித்தமனுரக்கே², பத்த²யானோ ⁶⁵ தி³ஸங் அக³தபுப்³ப³ங்’’.

Evaṃ sacittamanurakkhe, patthayāno ⁶⁶ disaṃ agatapubbaṃ’’.

அக³தபுப்³ப³ங் தி³ஸங் வஜதோ க³ச்ச²தோ அபி⁴க்கமதோதி – க³ச்ச²தோ அக³தங் தி³ஸங்.

Agatapubbaṃ disaṃ vajato gacchato abhikkamatoti – gacchato agataṃ disaṃ.

யே பி⁴க்கு² அபி⁴ஸம்ப⁴வேதி. யேதி யே பரிஸ்ஸயே அபி⁴ஸம்ப⁴வெய்ய அபி⁴ப⁴வெய்ய அஜ்ஜொ²த்த²ரெய்ய பரியாதி³யெய்ய மத்³தெ³ய்யாதி – யே பி⁴க்கு² அபி⁴ஸம்ப⁴வே.

Ye bhikkhu abhisambhaveti. Yeti ye parissaye abhisambhaveyya abhibhaveyya ajjhotthareyya pariyādiyeyya maddeyyāti – ye bhikkhu abhisambhave.

பந்தம்ஹி ஸயனாஸனேதி. அந்தே பந்தே பரியந்தே ஸேலந்தே வா வனந்தே வா நத³ந்தே வா உத³கந்தே வா யத்த² ந கஸீயதி ந வபீயதி, ஜனந்தங் அதிக்கமித்வா மனுஸ்ஸானங் அனுபசாரே ஸேனாஸனேதி – பந்தம்ஹி ஸயனாஸனே.

Pantamhisayanāsaneti. Ante pante pariyante selante vā vanante vā nadante vā udakante vā yattha na kasīyati na vapīyati, janantaṃ atikkamitvā manussānaṃ anupacāre senāsaneti – pantamhi sayanāsane.

தேனாஹ தே²ரோ ஸாரிபுத்தோ –

Tenāha thero sāriputto –

‘‘கதி பரிஸ்ஸயா லோகே, க³ச்ச²தோ அக³தங் தி³ஸங்;

‘‘Kati parissayā loke, gacchato agataṃ disaṃ;

யே பி⁴க்கு² அபி⁴ஸம்ப⁴வே, பந்தம்ஹி ஸயனாஸனே’’தி.

Ye bhikkhu abhisambhave, pantamhi sayanāsane’’ti.

196.

க்யாஸ்ஸ ப்³யப்பத²யோ அஸ்ஸு, க்யாஸ்ஸஸ்ஸு இத⁴ கோ³சரா;

Kyāssa byappathayo assu, kyāssassu idha gocarā;

கானி ஸீலப்³ப³தானாஸ்ஸு, பஹிதத்தஸ்ஸ பி⁴க்கு²னோ.

Kāni sīlabbatānāssu, pahitattassa bhikkhuno.

க்யாஸ்ஸ ப்³யப்பத²யோ அஸ்ஸூதி. கீதி³ஸேன ப்³யப்பதே²ன ஸமன்னாக³தோ அஸ்ஸ கிங்ஸண்டி²தேன கிங்பகாரேன கிங்படிபா⁴கே³னாதி வசீபாரிஸுத்³தி⁴ங் புச்ச²தி. கதமா வசீபாரிஸுத்³தி⁴? இத⁴ பி⁴க்கு² முஸாவாத³ங் பஹாய முஸாவாதா³ படிவிரதோ ஹோதி ஸச்சவாதீ³ ஸச்சஸந்தோ⁴ தே²தோ பச்சயிகோ அவிஸங்வாத³கோ லோகஸ்ஸ. பிஸுணங் வாசங் பஹாய பிஸுணாய வாசாய படிவிரதோ ஹோதி, இதோ ஸுத்வா ந அமுத்ர அக்கா²தா இமேஸங் பே⁴தா³ய, அமுத்ர வா ஸுத்வா ந இமேஸங் அக்கா²தா அமூஸங் பே⁴தா³ய, இதி பி⁴ன்னானங் வா ஸந்தா⁴தா, ஸஹிதானங் வா அனுப்பதா³தா ஸமக்³கா³ராமோ ஸமக்³க³ரதோ ஸமக்³க³னந்தீ³ ஸமக்³க³கரணிங் வாசங் பா⁴ஸிதா ஹோதி. ப²ருஸங் வாசங் பஹாய ப²ருஸாய வாசாய படிவிரதோ ஹோதி; யா ஸா வாசா நேலா கண்ணஸுகா² பேமனீயா ஹத³யங்க³மா போரீ ப³ஹுஜனகந்தா ப³ஹுஜனமனாபா ததா²ரூபிங் வாசங் பா⁴ஸிதா ஹோதி. ஸம்ப²ப்பலாபங் பஹாய ஸம்ப²ப்பலாபா படிவிரதோ ஹோதி காலவாதீ³ பூ⁴தவாதீ³ அத்த²வாதீ³ த⁴ம்மவாதீ³ வினயவாதீ³, நிதா⁴னவதிங் வாசங் பா⁴ஸிதா ஹோதி காலேன ஸாபதே³ஸங் பரியந்தவதிங் அத்த²ஸங்ஹிதங். சதூஹி வசீஸுசரிதேஹி ஸமன்னாக³தோ சதுதோ³ஸாபக³தங் வாசங் பா⁴ஸதி, பா³த்திங்ஸாய திரச்சா²னகதா²ய ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரதி. த³ஸ கதா²வத்தூ²னி கதே²தி, ஸெய்யதி²த³ங் – அப்பிச்ச²கத²ங் ஸந்துட்டி²கத²ங் பவிவேககத²ங் அஸங்ஸக்³க³கத²ங் வீரியாரம்ப⁴கத²ங் ஸீலகத²ங் ஸமாதி⁴கத²ங் பஞ்ஞாகத²ங் விமுத்திகத²ங் விமுத்திஞாணத³ஸ்ஸனகத²ங் ஸதிபட்டா²னகத²ங் ஸம்மப்பதா⁴னகத²ங் இத்³தி⁴பாத³கத²ங் இந்த்³ரியகத²ங் ப³லகத²ங் பொ³ஜ்ஜ²ங்க³கத²ங் மக்³க³கத²ங் ப²லகத²ங் நிப்³பா³னகத²ங் கதே²தி . வாசாய யதோ யத்தோ படியத்தோ கு³த்தோ கோ³பிதோ ரக்கி²தோ ஸங்வுதோ – அயங் வசீபாரிஸுத்³தி⁴. ஏதி³ஸாய வசீபாரிஸுத்³தி⁴யா ஸமன்னாக³தோ அஸ்ஸாதி – க்யாஸ்ஸ ப்³யப்பத²யோ அஸ்ஸு.

Kyāssa byappathayo assūti. Kīdisena byappathena samannāgato assa kiṃsaṇṭhitena kiṃpakārena kiṃpaṭibhāgenāti vacīpārisuddhiṃ pucchati. Katamā vacīpārisuddhi? Idha bhikkhu musāvādaṃ pahāya musāvādā paṭivirato hoti saccavādī saccasandho theto paccayiko avisaṃvādako lokassa. Pisuṇaṃ vācaṃ pahāya pisuṇāya vācāya paṭivirato hoti, ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya, iti bhinnānaṃ vā sandhātā, sahitānaṃ vā anuppadātā samaggārāmo samaggarato samagganandī samaggakaraṇiṃ vācaṃ bhāsitā hoti. Pharusaṃ vācaṃ pahāya pharusāya vācāya paṭivirato hoti; yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā hoti. Samphappalāpaṃ pahāya samphappalāpā paṭivirato hoti kālavādī bhūtavādī atthavādī dhammavādī vinayavādī, nidhānavatiṃ vācaṃ bhāsitā hoti kālena sāpadesaṃ pariyantavatiṃ atthasaṃhitaṃ. Catūhi vacīsucaritehi samannāgato catudosāpagataṃ vācaṃ bhāsati, bāttiṃsāya tiracchānakathāya ārato assa virato paṭivirato nikkhanto nissaṭo vippamutto visaññutto vimariyādikatena cetasā viharati. Dasa kathāvatthūni katheti, seyyathidaṃ – appicchakathaṃ santuṭṭhikathaṃ pavivekakathaṃ asaṃsaggakathaṃ vīriyārambhakathaṃ sīlakathaṃ samādhikathaṃ paññākathaṃ vimuttikathaṃ vimuttiñāṇadassanakathaṃ satipaṭṭhānakathaṃ sammappadhānakathaṃ iddhipādakathaṃ indriyakathaṃ balakathaṃ bojjhaṅgakathaṃ maggakathaṃ phalakathaṃ nibbānakathaṃ katheti . Vācāya yato yatto paṭiyatto gutto gopito rakkhito saṃvuto – ayaṃ vacīpārisuddhi. Edisāya vacīpārisuddhiyā samannāgato assāti – kyāssa byappathayo assu.

க்யாஸ்ஸஸ்ஸு இத⁴ கோ³சராதி. கீதி³ஸேன கோ³சரேன ஸமன்னாக³தோ அஸ்ஸ கிங்ஸண்டி²தேன கிங்பகாரேன கிங்படிபா⁴கே³னாதி கோ³சரங் புச்ச²தி. அத்தி² கோ³சரோ, அத்தி² அகோ³சரோ.

Kyāssassu idha gocarāti. Kīdisena gocarena samannāgato assa kiṃsaṇṭhitena kiṃpakārena kiṃpaṭibhāgenāti gocaraṃ pucchati. Atthi gocaro, atthi agocaro.

கதமோ அகோ³சரோ? இதே⁴கச்சோ வேஸியாகோ³சரோ வா ஹோதி, வித⁴வாகோ³சரோ வா ஹோதி, து²ல்லகுமாரீகோ³சரோ ⁶⁷ வா ஹோதி, பண்ட³ககோ³சரோ வா ஹோதி, பி⁴க்கு²னீகோ³சரோ வா ஹோதி, பானாகா³ரகோ³சரோ வா ஹோதி, ஸங்ஸட்டோ² விஹரதி ராஜூஹி ராஜமஹாமத்தேஹி தித்தி²யேஹி தித்தி²யஸாவகேஹி அனநுலோமிகேன ஸங்ஸக்³கே³ன. யானி வா பன தானி குலானி அஸ்ஸத்³தா⁴னி அப்பஸன்னானி அனோபானபூ⁴தானி அக்கோஸகபரிபா⁴ஸகானி அனத்த²காமானி அஹிதகாமானி அபா²ஸுகாமானி அயோக³க்கே²மகாமானி பி⁴க்கூ²னங் பி⁴க்கு²னீனங் உபாஸகானங் உபாஸிகானங், ததா²ரூபானி குலானி ஸேவதி ப⁴ஜதி பயிருபாஸதி – அயங் வுச்சதி அகோ³சரோ.

Katamo agocaro? Idhekacco vesiyāgocaro vā hoti, vidhavāgocaro vā hoti, thullakumārīgocaro ⁶⁸ vā hoti, paṇḍakagocaro vā hoti, bhikkhunīgocaro vā hoti, pānāgāragocaro vā hoti, saṃsaṭṭho viharati rājūhi rājamahāmattehi titthiyehi titthiyasāvakehi ananulomikena saṃsaggena. Yāni vā pana tāni kulāni assaddhāni appasannāni anopānabhūtāni akkosakaparibhāsakāni anatthakāmāni ahitakāmāni aphāsukāmāni ayogakkhemakāmāni bhikkhūnaṃ bhikkhunīnaṃ upāsakānaṃ upāsikānaṃ, tathārūpāni kulāni sevati bhajati payirupāsati – ayaṃ vuccati agocaro.

அத² வா அந்தரக⁴ரங் பவிட்டோ² வீதி²ங் படிபன்னோ அஸங்வுதோ க³ச்ச²தி, ஹத்தி²ங் ஓலோகெந்தோ, அஸ்ஸங் ஓலோகெந்தோ, ரத²ங் ஓலோகெந்தோ, பத்திங் ஓலோகெந்தோ, இத்தி²யோ ஓலோகெந்தோ, புரிஸே ஓலோகெந்தோ, குமாரிகாயோ ஓலோகெந்தோ, குமாரகே ஓலோகெந்தோ, அந்தராபணங் ஓலோகெந்தோ, க⁴ரமுகா²னி ஓலோகெந்தோ, உத்³த⁴ங் ஓலோகெந்தோ ⁶⁹, அதோ⁴ ஓலோகெந்தோ, தி³ஸாவிதி³ஸங் விபெக்க²மானோ க³ச்ச²தி – அயம்பி வுச்சதி அகோ³சரோ.

Atha vā antaragharaṃ paviṭṭho vīthiṃ paṭipanno asaṃvuto gacchati, hatthiṃ olokento, assaṃ olokento, rathaṃ olokento, pattiṃ olokento, itthiyo olokento, purise olokento, kumārikāyo olokento, kumārake olokento, antarāpaṇaṃ olokento, gharamukhāni olokento, uddhaṃ olokento ⁷⁰, adho olokento, disāvidisaṃ vipekkhamāno gacchati – ayampi vuccati agocaro.

அத² வா சக்கு²னா ரூபங் தி³ஸ்வா நிமித்தக்³கா³ஹீ ஹோதி அனுப்³யஞ்ஜனக்³கா³ஹீ. யத்வாதி⁴கரணமேனங்…பே॰… மனிந்த்³ரியங் அஸங்வுதங் விஹரந்தங் அபி⁴ஜ்ஜா² தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங், தஸ்ஸ ந ஸங்வராய படிபஜ்ஜதி, ந ரக்க²தி மனிந்த்³ரியங் மனிந்த்³ரியே ந ஸங்வரங் ஆபஜ்ஜதி – அயம்பி வுச்சதி அகோ³சரோ.

Atha vā cakkhunā rūpaṃ disvā nimittaggāhī hoti anubyañjanaggāhī. Yatvādhikaraṇamenaṃ…pe… manindriyaṃ asaṃvutaṃ viharantaṃ abhijjhā domanassā pāpakā akusalā dhammā anvāssaveyyuṃ, tassa na saṃvarāya paṭipajjati, na rakkhati manindriyaṃ manindriye na saṃvaraṃ āpajjati – ayampi vuccati agocaro.

யதா² வா பனேகே பொ⁴ந்தோ ஸமணப்³ராஹ்மணா ஸத்³தா⁴தெ³ய்யானி போ⁴ஜனானி பு⁴ஞ்ஜித்வா தே ஏவரூபங் விஸூகத³ஸ்ஸனங் அனுயுத்தா விஹரந்தி, ஸெய்யதி²த³ங் – நச்சங் கீ³தங் வாதி³தங் பெக்க²ங் அக்கா²னங் பாணிஸ்ஸரங் வேதாளங் கும்ப⁴தூ²ணங் ஸோப⁴னகங் சண்டா³லங் வங்ஸங் தோ⁴வனங் ஹத்தி²யுத்³த⁴ங் அஸ்ஸயுத்³த⁴ங் மஹிங்ஸயுத்³த⁴ங் உஸப⁴யுத்³த⁴ங் அஜயுத்³த⁴ங் மெண்ட³யுத்³த⁴ங் குக்குடயுத்³த⁴ங் வட்டகயுத்³த⁴ங் த³ண்ட³யுத்³த⁴ங் முட்டி²யுத்³த⁴ங் நிப்³பு³த்³த⁴ங் உய்யோதி⁴கங் ப³லக்³க³ங் ஸேனாப்³யூஹங் அனீகத³ஸ்ஸனங் இதி வா இதி, ஏவரூபங் விஸூகத³ஸ்ஸனங் அனுயுத்தோ ஹோதி – அயம்பி வுச்சதி அகோ³சரோ.

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṃ visūkadassanaṃ anuyuttā viharanti, seyyathidaṃ – naccaṃ gītaṃ vāditaṃ pekkhaṃ akkhānaṃ pāṇissaraṃ vetāḷaṃ kumbhathūṇaṃ sobhanakaṃ caṇḍālaṃ vaṃsaṃ dhovanaṃ hatthiyuddhaṃ assayuddhaṃ mahiṃsayuddhaṃ usabhayuddhaṃ ajayuddhaṃ meṇḍayuddhaṃ kukkuṭayuddhaṃ vaṭṭakayuddhaṃ daṇḍayuddhaṃ muṭṭhiyuddhaṃ nibbuddhaṃ uyyodhikaṃ balaggaṃ senābyūhaṃ anīkadassanaṃ iti vā iti, evarūpaṃ visūkadassanaṃ anuyutto hoti – ayampi vuccati agocaro.

பஞ்சபி காமகு³ணா அகோ³சரா. வுத்தஞ்ஹேதங் ப⁴க³வதா – ‘‘மா, பி⁴க்க²வே, அகோ³சரே சரத² பரவிஸயே. அகோ³சரே, பி⁴க்க²வே, சரதங் பரவிஸயே லச்ச²தி மாரோ ஓதாரங், லச்ச²தி மாரோ ஆரம்மணங். கோ ச, பி⁴க்க²வே, பி⁴க்கு²னோ அகோ³சரோ பரவிஸயோ? யதி³த³ங் பஞ்ச காமகு³ணா. கதமே பஞ்ச? சக்கு²விஞ்ஞெய்யா ரூபா இட்டா² கந்தா மனாபா பியரூபா காமூபஸங்ஹிதா ரஜனீயா, ஸோதவிஞ்ஞெய்யா ஸத்³தா³… கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா… காயவிஞ்ஞெய்யா பொ²ட்ட²ப்³பா³ இட்டா² கந்தா மனாபா பியரூபா காமூபஸங்ஹிதா ரஜனீயா. அயங் வுச்சதி, பி⁴க்க²வே, பி⁴க்கு²னோ அகோ³சரோ பரவிஸயோ’’ – அயம்பி வுச்சதி அகோ³சரோ.

Pañcapi kāmaguṇā agocarā. Vuttañhetaṃ bhagavatā – ‘‘mā, bhikkhave, agocare caratha paravisaye. Agocare, bhikkhave, carataṃ paravisaye lacchati māro otāraṃ, lacchati māro ārammaṇaṃ. Ko ca, bhikkhave, bhikkhuno agocaro paravisayo? Yadidaṃ pañca kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ayaṃ vuccati, bhikkhave, bhikkhuno agocaro paravisayo’’ – ayampi vuccati agocaro.

கதமோ கோ³சரோ? இத⁴ பி⁴க்கு² ந வேஸியாகோ³சரோ ஹோதி, ந வித⁴வாகோ³சரோ ஹோதி, ந து²ல்லகுமாரீகோ³சரோ ஹோதி, ந பண்ட³ககோ³சரோ ஹோதி, ந பி⁴க்கு²னீகோ³சரோ ஹோதி, ந பானாகா³ரகோ³சரோ ஹோதி, அஸங்ஸட்டோ² விஹரதி ராஜூஹி ராஜமஹாமத்தேஹி தித்தி²யேஹி தித்தி²யஸாவகேஹி அனநுலோமிகேன ஸங்ஸக்³கே³ன. யானி வா பன தானி குலானி ஸத்³தா⁴னி பஸன்னானி ஓபானபூ⁴தானி காஸாவபஜ்ஜோதானி இஸிவாதபடிவாதானி அத்த²காமானி ஹிதகாமானி பா²ஸுகாமானி யோக³க்கே²மகாமானி பி⁴க்கூ²னங் பி⁴க்கு²னீனங் உபாஸகானங் உபாஸிகானங், ததா²ரூபானி குலானி ஸேவதி ப⁴ஜதி பயிருபாஸதி – அயம்பி வுச்சதி கோ³சரோ.

Katamo gocaro? Idha bhikkhu na vesiyāgocaro hoti, na vidhavāgocaro hoti, na thullakumārīgocaro hoti, na paṇḍakagocaro hoti, na bhikkhunīgocaro hoti, na pānāgāragocaro hoti, asaṃsaṭṭho viharati rājūhi rājamahāmattehi titthiyehi titthiyasāvakehi ananulomikena saṃsaggena. Yāni vā pana tāni kulāni saddhāni pasannāni opānabhūtāni kāsāvapajjotāni isivātapaṭivātāni atthakāmāni hitakāmāni phāsukāmāni yogakkhemakāmāni bhikkhūnaṃ bhikkhunīnaṃ upāsakānaṃ upāsikānaṃ, tathārūpāni kulāni sevati bhajati payirupāsati – ayampi vuccati gocaro.

அத² வா பி⁴க்கு² அந்தரக⁴ரங் பவிட்டோ² வீதி²ங் படிபன்னோ ஸங்வுதோ க³ச்ச²தி, ந ஹத்தி²ங் ஓலோகெந்தோ, ந அஸ்ஸங் ஓலோகெந்தோ, ந ரத²ங் ஓலோகெந்தோ, ந பத்திங் ஓலோகெந்தோ…பே॰… ந தி³ஸாவிதி³ஸங் விபெக்க²மானோ க³ச்ச²தி – அயம்பி வுச்சதி கோ³சரோ.

Atha vā bhikkhu antaragharaṃ paviṭṭho vīthiṃ paṭipanno saṃvuto gacchati, na hatthiṃ olokento, na assaṃ olokento, na rathaṃ olokento, na pattiṃ olokento…pe… na disāvidisaṃ vipekkhamāno gacchati – ayampi vuccati gocaro.

அத² வா பி⁴க்கு² சக்கு²னா ரூபங் தி³ஸ்வா ந நிமித்தக்³கா³ஹீ ஹோதி…பே॰… மனிந்த்³ரியே ஸங்வரங் ஆபஜ்ஜதி – அயம்பி வுச்சதி கோ³சரோ.

Atha vā bhikkhu cakkhunā rūpaṃ disvā na nimittaggāhī hoti…pe… manindriye saṃvaraṃ āpajjati – ayampi vuccati gocaro.

யதா² வா பனேகே பொ⁴ந்தோ ஸமணப்³ராஹ்மணா ஸத்³தா⁴தெ³ய்யானி போ⁴ஜனானி பு⁴ஞ்ஜித்வா தே ஏவரூபங் விஸூகத³ஸ்ஸனங் அனநுயுத்தா விஹரந்தி, ஸெய்யதி²த³ங் – நச்சங் கீ³தங் வாதி³தங்…பே॰… அனீகத³ஸ்ஸனங் இதி வா இதி, ஏவரூபா விஸூகத³ஸ்ஸனா படிவிரதோ ஹோதி – அயம்பி வுச்சதி கோ³சரோ.

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā te evarūpaṃ visūkadassanaṃ ananuyuttā viharanti, seyyathidaṃ – naccaṃ gītaṃ vāditaṃ…pe… anīkadassanaṃ iti vā iti, evarūpā visūkadassanā paṭivirato hoti – ayampi vuccati gocaro.

சத்தாரோபி ஸதிபட்டா²னா கோ³சரோ. வுத்தஞ்ஹேதங் ப⁴க³வதா – ‘‘கோ³சரே, பி⁴க்க²வே, சரத² ஸகே பெத்திகே விஸயே. கோ³சரே, பி⁴க்க²வே, சரதங் ஸகே பெத்திகே விஸயே ந லச்ச²தி மாரோ ஓதாரங், ந லச்ச²தி மாரோ ஆரம்மணங். கோ ச, பி⁴க்க²வே, பி⁴க்கு²னோ கோ³சரோ ஸகோ பெத்திகோ விஸயோ? யதி³த³ங் சத்தாரோ ஸதிபட்டா²னா. கதமே சத்தாரோ? இத⁴, பி⁴க்க²வே, பி⁴க்கு² காயே காயானுபஸ்ஸீ விஹரதி, வேத³னாஸு…பே॰ … சித்தே…பே॰… த⁴ம்மேஸு த⁴ம்மானுபஸ்ஸீ விஹரதி ஆதாபீ ஸம்பஜானோ ஸதிமா வினெய்ய லோகே அபி⁴ஜ்ஜா²தோ³மனஸ்ஸங். அயங் வுச்சதி, பி⁴க்க²வே, பி⁴க்கு²னோ கோ³சரோ ஸகோ பெத்திகோ விஸயோ – அயம்பி வுச்சதி கோ³சரோ. ஏதி³ஸேன கோ³சரேன ஸமன்னாக³தோ அஸ்ஸா’’தி – க்யாஸ்ஸஸ்ஸு இத⁴ கோ³சரா.

Cattāropi satipaṭṭhānā gocaro. Vuttañhetaṃ bhagavatā – ‘‘gocare, bhikkhave, caratha sake pettike visaye. Gocare, bhikkhave, carataṃ sake pettike visaye na lacchati māro otāraṃ, na lacchati māro ārammaṇaṃ. Ko ca, bhikkhave, bhikkhuno gocaro sako pettiko visayo? Yadidaṃ cattāro satipaṭṭhānā. Katame cattāro? Idha, bhikkhave, bhikkhu kāye kāyānupassī viharati, vedanāsu…pe. … citte…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Ayaṃ vuccati, bhikkhave, bhikkhuno gocaro sako pettiko visayo – ayampi vuccati gocaro. Edisena gocarena samannāgato assā’’ti – kyāssassu idha gocarā.

கானி ஸீலப்³ப³தானாஸ்ஸூதி. கீதி³ஸேன ஸீலப்³ப³தேன ஸமன்னாக³தோ அஸ்ஸ கிங்ஸண்டி²தேன கிங்பகாரேன கிங்படிபா⁴கே³னாதி ஸீலப்³ப³தபாரிஸுத்³தி⁴ங் புச்ச²தி. கதமா ஸீலப்³ப³தபாரிஸுத்³தி⁴? அத்தி² ஸீலஞ்சேவ வதஞ்ச, அத்தி² வதங் ந ஸீலங். கதமங் ஸீலஞ்சேவ வதஞ்ச? இத⁴ பி⁴க்கு² ஸீலவா ஹோதி, பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ, அணுமத்தேஸு வஜ்ஜேஸு ப⁴யத³ஸ்ஸாவீ, ஸமாதா³ய ஸிக்க²தி ஸிக்கா²பதே³ஸு. யோ தத்த² ஸஞ்ஞமோ ஸங்வரோ அவீதிக்கமோ – இத³ங் ஸீலங். யங் ஸமாதா³னங் – தங் வதங் . ஸங்வரட்டே²ன ஸீலங், ஸமாதா³னட்டே²ன வதங் – இத³ங் வுச்சதி ஸீலஞ்சேவ வதஞ்ச.

Kānisīlabbatānāssūti. Kīdisena sīlabbatena samannāgato assa kiṃsaṇṭhitena kiṃpakārena kiṃpaṭibhāgenāti sīlabbatapārisuddhiṃ pucchati. Katamā sīlabbatapārisuddhi? Atthi sīlañceva vatañca, atthi vataṃ na sīlaṃ. Katamaṃ sīlañceva vatañca? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu. Yo tattha saññamo saṃvaro avītikkamo – idaṃ sīlaṃ. Yaṃ samādānaṃ – taṃ vataṃ . Saṃvaraṭṭhena sīlaṃ, samādānaṭṭhena vataṃ – idaṃ vuccati sīlañceva vatañca.

கதமங் வதங் ந ஸீலங்? அட்ட² து⁴தங்கா³னி – ஆரஞ்ஞிகங்க³ங், பிண்ட³பாதிகங்க³ங், பங்ஸுகூலிகங்க³ங், தேசீவரிகங்க³ங், ஸபதா³னசாரிகங்க³ங், க²லுபச்சா²ப⁴த்திகங்க³ங், நேஸஜ்ஜிகங்க³ங், யதா²ஸந்த²திகங்க³ங் – இத³ங் வுச்சதி வதங் ந ஸீலங். வீரியஸமாதா³னம்பி வுச்சதி வதங் ந ஸீலங். காமங் தசோ ச ந்ஹாரு ச அட்டி² ச அவஸிஸ்ஸது, ஸரீரே உபஸுஸ்ஸது மங்ஸலோஹிதங், யங் தங் புரிஸதா²மேன புரிஸப³லேன புரிஸவீரியேன புரிஸபரக்கமேன பத்தப்³ப³ங் ந தங் அபாபுணித்வா வீரியஸ்ஸ ஸண்டா²னங் ப⁴விஸ்ஸதீதி – சித்தங் பக்³க³ண்ஹாதி பத³ஹதி. ஏவரூபம்பி வீரியஸமாதா³னங் வுச்சதி வதங் ந ஸீலங்.

Katamaṃ vataṃ na sīlaṃ? Aṭṭha dhutaṅgāni – āraññikaṅgaṃ, piṇḍapātikaṅgaṃ, paṃsukūlikaṅgaṃ, tecīvarikaṅgaṃ, sapadānacārikaṅgaṃ, khalupacchābhattikaṅgaṃ, nesajjikaṅgaṃ, yathāsanthatikaṅgaṃ – idaṃ vuccati vataṃ na sīlaṃ. Vīriyasamādānampi vuccati vataṃ na sīlaṃ. Kāmaṃ taco ca nhāru ca aṭṭhi ca avasissatu, sarīre upasussatu maṃsalohitaṃ, yaṃ taṃ purisathāmena purisabalena purisavīriyena purisaparakkamena pattabbaṃ na taṃ apāpuṇitvā vīriyassa saṇṭhānaṃ bhavissatīti – cittaṃ paggaṇhāti padahati. Evarūpampi vīriyasamādānaṃ vuccati vataṃ na sīlaṃ.

‘‘நாஸிஸ்ஸங் ந பிவிஸ்ஸாமி, விஹாரதோ ந நிக்க²மே ⁷¹;

‘‘Nāsissaṃ na pivissāmi, vihārato na nikkhame ⁷²;

நபி பஸ்ஸங் நிபாதெஸ்ஸங், தண்ஹாஸல்லே அனூஹதே’’தி.

Napi passaṃ nipātessaṃ, taṇhāsalle anūhate’’ti.

