| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
16. саарибуд̇д̇асуд̇д̇аван̣н̣анаа
16. Sāriputtasuttavaṇṇanā
962. на мз д̣̇идтод̇и саарибуд̇д̇асуд̇д̇ам̣, ‘‘т̇зрабан̃хасуд̇д̇а’’нд̇иби вужжад̇и. гаа уббад̇д̇и? имасса суд̇д̇асса уббад̇д̇и – рааж̇аг̇ахагасса сздтисса жанд̣̇анагхадигааяа бадилаабхам̣ аад̣̇им̣ гад̇ваа д̇ааяа жанд̣̇анагхадигааяа гад̇асса бад̇д̇асса аагаасз уссаабанам̣ ааяасмад̇о бин̣д̣олабхаарад̣̇вааж̇асса ид̣̇д̇хияаа бад̇д̇аг̇г̇ахан̣ам̣, д̇асмим̣ вад̇т̇усмим̣ саавагаанам̣ ид̣̇д̇хибадигкзбо, д̇ид̇т̇ияаанам̣ бхаг̇авад̇аа сад̣̇д̇хим̣ баадихаарияам̣ гад̇д̇угаамад̇аа, баадихаарияагаран̣ам̣, бхаг̇авад̇о саавад̇т̇иг̇аманам̣, д̇ид̇т̇ияаануб̣анд̇ханам̣, саавад̇т̇ияам̣ басзнад̣̇ино б̣уд̣̇д̇хуубаг̇аманам̣ ган̣д̣амб̣абаад̇убхааво, жад̇уннам̣ барисаанам̣ д̇ид̇т̇ияаж̇аяад̇т̇ам̣ баадихаарияагаран̣уссугганивааран̣ам̣, яамагабаадихаарияагаран̣ам̣, гад̇абаадихаарияасса бхаг̇авад̇о д̇аавад̇им̣сабхаванаг̇аманам̣, д̇ад̇т̇а д̇змаасам̣ д̇хаммад̣̇зсанаа, ааяасмад̇аа махаамог̇г̇аллаанад̇т̇зрзна яаажид̇асса д̣̇звалогад̇о сан̇гассанаг̇арз орохан̣анд̇и имаани вад̇т̇ууни анд̇аранд̇арз жа ж̇аад̇агаани вид̇т̇аарзд̇ваа яаава д̣̇асасахассажаггаваал̣ад̣̇звад̇аахи бууж̇ияамаано бхаг̇аваа маж̇жхз ман̣имаязна собаанзна сан̇гассанаг̇арз оруяха собаанагал̣зварз адтааси –
962.Name diṭṭhoti sāriputtasuttaṃ, ‘‘therapañhasutta’’ntipi vuccati. Kā uppatti? Imassa suttassa uppatti – rājagahakassa seṭṭhissa candanaghaṭikāya paṭilābhaṃ ādiṃ katvā tāya candanaghaṭikāya katassa pattassa ākāse ussāpanaṃ āyasmato piṇḍolabhāradvājassa iddhiyā pattaggahaṇaṃ, tasmiṃ vatthusmiṃ sāvakānaṃ iddhipaṭikkhepo, titthiyānaṃ bhagavatā saddhiṃ pāṭihāriyaṃ kattukāmatā, pāṭihāriyakaraṇaṃ, bhagavato sāvatthigamanaṃ, titthiyānubandhanaṃ, sāvatthiyaṃ pasenadino buddhūpagamanaṃ kaṇḍambapātubhāvo, catunnaṃ parisānaṃ titthiyajayatthaṃ pāṭihāriyakaraṇussukkanivāraṇaṃ, yamakapāṭihāriyakaraṇaṃ, katapāṭihāriyassa bhagavato tāvatiṃsabhavanagamanaṃ, tattha temāsaṃ dhammadesanā, āyasmatā mahāmoggallānattherena yācitassa devalokato saṅkassanagare orohaṇanti imāni vatthūni antarantare ca jātakāni vitthāretvā yāva dasasahassacakkavāḷadevatāhi pūjiyamāno bhagavā majjhe maṇimayena sopānena saṅkassanagare oruyha sopānakaḷevare aṭṭhāsi –
‘‘яз жхаанаббасуд̇аа д̇хийраа, нзгкаммуубасамз рад̇аа;
‘‘Ye jhānappasutā dhīrā, nekkhammūpasame ratā;
д̣̇звааби д̇зсам̣ бихаяанд̇и, самб̣уд̣̇д̇хаанам̣ сад̇иймад̇а’’нд̇и. (д̇ха. ба. 181) –
