| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
21. ஏகவீஸதிமவக்³கோ³
21. Ekavīsatimavaggo
1. ஸாஸனகதா²வண்ணனா
1. Sāsanakathāvaṇṇanā
878. இதா³னி ஸாஸனகதா² நாம ஹோதி. தத்த² திஸ்ஸோ ஸங்கீ³தியோ ஸந்தா⁴ய ‘‘ஸாஸனங் நவங் கத’’ந்தி ச ‘‘அத்தி² கோசி ததா²க³தஸ்ஸ ஸாஸனங் நவங் கரோதீ’’தி ச ‘‘லப்³பா⁴ ததா²க³தஸ்ஸ ஸாஸனங் நவங் காது’’ந்தி ச யேஸங் லத்³தி⁴, ஸெய்யதா²பி ஏகச்சானங் உத்தராபத²கானங்; தே ஸந்தா⁴ய தீஸுபி கதா²ஸு புச்சா² ஸகவாதி³ஸ்ஸ, படிஞ்ஞா இதரஸ்ஸ. ஸதிபட்டா²னாதிஆதி³ ஸாஸனங் நாம ஸதிபட்டா²னாத³யோ சேவ அரியத⁴ம்மா, குஸலாதீ³னஞ்ச தே³ஸனா. தத்த² யேஸங் ப⁴க³வதா தே³ஸிதா ஸதிபட்டா²னாத³யோ, ட²பெத்வா தே அஞ்ஞேஸங் வா ஸதிபட்டா²னாதீ³னங் கரணேன அகுஸலாதீ³னங் வா குஸலாதி³பா⁴வகரணேன ஸாஸனங் நவங்கதங் நாம ப⁴வெய்ய, கிங் தங் ஏவங் கதங் கேனசி, அத்தி² வா கோசி ஏவங் கரோதி, லப்³பா⁴ வா ஏவங் காதுந்தி தீஸுபி புச்சா²ஸு சோத³னத்த²ங் வுத்தங். ஸேஸங் ஸப்³ப³த்த² யதா²பாளிமேவ நிய்யாதீதி.
878. Idāni sāsanakathā nāma hoti. Tattha tisso saṅgītiyo sandhāya ‘‘sāsanaṃ navaṃ kata’’nti ca ‘‘atthi koci tathāgatassa sāsanaṃ navaṃ karotī’’ti ca ‘‘labbhā tathāgatassa sāsanaṃ navaṃ kātu’’nti ca yesaṃ laddhi, seyyathāpi ekaccānaṃ uttarāpathakānaṃ; te sandhāya tīsupi kathāsu pucchā sakavādissa, paṭiññā itarassa. Satipaṭṭhānātiādi sāsanaṃ nāma satipaṭṭhānādayo ceva ariyadhammā, kusalādīnañca desanā. Tattha yesaṃ bhagavatā desitā satipaṭṭhānādayo, ṭhapetvā te aññesaṃ vā satipaṭṭhānādīnaṃ karaṇena akusalādīnaṃ vā kusalādibhāvakaraṇena sāsanaṃ navaṃkataṃ nāma bhaveyya, kiṃ taṃ evaṃ kataṃ kenaci, atthi vā koci evaṃ karoti, labbhā vā evaṃ kātunti tīsupi pucchāsu codanatthaṃ vuttaṃ. Sesaṃ sabbattha yathāpāḷimeva niyyātīti.
ஸாஸனகதா²வண்ணனா.
Sāsanakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (200) 1. ஸாஸனகதா² • (200) 1. Sāsanakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 1. ஸாஸனகதா²வண்ணனா • 1. Sāsanakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 1. ஸாஸனகதா²வண்ணனா • 1. Sāsanakathāvaṇṇanā