சித்தங் பக்³க³ண்ஹாதி பத³ஹதி. ஏவரூபம்பி வீரியஸமாதா³னங் வுச்சதி வதங் ந ஸீலங். ந தாவாஹங் இமங் பல்லங்கங் பி⁴ந்தி³ஸ்ஸாமி யாவ மே ந அனுபாதா³ய ஆஸவேஹி சித்தங் விமுச்சிஸ்ஸதீதி – சித்தங் பக்³க³ண்ஹாதி பத³ஹதி. ஏவரூபம்பி வீரியஸமாதா³னங் வுச்சதி வதங், ந ஸீலங். ந தாவாஹங் இமம்ஹா ஆஸனா வுட்ட²ஹிஸ்ஸாமி… ந தாவாஹங் இமம்ஹா சங்கமா ஓரோஹிஸ்ஸாமி… விஹாரா நிக்க²மிஸ்ஸாமி… அட்³ட⁴யோகா³ நிக்க²மிஸ்ஸாமி… பாஸாதா³ நிக்க²மிஸ்ஸாமி… ஹம்மியா… கு³ஹாய… லேணா… குடியா… கூடாகா³ரா… அட்டா… மாளா… உத்³த³ண்டா³… உபட்டா²னஸாலாய… மண்ட³பா… ருக்க²மூலா நிக்க²மிஸ்ஸாமி யாவ மே ந அனுபாதா³ய ஆஸவேஹி சித்தங் விமுச்சிஸ்ஸதீதி – சித்தங் பக்³க³ண்ஹாதி பத³ஹதி. ஏவரூபம்பி வீரியஸமாதா³னங் வுச்சதி வதங், ந ஸீலங். இமஸ்மிஞ்ஞேவ புப்³ப³ண்ஹஸமயங் அரியத⁴ம்மங் ஆஹரிஸ்ஸாமி ஸமாஹரிஸ்ஸாமி அதி⁴க³ச்சி²ஸ்ஸாமி ப²ஸ்ஸயிஸ்ஸாமி ஸச்சி²கரிஸ்ஸாமீதி – சித்தங் பக்³க³ண்ஹாதி பத³ஹதி. ஏவரூபம்பி வீரியஸமாதா³னங் வுச்சதி வதங், ந ஸீலங். இமஸ்மிஞ்ஞேவ மஜ்ஜ²ன்ஹிகஸமயங்… ஸாயன்ஹஸமயங் … புரேப⁴த்தங்… பச்சா²ப⁴த்தங்… புரிமயாமங்… மஜ்ஜி²மயாமங்… பச்சி²மயாமங்… காளே… ஜுண்ஹே… வஸ்ஸே… ஹேமந்தே… கி³ம்ஹே… புரிமே வயோக²ந்தே⁴… மஜ்ஜி²மே வயோக²ந்தே⁴… பச்சி²மே வயோக²ந்தே⁴ அரியத⁴ம்மங் ஆஹரிஸ்ஸாமி ஸமாஹரிஸ்ஸாமி அதி⁴க³ச்சி²ஸ்ஸாமி ப²ஸ்ஸயிஸ்ஸாமி ஸச்சி²கரிஸ்ஸாமீதி – சித்தங் பக்³க³ண்ஹாதி பத³ஹதி. ஏவரூபம்பி வீரியஸமாதா³னங் வுச்சதி வதங், ந ஸீலங் – அயங் ஸீலப்³ப³தபாரிஸுத்³தி⁴. ஏதி³ஸாய ⁷³ ஸீலப்³ப³தபாரிஸுத்³தி⁴யா ஸமன்னாக³தோ அஸ்ஸாதி – கானி ஸீலப்³ப³தானாஸ்ஸு.

Cittaṃ paggaṇhāti padahati. Evarūpampi vīriyasamādānaṃ vuccati vataṃ na sīlaṃ. Na tāvāhaṃ imaṃ pallaṅkaṃ bhindissāmi yāva me na anupādāya āsavehi cittaṃ vimuccissatīti – cittaṃ paggaṇhāti padahati. Evarūpampi vīriyasamādānaṃ vuccati vataṃ, na sīlaṃ. Na tāvāhaṃ imamhā āsanā vuṭṭhahissāmi… na tāvāhaṃ imamhā caṅkamā orohissāmi… vihārā nikkhamissāmi… aḍḍhayogā nikkhamissāmi… pāsādā nikkhamissāmi… hammiyā… guhāya… leṇā… kuṭiyā… kūṭāgārā… aṭṭā… māḷā… uddaṇḍā… upaṭṭhānasālāya… maṇḍapā… rukkhamūlā nikkhamissāmi yāva me na anupādāya āsavehi cittaṃ vimuccissatīti – cittaṃ paggaṇhāti padahati. Evarūpampi vīriyasamādānaṃ vuccati vataṃ, na sīlaṃ. Imasmiññeva pubbaṇhasamayaṃ ariyadhammaṃ āharissāmi samāharissāmi adhigacchissāmi phassayissāmi sacchikarissāmīti – cittaṃ paggaṇhāti padahati. Evarūpampi vīriyasamādānaṃ vuccati vataṃ, na sīlaṃ. Imasmiññeva majjhanhikasamayaṃ… sāyanhasamayaṃ … purebhattaṃ… pacchābhattaṃ… purimayāmaṃ… majjhimayāmaṃ… pacchimayāmaṃ… kāḷe… juṇhe… vasse… hemante… gimhe… purime vayokhandhe… majjhime vayokhandhe… pacchime vayokhandhe ariyadhammaṃ āharissāmi samāharissāmi adhigacchissāmi phassayissāmi sacchikarissāmīti – cittaṃ paggaṇhāti padahati. Evarūpampi vīriyasamādānaṃ vuccati vataṃ, na sīlaṃ – ayaṃ sīlabbatapārisuddhi. Edisāya ⁷⁴ sīlabbatapārisuddhiyā samannāgato assāti – kāni sīlabbatānāssu.

பஹிதத்தஸ்ஸ பி⁴க்கு²னோதி. பஹிதத்தஸ்ஸாதி ஆரத்³த⁴வீரியஸ்ஸ தா²மக³தஸ்ஸ த³ள்ஹபரக்கமஸ்ஸ அனிக்கி²த்தச்ச²ந்த³ஸ்ஸ அனிக்கி²த்தது⁴ரஸ்ஸ குஸலேஸு த⁴ம்மேஸு. அத² வா பேஸிதத்தஸ்ஸ யஸ்ஸத்தா²ய பேஸிதோ அத்தத்தே² ச ஞாயே ச லக்க²ணே ச காரணே ச டா²னாடா²னே ச. ‘‘ஸப்³பே³ ஸங்கா²ரா அனிச்சா’’தி பேஸிதத்தஸ்ஸ, ‘‘ஸப்³பே³ ஸங்கா²ரா து³க்கா²’’தி பேஸிதத்தஸ்ஸ, ‘‘ஸப்³பே³ த⁴ம்மா அனத்தா’’தி பேஸிதத்தஸ்ஸ, ‘‘அவிஜ்ஜாபச்சயா ஸங்கா²ரா’’தி பேஸிதத்தஸ்ஸ …பே॰… ‘‘ஜாதிபச்சயா ஜராமரண’’ந்தி பேஸிதத்தஸ்ஸ, ‘‘அவிஜ்ஜானிரோதா⁴ ஸங்கா²ரனிரோதோ⁴’’தி பேஸிதத்தஸ்ஸ…பே॰… ‘‘ஜாதினிரோதா⁴ ஜராமரணனிரோதோ⁴’’தி பேஸிதத்தஸ்ஸ, ‘‘இத³ங் து³க்க²’’ந்தி பேஸிதத்தஸ்ஸ…பே॰… ‘‘அயங் து³க்க²னிரோத⁴கா³மினீ படிபதா³’’தி பேஸிதத்தஸ்ஸ, ‘‘இமே ஆஸவா’’தி பேஸிதத்தஸ்ஸ…பே॰… ‘‘அயங் ஆஸவனிரோத⁴கா³மினீ படிபதா³’’தி பேஸிதத்தஸ்ஸ, ‘‘இமே த⁴ம்மா அபி⁴ஞ்ஞெய்யா’’தி பேஸிதத்தஸ்ஸ…பே॰… ‘‘இமே த⁴ம்மா ஸச்சி²காதப்³பா³’’தி பேஸிதத்தஸ்ஸ, ச²ன்னங் ப²ஸ்ஸாயதனானங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச பேஸிதத்தஸ்ஸ, பஞ்சன்னங் உபாதா³னக்க²ந்தா⁴னங்… சதுன்னங் மஹாபூ⁴தானங் ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச பேஸிதத்தஸ்ஸ, ‘‘யங் கிஞ்சி ஸமுத³யத⁴ம்மங், ஸப்³ப³ங் தங் நிரோத⁴த⁴ம்ம’’ந்த்ந்த்தி பேஸிதத்தஸ்ஸ. பி⁴க்கு²னோதி புது²ஜ்ஜனகல்யாணகஸ்ஸ வா பி⁴க்கு²னோ ஸெக்க²ஸ்ஸ வா பி⁴க்கு²னோதி – பஹிதத்தஸ்ஸ பி⁴க்கு²னோ.

Pahitattassa bhikkhunoti. Pahitattassāti āraddhavīriyassa thāmagatassa daḷhaparakkamassa anikkhittacchandassa anikkhittadhurassa kusalesu dhammesu. Atha vā pesitattassa yassatthāya pesito attatthe ca ñāye ca lakkhaṇe ca kāraṇe ca ṭhānāṭhāne ca. ‘‘Sabbe saṅkhārā aniccā’’ti pesitattassa, ‘‘sabbe saṅkhārā dukkhā’’ti pesitattassa, ‘‘sabbe dhammā anattā’’ti pesitattassa, ‘‘avijjāpaccayā saṅkhārā’’ti pesitattassa …pe… ‘‘jātipaccayā jarāmaraṇa’’nti pesitattassa, ‘‘avijjānirodhā saṅkhāranirodho’’ti pesitattassa…pe… ‘‘jātinirodhā jarāmaraṇanirodho’’ti pesitattassa, ‘‘idaṃ dukkha’’nti pesitattassa…pe… ‘‘ayaṃ dukkhanirodhagāminī paṭipadā’’ti pesitattassa, ‘‘ime āsavā’’ti pesitattassa…pe… ‘‘ayaṃ āsavanirodhagāminī paṭipadā’’ti pesitattassa, ‘‘ime dhammā abhiññeyyā’’ti pesitattassa…pe… ‘‘ime dhammā sacchikātabbā’’ti pesitattassa, channaṃ phassāyatanānaṃ samudayañca atthaṅgamañca assādañca ādīnavañca nissaraṇañca pesitattassa, pañcannaṃ upādānakkhandhānaṃ… catunnaṃ mahābhūtānaṃ samudayañca atthaṅgamañca assādañca ādīnavañca nissaraṇañca pesitattassa, ‘‘yaṃ kiñci samudayadhammaṃ, sabbaṃ taṃ nirodhadhamma’’ntntti pesitattassa. Bhikkhunoti puthujjanakalyāṇakassa vā bhikkhuno sekkhassa vā bhikkhunoti – pahitattassa bhikkhuno.

தேனாஹ தே²ரோ ஸாரிபுத்தோ –

Tenāha thero sāriputto –

‘‘க்யாஸ்ஸ ப்³யப்பத²யோ அஸ்ஸு, க்யாஸ்ஸஸ்ஸு இத⁴ கோ³சரா;

‘‘Kyāssa byappathayo assu, kyāssassu idha gocarā;

கானி ஸீலப்³ப³தானாஸ்ஸு, பஹிதத்தஸ்ஸ பி⁴க்கு²னோ’’தி.

Kāni sīlabbatānāssu, pahitattassa bhikkhuno’’ti.

197.

கங் ஸோ ஸிக்க²ங் ஸமாதா³ய, ஏகோதி³ நிபகோ ஸதோ;

Kaṃ so sikkhaṃ samādāya, ekodi nipako sato;

கம்மாரோ ரஜதஸ்ஸேவ, நித்³த⁴மே மலமத்தனோ.

Kammāro rajatasseva, niddhame malamattano.

கங் ஸோ ஸிக்க²ங் ஸமாதா³யாதி கங் ஸோ ஸிக்க²ங் ஆதா³ய ஸமாதா³ய ஆதி³யித்வா ஸமாதி³யித்வா க³ண்ஹித்வா பராமஸித்வா அபி⁴னிவிஸித்வாதி – கங் ஸோ ஸிக்க²ங் ஸமாதா³ய.

Kaṃso sikkhaṃ samādāyāti kaṃ so sikkhaṃ ādāya samādāya ādiyitvā samādiyitvā gaṇhitvā parāmasitvā abhinivisitvāti – kaṃ so sikkhaṃ samādāya.

ஏகோதி³ நிபகோ ஸதோதி. ஏகோதீ³தி ஏகக்³க³சித்தோ அவிக்கி²த்தசித்தோ அவிஸாஹடமானஸோ ஸமதோ² ஸமாதி⁴ந்த்³ரியங் ஸமாதி⁴ப³லங்…பே॰… ஸம்மாஸமாதி⁴. நிபகோதி நிபகோ பண்டி³தோ பஞ்ஞவா பு³த்³தி⁴மா ஞாணீ விபா⁴வீ மேதா⁴வீ. ஸதோதி சதூஹி காரணேஹி ஸதோ – காயே காயானுபஸ்ஸனாஸதிபட்டா²னங் பா⁴வெந்தோ ஸதோ, வேத³னாஸு…பே॰… சித்தே…பே॰… த⁴ம்மேஸு த⁴ம்மானுபஸ்ஸனாஸதிபட்டா²னங் பா⁴வெந்தோ ஸதோ. ஸோ வுச்சதி ஸதோதி – ஸதோ. கங் ஸோ ஸிக்க²ங் ஸமாதா³யாதி அதி⁴ஸீலஸிக்க²ங் புச்ச²தி. ஏகோதீ³தி அதி⁴சித்தஸிக்க²ங் புச்ச²தி. நிபகோதி அதி⁴பஞ்ஞாஸிக்க²ங் புச்ச²தி. ஸதோதி பாரிஸுத்³தி⁴ங் புச்ச²தீதி – கங் ஸோ ஸிக்க²ங் ஸமாதா³ய, ஏகோதி³ நிபகோ ஸதோ.

Ekodi nipako satoti. Ekodīti ekaggacitto avikkhittacitto avisāhaṭamānaso samatho samādhindriyaṃ samādhibalaṃ…pe… sammāsamādhi. Nipakoti nipako paṇḍito paññavā buddhimā ñāṇī vibhāvī medhāvī. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato, vedanāsu…pe… citte…pe… dhammesu dhammānupassanāsatipaṭṭhānaṃ bhāvento sato. So vuccati satoti – sato. Kaṃ so sikkhaṃ samādāyāti adhisīlasikkhaṃ pucchati. Ekodīti adhicittasikkhaṃ pucchati. Nipakoti adhipaññāsikkhaṃ pucchati. Satoti pārisuddhiṃ pucchatīti – kaṃ so sikkhaṃ samādāya, ekodi nipako sato.

கம்மாரோ ரஜதஸ்ஸேவ, நித்³த⁴மே மலமத்தனோதி. கம்மாரோ வுச்சதி ஸுவண்ணகாரோ, ரஜதங் வுச்சதி ஜாதரூபங். யதா² ஸுவண்ணகாரோ ஜாதரூபஸ்ஸ ஓளாரிகம்பி மலங் த⁴மதி ஸந்த⁴மதி நித்³த⁴மதி, மஜ்ஜி²மகம்பி மலங் த⁴மதி ஸந்த⁴மதி நித்³த⁴மதி, ஸுகு²மகம்பி மலங் த⁴மதி ஸந்த⁴மதி நித்³த⁴மதி; ஏவமேவ பி⁴க்கு² அத்தனோ ஓளாரிகேபி கிலேஸே த⁴மதி ஸந்த⁴மதி நித்³த⁴மதி பஜஹதி வினோதே³தி ப்³யந்திங் கரோதி அனபா⁴வங் க³மேதி, மஜ்ஜி²மகேபி கிலேஸே… ஸுகு²மகேபி கிலேஸே த⁴மதி ஸந்த⁴மதி நித்³த⁴மதி பஜஹதி வினோதே³தி ப்³யந்திங் கரோதி அனபா⁴வங் க³மேதி.

Kammārorajatasseva, niddhame malamattanoti. Kammāro vuccati suvaṇṇakāro, rajataṃ vuccati jātarūpaṃ. Yathā suvaṇṇakāro jātarūpassa oḷārikampi malaṃ dhamati sandhamati niddhamati, majjhimakampi malaṃ dhamati sandhamati niddhamati, sukhumakampi malaṃ dhamati sandhamati niddhamati; evameva bhikkhu attano oḷārikepi kilese dhamati sandhamati niddhamati pajahati vinodeti byantiṃ karoti anabhāvaṃ gameti, majjhimakepi kilese… sukhumakepi kilese dhamati sandhamati niddhamati pajahati vinodeti byantiṃ karoti anabhāvaṃ gameti.

அத² வா பி⁴க்கு² அத்தனோ ராக³மலங் தோ³ஸமலங் மோஹமலங் மானமலங் தி³ட்டி²மலங் கிலேஸமலங் து³ச்சரிதமலங் அந்த⁴கரணங் அசக்கு²கரணங் அஞ்ஞாணகரணங் பஞ்ஞானிரோதி⁴கங் விகா⁴தபக்கி²கங் அனிப்³பா³னஸங்வத்தனிகங் த⁴மதி ஸந்த⁴மதி நித்³த⁴மதி பஜஹதி வினோதே³தி ப்³யந்திங் கரோதி அனபா⁴வங் க³மேதி.

Atha vā bhikkhu attano rāgamalaṃ dosamalaṃ mohamalaṃ mānamalaṃ diṭṭhimalaṃ kilesamalaṃ duccaritamalaṃ andhakaraṇaṃ acakkhukaraṇaṃ aññāṇakaraṇaṃ paññānirodhikaṃ vighātapakkhikaṃ anibbānasaṃvattanikaṃ dhamati sandhamati niddhamati pajahati vinodeti byantiṃ karoti anabhāvaṃ gameti.

அத² வா ஸம்மாதி³ட்டி²யா மிச்சா²தி³ட்டி²ங் த⁴மதி ஸந்த⁴மதி நித்³த⁴மதி பஜஹதி வினோதே³தி ப்³யந்திங் கரோதி அனபா⁴வங் க³மேதி. ஸம்மாஸங்கப்பேன மிச்சா²ஸங்கப்பங்…பே॰… ஸம்மாவாசாய மிச்சா²வாசங்… ஸம்மாகம்மந்தேன மிச்சா²கம்மந்தங்… ஸம்மாஆஜீவேன மிச்சா²ஆஜீவங்… ஸம்மாவாயாமேன மிச்சா²வாயாமங்… ஸம்மாஸதியா மிச்சா²ஸதிங்… ஸம்மாஸமாதி⁴னா மிச்சா²ஸமாதி⁴ங்… ஸம்மாஞாணேன மிச்சா²ஞாணங்… ஸம்மாவிமுத்தியா மிச்சா²விமுத்திங் த⁴மதி ஸந்த⁴மதி நித்³த⁴மதி பஜஹதி வினோதே³தி ப்³யந்திங் கரோதி அனபா⁴வங் க³மேதி.

Atha vā sammādiṭṭhiyā micchādiṭṭhiṃ dhamati sandhamati niddhamati pajahati vinodeti byantiṃ karoti anabhāvaṃ gameti. Sammāsaṅkappena micchāsaṅkappaṃ…pe… sammāvācāya micchāvācaṃ… sammākammantena micchākammantaṃ… sammāājīvena micchāājīvaṃ… sammāvāyāmena micchāvāyāmaṃ… sammāsatiyā micchāsatiṃ… sammāsamādhinā micchāsamādhiṃ… sammāñāṇena micchāñāṇaṃ… sammāvimuttiyā micchāvimuttiṃ dhamati sandhamati niddhamati pajahati vinodeti byantiṃ karoti anabhāvaṃ gameti.

அத² வா அரியேன அட்ட²ங்கி³கேன மக்³கே³ன ஸப்³பே³ கிலேஸே ஸப்³பே³ து³ச்சரிதே ஸப்³பே³ த³ரதே² ஸப்³பே³ பரிளாஹே ஸப்³பே³ ஸந்தாபே ஸப்³பா³குஸலாபி⁴ஸங்கா²ரே த⁴மதி ஸந்த⁴மதி நித்³த⁴மதி பஜஹதி வினோதே³தி ப்³யந்திங் கரோதி அனபா⁴வங் க³மேதீதி – கம்மாரோ ரஜதஸ்ஸேவ நித்³த⁴மே மலமத்தனோ.

Atha vā ariyena aṭṭhaṅgikena maggena sabbe kilese sabbe duccarite sabbe darathe sabbe pariḷāhe sabbe santāpe sabbākusalābhisaṅkhāre dhamati sandhamati niddhamati pajahati vinodeti byantiṃ karoti anabhāvaṃ gametīti – kammāro rajatasseva niddhame malamattano.

தேனாஹ தே²ரோ ஸாரிபுத்தோ –

Tenāha thero sāriputto –

‘‘கங் ஸோ ஸிக்க²ங் ஸமாதா³ய, ஏகோதி³ நிபகோ ஸதோ;

‘‘Kaṃ so sikkhaṃ samādāya, ekodi nipako sato;

கம்மாரோ ரஜதஸ்ஸேவ, நித்³த⁴மே மலமத்தனோ’’தி.

Kammāro rajatasseva, niddhame malamattano’’ti.

198.

விஜிகு³ச்ச²மானஸ்ஸ யதி³த³ங் பா²ஸு, [ஸாரிபுத்தாதி ப⁴க³வா]

Vijigucchamānassa yadidaṃ phāsu, [sāriputtāti bhagavā]

ரித்தாஸனங் ஸயனங் ஸேவதோ வே;

Rittāsanaṃ sayanaṃ sevato ve;

ஸம்போ³தி⁴காமஸ்ஸ யதா²னுத⁴ம்மங், தங் தே பவக்கா²மி யதா² பஜானங்.

Sambodhikāmassa yathānudhammaṃ, taṃ te pavakkhāmi yathā pajānaṃ.

விஜிகு³ச்ச²மானஸ்ஸ யதி³த³ங் பா²ஸூதி. விஜிகு³ச்ச²மானஸ்ஸாதி ஜாதியா விஜிகு³ச்ச²மானஸ்ஸ, ஜராய… ப்³யாதி⁴னா… மரணேன… ஸோகேஹி … பரிதே³வேஹி… து³க்கே²ஹி… தோ³மனஸ்ஸேஹி… உபாயாஸேஹி…பே॰… தி³ட்டி²ப்³யஸனேன து³க்கே²ன விஜிகு³ச்ச²மானஸ்ஸ அட்டீயமானஸ்ஸ ⁷⁵ ஹராயமானஸ்ஸாதி – விஜிகு³ச்ச²மானஸ்ஸ. யதி³த³ங் பா²ஸூதி யங் பா²ஸுவிஹாரங் தங் கத²யிஸ்ஸாமி. கதமோ பா²ஸுவிஹாரோ? ஸம்மாபடிபதா³ அனுலோமபடிபதா³ அபச்சனீகபடிபதா³ அவிருத்³த⁴படிபதா³ அன்வத்த²படிபதா³ த⁴ம்மானுத⁴ம்மபடிபதா³ ஸீலேஸு பரிபூரகாரிதா இந்த்³ரியேஸு கு³த்தத்³வாரதா போ⁴ஜனே மத்தஞ்ஞுதா ஜாக³ரியானுயோகோ³ ஸதிஸம்பஜஞ்ஞங் சத்தாரோ ஸதிபட்டா²னா சத்தாரோ ஸம்மப்பதா⁴னா சத்தாரோ இத்³தி⁴பாதா³ பஞ்சிந்த்³ரியானி பஞ்ச ப³லானி ஸத்த பொ³ஜ்ஜ²ங்கா³ அரியோ அட்ட²ங்கி³கோ மக்³கோ³ நிப்³பா³னஞ்ச நிப்³பா³னகா³மினீ ச படிபதா³ – அயங் பா²ஸுவிஹாரோதி – விஜிகு³ச்ச²மானஸ்ஸ யதி³த³ங் பா²ஸு.

Vijigucchamānassayadidaṃ phāsūti. Vijigucchamānassāti jātiyā vijigucchamānassa, jarāya… byādhinā… maraṇena… sokehi … paridevehi… dukkhehi… domanassehi… upāyāsehi…pe… diṭṭhibyasanena dukkhena vijigucchamānassa aṭṭīyamānassa ⁷⁶ harāyamānassāti – vijigucchamānassa. Yadidaṃ phāsūti yaṃ phāsuvihāraṃ taṃ kathayissāmi. Katamo phāsuvihāro? Sammāpaṭipadā anulomapaṭipadā apaccanīkapaṭipadā aviruddhapaṭipadā anvatthapaṭipadā dhammānudhammapaṭipadā sīlesu paripūrakāritā indriyesu guttadvāratā bhojane mattaññutā jāgariyānuyogo satisampajaññaṃ cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo nibbānañca nibbānagāminī ca paṭipadā – ayaṃ phāsuvihāroti – vijigucchamānassa yadidaṃ phāsu.

ஸாரிபுத்தாதி ப⁴க³வாதி. தங் தே²ரங் நாமேனாலபதி. ப⁴க³வாதி கா³ரவாதி⁴வசனங். அபி ச ப⁴க்³க³ராகோ³தி ப⁴க³வா, ப⁴க்³க³தோ³ஸோதி ப⁴க³வா, ப⁴க்³க³மோஹோதி ப⁴க³வா, ப⁴க்³க³மானோதி ப⁴க³வா, ப⁴க்³க³தி³ட்டீ²தி ப⁴க³வா, ப⁴க்³க³கண்ட³கோதி ப⁴க³வா, ப⁴க்³க³கிலேஸோதி ப⁴க³வா, ப⁴ஜி விப⁴ஜி பவிப⁴ஜி ⁷⁷ த⁴ம்மரதனந்தி ப⁴க³வா, ப⁴வானங் அந்தகரோதி ப⁴க³வா, பா⁴விதகாயோ பா⁴விதஸீலோ பா⁴விதசித்தோ பா⁴விதபஞ்ஞோதி ப⁴க³வா; ப⁴ஜி வா ப⁴க³வா அரஞ்ஞவனபத்தா²னி பந்தானி ஸேனாஸனானி அப்பஸத்³தா³னி அப்பனிக்³கோ⁴ஸானி விஜனவாதானி மனுஸ்ஸராஹஸ்ஸெய்யகானி படிஸல்லானஸாருப்பானீதி ப⁴க³வா, பா⁴கீ³ வா ப⁴க³வா சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானந்தி ப⁴க³வா, பா⁴கீ³ வா ப⁴க³வா அத்த²ரஸஸ்ஸ த⁴ம்மரஸஸ்ஸ விமுத்திரஸஸ்ஸ அதி⁴ஸீலஸ்ஸ அதி⁴சித்தஸ்ஸ அதி⁴பஞ்ஞாயாதி ப⁴க³வா, பா⁴கீ³ வா ப⁴க³வா சதுன்னங் ஜா²னானங் சதுன்னங் அப்பமஞ்ஞானங் சதுன்னங் ஆருப்பஸமாபத்தீனந்தி ப⁴க³வா, பா⁴கீ³ வா ப⁴க³வா அட்ட²ன்னங் விமொக்கா²னங் அட்ட²ன்னங் அபி⁴ஞ்ஞாயதனானங் நவன்னங் அனுபுப்³ப³விஹாரஸமாபத்தீனந்தி ப⁴க³வா, பா⁴கீ³ வா ப⁴க³வா த³ஸன்னங் ஸஞ்ஞாபா⁴வனானங் த³ஸன்னங் கஸிணஸமாபத்தீனங் ஆனாபானஸ்ஸதிஸமாதி⁴ஸ்ஸ அஸுப⁴ஸமாபத்தியாதி ப⁴க³வா, பா⁴கீ³ வா ப⁴க³வா சதுன்னங் ஸதிபட்டா²னானங் சதுன்னங் ஸம்மப்பதா⁴னானங் சதுன்னங் இத்³தி⁴பாதா³னங் பஞ்சன்னங் இந்த்³ரியானங் பஞ்சன்னங் ப³லானங் ஸத்தன்னங் பொ³ஜ்ஜ²ங்கா³னங் அரியஸ்ஸ அட்ட²ங்கி³கஸ்ஸ மக்³க³ஸ்ஸாதி ப⁴க³வா, பா⁴கீ³ வா ப⁴க³வா த³ஸன்னங் ததா²க³தப³லானங் சதுன்னங் வேஸாரஜ்ஜானங் சதுன்னங் படிஸம்பி⁴தா³னங் ச²ன்னங் அபி⁴ஞ்ஞானங் ச²ன்னங் பு³த்³த⁴த⁴ம்மானந்தி ப⁴க³வா ; ப⁴க³வாதி நேதங் நாமங் மாதரா கதங், ந பிதரா கதங், ந பா⁴தரா கதங், ந ப⁴கி³னியா கதங், ந மித்தாமச்சேஹி கதங், ந ஞாதிஸாலோஹிதேஹி கதங், ந ஸமணப்³ராஹ்மணேஹி கதங், ந தே³வதாஹி கதங்; விமொக்க²ந்திகமேதங் பு³த்³தா⁴னங் ப⁴க³வந்தானங் போ³தி⁴யா மூலே ஸஹ ஸப்³ப³ஞ்ஞுதஞாணஸ்ஸ படிலாபா⁴ ஸச்சி²கா பஞ்ஞத்தி யதி³த³ங் ப⁴க³வாதி – ஸாரிபுத்தாதி ப⁴க³வா.

Sāriputtāti bhagavāti. Taṃ theraṃ nāmenālapati. Bhagavāti gāravādhivacanaṃ. Api ca bhaggarāgoti bhagavā, bhaggadosoti bhagavā, bhaggamohoti bhagavā, bhaggamānoti bhagavā, bhaggadiṭṭhīti bhagavā, bhaggakaṇḍakoti bhagavā, bhaggakilesoti bhagavā, bhaji vibhaji pavibhaji ⁷⁸ dhammaratananti bhagavā, bhavānaṃ antakaroti bhagavā, bhāvitakāyo bhāvitasīlo bhāvitacitto bhāvitapaññoti bhagavā; bhaji vā bhagavā araññavanapatthāni pantāni senāsanāni appasaddāni appanigghosāni vijanavātāni manussarāhasseyyakāni paṭisallānasāruppānīti bhagavā, bhāgī vā bhagavā cīvarapiṇḍapātasenāsanagilānapaccayabhesajjaparikkhārānanti bhagavā, bhāgī vā bhagavā attharasassa dhammarasassa vimuttirasassa adhisīlassa adhicittassa adhipaññāyāti bhagavā, bhāgī vā bhagavā catunnaṃ jhānānaṃ catunnaṃ appamaññānaṃ catunnaṃ āruppasamāpattīnanti bhagavā, bhāgī vā bhagavā aṭṭhannaṃ vimokkhānaṃ aṭṭhannaṃ abhiññāyatanānaṃ navannaṃ anupubbavihārasamāpattīnanti bhagavā, bhāgī vā bhagavā dasannaṃ saññābhāvanānaṃ dasannaṃ kasiṇasamāpattīnaṃ ānāpānassatisamādhissa asubhasamāpattiyāti bhagavā, bhāgī vā bhagavā catunnaṃ satipaṭṭhānānaṃ catunnaṃ sammappadhānānaṃ catunnaṃ iddhipādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānaṃ ariyassa aṭṭhaṅgikassa maggassāti bhagavā, bhāgī vā bhagavā dasannaṃ tathāgatabalānaṃ catunnaṃ vesārajjānaṃ catunnaṃ paṭisambhidānaṃ channaṃ abhiññānaṃ channaṃ buddhadhammānanti bhagavā ; bhagavāti netaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ; vimokkhantikametaṃ buddhānaṃ bhagavantānaṃ bodhiyā mūle saha sabbaññutañāṇassa paṭilābhā sacchikā paññatti yadidaṃ bhagavāti – sāriputtāti bhagavā.