Devāpi tesaṃ pihayanti, sambuddhānaṃ satīmata’’nti. (dha. pa. 181) –
имиссаа д̇хаммабад̣̇аг̇аат̇ааяа вужжамаанааяа вуд̇д̇аа. собаанагал̣зварз тид̇ам̣ бана бхаг̇аванд̇ам̣ саб̣б̣абатамам̣ ааяасмаа саарибуд̇д̇о ванд̣̇и, д̇ад̇о уббалаван̣н̣аа бхигкуний, ат̇аабаро ж̇анагааяо. д̇ад̇ра бхаг̇аваа жинд̇зси – ‘‘имиссам̣ барисад̇и мог̇г̇аллаано ид̣̇д̇хияаа аг̇г̇од̇и баагадо, ануруд̣̇д̇хо д̣̇иб̣б̣ажагкунаа, бун̣н̣о д̇хаммагат̇игад̇д̇зна, саарибуд̇д̇ам̣ банааяам̣ барисаа на гзнажи г̇ун̣зна звам̣ аг̇г̇од̇и ж̇аанаад̇и, яам̣нуунаахам̣ саарибуд̇д̇ам̣ бан̃н̃ааг̇ун̣зна багаасзяяа’’нд̇и. ат̇а т̇зрам̣ бан̃хам̣ бужчи. т̇зро бхаг̇авад̇аа бужчид̇ам̣ бужчид̇ам̣ бут̇уж̇ж̇анабан̃хам̣, сзгкабан̃хам̣, асзгкабан̃хан̃жа, саб̣б̣ам̣ виссаж̇ж̇зси. д̇ад̣̇аа нам̣ ж̇ано ‘‘бан̃н̃ааяа аг̇г̇о’’д̇и ан̃н̃ааси . ат̇а бхаг̇аваа ‘‘саарибуд̇д̇о на ид̣̇аанзва бан̃н̃ааяа аг̇г̇о, ад̇ийд̇зби бан̃н̃ааяа аг̇г̇о’’д̇и ж̇аад̇агам̣ аанзси.
Imissā dhammapadagāthāya vuccamānāya vuttā. Sopānakaḷevare ṭhitaṃ pana bhagavantaṃ sabbapaṭhamaṃ āyasmā sāriputto vandi, tato uppalavaṇṇā bhikkhunī, athāparo janakāyo. Tatra bhagavā cintesi – ‘‘imissaṃ parisati moggallāno iddhiyā aggoti pākaṭo, anuruddho dibbacakkhunā, puṇṇo dhammakathikattena, sāriputtaṃ panāyaṃ parisā na kenaci guṇena evaṃ aggoti jānāti, yaṃnūnāhaṃ sāriputtaṃ paññāguṇena pakāseyya’’nti. Atha theraṃ pañhaṃ pucchi. Thero bhagavatā pucchitaṃ pucchitaṃ puthujjanapañhaṃ, sekkhapañhaṃ, asekkhapañhañca, sabbaṃ vissajjesi. Tadā naṃ jano ‘‘paññāya aggo’’ti aññāsi . Atha bhagavā ‘‘sāriputto na idāneva paññāya aggo, atītepi paññāya aggo’’ti jātakaṃ ānesi.
ад̇ийд̇з баросахассаа исаяо ванамуулапалаахаараа баб̣б̣ад̇абаад̣̇з васанд̇и. д̇зсам̣ аажарияасса ааб̣аад̇хо уббаж̇ж̇и, убадтаанаани вад̇д̇анд̇и. ж̇здтанд̇зваасий ‘‘саббааяабхзсаж̇ж̇ам̣ аахариссаами, аажарияам̣ аббамад̇д̇аа убадтахат̇аа’’д̇и вад̇ваа мануссабат̇ам̣ аг̇амааси. д̇асмим̣ анааг̇ад̇зязва аажарияо гааламагааси. д̇ам̣ ‘‘ид̣̇аани гаалам̣ гариссад̇ий’’д̇и анд̇зваасигаа самаабад̇д̇имаараб̣бха бужчим̣су. со аагин̃жан̃н̃ааяад̇анасамаабад̇д̇им̣ санд̇хааяааха – ‘‘над̇т̇и гин̃жий’’д̇и, анд̇зваасино ‘‘над̇т̇и аажарияасса ад̇хиг̇амо’’д̇и аг̇г̇ахзсум̣. ат̇а ж̇здтанд̇зваасий бхзсаж̇ж̇ам̣ аад̣̇ааяа ааг̇анд̇ваа д̇ам̣ гаалагад̇ам̣ д̣̇исваа аажарияам̣ ‘‘гин̃жи бужчид̇т̇аа’’д̇и ааха. аама бужчимхаа, ‘‘над̇т̇и гин̃жий’’д̇и ааха, на гин̃жи аажариязна ад̇хиг̇ад̇анд̇и. над̇т̇и гин̃жийд̇и вад̣̇анд̇о аажарияо аагин̃жан̃н̃ааяад̇анам̣ бавзд̣̇зси, саггаад̇аб̣б̣о аажарияод̇и.
Atīte parosahassā isayo vanamūlaphalāhārā pabbatapāde vasanti. Tesaṃ ācariyassa ābādho uppajji, upaṭṭhānāni vattanti. Jeṭṭhantevāsī ‘‘sappāyabhesajjaṃ āharissāmi, ācariyaṃ appamattā upaṭṭhahathā’’ti vatvā manussapathaṃ agamāsi. Tasmiṃ anāgateyeva ācariyo kālamakāsi. Taṃ ‘‘idāni kālaṃ karissatī’’ti antevāsikā samāpattimārabbha pucchiṃsu. So ākiñcaññāyatanasamāpattiṃ sandhāyāha – ‘‘natthi kiñcī’’ti, antevāsino ‘‘natthi ācariyassa adhigamo’’ti aggahesuṃ. Atha jeṭṭhantevāsī bhesajjaṃ ādāya āgantvā taṃ kālakataṃ disvā ācariyaṃ ‘‘kiñci pucchitthā’’ti āha. Āma pucchimhā, ‘‘natthi kiñcī’’ti āha, na kiñci ācariyena adhigatanti. Natthi kiñcīti vadanto ācariyo ākiñcaññāyatanaṃ pavedesi, sakkātabbo ācariyoti.
‘‘баросахассамби самааг̇ад̇аанам̣,
‘‘Parosahassampi samāgatānaṃ,
ганд̣̇зяяум̣ д̇з вассасад̇ам̣ абан̃н̃аа;
Kandeyyuṃ te vassasataṃ apaññā;
згоби сзяяо бурисо сабан̃н̃о,
Ekopi seyyo puriso sapañño,
яо бхаасид̇асса виж̇аанаад̇и ад̇т̇а’’нд̇и. (ж̇аа. 1.1.99);
Yo bhāsitassa vijānāti attha’’nti. (jā. 1.1.99);
гат̇ид̇з жа бана бхаг̇авад̇аа ж̇аад̇агз ааяасмаа саарибуд̇д̇о ад̇д̇ано сад̣̇д̇хивихааригаанам̣ бан̃жаннам̣ бхигкусад̇аанамад̇т̇ааяа саббааяасзнаасанаг̇ожарасийлавад̇аад̣̇ийни бужчид̇ум̣ ‘‘на мз д̣̇идто ид̇о буб̣б̣з’’д̇и имам̣ т̇уд̇иг̇аат̇ам̣ аад̣̇им̣ гад̇ваа адта г̇аат̇ааяо абхааси. д̇амад̇т̇ам̣ виссаж̇ж̇знд̇о бхаг̇аваа д̇ад̇о бараа сзсаг̇аат̇аад̇и.
Kathite ca pana bhagavatā jātake āyasmā sāriputto attano saddhivihārikānaṃ pañcannaṃ bhikkhusatānamatthāya sappāyasenāsanagocarasīlavatādīni pucchituṃ ‘‘na me diṭṭho ito pubbe’’ti imaṃ thutigāthaṃ ādiṃ katvā aṭṭha gāthāyo abhāsi. Tamatthaṃ vissajjento bhagavā tato parā sesagāthāti.
д̇ад̇т̇а ид̇о буб̣б̣зд̇и ид̇о сан̇гассанаг̇арз од̇аран̣ад̇о буб̣б̣з. ваг̇г̇увад̣̇од̇и сунд̣̇аравад̣̇о. д̇усид̇аа г̇ан̣имааг̇ад̇од̇и д̇усид̇агааяаа жавид̇ваа маад̇угужчим̣ ааг̇ад̇ад̇д̇аа д̇усид̇аа ааг̇ад̇о, г̇ан̣аажарияад̇д̇аа г̇ан̣ий. санд̇удтадтзна ваа д̇усид̇асан̇каад̇аа д̣̇звалогаа г̇ан̣им̣ ааг̇ад̇о д̇усид̇аанам̣ ваа араханд̇аанам̣ г̇ан̣им̣ ааг̇ад̇од̇и.
Tattha ito pubbeti ito saṅkassanagare otaraṇato pubbe. Vagguvadoti sundaravado. Tusitā gaṇimāgatoti tusitakāyā cavitvā mātukucchiṃ āgatattā tusitā āgato, gaṇācariyattā gaṇī. Santuṭṭhaṭṭhena vā tusitasaṅkhātā devalokā gaṇiṃ āgato tusitānaṃ vā arahantānaṃ gaṇiṃ āgatoti.