ரித்தாஸனங் ஸயனங் ஸேவதோ வேதி. ஆஸனங் வுச்சதி யத்த² நிஸீத³தி – மஞ்சோ பீட²ங் பி⁴ஸி தட்டிகா சம்மக²ண்டோ³ திணஸந்தா²ரோ பண்ணஸந்தா²ரோ பலாலஸந்தா²ரோ. ஸயனங் வுச்சதி ஸேனாஸனங் விஹாரோ அட்³ட⁴யோகோ³ பாஸாதோ³ ஹம்மியங் கு³ஹா. தங் ஸயனாஸனங் அஸப்பாயரூபத³ஸ்ஸனேன ரித்தங் விவித்தங் பவிவித்தங், அஸப்பாயஸத்³த³ஸ்ஸவனேன…பே॰… அஸப்பாயேஹி பஞ்சஹி காமகு³ணேஹி ரித்தங் விவித்தங் பவிவித்தங். தங் ஸயனாஸனங் ஸேவதோ நிஸேவதோ ஸங்ஸேவதோ படிஸேவதோதி – ரித்தாஸனங் ஸயனங் ஸேவதோ வே.

Rittāsanaṃ sayanaṃ sevato veti. Āsanaṃ vuccati yattha nisīdati – mañco pīṭhaṃ bhisi taṭṭikā cammakhaṇḍo tiṇasanthāro paṇṇasanthāro palālasanthāro. Sayanaṃ vuccati senāsanaṃ vihāro aḍḍhayogo pāsādo hammiyaṃ guhā. Taṃ sayanāsanaṃ asappāyarūpadassanena rittaṃ vivittaṃ pavivittaṃ, asappāyasaddassavanena…pe… asappāyehi pañcahi kāmaguṇehi rittaṃ vivittaṃ pavivittaṃ. Taṃ sayanāsanaṃ sevato nisevato saṃsevato paṭisevatoti – rittāsanaṃ sayanaṃ sevato ve.

ஸம்போ³தி⁴காமஸ்ஸ யதா²னுத⁴ம்மந்தி. ஸம்போ³தி⁴ வுச்சதி சதூஸு மக்³கே³ஸு ஞாணங் பஞ்ஞா பஞ்ஞிந்த்³ரியங் பஞ்ஞாப³லங்…பே॰… த⁴ம்மவிசயஸம்பொ³ஜ்ஜ²ங்கோ³ வீமங்ஸா விபஸ்ஸனா ஸம்மாதி³ட்டி². தங் ஸம்போ³தி⁴ங் பு³ஜ்ஜி²துகாமஸ்ஸ அனுபு³ஜ்ஜி²துகாமஸ்ஸ படிபு³ஜ்ஜி²துகாமஸ்ஸ ஸம்பு³ஜ்ஜி²துகாமஸ்ஸ அதி⁴க³ந்துகாமஸ்ஸ ப²ஸ்ஸிதுகாமஸ்ஸ ஸச்சி²காதுகாமஸ்ஸாதி – ஸம்போ³தி⁴காமஸ்ஸ.

Sambodhikāmassa yathānudhammanti. Sambodhi vuccati catūsu maggesu ñāṇaṃ paññā paññindriyaṃ paññābalaṃ…pe… dhammavicayasambojjhaṅgo vīmaṃsā vipassanā sammādiṭṭhi. Taṃ sambodhiṃ bujjhitukāmassa anubujjhitukāmassa paṭibujjhitukāmassa sambujjhitukāmassa adhigantukāmassa phassitukāmassa sacchikātukāmassāti – sambodhikāmassa.

யதா²னுத⁴ம்மந்தி கதமே போ³தி⁴யா அனுத⁴ம்மா? ஸம்மாபடிபதா³ அனுலோமபடிபதா³ அபச்சனீகபடிபதா³ அவிருத்³த⁴படிபதா³ அன்வத்த²படிபதா³ த⁴ம்மானுத⁴ம்மபடிபதா³ ஸீலேஸு பரிபூரகாரிதா இந்த்³ரியேஸு கு³த்தத்³வாரதா போ⁴ஜனே மத்தஞ்ஞுதா ஜாக³ரியானுயோகோ³ ஸதிஸம்பஜஞ்ஞங் – இமே வுச்சந்தி போ³தி⁴யா அனுத⁴ம்மா. அத² வா சதுன்னங் மக்³கா³னங் புப்³ப³பா⁴கே³ விபஸ்ஸனா – இமே வுச்சந்தி போ³தி⁴யா அனுத⁴ம்மாதி – ஸம்போ³தி⁴காமஸ்ஸ யதா²னுத⁴ம்மங்.

Yathānudhammanti katame bodhiyā anudhammā? Sammāpaṭipadā anulomapaṭipadā apaccanīkapaṭipadā aviruddhapaṭipadā anvatthapaṭipadā dhammānudhammapaṭipadā sīlesu paripūrakāritā indriyesu guttadvāratā bhojane mattaññutā jāgariyānuyogo satisampajaññaṃ – ime vuccanti bodhiyā anudhammā. Atha vā catunnaṃ maggānaṃ pubbabhāge vipassanā – ime vuccanti bodhiyā anudhammāti – sambodhikāmassa yathānudhammaṃ.

தங் தே பவக்கா²மி யதா² பஜானந்தி. தந்தி போ³தி⁴யா அனுத⁴ம்மங். பவக்கா²மீதி பவக்கா²மி ஆசிக்கி²ஸ்ஸாமி தே³ஸெஸ்ஸாமி பஞ்ஞபெஸ்ஸாமி பட²பெஸ்ஸாமி விவரிஸ்ஸாமி விப⁴ஜிஸ்ஸாமி உத்தானீகரிஸ்ஸாமி பகாஸிஸ்ஸாமி. யதா² பஜானந்தி யதா² பஜானங் யதா² பஜானந்தோ ஆஜானந்தோ விஜானந்தோ படிவிஜானந்தோ படிவிஜ்ஜ²ந்தோ ந இதிஹிதிஹங் ந இதிகிராய ந பரம்பராய ந பிடகஸம்பதா³ய ந தக்கஹேது ந நயஹேது ந ஆகாரபரிவிதக்கேன ந தி³ட்டி²னிஜ்ஜா²னக்க²ந்தியா ஸாமங் ஸயமபி⁴ஞ்ஞாதங் அத்தபச்சக்க²ங் த⁴ம்மங், தங் கத²யிஸ்ஸாமீதி – தங் தே பவக்கா²மி யதா² பஜானங்.

Taṃte pavakkhāmi yathā pajānanti. Tanti bodhiyā anudhammaṃ. Pavakkhāmīti pavakkhāmi ācikkhissāmi desessāmi paññapessāmi paṭhapessāmi vivarissāmi vibhajissāmi uttānīkarissāmi pakāsissāmi. Yathā pajānanti yathā pajānaṃ yathā pajānanto ājānanto vijānanto paṭivijānanto paṭivijjhanto na itihitihaṃ na itikirāya na paramparāya na piṭakasampadāya na takkahetu na nayahetu na ākāraparivitakkena na diṭṭhinijjhānakkhantiyā sāmaṃ sayamabhiññātaṃ attapaccakkhaṃ dhammaṃ, taṃ kathayissāmīti – taṃ te pavakkhāmi yathā pajānaṃ.

தேனாஹ ப⁴க³வா –

Tenāha bhagavā –

‘‘விஜிகு³ச்ச²மானஸ்ஸ யதி³த³ங் பா²ஸு, [ஸாரிபுத்தாதி ப⁴க³வா]

‘‘Vijigucchamānassa yadidaṃ phāsu, [sāriputtāti bhagavā]

ரித்தாஸனங் ஸயனங் ஸேவதோ வே;

Rittāsanaṃ sayanaṃ sevato ve;

ஸம்போ³தி⁴காமஸ்ஸ யதா²னுத⁴ம்மங், தங் தே பவக்கா²மி யதா² பஜான’’ந்தி.

Sambodhikāmassa yathānudhammaṃ, taṃ te pavakkhāmi yathā pajāna’’nti.

199.

பஞ்சன்னங் தீ⁴ரோ ப⁴யானங் ந பா⁴யே, பி⁴க்கு² ஸதோ ஸபரியந்தசாரீ;

Pañcannaṃ dhīro bhayānaṃ na bhāye, bhikkhu sato sapariyantacārī;

ட³ங்ஸாதி⁴பாதானங் ஸரீஸபானங் ⁷⁹, மனுஸ்ஸப²ஸ்ஸானங் சதுப்பதா³னங்.

Ḍaṃsādhipātānaṃ sarīsapānaṃ⁸⁰, manussaphassānaṃ catuppadānaṃ.

பஞ்சன்னங் தீ⁴ரோ ப⁴யானங் ந பா⁴யேதி. தீ⁴ரோதி தீ⁴ரோ பண்டி³தோ பஞ்ஞவா பு³த்³தி⁴மா ஞாணீ விபா⁴வீ மேதா⁴வீ. தீ⁴ரோ பஞ்சன்னங் ப⁴யானங் ந பா⁴யெய்ய ந தஸெய்ய ந ஸந்தஸெய்ய ந உத்தஸெய்ய ந பரித்தஸெய்ய ந ஸந்தாஸங் ஆபஜ்ஜெய்ய , அபீ⁴ரூ அஸ்ஸ அச்ச²ம்பீ⁴ அனுத்ராஸீ அபலாயீ பஹீனப⁴யபே⁴ரவோ விக³தலோமஹங்ஸோ விஹரெய்யாதி – பஞ்சன்னங் தீ⁴ரோ ப⁴யானங் ந பா⁴யே.

Pañcannaṃ dhīro bhayānaṃ na bhāyeti. Dhīroti dhīro paṇḍito paññavā buddhimā ñāṇī vibhāvī medhāvī. Dhīro pañcannaṃ bhayānaṃ na bhāyeyya na taseyya na santaseyya na uttaseyya na parittaseyya na santāsaṃ āpajjeyya , abhīrū assa acchambhī anutrāsī apalāyī pahīnabhayabheravo vigatalomahaṃso vihareyyāti – pañcannaṃ dhīro bhayānaṃ na bhāye.

பி⁴க்கு² ஸதோ ஸபரியந்தசாரீதி. பி⁴க்கூ²தி புது²ஜ்ஜனகல்யாணகோ வா பி⁴க்கு² ஸெக்கோ² வா பி⁴க்கு². ஸதோதி சதூஹி காரணேஹி ஸதோ – காயே காயானுபஸ்ஸனாஸதிபட்டா²னங் பா⁴வெந்தோ ஸதோ, வேத³னாஸு…பே॰… சித்தே… த⁴ம்மேஸு த⁴ம்மானுபஸ்ஸனாஸதிபட்டா²னங் பா⁴வெந்தோ ஸதோ – ஸோ வுச்சதி ஸதோ. ஸபரியந்தசாரீதி சத்தாரோ பரியந்தா – ஸீலஸங்வரபரியந்தோ, இந்த்³ரியஸங்வரபரியந்தோ, போ⁴ஜனே மத்தஞ்ஞுதாபரியந்தோ, ஜாக³ரியானுயோக³பரியந்தோ.

Bhikkhu sato sapariyantacārīti. Bhikkhūti puthujjanakalyāṇako vā bhikkhu sekkho vā bhikkhu. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato, vedanāsu…pe… citte… dhammesu dhammānupassanāsatipaṭṭhānaṃ bhāvento sato – so vuccati sato. Sapariyantacārīti cattāro pariyantā – sīlasaṃvarapariyanto, indriyasaṃvarapariyanto, bhojane mattaññutāpariyanto, jāgariyānuyogapariyanto.

கதமோ ஸீலஸங்வரபரியந்தோ? இத⁴ பி⁴க்கு² ஸீலவா ஹோதி, பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ, அணுமத்தேஸு வஜ்ஜேஸு ப⁴யத³ஸ்ஸாவீ, ஸமாதா³ய ஸிக்க²தி ஸிக்கா²பதே³ஸு . அந்தோபூதிபா⁴வங் பச்சவெக்க²மானோ அந்தோ ஸீலஸங்வரபரியந்தே சரதி, மரியாத³ங் ந பி⁴ந்த³தி – அயங் ஸீலஸங்வரபரியந்தோ.

Katamo sīlasaṃvarapariyanto? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu . Antopūtibhāvaṃ paccavekkhamāno anto sīlasaṃvarapariyante carati, mariyādaṃ na bhindati – ayaṃ sīlasaṃvarapariyanto.

கதமோ இந்த்³ரியஸங்வரபரியந்தோ? இத⁴ பி⁴க்கு² சக்கு²னா ரூபங் தி³ஸ்வா ந நிமித்தக்³கா³ஹீ ஹோதி நானுப்³யஞ்ஜனக்³கா³ஹீ. யத்வாதி⁴கரணமேனங்…பே॰… சக்கு²ந்த்³ரியே ஸங்வரங் ஆபஜ்ஜதி. ஸோதேன ஸத்³த³ங் ஸுத்வா… கா⁴னேன க³ந்த⁴ங் கா⁴யித்வா… ஜிவ்ஹாய ரஸங் ஸாயித்வா… காயேன பொ²ட்ட²ப்³ப³ங் பு²ஸித்வா… மனஸா த⁴ம்மங் விஞ்ஞாய ந நிமித்தக்³கா³ஹீ ஹோதி நானுப்³யஞ்ஜனக்³கா³ஹீ. யத்வாதி⁴கரணமேனங் மனிந்த்³ரியங் ஸுஸங்வுதங் விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா நான்வாஸ்ஸவெய்யுங், தஸ்ஸ ஸங்வராய படிபஜ்ஜதி, ரக்க²தி மனிந்த்³ரியங், மனிந்த்³ரியே ஸங்வரங் ஆபஜ்ஜதி. ஆதி³த்தபரியாயங் பச்சவெக்க²மானோ அந்தோ இந்த்³ரியஸங்வரபரியந்தே சரதி, மரியாத³ங் ந பி⁴ந்த³தி – அயங் இந்த்³ரியஸங்வரபரியந்தோ.

Katamo indriyasaṃvarapariyanto? Idha bhikkhu cakkhunā rūpaṃ disvā na nimittaggāhī hoti nānubyañjanaggāhī. Yatvādhikaraṇamenaṃ…pe… cakkhundriye saṃvaraṃ āpajjati. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya na nimittaggāhī hoti nānubyañjanaggāhī. Yatvādhikaraṇamenaṃ manindriyaṃ susaṃvutaṃ viharantaṃ abhijjhādomanassā pāpakā akusalā dhammā nānvāssaveyyuṃ, tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. Ādittapariyāyaṃ paccavekkhamāno anto indriyasaṃvarapariyante carati, mariyādaṃ na bhindati – ayaṃ indriyasaṃvarapariyanto.

கதமோ போ⁴ஜனே மத்தஞ்ஞுதாபரியந்தோ? இத⁴ பி⁴க்கு² படிஸங்கா² யோனிஸோ ஆஹாரங் ஆஹாரேதி நேவ த³வாய ந மதா³ய ந மண்ட³னாய ந விபூ⁴ஸனாய, யாவதே³வ இமஸ்ஸ காயஸ்ஸ டி²தியா யாபனாய விஹிங்ஸூபரதியா ப்³ரஹ்மசரியானுக்³க³ஹாய. இதி புராணஞ்ச வேத³னங் படிஹங்கா²மி நவஞ்ச வேத³னங் ந உப்பாதெ³ஸ்ஸாமி, யாத்ரா ச மே ப⁴விஸ்ஸதி அனவஜ்ஜதா ச பா²ஸுவிஹாரோ சாதி. அக்க²ப்³ப⁴ஞ்ஜனவணபடிச்சா²த³னபுத்தமங்ஸூபமங் பச்சவெக்க²மானோ அந்தோ போ⁴ஜனே மத்தஞ்ஞுதாபரியந்தே சரதி, மரியாத³ங் ந பி⁴ந்த³தி – அயங் போ⁴ஜனே மத்தஞ்ஞுதாபரியந்தோ.

Katamo bhojane mattaññutāpariyanto? Idha bhikkhu paṭisaṅkhā yoniso āhāraṃ āhāreti neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya. Iti purāṇañca vedanaṃ paṭihaṅkhāmi navañca vedanaṃ na uppādessāmi, yātrā ca me bhavissati anavajjatā ca phāsuvihāro cāti. Akkhabbhañjanavaṇapaṭicchādanaputtamaṃsūpamaṃ paccavekkhamāno anto bhojane mattaññutāpariyante carati, mariyādaṃ na bhindati – ayaṃ bhojane mattaññutāpariyanto.

கதமோ ஜாக³ரியானுயோக³பரியந்தோ? இத⁴ பி⁴க்கு² தி³வஸங் சங்கமேன நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதே⁴தி, ரத்தியா பட²மங் யாமங் சங்கமேன நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதே⁴தி, ரத்தியா மஜ்ஜி²மங் யாமங் த³க்கி²ணேன பஸ்ஸேன ஸீஹஸெய்யங் கப்பேதி பாதே³ பாத³ங் அச்சாதா⁴ய ஸதோ ஸம்பஜானோ உட்டா²னஸஞ்ஞங் மனஸி கரித்வா, ரத்தியா பச்சி²மங் யாமங் பச்சுட்டா²ய சங்கமேன நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதே⁴தி. ப⁴த்³தே³கரத்தவிஹாரங் ⁸¹ பச்சவெக்க²மானோ அந்தோ ஜாக³ரியானுயோக³பரியந்தே சரதி, மரியாத³ங் ந பி⁴ந்த³தி – அயங் ஜாக³ரியானுயோக³பரியந்தோதி – பி⁴க்கு² ஸதோ ஸபரியந்தசாரீ.

Katamo jāgariyānuyogapariyanto? Idha bhikkhu divasaṃ caṅkamena nisajjāya āvaraṇīyehi dhammehi cittaṃ parisodheti, rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodheti, rattiyā majjhimaṃ yāmaṃ dakkhiṇena passena sīhaseyyaṃ kappeti pāde pādaṃ accādhāya sato sampajāno uṭṭhānasaññaṃ manasi karitvā, rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodheti. Bhaddekarattavihāraṃ ⁸² paccavekkhamāno anto jāgariyānuyogapariyante carati, mariyādaṃ na bhindati – ayaṃ jāgariyānuyogapariyantoti – bhikkhu sato sapariyantacārī.

ட³ங்ஸாதி⁴பாதானங் ஸரீஸபானந்தி. ட³ங்ஸா வுச்சந்தி பிங்க³லமக்கி²காயோ. அதி⁴பாதகா வுச்சந்தி ஸப்³பா³பி மக்கி²காயோ. கிங்காரணா அதி⁴பாதகா வுச்சந்தி ஸப்³பா³பி மக்கி²காயோ? தா உப்பதித்வா உப்பதித்வா கா²த³ந்தி; தங்காரணா அதி⁴பாதகா வுச்சந்தி ஸப்³பா³பி மக்கி²காயோ. ஸரீஸபா வுச்சந்தி அஹீதி – ட³ங்ஸாதி⁴பாதானங் ஸரீஸபானங்.

Ḍaṃsādhipātānaṃ sarīsapānanti. Ḍaṃsā vuccanti piṅgalamakkhikāyo. Adhipātakā vuccanti sabbāpi makkhikāyo. Kiṃkāraṇā adhipātakā vuccanti sabbāpi makkhikāyo? Tā uppatitvā uppatitvā khādanti; taṃkāraṇā adhipātakā vuccanti sabbāpi makkhikāyo. Sarīsapā vuccanti ahīti – ḍaṃsādhipātānaṃ sarīsapānaṃ.

மனுஸ்ஸப²ஸ்ஸானங் சதுப்பதா³னந்தி. மனுஸ்ஸப²ஸ்ஸா வுச்சந்தி சோரா வா அஸ்ஸு மானவா வா கதகம்மா வா அகதகம்மா வா. தே பி⁴க்கு²ங் பஞ்ஹங் வா புச்செ²ய்யுங் வாத³ங் வா ஆரோபெய்யுங் அக்கோஸெய்யுங் பரிபா⁴ஸெய்யுங் ரோஸெய்யுங் விரோஸெய்யுங் ஹிங்ஸெய்யுங் விஹிங்ஸெய்யுங் ஹேடெ²ய்யுங் விஹேடெ²ய்யுங் கா⁴தெய்யுங் உபகா⁴தெய்யுங் உபகா⁴தங் வா கரெய்யுங். யோ கோசி மனுஸ்ஸதோ உபகா⁴தோ – மனுஸ்ஸப²ஸ்ஸோ. சதுப்பதா³னந்தி ஸீஹா ப்³யக்³கா⁴ தீ³பி அச்சா² தரச்சா² கோகா மஹிங்ஸா ஹத்தீ². தே பி⁴க்கு²ங் மத்³தெ³ய்யுங் கா²தெ³ய்யுங் ஹிங்ஸெய்யுங் விஹிங்ஸெய்யுங் ஹேடெ²ய்யுங் விஹேடெ²ய்யுங் கா⁴தெய்யுங் உபகா⁴தெய்யுங் உபகா⁴தங் வா கரெய்யுங். சதுப்பத³தோ உபகா⁴தோ யங் கிஞ்சி சதுப்பத³ப⁴யந்தி – மனுஸ்ஸப²ஸ்ஸானங் சதுப்பதா³னங்.

Manussaphassānaṃcatuppadānanti. Manussaphassā vuccanti corā vā assu mānavā vā katakammā vā akatakammā vā. Te bhikkhuṃ pañhaṃ vā puccheyyuṃ vādaṃ vā āropeyyuṃ akkoseyyuṃ paribhāseyyuṃ roseyyuṃ viroseyyuṃ hiṃseyyuṃ vihiṃseyyuṃ heṭheyyuṃ viheṭheyyuṃ ghāteyyuṃ upaghāteyyuṃ upaghātaṃ vā kareyyuṃ. Yo koci manussato upaghāto – manussaphasso. Catuppadānanti sīhā byagghā dīpi acchā taracchā kokā mahiṃsā hatthī. Te bhikkhuṃ maddeyyuṃ khādeyyuṃ hiṃseyyuṃ vihiṃseyyuṃ heṭheyyuṃ viheṭheyyuṃ ghāteyyuṃ upaghāteyyuṃ upaghātaṃ vā kareyyuṃ. Catuppadato upaghāto yaṃ kiñci catuppadabhayanti – manussaphassānaṃ catuppadānaṃ.

தேனாஹ ப⁴க³வா –

Tenāha bhagavā –

‘‘பஞ்சன்னங் தீ⁴ரோ ப⁴யானங் ந பா⁴யே, பி⁴க்கு² ஸதோ ஸபரியந்தசாரீ;

‘‘Pañcannaṃ dhīro bhayānaṃ na bhāye, bhikkhu sato sapariyantacārī;

ட³ங்ஸாதி⁴பாதானங் ஸரீஸபானங், மனுஸ்ஸப²ஸ்ஸானங் சதுப்பதா³ன’’ந்தி.

Ḍaṃsādhipātānaṃ sarīsapānaṃ, manussaphassānaṃ catuppadāna’’nti.

200.

பரத⁴ம்மிகானம்பி ந ஸந்தஸெய்ய, தி³ஸ்வாபி தேஸங் ப³ஹுபே⁴ரவானி;

Paradhammikānampi na santaseyya, disvāpi tesaṃ bahubheravāni;

அதா²பரானி அபி⁴ஸம்ப⁴வெய்ய, பரிஸ்ஸயானி குஸலானுஏஸீ.

Athāparāni abhisambhaveyya, parissayāni kusalānuesī.

பரத⁴ம்மிகானம்பி ந ஸந்தஸெய்ய, தி³ஸ்வாபி தேஸங் ப³ஹுபே⁴ரவானீதி. பரத⁴ம்மிகா வுச்சந்தி ஸத்த ஸஹத⁴ம்மிகே ட²பெத்வா யே கேசி பு³த்³தே⁴ த⁴ம்மே ஸங்கே⁴ அப்பஸன்னா . தே பி⁴க்கு²ங் பஞ்ஹங் வா புச்செ²ய்யுங் வாத³ங் வா ஆரோபெய்யுங் அக்கோஸெய்யுங் பரிபா⁴ஸெய்யுங் ரோஸெய்யுங் விரோஸெய்யுங் ஹிங்ஸெய்யுங் விஹிங்ஸெய்யுங் ஹேடெ²ய்யுங் விஹேடெ²ய்யுங் கா⁴தெய்யுங் உபகா⁴தெய்யுங் உபகா⁴தங் வா கரெய்யுங். தேஸங் ப³ஹுபே⁴ரவே பஸ்ஸித்வா வா ஸுணித்வா வா ந வேதெ⁴ய்ய ந பவேதெ⁴ய்ய ந ஸம்பவேதெ⁴ய்ய ந தஸெய்ய ந ஸந்தஸெய்ய ந உத்தஸெய்ய ந பரித்தஸெய்ய ந பா⁴யெய்ய ந ஸந்தாஸங் ஆபஜ்ஜெய்ய, அபீ⁴ரூ அஸ்ஸ அச்ச²ம்பீ⁴ அனுத்ராஸீ அபலாயீ பஹீனப⁴யபே⁴ரவோ விக³தலோமஹங்ஸோ விஹரெய்யாதி – பரத⁴ம்மிகானம்பி ந ஸந்தஸெய்ய தி³ஸ்வாபி தேஸங் ப³ஹுபே⁴ரவானி.

Paradhammikānampi na santaseyya, disvāpi tesaṃ bahubheravānīti. Paradhammikā vuccanti satta sahadhammike ṭhapetvā ye keci buddhe dhamme saṅghe appasannā . Te bhikkhuṃ pañhaṃ vā puccheyyuṃ vādaṃ vā āropeyyuṃ akkoseyyuṃ paribhāseyyuṃ roseyyuṃ viroseyyuṃ hiṃseyyuṃ vihiṃseyyuṃ heṭheyyuṃ viheṭheyyuṃ ghāteyyuṃ upaghāteyyuṃ upaghātaṃ vā kareyyuṃ. Tesaṃ bahubherave passitvā vā suṇitvā vā na vedheyya na pavedheyya na sampavedheyya na taseyya na santaseyya na uttaseyya na parittaseyya na bhāyeyya na santāsaṃ āpajjeyya, abhīrū assa acchambhī anutrāsī apalāyī pahīnabhayabheravo vigatalomahaṃso vihareyyāti – paradhammikānampi na santaseyya disvāpi tesaṃ bahubheravāni.

அதா²பரானி அபி⁴ஸம்ப⁴வெய்ய, பரிஸ்ஸயானி குஸலானுஏஸீதி. அதா²பரானிபி அத்தி² அபி⁴ஸம்போ⁴தப்³பா³னி அபி⁴ப⁴விதப்³பா³னி அஜ்ஜொ²த்த²ரிதப்³பா³னி பரியாதி³யிதப்³பா³னி மத்³தி³தப்³பா³னி. பரிஸ்ஸயாதி த்³வே பரிஸ்ஸயா – பாகடபரிஸ்ஸயா ச படிச்ச²ன்னபரிஸ்ஸயா ச…பே॰… ஏவம்பி தத்ராஸயாதி – பரிஸ்ஸயா. குஸலானுஏஸீதி ஸம்மாபடிபத³ங் அனுலோமபடிபத³ங் அபச்சனீகபடிபத³ங் அவிருத்³த⁴படிபத³ங் அன்வத்த²படிபத³ங்…பே॰… அரியங் அட்ட²ங்கி³கங் மக்³க³ங் நிப்³பா³னஞ்ச நிப்³பா³னகா³மினிஞ்ச படிபத³ங் ஏஸந்தேன க³வேஸந்தேன பரியேஸந்தேன பரிஸ்ஸயா அபி⁴ஸம்போ⁴தப்³பா³ அபி⁴ப⁴விதப்³பா³ அஜ்ஜொ²த்த²ரிதப்³பா³ பரியாதி³யிதப்³பா³ மத்³தி³தப்³பா³தி – அதா²பரானி அபி⁴ஸம்ப⁴வெய்ய பரிஸ்ஸயானி குஸலானுஏஸீ.

Athāparāni abhisambhaveyya, parissayāni kusalānuesīti. Athāparānipi atthi abhisambhotabbāni abhibhavitabbāni ajjhottharitabbāni pariyādiyitabbāni madditabbāni. Parissayāti dve parissayā – pākaṭaparissayā ca paṭicchannaparissayā ca…pe… evampi tatrāsayāti – parissayā. Kusalānuesīti sammāpaṭipadaṃ anulomapaṭipadaṃ apaccanīkapaṭipadaṃ aviruddhapaṭipadaṃ anvatthapaṭipadaṃ…pe… ariyaṃ aṭṭhaṅgikaṃ maggaṃ nibbānañca nibbānagāminiñca paṭipadaṃ esantena gavesantena pariyesantena parissayā abhisambhotabbā abhibhavitabbā ajjhottharitabbā pariyādiyitabbā madditabbāti – athāparāni abhisambhaveyya parissayāni kusalānuesī.

தேனாஹ ப⁴க³வா –

Tenāha bhagavā –

‘‘பரத⁴ம்மிகானம்பி ந ஸந்தஸெய்ய, தி³ஸ்வாபி தேஸங் ப³ஹுபே⁴ரவானி;

‘‘Paradhammikānampi na santaseyya, disvāpi tesaṃ bahubheravāni;

அதா²பரானி அபி⁴ஸம்ப⁴வெய்ய, பரிஸ்ஸயானி குஸலானுஏஸீ’’தி.

Athāparāni abhisambhaveyya, parissayāni kusalānuesī’’ti.

201.

ஆதங்கப²ஸ்ஸேன கு²தா³ய பு²ட்டோ², ஸீதங் அது²ண்ஹங் ⁸³ அதி⁴வாஸயெய்ய;

Ātaṅkaphassena khudāya phuṭṭho, sītaṃ athuṇhaṃ⁸⁴adhivāsayeyya;

ஸோ தேஹி பு²ட்டோ² ப³ஹுதா⁴ அனோகோ, வீரியபரக்கமங் த³ள்ஹங் கரெய்ய.

So tehi phuṭṭho bahudhā anoko, vīriyaparakkamaṃ daḷhaṃ kareyya.

ஆதங்கப²ஸ்ஸேன கு²தா³ய பு²ட்டோ²தி. ஆதங்கப²ஸ்ஸோ வுச்சதி ரோக³ப²ஸ்ஸோ. ரோக³ப²ஸ்ஸேன பு²ட்டோ² பரேதோ ஸமோஹிதோ ஸமன்னாக³தோ அஸ்ஸ; சக்கு²ரோகே³ன பு²ட்டோ² பரேதோ ஸமோஹிதோ ஸமன்னாக³தோ அஸ்ஸ, ஸோதரோகே³ன… கா⁴னரோகே³ன… ஜிவ்ஹாரோகே³ன… காயரோகே³ன…பே॰… ட³ங்ஸமகஸவாதாதபஸரீஸபஸம்ப²ஸ்ஸேன பு²ட்டோ² பரேதோ ஸமோஹிதோ ஸமன்னாக³தோ அஸ்ஸ. கு²தா³ வுச்சதி சா²தகோ. சா²தகேன பு²ட்டோ² பரேதோ ஸமோஹிதோ ஸமன்னாக³தோ அஸ்ஸாதி – ஆதங்கப²ஸ்ஸேன கு²தா³ய பு²ட்டோ².