963. д̣̇уд̇ияаг̇аат̇ааяа сад̣̇звагасса логасса яат̇аа д̣̇иссад̇ийд̇и сад̣̇звагасса логасса вияа мануссаанамби д̣̇иссад̇и. яат̇аа ваа д̣̇иссад̇ийд̇и д̇ажчад̇о авибарийд̇ад̇о д̣̇иссад̇и жагкумаад̇и уд̇д̇амажагку. згод̇и баб̣б̣аж̇ж̇аасан̇каад̇аад̣̇ийхи зго. рад̇инд̇и нзгкаммарад̇иаад̣̇им̣.
963. Dutiyagāthāya sadevakassa lokassa yathā dissatīti sadevakassa lokassa viya manussānampi dissati. Yathā vā dissatīti tacchato aviparītato dissati cakkhumāti uttamacakkhu. Ekoti pabbajjāsaṅkhātādīhi eko. Ratinti nekkhammaratiādiṃ.
964. д̇ад̇ияаг̇аат̇ааяа б̣ахуунамид̇ха б̣ад̣̇д̇хаананд̇и ид̇ха б̣ахуунам̣ кад̇д̇ияаад̣̇ийнам̣ сиссаанам̣. сиссаа хи аажарияз бадиб̣ад̣̇д̇хавуд̇д̇ид̇д̇аа ‘‘б̣ад̣̇д̇хаа’’д̇и вужжанд̇и ад̇т̇и бан̃хзна ааг̇аманд̇и ад̇т̇иго бан̃хзна ааг̇ад̇омхи, ад̇т̇игаанам̣ ваа бан̃хзна ааг̇аманам̣, бан̃хзна ад̇т̇и ааг̇аманам̣ ваад̇и.
964. Tatiyagāthāya bahūnamidha baddhānanti idha bahūnaṃ khattiyādīnaṃ sissānaṃ. Sissā hi ācariye paṭibaddhavuttittā ‘‘baddhā’’ti vuccanti atthi pañhena āgamanti atthiko pañhena āgatomhi, atthikānaṃ vā pañhena āgamanaṃ, pañhena atthi āgamanaṃ vāti.
965. жад̇уд̇т̇аг̇аат̇ааяа виж̇иг̇ужчад̇од̇и ж̇аад̇иаад̣̇ийхи аддийяад̇о рид̇д̇амаасананд̇и вивид̇д̇ам̣ ман̃жабийтам̣. баб̣б̣ад̇аанам̣ г̇ухаасу ваад̇и баб̣б̣ад̇аг̇ухаасу ваа рид̇д̇амаасанам̣ бхаж̇ад̇од̇и самб̣анд̇хид̇аб̣б̣ам̣.
965. Catutthagāthāya vijigucchatoti jātiādīhi aṭṭīyato rittamāsananti vivittaṃ mañcapīṭhaṃ. Pabbatānaṃ guhāsu vāti pabbataguhāsu vā rittamāsanaṃ bhajatoti sambandhitabbaṃ.
966. бан̃жамаг̇аат̇ааяа ужжааважзсууд̇и хийнабан̣ийд̇зсу. саяанзсууд̇и вихаараад̣̇ийсу сзнаасанзсу. гийванд̇о д̇ад̇т̇а бхзраваад̇и гид̇д̇агаа д̇ад̇т̇а бхаяагааран̣аа. ‘‘гуванд̇о’’д̇иби баато, гууж̇анд̇од̇и жасса ад̇т̇о. на бана буб̣б̣знаабарам̣ санд̇хияад̇и.
966. Pañcamagāthāya uccāvacesūti hīnapaṇītesu. Sayanesūti vihārādīsu senāsanesu. Kīvanto tattha bheravāti kittakā tattha bhayakāraṇā. ‘‘Kuvanto’’tipi pāṭho, kūjantoti cassa attho. Na pana pubbenāparaṃ sandhiyati.
967. чадтаг̇аат̇ааяа гад̇ий бариссаяаад̇и гид̇д̇агаа убад̣̇д̣̇аваа. аг̇ад̇ам̣ д̣̇исанд̇и ниб̣б̣аанам̣. д̇ан̃хи аг̇ад̇абуб̣б̣ад̇д̇аа аг̇ад̇ам̣ д̇ат̇аа нид̣̇д̣̇исид̇аб̣б̣ад̇о д̣̇исаа жаад̇и . д̇зна вуд̇д̇ам̣ ‘‘аг̇ад̇ам̣ д̣̇иса’’нд̇и. абхисамбхавзд̇и абхибхавзяяа. банд̇амхийд̇и барияанд̇з.