Ātaṅkaphassena khudāya phuṭṭhoti. Ātaṅkaphasso vuccati rogaphasso. Rogaphassena phuṭṭho pareto samohito samannāgato assa; cakkhurogena phuṭṭho pareto samohito samannāgato assa, sotarogena… ghānarogena… jivhārogena… kāyarogena…pe… ḍaṃsamakasavātātapasarīsapasamphassena phuṭṭho pareto samohito samannāgato assa. Khudā vuccati chātako. Chātakena phuṭṭho pareto samohito samannāgato assāti – ātaṅkaphassena khudāya phuṭṭho.

ஸீதங் அது²ண்ஹங் அதி⁴வாஸயெய்யாதி. ஸீதந்தி த்³வீஹி காரணேஹி ஸீதங் ஹோதி – அப்³ப⁴ந்தரதா⁴துப்பகோபவஸேன ⁸⁵ வா ஸீதங் ஹோதி, ப³ஹித்³தா⁴ உதுவஸேன வா ஸீதங் ஹோதி. உண்ஹந்தி த்³வீஹி காரணேஹி உண்ஹங் ஹோதி – அப்³ப⁴ந்தரதா⁴துப்பகோபவஸேன வா உண்ஹங் ஹோதி, ப³ஹித்³தா⁴ உதுவஸேன வா உண்ஹங் ஹோதீதி – ஸீதங் அது²ண்ஹங் . அதி⁴வாஸயெய்யாதி க²மோ அஸ்ஸ ஸீதஸ்ஸ உண்ஹஸ்ஸ ஜிக⁴ச்சா²ய பிபாஸாய ட³ங்ஸமகஸவாதாதபஸரீஸபஸம்ப²ஸ்ஸானங் து³ருத்தானங் து³ராக³தானங் வசனபதா²னங் உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் ⁸⁶ க²ரானங் கடுகானங் அஸாதானங் அமனாபானங் பாணஹரானங் அதி⁴வாஸகஜாதிகோ அஸ்ஸாதி – ஸீதங் அது²ண்ஹங் அதி⁴வாஸயெய்ய.

Sītaṃ athuṇhaṃ adhivāsayeyyāti. Sītanti dvīhi kāraṇehi sītaṃ hoti – abbhantaradhātuppakopavasena ⁸⁷ vā sītaṃ hoti, bahiddhā utuvasena vā sītaṃ hoti. Uṇhanti dvīhi kāraṇehi uṇhaṃ hoti – abbhantaradhātuppakopavasena vā uṇhaṃ hoti, bahiddhā utuvasena vā uṇhaṃ hotīti – sītaṃ athuṇhaṃ . Adhivāsayeyyāti khamo assa sītassa uṇhassa jighacchāya pipāsāya ḍaṃsamakasavātātapasarīsapasamphassānaṃ duruttānaṃ durāgatānaṃ vacanapathānaṃ uppannānaṃ sārīrikānaṃ vedanānaṃ dukkhānaṃ tibbānaṃ ⁸⁸ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsakajātiko assāti – sītaṃ athuṇhaṃ adhivāsayeyya.

ஸோ தேஹி பு²ட்டோ² ப³ஹுதா⁴ அனோகோதி. ஸோ தேஹீதி ஆதங்கப²ஸ்ஸேன ச கு²தா³ய ச ஸீதேன ச உண்ஹேன ச பு²ட்டோ² பரேதோ ஸமோஹிதோ ஸமன்னாக³தோ அஸ்ஸாதி – ஸோ தேஹி பு²ட்டோ². ப³ஹுதா⁴தி அனேகவிதே⁴ஹி ஆகாரேஹி பு²ட்டோ² பரேதோ ஸமோஹிதோ ஸமன்னாக³தோ அஸ்ஸாதி – ஸோ தேஹி பு²ட்டோ² ப³ஹுதா⁴ . அனோகோதி அபி⁴ஸங்கா²ரஸஹக³தவிஞ்ஞாணஸ்ஸ ஓகாஸங் ந கரோதீதிபி – அனோகோ. அத² வா காயது³ச்சரிதஸ்ஸ வசீது³ச்சரிதஸ்ஸ மனோது³ச்சரிதஸ்ஸ ஓகாஸங் ந கரோதீதிபி – அனோகோதி – ஸோ தேஹி பு²ட்டோ² ப³ஹுதா⁴ அனோகோ.

So tehi phuṭṭho bahudhā anokoti. So tehīti ātaṅkaphassena ca khudāya ca sītena ca uṇhena ca phuṭṭho pareto samohito samannāgato assāti – so tehi phuṭṭho. Bahudhāti anekavidhehi ākārehi phuṭṭho pareto samohito samannāgato assāti – so tehi phuṭṭho bahudhā . Anokoti abhisaṅkhārasahagataviññāṇassa okāsaṃ na karotītipi – anoko. Atha vā kāyaduccaritassa vacīduccaritassa manoduccaritassa okāsaṃ na karotītipi – anokoti – so tehi phuṭṭho bahudhā anoko.

வீரியபரக்கமங் த³ள்ஹங் கரெய்யாதி. வீரியபரக்கமோ வுச்சதி யோ சேதஸிகோ வீரியாரம்போ⁴ நிக்கமோ பரக்கமோ உய்யாமோ வாயாமோ உஸ்ஸாஹோ உஸ்ஸொள்ஹீ அப்படிவானீ தா²மோ தி⁴தி அஸிதி²லபரக்கமதா அனிக்கி²த்தச்ச²ந்த³தா அனிக்கி²த்தது⁴ரதா து⁴ரஸம்பக்³கா³ஹோ வீரியங் வீரியிந்த்³ரியங் வீரியப³லங் ஸம்மாவாயாமோ. வீரியபரக்கமங் த³ள்ஹங் கரெய்யாதி. வீரியங் பரக்கமங் த³ள்ஹங் கரெய்ய தி²ரங் கரெய்ய, த³ள்ஹஸமாதா³னோ அஸ்ஸ அவத்தி²தஸமாதா³னோதி – வீரியபரக்கமங் த³ள்ஹங் கரெய்ய.

Vīriyaparakkamaṃ daḷhaṃ kareyyāti. Vīriyaparakkamo vuccati yo cetasiko vīriyārambho nikkamo parakkamo uyyāmo vāyāmo ussāho ussoḷhī appaṭivānī thāmo dhiti asithilaparakkamatā anikkhittacchandatā anikkhittadhuratā dhurasampaggāho vīriyaṃ vīriyindriyaṃ vīriyabalaṃ sammāvāyāmo. Vīriyaparakkamaṃ daḷhaṃ kareyyāti. Vīriyaṃ parakkamaṃ daḷhaṃ kareyya thiraṃ kareyya, daḷhasamādāno assa avatthitasamādānoti – vīriyaparakkamaṃ daḷhaṃ kareyya.

தேனாஹ ப⁴க³வா –

Tenāha bhagavā –

‘‘ஆதங்கப²ஸ்ஸேன கு²தா³ய பு²ட்டோ², ஸீதங் அது²ண்ஹங் அதி⁴வாஸயெய்ய;

‘‘Ātaṅkaphassena khudāya phuṭṭho, sītaṃ athuṇhaṃ adhivāsayeyya;

ஸோ தேஹி பு²ட்டோ² ப³ஹுதா⁴ அனோகோ, வீரியபரக்கமங் த³ள்ஹங் கரெய்யா’’தி.

So tehi phuṭṭho bahudhā anoko, vīriyaparakkamaṃ daḷhaṃ kareyyā’’ti.

202.

தெ²ய்யங் ந காரே ந முஸா ப⁴ணெய்ய, மெத்தாய ப²ஸ்ஸே தஸதா²வரானி;

Theyyaṃ na kāre na musā bhaṇeyya, mettāya phasse tasathāvarāni;

யதா³விலத்தங் மனஸோ விஜஞ்ஞா, கண்ஹஸ்ஸ பக்கோ²தி வினோத³யெய்ய.

Yadāvilattaṃ manaso vijaññā, kaṇhassa pakkhoti vinodayeyya.

தெ²ய்யங் ந காரே ந முஸா ப⁴ணெய்யாதி. தெ²ய்யங் ந காரேதி இத⁴ பி⁴க்கு² அதி³ன்னாதா³னங் பஹாய அதி³ன்னாதா³னா படிவிரதோ அஸ்ஸ தி³ன்னாதா³யீ தி³ன்னபாடிகங்கீ², அதே²னேன ஸுசிபூ⁴தேன அத்தனா விஹரெய்யாதி – தெ²ய்யங் ந காரே. ந முஸா ப⁴ணெய்யாதி இத⁴ பி⁴க்கு² முஸாவாத³ங் பஹாய முஸாவாதா³ படிவிரதோ அஸ்ஸ ஸச்சவாதீ³ ஸச்சஸந்தோ⁴ தே²தோ பச்சயிகோ அவிஸங்வாத³கோ லோகஸ்ஸாதி – தெ²ய்யங் ந காரே ந முஸா ப⁴ணெய்ய.

Theyyaṃna kāre na musā bhaṇeyyāti. Theyyaṃ na kāreti idha bhikkhu adinnādānaṃ pahāya adinnādānā paṭivirato assa dinnādāyī dinnapāṭikaṅkhī, athenena sucibhūtena attanā vihareyyāti – theyyaṃ na kāre. Na musā bhaṇeyyāti idha bhikkhu musāvādaṃ pahāya musāvādā paṭivirato assa saccavādī saccasandho theto paccayiko avisaṃvādako lokassāti – theyyaṃ na kāre na musā bhaṇeyya.

மெத்தாய ப²ஸ்ஸே தஸதா²வரானீதி. மெத்தாதி யா ஸத்தேஸு மெத்தி மெத்தாயனா மெத்தாயிதத்தங் அனுத³யா அனுத³யனா அனுத³யிதத்தங் ⁸⁹ ஹிதேஸிதா அனுகம்பா அப்³யாபாதோ³ அப்³யாபஜ்ஜோ ⁹⁰ அதோ³ஸோ குஸலமூலங். தஸாதி யேஸங் தஸிதா தண்ஹா அப்பஹீனா, யேஸஞ்ச ப⁴யபே⁴ரவா அப்பஹீனா. கிங்காரணா வுச்சந்தி தஸா? தே தஸந்தி உத்தஸந்தி பரிதஸந்தி பா⁴யந்தி ஸந்தாஸங் ஆபஜ்ஜந்தி; தங்காரணா வுச்சந்தி தஸா. தா²வராதி யேஸங் தஸிதா தண்ஹா பஹீனா, யேஸஞ்ச ப⁴யபே⁴ரவா பஹீனா. கிங்காரணா வுச்சந்தி தா²வரா? தே ந தஸந்தி ந உத்தஸந்தி ந பரிதஸந்தி ந பா⁴யந்தி ஸந்தாஸங் ந ஆபஜ்ஜந்தி; தங்காரணா வுச்சந்தி தா²வரா. மெத்தாய ப²ஸ்ஸே தஸதா²வரானீதி. தஸே ச தா²வரே ச மெத்தாய ப²ஸ்ஸெய்ய ப²ரெய்ய, மெத்தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரெய்யாதி – மெத்தாய ப²ஸ்ஸே தஸதா²வரானி.

Mettāya phasse tasathāvarānīti. Mettāti yā sattesu metti mettāyanā mettāyitattaṃ anudayā anudayanā anudayitattaṃ ⁹¹ hitesitā anukampā abyāpādo abyāpajjo ⁹² adoso kusalamūlaṃ. Tasāti yesaṃ tasitā taṇhā appahīnā, yesañca bhayabheravā appahīnā. Kiṃkāraṇā vuccanti tasā? Te tasanti uttasanti paritasanti bhāyanti santāsaṃ āpajjanti; taṃkāraṇā vuccanti tasā. Thāvarāti yesaṃ tasitā taṇhā pahīnā, yesañca bhayabheravā pahīnā. Kiṃkāraṇā vuccanti thāvarā? Te na tasanti na uttasanti na paritasanti na bhāyanti santāsaṃ na āpajjanti; taṃkāraṇā vuccanti thāvarā. Mettāya phasse tasathāvarānīti. Tase ca thāvare ca mettāya phasseyya phareyya, mettāsahagatena cetasā vipulena mahaggatena appamāṇena averena abyāpajjena pharitvā vihareyyāti – mettāya phasse tasathāvarāni.

யதா³விலத்தங் மனஸோ விஜஞ்ஞாதி. யதா³தி யதா³. மனஸோதி யங் சித்தங் மனோ மானஸங் ஹத³யங் பண்ட³ரங் மனோ மனாயதனங் மனிந்த்³ரியங் விஞ்ஞாணங் விஞ்ஞாணக்க²ந்தோ⁴ தஜ்ஜா மனோவிஞ்ஞாணதா⁴து. காயது³ச்சரிதேன சித்தங் ஆவிலங் ஹோதி லுளிதங் ஏரிதங் க⁴ட்டிதங் சலிதங் ப⁴ந்தங் அவூபஸந்தங். வசீது³ச்சரிதேன…பே॰… மனோது³ச்சரிதேன… ராகே³ன… தோ³ஸேன… மோஹேன… கோதே⁴ன… உபனாஹேன… மக்கே²ன… பளாஸேன… இஸ்ஸாய… மச்ச²ரியேன… மாயாய… ஸாடெ²ய்யேன… த²ம்பே⁴ன… ஸாரம்பே⁴ன… மானேன… அதிமானேன… மதே³ன… பமாதே³ன… ஸப்³ப³கிலேஸேஹி… ஸப்³ப³து³ச்சரிதேஹி… ஸப்³ப³த³ரதே²ஹி… ஸப்³ப³பரிளாஹேஹி… ஸப்³ப³ஸந்தாபேஹி… ஸப்³பா³குஸலாபி⁴ஸங்கா²ரேஹி சித்தங் ஆவிலங் ஹோதி லுளிதங் ஏரிதங் க⁴ட்டிதங் சலிதங் ப⁴ந்தங் அவூபஸந்தங். யதா³விலத்தங் மனஸோ விஜஞ்ஞாதி. சித்தஸ்ஸ ஆவிலபா⁴வங் ஜானெய்ய ஆஜானெய்ய விஜானெய்ய படிவிஜானெய்ய படிவிஜ்ஜெ²ய்யாதி – யதா³விலத்தங் மனஸோ விஜஞ்ஞா.

Yadāvilattaṃ manaso vijaññāti. Yadāti yadā. Manasoti yaṃ cittaṃ mano mānasaṃ hadayaṃ paṇḍaraṃ mano manāyatanaṃ manindriyaṃ viññāṇaṃ viññāṇakkhandho tajjā manoviññāṇadhātu. Kāyaduccaritena cittaṃ āvilaṃ hoti luḷitaṃ eritaṃ ghaṭṭitaṃ calitaṃ bhantaṃ avūpasantaṃ. Vacīduccaritena…pe… manoduccaritena… rāgena… dosena… mohena… kodhena… upanāhena… makkhena… paḷāsena… issāya… macchariyena… māyāya… sāṭheyyena… thambhena… sārambhena… mānena… atimānena… madena… pamādena… sabbakilesehi… sabbaduccaritehi… sabbadarathehi… sabbapariḷāhehi… sabbasantāpehi… sabbākusalābhisaṅkhārehi cittaṃ āvilaṃ hoti luḷitaṃ eritaṃ ghaṭṭitaṃ calitaṃ bhantaṃ avūpasantaṃ. Yadāvilattaṃ manaso vijaññāti. Cittassa āvilabhāvaṃ jāneyya ājāneyya vijāneyya paṭivijāneyya paṭivijjheyyāti – yadāvilattaṃ manaso vijaññā.

கண்ஹஸ்ஸ பக்கோ²தி வினோத³யெய்யாதி. கண்ஹோதி யோ ஸோ மாரோ கண்ஹோ அதி⁴பதி அந்தகு³ நமுசி பமத்தப³ந்து⁴. கண்ஹஸ்ஸ பக்கோ² மாரபக்கோ² மாரபாஸோ மாரப³ளிஸங் மாராமிஸங் மாரவிஸயோ மாரனிவாஸோ மாரகோ³சரோ மாரப³ந்த⁴னந்தி பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்யாதி. ஏவம்பி கண்ஹஸ்ஸ பக்கோ²தி வினோத³யெய்ய. அத² வா கண்ஹஸ்ஸ பக்கோ² மாரபக்கோ² அகுஸலபக்கோ² து³க்கு²த்³த³யோ து³க்க²விபாகோ நிரயஸங்வத்தனிகோ திரச்சா²னயோனிஸங்வத்தனிகோ பெத்திவிஸயஸங்வத்தனிகோதி பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்யாதி. ஏவம்பி கண்ஹஸ்ஸ பக்கோ²தி வினோத³யெய்ய.

Kaṇhassa pakkhoti vinodayeyyāti. Kaṇhoti yo so māro kaṇho adhipati antagu namuci pamattabandhu. Kaṇhassa pakkho mārapakkho mārapāso mārabaḷisaṃ mārāmisaṃ māravisayo māranivāso māragocaro mārabandhananti pajaheyya vinodeyya byantiṃ kareyya anabhāvaṃ gameyyāti. Evampi kaṇhassa pakkhoti vinodayeyya. Atha vā kaṇhassa pakkho mārapakkho akusalapakkho dukkhuddayo dukkhavipāko nirayasaṃvattaniko tiracchānayonisaṃvattaniko pettivisayasaṃvattanikoti pajaheyya vinodeyya byantiṃ kareyya anabhāvaṃ gameyyāti. Evampi kaṇhassa pakkhoti vinodayeyya.

தேனாஹ ப⁴க³வா –

Tenāha bhagavā –

‘‘தெ²ய்யங் ந காரே ந முஸா ப⁴ணெய்ய, மெத்தாய ப²ஸ்ஸே தஸதா²வரானி;

‘‘Theyyaṃ na kāre na musā bhaṇeyya, mettāya phasse tasathāvarāni;

யதா³விலத்தங் மனஸோ விஜஞ்ஞா, கண்ஹஸ்ஸ பக்கோ²தி வினோத³யெய்யா’’தி.

Yadāvilattaṃ manaso vijaññā, kaṇhassa pakkhoti vinodayeyyā’’ti.

203.

கோதா⁴திமானஸ்ஸ வஸங் ந க³ச்சே², மூலம்பி தேஸங் பலிக²ஞ்ஞ திட்டே²;

Kodhātimānassa vasaṃ na gacche, mūlampi tesaṃ palikhañña tiṭṭhe;

அத²ப்பியங் வா பன அப்பியங் வா, அத்³தா⁴ ப⁴வந்தோ அபி⁴ஸம்ப⁴வெய்ய.

Athappiyaṃ vā pana appiyaṃ vā, addhā bhavanto abhisambhaveyya.

கோதா⁴திமானஸ்ஸ வஸங் ந க³ச்சே²தி. கோதோ⁴தி யோ சித்தஸ்ஸ ஆகா⁴தோ படிகா⁴தோ…பே॰… சண்டி³க்கங் அஸுரோபோ அனத்தமனதா சித்தஸ்ஸ. அதிமானோதி இதே⁴கச்சோ பரங் அதிமஞ்ஞதி ஜாதியா வா கொ³த்தேன வா…பே॰… அஞ்ஞதரஞ்ஞதரேன வா வத்து²னா. கோதா⁴திமானஸ்ஸ வஸங் ந க³ச்சே²தி. கோத⁴ஸ்ஸ ச அதிமானஸ்ஸ ச வஸங் ந க³ச்செ²ய்ய, கோத⁴ஞ்ச அதிமானஞ்ச பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்யாதி – கோதா⁴திமானஸ்ஸ வஸங் ந க³ச்சே².

Kodhātimānassa vasaṃ na gaccheti. Kodhoti yo cittassa āghāto paṭighāto…pe… caṇḍikkaṃ asuropo anattamanatā cittassa. Atimānoti idhekacco paraṃ atimaññati jātiyā vā gottena vā…pe… aññataraññatarena vā vatthunā. Kodhātimānassa vasaṃ na gaccheti. Kodhassa ca atimānassa ca vasaṃ na gaccheyya, kodhañca atimānañca pajaheyya vinodeyya byantiṃ kareyya anabhāvaṃ gameyyāti – kodhātimānassa vasaṃ na gacche.

மூலம்பி தேஸங் பலிக²ஞ்ஞ திட்டே²தி. கதமங் கோத⁴ஸ்ஸ மூலங்? அவிஜ்ஜா மூலங், அயோனிஸோ மனஸிகாரோ மூலங், அஸ்மிமானோ மூலங், அஹிரிகங் மூலங், அனொத்தப்பங் மூலங், உத்³த⁴ச்சங் மூலங் – இத³ங் கோத⁴ஸ்ஸ மூலங். கதமங் அதிமானஸ்ஸ மூலங்? அவிஜ்ஜா மூலங், அயோனிஸோ மனஸிகாரோ மூலங், அஸ்மிமானோ மூலங், அஹிரிகங் மூலங் , அனொத்தப்பங் மூலங், உத்³த⁴ச்சங் மூலங் – இத³ங் அதிமானஸ்ஸ மூலங். மூலம்பி தேஸங் பலிக²ஞ்ஞ திட்டே²தி. கோத⁴ஸ்ஸ ச அதிமானஸ்ஸ ச மூலங் பலிக²ணித்வா உத்³த⁴ரித்வா ஸமுத்³த⁴ரித்வா உப்பாடயித்வா ஸமுப்பாடயித்வா பஜஹித்வா வினோதெ³த்வா ப்³யந்திங் கரித்வா அனபா⁴வங் க³மெத்வா திட்டெ²ய்ய ஸந்திட்டெ²ய்யாதி – மூலம்பி தேஸங் பலிக²ஞ்ஞ திட்டே².

Mūlampitesaṃ palikhañña tiṭṭheti. Katamaṃ kodhassa mūlaṃ? Avijjā mūlaṃ, ayoniso manasikāro mūlaṃ, asmimāno mūlaṃ, ahirikaṃ mūlaṃ, anottappaṃ mūlaṃ, uddhaccaṃ mūlaṃ – idaṃ kodhassa mūlaṃ. Katamaṃ atimānassa mūlaṃ? Avijjā mūlaṃ, ayoniso manasikāro mūlaṃ, asmimāno mūlaṃ, ahirikaṃ mūlaṃ , anottappaṃ mūlaṃ, uddhaccaṃ mūlaṃ – idaṃ atimānassa mūlaṃ. Mūlampi tesaṃ palikhañña tiṭṭheti. Kodhassa ca atimānassa ca mūlaṃ palikhaṇitvā uddharitvā samuddharitvā uppāṭayitvā samuppāṭayitvā pajahitvā vinodetvā byantiṃ karitvā anabhāvaṃ gametvā tiṭṭheyya santiṭṭheyyāti – mūlampi tesaṃ palikhañña tiṭṭhe.

அத²ப்பியங் வா பன அப்பியங் வா, அத்³தா⁴ ப⁴வந்தோ அபி⁴ஸம்ப⁴வைய்யாதி. அதா²தி பத³ஸந்தி⁴ பத³ஸங்ஸக்³கோ³ பத³பாரிபூரீ அக்க²ரஸமவாயோ ப்³யஞ்ஜனஸிலிட்ட²தா பதா³னுபுப்³ப³தாபேதங் – அதா²தி. பியாதி த்³வே பியா – ஸத்தா வா ஸங்கா²ரா வா. கதமே ஸத்தா பியா? இத⁴ யாஸ்ஸ ⁹³ தே ஹொந்தி அத்த²காமா ஹிதகாமா பா²ஸுகாமா யோக³க்கே²மகாமா மாதா வா பிதா வா பா⁴தா வா ப⁴கி³னீ வா புத்தா வா தீ⁴தா வா மித்தா வா அமச்சா வா ஞாதீ வா ஸாலோஹிதா வா – இமே ஸத்தா பியா. கதமே ஸங்கா²ரா பியா? மனாபிகா ரூபா மனாபிகா ஸத்³தா³… க³ந்தா⁴… ரஸா… பொ²ட்ட²ப்³பா³ – இமே ஸங்கா²ரா பியா. அப்பியாதி த்³வே அப்பியா – ஸத்தா வா ஸங்கா²ரா வா. கதமே ஸத்தா அப்பியா? இத⁴ யாஸ்ஸ தே ஹொந்தி அனத்த²காமா அஹிதகாமா அபா²ஸுகாமா அயோக³க்கே²மகாமா ஜீவிதா வோரோபேதுகாமா – இமே ஸத்தா அப்பியா. கதமே ஸங்கா²ரா அப்பியா? அமனாபிகா ரூபா அமனாபிகா ஸத்³தா³, க³ந்தா⁴… ரஸா… பொ²ட்ட²ப்³பா³ – இமே ஸங்கா²ரா அப்பியா. அத்³தா⁴தி ஏகங்ஸவசனங் நிஸ்ஸங்ஸயவசனங் நிக்கங்க²வசனங் அத்³வெஜ்ஜ²வசனங் அத்³வெள்ஹகவசனங் நிய்யானிகவசனங் அபண்ணகவசனங் அவத்தா²பனவசனமேதங் – அத்³தா⁴தி. அத²ப்பியங் வா பன அப்பியங் வா, அத்³தா⁴ ப⁴வந்தோ அபி⁴ஸம்ப⁴வெய்யாதி. பியாப்பியங் ஸாதாஸாதங் ஸுக²து³க்க²ங் ஸோமனஸ்ஸதோ³மனஸ்ஸங் இட்டா²னிட்ட²ங் அபி⁴ஸம்ப⁴வந்தோ வா அபி⁴ப⁴வெய்ய அதி⁴ப⁴வந்தோ வா அபி⁴ஸம்ப⁴வெய்யாதி – அத²ப்பியங் வா பன அப்பியங் வா அத்³தா⁴ ப⁴வந்தோ அபி⁴ஸம்ப⁴வெய்ய.

Athappiyaṃ vā pana appiyaṃ vā, addhā bhavanto abhisambhavैyyāti. Athāti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – athāti. Piyāti dve piyā – sattā vā saṅkhārā vā. Katame sattā piyā? Idha yāssa ⁹⁴ te honti atthakāmā hitakāmā phāsukāmā yogakkhemakāmā mātā vā pitā vā bhātā vā bhaginī vā puttā vā dhītā vā mittā vā amaccā vā ñātī vā sālohitā vā – ime sattā piyā. Katame saṅkhārā piyā? Manāpikā rūpā manāpikā saddā… gandhā… rasā… phoṭṭhabbā – ime saṅkhārā piyā. Appiyāti dve appiyā – sattā vā saṅkhārā vā. Katame sattā appiyā? Idha yāssa te honti anatthakāmā ahitakāmā aphāsukāmā ayogakkhemakāmā jīvitā voropetukāmā – ime sattā appiyā. Katame saṅkhārā appiyā? Amanāpikā rūpā amanāpikā saddā, gandhā… rasā… phoṭṭhabbā – ime saṅkhārā appiyā. Addhāti ekaṃsavacanaṃ nissaṃsayavacanaṃ nikkaṅkhavacanaṃ advejjhavacanaṃ adveḷhakavacanaṃ niyyānikavacanaṃ apaṇṇakavacanaṃ avatthāpanavacanametaṃ – addhāti. Athappiyaṃ vā pana appiyaṃ vā, addhā bhavanto abhisambhaveyyāti. Piyāppiyaṃ sātāsātaṃ sukhadukkhaṃ somanassadomanassaṃ iṭṭhāniṭṭhaṃ abhisambhavanto vā abhibhaveyya adhibhavanto vā abhisambhaveyyāti – athappiyaṃ vā pana appiyaṃ vā addhā bhavanto abhisambhaveyya.

தேனாஹ ப⁴க³வா –

Tenāha bhagavā –

‘‘கோதா⁴திமானஸ்ஸ வஸங் ந க³ச்சே², மூலம்பி தேஸங் பலிக²ஞ்ஞ திட்டே²;

‘‘Kodhātimānassa vasaṃ na gacche, mūlampi tesaṃ palikhañña tiṭṭhe;

அத²ப்பியங் வா பன அப்பியங் வா, அத்³தா⁴ ப⁴வந்தோ அபி⁴ஸம்ப⁴வெய்யா’’தி.

Athappiyaṃ vā pana appiyaṃ vā, addhā bhavanto abhisambhaveyyā’’ti.

204.

பஞ்ஞங் புரக்க²த்வா கல்யாணபீதி, விக்க²ம்ப⁴யே தானி பரிஸ்ஸயானி;

Paññaṃpurakkhatvā kalyāṇapīti, vikkhambhaye tāni parissayāni;

அரதிங் ஸஹேத² ஸயனம்ஹி பந்தே, சதுரோ ஸஹேத² பரிதே³வத⁴ம்மே.

Aratiṃ sahetha sayanamhi pante, caturo sahetha paridevadhamme.

பஞ்ஞங் புரக்க²த்வா கல்யாணபீதீதி. பஞ்ஞாதி யா பஞ்ஞா பஜானநா விசயோ பவிசயோ த⁴ம்மவிசயோ…பே॰… அமோஹோ ஸம்மாதி³ட்டி². பஞ்ஞங் புரக்க²த்வாதி இதே⁴கச்சோ பஞ்ஞங் புரதோ கத்வா சரதி பஞ்ஞாத⁴ஜோ பஞ்ஞாகேது பஞ்ஞாதி⁴பதெய்யோ விசயப³ஹுலோ பவிசயப³ஹுலோ பெக்கா²யனப³ஹுலோ ⁹⁵ ஸம்பெக்கா²யனப³ஹுலோ ⁹⁶ விபூ⁴தவிஹாரீ தச்சரிதோ தப்³ப³ஹுலோ தக்³க³ருகோ தன்னின்னோ தப்போணோ தப்பப்³பா⁴ரோ தத³தி⁴முத்தோ தத³தி⁴பதெய்யோதி. ஏவம்பி பஞ்ஞங் புரக்க²த்வா.

Paññaṃ purakkhatvā kalyāṇapītīti. Paññāti yā paññā pajānanā vicayo pavicayo dhammavicayo…pe… amoho sammādiṭṭhi. Paññaṃ purakkhatvāti idhekacco paññaṃ purato katvā carati paññādhajo paññāketu paññādhipateyyo vicayabahulo pavicayabahulo pekkhāyanabahulo ⁹⁷ sampekkhāyanabahulo ⁹⁸ vibhūtavihārī taccarito tabbahulo taggaruko tanninno tappoṇo tappabbhāro tadadhimutto tadadhipateyyoti. Evampi paññaṃ purakkhatvā.