967. Chaṭṭhagāthāya katī parissayāti kittakā upaddavā. Agataṃ disanti nibbānaṃ. Tañhi agatapubbattā agataṃ tathā niddisitabbato disā cāti . Tena vuttaṃ ‘‘agataṃ disa’’nti. Abhisambhaveti abhibhaveyya. Pantamhīti pariyante.
968-9. сад̇д̇амаг̇аат̇ааяа гяаасса б̣яаббат̇аяо ассууд̇и гийд̣̇исаани д̇асса важанаани ассу. адтамаг̇аат̇ааяа згод̣̇и нибагод̇и згаг̇г̇ажид̇д̇о бан̣д̣ид̇о.
968-9. Sattamagāthāya kyāssa byappathayo assūti kīdisāni tassa vacanāni assu. Aṭṭhamagāthāya ekodi nipakoti ekaggacitto paṇḍito.
970. звам̣ ааяасмад̇аа саарибуд̇д̇зна д̇ийхи г̇аат̇аахи бхаг̇аванд̇ам̣ т̇омзд̇ваа бан̃жахи г̇аат̇аахи – бан̃жасад̇аанам̣ сиссаанамад̇т̇ааяа сзнаасанаг̇ожарасийлавад̇аад̣̇ийни бужчид̇о бхаг̇аваа д̇амад̇т̇ам̣ багаасзд̇ум̣ ‘‘виж̇иг̇ужчамаанассаа’’д̇иаад̣̇инаа наязна виссаж̇ж̇анамаарад̣̇д̇хо. д̇ад̇т̇а батамаг̇аат̇ааяа д̇аавад̇т̇о – ж̇аад̇иаад̣̇ийхи виж̇иг̇ужчамаанасса рид̇д̇аасанам̣ саяанам̣ сзвад̇о жз самб̣од̇хигаамасса саарибуд̇д̇а, бхигкуно яад̣̇ид̣̇ам̣ паасу яо паасувихааро яат̇аануд̇хаммам̣ яо жа ануд̇хаммо, д̇ам̣ д̇з бавагкаами яат̇аа баж̇аанам̣ яат̇аа баж̇аананд̇о вад̣̇зяяа, звам̣ вад̣̇аамийд̇и.
970. Evaṃ āyasmatā sāriputtena tīhi gāthāhi bhagavantaṃ thometvā pañcahi gāthāhi – pañcasatānaṃ sissānamatthāya senāsanagocarasīlavatādīni pucchito bhagavā tamatthaṃ pakāsetuṃ ‘‘vijigucchamānassā’’tiādinā nayena vissajjanamāraddho. Tattha paṭhamagāthāya tāvattho – jātiādīhi vijigucchamānassa rittāsanaṃ sayanaṃ sevato ce sambodhikāmassa sāriputta, bhikkhuno yadidaṃ phāsu yo phāsuvihāro yathānudhammaṃ yo ca anudhammo, taṃ te pavakkhāmi yathā pajānaṃ yathā pajānanto vadeyya, evaṃ vadāmīti.
971. д̣̇уд̇ияаг̇аат̇ааяа барияанд̇ажаарийд̇и сийлаад̣̇ийсу жад̇уусу барияанд̇зсу жарамаано. д̣ам̣саад̇хибаад̇аананд̇и бин̇г̇аламагкигаанан̃жа сзсамагкигаанан̃жа. сзсамагкигаа хи д̇ад̇о д̇ад̇о ад̇хибад̇ид̇ваа каад̣̇анд̇и, д̇асмаа ‘‘ад̇хибаад̇аа’’д̇и вужжанд̇и. мануссапассаананд̇и жораад̣̇ипассаанам̣.
971. Dutiyagāthāya pariyantacārīti sīlādīsu catūsu pariyantesu caramāno. Ḍaṃsādhipātānanti piṅgalamakkhikānañca sesamakkhikānañca. Sesamakkhikā hi tato tato adhipatitvā khādanti, tasmā ‘‘adhipātā’’ti vuccanti. Manussaphassānanti corādiphassānaṃ.
972. д̇ад̇ияаг̇аат̇ааяа барад̇хаммигаа наама сад̇д̇а сахад̇хаммигаваж̇ж̇аа саб̣б̣зби б̣аахирагаа. гусалаанузсийд̇и гусалад̇хаммз анвзсамаано.
972. Tatiyagāthāya paradhammikā nāma satta sahadhammikavajjā sabbepi bāhirakā. Kusalānuesīti kusaladhamme anvesamāno.
973. жад̇уд̇т̇аг̇аат̇ааяа аад̇ан̇гапассзнаад̇и рог̇апассзна. сийд̇ам̣ ад̇ун̣ханд̇и сийд̇ан̃жа ун̣хан̃жа. со д̇зхи пудто б̣ахуд̇хаад̇и со д̇зхи аад̇ан̇гаад̣̇ийхи анзгзхи аагаарзхи пудто самааноби. аногод̇и абхисан̇кааравин̃н̃аан̣аад̣̇ийнам̣ аногаасабхууд̇о.
973. Catutthagāthāya ātaṅkaphassenāti rogaphassena. Sītaṃ atuṇhanti sītañca uṇhañca. So tehi phuṭṭho bahudhāti so tehi ātaṅkādīhi anekehi ākārehi phuṭṭho samānopi. Anokoti abhisaṅkhāraviññāṇādīnaṃ anokāsabhūto.
974. звам̣ ‘‘бхигкуно виж̇иг̇ужчад̇о’’д̇иаад̣̇ийхи д̇ийхи г̇аат̇аахи будтамад̇т̇ам̣ виссаж̇ж̇зд̇ваа ид̣̇аани ‘‘гяаасса б̣яаббат̇аяо’’д̇иаад̣̇инаа наязна будтам̣ виссаж̇ж̇знд̇о ‘‘т̇зяяам̣ на гаарз’’д̇иаад̣̇имааха. д̇ад̇т̇а пассзд̇и парзяяа . яад̣̇аавилад̇д̇ам̣ манасо виж̇ан̃н̃аад̇и яам̣ жид̇д̇асса аавилад̇д̇ам̣ виж̇аанзяяа, д̇ам̣ саб̣б̣ам̣ ‘‘ган̣хасса багко’’д̇и винод̣̇аязяяа.
974. Evaṃ ‘‘bhikkhuno vijigucchato’’tiādīhi tīhi gāthāhi puṭṭhamatthaṃ vissajjetvā idāni ‘‘kyāssa byappathayo’’tiādinā nayena puṭṭhaṃ vissajjento ‘‘theyyaṃ na kāre’’tiādimāha. Tattha phasseti phareyya . Yadāvilattaṃ manaso vijaññāti yaṃ cittassa āvilattaṃ vijāneyya, taṃ sabbaṃ ‘‘kaṇhassa pakkho’’ti vinodayeyya.
975. мууламби д̇зсам̣ баликан̃н̃а д̇идтзд̇и д̇зсам̣ год̇хаад̇имаанаанам̣ яам̣ авиж̇ж̇аад̣̇игам̣ муулам̣, д̇амби баликан̣ид̇ваа д̇идтзяяа. ад̣̇д̇хаа бхаванд̇о абхисамбхавзяяаад̇и звам̣ бияаббияам̣ абхибхаванд̇о згам̣сзнзва абхибхавзяяа, на д̇ад̇ра сит̇илам̣ бараггамзяяаад̇и ад̇хиббааяо.
975.Mūlampi tesaṃ palikhañña tiṭṭheti tesaṃ kodhātimānānaṃ yaṃ avijjādikaṃ mūlaṃ, tampi palikhaṇitvā tiṭṭheyya. Addhā bhavanto abhisambhaveyyāti evaṃ piyappiyaṃ abhibhavanto ekaṃseneva abhibhaveyya, na tatra sithilaṃ parakkameyyāti adhippāyo.
976. бан̃н̃ам̣ бурагкад̇ваад̇и бан̃н̃ам̣ буб̣б̣ан̇г̇амам̣ гад̇ваа. галяаан̣абийд̇ийд̇и галяаан̣ааяа бийд̇ияаа саманнааг̇ад̇о. жад̇уро сахзт̇а барид̣̇звад̇хаммзд̇и ананд̇араг̇аат̇ааяа вужжамаанз барид̣̇званийяад̇хаммз сахзяяа.
976.Paññaṃ purakkhatvāti paññaṃ pubbaṅgamaṃ katvā. Kalyāṇapītīti kalyāṇāya pītiyā samannāgato. Caturo sahetha paridevadhammeti anantaragāthāya vuccamāne paridevanīyadhamme saheyya.
977. гим̣суу асиссаамийд̇и гим̣ бхун̃ж̇иссаами. гувам̣ ваа асиссанд̇и гухим̣ ваа асиссаами. д̣̇угкам̣ вад̇а сзд̇т̇а гваж̇ж̇а сзссанд̇и имам̣ рад̇д̇им̣ д̣̇угкам̣ саяим̣, аж̇ж̇а ааг̇аманарад̇д̇им̣ гад̇т̇а саяиссам̣. зд̇з вид̇аггзд̇и зд̇з бин̣д̣абаад̇аниссид̇з д̣̇вз, сзнаасананиссид̇з д̣̇взд̇и жад̇д̇ааро вид̇аггз. анигзд̇ажаарийд̇и абалиб̣од̇хажаарий нид̇д̇ан̣хажаарий.