அத² வா க³ச்ச²ந்தோ வா ‘‘க³ச்சா²மீ’’தி பஜானாதி, டி²தோ வா ‘‘டி²தொம்ஹீ’’தி பஜானாதி, நிஸின்னோ வா ‘‘நிஸின்னொம்ஹீ’’தி பஜானாதி, ஸயானோ வா ‘‘ஸயானொம்ஹீ’’தி பஜானாதி, யதா² யதா² வா பனஸ்ஸ காயோ பணிஹிதோ ஹோதி ததா² ததா² நங் பஜானாதீதி. ஏவம்பி பஞ்ஞங் புரக்க²த்வா.

Atha vā gacchanto vā ‘‘gacchāmī’’ti pajānāti, ṭhito vā ‘‘ṭhitomhī’’ti pajānāti, nisinno vā ‘‘nisinnomhī’’ti pajānāti, sayāno vā ‘‘sayānomhī’’ti pajānāti, yathā yathā vā panassa kāyo paṇihito hoti tathā tathā naṃ pajānātīti. Evampi paññaṃ purakkhatvā.

அத² வா அபி⁴க்கந்தே படிக்கந்தே ஸம்பஜானகாரீ ஹோதி, ஆலோகிதே விலோகிதே ஸம்பஜானகாரீ ஹோதி, ஸமிஞ்ஜிதே பஸாரிதே ஸம்பஜானகாரீ ஹோதி, ஸங்கா⁴டிபத்தசீவரதா⁴ரணே ஸம்பஜானகாரீ ஹோதி, அஸிதே பீதே கா²யிதே ஸாயிதே ஸம்பஜானகாரீ ஹோதி, உச்சாரபஸ்ஸாவகம்மே ஸம்பஜானகாரீ ஹோதி, க³தே டி²தே நிஸின்னே ஸுத்தே ஜாக³ரிதே பா⁴ஸிதே துண்ஹிபா⁴வே ஸம்பஜானகாரீ ஹோதீதி. ஏவம்பி பஞ்ஞங் புரக்க²த்வா.

Atha vā abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhibhāve sampajānakārī hotīti. Evampi paññaṃ purakkhatvā.

கல்யாணபீதீதி பு³த்³தா⁴னுஸ்ஸதிவஸேன உப்பஜ்ஜதி பீதி பாமோஜ்ஜங் ⁹⁹ – கல்யாணபீதீதி. த⁴ம்மானுஸ்ஸதி ஸங்கா⁴னுஸ்ஸதி ஸீலானுஸ்ஸதி சாகா³னுஸ்ஸதி தே³வதானுஸ்ஸதி ஆனாபானஸ்ஸதி மரணஸ்ஸதி காயக³தாஸதிவஸேன உபஸமானுஸ்ஸதிவஸேன உப்பஜ்ஜதி பீதி பாமோஜ்ஜங் – கல்யாணபீதீதி – பஞ்ஞங் புரக்க²த்வா கல்யாணபீதி.

Kalyāṇapītīti buddhānussativasena uppajjati pīti pāmojjaṃ ¹⁰⁰ – kalyāṇapītīti. Dhammānussati saṅghānussati sīlānussati cāgānussati devatānussati ānāpānassati maraṇassati kāyagatāsativasena upasamānussativasena uppajjati pīti pāmojjaṃ – kalyāṇapītīti – paññaṃ purakkhatvā kalyāṇapīti.

விக்க²ம்ப⁴யே தானி பரிஸ்ஸயானீதி. பரிஸ்ஸயாதி த்³வே பரிஸ்ஸயா – பாகடபரிஸ்ஸயா ச படிச்ச²ன்னபரிஸ்ஸயா ச…பே॰… இமே வுச்சந்தி பாகடபரிஸ்ஸயா…பே॰… இமே வுச்சந்தி படிச்ச²ன்னபரிஸ்ஸயா…பே॰… ஏவம்பி தத்ராஸயாதி – பரிஸ்ஸயா. விக்க²ம்ப⁴யே தானி பரிஸ்ஸயானீதி. தானி பரிஸ்ஸயானி விக்க²ம்பெ⁴ய்ய அபி⁴ப⁴வெய்ய அஜ்ஜொ²த்த²ரெய்ய பரியாதி³யெய்ய மத்³தெ³ய்யாதி – விக்க²ம்ப⁴யே தானி பரிஸ்ஸயானி.

Vikkhambhaye tāni parissayānīti. Parissayāti dve parissayā – pākaṭaparissayā ca paṭicchannaparissayā ca…pe… ime vuccanti pākaṭaparissayā…pe… ime vuccanti paṭicchannaparissayā…pe… evampi tatrāsayāti – parissayā. Vikkhambhaye tāni parissayānīti. Tāni parissayāni vikkhambheyya abhibhaveyya ajjhotthareyya pariyādiyeyya maddeyyāti – vikkhambhaye tāni parissayāni.

அரதிங் ஸஹேத² ஸயனம்ஹி பந்தேதி. அரதீதி யா அரதி அரதிதா அனபி⁴ரதி அனபி⁴ரமணா ¹⁰¹ உக்கண்டி²தா பரிதஸ்ஸிதா. ஸயனம்ஹி பந்தேதி பந்தேஸு வா ஸேனாஸனேஸு அஞ்ஞதரஞ்ஞதரேஸு வா அதி⁴குஸலேஸு த⁴ம்மேஸு அரதிங் ஸஹெய்ய அபி⁴ப⁴வெய்ய அஜ்ஜொ²த்த²ரெய்ய பரியாதி³யெய்ய மத்³தெ³ய்யாதி – அரதிங் ஸஹேத² ஸயனம்ஹி பந்தே.

Aratiṃ sahetha sayanamhi panteti. Aratīti yā arati aratitā anabhirati anabhiramaṇā ¹⁰² ukkaṇṭhitā paritassitā. Sayanamhi panteti pantesu vā senāsanesu aññataraññataresu vā adhikusalesu dhammesu aratiṃ saheyya abhibhaveyya ajjhotthareyya pariyādiyeyya maddeyyāti – aratiṃ sahetha sayanamhi pante.

சதுரோ ஸஹேத² பரிதே³வத⁴ம்மேதி. சத்தாரோ பரிதே³வனீயே த⁴ம்மே ஸஹெய்ய பரிஸஹெய்ய அபி⁴ப⁴வெய்ய அஜ்ஜொ²த்த²ரெய்ய பரியாதி³யெய்ய மத்³தெ³ய்யாதி – சதுரோ ஸஹேத² பரிதே³வத⁴ம்மே.

Caturo sahetha paridevadhammeti. Cattāro paridevanīye dhamme saheyya parisaheyya abhibhaveyya ajjhotthareyya pariyādiyeyya maddeyyāti – caturo sahetha paridevadhamme.

தேனாஹ ப⁴க³வா –

Tenāha bhagavā –

‘‘பஞ்ஞங் புரக்க²த்வா கல்யாணபீதி, விக்க²ம்ப⁴யே தானி பரிஸ்ஸயானி;

‘‘Paññaṃ purakkhatvā kalyāṇapīti, vikkhambhaye tāni parissayāni;

அரதிங் ஸஹேத² ஸயனம்ஹி பந்தே, சதுரோ ஸஹேத² பரிதே³வத⁴ம்மே’’தி.

Aratiṃ sahetha sayanamhi pante, caturo sahetha paridevadhamme’’ti.

205.

கிங்ஸூ அஸிஸ்ஸங் குவ வா ¹⁰³ அஸிஸ்ஸங், து³க்க²ங் வத ஸெத்த² குவஜ்ஜ ஸெஸ்ஸங்;

Kiṃsū asissaṃ kuva vā¹⁰⁴asissaṃ, dukkhaṃ vata settha kuvajja sessaṃ;

ஏதே விதக்கே பரிதே³வனெய்யே, வினயேத² ஸேகோ² அனிகேதசாரீ ¹⁰⁵ .

Ete vitakke paridevaneyye, vinayetha sekho aniketacārī¹⁰⁶.

கிங்ஸூ அஸிஸ்ஸங் குவ வா அஸிஸ்ஸந்தி. கிங்ஸூ அஸிஸ்ஸாமீதி கிங் பு⁴ஞ்ஜிஸ்ஸாமி ஓத³னங் வா கும்மாஸங் வா ஸத்துங் வா மச்ச²ங் வா மங்ஸங் வாதி – கிங்ஸூ அஸிஸ்ஸங். குவ வா அஸிஸ்ஸந்தி கத்த² பு⁴ஞ்ஜிஸ்ஸாமி க²த்தியகுலே வா ப்³ராஹ்மணகுலே வா வெஸ்ஸகுலே வா ஸுத்³த³குலே வாதி – கிங்ஸூ அஸிஸ்ஸங் குவ வா அஸிஸ்ஸங்.

Kiṃsūasissaṃ kuva vā asissanti. Kiṃsū asissāmīti kiṃ bhuñjissāmi odanaṃ vā kummāsaṃ vā sattuṃ vā macchaṃ vā maṃsaṃ vāti – kiṃsū asissaṃ. Kuva vā asissanti kattha bhuñjissāmi khattiyakule vā brāhmaṇakule vā vessakule vā suddakule vāti – kiṃsū asissaṃ kuva vā asissaṃ.

து³க்க²ங் வத ஸெத்த² குவஜ்ஜ ஸெஸ்ஸந்தி இமங் ரத்திங் து³க்க²ங் ஸயித்த² ப²லகே வா தட்டிகாய வா சம்மக²ண்டே³ வா திணஸந்தா²ரே வா பண்ணஸந்தா²ரே வா பலாலஸந்தா²ரே வா. ஆகா³மிரத்திங் ¹⁰⁷ கத்த² ஸுக²ங் ஸயிஸ்ஸாமி மஞ்சே வா பீடே² வா பி⁴ஸியா வா பி³ம்போ³ஹனே வா விஹாரே வா அட்³ட⁴யோகே³ வா பாஸாதே³ வா ஹம்மியே வா கு³ஹாய வாதி – து³க்க²ங் வத ஸெத்த² குவஜ்ஜ ஸெஸ்ஸங்.

Dukkhaṃ vata settha kuvajja sessanti imaṃ rattiṃ dukkhaṃ sayittha phalake vā taṭṭikāya vā cammakhaṇḍe vā tiṇasanthāre vā paṇṇasanthāre vā palālasanthāre vā. Āgāmirattiṃ ¹⁰⁸ kattha sukhaṃ sayissāmi mañce vā pīṭhe vā bhisiyā vā bimbohane vā vihāre vā aḍḍhayoge vā pāsāde vā hammiye vā guhāya vāti – dukkhaṃ vata settha kuvajja sessaṃ.

ஏதே விதக்கே பரிதே³வனெய்யேதி. ஏதே விதக்கேதி த்³வே பிண்ட³பாதபடிஸஞ்ஞுத்தே விதக்கே, த்³வே ஸேனாஸனபடிஸஞ்ஞுத்தே விதக்கே. பரிதே³வனெய்யேதி ஆதே³வனெய்யே பரிதே³வனெய்யேதி – ஏதே விதக்கே பரிதே³வனெய்யே.

Etevitakke paridevaneyyeti. Ete vitakketi dve piṇḍapātapaṭisaññutte vitakke, dve senāsanapaṭisaññutte vitakke. Paridevaneyyeti ādevaneyye paridevaneyyeti – ete vitakke paridevaneyye.

வினயேத² ஸேகோ² அனிகேதசாரீதி. ஸேகோ²தி கிங்காரணா வுச்சதி ஸேகோ²? ஸிக்க²தீதி – ஸேகோ². கிஞ்ச ஸிக்க²தி? அதி⁴ஸீலம்பி ஸிக்க²தி, அதி⁴சித்தம்பி ஸிக்க²தி, அதி⁴பஞ்ஞம்பி ஸிக்க²தி. கதமா அதி⁴ஸீலஸிக்கா²…பே॰… அயங் அதி⁴பஞ்ஞாஸிக்கா². இமா திஸ்ஸோ ஸிக்கா²யோ ஆவஜ்ஜந்தோ ஸிக்க²தி, ஜானந்தோ பஸ்ஸந்தோ பச்சவெக்க²ந்தோ சித்தங் அதி⁴ட்ட²ஹந்தோ ஸிக்க²தி, ஸத்³தா⁴ய அதி⁴முச்சந்தோ ஸிக்க²தி, வீரியங் பக்³க³ண்ஹந்தோ, ஸதிங் உபட்ட²பெந்தோ, சித்தங் ஸமாத³ஹந்தோ, பஞ்ஞாய பஜானந்தோ ஸிக்க²தி, அபி⁴ஞ்ஞெய்யங் அபி⁴ஜானந்தோ ஸிக்க²தி, பரிஞ்ஞெய்யங் பரிஜானந்தோ, பஹாதப்³ப³ங் பஜஹந்தோ, பா⁴வேதப்³ப³ங் பா⁴வெந்தோ, ஸச்சி²காதப்³ப³ங் ஸச்சி²கரொந்தோ ஸிக்க²தி ஆசரதி ஸமாசரதி ஸமாதா³ய ஸிக்க²தி. தங்காரணா வுச்சதி – ஸேகோ². வினயாய படிவினயாய பஹானாய வூபஸமாய படினிஸ்ஸக்³கா³ய படிபஸ்ஸத்³தி⁴யா அதி⁴ஸீலம்பி ஸிக்கெ²ய்ய, அதி⁴சித்தம்பி ஸிக்கெ²ய்ய, அதி⁴பஞ்ஞம்பி ஸிக்கெ²ய்ய. இமா திஸ்ஸோ ஸிக்கா²யோ ஆவஜ்ஜந்தோ ஸிக்கெ²ய்ய ஜானந்தோ…பே॰… ஸச்சி²காதப்³ப³ங் ஸச்சி²கரொந்தோ ஸிக்கெ²ய்ய ஆசரெய்ய ஸமாசரெய்ய ஸமாதா³ய வத்தெய்யாதி – வினயேத² ஸேகோ².

Vinayetha sekho aniketacārīti. Sekhoti kiṃkāraṇā vuccati sekho? Sikkhatīti – sekho. Kiñca sikkhati? Adhisīlampi sikkhati, adhicittampi sikkhati, adhipaññampi sikkhati. Katamā adhisīlasikkhā…pe… ayaṃ adhipaññāsikkhā. Imā tisso sikkhāyo āvajjanto sikkhati, jānanto passanto paccavekkhanto cittaṃ adhiṭṭhahanto sikkhati, saddhāya adhimuccanto sikkhati, vīriyaṃ paggaṇhanto, satiṃ upaṭṭhapento, cittaṃ samādahanto, paññāya pajānanto sikkhati, abhiññeyyaṃ abhijānanto sikkhati, pariññeyyaṃ parijānanto, pahātabbaṃ pajahanto, bhāvetabbaṃ bhāvento, sacchikātabbaṃ sacchikaronto sikkhati ācarati samācarati samādāya sikkhati. Taṃkāraṇā vuccati – sekho. Vinayāya paṭivinayāya pahānāya vūpasamāya paṭinissaggāya paṭipassaddhiyā adhisīlampi sikkheyya, adhicittampi sikkheyya, adhipaññampi sikkheyya. Imā tisso sikkhāyo āvajjanto sikkheyya jānanto…pe… sacchikātabbaṃ sacchikaronto sikkheyya ācareyya samācareyya samādāya vatteyyāti – vinayetha sekho.

அனிகேதசாரீதி . கத²ங் நிகேதசாரீ ஹோதி? இதே⁴கச்சோ குலபலிபோ³தே⁴ன ஸமன்னாக³தோ ஹோதி, க³ணபலிபோ³தே⁴ன… ஆவாஸபலிபோ³தே⁴ன… சீவரபலிபோ³தே⁴ன… பிண்ட³பாதபலிபோ³தே⁴ன… ஸேனாஸனபலிபோ³தே⁴ன… கி³லானபச்சயபே⁴ஸஜ்ஜபரிக்கா²ரபலிபோ³தே⁴ன ஸமன்னாக³தோ ஹோதி. ஏவங் நிகேதசாரீ ஹோதி. கத²ங் அனிகேதசாரீ ஹோதி? இத⁴ பி⁴க்கு² ந குலபலிபோ³தே⁴ன ஸமன்னாக³தோ ஹோதி, ந க³ணபலிபோ³தே⁴ன… ந ஆவாஸபலிபோ³தே⁴ன… ந சீவரபலிபோ³தே⁴ன… ந பிண்ட³பாதபலிபோ³தே⁴ன… ந ஸேனாஸனபலிபோ³தே⁴ன… ந கி³லானபச்சயபே⁴ஸஜ்ஜபரிக்கா²ரபலிபோ³தே⁴ன ஸமன்னாக³தோ ஹோதி. ஏவங் அனிகேதசாரீ ஹோதி.

Aniketacārīti . Kathaṃ niketacārī hoti? Idhekacco kulapalibodhena samannāgato hoti, gaṇapalibodhena… āvāsapalibodhena… cīvarapalibodhena… piṇḍapātapalibodhena… senāsanapalibodhena… gilānapaccayabhesajjaparikkhārapalibodhena samannāgato hoti. Evaṃ niketacārī hoti. Kathaṃ aniketacārī hoti? Idha bhikkhu na kulapalibodhena samannāgato hoti, na gaṇapalibodhena… na āvāsapalibodhena… na cīvarapalibodhena… na piṇḍapātapalibodhena… na senāsanapalibodhena… na gilānapaccayabhesajjaparikkhārapalibodhena samannāgato hoti. Evaṃ aniketacārī hoti.

‘‘மக³த⁴ங் க³தா கோஸலங் க³தா, ஏகச்சியா பன வஜ்ஜிபூ⁴மியா;

‘‘Magadhaṃ gatā kosalaṃ gatā, ekacciyā pana vajjibhūmiyā;

மிகா³ விய அஸங்க⁴சாரினோ ¹⁰⁹, அனிகேதா விஹரந்தி பி⁴க்க²வோ.

Migā viya asaṅghacārino ¹¹⁰, aniketā viharanti bhikkhavo.

‘‘ஸாது⁴ சரிதகங் ஸாது⁴ ஸுசரிதங், ஸாது⁴ ஸதா³ அனிகேதவிஹாரோ;

‘‘Sādhu caritakaṃ sādhu sucaritaṃ, sādhu sadā aniketavihāro;

அத்த²புச்ச²னங் பத³க்கி²ணங் கம்மங், ஏதங் ஸாமஞ்ஞங் அகிஞ்சனஸ்ஸா’’தி.

Atthapucchanaṃ padakkhiṇaṃ kammaṃ, etaṃ sāmaññaṃ akiñcanassā’’ti.

வினயேத² ஸேகோ² அனிகேதசாரீ. தேனாஹ ப⁴க³வா –

Vinayetha sekho aniketacārī. Tenāha bhagavā –

‘‘கிங்ஸூ அஸிஸ்ஸங் குவ வா அஸிஸ்ஸங், து³க்க²ங் வத ஸெத்த² குவஜ்ஜ ஸெஸ்ஸங்;

‘‘Kiṃsū asissaṃ kuva vā asissaṃ, dukkhaṃ vata settha kuvajja sessaṃ;

ஏதே விதக்கே பரிதே³வனெய்யே, வினயேத² ஸேகோ² அனிகேதசாரீ’’தி.

Ete vitakke paridevaneyye, vinayetha sekho aniketacārī’’ti.

206.

அன்னஞ்ச லத்³தா⁴ வஸனஞ்ச காலே, மத்தங் ஸ ஜஞ்ஞா ¹¹¹ இத⁴ தோஸனத்த²ங்;

Annañca laddhā vasanañca kāle, mattaṃ sa jaññā¹¹²idha tosanatthaṃ;

ஸோ தேஸு கு³த்தோ யதசாரி கா³மே, ருஸிதோபி ¹¹³ வாசங் ப²ருஸங் ந வஜ்ஜா.

So tesu gutto yatacāri gāme, rusitopi¹¹⁴vācaṃ pharusaṃ na vajjā.

அன்னஞ்ச லத்³தா⁴ வஸனஞ்ச காலேதி. அன்னந்தி ஓத³னோ கும்மாஸோ ஸத்து மச்சோ² மங்ஸங். வஸனந்தி ச² சீவரானி – கோ²மங், கப்பாஸிகங், கோஸெய்யங், கம்ப³லங், ஸாணங், ப⁴ங்க³ங். அன்னஞ்ச லத்³தா⁴ வஸனஞ்ச காலேதி. சீவரங் லபி⁴த்வா பிண்ட³பாதங் லபி⁴த்வா ந குஹனாய, ந லபனாய, ந நேமித்திகதாய, ந நிப்பேஸிகதாய, ந லாபே⁴ன லாப⁴ங் நிஜிகீ³ஸனதாய, ந தா³ருதா³னேன, ந வேளுதா³னேன, ந பத்ததா³னேன, ந புப்ப²தா³னேன, ந ப²லதா³னேன, ந ஸினானதா³னேன, ந சுண்ணதா³னேன, ந மத்திகாதா³னேன, ந த³ந்தகட்ட²தா³னேன, ந முகோ²த³கதா³னேன, ந சாதுகம்யதாய, ந முக்³க³ஸூப்யதாய, ந பாரிப⁴ட்யதாய, ந பீட²மத்³தி³கதாய, ந வத்து²விஜ்ஜாய, ந திரச்சா²னவிஜ்ஜாய, ந அங்க³விஜ்ஜாய, ந நக்க²த்தவிஜ்ஜாய, ந தூ³தக³மனேன, ந பஹிணக³மனேன, ந ஜங்க⁴பேஸனிகேன, ந வேஜ்ஜகம்மேன, ந பிண்ட³படிபிண்ட³கேன, ந தா³னானுப்பதா³னேன த⁴ம்மேன ஸமேன லத்³தா⁴ லபி⁴த்வா அதி⁴க³ந்த்வா விந்தி³த்வா படிலபி⁴த்வாதி – அன்னஞ்ச லத்³தா⁴ வஸனஞ்ச காலே.

Annañca laddhā vasanañca kāleti. Annanti odano kummāso sattu maccho maṃsaṃ. Vasananti cha cīvarāni – khomaṃ, kappāsikaṃ, koseyyaṃ, kambalaṃ, sāṇaṃ, bhaṅgaṃ. Annañca laddhā vasanañca kāleti. Cīvaraṃ labhitvā piṇḍapātaṃ labhitvā na kuhanāya, na lapanāya, na nemittikatāya, na nippesikatāya, na lābhena lābhaṃ nijigīsanatāya, na dārudānena, na veḷudānena, na pattadānena, na pupphadānena, na phaladānena, na sinānadānena, na cuṇṇadānena, na mattikādānena, na dantakaṭṭhadānena, na mukhodakadānena, na cātukamyatāya, na muggasūpyatāya, na pāribhaṭyatāya, na pīṭhamaddikatāya, na vatthuvijjāya, na tiracchānavijjāya, na aṅgavijjāya, na nakkhattavijjāya, na dūtagamanena, na pahiṇagamanena, na jaṅghapesanikena, na vejjakammena, na piṇḍapaṭipiṇḍakena, na dānānuppadānena dhammena samena laddhā labhitvā adhigantvā vinditvā paṭilabhitvāti – annañca laddhā vasanañca kāle.

மத்தங் ஸ ஜஞ்ஞா இத⁴ தோஸனத்த²ந்தி. மத்தங் ஸ ஜஞ்ஞாதி த்³வீஹி காரணேஹி மத்தங் ஜானெய்ய – படிக்³க³ஹணதோ வா பரிபோ⁴க³தோ வா. கத²ங் படிக்³க³ஹணதோ மத்தங் ஜானாதி? தோ²கேபி தி³ய்யமானே குலானுத³யாய ¹¹⁵ குலானுரக்கா²ய குலானுகம்பாய படிக்³க³ண்ஹாதி, ப³ஹுகேபி தி³ய்யமானே காயபரிஹாரிகங் சீவரங் படிக்³க³ண்ஹாதி குச்சி²பரிஹாரிகங் பிண்ட³பாதங் படிக்³க³ண்ஹாதி. ஏவங் படிக்³க³ஹணதோ மத்தங் ஜானாதி. கத²ங் பரிபோ⁴க³தோ மத்தங் ஜானாதி?

Mattaṃsa jaññā idha tosanatthanti. Mattaṃ sa jaññāti dvīhi kāraṇehi mattaṃ jāneyya – paṭiggahaṇato vā paribhogato vā. Kathaṃ paṭiggahaṇato mattaṃ jānāti? Thokepi diyyamāne kulānudayāya ¹¹⁶ kulānurakkhāya kulānukampāya paṭiggaṇhāti, bahukepi diyyamāne kāyaparihārikaṃ cīvaraṃ paṭiggaṇhāti kucchiparihārikaṃ piṇḍapātaṃ paṭiggaṇhāti. Evaṃ paṭiggahaṇato mattaṃ jānāti. Kathaṃ paribhogato mattaṃ jānāti?

படிஸங்கா² யோனிஸோ சீவரங் படிஸேவதி யாவதே³வ ஸீதஸ்ஸ படிகா⁴தாய உண்ஹஸ்ஸ படிகா⁴தாய ட³ங்ஸமகஸவாதாதபஸரீஸபஸம்ப²ஸ்ஸானங் படிகா⁴தாய, யாவதே³வ ஹிரிகோபீனபடிச்சா²த³னத்த²ங்.

Paṭisaṅkhā yoniso cīvaraṃ paṭisevati yāvadeva sītassa paṭighātāya uṇhassa paṭighātāya ḍaṃsamakasavātātapasarīsapasamphassānaṃ paṭighātāya, yāvadeva hirikopīnapaṭicchādanatthaṃ.

படிஸங்கா² யோனிஸோ பிண்ட³பாதங் படிஸேவதி நேவ த³வாய ந மதா³ய ந மண்ட³னாய ந விபூ⁴ஸனாய, யாவதே³வ இமஸ்ஸ காயஸ்ஸ டி²தியா யாபனாய விஹிங்ஸூபரதியா ப்³ரஹ்மசரியானுக்³க³ஹாய. இதி புராணஞ்ச வேத³னங் படிஹங்கா²மி நவஞ்ச வேத³னங் ந உப்பாதெ³ஸ்ஸாமி, யாத்ரா ச மே ப⁴விஸ்ஸதி அனவஜ்ஜதா ச பா²ஸுவிஹாரோ ச.

Paṭisaṅkhā yoniso piṇḍapātaṃ paṭisevati neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya. Iti purāṇañca vedanaṃ paṭihaṅkhāmi navañca vedanaṃ na uppādessāmi, yātrā ca me bhavissati anavajjatā ca phāsuvihāro ca.

படிஸங்கா² யோனிஸோ ஸேனாஸனங் படிஸேவதி யாவதே³வ ஸீதஸ்ஸ படிகா⁴தாய உண்ஹஸ்ஸ படிகா⁴தாய ட³ங்ஸமகஸவாதாதபஸரீஸபஸம்ப²ஸ்ஸானங் படிகா⁴தாய, யாவதே³வ உதுபரிஸ்ஸயவினோத³னபடிஸல்லானாராமத்த²ங்.

Paṭisaṅkhā yoniso senāsanaṃ paṭisevati yāvadeva sītassa paṭighātāya uṇhassa paṭighātāya ḍaṃsamakasavātātapasarīsapasamphassānaṃ paṭighātāya, yāvadeva utuparissayavinodanapaṭisallānārāmatthaṃ.

படிஸங்கா² யோனிஸோ கி³லானபச்சயபே⁴ஸஜ்ஜபரிக்கா²ரங் படிஸேவதி யாவதே³வ உப்பன்னானங் வெய்யாப்³யாதி⁴கானங் ¹¹⁷ வேத³னானங் படிகா⁴தாய அப்³யாபஜ்ஜபரமதாய.

Paṭisaṅkhā yoniso gilānapaccayabhesajjaparikkhāraṃ paṭisevati yāvadeva uppannānaṃ veyyābyādhikānaṃ ¹¹⁸ vedanānaṃ paṭighātāya abyāpajjaparamatāya.

ஏவங் பரிபோ⁴க³தோ மத்தங் ஜானாதி. மத்தங் ஸ ஜஞ்ஞாதி. இமேஹி த்³வீஹி காரணேஹி மத்தங் ஜானெய்ய ஆஜானெய்ய படிவிஜானெய்ய படிவிஜ்ஜெ²ய்யாதி – மத்தங் ஸ ஜஞ்ஞா.

Evaṃ paribhogato mattaṃ jānāti. Mattaṃ sa jaññāti. Imehi dvīhi kāraṇehi mattaṃ jāneyya ājāneyya paṭivijāneyya paṭivijjheyyāti – mattaṃ sa jaññā.

இத⁴ தோஸனத்த²ந்தி. இத⁴ பி⁴க்கு² ஸந்துட்டோ² ஹோதி இதரீதரேன சீவரேன இதரீதரசீவரஸந்துட்டி²யா ச வண்ணவாதீ³, ந ச சீவரஹேது அனேஸனங் அப்பதிரூபங் ஆபஜ்ஜதி; அலத்³தா⁴ ச சீவரங் ந பரிதஸ்ஸதி, லத்³தா⁴ ச சீவரங் அக³தி⁴தோ அமுச்சி²தோ அனஜ்ஜா²பன்னோ, ஆதீ³னவத³ஸ்ஸாவீ நிஸ்ஸரணபஞ்ஞோ பரிபு⁴ஞ்ஜதி; தாய ச பன இதரீதரசீவரஸந்துட்டி²யா நேவத்தானுக்கங்ஸேதி, ந பரங் வம்பே⁴தி. யோ ஹி தத்த² த³க்கோ² அனலஸோ ஸம்பஜானோ படிஸ்ஸதோ – அயங் வுச்சதி பி⁴க்கு² போராணே அக்³க³ஞ்ஞே அரியவங்ஸே டி²தோ.

Idha tosanatthanti. Idha bhikkhu santuṭṭho hoti itarītarena cīvarena itarītaracīvarasantuṭṭhiyā ca vaṇṇavādī, na ca cīvarahetu anesanaṃ appatirūpaṃ āpajjati; aladdhā ca cīvaraṃ na paritassati, laddhā ca cīvaraṃ agadhito amucchito anajjhāpanno, ādīnavadassāvī nissaraṇapañño paribhuñjati; tāya ca pana itarītaracīvarasantuṭṭhiyā nevattānukkaṃseti, na paraṃ vambheti. Yo hi tattha dakkho analaso sampajāno paṭissato – ayaṃ vuccati bhikkhu porāṇe aggaññe ariyavaṃse ṭhito.

புன சபரங் பி⁴க்கு² ஸந்துட்டோ² ஹோதி இதரீதரேன பிண்ட³பாதேன இதரீதரபிண்ட³பாதஸந்துட்டி²யா ச வண்ணவாதீ³, ந ச பிண்ட³பாதஹேது அனேஸனங் அப்பதிரூபங் ஆபஜ்ஜதி, அலத்³தா⁴ ச பிண்ட³பாதங் ந பரிதஸ்ஸதி, லத்³தா⁴ ச பிண்ட³பாதங் அக³தி⁴தோ அமுச்சி²தோ அனஜ்ஜா²பன்னோ, ஆதீ³னவத³ஸ்ஸாவீ நிஸ்ஸரணபஞ்ஞோ பரிபு⁴ஞ்ஜதி; தாய ச பன இதரீதரபிண்ட³பாதஸந்துட்டி²யா நேவத்தானுக்கங்ஸேதி, ந பரங் வம்பே⁴தி. யோ ஹி தத்த² த³க்கோ² அனலஸோ ஸம்பஜானோ படிஸ்ஸதோ – அயங் வுச்சதி பி⁴க்கு² போராணே அக்³க³ஞ்ஞே அரியவங்ஸே டி²தோ.