977.Kiṃsū asissāmīti kiṃ bhuñjissāmi. Kuvaṃ vā asissanti kuhiṃ vā asissāmi. Dukkhaṃ vata settha kvajja sessanti imaṃ rattiṃ dukkhaṃ sayiṃ, ajja āgamanarattiṃ kattha sayissaṃ. Ete vitakketi ete piṇḍapātanissite dve, senāsananissite dveti cattāro vitakke. Aniketacārīti apalibodhacārī nittaṇhacārī.
978. гаалзд̇и бин̣д̣абаад̇агаалз бин̣д̣абаад̇асан̇каад̇ам̣ аннам̣ ваа жийварагаалз жийварасан̇каад̇ам̣ васанам̣ ваа лад̣̇д̇хаа д̇хаммзна самзнаад̇и ад̇хиббааяо. мад̇д̇ам̣ со ж̇ан̃н̃аад̇и бадиг̇г̇ахан̣з жа барибхог̇з жа со бамаан̣ам̣ ж̇аанзяяа. ид̇хаад̇и саасанз, нибаад̇амад̇д̇амзва ваа зд̇ам̣. д̇осанад̇т̇анд̇и санд̇осад̇т̇ам̣, зд̇ад̣̇ад̇т̇ам̣ мад̇д̇ам̣ ж̇аанзяяаад̇и вуд̇д̇ам̣ ход̇и. со д̇зсу г̇уд̇д̇од̇и со бхигку д̇зсу бажжаязсу г̇уд̇д̇о. яад̇ажаарийд̇и сам̣яад̇авихааро , рагкид̇ирияаабат̇о рагкид̇агааяаважийманод̣̇вааро жаад̇и вуд̇д̇ам̣ ход̇и. ‘‘яад̇ижаарий’’д̇иби баато, соязвад̇т̇о. русид̇од̇и росид̇о, гхаддид̇од̇и вуд̇д̇ам̣ ход̇и.
978.Kāleti piṇḍapātakāle piṇḍapātasaṅkhātaṃ annaṃ vā cīvarakāle cīvarasaṅkhātaṃ vasanaṃ vā laddhā dhammena samenāti adhippāyo. Mattaṃ so jaññāti paṭiggahaṇe ca paribhoge ca so pamāṇaṃ jāneyya. Idhāti sāsane, nipātamattameva vā etaṃ. Tosanatthanti santosatthaṃ, etadatthaṃ mattaṃ jāneyyāti vuttaṃ hoti. So tesu guttoti so bhikkhu tesu paccayesu gutto. Yatacārīti saṃyatavihāro , rakkhitiriyāpatho rakkhitakāyavacīmanodvāro cāti vuttaṃ hoti. ‘‘Yaticārī’’tipi pāṭho, soyevattho. Rusitoti rosito, ghaṭṭitoti vuttaṃ hoti.
979. жхаанаануяуд̇д̇од̇и анубаннуббаад̣̇анзна уббаннаасзванзна жа жхаанз ануяуд̇д̇о. убзгкамаараб̣бха самаахид̇ад̇д̇од̇и жад̇уд̇т̇аж̇жхаанубзгкам̣ уббаад̣̇зд̇ваа самаахид̇ажид̇д̇о. д̇аггаасаяам̣ гуггужжияуубачинд̣̇зд̇и гаамавид̇аггаад̣̇им̣ д̇агган̃жа , гаамасан̃н̃аад̣̇им̣ д̇асса д̇аггасса аасаяан̃жа, хад̇т̇агуггужжаад̣̇им̣ гуггужжияан̃жа убажчинд̣̇зяяа.
979.Jhānānuyuttoti anupannuppādanena uppannāsevanena ca jhāne anuyutto. Upekkhamārabbha samāhitattoti catutthajjhānupekkhaṃ uppādetvā samāhitacitto. Takkāsayaṃ kukkucciyūpachindeti kāmavitakkādiṃ takkañca , kāmasaññādiṃ tassa takkassa āsayañca, hatthakukkuccādiṃ kukkucciyañca upacchindeyya.
980. жуд̣̇ид̇о важийбхи сад̇имаабхинанд̣̇зд̇и убаж̇жхааяаад̣̇ийхи ваажаахи жод̣̇ид̇о самаано сад̇имаа худ̇ваа д̇ам̣ жод̣̇анам̣ абхинанд̣̇зяяа. ваажам̣ бамун̃жз гусаланд̇и н̃аан̣асамудтид̇ам̣ ваажам̣ бамун̃жзяяа. наад̇ивзланд̇и ад̇ивзлам̣ бана ваажам̣ гаалавзлан̃жа сийлавзлан̃жа ад̇игганд̇ам̣ наббамун̃жзяяа. ж̇анаваад̣̇ад̇хаммааяаад̇и ж̇анаваад̣̇агат̇ааяа. на жзд̇аязяяаад̇и жзд̇анам̣ на уббаад̣̇зяяа.