Puna caparaṃ bhikkhu santuṭṭho hoti itarītarena piṇḍapātena itarītarapiṇḍapātasantuṭṭhiyā ca vaṇṇavādī, na ca piṇḍapātahetu anesanaṃ appatirūpaṃ āpajjati, aladdhā ca piṇḍapātaṃ na paritassati, laddhā ca piṇḍapātaṃ agadhito amucchito anajjhāpanno, ādīnavadassāvī nissaraṇapañño paribhuñjati; tāya ca pana itarītarapiṇḍapātasantuṭṭhiyā nevattānukkaṃseti, na paraṃ vambheti. Yo hi tattha dakkho analaso sampajāno paṭissato – ayaṃ vuccati bhikkhu porāṇe aggaññe ariyavaṃse ṭhito.

புன சபரங் பி⁴க்கு² ஸந்துட்டோ² ஹோதி இதரீதரேன ஸேனாஸனேன இதரீதரஸேனாஸனஸந்துட்டி²யா ச வண்ணவாதீ³, ந ச ஸேனாஸனஹேது அனேஸனங் அப்பதிரூபங் ஆபஜ்ஜதி , அலத்³தா⁴ ச ஸேனாஸனங் ந பரிதஸ்ஸதி, லத்³தா⁴ ச ஸேனாஸனங் அக³தி⁴தோ அமுச்சி²தோ அனஜ்ஜா²பன்னோ, ஆதீ³னவத³ஸ்ஸாவீ நிஸ்ஸரணபஞ்ஞோ பரிபு⁴ஞ்ஜதி; தாய ச பன இதரீதரஸேனாஸனஸந்துட்டி²யா நேவத்தானுக்கங்ஸேதி, ந பரங் வம்பே⁴தி. யோ ஹி தத்த² த³க்கோ² அனலஸோ ஸம்பஜானோ படிஸ்ஸதோ – அயங் வுச்சதி பி⁴க்கு² போராணே அக்³க³ஞ்ஞே அரியவங்ஸே டி²தோ.

Puna caparaṃ bhikkhu santuṭṭho hoti itarītarena senāsanena itarītarasenāsanasantuṭṭhiyā ca vaṇṇavādī, na ca senāsanahetu anesanaṃ appatirūpaṃ āpajjati , aladdhā ca senāsanaṃ na paritassati, laddhā ca senāsanaṃ agadhito amucchito anajjhāpanno, ādīnavadassāvī nissaraṇapañño paribhuñjati; tāya ca pana itarītarasenāsanasantuṭṭhiyā nevattānukkaṃseti, na paraṃ vambheti. Yo hi tattha dakkho analaso sampajāno paṭissato – ayaṃ vuccati bhikkhu porāṇe aggaññe ariyavaṃse ṭhito.

புன சபரங் பி⁴க்கு² ஸந்துட்டோ² ஹோதி இதரீதரேன கி³லானபச்சயபே⁴ஸஜ்ஜபரிக்கா²ரேன, இதரீதரகி³லானபச்சயபே⁴ஸஜ்ஜபரிக்கா²ரஸந்துட்டி²யா ச வண்ணவாதீ³, ந ச கி³லானபச்சயபே⁴ஸஜ்ஜபரிக்கா²ரஹேது அனேஸனங் அப்பதிரூபங் ஆபஜ்ஜதி, அலத்³தா⁴ ச கி³லானபச்சயபே⁴ஸஜ்ஜபரிக்கா²ரங் ந பரிதஸ்ஸதி, லத்³தா⁴ ச கி³லானபச்சயபே⁴ஸஜ்ஜபரிக்கா²ரங் அக³தி⁴தோ அமுச்சி²தோ அனஜ்ஜா²பன்னோ, ஆதீ³னவத³ஸ்ஸாவீ நிஸ்ஸரணபஞ்ஞோ பரிபு⁴ஞ்ஜதி; தாய ச பன இதரீதரகி³லானபச்சயபே⁴ஸஜ்ஜபரிக்கா²ரஸந்துட்டி²யா நேவத்தானுக்கங்ஸேதி, ந பரங் வம்பே⁴தி. யோ ஹி தத்த² த³க்கோ² அனலஸோ ஸம்பஜானோ படிஸ்ஸதோ – அயங் வுச்சதி பி⁴க்கு² போராணே அக்³க³ஞ்ஞே அரியவங்ஸே டி²தோதி – மத்தங் ஸ ஜஞ்ஞா இத⁴ தோஸனத்த²ங்.

Puna caparaṃ bhikkhu santuṭṭho hoti itarītarena gilānapaccayabhesajjaparikkhārena, itarītaragilānapaccayabhesajjaparikkhārasantuṭṭhiyā ca vaṇṇavādī, na ca gilānapaccayabhesajjaparikkhārahetu anesanaṃ appatirūpaṃ āpajjati, aladdhā ca gilānapaccayabhesajjaparikkhāraṃ na paritassati, laddhā ca gilānapaccayabhesajjaparikkhāraṃ agadhito amucchito anajjhāpanno, ādīnavadassāvī nissaraṇapañño paribhuñjati; tāya ca pana itarītaragilānapaccayabhesajjaparikkhārasantuṭṭhiyā nevattānukkaṃseti, na paraṃ vambheti. Yo hi tattha dakkho analaso sampajāno paṭissato – ayaṃ vuccati bhikkhu porāṇe aggaññe ariyavaṃse ṭhitoti – mattaṃ sa jaññā idha tosanatthaṃ.

ஸோ தேஸு கு³த்தோ யதசாரி கா³மேதி. ஸோ தேஸு கு³த்தோதி சீவரே பிண்ட³பாதே ஸேனாஸனே கி³லானபச்சயபே⁴ஸஜ்ஜபரிக்கா²ரே கு³த்தோ கோ³பிதோ ரக்கி²தோ ஸங்வுதோதி. ஏவம்பி ஸோ தேஸு கு³த்தோ. அத² வா ஆயதனேஸு கு³த்தோ கோ³பிதோ ரக்கி²தோ ஸங்வுதோதி. ஏவம்பி ஸோ தேஸு கு³த்தோ.

Sotesu gutto yatacāri gāmeti. So tesu guttoti cīvare piṇḍapāte senāsane gilānapaccayabhesajjaparikkhāre gutto gopito rakkhito saṃvutoti. Evampi so tesu gutto. Atha vā āyatanesu gutto gopito rakkhito saṃvutoti. Evampi so tesu gutto.

யதசாரி கா³மேதி கா³மே யதோ யத்தோ படியத்தோ கு³த்தோ கோ³பிதோ ரக்கி²தோ ஸங்வுதோதி – ஸோ தேஸு கு³த்தோ யதசாரி கா³மே.

Yatacāri gāmeti gāme yato yatto paṭiyatto gutto gopito rakkhito saṃvutoti – so tesu gutto yatacāri gāme.

ருஸிதோபி வாசங் ப²ருஸங் ந வஜ்ஜாதி. தூ³ஸிதோ கு²ங்ஸிதோ வம்பி⁴தோ க⁴ட்டிதோ க³ரஹிதோ உபவதி³தோ ப²ருஸேன கக்க²ளேன நப்படிவஜ்ஜா நப்படிப⁴ணெய்ய, அக்கோஸந்தங் ந பச்சக்கோஸெய்ய, ரோஸந்தங் நப்படிரோஸெய்ய, ப⁴ண்ட³ந்தங் ந படிப⁴ண்டெ³ய்ய, ந கலஹங் கரெய்ய, ந ப⁴ண்ட³னங் கரெய்ய, ந விக்³க³ஹங் கரெய்ய, ந விவாத³ங் கரெய்ய, ந மேத⁴க³ங் கரெய்ய, கலஹங் ப⁴ண்ட³னங் விக்³க³ஹங் விவாத³ங் மேத⁴க³ங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய, கலஹப⁴ண்ட³னவிக்³க³ஹவிவாத³மேத⁴கா³ ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரெய்யாதி – ருஸிதோபி வாசங் ப²ருஸங் ந வஜ்ஜா.

Rusitopi vācaṃ pharusaṃ na vajjāti. Dūsito khuṃsito vambhito ghaṭṭito garahito upavadito pharusena kakkhaḷena nappaṭivajjā nappaṭibhaṇeyya, akkosantaṃ na paccakkoseyya, rosantaṃ nappaṭiroseyya, bhaṇḍantaṃ na paṭibhaṇḍeyya, na kalahaṃ kareyya, na bhaṇḍanaṃ kareyya, na viggahaṃ kareyya, na vivādaṃ kareyya, na medhagaṃ kareyya, kalahaṃ bhaṇḍanaṃ viggahaṃ vivādaṃ medhagaṃ pajaheyya vinodeyya byantiṃ kareyya anabhāvaṃ gameyya, kalahabhaṇḍanaviggahavivādamedhagā ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyyāti – rusitopi vācaṃ pharusaṃ na vajjā.

தேனாஹ ப⁴க³வா –

Tenāha bhagavā –

‘‘அன்னஞ்ச லத்³தா⁴ வஸனஞ்ச காலே, மத்தங் ஸ ஜஞ்ஞா இத⁴ தோஸனத்த²ங்;

‘‘Annañca laddhā vasanañca kāle, mattaṃ sa jaññā idha tosanatthaṃ;

ஸோ தேஸு கு³த்தோ யதசாரி கா³மே, ருஸிதோபி வாசங் ப²ருஸங் ந வஜ்ஜா’’தி.

So tesu gutto yatacāri gāme, rusitopi vācaṃ pharusaṃ na vajjā’’ti.

207.

ஒக்கி²த்தசக்கு² ந ச பாத³லோலோ, ஜா²னானுயுத்தோ ப³ஹுஜாக³ரஸ்ஸ;

Okkhittacakkhu na ca pādalolo, jhānānuyutto bahujāgarassa;

உபெக்க²மாரப்³ப⁴ ஸமாஹிதத்தோ, தக்காஸயங் குக்குச்சஞ்சுபச்சி²ந்தே³ ¹¹⁹ .

Upekkhamārabbha samāhitatto, takkāsayaṃ kukkuccañcupacchinde¹²⁰.

ஒக்கி²த்தசக்கு² ந ச பாத³லோலோதி. கத²ங் கி²த்தசக்கு² ஹோதி ? இதே⁴கச்சோ பி⁴க்கு² சக்கு²லோலோ, சக்கு²லோலியேன ஸமன்னாக³தோ ஹோதி, ‘‘அதி³ட்ட²ங் த³க்கி²தப்³ப³ங், தி³ட்ட²ங் ஸமதிக்கமிதப்³ப³’’ந்தி ஆராமேன ஆராமங் உய்யானேன உய்யானங் கா³மேன கா³மங் நிக³மேன நிக³மங் நக³ரேன நக³ரங் ரட்டே²ன ரட்ட²ங் ஜனபதே³ன ஜனபத³ங் தீ³க⁴சாரிகங் அனவட்டி²தசாரிகங் அனுயுத்தோ ச ஹோதி ரூபத³ஸ்ஸனாய. ஏவம்பி கி²த்தசக்கு² ஹோதி.

Okkhittacakkhu na ca pādaloloti. Kathaṃ khittacakkhu hoti ? Idhekacco bhikkhu cakkhulolo, cakkhuloliyena samannāgato hoti, ‘‘adiṭṭhaṃ dakkhitabbaṃ, diṭṭhaṃ samatikkamitabba’’nti ārāmena ārāmaṃ uyyānena uyyānaṃ gāmena gāmaṃ nigamena nigamaṃ nagarena nagaraṃ raṭṭhena raṭṭhaṃ janapadena janapadaṃ dīghacārikaṃ anavaṭṭhitacārikaṃ anuyutto ca hoti rūpadassanāya. Evampi khittacakkhu hoti.

அத² வா பி⁴க்கு² அந்தரக⁴ரங் பவிட்டோ² வீதி²ங் படிபன்னோ அஸங்வுதோ க³ச்ச²தி ஹத்தி²ங் ஓலோகெந்தோ, அஸ்ஸங் ஓலோகெந்தோ, ரத²ங் ஓலோகெந்தோ, பத்திங் ஓலோகெந்தோ, இத்தி²யோ ஓலோகெந்தோ, புரிஸே ஓலோகெந்தோ, குமாரகே ஓலோகெந்தோ, குமாரிகாயோ ஓலோகெந்தோ, அந்தராபணங் ஓலோகெந்தோ, க⁴ரமுகா²னி ஓலோகெந்தோ, உத்³த⁴ங் ஓலோகெந்தோ, அதோ⁴ ஓலோகெந்தோ, தி³ஸாவிதி³ஸங் விபெக்க²மானோ ¹²¹ க³ச்ச²தி. ஏவம்பி கி²த்தசக்கு² ஹோதி.

Atha vā bhikkhu antaragharaṃ paviṭṭho vīthiṃ paṭipanno asaṃvuto gacchati hatthiṃ olokento, assaṃ olokento, rathaṃ olokento, pattiṃ olokento, itthiyo olokento, purise olokento, kumārake olokento, kumārikāyo olokento, antarāpaṇaṃ olokento, gharamukhāni olokento, uddhaṃ olokento, adho olokento, disāvidisaṃ vipekkhamāno ¹²² gacchati. Evampi khittacakkhu hoti.

அத² வா பி⁴க்கு² சக்கு²னா ரூபங் தி³ஸ்வா நிமித்தக்³கா³ஹீ ஹோதி அனுப்³யஞ்ஜனக்³கா³ஹீ. யத்வாதி⁴கரணமேனங் சக்கு²ந்த்³ரியங் அஸங்வுதங் விஹரந்தங் அபி⁴ஜ்ஜா²தோ³மனஸ்ஸா பாபகா அகுஸலா த⁴ம்மா அன்வாஸ்ஸவெய்யுங், தஸ்ஸ ஸங்வராய நப்படிபஜ்ஜதி, ந ரக்க²தி சக்கு²ந்த்³ரியங், சக்கு²ந்த்³ரியே ந ஸங்வரங் ஆபஜ்ஜதி. ஏவம்பி கி²த்தசக்கு² ஹோதி.

Atha vā bhikkhu cakkhunā rūpaṃ disvā nimittaggāhī hoti anubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya nappaṭipajjati, na rakkhati cakkhundriyaṃ, cakkhundriye na saṃvaraṃ āpajjati. Evampi khittacakkhu hoti.

யதா² வா பனேகே பொ⁴ந்தோ ஸமணப்³ராஹ்மணா ஸத்³தா⁴தெ³ய்யானி போ⁴ஜனானி பு⁴ஞ்ஜித்வா தே ஏவரூபங் விஸூகத³ஸ்ஸனங் அனுயுத்தா விஹரந்தி, ஸெய்யதி²த³ங் – நச்சங் கீ³தங் வாதி³தங் பெக்க²ங் அக்கா²னங் பாணிஸ்ஸரங் வேதாளங் கும்ப⁴தூ²ணங் ஸோப⁴னகங் சண்டா³லங் வங்ஸங் தோ⁴வனங் ஹத்தி²யுத்³த⁴ங் அஸ்ஸயுத்³த⁴ங் மஹிங்ஸயுத்³த⁴ங் உஸப⁴யுத்³த⁴ங் அஜயுத்³த⁴ங் மெண்ட³யுத்³த⁴ங் குக்குடயுத்³த⁴ங் வட்டகயுத்³த⁴ங் த³ண்ட³யுத்³த⁴ங் முட்டி²யுத்³த⁴ங் நிப்³பு³த்³த⁴ங் உய்யோதி⁴கங் ப³லக்³க³ங் ஸேனாப்³யூஹங் அனீகத³ஸ்ஸனங் இதி வா. ஏவம்பி கி²த்தசக்கு² ஹோதி.

கத²ங் ந கி²த்தசக்கு² ஹோதி? இதே⁴கச்சோ பி⁴க்கு² ந சக்கு²லோலோ ந சக்கு²லோலியேன ஸமன்னாக³தோ ஹோதி ‘‘அதி³ட்ட²ங் த³க்கி²தப்³ப³ங் தி³ட்ட²ங் ஸமதிக்கமிதப்³ப³’’ந்தி ந ஆராமேன ஆராமங் ந உய்யானேன உய்யானங் ந கா³மேன கா³மங் ந நிக³மேன நிக³மங் ந நக³ரேன நக³ரங் ந ரட்டே²ன ரட்ட²ங் ந ஜனபதே³ன ஜனபத³ங் தீ³க⁴சாரிகங் அனவட்டி²தசாரிகங் அனநுயுத்தோ ச ஹோதி ரூபத³ஸ்ஸனாய . ஏவம்பி ந கி²த்தசக்கு² ஹோதி.

Kathaṃ na khittacakkhu hoti? Idhekacco bhikkhu na cakkhulolo na cakkhuloliyena samannāgato hoti ‘‘adiṭṭhaṃ dakkhitabbaṃ diṭṭhaṃ samatikkamitabba’’nti na ārāmena ārāmaṃ na uyyānena uyyānaṃ na gāmena gāmaṃ na nigamena nigamaṃ na nagarena nagaraṃ na raṭṭhena raṭṭhaṃ na janapadena janapadaṃ dīghacārikaṃ anavaṭṭhitacārikaṃ ananuyutto ca hoti rūpadassanāya . Evampi na khittacakkhu hoti.

அத² வா பி⁴க்கு² அந்தரக⁴ரங் பவிட்டோ² வீதி²ங் படிபன்னோ ஸங்வுதோ க³ச்ச²தி ந ஹத்தி²ங் ஓலோகெந்தோ…பே॰… ந தி³ஸாவிதி³ஸங் விபெக்க²மானோ க³ச்ச²தி. ஏவம்பி ந கி²த்தசக்கு² ஹோதி.

Atha vā bhikkhu antaragharaṃ paviṭṭho vīthiṃ paṭipanno saṃvuto gacchati na hatthiṃ olokento…pe… na disāvidisaṃ vipekkhamāno gacchati. Evampi na khittacakkhu hoti.

அத² வா பி⁴க்கு² சக்கு²னா ரூபங் தி³ஸ்வா ந நிமித்தக்³கா³ஹீ ஹோதி…பே॰… சக்கு²ந்த்³ரியே ஸங்வரங் ஆபஜ்ஜதி. ஏவம்பி ந கி²த்தசக்கு² ஹோதி.

Atha vā bhikkhu cakkhunā rūpaṃ disvā na nimittaggāhī hoti…pe… cakkhundriye saṃvaraṃ āpajjati. Evampi na khittacakkhu hoti.

யதா² வா பனேகே பொ⁴ந்தோ ஸமணப்³ராஹ்மணா ஸத்³தா⁴தெ³ய்யானி போ⁴ஜனானி பு⁴ஞ்ஜித்வா…பே॰… அனீகத³ஸ்ஸனங் இதி வா. ஏவரூபா விஸூகத³ஸ்ஸனானுயோகா³ படிவிரதோ ஹோதி. ஏவம்பி ந கி²த்தசக்கு² ஹோதீதி – ஒக்கி²த்தசக்கு².

Yathā vā paneke bhonto samaṇabrāhmaṇā saddhādeyyāni bhojanāni bhuñjitvā…pe… anīkadassanaṃ iti vā. Evarūpā visūkadassanānuyogā paṭivirato hoti. Evampi na khittacakkhu hotīti – okkhittacakkhu.

ந ச பாத³லோலோதி. கத²ங் பாத³லோலோ ஹோதி? இதே⁴கச்சோ பி⁴க்கு² பாத³லோலோ பாத³லோலியேன ஸமன்னாக³தோ ஹோதி, ஆராமேன ஆராமங்…பே॰… தீ³க⁴சாரிகங் அனவட்டி²தசாரிகங் அனுயுத்தோ ஹோதி ரூபத³ஸ்ஸனாய. ஏவம்பி பாத³லோலோ ஹோதி.

Na ca pādaloloti. Kathaṃ pādalolo hoti? Idhekacco bhikkhu pādalolo pādaloliyena samannāgato hoti, ārāmena ārāmaṃ…pe… dīghacārikaṃ anavaṭṭhitacārikaṃ anuyutto hoti rūpadassanāya. Evampi pādalolo hoti.

அத² வா பி⁴க்கு² அந்தோபி ஸங்கா⁴ராமே பாத³லோலோ பாத³லோலியேன ஸமன்னாக³தோ ஹோதி, ந அத்த²ஹேது ந காரணஹேது உத்³த⁴தோ அவூபஸந்தசித்தோ பரிவேணதோ பரிவேணங் க³ச்ச²தி. விஹாரதோ…பே॰… இதி ப⁴வாப⁴வகத²ங் கதே²தி. ஏவம்பி பாத³லோலோ ஹோதி.

Atha vā bhikkhu antopi saṅghārāme pādalolo pādaloliyena samannāgato hoti, na atthahetu na kāraṇahetu uddhato avūpasantacitto pariveṇato pariveṇaṃ gacchati. Vihārato…pe… iti bhavābhavakathaṃ katheti. Evampi pādalolo hoti.

ந ச பாத³லோலோதி. பாத³லோலியங் பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய, பாத³லோலியா ஆரதோ அஸ்ஸ விரதோ படிவிரதோ நிக்க²ந்தோ நிஸ்ஸடோ விப்பமுத்தோ விஸஞ்ஞுத்தோ விமரியாதி³கதேன சேதஸா விஹரெய்ய, படிஸல்லானாராமோ அஸ்ஸ படிஸல்லானரதோ அஜ்ஜ²த்தங் சேதோஸமத²மனுயுத்தோ அனிராகதஜ்ஜா²னோ விபஸ்ஸனாய ஸமன்னாக³தோ ப்³ரூஹேதா ஸுஞ்ஞாகா³ரங் ஜா²யீ ஜா²னரதோ ஏகத்தமனுயுத்தோ ஸத³த்த²க³ருகோதி – ஒக்கி²த்தசக்கு² ந ச பாத³லோலோ.

Na ca pādaloloti. Pādaloliyaṃ pajaheyya vinodeyya byantiṃ kareyya anabhāvaṃ gameyya, pādaloliyā ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyya, paṭisallānārāmo assa paṭisallānarato ajjhattaṃ cetosamathamanuyutto anirākatajjhāno vipassanāya samannāgato brūhetā suññāgāraṃ jhāyī jhānarato ekattamanuyutto sadatthagarukoti – okkhittacakkhu na ca pādalolo.

ஜா²னானுயுத்தோ ப³ஹுஜாக³ரஸ்ஸாதி. ஜா²னானுயுத்தோதி த்³வீஹி காரணேஹி ஜா²னானுயுத்தோ – அனுப்பன்னஸ்ஸ வா பட²மஸ்ஸ ஜா²னஸ்ஸ உப்பாதா³ய யுத்தோ பயுத்தோ ஆயுத்தோ ஸமாயுத்தோ, அனுப்பன்னஸ்ஸ வா து³தியஸ்ஸ ஜா²னஸ்ஸ… ததியஸ்ஸ ஜா²னஸ்ஸ… சதுத்த²ஸ்ஸ ஜா²னஸ்ஸ உப்பாதா³ய யுத்தோ பயுத்தோ ஆயுத்தோ ஸமாயுத்தோதி. ஏவம்பி ஜா²னானுயுத்தோ. அத² வா உப்பன்னங் வா பட²மங் ஜா²னங் ஆஸேவதி பா⁴வேதி ப³ஹுலீகரோதி ¹²³, உப்பன்னங் வா து³தியங் ஜா²னங் … ததியங் ஜா²னங்… சதுத்த²ங் ஜா²னங் ஆஸேவதி பா⁴வேதி ப³ஹுலீகரோதீதி. ஏவம்பி ஜா²னானுயுத்தோ.

Jhānānuyutto bahujāgarassāti. Jhānānuyuttoti dvīhi kāraṇehi jhānānuyutto – anuppannassa vā paṭhamassa jhānassa uppādāya yutto payutto āyutto samāyutto, anuppannassa vā dutiyassa jhānassa… tatiyassa jhānassa… catutthassa jhānassa uppādāya yutto payutto āyutto samāyuttoti. Evampi jhānānuyutto. Atha vā uppannaṃ vā paṭhamaṃ jhānaṃ āsevati bhāveti bahulīkaroti ¹²⁴, uppannaṃ vā dutiyaṃ jhānaṃ … tatiyaṃ jhānaṃ… catutthaṃ jhānaṃ āsevati bhāveti bahulīkarotīti. Evampi jhānānuyutto.

ப³ஹுஜாக³ரஸ்ஸாதி இத⁴ பி⁴க்கு² தி³வஸங் சங்கமேன நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதே⁴தி, ரத்தியா பட²மங் யாமங் சங்கமேன நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதே⁴தி, ரத்தியா மஜ்ஜி²மங் யாமங் த³க்கி²ணேன பஸ்ஸேன ஸீஹஸெய்யங் கப்பேதி பாதே³ பாத³ங் அச்சாதா⁴ய ஸதோ ஸம்பஜானோ உட்டா²னஸஞ்ஞங் மனஸி கத்வா, ரத்தியா பச்சி²மங் யாமங் பச்சுட்டா²ய சங்கமேன நிஸஜ்ஜாய ஆவரணீயேஹி த⁴ம்மேஹி சித்தங் பரிஸோதே⁴தீதி – ஜா²னானுயுத்தோ ப³ஹுஜாக³ரஸ்ஸ.

Bahujāgarassāti idha bhikkhu divasaṃ caṅkamena nisajjāya āvaraṇīyehi dhammehi cittaṃ parisodheti, rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodheti, rattiyā majjhimaṃ yāmaṃ dakkhiṇena passena sīhaseyyaṃ kappeti pāde pādaṃ accādhāya sato sampajāno uṭṭhānasaññaṃ manasi katvā, rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodhetīti – jhānānuyutto bahujāgarassa.

உபெக்க²மாரப்³ப⁴ ஸமாஹிதத்தோதி. உபெக்கா²தி யா சதுத்தே² ஜா²னே உபெக்கா² உபெக்க²னா அஜ்ஜு²பெக்க²னா சித்தஸமதா சித்தப்பஸ்ஸத்³த⁴தா மஜ்ஜ²த்ததா சித்தஸ்ஸ. ஸமாஹிதத்தோதி யா சித்தஸ்ஸ டி²தி ஸண்டி²தி அவட்டி²தி அவிஸாஹாரோ அவிக்கே²போ அவிஸாஹடமானஸதா ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதி⁴. உபெக்க²மாரப்³ப⁴ ஸமாஹிதத்தோதி. சதுத்தே² ஜா²னே உபெக்க²ங் ஆரப்³ப⁴ ஏகக்³க³சித்தோ அவிக்கி²த்தசித்தோ அவிஸாஹடமானஸோதி – உபெக்க²மாரப்³ப⁴ ஸமாஹிதத்தோ.

Upekkhamārabbha samāhitattoti. Upekkhāti yā catutthe jhāne upekkhā upekkhanā ajjhupekkhanā cittasamatā cittappassaddhatā majjhattatā cittassa. Samāhitattoti yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṃ samādhibalaṃ sammāsamādhi. Upekkhamārabbha samāhitattoti. Catutthe jhāne upekkhaṃ ārabbha ekaggacitto avikkhittacitto avisāhaṭamānasoti – upekkhamārabbha samāhitatto.

தக்காஸயங் குக்குச்சஞ்சுபச்சி²ந்தே³தி. தக்காதி நவ விதக்கா – காமவிதக்கோ, ப்³யாபாத³விதக்கோ, விஹிங்ஸாவிதக்கோ, ஞாதிவிதக்கோ, ஜனபத³விதக்கோ, அமரவிதக்கோ, பரானுத³யதாபடிஸஞ்ஞுத்தோ விதக்கோ, லாப⁴ஸக்காரஸிலோகபடிஸஞ்ஞுத்தோ விதக்கோ, அனவஞ்ஞத்திபடிஸஞ்ஞுத்தோ விதக்கோ – இமே வுச்சந்தி நவ விதக்கா. காமவிதக்கானங் காமஸஞ்ஞாஸயோ, ப்³யாபாத³விதக்கானங் ப்³யாபாத³ஸஞ்ஞாஸயோ, விஹிங்ஸாவிதக்கானங் விஹிங்ஸாஸஞ்ஞாஸயோ. அத² வா தக்கானங் விதக்கானங் ஸங்கப்பானங் அவிஜ்ஜாஸயோ, அயோனிஸோ மனஸிகாரோ ஆஸயோ, அஸ்மிமானோ ஆஸயோ, அனொத்தப்பங் ஆஸயோ, உத்³த⁴ச்சங் ஆஸயோ.

Takkāsayaṃ kukkuccañcupacchindeti. Takkāti nava vitakkā – kāmavitakko, byāpādavitakko, vihiṃsāvitakko, ñātivitakko, janapadavitakko, amaravitakko, parānudayatāpaṭisaññutto vitakko, lābhasakkārasilokapaṭisaññutto vitakko, anavaññattipaṭisaññutto vitakko – ime vuccanti nava vitakkā. Kāmavitakkānaṃ kāmasaññāsayo, byāpādavitakkānaṃ byāpādasaññāsayo, vihiṃsāvitakkānaṃ vihiṃsāsaññāsayo. Atha vā takkānaṃ vitakkānaṃ saṅkappānaṃ avijjāsayo, ayoniso manasikāro āsayo, asmimāno āsayo, anottappaṃ āsayo, uddhaccaṃ āsayo.

குக்குச்சந்தி ஹத்த²குக்குச்சம்பி குக்குச்சங் பாத³குக்குச்சம்பி குக்குச்சங் ஹத்த²பாத³குக்குச்சம்பி குக்குச்சங், அகப்பியே கப்பியஸஞ்ஞிதா கப்பியே அகப்பியஸஞ்ஞிதா, அவஜ்ஜே வஜ்ஜஸஞ்ஞிதா, வஜ்ஜே அவஜ்ஜஸஞ்ஞிதா. யங் ஏவரூபங் குக்குச்சங் குக்குச்சாயனா குக்குச்சாயிதத்தங் சேதஸோ விப்படிஸாரோ மனோவிலேகோ² – இத³ங் வுச்சதி குக்குச்சங்.

Kukkuccanti hatthakukkuccampi kukkuccaṃ pādakukkuccampi kukkuccaṃ hatthapādakukkuccampi kukkuccaṃ, akappiye kappiyasaññitā kappiye akappiyasaññitā, avajje vajjasaññitā, vajje avajjasaññitā. Yaṃ evarūpaṃ kukkuccaṃ kukkuccāyanā kukkuccāyitattaṃ cetaso vippaṭisāro manovilekho – idaṃ vuccati kukkuccaṃ.

அபி ச த்³வீஹி காரணேஹி உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ² – கதத்தா ச அகதத்தா ச. கத²ங் கதத்தா ச அகதத்தா ச உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ²? ‘‘கதங் மே காயது³ச்சரிதங், அகதங் மே காயஸுசரித’’ந்தி உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ². ‘‘கதங் மே வசீது³ச்சரிதங்… கதங் மே மனோது³ச்சரிதங்… கதோ மே பாணாதிபாதோ, அகதா மே பாணாதிபாதா வேரமணீ’’தி உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ². ‘‘கதங் மே அதி³ன்னாதா³னங்… கதோ மே காமேஸுமிச்சா²சாரோ… கதோ மே முஸாவாதோ³… கதா மே பிஸுணவாசா… கதா மே ப²ருஸவாசா… கதோ மே ஸம்ப²ப்பலாபோ… கதா மே அபி⁴ஜ்ஜா²… கதோ மே ப்³யாபாதோ³… கதா மே மிச்சா²தி³ட்டி², அகதா மே ஸம்மாதி³ட்டீ²’’தி உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ². ஏவங் கதத்தா ச அகதத்தா ச உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ².

Api ca dvīhi kāraṇehi uppajjati kukkuccaṃ cetaso vippaṭisāro manovilekho – katattā ca akatattā ca. Kathaṃ katattā ca akatattā ca uppajjati kukkuccaṃ cetaso vippaṭisāro manovilekho? ‘‘Kataṃ me kāyaduccaritaṃ, akataṃ me kāyasucarita’’nti uppajjati kukkuccaṃ cetaso vippaṭisāro manovilekho. ‘‘Kataṃ me vacīduccaritaṃ… kataṃ me manoduccaritaṃ… kato me pāṇātipāto, akatā me pāṇātipātā veramaṇī’’ti uppajjati kukkuccaṃ cetaso vippaṭisāro manovilekho. ‘‘Kataṃ me adinnādānaṃ… kato me kāmesumicchācāro… kato me musāvādo… katā me pisuṇavācā… katā me pharusavācā… kato me samphappalāpo… katā me abhijjhā… kato me byāpādo… katā me micchādiṭṭhi, akatā me sammādiṭṭhī’’ti uppajjati kukkuccaṃ cetaso vippaṭisāro manovilekho. Evaṃ katattā ca akatattā ca uppajjati kukkuccaṃ cetaso vippaṭisāro manovilekho.

அத² வா ‘‘ஸீலேஸும்ஹி ந பரிபூரகாரீ’’தி உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ²; ‘‘இந்த்³ரியேஸும்ஹி அகு³த்தத்³வாரோ’’தி… ‘‘போ⁴ஜனே அமத்தஞ்ஞூம்ஹீ’’தி… ‘‘ஜாக³ரியங் அனநுயுத்தொம்ஹீ’’தி… ‘‘ந ஸதிஸம்பஜஞ்ஞேன ஸமன்னாக³தொம்ஹீ’’தி… ‘‘அபா⁴விதா மே சத்தாரோ ஸதிபட்டா²னா’’தி… ‘‘அபா⁴விதா மே சத்தாரோ ஸம்மப்பதா⁴னா’’தி… ‘‘அபா⁴விதா மே சத்தாரோ இத்³தி⁴பாதா³’’தி… ‘‘அபா⁴விதானி மே பஞ்சிந்த்³ரியானீ’’தி… ‘‘அபா⁴விதானி மே பஞ்ச ப³லானீ’’தி… ‘‘அபா⁴விதா மே ஸத்த பொ³ஜ்ஜ²ங்கா³’’தி… ‘‘அபா⁴விதோ மே அரியோ அட்ட²ங்கி³கோ மக்³கோ³’’தி… ‘‘து³க்க²ங் மே அபரிஞ்ஞாத’’ந்தி… ‘‘து³க்க²ஸமுத³யோ மே அப்பஹீனோ’’தி… ‘‘மக்³கோ³ மே அபா⁴விதோ’’தி… ‘‘நிரோதோ⁴ மே அஸச்சி²கதோ’’தி உப்பஜ்ஜதி குக்குச்சங் சேதஸோ விப்படிஸாரோ மனோவிலேகோ². தக்காஸயங் குக்குச்சஞ்சுபச்சி²ந்தே³தி. தக்கஞ்ச தக்காஸயஞ்ச குக்குச்சஞ்ச உபச்சி²ந்தெ³ய்ய சி²ந்தெ³ய்ய உச்சி²ந்தெ³ய்ய ஸமுச்சி²ந்தெ³ய்ய பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்யாதி – தக்காஸயங் குக்குச்சஞ்சுபச்சி²ந்தே³.

Atha vā ‘‘sīlesumhi na paripūrakārī’’ti uppajjati kukkuccaṃ cetaso vippaṭisāro manovilekho; ‘‘indriyesumhi aguttadvāro’’ti… ‘‘bhojane amattaññūmhī’’ti… ‘‘jāgariyaṃ ananuyuttomhī’’ti… ‘‘na satisampajaññena samannāgatomhī’’ti… ‘‘abhāvitā me cattāro satipaṭṭhānā’’ti… ‘‘abhāvitā me cattāro sammappadhānā’’ti… ‘‘abhāvitā me cattāro iddhipādā’’ti… ‘‘abhāvitāni me pañcindriyānī’’ti… ‘‘abhāvitāni me pañca balānī’’ti… ‘‘abhāvitā me satta bojjhaṅgā’’ti… ‘‘abhāvito me ariyo aṭṭhaṅgiko maggo’’ti… ‘‘dukkhaṃ me apariññāta’’nti… ‘‘dukkhasamudayo me appahīno’’ti… ‘‘maggo me abhāvito’’ti… ‘‘nirodho me asacchikato’’ti uppajjati kukkuccaṃ cetaso vippaṭisāro manovilekho. Takkāsayaṃ kukkuccañcupacchindeti. Takkañca takkāsayañca kukkuccañca upacchindeyya chindeyya ucchindeyya samucchindeyya pajaheyya vinodeyya byantiṃ kareyya anabhāvaṃ gameyyāti – takkāsayaṃ kukkuccañcupacchinde.

தேனாஹ ப⁴க³வா –

Tenāha bhagavā –

‘‘ஒக்கி²த்தசக்கு² ந ச பாத³லோலோ, ஜா²னானுயுத்தோ ப³ஹுஜாக³ரஸ்ஸ;

‘‘Okkhittacakkhu na ca pādalolo, jhānānuyutto bahujāgarassa;

உபெக்க²மாரப்³ப⁴ ஸமாஹிதத்தோ, தக்காஸயங் குக்குச்சஞ்சுபச்சி²ந்தே³’’தி.

Upekkhamārabbha samāhitatto, takkāsayaṃ kukkuccañcupacchinde’’ti.

208.

சுதி³தோ வசீபி⁴ ஸதிமாபி⁴னந்தே³, ஸப்³ரஹ்மசாரீஸு கி²லங் பபி⁴ந்தே³;

Cuditovacībhi satimābhinande, sabrahmacārīsu khilaṃ pabhinde;

வாசங் பமுஞ்சே குஸலங் நாதிவேலங், ஜனவாத³த⁴ம்மாய ந சேதயெய்ய.

Vācaṃ pamuñce kusalaṃ nātivelaṃ, janavādadhammāya na cetayeyya.

சுதி³தோ வசீபி⁴ ஸதிமாபி⁴னந்தே³தி. சுதி³தோதி உபஜ்ஜா²யா வா ஆசரியா வா ஸமானுபஜ்ஜா²யகா வா ஸமானாசரியகா வா மித்தா வா ஸந்தி³ட்டா² வா ஸம்ப⁴த்தா வா ஸஹாயா வா சோதெ³ந்தி – ‘‘இத³ங் தே, ஆவுஸோ, அயுத்தங், இத³ங் தே அப்பத்தங், இத³ங் தே அஸாருப்பங், இத³ங் தே அஸீலட்ட²’’ந்தி. ஸதிங் உபட்ட²பெத்வா தங் சோத³னங் நந்தெ³ய்ய அபி⁴னந்தெ³ய்ய மோதெ³ய்ய அனுமோதெ³ய்ய இச்செ²ய்ய ஸாதி³யெய்ய பத்த²யெய்ய பிஹயெய்ய அபி⁴ஜப்பெய்ய. யதா² இத்தீ² வா புரிஸோ வா த³ஹரோ யுவா மண்ட³னஜாதிகோ ஸீஸங்ன்ஹாதோ உப்பலமாலங் வா வஸ்ஸிகமாலங் வா அதி⁴முத்தகமாலங் வா லபி⁴த்வா உபோ⁴ஹி ஹத்தே²ஹி படிக்³க³ஹெத்வா உத்தமங்கே³ ஸிரஸ்மிங் பதிட்டா²பெத்வா நந்தெ³ய்ய அபி⁴னந்தெ³ய்ய மோதெ³ய்ய அனுமோதெ³ய்ய இச்செ²ய்ய ஸாதி³யெய்ய பத்த²யெய்ய பிஹயெய்ய அபி⁴ஜப்பெய்ய; ஏவமேவ ஸதிங் உபட்ட²பெத்வா தங் சோத³னங் நந்தெ³ய்ய அபி⁴னந்தெ³ய்ய மோதெ³ய்ய அனுமோதெ³ய்ய இச்செ²ய்ய ஸாதி³யெய்ய பத்த²யெய்ய பிஹயெய்ய அபி⁴ஜப்பெய்ய.

Cudito vacībhi satimābhinandeti. Cuditoti upajjhāyā vā ācariyā vā samānupajjhāyakā vā samānācariyakā vā mittā vā sandiṭṭhā vā sambhattā vā sahāyā vā codenti – ‘‘idaṃ te, āvuso, ayuttaṃ, idaṃ te appattaṃ, idaṃ te asāruppaṃ, idaṃ te asīlaṭṭha’’nti. Satiṃ upaṭṭhapetvā taṃ codanaṃ nandeyya abhinandeyya modeyya anumodeyya iccheyya sādiyeyya patthayeyya pihayeyya abhijappeyya. Yathā itthī vā puriso vā daharo yuvā maṇḍanajātiko sīsaṃnhāto uppalamālaṃ vā vassikamālaṃ vā adhimuttakamālaṃ vā labhitvā ubhohi hatthehi paṭiggahetvā uttamaṅge sirasmiṃ patiṭṭhāpetvā nandeyya abhinandeyya modeyya anumodeyya iccheyya sādiyeyya patthayeyya pihayeyya abhijappeyya; evameva satiṃ upaṭṭhapetvā taṃ codanaṃ nandeyya abhinandeyya modeyya anumodeyya iccheyya sādiyeyya patthayeyya pihayeyya abhijappeyya.

‘‘நிதீ⁴னங்வ ¹²⁵ பவத்தாரங், யங் பஸ்ஸே வஜ்ஜத³ஸ்ஸினங்;

‘‘Nidhīnaṃva ¹²⁶ pavattāraṃ, yaṃ passe vajjadassinaṃ;

நிக்³க³ய்ஹவாதி³ங் மேதா⁴விங், தாதி³ஸங் பண்டி³தங் ப⁴ஜே.

Niggayhavādiṃ medhāviṃ, tādisaṃ paṇḍitaṃ bhaje.

‘‘தாதி³ஸங் ப⁴ஜமானஸ்ஸ, ஸெய்யோ ஹோதி ந பாபியோ;

‘‘Tādisaṃ bhajamānassa, seyyo hoti na pāpiyo;

ஓவதெ³ய்யானுஸாஸெய்ய, அஸப்³பா⁴ ச நிவாரயே;

Ovadeyyānusāseyya, asabbhā ca nivāraye;

ஸதஞ்ஹி ஸோ பியோ ஹோதி, அஸதங் ஹோதி அப்பியோ’’தி.

Satañhi so piyo hoti, asataṃ hoti appiyo’’ti.

சுதி³தோ வசீபி⁴ ஸதிமாபி⁴னந்தே³, ஸப்³ரஹ்மசாரீஸு கி²லங் பபி⁴ந்தே³தி. ஸப்³ரஹ்மசாரீதி ஏககம்மங் ஏகுத்³தே³ஸோ ஸமஸிக்க²தா. ஸப்³ரஹ்மசாரீஸு கி²லங் பபி⁴ந்தே³தி. ஸப்³ரஹ்மசாரீஸு ஆஹதசித்ததங் கி²லஜாததங் பபி⁴ந்தெ³ய்ய , பஞ்சபி சேதோகி²லே பி⁴ந்தெ³ய்ய, தயோபி சேதோகி²லே பி⁴ந்தெ³ய்ய, ராக³கி²லங் தோ³ஸகி²லங் மோஹகி²லங் பி⁴ந்தெ³ய்ய பபி⁴ந்தெ³ய்ய ஸம்பி⁴ந்தெ³ய்யாதி – ஸப்³ரஹ்மசாரீஸு கி²லங் பபி⁴ந்தே³.

Cudito vacībhi satimābhinande, sabrahmacārīsu khilaṃ pabhindeti. Sabrahmacārīti ekakammaṃ ekuddeso samasikkhatā. Sabrahmacārīsu khilaṃ pabhindeti. Sabrahmacārīsu āhatacittataṃ khilajātataṃ pabhindeyya , pañcapi cetokhile bhindeyya, tayopi cetokhile bhindeyya, rāgakhilaṃ dosakhilaṃ mohakhilaṃ bhindeyya pabhindeyya sambhindeyyāti – sabrahmacārīsu khilaṃ pabhinde.

வாசங் பமுஞ்சே குஸலங் நாதிவேலந்தி. ஞாணஸமுட்டி²தங் வாசங் முஞ்செய்ய, அத்தூ²பஸங்ஹிதங் த⁴ம்மூபஸங்ஹிதங் காலேன ஸாபதே³ஸங் பரியந்தவதிங் வாசங் முஞ்செய்ய பமுஞ்செய்யாதி – வாசங் பமுஞ்சே குஸலங். நாதிவேலந்தி. வேலாதி த்³வே வேலா – காலவேலா ச ஸீலவேலா ச. கதமா காலவேலா? காலாதிக்கந்தங் வாசங் ந பா⁴ஸெய்ய, வேலாதிக்கந்தங் வாசங் ந பா⁴ஸெய்ய, காலவேலாதிக்கந்தங் வாசங் ந பா⁴ஸெய்ய, காலங் அஸம்பத்தங் வாசங் ந பா⁴ஸெய்ய, வேலங் அஸம்பத்தங் வாசங் ந பா⁴ஸெய்ய, காலவேலங் அஸம்பத்தங் வாசங் ந பா⁴ஸெய்ய.

Vācaṃpamuñce kusalaṃ nātivelanti. Ñāṇasamuṭṭhitaṃ vācaṃ muñceyya, atthūpasaṃhitaṃ dhammūpasaṃhitaṃ kālena sāpadesaṃ pariyantavatiṃ vācaṃ muñceyya pamuñceyyāti – vācaṃ pamuñce kusalaṃ. Nātivelanti. Velāti dve velā – kālavelā ca sīlavelā ca. Katamā kālavelā? Kālātikkantaṃ vācaṃ na bhāseyya, velātikkantaṃ vācaṃ na bhāseyya, kālavelātikkantaṃ vācaṃ na bhāseyya, kālaṃ asampattaṃ vācaṃ na bhāseyya, velaṃ asampattaṃ vācaṃ na bhāseyya, kālavelaṃ asampattaṃ vācaṃ na bhāseyya.

‘‘யோ வே ¹²⁷ காலே அஸம்பத்தே, அதிவேலஞ்ச பா⁴ஸதி;

‘‘Yo ve ¹²⁸ kāle asampatte, ativelañca bhāsati;

ஏவங் ஸோ நிஹதோ ஸேதி, கோகிலாயேவ ¹²⁹ அத்ரஜோ’’தி.

Evaṃ so nihato seti, kokilāyeva ¹³⁰ atrajo’’ti.

அயங் காலவேலா. கதமா ஸீலவேலா? ரத்தோ வாசங் ந பா⁴ஸெய்ய, து³ட்டோ² வாசங் ந பா⁴ஸெய்ய, மூள்ஹோ வாசங் ந பா⁴ஸெய்ய, முஸாவாத³ங் ந பா⁴ஸெய்ய, பிஸுணவாசங் ந பா⁴ஸெய்ய, ப²ருஸவாசங் ந பா⁴ஸெய்ய, ஸம்ப²ப்பலாபங் ந பா⁴ஸெய்ய ந கதெ²ய்ய ந ப⁴ணெய்ய ந தீ³பயெய்ய ந வோஹரெய்ய. அயங் ஸீலவேலாதி – வாசங் பமுஞ்சே குஸலங் நாதிவேலங்.

Ayaṃ kālavelā. Katamā sīlavelā? Ratto vācaṃ na bhāseyya, duṭṭho vācaṃ na bhāseyya, mūḷho vācaṃ na bhāseyya, musāvādaṃ na bhāseyya, pisuṇavācaṃ na bhāseyya, pharusavācaṃ na bhāseyya, samphappalāpaṃ na bhāseyya na katheyya na bhaṇeyya na dīpayeyya na vohareyya. Ayaṃ sīlavelāti – vācaṃ pamuñce kusalaṃ nātivelaṃ.

ஜனவாத³த⁴ம்மாய ந சேதயெய்யாதி. ஜனாதி க²த்தியா ச ப்³ராஹ்மணா ச வெஸ்ஸா ச ஸுத்³தா³ ச க³ஹட்டா² ச பப்³ப³ஜிதா ச தே³வா ச மனுஸ்ஸா ச. ஜனஸ்ஸ வாதா³ய உபவாதா³ய நிந்தா³ய க³ரஹாய அகித்தியா அவண்ணஹாரிகாய ஸீலவிபத்தியா வா ஆசாரவிபத்தியா வா தி³ட்டி²விபத்தியா வா ஆஜீவவிபத்தியா வா ந சேதயெய்ய சேதனங் ந உப்பாதெ³ய்ய சித்தங் ந உப்பாதெ³ய்ய ஸங்கப்பங் ந உப்பாதெ³ய்ய மனஸிகாரங் ந உப்பாதெ³ய்யாதி – ஜனவாத³த⁴ம்மாய ந சேதயெய்ய.

Janavādadhammāya na cetayeyyāti. Janāti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca. Janassa vādāya upavādāya nindāya garahāya akittiyā avaṇṇahārikāya sīlavipattiyā vā ācāravipattiyā vā diṭṭhivipattiyā vā ājīvavipattiyā vā na cetayeyya cetanaṃ na uppādeyya cittaṃ na uppādeyya saṅkappaṃ na uppādeyya manasikāraṃ na uppādeyyāti – janavādadhammāya na cetayeyya.

தேனாஹ ப⁴க³வா –

Tenāha bhagavā –

‘‘சுதி³தோ வசீபி⁴ ஸதிமாபி⁴னந்தே³, ஸப்³ரஹ்மசாரீஸு கி²லங் பபி⁴ந்தே³;

‘‘Cudito vacībhi satimābhinande, sabrahmacārīsu khilaṃ pabhinde;

வாசங் பமுஞ்சே குஸலங் நாதிவேலங், ஜனவாத³த⁴ம்மாய ந சேதயெய்யா’’தி.

Vācaṃ pamuñce kusalaṃ nātivelaṃ, janavādadhammāya na cetayeyyā’’ti.

209.

அதா²பரங் பஞ்ச ரஜானி லோகே, யேஸங் ஸதீமா வினயாய ஸிக்கே²;

Athāparaṃ pañca rajāni loke, yesaṃ satīmā vinayāya sikkhe;

ரூபேஸு ஸத்³தே³ஸு அதோ² ரஸேஸு, க³ந்தே⁴ஸு ப²ஸ்ஸேஸு ஸஹேத² ராக³ங்.

Rūpesu saddesu atho rasesu, gandhesu phassesu sahetha rāgaṃ.

அதா²பரங் பஞ்ச ரஜானி லோகேதி. அதா²தி பத³ஸந்தி⁴ பத³ஸங்ஸக்³கோ³ பத³பாரிபூரீ அக்க²ரஸமவாயோ ப்³யஞ்ஜனஸிலிட்ட²தா பதா³னுபுப்³ப³தாபேதங் – அதா²தி. பஞ்ச ரஜானீதி ரூபரஜோ, ஸத்³த³ரஜோ, க³ந்த⁴ரஜோ, ரஸரஜோ, பொ²ட்ட²ப்³ப³ரஜோ.

Athāparaṃpañca rajāni loketi. Athāti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ – athāti. Pañca rajānīti rūparajo, saddarajo, gandharajo, rasarajo, phoṭṭhabbarajo.

‘‘ராகோ³ ரஜோ ந ச பன ரேணு வுச்சதி, ராக³ஸ்ஸேதங் அதி⁴வசனங் ரஜோதி;

‘‘Rāgo rajo na ca pana reṇu vuccati, rāgassetaṃ adhivacanaṃ rajoti;

ஏதங் ரஜங் விப்பஜஹித்வா ¹³¹ பண்டி³தா, விஹரந்தி தே விக³தரஜஸ்ஸ ஸாஸனே.

Etaṃ rajaṃ vippajahitvā ¹³² paṇḍitā, viharanti te vigatarajassa sāsane.

‘‘தோ³ஸோ ரஜோ ந ச பன ரேணு வுச்சதி…பே॰…;

‘‘Doso rajo na ca pana reṇu vuccati…pe…;

விஹரந்தி தே விக³தரஜஸ்ஸ ஸாஸனே.

Viharanti te vigatarajassa sāsane.

‘‘மோஹோ ரஜோ ந ச பன ரேணு வுச்சதி…பே॰…;

‘‘Moho rajo na ca pana reṇu vuccati…pe…;

விஹரந்தி தே விக³தரஜஸ்ஸ ஸாஸனே’’.

Viharanti te vigatarajassa sāsane’’.

லோகேதி அபாயலோகே மனுஸ்ஸலோகே தே³வலோகே க²ந்த⁴லோகே தா⁴துலோகே ஆயதனலோகேதி – அதா²பரங் பஞ்ச ரஜானி லோகே.

Loketi apāyaloke manussaloke devaloke khandhaloke dhātuloke āyatanaloketi – athāparaṃ pañca rajāni loke.

யேஸங் ஸதீமா வினயாய ஸிக்கே²தி. யேஸந்தி ரூபராக³ஸ்ஸ ஸத்³த³ராக³ஸ்ஸ க³ந்த⁴ராக³ஸ்ஸ ரஸராக³ஸ்ஸ பொ²ட்ட²ப்³ப³ராக³ஸ்ஸ. ஸதீமாதி யா ஸதி அனுஸ்ஸதி படிஸ்ஸதி ஸதி ஸரணதா தா⁴ரணதா அபிலாபனதா அஸம்முஸ்ஸனதா ஸதிந்த்³ரியங் ஸதிப³லங் ஸம்மாஸதி ஸதிஸம்பொ³ஜ்ஜ²ங்கோ³ ஏகாயனமக்³கோ³ – அயங் வுச்சதி ஸதி. இமாய ஸதியா உபேதோ ஸமுபேதோ உபக³தோ ஸமுபக³தோ உபபன்னோ ஸமுபபன்னோ ஸமன்னாக³தோ. ஸோ வுச்சதி ஸதிமா . ஸிக்கே²தி திஸ்ஸோ ஸிக்கா² – அதி⁴ஸீலஸிக்கா², அதி⁴சித்தஸிக்கா², அதி⁴பஞ்ஞாஸிக்கா². கதமா அதி⁴ஸீலஸிக்கா²…பே॰… அயங் அதி⁴பஞ்ஞாஸிக்கா². யேஸங் ஸதீமா வினயாய ஸிக்கே²தி. ஸதிமா புக்³க³லோ யேஸங் ரூபராக³ஸ்ஸ ஸத்³த³ராக³ஸ்ஸ க³ந்த⁴ராக³ஸ்ஸ ரஸராக³ஸ்ஸ பொ²ட்ட²ப்³ப³ராக³ஸ்ஸ வினயாய படிவினயாய பஹானாய வூபஸமாய படினிஸ்ஸக்³கா³ய படிபஸ்ஸத்³தி⁴யா அதி⁴ஸீலம்பி ஸிக்கெ²ய்ய அதி⁴சித்தம்பி ஸிக்கெ²ய்ய அதி⁴பஞ்ஞம்பி ஸிக்கெ²ய்ய, இமா திஸ்ஸோ ஸிக்கா²யோ ஆவஜ்ஜந்தோ ஸிக்கெ²ய்ய, ஜானந்தோ ஸிக்கெ²ய்ய…பே॰… ஸச்சி²காதப்³ப³ங் ஸச்சி²கரொந்தோ ஸிக்கெ²ய்ய ஆசரெய்ய ஸமாசரெய்ய ஸமாதா³ய வத்தெய்யாதி – யேஸங் ஸதீமா வினயாய ஸிக்கே².

Yesaṃ satīmā vinayāya sikkheti. Yesanti rūparāgassa saddarāgassa gandharāgassa rasarāgassa phoṭṭhabbarāgassa. Satīmāti yā sati anussati paṭissati sati saraṇatā dhāraṇatā apilāpanatā asammussanatā satindriyaṃ satibalaṃ sammāsati satisambojjhaṅgo ekāyanamaggo – ayaṃ vuccati sati. Imāya satiyā upeto samupeto upagato samupagato upapanno samupapanno samannāgato. So vuccati satimā . Sikkheti tisso sikkhā – adhisīlasikkhā, adhicittasikkhā, adhipaññāsikkhā. Katamā adhisīlasikkhā…pe… ayaṃ adhipaññāsikkhā. Yesaṃ satīmā vinayāya sikkheti. Satimā puggalo yesaṃ rūparāgassa saddarāgassa gandharāgassa rasarāgassa phoṭṭhabbarāgassa vinayāya paṭivinayāya pahānāya vūpasamāya paṭinissaggāya paṭipassaddhiyā adhisīlampi sikkheyya adhicittampi sikkheyya adhipaññampi sikkheyya, imā tisso sikkhāyo āvajjanto sikkheyya, jānanto sikkheyya…pe… sacchikātabbaṃ sacchikaronto sikkheyya ācareyya samācareyya samādāya vatteyyāti – yesaṃ satīmā vinayāya sikkhe.

ரூபேஸு ஸத்³தே³ஸு அதோ² ரஸேஸு, க³ந்தே⁴ஸு ப²ஸ்ஸேஸு ஸஹேத² ராக³ந்தி. ரூபேஸு ஸத்³தே³ஸு க³ந்தே⁴ஸு ரஸேஸு பொ²ட்ட²ப்³பே³ஸு ராக³ங் ஸஹெய்ய பரிஸஹெய்ய அபி⁴ப⁴வெய்ய அஜ்ஜொ²த்த²ரெய்ய பரியாதி³யெய்ய மத்³தெ³ய்யாதி – ரூபேஸு ஸத்³தே³ஸு அதோ² ரஸேஸு க³ந்தே⁴ஸு ப²ஸ்ஸேஸு ஸஹேத² ராக³ங்.

Rūpesusaddesu atho rasesu, gandhesu phassesu sahetha rāganti. Rūpesu saddesu gandhesu rasesu phoṭṭhabbesu rāgaṃ saheyya parisaheyya abhibhaveyya ajjhotthareyya pariyādiyeyya maddeyyāti – rūpesu saddesu atho rasesu gandhesu phassesu sahetha rāgaṃ.

தேனாஹ ப⁴க³வா –

Tenāha bhagavā –

‘‘அதா²பரங் பஞ்ச ரஜானி லோகே, யேஸங் ஸதீமா வினயாய ஸிக்கே²;

‘‘Athāparaṃ pañca rajāni loke, yesaṃ satīmā vinayāya sikkhe;

ரூபேஸு ஸத்³தே³ஸு அதோ² ரஸேஸு, க³ந்தே⁴ஸு ப²ஸ்ஸேஸு ஸஹேத² ராக³’’ந்தி.

Rūpesu saddesu atho rasesu, gandhesu phassesu sahetha rāga’’nti.

210.

ஏதேஸு த⁴ம்மேஸு வினெய்ய ச²ந்த³ங், பி⁴க்கு² ஸதிமா ஸுவிமுத்தசித்தோ;

Etesu dhammesu vineyya chandaṃ, bhikkhu satimā suvimuttacitto;

காலே ஸோ ஸம்மா த⁴ம்மங் பரிவீமங்ஸமானோ, ஏகோதி³பூ⁴தோ விஹனே தமங் ஸோ. [இதி ப⁴க³வா]

Kāle so sammā dhammaṃ parivīmaṃsamāno, ekodibhūto vihane tamaṃ so. [iti bhagavā]

ஏதேஸு த⁴ம்மேஸு வினெய்ய ச²ந்த³ந்தி. ஏதேஸூதி ரூபேஸு ஸத்³தே³ஸு க³ந்தே⁴ஸு ரஸேஸு பொ²ட்ட²ப்³பே³ஸு. ச²ந்தோ³தி யோ காமேஸு காமச்ச²ந்தோ³ காமராகோ³ காமனந்தீ³ காமதண்ஹா காமஸ்னேஹோ காமபரிளாஹோ காமமுச்சா² காமஜ்ஜோ²ஸானங் காமோகோ⁴ காமயோகோ³ காமுபாதா³னங்…பே॰… காமச்ச²ந்த³னீவரணங். ஏதேஸு த⁴ம்மேஸு வினெய்ய ச²ந்த³ந்தி. ஏதேஸு த⁴ம்மேஸு ச²ந்த³ங் வினெய்ய படிவினெய்ய பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்யாதி – ஏதேஸு த⁴ம்மேஸு வினெய்ய ச²ந்த³ங்.

Etesu dhammesu vineyya chandanti. Etesūti rūpesu saddesu gandhesu rasesu phoṭṭhabbesu. Chandoti yo kāmesu kāmacchando kāmarāgo kāmanandī kāmataṇhā kāmasneho kāmapariḷāho kāmamucchā kāmajjhosānaṃ kāmogho kāmayogo kāmupādānaṃ…pe… kāmacchandanīvaraṇaṃ. Etesu dhammesu vineyya chandanti. Etesu dhammesu chandaṃ vineyya paṭivineyya pajaheyya vinodeyya byantiṃ kareyya anabhāvaṃ gameyyāti – etesu dhammesu vineyya chandaṃ.

பி⁴க்கு² ஸதிமா ஸுவிமுத்தசித்தோதி. பி⁴க்கூ²தி புது²ஜ்ஜனகல்யாணகோ வா பி⁴க்கு², ஸேகோ² வா பி⁴க்கு². ஸதிமாதி யா ஸதி அனுஸ்ஸதி…பே॰… ஸம்மாஸதி ஸதிஸம்பொ³ஜ்ஜ²ங்கோ³ ஏகாயனமக்³கோ³ – அயங் வுச்சதி ஸதி. இமாய ஸதியா உபேதோ ஸமுபேதோ…பே॰… ஸோ வுச்சதி ஸதிமா.