980.Cudito vacībhi satimābhinandeti upajjhāyādīhi vācāhi codito samāno satimā hutvā taṃ codanaṃ abhinandeyya. Vācaṃ pamuñce kusalanti ñāṇasamuṭṭhitaṃ vācaṃ pamuñceyya. Nātivelanti ativelaṃ pana vācaṃ kālavelañca sīlavelañca atikkantaṃ nappamuñceyya. Janavādadhammāyāti janavādakathāya. Na cetayeyyāti cetanaṃ na uppādeyya.
981. ат̇аабаранд̇и ат̇а ид̣̇аани ид̇о барамби. бан̃жа раж̇аанийд̇и руубарааг̇аад̣̇ийни бан̃жа раж̇аани. язсам̣ сад̇иймаа винаяааяа сигкзд̇и язсам̣ убадтид̇ассад̇и худ̇ваа винаяанад̇т̇ам̣ д̇иссо сигкаа сигкзяяа. звам̣ сигканд̇о хи руубзсу…бз… пассзсу сахзт̇а рааг̇ам̣, на ан̃н̃зд̇и.
981.Athāparanti atha idāni ito parampi. Pañca rajānīti rūparāgādīni pañca rajāni. Yesaṃ satīmā vinayāya sikkheti yesaṃ upaṭṭhitassati hutvā vinayanatthaṃ tisso sikkhā sikkheyya. Evaṃ sikkhanto hi rūpesu…pe… phassesu sahetha rāgaṃ, na aññeti.
982. д̇ад̇о со д̇зсам̣ винаяааяа сигканд̇о ануггамзна – зд̇зсу д̇хаммзсууд̇и г̇аат̇аа. д̇ад̇т̇а зд̇зсууд̇и руубаад̣̇ийсу. гаалзна со саммаа д̇хаммам̣ баривиймам̣самаанод̇и со бхигку явааяам̣ ‘‘уд̣̇д̇хад̇з жид̇д̇з самаад̇хисса гаало’’д̇иаад̣̇инаа наязна гаало вуд̇д̇о, д̇зна гаалзна саб̣б̣ам̣ сан̇кад̇ад̇хаммам̣ анижжаад̣̇инаязна баривиймам̣самаано. згод̣̇ибхууд̇о виханз д̇амам̣ сод̇и со згаг̇г̇ажид̇д̇о саб̣б̣ам̣ мохаад̣̇ид̇амам̣ виханзяяа. над̇т̇и зд̇т̇а сам̣саяо. сзсам̣ саб̣б̣ад̇т̇а баагадамзва.
982. Tato so tesaṃ vinayāya sikkhanto anukkamena – etesu dhammesūti gāthā. Tattha etesūti rūpādīsu. Kālena so sammā dhammaṃ parivīmaṃsamānoti so bhikkhu yvāyaṃ ‘‘uddhate citte samādhissa kālo’’tiādinā nayena kālo vutto, tena kālena sabbaṃ saṅkhatadhammaṃ aniccādinayena parivīmaṃsamāno. Ekodibhūto vihane tamaṃ soti so ekaggacitto sabbaṃ mohāditamaṃ vihaneyya. Natthi ettha saṃsayo. Sesaṃ sabbattha pākaṭameva.
звам̣ бхаг̇аваа арахад̇д̇анигуудзна д̣̇зсанам̣ нидтаабзси. д̣̇зсанаабарияосаанз бан̃жасад̇аа бхигкуу арахад̇д̇ам̣ бад̇д̇аа, д̇им̣сагодисан̇кяаанан̃жа д̣̇звамануссаанам̣ д̇хаммаабхисамаяо ахосийд̇и.
Evaṃ bhagavā arahattanikūṭena desanaṃ niṭṭhāpesi. Desanāpariyosāne pañcasatā bhikkhū arahattaṃ pattā, tiṃsakoṭisaṅkhyānañca devamanussānaṃ dhammābhisamayo ahosīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа саарибуд̇д̇асуд̇д̇аван̣н̣анаа нидтид̇аа.
Suttanipāta-aṭṭhakathāya sāriputtasuttavaṇṇanā niṭṭhitā.
нидтид̇о жа жад̇уд̇т̇о ваг̇г̇о ад̇т̇аван̣н̣анаанаяад̇о, наамзна
Niṭṭhito ca catuttho vaggo atthavaṇṇanānayato, nāmena
адтагаваг̇г̇од̇и.
Aṭṭhakavaggoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 16. саарибуд̇д̇асуд̇д̇ам̣ • 16. Sāriputtasuttaṃ