Bhikkhu satimā suvimuttacittoti. Bhikkhūti puthujjanakalyāṇako vā bhikkhu, sekho vā bhikkhu. Satimāti yā sati anussati…pe… sammāsati satisambojjhaṅgo ekāyanamaggo – ayaṃ vuccati sati. Imāya satiyā upeto samupeto…pe… so vuccati satimā.

பி⁴க்கு² ஸதிமா ஸுவிமுத்தசித்தோதி. பட²மங் ஜா²னங் ஸமாபன்னஸ்ஸ நீவரணேஹி சித்தங் முத்தங் விமுத்தங் ஸுவிமுத்தங், து³தியங் ஜா²னங் ஸமாபன்னஸ்ஸ விதக்கவிசாரேஹி சித்தங் முத்தங் விமுத்தங் ஸுவிமுத்தங், ததியங் ஜா²னங் ஸமாபன்னஸ்ஸ பீதியா ச சித்தங் முத்தங் விமுத்தங் ஸுவிமுத்தங், சதுத்த²ங் ஜா²னங் ஸமாபன்னஸ்ஸ ஸுக²து³க்கே²ஹி சித்தங் முத்தங் விமுத்தங் ஸுவிமுத்தங்; ஆகாஸானஞ்சாயதனங் ஸமாபன்னஸ்ஸ ரூபஸஞ்ஞாய படிக⁴ஸஞ்ஞாய நானத்தஸஞ்ஞாய சித்தங் முத்தங் விமுத்தங் ஸுவிமுத்தங், விஞ்ஞாணஞ்சாயதனங் ஸமாபன்னஸ்ஸ ஆகாஸானஞ்சாயதனஸஞ்ஞாய சித்தங்… ஆகிஞ்சஞ்ஞாயதனங் ஸமாபன்னஸ்ஸ விஞ்ஞாணஞ்சாயதனஸஞ்ஞாய சித்தங்… நேவஸஞ்ஞானாஸஞ்ஞாயதனங் ஸமாபன்னஸ்ஸ ஆகிஞ்சஞ்ஞாயதனஸஞ்ஞாய சித்தங் முத்தங் விமுத்தங் ஸுவிமுத்தங்; ஸோதாபன்னஸ்ஸ ஸக்காயதி³ட்டி²யா விசிகிச்சா²ய ஸீலப்³ப³தபராமாஸா தி³ட்டா²னுஸயா விசிகிச்சா²னுஸயா ததே³கட்டே²ஹி ச கிலேஸேஹி சித்தங் முத்தங் விமுத்தங் ஸுவிமுத்தங், ஸகதா³கா³மிஸ்ஸ ஓளாரிகா காமராகா³னுஸயா படிகா⁴னுஸயா ததே³கட்டே²ஹி ச கிலேஸேஹி சித்தங் முத்தங் விமுத்தங் ஸுவிமுத்தங் , அனாகா³மிஸ்ஸ அனுஸஹக³தா காமராக³ஸஞ்ஞோஜனா படிக⁴ஸஞ்ஞோஜனா அனுஸஹக³தா காமராகா³னுஸயா படிகா⁴னுஸயா ததே³கட்டே²ஹி ச கிலேஸேஹி சித்தங் முத்தங் விமுத்தங் ஸுவிமுத்தங், அரஹதோ ரூபராகா³ அரூபராகா³ மானா உத்³த⁴ச்சா அவிஜ்ஜாய மானானுஸயா ப⁴வராகா³னுஸயா அவிஜ்ஜானுஸயா ததே³கட்டே²ஹி ச கிலேஸேஹி ப³ஹித்³தா⁴ ச ஸப்³ப³னிமித்தேஹி சித்தங் முத்தங் விமுத்தங் ஸுவிமுத்தந்தி – பி⁴க்கு² ஸதிமா ஸுவிமுத்தசித்தோ.

Bhikkhu satimā suvimuttacittoti. Paṭhamaṃ jhānaṃ samāpannassa nīvaraṇehi cittaṃ muttaṃ vimuttaṃ suvimuttaṃ, dutiyaṃ jhānaṃ samāpannassa vitakkavicārehi cittaṃ muttaṃ vimuttaṃ suvimuttaṃ, tatiyaṃ jhānaṃ samāpannassa pītiyā ca cittaṃ muttaṃ vimuttaṃ suvimuttaṃ, catutthaṃ jhānaṃ samāpannassa sukhadukkhehi cittaṃ muttaṃ vimuttaṃ suvimuttaṃ; ākāsānañcāyatanaṃ samāpannassa rūpasaññāya paṭighasaññāya nānattasaññāya cittaṃ muttaṃ vimuttaṃ suvimuttaṃ, viññāṇañcāyatanaṃ samāpannassa ākāsānañcāyatanasaññāya cittaṃ… ākiñcaññāyatanaṃ samāpannassa viññāṇañcāyatanasaññāya cittaṃ… nevasaññānāsaññāyatanaṃ samāpannassa ākiñcaññāyatanasaññāya cittaṃ muttaṃ vimuttaṃ suvimuttaṃ; sotāpannassa sakkāyadiṭṭhiyā vicikicchāya sīlabbataparāmāsā diṭṭhānusayā vicikicchānusayā tadekaṭṭhehi ca kilesehi cittaṃ muttaṃ vimuttaṃ suvimuttaṃ, sakadāgāmissa oḷārikā kāmarāgānusayā paṭighānusayā tadekaṭṭhehi ca kilesehi cittaṃ muttaṃ vimuttaṃ suvimuttaṃ , anāgāmissa anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā tadekaṭṭhehi ca kilesehi cittaṃ muttaṃ vimuttaṃ suvimuttaṃ, arahato rūparāgā arūparāgā mānā uddhaccā avijjāya mānānusayā bhavarāgānusayā avijjānusayā tadekaṭṭhehi ca kilesehi bahiddhā ca sabbanimittehi cittaṃ muttaṃ vimuttaṃ suvimuttanti – bhikkhu satimā suvimuttacitto.

காலேன ஸோ ஸம்மா த⁴ம்மங் பரிவீமங்ஸமானோதி. காலேனாதி உத்³த⁴தே சித்தே ஸமத²ஸ்ஸ ¹³³ காலோ, ஸமாஹிதே சித்தே விபஸ்ஸனாய காலோ.

Kālena so sammā dhammaṃ parivīmaṃsamānoti. Kālenāti uddhate citte samathassa ¹³⁴ kālo, samāhite citte vipassanāya kālo.

‘‘காலே பக்³க³ண்ஹதி சித்தங், நிக்³க³ண்ஹதி புனாபரே ¹³⁵;

‘‘Kāle paggaṇhati cittaṃ, niggaṇhati punāpare ¹³⁶;

ஸம்பஹங்ஸதி காலேன, காலே சித்தங் ஸமாத³ஹே.

Sampahaṃsati kālena, kāle cittaṃ samādahe.

‘‘அஜ்ஜு²பெக்க²தி காலேன, ஸோ யோகீ³ காலகோவிதோ³;

‘‘Ajjhupekkhati kālena, so yogī kālakovido;

கிம்ஹி காலம்ஹி பக்³கா³ஹோ, கிம்ஹி காலே வினிக்³க³ஹோ.

Kimhi kālamhi paggāho, kimhi kāle viniggaho.

‘‘கிம்ஹி பஹங்ஸனாகாலோ, ஸமத²காலோ ச கீதி³ஸோ;

‘‘Kimhi pahaṃsanākālo, samathakālo ca kīdiso;

உபெக்கா²காலங் சித்தஸ்ஸ, கத²ங் த³ஸ்ஸேதி யோகி³னோ.

Upekkhākālaṃ cittassa, kathaṃ dasseti yogino.

‘‘லீனே சித்தம்ஹி பக்³கா³ஹோ, உத்³த⁴தஸ்மிங் வினிக்³க³ஹோ;

‘‘Līne cittamhi paggāho, uddhatasmiṃ viniggaho;

நிரஸ்ஸாத³க³தங் சித்தங், ஸம்பஹங்ஸெய்ய தாவதே³.

Nirassādagataṃ cittaṃ, sampahaṃseyya tāvade.

‘‘ஸம்பஹட்ட²ங் யதா³ சித்தங், அலீனங் ப⁴வதினுத்³த⁴தங்;

‘‘Sampahaṭṭhaṃ yadā cittaṃ, alīnaṃ bhavatinuddhataṃ;

ஸமத²ஸ்ஸ ச ஸோ ¹³⁷ காலோ, அஜ்ஜ²த்தங் ரமயே மனோ.

Samathassa ca so ¹³⁸ kālo, ajjhattaṃ ramaye mano.

‘‘ஏதேன மேவுபாயேன, யதா³ ஹோதி ஸமாஹிதங்;

‘‘Etena mevupāyena, yadā hoti samāhitaṃ;

ஸமாஹிதசித்தமஞ்ஞாய, அஜ்ஜு²பெக்கெ²ய்ய தாவதே³.

Samāhitacittamaññāya, ajjhupekkheyya tāvade.

‘‘ஏவங் காலவிதூ³ தீ⁴ரோ, காலஞ்ஞூ காலகோவிதோ³;

‘‘Evaṃ kālavidū dhīro, kālaññū kālakovido;

காலேன காலங் சித்தஸ்ஸ, நிமித்தமுபலக்க²யே’’தி.

Kālena kālaṃ cittassa, nimittamupalakkhaye’’ti.

காலேன ஸோ ஸம்மா த⁴ம்மங் பரிவீமங்ஸமானோதி. ‘‘ஸப்³பே³ ஸங்கா²ரா அனிச்சா’’தி ஸம்மா த⁴ம்மங் பரிவீமங்ஸமானோ, ‘‘ஸப்³பே³ ஸங்கா²ரா து³க்கா²’’தி ஸம்மா த⁴ம்மங் பரிவீமங்ஸமானோ, ‘‘ஸப்³பே³ த⁴ம்மா அனத்தா’’தி ஸம்மா த⁴ம்மங் பரிவீமங்ஸமானோ…பே॰… ‘‘யங் கிஞ்சி ஸமுத³யத⁴ம்மங் ஸப்³ப³ங் தங் நிரோத⁴த⁴ம்ம’’ந்தி – ஸம்மா த⁴ம்மங் பரிவீமங்ஸமானோ.

Kālena so sammā dhammaṃ parivīmaṃsamānoti. ‘‘Sabbe saṅkhārā aniccā’’ti sammā dhammaṃ parivīmaṃsamāno, ‘‘sabbe saṅkhārā dukkhā’’ti sammā dhammaṃ parivīmaṃsamāno, ‘‘sabbe dhammā anattā’’ti sammā dhammaṃ parivīmaṃsamāno…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti – sammā dhammaṃ parivīmaṃsamāno.

ஏகோதி³பூ⁴தோ விஹனே தமங் ஸோ, இதி ப⁴க³வாதி. ஏகோதீ³தி ஏகக்³க³சித்தோ அவிக்கி²த்தசித்தோ அவிஸாஹடமானஸோ ஸமதோ² ஸமாதி⁴ந்த்³ரியங் ஸமாதி⁴ப³லங் ஸம்மாஸமாதீ⁴தி – ஏகோதி³பூ⁴தோ. விஹனே தமங் ஸோதி ராக³தமங் தோ³ஸதமங் மோஹதமங் தி³ட்டி²தமங் மானதமங் கிலேஸதமங் து³ச்சரிததமங் அந்த⁴கரணங் அசக்கு²கரணங் அஞ்ஞாணகரணங் பஞ்ஞானிரோதி⁴கங் விகா⁴தபக்கி²கங் அனிப்³பா³னஸங்வத்தனிகங் ஹனெய்ய விஹனெய்ய பஜஹெய்ய வினோதெ³ய்ய ப்³யந்திங் கரெய்ய அனபா⁴வங் க³மெய்ய.

Ekodibhūto vihane tamaṃ so, iti bhagavāti. Ekodīti ekaggacitto avikkhittacitto avisāhaṭamānaso samatho samādhindriyaṃ samādhibalaṃ sammāsamādhīti – ekodibhūto. Vihane tamaṃ soti rāgatamaṃ dosatamaṃ mohatamaṃ diṭṭhitamaṃ mānatamaṃ kilesatamaṃ duccaritatamaṃ andhakaraṇaṃ acakkhukaraṇaṃ aññāṇakaraṇaṃ paññānirodhikaṃ vighātapakkhikaṃ anibbānasaṃvattanikaṃ haneyya vihaneyya pajaheyya vinodeyya byantiṃ kareyya anabhāvaṃ gameyya.

ப⁴க³வாதி கா³ரவாதி⁴வசனங். அபி ச ப⁴க்³க³ராகோ³தி ப⁴க³வா, ப⁴க்³க³தோ³ஸோதி ப⁴க³வா, ப⁴க்³க³மோஹோதி ப⁴க³வா, ப⁴க்³க³மானோதி ப⁴க³வா, ப⁴க்³க³தி³ட்டீ²தி ப⁴க³வா, ப⁴க்³க³கண்ட³கோதி ப⁴க³வா, ப⁴க்³க³கிலேஸோதி ப⁴க³வா, ப⁴ஜி விப⁴ஜி பவிப⁴ஜி த⁴ம்மரதனந்தி ப⁴க³வா, ப⁴வானங் அந்தகரோதி ப⁴க³வா, பா⁴விதகாயோ பா⁴விதஸீலோ பா⁴விதசித்தோ பா⁴விதபஞ்ஞோதி ப⁴க³வா, ப⁴ஜி வா ப⁴க³வா அரஞ்ஞவனபத்தா²னி பந்தானி ஸேனாஸனானி அப்பஸத்³தா³னி அப்பனிக்³கோ⁴ஸானி விஜனவாதானி மனுஸ்ஸராஹஸ்ஸெய்யகானி படிஸல்லானஸாருப்பானீதி ப⁴க³வா, பா⁴கீ³ வா ப⁴க³வா சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானந்தி ப⁴க³வா, பா⁴கீ³ வா ப⁴க³வா அத்த²ரஸஸ்ஸ த⁴ம்மரஸஸ்ஸ விமுத்திரஸஸ்ஸ அதி⁴ஸீலஸ்ஸ அதி⁴சித்தஸ்ஸ அதி⁴பஞ்ஞாயாதி ப⁴க³வா, பா⁴கீ³ வா ப⁴க³வா சதுன்னங் ஜா²னானங் சதுன்னங் அப்பமஞ்ஞானங் சதுன்னங் அரூபஸமாபத்தீனந்தி ப⁴க³வா, பா⁴கீ³ வா ப⁴க³வா அட்ட²ன்னங் விமொக்கா²னங் அட்ட²ன்னங் அபி⁴பா⁴யதனானங் நவன்னங் அனுபுப்³ப³விஹாரஸமாபத்தீனந்தி ப⁴க³வா, பா⁴கீ³ வா ப⁴க³வா த³ஸன்னங் ஸஞ்ஞாபா⁴வனானங் த³ஸன்னங் கஸிணஸமாபத்தீனங் ஆனாபானஸ்ஸதிஸமாதி⁴ஸ்ஸ அஸுப⁴ஸமாபத்தியாதி ப⁴க³வா, பா⁴கீ³ வா ப⁴க³வா சதுன்னங் ஸதிபட்டா²னானங் சதுன்னங் ஸம்மப்பதா⁴னானங் சதுன்னங் இத்³தி⁴பாதா³னங் பஞ்சன்னங் இந்த்³ரியானங் பஞ்சன்னங் ப³லானங் ஸத்தன்னங் பொ³ஜ்ஜ²ங்கா³னங் அரியஸ்ஸ அட்ட²ங்கி³கஸ்ஸ மக்³க³ஸ்ஸாதி ப⁴க³வா, பா⁴கீ³ வா ப⁴க³வா த³ஸன்னங் ததா²க³தப³லானங் சதுன்னங் வேஸாரஜ்ஜானங் சதுன்னங் படிஸம்பி⁴தா³னங் ச²ன்னங் அபி⁴ஞ்ஞானங் ச²ன்னங் பு³த்³த⁴த⁴ம்மானந்தி ப⁴க³வா , ப⁴க³வாதி நேதங் நாமங் மாதரா கதங் ந பிதரா கதங் ந பா⁴தரா கதங் ந ப⁴கி³னியா கதங் ந மித்தாமச்சேஹி கதங் ந ஞாதிஸாலோஹிதேஹி கதங் ந ஸமணப்³ராஹ்மணேஹி கதங் ந தே³வதாஹி கதங்; விமொக்க²ந்திகமேதங் பு³த்³தா⁴னங் ப⁴க³வந்தானங் போ³தி⁴யா மூலே ஸஹ ஸப்³ப³ஞ்ஞுதஞாணஸ்ஸ படிலாபா⁴ ஸச்சி²கா பஞ்ஞத்தி யதி³த³ங் ப⁴க³வாதி – ஏகோதி³பூ⁴தோ விஹனே தமங் ஸோ இதி ப⁴க³வா.

Bhagavāti gāravādhivacanaṃ. Api ca bhaggarāgoti bhagavā, bhaggadosoti bhagavā, bhaggamohoti bhagavā, bhaggamānoti bhagavā, bhaggadiṭṭhīti bhagavā, bhaggakaṇḍakoti bhagavā, bhaggakilesoti bhagavā, bhaji vibhaji pavibhaji dhammaratananti bhagavā, bhavānaṃ antakaroti bhagavā, bhāvitakāyo bhāvitasīlo bhāvitacitto bhāvitapaññoti bhagavā, bhaji vā bhagavā araññavanapatthāni pantāni senāsanāni appasaddāni appanigghosāni vijanavātāni manussarāhasseyyakāni paṭisallānasāruppānīti bhagavā, bhāgī vā bhagavā cīvarapiṇḍapātasenāsanagilānapaccayabhesajjaparikkhārānanti bhagavā, bhāgī vā bhagavā attharasassa dhammarasassa vimuttirasassa adhisīlassa adhicittassa adhipaññāyāti bhagavā, bhāgī vā bhagavā catunnaṃ jhānānaṃ catunnaṃ appamaññānaṃ catunnaṃ arūpasamāpattīnanti bhagavā, bhāgī vā bhagavā aṭṭhannaṃ vimokkhānaṃ aṭṭhannaṃ abhibhāyatanānaṃ navannaṃ anupubbavihārasamāpattīnanti bhagavā, bhāgī vā bhagavā dasannaṃ saññābhāvanānaṃ dasannaṃ kasiṇasamāpattīnaṃ ānāpānassatisamādhissa asubhasamāpattiyāti bhagavā, bhāgī vā bhagavā catunnaṃ satipaṭṭhānānaṃ catunnaṃ sammappadhānānaṃ catunnaṃ iddhipādānaṃ pañcannaṃ indriyānaṃ pañcannaṃ balānaṃ sattannaṃ bojjhaṅgānaṃ ariyassa aṭṭhaṅgikassa maggassāti bhagavā, bhāgī vā bhagavā dasannaṃ tathāgatabalānaṃ catunnaṃ vesārajjānaṃ catunnaṃ paṭisambhidānaṃ channaṃ abhiññānaṃ channaṃ buddhadhammānanti bhagavā , bhagavāti netaṃ nāmaṃ mātarā kataṃ na pitarā kataṃ na bhātarā kataṃ na bhaginiyā kataṃ na mittāmaccehi kataṃ na ñātisālohitehi kataṃ na samaṇabrāhmaṇehi kataṃ na devatāhi kataṃ; vimokkhantikametaṃ buddhānaṃ bhagavantānaṃ bodhiyā mūle saha sabbaññutañāṇassa paṭilābhā sacchikā paññatti yadidaṃ bhagavāti – ekodibhūto vihane tamaṃ so iti bhagavā.

தேனாஹ ப⁴க³வா –

Tenāha bhagavā –

‘‘ஏதேஸு த⁴ம்மேஸு வினெய்ய ச²ந்த³ங், பி⁴க்கு² ஸதிமா ஸுவிமுத்தசித்தோ;

‘‘Etesu dhammesu vineyya chandaṃ, bhikkhu satimā suvimuttacitto;

காலேன ஸோ ஸம்மா த⁴ம்மங் பரிவீமங்ஸமானோ, ஏகோதி³பூ⁴தோ விஹனே தமங் ஸோ’’. [இதி ப⁴க³வாதி]

Kālena so sammā dhammaṃ parivīmaṃsamāno, ekodibhūto vihane tamaṃ so’’. [iti bhagavāti]

ஸாரிபுத்தஸுத்தனித்³தே³ஸோ ஸோளஸமோ.

Sāriputtasuttaniddeso soḷasamo.

அட்ட²கவக்³க³ம்ஹி ஸோளஸ ஸுத்தனித்³தே³ஸா ஸமத்தா.

Aṭṭhakavaggamhi soḷasa suttaniddesā samattā.

மஹானித்³தே³ஸபாளி நிட்டி²தா.

Mahāniddesapāḷi niṭṭhitā.

Footnotes:

1. வஸ்ஸங்வுட்டோ² (ஸ்யா॰)

2. vassaṃvuṭṭho (syā.)

3. கரவிகருத³மஞ்ஜுஸ்ஸரோ (ஸ்யா॰)

4. karavikarudamañjussaro (syā.)

5. க³ணொஸ்ஸ (ஸீ॰)

6. ஸம்பத்தோ (ஸ்யா॰ க॰)

7. gaṇossa (sī.)

8. sampatto (syā. ka.)

9. லோஹமாஸோவ (ஸ்யா॰)

10. lohamāsova (syā.)

11. அயங் கா³தா² ஸங்॰ நி॰ 1.122 தி³ஸ்ஸதி

12. ayaṃ gāthā saṃ. ni. 1.122 dissati

13. ப⁴டகித்திஸத்³த³ஸிலோகோ (ஸ்யா॰)

14. bhaṭakittisaddasiloko (syā.)

15. ரத்திகி²த்தா (ஸீ॰) த⁴॰ ப॰ 304

16. rattikhittā (sī.) dha. pa. 304

17. வீஸதிம்பி (ஸீ॰)

18. vīsatimpi (sī.)

19. அத்தி² த⁴ம்மங் ஜானிதப்³ப³ங் (க॰) மஹானி॰ 156

20. atthi dhammaṃ jānitabbaṃ (ka.) mahāni. 156

21. ஓலோகெந்தோ (ஸீ॰)

22. olokento (sī.)

23. ப⁴த்³தே³ன (ஸ்யா॰)

24. bhaddena (syā.)

25. இத்த²ங் பா⁴வஞ்ஞதா²பா⁴வங் (க॰) இதிவு॰ 15, 105

26. itthaṃ bhāvaññathābhāvaṃ (ka.) itivu. 15, 105

27. அதரிங்ஸு (ஸ்யா॰)

28. atariṃsu (syā.)

29. பத்தோ (ஸ்யா॰)

30. பரியாதி³கதங் (ஸ்யா॰)

31. patto (syā.)

32. pariyādikataṃ (syā.)

33. ப⁴க³வதோ (ஸ்யா॰)

34. bhagavato (syā.)

35. உக்கி²த்தபலிகோ⁴ (ஸ்யா॰ க॰) மஹானி॰ 6

36. ukkhittapaligho (syā. ka.) mahāni. 6

37. அதித்திகோ (ஸீ॰), இத்தி²கோ (ஸ்யா॰), புராபே⁴த³ஸுத்தனித்³தே³ஸே பாட²னானத்தங் நத்தி²

38. படிபா³ஹிரா (க॰)

39. படிக³ண்ஹதி (ஸீ॰)

40. atittiko (sī.), itthiko (syā.), purābhedasuttaniddese pāṭhanānattaṃ natthi

41. paṭibāhirā (ka.)

42. paṭigaṇhati (sī.)

43. த⁴ம்மகரகங் (ஸீ॰ ஸ்யா॰) அபி⁴தா⁴னப்பதீ³பிகாபி⁴னவனிஸ்ஸயங் ஓலோகேதப்³ப³ங்

44. dhammakarakaṃ (sī. syā.) abhidhānappadīpikābhinavanissayaṃ oloketabbaṃ

45. ஸங்க⁴க³ணஸ்ஸ க³ணீ (ஸீ॰)

46. ஸம்பத்தங் (ப³ஹூஸு)

47. saṃghagaṇassa gaṇī (sī.)

48. sampattaṃ (bahūsu)

49. அத்தி²காம்ஹ ஆக³தா (ஸீ॰ க॰) ஏவமீதி³ஸேஸு த்³வீஸு பதே³ஸுபி ப³ஹுவசனேன

50. பயிருபாஸனா (ஸ்யா॰ க॰)

51. இமானி தீணி பதா³னி நத்தி² ஸ்யா॰ பொத்த²கே

52. atthikāmha āgatā (sī. ka.) evamīdisesu dvīsu padesupi bahuvacanena

53. payirupāsanā (syā. ka.)

54. imāni tīṇi padāni natthi syā. potthake

55. மானுஸகேன (ஸீ॰ ஸ்யா॰) மஹானி॰ 171

56. mānusakena (sī. syā.) mahāni. 171

57. பலாஸஸந்தா²ரோ (ஸீ॰ ஸ்யா॰)

58. palāsasanthāro (sī. syā.)

59. கீ³வந்தோ (ஸ்யா॰) மொக்³க³ல்லானப்³யாகரணங் ஓலோகேதப்³ப³ங்

60. gīvanto (syā.) moggallānabyākaraṇaṃ oloketabbaṃ

61. குவந்தோ (ஸீ॰), கீ³வந்தோ (ஸ்யா॰)

62. kuvanto (sī.), gīvanto (syā.)

63. அந்த⁴தமங் (ஸ்யா॰ க॰) மஹானி॰ 156; இதிவு॰ 88

64. andhatamaṃ (syā. ka.) mahāni. 156; itivu. 88

65. பத்த²யமானோ (ஸ்யா॰)

66. patthayamāno (syā.)

67. தூ²லகுமாரீகோ³சரோ (ஸ்யா॰ க॰)

68. thūlakumārīgocaro (syā. ka.)

69. உல்லோகெந்தோ (ஸீ॰ க॰) மஹானி॰ 157 நத்தி² பாட²னானத்தங்

70. ullokento (sī. ka.) mahāni. 157 natthi pāṭhanānattaṃ

71. ந நிக்க²மிங் (ஸ்யா॰) மஹானி॰ 17

72. na nikkhamiṃ (syā.) mahāni. 17

73. கீதி³ஸாய (ஸீ॰), ஈதி³ஸாய (ஸ்யா॰)

74. kīdisāya (sī.), īdisāya (syā.)

75. அட்டியமானஸ்ஸ (ஸ்யா॰ க॰)

76. aṭṭiyamānassa (syā. ka.)

77. படிப⁴ஜி (ஸீ॰ ஸ்யா॰) மஹானி॰ 50 நத்தி² பாட²னானத்தங்

78. paṭibhaji (sī. syā.) mahāni. 50 natthi pāṭhanānattaṃ

79. ஸிரிங்ஸபானங் (ஸீ॰ க॰)

80. siriṃsapānaṃ (sī. ka.)

81. ப⁴த்³தே³கரத்திவிஹாரங் (ஸீ॰ க॰)

82. bhaddekarattivihāraṃ (sī. ka.)

83. அதுண்ஹங் (ஸீ॰ க॰)

84. atuṇhaṃ (sī. ka.)

85. அப்³ப⁴ந்தரதா⁴துஸங்கோபவஸேன (ஸ்யா॰)

86. திப்பானங் (ஸீ॰ ஸ்யா॰)

87. abbhantaradhātusaṅkopavasena (syā.)

88. tippānaṃ (sī. syā.)

89. அனுத்³த³யா (ஸீ॰) ஏவமீதி³ஸேஸு த்³வீஸு பதே³ஸுபி த்³விபா⁴வவஸேன. அனுதா³ அனுதா³யனா அனுதா³யிதத்தங் (ஸ்யா॰ க॰)

90. அப்³யாபஜ்ஜோ² (ஸ்யா॰ க॰)

91. anuddayā (sī.) evamīdisesu dvīsu padesupi dvibhāvavasena. anudā anudāyanā anudāyitattaṃ (syā. ka.)

92. abyāpajjho (syā. ka.)

93. யஸ்ஸ (ஸ்யா॰) ஸுத்தமாலா ஓலோகேதப்³பா³

94. yassa (syā.) suttamālā oloketabbā

95. ஒக்கா²யனப³ஹுலோ (ப³ஹூஸு)

96. ஸமொக்கா²யனப³ஹுலோ (ஸீ॰ ஸ்யா॰)

97. okkhāyanabahulo (bahūsu)

98. samokkhāyanabahulo (sī. syā.)

99. பாமுஜ்ஜங் (ஸ்யா॰)

100. pāmujjaṃ (syā.)

101. அனபி⁴ரமனா (ப³ஹூஸு) விப⁴॰ 856

102. anabhiramanā (bahūsu) vibha. 856

103. குஹிங் வா (ஸீ॰), குவங் வா (ஸ்யா॰), குத² வா (க॰)

104. kuhiṃ vā (sī.), kuvaṃ vā (syā.), kutha vā (ka.)

105. அனிகேதஸாரீ (ஸ்யா॰)

106. aniketasārī (syā.)

107. ஆக³மனரத்திங் (ஸ்யா॰)

108. āgamanarattiṃ (syā.)

109. மாக³தா⁴ விஸங்க⁴சாரினோ (ஸ்யா॰)

110. māgadhā visaṅghacārino (syā.)

111. மத்தங் ஸோ ஜஞ்ஞா (ஸ்யா॰)

112. mattaṃ so jaññā (syā.)

113. தூ³ஸிதோபி (க॰)

114. dūsitopi (ka.)

115. குலானுத்³த³யாய (ஸீ॰ க॰)

116. kulānuddayāya (sī. ka.)

117. வெய்யாபா³தி⁴கானங் (ஸீ॰ ஸ்யா॰)

118. veyyābādhikānaṃ (sī. syā.)

119. குக்குச்சியூபச்சி²ந்தே³ (ஸ்யா॰)

120. kukkucciyūpacchinde (syā.)

121. பெக்க²மானோ (ப³ஹூஸு)

122. pekkhamāno (bahūsu)

123. ப³ஹுலிங் கரோதி (க॰)

124. bahuliṃ karoti (ka.)

125. நிதி⁴னங்வ (க॰) த⁴॰ ப॰ 76

126. nidhinaṃva (ka.) dha. pa. 76

127. ச (ஸ்யா॰)

128. ca (syā.)

129. கோகிலியாவ (ஸ்யா॰)

130. kokiliyāva (syā.)

131. படிவினோதி³த்வா (க॰)

132. paṭivinoditvā (ka.)

133. ஸமாதி⁴ஸ்ஸ (ஸீ॰)

134. samādhissa (sī.)

135. அதா²பரே (ஸ்யா॰)

136. athāpare (syā.)

137. ஸமத²னிமித்தஸ்ஸ ஸோ (ஸீ॰ க॰)

138. samathanimittassa so (sī. ka.)

Related texts:

அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / மஹானித்³தே³ஸ-அட்ட²கதா² • Mahāniddesa-aṭṭhakathā / 16. ஸாரிபுத்தஸுத்தனித்³தே³ஸவண்ணனா • 16. Sāriputtasuttaniddesavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact